နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Thursday, January 12, 2017

မြောက်ကိုရီးယားက နျူထိပ်ဖူး ၁၀ ခု ထုတ်လုပ်နိုင်မည့် ပလူတိုနီယမ် များကို ပိုင်ဆိုင် ထားဖွယ်ရှိဟု တောင် ခန့်မှန်း




ဆိုးလ် ၊ ၁၂-၁-၂၀၁၇

မြောက်ကိုရီးယား နိုင်ငံ အနေဖြင့် ယင်းတို့၏ နည်းပညာကို အခြေခံ၍ နျူကလီးယား ထိပ်ဖူး ၁ဝ ခု ထုတ်လုပ်ရန် ပလူတိုနီယမ် ဒြပ်စင် ကီလိုဂရမ် ၅ဝ ကို ပိုင်ဆိုင် ထားဖွယ် ရှိကြောင်း တောင်ကိုရီးယား ကာကွယ်ရေး ဝန်ကြီး ဌာနမှ စက္ကူဖြူ စာတမ်း တစ်ခု၏ ခန့်မှန်းချက် အရ သိရသည်။

မြောက်ကိုရီးယား နိုင်ငံသည် လွန်ခဲ့သော နှစ်နှစ်အတွင်း ပလူတိုနီယမ် ဒြပ်စင် ၁ဝ ကီလိုဂရမ်ကို ပိုင်ဆိုင်ထားရာမှ ယခုအခါ ကီလိုဂရမ် ၅ဝ အထိ မြင့်တက် လာကြောင်း တောင် ကိုရီးယား ကာကွယ်ရေး ဝန်ကြီးဌာနက ဇန်နဝါရီ ၁၁ ရက်တွင် ထုတ်ပြန်သော ယင်း စာတမ်း၌ ဖော်ပြထားသည်။

ထို့ပြင် ယင်းနိုင်ငံသည် အဆိုပါ ဒြပ်စင်များကို နျူကလီးယား လောင်စာချောင်း များအား ကြိမ်ဖန်များစွာ ပြန်လည်ပြုပြင် စီမံခြင်းဖြင့် ရယူထားကြောင်းနှင့် ယူရေနီယမ် ကြွယ်ဝစွာ ပါဝင်သော ယင်း ဒြပ်စင်သည် နျူကလီးယား ထိပ်ဖူးကို အဆင့်မြှင့်တင် နိုင်ကြောင်း စာတမ်းတွင် ဆက်လက် ဖော်ပြထားသည်။

အလားတူ မြောက်ကိုရီးယား နိုင်ငံ၏ အမြဲတမ်း တပ်ဖွဲ့တွင် ကြည်းတပ်ဖွဲ့ဝင် ၁ ဒသမ ၁ သန်း၊ လေတပ်ဖွဲ့ဝင် ၁၁ဝဝဝဝ နှင့် ရေတပ်ဖွဲ့ဝင် ၆ဝဝဝဝ အပါအဝင် ခန့်မှန်းခြေ အားဖြင့် တပ်ဖွဲ့ဝင် စုစုပေါင်း ၁ ဒသမ ၂၈ သန်းမှ အင်အား အနည်းငယ်သာ ပြောင်းလဲ နိုင်သည်ဟု တောင်ကိုရီးယား ကာကွယ်ရေး ဝန်ကြီးဌာနက ခန့်မှန်းထားပြီး နျူကလီးယား အစီအစဉ်နှင့် ဒုံးကျည် လွှတ်တင်မှု အတွက် မဟာဗျူဟာမြောက် တပ်ဖွဲ့ဝင် ၁ဝဝဝဝ ထိ ထားရှိနိုင်မည်ဟု ယူဆထားကြောင်း သိရသည်။

တောင်ကိုရီးယား ကာကွယ်ရေး ဝန်ကြီးဌာနသည် ၁၉၆၇ ခုနှစ်တွင် ပထမဆုံးအကြိမ် ထုတ်ပြန်သည့် ယင်းစာတမ်းကို ကိုရီးယား ကျွန်းဆွယ်အရေး၊ ကာကွယ်ရေး မူဝါဒနှင့် ပတ်သက်၍ လုံခြုံရေး အခြေအနေ များအား ရှင်းလင်းနိုင်ရန် နှစ်နှစ်တစ်ကြိမ် ထုတ်ပြန်လျက် ရှိကြောင်း သိရသည်။

From : ပြည်ချစ်သား

Originally published at - http://www.pyichitthar.com/2017/01/blog-post_72.html

No comments:

smy909@gmail.com