နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Showing posts with label ခရီးသွားဆောင်းပါး. Show all posts
Showing posts with label ခရီးသွားဆောင်းပါး. Show all posts

Sunday, June 25, 2017

ချင်းတွင်းမြစ်ကမ်းနဖူးက ရှေးမြန်မာမြို့


အမြင့် မြို့အဝင်လမ်း


စစ်ကိုင်း တိုင်း ဒေသကြီး ချောင်းဦး မြို့နယ် ထဲက ချင်းတွင်း မြစ်ရိုးမှာ ရှေးမြန်မာ ရွာကြီး ရှိတယ်။ ဒီရွာကြီးက အရင် ပဒေသရာဇ် ခေတ်က မြို့စား ထားရ လောက်အောင် အထိ စည်ပင် ဖွံ့ဖြိုး ခဲ့တယ်။

မင်းလက်ဝါးကို ဒီရွာမှာ မွေးခဲ့တယ်။ သခင် လေးမောင်ရဲ့ဇာတိဆိုလည်း ဟုတ်တယ်။ အိုးဝေ ဦးညိုမြ ကိုလည်း ဒီရွာမှာပဲ မွေးဖွား ခဲ့ပါတယ်။ အရီးတောင်း လက်ဖက် လုပ်ငန်း ပိုင်ရှင် ဦးကျော်သိန်းကိုလည်း ဒီရွာမှာပဲ မွေးဖွား ခဲ့တာပါ။

ကဗျာ ဆရာကြီး မင်းသုဝဏ်ရဲ့ဇနီး၊ သမ္မတကြီး ဦးထင်ကျော်ရဲ့ အမေ ဒေါ်ကြည် (B.A) ရဲ့ ဇာတိ ချက်မြှုပ်လည်း ဖြစ်ပါ တယ်။

ဒီရပ် ဒီရွာက မြစ်နီး ကမ်းနီး အရပ်ဖြစ်လို့ မြစ်ရေ ဝင်ပြီး နုံးတင်မြေနု ပေါလို့ စိုက်ပျိုးရေး ဖြစ်ထွန်း ပါတယ်။ ကြည့်လေ ရာရာမှာ လယ်တော ကိုင်းတော စိမ်းစိမ်း အုပ်အုပ် တွေ့နေ ရတယ်။

ရွာတွေက တရွာနဲ့ တရွာ ဆက်နေပြီး ရွာထိပ်လေး တွေမှာ ချောင်းကူး တံတားလေးတွေ ရှိတယ်။ ကုက္ကိုပင်တွေ ရှားပင်တွေ ထန်းတောတွေက အုပ်ဆိုင်း နေပါတယ်။

စစ်ကိုင်းတိုင်းဒေသကြီး ချောင်းဦးမြို့နယ်အတွင်းက အမြင့်ဆိုတဲ့ ရွာဖြစ်ပါတယ်။ မြန်မာစကားမှာ မြေဆူလူဖျင်းဆိုတဲ့ ဆို ရိုးစကားရှိသော်လည်း အမြင့်ရွာသူ ရွာသားတွေ မညံ့ကြပါ။ မညံ့တဲ့ အပြင် လူတော် လူကျော်တွေ အထူး အထွက် တိုးတဲ့ အ ရပ်ဒေသလည်း ဖြစ်ပါတယ်။ အိုးဝေ ဦးညိုမြတို့က ကိုလိုနီ ခေတ်မှာ ကတည်းက အမေရိကားက သတင်းစာ ပညာ မဟာသိပ္ပံ ပညာဘွဲ့ကို ရယူနိုင် ခဲ့ပါပြီ။

အမြင့်မြို့ရှိ ညိုမြတို့ရွာ ကိုယ်ထူ ကိုယ်ထ စာကြည့်တိုက်


ဒီရွာလေးမှာ ချောင်းဦးစည်ပင်က ဈေးဖွင့်လှစ်ထားတယ်။ အဲဒီ ဈေးတန်းလေးမှာ လက်ဖက်ရည်ဆိုင်၊ လယ်ယာသုံးပစ္စည်း အရောင်းဆိုင်၊ အကျီ င်္အဝတ် အထည်ဆိုင်၊ အလှပြင်ဆိုင်တွေရှိတယ်။ ရွာထဲမှာလည်း တယ်လီဖုန်းဆိုင်၊ လက်ဖက်ရည် ဆိုင်၊ သွားဆရာဝန်၊ နှီးဖျာဆိုင်တွေရှိပါတယ်။ စာသင်ကျောင်း၊ စာကြည့်တိုက်၊ လူမှုကူညီရေးအသင်း၊ နိုင်ငံရေးပါတီ၊ တိုက် နယ်ဆေးရုံနဲ့ ရဲစခန်းလည်း ရှိပြီး စည်ပင်ဖွံ့ဖြိုးတဲ့ ကျေးရွာကြီး ဖြစ်ပါတယ်။

ရှေးဟောင်းစေတီပုထိုးတွေ အများအပြားဖူး တွေ့နိုင်ပြီး စေတီအချို့ပြိုကျပျက်စီးနေတယ်။ ဘုန်းတော်ကြီးကျောင်းတွေ လည်း အများအပြား ရှိပါတယ်။

ဒီရွာထိပ်မှာ ကြီးမားတဲ့စာကြည့်တိုက်ကြီးရှိပြီး သတင်းစာဆရာမကြီး လူထုဒေါ်အမာရဲ့ အကြံဉာဏ်၊ လုံ့လ၊ ဥသဟနဲ့ ဖွင့် လှစ်ခဲ့တဲ့ ညိုမြတို့ရွာ စာကြည့်တိုက်က ရွာ့ကျက်သရေ ဖြစ်နေပါပြီ။ အညာရွာကြီးတရွာမှာ စာကြည့်တိုက်ကြီး ရှိနေတာ ဂုဏ်ယူစရာကောင်းတယ်။

စာကြည့်တိုက်က အုတ်ကာသွပ်မိုး တထပ်အဆောက်အဦပါ။ စာကြည့်တိုက်ရှေ့မှာ အမြင့်ရွာသား (၃) ယောက်ဖြစ်တဲ့ အိုးဝေ ဦးညိုမြ ၊သခင်လေးမောင်၊ အရီးတောင်း ဦးကျော်သိန်းတို့ရဲ့ကိုယ်တပိုင်းပုံကြေးရုပ်တွေ စိုက်ထူထားတယ်။

အမြင့်မြို့ရှိ ညိုမြတို့ရွာ ကိုယ်ထူ ကိုယ်ထ စာကြည့်တိုက်


၂၄ ဧပြီ ၂၀၁၄ ရက်နေ့က အိုးဝေဦးညိုမြ နှစ်(၁၀၀)ပြည့်တဲ့နေ့က အမှတ်တရအဖြစ် အမြင့်ရွာသားသုံးယောက်ရဲ့ ကြေးရုပ် တွေ စိုက်ထူခဲ့ကြတာပါ။ ညိုမြတို့ရွာ စာကြည့်တိုက်ဖြစ်မြောက်ဖို့ မန္တလေးက လူထုဒေါ်အမာရဲ့စီစဉ်ပေးမှုနဲ့ ၁၉၉၈ ခုနှစ် ဒီဇင်ဘာ ၁၃ရက်နေ့မှာ ဖွင့်လှစ်ခဲ့ကြတာပါ။

စာကြည့်တိုက်ဖွင့်ပွဲလာကြတဲ့ ဆရာနေဝင်းမြင့်၊ ဆရာကျော်ရင်မြင့်၊ ဆရာညီပုလေး၊ ဆရာဆူးငှက်တို့ရဲ့ဓာတ်ပုံမှတ်တမ်း တွေကို စာကြည့်တိုက်ထဲမှာ ပြသထားတယ်။ စာကြည့်တိုက်တည်ထောင်ပြီး နှစ် ၂၀ နီးပါးအတွင်း စာပေဟောပြောပွဲတွေ ၁၀ ကြိမ်ထက်မနည်း လုပ်ဆောင်ပေးခဲ့တယ်။

ညိုမြတို့ရွာ စာကြည့်တိုက်ရယ်လို့ အမည်မတွင်ခင်က နန်းမြင့် အမည်နဲ့လည်း စာကြည့်တိုက် ဖွင့်လှစ်ခဲ့ဖူးတယ်။ အလင်း ရောင်စာကြည့်တိုက်၊ ရတနာပျိုးခင်းစာကြည့်ုတိုက်စတဲ့ နာမည်တွေနဲ့လည်း အမြင့်မှာ စာကြည့်တိုက်တွေ ရှိခဲ့ဖူးတယ်။ အခု ညိုမြတို့ရွာ စာကြည့်တိုက် ဗီရိုတွေထဲမှာ အရင်စာကြည့်တိုက်တွေက စာအုပ်တွေပါ စုဆောင်းထားရှိပါတယ်။

