နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Showing posts with label အသံဖိုင်. Show all posts
Showing posts with label အသံဖိုင်. Show all posts

Saturday, April 22, 2017

Myanmar Now အယ်ဒီတာ ကိုဆွေဝင်း အပေါ် စွဲဆိုချက် တရားရုံး ပ လပ်




ဦးဝီရသူနဲ့ အမျိုးဘာသာ သာသနာ စောင့်ရှောက်ရေး အဖွဲ့ (မဘသ) တို့ အပေါ် မဆီ မလျော် ပြောဆိုတယ် ဆိုတဲ့ စွပ်စွဲချက်နဲ့ Myanmar Now သတင်းဌာန အယ်ဒီတာချုပ် ကိုဆွေဝင်းကို ရာဇသတ်ကြီး ဥပဒေ အရ အရေး ယူပေးဖို့ တိုင်ကြား ထားမှုကို ကျောက်တံတား မြို့နယ် တရားရုံးက ဧပြီလ ၂၁ရက်နေ့ သော ကြာနေ့မှာ ပလပ် လိုက်ပါတယ်။

တိုင်ကြားသူ ကတော့ အမှုကို အထက် ရုံးတွေမှာ ဆက်တင် သွားမယ်လို့ ဆိုပါတယ်။ ဒီသတင်း အပြည့်အစုံ ကိုတော့ ဗွီအိုအေ မြန်မာ ပိုင်း သတင်းထောက် မမြင့်မြင့်ခိုင်က တင်ပြပေး ပါမယ်။

Myanmar Now သတင်းဌာန အယ်ဒီတာချုပ် ကိုဆွေဝင်းကို ရာဇသတ်ကြီး ဥပဒေအရ အရေးယူပေးဖို့ ကိုသက်မျိုးဦးက ကျောက်တံတားမြို့နယ် တရားရုံးမှာ တိုင်ကြားထားမှုဟာ အကြောင်းအချက် ခိုင်လုံမှု မရှိတာကြောင့် ရာဇသတ်ကြီး ကျင့်ထုံးဥပဒေ ပုဒ်မ ၂၀၃ အရ တရားရုံးက အမှုကို ပလပ်လိုက်တာ ဖြစ် တယ်လို့ ကိုဆွေဝင်းရဲ့ ဥပဒေအကြံပေး ပုဂ္ဂိုလ် ဦးခင်မောင်မြင့်က ဗွီအိုအေကို ပြောပါတယ်။

"ကိုသက်မျိုးဦးက တိုင်တဲ့အပေါ်မှာတော့ ကျောက်တံတားမြို့နယ် တရားရုံးက အမိန့်အပြတ်ချလိုက်တာပေါ့နော် အမှုကို ပလပ်လိုက်တယ်။ ဒီအမှုကို မစစ်တော့ဘူးပေါ့။ စစ်ဆေးရန်မလိုတော့တဲ့အတွက် ပိတ်သိမ်းလိုက်တဲ့သဘောပါပဲ။ ရာဇသတ်ကြီး ကျင့်ထုံးဥပဒေ ပုဒ်မ ၂၀၃ပါ ခင်ဗျ။ ၂၀၃ အရ ဒီအမှုကို ပလပ်လိုက်တာပေါ့။ ဆိုလိုတာက ကိုသက်မျိုးဦးရဲ့လျှောက်လွှာကို မစစ်ဆေးပဲ ပယ်လိုက်တဲ့သဘောပေါ့။"

မဘသ ဆရာတော် ဦးဝီရသူနဲ့ မဘသအဖွဲ့အပေါ် မလျော်မကန် ပြောဆိုတယ်ဆိုတဲ့ စွပ်စွဲချက်နဲ့ ကိုဆွေ ဝင်းကို အရေးယူပေးဖို့ ကြည့်မြင်တိုင်မြို့နယ်မှာ နေထိုင်သူ ကိုသက်မျိုးဦးရဲ့ တိုင်ကြားမှုကို ကျောက်တံတား မြို့နယ် တရားရုံးက ပလပ်လိုက်တာပါ။

ဒီတိုင်ကြားချက်ကို ကျောက်တံတားမြို့နယ် တရား ရုံးက ပယ်ချလိုက်ပေမယ့်လဲ ခရိုင်၊ တိုင်းတရားရုံးတွေအထိ အဆင့်ဆင့် တိုင်ကြားသွားအုံးမှာ ဖြစ်တယ် လို့ ကိုသက်မျိုးဦးက ပြောပါတယ်။

" ကျနော့်ရှေ့နေဆက်လုပ်ပါမယ်။ ခရိုင်ဆက်တက်မယ်။ တိုင်း ဆက်တက်မယ်။ တရားလွှတ်တော် ဆက်တက်မယ်ခင်ဗျ။ ကျနော်က ဒီဟာ အဆင်မပြေဘူး ကျနေ်ာတို့ ဘာသာ၊ သာသနာအတွက် အဆင်မပြေဘူးထင်လို့ ကျနော်က ဦးတိုက်လျှောက်ခဲ့တာလေ။ ကျနော် လျှောက်လို့ရသလောက်လျှောက်မယ် သူတို့ကလည်း သူတို့လုပ်ပိုင်ခွင့်ထဲက ပယ်ချချင်လည်း ပယ်ချပေါ့။"

ဦးဝီရသူ ပါရာဇိကကျပြီး ရဟန်းဘ၀ နိဌိတံသွားပြီ ဆိုတဲ့အကြောင်းတွေ လူမှုကွန်ယက်မှာ ရေးသားခဲ့ တယ် ဆိုတဲ့ စွပ်စွဲချက်နဲ့ ကိုဆွေဝင်းကို မန္တလေး မဟာအောင်မြေမြို့နယ် အမှတ် ၇ ရဲစခန်းမှာ ကိုကျော် မျိုးရွှေ ဆိုသူက ဆက်သွယ်ရေး ဥပဒေ ပုဒ်မ ၆၆ (ဃ) နဲ့ တရားစွဲဆိုထားပါသေးတယ်။

ဒီအမှုနဲ့ ပတ် သက်လို့တော့ ဧပြီ ၅ရက်နေ့က မန္တလေး မဟာအောင်မြေ အမှတ် ၇ ရဲစခန်း တာဝန်ရှိသူတွေက ကိုဆွေဝင်းကို စစ်ချက်ယူတာ၊ သက်သေခံပစ္စည်းရယူတာတွေ လုပ်ခဲ့ပါတယ်။

ဒီအမှုဟာ စုံစမ်းစစ်ဆေးတဲ့ အဆင့်ပဲ ရှိသေးတာဖြစ်ပြီး အမှုတွဲတည်ဆောက်ပြီး တရားရုံး တင်ပြမလားဆိုတာကိုတော့ ဧပြီလ ၂၄ ရက်နေ့ နောက်ပိုင်းမှ သိနိုင်မယ်လို့ ကိုဆွေဝင်းရဲ့ ရှေ့နေ ဦးခင်မောင်မြင့်က ပြောပါတယ်။

"ကိုကျော်မျိုးဆွေရဲ့တိုင်ကြားချက်ကို တိုင်ကြားချက်နဲ့သက်ဆိုင်တဲ့အကြောင်းအရာတွေကို ရဲကနေ စုဆောင်းတဲ့ စုံစမ်းစစ်ဆေးတဲ့အဆင့်ပဲရှိသေးတယ်။ သူက အမှုကို မတင်ရသေးတာ နှစ်ဆင့် ဆက်လုပ်ဖို့ကျန်ပါတယ်။ မဟာအောင်မြေမြို့နယ် ဥပဒေအရာရှိထံ ရဲက တင်ပြပေးရပါတယ်။

တရားစွဲအဖွဲ့အစည်းဖြစ်တယ်။ ရဲက တိုက်ရိုက်စွဲလို့မရဘူး။ ဥပဒေအရာရှိကို တင်ပြတဲ့အခါမှာ ဥပဒေအရာရှိက အမှုက မခိုင်လုံဘူးဆို သူပယ်ချပါလိမ့်မယ်။

သို့မဟုတ် ဒီစွပ်စွဲချက်ထဲက အကြောင်းအရာတခုခုကို ကိုဆွေဝင်းက ဖြေရှင်းပေးဖို့တာဝန်ရှိတယ်လို့ ဥပဒေအရာရှိက သုံးသပ်လို့ရှိရင်တော့ ဒီအမှုတွဲကြီးကို တည်ဆောက်ပြီးတော့ မြို့နယ်တရားရုံးကို တင်ရပါမယ်။ ကျနော်တို့ အဖြေတိတိကျကျ သိရမှာက လာမယ့် ၂၄ရက်နေ့ ၂၈ရက်နေ့ ကြားထဲမှာ ဥပဒေအရာရှိ ဆီက သိရပါမယ်။"

ကိုဆွေဝင်းရဲ့ရေးသားပြောဆိုချက်တွေဟာ ဦးဝီရသူကို အသ ရေဖျက်ရာ မရောက်ဘူး လို့ သုံးသပ်ကြောင်း၊ သာသနာကို ညှိစွန်းတဲ့ အချက်တွေ မပါရှိကြောင်း သာသနာရေး ဝန်ကြီးဌာနက ဧပြီ လ ၅ ရက်နေ့မှာ အကြောင်းပြန်ကြားထားတာလဲ ရှိပါတယ်။



From : ဗွီအိုအေမြန်မာသတင်းဋ္ဌာန by - (မြင့်မြင့်ခိုင်)

Originally published at - http://burmese.voanews.com

Read More »

အမေရိကန် အထက်တန်းကျောင်း တချို့မှာ မြန်မာစာ စတင် သင်ကြားမည်




အမေရိကန် ပြည်ထောင်စုက အစိုးရ အထက်တန်း ကျောင်းတွေမှာ ပထမဆုံး အကြိမ် အဖြစ် မြန်မာ ဘာသာ တရားဝင် ပြဌာန်း သင်ကြားဖို့ အင်ဒီးယားနား ပြည်နယ် အစိုးရက ခွင့်ပြု လိုက်ပြီ ဖြစ်ပါတယ်။

အင်ဒီးယားနား ပြည်နယ် အစိုးရရဲ့ ခွင့်ပြု ချက်ကို ဧပြီလ ၁၉ ရက်နေ့က လက်ခံ ရရှိခဲ့တာ ဖြစ်ပြီး၊ အခု လာမယ့် သြဂုတ်လ ပညာသင်နှစ်က စလို့ မြန်မာ ကျောင်းသား ထောင်ဂဏန်း ရှိတဲ့ East Allen မြို့က အစိုးရ အထက် တန်းကျောင်း (၃) ကျောင်းမှာ မြန်မာ ဘာသာရပ် စတင် သင်ကြား ပို့ချ သွား မယ်လို့ ဖို့တ်ဝိန်းမြို့ အခြေစိုက် ကျောင်း ဆရာ တစ်ဦးဖြစ်သူ ဦးကျော်သိန်းစိုး က ပြောပါတယ်။

“ပြည်နယ်အစိုးရကနေ ခွင့်ပြုချက်ပေးတာပေါ့လေ၊ မနေ့က မနက်က ကျနော့်ဆီ အကြောင်းပြန် လာတာပေါ့၊ ၂၀၁၇ ခုနှစ် သြဂုတ်ကနေစပြီးတော့ ကျနော်တို့ East Allen County မြို့နယ်တခွင် မှာရှိတဲ့ အထက်တန်ကျောင်းတွေမှာ စပြီးတော့ မြန်မာစာကို သင်ရိုးညွှန်းတန်းထဲမှာ ထည့်ပြီးတော့ တရားဝင် Credit Class တစ်ခုအနေနဲ့ High School တွေမှာ သင်ခွင့်ပြုတယ်ပေါ့လေ၊ သင်ရိုးညွှန်း တန်းထဲမှာ ထည့်ပြီးတော့ တခြားဘာသာတွေနည်းတူပေါ့လေ High School မှာ ရှိတဲ့ တရုတ်စာတို့ ၊ ပြင်သစ်စာတို့၊ ဂျာမန်တို့၊ ကိုရီးယားတို့လိုပဲ တပြေးညီပေါ့လေ တဆင့်တည်း တတန်းတည်း Credit ရတဲ့ ဘာသာရပ် တစ်ခု အနေနဲ့ သင်ကြားခွင့် ရတယ် ဆိုတာ ကျနော့်ကို အကြောင်း ကြားတာပေါ့ ခင်ဗျာ"

"မြန်မာမိဘတွေကရော၊ ကလေးတွေကပါ တောင်းဆိုတာ ကြာပြီ ကျနော့်ကိုလေ၊ သူတို့ အဲဒီ အထက်တန်းကျောင်းတွေမှာ တခြား ဘာသာတွေ ယူရတာ သိပ်အကျိုး မဖြစ် ဘူးပေါ့ဗျာ၊ မြန်မာလို သာ သင်ရလို့ရှိရင် မိဘတွေနဲ့လည်း ဆက်သွယ်ရတာ အဆင်ပြေမယ်၊ သူတို့ အတွက်လည်း ကောင်း တယ်ပေါ့လေ၊ သင်ရတာလည်း လွယ်တယ်၊ အကျိုးလည်းဖြစ်မယ် ဆိုပြီးတော့ ကျနော့်ကိုတောင်းဆို တာတော့ ကြာပြီ၊ အဲဒီကနေ အခုမှ စလုပ်ဖြစ်တာ၊ အဲလိုဆိုတော့ ကလေးတွေ အတွက်ကတော့ High School မှာ အခမဲ့ သင်ရမယ်၊ ပြီးတော့ Credit လည်းရမယ်၊ High School ပြီးဖို့ ကိုလည်း အထောက် အကူပြုမယ် ဆိုတော့ တန်ဖိုး မဖြတ်နိုင်အောင်ပဲ အကျိုး အမြတ် ရှိပါတယ်”

အင်ဒီးယားနားပြည်နယ်က အထက်တန်းကျောင်းတွေမှာ မြန်မာကျောင်းသူကျောင်းသား သောင်းနဲ့ချီ ပညာသင် ကြားနေတဲ့အတွက် ကျောင်းဆရာ လုံလောက်မှု၊ ကျောင်း အာဏာ ပိုင်တွေရဲ့ တောင်းဆိုမှု အခြေအနေပေါ် မူတည်ပြီး အခြား အထက်တန်း ကျောင်းတွေမှာပါ မြန်မာစာ သင်ကြားမှု အစီ အစဉ်တွေ တိုးချဲ့ သွားမယ်လို့ ဆိုပါတယ်။

