နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Thursday, July 13, 2017

လျောင်နင်း လေယာဉ်တင် စစ်သင်္ဘောအုပ်စု တိုင်ဝမ်၏ လေကြောင်းကာကွယ်ရေး သတ်မှတ်ဇုန်တွင်းသို့ ဝင်ရောက်




ဟောင်ကောင် ၁၃-၇-၂၀၁၇

ဟောင်ကောင် ဒေသ ခရီးစဉ် ပြီးဆုံး ပြီးနောက် ပြန်လည် ထွက်ခွာ ခဲ့သော တရုတ် ရေတပ်မှ လျောင်နင်း လေယာဉ်တင် သင်္ဘောနှင့် အစောင့်လိုက် စစ် သင်္ဘော အုပ်စုသည် (တိုင်ပေ)၏ လေကြောင်းရန် ကာကွယ်ရေး သတ်မှတ်ဇုန် အတွင်းသို့ ယနေ့တွင် ဝင်ရောက် ခဲ့ကြောင်း ဆောက်သ်ချိုင်းနား မောနင်း ပို့စ်သတင်းစာက ဖော်ပြခဲ့သည်။

ဟောင်ကောင်ဒေသမှ ပြန်လည်ထွက်ခွာ ခဲ့ပြီးနောက် ထိုင်ဝမ်ရေလက်ကြားအတွင်း ဝင်ရောက်လာသည့် အဆိုပါ တရုတ်ရေတပ် စစ်သင်္ဘောအုပ်စုကို တရုတ်(တိုင်ပေ) စစ်ဘက်က စောင့်ကြည့်နေကြောင်း သိရသည်။

ယင်းရေတပ်အုပ်စုသည် ဟောင်ကောင်ဒေသမှ ဇူလိုင် ၁၁ရက်က ပြန်လည်ထွက်ခွာခဲ့ပြီး ယနေ့နံနက်ပိုင်းတွင် ထိုင်ဝမ်ရေလက်ကြား အတွင်းသို့ စတင်ဝင်ရောက် ခဲ့ကြောင်း တရုတ်(တိုင်ပေ) စစ်ဘက်က ပြောကြားခဲ့သည်။

ထိုင်ဝမ် ရေလက်ကြားအလယ် ရေလမ်းကြောင်း အတိုင်းအနောက် မြောက်ဘက်သို့ ဦးတည်ခုတ် မောင်းနေသည့် တရုတ်လေယာဉ် တင်သင်္ဘောအုပ်စုကို တရုတ်(တိုင်ပေ) စစ်လေယာဉ်များနှင့် စစ်သင်္ဘောများက နောက်ယောင်ခံ စောင့်ကြည့်ခဲ့ ကြကြောင်း တရုတ်(တိုင်ပေ) စစ်ဘက်၏ ကြေညာချက်၌ ဖော်ပြခဲ့သည်။

တရုတ်ရေတပ်မှ လေယာဉ်တင် သင်္ဘောလျောင်နင်းသည် ဗြိတိသျှလက်အောက်မှ တရုတ်ပြည်မကြီး လက်အောက်သို့ ဟောင်ကောင်ဒေသ ပြန်လည်ရောက်ရှိမှု နှစ် (၂ဝ)ပြည့် အခမ်းအနားအတွက် ဟောင်ကောင်ဒေသသို့ ငါးရက်ကြာ ဆိပ်ကမ်းကပ်ခရီးစဉ် သွားရောက်ခဲ့စဉ်ကလည်း ထိုင်ဝမ်ရေလက်ကြားကို ဖြတ်သန်းခဲ့သည်။

၂ဝ၁၆ ခုနှစ်က တရုတ် (တိုင်ပေ) ၌ လွတ်လပ်ရေးလိုလားသည့် ဒီမိုကရက်တစ် တိုးတက်ရေးပါတီ အနေဖြင့် အာဏာရရှိခဲ့ပြီးနောက် တရုတ်ပြည်မကြီးနှင့် တရုတ် (တိုင်ပေ) တို့အကြား ဆက်ဆံရေး အခြေအနေ ပိုမိုတင်းမာ လာခဲ့သည်။

ထို့ပြင် ၁၉၄၉ ခုနှစ်က တရုတ်ပြည်တွင်းစစ် ပြီးဆုံးပြီးနောက် နိုင်ငံရေးအရ သီးခြားရပ်တည်ခဲ့သော တရုတ် (တိုင်ပေ) ကို ပြည်မကြီး အချုပ်အခြာပိုင် နယ်မြေအဖြစ်သာ တရုတ်အစိုးရက သတ်မှတ်ထားပြီး လိုအပ်ပါကစစ်အင် အားသုံး၍ ပြန်လည်သိမ်းသွင်းမည် ဖြစ်သည်ဟု ကြေညာထားကြောင်း သိရသည်။

From : ပြည်ချစ်သား

Originally http://www.pyichitthar.com/2017/07/blog-post_94.html

No comments:

smy909@gmail.com