နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Showing posts with label စကားဝိုင်းများ. Show all posts
Showing posts with label စကားဝိုင်းများ. Show all posts

Sunday, March 12, 2017

မြန်မာပြည်ရဲ့ စစ်နဲ့ ငြိမ်းချမ်းရေး




မြန်မာ အစိုးရက ဒုတိယ အကြိမ် ၂၁ ရာစု ပင်လုံ ညီလာခံ ကျင်းပဖို့ ကြိုးပမ်း aနတဲ့ တချိန် တည်းမှာပဲ၊ တိုင်းရင်းသား လက်နက်ကိုင် တပ်ဖွဲ့တွေနဲ့ တိုက်ပွဲတွေ ဆက်တိုက် ဆိုသလို ဖြစ်ပွားနေ ပါတယ်။

လတ်တလော တိုက်ခိုက်မှုတွေကြောင့် ငြိမ်းချမ်းရေး ဆွေးနွေးမယ့် အစီအစဉ်တွေကို ဘယ်လောက်အထိ ရိုက်ခတ် လာနိုင်ပါသလဲ?

မကြာခင် ကျင်းပဖို့ စီစဉ်ထားတဲ့ ၂၁ ရာစု ပင်လုံညီလာခံကနေ ဘာတွေ မျှော်လင့်နိုင်မလဲ ဆိုတာတွေကို ဗွီအိုအေရဲ့ စနေနေ့ည တိုက်ရိုက်လေလှိုင်း အစီအစဉ်မှာ ကိုအောင်လွင်ဦး က ဆွေးနွေးထားပါတယ်။



From : ဗွီအိုအေမြန်မာသတင်းဋ္ဌာန by - (ကိုအောင်လွင်ဦး)

Originally published at - http://burmese.voanews.com


Read More »

Sunday, February 12, 2017

ဒေါ်အောင်ဆန်း စုကြည်နှင့် တိုင်းရင်းသားများ ငြိမ်းချမ်းရေး စကားဝိုင်း (ရုပ်သံ)




ရှမ်းပြည်နယ်၊ ပင်လုံမြို့မှာ ဒီနေ့ ကျရောက်တဲ့ နှစ် ၇၀ပြည့် ပြည်ထောင်စုနေ့ အခမ်း အနားကို ကျင်းပခဲ့ပြီး နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည် တက်ရောက်ပြီး မိန့်ခွန်း ပြောကြား ခဲ့ပါတယ်။

ဒါ့အပြင် ပြည်ထောင်စုနေ့ အခမ်း အနား အစီအစဉ်အတွင်း ဒေါ်အောင်ဆန်း စုကြည်နဲ့ တိုင်းရင်းသား ၁၂ ဦးတို့ရဲ့ ငြိမ်းချမ်းရေး စကားဝိုင်းကို ထည့်သွင်းပြုလုပ်ခဲ့ပါတယ်။

ငြိမ်းချမ်းရေးစကားဝိုင်း အပြည့်အစုံ ရုပ်သံကြည့်ရှုရန်



From : ဒီဗွီဘီ

Originally published at - http://burmese.dvb.no/archives/189020

Read More »

Wednesday, February 08, 2017

ဦးကိုနီ လုပ်ကြံမှု အမှုမှန် ပေါ်ပေါက်ရေးနှင့် တရား ဥပဒေ စိုးရေး စိန်ခေါ်မှုများ




ပြီးခဲ့တဲ့ ဇန်န၀ါရီလ ၂၉ ရက်နေ့က ရန်ကုန် အပြည်ပြည် ဆိုင်ရာ လေဆိပ်ရဲ့ ပြင်ပမှာ တရား လွှတ်တော်ရှေ့နေ ဦးကိုနီ လုပ်ကြံ သတ်ဖြတ် ခံရတဲ့ ကိစ္စရပ်တွေ နဲ့ ပတ်သက် ပြီးတော့ မြန်မာပြည်ရဲ့ တရား ဥပဒေ စိုးမိုးမှု အခြေ အနေတွေ၊ ဒီလုပ်ကြံ သတ်ဖြတ်မှုကို အမှုမှန် ပေါ်ပေါက်စေဖို့ အတွက် အစိုးရ အနေနဲ့ ဘယ်လို ဆောင်ရွက် သင့်တယ် ဆိုတဲ့ အကြောင်း အရာတွေကို တရား လွှတ်တော် ရှေ့နေ ဦးကြီးမြင့်၊ သတင်းစာ ဆရာ စည်သူ အောင်မြင့်တို့က ဆွေးနွေး တင်ဆက် ပေးထား ပါတယ်။



From : Myanmar Cable News

Originally published at - http://www.mcntv.biz/news/local-news/27820/

Read More »

Sunday, February 05, 2017

ဦးကိုနီ လုပ်ကြံခံရမှု တာဝန်ရှိ သူတွေကို ဖမ်းဆီး အရေးယူ နိုင်မလား?




ကွယ်လွန်သူ တရား လွတ်တော် ရှေ့နေကြီး ဦးကိုနီ လုပ်ကြံ သတ်ဖြတ် ခံရမှုမှာ နောက်ကွယ်က ပါဝင် ပတ်သက်တဲ့ အဓိက တာဝန် ရှိသူ တွေကို အမှန်တကယ် ဖော်ထုတ် အရေး ယူနိုင် ပါ့မလား။

လက်ရှိ မြန်မာနိုင်ငံရဲ့ လုံခြုံရေး အခြေ အနေ အပေါ်မှာရော သောတာရှင် တွေရဲ့ အမြင် သဘောထားတွေ ဘယ်လို ရှိကြပါသလဲ ဆိုတာ တွေကို ဥပဒေ အထောက်ကူပြု ကွန်ယက် အဖွဲ့က ရှေ့နေကြီး ဦးအောင်ထူး၊ ညီမျှခြင်း မြန်မာ အဖွဲ့ စတင် တည်ထောင်သူ ဦးအောင်မျိုးမင်း တို့နဲ့ ကိုဇော်ဝင်းလှိုင်က ဆွေးနွေး တင်ပြ ထားပါတယ်။



From : ဗွီအိုအေမြန်မာသတင်းဋ္ဌာန by - (ဇော်ဝင်းလှိုင်)

Originally published at - http://burmese.voanews.com

Read More »

Sunday, December 11, 2016

လိုင်းကား ယာဉ်မောင်းနဲ့ စပါယ်ယာတွေ ယဉ်ကျေးပြီး စည်းကမ်းရှိဖို့ ဝိုင်းဝန်း ပညာပေးဖို့ လို




ယာဉ်ကြော ပိတ်ဆို့ မှုတွေနဲ့ နေ့စဉ် ဆိုသလို ရုန်းကန် လှုပ်ရှား နေရတဲ့ ရန်ကုန် မြို့ကြီးမှာ အများပြည်သူ စီးနင်းနေ ကြရတဲ့ ဘတ်စ်ကား လိုင်းတွေရဲ့ တချို့ ယာဉ်မောင်း
တွေနဲ့၊ စပယ်ရာ အကူ လက်ထောက် တွေဟာ လမ်းစည်း၊ ယာဉ်စည်းကမ်းတွေ မလိုက်နာ ရုံတင်မက၊ ယာဉ်စီး သူတွေ၊ လမ်းသွား လမ်းလာတွေ၊ တခြား မော်တော်ယာဉ်
တွေကို မိုက်မိုက် ရိုင်းရိုင်း အော်ဟစ်ငေါက်ငမ်း တာတွေ လုပ်နေကြတဲ့ အပြင်၊ မင်းမဲ့ စရိုက် ဆန်ဆန် ဒုတ်တပျက် ဓါးတပျက်၊ ကိုယ်ထိ လက်ရောက် စော်ကားတဲ့ အဖြစ်
တွေနဲ့ ရင်ဆိုင်နေ ကြရပါတယ်။

ဒီလိုအဖြစ်တွေကို ဘယ်လို ပညာပေး မှုတွေနဲ့ ကာကွယ် တားဆီးကြရင် ကောင်းပါမလဲ။

တရားဥပဒေစိုးမိုးရေး အတွက် ဥပဒေဘောင် အတွင်းက ဘယ်လိုပြုပြင် ပေးကြရင် ကောင်းမလဲ ဆိုတာတွေကို လူထု နီတိ တရား ပြောကြားပေးတဲ့ သက်ကြီး ဝါကြီး စာရေး ဆရာကြီး ဒေါက်တာ ခင်မောင်ညို ၊ လူထု ခံစားချက်တွေကို ပြောင်မြောက်စွာ သရုပ်ဖော် ပေးနေတဲ့ ကာတွန်းဆရာ မောင်မောင် ဖောင်တိန်၊ လူထု ကိုယ်စား ပြောကြား ပေးတဲ့ ရန်ကုန်တိုင်း ဒေသကြီး လွှတ်တော် အမတ်ဟောင်း ဒေါက်တာ ညိုညိုသင်း အမေရိကန် ပြည်ထောင်စုက အများပြည်သူသုံး ယာဉ်လိုင်းနဲ့ ပတ်သက်လို့ စည်းကမ်း သတ်မှတ်ချက် ဗဟုသုတ မျှဝေပေးတဲ့ နယူးယောက်မြို့ခံ ကိုဇော်လင်းကျော်၊ စင်ကာပူက ကိုနေဦးလင်း နဲ့ ရန်ကုန် မြို့ခံ ကိုဇော်ဖြိုးလင်းတို့နဲ့ အတူ သောတရှင်တွေ ပေးပို့လာတဲ့ အကြံပြု စာတွေနဲ့ အပြုသဘော သုံးသပ် ဆွေးနွေး ထားကြတာ နားဆင်ပါရှင်။



From : ဗွီအိုအေမြန်မာသတင်းဋ္ဌာန by : (ဒေါ်ခင်စိုးဝင်း)

Originally published at - http://burmese.voanews.com

Read More »

Wednesday, November 16, 2016

ရန်ကုန်တိုင်း ဒေသကြီး အစိုးရ၊ Eleven Media Group နဲ့ ပုဒ်မ ၆၆ (ဃ)




Eleven Media Group က အမှုဆောင် အရာရှိ ချုပ်နဲ့ အယ်ဒီတာ ချုပ်တို့ကို ပုဒ်မ ၆၆ (ဃ) နဲ့ ရန်ကုန်တိုင်း ဒေသ ကြီး အစိုးရ အဖွဲ့က တရားစွဲ ထားတဲ့ အပေါ် မတူ ကွဲပြားတဲ့ သဘောထား အမြင်တွေ ရှိနေ ကြပါတယ်။

ဒီမိုကရေစီနိုင်ငံ တည်ဆောက် တာမှာ မရှိသင့်ဘူးလို့ ပြောကြတဲ့ ပုဒ်မ ၆၆ (ဃ) ကိုသုံးပြီး ဖမ်းဆီး တရားစွဲတဲ့ အပေါ် ရန်ကုန်တိုင်း ဒေသကြီး အစိုးရ ကို ဝေဖန် သူတွေ ရှိသလို တာဝန်ရှိ သူတွေ လာဘ်စားတယ် ဆိုပြီး တိကျ သေချာမှု မရှိဘဲ စွပ်စွဲ ရေးသား တဲ့အပေါ် ဝေဖန် သူတွေလည်း ရှိပါတယ်။

ဒီအခြေအနေနဲ့ ပတ်သက်ပြီး ပင်တိုင် ဆွေးနွေး သူတွေ ဖြစ်ကြတဲ့ မန္တလေး အခြေစိုက် စာရေးဆရာ၊ သတင်းစာ ဆရာ ဦးကျော်ရင်မြင့်၊ မြန်မာ သတင်း ပညာသိပ္ပံ သင်တန်းညွှန်ကြားရေးမှူး ဦးစိန်ဝင်းတို့နဲ့ အတူ သောတရှင်တွေ ပါဝင် ဆွေးနွေး ထားကြ ပါတယ်။



From : ဗွီအိုအေမြန်မာသတင်းဋ္ဌာန by : (ကျော်ကျော်သိန်း)

Originally published at - http://burmese.voanews.com

Read More »

Sunday, November 13, 2016

ဒေါ်နယ်ထရမ့်ရဲ့ နိုင်ငံခြားရေး မူဝါဒသစ် မြန်မာအပေါ် ဘယ်လို သက်ရောက်မှု ရှိမလဲ ?


အမေရိကန် ရွေးကောက်ခံ သမ္မတ Donald Trump နဲ့ ဒုသမ္မတ Mike Pence။


အမေရိကန် ပြည်ထောင်စုရဲ့ မြို့တော်၊ သမ္မတ ရုံးစိုက်ရာ ဝါရှင်တန် ဒီစီနဲ့ လည်း မနီးစပ်၊ နိုင်ငံ အုပ်ချုပ်ရေးနဲ့ နိုင်ငံရေး နယ်ပယ်က ဝါရင့် ပုဂ္ဂိုလ် တဦးလည်း မဟုတ် တဲ့သူ၊ မြန်မာနိုင်ငံရဲ့ အခြေအနေ နဲ့လည်း တစိမ်း သက်သက် အလှမ်းဝေး တဲ့သူ စီးပွားရေး လုပ်ငန်းရှင်ကြီး တယောက် အမေရိကန် သမ္မတ အဖြစ် အရွေးခံ ရပြီဆိုတော့ အမေရိကန်နဲ့ မြန်မာနိုင်ငံ ဆက်ဆံရေး အပေါ် ဘယ်လို အကျိုး သက်ရောက်မှု ရှိလာနိုင်သလဲ ဆိုတာတွေကို အမေရိကန် ပြည်ထောင်စုက အမေရိကန် နိုင်ငံရေး လေ့လာ အကဲခတ် နေတဲ့ ဒေါက်တာ တင့်ဆွေ၊ နိုင်ငံရေး အကဲခတ် ဦးအောင်သူငြိမ်း၊ ၈၈ မျိုးဆက် ငြိမ်းချမ်းရေးနဲ့ ပွင့်လင်း လူ့အဖွဲ့ အစည်းက ခေါင်းဆောင် တဦးဖြစ်တဲ့ ဦးမြအေးတို့နဲ့ အတူ ဒေါ်ခင်စိုးဝင်းက ဗွီအိုအေ သောတရှင် တွေနဲ့ ဆွေးနွေး ထားတာ နားဆင်ပါ။



From : ဗွီအိုအေမြန်မာသတင်းဋ္ဌာန by : (ဒေါ်ခင်စိုးဝင်း)

Originally published at - http://burmese.voanews.com

Read More »

Sunday, November 06, 2016

မြန်မာပြည်မှာ ကုန်ဈေးနှုန်း မတန်တဆ တက်တာ ဘာကြောင့်ပါလဲ


ရန်ကုန်မြို့ ဈေးတစ်ခု မြင်ကွင်း။ နိုဝင်ဘာ ၁၁၊ ၂၀၁၅။


ဗွီအိုအေရဲ့ သောတရှင် များရှင်

အခုတလော မြန်မာပြည်မှာ အထွေထွေ ကုန်ဈေးနှုန်းတွေ မတန်တဆ တက်နေ တာဟာ ရောင်းလို အားနဲ့ ဝယ်လိုအား မမျှတ တာကြောင့်လား၊

