နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Monday, May 30, 2016

ဘုံသဘောတူ မူဝါဒ ရရှိရေး၊ ၃၅ ဖွဲ့ ဆွေးနွေး




တိုင်းရင်းသားတွေ အနေနဲ့ လာမယ့် နိုင်ငံရေး မူဘောင် ရေးဆွဲရေးမှာ သူတို့နဲ့ ကိုက်ညီတဲ့ မူဝါဒတွေ ချပြနုိုင်ဖို့ အတွက် ၂ နှစ် နီးပါးကြာ ဆွေးနွေး ပြုစု ထားတဲ့ မူဝါဒ ၉ ခုကို အချောသတ် ပြုစုပြီး ဘုံသဘော တူညီတဲ့ မူဝါဒတစ်ခု ရရှိဖို့ အတွက် ထိုင်းနိုင်ငံ ချင်းမိုင်မြို့မှာ အလုပ်ရုံ ဆွေးနွေးပွဲ တစ်ခု ကျင်းပ နေပါတယ်။

တိုင်းရင်းသား လူမျိုးများ ရေးရာ စင်တာ (ပြည်ထောင်စု မြန်မာနိုင်ငံ) Ethnic Nationalitice Affairs Center (Union of Burma) ENAC အဖွဲ့က ဦးဆောင်ပြီး တိုင်းရင်းသား လက်နက်ကိုင် ခေါင်းဆောင် ကိုယ်စားလှယ်တွေ အပါအဝင် လူထု အခြေပြု လူမှု အဖွဲ့အစည်း တွေက ကိုယ်စားလှယ်တွေ၊ ပညာရှင်တွေနဲ့ စည်းလုံး ညီညွတ်သော တိုင်းရင်းသား လူမျိုးများ မဟာမိတ် အဖွဲ့ချုပ် UNA က ကိုယ်စားလှယ်တွေ တွေ့ဆုံ ဆွေးနွေးနေ ကြတာနဲ့ ပတ်သက်ပြီး ENAC အဖွဲ့က စီမံကိန်း တာဝန်ခံ ကိုယောထုန်က RFA ကို အခုလို ပြောဆို ပါတယ်။

"ကရင်ပြည်နယ်မှာ ဖြစ်ချင်တဲ့မြေယာဥပဒေနဲ့ ကချင်ပြည်နယ်မှာဖြစ်ချင်တဲ့ မြေယာဥပဒေ၊ ချင်းပြည်နယ် မှာဖြစ်ချင်တဲ့ မြေယာဥပဒေ၊ ရှမ်းပြည်နယ်မှာဖြစ်ချင်တဲ့ မြေယာဥပဒေ ဘယ်လိုမှတူမှာမဟုတ်ဘူး၊ သွားပြီင်္းဆွေးနွေးတဲ့အခါမှာသော်လည်းကောင်း ဒါမှမဟုတ် တကယ်ပဲ စစ်မှန်တဲ့ ဖက်ဒရယ်ဒီမိုကရေစီပြည်ထောင်စုဘက်ကိုရော ဖက်ဒရယ်
ပြည်ထောင်စုဘက်ကိုရော၊ ကျနော်တို့ တကယ်သွားတယ်ဆိုလို့ရှိရင် ပြည်နယ်တစ်ပြည်နယ် ချစ်ကြည်ရင်းနှီးမှု မူဝါဒအလိုက်ဆိုရင်တော့ အဆင်မပြေဘူး၊ အတိုင်းအတာ တစ်ခုအရဆိုရင်တော့ အားလုံး ဗဟိုနားလည်မှုလိုတယ်၊ ကျနော်တို့ ဗဟိုနားလည်မှုယူတဲ့အခါ"

အချောသတ်ဆွေးနွေးနေတဲ့ မူဝါဒတွေကတော့ ကျန်းမာရေး၊ပညာရေး၊ ဒုက္ခသည်များနှင့် IDP နေရပ်ရွှေ့ပြောင်း ဒုက္ခသည်ရေး၊ လူသားချင်းစာနာထောက်ထားမှုဆိုင်ရာ၊ မြေယာ၊ သဘာဝသယံဇာတဆိုင်ရာ၊ စိုက်ပျိုးရေးဆိုင်ရာ၊ အခွန်ကောက်ခံခြင်းဆိုင်ရာ၊ ကုန်သွယ်ရေးနှင့် ရင်းနှီးမြုပ်နှံမှုဆိုင်ရာ စတဲ့ မူဝါဒ ၉ ခုဖြစ်တယ်လို့ သိရပါတယ်။

ဒီအစည်းအဝေးကို တက်ရောက်နေတဲ့ စည်းလုံးညီညွတ်သော တိုင်းရင်းသား လူမျိုးများ မဟာမိတ်အဖွဲ့ချုပ် UNA က အတွင်းရေးမှူးလည်းဖြစ်၊ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD က အထွေထွေ အတွင်းရေးမှူးလည်းဖြစ်တဲ့ ဦးစိုင်းညွန့်လွင်ကတော့ တိုင်းရင်းသားတွေအတွက် ဒီမဝါဒတွေဟာ တိုင်းရင်းသားတွေ အတွက် အရေးကြီးကြောင်း အခုလို ပြောဆိုပါတယ်။

"အရေးကြီးပါတယ် နိုင်ငံရေးအဆက်အနွယ်ပေါ့နော်၊ ပညာရေးမူဝါဒ အစသဖြင့်ပေါ့နော် ၊ ဒါဒီအချိန်မှာတုန်း အားလုံးလုပ်သင့်တယ်၊ ဘယ်အဖွဲ့စည်း ဘယ်အစုအဖွဲ့မဆို လုပ်သင့်တယ်၊ ဘာလို့လဲဆိုတော့ ၂၁ ရာစု ပင်လုံညီလာခံ လုပ်မယ်ဆိုတဲ့အခါကျတော့ တက်နိုင်သလောက် ပြင်ဆင်ထားဖို့အတွက်ပေါ့နော် ဒါတွေက ဝိုင်းဝန်းပြီးတော့ လုပ်ထားဖို့လိုတယ်"

ဒီအစည်းအဝေးကို ပြည်တွင်းပြည်ပက အဖွဲ့အစည်း ၃၅ ဖွဲ့က ကိုယ်စားလှယ် ၇ဝ နီးပါး တက်ရောက် ဆွေးနွေးနေ ကြပါတယ်။

တိုင်းရင်းသား လူမျိုးများရေးရာစင်တာ (ပြည်ထောင်စု မြန်မာနိုင်ငံ) ENAC အဖွဲ့ဟာ မြန်မာနုိုင်ငံ ငြိမ်းချမ်းရေးဖြစ်စဉ်မှာ ထောက်ပံ့ကူညီနုိုင်ဖို့အတွက် ပညာရေးနဲ့ သင်တန်းပို့ချမှုတွေအပြင် မူဝါဒရေးရာကိစ္စတွေကို လေ့လာမှတ်တမ်းပြုစုနေတဲ့ လွတ်လပ်တဲ့အဖွဲ့အစည်းတစ်ခုဖြစ်ပြီး ဒီအဖွဲ့ကို

၂ဝ၁၃ ခုနှစ် ဇူလိုင်လက ဖွဲ့စည်းထူထောင်ခဲ့တာ ဖြစ်တယ်လို့လည်း သိရပါတယ်။

RFA-Myanmar

Originally published at - http://www.rfa.org/burmese/news/35group-discuss-05292016121458.html

No comments:

smy909@gmail.com