စာကြည့်တိုက်မှူး ဦးညိုသောင်းက “ စာအုပ်ပုံမှန် အလှူရှင်တွေလည်းရှိတယ်။ လက်ရှိမှာလည်း စာအုပ် ၄၀၀၀ ဝန်းကျင် လောက်ရှိတယ်။ နေ့စဉ် ပုံမှန်စာလာဖတ်သူက ၁၀ ဦး ထက် မပိုဘူး။ တချို့ရက်တွေဆို လေးငါးယောက်ပဲ လာတယ်” လို့ သူ့ စာကြည့်တိုက်အခြေအနေကို ပြောပြတယ်။

အမြင့်က သမိုင်းထဲကမြို့ဖြစ်ပေမယ့် လျှပ်စစ်မီးရတာ မကြာလှသေးဘူး။ ရွာထိပ်က ထရန်စဖော်မာမှာ ရေးထိုးထားတဲ့ မှတ် တမ်းအရ (၇-၇-၂၀၁၄)ရက်နေ့ကမှ လျှပ်စစ်မီးရခဲ့တာဖြစ်ပါတယ်။ အမြင့်က ရှေးရွာကြီးဖြစ်ပြီး ရွာတည်ထားပုံက စနစ် ကျ တယ်၊ လမ်းတွေက ဖြောင့်တန်းနေပြီး အကွက်ကျကျ ဖော်ဆောင်ထားတယ်။

အမြင့်က လူတွေရဲ့အသက်မွေးဝမ်းကျောင်းလုပ်ငန်းက မိရိုးဖလာ တောင်သူလုပ်ငန်းနဲ့ နှီးဖျာ ရက်လုပ်ရောင်းချတာပါ။ နှီး ဖျာ ရက်လုပ်ပြီး တောင်း၊ ခမောက်၊ ဖျာ၊ စတဲ့ လက်မှုလုပ်ငန်းထွန်းကားပြီး အနီးဝန်းကျင် မြို့ရွာတွေမှာ ရောင်းချကြပါ တယ်။ အမြင့်က ဘွဲ့ရလူငယ်တွေ ကုမ္မဏီလုပ်ငန်းတွေမှာလည်း ဝင်ရောက်လုပ်ကိုင်ကြတာရှိပါတယ်။

အမြင့်မြို့ရှိ ရှေးဟောင်း စေတီအချို့


အညာရွာတွေ ထုံးစံ အတိုင်း မလေးရှားနဲ့ ကိုရီးယားမှာ သွားရောက် လုပ်ကိုင် နေကြ သူတွေလည်း မနည်းလှ ဘူးလို့ အမြင့်ရွာ ခံက ပြောပြတယ်။

အမြင့်ဝန်းကျင် ဒေသက ရှေးမြန်မာ ကြီးတွေ အခြေစိုက် နေထိုင် ခဲ့ကြတာပါ။ အမြင့်မှာ ရှေးခံတပ်မြို့ ဖြစ်တာနဲ့ အညီ ကျုံး၊ မြို့ ရိုးဟောင်းတွေ အခုတိုင် တွေ့မြင်နိုင် ပါသေးတယ်။ ခေတ် အဆက်ဆက် စိုက်ထူခဲ့တဲ့ ကျောက်စာတွေလည်း အမြင့်မှာ ရှိတယ်။ နန်းတော်ရာ ကုန်းမှာ တိုင်အဟောင်း အမြင်းတွေသာ ရှိတော့တယ်။ ရှေးခေတ် စေတီ အပျက်အစီး တွေကို ရှေး ဟောင်းသုတေသနက နံပါတ်ရေးထိုးပြီး မှတ်တမ်း တင်ထား ပါတယ်။

အမြင့်ရွာ အနီးမှာရှိတဲ့ တောကျောင်း လေးရွာက ပျူတွေ တည်ခဲ့တဲ့ ရွာဖြစ်ပြီး တခါတရံ ပျူခေတ် လက်ရာ ရှေးဟောင်းပစ္စည်း တွေ့ရလေ့ ရှိပါတယ်။ အမြင့်ရွာနဲ့ ၅ မိုင် အကွာမှာ အနိမ့်ရွာ ဆိုတာ ရှိပြီး အဲဒီ အနိမ့်ရွာ ကလည်း ရှေးဟောင်း ရွာကြီး တရွာ ဖြစ် ပါတယ်။

ညိုမြတို့ရွာ စာကြည့်တိုက်နဲ့ လမ်းခြားပြီး ပန်းတိမ်ကုန်း စေတီရှိပါတယ်။ ပန်းတိမ်ကုန်း စေတီရဲ့အပြင်ဘက်မှာ လူတရပ် ကျော်မြင့်တဲ့ ငုဝါပင်ပျိုတပင်ရှိတယ်။ ငုဝါပင်လေးရဲ့ဘေးမှာ တတောင်သာသာ ကျောက်စာတိုင်လေး စိုက်ထူထားပါတယ်။

ကျောက်စာမှာ ၁၉-၆-၂၀၀၈ ဒေါ်အောင်ဆန်းစုကြည် မွေးနေ့အမှတ်တရ အမျိုးသားဒီမိုကရေစီအဖွဲ့ချုပ် (အမြင့်တိုက်နယ်) စိုက်ပျိုးသည်လို့ ရေးထား ပါတယ်။ သစ်ပင်ကို ၂၀၀၈ ခုနှစ်ကတည်းက စိုက်ပျိုးခဲ့ပေမယ့် ကျောက်စာတိုင်ကိုတော့ ၂၀၁၆ ခု နှစ်မှသာ စိုက်ထူခွင့်ရခဲ့ပါသတဲ့။

အညာဒေသ မုံရွာ-ချောင်းဦးဒေသ ရောက်တဲ့အခါ ရှေးမြို့ဟောင်းအမြင့်ဒေသကို အရောက်လှမ်းခဲ့ကြပါ။ ရှေးဟောင်း စေတီပု ထိုးတွေ၊ သာသနိက အဆောက် အဦးတွေ ဖူးမြှော်ရင်း အညာမုန့်ပဲ သရေစာတွေ သုံးဆောင် ရအောင် အရောက် လှမ်းခဲ့ကြစေလို ပါတယ်။

From : ဧရာဝတီ by သန်းနိုင်ဦး 25 June 2017

Originally published at - burma.irrawaddy.com

Read More »

Sunday, May 28, 2017

ဖားစည်မြေနဲ့ ရာမညပြည်သို့ အလည် တစ်ခေါက်



ယခင် ဗိုလ်ချုပ် အောင်ဆန်း တံတား (ဘီလူးကျွန်း) ကို မဖွင့်လှစ် ခင်က ဘီးလူးကျွန်းသို့ သွားရန် အတွက် မော်လမြိုင် ဘက်ကမ်းမှ ကျားတံတား ဆိပ်ကမ်း အား လူများ အသုံးပြု၍ တဖက်ကမ်း ဘီလူးကျွန်း ကညှော်ဆိပ် (ကုလားဆိပ်) သို့ ကူးသန်း သွားလာ ကြရသည်။

ရက်ရှည် အချိန် အများကြီး မပေးနိုင်ပဲ ၂ ညအိပ် ၃ ရက် ခရီးလောက် အပန်းဖြေလို့ ရအောင် ထွက်ချင်တဲ့ ရန်ကုန်က မိသားစုတွေ ဆိုရင် မွန်ပြည်နယ်နှဲု ကရင် ပြည်နယ်ဟာ သွားလာ လည်ပတ်လို့ ကောင်းတဲ့ နေရာတွေ တော်တော် ပေါ်ထွက် လာပါပြီ။ အဓိက ကျတဲ့ လမ်းပန်း ဆက်သွယ်ရေး ကလည်း ကောင်းမွန် နေပြီဆိုတော့ သဘာဝ ရှုခင်းတွေနဲ့ လေကောင်း လေသန့် ရှုဖို့ နေရာကောင်း လေးတွေ သွားဖို့ လိုနေပြီပေါ့။

ပြီးခဲ့တဲ့ အပတ်က မိသားစုနဲ့ မြဝတီ-မဲဆောက်ဘက်သို့ အပျော်ခရီးတခုထွက်ဖြစ်ခဲ့၏၊ ပဲခူးတိုင်းကိုအကျော်၊ စစ်တောင်းတံတားတစ်ဘက်ကမ်း မွန်ပြည် နယ် သို့ စဝင်ဝင်ခြင်း ကပင် အဝေးပြေး လမ်းများ၏ ကျယ်ပြန့်ပြီး ကတ္တရာလမ်းပြောင်ပြောင်တွေကို စတွေ့ တာနဲ့ပင် ကားလမ်း တစ်လျှောက် အဆင်ပြေပြေ ခရီးသွား ရတဲ့ အရသာကို အပြည့် အ၀ ခံစား ရပါ တော့တယ်။

အရင် ၃-၄ နှစ်လောက် အထိ လမ်းကျဉ်းပြီး ကားကြီးတွေ ဖြတ်သန်းတာများတာကြောင့် သွားလာရ ခက်ခဲခဲ့တဲ့ ဒီလမ်းကြောင်းဟာ ခုတော့ တော်တော်လေးကို ပြောင်းလဲသွားခဲ့ပါပြီ။ ရန်ကုန်ကနေ သထုံမြို့အထိ အနည်းဆုံး ငါးနာရီကျော် မောင်းခဲ့ရတဲ့ လမ်းကြောင်းဟာ ခုဆိုရင် သုံးနာရီခွဲသာသာ လောက်ပဲ မောင်းရတော့တာကြောင့် နောင် ဒါထက် ပိုစည်ကား ပိုသက်သောင့်သက်သာ ရှိတဲ့ ခရီးလမ်း ဖြစ်လာမှာလည်း မလွဲပါ။