ငွေကြေး ဖေါင်းပွမှု ကြောင့်လား၊

ဆိုရှယ်လစ်ခေတ် စကားအရ ဝိသမ လောဘ သမားတွေရဲ့ အမြတ်ကြီးစား မှုတွေကြောင့် များလား

စတဲ့ မေးခွန်း ထုတ်မှုတွေနဲ့ အတူ

ပြည်သူတွေ ဘဝ ချောင်လည်စေဖို့ ကုန်ဈေးနှုန်း ကျဆင်းရေး အတွက် ဘယ်လို ဖြေရှင်းကြရင် ကောင်းမလဲ

စတာတွေကို စနေည တိုက်ရိုက် လေလှိုင်း အစီအစဉ်မှာ ရန်ကုန်တိုင်း ဒေသကြီး ဒဂုံမြို့နယ် မဲဆန္ဒနယ်က ပြည်သူ့ လွှတ်တော် ကိုယ်စားလှယ် ဒေါက်တာ သက်သက်ခိုင် ၊ မြန်မာ့ စီးပွားရေး လေ့လာ အကဲခတ်နေတဲ့ စာရေးဆရာ အောင်ချိန်ဘွား ခေါ် ဦးလှမောင် ၊ ရန်ကုန်မြို့က ဒေါ်ခင်မျိုးဆွေ အပါ အဝင် ဗွီအိုအေရဲ့ သောတရှင်များနဲ့ အတူ ဒေါ်ခင်စိုးဝင်းက သုံးသပ် ဆွေးနွေး ထားကြတာ နားဆင်ပါ။

အသံဖိုင်နားဆင်ရန်

From : ဗွီအိုအေမြန်မာသတင်းဋ္ဌာန by : (ဒေါ်ခင်စိုးဝင်း)

Originally published at - http://burmese.voanews.com

Read More »

Friday, October 28, 2016

ခရိုနီ၊ အစိုးရသစ်နဲ့ ဖွံဖြိုးရေး ပူးပေါင်း ဆောင်ရွက်မှု


ဒေါ်အောင်ဆန်း စုကြည် စီးပွားရေး လုပ်ငန်း ရှင်များနဲ့ တွေ့ဆုံပွဲမှာ မိန့်ခွန်းပြောကြား


မြန်မာ နိုင်ငံရဲ့ စီးပွားရေး ဖွံဖြိုး တိုးတက်မှု အတွက် ရည်စူးတဲ့ နိုင်ငံတော် အတိုင်ပင်ခံနဲ့ စီးပွားရေး လုပ်ငန်း ဖွံဖြိုးမှု မိတ်ဖက်များ တွေ့ဆုံပွဲမှာ - အရင် စစ်အစိုးရနဲ့ နီးစပ်ခဲ့တဲ့ ခရိုနီ စီးပွားရေး လုပ်ငန်းရှင်တွေ ဖိတ်ကြား ခဲ့သလို၊ သူတို့ကို ရှေ့ဆက် ဖွံဖြိုးရေး လုပ်ငန်းတွေမှာ အစိုးရကို ၀ိုင်းဝန်း ကူညီဖို့
နိုင်ငံတော် အတိုင်ပင်ခံက ကမ်းလှမ်း ခဲ့ပါတယ်။

ခရိုနီစီးပွားရေး လုပ်ငန်းရှင်တွေနဲ့ အစိုးရသစ် အကြား အခုလို နီးနီးကပ်ကပ် ဆက်ဆံလာမှု အပေါ် ဝေဖန်မှုတွေလည်း ပေါ်ထွက်နေပါတယ်။

အရင်စစ်အစိုးရလက်အောက် အမည်ပျက်ခဲ့ရတဲ့ ခရိုနီစီးပွားရေးလုပ်ငန်းရှင်တွေဟာ အစိုးရသစ်ရဲ့အောက် နိုင်ငံတော်ရဲ့စီးပွားဖွံဖြိုးမှုအစီအစဉ်တွေမှာ တကယ်ပဲ အသုံးတည့်မယ် အသုံးဝင်မယ် အများအကျိုးဆောင်နိုင်မယ်လို့ ယူဆပါသလား။

လာမယ့် အင်္ဂါနေ့ညတိုက်ရိုက်လေလှိုင်းအစီအစဉ်မှာ ဆွေးနွေးထားပါတယ်။ ISP မဟာဗျူဟာနဲ့မူဝါဒလေ့လာရေးအဖွဲ့က သုတေသီ ဦးအောင်သူငြိမ်းနဲ့ NHK သတင်းဌာနက ကိုသီဟသွေးတို့က ပင်တိုင်ဆွေးနွေးထားကြပါတယ်။

အသံဖိုင်နားဆင်ရန်

From : ဗွီအိုအေမြန်မာသတင်းဋ္ဌာန by : (သားညွန့်ဦး)

Originally published at - http://burmese.voanews.com

Read More »

Friday, September 30, 2016

အရပ်ဘက် အစိုးရသစ် နဲ့ တရားဥပဒေ စိုးမိုးရေး




မြန်မာ နိုင်ငံ ထဲမှာ မတရား မှုတွေ ဥပဒေမဲ့ လုပ်ရပ်တွေ ရှိနေ ပေမယ့် ဥပဒေ စိုးမိုးရေးကို တာဝန် ယူရတဲ့ မြန်မာနိုင်ငံ ရဲတပ်ဖွဲ့ တရားရုံး စတဲ့ အဖွဲ့ အစည်းတွေ ဖက်က ဒီဖြစ်ရပ်တွေ အပေါ် ထိထိ ရောက်ရောက် အရေးယူ ကိုင်တွယ်တာ အားနည်းတယ် ဆိုတဲ့ ဝေဖန် ပြောဆို မှုတွေ ကျယ်ပြန့် လာနေ ပါတယ်။

စစ် အုပ်ချုပ်ရေး အောက်မှာတော့ တရား ဥပဒေ စိုးမိုးရေး အားနည်း ခဲ့တယ် ဆိုပေမယ့်၊ အရပ်သား အစိုးရ တက်လာတဲ ဒီမိုကရေစီ အစိုးရ ခေတ်မှာ တရား ဥပဒေ စိုးမိုးရေး အတွက် အခွင့် အလမ်းကောင်းတွေ ဘယ်လောက် ရှိနေပြီလဲ၊ အကဲစမ်း စိန်ခေါ်ချက်တွေ ဘာတွေ ရှိနေလဲ ဆိုတာကို သုံးသပ် ဆွေးနွေး ထားပါတယ်။

ရှေနေကြီး ဦးအောင်သိန်း၊နဲ့ မြန်မာ သတင်း ပညာ သိပံ္ပက ဦးစိန်ဝင်းတို့က ပင်တိုင် ဆွေးနွေး ထားပါတယ်။

အသံဖိုင်နားဆင်ရန်

From : ဗွီအိုအေမြန်မာသတင်းဋ္ဌာန by : (သားညွန့်ဦး)

Originally published at -

Read More »

Sunday, September 25, 2016

အိမ်အကူ မိန်းကလေးနှစ်ဦးဖြစ်ရပ် လူ့အခွင့်အရေး ကော်မရှင် ဖြေရှင်းပုံ


အိမ်အကူ မိန်းကလေး နှစ်ဦး ဖြစ်ရပ် လူ့အခွင့် အရေး ကော်မရှင်၏ သတင်းစာ ရှင်းလင်းပွဲ


အိမ်အကူ လုပ်သား မိန်းကလေးငယ် တွေကို အိမ်ရှင် တွေက နှိပ်စက် ညှဉ်းပန်းပြီး လစာ မပေးဘဲ နှစ် အတော်ကြာ ခိုင်းစေ ခဲ့တဲ့ ဖြစ်ရပ်နဲ့ ပတ်သက်လို့ မြန်မာနိုင်ငံ လူ့အခွင့် အရေး ကော်မရှင်က ဖြေရှင်း လုပ်ဆောင်တဲ့ အပေါ်နဲ့ ရဲတပ်ဖွဲ့ရဲ့ ကိုင်တွယ် လုပ်ဆောင်ပုံ အပေါ် အမြင် တွေကို ဆွေးနွေး ထားပါတယ်။

ပင်တိုင် ဆွေးနွေးသူ တရား လွှတ်တော်ချုပ် ရှေ့နေကြီး ဦးသိန်းသန်းဦးနဲ့ လူ့အခွင့် အရေး လှုပ်ရှားသူ ဦးဇော်ရန်း တို့နဲ့ အတူ သောတရှင်တွေ ပါဝင် ဆွေးနွေး ထားကြ တာပါ။

အသံဖိုင်နားဆင်ရန်

From : ဗွီအိုအေမြန်မာသတင်းဋ္ဌာန by : (ကျော်ကျော်သိန်း)

Originally published at - http://burmese.voanews.com

Read More »

Sunday, September 18, 2016

မြန်မာ့အရေး အနောက်နိုင်ငံတွေ အခန်းကဏ္ဍ




နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်ဟာ နိုင်ငံ့ ခေါင်းဆောင် တဦး အနေနဲ့ ပထမဆုံး အကြိမ် အဖြစ် အနောက် အင်အားကြီး နိုင်ငံတွေ ဆီကို ခရီးထွက် ပါတယ်။

မြန်မာနိုင်ငံ ဒီမိုကရေစီ ပြုပြင် ပြောင်းလဲရေး၊ ငြိမ်းချမ်းရေးနဲ့ အမျိုးသား ပြန်လည် သင့်မြတ်ရေး လုပ်ငန်း တွေမှာ ဒီနိုင်ငံကြီး တွေရဲ့ အခန်းကဏ္ဍ အပေါ် သောတရှင်တွေ ဘယ်လို နားလည် သလဲ ဆိုတာနဲ့ မြန်မာနိုင်ငံ ငြိမ်းချမ်း သာယာ ၀ပြောရေးမှာ ဒီနိုင်ငံ ကြီးတွေ အနေနဲ့ အဓိက အခန်း ကဏ္ဍက ရှိနေတယ်လို့ လက်ခံထား ကြပါ သလား ဆိုတာ ပင်တိုင် ဆွေးနွေး သူတွေ ဖြစ်တဲ့ တချိန်က အဝေးရောက် ညွှန့်ပေါင်း အစိုးရရဲ့ အဖွဲ့ဝင် တဦးဖြစ်သူ ဒေါက်တာ တင့်ဆွေ၊ တကောင်း နိုင်ငံရေး လေ့လာမှု အဖွဲ့ တည်ထောင်သူ တဦးဖြစ်တဲ့ ကိုစိုးမြင့်အောင် တို့နဲ့အတူ သောတရှင်တွေ ကိုယ်တိုင် ပါဝင် ဆွေးနွေး ထားပါတယ်။

အသံဖိုင်နားဆင်ရန်

From : ဗွီအိုအေမြန်မာသတင်းဋ္ဌာန

Originally published at - http://burmese.voanews.com

Read More »

Thursday, September 08, 2016

၂၁ ရာစု ပင်လုံ ညီလာခံက ဘာမျှော်လင့်လို့ ရမလဲ – အယ်ဒီတာ စကားဝိုင်း




ဒီတပတ် ဆွေးနွေးမယ့် အကြောင်း အရာ ကတော့ သြဂုတ်လ ၃၁ ရက်နေ့က ၂၁ ရာစု ပင်လုံ ပြည်ထောင်စု ငြိမ်းချမ်းရေး ညီလာခံကို နေပြည်တော်မှာ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်က ဦးဆောင် ကျင်းပနေ ပါတယ်။

ဒီညီလာခံမှာတော့ အစိုးရ၊ လွှတ်တော်၊ တပ်မတော်၊ တိုင်းရင်းသားအဖွဲ့အစည်း အသီးသီးနဲ့ နိုင်ငံရေးပါတီ အဖွဲ့အစည်းတွေလည်း ပါဝင်ပါတယ်။ အရင်လုပ်ခဲ့တဲ့ အန်စီအေလို့ခေါ်တဲ့ တနိုင်ငံလုံး အပစ် အခတ် တိုက်ခိုက်မှု ရပ်စဲရေး ညီလာခံတွေနဲ့ ကွာတာကတော့ အရင်တုန်းက လက်မှတ် မထိုးတဲ့ တိုင်းရင်းသား အချို့ ပါဝင် တက်ရောက် ခဲ့တာ တွေ့ရ ပါတယ်။

အဲလိုပဲ နိုင်ငံတကာမှာ ဆိုရင်လည်း ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်း ကိုယ်တိုင် လာရောက်တာ တွေ့ရှိရ ပါတယ်။ အဲဒါနဲ့ ပတ်သက်လို့ ကျနော်တို့ ဒီညီလာခံကနေ ဘာတွေများ ထူးခြားချက်တွေရှိလဲ၊ မျှော်လင့်ချက်တွေရှိလဲဆိုတာ ဆွေးနွေးမှာ ဖြစ်ပါတယ်။

ဦးတိုးဇော်လတ်(ဒီဗွီဘီ)

“အဲဒီတော့ ဆရာအေးမောင်ကျော်ကို စမေးချင်ပါတယ်။ ဒီညီလာခံရဲ့ ထူးခြားချက်လေးတွေ ပေါ့နော်။ ဘာတွေများရှိလဲ၊ အရင်လုပ်လာတဲ့ ငြိမ်းချမ်းရေးညီလာခံတွေနဲ့ ဒီညီလာခံက လက်တွေ့ကျကျ ဘာမျှော်လင့်လို့ရလဲ။ အဲဒါကို ပထမဆုံး ပြောပေးပါခင်ဗျ။”

ဦးအေးမောင်ကျော် (နိုင်ငံရေးဆောင်းပါးရှင်)

“ဒီညီလာခံကတော့ ကျနော်တို့ ဒီအစိုးရသစ်လက်ထက်မှာ တိုင်းရင်းသား စည်းလုံးညီညွတ်ရေးနဲ့ အနာဂတ် ဖက်ဒရယ်ပြည်ထောင်စု တည်ထောင်ရေးအတွက် အရေး ပါတဲ့ ခြေလှမ်းတရပ် အနေနဲ့ ကျင်းပတာပေါ့လေ။

အဲဒီတော့ ခေါ်တာကိုက ၂၁ ရာစု ပင်လုံလို့ ခေါ်တဲ့ အဓိပ္ပာယ်ကလည်း ကျနော်တို့ ၂၀ ရာစု ပင်လုံတုန်းက တိုင်းရင်းသားတွေ တစုတစည်းတည်း အင်အားနဲ့ လွတ်လပ်ရေး ရယူခဲ့တယ်ဆိုတဲ့ စည်းလုံးညီညွတ်မှုဆိုတဲ့ စိတ်ဓာတ်ပေါ့နော်။

ဒါကို ဆက်ခံပြီးတော့ ကျနော်တို့ နိုင်ငံတည်ဆောက်ဖို့ လိုတယ်ဆိုတာကို အလေးအနက်ထားတဲ့အနေနဲ့ ၂၁ ရာစု ပင်လုံလို့ ခေါ်တဲ့ သဘောပေါ့လေ။ အဲဒီတော့ ဒီညီလာခံမှာတော့ ဘာပဲဖြစ်ဖြစ် ကျနော်တို့ သမိုင်းဝင်ညီလာခံ တခုပါပဲ။

ပြောမယ်ဆိုရင်တော့ အရင် သမ္မတဦးသိန်းစိန် လက်ထက်က ညီလာခံထက်စာရင်တော့ လူစုံတက်စုံ ပိုပြီးတော့ ပါတယ်လို့ ပြောနိုင်တာပေါ့။ တချို့ အခု ပြောနေတဲ့ အဖွဲ့ ၃ ဖွဲ့ကတော့ မပါဘူးပေါ့လေ။

