နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Thursday, July 07, 2016

ရှမ်းပြည်နယ် စီမံကိန်းတွေ ဆိုင်းငံထား


အထက် ပေါင်းလောင်းဆည် စီမံကိန်း မြင်ကွင်း (ဓာတ်ပုံ – ဂျွန်ချစ်ငြိမ်း)


ရှမ်းပြည်နယ် အတွင်း ပြုလုပ်ဖို့ တင်ပြ ထားတဲ့ စီမံကိန်း ကြီးများ အားလုံးကို ဆက်လက် လုပ်ကိုင်ခွင့်နဲ့ ပတ်သက်ပြီး ပြည်နယ် အစိုးရရဲ့သဘောထား မှတ်ချက်ပေးဖို့ ကိစ္စကို ဆိုင်းငံ ထားဖို့ ပြည်နယ် အစိုးရက ဆုံးဖြတ် ထားတယ်လို့ သိရပါတယ်။

ပြည်နယ် အတွင်း ဆောင်ရွက်ဖို့ တင်ပြ ထားတဲ့ စီမံကိန်း အများ အပြား ရှိပြီး နိုင်ငံတကာ ကုမ္ပဏီ များနဲ့ ပြည်တွင်း ကုမ္ပဏီများ အကျိုးတူ ပူးပေါင်း ဆောင်ရွက်ဖို့ တင်ပြ ထားတာတွေလည်း ပါဝင်ပါတယ်။ ဒီကိစ္စနဲ့ ပတ်သက်ပြီး ရှမ်းပြည်နယ် အစိုးရပြောရေး ဆိုခွင့် ရှိသူ ဦးစိုးညွန့်လွင်က ပြောပါတယ်။

"ပရောဂျက်တွေတင်ထားတာရှိပါတယ်၊၊ သဘောထားမှတ်ချက်တစ်ခုမှ မပေးရသေးဘူး၊ နောက် တစ်ခုတောင်းဆိုရမှာကတော့ ဘယ်ဟာပဲလုပ်လုပ်၊ ပရောဂျက်ကြီးကြီးပဲဖြစ်ဖြစ်၊ သေးသေးပဲဖြစ်ဖြစ်၊ အရင်ပြဿနာတွေရှင်းနေတဲ့ ကာလဖြစ်တော့၊ နောက်ထပ် စီမံကိန်းတွေ၊ သိမ်းတာတွေ၊ လျော်ကြေးပေး တာတွေ၊ နောက်ထပ်ပြဿနာတွေ ကျနော်တို့ မဖြေရှင်းနိုင်သေးဘူး"

ပြီးခဲ့တဲ့ အပတ်အတွင်း တရုတ်နိုင်ငံ Hydro- China ကော်ပိုရေးရှင်းနဲ့ ပြည်တွင်းရှိ IGE ကုမ္ပဏီတို့ ပူးပေါင်းပြီး သံလွင်မြစ်ပေါ်မှာ တည်ဆောက်မယ့် နောင်ဖ ရေအားလျှပ်စစ်စီမံကိန်း လုပ်ဆောင်ဖို့ ပြည်နယ်အစိုးရကို လာရောက်ရှင်းပြခဲ့ပါတယ်။

ဒီစီမံကိန်းနဲ့ပတ်သက်ပြီး ပြည်နယ်အစိုးရအနေနဲ့ ဆောင်ရွက်စရာရှိတဲ့ ကိစ္စတွေအများအပြားရှိပြီး ဒေသခံပြည် သူတွေရဲ့ဆန္ဒသဘောထားကိုသိရှိဖို့ လိုအပ်တာကြောင့် ဒီစီမံကိန်းနဲ့ ပတ်သက်ပြီး သဘောထားမှတ်ချက် ကို ပေးမှာမဟုတ်ဘူးလို့ပြောပါတယ်။

အလားတူ သံလွင်မြစ်ပေါ်မှာ တည်ဆောက်မယ့် တခြားတခြားသော ရေအားလျှပ်စစ်စီမံကိန်းများအတွက်လည်း သဘောထားမှတ်ချက်ပေးမှာ မဟုတ်လို့ ဆုံးဖြတ်ထားတယ်လို့ ဦးစိုးညွန့်လွင်က ပြောပါတယ်။

ရှမ်းပြည်နယ်အတွင်းပြုလုပ်မဲ့ စီမံကိန်းကြီးများ ဆက်လက်လုပ်ဆောင်ခွင့်များအတွက် ပြည်နယ် အစိုးရက သဘောထားမှတ်ချက်ပေးမှာမဟုတ်လို့ သိရပါတယ်။ ဒီကိစ္စနဲ့ပတ်သက်ပြီး ပြည်နယ်အစိုးရ စီမံ/ဘဏ္ဍာ ၀န်ကြီးလည်း ဖြစ် ပြည်နယ်အစိုးရပြောရေးဆိုခွင့်ရှိသူ ဦးစိုးညွှန့်လွင်ကိုဦးတင်အောင်ခိုင်က ဆက် သွယ်မေးမြန်းထားပါတယ်။



RFA-Myanmar

Originally published at - http://www.rfa.org/burmese/news/stop-projects-shan-state-07052016130812.html

No comments:

smy909@gmail.com