နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Showing posts with label ဗဟုသုတများ. Show all posts
Showing posts with label ဗဟုသုတများ. Show all posts

Sunday, June 25, 2017

ရှာဖွေတွေ့ရှိတဲ့ ဂြိုဟ်တွေထဲက အဆိုးဆုံး ဂြိုဟ်များ




ကျနော်တို့ လူသားတွေ ဉာဏ်ရည် မြင့်မား လာမှုနဲ့ အတူ မိမိ ကမ္ဘာပေါ်တင် မဟုတ်ပဲ အခြား ဂြိုဟ်တွေရဲ့ အကြောင်း ကိုပါ လေ့လာ နေခဲ့တာ ရာစုနှစ် ကာလ ထိအောင် ရောက်ရှိ လာခဲ့ပြီ ဖြစ်သလို အဆိုပါ လေ့လာ ရှာဖွေ ကတည်းက အခုချိန်ထိ အောင် တွေ့ရှိခဲ့တဲ့ ပတ်ဝန်းကျင် ဂြိုဟ်တွေထဲက အဆိုးဆုံး ဂြိုဟ်တွေ အကြောင်းကို ပြောပြ ချင်ပါတယ်။

အပူဆုံးဂြိုဟ်

နေမဟုတ်တဲ့ အပူဆုံး ဂြိုဟ်ကတော့ မာကျူရီပါ။ သူကနေနဲ့ အနီးဆုံးမှာ တည်ရှိပြီး နေကနေ အကွာအဝေး ကီလိုမီတာ ၅.၇၉ သန်းပဲ ဝေးပါတယ်။ ဒါကြောင့် မာကျူရီ ဂြိုဟ်ရဲ့ မျက်နှာပြင် အပူချိန်က ၄၃၀ ဒီဂရီ စင်တီဂရိတ် ထိအောင် ပူပါတယ်။ နေကတော့ မျက်နှာပြင် အပူချိန် ၅၅၀၀ ဒီဂရီစင်တီ ဂရိတ် ထိအောင် ရှိတာပါ။

ဒါက ပတ်ဝန်းကျင် ဂြိုဟ်တွေ ထဲက အပူဆုံး ဂြိုဟ်ကို ပြောတာပါ။ ကြယ်တွေ ထဲမှာတော့ HD 195689 ဆိုတဲ့ KELT-9 အဖြစ် လူသိများတဲ့ ကြယ်ကတော့ နေထက် ၂.၅ ဆလောက် ပိုပူပါတယ်။

အအေးဆုံးဂြိုဟ်

အပူဆုံး အနေ အထားမှာ ၅၀ ဒီဂရီ စင်တီ ဂရိတ်ပဲ ရှိပြီး အအေးဆုံး အနေ အထားမှာ ၂၂၃ ဒီဂရီ ထိအောင် အေးတဲ့ ဂြိုဟ်က OGLE- 2005-BLG-390Lb ဂြိုဟ် ဖြစ်ပါတယ်။ သူက ကမ္ဘာထက် ကျောက်သားထု ဖွဲ့စည်းမှု ၅.၅ဆ ပိုပါတယ်။ မားစ် ဂြိုဟ်နဲ့ ဂျူပီတာ အကြားမှာ ရှိပါတယ်။ Red Dwarf အဖြစ် လူသိများ ပါတယ်။

ဓာတ်ငွေ့တွေ ရှိနိုင်တယ်လို့ ယူဆ ရပေမယ့် အေးနေ တာကြောင့် အစိုင်အခဲ အဖြစ် ရှိနေဖို့ များတယ်လို့ ခန့်မှန်းနေ ကြပါတယ်။

အကြီးဆုံးဂြိုဟ်

ကြယ်လို့ သတ်မှတ်ရမယ့် သူဟာ သူလောင်ကျွမ်းနေတဲ့ နေလိုဂြိုဟ်တွေ ရှိပါတယ်။ သူတို့ဟာ ပုံမှန် အခြားဂြိုဟ်တွေထက် အရွယ်အစား ကြီးမားကြပါတယ်။

တွေ့ရှိရသမျှ ထဲမှာ DENIS-P J082303.1-491201 b ဆိုတဲ့ ကြယ်ဂြိုဟ်ဟာ ဂျူပီတာ ဂြိုဟ်ထက် ၂၈.၅ လ လောက် ပိုမို ကြီးမားပြီး ရှာဖွေ တွေ့ရှိ သမျှ ဂြိုဟ်တွေ ထဲမှာ အကြီးဆုံးလို့ သတ်မှတ် နိုင်ပါတယ်။ သူ့ကို Brown Dwraf အဖြစ်လည်း လူသိများ ပါတယ်။

အသေးဆုံးဂြိုဟ်

ကျနော်တို့ ကမ္ဘာရဲ့ အရန်ဂြိုဟ် ထက်တော့ နည်းနည်း ကြီးပါတယ်၊ ဒါပေမယ့် အရန်ဂြိုဟ် မဟုတ်ဘဲ ဂြိုဟ်အဖြစ် တည်ရှိ နေတဲ့ မာကျူရီထက် အနည်းငယ် သေးတဲ့ Kepler-37b လို့ သတ်မှတ် ထားတဲ့ ဂြိုဟ်က အသေးဆုံး ဂြိုဟ်ပါ။ ကျောက်သားတွေနဲ့ ဖွဲ့စည်း ထားတာပါ။ နေနဲ့ အနီးမှာ ရှိပါတယ်။

ဒါကြောင့် ကျောက် သားတွေဟာ အရည်ပျော် လာနိုင်သလို နောက်ပိုင်းမှာ သက် ရှိတွေ ဖြစ်ထွန်း လာနိုင်တယ်လို့ ခန့်မှန်းနေ ကြပါတယ်။

သက်တမ်း အရင့်ဆုံးဂြိုဟ်

PSR B1620-26b ဂြိုဟ်ဟာ နှစ်ပေါင်း ၁၂.၇ ဘီလီယံ သက်တမ်း ရှိနေပြီလို့ ယူဆရ ပါတယ်။ ဒါကြောင့် သူကို သက်တမ်း အရင့်ဆုံးဂြိုဟ် အဖြစ် သတ်မှတ် ထားပါတယ်။

ဂျူပီတာဂြိုဟ်ထက် ၂.၅ဆ ပိုပြီး ကြီးပါတယ်။

ကျနော်တို့ နေအဖွဲ့ အစည်း ဟာသက်တမ်း ၁၃.၈ ဘီလီယံနှစ်ပဲ ရှိသေးလို့ အခုဂြိုဟ်ဟာ ရှေးဦးဆုံး ဖြစ်ထွန်း တည်ရှိနေတဲ့ ဂြိုဟ်တစင်းလို့ ဆိုရမှာပါ။

ဒီဂြိုဟ်မှာ သူ့ကို ဗဟိုပြု လည်ပတ်နေသေးတဲ့ နေအသေးစား ၂စင်းလည်း ရှိပါသေးတယ်။ အခုသက်တမ်း အရင့်ဆုံး ဂြိုဟ်ကို White Dwraf အဖြစ် လူသိများ ပါတယ်။

သက်တမ်းအနုဆုံးဂြိုဟ်

V830 Tauri လို့ အမည်ပေး ထားတဲ့ ဂြိုဟ်က သက်တမ်း နှစ် ၂သန်းပဲ ရှိပါသေးတယ်။ အရွယ်ကတော့ နေနဲ့ ရွယ်တူပါ။ အခုချိန် ထိအောင် သူ့ရဲ့ ပုံစံကို ရေးဆွဲဖို့ ကြိုးစား နေဆဲပါ။ ဂျူပီတာထက် ဓာတ်ငွေ့ တည်ရှိနိုင်မှုနှုန်း ၃ ချိုး ၁ ချိုးလောက်ပဲ ရှိပါတယ်။

သက်ရှိတွေ ရှိနေနိုင်တယ်လို့လည်း ယူဆနေ ကြပါတယ်။ ဒါပေမယ့် အချိန်ကြာ ရှင်သန်နိုင်ဖို့ မလွယ်ကူဘူးလို့ ဆိုပါတယ်။ ဒါက ဂြိုဟ်ရဲ့မျက်နှာပြင် အခြေ အနေနဲ့ ရာသီဥတုကြောင့် ဖြစ်နိုင်ပါတယ်။

ရာသီဥတု အဆိုးဆုံးဂြိုဟ်

ဗီးနပ်လို့ ပြောရ ပါလိမ့်မယ်။ ဂြိုဟ်ရဲ့မျက်နှာပြင်မှာ လေထု ရှိပါတယ်။ ဒါပေမယ့် လေတိုက်နှုန်းက ဂြိုဟ်ရဲ့လည်ပတ်နှုန်း ထက် မြန်နေပါတယ်။ ဟာရီကိန်း မုန်တိုင်းတွေ အမြဲ တိုက်ခတ်နေပြီး တနာရီ ၃၆၀ ကီလိုမီတာ အမြန်နှုန်းနဲ့ တိုက်နေတာပါ။ ကမ္ဘာနဲ့ ရွယ်တူလောက်ပဲ ရှိပါတယ်။

လေထုက ကမ္ဘာ့လေထုထက် အဆ ၁၀၀ လောက် ပိုသိပ်သည်းပါတယ်။ ၉၅ ရာခိုင်နှုန်းလောက် ထိအောင် ကာဗွန်ဒိုင် အောက်ဆိုဒ်တွေ ပါရှိနေပါတယ်။

တခါတလေမှာ မာကျူရီထက် ပိုပူပြီး အပူချိန် ၄၆၂ ဒီဂရီ စင်တီဂရိတ်လောက်ထိအောင် မြင့်တက် နိုင်ပါတယ်။ လူသာ ရောက်သွားမယ်ဆိုရင် လေထုနဲ့ မုန်တိုင်းတွေကြောင့် အရိုးတွေတောင် ချက်ချင်း ခန်းခြောက် သွားပါ လိမ့်မယ်။

Ref: www.businessinsider.com

ဓါတ်ပုံ ဒီဇိုင်း - ကျော်မျိုးထိုက်/ ဧရာဝတီ

From : ဧရာဝတီ by ချစ်ဖေ (တောင်တွင်းမြေ)

Originally published at - burma.irrawaddy.com


Read More »

Thursday, June 15, 2017

YBS ကားသစ် တွေပေါ်က လိမ္မော်ရောင်ထိုင်ခုံများ အကြောင်း




မသိသေးသူများ သိကြ ပါစေရန် ပြန်လည် မျှဝေပါသည်။

YBS စီးကြတဲ့ ခရီးသည် တွေ အနေနဲ့ အသစ် ရောက်ရှိ လာပြီး လက်ရှိ ပြေးဆွဲ ပေးနေတဲ့ YBS City Bus ကားသစ် တွေမှာ တပ်ဆင် ထားတဲ့ ထိုင်ခုံ အပြာ ရောင်တွေ အများကြီး အထဲကမှ ကားရဲ့ ဘယ်ဘက်ခြမ်းမှာ ပါတဲ့ ထိုင်ခုံ လိမ္မော်ရောင် လေးတွေကို မြင်မိ ကြမယ် ထင်ပါတယ်။

အဲ့ဒီထိုင်ခုံ လိမ္မော်ရောင် လေးတွေက ( သက်ကြီး ရွယ်အို၊ မသန်စွမ်း၊ ကိုယ်ဝန်ဆောင် မိခင် နှင့် ရဟန်း သံဃာတော် ) တို့ စီးဖို့ သီးသန့် သတ်မှတ် ပေးထားတဲ့ ခုံလေးတွေ ဖြစ်ပါတယ်။

အဲ့ဒီနေရာမှာ ထိုင်နေတဲ့ ခရီးသည် တွေဟာ အထက်ပါ ပုဂ္ဂိလ်များ ကားပေါ် တတ်လာရင် မိမိထိုင်နေတဲ့ နေရာကနေ ထပေး ရမယ် ဆိုတဲ့ အသိလေး ရှိဖို့ လိုအပ် ပါတယ် ။

တချို့ ခရီးသည် တွေက ကားပေါ် တက်လာတဲ့ အခါ ထိုင်ခုံ အပြာရောင် လေးတွေ နေရာလွတ်နေ တာတောင် ထိုင်ခုံ လိမ္မော်ရောင် မှာ သွားထိုင် ကြတာတွေ့နေ ရလို့ပါ ။

ထိုင်တာကို အပြစ်မပြော လိုပါ ကိုယ်က လိမ္မော်ရောင် ခုံလေးတွေမှာ ထိုင်မယ် ဆိုင်ရင် (သက်ကြီး ရွယ်အို၊ မသန်စွမ်း၊ ကိုယ်ဝန်ဆောင် မိခင် နှင့် ရဟန်း သံဃာတော်) တွေထဲက တစ်စုံ တစ်ဦး ကားပေါ် တတ်လာရင် ကိုယ့် အသိစိတ်နဲ့ ကိုယ် ထပေးဖို့ လိုပါတယ် ။

သူများပြောမှ ထပေးရတာ လူကြီး လူကောင်းတွေ အတွက် ရှက်စရာပါ ။ မထပေးသောသူတွေ ရှက်တတ်ကြပါ ။

လိမ္မော်ရောင် ခုံလေးတွေက အလှ တပ်ဆင် ထားခြင်းမဟုတ်ပါ၊ သူမှာ အဓိပ္ပါယ် သတ်မှတ်ချက် ရှိနေပါတယ်။

ကိုယ်က သွားရမယ့် ခရီးဝေးတယ် ဆိုရင် ကားချောင်းတဲ့ အခါထဲက ထိုင်ခုံ အပြာရောင် လေး တွေကိုဘဲ ရွေးထိုင်ကြဖို့ အကြံပြုပေးချင်တာပါ ။

ထိုင်ခုံ လိမ္မော်ရောင်လေးတွေရဲ့ ဘေးဘက်မှာလည်း ပုံလေးနဲ့ စာကပ် ထားပါတယ် ။ တချို့တွေက ရဟန်းသံဃာ အတွက်ဘဲ ထားတယ်လို့ ထင်ပြီး ရဟန်း သံဃာတွေ လာမှ နေရာ ထပေး တတ်ကြပါတယ်။

အဲ့ဒါမဟုတ်ပါ သက်ကြီး ရွယ်အိုး ၊ မသန်စွမ်း ၊ ကိုယ်ဝန်ဆောင် မိခင်တွေ ကားပေါ် တက်လာရင်လည်း ထိုင်ခုံ လိမ္မော်ရောင်လေးမှာ ထိုင်နေတဲ့ ခရီးသည် များက ကိုယ်ရဲ့ အသိစိတ်ဓာတ်လေးနဲ့ ထိုင်နေရာမှ ထပေးဖို့ တာဝန်ရှိ ပါတယ် ။

ဒါက နိုင်ငံတကာ သတ်မှတ်ချက်ပါ ။ ထိုင်ခုံ လိမ္မော်ရောင် လေးတွေက ထိုင်ခုံ အပြာရောင်တွေ ကြားမှ အလှ တပ်ဆင် ထားခြင်း မဟုတ်ပါ။ ‎

From : Lwin Pyin

Originally published at - http://www.lwinpyin.com/2017/06/on-ybs-city-bus-orange-chair-about.html

Read More »

Sunday, June 11, 2017

ကမ္ဘာပေါ်က တန်ဖိုးအရှိဆုံး ဒြပ်စင်များ


ဒီဇိုင်း / ကျော်မျိုးထိုက် / ဧရာဝတီ


သေချာတာ ကတော့ ဘယ်လို ဒြပ်စင်က ကမ္ဘာပေါ်မှာ တန်ဖိုး အကြီးဆုံး လဲလို့ မေးရင် ရွှေလို့ပဲ လူအများ စုက ဖြေမှာပါ။

ဟုတ်ပါတယ်၊ ရွှေဟာ ကမ္ဘာပေါ်က ထွက်ရှိ သမျှ ဒြပ်စင်တွေ ထဲမှာ တန်ဖိုး အကြီးဆုံး ဒြပ်စင် တခုပါပဲ။ ဒါပေမယ့် တန်ဖိုး အကြီးဆုံး ဟုတ်ပါရဲ့လား။ အခု ကျနော်က ကမ္ဘာ့ တန်ဖိုး အကြီးဆုံး ဒြပ်စင်တွေကို ပြောပြ ချင်ပါတယ်။

(၁) ဖရန်စီယမ်

သေချာတာကတော့ အခုချိန်ထိအောင် ကမ္ဘာပေါ်မှာ ဖရန်စီယမ် တဂရမ်ပြည့်အောင် မတွေ့ရပါဘူး။ အကြောင်း ကတော့ ဒီ ဒြပ်စင်ရဲ့သက်တမ်းက မိနစ် ၅၀ ဝန်းကျင်ပဲ ရှိလို့ပါ။ တူးဖော် လိုက်ပြီး မကြာခင်မှာ အငွေ့ပျံ သွားလို့ ထိန်းသိမ်းဖို့ ခက်ပါ တယ်။ ဓာတ်ခွဲခန်းမှာ သေချာအောင် ထုတ်လုပ်မှ ရနိုင်ပြီး အက်တမ် ပေါင်း ၃ သိန်းခန့်နဲ့ ဖွဲ့စည်း ဖန်တီး ရပါတယ်။ တန်ဖိုး ကတော့ တစ်ဂရမ် ကိုတင် ဒေါ်လာ ၁ ဘီလီယံ လောက် ရှိပါတယ်။

(၂) ကယ်လီဖိုနီယမ်

၁၉၅၀ ခုနှစ် ဝန်းကျင်က အမေရိကန် ကယ်လီဖိုးနီးယား တက္ကသိုလ်ရဲ့ ဓာတ်ရောင်ခြည် လေ့လာ ခန်းမှာ စတင် တွေ့ရှိခဲ့တာ ပါ။ အယ်ဖာ အမှုန်တွေကို ခွဲခြမ်းရင်း ကနေ ရပါတယ်။ ဘယ်မှာ သုံးတယ်ဆိုတာ သေချာ မသိ ရပေမယ့် တနှစ်ကို ကယ်လီ ဖိုနီယမ် ဂရမ် ဝက်လောက်ပဲ ထုတ်လုပ်နိုင်တာ တွေ့ရ ပါတယ်။ ၁ ဂရမ်ကို ဒေါ်လာ ၂၅ သန်းကနေ ၂၇သန်း အတွင်း တန်ဖိုး ရှိပါတယ်။

(၃) ကာဗွန်

ကျနော်တို့ ခန္ဓာကိုယ်မှာလည်း ကာဗွန်တွေ အများ အပြား ရှိပါတယ်။ ပြီးတော့ ကျောက်မီးသွေးနဲ့ ဂရပ်ဖို ကတွေမှာလည်း ကာ ဗွန်တွေ အများ အပြား ပါရှိ ပါတယ်။ ဒါပေမယ့် ကာဗွန် စစ်စစ် အနေအထား ဆိုရင်တော့ ဈေးအရမ်းကြီး ပါတယ်။ ဥပမာ စိန် လိုမျိုးပေါ့။ ၁ ဂရမ်ကို ဒေါ်လာ ၆၅၀၀၀ လောက် တန်ဖိုး ရှိနိုင်ပြီး ပုံမှန် ကာဗွန် စစ်စစ်ကတော့ ဒေါ်လာ ၆၅၀၀ လောက်ပဲရှိ ပါတယ်။

(၄) ပလူတိုနီယမ်

နျူလက်နက်တွေနဲ့ နျူစွမ်းအင်သုံး ဓာတ်ပေါင်းဖိုတွေမှာ သုံးပါတယ်။ 239 နဲ့ 241 ဆိုတဲ့ အဆင့် ခွဲခြား သတ်မှတ်ချက်တွေ ရှိ ပါတယ်။ ကိုင်တွယ်လို့ မရပါဘူး။ ထည့်သွင်း ထားတဲ့ အခန်းနဲ့ သယ်ဆောင် ဖန်တီး ယူရ ပါတယ်။ တစ်ဂရမ်ကို ဒေါ်လာ ၄၀၀၀ လောက် ပေးမှ ရနိုင် ပါလိမ့်မယ်။

(၅) စကန်ဒီယမ်

အလူမီနမ် အလွိုင်းသားတွေကို အရည်အသွေး ပိုကောင်းစေတဲ့ ဒြပ်စင်ဖြစ်ပြီး ၁၉၇၀ ပြည့်နှစ်မှာမှ စတင် ရှာဖွေတွေ့ရှိ ခဲ့တာ ပါ။ တနှစ်ကို ၁၀ တန်လောက်ပဲ ကမ္ဘာမှာ ထွက်ရှိပြီး တဂရမ်ကို ဒေါ်လာ ၂၇၀ လောက် တန်ပါတယ်။

(၆) လူတီတီယမ်

ရေနံ တူးဖော်မှုနဲ့ ဆက်စပ်တဲ့ လုပ်ငန်းတွေ၊ ရေနံထွက် ပစ္စည်း ထုတ်လုပ် မှုတွေမှာ သုံးတာပါ။ ထွက်ရှိနှုန်း အလွန်ကို နည်း ပါးပါတယ်။ တူးဖော်လို့ ရနိုင်တဲ့ မြေနဲ့ ဒေသလည်း အလွန်ကို ရှားပါတယ်။ တစ်ဂရမ်ကို ၆၉ ဒေါ်လာ ရှိပါတယ်။