ဒါကတော့ ကျနော်တို့ သီးခြားဖြစ်စဉ်အနေနဲ့ စဉ်းစားလို့ရပါတယ်။ အဲဒီတော့ ဘာပဲဖြစ်ဖြစ် ကျနော်မြင်တာတော့ အများစုကြီးပါတယ်။ ဒီမှာလည်း ကျနော်တို့ အမြင်တွေ စုံစုံ ဆွေးနွေးကြလိမ့်မယ်ပေါ့နော်။ ဆွေးနွေးချက်တွေထဲမှာ အမြင်တွေကွဲတာတွေ အများကြီးရှိပါတယ်။

ဘာပဲဖြစ်ဖြစ် ဒါတွေဟာ ကျနော်တို့ စားပွဲဝိုင်းပေါ် ရောက်လာပြီဆိုရင် ကျနော်တို့ ဒါကို အခုနကပြောတဲ့ ပင်လုံစိတ်ဓာတ်နဲ့ ဆက်ပြီးညှိသွားကြမယ်ဆိုတဲ့ သဘောပါပဲ။ ဒါ အလားအလာ အများကြီးကောင်းတယ်လို့ ကျနော်ကတော့ မြင်ပါတယ်။”

ဦးတိုးဇော်လတ်(ဒီဗွီဘီ)

“ဟုတ်ကဲ့ခင်ဗျ။ ကိုအေးမောင်ကျော်တို့ အမြင်ကွဲပြားမှုတွေတော့ ရှိတယ်။ ဒါပေမယ့် ဒီချုပ် ဦးဆောင်တဲ့ အစိုးရသစ်မှာ ငြိမ်းချမ်းရေး သူတို့ ဖော်ဆောင်ပေးမယ်၊ အမျိုးသားရင်ကြားစေ့ရေး လုပ်ပေးမယ်ဆိုတဲ့ ခြေလှမ်းသစ်ပေါ့။ အဲဒါနဲ့ပတ်သက်လို့ ဆရာဇေယျာသူ ဒီဟာရဲ့ ဘာထူးခြားချက်တွေ ရှိလဲ၊ နောက်တခုက ကျနော်တို့ လက်တွေ့ကျကျ ဘာတွေ မျှော်လင့်ရလဲ။ အဲဒါလေး ဆွေးနွေးပါဦးခင်ဗျ။”

ဦးဇေယျာသူ (တာဝန်ခံအယ်ဒီတာ၊ The Voice ဂျာနယ်)

“အဓိကကတော့ ပြည်သူတွေ ကလည်း စိတ်ဝင်စား ကြတယ်။ ဘာလို့လဲ ဆိုတော့ မီဒီယာကလည်း အရင်ကထက် စာရင် ပိုလွတ်လပ်တယ်။ ပြီးအခါ ကျတော့ တိုက်ရိုက် လွှင့်ခွင့်တွေ ပေးတဲ့ အခါကျတော့၊ တိုက်ရိုက် ကြည့်ရတဲ့ အခါကျတော့ ပြည်သူတွေ ပါ ၀င်ပြီး စဉ်းစားလို့ ရတာပေါ့နော်။

တွေ့ရတာကတော့ ပွင့်ပွင့်လင်းလင်း ပြောသွားတာ တွေ့ရတယ်။ ခေါင်းဆောင်တွေပေါ့နော်။ တပ်မတော်ကာကွယ်ရေးဦးစီးချုပ်တို့၊ UNFC ခေါင်းဆောင်တို့၊ ပြီးရင် ဒေါ်အောင်ဆန်းစုကြည် အကုန်လုံးက ပွင့်ပွင့်လင်းလင်း ပြောသွားကြတယ်။

အဲဒီမှာ ဘာလေးတွေလည်း သွားတွေ့ရလဲဆိုတော့ ပြည်ထောင်စုကနေ ခွဲမထွက်ဘူးဆိုတဲ့ ဟာတွေလည်း တွေ့ရတယ်။ နောက်ပြီးတော့ အရင်ခံစားချက်တွေပေါ့လေ။
အဲဒါတွေလည်း ပြောသွားတာ တွေ့ရတယ်။

အဲဒီအခါကျတော့ အရင်တုန်းက ဒီလို ငြိမ်းချမ်းရေးဖြစ်စဉ်နဲ့ တိုက်ရိုက်ထိတွေ့ရတဲ့ ပြည်သူတွေကနေပြီးတော့ ပိုပြီးတော့ စိတ်ဝင်စားလာပြီးတော့ ဒီပေါ်မှာ ဝေဖန်
ကြတာတွေ ရှိတယ်။

တချို့ဝေဖန်ချက်တွေက ဆိုးတယ် ပြောလို့ရသလို၊ တချို့ကလည်း ကောင်းတဲ့ဟာတွေ ရှိတယ်။ အဲဒီတော့ ဒါကတော့ ဘာလဲဆိုတော့ ငြိမ်းချမ်းရေးဖြစ်စဉ်မှာ ပြောနေ ကြတဲ့ all inclusive ပေါ့နော်။ All Inclusive ဆိုတာက ပြည်သူတွေပါ ပါရမယ်။ အဖွဲ့တွေအကုန်လုံးတင် မဟုတ်ဘူး။ ပြည်သူတွေပါ ပါရမယ်ဆိုရင် ပိုကျယ်ပြန့်တဲ့ သဘောထားနဲ့ စဉ်းစားကြည့်ရင် ဒီလို သဘောရတယ်ပေါ့။

အဲဒီအခါကျတော့ အခု ကျနော့်အမြင်မှာ ထူးခြားတာကတော့ ပြည်သူတွေ ပိုပြီးတော့ စိတ်ဝင်တစားနဲ့ ဒါကို စောင့်ကြည့်ကြတာဟာ။ ဒါကတော့ ထူးခြားတဲ့
ဖြစ်စဉ်ပေါ့လေ။”


ဦးတိုးဇော်လတ်(ဒီဗွီဘီ)


“ဟုတ်ကဲ့ခင်ဗျ။ အရင်ကထက် ပိုပြီးတော့ ပါလာတဲ့ ထူးခြားတဲ့ all inclusive ပေါ့နော်။ အရင် လက်မှတ်မထိုးတဲ့ UNFC ပေါ့။ ညီညွတ်သော တိုင်းရင်းသားများအဖွဲ့ကို ထည့်လာတယ်ပေါ့နော်။ ၈ ဖွဲ့အပြင် ကျန်တဲ့သူတွေ။ အဲလိုပဲ ‘၀’ တို့၊ မိုင်းလားတို့ ထည့်လာတယ်။

နောက်တခုကလည်း စကားလုံးနဲ့ပြောမယ်ဆိုရင်တော့ ဒီမိုကရေစီ ဖက်ဒရယ်ပြည်ထောင်စုကို ဒေါ်အောင်ဆန်းစုကြည်က မိန့်ခွန်းထဲမှာ ထည့်ပြောသွားတယ်။

ဒါ အမျိုးသားဒီမိုကရေစီအဖွဲ့ချုပ်ရဲ့ လုပ်ငန်းစဉ်လည်း ဖြစ်တယ်ပေါ့။ နောက်ထပ် ထူးခြားတာကတော့ ဗိုလ်ချုပ်မှူးကြီး မင်းအောင်လှိုင်က ဖက်ဒရယ်ဆိုတဲ့စကားကို လုံးဝရှောင်ပြောသွားတာ တွေ့ရပါတယ်။

အဲဒီလိုပဲ တိုင်းရင်းသားတွေဘက်က ဗိုလ်ချုပ်မူတူးဆေးဖိုးကတော့ သူ ပြောတယ်၊ ၄၇ ပင်လုံသည် လွတ်လပ်ရေးကို ယူတယ်၊ ၂၁ ပင်လုံသည် ဖက်ဒရယ်စနစ်ကို တည်ထောင်မယ်ဆိုတဲ့ အတွက် သူထောက်ခံ ပါတယ်လို့ သူပြောတယ်ပေါ့။

အဲဒီတော့ တပ်မတော်အနေနဲ့ကရော ဖက်ဒရယ် ဆိုတဲ့အပေါ်မှာ တမင် ရှောင်နေတာလား၊ ဒါမှမဟုတ် လောလောဆယ် အစိုးရရဲ့ တိုင်းရင်းသားတွေ ပြောနေတဲ့ ဖက်ဒရယ်တည်ဆောက်ရေးဆိုတဲ့ လုပ်ငန်းစဉ်ထဲမှာ မပါသေးတာလား။ အဲဒါလည်း နည်းနည်းသုံးသပ်ဆွေးနွေးပေးပါဦးခင်ဗျ။”

ဦးအေးမောင်ကျော် (နိုင်ငံရေးဆောင်းပါးရှင်)

“တပ်မတော်အနေနဲ့ကတော့ သူက ဖွဲ့စည်းပုံအခြေခံဥပဒေပေါ့နော်၊ ၂၀၀၈ ကို ကာကွယ်စောင့်ရှောက်ရမယ်ဆိုတဲ့ တာဝန်တခု သူ့မှာ ရှိတယ်ပေါ့လေ။ အဲဒီတော့ ဗိုလ်ချုပ် မှူးကြီး ပြောတဲ့ အထဲမှာ သူက တပ်မတော်ရဲ့ မူ ၆ ချက် ဆိုတာလည်း သူ ထည့်ပြော သွားတယ်။

အဲဒီမူ ၆ ချက်မှာလည်း ပထမ ၄ ချက်လောက်က ပြဿနာမရှိဘူး။ နောက်ဆုံး ၂ ချက်ကတော့ ခုနက ဖွဲ့စည်းပုံအခြေခံဥပဒေ ၂၀၀၈ အောက်ကနေပဲ ဆက်လက်လုပ်ဆောင် ရမယ်ဆိုတဲ့ အချက်မျိုးတွေကျတော့ အရင်တုန်းကလည်းပဲ တိုင်းရင်းသားအဖွဲ့တွေရော အကုန်လုံးက ဒါကို လက်ခံဖို့ အရမ်းခက်ခဲတယ်ဆိုတာ ပြောပြီးသား ရှိတယ်ပေါ့နော်။

ဒါပေမယ်လို့ တပ်ဘက်ကလည်း ဒီ ၆ ချက် ဆိုတာကတော့ လုံးဝကြီး လိုက်နာရမယ် ဆိုတာမျိုးလည်း မဟုတ်ပါဘူး ဘာညာနဲ့လည်း ပြောဖူးတယ်။

ဆိုတော့ နောက်တခုက ပြောမယ်ဆိုရင်တော့ သမ္မတဦးသိန်းစိန် လက်ထက်က ဖက်ဒရယ်ဆိုတာကို အကြမ်းဖျင်း လက်ခံပြီးသားလို့ ကျနော်တို့ နားလည်လို့ရတယ်လေ။

အဲဒီတော့ တပ်မတော်အနေနဲ့လည်း သူ လေ့လာထားပြီးသားတွေ အများကြီး ရှိပါတယ်။ နောက် လွှတ်တော်ထဲမှာလည်း ဟိုတနေ့က တပ်မတော်သားတယောက်က ဒီမိုကရေစီ ဖက်ဒရယ်ပြည်ထောင်စု ဆိုတဲ့ဟာ စကားရပ်ဟာ ဖွဲ့စည်းပုံ အခြေခံဥပဒေနဲ့ မကိုက်ညီလို့ ကန့်ကွက်ပါတယ်။

အဲဒီ ကြေညာချက်ကို ကန့်ကွက်တာ မဟုတ်ဘူး။ အဲဒီ စကားလုံးကိုပဲ သူက ပြင်ချင်တာပေါ့လေ။ သူတို့ပြောတာကတော့။ လွှတ်တော်ရဲ့ ကြေညာချက်ကို သူတို့ ထောက် ခံတယ်။ သို့သော် အဲဒီစကားလုံးကတော့ ၂၀၀၈ နဲ့ မကိုက်ဘူးဆိုတဲ့သဘော ပြောချင်တာပေါ့။

ဒါပေမယ်လို့ ဘယ်လိုပဲဖြစ်ဖြစ် ကျနော်မြင်တာကတော့ ကျနော်တို့ သွားမယ့်လမ်းကြောင်းက အားလုံးက ဒီမိုကရေစီ ဖက်ဒရယ်ပြည်ထောင်စု ဆိုတာတော့ ရှင်းပြီး
သားလို့ ထင်ပါတယ်။ ဒါပေမယ့်လို့ လောလောဆယ် ၂၀၀၈ ဖွဲ့စည်းပုံနဲ့တော့ မကိုက်ဘူး။ သို့သော်လည်း အဲဒီဟာကို ကျနော်တို့ ပြောလို့တော့ ရတယ်လို့ ထင်တယ်။

ဒါ ကြိုပြောတာတော့ မဟုတ်ဘူး။ ဒီလမ်းကြောင်းကို ကျနော်တို့ သွားမယ်လေ။ အခုလုပ်နေတဲ့ ညီလာခံဆိုတာလည်း ဒါပဲလေ။ အဲတော့ ဆိုလိုတာက နည်းနည်းလေး
ကပ်ပြီးတော့ မကွဲလွဲ သင့်ဘဲနဲ့ ကွဲလွဲနေတယ်လို့ ထင်တယ်။

အဲတော့ သူတို့က ဒါကို ကန့်ကွက်တာလည်း မဟုတ်ဘူး တပ်မတော်အနေနဲ့က။ ဒါပေမယ့် စကားလုံးအရ လောလောဆယ်မှာ မကိုက်ဘူးလို့ ပြောတယ်။ ဒါပေမယ့် အဲဒါက ပြောရင်လည်း ကျနော်တို့ မြင်တာက ပြောရတော့မှာပဲလေ။ အခု ညီလာခံမှာ ဟုတ်တယ် မဟုတ်လား။ အခုလည်း ပြောနေကြပြီပဲ၊ ဟုတ်လား။ အဲဒီလို ထင်တယ် ကျနော်ကတော့။”

ဦးတိုးဇော်လတ်(ဒီဗွီဘီ)

“ဟုတ်ကဲ့။ ကိုဇေယျာသူလည်း ကျနော် ဒီနေရာကပဲ မေးပါမယ်။ တပ်မတော်ရဲ့ အခန်းကဏ္ဍပေါ့။ အထူးသဖြင့် တပ်မတော်ရဲ့ အဓိကက ဒို့တာဝန်အရေးသုံးပါးရယ်၊ တပ်မတော်ရဲ့ ငြိမ်းချမ်းရေးမူ ၆ ချက်ရယ်ပဲ အဓိကထားပြီး ဆွေးနွေးသွားတယ်။

ဖက်ဒရယ်ဆိုတဲ့ စကားလုံးကို အတတ်နိုင်ဆုံး ရှောင်သွားတယ်ပေါ့။ ဒါပေမယ့် ကျနော်တို့ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသားတွေကတော့ ဖက်ဒရယ်
ဒီမိုကရေစီ ပြည်ထောင်စုဆိုတာကို တော်တော်အရေးပေးပြီး ပြောတယ်။ ဘန်ကီမွန်းတောင် ပြောတယ် နိုင်ငံတကာက။ အဲဒီတော့ တပ်မတော်အနေနဲ့ ငြိမ်းချမ်းရေး
လုပ်ငန်းစဉ်တွေကို တလျှောက်လုံးပါပေမယ့် ဖက်ဒရယ်ကိစ္စမှာတော့ ဘယ်လိုသဘောထားပြီး ဘယ်လိုမျိုး ကိုင်တွယ်နေတယ် ဆိုတာလေး ဖြည့်စွက်ဆွေးနွေးပေးပါဦး။”