လောလောဆယ် ပြည်နယ်အဆင့်မီ သင်ရိုးညွှန်းတန်းရေးဆွဲမှုတွေ လုပ်ဆောင်နေပြီး၊ အခြား သင်ကြားမှုဆိုင်ရာ နည်းပညာအကူအညီအတွက် ရန်ကုန်မြို့မှာ ရှိတဲ့ နိုင်ငံခြား သာသာသင် တက္ကသိုလ်နဲ့ ချိတ်ဆက်ဆောင်ရွက် သွားမယ်လို့ သိရပါတယ်။

အခုအစီအစဉ်ကြောင့် မြန်မာနိုင်ငံတက္ကသိုလ်ကောလိပ်တွေက ကျောင်းဆရာတွေလည်း အမေရိကန်မှာ မြန်မာစာ လာရောက်ပို့ချနိုင်မယ့် အခွင့်အလမ်း သစ်တွေ ရရှိလာစေမှာ ဖြစ်တယ်လို့လည်း ကျောင်းဆရာ ဦးကျော်သိန်းစိုး က ပြောပါတယ်။

ဒီအစီအစဉ်ဖြစ်မြောက်ရေး ဦးဆောင်ကြိုးပမ်းနေသူ ကျောင်းဆရာ ဦးကျော်သိန်းစိုး ကို RFA အဖွဲ့သား ကိုကျော်ကျော်အောင် ဆက်သွယ်မေးမြန်းထားတာ နားဆင်နိုင်ပါတယ်။



From : အာအက်ဖ်အေမြန်မာသတင်းဋ္ဌာန

Originally published at - http://www.rfa.org/burmese

Read More »

Friday, April 21, 2017

ပြောင်းလဲမှု နဲ့ ကြန့်ကြာမှု




NLD အစိုးရ သက်တမ်း (၁) နှစ်ပြည့် မိန့်ခွန်းမှာ ပြောင်းလဲမှု နှစ်မျိုး ရှိကြောင်း ဒေါ်အောင်ဆန်း စုကြည်က ပြောသွား ပါတယ်။ စိတ်ဓါတ် ပြောင်းလဲ မှုနဲ့ စနစ် ပြောင်းလဲ မှုလို့ ဆိုပါတယ်။

ဒီပြောင်းလဲမှု နှစ်ခုစလုံးမှာ ပြည်သူရော အစိုးရပါ ပါဝင်ရမှာ ဖြစ်ပေမယ့်၊ စနစ်ပြောင်းလဲရာမှာတော့ အစိုးရက ဦးဆောင်ရမယ်လို့ ဆိုပါတယ်။ နှစ်ပေါင်းများစွာ အမြစ်တွယ်လာတဲ့ စိတ်ဓါတ်ကို ပြောင်းလဲဖို့ အချိန်ယူရပါလိမ့်မယ်။ ဒါပေမဲ့ အစိုးရဗျူရိုကရေစီကိုတော့ အချိန်အတိုင်းအတာတခုမှာ ပြောင်းလဲနိုင်လိမ့်မယ်လို့ မျှော်လင့်ရပါတယ်။

အနှစ် (၅၀) ကျော် အဂတိလိုက်စားတဲ့ အစိုးရယန္တရားကို ပြောင်းလဲရာမှာ ပြဿနာ ရှိပါတယ်။

NLD အစိုးရသစ်မှာ လွှတ်တော်ကိုယ်စားလှယ်နဲ့ဝန်ကြီး စုစုပေါင်းရာနဲ့ချီပြီး ရှိပေမယ့် အစိုးရရဲ့  ဗျူရိုကရေစီ ယန္တရားမှာ ဝန်ထမ်းပေါင်း သန်းနဲ့ချီပြီး ရှိနေ ပါတယ်။ ဝန်ကြီး၊ ဒုဝန်ကြီးတွေ ပြောင်းလဲ သွားပေမယ့် သူတို့အောက်က ဗျူရိုကရေစီ ယန္တရား ကတော့ မပြောင်းလဲဘဲ အရင်အတိုင်း ဆက်လုပ် နေတာမို့ အစိုးရသစ် အနေနဲ့ လုပ်ရ ကိုင်ရ ခက်ခဲ ပါတယ်။

ဗျူရိုကရေစီယန္တရား ပြောင်းလဲအောင် တွန်းအားပေးပြီး ဆောင်ရွက်နေ ရတယ်လို့ NLD စီးပွားရေး ကော်မတီ ဥက္ကဋ္ဌ ဦးဟန်သာမြင့်က မြန်မာတိုင်း(မ်)နဲ့ တွေ့ဆုံစဉ် ဖေဖေါ်ဝါရီလ က ပြောပါတယ်။ တွန်းအား မပေးရင် (၅) နှစ် အတွင်း ဘာမှဖြစ်မှာ မဟုတ်ဘူးလို့ ဆိုပါတယ်။

“ပြောင်းလဲချိန်တန်ပြီ၊ အမှန်တကယ် ပြောင်းလဲဖို့ NLD ကို မဲပေးစို့” ဆိုတဲ့ ကြွေးကြော်သံအတိုင်း မဲပေးခဲ့ကြသူတွေဟာ အပြောင်းအလဲကိုမြင်ဖို့ ဆန္ဒစောနေ ကြပါတယ်။ လွှတ်တော်ကို နှိုင်းယှဉ်တဲ့ အခါမှာလည်း ပြည်ခိုင်ဖြိုး လွှတ်တော်က NLD လွှတ်တော်ထက် လုပ်ရည် ကိုင်ရည် ပိုကောင်းတယ်လို့ ကျောက်ဖြူမြို့ နယ် ပြည်သူ့ လွှတ်တော် ကိုယ်စားလှယ် ဦးဘရှိန်က ပြောကြောင်း ဇန်နဝါရီ (၃၁) ရက်နေ့ ထုတ် မဇ္စျိမ သတင်းမှာ ဖော်ပြ ပါတယ်။

ဦးဘရှိန်ဟာ ပြီးခဲ့တဲ့ လွှတ်တော်ဟောင်းမှာရော၊ လက်ရှိ လွှတ်တော်မှာပါ ရွေးကောက် တင်မြှောက်ခံ ရသူ ဖြစ်ပါတယ်။ အပြန် အလှန် ထိန်းကျောင်းမှု ဆိုတဲ့ သဘော တရားကို အခု လွှတ်တော်မှာ အပြည့်အဝ လုပ်နိုင်တာမျိုး မရှိသေးဘူးလို့ လွှတ်တော်ကိုယ်စားလှယ်တွေက ဖြေကြောင်း မဇ္စျိမသတင်းက ဖော်ပြ ပါတယ်။ အပြောင်းအလဲဖြစ်ဖို့ ကြာဦးမယ်ဆိုတဲ့ သဘောဖြစ်ပါတယ်။

အရင်တုန်းက ဖြစ်ချင်တိုင်း ဖြစ်နေတဲ့ သယံဇာတနဲ့ အခြားလုပ်ငန်းတွေကို NLD အစိုးရသစ်က စတင်ထိန်းချုပ်ပြီး ပြုပြင်ရေးလုပ်ပါတယ်။ အဲဒီအခါမှာ နည်းမျိုးစုံသုံးပြီး လုပ်ခဲ့တာတွေ ခေတ္တရပ်ဆိုင်းသွားလို့ စီးပွားရေး တိုးတက်မှု နှေးကွေးသွားပါတယ်။

နေရာတိုင်းလိုလိုမှာ ဒေါ်အောင်ဆန်းစုကြည်ရဲ့  အတည်ပြုချက် ရယူနေရတာလည်း အစိုးရလုပ်ငန်း တုံ့နှေးစေတဲ့ အချက် ဖြစ်နိုင်တယ်လို့ မြန်မာ့ရေးရာ သုတေသီ ပါမောက္ခ Robert H. Taylor က မတ်လ (၃၀) ရက်နေ့ထုတ် Nikkei Asian Review စာစောင်မှာ ရေးထားပါတယ်။

အစိုးရလုပ်ငန်း အတွေ့အကြုံမရှိဘဲ အရင်အစိုးရတွေ မလုပ်နိုင်တာကို အောင်မြင်အောင်လုပ်ဖို့ဆိုတာ အလွန်ခက်ခဲတယ်လို့ ဆိုပါတယ်။ အမိန့်နာခံဖို့ကိုသာ အဓိကထားပြီး မလုပ်၊ မရှုပ်၊ မပြုတ် လမ်းစဉ်ကျင့်သုံးလာတဲ့ ဗျူရိုကရေစီယန္တရားကို ကျော်လွှားနိုင်ဖို့ မလွယ်ဘူးလို့ ဆိုပါတယ်။

အစိုးရသစ်ပြောင်းလဲလာပေမယ့် ဝန်ကြီးဌာနတွေရဲ့  ဆောင်ရွက်ပုံကတော့ မပြောင်းလဲသေးတဲ့အတွက် တိုးတက်မှု အရှိန်အဟုန် နှေးကွေးနေရတာလို့ စီးပွားရေးလုပ်ငန်းရှင်အချို့ က ထောက်ပြကြောင်း မတ်လ (၃၀) ရက်နေ့ထုတ် မြန်မာတိုင်း(မ်) သတင်းဆောင်းပါးမှာ ဖော်ပြပါတယ်။

ဝန်ကြီးဌာနတွေဟာ အရင်ပုံစံအတိုင်း လုပ်နေကြပြီး သူတို့ရဲ့  လုပ်ငန်းတွေကို လက်မလွှတ်ချင်ကြဘူးလို့ ဆိုပါတယ်။ ဆုံးဖြတ်ချက်တခုချမယ်ဆိုရင် အခြား ဝန်ကြီးဌာနတွေရဲ့  သဘောထားကို လိုက်တောင်းတဲ့အကျင့် ရှိပါတယ်။

ဝန်ကြီးဌာနတွေဟာ အပေါ်ပိုင်းမှာ ပြောင်းလဲမှုတွေလုပ်ပြီး အောက်ခြေဝန်ထမ်းတွေရဲ့  အရည်အသွေးကို မမြှင့်တင်နိုင်တာဟာ အားနည်းချက် ဖြစ်ပါတယ်။

ပုဂ္ဂလိကဏ္ဍနဲ့ ဆက်ဆံနေတဲ့ အစိုးရအဖွဲ့ အောက်ခြေဌာနတွေမှာ ပြုပြင်ရေး မလုပ်နိုင်သေးတာဟာလည်း တိုးတက်မှု နှေးကွေးတဲ့အကြောင်းရင်း ဖြစ် ပါတယ်။

အသေးစား၊ အလတ်စား စီးပွားရေုးလုပ်ငန်းများ ဖွံ့ဖြိုးတိုးတက်ရေး ဗဟိုကော်မတီမှာ သမ္မတက ဥက္ကဋ္ဌဖြစ်ပြီး ဒေါ်အောင်ဆန်းစုကြည်က တွဲဘက်ဥက္ကဋ္ဌ ဖြစ်ပါတယ်။

မတ်လ (၁) ရက်နေ့က အစည်းအဝေး ကျင်းပပြီး လုပ်ငန်းကော်မတီ၊ လုပ်ငန်းသုံးသပ်မှု အစီရင်ခံရေးအဖွဲ့၊ ရန်ပုံငွေ စီမံခန့်ခွဲမှုအဖွဲ့၊ အေဂျင်စီ နဲ့ အေဂျင်စီ ရုံးခွဲတွေ ဖွဲ့စည်းဖို့ စီစဉ်တာ တွေ့ရပါတယ်။ အသေးစား၊ အလတ်စား လုပ်ငန်းတွေ အောင်မြင်မှ တိုင်းပြည်စီးပွားရေး အောင်မြင်မှာဖြစ်လို့ ဝန်ကြီးဌာနတွေက ပံ့ပိုးရမယ်လို့ ဒေါ်စု က ဆိုပါတယ်။

ပြည်သူ့ကျန်းမာရေးကို ဦးတည်တဲ့ အမျိုးသားကျန်းမာရေး လေးနှစ်စီမံကိန်း (၂၀၁၇-၂၀၂၁) စတင်ကြောင်း မတ်လ (၃၁) ရက်နေ့က ကြေညာပါတယ်။

ကျန်းမာရေးနဲ့ အားကစားဝန်ကြီးဌာနက ဦးဆောင်မှာဖြစ်ပေမယ့် အခြားဝန်ကြီးဌာနတွေကပါ ဝိုင်းဝန်းလုပ်ဆောင်သွားမယ့် စီမံကိန်းဖြစ်တယ်လို့ ဒေါ်စုက ဆိုပါတယ်။

အထူးသဖြင့် ပညာရေး၊ လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေး၊ စိုက်ပျိုးရေး၊ မွေးမြူးရေးနဲ့ ဆည်မြောင်းဝန်ကြီးဌာနတွေ ဝိုင်းဝန်း ကူညီ ရမယ့် စီမံကိန်း ဖြစ်တယ်လို့ ဆိုပါတယ်။

ပြည်သူ့ကျန်းမာရေးဆိုင်ရာ စည်းမျဉ်းစည်းကမ်းနဲ့ ဥပဒေကို လွှတ်တော်ကိုယ်စားလှယ်တွေက ပြဌာန်းရမှာ ဖြစ်ပါတယ်။ ဝန်ကြီးဌာနတွေ ပြည်သူ့အကျိုး ဘယ်လို သယ်ပိုးကြမယ်ဆိုတာကိုတော့ စောင့်ကြည့်ဖို့သာ ရှိပါတယ်။



From : ဗွီအိုအေမြန်မာသတင်းဋ္ဌာန by - (ဦးအောင်ခင်, ကိုဉာဏ်ဝင်းအောင်)

Originally published at - http://burmese.voanews.com

Read More »

သင်္ကြန် ခွင့်ပြန် မြန်မာ အလုပ်သမားများ ထိုင်းနိုင်ငံ ပြန်ဝင်ရေး အခက်တွေ့




သင်္ကြန် ကာလ အတွင်း ထိုင်းနုိုင်ငံ ကနေ နေရပ်ပြန် သွားကြတဲ့ မြန်မာ ရွှေ့ပြောင်း အလုပ် သမားတွေ အခု သင်္ကြန် အပြီး ထိုင်းနိုင်ငံထဲ ပြန် အ၀င်မှာ အခက်တွေ့ နေကြ ပါတယ်။

တရားဝင် အလုပ် လုပ်ခွင့် ဗီဇာ ပတ်စပို့စ် လက်မှတ်တွေ ကိုင်ဆောင် ထားပေ မဲ့လဲ ပြန်ဝင်ဖို့ အခက်တွေ့ နေတာပါ။

