နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Monday, August 18, 2014

မြောက်ဦး မြို့တွင် ထားရှိမည့် ဦးဥတ္တမ ကြေးရုပ်ထု သွန်းလုပ် ပြီးစီး



(နိရဉ္စရာ- ၁၈ သြဂုတ် ၂၀၁၄) / မောင်အေး

မြောက်ဦးမြို့ အနော်မာ ပန်းခြံတွင်ထားရန် ကြေးပိသာချိန် ၃၀၀ ခန့် အသုံးပြု ပြီး သွန်းလုပ်နေသည့် ဆရာတော် ဦးဥတ္တမ
ရုပ်ထုတော် မှာ ယခု အခါ ပြီးစီး သွားပြီ ဖြစ်ကြောင်း သိရသည်။

ယခုကဲ့သို့ ကြေးရုပ်ထု သွန်းလုပ် ရသည့် ရည်ရွယ်ချက်ကို မြောက်ဦးမြို့ မှ ဦးမောင်ကျော်ဇော က ယခု ကဲ့သို့ ပြောသည်။

“ဆရာတော် ဦးဥတ္တမ ဆိုတာက အားလုံးသိတဲ့ အတိုင်း ကျွန်တော်တို့ မြန်မာ နိုင်ငံ တခုတည်း အတွက် သာမက အာရှ
တခုလုံး နိုင်ငံရေး အမြင်ကို မြှင့်တင် ပေးခဲ့တယ်။ စတင်ပေး ခဲ့တဲ့ ပုဂ္ဂိုလ် ဖြစ် တယ်။ နောက်ပြီး စစ်တွေ မြို့ ဖွား ရခိုင်လူ
မျိုးဖြစ်တဲ့ အတွက် သမိုင်း အဆက် ဆက်မှာ ဆရာတော် ကို မေ့ ပျောက် ထားခဲ့တာ ပယ်ဖျောက်ထားခဲ့ တာတွေကို ပြန်
ပြီး အခုခေတ် လူငယ်တွေ ဆရာတော် အကြောင်းကို သိအောင်၊ မိမိတို့ ရခိုင်မျိုး အတွက် ဂုဏ်ယူ တတ်လာအောင် ပြီး
တော့ ဆရာတော် ရဲ့ လုပ်ရပ် တွေကို အတု ယူပြီး တချိန် ချိန်မှာ ခေါင်းဆောင် တတ်အောင် ဆိုတဲ့ ရည်ရွယ် ချက်နဲ့ လုပ်
တာဖြစ် တယ်” ဟု ဆိုသည်။

ဦးဥတ္တမ ကြေးရုပ် ထုကို မြောက်ဦး မြို့နယ် တခုလုံးမှ စေတနာရှင် များ၏ စုပေါင်း အလှူ ထည့်ဝင် မှုဖြင့် မြောက်ဦးမြို့
ကြေးသွန်း ဆရာကြီး ဦးကျော်သာညွန့်မှ ၆ လခန့် အချိန်ယူ သွန်းလုပ် ခဲ့ခြင်း ဖြစ်သည်။

သွန်းလုပ် ပြီးစီးသွား ပြီဖြစ်သည့် ဆရာတော် ရုပ်ထုကို ယခုလ၂၂ ရက်နေ့တွင် မြောက်ဦးမြို့ တပတ် လှည့်လည် အပူ
ဇော် ခံမည်ကြောင်း သိရသည်။

လာမည့် စက်တင်ဘာလ ၉ ရက်နေ့တွင် ကျရောက်မည့် ဆရာ ဦးဥတ္တမ (၇၅) နှစ်မြောက် စိန်ရတု နှစ်ပတ်လည်နေ့တွင်
အဆိုပါ ရုပ်ထုကို အခမ်း အနား များဖြင့် အနော်မာ ပန်းခြံတွင် ဖွင့်လှစ်ရန် စီစဉ်ထား ကြောင်းလည်း ဦးမောင်ကျော်ဇော
က ယခုကဲ့သို့ ဆက်ပြောသည်။

“ အဲဒီနေ့မှာ ဆရာတော် ရုပ်ထုကို အနော်မာ ပန်းခြံမှာ ဖွင့်ပွဲ လုပ်မယ်။ ဆရာတော် ရုပ်ထုရှေ့မှာ နိုင်ငံရေး ပါတီတွေက
ပန်းခွေတွေ ချမယ်။ သံဃာတော် တွေကို ပင့်ဖိတ်ပြီး ဆွမ်းကျွေး အလှူ အတန်း လုပ်မယ်။ ပြီးတော့ ဆရာတော်နဲံ ပတ်
သက်တဲ့ နံရပ်ကပ် စာစောင်တွေ၊ စာစီစာကုံး ပြိုင်ပွဲ တွေလည်း ထည့်သွင်းဖို့ စီစဉ်ထား ပါတယ်။”

ဆရာတော် ကြေးရုပ် ထုကို ထားရှိမည့် သျှစ်သောင်း ဘုရား အနီးရှိ အနော်မာ ပန်းခြံ ကိုလည်း ဦးဥတ္တမ ပန်းခြံ အဖြစ်
ပြောင်းလဲ သတ်မှတ် သွားမည် ဖြစ်ကြောင်း ဦးမောင်ကျော်ဇော က ပြောဆိုသည်။

နိဉ္စရာ-သတင်းဋ္ဌာန by admin

No comments:

smy909@gmail.com