ဦးဇေယျာသူ (တာဝန်ခံအယ်ဒီတာ၊ The Voice ဂျာနယ်)

“တပ်မတော်ကတော့ ကျနော့်အမြင်ကတော့ ဒီငြိမ်းချမ်းရေးဆွေးနွေးပွဲတွေကနေပြီးတော့ ငြိမ်းချမ်းရေးရမယ်လို့ သူက ယုံကြည်ထားပုံရတယ်။ ဘာလို့လဲဆိုတော့ သူတို့ရဲ့ ပြင်ဆင်မှုကို ကြည့်ရင်ပေါ့လေ။

အရင် ဦးသိန်းစိန်လက်ထက်က လုပ်တုန်းက ငြိမ်းချမ်းရေးညီလာခံလည်း တက်ဖြစ်တော့ အဲဒီမှာလည်း တပ်မတော်က ကိုယ်စားလှယ်တွေ ဆွေးနွေးကြတာက သူတို့တွေက ဖက်ဒရယ်စနစ်တွေ ဘာတွေက အစ ချပြပြီး ဆွေးနွေးနေတာတွေ ရှိတယ်။ ရှိတဲ့အခါကျတော့ သူတို့က ဖက်ဒရယ်စနစ်ကိုတော့ နောက်သွားရမယ့်ဟာလို့ ကျနော့်စိတ်ထဲမှာ လက်ခံထားပုံရတယ်။

သို့သော်လည်း စကားလုံးပေါ့လေ။ ဒီမိုကရေစီ ဖက်ဒရယ်ပြည်ထောင်စု ဆိုတာက ၂၀၀၈ ထဲမှာပါတဲ့ ပြည်ထောင်စုနဲ့ တကယ်တမ်းတော့ ကျနော့်စိတ်ထင် သဘော တရားက အတူတူပဲ။ စကားလုံး အရသာ သူက ၂၀၀၈ အခြေခံ ဥပဒေကို ကာကွယ်ချင်တဲ့ သဘောနဲ့ ပြောနေတာပေါ့နော်။

အဲဒီတော့ စကားလုံးသဘောပဲ ကျနော့်စိတ်ထင် ရှိလိမ့်မယ်ပေါ့။ အဲတော့ တပ်မတော်ကလူတွေ အများကြီးတက်တယ်။ တက်ပြီးတော့ အဲဒီထဲမှာ အသက်ငယ်ငယ် ရွယ်ရွယ်တွေလည်း ပါတဲ့ အခါကျတော့ သူတို့က ဒီငြိမ်းချမ်းရေး ညီလာခံ အပါအ၀င် ငြိမ်းချမ်းရေး ဆွေးနွေးပွဲတွေ ကနေပြီးတော့ ပြည်ထောင်စုပဲ ခေါ်ခေါ်၊ ဒီမိုကရက်တစ် ဖက်ဒရယ် ပြည်ထောင်စုပဲ ခေါ်ခေါ် အဲဒီကိုတော့ ဒီကနေပဲတဆင့် သွားရမယ်လို့ သေချာပေါက် သူက ပြင်ဆင်ထားပုံရတယ်။

ပြီးတော့ ဖက်ဒရယ်နဲ့ပတ်သက်ရင် ကျွမ်းကျင်သူတွေတောင်မှ သူတို့ထဲမှာ တော်တော်လေးရှိနေပြီလို့ ကျနော်တို့က တင်တဲ့ စာတမ်းသဘောတရားတို့ ဘာတို့အရ မှာတော့ ယူဆလို့ ရနေတယ်ပေါ့။ အဲတော့ ပြဿနာကတော့ တစုံတရာ ကျနော့်အထင်တော့ ရှိမယ်မထင်ဘူး။ အဓိကကတော့ ယုံကြည်မှုပဲ။ ယုံကြည်မှု ရလာတာနဲ့အမျှ ဒီစကားလုံးပြဿနာကတော့ ပြေလည်သွားမယ်ပေါ့လေ။”

ဦးတိုးဇော်လတ်(ဒီဗွီဘီ)

“ပင်လုံနဲ့ပတ်သက်လို့ နိုင်ငံတကာ သတင်းစာတွေကရော၊ ပြည်တွင်း သတင်းစာတွေ ကရော တော်တော်များများ အကောင်းဘက်ကို ရေးတာ များပါတယ်။

မျှော်လင့်ချက်လည်း ရှိတယ်လို့ ပြောကြပါတယ်။ ဒါပေမယ့် တချို့ ထောက်ပြမှုလေးတွေလည်း ရှိပါတယ်။

ဒါကတော့ ဥပမာ- နိုင်ငံတော်သမ္မတက မိန့်ခွန်းမပြောတဲ့ ကိစ္စပေါ့နော်။ နောက်တခုက တိုင်းရင်းသားခေါင်းဆောင်တွေကို သူတို့ရဲ့ စစ်ရေး ရာထူးတွေ ခေါ်ခွင့် မပေးတာရယ်၊ နောက်တခုက ‘၀’ပြည် သွေးစည်းညီညွတ်ရေး ပါတီပေါ့နော်၊ ‘၀’အဖွဲ့က နားလည်မှု လွဲတယ်လို့လည်း ပြောတယ်။

တချို့ကတော့ သူတို့ကိုယ်တိုင်က တန်းတူမှု မရှိလို့ဆိုပြီးတော့ ညီလာခံ တက်ရောက်မှုကနေ ထွက်ခွာ သွားတယ်လို့ ပြောတယ်။ အဲဒီအပေါ်မှာရော ဒီဟာက စီစဉ်တဲ့ လူတွေရဲ့ အတွေ့ အကြုံအရ လွဲတာလား၊ ဒါမှမဟုတ် ‘၀’တွေ ပြောတဲ့ တကယ်တမ်း တန်းမတူဘူး၊ သူတို့ကို အရေး မထားဘူး ဆိုတဲ့ အပေါ်မှာ ရှိလား။ အဲဒါနဲ့ ပတ်သက်ပြီး ဆရာအေးမောင်ကျော် ဖြည့်စွက်ပြီးတော့ ဆွေးနွေးပေးပါဦး ခင်ဗျ။”

ဦးအေးမောင်ကျော် (နိုင်ငံရေးဆောင်ပါးရှင်)

“အဲဒါကတော့လေ တကယ်ကျတော့ စီစဉ်တဲ့နေရာမှာလည်း လိုတော့ လိုနိုင်တာပေါ့လေ။ ဒါပေမယ့်လည်း ခုနကပြောတဲ့ ‘၀’အဖွဲ့ တက်လာတာကလည်း ‘၀’အဖွဲ့က တကယ့် မြောက်ပိုင်းမှာရှိတဲ့ ခေါင်းဆောင်အဆင့်တွေ မဟုတ်ဘဲနဲ့ တောင်ပိုင်းမှာရှိတဲ့ ဆက်ဆံရေးရုံး အဆင့်လောက်ပဲ လွှတ်လိုက်တာကိုး။

ဆိုတဲ့အခါကျတော့ အဲဒီပုဂ္ဂိုလ်တွေကလည်း ဒီလို ရုံးလုပ်ထုံးလုပ်နည်းတွေနဲ့ ဘယ်လိုလုပ်ရမယ် ဆိုတာတွေ သိပ်ကြေညက်ပုံမရဘူး။ သူတို့ ကိုယ်ကြိုက်တဲ့နေရာမှာ သွားတည်းတယ်။ အကြောင်းမကြားဘူးပေါ့နော်။

ဟိုကလည်း ဆက်သွယ်လို့ မရဘူးပေါ့လေ။ အဲတော့ တိုင်းရင်းသား လက်နက်ကိုင်တွေကို ပေးဖို့ လက်မှတ် အစောင် ၂၀၀ က သပ်သပ်ပေးထားတယ်ပေါ့နော်။

တိုင်းရင်းသားနဲ့သက်ဆိုင်တဲ့ ကိုယ်စားလှယ်ကို ပေးထားတယ်ပေါ့။ အဲဒီပုဂ္ဂိုလ်တွေက ရှာလို့မတွေ့တဲ့ အခါကျတော့ ဟိုပုဂ္ဂိုလ်တွေ ရောက်လာတဲ့ အချိန်မှာ ဒါ သူတို့ ရှင်းပြတာတွေ ကတော့ ယာယီကတ်၊ အရန်ထားတဲ့ လေ့လာသူ ကတ်တွေကို ပေးလိုက်ရတော့ ညနေကျရင် ပြန်လဲပေးပါမယ် ဆိုတာမျိုးပေါ့လေ။

ညနေ သွားလဲတဲ့ အချိန်မှာတော့ မလဲတော့ပါဘူး၊ ပြန်ယူထားပါ ဆိုပြီးတော့ သူတို့ မယူတော့ဘူးပေါ့နော်။ နောက်တရက်ကျတော့ ပြန်သွားတယ်ပေါ့။ အဲတော့ ဆိုလိုတာကတော့ တကယ်တမ်းကတော့ ‘၀’အဖွဲ့ကလည်း ဒါ ပွင့်ပွင့်လင်းလင်း ပြောရမယ်ဆိုရင် သူက အေအေရယ်၊ ကိုးကန့်ရယ်၊ ပလောင်ရယ် မပါဘူးဆိုရင် သူ မတက်ဘူးလို့ အစောကတည်းက ပြောထားတာရှိတယ်။

ပြောမယ်ဆိုရင်တော့ သူကလည်း တကယ်တမ်း သိပ်တက်ချင်ပုံမရဘူး။ ဒါပေမယ့်လို့ တဘက်က ဖိအားတွေကြောင့် သူကလည်း တက်လာပုံရတယ်။

တက်လာတဲ့အခါမှာလည်း သူက တဆင့်နိမ့်တဲ့ ကိုယ်စားလှယ်တွေ လွှတ်တယ်ပေါ့လေ။ ဆိုတဲ့အခါကျတော့ အခုလို နားလည်မှု လွဲသွားတယ်ဆိုတဲ့အခါကျတော့ သူကလည်း ငိုချင်ရက်လက်တို့ ဖြစ်သွားတဲ့ သဘောပဲ။ ကျနော် ထင်တာပေါ့လေနော်။ ဘာပဲဖြစ်ဖြစ် ဒါက နိုင်ငံတော်အတိုင်ပင်ခံ ပုဂ္ဂိုလ်ကလည်း ပြောတယ်လေ။

ဘယ်သူ့ကိုမှ အပြစ်မဆိုကြပါနဲ့ ဆိုပြီးတော့ပေါ့နော်။ အဲဒီတော့ ကျနော်တို့လည်း အပြစ်မဆိုပါဘူး။ ဘာပဲဖြစ်ဖြစ် လွဲသွားပြီပေါ့လေ။ လွဲသွားတဲ့အခါကျတော့ ဒါ ဖြေရှင်းကြရမှာပေါ့။

သဘောကတော့ ပြန်ပြီးတော့ သူတို့လည်း ကြေညာချက်ထုတ်မယ်လို့ ပြောတယ်။ ဘယ်လိုပဲဖြစ်စေပေါ့လေ၊ သိပ်တော့မကောင်းဘူးပေါ့လေနော်။

အဲလို မြင်ပါတယ်။ နောက်တခုကတော့ တိုင်းရင်းသားတွေရဲ့ အဆင့်နေရာပေါ့လေ။ ကိုယ့်ဘာသာ သတ်မှတ်ထားတဲ့ အမျိုးမျိုး ရှိပါတယ်။ ဗိုလ်ချုပ်ကြီးတွေလည်း ရှိတယ်၊ ဗိုလ်ချုပ်တွေလည်း ရှိတယ်ပေါ့လေ။

ဟိုတုန်းကဆိုရင် ကျနော်တို့ ဟိုတုန်းက ကြာပြီပေါ့လေ၊ ဟိုတုန်းက ဗိုလ်မှူးလို့ခေါ်တဲ့ ပုဂ္ဂိုလ်တွေက ခုဆို ဗိုလ်ချုပ်တွေ ဖြစ်နေပြီပေါ့လေ။ ဒါပေမယ့်လို့ ဒါ တပ်မတော် အနေနဲ့ကျတော့ နိုင်ငံတော်ရဲ့ status တခုအနေနဲ့ သူက ဒီလိုပွဲတွေမှာ တရားဝင်ဖြစ်ဖို့ သူ့အနေနဲ့ အဆင်မပြေဘူး ထင်တယ်။

နောက်တခုက ‘ဦး’ တို့ ဘာတို့ တပ်မယ်ဆိုရင်လည်း တိုင်းရင်းသားဘက်က လက်မခံဘူးပေါ့နော်။ ရှေ့မှာ ‘ဦး’ တပ်တယ်ဆိုရင်လည်း ဒါက ဗမာ၊ ဘားမားနိုက်စ်
ဖြစ်တယ်လို့ သဘောမျိုးရှိတယ်။ ဆိုတဲ့အခါကျတော့ ဘယ်လိုမှ တပ်လို့မရဘူးပေါ့လေ။ တပ်လို့မရလို့ အဲဒီနာမည်ကိုပဲ ဒီအတိုင်း ရေးထားတာ တွေ့ရတယ်။

ဒါတွေက ကျနော်တို့တိုင်းပြည်ရဲ့ ပကတိ အရှိတရားတွေပေါ့လေ။ ဒါတွေကို ကျနော်တို့ ရင်ဆိုင်ရမှာပဲ။ ဘယ်လို ဖြေရှင်းကြမလဲဆိုတာ။ အဲလို အသေးအမွှားလို့ ထင်ရသော ကိစ္စအသေးလေးတွေကစပြီး အကြီးကြီးထိ ကျနော်တို့က အများကြီး လုပ်စရာတွေ ရှိတယ်။

အဲဒီတော့ အဲအပေါ်မှာ တတ်နိုင်သမျှ ကျနော်တို့က သဘောထားကြီးကြီးနဲ့ နားလည်ပြီးတော့ လုပ်ကြရင်တော့ အကောင်းဆုံးလို့ ထင်ပါတယ်။”

ဦးတိုးဇော်လတ်(ဒီဗွီဘီ)

“ဟုတ်ကဲ့။ ဆရာအေးမောင်ကျော်ကတော့ တချို့ဟာတွေ၊ တိုင်းရင်းသားတွေ စစ်ရာထူးနဲ့ မခေါ်တာ။ ဒါပေမယ့် ကျနော်တို့ သမိုင်းထဲမှာလည်း ဗိုလ်ချုပ်အောင်ဆန်းကို အင်္ဂလိပ်တွေက မေဂျာ ဂျင်နရယ် အောင်ဆန်း self style ပေါ့။

ကိုယ့်ကိုယ်ကိုယ် ပေးထားတယ်လို့ တချိန်တုန်းက ဆွေးနွေးပွဲတခုမှာ အဲလို လုပ်ခဲ့ဖူးတယ်။ အဲတော့ ဒီဟာတွေကလည်း ရေရှည်တော့ စဉ်းစားရမှာပေါ့နော်။