မွန်ပြည်နယ်ထဲကို ဝင်ပြီဆိုတာနဲ့ မျက်စိထဲ ပြေးမြင်မိတာက ဆံတော်ရှင် ကျိူက်ထီးရိုး စေတီပါ၊ ကားမောင်းချိန် ၂ နာရီခွဲ၊ ၃ နာရီ သာသာလောက်အတွင်း ကင်မွန်းစခန်းကို ရောက်နိုင်အောင် ပို့ပေးမယ့် လမ်းတွေက တော်တော် ဖြောင့်ဖြူးနေပါတယ်။ အဲ့ဒီဘက်က ကျော်လာရင်တော့ သထုံရွှေစာရံဝင်ဖူးပြီးတာနဲ့ ဘားအံဘက်လမ်းခွဲအတိုင်း သွားပါမယ်။


ဘီလူးကျွန်းပေါ်တွင် ရှားပါးလာပြီ ဖြစ်သည့် နွားလှည်းယဉ် အလှပြ တန်ဆာ ဆင်မှုကိုလည်း ပွဲတော်နှင့် အခါကြီး ရက်ကြီး နေ့ရက် များတွင် တွေ့မြင် ရတတ်သည်။

ကရင်ပြည်နယ်ထဲ ရောက်သွားပြီမို့ လမ်းတွေ ကောင်းပါ့ဦးမလား၊ အတွေးတွေက ဘားအံထိ သွားတဲ့ လမ်းတွေရဲ့ အရင်နဲ့ မတူတော့တဲ့ အနေအထားတွေကို မြင်တွေ့ပြီးတဲ့နောက်မှာ အမြင်တွေပါ ပြောင်းလဲသွားရပါတယ်။ ထိုင်း-မြန်မာ နယ်စပ် မြဝတီအထိ သွားမယ့်လမ်းမကြီးဟာ၊ အာရှဟိုင်းဝေးလမ်းမကြီးရဲ့ တစ်စိတ်တဒေသမို့ ကားကြီးကားငယ်တိုင်းအတွက် မောင်းရလွယ်ကူကောင်းမွန်နေပါပြီ။

ကရင်ပြည်နယ်ထဲကို ချိူးကွေ့ဝင်လိုက်တာနဲ့ ထုံးကျောက်တောင်ကြီးတွေဝိုင်းရံနေတဲ့ ကားလမ်းဘေးတစ်ချက်စီဟာ မျက်စိမှိတ်အိပ်မလိုက်ချင်လောက်အောင် ဆွဲဆောင်မှုရှိတာကို ဒီလမ်းကြောကို ဖြတ်သန်းသွားလာခဲ့ဖူးသူတွေ သိကြမှာပါ။ ဘားအံလမ်းခွဲထဲဝင်ပြီး မိနစ်ပိုင်းအတွင်း ရောက်နိုင်တဲ့ ဘုရင့်ညီဂူလို့ခေါ်တဲ့ ထုံးကျောက်လိုဏ်ဂူကြီးဟာ သဘာဝတွေ၊ ရေပူစမ်းနဲ့ သာယာတဲ့ရေကန်၊ ပတ်ဝန်းကျင်က ဘုရားစေတီတွေကြောင့် လည်ပတ်ရရင်တောင် စိတ်ညစ်ညူးမှုတွေ ပျောက်စေမယ့်နေရာလို့ ပြောနိုင်ပါတယ်။

အဲဒီကနေ လမ်းတစ်လျှောက်မှာရှိတဲ့ အလှအပတွေခံစားလာရင်းနဲ့ ဇွဲကပင်တောင်ခြေနားရောက်လာပြီဆိုရင် ပတ်ဝန်းကျင်ဟာ ပိုပြီး ကြည့်ပျော်စရာဖြစ်လာပါပြီ။ ဇွဲကပင်တောင်ခြေကနေ တောင်ပေါ်တက်နိုင်မယ့် အစီအစဉ်တွေ၊ အနားယူအပန်းဖြေနိုင်မယ့်နေရာတွေရှိတာကို ခုဆိုရင် ခရီးသွားလုပ်ငန်းတွေက နေ့ချင်းပြန်ခရီးတွေ အဖြစ် ဖန်တီးပေးနေကြပါပြီ။


လမ်းပန်း ဆက်သွယ်ရေး ပိုမို ကောင်းမွန်ခြင်းနှင့် ဗိုလ်ချုပ်အောင်ဆန်း တံတား ဘီလူးကျွန်းအား ဖွင့်လှစ်ပြီး နောက်တွင် ကျွန်းပေါ်သို့ လာရောက် လည်ပတ်သူ ပိုမို များပြား လာခဲ့သည်။

ဒီလမ်းတစ်လျှောက်မှာပဲ နာမည်ကျော် ကော့ဂွန်းဂူတို့၊ ဆဒ္ဒန်ဂူတို့၊ ရသေ့ပျံဂူတို့ စတာတွေကိုပါ တစ်ခါတည်း ရောက်နိုင်အောင် စီစဉ်ပေးနေကြပါပြီ။ ဒါတွေက နေ့ချင်းပြန်အစီစဉ်ထဲ ထည့်သွင်းနိုင်တာတွေပေါ့။

ကျမတို့ မိသားစုကတော့ မြဝတီကို ခရီးဆက်မှာမို့ အများကြီး ဝင်မလည် ဖြစ်တော့ပဲ၊ ရှေ့ဆက်ချီတက်ခဲ့ပါတယ်။

ဘားအံမြို့ထဲကို ဝင်တာနဲ့ ဘေးတလျှောက်က သံလွင်မြစ်အလှကို ကြည့်ရင်းနဲ့ မြစ်ကမ်းနဖူးက ရွှေရင်မျှော်စေတီကို ဝင်ဖူးလိုက်ကြပါသေးတယ်။ မြစ်ဘက်က တိုက်ခတ်လာတဲ့ လေအေးရယ်၊ မြစ်ကမ်းကို ကျော်ပြီးရင် တွေ့ရမယ့် မုန့်စိမ်းပေါင်းပုံ တောင်ကြီးတွေရယ်၊ မြစ်ထဲက လှေလေးတွေရယ်က ကဗျာဆန်ဆန် လှပနေပါတယ်။

ဘားအံမြို့ကနေ ထွက်ပြီးတော့ အိန္ဒုစံပြကျေးရွာတိုင်အောင် ဒီလမ်းမကြီးက အခြေအနေကောင်းပါတယ်။ အဲဒီ နောက်ပိုင်းကစပြီး ခု လူပြောများတဲ့ ဘားအံနဲ့ ကော့ကရိတ်မြို့ကြားက လမ်းကတော့ ကျဉ်းလည်းကျဉ်းသေးပြီး၊ အဖာအထေးအချို့လည်းရှိနေသေးတာမို့ ၄၆ မိုင်လောက်သာသာကို ၂နာရီနီးပါးမောင်းကြရတာကတော့ တော်တော် အခက်အခဲရှိပါတယ်။ လမ်းကျဉ်းတာကြောင့် ကားကြီးနှစ်စင်းရှောင်မောင်းလို့မရနိုင်တာဟာ ဒီလမ်းရဲ့ အားနည်းချက်ကြီးဖြစ်နေပါတယ်။ ထိုင်းနိုင်ငံနဲ့ မြန်မာနိုင်ငံ နှစ်နိုင်ငံ ကုန်စည်စီးဆင်းရာ အဓိက လမ်းကြောင်းမှာ ခုလို အခက်အခဲရှိနေသေးတာကြောင့် အစိုးရဘက်ကလည်း ဒီနေရာကို ပြင်ဆင်ချဲ့ထွင်ဖို့ နိုင်ငံတကာအကူအညီနဲ့ လုပ်ဆောင်ဖို့ စီမံကိန်းရှိကြောင်းတော့ သိရပါတယ်။ ဘယ်တော့ စတင်မလဲ မသိရပါ။

ကော့ကရိတ်မြို့ကိုရောက်တဲ့အခါမှာ မြို့တွင်းကိုဝင်တဲ့လမ်းနဲ့ ဒေါနတောင်တန်းကြီးကို ဖြတ်ကျော်မယ့် အာရှ လမ်းမကြီးကို တွေ့ရပါတယ်။ အရင် ဒေါနတောင်တန်းကြီးကိုဖြတ်ကျော်ခဲ့ရတဲ့ လမ်းဟောင်းဟာ ကော့ကရိတ် မြို့ထဲကနေ ဖြတ်ခဲ့ရတာမို့ လွမ်းမိရပါသေးတယ်။ လမ်းသစ်ကြီး မဖောက်ခင်အချိန်က နယ်စပ်မြဝတီမြို့ကို ရောက်ဖို့ဟာ ၃-၄ နာရီ စီးခဲ့ရတဲ့ ဒေါနတောင်တန်း ဖြတ်ကျော်ခရီးဟာ မေ့မရတဲ့ အချိန်တွေပါ။