(၇) လန်သနမ်

ငွေဖြူရောင် သတ္တုတမျိုးပါ။ ဓားနဲ့ ဖြတ်ရင်တောင် ရလောက်အောင် ပျော့ပါတယ်။ စတီရီယိုသုံး မီးသီးတွေ၊ ပရိုဂျက်တာ လို ပြသစက်တွေ၊ လျှပ်ကူး ကတ်သုတ်တွေ၊ အခြား အရည် အသွေးမြင့် လျှပ်စစ် ပစ္စည်းတွေမှာ သုံးပါတယ်။ ၁ ဂရမ်ကို ၆၄ ဒေါ် လာ ရှိပါတယ်။

(၈) ရွှေဖြူ

ပြည်တွင်းမှာတော့ ပလက်တီနမ်အဖြစ်ပဲ လူသိများ ပါတယ်။ အရည်ပျော်မှတ် မြင့်မားတယ်၊ နှစ်စဉ် ကမ္ဘာမှာ ရွှေဖြူ တန် ချိန် ရာဂဏန်း လောက်ပဲ တူးဖော် ရရှိ ပါတယ်။ ကျောက်မျက် ရတနာ တွေနဲ့ ဖြစ်စေ၊ လက်ဝတ် ရတနာ အနေနဲ့ ဖြစ်စေ ဖန်တီးဝတ် ဆင်မှု များပါတယ်။ ကားတွေမှာရော၊ ဆေးဝါး ထုတ်လုပ်မှု မှာပါ အနည်းငယ် သုံးတာလည်း တွေ့ရပါတယ်။ တဂရမ်ကို ဒေါ် လာ ၆၀ လောက် ရှိပါတယ်။

(၉) ရိုဒီယမ်

မော်တော်ကားတွေမှာ အများဆုံး အသုံးပြုပါတယ်။ လျှပ်ကူး ကွန်ဗက်တာ တွေထဲမှာ ထည့်သွင်း အသုံးပြုတာ ဖြစ်ပါတယ်။ ဘယ်လို အပူချိန်၊ အခြေ အနေကြောင့် ဒြပ်စင် အသွင်ပြောင်းခြင်း ဖြစ်ပွားနှုန်း နည်းတာကြောင့် အသုံးပြုတာ ဖြစ်ပါတယ်။ ရွှေ ဖြူထဲမှာ ကျောက်မျက်တွေ ထည့်ရင် အထိုင်သား မာအောင် သုံးပါတယ်။ ရွှေမှာ ကြေးရော သလို ရွှေဖြူမှာ ရိုဒီယမ်ရောတဲ့ သ ဘောပါ။ တဂရမ်ကို ၅၈ ဒေါ်လာခန့် ဈေးရှိ ပါတယ်။

(၁၀) ရွှေ

မထင်မှတ်ဘဲ ကျနော်တို့ တန်ဖိုး အကြီးဆုံးလို့ ထင်ထားတဲ့ ရွှေက အဆင့် ၁၀ပဲ ရပါတယ်။ သူ့ကိုတော့ အများဆုံး တန်ဖိုးရှိ ဒြပ်စင် အဖြစ် သတ်မှတ်ပြီး ရွှေချောင်း အဖြစ်နဲ့ရော လက်ဝတ် ရတနာ အဖြစ်ပါ ဖန်တီး အသုံးပြု ပါတယ်။ တဂရမ်ကို ၅၆ ဒေါ် လာ တန်ဖိုး ရှိပါတယ်။

Ref: www.wonderlists.com

From : ဧရာဝတီ by ချစ်ဖေ (တောင်တွင်းမြေ)

Originally published at - burma.irrawaddy.com

Read More »

Saturday, May 06, 2017

Water poisoning ရေအဆိပ်သင့်ခြင်း




ဆရာ water poisoning ဆိုတာ တကယ်ရှိ ပါသလား။ ရှိခဲ့ရင် ရှင်းပြ ပေးပါခင်ဗျာ။

ရေအဆိပ် သင့်ခြင်းလို့ ခေါင်းစဉ် တပ်ပေမဲ့ သောက်တဲ့ - သုံးတဲ့ ရေထဲမှာ အဆိပ်ပါတာ မဟုတ်ပါ။ ရေသန့်ဗူး ထဲက ရေတွေ တအားကြီး သောက်ရင်လဲ အဆိပ် သင့်နိုင် တာကို ပြောတာ ဖြစ်ပါတယ်။

ဆေးစာနဲ့ ဆို Water intoxication လို့ ခေါ်တယ်။ သေကောင်း သေနိုင်တယ်။ ဦးနှောက်လုပ်ငန်းတွေ ထိခိုက်စေမယ်။ Electrolytes ဓါတ်ဆား အချိုးအစား မမျှရာကနေ Hyponatremia ခေါ်တဲ့ (ဆိုဒီယမ်) နည်းတာ ဖြစ်စေတယ်။

အမှတ်တမဲ့တော့ ရေတွေ တအား သောက်တယ်ဆိုတာ ရှားပါတယ်။ Water drinking contests ရေသောက် ပြိုင်ကြရင် ဖြစ်နိုင်တယ်။ ၁၂-၁-၂ဝဝ၇ တုံးက Hold Your Wee for a Wii ရေသောက်ပြီး သေးမပေါက်နဲ့ ဆိုတဲ့ ပြိုင်ပွဲဝင်သူ ၂၈ နှစ် အရွယ်၊ ကလေး ၂ ယောက် အမေ Jennifer Strange ဟာ သေသွားလို့ ပြိုင်ပွဲစီစဉ်တဲ့ The End ရေဒီယိုက ဒေါ်လာ ၁၆့၅ သန်း လျှော်လိုက် ရတယ်။

ဆေးရုံတွေမှာ လူနာကို လိုတာထက် ရေပါတဲ့ Drips တွေ အများကြီး သွင်းရင်လဲ ဒုက္ခပေးမယ်။ ရေကောင်း ရေသန့်ကနေ အဆိပ်လို့ ခေါ်တော့မယ်။ တန်ဆေး၊ လွန်ဘေး အစစ်ဖြစ်တယ်။

၂ဝဝ၈ မေ ၁၅ က ဗီယက်နမ် (ထန်ဝှာ) ခရိုင်မှာ အမျိုးသမီး တစ်ယောက် ရေအဆိပ်သင့်လို့ ဆေးရုံ မတင်မှီ ပြုစုပေးနေပုံ


လူ့ကိုယ်ခန္ဓာမှာ ပါးစပ်နှုတ်ခမ်း ကနေ စအို အထိရှိတဲ့ အစာလမ်း ကနေ ရေကို စုပ်ယူနိုင်စွမ်း ရှိတယ်။ အစာအိမ်နဲ့ အူတွေကနေ အများဆုံး စုပ်ယူပေးတယ်။ ရေ နဲ့ (ဆိုဒီယမ်) ဓါတ်ဆားက တွဲနေတယ်။ တသမတ်ထဲ မျှနေရတယ်။ (ဆဲလ်) တခုရဲ့ အပြင်ဝန်းကျင်နဲ့ (ဆဲလ်) အတွင်ကလဲ မျှနေရတယ်။ ရေက များသွား ချိန်မှာ (ဆိုဒီယမ်) က နည်းသွားမယ်။ Hyponatremia ခေါ်တယ်။ တနေရာရာမှာ ဓါတ်ဆား အချိုး အဆ ကဲမယ် - နည်းမယ်ဆိုရင် (ဆဲလ်) နံရံကနေ Osmosis (အော့စ်မောဆစ်) အပြန်အလှန် စုပ်ယူ - စုပ်ထုတ်ခြင်း ဖြစ်စဉ်အရ ညီစေအာင် ကြိုးစားလိမ့်မယ်။ (ဆဲလ်) တွေ ဖေါင်းကားလာလိမ့်မယ်။ Intracranial pressure ဦးနှောက်ထဲမှာ ဖိအားတွေ တက်လာလိမ့်မယ်။

Water intoxication ရေအဆိပ်သင့်ခြင်း လက္ခဏာတွေ -

  1. • Headache ခေါင်းကိုက်မယ်၊
  2. • Personality changes (ပါဇင်နယ်လ်တီ) ပြောင်းမယ်၊
  3. • Changes in behavior အမူအယာပြောင်းမယ်၊
  4. • Confusion စိတ်ရှုတ်ထွေးလာမယ်၊
  5. • Irritability ဂနာမငြိမ်ဖြစ်လာမယ်၊
  6. • Drowsiness အိပ်ချင်လာမယ်။

ဆက်ပြီးတော့

  1. • Difficulty breathing during exertion ကြိုးစားမှု ရှိချိန်မှာ အသက်ရှူလို့ ခက်လာမယ်၊
  2. • Muscle weakness ကြွက်သားတွေ အားနည်း လာမယ်၊ Twitching အလိုလို လှုပ်မယ်၊ Cramping နာမယ်၊
  3. • Nausea ပျို့မယ်၊ Vomiting အန်မယ်၊
  4. • Thirst ရေငတ်လာမယ်၊
  5. • Sensory information နာတာ-ထိတာ-ဖိတာကိုသိမှုတွေ အားယုတ်လာမယ်။

ဆက်ဆိုး လာမယ်ဆိုရင်

  1. • Papillary သူငယ်အိမ်တုံ့ပြန်မှုလျှော့လာမယ်၊
  2. • Vital signs အရေးအကြီးဆုံး လက္ခဏာတွေ ထိခိုက်လာမယ်။ ဥပမာ Bradycardia နှလုံးခုန် နှေးမယ်၊ Widened pulse pressure သွေးဖိအား ပြောင်းလာမယ်။ အထက်သွေး ဖိအားနဲ့ အောက်သွေး ဖိအား ကွာဟလာမယ်။
  3. • • Cerebral edema ဦးနှောက်ရောင်လာမယ်။
  4. • Brain stem ဦးနှောက်အခြေနေရာကိုဖိအား သက်ရောက်လို့ ဆက်ဖြစ်စရာတွေ ဖြစ်လာမယ်။
  5. • Central nervous system dysfunction ဗဟိုဦးနှောက်-အာရုံကြောစနစ် ထိခိုက်လာမယ်။
  6. • Seizures တက်မယ်၊ Coma သတိလစ်မယ်၊ Death သေမယ်။

ဘယ်လိုလူတွေမှာ ပိုဆိုးသလဲ။

  1. • ကလေး ငယ်လေ ဆိုးလေ။ ၉-၆-၂ဝဝ၂ မှာ ၄ နှစ်သမီးလေး Cassandra Killpack ကို မအေဖြစ်သူက ရေတဂါလံ ကုန်အောင် အသောက် ခိုင်းရာ ကနေ သေသွားလို့ သူ့အမေ Jennette Killpack ထောင်ကျတယ်။
  2. • Marathon runners မာရသွန် အပြေးသမား အဖြစ်များတယ်။ ရေသောက် များရာ ကနေ Sodium levels 135 mmol/L အောက်ကျ လာချိန်မှာ ရောဂါ လက္ခဏာတွေ ဖြစ်လာမယ်။
  3. • Overexertion ခွန်အား အသုံးများတာ ကနေလဲ ဖြစ်စေနိုင်တယ်။ မောလွန်းလို့ ရေတွေ တအား သောက်ရင် ဖြစ်မယ်။ အဲတာကြောင့် ၁၂-၉-၁၉၉၉ မှာ စစ်သင်တန်း ဆရာ Michael J. Schindler သေဆုံးရတယ်။
  4. • MDMA (Ecstasy) ဆေးမျိုး သောက်ပြီး လုပ်သင့်တာထက် ပိုပြီး ခွန်အားစိုက်ရာ ကနေလည်း ဖြစ်မယ်။
  5. • Heat stress သိပ်ပူချိန်မျိုးမှာ နားနေရင်နဲ့ ရေတွေ အသောက်များ ရင်လဲ ဖြစ်မယ်။
  6. • Psychogenic polydipsia စိတ်ရောဂါ ရှိသူတွေက ရေပို သောက်တယ်။
  7. • Oxcarbazepine ဆေးကြောင့်လဲ ဖြစ်နိုင်တယ်။
  8. • Diabetes insipidus ဆီးချိုကြောင့်လဲ ဖြစ်နိုင်တယ်။

Treatment ဘယ်လိုကုသမလဲ

Mild intoxication တော်တော် တန်တန်က ရောဂါ လက္ခဏာ မပြသေးပါ။ ဖြစ်လာပြီဆိုရင်
  1. • Diuretics ဆီးသွားစေတဲ့ဆေး ပေးရမယ်။
  2. • Vasopressin receptor antagonists ဆေးကိုလဲ သုံးတယ်။

From : Dr. တင့်ဆွေ

Originally published at - https://www.facebook.com/drtintswe

Read More »

Thursday, May 04, 2017

ဗုဒ္ဓဘာသာ၏ တိကျသော ဖြေရှင်းချက်




(ဗုဒ္ဓ ဘာသာ တရားကို မယုံကြည်လို့ မေးသော မေးခွန်း များကို တိကျသော ဖြေရှင်းချက်) ဒုတိယ အကြိမ် ပြန်လည် တင်ပေးခြင်း ဖြစ်ပါသည်။

(၁) - ဗုဒ္ဓ ဘာသာဆိုတာ ဘာလဲ။
(၂) - ဒီလိုဆိုရင် ဗုဒ္ဓဘာသာဟာ ဒဿနပညာရပ် တစ်ခုဘဲပေါ့။
(၃) - ဗုဒ္ဓဆိုတာ ဘယ်သူ ပါလဲ။
(၄) - ဗုဒ္ဓဟာ သူ့ရဲ့ကြင်ယာတော်နဲ့ သားတော်ကို ပစ်ထား ခဲ့တဲ့ အတွက် တာဝန်မဲ့ရာ မရောက် ဘူးလား။
(၅) - ဗုဒ္ဓက ပရိနိဗ္ဗာန် စံသွားပြီ ဆိုတော့ သူက ကျွန်ုပ်တို့ကို ဘယ်လို ကူညီနိုင် ပါသလဲ။
(၆) - ဗုဒ္ဓဟာ ထာဝရ ဘုရား (God) လား။
(၇) - ဗုဒ္ဓဟာ ထာဝရဘုရား မဟုတ်ရင် ဘာကြောင့် သူ့ကို လူတွေက ရှိခိုး ကိုးကွယ်နေ ကြသလဲ။
(၈) - ဗုဒ္ဓဘာသာဝင် များဟာ ရုပ်တုကို ကိုးကွယ် ကြတယ်လို့ တချို့လူများက ပြောတာ ကြားဘူး ပါတယ်။ ဟုတ်ပါ သလား။
(၉) - တရုတ် ဗုဒ္ဓဘာသာ ဘုရား ကျောင်းတွေ ထဲမှာ စက္ကူ ပိုက်ဆံတွေကို မီးရှို့တာတွေ၊ ပြီးတော့ တခြား ထူးထူး ဆန်းဆန်း လုပ်ကြတာ တွေ့ကြ ရပါတယ်။ အဲဒါတွေကို ဘာကြောင့် လုပ်ကြ ပါသလဲ။
(၁၀) - ဗုဒ္ဓ ဘာသာဝင်တွေ ကုသိုလ်ဖြစ် လုပ်ငန်းတွေ လုပ်ကြတာ သိပ်မကြား မိပါဘူး။ အဲဒါ ဘာကြောင့်လဲ။
(၁၁) - ဘာကြောင့် ဗုဒ္ဓ ဘာသာတွေ အမျိုးမျိုး ကွဲပြားနေ ပါသလဲ။
(၁၂) - သင်က ဗုဒ္ဓဘာသာကို အလွန် အထင်ကြီး တာပဲ။ သင်ဟာ သင့်ဘာသာ တရားကို မှန်တယ်လို့ ယူဆပြီး တခြား ဘာသာ အားလုံးကို မှားတယ်လို့ ယူဆပုံ ရတယ်။
(၁၃) - ဗုဒ္ဓဘာသာဟာ သိပ္ပံနည်း ကျပါသလား။

(၁) မေး - ဗုဒ္ဓဘာသာ ဆိုတာ ဘာလဲ။

ဖြေ - “ဗုဒ္ဓဘာသာ“ ဆိုတဲ့ စကားလုံးဟာ “ဗုဒ္ဓိ“ ဆိုတဲ့ စကားလုံးမှ လာတာပါ။ “ဗုဒ္ဓ“ ဆိုတာ (ကိလေသာ တည်းဟူသော အိပ်ပျော်ခြင်းမှ) “နိုးလာသူ“ လို့ အဓိပ္ပါယ် ရပါတယ်။ ဒါကြောင့် ဗုဒ္ဓ ဘာသာ ဆိုတာ နိုးကြားရေး အတွေး အမြင် (ဒဿန) ပညာပါပဲ။ ဒီဒဿန ပညာကို ဂေါတမ နွှယ်ဖွား သိဒ္ဓတ္ထ မင်းသား ကနေ ဘုရား ဖြစ်လာတဲ့ ဗုဒ္ဓ မြတ်စွာ ဘုရားက စတင် ဟောပြော ခဲ့ပါတယ်။ ဗုဒ္ဓရှင်တော်မြတ် ဘုရားဟာ သက်တော် ၃၅ နှစ်မှာ (ကိလေသာတည်း ဟူသော အိပ်ပျော် ခြင်းမှ) နိုးလာ ပြီးလျှင် ဘုရား အဖြစ်သို့ ရောက်တော် မူပါသည်။

ဗုဒ္ဓ ဘာသာဟာ နှစ်ပေါင်း ၂၅၀၀ ကျော် ကြာမြင့် ခဲ့ပြီ ဖြစ်လို့ ဗုဒ္ဓ ဘာသာဝင်ပေါင်း သန်းသုံးရာကျော် ရှိနေပါပြီ။ လွန်ခဲ့တဲ့ နှစ်ပေါင်း တစ်ရာလောက် အထိ တော့ ဗုဒ္ဒ ဘာသာဟာ အရှေ့တိုင်း ဒဿန ပညာရပ် တစ်ခု အဖြစ်သာ တည်ရှိခဲ့ ပါတယ်။ သို့သော်လဲ ယခု အချိန်မှာ ဥရောပနှင့် အမေရိက တိုက်ရှိ နိုင်ငံ ပေါင်း များစွာ မှာလဲ ဗုဒ္ဓ ဘာသာဝင် ဦးရေ တဖြည်းဖြည်း တိုးပွါး နေပါတယ်။

(၂) မေး - ဒီလိုဆိုရင် ဗုဒ္ဓဘာသာဟာ ဒဿနပညာရပ် တစ်ခုဘဲပေါ့။

ဖြေ - ဒဿန ပညာဆိုတာ အင်္ဂလိပ်စကား Philosophy ကို ဘာသာပြန် ထားတာပါ။ အဘိဓာန်များ ဖွင့်ပြချက် အရ ဆိုရင် "philo"ဆိုတာ “ချစ်ခင်ခြင်း မေတ္တာ“ လို့ ဆိုလို ပါတယ်။ "sophy" ဆိုတာ “ပညာ“ လို့ အဓိပ္ပါယ် ရပါတယ်။ ဒီတော့ "Philosophy" ဆိုတာ “ပညာကို ချစ်ခင်ခြင်း“၊သို့မဟုတ် “မေတ္တာနှင့် ပညာ“ လို့ အဓိပ္ပါယ် ရပါတယ်။

ဒီစကား နှစ်လုံးဟာ ဗုဒ္ဓဘာသာရဲ့ အဓိပ္ပါယ်ကို အပြည့်အ၀ ဖေါ်ပြနိုင် ပါတယ်။ ဗုဒ္ဓဘာသာ တရားက သဘာဝ တရားကို ကြည်လင် ပြတ်သားစွာ ကျွန်ုပ်တို့ နားလည် နိုင်ရေး အတွက် အပြည့်စုံဆုံး ဥာဏ်ပညာ အရည်အသွေး တိုးတက်အောင် ကြိုးစား ကြဖို့ သင်ပေး ပါတယ်။

ပြီးတော့ ကျွန်ုပ်တို့ဟာ သတ္တ၀ါ အားလုံးရဲ့ မိတ်ဆွေ သဖွယ် ဖြစ်နိုင်စေရန် မေတ္တာ ကရုဏာ တရား တိုးပွါးအောင် ကြိုးစားဖို့ ကိုလဲ သင်ပေး ပါတယ်။ ဒါကြောင့် ဗုဒ္ဓ ဘာသာကို အတွေး အမြင် ပညာ တစ်ရပ်လို့ ဆိုနိုင်သော်လဲ သာမာန် အတွေး အမြင် ပညာ မဟုတ်ပါဘူး။ မြင့်မြတ်သော အတွေး အမြင် ပညာ (Supreme Philosophy) သာ ဖြစ်ပါတယ်။