အဲဒီတော့ ကိုဇေယျာသူလည်း ကျနော် တခုလောက် မေးချင်တာက အခုလိုမျိုး all inclusive ထဲမှာ နဂိုကတည်းက ညှိမရတဲ့ ၃ ဖွဲ့ကတော့ ကျန်ခဲ့သေးတယ်။ အခု ‘၀’ ဆိုရင်လည်း နည်းနည်းနားလည်မှု လွဲပြီးတော့ သွားကြတယ်ပေါ့နော်။

အဲဒီတော့ တကယ်တမ်း အကုန်ပါလာအောင် နောက်တခုကလည်း ပြောနေတဲ့ အခြေခံတန်းတူရေးဆိုတဲ့ အခြေအနေပါ ဖြစ်လာအောင် ဘာတွေများ ဆက်ပြီးတော့ လုပ်ဖို့၊ ညှိနှိုင်းဖို့လိုတယ် ဆိုတာလေး ဖြည့်စွက်ပြီးတော့ ဆွေးနွေးပေးပါဦး ခင်ဗျ။”

ဦးဇေယျာသူ (တာဝန်ခံအယ်ဒီတာ၊ The Voice ဂျာနယ်)

“အဓိကကတော့ ကွာခြားချက်တွေ ရှိတာပေါ့။ ကွာခြားချက်တွေ ရှိတာက တကယ်တမ်းတော့ ဒါ ပုံမှန်ပဲ။ အဲဒါကြောင့်မို့လည်း ဒီဆွေးနွေးပွဲတွေ ဖြစ်တာပေါ့။ ကျနော့် အမြင်ကတော့ ဆွေးနွေးပွဲမှာ ကမောက်ကမတွေ ဘာပဲဖြစ်ဖြစ် ဆက်ဆွေးနွေးရမယ်၊ ဆွေးနွေးရင်းနဲ့လည်း ခုနကလိုမျိုး အပြိုင်သွားနေတဲ့ဟာတွေ ရှိတယ်လေ။

ကျနော်တို့ အပစ်အခတ်ရပ်စဲရေးအတွက် ညှိနေတာတွေ ဘာတွေလည်း ရှိတော့၊ အဲဒါတွေမှာလည်း တောက်လျှောက် သွားနေရင်းနဲ့၊ အလုပ်အတူ တွဲလုပ်ရင်းနဲ့ ဒါက တယောက်နဲ့တယောက် ယုံကြည်မှုပိုရလာမယ်။ လွန်ခဲ့တဲ့ ၂၀၁၁ လောက်က စခဲ့တဲ့ဟာက အဲဒီစတုန်းကဆို အခြေအနေ တော်တော်ဆိုးတယ်လို့ ပြောတယ်။

တယောက်နဲ့တယောက်က မျက်နှာချင်းဆိုင်ဖို့တောင် မဖြစ်နိုင်ဘူး။ ဥပမာ- ထိုင်းမှာပဲလုပ်မှ၊ တရုတ်မှာပဲ လုပ်မှ ဆွေးနွေးပွဲတွေ လုပ်မှရတဲ့ သဘော ရှိတယ်ပေါ့နော်။

ရန်ကုန်တို့၊ နေပြည်တော်တို့မှာ လုပ်ဖို့မလွယ်ဘူး။ အခုကျတော့ အဲဒါတွေကနေပြီးမှ ယုံကြည်မှုက တည်ဆောက်လာတဲ့အခါကျတော့၊ ခေါင်းဆောင်အချင်းချင်း နားလည်မှု ရလာတဲ့အခါကျတော့ နေပြည်တော်ဆိုလည်း လုပ်မယ်။ ရန်ကုန်မှာဆိုလည်း လုပ်မယ် ဆိုတဲ့ဟာ ဖြစ်လာတယ်။

အဲဒီတော့ ခုဟာက ကျနော်တို့ ၂၁ ရာစု ပင်လုံဆိုတာက နောက်ထပ် ဒီညီလာခံ ပြီးရင် ထပ်ခေါ်ဖို့ မရှိတော့ဘူး။ ဘာလို့လဲဆိုတော့ ၂၁ ရာစုပင်လုံ ၂ တို့၊ ၃ တို့ ဆိုရင် ရယ်စရာ ဖြစ်နေမှာဆိုတော့။

ဒီဟာကြီးက အဖွင့်ဟာကြီးပဲ။ ဆိုတော့ အဲဒီအဖွင့်ဟာကြီးကမှ ကျနော်တို့ ဘယ်လို ဆက်သွားမလဲ။ ခုဟာက ပြောတဲ့အခါမှာတော့ စိုးရိမ်စရာလို့ ထင်ရတာတွေလည်း ရှိတယ်ပေါ့နော်။ ပြည်နယ်တွေက တယောက်ပြီးတယောက် တောင်းနေကြတော့ ဒီအတိုင်းသာ အမွေခွဲလိုက်ရင်တော့ အချင်းချင်းချကြဖို့ပဲ ရှိတယ်ဆိုတဲ့ သဘောပဲ။

ကျနော့်အမြင်ကတော့ ငြိမ်းချမ်းရေးဆွေးနွေးပွဲတွေမှာ ဒါကစပြီးတော့ တင်တဲ့ဈေးပေါ့နော်။ ကြမ်းခင်းဈေးသဘောမျိုး ဖြစ်တော့ ကြမ်းခင်းဈေးချင်းမတူရင် သူက ညှိရတာပဲ။ ညှိဖို့ကတော့ ဘာလဲဆိုတော့ ဆွေးနွေးပွဲလိုတယ်၊ ဆွေးနွေးရင်းနဲ့ ကျနော်တို့က ယုံကြည်မှုရမယ်ပေါ့လေ။ ဒီနည်းကလွဲရင် တခြားနည်း ကျနော်တို့က မရှိဘူး။ အဲဒါလေး ပြောချင်ပါတယ်။”

ဦးတိုးဇော်လတ်(ဒီဗွီဘီ)

“ဟုတ်ကဲ့။ ကိုဇေယျာသူ ပြောတာက ယုံကြည်မှု တည်ဆောက်ဖို့ ပြောပါတယ်။ ဆရာအေးမောင်ကျော်လည်း နောက်ဆုံးအနေနဲ့ မေးချင်တာက ဒေါ်အောင်ဆန်း စုကြည်ကလည်း ပြောပါတယ်။ ပြည်သူတွေရဲ့ မျှော်လင့်ချက်အိပ်မက်ကို အကောင် အထည်ဖော်ပေးဖို့ ဆိုတာ ကြီးမားတဲ့ တာဝန်ဖြစ်တယ်ပေါ့နော်။

ကြီးလေးတယ်လို့တော့ မဆိုလိုဘူးလို့ ပြောတယ်။ နောက်တခုက ဒီဟာတွေကလည်း အချိန်ယူပြီး ဆက်လက်ဆွေးနွေးညှိနှိုင်းရမယ့် အစပဲ ရှိသေးတယ်။ Process တခုကို ဖွင့်လိုက်တဲ့ သဘောပေါ့။

အဲဒီတော့ တကယ်တမ်း ငြိမ်းချမ်းရေးနဲ့ ရင်ကြားစေ့ရေးကို မျှော်လင့်နေတဲ့၊ ပြည်သူတွေ တကယ်မျှော်လင့်တဲ့ ငြိမ်းချမ်းမှုရအောင် အဓိက ဘယ်လိုအခြေခံတွေနဲ့ လုပ်ရမယ်ဆိုတာ ဆရာအေးမောင်ကျော်က နောက်ဆုံးအနေနဲ့ သုံးသပ်ပေးပါဦး ခင်ဗျ။”

ဦးအေးမောင်ကျော် (နိုင်ငံရေးဆောင်းပါးရှင်)

“အဓိကကတော့ ကျနော်မြင်တာက ပြည်သူလူထုကို မျက်နှာမူဖို့ လိုတယ်ပေါ့ဗျာနော်။ ဒါကတော့လည်း အမြဲတမ်း ပြောနေကျ စကား ဖြစ်တယ်။ ဒါပေမယ်လို့ ဒါ အရမ်းအရေးကြီးပါတယ်။ လူထုကို စိတ်ပျက် မသွားစေဖို့ပေါ့ဗျာနော်။

ဘာလို့လဲဆိုတော့ လူထုက အရမ်းမျှော်လင့်ချက် ထားတာကိုး။ အခု ကျနော်တို့ တွေ့နေရတဲ့ ပင်လုံညီလာခံ ထောက်ခံပွဲတွေ ဘာတွေဆိုတာက အများစုက ကိုယ့် တက်ကြွမှုနဲ့ ကိုယ် တနိုင်ငံလုံးက ပါလာကြတာလေ။

အရင်တုန်းကလို အတင်း တအိမ်တယောက် မလာမနေရ ဆိုတာမျိုး မဟုတ်ဘူးဗျ။ ဆိုတဲ့အခါကျတော့ လူထုရဲ့ မျှော်လင့်ချက်က အရမ်းကြီးမားပါတယ်။

အဲဒါကို တိုင်းရင်းသားလက်နက်ကိုင်တွေလည်း လေးနက်ဖို့လိုတယ်လို့ ထင်တယ်။ နောက်တခုက ကျန်တဲ့ နယ်ပယ်အသီးသီးပေါ့နော်။ တပ်မတော်ရော၊ အစိုးရ ဘက်ကရော အားလုံး လေးနက်ဖို့တော့ လိုတယ်လို့ ထင်တယ်။

ပြောနေတာတွေ သိပ်များနေပြီပေါ့ဗျာ။ လူထုက အရမ်းခံစားရတယ်။ တကယ်တမ်းတော့ အခံစားရဆုံးက လူထုပဲ။ တပ် ၂ တပ် တိုက်ကြတယ်ဆိုရင် တပ်၂ တပ်က အင်အားမှာ လေးငါးထောင်စီ ရှိတယ် ဆိုပါတော့။ အနှစ် သုံးလေးဆယ် တိုက်လည်း အဲဒီ လေးငါးထောင်က လျော့သွားတာ မဟုတ်ဘူး။ ကြားမှာ လူထုက သေ သွားတာ ငါးထောင်လောက် ရှိလိမ့်မယ်။ တသောင်းလောက်လည်း ရှိနိုင်တယ်။

ဘ၀ပျက်သွားတာက သိန်းနဲ့ ချီ ရှိနိုင်တယ်။ ဆိုတဲ့အခါကျတော့ အဲဒါကို တကယ်တမ်း လေးနက်ဖို့ဆိုတာ ကျနော်တို့က ပါးစပ်နဲ့ပဲ ပြောနိုင်တယ်ပေါ့ဗျာ။

တကယ်တမ်း လေးနက်ဖို့ ဆိုတာက သူတို့ကိုယ်တိုင် စဉ်းစားရမှာ ဖြစ်တယ်။ အဲဒီတော့ ဒီအခြေခံပေါ်ကနေ ကျနော်တို့က ဆက်လက်ပြီးတော့ ညှိနှိုင်းကြမယ်ဆိုရင် ကျနော် ထင်တာက ပိုပြီးတော့ ပြေလည်စရာရှိမယ်လို့ ကျနော်ထင်တယ်။”

From : ဒီဗွီဘီ

Originally published at - http://burmese.dvb.no/archives/167533

Read More »

Sunday, September 04, 2016

၂၁ ရာစု ပင်လုံ အခြေအနေအရပ်ရပ်နဲ့ ရှေ့ခရီး




ပြည်ထောင်စု ငြိမ်းချမ်းရေး ညီလာခံ၊ ၂၁ ရာစု ပင်လုံ ညီလာခံ ပထမ အကြိမ် ကျင်းပ ပြီးစီး သွားပါပြီ။

ငါးရက်ကြာ ကျင်းပခဲ့တဲ့ ဒီညီလာခံမှာ တိုင်းရင်းသား လက်နက် ကိုင်အဖွဲ့ ၁၇ ဖွဲ့၊ တိုင်းရင်းသား ကိုယ်စားလှယ် ၁,၄၀၇ ဦး တက်ရောက်ပြီး စာတမ်းပေါင်း ၇၂ စောင် ဖတ်ကြား တင်သွင်း ခဲ့ကြ ပါတယ်။

ဒီညီလာခံ တခုလုံး အပေါ် ခြုံငုံ သုံးသပ်ချက်၊ အားရစရာ အကောင်းဆုံးရှိခဲ့တဲ့ ကိစ္စနဲ့ အားမလို အားမရ ဖြစ်ခဲ့ရတာ၊ မြန်မာလူထု အနေနဲ့ ဒီညီလာခံ ကနေ ဘာတွေ ရယူ သင့်သလဲ စတာတွေကို ပင်တိုင် ဆွေးနွေး သူတွေ ဖြစ်တဲ့ ဦးအောင်သူငြိမ်း၊ ဦးစည်သူအောင်မြင့်တို့နဲ့ အတူ သောတရှင်တွေ ကိုယ်တိုင် တိုက်ရိုက် ပါဝင် ဆွေးနွေး ထားပါတယ်။

အသံဖိုင်နားဆင်ရန်

From : ဗွီအိုအေမြန်မာသတင်းဋ္ဌာန by : (ကျော်ကျော်သိန်း)

Originally published at - http://burmese.voanews.com

Read More »

Sunday, August 28, 2016

ရခိုင်ပြည်နယ်ဆိုင်ရာ အကြံပေးကော်မရှင်ပေါ် သဘောထား အမြင်များ




ကုလသမဂ္ဂ အတွင်းရေးမှူး ချုပ်ဟောင်း ကိုဖီ အာနန် (Kofi Anna) ဦးဆောင်တဲ့ ရခိုင်ပြည်နယ် ဆိုင်ရာ အကြံပေး ကော်မရှင်ကို ဖွဲ့စည်း မယ်လို့ နိုင်ငံတော် အတိုင်ပင်ခံရုံး ၀န်ကြီး ဌာနက ကြေညာ ထားပါတယ်။

မြန်မာနိုင်ငံတွင်း အရေးကြီးတဲ့ ကိစ္စရပ် တစ်ခု အတွက် ပြည်ပက ထင်ရှားသူ တဦး ဦးဆောင်တဲ့ အကြံပေး အဖွဲ့ကို ဖွဲ့စည်းတာ မြန်မာ့ သမိုင်းမှာ ဒါဟာ ပထမဆုံး အကြိမ်လို့ ဆိုရမှာပါ။

ဖွဲ့စည်းမယ်လို့ ကြေညာထားတဲ့ ဒီကော်မရှင်နဲ့ ပတ်သက်ပြီး ပင်တိုင်ဆွေးနွေး သူ ပြည်သူ့ လွှတ်တော် ကိုယ်စားလှယ် ဦးဖေသန်းနဲ့ အတူ သောတရှင်တွေ တိုက်ရိုက် ပါဝင် ဆွေးနွေး ထားပါတယ်။

ရခိုင်ပြည်နယ်ဆိုင်ရာ အကြံပေးကော်မရှင်ပေါ် သဘောထား အမြင်များ

From : ဗွီအိုအေမြန်မာသတင်းဋ္ဌာန by : (ကျော်ကျော်သိန်း)

Originally published at - http://burmese.voanews.com

Read More »

Thursday, August 25, 2016

(၂၁) ရာစု ပင်လုံက ဘာထွက်ပေါ်နိုင်သလဲ?




