နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Saturday, February 21, 2015

သောက်သုံးရန် မသင့်သည့် ရေသန့် ၇၃ မျိုး အစိုးရ ထုတ်ပြန်




ပြည်သူများ အကြား ဝေဖန်မှုတွေ ရှိနေတာကြောင့် သောက်သုံးရန် မသင့်တဲ့ ရေသန့် ၇၃ မျိုးကို
အစိုးရက ဒီနေ့ထုတ်ပြန်လိုက်ပါတယ်။

သောက်သုံးရန် မသင့်တဲ့ ရေသန့် aတွကို ကျန်းမာရေး ၀န်ကြီးဌာန၊ အစား အသောက်နဲ့ ဆေးဝါး
ကွပ်ကဲရေး ဦးစီးဌာနက အရည် အသွေး မှီ မမှီ စစ်ဆေး ထားခြင်း မရှိတဲ့ အတွက် ရေသန့်အရည်
အသွေး အာမခံချက် မရှိဘူးလို့ ကြေညာချက်မှာ ဖော်ပြ ထားပါတယ်။

သောက်သုံးဖို့ မသင့်ဖို့ ကြေညာတဲ့ ရေသန့်တွေ ထဲမှာ ဧရာဝတီ တိုင်းနဲ့ တနင်္သာရီ တိုင်း ဒေသကြီး
လိပ်စာတွေနဲ့ ထုတ်ဝေနေတဲ့ Zhulian အမျိုးအစား ၁၃ မျိုး အနှိုင်းမဲ့ သောက်ရေသန့် ဧရာဝတီတိုင်း
က Beyond Water သောက်ရေသန့်၊ ရန်ကုန်တိုင်း ဒေသကြီးမှာ ထုတ်ဝေနေတဲ့ Apolo၊ ရပ်မိရပ်ဖ၊
Seven Elevenနဲ့ OMIZU သောက်ရေသန့်၊ မန္တလေးတိုင်း ဒေသကြီးမှာ ထုတ်ဝေနေတဲ့ Star Sky
Blue၊ လွင်မင်းခန့်၊ အောင်၊၊ So Pyay ၊ BA၊ ရွှေယမင်းနဲ့ ရွှေ့မြို့တော် သောက်ရေသန့်အပါအ၀င်
၇၃ မျိုးကို ကြေညာတာ ဖြစ်ပါတယ်။

မနှစ်ကပြုလုပ်ခဲ့တဲ့ ကျန်းမာရေး ၀န်ကြီးဌာနရဲ့ စာတမ်း ဖတ်ပွဲတခု အတွင်း မြန်မာနိုင်ငံမှာ ထုတ် လုပ်ဖြန့်ဖြူးရောင်းချနေတဲ့ ရေသန့် ၂၀ ကျော်ဟာ သောက်သုံးရန်မသင့်ဘူးလို့ ဖော်ပြပါရှိခဲ့ပြီးတဲ့
နောက် ပြည်သူတွေက ဘယ် ရေသန့်တွေ သောက်ဖို့ မသင့်ဘူးလဲဆိုတာ ထုတ်ပြန်ကြေညာပေး
ဖို့ တောင်းဆိုနေကြတာ ဖြစ်ပါတယ်။

ဒါပေမယ့် အခုထုတ်ပြန်လိုက်တဲ့ သောက်သုံးဖို့ မသင့်တဲ့ သောက်ရေသန့် အမျိုးအစားတွေကတော့
အဲ့ဒီစာတမ်းပါ သောက်ရေသန့် ဟုတ် မဟုတ် မပြောနိုင်ဘဲ အစားအသောက် ဆေးဝါး ကွပ်ကဲစစ်
ဆေးရေး ဌာနက ပုံမှန်စစ်ဆေးတွေ့ရှိ တာကို ထုတ်ပြန်တာ သာဖြစ်ကြောင်း အဲ့ဒီဌာနက ညွှန်ကြား
ရေးမှူး ဒေါက်တာထွန်းဇော်က ပြောပါတယ်။

သောက်သုံးဖို့မသင့်တဲ့ သောက်ရေသန့် ထုတ်လုပ်သူတွေကို စက်ရုံပိတ်သိမ်းတဲ့အထိ အရေးယူဖို့ လုပ်ဆောင်ထားတယ်လို့ သူက ပြောပါတယ်။

“အဲ့ဒီရေသန့် လိပ်စာပါတဲ့ အုပ်ချုပ်ရေး အာဏာပိုင်တွေကို ကျနော်တို့က ဒီဟာတွေ ဆက်လက်
အရေးယူပေးဖို့ အကြောင်းကြား ထားပါတယ်။ အရေးယူတဲ့ နေရာမှာ အုပ်ချုပ်ရေးပိုင်း ဆိုင်ရာ
အရေးယူမှုနဲ့ ဥပဒေအရ အရေးယူတာ နှစ်ပိုင်း ရှိတာပေါ့နော်။

အဲ့ဒီတော့ အုပ်ချုပ်ရေးပိုင်းဆိုင်ရာ အရေးယူတာကို သက်ဆိုင်ရာ တိုင်း ခရိုင်မြို့နယ် အစားအ
သောက်နဲ့ ဆေးဝါးကြီးကြပ်ကွပ်ကဲရေးကော်မတီကို လုပ်ပိုင်ခွင့် ပေးထားပါတယ်။ သက်ဆိုင်ရာ
တိုင်း ခရိုင် မြို့နယ် အစားအသောက်နဲ့ ဆေးဝါးကြီးကြပ်ကွပ်ကဲရေးကော်မတီတွေက အဲ့ဒီစက်
ရုံတွေကို ပိတ်သိမ်းပိုင်ခွင့် ရှိပါတယ်။”

သူပြောသလို သောက်သုံးရန်မသင့်တဲ့ သောက်ရေသန့်စက်ရုံတွေ ပိတ်သိမ်းခြင်း ရှိ မရှိ် စောင့်
ကြည့်ရမှာဖြစ်ပြီး ကျန်းမာရေးအစားအသောက်စစ်ဆေးရေးဌာန စာရင်းဇယားတွေအရ ပြည်
တွင်းမှာ ထုတ်လုပ်ဖြန့်ချိနေတဲ့ သောက်ရေသန့်အမျိုးအစားပေါင်း ၈၀၀ ကျော် ရှိပါတယ်။

သောက်သုံးရန်မသင့် ရေသန့်အမျိုးအစားများ






မှတ်ချက်။။ စာလုံးတွေသေးလို့ မမြင်ရရင် ပုံပေါ်မှာ ကလစ်နှိပ်၍ ဖတ်နိုင်ပါသည်။

DVB | DVB by ရွှေအောင်
http://burmese.dvb.no/archives/82574

No comments:

smy909@gmail.com