နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Tuesday, August 08, 2017

ဂုဏ်ထူးရ အကျဉ်းသား ခုနစ်ဦးကို သမ္မတ လွတ်ငြိမ်းခွင့်ပေး


အကျဉ်းထောင်မှ လွတ်မြောက် လာသော ဂုဏ်ထူးရ ကျောင်းသား သုံးဦး (ဓာတ်ပုံ − ဖြိုးဖြိုးဇော်)


အင်းစိန် ဗဟို အကျဉ်း ထောင်နှင့် မန္တလေး အိုးဘိုထောင် တို့မှ တက္ကသိုလ်ဝင် စာမေးပွဲ ၀င် ရောက် ဖြေဆို ခဲ့သည့် ဂုဏ်ထူး ရ ကျောင်းသား ခုနစ်ဦးကို နိုင်ငံ တော် သမ္မတက သြဂုတ် ၇ ရက် နံနက် ၉ နာရီ မိနစ်၂၀ တွင် ပြစ် ဒဏ်များမှ လွတ်ငြိမ်း ချမ်းသာခွင့် ပေးခဲ့သည်။

အင်းစိန်ထောင်မှ ၂၀၁၅-၁၆ ပညာသင်နှစ် တက္ကသိုလ်ဝင် စာမေးပွဲကို ဂုဏ်ထူးတစ်ဘာသာ ဖြင့် အောင်မြင်ခဲ့သူ မောင်သင်း နိုင်ဖြိုးနှင့် ၂၀၁၆-၁၇ ပညာသင် နှစ် တက္ကသိုလ်ဝင်စာမေးပွဲကို ဂုဏ်ထူးတစ်ဘာသာဖြင့် အောင် မြင်ခဲ့သူ မောင်ရဲထွဋ်အောင်တို့ ကို နိုင်ငံတော်သမ္မတက လွတ် ငြိမ်းချမ်းသာခွင့် ပေးခဲ့ခြင်းဖြစ် သည်။

‘‘အခုလို ဆယ်တန်းအောင် ကျောင်းသား သီးသန့်လွှတ်ပေး တာ ဒါပထမဆုံးပါပဲ။ သူတို့ လည်း အရမ်းမျှော်လင့်နေကြတာ ဆိုတော့ တော်တော်ပျော်နေကြ တယ်’’ဟု အင်းစိန်ဗဟိုအကျဉ်း ထောင် ထောင်ပိုင်ဦးမျိုးဦးက ပြောသည်။

ကျောင်းသားနှစ်ဦးသည် မူးယစ်ဆေးဝါးမှုဖြင့် ပြစ်ဒဏ်ကျခံခဲ့ရပြီး မောင်သင်းနိုင်ဖြိုးသည် တစ်နှစ်ကျော်၊ မောင်ရဲထွဋ်အောင်သည် ၂ နှစ်ကျော် ပြစ်ဒဏ်ကာလ ကျန်ရှိနေသေးချိန် တွင် လွတ်ငြိမ်းချမ်းသာခွင့် ရရှိခဲ့ သည်။

မောင်သင်းနိုင်ဖြိုးသည် လက်ရှိတွင် အင်းစိန်ဗဟိုအကျဉ်း ထောင်တွင်းမှာပင် အဝေးသင် တက္ကသိုလ် မြန်မာစာအထူးပြုဘာသာရပ် တက်ရောက်နေပြီး မောင်ရဲထွဋ်အောင်သည် ရမှတ် ၃၉၆ မှတ် ရရှိထားသဖြင့် နှစ် သက်ရာတက္ကသိုလ်ကို ရွေးချယ်တက်ရောက်ခွင့် ရမည်ဖြစ် ကြောင်း ၎င်းက ဆက်လက်ပြော ကြားသည်။

‘‘ဂုဏ်ထူးရ ကျောင်းသား တွေပဲ လွှတ်ပေးတာဆိုတော့ ဒီ နှစ်အောင်တဲ့ထဲက ကျန်တဲ့သူ ခြောက်ဦးရှိနေပါသေးတယ်’’ဟု ဦးမျိုးဦးကပြောသည်။ အင်းစိန် ဗဟိုအကျဉ်းထောင်မှ ၂၀၁၆-၁၇ တက္ကသိုလ်ဝင်စာမေးပွဲကို ၀င်ရောက်ဖြေဆိုသူ ၂၈ ဦးရှိသည့် အနက် ကိုးဦးအောင်မြင်ပြီး လက်ရှိတွင် အကျဉ်းထောင်တွင်း အ ကျဉ်းကျ တက္ကသိုလ်ဝင်စာမေးပွဲအောင် ကျောင်းသားခြောက်ဦး ကျန်ရှိနေဆဲဖြစ်ကြောင်း အင်းစိန် ဗဟိုအကျဉ်းထောင် စာရင်းများ အရ သိရသည်။

ထို့အပြင် မန္တလေးအိုးဘို အကျဉ်းထောင်တွင်းမှနေ၍ ဂုဏ် ထူးဖြင့် အောင်မြင်ခဲ့သည့် အ ကျဉ်းသား၊ အကျဉ်းသူ ငါးဦးကို လည်း သမ္မတလွတ်ငြိမ်းချမ်းသာ ခွင့် ပေးခဲ့ကြောင်း အဆိုပါထောင် မှ ဒုတိယညွှန်ကြားရေးမှူး ဦးချို ဝင်းထွန်းက ပြောသည်။