ဒီတပတ် မြန်မာ့ မျက်မှောက် ရေးရာ ဆွေးနွေးခန်း အစီအစဉ်မှာ (၂၁) ရာစု ပင်လုံ ညီလာခံ နဲ့ပတ်သက်ပြီး ကျင်းပမဲ့ အချိန် ရက်ပိုင်းပဲ အလို အခု အချိန်ထိ မရေရာ မသေချာမှုတွေ အများ အပြား ကြားနေ ရပါတယ်။

ဆိုတော့ ကာ လူတိုင်းမျှော်လင့် တောင့်တနေတဲ့ ပြည်ထောင်စု ငြိမ်းချမ်းရေး ရလဒ်တွေကော ပေါ်ထွက် လာနိုင်ပါ့မလား ၊ ဘယ်လို အခက်အခဲတွေ ရှိနေသလဲ ဆိုတာ တိုင်းရင်းသား ခေါင်းဆောင် တဦးဖြစ်တဲ့ အမျိုးသား လွှတ်တော် ဒု-ဥက္ကဌ ဦးအေးသာအောင်နဲ့ ဦးကျော်ဇံသာ တို့ ဆွေးနွေး သုံးသပ် ထားပါသည်။

ဦးကျော်ဇံသာ ။ ။ ကျနော် ဒီနေ့ အဓိက ဆွေးနွေးချင်တဲ့ အကြောင်းအရာကတော့ (၂၁) ရာစု ပင်လုံညီလာခံက တိုင်းရင်းသားတွေ ဘာမျှော်လင့်နိုင်သလဲ ဆိုတာ ဖြစ် ပါတယ်။ ဆိုတော့ ယေဘုယျအားဖြင့် တိုင်းရင်းသားတွေ လိုချင်နေတဲ့အချက်ကို အရင်ဆုံး ပြောကြပါစို့။ အကျဉ်းရုံးပြီးတော့ ပြောရမယ်ဆိုရင် မြန်မာနိုင်ငံမှာ တိုင်းရင်းသားတွေ လိုချင်နေတာ ဘာလဲ။

ဦးအေးသာအောင် ။ ။ အဓိကက ပြည်နယ်တွေမှာ ကိုယ်ပိုင်ပြဌာန်းခွင့်ရဖို့၊ ကိုယ့်ကြမ္မာ ကိုယ်ဖန်တီးခွင့်ရဖို့၊ အဲဒီလို ပြည်နယ်များနဲ့ ဖယ်ဒရယ် ပြည်ထောင်စု ထူထောင်ဖို့ ဆိုတဲ့ ရည်မှန်းချက် ထားပါတယ်။

ဦးကျော်ဇံသာ ။ ။ ဆိုတော့ မကြာခင် ကျင်းပတော့မယ့် (၂၁) ရာစု ပင်လုံ ညီလာခံဟာ တိုင်းရင်းသားတွေ တောင်းဆိုချက်တွေကို ညှိနှိုင်းဆွေးနွေးမယ့် သဘော ဖြစ် ပါတယ်။ ဘယ်လောက် မျှော်လင့်နိုင်မယ် ထင်ပါလဲ။ တိုင်းရင်းသားတွေဟာ သူတို့ မျှော်မှန်းချက် ရနိုင်လိမ့်မယ်လို့ ယူဆပါလား။ ပြီးခဲ့တဲ့ အစိုးရသက်တမ်း ကုန်ခါနီးမှာ ငြိမ်းချမ်းရေးညီလာခံတခု လုပ်ခဲ့တယ်။ ဘာအဖြေမှ မထွက်ခဲ့ပါဘူး။ အခုလဲ (၂၁) ရာစု ပင်လုံညီလာခံ ကျင်းပဖို့ ရက်ပိုင်းပဲ လိုတော့တဲ့ အချိန်အခါ ဖြစ်တယ်။ ညီလာခံမှာတော့ သတင်းမီဒီယာတွေကတဆင့် ကြားနေတာက အားလုံးပါဝင်နိုင်တဲ့ အနေအထားမျိုး ကြားနေရတယ်။ ပြီးခဲ့တဲ့ အစိုးရလက်ထက်က ကျင်းပတဲ့ ညီလာခံမှာက AA, တအောင်းပလောင်၊ ကိုးကန့် (၃) ဖွဲ့ကို လက်မခံတဲ့အတွက်ကြောင့် တိုင်းရင်းသားအဖွဲ့အစည်းထဲမှာ နှစ်ဖွဲ့ကွဲသွားတယ်။ အပြစ်အခတ်ရပ်စဲရေးကို လက်မှတ်ထိုးတဲ့အဖွဲ့နဲ့ လက်မှတ်မထိုးတဲ့အဖွဲ့။ လက်မှတ်ထိုးတဲ့အဖွဲ့က ငြိမ်းချမ်းရေးညီလာခံကို တက်တယ်။ လက်မှတ်မထိုးတဲ့အဖွဲ့က ငြိမ်းချမ်းရေးညီလာခံကို မတက်ဘူး။

ဦးအေးသာအောင် ။ ။ အဲဒီတော့ အဓိကအားဖြင့် ပြီးခဲ့တဲ့ အစိုးရလက်ထက်မှာ ရှိခဲ့တဲ့ အားနည်းချက်။ ငြိမ်းချမ်းရေး မအောင်မြင်ခဲ့ရတဲ့ အကြောင်းရင်းကတော့ အားလုံးမပါဝင်လိုပေါ့။ အဓိက AA, ကိုးကန့်၊ တအောင်းတို့ မပါဝင်ခဲ့လို့ ဖြစ်တယ်ဆိုတဲ့ သင်ခန်းစာပေါ့။ အဲဒီ သင်ခန်းစာကို အခုကျင်းပမယ့် ညီလာခံမှာ ပြန်ပြင်နိုင်ပြီလား။ အဲဒီ (၃) ဖွဲ့ပါ ပါဝင်ပြီးတော့ တက်နိုင်ပြီလို့ မျှော်လင့်ရပြီလား။

ဦးကျော်ဇံသာ ။ ။ ပြီးခဲ့တဲ့ ညီလာခံတုန်းက တိုင်းရင်းသားအဖွဲ့အားလုံး ပါဝင်ခွင့်မရခဲ့တာက အချက် (၁) ချက်ပေါ့။ ဒါပေမဲ့ ပါဝင်သည့်တိုင်အောင် တကယ်ပဲ တိုင်းရင်းသားများ လိုလားသည့် နယ်တွေမှာ ကိုယ်ပိုင်ပြဌာန်းခွင့်ရှိတဲ့ ဖယ်ဒရယ်ပြည်ထောင်စု တည်ထောင်ဖို့ဆိုတဲ့ မျှော်မှန်းချက်ကတော့ တိုင်းရင်းသားအားလုံး၊ တိုင်းရင်းသားလက်နက်ကိုင်အဖွဲ့များအားလုံး တက်ခွင့်ရရုံနဲ့ ပြီးမြောက်အောင် ဆောင်ရွက်နိုင်မယ့်လို့ ပြောဖို့မဖြစ်နိုင်ပါဘူး။

ဦးအေးသာအောင် ။ ။ အဲဒီတော့ တိုင်းရင်းသားတွေ တက်ရောက်ရုံနဲ့ မပြီးသေးဘူးဆိုတဲ့အခါမှာ ကျနော် သိချင်တာတခုက ဗဟိုအစိုးရက လိုက်လျောဖို့ အလားအလာ ဘယ်လောက်ရှိတယ်လို့ ဦးအေးသာအောင် သုံးသပ်မိပါလဲ။

ဦးကျော်ဇံသာ ။ ။ လောလောဆယ်တော့ တိုင်းရင်းသားများ မျှော်လင့်ထားတဲ့ ပြည်နယ်ကိုယ်ပိုင်ပြဌာန်းခွင့်ရဖို့၊ ဖယ်ဒရယ် ပြည်ထောင်စု ထူထောင်ဖို့ဆိုတာက ၂၀၀၈ ဖွဲ့စည်းပုံ ပြင်ရေးအပေါ်မှာ တည်ပါတယ်။ ၂၀၀၈ ဖွဲ့စည်းပုံ ပြင်ဖို့က အခက်အခဲတွေ၊ အဟန့်အတားတွေ ရှိတုန်းပဲ။ ပြီးတော့ ၂၀၀၈ ဖွဲ့စည်းပုံ မပြင်ဘဲနဲ့ ဖယ်ဒရယ်ပြည်ထောင်စု ထူထောင်ဖို့ဆိုတာလဲ မဖြစ်နိုင်သလို။ ဒီ ဖယ်ဒရယ်ပြည်ထောင်စုကို ထူထောင်နိုင်ဖို့ အလားအလာ မရှိဘဲနဲ့ ပြည်တွင်းငြိမ်းချမ်းရေး ဖော်ဆောင်ဖို့ ဆိုတာလဲ ဖြစ်နိုင်မယ်လို့ ကျနော်က မထင်ဘူး။ ဒါပေမဲ့ လာမယ့် ညီလာခံမှာတော့ အားလုံးတက်ရောက်ပြီး ဒီဆွေးနွေးပွဲကနေပြီးတော့ ဘုံသဘောတူညီချက် တစုံတရာ ရနိုင်မလား။ ရလာတဲ့ ဘုံသဘောတူညီချက်ကို အမျိုးသားရည်မှန်းချက်အဖြစ်နဲ့ အမျိုးသားရေးလုပ်ငန်းစဉ်အဖြစ်နဲ့ ချမှတ်ပြီးတော့ နောင် ဆက်လက်အကောင်အထည်ဖော်ဖို့ လုပ်နိုင်မယ်ဆိုရင်တော့ အတိုင်းအတာတခုအထိ အောင်မြင်မယ်လို့ ပြောရမှာ ဖြစ်ပါတယ်။

ဦးကျော်ဇံသာ ။ ။ ဖွဲ့စည်းပုံကို ပြင်နိုင်မှ တိုင်းရင်းသားတွေ လိုချင်တာ ရမယ်ဆိုတော့ ဖွဲ့စည်းပုံပြင်ဖို့ အဓိက အခက်အခဲက စစ်တပ်၊ တပ်မတော်ပေါ့။ သူတို့ရဲ့  သဘောတူညီမှု မရလို့ဘဲ တည့်တည့်ပြောရရင်တော့။

ဦးအေးသာအောင် ။ ။ ဟုတ်ကဲ့ … မှန်ပါတယ်။

ဦးကျော်ဇံသာ ။ ။ ဆိုတော့ သူတို့ရဲ့  စိတ်နေသဘောထားက တိုင်းရင်းသားတွေအပေါ် ထားရှိတဲ့ သဘောထားက မပြောင်းလဲနိုင်သေးဘူးပေါ့။ အစိုးရ ပြောင်းလာခဲ့သော်လဲ။

ဦးအေးသာအောင် ။ ။ ကျနော့်အမြင်ကတော့ အဓိက ၂၀၀၈ ဖွဲ့စည်းပုံ ပြင်ရေးနဲ့ ပတ်သက်လို့ အခု ကျနော်တို့ သက်တမ်းမှာသည်ပင် ပြင်နိုင်တဲ့ အနေအထားက အလွန့်အလွန် နည်းတယ်လို့ ပြောချင်ပါတယ်။

ဦးကျော်ဇံသာ ။ ။ နောက်တခု ကျနော် မေးချင်တာက တိုင်းရင်းသားတွေကို ကိုယ်စားပြုတဲ့ အဖွဲ့အစည်းတွေ၊ ပင်လုံမှာတုန်းကတော့ တိုင်းရင်းသား၊ တောင်တန်းဒေသတွေ ကိုယ်စားပြုတဲ့ ကိုယ်စားလှယ် တဖွဲ့စီပဲရှိတယ်။ နောက်တခါ မွန်၊ ရခိုင်စတဲ့ဟာတွေကြတော့ ဗိုလ်ချုပ်အောင်ဆန်းရဲ့  ဘုရင်ခံအုပ်ချုပ်ရေး အစိုးရထဲက ကိုယ်စားပြုသူတွေပဲရှိတော့ အခုတက်လာမယ့် ပင်လုံညီလာခံမှာ တိုင်းရင်းသားတွေကို ကိုယ်စားပြုတာ ဘယ်သူလဲ။ လက်နက်ကိုင်တွေလား။ တိုင်းရင်းသားတွေ ရွေးကောက်တင်မြှောက်ထားတဲ့ လွှတ်တော်ကိုယ်စားလှယ်တွေလား။ ဘယ်သူတွေက အဓိက ကိုယ်စားပြုတယ်လို့ ဆိုနိုင်လဲ။

ဦးအေးသာအောင် ။ ။ တိုင်းရင်းသားလက်နက်ကိုင်အဖွဲ့အစည်းများကတော့ ပိုပြီးတော့ အရေးပါတယ်။ အဓိကကျတယ်။ ဒါပေမဲ့ တိုင်းရင်းသားနိုင်ငံရေးပါတီကလည်း ဘယ်လိုပဲဖြစ်ဖြစ် အားလုံးပါဝင်ပြီးတော့ ဘုံရည်မှန်းချက်တခုအပေါ်မှာ ရပ်တည်နိုင်မယ်ဆိုရင်တော့ အကောင်းဆုံး ဖြစ်မယ်လို့ ကျနော့်အနေနဲ့ သဘောရတယ်။

ဦးကျော်ဇံသာ ။ ။ အဲဒီတော့ အဲဒီလို ဘုံသဘောတူညီချက်ရဖို့အတွက် တိုင်းရင်းသားတမျိုးတည်းမှာ ပါတီကိုယ်စားလှယ်ရှိမယ်။ လွှတ်တော်အမတ် ရှိမယ်။ လက်နက်ကိုင် အင်အားစုရှိမယ်။ အဲဒီလိုပဲ တိုင်းရင်းသားတွေက ကွဲကွဲပြားပြား ဖြစ်နေတော့ တိုင်းရင်းသားတွေဘက်က ညီညွှတ်မှု ဘယ်လောက်ရှိလဲ။ တသွေးတသံ ဖြစ်ပါ့မလား။

ဦးအေးသာအောင် ။ ။ ညီညွှတ်မှုကတော့ ကျနော်တို့ မျှော်မှန်းထားခဲ့သလောက် မရရှိခဲ့ဘူးပေါ့။ ပထမတုန်းကတော့ လောကြီးလတ်ကြီး ဆုံးဖြတ်ချက်အပေါ်မှာ တိုင်းရင်းသားလက်နက်ကိုင်အဖွဲ့အစည်းအားလုံး တသွေးတသံနဲ့ ရပ်နိုင်ခဲ့မယ်လို့ မျှော်မှန်းခဲ့တယ်။ ဒါပေမဲ့ အခုက အပစ်အခတ်ရပ်စဲထားတဲ့ NCA လက်မှတ်ထိုးထားတဲ့အဖွဲ့ နဲ့ လက်မှတ်မထိုးထားတဲ့အဖွဲ့၊ တိုင်းရင်းသားနိုင်ငံရေးပါတီများကလည်း အမြင်တွေ၊ အယူအဆတွေ အတိုင်းအတာတခုအထိ ကွဲလွဲမှုတွေရှိတယ်။ ဒါပေမဲ့ ဘယ်လိုပဲ ကွဲလွဲကွဲလွဲ ရည်မှန်းချက်ကတော့ တူညီကြတဲ့အတွက်ကြောင့် အဖြေရှာတဲ့အခါမှာ စုပေါင်းရပ်တည်နိုင်ဖို့ အရေးကြီးတယ်လို့ ပြောချင်ပါတယ်။

