နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Friday, August 25, 2017

H1N1 ကြောင့် သေဆုံးသူ ၃၃ ဦးရှိလာ




ဒီကနေ့ အထိ ရာသီ တုပ်ကွေး H1N1 ရောဂါပိုး တွေ့ရှိသူ ၃၂၄ ဦးထိ ရှိလာပြီး ရောဂါ ပိုးကြောင့် သေဆုံးသူ ဦးရေ ၃၃ ဦး ရှိပြီ ဖြစ်တယ်လို့ ပြည်သူ့ ကျန်းမာရေး ဦးစီး ဌာနက ပြောပါတယ်။

သံသယရှိလူနာ ၂၄ ဦးကို စစ်ဆေးရာမှာ ပိုးတွေ့ရှိသူ ၇ ဦးထပ်မံတိုးလာပြီး ဒီနေ့အထိ ၃၂၄ ဦး ကပိုးတွေ့ရှိထားပြီး မနေ့ကထိ သေဆုံးသူ ၃၃ ဦးရှိပြီဖြစ်တယ်လို့ ပြည်သူ့ကျန်းမာရေးဦးစီးဌာနက လက်ထောက် ဆရာဝန် ဒေါက်တာ ဘီလတောင်က ပြောပါတယ်။

"နောက်ထပ် သံသယလူနာ ၂၄ ဦးကို စစ်ကြည့်တာမှာ ပိုးတွေ့လူနာ ၇ ဦး ထပ်တိုးတွေ့ရတယ်။ ဒီနေ့ထိဆိုရင် သံသယလူနာ ၈၇၂ ဦးကို ဓါတ်ခွဲစမ်းသပ် စစ်ဆေးနိုင်ခဲ့တယ်၊ အဲဒီအထဲမှာ ၃၂၄ ဦးမှာပဲ ပိုးတွေ့ရတယ်။ ဒီ ၃၀၀ ကျော်လုံးက ဆေးရုံတက်နေရတာ မဟုတ်ဘူး။ ဆေးရုံတက်နေရတဲ့ လူနာ ၂၄ ဦးပဲရှိတယ်။ သေဆုံးသူဦးရေကတော့ မနေ့က သတင်းထုတ်ပြန်တဲ့အတိုင်းပဲ ၃၃ ဦးပါ"

သံသယရှိထပ်တိုးလူနာ ၇ ဦးဟာ စစ်ကိုင်းတိုင်းဒေသကြီးက ၃ ဦးနဲ့ ရန်ကုန်၊ ပဲခူး၊ ရခိုင်ပြည်နယ်တွေမှာ တွေ့ရှိ ရတာဖြစ်ပါတယ်။

ပိုးတွေ့ရှိတဲ့လူနာတိုင်းဟာ ဆေးရုံတက် ဆေးကုသနေရတာမျိုးမဟုတ်ပဲ ဆေးကုသနေတဲ့လူနာ ၂၄ ဦးသာရှိပြီး လူနာ ၂၃၀ ကျော်က ဆေးရုံဆင်းသွားနိုင်ပြီဖြစ်တယ်လို့ ပြောပါတယ်။

တိုင်းနဲ့ ပြည်နယ် မြို့နယ်အလိုက် H1N1 ရောဂါပိုးတွေ့ရှိရမှု စိစစ်မှုတွေအရ ရောဂါဖြစ်ပွားမှုနှုန်း ကျဆင်းလာ ပြီး ဆေးရုံတက်ရသူ အရေအတွက်လည်း နည်းလာတဲ့အတွက် H1N1 ရောဂါပိုးကို ထိန်းချုပ်လာနိုင်ပြီလို့ ပြောလို့ ရကြောင်းပြောပါတယ်။

From : အာအက်ဖ်အေမြန်မာသတင်းဋ္ဌာန

Originally published at - http://www.rfa.org/burmese

No comments:

smy909@gmail.com