အခုလို ထိုင်းနိုင်ငံထဲ ပြန်ဝင်ဖို့ အခက်တွေ့ နေတာဟာ အလုပ်သမားတွေ နေရပ် အပြန် ခရီးမှာ တရားမ၀င် လမ်းကြောင်း ကနေ ထွက်ခွာ သွားကြ တာကြောင့် ဖြစ်တယ်လုို့ ထိုင်း မြန်မာ နယ်စပ် အလုပ် သမား အရေး လှုပ်ရှား သူတွေက ပြောပါတယ်။

အပြည့်အစုံကိုတော့ ထိုင်းအခြေစိုက်ဗွီအိုအေသတင်းထောက်နိုင်ကွန်းအိန်ကပြောပြပေးမှာပါ။

သင်္ကြန်အလွန်ကာလမှာ မြန်မာရွှေ့ပြောင်းအလုပ်သမားတွေအနေနဲ့ ထိုင်းနိုင်ငံအတွင်းဝင်ရောက်ရေးမှာ အခက်တွေ့ နေကြတာ ဖြစ်ပြီး ထိုင်းမြန်မာ နယ်စပ် ဘုရား သုံးဆူမြို့နယ် လမ်းကြောင်းမှာ ထိုင်းနိုင်ငံ အတွင်း ၀င်ရောက်ဖို့ အခက်တွေ့ နေတဲ့ အခြေအနေ ကိုတော့ ရာဘာခြံ အလုပ်သမား တဦးဖြစ်သူ မထွေးထွေးက အခုလိုပြော ပါတယ်။

“အခက်အခဲ အဆင့်တွေ ကတော့ ဒီလိုမျိုးပေါ့ ကိုယ့်မှာတော့ ပြည့်စုံတယ် သူက ပေးမ၀င်ဘူး၊ သူတို့ပြော ထားတဲ့ အခွင့်အရေး ပေးထားတဲ့ ဒီတန်ခူးလ အတော အတွင်းမှာ ရက် ၂၀ ပြောထား တာတွေလည်း သွားလို့ မရဘူး။ ကိုယ်လိုင်းကားမေးတယ်၊ မေးတော့ သူတို့မပေးတက်ဘူး ၊ ပြီးတော့ ဂိုက်တွေ ကိုလည်း ခေါ်ချတယ်။ အကိုတယောက်ဆိုရင် တက်သွားပြီးတော့မှ ခေါ်ချလိုက်တယ်၊ ကျမတို့လည်း ဘက်တွေဘာတွေရှိတယ် ၊ Passport တွေရှိတဲ့ လူတွေလည်း တက်လို့မရဘူး။ ဘက်တွေဘာတွေအထောက်အထားနဲ့ဆိုလည်း မပေးတက်ဘူး။”

ဘုရားသုံးဆူလမ်းကြောင်းဟာ တရားဝင် နယ်စပ် ဂိတ်ဖွင့်လှစ် တာမျိုး မရှိသေးပေမဲ့ အရင်က တရားဝင် အလုပ် လုပ်ခွင့် လက်မှတ် ပါမစ်ရှိတဲ့ သူတွေ ၀င်ထွက် သွားလာတာ လွယ်ကူခဲ့ပြီး အ ခုရက်ပိုင်းတွေမှာ ၀င်ထွက်ဖို့ ခက်ခဲနေ တယ်လို့ ခရီးသည် ပို့ဆောင်ရေး အေဂျင်စီ တခုက မန်နေဂျာ မနန်းနွယ်ဦးက အခုလိုပြောပါတယ်။

“ဘက်လည်းမရဘူး။ ဒီသင်္ကြန်ကျ ကတည်းက အဲဒီလိုမျိုး ဖြစ်နေတာ၊ ပြန်လည်း ခက်တယ်၊ သွားလည်း ခက်တယ်။”

ဘုရားသုံးဆူမြို့နယ် အတွင်းမှာ ထိုင်းနိုင်ငံထဲ ၀င်ရောက်မဲ့ အလုပ်သမား(၁၀၀)ကျော် သောင်တင် နေပါတယ်။

ဘန်ကောက်မြို့မှာအလုပ်လုပ်တဲ့အလုပ်သမားကိုဝင်းဇော်ကတော့ မြ၀တီ မဲဆောက်လမ်းခရီးမှာ ၀င်ရောက်ရာမှာ အခက်တွေ့နေတဲ့အခြေအနေကို အခုလိုပြောပါတယ်။

“Passport တခုတည်းနဲ့ သွားရတာ ဘယ်လိုပဲဖြစ်ဖြစ် Passport မှာတင်ပါပြီးသားပဲ၊ သူက ဖြတ်သန်းသွားလာခွင့်ဆိုတာက သူက ဥပဒေပါပြီးသားပဲ။ ထိုင်းက အာဏာပိုင်တွေက လမ်းမှာ ရစ်တယ်ခင်ဗျ။ Work Permit စာအုပ်ဆိုတဲ့ ကိစ္စလေ၊ တချို့ Work Permit မရှိတဲ့ အလုပ်သမားတွေကို ဘန်ကောက်ကို မပေးပြန် ဘူး ၊ ပြန်ရင် ဆွဲချ ၊ နယ်စပ်ကို ပြန်ပို့ တာတွေတော့ ရှိတယ်။ အခက်အခဲတွေ ကတော့ အဲဒါတွေ ရှိတယ်။”

ထိုင်းအစိုးရအနေနဲ့ ထိုင်းနိုင်ငံမှာအလုပ်လုပ်နေတဲ့မြန်မာရွှေ့ပြောင်းအလုပ်သမားတွေအတွက် သင်္ကြန်မတိုင်ခင်ကနေ ဧပြီလကုန်တဲ့အထိအရက်(၂၀)ခန့် နေရပ်ပြန်ခွင့်ပြုကြောင်းတရားဝင်ထုတ်ပြန်ထားပါတယ်။

အခုလိုသင်္ကြန်အလွန် ထိုင်းနိုင်ငံထဲဝင်ရောက်ရေးမှာ အခက်တွေ့နေရတဲ့အကြောင်းရင်း ကိုတော့မြန်မာအလုပ်သမား အရေး ကူညီလှုပ်ရှားသူ ဦးမိုးကြိုးက အခုလိုပြောပါတယ်။

“၀င်လို့မရဘူးဆိုတာ ကျနော်တို့ ထိုင်း-မြန်မာချစ်ကြည်ရေးတံတား မဲဆောက်၊ မြ၀တီ တံတားကနေ တရားဝင်သွားမယ်၊ Legal Migration နဲ့သွားမယ်ဆိုရင် လိုအပ်တဲ့ စာရွက် စာတမ်းတွေကို စစ်ဆေး ပြီးတော့မှ လွှတ်ပေး လိုက်တာဖြစ်တဲ့ အတွက် ဒီကို ၀င်လာလည်း ပြဿနာ မရှိတော့ဘူး။

အဲဒီလို ချစ်ကြည်ရေး တံတား ရှိနေပါလျက် တံတားအောက်က လှေနဲ့ ဖြတ်ကူး သွားတယ် ၊ တရားမ၀င် ဂိတ်တွေကနေ ဖြတ်ကူး ပြီးတော့ ထိုင်းထဲပြန် ၀င်ဖို့ ကြိုးစားတယ် ဆိုရင်တော့ မရပါဘူး။ ကျနော်တို့ မဲဆောက် အထွက် ဘန်ကောက် အတက် စစ်ဆေးရေး ဂိတ်တွေမှာ ဆွဲချ ခံရမယ်၊ စာအုပ်တွေ အသိမ်းခံ ရမယ်။

အချုပ်ထဲတွေဘာတွေရောက်မယ်ဆိုတာတွေ ဆင့်ကဲဆင့်ကဲဖြစ်နိုင်ပါတယ်။ မဲဆောက်၊ မြ၀တီ ချစ်ကြည်ရေး တံတားကနေပြီးတော့ အပေါ်က ပြန်တဲ့ တရားဝင် ၁ ယောက် ဆိုရင် အောက်က လှေ ၊ ကူးတို့ဆိပ် တွေကနေ ပြန်တာ၃ ယောက်လောက်ဖြစ်နိုင်ပါတယ်။ စာရွက်စာတန်းအပြည့်အစုံရှိပါလျက်နဲ့ အောက်လှေဆိပ်တွေကနေပြီးတော့ သုံးတယ်၊ ခါတိုင်းလည်း ပြန်နေကြပဲ ဆိုတဲ့ ပုံစံနဲ့ ပြန်နေကြတာဖြစ်တဲ့ အတွက် ပြန်ဝင်တဲ့ အခါမှာ အခက် အခဲတွေ့ ပါတယ်။”

မြန်မာရွှေ့ပြောင်းအလုပ်သမားတွေအနေနဲ့ နေရပ်အပြန်ခရီးမှာ တရားမ၀င်လမ်းကြောင်းကနေ ထွက်သွားကြတာဖြစ်ပြီး အခုလိုပြန်ဝင်တဲ့အခါ ဥပဒေနဲ့ မညီ တာကြောင့် အခက်တွေ့ နေတာ ဖြစ်တယ်လို့ ဦးမိုးကြိုးက ဆိုပါတယ်။

အဲဒီလို အခက်တွေ့နေတဲ့အလုပ်သမားတွေ လုပ်ဆောင်ရမဲ့နည်းလမ်းကို ဦးမိုးကြိုးက အခုလိုအကြံပြုထားပါတယ်။

“အဖမ်းခံရတဲ့သူတွေကို ကျနေ်ာပြောချင်တာက အောက်လှေဂိတ်တွေကနေပြီးတော့ စာရွက်စာတန်းအပြည့်အစုံရှိပါလျက် ကူးသွားတဲ့လူတွေက တံတားပေါ် ကနေပြီးတော့ ထွက်ပြ လိုက်ပါ။ အဲဒီမှာ အထွက်ပြ ရပါမယ်။ ပြီးတော့ ပြန်ဝင် လာခဲ့ပါ ၊ အဲဒီမှာ ၀င်ခွင့်ရပါမယ် အဲဒီစာရွက်စာတန်းနဲ့ ပြန်ပါ။”

သင်္ကြအလွန်ကနေ ဒီကနေ့အထိ မြန်မာရွှေ့ပြောင်းအလုပ်သမား(၅)သောင်းကျော် ထိုင်းနိုင်ငံထဲ ပြန်ဝင်လာကြပြီးပြီလို့ ဦးမိုးကြိုးကဆိုပါတယ်။

မြန်မာနဲ့ထိုင်းနိုင်ငံအစိုးရတို့သဘောတူညီချက်အရ တရားဝင်ဖွင့်လှစ်ထားတဲ့နယ်စပ်ဂိတ်ဖြစ်တဲ့ မြ၀တီ-မဲဆောက် လမ်း တာချီလိတ် မဲဆိုင်လမ်း ကော့သောင်း ရနောင်းစတဲ့လမ်း(၃)ခုမှာသာတရားဝင်ဝင်ထွက်သွားလာခွင့်ပြုထားပေမဲ့ ဘုရားသုံးဆူလမ်း တနင်္သာရီတိုင်းဒေသကြီးဘက်ကထီးခီး ကန်ချနပူရီလမ်းဘက်တွေမှာလဲ နားလည်မှုနဲ့ ၀င်ထွက် သွားလာမှုတွေ ရှိနေပါတယ်။

မြန်မာနိုင်ငံအတွင်းမှာ အထူးသဖြင့်တာကြောင့် ထိုင်းနိုင်ငံမှာ အလုပ်သွားလုပ်နေတဲ့ မြန်မာရွှေ့ပြောင်းအလုပ်သမား (၂)သန်းကျော်ရှိတယ်လို့ ထိုင်း အလုပ် သမား ၀န်ကြီးဌာနကနေထုတ်ပြန်ထားပါတယ်။



From : ဗွီအိုအေမြန်မာသတင်းဋ္ဌာန by - (နိုင်ကွန်းအိန်)

Originally published at - http://burmese.voanews.com

Read More »

မြန်မာ နိုင်ငံကူးလက်မှတ် ကမ္ဘာ့တန်းဝင် အဆင့် ၉၃ အနက် ၈၅ နေရာမှာ ရှိနေ




မြန်မာ နိုင်ငံကူး လက်မှတ် ကိုင်ဆောင် ထားသူတွေ အနေနဲ့ ကမ္ဘာ တ၀န်း နိုင်ငံနဲ့ ဒေသပေါင်း ၁၉၉ ခု ထဲက ၁၂ ခုကုို ပြည်ဝင်ခွင့် ဗီဇာ မလိုဘဲ ၀င်ရောက်ခွင့် ရထား ပါတယ်။

နို်င်ငံနဲ့ ဒေသပေါင်း ၁၉၉ ခုရဲ့ နုိုင်ငံကူး လက်မှတ် ပါ့စ်ပို့တ် တွေကို အဆင့် သတ်မှတ်တဲ့ passportindex.org အဖွဲ့က မကြာ သေးခင် က ထုတ်ပြန်တဲ့ စစ်တမ်း ထဲမှာ အဲဒီလို ဖော်ပြ ထားတာပါ။

မြန်မာနုိုင်ငံကူး လက်မှတ်ရဲ့ ဗီဇာ လွတ်လပ် ခွင့်ကို ကိုဆုိုဗို နိုင်ငံနဲ့ အတူ ၄၁ မှတ် ပေးထားပြီး အဆင့်ပေါင်း ၉၃ ဆင့်ထဲ အဆင့် ၈၅ မှာ သတ်မှတ် ထား ပါတယ်။

ဗီဇာ ကြိုယူစရာ မလိုတဲ့ နုိုင်ငံနဲ့ ဒေသ ၁၂ ခု ထဲမှာ အရှေ့တောင် အာရှနုိုင်ငံများ ASEAN အဖွဲ့ဝင် ၈ နုိုင်ငံ ပါဝင်ပြီး မလေးရှား နိုင်ငံကို ၀င်ဖို့ ဆိုရင်တော့ ဗီဇာ ကြိုယူ ရပါမယ်။ ဗီဇာ ယူစရာမလိုတဲ့ တခြားနုိုင်ငံတွေ ကတော့ Ecuador, Haiti, Micronesia နဲ့ St. Vincent and Grenadines နုိုင်ငံတွေ ဖြစ်ပါတယ်။

တခါ Visa on Arrival ဆိုက်ရောက် ဗီဇာယူပြီး ၀င်လို့ရတဲ့ နိုင်ငံပေါင်း ၂၇ နုိုင်ငံ ရှိပြီး အဲဒီ ထဲမှာ အာဖရိက တိုက်က အိုင်ဗရီကို့စ်၊ ကင်ညာ၊ မိုဇမ်ဘစ်၊ ယူဂန်ဒါ၊ ဇမ်ဘီယာ စသည်ဖြင့် ၁၆ နုိုင်ငံ ပါဝင် ပါတယ်။ Timor-Leste နဲ့ နီပေါလ်နုိုင်ငံ တွေကို ၀င်မယ် ဆုိုရင် လဲ ဆိုက်ရောက် ဗီဇာနဲ့ ၀င်လို့ ရပါတယ်။

