နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Thursday, April 27, 2017

နိုင်ငံပိုင် သတင်းထောက် တွေကို အထူး သတင်းထောက် ကဒ် ထုတ်ပေး ထားခြင်း မရှိ




နိုင်ငံပိုင် သတင်းထောက် တွေကို အထူး သတင်းထောက် ကဒ် ထုတ်ပေး ထားတာ မရှိဘူးလို့ သတင်းနှင့် စာနယ်ဇင်း လုပ်ငန်း ဦးဆောင် ညွှန်ကြားရေး မှူးက ပြောပါတယ်။

ဧပြီလ ၂၆ ရက် နေ့က ပြုလုပ်တဲ့ အစိုးရရဲ့ ပထမ ၁ နှစ်ပြည့် ကာလ အတွင်း ဆောင်ရွက် ခဲ့တဲ့ လုပ်ငန်း စဉ်တွေ ရှင်းလင်းတဲ့ အခမ်း အနားမှာ ပြန်ကြားရေး ဝန်ကြီးဌာန သတင်းနှင့် စာနယ်ဇင်းလုပ်ငန်းက ဦးဆောင်ညွှန်ကြားရေးမှူး ဦးကျော်စိုးက ပြောတာပါ။

“လေ့ကျင့်ပေးထားတဲ့ သတင်းထောက်တွေ၊ မှတ်ပုံတင်ထားတဲ့ သတင်းထောက်တွေကိုပဲ မြန်မာ့ အလင်းဆို မြန်မာ့အလင်း၊ ကြေးမုံဆို ကြေးမုံ ဒီလိုတံဆိပ်ကလေးတွေ ထုတ်ပေးထား တာပဲ ရှိပါတယ်။ အထူးသတင်း ထောက်ဆိုတာတော့ မရှိပါဘူး။ ဒါပေမယ့် ပြန်ပြီး စစ်ပေးပါမယ်”လို့ ဦးကျော်စိုးက ပြောပါတယ်။

မြန်မာနိုင်ငံမှုခင်း သတင်းထောက်အဖွဲ့ချုပ် အဖွဲ့အစည်းတံဆိပ်နဲ့ ယူနီဖောင်းတွေဝတ်ပြီး အထူးသတင်းထောက်ဟုပြောကာ ငွေကြေးတောင်းခံတာ၊ ဧပြီလ ၁၆ ရက်နေ့ကလည်း ငွေကြေးရယူကာ ဘင်္ဂါလီတွေ ခိုင်းသွင်းတာတွေ ဖြစ်ပေါ်နေပါတယ်။

အထူးသတင်းထောက်တွေ ကိစ္စနဲ့ပတ်သက်ပြီး မြန်မာ့နိုင်ငံသတင်းမီဒီယာကောင်စီနဲ့ သတင်း မီဒီယာအဖွဲ့အစည်းအသီးသီးကလည်း မြန်မာနိုင်ငံမှုခင်း သတင်းထောက်အဖွဲ့ချုပ်ကိုလည်း သတင်းမီဒီယာကျင့်ဝတ်နဲ့ မညီဘဲ ဥပဒေမဲ့လုပ်ဆောင်နေတာတွေကို စည်းကမ်းထိန်းသိမ်း ကြပ်မတ်ပေးဖို့ အကြောင်းကြားစာပေးပို့ထားပါတယ်။

From : ဒီဗွီဘီ by နေဖြိုးဝင်း

Originally published at - http://burmese.dvb.no/archives/203321

No comments:

smy909@gmail.com