နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Thursday, January 12, 2017

ကပ္ပလီပင်လယ်ပြင် တောင်ပိုင်း လေဖိအားနည်း ရပ်ဝန်းကြောင့် ငါးဖမ်းရေယာဉ်များ ရပ်နားထား




ကပ္ပလီ ပင်လယ်ပြင် တောင်ပိုင်းမှာ ဖြစ်ပေါ်ခဲ့တဲ့ လေဖိ အားနည်း ရပ်ဝန်းကြောင့် မွန် - တနင်္သာရီ ကမ်းရိုးတန်း တလျှေက်နဲ့ ကမ်းလွန် ပင်လယ်ပြင် တွေမှာ လှိုင်းကြီးနိုင်တဲ့ အတွက် ကမ်းနီး၊ ကမ်းဝေး ငါးဖမ်းရေယာဉ်များ၊ သင်္ဘောများ ကြိုတင် သတိရှိကြရန် မိုးလေဝသနှင့် ဇလဗေဒ ညွှန်ကြားမှု ဦးစီးဌာနက ထုတ်ပြန် ထားပါတယ်။

အခုလို မိုးလေဝသနှင့် ဇလဗေဒညွှန်ကြားမှုဦးစီးဌာနမှ ထုတ်ပြန်ချက်ကြောင့် မြိတ်မြို့နယ်က ကမ်းနီး၊ ကမ်းဝေး ငါးဖမ်းရေယာဉ်တွေ၊ သင်္ဘောတွေ ပင်လယ်ပြင်သို့ ထွက်ခွာခြင်းမပြုဘဲ ကမ်းကပ်ထားကြတယ်လို့ ကမ်းနီး၊ ကမ်းဝေး ငါးဖမ်းရေယာဉ်လုပ်ငန်းရှင်တွေက ပြောပါတယ်။

ကပ္ပလီပင်လယ်ပြင်တောင်ပိုင်းမှာ ဖြစ်ပေါ်နေတဲ့ လေဖိအားနည်းရပ်ဝန်းအရှိန်ကြောင့် တနင်္သာရီတိုင်းဒေသကြီး၊ ကရင်ပြည်နယ်နဲ့ မွန်ပြည်နယ်တို့မှာ နေရာစိပ်စိပ်၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ်(တောင်ပိုင်းနဲ့ အရှေ့ပိုင်း)နဲ့ ကယားပြည်နယ်တို့မှာ နေရာကွက်ကျား မိုးထစ်ချုန်းရွာနိုင်ပါတယ်လို့ မိုးဇလထုတ်ပြန်ချက်မှာ ပါရှိပါတယ်။

ဒါ့အပြင် မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတလျှောက်နဲ့ ကမ်းလွန်ပင်လယ်ပြင်တို့မှာ တခါတရံ မိုးသက်လေပြင်းများ ကျရောက်ပြီး၊ လှိုင်းအသင့်အတင့်မှ လှိုင်းကြီးနိုင်ကာ မိုးသက်လေပြင်းကျစဉ် ရေပြင်/မြေပြင်လေသည် ၁ နာရီ ၃၅ မိုင်အထိ တိုက်ခတ်နိုင်ပါတယ်။

From : ဒီဗွီဘီ by ကျော်ဇေယျာဝင်း

Originally published at - http://burmese.dvb.no/archives/183647

No comments:

smy909@gmail.com