လမ်းကျဉ်းလွန်းပြီး အန္တရာယ်များတဲ့ ချောက်တွေနဲ့ လမ်းဟောင်းဟာ ကားကြီးတွေ ၂ စီးဆင်းမရတာမို့ အတက်ရက်၊ အဆင်းရက် သတ်မှတ်ပြီး ဖြတ်ကျော်ခဲ့ရတဲ့ အချိန်ကာလများနဲ့ အခုလို လမ်းသစ်ကြီး အပြီး မိနစ် ၄၀ နဲ့ ကော့ကရိတ်က မြဝတီမြို့ကို ရောက်သွားတာဟာ အရင်က အဖြစ်တွေဟာ ပုံပြင်များလား ထင်ရမယ့် အနေအထားပါ။

ထိုင်းနိုင်ငံရဲ့ နည်းပညာပံ့ပိုးမှုနဲ့ ဖောက်လုပ်ထားတဲ့ ဒီ အာရှလမ်းမဟာဖွင့်လိုက်တာ ၂ နှစ်ကျော်ခန့်ပဲ ရှိပါသေးတယ်။ ညက်ညောနေတဲ့လမ်းနဲ့ တိမ်းရှောင်ရလွယ်ကူတဲ့လမ်းမမှာ ဘာကြောင့် ယာဉ်တိုက်မှုတွေ မကြာခဏ ဖြစ်ရတာလဲ ဆိုတာကိုလည်း စဉ်းစားလို့တော့ မရပါဘူး။

မြဝတီမြို့ဟာ နယ်စပ်မြို့ ပီပီလူမျိူးပေါင်းစုံနဲ့ ရှုပ်ထွေးနေပေမယ့် မြို့ပြ ရန်ကုန်ထက်တော့ နေရတာ ပိုကောင်းမယ်လို့ အတွေးပေါက်မိ ပါသေးတယ်။ နယ်စပ်ဂိတ်ကနေ တရားဝင် ဝင်ရောက် အလုပ်လုပ်ကိုင်ကြမယ့်သူတွေနဲ့၊ ထိုင်းနိုင်ငံ နယ်စပ် မဲဆောက်မြို့ကို သွားလည်ပတ်ကြမယ့်သူတွေနဲ့ အမြဲစည်ကားနေတဲ့နေရာဖြစ်တာကြောင့် ကိုယ်မသိတဲ့ ဗဟုသုတ အစုံကတော့ လေ့လာလို့ကောင်းတဲ့ အရပ်ပါပဲ။

မြဝတီမြို့မှာ လည်ပတ်စရာ ရှားပါးပေမယ့် တဘက် မဲဆောက်မြို့မှာတော့ မြန်မာနိုင်ငံဘက်ခြမ်းက လာတဲ့ သူတွေ အတွက် တနေကုန် လည်ပတ်စရာ ၁၂ နေရာလောက် ရှိတာကြောင့် အခုနောက်ပိုင်း မြန်မာခရီးသွား တော်တော် များများ လည်ပတ်နေကြတာကို မြင်ရပါတယ်။ ခရီးသွားကားတွေ၊ စင်းလုံးငှားယာဉ်တွေနဲ့ မြဝတီမြို့ဘက် ကတော့ စည်ကားနေတာပါပဲ။

မြဝတီမြို့မှာ ညအိပ်ပြီး နောက်တရက်လုံးလုံး မဲဆောက်မြို့ပေါ်လည်ပတ်ကြတဲ့ ကျမတို့ မိသားစုက ဒီခရီးစဉ်ကိုတော့ ကျေနပ်မိကြပါတယ်။ ၁၀ ဦးလောက်ဆံ့တဲ့ အန်စာတုံးလို့ အများခေါ် commuter စင်းလုံးငှားယာဉ်ဟာ တနေကုန် သုံးပါမှ (တဘက်နိုင်ငံအဝင်၊ ဝင်ကြေးအပါအဝင်) ကျပ် ၁၂၀၀၀၀ ခန့်သာ ကုန်ကျပါတယ်။ မနက်အစောပိုင်း ၈ နာရီ လောက်ကနေ ည ၈ နာရီအထိဟာ အချိန်ကုန်လို့ ကုန်မှန်း မသိအောင် လည်စရာတွေနဲ့ ပြီးသွားပါတယ်။

နောက်ရက်မှာ ကျမတို့ဟာ မြဝတီမြို့ကနေ ပြန်လည် ထွက်ခွာပြီးတော့ လာလမ်းအတိုင်း ပြန်ထွက်ပါတယ်။ ဒီအခါမှာ မွန်ပြည်နယ်ထဲကို ပြန်ဝင်ဖို့ အတွက် လမ်းကြောင်းသုံးခု ရှိတာကို သိရပါတယ်။ ကျုံဒိုးမြို့ကနေ တလမ်း၊ အိန္ဒုရွာဘက်ကနေ တလမ်းနဲ့ ဘားအံဘက်ကနေ တလမ်းပါ။ ကျမတို့က ပိုကောင်းမယ်လို့ ယူဆရတဲ့ အိန္ဒုလမ်းဆုံ ကနေ မော်လမြိုင်ဘက်ကို တက်ခဲ့ကြပါတယ်။ လမ်းဆုံ ၂ ခုဟာ ၂၇ မိုင်ရှည်လျားပါတယ်။

ကျမတို့ ရွေးချယ်လိုက်တဲ့ ဒီလမ်းကြောဟာ မထင်မှတ်လောက်အောင်ပဲ လမ်းသားက ချောမွေ့တာ၊ မောင်းရကောင်း တာ၊ လမ်းရှင်းတာတွေကြောင့် တော်တော်လေးကို အဆင်ပြေတာ တွေ့ခဲ့ရပါတယ်။ ဂျိုင်းမြစ်နဲ့ အတ္တရံမြစ်တွေကို ကူးတဲ့ တံတားတွေဟာ ကြိုးတံတားပုံစံ ဖြစ်တာကြောင့် အမြင် တမျိူးလေး ဆန်းနေပါသေးတယ်။ လမ်းတလျှောက် မှာလည်း သဘာဝတွေက ဆင့်ကဲပြီး လှပနေတာတွေကြောင့် ရပ်လိုက်၊ နားလိုက်၊ ဓာတ်ပုံဆင်းရိုက်လိုက်နဲ့ အလုပ်ကို ရှုပ်နေခဲ့တာပါပဲ။


ဆေးတံထုတ်လုပ်သည့် ကျေးရွာဟု လူသိများသည့် ရွာလွတ် ရွာလယ်ရှိ ဆေးတံ ကျောက်တိုင်သည် ခရီးသွားများ အတွက် အမှတ်တရ ဓာတ်ပုံ ရိုက်သည့် Tourist Destination တခု ဖြစ်လာပေသည်။

ဒီလမ်းကြောမှာ ရာမညရဲ့ နာမည်ကျော် ထန်းပင်တွေ ယှက်ဖြာဝိုင်းနေတဲ့ ကျိုက်မရောမြို့ရှိပါတယ်။ ကျိုက်မရော- မော်လမြိုင် လမ်းဆုံကနေ၊ ကျမတို့ ဘယ်ဘက်ခြမ်းကို ကွေ့ဝင်သွားတာနဲ့ သိပ်လှတဲ့ ထန်းပင်ကြီးတွေ အုပ်နေတဲ့ လမ်းကလေးကို မြင်ရတော့တာ ပါပဲ။ အရင်က လမ်းမကောင်းတာမို့ ကျိုက်မရောမြို့ထဲ ရောက်ဖို့ တော်တော်မောင်း ယူရတဲ့ လမ်းဟာ ခုတော့ ဖြူးလို့ ပေါ့။

လမ်းမကြီးတလျှောက် ထန်းပင်တွေ အုပ်နေတာကြောင့် ဒီသဘာဝကပေးတဲ့ အလှကိုလည်း အလွတ်မပေးပဲ ဓာတ်ပုံတွေ ရိုက်ကြရပြန်ပါတယ်။ ကျိုက်မရောမြို့ထဲမှာတော့ နာမည်ကျော် ကျိူက်မရော ဆုတောင်းပြည့် ဘုရားကြီးကို ဝင်ဖူးခဲ့ကြပါတယ်။ ခြေဆင်း ထိုင်တော်မူ ရုပ်ပွားတော်ကြီးဟာ ကျိုက်မရောမြို့လေးရဲ့ အထင်ကရ တခုပါပဲ။

ကျိူက်မရောက ပြန်ထွက်လာတဲ့ အခါ နေ့လယ်စာ စားချိန်ရောက်နေပြီ ဖြစ်လို့ ကျမတို့ မော်လမြိုင်ကို မြန်မြန် မောင်းပြီး နေ့လယ်စာ စားကြပါတယ်။ မူလအစီအစဉ်မှာကို ကျမတို့က မော်လမြိုင်ကနေ ပြန်ကြမှာ ဖြစ်လို့ ဘယ်ကို ဝင်လည် ကြမလဲလို့ တိုင်ပင်ထားကြပြီးသားပါ။ နာမည်သမုတ်ရာမှာ နာမည်ကျော်ခဲ့တဲ့ ဘီလူးကျွန်း ဖြတ်ကျော် ဗိုလ်ချုပ်အောင်ဆန်း တံတားကို ဖြတ်သန်းသွားကြဖို့ ပေါ့။