နုိုင်ငံနဲ့ဒေသပေါင်း ၁၉၉ ခုရဲ့ ပါ့စ်ပို့တွေ ထဲမှာ ဗီဇာ လွတ်လပ်ခွင့် ရမှတ် ၁၅၉ မှတ်နဲ့ အဆင့် ၁ အဖြစ် သတ်မှတ် ထားတာကတော့ ဂျာမနီနဲ့ စင်္ကာပူ နုိုင်ငံကူး လက်မှတ်တွေပါ။

ဆွီဒင်နုိုင်ငံကူး လက်မှတ် ကိုတော့ အမှတ် ၁၅၈ မှတ်နဲ့ အဆင့် ၂ မှာ သတ်မှတ် ထားပါ တယ်။ ဒိန်းမတ်၊ ဖင်လန်၊ အီတလီ၊ ပြင်သစ်၊ စပိန်၊ နော်ဝေး၊ ယူကေ၊ တောင်ကိုရီးယား၊ အမေရိကန်နုိုင်ငံတွေရဲ့ နုိုင်ငံကူး လက်မှတ်တွေကိုတော့ ရမှတ် ၁၅၇ မှတ်စီနဲ့ အဆင့် ၃ မှာ သတ်မှတ် ထားပါတယ်။



From : ဗွီအိုအေမြန်မာသတင်းဋ္ဌာန

Originally published at - http://burmese.voanews.com

Read More »

Wednesday, April 19, 2017

၂၀၁၇ခုနှစ်ကို ငြိမ်းချမ်းရေးနှစ် အဖြစ် နိုင်ငံခေါင်းဆောင် တွေမျှော်မှန်း




“၂၀၁၇ ခုနှစ်ကို ငြိမ်းချမ်းရေးနှစ်”အဖြစ် မျှော်မှန်း ထားတဲ့ အတိုင်း ဆောင်ကျဉ်း နိုင်အောင် ကြိုးပမ်း ကြဖို့ နိုင်ငံတော် သမ္မတက ပြောဆို လိုက်ချိန် မှာပဲ တပ်မတော် ကာကွယ်ရေး ဦးစီးချုပ် ကလည်း တိုင်းပြည် ငြိမ်းချမ်းမှ တိုင်းပြည် တိုးတက်နိုင်မှာ ဖြစ်လို့ ငြိမ်းချမ်းရေး ရအောင် နိုင်ငံသူ နိုင်ငံသားတွေ ဝိုင်းဝန်း ကြိုးပမ်း ကြဖို့ တိုက်တွန်း လိုက်ပါတယ်။

ဒီလိုတတိုင်းပြည်လုံးစစ်မီးငြိမ်းပြီး “ငြိမ်းချမ်းရေးနှစ်” အမှန်တကယ် ဖြစ်ဖို့ဆိုရင် အစိုးရ၊ တပ်မတော်၊ တိုင်းရင်းသားလက်နက်ကိုင်အဖွဲ့တွေကြား စစ်မှန်တဲ့ ယုံကြည်မှုတည်ဆောက်နိုင်ဖို့နဲ့ အားလုံး ပါဝင်တဲ့ နိုင်ငံရေးဆွေးနွေးမှုတွေဖြစ်လာ ဖို့က အဓိက အရေးကြီးဆုံးဖြစ်တယ်လို့ တိုင်းရင်းသားတွေက သုံးသပ် ပါတယ်။ အသေးစိတ် မဆုမွန် ဆက်ပြောပြပါမယ်။

NLD ဦးဆောင်တဲ့အရပ်သားအစိုးရ လက်ထက်မှာ ဒီမိုကရေစီ အသွင်ကူးပြောင်းနိုင်ရေးနဲ့ ပြုပြင်ပြောင်းလဲမှုတွေ လုပ်ဆောင်နေချိန်မှာ အဓိက တိုင်းပြည်ရဲ့ ငြိမ်းချမ်းရေးကို ဦးစားပေး ဖော်ဆောင်မယ်လို့ နိုင်ငံတော် သမ္မတ ဦးထင်ကျော်ရော နိုင်ငံတော် အတိုင်ပင်ခံ ပုဂ္ဂိုလ်ဒေါ်အောင်ဆန်း စုကြည်ကပါ အလေး အနက် ပြောဆိုထား တာပါ။

နှစ်သစ်ကူး ဆုတောင်းမှာတော့ နိုင်ငံတော်သမ္မတက နိုင်ငံတော်အစိုးရအနေနဲ့ အမျိုးသားရင်ကြားစေ့ရေး၊ ပြည်တွင်းငြိမ်းချမ်းရေး၊ ဒီမိုကရေစီ ဖက်ဒရယ် ပြည်ထောင်စု ဖြစ်ပေါ်ရေးကို ရှေးရှုတဲ့ ဖွဲ့စည်းပုံ အခြေခံ ဥပဒေသစ် တစ်ရပ် ပေါ်ပေါက်ရေး တွေကို အကောင် အထည်ဖော် ဆောင်ရွက်နေပြီး နိုင်ငံသူ နိုင်ငံသားတွေ အတွက် ရလဒ်ကောင်းတွေ ဖော်ဆောင်နိုင်မယ့် ၂၀၁၇ ခုနှစ်ကို ငြိမ်းချမ်းရေးနှစ် အဖြစ် မျှော်မှန်း တယ်လို့ မိန့်ခွန်းပြော ထားပါတယ်။

တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်ကလည်း ငြိမ်းချမ်းရေးဟာ အရေးကြီးကြောင်းနဲ့ တိုင်းပြည်ငြိမ်းချမ်းမှ တိုင်းပြည် တိုးတက်နိုင်မှာ ဖြစ်လို့ ငြိမ်းချမ်းရေး ရအောင် ကြိုးစား သွားကြဖို့ နိုင်ငံကို နှစ်သစ်မှာ တိုက်တွန်း ခဲ့ပါတယ်။

“နိုင်ငံသူနိုင်ငံသားအားလုံး နှစ်သစ်မှာ အဲဒီခွန်အားနဲ့ ကျော်လွှားနိုင်ဖို့အတွက် အခွင့်အရေးရဖို့လိုတယ်၊ အခွင့်အရေးရအောင်လည်း ဆောင်ရွက်ပေးဖို့ တာဝန် ရှိပါတယ်၊ ဒီလိုရတဲ့ အခွင့် အရေးအပေါ် မူတည်ပြီးတော့ နိုင်ငံသူနိုင်ငံသားအားလုံး ကနေ နောင်လာမယ့် ၁၃၇၉ ခုနှစ် မှာလည်း ကျော်လွှားနိုင်ပါစေလို့ ဆုမွန်ကောင်းတောင်းပါတယ်၊

နောက်တစ်ခုကလည်း ငြိမ်းချမ်းရေးပေါ့ ငြိမ်းချမ်းရေး အရေးကြီးပါတယ် တိုင်းပြည်ငြိမ်းချမ်းမှ တိုင်းပြည်တိုးတက်မှာဖြစ်ပါတယ်၊ ဒါကြောင့်ခုနကပြောတဲ့ ခွန်အားတွေနဲ့အတူ ငြိမ်းချမ်းရေးတွေ ရအောင်ကြိုးစားသွားကြဖို့လည်း ဆုမွန်ကောင်းတောင်းပါတယ် ”

အခုလို နိုင်ငံခေါင်းဆောင်တွေဘက်က ငြိမ်းချမ်းရေးဖော်ဆောင်ဖို့ တိုက်တွန်းနေတာနဲ့ပတ်သက်လို့ တိုင်းပြည်တွင်းငြိမ်းချမ်းရေး ဖော်ဆောင်နိုင်ဖို့ အလား အလာကောင်းပါသလား အမှန်တကယ်ငြိမ်းချမ်းရေးဖော်ဆောင်နိုင်ဖို့ ဘယ်လိုမျှော်လင့်ချက်တွေ ထားနိုင်ပါသလဲ ဘယ်လိုစိန်ခေါ်မှုတွေ ရှိနေနိုင်မလဲဆိုတဲ့ အပေါ်မှာတော့ တိုင်းရင်းသားတွေဘက်က အမှန်တကယ်စစ်မှန်တဲ့ ယုံကြည်မှု တည်ဆောက်နိုင်ရေးက အဓိကအကျဆုံးဖြစ်တယ်လို့ သုံးသပ်ကြပါတယ်။

အခုလို နိုင်ငံ့ခေါင်းဆောင်တွေဘက်က ငြိမ်းချမ်းရေးဖော်ဆောင်ဖို့စကားကို ဦးစားပေးပြောဆိုလိုက်တဲ့အပေါ်ကြိုဆိုပြီး တိုင်းရင်းသားတွေဘက်ကလည်း စစ်မှန်တဲ့ငြိမ်းချမ်းရေးဖော်ဆောင်ပြီး ဖက်ဒရယ်ပြည်ထောင်စုပေါ်ထွန်းလာနိုင်ဖို့ မျှော်လင့်ပါတယ်လို့လည်း ကချင်အမျိုးသားများ အတိုင်ပင်ခံအဖွဲ့ရဲ့ အတွင်းရေးမှူး ဦးလဘမ်ဂမ်အောင်ကပြောပါတယ်။

“ကာကွယ်ရေးဦးစီးချုပ်ကလည်း အဲဒီလို မိန့်ခွန်းပြောထားတယ်၊ နိုင်ငံတော်သမ္မတကလည်း ပြောထားတယ်ဆိုတော့ အကုန်လုံးစိတ်တူကိုယ်တူ ၊ စည်းစည်း လုံးလုံးနဲ့ လုပ်ဆောင်သွားမယ် အကောင်အထည်ဖော် သွားမယ်ဆိုရင် တိုင်းရင်းသားလက်နက်ကိုင် အဖွဲ့အစည်းတွေ ပြည်သူလူထုတွေအားလုံး စည်းစည်း လုံးလုံးနဲ့ စစ်မှန်တဲ့ ပြည်ထောင်စု တည်ဆောက်နိုင်ပြီး ငြိမ်းချမ်းရေး Process ကိုလည်း ကောင်းကောင်းမွန်မွန်နဲ့ လုပ်ဆောင်သွားမယ်ဆိုရင်တော့ သူတို့ပြော တဲ့ မိန့်ခွန်းအတိုင်းဖြစ်လာနိုင်မယ်လို့ ကျနေ်ာတို့ သုံးသပ်ပါတယ်။”

ရှမ်းတိုင်းရင်းသားများဒီမိုကရေစီအဖွဲ့ချုပ် SNLD ရဲ့ အထွေထွေအတွင်းရေးမှူးဦးစိုင်းညွန့်လွင်က မြန်မာ့ငြိမ်းချမ်းရေးအလားအလာနဲ့ပတ်သက်လို့ သူ့အမြင် အခုလိုပြောပါတယ်။

“ဒီနှစ်မှာ အစိုးရပိုင်းရော တပ်မတော်ပိုင်းကပါ ငြိမ်းချမ်းရေးနဲ့ ပတ်သက်လို့ တော်တော်လေးကြိုးစားတာရှိပါတယ်။ ဒါကြောင့်လည်း ၂၀၁၇ က ငြိမ်းချမ်းရေး နှစ် ဖြစ်မယ် ဆိုပြီးပြောတာဖြစ်မှာပါ ဒါဘာပဲဖြစ်ဖြစ် ငြိမ်းချမ်းရေး ကြိုးပမ်းနေသရွေ့ဆိုရင်တော့ ဒါကျနော်တို့ ကြိုဆိုရမှာဖြစ်ပါတယ်။ ဒီပန်ဆန်းမှာလည်းပဲ သူတို့အဖြစ်နိုင်ဆုံး ညှိနှိုင်းဖို့လုပ်မယ်လို့ ကျနေ်ာတို့ မျှော်လင့်ပါတယ်။

၂ ဖက်စလုံးကပေါ့နော် ဖြစ်နိုင်စွမ်းရှိတဲ့ကိစ္စတွေကို လုပ်မယ်၊ တတ်နိုင်သလောက် လျှော့ပြီး ရပ်မယ်ဆိုရင်တော့ ဒီနှစ် သမ္မတကြီး ဦးထင်ကျော်တို့ မျှော်မှန်း သလို ဒီနှစ်ထဲမှာလည်း ပြေလည်ကောင်းပြေလည်သွားနိုင်ပါတယ်။”

နိုင်ငံတော်အတိုင်ပင်ခံပုဂ္ဂိုလ် ကချင်ကို ရောက်လာတုန်းက ကိုယ်တိုင်တွေ့ဆုံပြီး ငြိမ်းချမ်းရေးနဲ့ပတ်သက်လို့ ကချင်တွေရဲ့သဘောထားကို တင်ပြနိုင်ခဲ့တဲ့ ဦးလဘမ်ဂမ်အောင်ကလည်း အရေးကြီးဆုံးကတော့ တပ်မတော်၊ အစိုးရနဲ့ တိုင်းရင်းသားကိုယ်စားလှယ်တွေကြား ယုံကြည်မှုတည်ဆောက်ပြီး နိုင်ငံရေး ဆွေးနွေးမှုတွေ စတင်နိုင်ဖို့ အရေးကြီးတယ် ဆိုတာကို ထောက်ပြပါတယ်။

“တခြားတိုင်းရင်းသားတွေရော၊တိုင်းရင်းသားလက်နက်ကိုင် တွေရော ယုံကြည်မှုရရှိဖို့ဆိုတာက အင်မတန်မှ ခက်ခဲတယ်ပေါ့နော် အဲဒါကြောင့်မို့လို့ ငြိမ်းချမ်းရေး Process ကိုကောင်းကောင်းမွန်မွန်နဲ့ အမြန်အကောင်အထည်ဖော်မယ် ၊ မေတ္တာစေတနာထားပြီး ဖြစ်ချင်ရာဖြစ်ဆိုတဲ့ ပုံစံမဟုတ်ပဲနဲ့ သဘောထား ကြီးကြီးထားပြီးတော့ နိုင်ငံရေးနည်းလမ်းအရ ဆွေးနွေးတိုင်ပင်ပြီးလုပ်ဆောင်သွားမယ်ဆိုရင်တော့ အပစ်အခတ်တိုက်ခိုက်မှုတွေလည်း ရပ်ဆိုင်း လာမယ်၊ လျှော့နည်းလာမယ်လို့ ကျနော်တို့ အဲလိုသုံးသပ်တယ်။

