နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Friday, April 21, 2017

ဒေါ်အောင်ဆန်း စုကြည် အပေါ် အပြစ်ပုံချနေ တာတွေကို ရပ်ပါ




ရန်ကုန်၊ ဧပြီ ၁၉ – ပြီးခဲ့တဲ့ သုံးလတာ ကာလဟာ မြန်မာ နိုင်ငံ အတွက် တကယ်ကို မလွယ်တဲ့ ကာလ တစ်ခု ဖြစ်ပါတယ်။ အထူး သဖြင့်တော့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည် အတွက် ခက်ခဲတဲ့ ကာလ တစ်ခု ဖြစ်ပါတယ်။

ရခိုင် ဒေသမှာ ဘင်္ဂါလီတွေကို စနစ်တကျ လုပ်ကြံ သတ်ဖြတ်တာ၊ မုဒိမ်းမှုတွေ ကျူးလွန် တာတွေကို တစ်ကမ္ဘာ လုံးက ရှုတ်ချ ကြပါတယ်။ မြန်မာနိုင်ငံဟာ စနစ်တကျ အစီအစဉ် ရှိရှိ လူ့အခွင့်အရေး ချိုးဖောက်မှုတွေ ကျူးလွန် နေတယ် လို့ ကုလသမဂ္ဂ ကတောင် စွပ်စွဲတဲ့ အထိပါပဲ။

အဲသည် ကိစ္စနဲ့ ပတ်သက်ပြီး ကမ္ဘာ့ အလယ်မှာ လူ့အခွင့် အရေး ပြယုဂ် အဖြစ်ရှိနေတဲ့ ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်း စု ကြည် နှုတ်ဆိတ် နေတာကို စိတ်ပျက် လက်ပျက် ဖြစ်နေတဲ့ အပြစ်တင် ဝေဖန် သူတွေက သူ အပေါ်မှာ ပစ်ပစ်ခါခါမှတ်ချက်ချဝေဖန်ခဲ့ ကြပါတယ်။

ဒေါ်အောင်ဆန်းစုကြည်ကို အမေ ‘လေဒီ လို့ တမြတ်တနိုးခေါ်ခဲ့ ကြတဲ့ မြန်မာပြည်သူတွေဟာလည်း စီးပွားရေးကနေ ပညာရေး၊ ပညာရေးကနေ မီဒီယာ လွတ်လပ်ခွင့် စတဲ့ ကဏ္ဍအားလုံး ပြုပြင်ပြောင်းလဲရေး လုပ်ငန်းစဉ် အားလုံးနှေးကွေး နေတာတွေကို သူ့ပေါ်မှာ ပုံချ ဝေဖန်နေ ပါတယ်။

မြန်မာနိုင်ငံဟာ တကယ်ကိုကြီးမားတဲ့စိန်ခေါ်မှုတွေရှိနေပါတယ်။ ပြုပြင်ပြောင်းလဲရေးတွေက နောက်ဆုတ်တယ်။ နှေးကွေးတယ်။ အချို့ကိစ္စတွေမှာ ပြောင်းပြန်ဖြစ်သွားတယ်။ မီဒီယာ နယ်ပယ်မှာ လည်း ဖောက်ပြန်ရေးအင် အားစုတွေက ရုတ်တရက်အာဏာသုံး ပြီး နှိပ်ကွပ်တာတွေဖြစ်လာတယ်။ စာနယ်ဇင်းပေါ်မှာကြီးမားတဲ့ ပိတ်ဆို့မှုတွေ လုပ်လာပါတယ်။

ဒေါ်အောင်ဆန်းစုကြည် လက်ရှိရင်ဆိုင်နေရတဲ့ ပြဿနာတွေနဲ့ မြန်မာနိုင်ငံရဲ့စီမံခန့်ခွဲမှု အခက်အခဲတွေကိုနားလည်ပေးဖို့အရေး ကြီးပါတယ်။
တကယ်တော့ အစိုးရနဲ့တပ်မတော်ဟာ လက်တွေ့ဘဝမှာကင်းကွာ နေတဲ့ အနေအထားပါ။