ဦးကျော်ဇံသာ ။ ။ ဆိုတော့ ကျနော်တို့ စောစောက ပြောခဲ့သလိုပဲ ဖွဲ့စည်းပုံ ပြင်ဖို့ဆိုတဲ့ နေရာမှာ တပ်မတော် စစ်တပ်ရဲ့  သဘောတူညီမှုက အဓိကကျတယ်။ သူတို့ သဘောမတူညီနိုင်တာကတော့ ဘာကြောင့်လို့ သုံးသပ်ပါလဲ။ ပြည်ထောင်စုပြိုကွဲမယ့် အန္တရာယ်ကို ကြောက်နေကြလို့ပါ ဘာညာဆိုတာ သူတို့ တကယ်ပဲ စွဲစွဲမြဲမြဲ ယုံကြည်နေလို့လား။ တည့်တည့်မေးရရင် အာဏာ သူတို့ဘက်က လျော့သွားမယ်။ သူတို့အာဏာတွေ ပဲ့ပါသွားမယ်ဆိုတာ တွေးမိလို့လားလို့ ဦးအေးသာအောင် နည်းနည်းသုံးသပ်ပါအုံး။

ဦးအေးသာအောင် ။ ။ အမျိုးသားပြန်လည်သင့်မြတ်ရေး ဆိုတဲ့အခါမှာ မြန်မာနိုင်ငံမှာ လွတ်လပ်ရေးအကြိုကာလထဲက တိုင်းရင်းသားတွေ၊ ပါတီအစိုးရတွေ၊ အယူအဆတွေ အမျိုးမျိုးကွဲပြီးတော့ နိုင်ငံရေးပဋိပက္ခကနေ လက်နက်ကိုင်ပဋိပက္ခတွေ ဖြစ်လာတယ်။ တဘက်မှာလဲ တိုင်းရင်းသားတွေက ပြည်နယ်ရဖို့၊ ကိုယ်ပိုင်ပြဌာန်းခွင့်ရဖို့ ကြိုးပမ်းရင်နဲ့ မဖြစ်နိုင်တဲ့အခါမှာ လက်နက်ကိုင်တော်လှန်ရေး ဆင်နွှဲလာတယ်။ အလားတူပဲ ၁၉၆၂ ခုနှစ် တပ်မတော်က အာဏာသိမ်းလိုက်တော့ တပ်မတော်အင်အားစုတွေနဲ့ နိုင်ငံရေးအင်အားစုတွေ ပြည်သူတွေထဲမှာ အမြင်သဘောထားတွေ ကွဲလွဲမှုတွေရှိတယ်။ အဲဒီတော့ တိုင်းရင်းသားတွေရဲ့  သဘောထားက မြန်မာနိုင်ငံကို ဖယ်ဒရယ်ပြည်ထောင်စု တည်ထောင်မှဖြစ်မယ်။ နိုင်ငံရေးအဖွဲ့အစည်းများကလည်း မြန်မာနိုင်ငံကို ဒီမိုကရေစီနိုင်ငံ ထူထောင်မှဖြစ်မယ်၊ တပ်မတော်အင်အားစုကလည်း မြန်မာနိုင်ငံကို တပ်မတော်က ဦးဆောင်အခန်းကဏ္ဍမှ ပါဝင်ပြီးတော့ နိုင်ငံရေးအရ ဆက်ပြီးသွားနေမှရမယ် အမြင်တွေက အဲဒီလိုရှိတယ်။

ဦးကျော်ဇံသာ ။ ။ ဆိုတော့ တပ်မတော်က အခုအထိ အဲဒီအမြင်ကို ကိုင်ဆွဲထားတုန်းပဲလား။ ကျနော် သိချင်တာက။

ဦးအေးသာအောင် ။ ။ အခုလဲပဲ ဖွဲ့စည်းပုံအခြေခံဥပဒေမှာက တပ်မတော်သည် အမျိုးသားလုံခြုံရေးမှာ ဦးဆောင်အခန်းကဏ္ဍက ပါဝင်ရမယ်လို့ ဒီလိုပဲ လမ်းညွှန်းပြဌာန်းထားတယ်။ ဒါကြောင့်မို့ လောလောဆယ်မှာ ၂၀၀၈ ဖွဲ့စည်းပုံ ပြင်ဆင်ရေး အခက်အခဲ ရှိနေတယ်။ ဒါပေမဲ့ တိုင်းပြည်ရဲ့  အနာဂတ်အရေး၊ ပြည်ထောင်စုအရေး ဖော်ဆောင်ဖို့ဆိုရင် ၂၀၀၈ ဖွဲ့စည်းပုံကို မပြင်မဖြစ် ပြင်ဖို့လိုတယ်။

ဦးကျော်ဇံသာ ။ ။ တပ်မတော်ရဲ့  သဘောထားကို သိရပါပြီ။ တိုင်းရင်းသားတွေဘက်က သဘောထား၊ သူတို့ ညီညွတ်မှု လိုတယ်ဆိုတာလည်း သိရပါပြီ။ ဦးအေးသာအောင်ဟာ CRPP မှာ အမျိုးသားဒီမိုကရေစီအဖွဲ့ချုပ်နဲ့ လက်တွဲပြီးတော့ အကြာကြီး လုပ်လာခဲ့တယ်ဆိုတော့ အမျိုးသားဒီမိုကရေစီအဖွဲ့ချုပ်အကြောင်းကိုတော့ ပိုပြီးတော့ သိမယ်လို့ ထင်ပါတယ်။ NLD အနေနဲ့ NLD ရဲ့  တိုင်းရင်းသားတွေအပေါ် သဘောထားက တိုင်းရင်းသားတွေရဲ့  လိုအပ်ချက်နဲ့ ထပ်တူကျတယ်လို့ သုံးသပ်ပါလား။

ဦးအေးသာအောင် ။ ။ ထပ်တူကျတယ်လို့ ပြောဖို့ခက်ပါတယ်။ ဒါပေမဲ့ NLD အနေနဲ့ ဒီမိုကရေစီ၊ ဖယ်ဒရယ်ပြည်ထောင်စု တည်ထောင်ဖို့ဆိုတဲ့ ရည်မှန်းချက်ကတော့ ဘာပဲဖြစ်ဖြစ် ကောင်းတဲ့လက္ခဏာလို့ ပြောချင်တယ်။ အရင် CRPP တုန်းက လက်တွဲလုပ်ကိုင်ခဲ့တဲ့ ခေါင်းဆောင်တချို့ မှာတော့ ဖယ်ဒရယ်ပြည်ထောင်ကို တည်ထောင်ဖို့ဆိုတဲ့ သဘောထားများ သိပ်မရှိဘူး။ တချို့ မှာတော့ ရှိတာကို တွေ့ရတယ်။

ဦးကျော်ဇံသာ ။ ။ အခုကော…

ဦးအေးသာအောင် ။ ။ ဒီဘက်မှာတော့ ဒေါ်အောင်ဆန်းစုကြည်ရဲ့  သဘောထားပေါ်မှာ အားလုံးရဲ့  အမြင်တွေ၊ သဘောထားတွေ ဒီအတိုင်းပဲ ရှိနေတာကို တွေ့ရတယ်။ ဒါပေမဲ့ ဒီလို သဘောထားရှိနေရုံနဲ့ တကယ့် ဖယ်ဒရယ်ပြည်ထောင်စု တည်ထောင်ဖို့ အခက်အခဲတွေ အတားအဆီးတွေက ရှိနေတုန်းပဲလို့ ပြောချင်ပါတယ်။

ဦးကျော်ဇံသာ ။ ။ နောက်ဆုံးအနေနဲ့ ဦးအေးသာအောင်ကိုယ်တိုင် (၂၁) ရာစု ပင်လုံညီလာခံကို တက်ရောက်မလား။

ဦးအေးသာအောင် ။ ။ ဒါကတော့ အခုအချိန်အထိ ကျနော် မပြောတတ်သေးဘူး။ ညီလာခံကျင်းပဖို့ ရက်အနည်းငယ်ပဲ လိုတော့တယ်။ ပြီးတော့ လွှတ်တော်က ဘယ်လို ပုံစံနဲ့ တက်ရမလဲ။ ဘယ်နှစ်ဦး တက်ရမလဲဆိုတာ ကျနော်လည်း မသိသေးဘူး။

ဦးကျော်ဇံသာ ။ ။ သောတရှင်များခင်များ .. တိုင်းရင်းသား စည်းလုံးညီညွှတ်ရေး၊ ပြည်ထောင်စု ငြိမ်းချမ်းရေးဆိုတာ လူတိုင်းမျှော်လင့်တောင့်တအပ်တဲ့ ဆုလာဘ်ကြီးတခု ဖြစ်ပါတယ်။ ဒါပေမဲ့ အမှန်တကယ် အောင်မြင်တဲ့ရလဒ် ပေါ်ထွက်လာဖို့ကတော့ တာဝန်ရှိသူတွေ ဆွေးနွေးညှိနှိုင်းကြတဲ့နေရာမှာ တိုင်းပြည်ကိုချစ်တယ်။ စေတနာရှိတယ်ဆိုတာကို အပေးအယူလုပ်၊ ညှိနှိုင်းနိုင်မှုနဲ့ ပြသကြဖို့ လိုအပ်တယ်လို့ ထင်မြင်ကြောင်း ပြောကြားလိုပါတယ်။

(၂၁) ရာစု ပင်လုံက ဘာထွက်ပေါ်နိုင်သလဲ?

From : ဗွီအိုအေမြန်မာသတင်းဋ္ဌာန by : (ဦးကျော်ဇံသာ)

Originally published at - http://burmese.voanews.com

Read More »

Tuesday, August 23, 2016

ဒေါ်စု တရုတ်ပြည် ခရီးစဉ်က ထွက်ပေါ်လာသည့် ရလဒ်များ


သဘောတူ စာချုပ် လက်မှတ် ရေးထိုးပွဲ အခမ်း အနား


ဒေါ်အောင်ဆန်း စုကြည်ရဲ့ တရုတ်နိုင်ငံ ခရီးစဉ်ဟာ နှစ်နိုင်ငံ ဆက်ဆံရေးမှာ သမိုင်း စာမျက်သစ် တစ်ရပ်ကို ဖွင့်လိုက် နိုင်တဲ့ ခရီးစဉ်လို့ ပြောဆိုနေ ကြပါတယ်။

ဒီခရီးစဉ်ကနေ ဘယ်လို ရလဒ်တွေ ထွက်ပေါ်လာမယ်လို့ မျှော်လင့် ကြပါ သလဲ ဆိုတာတွေကို တရုတ်-မြန်မာ ဆက်ဆံရေး စောင့်ကြည့် လေ့လာသူ ဒေါက်တာ
လှကျော်ဇော၊ မြန်မာ့အရေး လေ့လာသူ ဦးအောင်သူငြိမ်း၊ SNDP ပါတီက သီပေါ မဲဆန္ဒနယ်မြေ လွှတ်တော် အမတ်ဟောင်း ဦးရဲထွန်းတို့နဲ့ သောတရှင်တွေ ကိုယ်တိုင် တိုက်ရိုက် ပါဝင် ဆွေးနွေး ထားပါတယ်။

ဒေါ်စု တရုတ်ပြည် ခရီးစဉ် ဆွေးနွေးဝိုင်း

From : ဗွီအိုအေမြန်မာသတင်းဋ္ဌာန by : (ကိုဇော်ဝင်းလှိုင်)

Originally published at - http://burmese.voanews.com

Read More »

Wednesday, August 17, 2016

စားသုံးသူတွေရဲ့ ချိုးဖောက်ခံ အခွင့်အရေး




စီးပွားရေး လုပ်ငန်း ကြီးတွေ၊ ကုန်ထုတ် လုပ်မှု လုပ်ငန်း ကြီးတွေရဲ့ တာဝန်ခံမှု တာဝန် ယူမှု ...

စီးပွားရေး လုပ်ငန်းကြီးတွေ၊ ကုန်ထုတ် လုပ်မှု လုပ်ငန်း ကြီးတွေက ကိုယ့်ရဲ့ ထုတ်ကုန်တွေ၊ ၀န်ဆောင် မှုတွေနဲ့ ပတ်သက်ပြီး စားသုံး သူတွေကို လက်ခံ နိုင်လောက်တဲ့ အတိုင်း အတာ အထိ တာဝန် ယူမှု တာဝန် ခံမှု ရှိနေ ပြီလား၊ ချိုးဖောက် ခံနေရတဲ့ အခွင့် အရေး တွေကို ကာကွယ်ဖို့ ဘာတွေ လုပ်ဆောင်ဖို့ လိုမလဲ ဆိုတာကို စာရေး ဆရာ ဒေါက်တာ ခင်မောင်ညို၊ မြန်မာနိုင်ငံ စားသုံးသူ ကာကွယ်ရေး အသင်း ဥက္ကဌ ဦးဗအုပ်ခိုင်တို့ ဦးဆောင်ပြီး ဗွီအိုအေ သောတရှင်တွေ ပါဝင် ဆွေးနွေး ထားတဲ့ အင်္ဂါနေ့ ညချမ်း တိုက်ရိုက် လေလှိုင်း အစီအစဉ်ကို နားဆင် နိုင်ပါတယ်။

မသိင်္ဂီထိုက် စီစဉ်ပြီး ထုတ်လုပ်သူက မဆုမွန် ဖြစ်ပါတယ်။

စားသုံးသူတွေရဲ့ ချိုးဖောက်ခံ အခွင့်အရေး

From : ဗွီအိုအေမြန်မာသတင်းဋ္ဌာန by : (မသိင်္ဂီထိုက်)

Originally published at - http://burmese.voanews.com

Read More »

Monday, August 15, 2016

တရုတ်ဝန်ကြီးနဲ့ ဗိုလ်ချုပ်မှူးကြီးဟောင်းသန်းရွှေ တွေ့ဆုံမှု




မြန်မာနိုင်ငံကို ၄ ရက်ကြာ ချစ်ကြည်ရေး ခရီးစဉ် အဖြစ် ရောက်ရှိ နေတဲ့ တရုတ် ကွန်မြူနစ် ပါတီ နိုင်ငံတကာ ရေးရာ ၀န်ကြီးက စစ်အစိုးရ ခေါင်းဆောင်းဟောင်း ဗိုလ်ချုပ်မှူးကြီး သန်းရွှေကို သွားရောက် တွေ့ဆုံခဲ့ တာဟာ ဗိုလ်ချုပ်မှူးကြီး အနေနဲ့ မြန်မာ့ နိုင်ငံရေးမှာ အရေးပါတဲ့ အခန်း ကဏ္ဍမှာ ရှိနေ သေးတယ် ဆိုတာကို တရုတ် ကွန်မြူနစ် ပါတီက အသိအမှတ်ပြု ရာရောက် တယ်လို့ မြန်မာ့နိုင်ငံရေး အကဲခတ်တွေက ပြောပါတယ်။

