နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Saturday, March 25, 2017

ရွှေတောင်ကုမ္မဏီက ၁၅ နှစ် အရစ်ကျနဲ့ အဆင့်မြင့် အခန်းတွေ ရောင်းချမည်




ရန်ကုန်၊ မတ် ၂၂ - ရွှေတောင် ဒီဗလော့မန့် ကုမ္မဏီက နှစ်ရှည် ချေးငွေနဲ့ အဆင့်မြင့် အိမ်ရာ တွေကို ၁၅ နှစ် အရစ်ကျ ရောင်းချ သွားမယ်လို့ ရွှေတောင် ဒီဗလော့မန့် ကုမ္မဏီက သိရ ပါတယ်။

နှစ်ရှည်၁၅ နှစ် အရစ်ကျ အဆင့်မြင့် အိမ်ရာ ရောင်းချမယ့် စီမံကိန်းကို ဧရာဝတီ ဘဏ်နဲ့ ချိတ်ဆက်ပြီး (Mortgage  Loan) ဆောင်ရွက်ဖို့ သဘောတူ လက်မှတ် ရေးထိုးထားတာ ဖြစ်ပါတယ်။

နှစ်ရှည်အိမ်ရာချေးငွေနဲ့ ရွှေတောင်ဆောက်လုပ်ရေးကုမ္မဏီက ဆောက်လုပ်ရောင်းချနေတဲ့ Hilltop Visat Condominium, Crystal Resident စတဲ့အဆင့်မြင့် ကွန်ဒိုမီနီယံတွေကို ၁၅ နှစ်အရစ်ကျနဲ့ ဝယ်ယူနိုင်မှာ ဖြစ်ပါတယ်။

နှစ်ရှည်အိမ်ရာချေးငွေ ဝန်ဆောင်မှုကို ပြည်တွင်းအိမ်ခြံမြေဈေးကွက်မှာ ပုဂ္ဂလိကကဏ္ဍအနေနဲ့ ပထမဆုံး ဆောင်ရွက်တာဖြစ်ပါတယ်။ နှစ်ရှည်အိမ်ရာချေးငွေကို ဆောက်လုပ်ရေးဝန်ကြီးဌာန မြို့ပြ နှင့် အိမ်ရာဖွံ့ဖြိုးရေး ဦးစီးဌာနကဆောက်လုပ်ရေးနှင့် အိမ်ရာဖွံ့ဖြိုးရေးဘဏ်နဲ့ ချိတ်ဆက်ကာနှစ်ရှည်ရှစ်နှစ်ကနေ ၁၅ နှစ်အထိအ ရစ်ကျပုံစံနဲ့ ရောင်းချပေးနေတာ ဖြစ်ပါတယ်။

ရွှေတောင် ဒီဗလော့မန့် ကုမ္မဏီနဲ့ ဧရာဝတီဘဏ်တို့ ပူးပေါင်းပြီး နှစ်ရှည်အိမ်ရာချေးငွေနဲ့ အိမ်ရာဝယ်ယူရမယ့်ပုံစံက ကနဦးပေးငွေအခန်းတန်ဖိုး ၄၀ ရာခိုင်နှုန်းပေးသွင်းပြီးတာနဲ့ ဝယ်ယူသူတွေတက်ရောက်နေထိုင်နိုင်မှာ ဖြစ်ပါတယ်။

ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်မှာ အရစ်ကျစနစ်နဲ့ အိမ်ခန်းဝယ်ယူတဲ့သူတွေက ဘဏ်စုဆောင်းငွေ ထားရှိရမှာဖြစ်ပါတယ်။ ဝယ်မယ့် တိုက်ခန်းတန်ဖိုးရဲ့ ၃၀ ရာခိုင်နှုန်းစုဆောင်းငွေရရှိတဲ့သူတွေကို ဆောက်လုပ်ရေး ဝန်ကြီးဌာန မြို့ရွာနဲ့အိုးအိမ်ဖွံ့ဖြိုးရေးဦးစီးဌာနကတည်ဆောက်ထားတဲ့ တိုက်ခန်းတွေကို ရှစ်နှစ်ကနေ ၁၀ နှစ်အထိ အရစ်ကျစနစ် နဲ့ ရောင်းချပေးနေတာဖြစ်ပါတယ်။

မြန်မာနိုင်ငံဆောက်လုပ်ရေးလုပ်ငန်းရှင်များအသင်းက တန်ဖိုးနည်းအိမ်ရာတွေကို တိုင်းဒေသကြီးနဲ့ ပြည်နယ်တွေ အကုန်လုံးမှာ သည်လာမယ့် ဘဏ္ဍာနှစ် ၂၀၁၇- ၂၀၁၈ မှာ စတင်တည်ဆောက်မှာဖြစ်ပါတယ်။ တန်ဖိုးနည်းအိမ်ရာတွေကို ဘဏ်စုဆောင်းငွေနဲ့အရစ်ကျရောင်းချဖို့ စီစဉ်နေတာဖြစ်ပါတယ်။

လက်ရှိတန်ဖိုးနည်းအိမ်ရာတွေဝယ်ယူဖို့အတွက် ကနဦးပေးသွင်းငွေအဖြစ် အိမ်ခန်းတန်ဖိုး ၃၀ ရာခိုင်နှုန်း(ကျပ်သိန်း ၃၀) ပေးသွင်းပြီး ကျန်တဲ့ ၇၀ ရာခိုင်နှုန်းကို အရစ်ကျပေးသွင်းရမှာဖြစ်ပါတယ်။

From : ကုမုဒြာဂျာနယ် by – ပို့ပို့မြင့်မွန်

Originally published at - http://www.kumudranews.com

No comments:

smy909@gmail.com