ပထမဆုံးအချက်ကတော့ ဒေါ်အောင်ဆန်းစုကြည်နဲ့အမျိုးသားဒီမို ကရေစီအဖွဲ့ချုပ်အစိုးရက ကြိုးပမ်းနေတဲ့ ဖွဲ့စည်းပုံပြင်ဆင်ရေးပဲဖြစ် ပါတယ်။

ဖွဲ့စည်းပုံပြင်ဆင်ရေးကို ဦးဆောင်နေတဲ့ အင်န်အယ်လ်ဒီရဲ့ ဥပဒေအကြံပေး ဦးကိုနီကတော့ ရန်ကုန်အပြည်ပြည်ဆိုင်ရာလေ ဆိပ်မှာသေနတ်နဲ့ ပစ်သတ် ခံရပါတယ်။

လက်ရှိဖွဲ့စည်းပုံအခြေခံဥပဒေအရ တပ်မတော်ရဲ့ ၂၅ ရာခိုင်နှုန်းဟာ လွှတ်တော်ထဲမှာနေရာယူထားပါတယ်။ ဒါဟာ ပြီးခဲ့တဲ့အ ထွေထွေရွေးကာက်ပွဲမှာ အင်န်အယ်လ်ဒီကိုရှုံးနိမ့်ခဲ့တဲ့ တပ်မ တော်နောက်ခံရှိတဲ့ ကြံ့ခိုင်ဖွံ့ဖြိုးရေး ပါတီက အင်အားတွေကို ထည့်တွက်မထားပါဘူး။

တပ်မတော်ကလက်နက်ကိုင်တပ်ဖွဲ့တွေကို ထိန်းချုပ်ထားပြီး ကာကွယ်ရေးဝန်ကြီးဌာန၊  ရဲတပ်ဖွဲ့နဲ့ နယ်စပ် လုံခြုံရေးတို့ကိုပါ ထိန်းချုပ်ထားပါတယ်။

သိလျက်နဲ့

ဒေါ်အောင်ဆန်းစုကြည်အပေါ်မှာ နားလည်မှု ကြီးကြီး မားမား လွဲစေတဲ့ နောက် အကြောင်း အရင်း တစ်ချက်ကတော့ တိုင်းရင်းသား အဖွဲ့တွေနဲ့ ဘင်္ဂါလီတွေကို သတ်ဖြတ် မှုတွေကို မတားဆီးနိုင် ခဲ့တဲ့ ကိစ္စဖြစ်ပါတယ်။

ဒေါ်အောင်ဆန်းစုကြည်နဲ့ အင်န်အယ်လ်ဒီ အစိုးရဟာ တပ်မတော်အပေါ်မှာ လုံးဝ မထိန်းချုပ်နိုင်ပါဘူး။ အဲသည် အချက်တွေ သိသိကြီး နဲ့ကို လုံးဝလျစ်လျူ ရှုပြီး ဒေါ်အောင်ဆန်းစု ကြည်ကိုအပြစ်တင်မယ် ဆိုရင် မရိုးသားရာ ကျပါတယ်။

ဒုတိယအချက်အငြင်းပွားနေတာကတော့ ဒေါ်အောင်ဆန်းစုကြည်ဟာ အစိုးရရဲ့ ဦးဆောင်သူအနေနဲ့ လူ့အခွင့်အရေးရဲ့ ပြယုဂ်အနေနဲ့ ရက်စက်ကြမ်းကြုတ် မှုတွေပေါ်မှာ ပြင်းပြင်း ထန်ထန် ထုတ်ပြောတာ၊ ရှုတ်ချတာတွေကို လုပ်လို့ ရတယ်ဆိုတာပါပဲ။

မကြာသေးခင်ကပြုလုပ်ခဲ့တဲ့ အင်တာဗျူးတစ်ခုမှာ ဒေါ်အောင် ဆန်းစုကြည်က တပ်မတော်ကပြုလုပ်နေတယ်ဆိုတဲ့အချက်တွေနဲ့ ပတ်သက်ပြီး သဘော တူညီမှုမရှိဘူးလို့ ခပ်မြန်မြန်ပဲပြောဆိုခဲ့ပါတယ်။ 

