နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Thursday, June 02, 2016

ရန်ကုန် စည်ပင်ကော်မတီ ၄ ဦး တာဝန် စတင်ထမ်း




ရန်ကုန်တိုင်း aဒသကြီး အစိုးရ အဖွဲ့က တိုက်ရိုက် ခန့်အပ် လိုက်တဲ့ ရန်ကုန်မြို့တော် စည်ပင် သာယာရေး ကော်မတီဝင် ၄ ဦးဟာ ဒီကနေ့ တာဝန်တွေ စတင် ထမ်းဆောင်နေ ကြပြီ ဖြစ်ပါတယ်။

ခန့်အပ်လိုက်တဲ့ ကော်မတီဝင် ၄ ဦးထဲက စာရေး ဆရာမ ဒေါ်သန်းမြင့်အောင်က လုပ်ငန်း ဌာနတွေကို စတင် လေ့လာနေတယ်လို့ ပြောပါတယ်။

"ကျမတို့က ဒီကနေ့မှာ စရုံးတက် ပြီးတော့ ဌာနတွေကို လိုက်လေ့လာ နေတာပေါ့၊ ကျမတို့ ကော်မတီဝင် ၅ ယောက်ပေါ့နော် ဥက္ကဌ ကတော့ မြို့တော်ဝန်ပေါ့နော်၊ နောက်ပိုင်း စည်ပင်သာယာနဲ့ ပတ်သက်တဲ့ ကိစ္စတွေကို အတူတူ ပူးပေါင်းပြီးတော့ လုပ်သင့် လုပ်ထိုက် တာတွေကို ပူးပေါင်း လုပ်ဆောင်သွားမယ်၊ ကျမတို့ အကောင်းဆုံး လုပ်သွားမှာပါ"

အရင် တိုင်းအစိုးရက ခန့်အပ်ထားတဲ့ ကော်မတီဝင်တွေကို ပြီးခဲ့တဲ့ မေလက တာဝန်ကနေ ရပ်နားခဲ့ ပြီးနောက် ကော်မတီဝင် ၄ ဦးနေရာမှာ အတွင်းရေးမှူး အဖြစ် ဒေါ်လှိုင်မော်ဦး၊ တွဲဖက် အတွင်းရေးမှုး အဖြစ် ဦးသန်း၊ ကော်မတီဝင်တွေ အဖြစ် ဒေါ်မေမေသွင်နဲ့ စာရေးဆရာမ ဒေါ်သန်းမြင့်အောင် တို့ကို ရွေးချယ် ခန့်အပ် လိုက်တာ ဖြစ်ပါတယ်။

အတွင်းရေးမှူးအဖြစ် ခန့်အပ်ခံရတဲ့ ဒေါ်လှိုင်မော်ဦးက ဗိသုကာ ပညာရှင် တစ်ဦးဖြစ်ပြီး တွဲဖက် အတွင်းရေးမှူး ဦးသန်းက စည်ပင်ကော်မတီရဲ့ အကြံပေးအဖြစ် လုပ်ကိုင် ခဲ့ဖူးသူ ဖြစ်ပါတယ်။

ဆရာမ ဒေါ်သန်းမြင့်အောင်က နာရေး ကူညီမှုအသင်းက ပရဟိတ သမား တစ်ဦး ဖြစ်ပြီး၊ ဒေါ်မေမေသွင် ကတော့ ဆည်မြောင်း ၀န်ကြီးဌာနမှာ တာဝန် ထမ်းဆောင် ခဲ့ဖူးသူဖြစ်ပါတယ်။

ရန်ကုန်မြို့တော် စည်ပင်သာယာရေး ကော်မတီမှာ ကော်မတီဝင် စုစုပေါင်း ၈ ဦး ခန့်အပ် ရမှာဖြစ်ပြီး ၄ ဦးကို တိုင်းအစိုးရက တိုက်ရိုက် ခန့်အပ်ပြီး ကျန် ၄ ဦးကို စည်ပင်ရွေးကောက်ပွဲ ကနေ ရွေးချယ် ခန့်အပ်ရမှာ ဖြစ်ပါတယ်။

RFA-Myanmar

Originally published at - http://www.rfa.org/burmese/news/new-ycdc-members-06012016083545.html

No comments:

smy909@gmail.com