မဟုတ်လို့ရှိရင် ငြိမ်းချမ်းရေးညီလာခံတက်တဲ့လူကတက်ရောက်၊ ဖြစ်ချင်ရာဖြစ် အကုန်ပစ်ခတ် တိုက်ခိုက်ဆိုတော့ ဒီငြိမ်းချမ်းရေး Process အောင်မြင်လာဖို့ ဆိုတာကတော့ အရမ်း အလှမ်းဝေးသေးတယ်လို့ ကျနေ်ာတို့ မြင်ပါတယ်။”

စစ်မှန်တဲ့ယုံကြည်မှုတည်ဆောက်နိုင်ဖို့က ခေါင်းဆောင်တွေကြား မကြာခဏတွေ့ဆုံမှုတွေနဲ့အတူ အမြင်သုံးသပ်ချက်ဖလှယ်တာတွေ လုပ်သင့်တယ် လို့လည်း ဦးစိုင်းညွန့်လွင်က အကြံပြုပါတယ်။

မကြာခင်မှာတော့ ၂၁ရာစုပင်လုံညီလာခံပြန်လည်စတင်နိုင်ဖို့ ရှိပြီး NCA အပစ်ရပ်စာချုပ်လက်မှတ်ထိုးထားတဲ့အဖွဲ့တွေရော NCA အပစ်ရပ် စာချုပ် မထိုးထား ရသေးတဲ့ တိုင်းရင်းသားလက်နက်ကိုင် အဖွဲ့တွေကြား ငြိမ်းချမ်းရေး လုပ်ငန်းစဉ်မှာ ပူးပေါင်းပါဝင်နိုင်ဖို့ အရေး ဆွေးနွေး အဖြေရှာနေ ကြဆဲလည်း ဖြစ်ပါတယ်။



From : ဗွီအိုအေမြန်မာသတင်းဋ္ဌာန by - (မဆုမွန်)

Originally published at - http://burmese.voanews.com

Read More »

ဒေါ်အောင်ဆန်း စုကြည် ဥရောပ ၄နိုင်ငံ ခရီးစဉ် အတည်ပြု




နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်ဟာ ဒီလ ကုန်မှာ ဥရောပ ၄ နိုင်ငံ ခရီးစဉ် သွားရောက်ဖို့ ရှိသလို မေလ အတွင်း မှာတော့ တရုတ်နိုင်ငံ ကို သွားဖို့ ရှိနေ ပါတယ်။ မေလဆန်း ပိုင်းမှာတော့ ကာလ အတန်ကြာ တည်းက ကျင်းပဖို့ ပြင်ဆင် နေတဲ့ ပြည်ထောင်စု ငြိမ်းချမ်းရေး ညီလာခံ - ၂၁ ရာစု ပင်လုံကို စတင်နိုင်ဖို့ ညှိနှိုင်း နေကြောင်း နိုင်ငံတော် အတိုင်ပင်ခံ ရုံး ညွှန်ကြားရေး မှုးချုပ်က ပြောပါတယ်။

ဒီသတင်းကို ဗွီအိုအေ မြန်မာပိုင်းရဲ့ သတင်းထောက် ကိုမိုးဇော်က တင်ပြ ထားပါတယ်။

ဒေါ်အောင်ဆန်းစုကြည် ပြည်ပခရီးစဉ်တွေ ဆက်တိုက်သွားရောက်ဖို့ သတင်းက အစောပိုင်းကာလတည်းက ထွက်ပေါ်နေခဲ့တာပါ။ အခုတော့ ဧပြီ လကုန် ပိုင်းမှာ ဒီခရီး စဉ်တွေ စတင်တော့မှာ ဖြစ်တယ်လို့ နိုင်ငံတော် အတိုင်ပင်ခံရုံး ညွှန်ကြားရေး မှုးချုပ်က ဦးဇော်ဌေးက အတည်ပြု ပြောဆို ပါတယ်။

“ဧပြီ လကုန်ပေါ့နော် ဧပြီလကုန် ပိုင်းမှာ ဥရောပ သွားမယ်၊ Belgium ၊ အီတလီ၊ ပြင်သစ်၊ အင်္ဂလန် သွားမယ်။ မေလထဲမှာ တရုတ်နိုင်ငံ သွားဖို့ ရှိတယ်။

ဒီခရီးစဉ်တွေမှာတော့ Belgium၊ ပြင်သစ်နဲ့ အီတလီဟာ အမျိုးသားဒီမိုကရေစီ အဖွဲ့ချုပ်ပါတီ အာဏာရပြီးတဲ့နောက် ပထမဆုံးသွားရောက်မယ့် ခရီးစဉ်လည်း ဖြစ်ပါတယ်။

၂၀၁၆ခုနှစ် စက်တင်ဘာလတုန်းကတော့ ဗြိတိန်နိုင်ငံကို သွားရောက်ခဲ့ပြီး ၀န်ကြီးချုပ်ထရီဇာမေနဲ့လည်း တွေ့ဆုံခဲ့ပါတယ်။ အခုသွားရောက်မယ့် ဥရောပ ၄နိုင်ငံဟာ မြန်မာနိုင်ငံနဲ့ နီးစပ်တဲ့ ဆက်ဆံရေးရှိထားပြီး အကူအညီပေးနေ တဲ့ နိုင်ငံတွေလည်း ဖြစ်ပါတယ်။

တရုတ်နိုင်ငံကိုတော့ NLD အစိုးရဖွဲ့ပြီးနောက်ပိုင်း ပထမဆုံးအကြိမ်နိုင်ငံတော်ခရီးစဉ် အဖြစ်၂၀၁၆ခုနှစ် သြဂုတ်လအတွင်းက သွားရောက်ခဲ့တာဖြစ်ပါတယ်။

ဒေါ်အောင်ဆန်းစုကြည် ဥရောပခရီးစဉ်က ပြန်လာပြီး တရုတ်နိုင်ငံခရီးစဉ် မတိုင်မီ အချိန်မှာတော့ အချိန်အတော်ကြာတည်းက ပြင်ဆင်လာတဲ့ ၂၁ရာစု ပင်လုံ ညီလာခံကို ကျင်းပဖို့ အလားအလာ ရှိနေပါတယ်။

ဒါနဲ့ပတ်သက်ပြီး ဦးဇော်ဌေးက

“မေလပေါ့နော် မေလဆန်းပေါ့နော်၊ မေလ ပထမပတ် ၊ ဒုတိယပတ် အဲဒီလောက်မှန်းတာပေါ့နော် ဟိုဘက်ဒီမှာ ညှိနှိုင်းထားတာတော့ရှိတယ် ၊ ရက်သတ်မှတ် တာကတော့ တရားဝင် သတ်မှတ်ဖို့ လိုသေးတယ်ပေါ့နော်။”

၂၀၁၇ခုနှစ်ကို ငြိမ်းချမ်းရေးနှစ်အဖြစ် ရည်မှန်းထားသလို ပြီးခဲ့တဲ့ နှစ်သစ်ကူး မိန့်ခွန်းမှာလည်း နိုင်ငံခေါင်းဆောင်တွေက နှုတ်ခွန်းဆက်ဆုတောင်းစကား ပြောကြားရာမှာ မြန်မာနိုင်ငံ ငြိမ်းချမ်းရေးရရှိဖို့ မျှော်လင့်ကြောင်း အလေးထားပြောဆို ခဲ့ကြတာလည်း ဖြစ်ပါတယ်။



From : ဗွီအိုအေမြန်မာသတင်းဋ္ဌာန by - (ကိုမိုးဇော်)

Originally published at - http://burmese.voanews.com

Read More »

သံမဏိနှင်းဆီ ဂျာနယ် ထုတ်ဝေသူ အသတ်ခံရ




သံမဏိ နှင်းဆီ ဂျာနယ် ထုတ်ဝေသူ ကိုဝေယံဟိန်း လုပ်ကြံ သတ်ဖြတ် ခံထား ရတာကို ပုဇွန်တောင် မြို့နယ် အတွင်းက သူ့ရဲ့ အလုပ် တိုက်ခန်းမှာ တွေ့ရှိ ခဲ့ရကြောင်း ပုဇွန်တောင် မြို့နယ် စခန်းမှူး ဒုရဲမှူး ယဉ်ထွေးက ပြောပါတယ်။

ဘာကြောင့် အသတ်ခံ ရတယ်ဆိုတဲ့ ကိစ္စကို အခုချိန်မှာ စုံစမ်း စစ်ဆေး နေဆဲလို့ ဆိုပါတယ်။ အပြည့်အစုံ ကိုတော့ ကိုဇော်ဝင်းလှိုင်က တင်ပြ ပေးပါမယ်။

ပုဇွန်တောင်မြို့နယ်အတွင်းက သူ့ရဲ့ အလုပ် တိုက်ခန်း ကနေ အပုတ်နံ့ ထွက်လာတဲ့ အတွက် ဘေးချင်း ကပ်လျက် အခန်းက လူက မိဘတွေထံ အကြောင်း ကြားခဲ့ တာမှာ မိဘတွေကို သက်ဆိုင်ရာ ရဲစခန်းက တာဝန် ရှိသူတွေနဲ့ အတူ သူ့အခန်းကို ရောက်သွားတဲ့ အချိန်မှာတော့ အပြင်ကနေ အခန်းကို သော့ခတ် တာကို တွေ့ရ တယ်လို့ ဆိုပါတယ်။

အဲဒီနောက် အခန်းသော့ဖွင့်ပြီး ၀င်ရောက် စစ်ဆေးတဲ့အခါမှာ ၀မ်းဗိုက်မှာ ထိုးသွင်းဒဏ်ရာ ၁၅ ချက်နဲ့ သံမဏီနှင်းဆီ ဂျာနယ် ထုတ်ဝေသူ အသက် (၂၇) နှစ်အရွယ် ကိုဝေယံဟိန်း သေဆုံးနေတာကို တွေ့ရှိခဲ့ရတာပါ။

သူအလောင်းကို ဧပြီလ ၁၆ ရက်နေ့က တွေ့ရှိခဲ့ခြင်းဖြစ်ကြောင်း ပုဇွန်တောင်မြို့နယ် ရဲစခန်းမှူး ဒုရဲမှူး ယဉ်ထွေးက ဗွီအိုအေကို ပြောပါတယ်။

“ကျနေ်ာတို့ ပုဇွန်တောင်မြို့နယ် ၂ ရပ်ကွက် ၊ ဗိုလ်တထောင် ဈေးလမ်းပေါ့နော် ၊ တိုက်အမှတ် ၂၀၈ (A) ပေါ့နော် သံမဏိနှင်းဆီ အလုပ်တိုက်ခန်းကပဲ အခန်း ထဲမှာပဲ အသတ်ခံ ရတာပေါ့နော်။ သူသေဆုံး တာက အခန်းထဲက ကုလားထောင်လေး ပေါ်မှာပဲ ပက်လက် အနေ အထားလေးနဲ့ ထိုးသွင်း ဒဏ်ရာနဲ့ပေါ့နော် ၊ အဲဒါလေးနဲ့ သေဆုံးနေတာ ကျနော်တို့ ကတော့ ရောက်တဲ့ အချိန်ကျတော့ နည်းနည်းတော့ အနံ့ရနေပြီပေါ့နော်

ကျနေ်ာတို့ကတော့ ၁၆ ရက်နေ့ ၈နာရီ ၄၀ လောက်ကရောက်တာပေါ့နော် ၊ ခန့်မှန်းတာကတော့ အနံ့ရပြီဆိုရင်တော့ ကျနေ်ာတို့ ခန့်မှန်းတာကတော့ အနည်း ဆုံး ၄၈ နာရီအဲလောက်ကြာပြီလို့တော့ ခန့်မှန်းလို့ရတာပေါ့နော် ၊ ဒါကတော့ ကျနေ်ာတို့ ဆရာဝန်တွေရဲ့ ကျွမ်းကျင်မှုအပိုင်းပေါ့နော် ကျနေ်ာတို့ရဲတွေကတော့ အကြမ်းဖျင်းခန့်မှန်း တာပါခင်ဗျ။”

အခုချိန်မှာ ဒီအမှုကို သက်ဆိုင်ရာ နယ်မြေအပိုင် ရဲစခန်းအပြင် တခြား ဌာနအသီးသီးကပါ စုံစမ်း စစ်ဆေးနေဆဲဖြစ်ပြီး အဲဒီ လုပ်ငန်းတွေ ပြီးဆုံးတဲ့အခါမှာ သတင်း ထုတ်ပြန်ပေးသွားမယ်လို့ စခန်းမှူး ဒုရဲမှူး ယဉ်ထွေးက ပြောပါတယ်။

“ကျနေ်ာတို့ ဒီဟာကို အတတ်နိုင်ဆုံးတော့ စခန်းတွေ့၊ မြို့နယ်တွေရော တိုင်းတွေရောပူးပေါင်းပြီးတော့ အားကြိုးမန်တက်တော့ ဆောင်ရွက်နေပါတယ်ခင်ဗျ ။ အခုက စစ်ဆေးနေစဲကာလဖြစ်တဲ့အတွက် ကျနေ်ာတို့ကတော့ ကျနေ်ာတို့ စစ်ပြီးသွားရင်တော့ ပြန်လည်ရှင်း ပေးမှာ ဖြစ်ပါတယ်ခင်ဗျ။”

လောလောဆယ်မှာတော့ အလောင်းကို ရင်ခွဲ စစ်ဆေးဖို့ ဆေးရုံကြီးကို ပို့ထားတယ်လို့ ဆိုပါတယ်။

အသတ်ခံရသူဟာ သံမဏိနှင်းဆီ ဂျာနယ်ရဲ့ ထုတ်ဝေသူဖြစ်တဲ့အပြင် အယ်ဒီတာ တာဝန်ကိုပါ ပူးတွဲ ယူထားတဲ့အတွက် ဒီအမှုအပေါ် သတင်း မီဒီယာ လောက လူတွေ အပြင် လူအတော် များများက စိတ်ဝင်စား နေကြတာပါ။ ကိုဝေယံဟိန်းဟာ သံမဏိနှင်းဆီ ဂျာနယ်ရဲ့ ထုတ်ဝေသူ အဖြစ် လွန်ခဲ့တဲ့ တနှစ်လောက်က စပြီး တာဝန်ယူ ခဲ့တာလို့ ဆိုပါတယ်။

MJN မြန်မာ့သတင်းမီဒီယာကောင်စီ အဖွဲ့ဝင် ဦးမြင့်ကျော်ကတော့ လက်ရှိအခြေအနေအရ ဒီကိစ္စဟာ သာမှန် ရာဇ၀တ်မှုအဖြစ်သာ သိရှိထားရသေးတဲ့ အတွက် MJN အနေနဲ့ တစုံတရာ ထုတ်ဖော် ပြောဆိုဖို့ အစီအစဉ် မရှိသေးဘူးလို့ ပြောပါတယ်။

“လောလောဆယ်တော့ Crime လို့ပဲလို့ ကျနော်တို့ကတော့ အဲလိုသုံးသပ်တာပေါ့နော် ၊ တခြားတော့ Political ဆိုပြီး ဘာမှမကြားမိသေးဘူး ၊ Personal crime လိုဟာမျိုးတော့ထင်တယ်။ အဲလိုပဲ လောလောဆယ် သိရသလောက် အနေအထား ၊ နောက်တခုက ရဲရဲ့ စုံစမ်းချက်တို့ ၊ တခြားသောတွေ့ရှိ ချက်တွေက အကယ်၍များ အဲလိုမျိုး မီဒီယာနဲ့ တခုခုများ ခြိမ်းခြောက်တဲ့ သဘောမျိုးတို့ အဲလို သက်သေ အထောက် အထားမျိုး ထွက်လာရင်တော့ တမျိုးပေါ့လေ၊ လောလောဆယ် အနေအထား အရကတော့ ကျနေ်ာတို့ ကတော့ ဘာမှ လုပ်ဖို့ မရှိသေးပါဘူး။”

အခု လုပ်ကြံ သတ်ဖြတ်ခံရတဲ့ ကိုဝေယံဟိန်းဟာ သူရိယနေ၀န်းဂျာကို အရင်က ထုတ်ဝေခဲ့တဲ့ ဦးမိုးဟိန်းရဲ့ တူဖြစ်တယ်လို့ သိရပါတယ်။



From : ဗွီအိုအေမြန်မာသတင်းဋ္ဌာန by - (ကိုဇော်ဝင်းလှိုင်)

Originally published at - http://burmese.voanews.com

Read More »

Monday, April 10, 2017

ကြားဖြတ် ရွေးကောက်ပွဲ ပြည်သူတွေ ဘာကြောင့် စိတ်ဝင်စားမှု နည်းသလဲ?