ဒါပေမဲ့ တိုင်းရင်းသားတွေကို အမျိုးဖြုတ်သတ်ဖြတ်မှုတွေနဲ့ လူ့အခွင့်အရေးချိုးဖောက်မှုတွေနဲ့ ပတ်သက်ပြီး သူ့ကိုပဲအပြစ်တင် နေတုန်းပါပဲ။

သည်နေရာမှာထည့်သွင်း စဉ်းစားရမယ့်အကြောင်းကတော့ ရက် စက်တဲ့လုပ်ရပ်တွေရှိနေတယ်ဆိုတာကို ဒေါ်အောင်ဆန်းစုကြည်ဟာ မငြင်းပယ်သလို တပ်မတော်ကိုလည်း ထိထိရောက်ရောက်မရှုတ်ချခဲ့ ပါဘူး ။

နှစ်ပေါင်း ၅၀ ကျော်ကြာ အုပ်ချုပ်ပြီးနောက်မှာ စနစ်တကျလွှဲ အပ်ပေးတဲ့ အာဏာတစ်စိတ်တစ်ပိုင်းကို လက်ခံတဲ့နေရာမှာပေးဆပ်ရတဲ့ တန်ဖိုးတွေ ကတော့ ရှိစမြဲပါ။

ဒေါ်အောင်ဆန်းစုကြည်ဟာ တပ်မတော်ကိုပြင်းပြင်း ထန်ထန် ဝေဖန်ခဲ့ရင် သူနဲ့ သူ့အစိုးရက ကြိုးစားနေတဲ့ ဒီမိုကရေစီ လမ်းကြောင်း လမ်းချော် သွားနိုင် တယ် ဆိုတာကို အတွင်းမှာ အလုပ်လုပ် နေတဲ့ အကြံပေးတွေ၊ ပညာရှင်တွေနဲ့ သံတမန်အသိုင်းအဝိုင်းက ကောင်းကောင်းနားလည် ထားကြပါတယ်။

တစ်စိတ်တစ်ပိုင်းအာဏာ အတွက်ပေးဆပ်ရတဲ့ တန်ဖိုးကတော့တပ်မတော်နဲ့ပတ်သက်တဲ့ ကိစ္စရေးရာတွေမှာ နှုတ်ဆိတ်နေဖို့ ဖြစ်ပါတယ်။ ဆယ်စုနှစ် တစ်ဝက်လောက်ကမ္ဘာနဲ့အဆက် အသွယ်ဖြတ်တောက်ခံရတဲ့နိုင်ငံကို ပြည်ပကလာပြီး စီးပွားရးနဲ့ရင်းနှီးမြှုပ်နှံဖို့တွန်းအားတွေ ပေးနိုင်ဖို့ ဒေါ်အောင်ဆန်း စုကြည်ကို တပ်မတော်က လိုအပ်ပါတယ်။

ဖြည်းဖြည်းချင်း

တစ်ဖက်မှာလည်း ချိန်ခွင်ညှိတဲ့အနေနဲ့ ဒေါ်အောင်ဆန်းစုကြည်နဲ့ အင်န်အယ်လ်ဒီအစိုးရဟာ တပ်မတော်ကို ခွင့်ပြုထားဖို့လိုအပ်ပါတယ်။ အဲသည်လိုနဲ့ ပညာရေးကနေ စွမ်းအင်ကဏ္ဍ စွမ်းအင်ကနေအခြေခံအဆောက် အအုံလိုအပ်ချက်အဆုံးမသတ်နိုင်တဲ့ပြဿနာတွေကို ဖြည်းဖြည်းချင်း ဖြေရှင်းနိုင်လိမ့်မယ်။

ဖြည်းဖြည်းချင်း တပ်မတော်ကိုအာဏာချုပ်ကိုင်မှုတွေကနေ လက်လျော့စေမယ်။ အခုချိန်မှာမဖြစ်နိုင်သေးတဲ့ အရပ်သားအစိုးရ တစ်ရပ်အဖြစ် ပြောင်းလဲ မယ်လို့ ရည်မှန်းထားပါတယ်။

