နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Thursday, January 12, 2017

အသက် ၈၁ နှစ်အရွယ် မော်ဒယ် အဖိုးအို




တရုတ်နိုင်ငံမှ အသက် ၈၁ နှစ် အရွယ် ရှိနေပြီ ဖြစ်တဲ့ ဝမ်ဒက်ရွှမ်းဟာ အသက် အရွယ်နဲ့ မလိုက်အောင် သွက်လက် ဖျတ်လတ် နေတုန်းပါပဲ။

သူဟာ တရုတ် နိုင်ငံရဲ့ ဖက်ရှင် သရုပ်ဖော် တင်ဆက် ပြသမှု တွေမှာ ပါဝင် တင်ဆက် ခဲ့ရာ ကနေ လူသိများ လာခဲ့သူတဦး ဖြစ်တယ်လို့ စီစီတီဗွီ သတင်းမှာ ဒီကနေ့ ဖော်ပြ ပါတယ်။

“ကျနော့်အသက် ၈၀ ရှိပါပြီ။ ကျနော့်မှာ ခုထိအိပ်မက်တွေရှိတယ်။ အမြဲ တခုခုကို လုပ်ချင်နေတုန်းပဲ။ တစုံတရာဟာ ကျနော့်ကို ဖိတ်ခေါ်လိုက်တယ်လို့ ခံစားရရင် ကျနော် ရောက်အောင် သွားချင် မိတော့တာပဲ။”

ဒါကတော့ ပြီးခဲ့တဲ့ ၂၀၁၅ ခုနှစ်၊ မတ်လ ၂၅ ရက်နေ့က တရုတ်ဖက်ရှင်ရက်သတ္တပတ်မှာ ပါဝင်သရုပ်ပြခဲ့တုန်းက သူပြောခဲ့တာပါ။

သူ့ရဲ့ ဖက်ရှင်ရှိုးလျှောက်ဟန်၊ သရုပ်ပြဟန်တွေဟာ အင်တာနက် လူမှုကွန်ရက် စာမျက်နှာတွေပေါ်မှာ စိတ်ဝင်စားမှုတွေ မြင့်တက်လာနေပြီး သူ့ကို “တရုတ်နိုင်ငံရဲ့ အခန့်ဆုံး ဖိုးဖိုး”၊ “အိုပေမယ့် လတ်ဆတ်ဆဲ အသားတုံးကြီး” လို့ တင်စား ပြောဆိုနေကြပါတယ်။

ရုပ်သံဗွီဒီယိုဖိုင်ထဲမှာတော့ ဆံပင်ဖြူဖွေးဖွေး၊ အပေါ်ပိုင်း ဗလာကျင်းအနေအထားနဲ့ သရုပ်ပြခဲ့ပြီး ရင်ကိုချီပင့်ကာ တကယ့်စစ်သူကြီးတဦးလို လျှောက်ပြခဲ့တာကို တွေ့ရပါတယ်။

ခုချိန်ထိ ဆယ်ကျော်သက်တဦးလို သက်ရှည်ကျန်းမာပြီး လှုပ်ရှားတက်ကြွနေနိုင်တာဟာ နေ့စဉ် ကိုယ်လက်လှုပ်ရှား အားကစားလုပ်တာတွေ၊ စကိတ်စီးတာ၊ ရေကူးတာတွေကြောင့်လည်း ဖြစ်တယ်လို့ သတင်းမှာ ဖော်ပြပါတယ်။



From : ဒီဗွီဘီ

Originally published at - http://burmese.dvb.no/archives/183646

No comments:

smy909@gmail.com