သတင်း၊ နည်းပညာ၊ ဆော့ဝဲလ်နှင့် ဗဟုသုတများ

18 October, 2012

ဦးဌေးဝင်း(ဒုတိယညွှန်ကြားရေးမှူး၊ ဧရာဝတီတိုင်းလွှတ်တော်ရုံး) ကို စစ်ဆေးစေလို

Bookmark and Share [ ]



ပြည်သူ့တိုင်ကြားစာ

ကိုဆိုင်မွန်ရေ...
ပထမဦးဆုံး ကျွန်တော်ရဲ့စာလေးကိုတော့ မပယ်လိုက်ပါနဲ့ဗျာလို့တောင်းပန်လိုပါတယ်။
ကျေးဇူးပြုပြီးတင် ပေးပါဗျာ။ ကျွန်တော်ကအရင်ကဒီလိုပို့ရင်ရတယ်မသိလို့ ကြိတ်မှိတ်ခံခဲ့ရတာပါ။

ဒီလိုပါ။ ကျွန်တော်ကမိတ္ထီလာ၊ ပေါက်ချောင်းရပ်ကွက်ကပါ။ ဖြစ်ခဲ့တာကတော့လွန်ခဲ့တဲ့နှစ်လလောက်ကပါ။
အခု နာမည်ကြီး နေတဲ့ ဧရာဝတီတိုင်းလွှတ်တော်ရုံးကအကြီ်းအမှူးတစ်ယောက်ပေါ့ဗျာ။ သူ့နာမည်က ဦးဌေးဝင်း၊ ရာထူးကဒုတိယညွှန်ကြားရေးမှူးပါ။ လွှတ်တော်ဥက္ကဋ္ဌကြီးဦးဆန်းဆင့်ဂုဏ်သတင်းမွှေးသလောက် အဲဒီ ဦးဌေးဝင်း ကတော့ ကျွန်တော်တို့ရပ်ကွက်ထဲမှာချဉ်ဖတ်ကြီးပါဗျာ။

ဦးဌေးဝင်းက လွန်ခဲ့တဲ့နှစ်လလောက် သူ့ယောက္ခမဆုံးတော့သူ့ယောက္ခမအသုဘအတွက် လူမစည်မှာစိုးလို့တဲ့ဗျာ။ ရပ်ကွက်ဥက္ကဋ္ဌ ကနေ တဆင့်ရပ်ကွက်သူရပ်ကွက်သားတွေကို လူအယောက် ၁၀၀ မလိုက်မနေရဆိုပြီးဆင့်ခေါ်တယ်ဗျာ။ အဲသလောက်လုပ်ခွင့်ရှိလားလို့လွှတ်တော်ဥက္ကဋ္ဌကြီးဦးဆန်းဆင့်ကို ကျွန်တော်မေးပါရစေဗျာ။

လွှတ်တော်ဥက္ကဋ္ဌကြီးဦးဆန်းဆင့်ခင်ဗျား လူကြီးမင်းက ပြည်သူတွေရဲ့အသံကိုနားထောင်ပေးနေတယ်ဆို။
ကျွန်တော်တုိ့ဒုက္ခကိုလည်းနားထောင်ပေးပါခင်ဗျာ။
ကိုယ်နဲ့လုံးဝမသိတဲ့လူတစ်ယောက်ရဲ့ နာရေးကိစ္စကို လိုက်ရတယ်ဆိုတာမကောင်းပါဘူးဗျာ။
လူကြီးမင်းစဉ်းစားစေလိုပါတယ်။

ဒီလိုလူမျိုးတွေရှိနေရင်တိုင်းပြည်ဘယ်လိုလုပ်တိုးတက်မလဲဗျာ။ ပြည်သူတွေကိုဖိနှိပ်နေတာကတော့လွန်ပါတယ်။

ကျွန်တော် ပြောချင်တာက သူကမိတ္ထီလာမှာတာဝန်ကျနေလို့၊အသိမိတ်ဆွေမရှိလို့ဆိုရင်တော်ပါသေးတယ်။ အခု ကိစ္စက
အဝေးကြီးကနေအမိန့်ပေးခိုင်းစေနေတဲ့ ၀န်ထမ်းဆိုး၊အကျင့်ပျက်ဝန်ထမ်းမျိုးကို လူကြီးမင်း သိသင့်ပါတယ်ခင်ဗျား။
သူ့အနားမှာနေရတဲ့ ၀န်ထမ်းတွေပေါ်ဆို တော်တော်အနိုင်ကျင့်မယ်လူမျုိးလို့မြင်မိတယ်ခင်ဗျာ။ လူကြီးမင်းစစ်ဆေးပေးလိုပါတယ်ခင်ဗျား။ ဦးဌေးဝင်းသာမိတ္ထီလာမှာတာဝန်ကျမယ် ဆိုရင်တော့ ကျွန်တော်တို့မိတ္ထီလာမြို့ကြီးတော့ပျက်စီးမှာအမှန်ပဲဗျာ။ ကျွန်တော်တို့ ဖြစ်ဖြစ်ချင်းတော့ပြောကြမလို့ပါပဲဗျာ။ ဒါပေမယ့် ဘယ်လိုလုပ်ရမလဲမသိဘူး။ အခုတော့
ဂျာနယ်တွေထဲမှာလည်းလူကြီးမင်းက ရေဘေးဒုက္ခသည်တွေကိုလိုက်လံကူညီစောင့်ရှောက်နေတာတွေမြင်ရတော့ အရမ်းအားကိုးမိတယ်ဗျာကျွန်တော်တို့ ဧရာဝတီတိုင်းသားတောင်ဖြစ်ချင်လာတယ်။

ပြီးတော့ ပြည်သူတွေကိုဂရုစိုက်တာကလည်း ကိုယ့်သားသမီးလိုပဲဗျာ။ အရမ်းလေးစားပါတယ်။

ဦးဌေးဝင်း(ဒုတိယညွှန်ကြားရေးမှူး၊ ဧရာဝတီတိုင်းလွှတ်တော်ရုံး) ကို
စစ်ဆေးပြီး နောက်မလုပ်အောင် သတိပေးစေလိုပါတယ် လွှတ်တော် ဥက္ကဋ္ဌကြီး
ဦးဆန်းဆင့်ခင်ဗျား။

တာဝန်သိပြည်သူတစ်ဦး
ပေါက်ချောင်းရပ်ကွက်
မိတ္ထီလာမြို့

No comments:

Comment here