သည်အာဏာအကူးအပြောင်းဟာ တကယ်တော့မလှပပါဘူး။ ဟောလိဝုဒ်ဇာတ်လမ်းတွေလို ပျော်ရွှင်စရာအဆုံးသတ်လည်းမရှိပါဘူး။

ဒါပေမဲ့ တစ်ကမ္ဘာလုံးမှာကြုံတွေ့နေရသလိုပါပဲ နှစ်ပေါင်းများစွာရုန်းကန်ခဲ့ရတာတွေ၊ နောက် ပြန်ဆုတ်ရတာတွေ၊ မပြည့်ဝတဲ့သူတွေနဲ့ မဟာမိတ်လုပ်ရတာတွေနဲ့ စစ်မှန်တဲ့လွတ်လပ်မှုဟာ တစ်ညတည်းနဲ့ မရပါဘူး။

အဲဒါတွေကိုနားလည်ဖို့ခက်ခဲပါတယ်။ ဒါပေမဲ့ အဲဒါတကယ်ကို ကမ္ဘာ့နိုင်ငံရေးအစစ်ပါ။ နိုင်ငံ ရေးအရ ပြုပြင်ပြောင်းလဲမှုတွေထဲက ပုံစံတစ်ခုပါ။ ကောင်းမွန်တဲ့ သတင်းစာခေါင်းကြီးပိုင်းတော့ မဖြစ်နိုင်ပါဘူး။ စက္ကန့် ၃၀ စာအသံဖိုင်ထဲထည့်ဖို့လည်း မလုံလောက်ပါဘူး(ရှင်းပြဖို့မလွယ်ကူပါ ဘူး)။

ဒါပေမဲ့ အဲသည့်အခက်အခဲတွေဟာဆိုးရွားတဲ့ အမှန်တရားပါပဲ။

ဘဝလိုပါပဲ။ လွတ်လပ်မှုဟာရှုပ်ထွေးပါတယ်။ စနစ်တကျမဖြစ်ပါဘူး။ မမြင်ရတဲ့အဆိုးတွေလည်းရှိပါတယ်။ ဒါပေမဲ့ အချိန်ကာလကြာရှည်စွာလျှာက်ခဲ့ရတဲ့ လမ်းကိုဆက်လျှောက်ဖို့နဲ့တိုးတက်စရာ လမ်းကြောင်းက သည်တစ်ခုပဲရှိပါတယ်။

ဒေါ်အောင်ဆန်းစုကြည်နဲ့ အင်န်အယ်လ်ဒီအတွက်တော့ အာဏာရတဲ့ တစ်နှစ်ဆိုတာ ဘာမှ မဟုတ်ပါဘူး။ တကယ်ကို အာဏာကို အစွမ်းကုန် ရတဲ့ သူတွေတောင် ပြုပြင်ပြောင်းလဲဖို့ နှစ် ပေါင်းများစွာ အချိန်ယူ ရပါတယ်။ တစ်ရက်တည်း၊ တစ်ပတ်တည်း၊ တစ်နှစ်တည်းနဲ့အလုပ် မဖြစ်နိုင်ပါဘူး။

(ဒေါ်အောင်ဆန်းစုကြည်အပေါ်အပြစ်လွှဲချနေတာတွေကိုပါ ရပ်ပါဆိုတဲ့အတွေးအမြင်ဆောင်းပါးကို အက်ဝပ်ပက်ကာက ဒီပလိုမက်သတင်းစာမှာ ရေးသား ခဲ့ပါတယ်။

အာရှပစိဖိတ်ဒေသတွေရဲ့ သတင်းတွေ၊ နိုင်ငံရေးသုံးသပ်ချက်တွေ၊ စီးပွားရေး၊ လူမှုရေးသတင်းတွေကို ဖော်ပြနေတဲ့ဩ ဇာကြီးတဲ့ ဒီပလိုမက်သတင်းဌာနမှာ အက်ဝပ်ပက်ကာဟာ အရှေ့တောင်အာရှမှာအခြေစိုက်ပြီး ဆောင်းပါးရေးသားနေသူတစ်ဦး ဖြစ်ပါတယ်။)

From : ကုမုဒြာဂျာနယ် by နန်းလွင်

Originally published at - http://www.kumudranews.com

No comments:

smy909@gmail.com