ကျမ ၂၀၀၇ ခုနှစ်က ဘီလူးကျွန်းကို မော်လမြိုင် တဘက်ကမ်းကနေ စက်လှေနဲ့ ကူးပြီး သွားလည်ခဲ့ဖူး ပါတယ်။ အင်မတန် ခက်ခဲတဲ့ လမ်းကြောတခုပါ။ နာရီဝက်ကျော် စက်လှေစီးပြီး၊ ဘီလူးကျွန်းထဲက ရွှာတွေထဲ ရောက်ဖို့ မြင်းလှည်းနဲ့ ထပ်သွားခဲ့ရတာကို မမေ့သေးပါဘူး။ လမ်းကြမ်းလွန်းတာကြောင့် မြင်းလှည်း ယိုင်တိုင်တိုင်ပေါ် ကနေ ရွာလွတ်၊ မုဒွန်းစတဲ့ ရွာတွေကို တော်တော်လေး အချိန်ကြာကြာ ယူပြီး သွားခဲ့ရတာပါ။

ခု ၁၀ နှစ်အကြာမှာ ပြန်ရောက်တဲ့ အခါ၊ အရာရာက ပြောင်းလဲနေပါပြီ။ မေလ ၉ ရက်နေ့က ဖွင့်ခဲ့တဲ့ တံတားသစ်ကြီးကို ၂ ပတ် အကြာ ဖြတ်သန်းလိုက်ရတော့ စိတ်ထဲမှာ မြန်လှချည့်ပေါ့။ တံတားကနေ အဆင်း ဘီလူးကျွန်းထဲကိုအဝင် လမ်းဟာ ဖြူးလို့။ ချောင်းဆုံမြို့ထဲဘက်သွားတဲ့ ဘယ်ဘက်ခြမ်းနဲ့ မုဒွန်းရွာဘက်သွားတဲ့ ညာဘက်ခြမ်း အလယ် လမ်းဆုံမှာ အထိမ်းမှတ်အဝိုင်းနဲ့ သပ်ရပ်လှပနေပါတယ်။

ဒေသန္တရ ယဉ်ကျေးမှုနှင့် ရိုးရာ လက်မှု ပညာများကို လေ့လာရန် အတွက် နိုင်ငံခြားသား များလည်း ဘီလူးကျွန်းအား လာရောက် လည်ပတ်ကြသည်။


ကျမတို့က ချောင်းဆုံဘက်ကနေ ကွေ့သွားမယ် ဆိုပြီး ဘယ်ဘက်ကို ချိူးဝင်ခဲ့ပါတယ်။ ဘီလူးကျွန်းမှာ ချောင်းဆုံ မြို့နယ် တခုပဲ ရှိပြီး အရင်ကတော့ ရွာပေါင်း ၆၄ ရွာနဲ့ ဖွဲ့စည်းထားတယ် လို့ သိရပါတယ်။ ခုတော့ ဒေသခံတွေ အပြောအရ ရွာပေါင်း ၇၀ ကျော် နီးပါးဖြစ်လာတယ် လို့ ဆိုပါတယ်။ ဘီလူးကျွန်းကြီးကို ပတ်ပြီး ဖောက်ထားတဲ့ လမ်းမကြီးဟာ ခုတော့ ကားတဝီဝီ သွားလို့ ရနေပါပြီ။ အရင်က ဒီလမ်းတွေဟာ ဆိုင်ကယ်၊ မြင်းလှည်းနဲ့ တုတ်တုတ် ဆိုင်ကယ်တွေသာ သွားခဲ့တဲ့ နေရာတွေပါ။

ချောင်းဆုံမြို့ဘက်ကနေ တပတ် ပတ်ကြည့်ပြီး ကျမတို့ဟာ ဘီလူးကျွန်းရဲ့ နာမည်ကျော် ဆေးတံ၊ တုတ်ကောက်၊ ဆေးလိပ်ပြာခွက်စတဲ့ လက်မှုပစ္စည်းတွေ ထုတ်လုပ်တဲ့ ရွာလွတ် (ရလွတ်) ကို ရောက်ပါတယ်။ ရွာလွတ်ရွာ အလယ် မှာတော့ မကြာသေးခင်ကမှ စိုက်ထူလိုက်ပုံရတဲ့ ဆေးတံ အကြီးကြီးနဲ့ အဝိုင်းကို မြင်ရပါတယ်။ ဒါဟာ ဒီရွာရဲ့ သင်္ကေတ တခုပါပဲ။ Made In Ywalut လို့ ရေးထားတဲ့ ဆေးတံကြီးဟာ ခရီးသွားတွေကို တော်တော် ဆွဲဆောင် ပါတယ်။

ခရီးသွားကားတွေပေါ်က လူတွေ ဆင်းလာကြပြီး အမှတ်တရ ဓာတ်ပုံတွေ ရိုက်ကြနဲ့ ဒီဒေသဟာ မကြာခင်မှာ ခရီးသွားလုပ်ငန်း ဖွံဖြိုးလာမယ့် အလားအလာက မျက်ဝါးထင်းထင် ဖြစ်နေပါပြီ။ ကျမတို့ ရောက်တဲ့ နေ့ဟာ တနင်္ဂနွေနေ့ ဖြစ်တာကြောင့် ရွာလွတ်ရဲ့ နာမည်ကျော် ဆေးတံနဲ့ လက်မှုလုပ်ငန်းတွေ နားကြပါတယ်။ ဒါကြောင့် လုပ်ငန်းခွင်တွေကို လေ့လာခွင့် မရခဲ့ပေမယ့် လက်ရှိ စီးပွားရေး အနေအထားကိုတော့ လေ့လာသုံးသပ်ခွင့် ရခဲ့ပါတယ်။ လက်မှုလုပ်ငန်းကို ဆက်ခံမယ့်သူတွေ ရှားလာတာရော၊ အသုံးပြုမှု နည်းလာတာကြောင့် လုပ်ငန်းတွေ တဖြည်းဖြည်း လျော့ပါးလာပေမယ့် ခရီးသွား လုပ်ငန်းတွေကို အမှီပြုပြီးတော့ ထုတ်လုပ်နေရမှုတွေတော့ ရှိနေပါသေး တယ်။

ရွာလွတ်က နာမည်ကျော် ဆေးတံဟာ ပြည်ပတင်ပို့ ရတဲ့အထိ ဈေးကွက်ရှိပေမယ့် ဒါဟာလည်း လောက်လောက် လားလားတော့ မဟုတ်ပါဘူး။ ရွာလွတ် ဆေးတံတွေရဲ့ တန်ဖိုးဟာ အနိမ့်ဆုံး ၂၅၀၀ ကျပ်ကနေ နဂါးပုံ၊ မြင်းရုပ်ပုံ စသဖြင့် အနုပညာ လက်ရာမြောက် ထုတ်လုပ်ထားတဲ့ ဆေးတံဆို ၁၅၀၀၀ ကျပ်နဲ့ အထက် ရှိပြန်ပါတယ်။ ဆေးတံ လုပ်တဲ့ သစ်သားအမျိူးစားပေါ် မူတည်ပြီးတော့လည်း ဈေးက ကွာခြားသွားပါသေးတယ်။ Made in Ywalut ဟာ ဘယ်လိုပဲ ပြောပြော ရှင်သန်မှုကတော့ ရှိနေပါသေးတယ်။

ရွာလွတ်ကနေ ကျော်လာတဲ့အခါ ကျောက်သင်ပုန်းတွေ ကျောက်တံတွေ ထုတ်လုပ်တဲ့ မုဒွန်းရွာကို ရောက်ပါတယ်။ အဲဒီမှာလည်း လုပ်ငန်းတွေ ပိတ်ရက်မို့ ထုတ်လုပ်တဲ့ နေရာထိ သွားမရပေမယ့် ရွာလည်လမ်းမ တလျှောက် ကျောက်သင်ပုန်းတွေ ရောင်းတဲ့ ဆိုင်လေးတွေကို လိုက်လေ့လာကြည့်ခဲ့ပါတယ်။ ခုနောက်ပိုင်း ကျောက်သင်ပုန်းနဲ့ စာရေးသူ မရှိတော့ပေမယ့် ဆက်ပြီးထုတ်လုပ်နေတာကတော့ ဒေသထွက်ကုန် အဖြစ် လာရောက် လည်ပတ်ကြသူ တွေက ဝယ်ယူမှုတွေ ရှိနေကြသေးလို့ ပါပဲ။

ခေတ်မီတဲ့ ရွာသားတွေက အိုင်ပက်၊ တက်ဘလက် စသဖြင့် ကျောက်သင်ပုန်းကို နာမည်ပေးထားကြပြီးတော့ အသေးဆုံး ကျပ် ၅၀၀ တန်ကနေ ၂၅၀၀ တန်လောက် အထိ အစားစား ရှိပါတယ်။ ကျောက်တံကိုလည်း တစီးကို ကျပ် ၅၀၀ လောက်နဲ့ ရောင်းပေးပါတယ်။