(၃) မေး - ဗုဒ္ဓဆိုတာ ဘယ်သူပါလဲ။

ဖြေ - ခရစ် မပေါ်မှီ ၅၆၃ ခုနှစ်မှာ အိန္ဒိယပြည် မြောက်ပိုင်း (ကပိလ၀တ်ပြည်) ဘုရင် သုဒ္ဓေါဓနနှင့် မိဖုရား မယ်တော် မာယာတို့မှ သားကလေး တစ်ယောက် ဖွားမြင် ပါတယ်။ ဒီမင်းသား ကလေးဟာ စည်းစိမ် ဥစ္စာ ပြည့်ပြည့် စုံစုံနှင့် ကြီးပြင်း လာရ သော်လဲ နောက်ဆုံးမှာ လောကီ စည်းစိမ် ဥစ္စာတွေဟာ ချမ်းသာ ပျော်ရွှင် မှုကို မပေးနိုင်ဘူး ဆိုတာ တွေ့လာ ရတယ်။

ဒီမင်းသားဟာ သူ့ပတ်ဝန်းကျင်မှာ သူတွေ့မြင်ရတဲ့ ဆင်းရဲ ဒုက္ခတွေကြောင့် အကြီး အကျယ် စိတ် မချမ်း မသာ ဖြစ်ပြီး လူသားတို့ ချမ်းသာရေး အတွက် သော့ချက်ကို ရှာဖို့ ဆုံးဖြတ် လိုက်တယ်။

အသက်၂၉နှစ် ရှိတဲ့ အခါ ဒီမင်းသားဟာ သူ့ရဲ့ ကြင်ယာတော် (ယသောဓရာ)နှင့် သားတော် (ရာဟုလာ) ကို ထားခဲ့ ပြီးတော့ အဲဒီခေတ်က ဘာသာရေး ဆရာ ကြီးများရဲ့ ထံမှာ အသိပညာ ဆည်းပူးဖို့ ထွက်လာ ခဲ့တယ်။

သူတို့ဟာ ဒီမင်းသားကို မြောက်မြားစွာ သင်ကြား ပေးကြ သော်လဲ သူတို့ ကိုယ်တိုင် ဆင်းရဲ ဒုက္ခရဲ့ အကြောင်းရင်း ဇာစ်မြစ်ကို မသိကြတဲ့ အတွက် ဒီဆင်းရဲ ဒုက္ခကို ဘယ်လို ကျော်လွန်အောင် လုပ်နိုင်တယ် ဆိုတာကိုလဲ မသိကြဘူး။

သိဒ္ခတ္ထ မင်းသားဟာ (ဥရုဝေလတော) မှာ ခြောက်နှစ် ကြာအောင် လေ့လာ ပွါးများ အားထုတ် ပြီးတဲ့ အခါမယ် အ၀ိဇ္ဇာကို ပယ်ခွါနိုင်တဲ့ အတွက် (အမှန် တရားကို) ထိုးထွင်း သိမြင် သွားပါတယ်။

အဲဒီ အချိန်က စပြီး သူ့ကို “ဗုဒ္ဓ“ (ကိလေသာတည်း ဟူသော အိပ်ပျော်ခြင်းမှ) “နိုးလာသူ“လို့ ခေါ်ဝေါ် သမုတ်ကြ ပါတယ်။ ဗုဒ္ဓ ရှင်တော် မြတ်ဘုရားဟာ အဲဒီ အချိန်မှ စပြီး ၄၅နှစ် ပတ်လုံး အိန္ဒိယပြည် မြောက်ပိုင်းမှာ သူတွေ့သိ ထားတဲ့ တရားတော်များကို လှည့်လည် ဟောပြော ခဲ့ပါတယ်။

(မှတ်ချက် ။ ။ ဥရုဝေလတော၌ ဒုက္ကရ စရိယာ ခြောက်နှစ်ကြာ ကျင့်စဉ်က ဘုရား မဖြစ်သေးပါ။ ထိုအကျင့်မှားကို စွန့်၍ အာနာပါန ဈာန် အခြေခံလျက် မဂ္ဂင် ရှစ်တန်ပွါးမှသာ ဘုရား အဖြစ်သို့ ရောက်ပါသည်။)

ရှင်တော်မြတ် ဘုရားရဲ့ ကြီးမားလှတဲ့ မဟာ ကရုဏာတော်နှင့် ခန္တီ တရားကြောင့် များစွာသော လူတို့ဟာ တပည့်သာဝက အဖြစ် ခံယူ ကြပါတယ်။

သက်တော် ရှစ်ဆယ် ပြည့်တော်မူတဲ့ အခါ သဘာဝ အလျောက် အိုခြင်း တရား၊ နာခြင်း တရားများ ဖိစီးနှိပ်စက် ခံရသော်လဲ ချမ်းမြေ့အေးငြိမ်းလျက်ပင်
နောက်ဆုံးမှာ ပရိနိဗ္ဗာန်ဝင် စံတော် မူပါတယ်။

(၄) မေး - ဗုဒ္ဓဟာ သူ့ရဲ့ကြင်ယာတော်နဲ့ သားတော်ကို ပစ်ထားခဲ့တဲ့ အတွက် တာဝန်မဲ့ရာ မရောက်ဘူးလား။

ဖြေ - ဗုဒ္ဓမြတ်စွာဟာ သူ့ရဲ့ ကြင်ယာတော်နဲ့ သားတော်ကို လွယ်လွယ်နဲ့ ပစ်ထား နိုင်ခဲ့တာ မဟုတ်ပါဘူး။သူအချိန် အကြာကြီး စဉ်းစားပြီး တွန့်ဆုတ် တွန့် ဆုတ် ဖြစ်နေ ခဲ့ပါတယ်။ နောက်ဆုံးကျမှ သူ့မိသားစုကို ကျွေးမွေး စောင့်ရှောက် တာထက် တလောက လုံးရဲ့အကျိုးကို ဆောင်ရွက် တာက ပိုပြီး အကျိုး ကြီးမား တယ်လို့ ဆုံးဖြတ်ပြီး ဒီလမ်းကို ရွေးချယ် လိုက်တာပါပဲ။

ကြီးမားတဲ့ မဟာ ကရုဏာတော်က ဗုဒ္ဓမြတ်စွာကို တလောကလုံးရဲ့ အကျိုးကို ဆောင်စေ တာပါပဲ။ ဗုဒ္ဓမြတ်စွာရဲ့ ကိုယ်ကျိုးစွန့်ပြီး အဆင်းရဲ အပင်ပန်းခံ မှုကြောင့် တလောကလုံး ကြီးမားတဲ့ အကျိုးကို အခုတိုင် ခံစားနေ ကြရတာ ဖြစ်ပါတယ်။ ဒါကိုကြည့်ရင် ဗုဒ္ဓမြတ်စွာဟာ တာဝန် မမဲ့ကြောင်း ထင်ရှား ပါတယ်။

ဒါဟာ အကြီးမားဆုံးသော စွန့်လွှတ်မှု ကြီးပါပဲ။

(၅) မေး - ဗုဒ္ဓက ပရိနိဗ္ဗာန် စံသွားပြီဆိုတော့ သူက ကျွန်ုပ်တို့ကို ဘယ်လို ကူညီနိုင် ပါသလဲ။

ဖြေ - လျှပ်စစ်ဓါတ်ကို တွေ့ရှိတဲ့ မိုက်ကယ် ဖာရာဒေး ဟာ ကွယ်လွန် သွားပါပြီ။ သို့သော်လဲ သူ့ရဲ့ တွေ့ရှိချက်က ကျွန်ုပ်တို့ကို အခုတိုင် ကူညီနေ ပါတယ်။ ရောဂါပေါင်း များစွာကို ကုသတဲ့ ကုထုံးတွေကို တွေ့ရှိတဲ့ လူးဝစ်ပါးစ်ချား ဟာလဲ ကွယ်လွန် သွားပါပြီ။ သို့သော်လဲ သူတွေ့ရှိတဲ့ ကုထုံးတွေက အခုတိုင် အသက်ပေါင်း များစွာကို ကယ်နေ ဆဲပါပဲ။

ကျော်ကြားတဲ့ အနုပညာ များစွာကို တီထွင် ဖန်တီးခဲ့တဲ့ လီယိုနာဒိုဒါဗင်ချီ ဟာလဲ သေသွားပါပြီ။ သို့သော်လဲ သူဖန်တီးခဲ့တဲ့ အနုပညာတွေက လူတွေကို အခုတိုင် ပျော်ရွှင်မှု ပေးနေ ဆဲပါပဲ။ မြင့်မြတ်တဲ့ ပုဂ္ဂိုလ်ကြီးများနဲ့ အာဇာနည် ပုဂ္ဂိုလ်ကြီးများ ကွယ်လွန် သွားကြတာ ရာစုနှစ်ပေါင်းများစွာ ကြာသော်လဲ သူတို့ အကြောင်းကို ကျွန်ုပ်တို့ ဖတ်ရှုရတဲ့ အခါမှာ သူတို့လို နေထိုင် ပြုမူ လိုစိတ်များ ကျွန်ုပ်တို့ သန္တာန်မှာ တဖွားဖွား ပေါ်လာပါတယ်။

ဟုတ်ပါတယ်။ ဗုဒ္ဓမြတ်စွာ ပရိနိဗ္ဗာန် စံတာဟာ နှစ်ပေါင်း ၂၅၀၀ ကျော် ကြာသွားပါပြီ။ သို့သော်လဲ ရှင်တော်မြတ် ဘုရားရဲ့ တရားတော်များဟာ အခုတိုင် ကူညီ နေဆဲပါပဲ။ ဗုဒ္ဓမြတ်စွာရဲ့ နမူနာကောင်း တွေက လူတွေကို အခုတိုင် အားတက် စေတုန်းပါပဲ။ သူ့စကားတော် တွေက အခုတိုင် လူတွေရဲ့ ဘ၀တွေကို ပြောင်းလဲ စေတုန်းပါပဲ။ ဗုဒ္ဓမြတ်စွာမှာသာလျှင် ပရိနိဗ္ဗာန် စံပြီးနောက် ရာစုနှစ်ပေါင်း များစွာ ကြာသည့် တိုင်အောင် ဒီလို စွမ်းအားများ ရှိနေနိုင်တာ ဖြစ် ပါတယ်။

(၆) မေး - ဗုဒ္ဓဟာ ထာဝရဘုရား (God) လား။

ဖြေ - ဗုဒ္ဓမြတ်စွာဟာ ထာဝရ ဘုရား မဟုတ်ပါဘူး။ ဗုဒ္ဓမြတ်စွာက သူဟာ ထာဝရဘုရားလို့ ဖြစ်စေ၊ ထာဝရ ဘုရားရဲ့ သားတော်လို့ ဖြစ်စေ၊ ထာဝရဘုရားက လွှတ်လိုက်တဲ့ တမန်တော်လို့ ဖြစ်စေ မမိန့်ကြား ပါဘူး။ ဗုဒ္ဓမြတ်စွာဟာ အလုံးစုံ ပြည့်စုံတဲ့ လူသား တစ်ဦးပါပဲ။ ဒါကြောင့် သူ့လို ကျွန်ုပ်တို့ ကြိုးစားလျှင် ကျွန်ုပ် တို့လဲ သူ့လိုပဲ အလုံးစုံ ပြည့်စုံ သူများ ဖြစ်နိုင်ကြောင်း မိန့်ကြားတော် မူပါတယ်။

(၇) မေး - ဗုဒ္ဓဟာ ထာဝရဘုရား မဟုတ်ရင် ဘာကြောင့် သူ့ကို လူတွေက ရှိခိုး ကိုးကွယ်နေ ကြသလဲ။

ဖြေ - ကိုးကွယ်နည်း အမျိုးမျိုး ရှိပါတယ်။ တချို့က တစ်စုံ တစ်ခုသော တန်ခိုးရှင်ဘုရား (God) ကို ကိုးကွယ်တဲ့ အခါ အဲဒီ ဘုရားကို ချီးကျူး ထောပနာ ပြုကြတယ်။ ဂုဏ်ပြု ကြတယ်။ တစ်စုံ တစ်ရာ ပူဇော်ပသ ကြတယ်။ ကိုယ်လိုတာကို ဘုရားဆီမှာ တောင်းကြတယ်။ အဲဒီလို လုပ်ကြတာကတော့ မိမိတို့ရဲ့ ချီးကျူး ထောပနာ သံကို အဲဒီ ဘုရားက ကြားလိမ့်မယ်လို့ ယုံကြည်လို့၊ ပူဇော်ပသ တာကို လက်ခံလိမ့်မယ်လို့ ယုံကြည်လို့၊ ဆုတောင်းတာကို ဖြည့်ဆည်း ပေးလိမ့်မယ်လို့ ယုံကြည်လို့ပါပဲ။

ဗုဒ္ဓဘာသာ ၀င်တွေ ကတော့ ဒီလို ကိုးကွယ် ဆည်းကပ်မှု မျိုးကို မလုပ်ကြပါဘူး။ တခြား ကိုးကွယ် ဆည်းကပ်မှု တစ်မျိုး ကတော့ မိမိတို့ လေးမြတ် ကြည်ညိုတဲ့ ပုဂ္ဂိုလ် တစ်ဦးဦး သို့မဟုတ် တစ်စုံ တစ်ရာကို ရိုသေသမှု ဂါရ၀ ပြုကြတယ်။ ဆရာအခန်းထဲ ၀င်လာရင် နေရာက ထ ပေးကြတယ်။ ဂုဏ်သရေ ရှိတဲ့ လူနဲ့တွေ့ရင် လက်ဆွဲနှုတ်ဆက် ကြတယ်။ အမျိုးသား သီချင်း တီးရင် မတ်တပ်ရပ် အလေးပြု ကြတယ်။ ဒါတွေ အားလုံးဟာ ရိုသေ လေးစားမှုကို ပြတဲ့ အမူ အရာတွေ ပါပဲ။

လေးမြတ် ကြည်ညိုမှုကို ဖေါ်ပြကြတာ ဖြစ်ပါတယ်။ ဒီလို အရို အသေ ဂါရ၀ပြုပြီး ရှိခိုး ကိုးကွယ်မှုဟာ ဗုဒ္ဓဘာသာ ၀င်များ ပြုလုပ် ကြတဲ့ ရှိခိုး ကိုးကွယ်မှု မျိုးပါပဲ။ တင်ပလ္လင်ခွေ ထိုင်ပြီး ရင်ခွင် ထက်မှာ လက်နှစ်ဖက်ကို ရွရွကလေး ချထားတဲ့ ဗုဒ္ဓ ရုပ်ပွါးတော်ရဲ့ မဟာကရုဏာ တော်ဖြင့် ကြည်လင် လန်းဆန်း နေတဲ့ မျက်နှာတော်ဟာ ကျွန်ုပ်တို့ရဲ့ သန္တာန်မှာ ငြိမ်းအေးမှုနဲ့ မေတ္တာတရား တိုးပွါးအောင် ကြိုးစားကြဖို့ ကျွန်ုပ်တို့ကို သတိပေး နေပါတယ်။

အမွှေးတိုင်ရဲ့ အမွှေးနံ့က ကျွန်ုပ်တို့ သန္တာန်မှာ ကောင်းမှု ကုသိုလ်တွေ ပျံ့နှံ့နေစေဖို့ သတိပေး နေပါတယ်။ ဆီမီးကတော့ ပညာ ဆီမီး တန်ဆောင် ထွန်းပြောင် စေဖို့ သတိပေး နေပါတယ်။ ကပ်လှူထားတဲ့ ပန်းများရဲ့ ညှိုးနွမ်း ကြွေကျ သွားတဲ့ သဘောက ကျွန်ုပ်တို့အား အနိစ္စ တရားကို သတိရ စေပါတယ်။

ဗုဒ္ဓ ရုပ်ပွါးတော်ရှေ့မှာ ဦးညွှတ် ရှိခိုးခြင်းက ကျွန်ုပ်တို့ကို တရားဓမ္မ ဟောပြောညွှန်ပြ ဆုံးမတော်မူတဲ့ အတွက် ဗုဒ္ဓရှင်တော် မြတ်ဘုရားရဲ့ ဂုဏ်ကျေးဇူး တော်ကို လေးမြတ် ကော်ရော် ပူဇော်ခြင်း ဖြစ်ပါတယ်။ ဒါဟာ ဗုဒ္ဓဘာသာဝင် များရဲ့ ရှိခိုး ကိုးကွယ်မှုပါပဲ။

(၈) မေး - ဗုဒ္ဓဘာသာဝင်များဟာ ရုပ်တုကို ကိုးကွယ်ကြတယ်လို့ တချို့လူများက ပြောတာ ကြားဘူးပါတယ်။ ဟုတ်ပါသလား။

ဖြေ - ဒီလို အပြောမျိုးဟာ ဗုဒ္ဓဘာသာကို နားလည် မှားနေတဲ့ လူတွေ ပြောကြတဲ့ စကားတွေပါ။ အဘိဓာန် များကတော့ ရုပ်တုကို ထာဝရ ဘုရား (God) အဖြစ်နဲ့ ရှိခိုး ကိုးကွယ် ကြတာကို ရုပ်တု ကိုးကွယ်မှု လို့ ဖွင့်ပြ ကြပါတယ်။

သိကြတဲ့ အတိုင်းပဲ ဗုဒ္ဓ ဘာသာဝင် များဟာ ဗုဒ္ဓမြတ်စွာကို ထာဝရ ဘုရားတစ်ပါး (God) အနေနဲ့ ယုံကြည် သိမှတ်ကြတာ မဟုတ်ပါဘူး။ ဒီတော့ ဗုဒ္ဓဘာသာ ၀င်များဟာ သစ်သား ရုပ်တု၊ သံရုပ်တု၊ ကြေးရုပ်တု စသည်ကို ဘယ်မှာ ကိုးကွယ် ကြပါမလဲ။ သို့သော်လဲ တစ်ခုတော့ ရှိပါတယ်။ ဘာသာတရား တိုင်းမှာ ဘာသာဝင် တိုင်းဟာ အယူအဆ အမျိုးမျိုးကို ဖေါ်ပြဖို့ အမှတ် လက္ခဏာ (Symbol) အမျိုးမျိုးကို အသုံးပြု ကြပါတယ်။

ဥပမာ - တာအိုဘာသာမှာဆိုရင် ဆန့်ကျင်ဘက် နှစ်ခုတို့ရဲ့ ညီညွှတ် ပေါင်းစည်းမှုကို ဖေါ်ပြဖို့ရာ ယင်နဲ့ ယန်(Ying -Yang) ကို အမှတ် လက္ခဏာ အဖြစ် အသုံးပြု ပါတယ်။ ဆစ်ဘာသာမှာ ဘာသာရေး ဆိုင်ရာ ရုန်းကန် လှုပ်ရှားမှုကို ဖေါ်ပြဖို့ရာ ဓားကို အမှတ် လက္ခဏာ အဖြစ် အသုံးပြု ပါတယ်။ ခရစ်ယာန် ဘာသာမှာ ခရစ်တော် တည်ရှိခြင်းကို ဖေါ်ပြဖို့ရာ ငါးကို အမှတ် လက္ခဏာ အဖြစ် အသုံးပြု ကြတယ်။ ခရစ်တော်ရဲ့ လူသားအတွက် အသက် စွန့်လွှတ်မှုကို ဖော်ပြဖို့ရာ လက်ဝါး ကပ်တိုင်ကို အမှတ် လက္ခဏာ အဖြစ် အသုံးပြု ပါတယ်။

ဗုဒ္ဓဘာသာမှာ လူသား တစ်ဦးရဲ့ အလုံးစုံ ပြီးပြည့်စုံမှုကို ဖေါ်ပြဖို့ရာ ဘုရား ရုပ်တုတော်ကို အမှတ် လက္ဓဏာ အဖြစ် အသုံးပြု ကြပါတယ်။ ဗုဒ္ဓ ရုပ်တုတော်က ဗုဒ္ဓရဲ့ တရားတော် များမှာ ပါဝင်တဲ့ လူသားနဲ့ သက်ဆိုင်တဲ့ သဘာဝများကို ကျွန်ုပ်တို့အား သတိရစေ ပါတယ်။ ဗုဒ္ဓ ဘာသာဟာ လူသားကို ဗဟိုပြု ပါတယ် ထာဝရဘုရား သိ ကို ဗဟိုမပြုဘူး ဆိုတဲ့ အချက်နဲ့ အလုံးစုံ ပြီးပြည့်စုံရေးနဲ့ အသိမှန် အမြင်မှန် ရရေး အတွက် ဗဟိဒ္ဓသန္တာန်ကို မကြည့်ရဘူး၊ အဇ္ဈတ္တ သန္တာန် ကိုသာ ကြည့်ရမယ် ဆိုတဲ့ အချက်ကိုလဲ ကျွန်ုပ်တို့အား သတိရ စေပါတယ်။

ဒါကြောင့် ဗုဒ္ဓဘာသာဝင်တွေဟာ ရုပ်တုကို ရှိခိုး ကိုးကွယ်တယ် ဆိုတဲ့ စွပ်စွဲပြောဆိုချက် တွေဟာ မမှန်ပါဘူး။