၂၀၁၇ ခုနှစ် ကြားဖြတ် ရွေးကောက်ပွဲမှ မဲဆန္ဒရှင်များ


နိုင်ငံတော် ဘဏ္ဍာ ကနေ ကျပ်ငွေ ၁ ဒသမ ၆ ဘီလျံကျော် အကုန် အကျ ခံပြီး ကျင်းပ ပေးခဲ့တဲ့ ၂၀၁၇ ကြားဖြတ် ရွေးကောက်ပွဲ ကျင်းပ ပြီးစီး သွားခဲ့ပါပြီ။

ရွေးကောက် ပွဲမှာ လွှတ်တော် အမတ် ၁၉ ယောက် ရွေးချယ် ပေးခဲ့ တာမို့ ပြည်ထောင်စု ရွေးကောက်ပွဲ ကော်မရှင်ဟာ အမတ် တစ်ယောက် ရွေးချယ်နိုင်ရေး အတွက် ကျပ်ငွေ ၈၄ သန်းကျော် သုံးစွဲ ခဲ့တဲ့ သဘောလည်း ဖြစ်ပါတယ်။

ရွေးကောက်ပွဲ ပြီးတဲ့နောက် ပြည်ထောင်စု ရွေးကောက်ပွဲ ကော်မရှင်က ထုတ်ပြန်တဲ့ အချက် အလက်တွေ အရရော၊ ရွေးကောက်ပွဲ စောင့်ကြည့် လေ့လာရေး အဖွဲ့ တွေရဲ့ ထုတ်ပြန်ချက်တွေ အရပါ အခု ကြားဖြတ် ရွေးကောက်ပွဲကို ပြည်သူတွေ စိတ်ဝင်စားမှု နည်းတယ်၊ ၁၉၉၀ ခုနှစ်က စ တွက်ရင် အရင် ရွေးကောက်ပွဲ ၄ ကြိမ်မှာ ထက် မဲပေးတဲ့သူ အရည် အတွက် နည်းတယ် စတဲ့ မှတ်ချက် တွေကို တွေ့ကြ ရပါတယ်။

ဒါကြောင့် ရွေးကောက်ပွဲကို ပြည်သူတွေ ဘာကြောင့် စိတ်ဝင်စားမှု နည်းရသလဲ၊ မဲပေးတဲ့သူ အရည် အတွက်လည်း ဘာကြောင့် နည်းရသလဲ၊ တဆက်တည်း မြန်မာ နိုင်ငံရဲ့ ရွေးကောက်ပွဲ ဘယ်လို ဖြစ်သင့် သလဲ ဆိုတာ ခုတစ်ပတ် ဆွေးနွေး တင်ပြ သွားပါ့မယ်။

ရွေးကောက်ပွဲ မတိုင်ခင် မီဒီယာတွေက ဖော်ပြခဲ့တဲ့ သတင်းတွေမှာရော၊ လေ့လာစောင့်ကြည့်သူတွေရဲ့ အစီရင်ခံစာမှာပါ ဒီ ကြားဖြတ်ရွေးကောက်ပွဲနဲ့ ပတ်သက်ပြီး ပြည်သူတွေ စိတ်ဝင်စားမှု နည်းတယ် ဆိုတဲ့ အချက် ပေါ်ထွက်ခဲ့ပါတယ်။ ပြည်သူတွေရဲ့ စိတ်ထဲမှာ ကြားဖြတ်ရွေးကောက်ပွဲ မတိုင်ခင် ကိုယ့်နာမည် မဲစာရင်းတွေမှာ ပါမပါ သွားကြည့်ဖို့ထက်၊ မဲပေးခွင့် သက်သေခံ ကဒ်ပြားတွေ သွားထုတ်ဖို့ထက်၊ မဲသွားပေးဖို့ထက် နေ့တဓူဝ စားဝတ်နေရေး ပြသနာကိုပဲ အာရုံစိုက်နေကြလို့ ရွေးကောက် ပွဲဘက် စိတ်မ၀င်စားကြတာလို့ ဆိုပါတယ်။

တစ်နည်းပြောရရင် ပြည်သူတွေဟာ ငါတို့ မဲသွားပေးလည်း ဘာမှ ထူးထူးခြားခြား ဖြစ်လာမှာ မဟုတ်ဘူး၊ ငါတို့ ကြုံတွေ့နေရတဲ့ စီးပွားရေး အခက်အခဲ ပြသနာလည်း ပြေလည်သွားမှာ မဟုတ်ဘူးလို့ ယူဆနေကြတာ တွေ့ရပါတယ်။

တကယ်လည်း အဲဒီ လေ့လာ သတင်းဖော်ပြချက်တွေ အရပဲ တစ်ချို့နေရာတွေမှာ အံ့အားသင့်လောက်စရာ မဲပေးမှု နည်းတာ တွေ့ရပါတယ်။ မဲဆန္ဒနယ် အားလုံးကို ပျမ်းမျှ တွက်ချက်ရင် မဲလာပေးတဲ့သူ အရည်အတွက်ဟာ မဲပေးပိုင်ခွင့် ရှိသူရဲ့ ၃၇ ရာခိုင်နှုန်း နီးပါးပဲ ရှိတာ တွေ့ရပါတယ်။

အရင် ရွေးကောက်ပွဲတွေကို ပြန်ကြည့်ရင် ၁၉၉၀ တုန်းက ၇၂ ရာခိုင်နှုန်းကျော်၊ ၂၀၁၀ ရွေးကောက်ပွဲမှာ ၇၇ ရာခိုင်နှုန်းကျော်၊ ၂၀၁၂ ကြားဖြတ်ရွေးကောက်ပွဲမှာ ၆၈ ရာခိုင်နှုန်းကျော်နဲ့ ၂၀၁၅ ရွေးကောက်ပွဲမှာ ၇၀ ရာခိုင်နှုန်း နီးပါး ရှိခဲ့တာ ဖြစ်ပါတယ်။

၂၀၁၅ ရွေးကောက်ပွဲတုန်းက မဲပေးသူ ၃၆ ရာခိုင်နှုန်းကျော် ရှိခဲ့တဲ့ ရန်ကုန်တိုင်း လှိုင်သာယာ မြို့နယ်မှာတော့ အခု ၂၀၁၇ ကြားဖြတ် ရွေးကောက်ပွဲမှာ မဲပေးသူ ၁၂ ရာခိုင်နှုန်းကျော်ပဲ ရှိပြီး သုံးပုံ နှစ်ပုံလောက်တောင် ကျဆင်းသွားတာတွေ့နိုင်ပါတယ်။ ဒီလို မဲပေးသူ နည်းသွားတဲ့ အချက်ဟာ ဖွဲ့စည်းပုံအရ ပြုလုပ်ရတဲ့ မြန်မာ့ရွေး ကောက်ပွဲ စနစ်၊ နိုင်ငံရေး ပါတီတွေရဲ့ ရွေးကောက်ပွဲ အပေါ် သဘောထား၊ ပြည်သူတွေရဲ့ အမတ်လောင်းတွေ အပေါ် သဘောထား စတဲ့ အချက်တွေကြောင့် ဖြစ်မယ် လို့ ယူဆ နိုင်ပါတယ်။

မြန်မာ့ရွေးကောက်ပွဲ စနစ်ဟာ အမတ်လောင်းတွေထဲကနေ အမတ်တစ်ယောက်ကို ရွေးကောက် တင်မြှောက်ရတာ ဖြစ်ပါတယ်။ ပြည်ထောင်စု အဆင့် ဆိုရင် အဲဒီ အမတ်တွေကမှ တဆင့် သမ္မတ ကို ရွေးကောက်တင်မြှောက်ပြီး၊ သမ္မတ ကမှ ၀န်ကြီးတွေခန့် အစိုးရဖွဲ့တာမျိုးပါ။

ပြည်နယ်နဲ့ တိုင်း အဆင့် ဆိုရင်လည်း ရွေးချယ်ပေးလိုက်တဲ့ အမတ်တွေထဲက တစ်ယောက်ကို သမ္မတ က ၀န်ကြီးချုပ်အဖြစ် တိုက်ရိုက်ခန့်တာ ဖြစ်နေပြန်ပါတယ်။

နိုင်ငံ အများစုမှာ ကျင့်သုံးနေတဲ့ သမ္မတ တစ်ယောက်ကို တိုက်ရိုက် မဲပေး ရွေးချယ်တာမျိုး၊ တိုင်း သို့မဟုတ် ပြည်နယ် အုပ်ချုပ်ရေး အကြီးအကဲ ကို တိုက်ရိုက် ရွေးချယ် တာမျိုး၊ မြို့တော်ဝန်ကို တိုက်ရိုက်ရွေးချယ်တာမျိုးတော့ မဟုတ်ပါဘူး။ ကိုယ်ရွေးချယ်လိုက်ရင် လွှတ်တော်ထဲ ရောက်သွား၊ လွှတ်တော်ထဲ ရောက်သွားပြီးရင် ဘာလုပ် တယ် မလုပ်ဘူး ဘာသတင်းအစအန မှ မကြားရတဲ့ အခြေအနေမျိုးမို့ လွှတ်တော်အမတ် ရွေးချယ်ပွဲ သက်သက်ကို စိတ်မ၀င်စားကြတာမျိုးပါ။

၂၀၁၅ ခုနှစ်တုန်းက အုံးအုံးကြွက်ကြွက် မဲပေးခဲ့ကြတာက အဲဒီလို မဲထည့်ပေးလိုက်ရင် တိုင်းပြည်မှာ အစိုးရ အပြောင်းအလဲ ဖြစ်နိုင်တယ်၊ အဲဒီ အပြောင်းအလဲဟာ ကိုယ့်ဘ၀ ကိုပါ ပြောင်းလဲနိုင်တယ် ဆိုပြီး မျှော်လင့်ခဲ့ကြလို့ ဖြစ်ပါတယ်။

အခု ၂၀၁၇ ကြားဖြတ်ရွေးကောက်ပွဲ ကတော့ ပြည်သူတွေအနေနဲ့ ဘယ်အမတ်၊ ဘယ်ပါတီကိုပဲ မဲပေးရွေးချယ်သည်ဖြစ်စေ၊ အစိုးရအဖွဲ့ အပြောင်းအလဲ ဖြစ်မှာ မဟုတ်ဘူး ဆိုတာကို သိထားတဲ့အတွက်လည်း မဲပေးဖို့ ဆန္ဒ မရှိကြတာ ဖြစ်နိုင်ပါတယ်။

နောက်ထပ် ပြသနာတစ်ခုက နိုင်ငံရေးပါတီတွေရဲ့ အနေအထားပါ။ ရွေးကောက်ပွဲနဲ့ ပတ်သက်ပြီး အဲဒီ ပါတီတွေရဲ့ ခံယူပုံကြောင့်၊ မဲဆွယ်စည်းရုံးမှုတွေ အားနည်း၊ အဲလို အားနည်းချက်ကနေ တဆင့် ပြည်သူတွေ စိတ်ဝင်စားမှု နည်းရတာလည်း ပါပါတယ်။

မြန်မာနိုင်ငံမှာ တရားဝင် မှတ်ပုံတင်ထားတဲ့ နိုင်ငံရေးပါတီ ၉၀ ကျော်ထဲမှာ ပြီးခဲ့တဲ့ ကြားဖြတ်ရွေးကောက်ပွဲကို ပါတီပေါင်း ၂၄ ပါတီနဲ့ တစ်သီးပုဂ္ဂလတွေ ၀င်ရောက် ယှဉ်ပြိုင်ကြပါတယ်။ အဲဒီအထဲကမှ အင်န်အယ်လ်ဒီ အမျိုးသားဒီမိုကရေစီ အဖွဲ့ချုပ်ပါတီ၊ ရှမ်းတိုင်းရင်းသားများ ဒီမိုကရေစီ အဖွဲ့ချုပ်ပါတီ၊ ပြည်ခိုင်ဖြိုးပါတီ၊ ရခိုင် အမျိုးသားပါတီ နဲ့ လူမျိုးပေါင်းစုံ ဒီမိုကရေစီပါတီ (ကယားပြည်နယ်) က အမတ်တွေ ရွေးကောက်တင်မြှောက် ခံရပါတယ်။

ကျန် နိုင်ငံရေးပါတီ ၁၉ ပါတီက အမတ်တွေ တစ်ယောက်မှ အရွေးချယ် မခံရပါဘူး။ တကယ့်တကယ်လည်း အဲဒီ ပါတီ ထဲက အများစုကြီးဟာ သူတို့ပါတီကို သူတို့ မယုံကြည်သလို၊ မဲပေးမယ့် ပြည်သူတွေကိုလည်း ယုံကြည်မှု မရှိကြပါဘူး။