အနီးအနားက ကျောက်သင်ပုန်းတောင်က ကျောက်တွေကို အချောသတ်သွေးယူပြီး ထုတ်လုပ်ထားတဲ့ ကျမတို့ရဲ့ ကျောက်သင်ပုန်းလေးတွေ ကျောက်တံလေးတွေကိုတော့ဖြင့် ပျောက်ပျက် မသွားစေချင်သေးပါဘူး။ ခရီးသွား လုပ်ငန်းကို ဆွဲဆောင်တာပဲ ဖြစ်ဖြစ် ထုတ်လုပ်မှု တိုးမြှင့်နေစေချင် ပါသေးတယ်။ ကျမတို့ မြန်မာနိုင်ငံမှာ တရွာ တပုဒ်ဆန်း ထွက်ကုန်လေးတွေ ရှိနေဆဲပါပဲ။ ဒါလေးတွေကို အစိုးရက မပျောက်ပျက် သွားရအောင် ရေရှည် ထိန်းသိမ်းပေးဖို့ အစီအမံတွေနဲ့ ပိုတွန်းအားပေး ဆောင်ရွက်ပေးဖို့တော့ လိုအပ်နေပါတယ်။

ဘီလူးကျွန်းက ပြန်အထွက် မော်လမြိုင်မြို့ကို ပြန်ရောက် အပြီး ကျမတို့ အိမ်ပြန်လမ်းကို သံလွင်တံတားကြီးကို ဖြတ်လို့ ပြန်လာခဲ့ပါတယ်။ စိတ်ထဲမှာတော့ ကျမတို့ တိုင်းရင်းသား ပြည်နယ်တွေရဲ့ ချစ်စရာ အလေ့အထတွေ၊ သဘာဝတွေ၊ လူနေမှုဓလေ့တွေ စုံလင်နေတာတွေကို မြင်ယောင်မိပါတယ်။ စီးပွားရေးအရ အချက်အချာ ကျလာမယ့်ဒေသ၊ သဘာဝတွေ မပျက်စီးသေးတဲ့ ဒေသတွေ ဖြစ်တာကြောင့် အချိန်ရရင်ဖြင့် ကိုယ့်တိုင်းရင်းသား နယ်မြေတွေကို မြတ်မြတ်နိုးနိုး သွားရောက် လည်ပတ်ကြရင် အချင်းချင်း စာနာနားလည်မှုနဲ့ အပြန်အလှန် နားလည်မှုတွေပါ ရရှိစေနိုင်မယ်လို့ တွေးမိပါတယ်။

From : ဧရာဝတီ by Zaw Lin Maung

Originally published at - https://burma.irrawaddy.com

Read More »

Tuesday, July 12, 2016

ဗီယက်နမ်နိုင်ငံရဲ့ လည်စရာ ပတ်စရာ


Vung Tau ကမ်းခြေ (ဓာတ်ပုံ -vietnamtravel.com)


အခုလို နေ့စဉ် ရက်ဆက် ရွာနေတဲ့ မိုးတွေကြောင့် ရာသီ ဥတု မိုးအေးအေးနဲ့ ထုံထုံ ထိုင်းထိုင်း ဖြစ်နေလို့ ခရီးသွား ချင်သူများ အတွက် မြန်မာနိုင်ငံရဲ့ မိုးရာသီကို ရှောင်ရှားရင်း
ဈေးနှုန်း သက်သက် သာသာနဲ့ ခရီးသွား နိုင်တဲ့ ပြည်ပ ခရီးစဉ် တခုရှိ ပါတယ်။

အဲဒါကတော့ မြန်မာနိုင်ငံသားများ အနေနဲ့ ၁၄ ရက်တာ ဗီဇာ ကင်းလွတ်ခွင့်နဲ့ သွားရောက် လည်ပတ်နိုင်မယ့် ဗီယက်နမ် ခရီးစဉ် ဖြစ်ပါတယ်။ ဗီယက်နမ်နိုင်ငံကို သွားရောက် လည်ပတ်မယ် ဆိုရင် ရန်ကုန် – ဟိုချီမင်း ခရီးစဉ် အပါ အ၀င် နိုင်ငံတကာ ခရီးစဉ်များစွာ လက်မှတ် ရောင်းချနေတဲ့ အာရှရဲ့ ဈေးနှုန်း သက်သာ စရိတ်နည်း လေကြောင်းလိုင်း Vietjet Air Line နဲ့ သွားရောက် နိုင်ပါတယ်။

ဗီယက်နမ်နိုင်ငံရဲ့ နာမည်ကျော် အစားအစာများကို အရသာမြည်းစမ်းချင်သူတွေနဲ့ ဗီယက်နမ်ရဲ့ ရိုးရာ ယဉ်ကျေးမှုကို လေ့လာချင်သူတွေ၊ ပြည်ပမှာ ဈေးဝယ်ထွက်ပြီး လည်ပတ်ချင်သူတွေ အတွက် ဗီယက်နမ် နိုင်ငံရဲ့ လည်ပတ်စရာ နေရာတွေကို Vietjet လေကြောင်းလိုင်းက မိတ်ဆက်ပေးထားပါတယ်။

Vung Tau ကမ်းခြေ (ဓာတ်ပုံ -vietnamtravel.com)


(၁) Vung Tau ကမ်းခြေ

Vung Tau ကမ်းခြေက ဗီယက်နမ်နိုင်ငံ၊ ဟိုချီမင်းမြို့တော်ရဲ့ အနီးအနားမှာ တည်ရှိပြီး ကမ်းခြေကို တနာရီခန့် ကားမောင်းရုံဖြင့် သွားရောက်လည်ပတ်နိုင်ပါတယ်။ အဆိုပါ ကမ်းခြေက ဗီယက်နမ်မှာရှိတဲ့ အလှပဆုံး ကမ်းခြေများထဲမှာ တခု အပါအဝင်ဖြစ်တယ်လို့ သိရပါတယ်။ ဖြူဖွေးနေတဲ့ သဲသောင်ပြင်၊ ပင်လယ် ရေပြာပြာနဲ့ ကျောက်ဆောင်များ အဆုံးမှာ တောင်တန်းတွေ ကာရံထားတဲ့ အလှအပကို ကမ်းခြေမှာ ခံစားနိုင်ပါတယ်။ ကမ်းခြေမှာ နေပူစာလုံ၊ ရေကူး ဒါမှမဟုတ် St.George အနားမှာ တောင်တက်ခရီး သွားရောက်နိုင်ပါတယ်။

(၂) Cu Chi ဒေသ

နောက်ထပ် သွားရောက်နိုင်တဲ့ တနေရာကတော့ Cu Chi ဒေသမှာရှိတဲ့ ၇၅ မိုင် (၁၂၁ ကီလို) ရှည်လျားပြီး ဝင်္ကဘာသဖွယ်ဖြစ်နေတဲ့ လိုဏ်ခေါင်းများ တည်ရှိရာနေရာ ဖြစ်ပါတယ်။ အဲဒီနေရာကို ဗီယက်နမ်အစိုးရမှ ထိန်းသိမ်း စောင့်ရှောက်ထားပြီး အဆိုပါ လိုဏ်ခေါင်းများကို Ben Dinh နှင့် Ben Duoc ဆိုပြီး ပြသ ထားပါတယ်။ နိုင်ငံခြားခရီးသည်များ အများဆုံး သွားရောက်လေ့လာ လည်ပတ်တဲ့ နေရာတခုလည်း ဖြစ်ပါတယ်။

(၃) FITO ပြတိုက်


FITO ပြတိုက်ကတော့ ဗီယက်နမ် ရိုးရာဆေးပညာကို လေ့လာချင်သူများအတွက် သမိုင်းဝင် နေရာတခု ဖြစ်ပါတယ်။ ကျောက်ခေတ်က ဗီယက်နမ်ရိုးရာ ဆေးပညာတွေအထိ စုဆောင်းထားတဲ့ ဆေးဝါး အမျိုးအစားပေါင်း ၃၀၀၀ ကျော် ပြသထားတဲ့ နေရာတခု ဖြစ်ပါတယ်။ ဒါ့အပြင် ဗီယက်နမ်နိုင်ငံရဲ့ ရိုးရာ ဆေးပညာ သမိုင်းအကြောင်း ရိုက်ကူးထားသည့် “A Century of Health Care Experiences” မှတ်တမ်းရုပ်ရှင် အပါအဝင် ဗီယက်နမ်ရဲ့ ဆေးပညာရပ်ဆိုင်ရာ စာအုပ်များ၊ စာရွက်စာတမ်းများကို အဲဒီပြတိုက်မှာ ပြသထားပါတယ်။

အထင်ကရ နေရာတွေကို သွားရောက်လည်ပတ်ပြီးရင် ဟိုချီမင်းမြို့တော် အနီးအနားမှာ တည်ရှိတဲ့ Dam Sen Water Park ကို သွားရောက် လည်ပတ်နိုင်ပါသေးတယ်။ Vietjet လေကြောင်းလိုင်းက အပတ်စဉ် တနလာင်္၊ ဗုဒ္ဓဟူး၊ သောကြာ၊ စနေ၊ တနင်္ဂနွေနေ့တွေမှာ ရန်ကုန်မှ ဟိုချီမင်းမြို့ကို တပတ် ငါးကြိမ် ပျံသန်းလျက်ရှိတယ်လို့ သိရပါတယ်။