(၉) မေး - တရုတ် ဗုဒ္ဓဘာသာ ဘုရားကျောင်းတွေ ထဲမှာ စက္ကူပိုက်ဆံတွေကို မီးရှို့တာတွေ၊ ပြီးတော့ တခြား ထူးထူးဆန်းဆန်း လုပ်ကြတာ တွေ့ကြရပါတယ်။ အဲဒါတွေကို ဘာကြောင့် လုပ်ကြပါသလဲ။

ဖြေ - ကျွန်ုပ်တို့ဟာ ကျွန်ုပ်တို့ နားမလည်တဲ့ အရာများကို တွေ့ရတဲ့ အခါ အဲဒါတွေကို ကျွန်ုပ်တို့ အတွက် ထူးဆန်းနေ တတ်ပါတယ်။ အဲဒီလို ဟာတွေကို အထူး အဆန်း တွေပဲလို့ အမှတ် တမဲ့ ဘာသိ ဘာသာ မနေပဲ အဲဒါတွေရဲ့ အဓိပ္ပါယ်တွေကို ရှာဖွေဖို့ ကြိုးစားသင့် ကြပါတယ်။

မှန်ပါတယ်၊ တစ်ခါတစ်ရံမှာ ဗုဒ္ဓဘာသာဝင်တွေ လိုက်နာ လုပ်ဆောင်နေကြတာတွေဟာ ဗုဒ္ဓတရားတော်မှာ အခြေမခံပဲ နားလည်မှားမှုနဲ့ အများယုံကြည် လက်ခံထားတဲ့ အစွဲအလမ်းပေါ်မှာ အခြေခံထားတာ တွေ့ရ တတ်ပါတယ်။ ဒီလို ကိစ္စတွေဟာ ဗုဒ္ဓဘာသာ တစ်ခုတည်းမှာသာ မဟုတ်ပါဘူး။ ဘာသာ တိုင်းမှာပဲ ရံဖန်ရံခါ တွေ့ရ တတ်ပါတယ်။

ဗုဒ္ဓမြတ်စွာ တရားတော်များကို ရှင်းလင်းပြတ်သားစွာ အသေးစိတ် ဟောပြတော်မူပါတယ်။ အဲဒါကိုမှ ပြည့်ပြည့်စုံစုံ နားမလည်ရင်တော့ ဗုဒ္ဓမြတ်စွာကို အပြစ် ဆိုလို့ မဖြစ်နိုင်ပါဘူး။ ဒါနဲ့ ပတ်သက်လို့ မှတ်သားဖွယ် အဆုံးအမ တစ်ခုကတော့ “ရောဂါဝေဒနာ ခံစားနေရသော လူတစ်ယောက်သည် ဆေးဆရာ ထံမှ ဆေးကုသမှု ခံယူဖို့ လွယ်ကူပါလျက်နဲ့ ကုသမှု မခံယူလျှင် ဆေးဆရာ၏ အပြစ် မဟုတ်ပေ။ ထို့အတူပင် ကိလေသာ ရောဂါ အဖိစီး အနှိပ်စက် ခံနေရသူသည် မြတ်စွာဘုရား၏ တရားတော်များ ရှိနေ ပါလျက်နဲ့ တရားဆေးဖြင့် မကုစားလျှင် မြတ်စွာဘုရား၏ အပြစ် မဟုတ်ပေ။”

ဗုဒ္ဓဘာသာကိုပဲဖြစ်စေ၊ တခြား ဘာသာတရားကိုပဲဖြစ်စေ အဲဒီဘာသာတရား အကြောင်း ကောင်းကောင်း နားမလည် သူများက အမှား၊ အမှန်၊ အဆိုး၊ အကောင်းကို မဆုံးဖြတ် သင့်ပါဘူး။

(၁၀) မေး - ဗုဒ္ဓဘာသာဝင်တွေ ကုသိုလ်ဖြစ် လုပ်ငန်းတွေ လုပ်ကြတာ သိပ်မကြားမိပါဘူး။ အဲဒါ ဘာကြောင့်လဲ။

ဖြေ - ဗုဒ္ဓဘာသာဝင် တွေလဲ ကုသိုလ်ဖြစ် လုပ်ငန်းတွေ လုပ်ကြပါတယ်။ သင်မကြား မိတာကတော့ ဗုဒ္ဓ ဘာသာဝင် များဟာ သူတို့ လုပ်တဲ့ ကုသိုလ် ကောင်းမှုတွေ အကြောင်းကို ၀ါကြွားပြောဆိုဖို့ မလိုဘူးလို့ ယူဆထားကြလို့ ဖြစ်ပါ လိမ့်မယ်။

နှစ်ပေါင်း တော်တော်ကြာ ဆီက ဂျပန် ဗုဒ္ဓဘာသာ ခေါင်းဆောင် တစ်ယောက်ဖြစ်တဲ့ နစ်ခိုနိရ၀ါနို ဟာ ဘာသာတရား အားလုံး ပေါင်စည်း ညီညွတ်မှု တိုးတက်ရေးကို လုပ်ဆောင်တဲ့ အတွက် (Templeton Prize) တင်ပယ်လ်တန် ဆုကို ရရှိပါတယ်။ အလားတူပဲ ထိုင်းဗုဒ္ဓဘာသာ ဘုန်းတော်ကြီး တစ်ပါးဟာ မူးယစ်ဆေး စွဲသူများကို ကုသရာမှာ ထူးချွန်တဲ့ အတွက် မက်ဆေးဆေး ဆုကို ရရှိခဲ့ ပါတယ်။

၁၉၈၇ ခုနှစ်တုန်းကလဲ အရှင် ကန္တယပိဝတ် ဆိုတဲ့ ထိုင်းဘုန်းကြီး တစ်ပါးဟာ ကျေးလက် တောရွာများမှာရှိတဲ့ အခြေအနေမဲ့ ကလေးများကို နှစ်ပေါင်း များစွာ ကြာအောင် ပြုစု စောင့်ရှောက်ခဲ့တဲ့ အတွက် [နော်ဝေ ကလေးများ၏ ငြိမ်းချမ်းရေးဆု] ကို ရရှိခဲ့ ပါတယ်။ အနောက်တိုင်း ဗုဒ္ဓဘာသာအဖွဲ့ (Western Buddhist Order) ဟာ အိန္ဒိယပြည်မှာ ဆင်းရဲသားများ အတွက် ကြီးမားကျယ်ပြန့်တဲ့ လူမှုရေး လုပ်ငန်းတွေကို လုပ်ဆောင် နေပါတယ်။

စာသင်ကျောင်းတွေ၊ ကလေးပြုစု စောင့်ရှောက်ရေး ဌာနတွေ၊ ဆေးပေးခန်းတွေ၊ တနိုင် စက်မှုလုပ်ငန်း အသေးစားတွေ တည်ထောင်ပြီး ပြုစု ပျိုးထောင် ပေးနေ ပါတယ်။ ဗုဒ္ဓဘာသာဝင် များဟာ တခြား ဘာသာဝင်များလိုပဲ သူတစ်ပါးကို အကူအညီ ပေးရတာဟာ သူတို့ရဲ့ ဘာသာတရား လိုက်နာ ကျင့်ကြံမှုကို ဖေါ်ပြတာပဲလို့ သိမြင် မှတ်ယူကြ ပါတယ်။

သို့သော်လဲ ဒါတွေကို ကိုယ့်ကိုယ်ကို မထင်ပေါ်စေပဲ တိုးတိုး တိတ်တိတ်ပဲ လုပ်သင့်တယ်လို့ ယုံကြည် ကြပါတယ်။ ဒါကြောင့် သူတို့ရဲ့ ကုသိုလ်ဖြစ် လုပ်ငန်းတွေ အကြောင်းကို သင် သိပ်မကြားရတာ ဖြစ်ပါလိမ့်မယ်။

(၁၁) မေး - ဘာကြောင့် ဗုဒ္ဓဘာသာတွေ အမျိုးမျိုး ကွဲပြားနေပါသလဲ။

ဖြေ - လူတွေ စားသုံးကြတဲ့ သကြားတွေလဲ အမျိုးမျိုး ရှိကြတာ မဟုတ်လား။ သကြားဖြူ၊ သကြားညို၊ ကျောက်သကြား၊ သကြားရည်၊ ရေခဲ သကြား စသည် အမျိုးမျိုး ရှိကြတာပဲ။ သို့သော်လဲ အားလုံးဟာ သကြားချည်းပဲ ပြီးတော့ သကြား တိုင်းဟာ ချိုကြတာ ချည်းပဲ။ မချိုတဲ့ သကြားရယ်လို့ မရှိဘူး။ ဒီလို သကြား အမျိုးမျိုး အစားစား ထုတ်ကြတာက သူတို့ကို သုံးစွဲပုံ သုံးစွဲနည်း အမျိုးမျိုး ရှိကြလို့ပါပဲ။

ဗုဒ္ဓဘာသာလဲ ထို့အတူပါပဲ။ ထေရ၀ါဒ ဗုဒ္ဓဘာသာ၊ ဈင် ဗုဒ္ဓဘာသာ၊ အမိတာဘာ ဗုဒ္ဓဘာသာ၊ ယောဂါစာရ ဗုဒ္ဓဘာသာ၊ ၀ဇီရယာန ဗုဒ္ဓဘာသာ စသည်ဖြင့် ကွဲပြား နေကြသော်လဲ အနှစ်သာရ အားဖြင့် အတူတူပါပဲ။ အဲဒီ အနှစ်သာရက ဘာလဲ ဆိုတော့ ကိလေသာမှ လွတ်မြောက်ခြင်း၊ ဆင်းရဲမှ လွတ်မြောက်ခြင်း ဆိုတဲ့ အနှစ်သာရပါပဲ။

ဗုဒ္ဓဘာသာဟာ သူဖြစ်ပေါ်ရာ ယဉ်ကျေးမှု အမျိုးမျိုးနဲ့ ဟပ်မိအောင် အသွင် အမျိုးမျိုးနဲ့ ဖွံ့ဖြိုး တိုးတက် လာခဲ့ပါတယ်။ အသစ်ဖြစ်တဲ့ မျိုးဆက် အသီးသီးနဲ့ ကိုက်ညီအောင် ရာစုနှစ်များ တလျောက်မှာ ဗုဒ္ဓဘာသာကို ပြန်ပြီး အဓိပ္ပါယ် ဖွင့်ဆို ကြပါတယ်။ ပြင်ပ ပုံပန်းသဏ္ဌာန် အနေနဲ့ အမျိုးမျိုး ကွဲပြားနေတယ်လို့ ထင်ရသော်လဲ အားလုံးရဲ့ ဗဟိုချက်မ အနှစ်သာရကတော့ သစ္စာလေးပါး မဂ္ဂင်ရှစ်ပါးပါပဲ။

ဗုဒ္ဓဘာသာ အပါအ၀င် ဘာသာကြီးများ အားလုံးဟာ ဂိုဏ်း အမျိုးမျိုး ကွဲခဲ့ကြပါတယ်။ သို့သော်လဲ ဗုဒ္ဓဘာသာ ဂိုဏ်း အမျိုးမျိုးဟာ အချင်းချင်း ဘယ်တော့မှ စစ်ပွဲတွေ မဆင်နွှဲ ခဲ့ကြပါဘူး။ သူတို့ဟာ အချင်းချင်း ဘယ်တော့မှ ရန်မပွါး ခဲ့ကြပါဘူး။ ခုခေတ်မှာဆိုရင် ဂိုဏ်း တစ်ဂိုဏ်းရဲ့ ကျောင်းကန်ဘုရားကို တစ်ခြား ဂိုဏ်းတစ်ခုက သွားရောက်ပြီး အတူတကွ ဘုရားဝတ်ပြု ကြပါတယ်။ တခြားဘာသာရေး လောကမှာ တကယ်တော့ အလွန်ရှားပါတယ်။

(၁၂) မေး - သင်က ဗုဒ္ဓဘာသာကို အလွန် အထင်ကြီး တာပဲ။ သင်ဟာ သင့်ဘာသာတရားကို မှန်တယ်လို့ ယူဆပြီး တခြားဘာသာ အားလုံးကို မှားတယ်လို့ ယူဆပုံရတယ်။

ဖြေ - ဗုဒ္ဓမြတ်စွာရဲ့ တရားတော်များကို နားလည် သဘောပေါက်တဲ့ ဗုဒ္ဓဘာသာဝင် မည်သူမဆို တခြား ဘာသာတရား မှားတယ်လို့ မထင်ကြပါဘူး။ တခြား ဘာသာ တရားများကို ပွင့်ပွင့် လင်းလင်း ဝေဖန် စစ်ဆေးဖို့ရာ စစ်မှန်တဲ့ လုံ့လ၀ီရိယကို ပြုသူမှန်သမျှ ဘယ်သူမှ အဲဒီလို မထင်ကြပါဘူး။ ဘာသာတရား အမျိုးမျိုးကို လေ့လာတဲ့ အခါမှာ ပထမဆုံး သတိပြု မိတာကတော့ ဒီဘာသာတရား တွေဟာ အချင်းချင်း ဘယ်လောက် များများ တူညီကြတယ် ဆိုတဲ့ အချက်ပါပဲ။

အားလုံးသော ဘာသာ တရားများက လူသားရဲ့ လက်ရှိ အခြေ အနေဟာ ကျေနပ်ဖွယ် မရှိဘူးလို့ ၀န်ခံကြတာပါပဲ။ လူသားရဲ့ အခြေအနေ တိုးတက်လိုရင် စိတ်နေ စိတ်ထား အပြုအမူ ပြောင်းလဲဖို့ လိုအပ်တယ်လို့ အားလုံး ယုံကြည် ကြပါတယ်။ ဘာသာတရား အားလုံးဟာ မေတ္တာ၊ ကရုဏာ၊ ပေးကမ်းလှူဒါန်းခြင်း၊ လူမှုရေး၊ တာဝန်ဝတ်တရားများ ဆောင်ရွက်ခြင်း စတဲ့ ကျင့်ဝတ်များကို သင်ကြားပေးကြ ပါတယ်။

ဒီဘာသာတရား အားလုံးက အဆုံးစွန် ပြည့်စုံတဲ့ သဘောတစ်ခုဟာ ပုံသဏ္ဌာန် အမျိုးမျိုးနဲ့ ရှိတယ်ဆိုတာ လက်ခံကြပါတယ်။ ဘာသာ တရားများက ဒီ လုံးဝ အုပ်စုံ ပြည့်စုံတဲ့ သဘာဝကို ဘာသာ စကား အမျိုးမျိုး၊ နာမည် အမျိုးမျိုး၊ အမှတ်အသား အမျိုးမျိုးနဲ့ ရှင်းလင်း ဖေါ်ပြကြပါတယ်။

အရာရာကို တစ်ဘက်သက် ရှုမြင်သုံးသပ်တဲ့နည်းကို အမြင်ကျဉ်းစွာ တွယ်ကပ် ထားကြတဲ့ အခါမှာသာ သည်းမခံနိုင်မှု၊ မာနတရားနဲ့ ကိုယ်သာမှန် စိတ် ထားတွေ ဖြစ်ပွါးပေါ်ပေါက် လာတတ်ပါတယ်။ စဉ်းစားကြည့်ပါ။ အင်္ဂလိပ်၊ ပြင်သစ်၊ တရုတ်၊ အင်ဒိုနီးရှား၊ လူ ၄ ဦး ကော်ဖီပန်းကန် တစ်လုံးကို ကြည့်ကြတယ် ဆိုပါစို့။

အဲဒီပန်းကန်ကို အင်္ဂလိပ်က Cup လို့ခေါ်တယ်။ ပြင်သစ်က Tasse လို့ ခေါ်တယ်။ တရုတ်က Pei အင်ဒိုနီးရှားက cawan လို့ခေါ်တယ်။ အဲဒါ သူ့အခေါ်မှန်တယ်
တစ်ခြားလူ အခေါ် မှားတယ်လို့ ကိုယ့် အဘိဓာန် ကိုယ် ကိုးကားပြီး အကြောက် အကန် ငြင်းခုံးနေ ကြပါရော။ အဲဒီ အခိုက်မှာ ဗုဒ္ဓဘာသာဝင် တစ်ဦး ရောက် လာပြီး ဘာမှ ပြောမနေဘဲ ကော်ဖီပန်းကန်ကို ကောက်ယူပြီး မော့သောက် ပြစ်လိုက် ပါတယ်။ ပြီးတော့မှ သူက ဟိုလူလေးယောက်ကို ပြောလိုက်တယ်။

ဒီပန်းကန်ကို ဘယ်လိုပဲ မိတ်ဆွေတို့ ခေါ်ခေါ် လိုရင်းက ဒါကို ကော်ဖီသောက်ဖို့ အသုံးပြု တာပါပဲ၊ ငြင်းခုံနေလို့ ဘာအကျိုး ရှိမလဲ၊ သောက်ဖို့ ပန်းကန်ကို သောက်လိုက်မှ အမောပြေပြီး လန်းဆန်း လာမှာပေါ့၊ အဲဒါ လိုရင်းပဲ။ ဒါဟာ ဘာသာ တရားများ အပါ် ဗုဒ္ဓဘာသာက မြင်တဲ့ အမြင်၊ ထားတဲ့ စိတ်ထားပါပဲ။

(၁၃) မေး - ဗုဒ္ဓဘာသာဟာ သိပ္ပံနည်း ကျပါသလား။

ဖြေ - ဒီအမေးကို မဖြေမှီ သိပ္ပံ ဆိုတဲ့ စကားလုံးရဲ့ အဓိပ္ပါယ်ကို ရှာကြည့်တာ အကောင်းဆုံး ဖြစ်ပါ လိမ့်မယ်။ အဘိဓာန်များက ဒီလို ဖွင့်ပြ ကြပါတယ်။ "သိပ္ပံ" ဆိုတာ တကယ်ဖြစ်နေတဲ့ သဘာဝ တစ်ခုကို လက်တွေ့ မျက်မြင် ကြည့်ရှုခြင်းနှင့် စမ်းသပ်ခြင်းတို့ အပေါ် အခြေခံပြီး စနစ်တစ်ခု ဖော်ထုတ်တဲ့ ပညာ၊ တိတိ ကျကျ လေ့လာစမ်းသပ် သိရှိထားတဲ့ အရာတစ်ခုနဲ့ ပတ်သက်လို့ သဘာဝကျတဲ့ နည်းလမ်း ဥပဒေသများ သတ်မှတ်ဖေါ်ပြတဲ့ ပညာပါပဲ။

အဲဒီပညာရဲ့ အစိတ်အပိုင်း တစ်ခုခုလဲ သိပ္ပံပါပဲ။ ဗုဒ္ဓဘာသာမှာ ဒီဖွင့်ဆိုချက်နဲ့ မကိုက်ညီတဲ့ အချက် အလက်များ ရှိကောင်း ရှိနိုင်ပါတယ်။ သို့သော်လဲ ဗုဒ္ဓ ဘာသာရဲ့ လိုရင်း တရားဖြစ်တဲ့ သစ္စာလေးပါး ကတော့ သေသေ ချာချာ ကိုက်ညီ ပါတယ်။

ပထမဆုံး အမှန်တရားက ဒုက္ခသစ္စာပါ။ ဒီမှာ ဆင်းရဲခြင်းဆိုတာ ကိုယ်တိုင်တွေ့သိ ခံစားရတဲ့ အရာပါ။ သူ့ကို အဓိပ္ပါယ် သတ်မှတ်လို့လဲ ရပါတယ်။ လက်တွေ့ ခံစား သိမြင်လို့လဲ ရပါတယ်။

ဒုတိယ အမှန်တရားက သမုဒယ သစ္စာပါ။ လိုချင် တပ်မက်မှု တဏှာကို ဆိုလို ပါတယ်။ ဆင်းရဲ ဒုက္ခကို ဖြစ်ပေါ်စေတဲ့ အကြောင်းဖြစ်တဲ့ ဒီတဏှာ ဟာလဲ ကိုယ်တိုင် တွေ့သိ ခံစားရတဲ့ အရာပါ။ အဓိပ္ပါယ် သတ်မှတ်လို့လဲ ရတယ်။ လက်တွေ့ ခံစား သိမြင်လို့လဲ ရပါတယ်။ ဒီဒုက္ခနဲ့ ဒုက္ခရဲ့ အကြောင်းတရား အမှန်ကို ဒဿန ပညာဆိုင်ရာ စကားလုံးတွေနဲ့ ရှင်းပြဖို့ မလိုပါဘူး။ ကိုယ်တွေ့ ခံစား သိမြင်ရတဲ့ အရာတွေပါ။

တတိယ အမှန်တရားကတော့ နိရောဓ သစ္စာပါ။ ဆင်းရဲ ကုန်ဆုံးတဲ့ သဘော၊ ဆင်းရဲငြိမ်းတဲ့ သဘောပါ။ ဒီသဘောကို အနန္တ တန်ခိုးရှင် ဆိုသူ တစ်ဦး ဦးကို အားကိုးလို့ မရပါဘူး။ ယုံကြည်ရုံမျှ ဆုတောင်ရုံမျှနဲ့လဲ မရနိုင်ပါဘူး။ ဆင်းရဲ ဒုက္ခရဲ့ အကြောင်း တရားကို ပယ်သတ်နိုင်မှပဲ ရပါတယ်။