ငါတို့ ၀င်အရွေးခံလည်း ငါတို့ကို မဲထည့်မယ့်သူ နည်းနည်းပါးပါးပဲ ရှိလိမ့်မယ်၊ ဆိုတဲ့ အတွေးမျိုးနဲ့ ရွေးကောက်ပွဲမှာ စိတ်ပါလက်ပါ မဲဆွယ်တာမျိုး မလုပ်ကြပါဘူး။ ပါတီ ရံပုံငွေကို အဲဒီ အမတ်လောင်း တစ်ယောက်ယောက်ရဲ့ မဲဆွယ်ပွဲမှာ အသုံးပြုဖို့ စိတ်မ၀င်စားကြပါဘူး။ ဒီလိုနည်းနဲ့ ရွေးကောက်ပွဲကို ပြည်သူတွေ စိတ်ဝင်စားမှု အရှိန် မြင့်တက် မလာတာ ဖြစ်ပါတယ်။

နောက်ပြသနာ တစ်ခုက နိုင်ငံရေးပါတီ အများစုကြီးရဲ့ ဒီမိုကရေစီ စနစ်ကို မလေးနက်ခြင်း ကလည်း ရွေးကောက်ပွဲအပေါ် ပြည်သူတွေ စိတ်ဝင်စားမှု ကျဆင်းစေ ပါတယ်။

တကယ်တော့ ရွေးကောက်ပွဲဆိုတာ ဒီမိုကရေစီ စနစ်ရဲ့ အစိတ်အပိုင်း တစ်ခု ဖြစ်တာမို့၊ ပြည်သူတွေအကြား ဒီမိုကရေစီ စိတ်ဓာတ် ရှင်သန် အားကောင်းလာအောင်၊ ပြည်သူတွေရဲ့ ရွေးချယ်မှုကသာ အရာရာကို အပြောင်းအလဲ ဖြစ်စေတယ် ဆိုတာကို သိရှိနားလည်လာအောင်၊ ဒီမိုကရေစီ ယဉ်ကျေးမှု ထွန်းကားလာအောင် အနိုင် ရသည်ဖြစ်စေ၊ အနိုင် မရသည်ဖြစ်စေ ပြည်သူ လူထုကို စည်းရုံး ဆွဲဆောင်တဲ့ သဘော၊ ကိုယ့်ပါတီကို ထောက်ခံ လာအောင် လုပ်တဲ့သဘောနဲ့ ကြိုးကြိုးစားစား ၀င်ရောက် ယှဉ်ပြိုင် မဲဆွယ် စည်းရုံး သင့်တာ မျိုးပါ။

ဒါပေမယ့် ပါတီအများစုကြီးကတော့ အဲလို မလုပ်ခဲ့ပါဘူး။

နောက်ဆုံးပြသနာက နိုင်ငံရေးပါတီတွေရဲ့ လွှတ်တော်အမတ် တစ်ယောက်ရဲ့ လုပ်ငန်းတာဝန်ကို အပြည့်အ၀ နားမလည်ကြခြင်းပဲ ဖြစ်ပါတယ်။ အမတ်အဖြစ် ရွေးကောက် ခံပြီးရင် လွှတ်တော် ထဲသွား၊ လွှတ်တော် အလုပ်တွေပဲ လုပ်ရမယ်လို့ နားလည် ကြခြင်းပါ။

တကယ်တော့ အမတ်တွေဟာ အုပ်ချုပ်ရေးလုပ်ငန်းတွေကို ၀င်ရောက်စွက်ဖက်တာမျိုး မဟုတ်ပဲ ကိုယ့်မဲဆန္ဒနယ်မြေမှာ ရုံးခန်းတွေဖွင့်၊ ပြည်သူလူထု လိုအပ်ချက်ကို အကူအညီပေးတဲ့ ကိစ္စမျိုး အများကြီး လုပ်ပေးနိုင်ပါတယ်။

ဒီနည်းနဲ့ ပြည်သူတွေလေးစားတဲ့၊ ပြည်သူတွေအကြား ထင်ပေါ်ကျော်ကြားတဲ့ အမတ်တွေ ဖြစ်လာနိုင်ပါတယ်။ အဲလို အမတ်တွေ ပေါ်ပေါက်လာရင် တစ်ဖက်မှာလည်း ပြည်သူတွေက အမတ်ရွေးချယ်ပွဲကို သမန်ကာရှန်ကာ သဘောမထားပဲ အလေးအနက် မဲပေး ရွေးချယ်ဖို့ စိတ်အားထက်သန်နေမှာ ဖြစ်ပါကြောင်း တင်ပြလိုက် ရ ပါတယ်။



From : ဗွီအိုအေမြန်မာသတင်းဋ္ဌာန by= (ဦးစည်သူအောင်မြင့်)

Originally published at - http://burmese.voanews.com


Read More »

ဆီးရီးယား ငြိမ်းချမ်းရေး အတွက် သမ္မတ Al-Assad နုတ်ထွက်ဖို့ ကန်လိုလား




ဆီးရီးယား သမ္မတ Bashar al-Assad အာဏာ တည်မြဲ နေသမျှ ဆီးရီးယား ငြိမ်းချမ်းရေး ဖြစ်လာမှာ မဟုတ် ဘူးလို့ ကုလသမဂ္ဂ ဆိုင်ရာ အမေရိကန် သံအမတ် ကြီးက ပြောဆို လိုက်ပါတယ်။

သမ္မတ အာဆဒ် အစိုးရကို ဦးဆောင် နေသမျှ ဘယ်လို နည်းနဲ့မှ နိုင်ငံရေး အဖြေတခု ထွက်လာ စရာ မရှိဘူးလို့ သံအမတ်ကြီး Nikki Haley ရဲ့ ပြောဆို ချက်ကို CNN သတင်း ဌာနက ဒီကနေ့ တနင်္ဂနွေနေ့မှာ ထုတ်လွှင့် ပါတယ်။

တချိန်တည်းမှာဘဲ အမေရိကန် နိုင်ငံခြားရေး ၀န်ကြီး Rex Tillerson ကလည်း ဆီးရီးယား နိုင်ငံတွင်း အစ္စလာမ္မစ် အစွန်းရောက် IS အဖွဲ့ကို ချေမှုန်းရေးကို ဦးစားပေး အဖြစ် ဆောင်ရွက်ဆဲ ဖြစ်တယ်လို့ ပြောဆို ထားပါတယ်။

ပထမ ဦးစားပေးက ISIS ကို ချေမှုန်းရေး ဖြစ်ပြီး၊ ISIS ရဲ့ ခြိမ်းခြောက်မှုကို လျှော့ချနိုင်ပြီ၊ ရှင်းလင်းနိုင်ပြီဆိုတဲ့ အချိန်မှာ ဆီးရီးယား နိုင်ငံတွင်း တည်ငြိမ်ရေးကို လှည့်နိုင် မယ်လို့ ယူဆတဲ့ အကြောင်း နိုင်ငံခြားရေး ၀န်ကြီးရဲ့ မှတ်ချက်ပေး ပြောဆိုချက်ကို CBS ရုပ်သံရဲ့ Face the Nation အစီအစဉ်ကနေ ဒီကနေ့ ထုတ်လွှင့်သွားပါတယ်။

မနေ့ စနေနေ့တုန်းကတော့ အမေရိကန်တို့ ပြီးခဲ့တဲ့ သောကြာနေ့က ပဲ့ထိန်းတပ် ဒုံးကျည်နဲ့ တိုက်ခိုက်ခဲ့တဲ့ ဆီးရီးယား လေတပ် အခြေစိုက် စခန်းက စစ်လေယာဉ်တွေ ပြန်လည် ပျံသန်းနေတယ်လို့ ပြည်နယ် အုပ်ချုပ်ရေးမှူး တဦးက ပြောဆိုပါတယ်။

အမေရိကန်တို့ ပစ်မှတ်ထား တိုက်ခိုက်ခဲ့တဲ့ ဆီးရီးယား လေတပ် အခြေစိုက် စခန်းက ပထမ အဆင့် ပြန်လည် လည်ပတ်နေတယ်လို့ သူက ပြောဆိုတာပါ။

အမေရိကန်တို့ ဒုံးကျည်နဲ့ တိုက်ခိုက်ခဲ့တဲ့ Shayrat လေတပ် အခြေစိုက်စခန်းမှာ အကြီးအကျယ် ပျက်စီးခဲ့ရတယ်လို့ ဆီးရီးယား အစိုးရက ပြောဆိုပြီး နာရီပိုင်း အကြာ မှာဘဲ Homs ပြည်နယ် အုပ်ချုပ်ရေးမှူး Talal Barazi ရဲ့ ပြောဆိုချက် ထွက်ပေါ်လာတာပါ။

အသေးစိတ် အချက်အလက်တွေကိုတော့ အုပ်ချုပ်ရေးမှူး Barazi က ထုတ်ဖော်ပြောဆိုတာ မရှိပါဘူး။ လေတပ် အခြေစိုက် စခန်း အခြေ အနေ အပေါ် ဆီးရီးယား အစိုးရကို အမေရိကန် ကာကွယ်ရေး ၀န်ကြီးဌာနက မေးခွန်း ထုတ်ပါတယ်။

ဆီးရီးယားနိုင်ငံ Sheikhoun မြို့ငယ်လေး အနီး အနည်းဆုံး အရပ်သား ၁၈ ဦး သေဆုံးခဲ့ရတဲ့ မနေ့ စနေနေ့က တိုက်ခိုက်မှုမှာ Shayrat လေတပ် အခြေစိုက်စခန်းက လေယာဉ်တွေ ပါဝင် တိုက်ခိုက်ခဲ့သလားဆိုတာကတော့ ရှင်းရှင်းလင်းလင်း မရှိသေးပါဘူး။

ဆီးရီးယား စစ်လေယာဉ်တွေ အခြေစိုက် စခန်းကနေ ပျံသန်းထွက်ခွာ နိုင်တဲ့ အခြေအနေ ရှိနေပြီး ပြည်နယ် အရှေ့ပိုင်းက သူပုန် ပစ်မှတ်တွေကို တိုက်ခိုက် ခဲ့တယ်လို့ ဆီးရီးယား လူ့အခွင့်အရေး စောင့်ကြည့်ရေး အဖွဲ့က ပြောဆိုထားတာပါ။

စနေနေ့က တိုက်ခိုက်မှုတွေကတော့ ရုရှား စစ်လေယာဉ်တွေရဲ့ လက်ချက် ဖြစ်နိုင်တယ်လို့လည်း စောင့်ကြည့်ရေး အဖွဲ့က ပြောပါတယ်။



From : ဗွီအိုအေမြန်မာသတင်းဋ္ဌာန

Originally published at - http://burmese.voanews.com

Read More »

အမေရိကန် တိုက်ခိုက်ရေး ရေတပ်အုပ်စု ကိုရီးယား ကျွန်းဆွယ်ကို ဦးတည်




ကိုရီးယား ကျွန်းဆွယ်မှာ အမေရိကန်ရဲ့ တပ်အင်အား ထပ်တိုးပြီး၊ မြောက် ကိုရီးယား နိုင်ငံကို သတင်း စကားပေးတဲ့ အနေနဲ့အမေရိကန် ရေတပ်က တိုက်ခိုက်ရေး တပ်ဖွဲ့ တခုကို ကိုရီးယား ကျွန်းဆွယ်ကို ဦးတည် စေလွှတ် လိုက်ပါတယ်။

ကုလသမဂ္ဂ လုံခြုံရေး ကောင်စီက မြောက် ကိုရီးယား နိုင်ငံကို ပဲ့ထိန်း ဒုံးကျည် ပစ်လွှတ် တာကို တားမြစ် ထားပေမယ့်လည်း မြောက် ကိုရီးယားက ပြီးခဲ့တဲ့ တပတ်မှာ ပစ်လွှတ် ခဲ့ပါတယ်။

The Carl Vinson လို့ခေါ်တဲ့ တိုက်ခိုက်ရေး အဖွဲ့ဟာ စင်ကာပူ နိုင်ငံမှာ ကျောက်ချပြီး သြစတြေးလျ နိုင်ငံကို သွားဖို့ စီစဉ်နေတုန်း၊ အမေရိကန်ရဲ့ ပစိဖိတ် ဒေသ စစ်ဌာနချုပ်က မြောက်ဘက်ကို ခုတ်မောင်းဖို့ အမိန့်ပေး ခဲ့တာ ဖြစ်ပါတယ်။

အမေရိကန် ရေတပ် စစ်သင်္ဘော အုပ်စုဟာ - ပစိဖိတ် သမုဒ္ဒရာ အနောက်ဘက်ခြမ်းက အမေရိကန် အကျိုးစီးပွားတွေ ကာကွယ်ဖို့ရည်ရွယ်ချက်ဖြစ်တယ်လို့ အမေရိကန် ပစိဖိတ်ဒေသ စစ်ဌာနချုပ် Third Fleet ရေတပ်ရဲ့ တပ်မှူး Dave Benham က ဗီအိုအေကို ပြောပါတယ်။

မြောက်ကိုရီးယားနိုင်ငံရဲ့ မဆင်မခြင်၊ တာဝန်မဲ့တဲ့ လုပ်ရပ်တွေ၊ တည်ငြိမ်မှု မရှိတဲ့ ဒုံးကျည်စမ်းသပ်ပစ်လွှတ်မှုအစီအစဉ်တွေ နဲ့ နျူးကလီးယားလက်နက်ထုတ်လုပ်နိုင်ဖို့ ကြိုးပမ်း မှုတွေကြောင့် သူတို့ဟာ ဒေသတွင်းမှာ နံပါတ် ၁ ခြိမ်းခြောက်သူ အဖြစ် ဆက်ရှိနေတယ်လို့ သူကပြောပါတယ်။

ဒီရေတပ်အုပ်စုမှာ USS Carl Vinson လေယာဉ်တင် သင်္ဘော အပါအ၀င် ၊ ဒုံးခွင်းဒုံးတွေ ပစ်လွှတ်နိုင်တဲ့ ဖျက်သင်္ဘော ၃ စင်းလည်း ပါဝင်ပါတယ်။

ဒုံးကျည် စမ်းသပ် ပစ်လွှတ်တာတွေ နဲ့ နျူးကလီးယားလက်နက် ထုတ်လုပ်နိုင်ဖို့ စမ်းသပ် တာတွေမလုပ်ဖို့ နိုင်ငံတကာက သတိပေးနေပေမယ့်လည်း မြောက် ကိုရီးယားက အဲဒီ သတိပေးချက်တွေကို ထပ်ခါ တလဲလဲ အာခံပြီး စမ်းသပ်မှုတွေ လုပ်နေတာ ဖြစ်ပါတယ်။