ဒါကြောင့်မို့လို့ မိုးရာသီမှာ ခရီးသွားချင်သူတွေ မြန်မာနိုင်ငံရဲ့ မိုးရာသီကို ရှောင်ရှားရင်း ၁၄ ရက် ဗီဇာမလိုတဲ့ ပြည်ပခရီးစဉ်၊ ဗီယက်နမ်နိုင်ငံကို သွားရောက်လည်ပတ်နိုင်ပါကြောင်း သတင်းကောင်းပါး လိုက်ပါတယ်။

ဧရာဝတီ by htet htet

Originally published at - http://burma.irrawaddy.com/lifestyle/2016/07/12/118274.html

Read More »

Saturday, March 19, 2016

တောင်ရိုးပွဲက ပြန်ခဲ့တယ်




မတ်လရဲ့ ဒုတိယပတ်မှာပဲ ခရီးစဉ်တစ်ခုထွက်ဖို့ အကြောင်းဖန်လာခဲ့တယ်။ တောင်ရိုး တိုင်းရင်းသားတွေရှိရာဆီကိုပေါ့။ အရင်ပရင့်လောက ဂျာနယ်လောကမှာတော့ ရောက်ခဲ့ပြီးသား ဒေသပါ။ အခုရုပ်သံလောကဘက်ရောက်တော့ ထပ်မရောက်ဖြစ်သေးတဲ့ဒေသပေါ့။ လှပတဲ့ ရှမ်းတောင်တန်းတွေကြားက လူသိပ်မသိသေးတဲ့ လူမျိုးစုအကြောင်းတွေးကြည့်တော့ ရင်ထဲ တလှပ်လှပ် ဖြစ်သွားတယ်။

ဧည့်ဝတ်ကျေပွန်လှတဲ့ ကလောမြို့က တောင်ရိုးတိုင်းရင်းသားအရေး လှုပ်ရှားသူတွေ မညည်းမညူ ဧည့်ခံတဲ့ ဆည်ခေါင်းကျေးရွာသားတွေနဲ့ ထပ်တွေ့ရမှာမို့ ပျော်မိတာတော့အမှန်ပါပဲ။


တိမ်တောင်ကနေမြင်ရတဲ့ကလောမြို့


ကလောမြို့သို့


ဒီတခါတော့ ပုံမှန်စီးနေကြ ရွှေတောင်ရိုးကားအစား ကျွန်တော်တို့ (ဂျာနယ်သတင်းစာ ဘက်က သူငယ်ချင်းတွေ) လုမ္မနီအဝေးပြေးလက်မှတ်ကို ရွေးပြီးသွားဖြစ်ခဲ့တယ်။ အောင်မင်္ဂလာ အဝေးပြေးကနေ ည ၇ နာရီထွက်ခဲ့တာ အေးမြလှပတဲ့ ကလောမြို့ကို မနက် ၄ နာရီခွဲလောက် ရောက်တယ်။ တောင်ရိုးစာပေနဲ့ ယဉ်ကျေးမူအဖွဲ့ဥက္ကဋ္ဌ ဦးသောင်းရွှေက ကားနဲ့လာကြိုပြီး တည်းခိုရမယ့်အခန်း လိုက်ပို့လို့ အားနာနာကျေးဇူးတင်ခဲ့ရတယ်။


ရွာငံအနီးကမိန်းမရဲတောင်

ဆည်ခေါင်းရွာသို့

တည်းခိုတဲ့အခန်းမှာ ခဏတာအိပ်စက်ပြီး အန်ကယ်ဦးသောင်းရွှေရဲ့သားငယ် ကိုအငဲရဲ့ ကောင်းမှုနဲ့ပဲ ကျနော်တို့ ကလောနံနက်ခင်းရဲ့ ရှမ်းအစားအစာတွေ စားခွင့်ရခဲ့တယ်။ ဒီလိုနဲ့ တောင်ရိုးပွဲကျင်းပမယ့် ဆည်ခေါင်ကျေးရွာကို လိုက်ပို့မယ့်ကား ပြန်ပြောင်းစီးပြီး ကျွန်တော်တို့ တစ်သိုက် ခရီးဆက်ခဲ့ပြန်တယ်။

ကလော-ဆည်ခေါင်းကားလမ်းဟာ အနည်းငယ်ပြောင်းလဲသွားသလို ခံစားရတယ်။ ဒီ ခရီးလမ်းကို ၂၀၁၄ ခုနှစ် တောင်ရိုးပွဲတုန်းကလည်း ရောက်ခဲ့ဖူပြီးသားပါ။ ထင်းရူးပင်တစ်ချို့ မြေနေရာအတွက် ခုတ်လှဲခံထားရတာမြင်တော့ ရင်ထဲမကောင်းတာ အမှန်ပဲ။ ကားလမ်း မဘေးဝဲယာက တောင်ယာတစ်ချို့နေရာတွေမှာလည်း နေအိမ်တွေ ဝင်ရောက်နေတာ တွေ့ ရတယ်။ ကျနော်တို့ ကားလေး ၄၅ မိနစ်လောက် ခရီးဆက်လာတာ တည်းခိုရမယ့် ဆည်ခေါင်း ရွာသူကြီးဟောင်း ဦးဘစီရဲ့နေအိမ်ကို ရောက်တော့တာပါပဲ။


တောင်ရိုးတိုင်းရင်းသူများ

၇ ကြိမ်မြောက်တောင်ရိုးပွဲ

ဒီနှစ်တောင်ရိုးပွဲရဲ့ ထူးခြားချက်က ဘောလုံးပြိုင်ပွဲပါတာပါပဲ။ နောက်တစ်ခုကတော့ ရွာပြောင်းကျင်းပတာပါ။ အရင်ဆည်ခေါင်းရွာထိပ်မှာ ကျင်းပပေမယ့် ဒီနှစ်တော့ ဆည်ခေါင်း ရွာနဲ့ တစ်မိုင်လောက်ဝေးတဲ့ နောင်မူကျေးရွာမှာ ကျင်းပတာပါ။ ကျနော်တို့ရောက်တဲ့ ညနေမှာပဲ နဂါးအသင်းနဲ့ ရပခအသင်းတို့ရဲ့ ဗိုလ်လုပွဲနဲ့ကြုံပါတယ်။ တောင်ရိုးအသင်းကတော့ ဆီမီးဖိုင် နယ်မှာ ကပ်ပြုတ်သွားလို့ ဒေသခံတွေပါတဲ့ နဂါးအသင်းကိုသာ တောင်ရိုးတိုင်းရင်းသားတွေ နေပူပူကွင်းထဲမှာ ပိုအားပေးခဲ့ပေမယ့်လည်း ဒုတိယဆုနဲ့သာ ကျေနပ်လိုက်ရပါတယ်။


တီကျစ်ကျောက်မီးသွေးသုံးဓာတ်အားပေးစက်ရုံ

တီကျစ်ကျောက်မီးသွေးစက်ရုံ

ကလောမြို့နဲ့ ပင်လောင်မြို့ကြားမှာ လှပပြီးစိတ်ထားဖြူစင်တဲ့ တောင်ရိုး၊ ဓနု၊ ပအိုးဝ်စတဲ့ တိုင်းရင်းသားတွေ နေထိုင်ကြပေမယ့်လည်း သူတို့နဲ့ မလှမ်းမကမ်းမှာတော့ နာမည်ဆိုးနဲ့ ကျော်ကြားတဲ့ တီကျစ်ကျောက်မီးသွေးစက်ရုံက ထီးထီးကြီးတည်ရှိနေပါတယ်။

ဒီစက်ရုံက ၂၀၀၅ ခုနှစ်ကတည်းက ဖွင့်လှစ်လည်ပတ်နေပေမယ့်လည်း ရွာခံတွေက အနံ့ဆိုးနံတာတွေ၊ ကျန်းမာရေးနဲ့ ပတ်ဝန်းကျင်ထိခိုက်မှုတွေ ကြုံနေရဆဲပါ။ အဲဒီညမှာပဲ နာရီဝက် လောက်လမ်းလျှောက်ပြီး တီကျစ်ကျေးရွာဒေသခံတွေနဲ့ ည ၁၁နာရီထိုးလောက်ထိ ဒီဗွီဘီ သတင်းဌာနအတွက် အင်တာဗျုးခဲ့တယ်။ နောက်မနက်လည်း တီကျစ်ကျောက်မီးသွေးပိုင်း ထပ်သွားပြီး ဗွီဒီရိုရိုက် မှတ်တမ်းတင်ဖြစ်ခဲ့တယ်။

တောင်ရိုးဘယ်ကစ

တောင်ရိုးလူမျိုးစုတွေဟာ ဓနု၊ ပလောင်၊ ပအိုဝ်း စတဲ့ လူမျိုးစုတွေနဲ့ ရောယှဉ်နေထိုင်ကြ ရင်း သူတို့ရဲ့ ၀တ်စားဆင်ယင်မှု ဓလေ့ထုံးစံတွေ ကွယ်ပျောက်လုနီးနီးဖြစ်ခဲ့ရတာ နှစ်ပေါင်း များစွာကြာခဲ့ရတာပါ။