စတုတ္ထ အမှန်တရား ကတော့ ဆင်းရဲ ငြိမ်းစေတဲ့ နည်းလမ်းဖြစ်တဲ့ မဂ္ဂသစ္စာပါ။

ဒီဆင်းရဲ ငြိမ်းရေး နည်းလမ်း ကလဲ ဒဿနပညာ သဘောတရားတွေနဲ့ လုံးဝ မသက်ဆိုင် ပါဘူး။ သတ်မှတ် ပေးထားတဲ့ နည်းလမ်း အတိုင်း လက်တွေ့ ကျင့်မှပဲ ရပါတယ်။ ဒီနည်းလမ်း ကလဲ အစမ်းသပ်ခံ နည်းလမ်းပါ။ သိပ္ပံပညာမှာ လိုပဲ ဗုဒ္ဓဘာသာကို ရှင်းပြဖို့လဲ အနန္တ တန်ခိုးရှင် အယူအဆကို လက်ခံဖို့ မလိုပါဘူး။

ဗုဒ္ဓဘာသာ ကိုယ်တိုင်က စကြာဝဠာ ကမ္ဘာလောကြီးရဲ့ အလုပ်လုပ်ပုံကို သဘာဝ နိယာမတွေနဲ့ ရှင်းပြ ထားပါတယ်။ ဒီအချက် အားလုံးက ဗုဒ္ဓဘာသာရဲ့ သိပ္ပံနည်းကျ အနှစ်သာရကို သေချာစွာ ဖေါ်ဆောင် နေပါတယ်။

ဒီမှာလဲ ကျွန်ုပ်တို့ ဗုဒ္ဓမြတ်စွာ အမြဲတစေ ဆုံးမခဲ့တဲ့ အဆုံးအမက ကျွန်ုပ်တို့ဟာ ဘယ်အရာကို မဆို အကန်းယုံ အရမ်းယုံ မယုံမိကြဖို့၊ မေးမြန်း၊ စုံစမ်း၊ စစ်ဆေး၊ စမ်းသပ် ပြီးမှ ကိုယ်တိုင် တွေ့သိ ခံစားရတဲ့ အရာပေါ်မှာ အခြေခံပြီး ယုံသင့်မှ ယုံဖို့ပါပဲ။ ဒီအဆုံး အမမှာ တိကျတဲ့ သိပ္ပံနည်းကျ အမြင် ပါဝင်နေ ပါတယ်။

ရှင်တော်မြတ်ဘုရား ဆုံးမပုံက -
  • ဗျာဒိတ်စကား ဆိုရုံနဲ့ မယုံကြည်ပါနှင့်
  • အစဉ်အဆက် ယုံကြည်လက်ခံလာတာ ဖြစ်ရုံနှင့် မယုံကြည် ပါနှင့်
  • သတင်းကြားနဲ့လဲ မယုံကြည်ပါနှင့် မြင့်မြတ်တဲ့ ကျမ်းစာများမှာ ပါရုံနဲ့လဲ မယုံကြည်ပါနှင့်
  • တဆင့် စကားမျှနှင့်လဲ မယုံကြည်ပါနှင့်
  • စဉ်းစားတွေးခေါ်ရေး တက္ကဗေဒ၊ ဒဿနိကဗေဒတွေနဲ့ ကိုက်ညီရုံမျှနှင့်လဲ မယုံကြည်ပါနှင့်
  • ပြောတဲ့လူက ယုံကြည်ထိုက်တဲ့ ပုဂ္ဂိုလ် ဖြစ်ရုံမျှနှင့်လဲ မယုံကြည်ပါနှင့်
  • မိမိဆရာ ဖြစ်ရုံမျှနှင့်လဲ မယုံကြည်ပါနှင့်
  • သင်ကိုယ်တိုင် ကောင်းတဲ့ အရာပဲ၊ အပြစ်ကင်းတဲ့ အရာပဲ၊ ပညာရှိတို့ ချီးမွမ်းအပ်တဲ့ အရာပဲ၊ လက်တွေ့ ကျင့်ကြည့်တဲ့ အခါမှာလဲ မုချ ချမ်းသာစေနိုင်တဲ့ အရာပဲလို့ ကိုယ်တွေ့ သိမြင်ရတဲ့ အခါကျမှပဲ အဲဒါကို ယုံကြည် လက်ခံ လိုက်နာ ကျင့်ကြံပါ။

ဒါကြောင့် ဗုဒ္ဓဘာသာဟာ ပြည့်ပြည့် ၀၀ သိပ္ပံ နည်းကျတယ်လို့ မဆိုနိုင်သော်လဲ အတော် ခိုင်မာတဲ့ သိပ္ပံနည်းကျ သဘော သဘာဝ တွေတော့ ပါဝင်ပါတယ်။ ပြီးတော့ တခြား ဘာသာ တရားတွေထက် ပိုပြီးသိပ္ပံ နည်းကျတယ်လို့တော့ ပြောနိုင်ပါတယ်။

နှစ်ဆယ် ရာစုနှစ်မှာ အကြီးမြတ်ဆုံး သိပ္ပံပညာရှင် ဖြစ်တဲ့ အဲလ်ဘတ် အိုင်းစတိုင်း က ဗုဒ္ဓဘာသာနဲ့ ပတ်သက်လို့ ဒီလို ပြောပါတယ်။

နောင်တစ်ချိန်မှာ စကြ၀ဠာ တစ်ခုလုံး ကိုးကွယ်ကြတဲ့ ဘာသာတရား တစ်ခု ဖြစ်ပေါ် လာလိမ့်မယ်။ အဲဒီ ဘာသာတရားဟာ ထာဝရဘုရား အယူ အဆကို လွှမ်းမိုး သွားလိမ့်မယ်။ တယ် တရားသေ ၀ါဒကိုလဲ ရှောင်လွှဲနိုင် လိမ့်မယ်။ သဘာဝ တရားနှင့် ဘာသာ တရား နှစ်ခုလုံးကို လွှမ်းခြုံမိတဲ့ ဒီဘာသာ တရားဟာ ရုပ်နာမ်နှစ်ပါးလုံး ကိုယ်တွေ့ ခံစား သိမြင်မှုနဲ့ အဓိပ္ပါယ် ပြည့်ဝတဲ့ ပေါင်းစည်း ညီညွတ်မှုပေါ်မှာ အခြေခံ လိမ့်မယ်။

ဒီအချက်တွေကို ဗုဒ္ဓဘာသာက အဖြေပေးလိမ့်မယ်။ တကယ်လို့သာ ခေတ်သစ် သိပ္ပံနည်းကျ လိုအပ်ချက်များကို ဖြည့်ဆည်းပေးနိုင်တဲ့ ဘာသာ တရား တစ်ခု ရှိတယ် ဆိုရင် အဲဒီ ဘာသာတရားဟာ ဗုဒ္ဓဘာသာပဲ ဖြစ်လိမ့်မယ်။

အရှင်မုနိန္ဒ (ပန်းထော်) ပြန်လည် မျှဝေပါသည်။

Credit: Ven S Dhammika

From : ဖိုးသူတော်

Originally published at - http://www.phothutaw.com/2017/05/blog-post_41.html

Read More »

Sunday, April 02, 2017

ကမ္ဘာ့ အကျယ်ပြန့်ဆုံး မြေကွက် ၀ယ်ယူမှု ဖြစ်ခဲ့တဲ့ အလက်စကာ ဒေသ အကြောင်း




အမေရိကန် နိုင်ငံရဲ့ ၁၇ ယောက်မြောက် သမ္မတ ဖြစ်တဲ့ အန်ဒရူး ဂျွန်ဆင်က အလက်စကာ ဒေသကို ၀ယ်ယူ ခဲ့စဉ်တုန်းက လူအများက သူကို လှောင်ပြောင် ခဲ့ကြပေမဲ့ ယခု အချိန်မှာတော့ ထိုဝယ်ယူ မှုဟာ နိုင်ငံ အတွက် သမိုင်းဝင်တဲ့ လုပ်ဆောင်မှု တစ်ရပ် အဖြစ်ပါ တည်ရှိ ခဲ့တာ ဖြစ်ပါတယ်။

အလက်စကာ ဒေသကို ၁၈၆၇ ခုနှစ် မတ်လ ၃၀ ရက်နေ့မှာ ရုရှားနိုင်ငံမှ အမေရိကန် ဒေါ်လာ ၇.၂ သန်း (မြန်မာငွေ သိန်း ကိုးသောင်း ၈ ထောင်ခန့်) မျှဖြင့် ၀ယ်ယူ ခဲ့တာ ဖြစ်ပြီး ၀ယ်ယူမှုကို ဦးစီးခဲ့တဲ့ အမေရိကန် နိုင်ငံခြားရေး ၀န်ကြီး ၀ီလီယံ အိတ် ဆီဝတ်ရဲ့ ကြိုးပမ်းမှု ကြောင့်လည်း ဖြစ်ပါတယ်။

အလက်စကာ ဒေသကို ၀ယ်ယူခဲ့တဲ့ နှစ်နိုင်ငံ သဘောတူ စာချုပ်ကြောင့် အမေရိကန်နိုင်ငံဟာ စတုရန်း မိုင်ပေါင်း ၅၈၆၀၀၀ မျှ ပိုမိုကျယ်ဝန်း ခဲ့ရတာဖြစ်ပြီး ဒီဧရိယာဟာ တက်ဆက်စ် ပြည်နယ်ရဲ့ ၂ ဆမျှ ရှိတာလည်း ဖြစ်ပါတယ်။ (ကျွန်တော်တို့ မြန်မာနိုင်ငံဟာ ကမ္ဘာမှာ ၄၀ မြောက် ဧရိယာ ကျယ်ပြန့်တဲ့ နိုင်ငံဖြစ်ပြီး စတုရန်း မိုင် ၂၆၁၂၂၈ မိုင် ရှိပါတယ်)

President_Andrew_Johnson


အလက်စကာ ဒေသကို အမေရိကန် နိုင်ငံက ၁ ဧက ကို ၂ ဆင့်ခန့်မျှနဲ့ ၀ယ်ယူနိုင် ခဲ့တာ ဖြစ်ပြီး (100 ဆင့် = ၁ ဒေါ်လာ) ဒီကနေ့ ခေတ် အမေရိကန် နိုင်ငံ အတွက် အလွန် တရာ အကျိုး အမြတ် ရှိစေမဲ့ အလက်စကာ မြေ၀ယ်ယူ မှုကြီးကို ထိုစဉ်က နိုင်ငံရေး သမားများနဲ့ သတင်းစာ များက လှောင်ပြောင် ခဲ့ကြပြီး သမ္မတ ဂျွန်ဆင် လုပ်သမျှကို ကန့်လန့် တိုက်ခဲ့ပြီး အလက်စကာ မြေ၀ယ်ယူမှု ကြီးကို ” ဆီဝတ်ရဲ့ မိုက်မဲမှု ” “Seward’s Folly” လို့တောင် နာမည်ပေး ခဲ့ကြပါတယ်။

ဝယ်ယူမှု ဦးဆောင်ခဲ့သူ နိုင်ငံခြားရေး ၀န်ကြီး william-seward


အလက်စကာ ပြည်နယ်ဟာ အမေရိက ရဲ့ တခြားသော ပြည်နယ် များထက် ဦးစွာ လူများ ၀င်ရောက် နေထိုင် ခဲ့ကြတာ ဖြစ်ပြီး လွန်ခဲ့တဲ့ နှစ် ၁၅၀၀၀ ခန့် ကတည်းက အာရှတိုက်ကို ဖြတ်၍ အလက်စကာ ဒေသမှာ လူများ နေထိုင် ခဲ့ကြောင်း အထောက် အထားများ တွေ့ရှိခဲ့ရပြီး နောက်ပိုင်း ခေတ်မှာတော့ ၁၇၄၁ ခုနှစ် အထိ လူသူ အရောက် အပေါက် မရှိခဲ့သလို အလက်စကာ ဒေသကို ရှိမှန်းလည်း မသိခဲ့ ကြပါဘူး။

သို့ပေမဲ့ ၁၇၄၁ ခုနှစ်မှာ ရုရှား စူးစမ်း လေ့လာသူ တစ်ဦးဖြစ်တဲ့ Vitus Bering က အလက်စကာ ဒေသကို ပထမဆုံး ရောက်ခဲ့သူဖြစ်ပြီး ရုရှား ဇာဘုရင်များရဲ့ ပိုက်နက် ဖြစ်တယ်ဆိုပြီး နယ်မြေ သတ်မှတ် ခဲ့တာ ဖြစ်ပါတယ်။

အလက်စကာ ပြည်နယ် ၀ယ်ယူခြင်း စာချုပ် ချုပ်ဆိုနေစဉ်


သို့ပေမဲ့ ၁၇၈၄ ခုနှစ် အထိ အလက်စကာ ဒေသမှာ ရုရှား လူမျိုး ရာဂဏန်း မျှသာ နေထိုင် ကြပြီး အမေရိကန် အခြေချသူ များသာ များနေတဲ့ အတွက် ရုရှား အာဏာပိုင် များက အလက်စကာ ဒေသကို အမေရိကန်တွေ သိမ်းယူ သွားမှာကို စိုးရိမ်လာ ကြပါတယ်။

ဒီလိုနဲ့ နောက်ပိုင်း ကာလ များမှာ ဇာဘုရင်ရဲ့ အစ်ကို ဖြစ်သူကတောင် အလက်စကာ ဒေသဟာ မလိုအပ်ဘူးလို့ ယူဆခဲ့တဲ့ အတွက် ၁၈၅၀ ခုနှစ်မှာ အမေရိကန်နိုင်ငံနဲ့ ရုရှားနိုင်ငံတို့ အလက်စကာ ပြည်နယ် ရောင်းဝယ်ရေး အတွက် ဈေးညှိနှိုင်းရေးများ စတင် လုပ်ဆောင် ခဲ့ပါတယ်။

ဒေါ်လာ ၇.၂ သန်းတန် ချက်လက်မှတ်


အလက်စကာ ဒေသဟာ သမ္မတ အေဗရာဟမ် လင်ကွန်း လက်ထက်မှာ ကတည်းက ဈေးစကား စပြော ခဲ့ကြတာ ဖြစ်ပေမဲ့ နောက်ပိုင်း အမေရိကန် ပြည်တွင်းစစ် ဖြစ်ပွားလာတဲ့ အတွက် ဆွေးနွေး မှုတွေ ခေတ္တ ဆိုင်းငံ့ သွားခဲ့ ပါတယ်။

သို့ပေမဲ့ ပြည်တွင်းစစ် ပြီးလို့ သမ္မတ လင်ကွန်း ကွယ်လွန် အပြီးမှာ သမ္မတ ဂျွန်ဆင် တက်လာခဲ့ပြီး နိုင်ငံခြားရေး ၀န်ကြီး ဆီဝတ်က အလက်စကာ ပြည်နယ် ရောင်းဝယ်ရေးကို ဦးဆောင် ခဲ့တာဖြစ်ပြီး ၁၈၆၇ ခုနှစ် မတ်လ ၃၀ ရက်နေ့မှာ ရွှေသား အမေရိကန် ဒေါ်လာ ၇.၂ သန်းနဲ့ အလက်စကာ ဒေသကို ၀ယ်ယူ ခဲ့တာ ဖြစ်ပါတယ်။

ယနေ့ အလက်စကာ


ပြီးခဲ့တဲ့ မတ် ၃၀ ရက်နေ့ဟာ အမေရိကန်နိုင်ငံအနေနဲ့ အလက်စကာဒေသကို ရုရှားနိုင်ငံမှ ၀ယ်ယူခဲ့တာ နှစ်ပေါင်း ၁၅၀ ပြည့်ခဲ့ပြီး ယနေ့အချိန်မှာတော့ အလက်စကာဒေသမှာရှိတဲ့ မြို့တွေ၊လမ်းတွေ၊ကျွန်းတွေ အားလုံးကို အလက်စကာမြေ၀ယ်ယူမှု ဦးဆောင်ခဲ့သူ ဆီးဝတ်ကို ဂုဏ်ပြုပြီးမှည့်ခေါ်ထားကြပါတယ်။

Ref : History

From : SHWEMOM by arkarhein

Originally published at - http://www.shwemom.com

Read More »

Sunday, December 04, 2016

ပူသော ဗိုက် ကို ဒီလိုချမယ်…




ဗိုက်

အဆီ တွေဟာ ခန္ဓာကိုယ် တခုလုံးမှာ ဘေးရန် အပေးဆုံးပါ။

အလှပျက်တယ် ဆိုတာထက် တုတ်နေသော ခါး (ပူနေသောဗိုက်) ဟာ ရောဂါ ဖြစ်လွယ်တဲ့ လက္ခဏာ ပိုင်ဆိုင်သူလို့ ခေါ်လို့တောင် ရပါတယ်။

အဲဒီတော့ ကျန်းမာ ပေါ့ပါး ချင်သူတိုင်း ဗိုက် အဆီလျှော့ဖို့ စဉ်းစား သင့်တယ် ဆိုပါတော့။

ဒီနေရာမှာ အိပ်ထမတင် လုပ်ရုံ နဲ့တော့ အလုပ်ဖြစ်မှာ မဟုတ်ပါဘူး။ ဗိုက် အဆီက ဘယ်လို စုလာတယ် ဆိုတာကို သဘောပေါက် သွားရင်တော့ ချက်ကောင်းကို မိသွားမှာပါ။ တကိုယ်လုံးက အဲလောက် မဝတာတောင် ဗိုက်က ပုံ့ပုံ့ကလေး ပူနေရတဲ့ အကြောင်းကို အကျဉ်းလေး ရှင်းပြ ပါ့မယ်။

ဆေးပညာ ပညာရပ် ဆိုင်ရာ စကားနည်းနည်း ပါပေမယ့်။ ဒီနှစ်ကြောင်းလောက် ကိုတော့ အနည်းငယ် သီးခံ ဖတ်ပေးပါ။ (လုံလောက်တဲ့ ဗဟုသုတ မပါဘဲ အဆီကျဖို့ နည်းလမ်း မသိနိုင် လို့ပါ။)

အကြောင်းရင်း -


ကျွန်ုပ်တို့ ကိုယ်ထဲမှာ ရှိတဲ့ cortisol level (ကော့တစ်ဆို ပမာဏ) မြင့်လာတာနဲ့ ဗိုက်အဆီတွေ စုပုံလာတော့ တာပါပဲ။ အဲဒိ cortisol က ဘာလို့ မြင့်လာ တာလဲ၊?