လက်ရှိမြန်မာ နိုင်ငံရဲ့ အသွင် ကူးပြောင်းရေး အခြေအနေ တိုးတက်မှုဟာ အရေးကြီးဆုံးအဆင့်မှာ ရောက်ရှိနေကြောင်းနဲ့ တရုတ်နိုင်ငံရဲ့ အုပ်ချုပ်မှု အတွေ့ အကြုံတွေ ကိုလည်း မြန်မာနိုင်ငံအနေနဲ့ နောက်ထပ် လေ့လာဖို့ လိုအပ်ကြောင်း ဗိုလ်ချုပ်မှူးကြီး သန်းရွှေကလည်း တွေဆုံပွဲမှာ ပြောကြားခဲ့ပါတယ်။ အပြည့်အစုံကိုတော့ မအင်ကြင်းနိုင်က တင်ပြပေး ထားပါတယ်။

မြန်မာနိုင်ငံကို သြဂုတ်လ (၁၁)ရက်နေ့ကနေ (၁၄)ရက်နေ့အထိ လေးရက်ကြာ ခရီးစဉ်အဖြစ် ရောက်ရှိနေတဲ့ တရုတ်ကွန်မြူနစ်ပါတီ ဗဟို ကော်မတီရဲ့ နိုင်ငံ တကာရေးရာဌာန ဝန်ကြီး Mr. Song Tao ဟာ သြဂုတ်လ (၁၁)ရက်နေ့ က နေပြည်တော်မှာ စစ်အစိုးရခေါင်းဆောင်ဟောင်း အငြိမ်းစား ဗိုလ်ချုပ်မှူးကြီး သန်းရွှေကို သွားရောက်တွေ့ဆုံခဲ့တာပါ။

မြန်မာနိုင်ငံရဲ့ စီးပွားရေးနဲ့ လူမှုရေး တိုးတက်ဖွံ့ဖြိုးအောင် တရုတ်နိုင်ငံဟာ နှစ်ပေါင်း များစွာ ကူညီပံပိုးပေးခဲ့တဲ့ အိမ်နီးချင်းမိတ်ဆွေနိုင်ငံဖြစ်ကြောင်း ဗိုလ်ချုပ်မှူးကြီး သန်းရွှေက တွေ့ဆုံပွဲမှာ ပြောကြားခဲ့တယ်လို့ တရုတ်ကွန်မြူနစ် ပါတီရဲ့ နိုင်ငံ တကာရေးရာဌာနရဲ့ အင်တာနက်ဝက်ဘ်ဆိုဒ်မှာ ဖေါ်ပြထားပါတယ်။

ကဏ္ဍပေါင်းစုံမှာလည်း နှစ်နိုင်ငံ ပူးပေါင်းဆောင်ရွက်ရေး ခိုင်မာဖို့နဲ့ တရုတ်ရဲ့ အုပ်ချုပ်ရေး အတွေ့အကြုံ တွေကိုလည်း မြန်မာအနေနဲ့ နောက်ထပ် လေ့လာဖို့ လိုအပ်ကြောင်း ပြောဆိုခဲ့တယ်လို့ ရေးသားထားပါတယ်။

ဒါအပြင်မြန်မာနိုင်ငံမှာ လက်ရှိအသွင်ကူးပြောင်းရေးအခြေအနေ တိုးတက်မှုဟာ အရေးကြီးတဲ့ အဆင့်မှာ ရောက်နေကြောင်းနဲ့ တရုတ်အစိုးရအနေနဲ့ နိုင်ငံရေး အင်အားစု အသီးသီးနဲ့ ဆက်လက်ပြီးတော့ ရင်းရင်းနှီးနှီး ဆက်ဆံတဲ့အပေါ်မှာ သူ့အနေ နဲ့လေးစား မိကြောင်း ပြောကြားခဲ့တယ်လို့ ဆိုပါတယ်။



မြန်မာ့နိုင်ငံရေး လေ့လာသုံးသပ်သူ ဒေါက်တာရန်မျိုးသိမ်းကတော့ ဒီတွေ့ဆုံမှု ဟာ မြန်မာနိုင်ငံရေး အပြောင်းအလဲဖြစ်စဉ်မှာ ဗိုလ်ချုပ်မှူးကြီး သန်းရွှေရဲ့ အရေး ပါမှုကို တရုတ်ဘက်က တရားဝင်အသိအမှတ် ပြုလိုက်တဲ့သဘောဖြစ်တယ်လို့ ဗွီအိုအေ မြန်မာပိုင်းရဲ့ စနေနေ့ည တိုက်ရိုက်လေလှိုင်း အစီအစဉ်မှာ အခုလို သုံးသပ်ခဲ့ပါတယ်။

“ အဓိကတော့ပေါ့လေ တရုတ်နိုင်ငံရဲ့အမျိုးသား အကျိုးစီးပွားနဲ့ တိုက်ရိုက်ဆက်စပ် နိုင်တယ်လို့ ကျနော်က သုံးသပ်ပါတယ်။ နောက်ပြီးတော့ မြန်မာနိုင်ငံရဲ့ လက်ရှိ နိုင်ငံရေး အပြောင်းအလဲမှာ ဗိုလ်ချုပ်မှူးကြီးဟောင်း ဦးသန်းရွှေရဲ့ အခန်းကဏ္ဍ ဟာ တော်တော် အရေးပါတဲ့ အနေအထားမှာ ရှိတယ်ဆိုတာကို တရုတ်ကွန်မြူနစ် ပါတီအနေနဲ့ တရားဝင် အသိမှတ်ပြုလိုက်တဲ့ သဘောမျိုးလည်း သက်ရောက်နေ တယ် လို့ ကျနော်ကတော့ သုံးသပ်ပါတယ်။

အယ် နောက်ပြီးတော့ အခုနောက် ပိုင်းမှာ ဒီတရုတ် ကွန်မြူနစ်ပါတီရဲ့ခေါင်းဆောင် တဦးကို ဗိုလ်ချုပ် မှူးကြီးဟောင်း ဦးသန်းရွှေက တွေ့ဆုံတာဟာ ဒါသူ့အတွက်လဲပဲ ဒါ ပထမဆုံးပေါ့လေ ၊ နိုင်ငံခြား ဧည့်သည်တဦးကို လက်ခံတွေ့ဆုံတာပဲ။

အဲဒီ အပြင် အဲဒီတွေ့ဆုံမှုနဲ့ ပတ်သက် ပြီးတော့၊ တရုတ်ကွန်မြူနစ်ပါတီကရော တရုတ်သတင်း မီဒီယာတွေကရော နေ့ မကူးခင် အလျှင်မြန် သတင်း ထုတ်ပြန်တာတွကို ကြည့်မယ်ဆိုရင် အဲဒီနောက် ကွယ်မှာ အကျိုးစီးပွားတွေ အများကြီး ဆက်စပ်နေမယ်လို့တော့ ကျနော် သုံးသပ် ပါတယ်ဗျ ”

ဗိုလ်ချုပ်မှူးကြီး သန်းရွှေလက်ထက်မှာ စတင်အကောင်အထည်ဖေါ်ခဲ့တဲ့ မြစ်ဆုံဆည် စီမံကိန်းလို တရုတ်အလိုကျ ဆောင်ရွက်ခဲ့တဲ့ ရင်းနှီးမြှုပ်နှံမှုတွေနဲ့ပတ်သက်လို့ ဗိုလ်ချုပ်မှူးကြီးရဲ့ သဘောထားကို လာပြီး မေးမြန်းတာဖြစ်နိုင်ကြောင်း စစ်ဖက်အရာရှိဟောင်း ဗိုလ်မှူးဟောင်း ဦးအောင်လင်းထွဋ်က သုံးသပ်ပါတယ်။

“ ဗိုလ်ချုပ်မှူးကြီး သန်းရွှေ ကိုယ်တိုင်လည်း ကနေ့ထိဟာ ဘာပဲဖြစ်ဖြစ် ကျနော်တို့ သိရသလောက်တော့၊ ဒီ ဗိုလ်ချုပ်မှူးကြီး မင်းအောင်လှိုင် သည် ဗိုလ်ချုပ်မှူးကြီး သန်းရွှေရဲ့ သြဇာ အရိပ်အောက်မှာပဲ ရှိနေတုန်းပဲ ဖြစ်ပါတယ်။

ဆိုတော့ ဗိုလ်ချုပ် မင်းအောင်လှိုင်သည် ဗိုလ်ချုပ်သန်းရွှေ လုပ်ခဲ့ တာတွေကို ဖျက်ဖို့ အတွက် သူ့အနေနဲ့ လုပ်ခွင့် မရှိပါဘူး။ လုပ်လို့လဲ ရမယ့်အနေထားမျိုး မရှိတဲ့ အတွက်ကြောင့်မို့လို့၊ တရုတ် ဖက်က မက်ဆေ့ခ်ျ ပေးချင်တာကတော့ ဒီတပ်မတော်နဲ့ ပတ်သက်ပြီးတော့မှ ဒီငြိမ်းချမ်းရေးကိစ္စတွေကို ငြိမ်းငြိမ်းချမ်းချမ်း ဖြစ်ဖို့ အတွက်ကို ဒီ ဗိုလ်ချုပ်မှူးကြီး သန်းရွှေတို့ ဘက်ကနေပြီးတော့မှ .. ဒါ ဗိုလ်ချုပ်မှူးကြီး သန်းရွှေကို ပြောမှ၊ ဗိုလ်ချုပ် မှူးကြီး မင်းအောင်လှိုင်က လုပ်မှာကိုးဗျ၊ အဲဒီတော့ ငြိမ်းချမ်းရေးကိစ္စ ကိုလည်း ပြော နိုင်ပါတယ်။

အလားတူပဲ ဒီမြစ်ဆုံကိစ္စက ဗိုလ်ချုပ်မှူးကြီး သန်းရွှေကိုယ်တိုင် သဘော တူခဲ့တဲ့ ကိစ္စ၊ နောက် ဂက်စ်ပိုက်လိုင်း၊ ရထားလမ်း ကိစ္စတွေဟာ ဒါတွေကို ဗိုလ်ချုပ် မှူးကြီး သန်းရွှေအနေနဲ့ ဘယ်လို သဘောထား မလဲဆိုတဲ့ ဥစ္စာကိုလည်း တရုတ် ဘက်က လာပြီးတော့မှ တီးခေါက်တဲ့ အနေထားမျိုး ရှိတယ်လို့ ကျနော်ထင်တယ်။ ”

ဒီတွေဆုံမှုနဲ့ ပတ်သက်လို့ တရုတ်-မြန်မာဆက်ဆံရေးကျွမ်းကျင်သူ တရုတ်နိုင်ငံ အခြေစိုက် ဒေါက်တာလှကျော်ဇောက သူရဲ့ အမြင်ကို တိုက်ရိုက်လေလှိုင်း အစီအစဉ်မှာ အခုလိုပြောဆိုခဲ့ပါတယ်။

“ အစပိုင်းကတည်းက သူတို့က ကြည့်ရတာ ဟို .. ဗိုလ်ချုပ်မှူးကြီး သန်းရွှေနဲ့ရော ဦးသိန်းစိန်နဲ့ရော သူတို့က တော်တော်ရင်းနှီး ကြတာဖြစ် တာကိုး နော်။ စီးပွားရေး လုပ်ငန်းတွေ ဘာတွေလည်း တောက်လျှောက် လုပ်နေတာဖြစ်တော့ အဲဒီအတွက် ၊ နောက် ခင်ဗျားတို့အားလုံး အသိ ပဲလေ န၀တခေတ်တို့ နအဖခေတ်တို့မှာ တကမ္ဘာ လုံးက ၀ိုင်းပိတ်ဆို့နေတဲ့ အခါမှာ တရုတ်ကပဲ သူတို့ကို အကာကွယ်ပေးထား သလို ဖြစ်တာကိုး၊ အဲဒီတော့ အဲဒီဟာကို အခု အပြန်အလှန် သွားပြီးနှုတ်ဆက်တဲ့ သဘောလောက်ပဲ ရှိမယ်ထင်ပါတယ် ”

တရုတ်နိုင်ငံ ကွန်မြူနစ်ပါတီ ဗဟိုကော်မတီရဲ့ နိုင်ငံ တကာရေးရာဌာနဝန်ကြီး Mr. Song Tao ဦးဆောင်တဲ့ ကိုယ်စားလှယ်အဖွဲ့ ဟာ မြန်မာနိုင်ငံခရီးစဉ် အတွင်း
နိုင်ငံတော် အတိုင်ပင်ခံပုဂ္ဂိုလ်လည်းဖြစ် ၊ နိုင်ငံခြားရေး ၀န်ကြီးလည်းဖြစ်တဲ့ ဒေါ်အောင်ဆန်းစုကြည် အပါအ၀င် ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင်၊ ကြံခိုင်ဖွံဖြိုးရေးပါတီ ဥက္ကဌ သမ္မတဟောင်း ဦးသိန်းစိန်၊ ပြည်ထောင်စုလွှတ်တော် ဥပဒေရေးရာနှင့် အထူး ကိစ္စရပ်များ လေ့လာဆန်းစစ် သုံးသပ်ရေးကော်မရှင် ဥက္ကဋ္ဌ သူရ ဦးရွှေမန်း တို့နဲ့လည်း တွေ့ဆုံဆွေးနွေး ခဲ့ပါတယ်။

တရုတ်-မြန်မာဆက်ဆံရေး (အင်ကြင်းနိုင်)

From : ဗွီအိုအေမြန်မာသတင်းဋ္ဌာန by : (အင်ကြင်းနုိုင်)

Originally published at - http://burmese.voanews.com

Read More »

Sunday, August 14, 2016

ဒေါ်စု တရုတ်နိုင်ငံ ခရီးစဉ်အတွက် ဘာအမှာစကား ပါးလိုက်ချင်လဲ …


ဒေါ်စုနှင့် တရုတ် သမ္မတ ရှီ ကျင့်ဖျင် - ဘေဂျင်း။ ဇွန် ၁၁၊ ၂၀၁၅။


နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်ဟာ ရှေ့ သီတင်းပတ်မှာ တရုတ် နိုင်ငံကို သွားရောက်ဖို့ စီစဉ် ထားပါတယ်။

နိုင်ငံရဲ့ ထိပ်တန်း ခေါင်းဆောင် တဦး အနေနဲ့ တရုတ်နိုင်ငံ ပထမဆုံး ခရီးစဉ် အတွင်း တရုတ် အစိုးရနဲ့ တရုတ် လူထု အတွက် မြန်မာနိုင်ငံသား တွေဘက်က ဘယ်လို သတင်း စကားမျိုး တွေကိုများ ပါးလိုက် ချင်ပါသလဲ၊

တရုတ် တာဝန်ရှိသူတွေ ဘက်က ဘယ်လို ကတိ က၀တ်တွေ ပေးလိုက် တာကိုများ ကြားချင် ကြပါသလဲ ဆိုတာ ပင်တိုင် ဆွေးနွေးသူတွေ ဖြစ်တဲ့ တရုတ် - မြန်မာ ဆက်ဆံရေး စောင့်ကြည့် လေ့လာ သူ ဒေါက်တာ လှကျော်ဇော၊ မြန်မာ့ အရေး လေ့လာသူ ဒေါက်တာ ရန်မျိုးသိန်းတို့နဲ့ အတူ သောတရှင်တွေ ကိုယ်တိုင် တိုက်ရိုက် ပါဝင် ဆွေးနွေး ထားပါတယ်။

ဒေါ်စု တရုတ်နိုင်ငံ ခရီးစဉ် စကားဝိုင်း နားဆင်ရန်

From : ဗွီအိုအေမြန်မာသတင်းဋ္ဌာန by : (ကျော်ကျော်သိန်း)

Originally published at - http://burmese.voanews.com

Read More »