၂၀၁၀ ပြည့်နှစ်ကစပြီး တောင်ရိုးတိုင်းရင်းသား စီးပွားရေးလုပ်ငန်းရှင် ဦးသောင်းရွှေ ခေါင်းဆောင်ပြီး တောင်ရိုးတိုင်းရင်းသား ယဉ်ကျေးမှုကို ပြန်လည် ဖော်ထုတ်ခဲ့ရာကနေ လူသိများလာခဲ့တာပါ။ တောင်ရိုးတိုင်းရင်းသားစုစုပေါင်း တစ်သိန်းခန့် ရှိနေပေမယ့်လည်း တရားဝင် သန်းခေါင်စာရင်းကောက်ယူမူအရ ၅၀၀၀၀ ခန့်သာရှိတဲ့အတွက် တောင်ရိုးတိုင်းရင်း သား ဝန်ကြီးလျှောက်ဖို့ ၂၀၀၀ လောက်လိုနေသေးတယ်လို့ ဦးသောင်းရွှေက ရင်ဖွင့်ပါတယ်။

တောင်ရိုးလူမျိုးစုတွေဟာ ပုဂံခေတ် စလေငခွေးမင်း လက်ထက်မှာ ဓည၀တီမင်းသမီးနဲ့ ခြွေရံသင်းပင်း ရခိုင်တိုင်းရင်းသားတွေ မင်းအာဏာစက်က လွတ်မြောက်အောင် ထွက်ပြေး တိမ်းရှောင်ခဲ့ကြရင်းနဲ့ တောင်တန်းဒေသ အနှံ့အပြားမှာ နေထိုင်စားသောက်ရင်း တစ်စတစ်စ ပြန့်ပွားလာတယ်လို့လည်း ဆိုရိုးရှိပါတယ်။

ကလောပြန်ပြီ

ကျနော်တို့တွေ နောက်တစ်ရက်မှာ တောင်ရိုးတိုင်းရင်းသားပွဲတော် ဖွင့်ပွဲတက်ရောက်ပြီး နောင်မူရွာ ဘုန်းတော်ကြီးကျောင်းကားနဲ့ပဲ ကလောမြို့ကို ပြန်ခဲ့ပါတယ်။ အဲဒီညနေမှာတော့ ကလောမြို့က ထင်းရူးပင်တွေ ပတ်လည်ဝန်းရံနေတဲ့ Green Haven ဟိုတယ်ကို သွားရောက် ခဲ့ပါတယ်။

ဟိုတယ်ပိုင်ရှင်လည်းဖြစ် ကလောဟိုတယ်ဇုန် ဥက္ကဋ္ဌလည်းဖြစ်တဲ့ ဦးသန်းလွင်နဲ့ အင်တာဗျုးဖို့ပါ။ အဲဒီညမှာပဲ သုမောင်ထမင်းဆိုင်မှာ တောင်ရိုးစာပေဥက္ကဋ္ဌ ဦးသောင်းရွှေ ဧည့်ခံတဲ့ ညစာစားရင်း ကလောမြို့ရဲ့ ဧည့်သည်ဝင်ရောက်မှုတွေ ထင်းရူးအိမ်ရာစီမံကိန်း စတာတွေ အင်တာဗျုးထပ်လုပ်ဖြစ်ခဲ့တယ်။

ဒီနောက်တော့ ကလောဒေသထွက်ဝိုင်သောက်ပြီး စောစောအိပ်ယာဝင်ဖြစ်ခဲ့တယ်။ မနက်စောစောထပြီး ရွာငံ၊ ပင်းတယဘက်သွားဖို့ပါ။


မြသပိတ်ရေပြာအိုင်

ရွာငံကရေပြာအိုင်

ကလောမြို့ရဲ့ မှုန်ပြပြမနက်ခင်းမှာပဲ စီစဉ်ထားတဲ့ကားနဲ့ ရွာငံဘက်မှာ နာမည်ကြီးစ ပြုနေတဲ့ မြသပိတ်ရေပြာအိုင် ရှိရာဘက် ထွက်ခဲ့တယ်။ ကလောကနေ အောင်ပန်းကို မိနစ် အနည်းငယ် လောက် ကားမောင်းပြီး ဒေါ်စိန် ထမင်းဆိုင်မှာ နံနက်စာ စားခဲ့ကြတယ်။

ကျွန်တော်တို့ကား တစ်နာရီလောက် မောင်းပြီးတဲ့အချိန်မှာပဲ မိန်းမရဲတောင်ကို လှမ်းမြင်နေရတယ်။ ထုံးစံအတိုင်း ကားခဏရပ် အမှတ်တရ ဓာတ်ပုံတွေ ရိုက်ဖြစ်ခဲ့တယ်။ မိန်းမရဲတောင် ကနေ မိနစ်နည်းနည်း ထပ်မောင်းရင်ပဲ ညောင်ပင်ခွ ရွာထိပ်မှာ ရေပြာအိုင်သို့ ဆိုပြီး ဆိုင်းဘုတ်သေး သေးလေးတွေ့တယ်။ ၅မိနစ်လောက် ရွာထဲမောင်ပြီးနောက်မှာတော့ နာမည်ကြီးရေပြာ အိုင်ဆီ ရောက်ပါတယ်။

ကျနော်တို့ရောက်တဲ့အချိန် လူတော်တော်ရှင်းနေတာတွေ့တယ်။ ကန် ထဲသွားတဲ့လမ်းထိပ်မှာ နတ်စင်ကြီးကြီးတစ်ခုလည်း တွေ့တယ်။ နတ်ကြီးတယ် ၊ အမှိုက်မပစ်ရ ပတ်ဝန်းကျင်ထိန်းသိမ်းပါ စတဲ့ ဆိုင်းဘုတ်လေးတွေ ဟိုနား ဒီနားတွေ့ရတယ်။

ကန်တစ်ဝိုက် ဗွီဒီယိုမှတ်တမ်းတင်ပြီး ကန်အကြောင်းသိဖို့ ရွာသူကြီး ဥိးဘဟန်အိမ် မေးမြန်းပြီးသွားခဲ့ကြတယ်။ ရွာသားတွေကတော့ သစ်ပင်ခြေရင်းမှာ နောင်ဘုရားပွင့်လာရင် လှူဒါန်းဖို့ မြသပိတ်ကို မြှုပ်ထားတဲ့ အတွက် ရောင်ပြန်ဟပ်ပြီး ရေတွေပြာနေတာတော့ ယုံကြည်ကြတယ်။

မြသပိတ်ကန်ရေအနက် ဘယ်လောက် ရှိလဲဆိုတာ သိရှိခြင်းမရှိပဲ ခြံခတ်ထား တာတွေ့ရပါတယ်။ ကန်ကနေပြန်လာတော့ နေ့လယ်စားစားဖို့ စောသေးတဲ့ အတွက် အလာတုန်းကတွေ့ခဲ့တဲ့ မိန်းမရဲတောင်ကို သွားရောက်ပြီး တက်ရောက်ခဲ့တယ်။


မိန်းမရဲတောင်ပေါ်ကရူခင်း

ရင်တထိပ်ထိပ် တောင်မြင့်ကနေ အေးချမ်းတဲ့ ရွာငံတစ်ဝိုက်က ရူခင်းတွေလည်းတစ်ဝကြီး ကြည့်ရင်းနဲ့ပေါ့။ မိန်းမရဲတောင်ကနေ ဆင်းလာပြီး ကျနော်တို့တွေ ပင်းတယမြို့အဝင်က ရွှေဥမင်လိုဏ်ဂူ တော်ဘုရားကို သွားရောက် လေ့လာခဲ့ကြတယ်။


ပင်းတယရွှေဥမင်လိုဏ်ဂူဘုရား

ရွှေဥမင်လိုဏ်ဂူတော်ဘုရားကနေ ပြန်လာတော့ ညနေဘက်ရောက်နေပြီဖြစ်တဲ့အတွက် ကျနော်တို့တွေ ကလောပြန်ခဲ့ကြတယ်။ ကလောမြို့ကို ဓာတ်ပုံရိုက်ချင်သေးတာကြောင့် ကားဆရာကို တိမ်တောင်မောင်းခိုင်းပြီး
တောင်ပေါ်ကနေ မှတ်တမ်းတင်ဖြစ်ခဲ့တယ်။

ကျနော်တို့ ရန်ကုန်ပြန်ဖို့ စီစဉ်ထားတဲ့ကားက ည ၈ နာရီလောက် တောင်ကြီးကနေ ရောက်မှာမို့ အခန်းကို ခပ်သုတ်သုတ်ပြန်ပြီး အထုပ်အပိုး တွေပြင်ဆင်ပြီး ကားဂိတ်ကို ထွက်လာခဲ့ပါတော့တယ်။

ဓာတ်ပုံ – ထွန်းထွန်းသိန်း

ဒီဗွီဘီ by ထွန်းထွန်းသိန်း

Originally published at - http://burmese.dvb.no/archives/140147


Read More »