အဓိက တရားခံကို ပြခိုင်း ရင်တော့ စိတ်ဖိစီးမှုလို့ ပြောရမှာပါ။

လူတယောက် အလုပ်ကြောင့်၊ ပတ်ဝန်းကျင် ဆက်ဆံရေး..တစ်ခု ခုကြောင့် စိတ်ဖိစီး နေပြီဆိုရင် cortisol က ထကြွ ပွားများ လာပြီး ကယ်လိုရီတွေ လောင်ကျွမ်းပေးတဲ့ ကြွက်သား တွေကို ဖျက်ဆီး လိုက်ပါတယ်၊ ပြီးရင် ဝမ်းဗိုက် တစ်ဝိုက်မှာ အဆီတွေ သိုလောင်အောင် ဖန်တီး လိုက်ပါတယ်။

ဒါကြောင့် စိတ်ဖိစီးမှုက အဓိက ရှင်းလင်းရမယ့် ဆရာကြီး ဆိုပါတော့။

စိတ်ဖိစီးမှု ဆိုတာကလဲ နေရထိုင်ရ အဆင် မပြေမှု ကြီးမား လာတာနဲ့ ရောက်ရောက် လာတတ် တာပါ။

အကြောင်းရင်း ဗဟုသုတကို အရင် မရှာဘဲနဲ့  ဒီအတိုင်း ပိန်အောင် စားနေ ကျထက် အစား လျှော့စားတာ။ ညစာ လုံးလုံး မစား တာမျိုး တွေက စိတ်ဖိစီးမှုကို အဆိုးဆုံး အဆင့်ထိ ဖြစ်စေ ပါလိမ့်မယ်။

ဗိုက်ဆာလေ..စားဖို့ သီးခံနေ ရလေလေ..စိတ်ဖိစီးလေ။ စိတ်ဖိစီးလေ cortisol မြင့်ပြီး ဗိုက်အဆီ စုလေ ဖြစ်မှာပါ။

အဲဒီတော့ ကိုယ့်မှာတော့ သီးခံပြီး အစာ မစားဘဲ နေလိုက်ရ ပေမယ့် ဗိုက်ပူပူလေးက မပြောင်းမလဲ ကျန်နေတာ မျိုးတွေ ကြုံပါလိမ့်မယ်။

အဲတော့ အခုဖော်ပြမယ့် ၆ချက်(လုံး)ကို လိုက်နာပါ။

အသိဥာဏ်ကြီးကြီးနဲ့ ဗိုက်အဆီကိုအောင်မြင်စွာ ချနိုင်သူ အဖြစ်ခံယူပါ။

အချက်၆ချက်က ဘာတွေလဲ မှတ်သားကြရအောင်-

၁။ ။ အိပ်စက်ပါ။
ညဉ့်နက်တဲ့ အထိကို မအိပ်ဘဲ နေဦးမယ် ဆိုရင် သင်သေချာ ပြန်စဉ်းစားပါ။ အိပ်ရေး မဝဘူးဆိုရင် ပင်ပန်းနေပြီး. အချိုနဲ့ အခြား အဆီ တက်စေမယ့် အစာတွေကို
ခန္ဓာကိုယ်က တောင့်တ စေပါမယ်။ ပြီးတော့ အိပ်ရေး မဝတာဟာ ခုနကပြောခဲ့တဲ့ cortisolတွေကို မြင့်စေ ပါသေးတယ်။

ဒါကြောင့် အိပ်စက်ဖို့ ကို နံပါတ် ၁ ပြောရ တာပါ။ တညကို ၇နာရီအိပ် တာ အကောင်း ဆုံးပါပဲ။

၂။ ။ကိုယ်လက်လှုပ်ရှားမှုလုပ်ပါ။
တညကို အိပ်ထ မတင် လေ့ကျင့်ခန်း အခါ ၁၀၀၀ လောက်လုပ်တယ် ဆိုရင် ဗိုက်ကြွက်သားတွေ တက်လာ စေမှာမှာပါ။ ဒါပေမယ့် အဲဒီပေါ် မှာတော့ အဆီ တလွှာက အရင်အတိုင်းကျန်နေ ပါဦးမယ်။ အဲဒီ အိပ်ထမတင် နည်းလမ်းတွေထက် စာရင် နေရာအနှံ့က ကြွက်သားတွေ လုပ်ရှားတဲ့ လေ့ကျင့်ခန်း ကိုသာ လုပ်ဖို့ တိုက်တွန်း ချင်ပါတယ်။

လမ်းလျှောက်တာ ပြေးတာမျိုး ဆိုရင် ကောင်းပါတယ်။ အပြင်မထွက်နိုင်လို့ အခန်းထဲမှာပဲ လေ့ကျင့်ခန်း လုပ်ချင်တယ် ဆိုရင် Planking ဆိုတဲ့ လေ့ကျင့်ခန်းမျိုး လုပ်ပါ။ Planking ဆိုတာ ခန္ဓာကိုယ်ကို မှောက်ရက် နေပြီး တံတောင်ဆစ်၊ ခြေဖျားထိပ်နဲ့ ထောက်ထားပြီး လုပ်တာမျိုးပါ။ သိချင်သူများ အတွက် ကိုယ်တိုင် အင်တာနက်မှာ ရှာကြည့်နိုင် သလို အခွင့်သင့် ရင် ဗီဒီယို တင်ပေး ပါ့မယ်။

၃။ ။သကြားကို ရန်သူလို့မှတ်ပါ။
ဗိုက်အဆီကို တိုက်ဖျက်ရာမှာ အစား ဆင်ခြင်တာက ၈၀ ရာခိုင်နှုန်း၊ လေ့ကျင့် ခန်းက ၂၀ ရာခိုင်နှုန်းနဲ့ တိုက်ခိုက် ရတယ်ဆိုတာ သဘောပေါက် နေဖို့ လိုပါတယ်။
လေ့ကျင့်ခန်းပဲ လုပ်ပြီး အစားအသောက် ဂရုမစိုက်ရင် အလကားပါပဲ။ ကျန်းမာရေး မညီညွတ်တဲ့ သရေစာထက် စာရင် အသားဓာတ်၊ ဟင်းသီး ဟင်းရွက်၊ အစေ့အစံ တွေကို အစားထိုးပါ။

ဥပမာ..အချိုတစ်ခုခုတောင့်တနေရင် ချိုတဲ့ သဘာဝ အသီးကို စားပါ။ ကော်ဖီသောက်ရင် သကြား မပါသလောက်ကို သုံး ပါ။ ဒါမှမဟုတ် ကယ်လိုရီလျှော့ ထားတဲ့ သကြားရှိရင် အဲဒါကို သုံးပါ။

၎။ ။ဗီတာမင် C လိုအပ် ပါတယ်။
သင် စိတ်ဖိစီးမှု ကြီးစိုး လာရင် cortisol တွေ ထုတ်လွှတ်တော့ တာပါပဲ။ ဗီတာမင်C က cortisol တွေကို အလွန်အကျွံ မဖြစ်ရအောင် ထိန်းပါ လိမ့်မယ်။ ဗီတာမင် C ရဲ့ နောက်ထပ် ကောင်းတဲ့ အချက်က ဖျားနာခြင်း ကိုလဲ ကာကွယ် တတ်ပါသေးတယ်။ ဒါကြောင့် စိတ်ဖိစီး လွန်းလာရင် ဗီတာမင် C စားသုံးမှုကို မြှင့်ထားပါ။ ဗီတာမင်စီ မှာနာမည်ကြီး တာကတော့ လိမ္မော်သီးပါ။ ပန်းငရုတ်ပွ၊ ကိုက်လန် နဲ့ ကီဝီသီးကို လဲ စားကြည့်ပါ။ အဲဒီ့သုံးခုက နာမည်ကြီး လိမ္မော်သီး ထက်တောင် ဗီတာမင် C တွေပါနေ ပါတယ်။

၅။ ။အဆီစားပါ။
ဟုတ်ပါတယ်။ မှားဖတ်မိတာမဟုတ်ပါဘူး အဆီစားပါလို့ ပြောတာပါ။ အဆီပိုတွေ လောင်ကျွမ်းဖို့ အဆီဓာတ်လိုပါတယ်။ အထက်မှာပြောခဲ့သလို သကြားက အဆီပိုတွေဖြစ်စေပါတယ်။ အဆီဓာတ်ကို မရစေပါဘူး။ အဆီဓာတ် (ကောင်းတဲ့ အဆီဓာတ် Omega 3) က ဘယ်က ရသလဲဆိုရင် ဆော်လမွန်ငါး၊
ထောပတ်သီး နဲ့ သစ်ကြား သီးတွေက ရနိုင် ပါတယ်။ ဒါကြောင့် အဆီဓာတ်(Omega 3)လဲ စားသုံးဖို့လိုက်နာပါ။

၆။ ။အသက်ရှုနှုန်း ကိုမမြန်အောင်နေပါ။
ဝင်သက် ထွက်သက်ကို ခပ်ရှည်ရှည် ထားတာဟာ အလွန် လွယ်ကူ လှပါတယ်။ အလုပ်လဲ မပျက် ပါဘူး။ စိတ်တွေ တင်းကြပ် လာတယ်။ စိတ်ဖိစီးလွန်း လာတယ် ဆိုရင် ဝင်သက် ထွက်သက် တွေ အလွန်တိုလွန်း မြန်လွန်းနေ တတ်ပါတယ်။

ဝင်သက် ထွက်သက်မှာ သတိလေးနဲ့ ထားနိုင်မယ် ဆိုရင် ဝမ်းဗိုက်ရော ကိုယ့်ကိုယ် ကိုရောကို အလွန် တရာ သက်တောင့် သက်သာ အခြေအနေမှာ ထားနိုင် ပါလိမ့်မယ်။ ဝင်သက် (ရှုသွင်းခြင်း) ထက် ထွက်သက် (ရှုထုတ်ခြင်း) ကို ခပ်ရှည်ရှည် ထားခြင်းဟာ အကောင်းဆုံး အခြေအနေပါပဲ။ ဒါဟာ ကိုယ့်ကိုယ်ကို တင်းကြပ်မှု ကနေ သက်သာစေပြီး..စိတ်ဝင်းစားဖွယ် အကျိုးကို ပေးပါလိမ့်မယ်။

ကဲ အခုပြော ခဲ့တဲ့ အချက်တွေ အကုန်လုံးကို ယနေ့က စပြီး အကုန် လိုက်နာ ကြည့်ပါ။ အောင်မြင် ပါလိမ့်မယ်။ ဖန်တရာထေအောင် ကြားဖူးနေကျ အချက်တွေနဲ့ ကွာခြားကောင်း ကွာခြားနိုင်ပေမယ့် ယခုအချက်တွေဟာ အလွန်ရိုးရှင်းပြီး..အံ့သြဖွယ်အကျိုးကိုပေးမှာပါ။ ဇွဲနဲ့ မဖောက် မပြား လိုက်နာ ဖို့တော့လိုပါတယ်။ အားလုံး ဗိုက်အဆီပိုကို အောင်မြင်စွာ တိုက်ထုတ်နိုင်ပါစေ။

PS. အိပ်ထမတင် အခါ ၁၀၀၀ မလုပ်သင့်ပါ။ စကားအဖြစ်ပြောတာပါ။ အခါ ၁၀၀၀ လုပ်မယ့်အစား တကိုယ်လုံးလှုပ်ရှား တဲ့ လေ့ကျင့်ခန်း တစ်မျိုး ကိုလည်း လုပ်ပါလို့ ပြောခြင်းပါ။

Credit : ကျန်းမာရေးဗဟုသုတ

From : Lwin Pyin

Originally published at - http://www.lwinpyin.com/2016/12/healthy.html

Read More »

Friday, June 10, 2016

အဲကွန်းခြင်ထောင်နဲ့ ပူအိုက်တဲ့ညတွေကို ဖြတ်သန်းကြမယ်




မိုးရာသီလို့ ဆိုပေ မယ့်လည်း မိုးမရွာတဲ့ နေ့တွေမှာတော့ ပူစပ် ပူလောင်လိုလို ခံစားနေ ရတုန်းပါပဲ။ နွေရာသီ တုန်းကလဲ တချို့ညတွေ ပူလွန်းလို့ အိပ်မရတဲ့ ညတွေ ရှိကြ ပါလိမ့်မယ်။ ပူလွန်းတဲ့ ညတွေမှာ အဲကွန်း ရှိသူတွေက အဆင်ပြေနိုင် ပေမယ့် အဲကွန်း မရှိသူတွေ၊ တချို့အဲကွန်း တပ်ဖို့ အဆင်မပြေ သူတွေအနေနဲ့ တော်တော်ကို ဆိုးဝါးတဲ့ ညတွေ ဖြစ်ခဲ့မှာပါ။

ရာသီဥတုက ပူ၊ ဒီကြားထဲ လူက တနေကုန် အလုပ်လုပ်ရ၊ ကျောင်းစာတွေကျက်ရနဲ့ ပင်ပန်းပြီး အိမ်ပြန် အိပ်ယာဝင်ချိန် အိပ်ယာထဲရောက်တာတောင် မအေးသေးတဲ့ ညတွေက တကယ်တော့ ဆိုးလွန်းလှပါတယ်။

ဒီလို ပူတဲ့ညတွေကို အေးအေးမြမြနဲ့ ကျော်လွန်နိုင်ဖို့ နံရံအပေါက်ဖောက်စရာမလို၊ နေရာအကျယ်ကြီးမလိုပဲ အလွယ်တကူ အသုံးပြုနိုင်မယ့် အဲကွန်းခြင်ထောင်လေးနဲ့ မိတ်ဆက်ပေး ချင်ပါတယ်။

အဲကွန်းခြင်ထောင်ဆိုလို့ အထူးအဆန်းတော့ဖြစ်နေပါလိမ့်မယ်။

သူက ခြင်ထောင်မှာ အဲကွန်းတပ်စရာ ပုံစံအပေါက် ပါဝင်ကာ အဲကွန်းကို ခြင်ထောင်မှာ တပါတည်း တပ်ဆင်ထားပြီး ခြင်ထောင်ထောင်လိုက်ရုံနဲ့ အဲကွန်းရဲ့အေးမြတဲ့အရသာကို ရရှိမှာပါ။



ပုံမှာ မြင်တွေ့ရတဲ့အတိုင်းပါပဲ။

ဒီ အဲကွန်းတွေဟာ သာမန်အဲကွန်းတွေလို မီးအားအများကြီးမလိုဘဲ ဘတ္ထရီအိုးနဲ့ အသုံးပြုလိုပါက 500W အင်ဗာတာခံပြီး အသုံးပြုနိုင်တယ်လို့ သိရပါတယ်။ ခြင်ထောင်မပါဘဲ အသုံးပြုမယ်ဆိုရင်လည်း ၁၅ ပေ ပတ်လည် တခန်းစာ အေးအောင် အသုံးပြုနိုင်ပါတယ်။ ဆိုလိုတာက ခြင်ထာင်ကိုဖြုတ်ပြီး အဲ့ကွန်းချည်း သက်သက် အသုံးပြုနိုင်တယ်လို့ ဆိုလိုတာပါ။ တခြားအဲကွန်းတွေလိုပဲ ရေထွက်ပေါက်ပါတာမို့လို့ ပိုက်နဲ့ သွယ်ပြီးအပြင်ထုတ်ထားရမှာပါ။ အောက်တွင် ရေခွက်ခံထားလည်း ရပါတယ်။ ရေခဲတုံးထည့်ရတဲ့ air-cooler မဟုတ်ဘဲ air-con အစစ်ဖြစ်ပါတယ်။

ကွန်ပရက်ဆာပါတဲ့ အဲ့ကွန်း၊ ရေခဲသေတ္တာတို့ရဲ့ထုံးစံအတိုင်း ဝယ်လာပြီး အိမ်ရောက်ရောက်ချင်း တန်းမဖွင့်ဘဲ ၁၅ မိနစ်ခန့် အငြိမ်ထား နေရာချပြီးမှ ဖွင့်ရပါမယ်။ ကွန်ပရက်ဆာထဲမှာ လည်ပတ်နေတဲ့ ဆီများ နေသားတကျမဖြစ်သေးချိန် ဖွင့်မိပါက ပိုက်လိုင်းများထဲသို့ အဆိုပါ ဆီများဝင်ရောက်ပြီး အအေးဓာတ် နည်းသွားနိုင်ပါတယ်။

“ပစ္စည်းက တရုတ်က လာတာပါ။ တခြားအဲကွန်းတွေနဲ့ သိပ်မကွာပါဘူး။ သူကတော့ နံရံတွေဘာတွေမလိုဘဲ ခြင်ထောင်ထဲမှာ ဒီတိုင်း တပ်ထားရုံနဲ့ အဆင်ပြေတာပေါ့နော်။ မီးအားအတက်အကျမှာတော့ နည်းနည်း အန္တရာယ်ရှိပါတယ်။ ဒါကလည်း safe guard နဲ့ သုံးရင် အဆင်ပြေပါတယ်။ ကျန်တာတွေကတော့ ဘာမှ ဘေးထွက်ဆိုးကျိုးမရှိပါဘူး” လို့ Lai Lai electronic store မှ ကိုမင်းမင်းက ဧရာဝတီကို ပြောပါတယ်။

ဈေးနှုန်းက တယောက်အိပ်ကို ၂၃၀၀၀၀ ကျပ်၊ နှစ်ယောက်အိပ်ကို ၂၅၀၀၀၀ ကျပ်ဖြစ်ပါတယ်။ ဒီ အဲကွန်းလေးတွေကို အွန်လိုင်းကနေပဲဖြစ်ဖြစ်၊ အမှတ်(125)B1၊ မင်္ဂလာသိဒ္ဓိလမ်း၊ ကြည်စုရပ်ကွက်၊ ဒေါပုံမြို့နယ်၊ ရန်ကုန်မြို့။ နန်းထိုက် အီလက်ထရောနစ် စတိုးမှာလည်း ဝယ်ယူနိုင်ပါတယ်။

ဧရာဝတီ by Hsu Wai Linn

Originally published at - http://burma.irrawaddy.com/lifestyle/2016/06/09/116027.html

Read More »

Thursday, May 12, 2016

မမျှော်စိတ်နဲ့ လှူလိုက်ပါ




" တပည့်တော်တို ရန်ကုန် ကတောင် လာဖူး ရတာပါ ဘုရား..." ဟု အစချီလျက် ဟောဒါက ဘာလေးပါ ဘုရား၊ ညာလေးပါဘုရား၊ နိုင်ငံခြားက တပည့်တော်သား၊ သမီး ပို့လိုက်တဲ့ ရှားရှား ပါးပါး အသုံး အဆောင် လေးပါ ဘုရား၊ မေတ္တာပို့ပေး ပါဦးဘုရား စသည်ဖြင့် ဖွဲ့ဖွဲ့ နွဲ့နွဲ့ လျှောက်ထား လာသူများအား

"ဟောဗျာ၊ ရန်ကုန်မှာ သံဃာမရှိတာ ကျလို့ဗျား၊

ကိုယ့်အိမ်ရှေ့ဆွမ်းလာရပ်တဲ့ သံဃာ လှူလိုက်တော့ကော ကုသိုလ် မရလို့လားဗျ....

အင်၊ ခင်ဗျားတို့ ဒီလို ပုဂ္ဂိုလ်စွဲနဲ့သာ လှူနေရင် ငါစွဲ၊ ငါ့ပစ္စည်းစွဲ ဆိုတဲ့ တဏှာမာန ဒိဋ္ဌိတွေက ဘယ်တော့ လွတ်မတုန်းဗျ။ ငါတော့ ဘယ်ဆရာတော် ကြီးကို ဘာလှူ လိုက်ရတာ ဆိုတဲ့ စွဲစိတ်တွေ၊ ပျော်စိတ်တွေ၊ ဒီလိုလှူလိုက်ရလို့ နောင်ဘဝကျ၊ ငါဘာဖြစ်မှာ ဆိုတဲ့ အမျှော်စိတ်တွေနဲ့ လှူနေသမျှ ခင်ဗျားတို့ ဒါနအကျိုးပေး မစင်ကြယ်သေး ဘူးလို့ မှတ်ဗျာ...။

အကျိုးပေးမှ မစင်ကြယ်သေးရင် မဂ်ဖိုလ်နိမ္ဗာန်ဆိုတာ ဝေးသေးဗျ။ ပြီးတော့ တို့ကို တစ်ကျပ်ဖိုး အထင်ကြီးရင် တခြားသံဃာကို တစ်ကျပ်ဖိုး အထင်သေး သလို့ ဖြစ်နေတတ်တဲ့ သဘောကိုရော ဆင်ခြင် မိကြရဲ့လာဗျာ...။ ဟုတ်ဗျား...။

သံဃာဆိုတာ မြတ်စွာဘုရားနဲ့ အမြင်တူ အကျင်တူလို့ သံဃာခေါ်တာဗျ...။

ဟာ...ဘယ်သံဃာတော့ဖြင့် ကြည်ညိုစရာမကောင်းလို့ မလှူဘူးမလုပ်ပါနဲ့...။ မကောင်းတာ သူ့အပိုင်း၊ သူ့အပြစ်သူခံလိမ့်မယ်...။ ခင်ဗျားတို့ကောင်းတာလုပ် ကောင်းတာဖြစ်မှပေါ့....။

ဟုတ်ဗျား လှူတတ်မယ်ဆိုရင် ဆွမ်းကလေးတစ်ဇွန်းနဲ့လည်း တစ်ပြည်လုံး၊ တစ်ကမ္ဘာလုံးကသံဃာတွေကို လှူလို့ရပါတယ်ဗျ၊ သံဃာလို့ဆိုလိုက်တာနဲ့ ဒီနေ့မှ ရှင်ဖြစ်တဲ့သံဃာကနေ ဘုရားရဟန္တာတွေအထိ အကုန်ပါတယ်ဗျ၊ တို့ ဘာနဲ့တူလဲဆိုတော့ ဒီနေ့မှ စစ်ထဲဝင်တဲ့ ရဲဘော်အသစ်ကနေ ဟိုဗိုလ်ချုပ်ကြီးအထိကို စစ်တပ်လို့ခေါ်သလိုပေါ့...။

သံဃာလည်း ဒီနေ့မှ သင်္ကန်းစဝတ်သူကနေ ဘုရားရဟန္တာတွေအထိဆိုတော့ နည်းသလားဗျ...။ သက်တော်ထင်ရှားတွေရော၊ ပရိနိဗ္ဗာန်ပြုသွားတဲ့ ဘုရားရဟန္တာတွေရော အားလုံးအကျုံးဝင်တယ်ဗျ...၊

ဒါ့ကြောင့် လှူတတ်မယ်ဆိုရင် ပုဂ္ဂိုလ်စွဲကင်းကင်းနဲ့သာလှူ၊ အိမ်ရှေ့ဆွမ်းရပ်တဲ့ ကိုယ်တော်သပိတ်ထဲ ဆွမ်းလေးတစ်ဇွန်းလောင်းပြီး သံဃာ့ဂုဏ်များ အာရုံပြုနေရင်ဗျာ နိဗ္ဗာန်မှာ စံတော်မူနေတဲ့ ဘုရားရဟန္တာပေါင်း မရေမတွက်နိုင်အောင်ထိ လှူပြီးဖြစ်ပါတယ်ဗျာ....။

ဒါနပြုတယ်ဆိုတာ ငါစွဲဖြုတ်နေတာ ငါပိုင်တယ်ဆိုတာတွေကို စွန့်လွှတ်ပေးလှူပစ်တာ၊ လိုချင်မှု သိမ်းပိုက်မှုဆိုတဲ့ တဏှာလောဘတွေကို ဒါနနဲ့ခွာချနေတာ၊ ရင်ဝမှာစူးနေတဲ့လှံကို ဆွဲနုတ်ပစ်လိုက်တာ ငါ ဒီလို အလှူကြီး လှူလိုက်လို့ နောင်ဘဝ ဘယ်လိုကောင်းစား ဦးမှာဆိုတဲ့ အမျှော်စိတ်နဲ့ လှူနေရင် နောက်ထပ် စိုက်ဝင် စူးဝင်လာမယ် လှံတွေကို ရင်ကော့ပြီး ခံနေသလိုဖြစ်မှာပေါ့...။