‘‘နိုင်ငံတော်က လွှတ်တာပါ။ အထဲမှာ ကျန်တဲ့ကလေးတွေနဲ့ပို ပြီး ကြိုးစားချင်စိတ်တွေ၊ နောင် နှစ်တွေမှာ အတုယူအားကျလာ နိုင်တယ်လို့ ထင်ပါတယ်။ အကျဉ်းဦးစီးမှာ စာမေးပွဲကို ထူးထူး ချွန်ချွန်အောင်မြင်တဲ့ ကလေးတွေ လွှတ်ပေးတာ ဒါပထမဆုံးအကြိမ် လွှတ်ပေးတာပါ’’ဟု ဦးချိုဝင်း ထွန်းက ပြောသည်။

လွတ်ငြိမ်းချမ်းသာခွင့် ရရှိခဲ့ သဖြင့် မိမိတက်ရောက်လိုသည့် စီးပွားရေးတက္ကသိုလ် တက်ရောက်မည်ဖြစ်ကြောင်း အကျဉ်း ထောင်မှ လွတ်မြောက်လာသူ သုံးဘာသာဂုဏ်ထူးရှင် မရွှန်းလဲ့ ဝေကျော်က ပြောသည်။

‘‘လွတ်ငြိမ်းချမ်းသာခွင့် ရ တယ်ဆိုတော့ အိပ်မက်လို့တောင် ထင်မိတယ်။ လုံးဝမထင်ထားဘူး။ အစ်မတွေက ဝိုင်းပြောမှ တကယ် ယုံကြည်တာ။ အတူတူစာမေးပွဲ ဖြေပြီး ဂုဏ်ထူးမပါလို့ မလွတ်တဲ့ သူငယ်ချင်းတွေအတွက် စိတ် လုံးဝမကောင်းဘူး။ အပြင်မှာ ကျောင်းတက်ခွင့်ရပြီဆိုတော့ စီး ပွားရေးတက္ကသိုလ်တက်ပြီး ကျူ တာဖြစ်ချင်ပါတယ်’’ဟု ၎င်းက ပြောသည်။

ယခုနှစ်တွင် အကျဉ်းထောင် များမှ ဂုဏ်ထူးဖြင့် အောင်မြင်ခဲ့ သူများကို လွတ်ငြိမ်းချမ်းသာခွင့်ပေးရန် ပြည်သူအများစုက တောင်းဆိုပြီးနောက် အောင် စာရင်းထွက်ပြီး တစ်လကျော်အကြာတွင် ယခုကဲ့သို့ လွတ်ငြိမ်းချမ်းသာခွင့် ပေးခြင်းဖြစ် သည်။

တက္ကသိုလ်ဝင်စာမေးပွဲကို ဂုဏ်ထူးမပါရှိဘဲ အောင်မြင်ခဲ့သူ များသည် လွတ်ငြိမ်းချမ်းသာခွင့် မပါရှိသော်လည်း ပညာသင်ကြားသဖြင့် လျှော့ရက်ပေးထား သည်။

‘‘လွတ်မြောက်ခဲ့တဲ့အတွက် အရမ်းဝမ်းသာတယ်။ သမ္မတနဲ့ ဒေါ်အောင်ဆန်းစုကြည်ကိုလည်း အရမ်းကျေးဇူးတင်ပါတယ်’’ ဟု ကျိုင်းတုံမြို့မှ မူးယစ်မှုဖြင့် ပြစ် ဒဏ် ၁၀ နှစ်ကျခံခဲ့သူ တစ်ဘာ သာဂုဏ်ထူးရှင် မောင်ဟိန်းထက် အောင်က ပြောသည်။

လွတ်ငြိမ်းချမ်းသာခွင့်ရရှိသူ ငါးဦးအနက် လေးဦးသည် မူးယစ် ဆေးဝါးအမှုဖြင့် ပြစ်ဒဏ်ကျခံနေ ရပြီး ကျန်တစ်ဦးသည် လူသတ်မှု ဖြင့် ကျခံနေရခြင်းဖြစ်သည်။

‘‘ထင်မထားဘဲ လွတ်တဲ့အ တွက် အရမ်းပျော်ပါတယ်။ အခု လွတ်သွားပြီဆိုတော့ စီးပွားရေး တက္ကသိုလ် Day တက်ပါမယ်။ ကျွန်တော်နဲ့ သက်တူရွယ်တူတွေ ကို ပြောချင်ပါတယ်။ မူးယစ်ဆေး ဝါး မသုံးကြပါနဲ့’’ ဟု မူးယစ်ဆေး ဝါးမှုဖြင့် ထောင်ဒဏ်ရှစ်နှစ်ကျခံ ခဲ့ရပြီး ဇီဝေဗေဘာသာရပ် ဂုဏ် ထူးရရှိသူ ကိုလှိုင်မင်းဦးက ပြော သည်။

ယခုလွတ်ငြိမ်းခွင့်ရ အ ကျဉ်းသားငါးဦးသည် ပြစ်ဒဏ်မှ လွတ်မြောက်ရန် အများဆုံးခုနစ် နှစ်ကျော်နှင့် အနည်းဆုံး ၁၀ လ ကျော်တို့ ကျန်ရှိနေစဉ် လွတ်ငြိမ်း ချမ်းသာခွင့် အသီးသီးရရှိခြင်းဖြစ် သည်။

၎င်းတို့၏ အိမ်ပြန်စရိတ်ကို အကျဉ်းဦးစီးဌာနက ထုတ်ပေး ထားပြီး ဌာနဆိုင်ရာများ၊ ပြင်ပအ လှူရှင်များက လှူဒါန်းသည့် ငွေ များကိုပါ ထည့်ပေးလိုက်ပြီဖြစ် ကြောင်း အိုးဘိုအကျဉ်းထောင် တာဝန်ရှိသူများကပြောသည်။

From : 7 day daily news - By: ဆုဆက် ဖြိုးဖြိုးဇော်

Originally published at - http://www.7daydaily.com/story/104017


No comments:

smy909@gmail.com