ငါးကြီးကြီးလိုချင်လို့ ငါးသေးသေးကို ငါးစာလုပ်မျှားချိတ်မှာ တပ်မျှားသလို ဖြစ်မှာပေါ့....။ ဒီလိုအလှူမျိုးလှူတိုင်း မကောင်းဘူး။ ကုသိုလ်လိုချင်လို့လုပ်တာ အကုသိုလ်ပဲများမယ်...၊

ကျောင်းကြီးဆောက်လှူပါရဲ့၊ ငါ့ကျောင်းလို့စွဲနေရင် ကိုယ့်ကျောင်းကိုယ်ပြန်စောင့်ရလိမ့်မယ်...။ ဘုရားတည်ပြီး ဘုရားဒကာဘွဲ့ထူကြီးတော့ ခံယူပါရဲ့၊ ငါ့ဘုရားလို့စွဲနေရင် အဲဒီဘုရား ပြန်စောင့်နေရလိမ့်မယ်...။ ငါ့ဆရာတော်လို့စွဲနေရင် ဆရာတော့်ကျောင်းနား ပြိတ္တာကြီးလာဖြစ်လိမ့်မယ်ဗျ....။

တို့ကျောင်းနားလာကပ်လို့ကတော့ ကျောက်ခဲပရိတ်မန်းပြီး ထုလွှတ်မှာဗျနော်....၊ ဟုတ်လား...။

လဲတယ်ဆိုတာ သူတကာခြေထိုးလို့ လဲတာမဟုတ်ဘူး၊ ကိုယ့်ပုဆိုးစ ကိုယ်တက်နင်းမိလို့ လဲကြတာဗျ...။

ဗုဒ္ဓဘာသာမှ လှူသလားဗျာ၊ လူဖြစ်မှ လှူကြသလားဗျာ၊ တိရစ္ဆာန်တွေရော၊ ဘာသာခြားတွေရော ဒါနပြုနေကြတာပါပဲ။

ဟော...ခွေးအိုမကြီးဗျာ၊ သူ့သားသမီးတွေ နို့တိုက်ကျွေးမွေးလို့ ဒါနမပြုဘူးလားဗျာ။ ဒီခွေးမကြီးအလှူကမှာ ဘာမျှော်စိတ်မှ မရှိလို့ မေတ္တာစစ်နဲ့ ယှဉ်ပြီး ပေးကျွေးတဲ့ ဒါနဖြစ်လို့ မြတ်သေးဗျာ၊

တို့လူတွေများ အလှူလေးလုပ်ပြီးတာနဲ့ တောင်းလိုက်တဲ့ဆု၊ ဒီဘဝ ဘာဖြစ်ရပါစေ၊ နောက်ဘဝ ဘာဖြစ်ရပါစေနဲ့ နိဗ္ဗာန်က နောက်ဆုံးမှပါဗျာ....။ ဟော....ဒိပြင်ဘာသာဝင်တွေလည်း လှူတာကောင်းမှန်သိလို့ လှူနေကြတာပါပဲ၊ ဒါနခင်းချဉ်းကပ်မိတာပါပဲ...။

ဒါပေမဲ့ ငါ, ငါစွဲအတ္တ၊ ပစ္စည်းမာန၊ ပုဂ္ဂိုလ်စွဲတွေရှိနေသမျှ ပါရမီမြောက်တဲ့ဒါန မဖြစ်ဘူး၊ စွန့်လွှတ်ခြင်းအစား တစ်ဖန်ပြန်လည်ရယူရေးကို ဦးတည်နေလို့ ပါရမီဆိုတဲ့စကားနဲ့တော့ ဖီလာကန့်လန့်ချည်းပဲ...။

ပါရမီဒါနဆိုတာ လှူဆဲကာလ ဉာဏ်ယှဉ်ပါမှဗျ...။ အဲဒီတော့ ငါစွဲ၊ ပုဂ္ဂိုလ်စွဲ၊ ပစ္စည်းစွဲတွေအစား ငါလည်းမမြဲ၊ ပုဂ္ဂိုလ်လည်းမမြဲလို့ ဆင်ခြင်ပြီးလှူနိုင်ပါမှ မဂ်ဖိုလ်နိဗ္ဗာန်ရဲ့ အကြောင်းအထောက်အပံ့ဖြစ်တယ်ဗျ....။ ။

"ကြည့်သောသူသည် မြင်၍ မြင်သောသူသည် ဆင်ခြင်၏..."

《မဟာဗောဓိမြိုင်ဆရာတော်ဘုရားကြီး)

မေတ္တာဖြင့်မျှဝေသူ

ရွှေညာသား

Originally published at - hthttps://www.facebook.com/ဓမ္မရတနာ

Read More »

Monday, November 23, 2015

မြေငလျင်




ကမ္ဘာ့မြေကြီး အောက်ရှိ ကျောက်လွှာများ ရုတ်တရက် ကျိုးပြတ်ရွေ့လျား မှုကြောင့် ဖြစ်ပေါ် လာသော မြေသားများ ပြင်းထန်စွာ တုန်ခါခြင်းကို မြေငလျင် လှုပ်ခြင်း ဟုခေါ်သည်။

ငလျင်လှုပ်ရခြင်း အကြောင်းရင်း

မြေအောက်ကျောက်လွှာများ လှုပ်ရှားမှု (အဖြစ် အများဆုံး၊ အပြင်းထန်ဆုံး၊ ပျက်စီး ဆုံးရှုံးမှု အများဆုံး)

မီးတောင် ပေါက်ကွဲ ခြင်းကြောင့် ကမ္ဘာ့မြေထု ချပ်ကြီးများ တစ်ခုနှင့် တစ်ခု တွန်းကန်မှု (သို့) ကျွံကျ နိမ့်ဆင်းမှု (ဖျက်ဆီးအား ပြင်ထန်လေ့ မရှိ)၊ ဖေါက်ခွဲမှု ကဲ့သို့သော ပေါက်ကွဲ အား ပြင်းထန်သည့် လူတို့ လုပ်ဆောင်မှု

ငလျင်ရပ်ဝန်းဒေသ

ဟိမ၀န္တာတောင်တန်း ငလျင်ရပ်ဝန်းဒေသနှင့် ဆက်စပ်နေသော မြန်မာနိုင်ငံ ငလျင်ဘေး ဖြစ်ပွားစေသော ငလျင် ကြောများမှာ-
  • ကချင်ပြည်နယ် ပူတာအို အနီးမှ စတင်ခဲ့ပြီး ဧရာဝတီ မြစ်ကြောင်း အတိုင်း ဆက်ဆင်း လာ၍ စစ်တောင်း မြစ်ဝှမ်းကို ဖြတ်ပြီးနောက် မုတ္တမ ပင်လယ်ကွေ့ အတွင်း ၀င်ရောက်သွားသည့် စစ်ကိုင်းပြတ်ရွေ့
  • စစ်ကိုင်းတိုင်း ဒေသကြီး ကလေးဝ အနီး တောင် မြောက်တန်းလျက် တည်နေသည့် ကဘော်ပြတ်ရွေ့
  • ပြင်ဦးလွင် အနီးမှ စတင်၍ တောင်ကြီးမြို့ အနီးတိုင် တောင်မြောက် တန်းလျှက် တည်နေသည့် ကျောက်ကြမ်းပြတ်ရွေ့
  • ရှမ်းပြည်နယ် မြောက်ပိုင်း အရှေ့၊ အနောက် တန်းလျက် တည်နေသည့် မိုးမိတ် ပြတ်ရွေ့

ငလျင်ဘေးကိုအလေးထားရမည့်ဒေသများ

ငလျင်ဘေး အန္တရာယ် ဆိုးဆိုး ၀ါးဝါးကြုံတွေ့နိုင်သော ဒေသများမှာ စစ်ကိုင်းတိုင်း aဒသကြီး၊ မန္တလေးတိုင်း ဒေသကြီးနှင့် ပဲခူးတိုင်း ဒေသကြီးတို့ ဖြစ်ပါသည်။

ငလျင် အရှိန်တုံ့ပြန် ကျရောက်မှုသည် အထပ်နိမ့် များတွင် ပိုမိုများပါသည်။ အုတ်၊ အုတ်ညှပ်၊ ကွန်ကရစ်တို့ဖြင့် ဆောက်လုပ်သော အထပ်နိမ့် အပါအ၀င် အဆောက်အဦး အားလုံး ငလျင်ဘေး အန္တရာယ် လျော့ပါးစေရန် ကြိုတင်ပြင်ဆင် ထာားရန် အထူး လိုအပ်ပါသည်။

အထပ်နိမ့်၊ အထပ်မြင့် အဆောက်အဦး များအားလုံး စနစ် တကျ တည်ဆောက်ရန် လိုအပ်ပါသည်။ အထူးအဖြင့် လူဦးရေ ထူထပ်သည့် မြို့တော်ကြီးများသည် ငလျင်ဘေး အန္တရာယ် လျော့ပါးစေရန် ကြိုတင် ပြင်ဆင် ထားရမည့် နေရာဒေသများ ဖြစ်ကြပါသည်။

ငလျင်ကြောင့်ဖြစ်သောဆိုးကျိုးများ
  • အဆောက်အဦးများ၊ အခြေခံ အဆောက်အဦးများ ပြိုကျ ပျက်စီးခြင်းကြောင့် သေကြေ ပျက်စီးမှု ကြီးမားစေနိုင်ပါသည်။
  • မီးလောင်ခြင်း၊ တာတမံများကျိုးပေါက်ခြင်း၊ မြေပြိုခြင်း၊ ရေကြီးခြင်းတို့ jဖစ်ပေါ်တတ်ပါသည်။
  • ရေလွှမ်း ခံရသဖြင့် ပတ်ဝန်းကျင်သန့်ရှင်းရေးနှင့် မိလ္လာ စနစ် ထိခိုက်ပျက်ပြားခြင်းကြောင့် ကျန်းမာရေး ထိခိုက်နိုင်သည်။
  • မြေအောက်ရေများ၊ ငလျင်အရှိန်ကြောင့် ရေဖိအား များဖြင့်တက်ပြီး မြေပြင်မှရေများ၊ သဲများ ပန်းထွက်ခြင်း၊ ရေတွင်းများ ပျက်စီးခြင်းတို့ ဖြစ်နိုင်ပါသည်။

ဆိုးကျိုးဖြစ်စေသည့်အကြောင်းရင်း
  1. ငလျင်အန္တရာယ်ဆိုင်ရာ ကြိုတင် သတင်းအချက် အလက်များမရနိုင်ခြင်း၊ ကြိုတင်မခန့်မှန်းနိုင်ခြင်း။
  2. ငလျင်ဖြစ်ပေါ်ရာ နယ်မြေများတွင် လူနေထူထပ်ပြီးအဆောက်အဦးများ သိပ်သည်းစွာ တည်ဆောက်ထားခြင်း။
  3. ငလျင်ဒဏ်ကို မခံနိုင်သောအဆောက်အဦးများတွင် နေထိုင်ခြင်း။
  4. ငလျင်အန္တရာယ်ဆိုင်ရာ ဗဟုသုတများသိရှိမှု နည်းပါးခြင်း။


ကြိုတင်ကာကွယ်ခြင်း
  1. ငလျင်မည်သည့် အချိန်တွင်ဖြစ်မည်ကို ကြိုတင်သိနိုင်စွမ်းမရှိသဖြင့် ဒေသအလိုက် ငလျင်ဒဏ်ခံနိုင် ရည်ရှိမည့် အဆောက်အဦးများ တည်ဆောက်ပါ။
  2. ပင်လယ်ဒီလှိုင်း(ဆူနာမီ) ကျရောက်တတ်သည့် နေရာများနှင့် မြေသားမခိုင်မာသည့်နေရာများတွင် အဆောက်အဦးများဆောက်လုပ်ခြင်း မပြုရန်၊
  3. ရှေ့ဦးသူနာပြုသေတ္တာများထားရှိပါ။
  4. ပြိုကျနိုင်သော သက်တမ်းလွန် အဆောက်အဦးများကို ဖယ်ရှားပါ (သို့) ခိုင်ခန့်အောင် ပြင်ဆင်ပါ။

ငလျင်လှုပ်စဉ်ဆောင်ရွက်ရန်
  • ငလျင်လှုပ်စဉ် စိတ်ကိုတည်ငြိမ်စွာ ထားပြီး ပြိုကျနိုင်သည့် အရာဝတ္ထုများ၊ အဆောက်အဦးများ အနီးမှ အမြန်ဆုံး ရှောင်ရှားပါ၊
  • အိမ်ထဲတွင် ရှိနေပါက ကုတင်၊စားပွဲ ခုံအောက် ၀င်နေပါ၊ ကုတင်၊ စားပွဲများ မရှိလျှင် အဆောက်အဦး၏ အတွင်းနံရံတလျှောက်(သို့) ထောင့်တစ်ခုခုတွင် အကာကွယ်ယူပါ။
  • ငလျင်လှုပ်နေစဉ် အိမ်အပြင် မထွက်ပါနှင့်၊
  • အိပ်ယာထဲရောက်နေပါက ခေါင်းကို ခေါင်းအုံးအောက်မှာ ထားပြီး ကာကွယ်ပါ။
  • အထပ်မြင့်တိုက်တွင် ရှိနေပါက ပြတင်းပေါက်၊၀ရံတာနှင့် ဝေးဝေးနေပါ။
  • မြေညီထပ်တွင်ရှိနေပြီး ၀င်ပေါက်၊ ထွက်ပေါက်နှင့် နီးပါက အဆောက်အဦးအတွင်း မနေဘဲ အပြင်ဘက်သို့ အမြန်ဆုံး ထွက်ခွာရှောင်ရှားပါ။
  • အဆောက်အဦးကို စွန့်ခွာရမည်ဆိုလျှင် ဓါတ်လှေကားအတွင်း ပိတ်မိနိုင်သဖြင့် ရိုးရိုးလှေကားမှသာ ဆင်းပါ၊
  • အိမ်အပြင်ရောက်နေပါက အပြင်မှာမှာပဲဆက်နေပါ၊ အဆောက်အဦး၊ သစ်ပင်၊ မီးတိုင်၊ ဓါတ်ကြိုးများနှင့် ကင်းလွတ်ရာတွင် နေပါ။ မြေပြင်မှာ ၀ပ်နေပါ။
  • ကားထဲတွင်ရှိနေပါက ကားကိုအရှိန်လျှော့ပြီး ဘေးကင်းမည့် နေရာကို မောင်းသွားပြီး ရပ်ထားပါ။ ကားထဲမှာပဲနေပါ။
  • ပင်လယ်ကမ်းခြေ၊ မြစ်ကမ်းစပ်တွင် နေထိုင်သူများ ဖြစ်ပါက မြေပြင်တောင်ကုန်းရှိရာနေရာသို့ အမြန်ဆုံးသွားပါ။
  • လျှပ်စစ်ဓါတ်ကြိုးများနှင့် ကွဲရှထိခိုက်နိုင်မည့်အရာများကို သတိထား ရှောင်းရှားပါ။
  • မီးများ ငြိမ်းသတ်ထားပါ။
  • မိသားစုများ တကွဲတပြားဖြစ် သွားနိုင်ပါက ပြန်ဆုံရမည့်နေရာကို ကြိုတင်သတ်မှတ်ထားပါ။

ငလျှင်လှုပ်ပြီးနောက်ဆောင်ရွက်ရန်
  • အင်အားကြီးသည့် ငလျင်လှုပ်ပြီးတိုင်း နောက်ဆက်တွဲ ငလျင်များ လှုပ်တတ်သဖြင့် နောက်ထပ်ငလျင် ဆက်မလှုပ်မီ အဆောက်အဦး အပြင်ဘက်သို့ အမြန်ဆုံး ပြေးထွက်ပါ။
  • ကွင်းပြင်၊ ကွက်လပ်၊ လယ်ကွင်းစသည့် နေရာများတွင် ခေတ္တယာယီနေပါ။
  • ငလျင်လှုပ်ပြီးနောက် အချို့ကမ်းခြေဒေသများတွင် ပင်လယ် ဒီလှိုင်းကြီးများ တက်လာခြင်း၊ ရေကာတာ နှင့် ဆည်များ ပြိုကျခြင်း၊ တောင်ပြို ကျခြင်းတို့ ကြောင့် ရေကြီး aရလျှံခြင်းများ ဖြစ်တတ် သဖြင့် မြေမြင့် ပိုင်းသို့ ကြိုတင်ရှောင်ရှားပါ။
  • ဒဏ်ရာရနေသူများ၊ လှောင်ပိတ်မိနေသူများကို ကူညီပြီး ရှေးဦးပြုစုပါ၊
  • ကလေးသူငယ်များ၊ သက်ကြီးရွယ်အိုများ၊ မသန်စွမ်းသူများ၊ မကျန်းမာသူများ၊ ကိုယ်ဝန်ဆောင်များကို ဦးစားပေးကယ်တင်ပါ၊
  • အပျက်အစီးအောက်တွင် ပိတ်မိနေပါက မီးခြစ်ကို မသုံးပါနှင့်၊ မီးလောင်နိုင်ပါသည်။

မဇ္ဈိမ မာလ်တီမီဒီယာ by mizzima

Original link - http://mizzimaburmese.com/article/7741

ဒီပို့စ်လေးကို သဘောကျရင်
လုပ်ပေးခဲ့နော်။

Read More »

Tuesday, September 29, 2015

ပယင်း အတု အစစ် >> စစ်နည်း ၁၀ ချက်




1.Floating Test or Salt water Test (ဆားရည်ဖြင့် စမ်းခြင်း)
စမ်းသပ် လိုသော ပယင်းကို .. (အထည်ဖြစ်ပါက အထည်မှ ဖြုတ်ပါ) ဆားရည်တွင် စိမ်ပါ..
ထိုအခါ ပယင်းသည် ဆားရည်ပေါ်တွင် ပေါလောပေါ်ရမည်..

ပြချက် ..
ပယင်းသည် ရေချိန်သိပ်သည်းဆ (Specific gravity) 1.04 ရှိတယ်
ရေချိန် သိပ်သည်းဆသည် 1 အတိ ရှိပါတယ်..
ရေ တစ်ဖန်ခွက်ကို ဆား tea spoon (လက်ဖက်ရည်ဇွန်း) ၇ ဇွန်း ဖြင့် ပြည့်ဝ ဆားပျော်ရည် ပြုလုပ်သော် .. သိပ်သည်း ဆသည် 1.1ဖြစ်လာ ပါသည်
ထို့ကြောင့် ဆားရည်ပေါ်တွင် ပယင်းမပေါ်နိုင်ပါ ..

မှတ်ချက် .. ယင်စမ်းသပ်မှုမှာ ၁၀၀ % မသေချာသေးပါ .. pressed amber သည်လည်း ဆားရည်တွင် ပေါ်ပါသည်။

Press amber ဆိုသည်မှာ ကွဲအက်နာ များဖြင့် (ရောင်းပန်းမလှ) ပယင်း အစစ်ကို ဓါတုဗေဒ နည်းဖြင့် ဖိသိပ်ပြီး သဘာဝ ပယင်းကဲ့သို့ ပြန်လည် ပြုပြင်ထားခြင်း
Press amber နဲ့ natural amber ကို ခွဲနိုင်ရန် အပ် (သို့) အခြား .. နီရဲအောင် မီးကင်ပြီး ပယင်းကို ထိုးကြည့်ပါ အစစ်ဆိုရင် ထင်းရှူးနံ့ (သို့) ချယ်ရီ (သို့) သစ်သားနံ ထွက်ပါမည်.. အတုဆိုရင် ပလစ်စတစ် ညော်နံ့ ၀ါယာ ညော်နံ့ ထွက်ပါမယ်။

ပျက်စီးမှု အနည်းအများ ရှိနိုင်သည့် အတွက် စမ်းသပ်ရန် မသင့်တော်ပါ ...



၂ . ရေနွေးပူဖြင့် စမ်းသပ်ခြင်း
ပယင်းကို ရေနွေးပူဖြင့် စိမ်ပီး အနံ့ခံကြည့်လျှင်
အစစ်ဆိုလျှင် = သစ်မွှေးနံ့ ရမယ်၊ ချယ်ရီသားနံ့ ထင်းရှူးနံ့
အတုဆိုလျှင် = ကာဘော်လစ်နံ့ ၊ ညော်နံ၊

မှတ်ချက် - ပယင်းသည် ရေနွေးစိမ် ခံပါတယ် ..
ပြချက် - ပယင်းသည် အပူချိန် 200°C to 300° C ရှိပြီး ရေနွေးသည် 100°C မျှသာ ရှိပါတယ် .. ဒီထက် များသွားရင် အငွေ့ပျံသွား ပါတယ်။



၃. လက်သည်း ဖျက်ဆေးကို ၀ါဂွမ်းမှာ တို့ပြီး ပယင်းကို ခပ်နာနာ ပွတ်ကြည့်ပါ ..
ပယင်း စစ်လျှင် မည်သို့မျှ မထူးခြားပါ ..
ပယင်းအတု ဆိုလျှင် (Copal . plastic) များဆိုလျှင် ၀ါဂွမ်းတွင် စေးကပ်ကပ် ဖြစ်ကာ အစေးများ ကပ်ပါလိမ့်မယ်

မှတ်ချက် - ဖန်ဖြင့် ပြုလုပ်ထားသော ပယင်း ဆိုလျှင် သည်နည်းဖြင့် မစမ်းနိုင်ပါ



၎ အပ် သို့မဟုတ် ဓါးဦးချွန် ဖြင့် အနည်းငယ်ခြစ်ကြည့်ပါ ..
ပယင်းစစ်လျှင် .. အမှုန့်များ လွယ်ကူစွာကျလာပါလိမ့်မယ် .. အစလေးတွေ ပဲ့ကျပါလိမ့်မယ် ..
ပလတ်စတစ် ဆိုလျှင်.. ငြိနေလိမ့်မယ် .. အစအန အမှုန့် များလည်း လျောလျော ရှုရှု မကျနိုင်ပါ
ဖန် ဆိုလျှင် အပ်.. ဓါးဦး မတိုးပါ။

မှတ်ချက် - Copel အား မစစ်နိုင်ပါ .. မပေါ်ပါ



၅. rubbing test. .
ပယင်း ကို ချည်ထည် သိုးမွှေး တို့ဖြင်နာနာပွတ်ပါ . .
electro meganetic field ( negative) ထွက်လို့ ပေါ့ပါးတဲ့ ဆံပင် ဌက်မွှေး စက္ကူ အပိုင်းအစ လေးများ
ကို ဆွဲငင် တယ် . .plastic . .ဖန် . .မဆွဲငင်ပါ.



၆. taste
ဒါကတော့ အတွေ့ အကြုံ ရှိမှပါ . .ပယင်းကို အနံ့ မပါသော ဆပ်ပြာဖြင့် ရေစင်အောင် ဆေးပါ . . လျှာဖျားလေးနဲ့တို့ကြည့် ချယ်ရီသား အရသာ . . ထင်းရှူး အရသာ ခံစားမိမယ် . .plastic . .ဖန် . .မရှိပါ . .

မှတ်ချက် - copal စမ်းမရပါ.. မပေါ်ပါ



၇. smell
ထိုနည်း၎င်း ပဲရှူကြည့် . . ချယ်ရီိ ထင်းရှူးနံ့ ရမယ်...



၈ touch !
ပယင်းဟာ နွေးတဲ့ အထိအတွေ့ ရှိပါတယ် . .plastic . .ဖန် မရှိပါ . .

မှတ်ချက် - copal စမ်းမရပါ



၉. Uv
ပယင်း ဟာ short wave ultraviolet ခရမ်းလွန် ရောင်ခြည် နဲ့ စမ်းရင် glow ခေါ် မီးစုန်း တောက်ပါတယ် ဖန် နဲ့ ပလပ်စတစ် ကတော့ မပြပါ . .

မှတ်ချက်
Ambriod နှင့် copal မှာလဲ ထိုနည်းလည်းကောင်း glow ပြပါတယ် . . . မပေါ်ပါ ..

10. ဆားပြည့်ဝ ပျော်ရည်မှာ စိမ်
အထက်၌ ဖော်ပြပြီး . . .

ရည်ရွယ်ချက် ။ ၊၊ မြန်မာ့ပယင်း အား အတုအစစ် ခွဲခြား တတ်စေရန် မျိုးဆက်သစ် လူငယ်များ အား လက်လမ်းမှီ သလောက် ပြန်လည် မျှဝေပေးခြင်း မျှသာ ဖြစ်ပါသည်..
အထက်ပါ အားလုံးနဲ့ ကိုက်ညီမှသာ တန်ဖိုးမြင့်မားသော .. ပယင်းရတနာကို ၀ယ်ယူရန် တိုက်တွန်းရင်း နိဂုံးချူပ်ပါသည်။

မူရင်း ရေးသားသူ ကိုညီညီနိုင်

Original link - https://www.facebook.com/groups/HPONEMOEEINT/permalink/734889989948660/

Read More »

တရုတ်အရက်ဖြူ Baiju ၌ ကာမ အားတိုးဆေးများ ပါဝင်၍ FDSမှ တားမြစ်ခဲ့



တရုတ်နိုင်ငံသည် လွန်လေပြီး သောနှစ်ပေါင်း များစွာ ကပင် ကာမ အားတိုးဆေး များအား တိရိစ္ဆာန်များ ၏ လိင် အင်္ဂါများမှ ထုတ်လုပ် သုံးစွဲခဲ့ ကြသည်။

ယခုခေတ် ကာလ၌ တရုတ် ဥပဒေက အစား အသောက် များတွင် ကာမ အားတိုးဆေးများ ထည့်သွင်း အသုံးပြုခြင်းအား တားမြစ် ခဲ့ကြသည်။

သို့သော်လည်း ယင်းကဲ့သို့ တည့်သွင်း အသုံးပြု မှုများမှာ အလျဉ်းသင့် သလို လုပ်ဆောင် ကြဆဲ ဖြစ်သည်။

တရုတ် အစားအစာနှင့် ဆေးဝါး ကွပ်ကဲရေး ဌာနမှာLiuzhou ရှိ စက်ရုံနှစ်ရုံတွင် ၎င်းင်းတို့၏ ထုတ်ကုန် များ၌ှSildenafil နှင့် tadalafil ကဲ့သို့ ကာမအား တိုးဆေးများ ထည့်သွင်း သုံးလျက်ရှိ ကြောင်း တွေ့ခဲ့ရသည်။

FDA မှ ၎င်းင်းတို့၏ ယမကာ ပုလင်းပေါင်း များစွာအား ပန်းသေပန်းညှိုးတွင် သုံးသော ကာမအားဆေး Viagra များ ပါဝင်သည့် အတွက် သိမ်းဆည်း ခဲ့သည်။

၎င်းင်းတို့၏ ထုတ်ကုန် Baiju မှာ အရက်ဖြူ တစ်မျိုးဖြစ်ပြီး၊ အရက် ပြင်းအား ပမာဏ များပြားကာ ကွန်ဖူး အရက်၊ အသက်ရှည်ဆေး စသဖြင့် အမည် အမျိုးမျိုးပေးကာ
ရောင်းချ ခဲ့ကြောင်း သိရသည်။

အ၀င်;
Ref: AFP
Health Updates Journal

Original link - https://www.facebook.com/HealthUpdatesJournal

Read More »

အပင်မှရရှိသော ကျန်းမာရေးအတွက် ဘေးထွက် ဆိုးကျိုး ကလေးများ




နွယ်မြက် သစ်ပင် ဆေးဖက်ဝင်ဟု ဆိုသော်လည်း လောက နိယာမ သဘော အရ အကောင်းနဲ့ အဆိုး ကတော့ အမြဲ ဒွန်တွဲလျက် ရှိနေကြ စမြဲပါ။ တချို့သစ်ပင်တွေမှာ လူသားတို့၏ ကျန်းမာရေး အတွက် အားသာချက်တွေ တော်တော် များများ ရှိကြပါတယ်။ သို့သော် လူတစ်ဦးနဲ့ တစ်ဦး ကြံ့ခိုင်မှု စွမ်းရည်ချင်း မတူညီ ကြတာကြောင့် ၎င်း အပင်တွေရဲ့ ဆေးဝါး များဟာ ကိုယ်ထဲကို ရောက်ရှိလာတဲ့ အခါ ခန္ဓာကိုယ်တွင်း သွေးသား စနစ်နဲ့  အပြောင်း အလဲကို ဖြစ်စေ တတ်တာကြောင့် သတိပြု သုံးစွဲတတ်ဖို့ လိုပါတယ်။ သို့ပါ၍ သတ်မှတ်
ဖော်ညွှန်း ထားသော ပမာဏထက် ပို၍ မမှီဝဲ မသုံးစွဲ သင့်ကြောင်း အောက်ပါ အတိုင်း အသိပေး မျှဝေ လိုက်ရပါတယ်။

(၁) ရှားစောင်းလက်ပပ်



(က) ရှားစောင်းလက်ပပ်ပင်၏ ဂျယ်လီ(အနှစ်)ထဲတွင်ပါဝင်သော အောက်ဆီဂျင်ဓာတ်တစ်မျိုးက အရေပြားပေါ်ရှိ ဆဲလ်များကို အလိုလိုပြုပြင်ပေးနိုင်စွမ်းရှိတာကြောင့် မီးလောင်နာ၊ အရေကြည်ဖုနာ၊ ထိခိုက်ရှနာ၊ နေလောင် ဒဏ်ရာတို့ကို ကောင်းစွာကုသပေးနိုင်ပါတယ်။ သို့သော် ခွဲစိတ်အနာ ချုပ်ရိုးများကိုတော့ အနာကောင်းစွာမကျက်သေးခင်မှာ မလိမ်းသင့်ပါဘူး။ အနာကျက်နှေးသွားစေပါတယ်။

(ခ) အပင်၏ Enzymes များထဲတွင် ဝမ်းသက်စေသော အစွမ်းသတ္တိပါရှိခြင်းကြောင့် အူမကြီးနံရံရှိ အချွဲအကျိများကို တိုးပွားစေကာ အူကိုသန့်စင်စေပြီး ဝမ်းမချုပ်စေပါဘူး။ သို့သော် အပင်ကို အခြောက်ထား၍ ဝမ်းပျော့ဆေးအဖြစ် အမြဲစားသုံးလျှင်တော့ အကျင့်ပါသွားတတ်ပါ
တယ်။

(၂) စမုန်မျိုးနှင့် စမုန်နက်



စမုံမျိုးက နှလုံးကိုငြိမ်းအေးစေပြီး အော့အန်ခြင်းကို ပျောက်ကင်းစေတဲ့အပြင် အစာကိုကြေညက်စေပါတယ်။ စမုန်နက်က အအေးမိခြင်း၊ ဝမ်းသွားခြင်း၊ ရေငတ်ခြင်း၊ ဝမ်းကိုက်ခြင်းတို့ကို ပျောက်ကင်းစေပါတယ်။ သို့သော် ဆရာဝန်၏ ကြီးကြပ်လမ်းညွှန်ချက်မပါဘဲ၎င်းတို့ကို ရက်သတ္တ ၆ ပတ်ထက်ပို၍ မစားသင့်ပါဘူး။

(၃) ကြက်သွန်ဖြူ



ကြက်သွန်ဖြူဟာ ဟင်းလျာ အစားအစာများ အတွက် အဓိက ကျသော ဆေးဖက်ဝင် ဟင်းခတ် အမွှေးအကြိုင် ဖြစ်ပါတယ်။

သို့သော် ...

(က) ကြက်သွန်ဖြူဟာ သွေးကျဲစေ တာကြောင့် သွေးမခဲဆေး စားနေရ သူများဟာ ခွဲစိပ်ကုသမှု မပြုမှီ ကြက်သွန်ဖြူကို မစားသင့်ပါဘူး။

(ခ) Hypoglyceamic (ခေါ်) သွေးထဲမှာ ဂလူးကို့စ် နည်း၍ ဆေးစားနေ ရသူများ ဟာ ကြက်သွန်ဖြူကို လုံးဝ မစားသင့်ပါဘူး။

(၄) ငရုတ်ကောင်း



ငရုတ်ကောင်းက ပန်းနာ၊ သလိပ်၊ လေထိုး လေအောင့် တို့ကို ချေဖျက် ပေးနိုင်သလို သည်းခြေရောဂါ၊ ဝမ်းကိုက်ခြင်း၊ ချွေးမထွက်ခြင်း၊ ဝမ်းချုပ်ခြင်း၊ သွေးဆုတ် သွေးပုပ် အတွင်း ပူသော အနာတို့ ကိုလည်း သက်သာဖြေလျော့ ပေးနိုင် ပါတယ်။

သို့သော် ...

(က) ငရုတ်ကောင်းကို နေ့စဉ် ၃ဝဝ မီလီဂရမ်ထက် ပို၍ မစားသင့်ပေ။
(ခ) အရက်သေစာနှင့် တွဲ၍ မမှီဝဲပါနှင့်။
(ဂ) အသည်းရောဂါသမားများဟာ ငရုတ်ကောင်းစားခြင်းမှ ရှောင်သင့်ပါတယ်။
(ဃ) ငရုတ်ကောင်းဟာ ကြွက်သားတွေကို ပျော့ပျောင်း နိုင်စွမ်းရှိတာ ကြောင့် ယာဉ်မောင်းသူများနှင့် စက်ကိရိယာ ကိုင်တွယ်ရ သူများဟာလည်း ငရုတ်ကောင်း မစားသင့်ပါဘူး။

(၅) နွယ်ချို



နွယ်ချိုက အသံကိုကြည်လင်စေပြီး ချောင်းဆိုးနဲ့ သလိပ်နာရောဂါကို ပျောက်စေ ပါတယ်။ လေနာရောဂါကို နိုင်ပါတယ်။ လူကို ဆူဖြိုးစေပြီး အားဖြစ်စေပါတယ်။

သို့သော် ...

(က) နွယ်ချိုကို ရက်သတ္တ ၄-၆ ပတ်ထက် ပို၍ စွဲမစား သင့်ပါဘူး။ ပို၍ စားမိပါက ခန္ဓာကိုယ်ထဲမှာ ရေအောင်း နိုင်ပါတယ်။
(ခ) ဆီးချို၊ သွေးတိုး၊ နှလုံး၊ အသည်းနဲ့ ကျောက်ကပ်ရောဂါ ရှိသူများ အထူးရှောင်ရှား သင့်ပါတယ်။
(ဂ) နွယ်ချိုဟာ ခန္ဓာကိုယ်တွင်း ပိုတက်စီယမ်ဓာတ်ကို လျော့ နည်းစေ တာကြောင့် ပိုတက်စီယမ် အားနည်း သူများ မစား သင့်ပါဘူး။

(၆) တရုတ်နံနံ



တရုတ်နံနံပင် ထဲမှာ ဘေးဥပဒ် ဖြစ်စေသော ကိုလက်စထရော လုံးဝ မပါရှိဘဲ ကောင်းကျိုး ပြုသော ဓာတ်တိုး ဆန့်ကျင် ပစ္စည်းများ၊ ဗီတာမင် သတ္တု ဓာတ်များနဲ့ ချေဖျက် လွယ်သော အမျှင်ဓာတ်တို့ ကြွယ်ဝစွာ ပါရှိတဲ့ အပြင် ကင်ဆာကို တိုက်ဖျက်နိုင်သော acetylenics, phenolic acids နှင့်coumarins ဓာတ်ပေါင်းစုများ ပါဝင်နေ တာကြောင့် ကင်ဆာ အဖု အကျိတ်များ ကြီးထွား ပျံ့နှံ့ခြင်းမှ ကာကွယ်ပေးပြီး အံ့သြဖွယ် ကောင်းစွာ အနာများ ကိုလည်း ကျက်စေ ပါတယ်။

အထူးသဖြင့် အူမကြီးကင်ဆာ၊ အစာ အိမ်ကင်ဆာ၊ သားအိမ်ခေါင်း ကင်ဆာနှင့် အမျိုးသားများ ဆီးကျိတ် ကင်ဆာတို့ကို ဟန့်တားပေး နိုင်ပါတယ်။

သို့သော် ...

တရုတ်နံနံပင်က ဆေးအဖြစ် မှီဝဲရင် ဆီးများများ သွား စေ တာကြောင့် ကျောက်ကပ် ရောဂါသည်များနဲ့ သည်း ခြေအိတ်ဝေဒနာ သည်များ အတွက် အထူး ရှောင်ရှား သင့်ပါတယ်။

(၇) ပင်စိမ်းပင်



ပင်စိမ်း ရွက်ထဲတွင် ပါရှိသော သဘာဝ ဓာတ်ပေါင်းစု တစ်မျိုးက ဦးနှောက် စွမ်းဆောင်ချက်ကို တိုးတက် ကောင်းမွန်စေသည့် အပြင် စိတ်ဓာတ် ကျခြင်း၊ စိတ်ဖိစီးခြင်းနဲ့ အယ်လ်ဇိုင်းမား ရောဂါ တို့ကို ထိထိ ရောက်ရောက် ကုသပေး နိုင်ပါတယ်။ ဒါ့ပြင် ပင်စိမ်းရွက်တာ ကလေးငယ်များ ရဲ့ ဥာဏ်ရည် စွမ်းအားကို တိုးတက် မြင့်မားစေနိုင်လို့ အရွယ် သုံးပါး မရွေး စားသုံး သင့်ပါတယ်။

သို့သော် ...

သွေးထဲမှာ ဂလူးကို့စ် နည်းနေသူများ၊ အတက် ရောဂါရှိသူများနဲ့ ဝက်ရူးပြန် ရောဂါရှိသူများ ကတော့ ပင်စိမ်းကို မစားသင့် ပါဘူး။

(၈) ချင်း (ဂျင်း)



ချင်းဟာ အစာကြေညက် လွယ်ခြင်း၊ ဆီးနဲ့ ဝမ်းကို ရွှင်စေခြင်း၊ ခံတွင်း မြိန်ခြင်း၊ သုက်ကို ပွားစေခြင်း၊ အဆိပ် အတောက်ကို ပြေပျောက် စေခြင်း၊ ချောင်းဆိုး ပန်းနာကို ပျောက်စေခြင်း၊ ရောင်ရမ်းနာ များကို ပျောက်ကင်းခြင်း၊ အသံကြည်လင်ခြင်း၊ လေနာ ရောဂါကို နိုင်ခြင်းစတဲ့ ကျန်းမာရေး အာနိသင်တွေ ပေးစွမ်းနိုင် ပါတယ်။

သို့သော် ...

ချင်းဟာ သည်းခြေရည်ကို ပိုထွက် စေတာကြောင့် သည်းခြေ ရောဂါ ရှိသူများက ချင်းအခြောက်ကို ဖြစ်စေ၊ ချင်းမှုန့်ကို ဖြစ်စေ ဆေးအဖြစ် မှီဝဲလိုရင် ကျွမ်းကျင်သူ ဆရာဝန် တို့၏ လမ်းညွှန်မှုဖြင့်သာ သုံးစွဲ သင့်ပါတယ်။

(၉) နနွင်း



လေ့လာ ဆန်းစစ်မှု မှတ်တမ်းများ အရ ကမ္ဘာပေါ်မှာ နနွင်းမှုန့် အစားဆုံး သူများဟာ အိန္ဒိယ လူမျိုးများ ဖြစ်ကြရာ ၎င်း လူမျိုးတွေမှာ ရင်သား ကင်ဆာ၊ အဆုတ်ကင်ဆာ၊ အူမကြီး ကင်ဆာ၊ ဆီးကျိတ် ကင်ဆာ ဖြစ်နိုင်ချေ လွန်စွာနည်းပါး ကြောင်း၊ နနွင်းမှုန့်ကို ပန်းဂေါ်ဖီ(အဖြူ)နှင့် တွဲဖက်၍ ချက်စားခြင်းက ဆီးကျိတ် ကင်ဆာဖြစ်ခြင်းမှ ကာကွယ်ပေး
နိုင်ကြောင်း၊ အိန္ဒိယမှာ နနွင်းမှုန့်ကို မိရိုးဖလာ အရ စားသုံး လာခဲ့ကြ တာကြောင့်လည်း ကလေးငယ် တွေမှာ သွေးကင်ဆာ ဖြစ်ပွားနှုန်း နည်းပါးကြောင်း၊ အဆိပ် အတောက်
ပြေစေကာ အသည်းကို ကောင်းကျိုးပြုကြောင်း၊ ကိုယ်တွင်းကိုယ်ပ ရောင်ရမ်းနာများ အတွက် လွန်စွာဆေးဖက် ဝင်ကြောင်း၊ အမျိုးသမီးများရဲ့ သားအိမ်ကို သန့်စေကြောင်း၊ နနွင်းမှုန့်ကို နေ့စဉ် ဟင်းလျာတွေမှာ စားသုံးလေ့ ရှိတာကြောင့်လည်း အိန္ဒိယလူမျိုးတွေမှာ ဦးနှောက် ဇရာရောဂါ (ခေါ်) အယ်လ်ဇိုင်းရောဂါ ဖြစ်သူဦးရေ လွန်စွာနည်းပါး ကြောင်း
လေ့လာ တွေ့ရှိ ရပါတယ်။

သို့သော် ...

အစာအိမ် အက်ဆစ် အထွက် များသူများ၊ အူယဉ်းနာ ရောဂါ၊ သည်းခြေကျောက်နှင့် သည်းခြေအိတ် ပိတ်ဆို့ သူများကတော့ နနွင်း စားသုံးမှုကို ရှောင်ရှား သင့်ပါတယ်။

တင်ထက်ထက်ဇော်

The Mirror Daily
https://www.facebook.com/TheMirrorDaily

Original link - http://health.thithtoolwin.com/2015/09/blog-post_89.html

Read More »