From : ဗွီအိုအေမြန်မာသတင်းဋ္ဌာန

Originally published at - http://burmese.voanews.com

Read More »

Thursday, April 06, 2017

NCA မူလ လမ်းကြောင်း အတိုင်း UNFC ဆက် ရပ်တည်မည်


UNFC နှင့် နိုင်ငံတော် အတိုင်ပင်ခံ တွေ့ဆုံစဉ်


ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ UNFC အနေနဲ့ တနိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူ စာချုပ် NCA အရ အစိုးရနဲ့ နိုင်ငံရေး ဆက်လက် ဆွေးနွေး သွားဖို့ သဘော တူလိုက် ကြပါပြီ။

ဧပြီလ ၂ ရက်နေ့ ကနေ ၅ ရက်နေ့ အထိ ထိုင်းနိုင်ငံမှာ ကျင်းပတဲ့ ဗဟို အလုပ် အမှုဆောင် ကော်မတီ အရေးပေါ် အစည်း အဝေးမှာ အဲဒီလို သဘောတူ လိုက်ကြတာပါ။

ဒါ့အပြင် ကချင် လွတ်လပ်ရေး အဖွဲ့ (KIO) နဲ့ ရှမ်းပြည် တိုးတက်ရေး ပါတီ (SSPP) တို့ UNFC ကနေ နှုတ်ထွက်မှာ မဟုတ် ဘူးလို့လဲ အဖွဲ့ ခေါင်းဆောင် တွေက ပြောပါတယ်။

ဗွီအိုအေထိုင်းအခြေစိုက် သတင်းထောက် နိုင်ကွန်းအိန်က သတင်းပေးပို့ ထားပါတယ်။

UNFC အနေနဲ့ NCA လမ်းကြောင်းအတုိုင်း ဆက်သွားမလားဆိုတဲ့ အပေါ် မေးခွန်းတွေထွက်ထားချိန်မှာ အဲဒီအတိုင်း ဆက်သွားမယ်ဆိုတာကို ထိုင်းနိုင်ငံ ချင်းမိုင်မြို့မှာ ကျင်းပတဲ့ UNFC ဗဟိုအလုပ်အမှုဆောင်ကော်မတီ အရေးပေါ် အစည်းအဝေးမှာ သဘော တူလိုက်တဲ့အကြောင်း UNFC ဒုတိယဥက္ကဌ နိုင်ဟံသာက ချင်းမိုင်မြို့မှာ သတင်းထောက်တွေကိုပြောပါတယ်။

“UNFC ရဲ့တလျောက်လုံးဆွေးနွေးလာတဲ့ NCA လမ်းကြောင်း အတုိုင်းဆက်လျောက် သွားဖို့ တော်တော်တော့ နားလည်မှုတော့ရပါတယ်။ ဆက်လက်ဆွေးနွေးသွားဖို့ ဆိုတာကတော့ ရှမ်းတို့၊ ကချင်တို့ ကလည်း ဒီလမ်းကြောင်းအတုိုင်း ဆက်လက်ဆွေးနွေး သွားဖို့ဆိုတာကို သူတို့လက်ခံတယ်။”

UNFC ရဲ့ နိုင်ငံရေးဆိုင်ရာ တွေ့ဆုံဆွေးနွေးရေး ကိုယ်စားလှယ်အဖွဲ့ (DPN) နဲ့ အစိုးရ ငြိမ်းချမ်းရေးကော်မရှင်ကြား ဆွေးနွေးခဲ့တဲ့ အချက် ၉ ချက်နဲ့ပတ်သက်လို့ တိုင်းရင်းသား လက်နက်ကိုင်တဖွဲ့ချင်းဆီက သဘောထားတွေကိုရယူပြီး UNFC ဗဟို အလုပ် အမှုဆောင်ကော်မတီကို တင်ပြခဲ့ပါတယ်။ အဲဒီမှာ အချက် ၉ ချက်ထဲက အားလုံးပါဝင်နိုင်ရေးမူနဲ့ ပတ်သက်လို့ ပြင်ဆင်တာတွေ ရှိခဲ့တယ်လို့ နိုင်ဟံသာကပြောပါတယ်။

“တိုင်းရင်းသား လက်နက်ကိုင်အင်းအားစု အားလုံးပါဝင်ေ၇းမှာ တချို့အဖွဲ့က သူတို့မပါနိုင်သေးတဲ့ အနေအထားမျိုးတွေ သူတို့ ပြောလာတော့ တို့ကလည်း အားလုံးပါဝင်ရေး လို့ ပြောလို့မရတော့ဘူး အဲဒီတော့ အခုက ဘယ်လိုပြောင်းလဲလာသလဲဆိုတော့ ဒီ ၂ ဘက် ဥပမာ အပစ်ရပ်ပြီးရင်ပေါ့နော် ဒါကတော့ သူတို့အားလုံးပါဝင်နိုင်ရေးကိုဆက်ပြီးတော့ ကြိုးပမ်းသွားမယ်ဆိုတဲ့ ကိစ္စ အဲဒီလိုတွေ နည်းနည်းပြောင်းလဲလာတဲ့ ကိစ္စလည်း ရှိတယ်လေ။”

အခု UNFC အစည်းအဝေးမှာ ထူးခြားမှုလို့ပြောနုိုင်တဲ့ အချက်တခုကတော့ ကချင်လွတ်လပ်ရေးအဖွဲ့ (KIO) နဲ့ မြောက်ပိုင်းရှမ်းပြည်တပ်မတော်(SSPP/SSA)တို့ဟာ UNFCအဖွဲ့ဝင်တွေအဖြစ် NCAလမ်းကြောင်းအတိုင်း ဆက်သွား မယ်ဆုိုတဲ့ သဘောထားမှတ်ချက် ပေးခဲ့ကြတဲ့အချက်ပါ။ ဒီအဖွဲ့နှစ်ဖွဲ့ UNFC ကနေ နှုတ်ထွက်တော့မယ်ဆိုတဲ့ သတင်းတွေက အစောပိုင်းမှာ ထွက်ထား တာပါ။ ဒီအခြေအနေကို မြောက်ပိုင်းရှမ်းပြည်တပ်မတော် SSPP/SSA ကိုယ်စားလှယ် ဗိုလ်ချုပ်စိုင်းထူးက ရှမ်းဘာသာနဲ့ အခုလို ပြောပါတယ်။

“အပြင်ကနေကြည့်ရင်တော့ စိတ်ပူရတယ်လို့ပြောရင်ပြောမယ်။ ဘယ်လိုပဲဖြစ်ဖြစ် ကျနော်တို့အနေနဲ့တော့ UNFC အပြိုကွဲမခံဘူး၊ UNFC နဲ့ ပတ်သက်ပြီး ၀ ကလဲ ဘာမှမပြောဘူး။ ဒါ့ကြောင့် ၀ အနေနဲ့ တွဲလုပ်နိုင်တာတွေ၊ ကျနော်တို့ တင်ပြထားတဲ့ အချက် ၉ ချက် အစိုးရနဲ့ သဘောတူနိုင်အောင် ဆွေးနွေးမှုတွေ ဆက်လုပ်သွားမယ်။”

NCA လမ်းကြောင်းအတိုင်းလိုက်မယ်လို့ UNFC က ဆုံးဖြတ်တဲ့အပေါ် ကြိုဆိုတယ်လို့ NCA လက်မှတ်ရေးထိုးထားတဲ့ RCSS တောင်ပိုင်းတပ်မတော်ပြောခွင့်ရ ဗိုလ်မှူးကြီးစိုင်းငိန်းကပြောပါတယ်။ ဒါ့အပြင် NCA လက်မှတ်မထိုးရသေးတဲ့အဖွဲ့တွေက ကိုယ်စားလှယ်တွေပါဝင်တဲ့ UNFC ရဲ့ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ DPNနဲ့ NCA အပစ်ရပ်အဖွဲ့ ၈ ဖွဲ့ က လုပ်ငန်းဆွေးနွေး ညှိနှိုင်းရေးအဖွဲ့ CT တို့ ဧပြီလ ဒုတိယအပတ်မှာ ထိုင်းနိုင်ငံ ချင်းမုိုင်မြို့ မှာ တွေ့ဆုံဆွေးနွေးကြဖို့လဲရှိပါတယ်။

အဲဒီမှာ ဆွေးနွေးသွားမယ့် အကြောင်းအရာတွေကိုတော့ CT အဖွဲ့ဝင် တောင်ပိုင်းရှမ်းပြည် တပ်မတော်ပြောခွင့်ရ ဗိုလ်မှူးကြီး စိုင်းငိန်းက အခုလိုပြောပါတယ်။

“ဖယ်ဒရယ် တည်ဆောက်တဲ့နေရာမှာ ကျနော်တို့အခြေခံရမယ့် အခြေခံများ အဲလိုဟာမျိုးတွေပေါ့နော် အဲဒီကိစ္စတချက်ရယ် နောက်တချက်က ကျနေ်ာတို့ ပူးတွဲလုပ်ထားတဲ့ ပင်လုံလက်စွဲဆိုတဲ့ စာအုပ်လည်းရှိတယ်။ အဲဒီကိစ္စတွေလည်း ဆွေးနွေးမယ်လို့ သိရတယ်။ နောက်တချက်ကလည်း အခုအထိ နိုင်ငံရေးအခြေအနေအရ ဒီငြိမ်းချမ်းရေးဖြစ်စဉ်မှာရော ကျနေ်ာတို့ ဘယ်လိုပူးပေါင်းပြီးတော့ ဆောင်ရွက်သွားနိုင်မလဲဆိုတဲ့ ကိစ္စတွေကို ဆွေးနွေးမယ်လို့ အကြမ်းဖျဉ်းလောက်တော့ သိရပါတယ်။”

နှစ်ဖွဲ့ကိုယ်စားလှယ်တွေအနေနဲ့ ငြိမ်းချမ်းရေးရှေ့လုပ်ငန်းစဉ်မှာ ပူးပေါင်းဆောင်ရွက်နိုင်ရေးကိစ္စနဲ့ မဟာဗျူဟာလုပ်ငန်းစဉ်ပိုင်းကို အဓိက ဆွေးနွေးညှိနှိုင်းသွားကြဖို့ရှိတယ်လို့ လဲ ဗိုလ်မှူးကြီးစိုင်းငိန်းကပြောပါတယ်။

‘၀’ပြည် သွေးစည်းညီညွတ်ရေးအဖွဲ့ (UWSA) ဦးဆောင်ပြီး ဖေဖော်ဝါရီ နောက်ဆုံးပတ် က ကျင်းပခဲ့တဲ့ ပန်ခမ်း ညီလာခံအပြီးမှာ UWSA ၀ပြည် သွေးစည်း ညီညွတ်ရေးအဖွဲ့ ၊ KIO ကချင်လွတ်လပ်ရေးအဖွဲ့ ၊ SSPP မြောက်ပိုင်း ရှမ်းပြည်တပ်မတော်၊ TNLA တအာန်း ပလောင်တပ်ဖွဲ့ ၊ မိုင်းလားတပ်ဖွဲ့ (NDAA)၊ ရခိုင်တပ်မတော် (AA)၊ ကိုးကန့်အဖွဲ့ (MNDAA) တို့ဟာ NCA ကိုလက်မခံဘဲ ငြိမ်းချမ်းရေး လမ်းကြောင်းသစ် တခုကို ဖော်ဆောင် သွားမယ်လို့ ကြေညာချက် ထုတ်ပြန်ထားတာပါ။

အခုကျင်းပခဲ့တဲ့ UNFC အစည်းအဝေးကိုတော့ KIO၊ SSPP/SSA၊ မွန်ပြည်သစ်ပါတီ NMSP၊ ကရင်နီအမျိုးသားတိုးတက်ရေးပါတီ (KNPP)၊ ရခိုင်ပြည်အမျိုးသားကောင်စီ (ANC)၊ လားဟူဒီမိုကရက်တစ်အစည်းအရုံး LDU နဲ့ ဝ အမျိုးသားအဖွဲ့ချုပ် (WNO) တို့ တက်ရောက်ခဲ့ကြပါတယ်။



From : ဗွီအိုအေမြန်မာသတင်းဋ္ဌာန by - (နိုင်ကွန်းအိန်)

Originally published at - http://burmese.voanews.com

Read More »

Tuesday, April 04, 2017

ကြားဖြတ် ရွေးကောက်ပွဲ ရလဒ် NLD ပြန်သုံးသပ်မည်




ပြီးဆုံး သွားတဲ့ ကြားဖြတ် ရွေးကောက် ပွဲမှာ လက်ရှိ အာဏာရ ပါတီဖြစ်တဲ့ အမျိုးသား ဒီမိုကရေစီ အဖွဲ့ချုပ် NLD ပါတီဟာ ပြီးခဲ့တဲ့ ရွေးကောက် ပွဲတွေထက် အနိုင်ရ ကိုယ်စားလှယ် အရေ အတွက် အချိုး အစား နည်းခဲ့ပြီး ဒါဟာ NLD အပေါ် လူထု ထောက်ခံမှု ကျဆင်း လာတာကြောင့်လို့ သုံးသပ် တာတွေ ရှိနေ ပါတယ်။

ဒီအပေါ်မှာ NLD ပါတီ ကိုယ်တိုင် ဘက်က အမြင်နဲ့ နိုင်ငံရေး လေ့လာ သူတွေရဲ့ အမြင် သုံးသပ် ချက်တွေကို ဗွီအိုအေ မြန်မာပိုင်း သတင်းထောက် ကိုမိုးဇော်က အခုလို စုစည်း တင်ပြ ထားပါတယ်။

ပြီးခဲ့တဲ့ ကြားဖြတ် ရွေးကောက် ပွဲမှာ လစ်လပ် မဲဆန္ဒနယ် ၁၉ နယ်မှာ အမျိုးသား ဒီမိုကရေစီ အဖွဲ့ချုပ်က ၁၈ နေရာ ၀င်ရောက် ယှဉ်ပြိုင် ခဲ့ပြီး ၉ နေရာသာ အနိုင်ရ ခဲ့တာ ဖြစ်ပါတယ်။

ဒီတကြိမ် အနိုင်ရ တာဟာ ပြီးခဲ့တဲ့ ရွေးကောက်ပွဲ တွေထက် ရာခိုင်နှုန်း အရ နည်းပါး သွားတာကြောင့် NLD ပါတီ အပေါ် လူထုထောက်ခံမှု ကျဆင်း လာတာလို့ သုံးသပ် တာတွေ ရှိနေတာပါ။

ဒီအပေါ်မှာ NLD ပါတီရဲ့ ပြောရေး ဆိုခွင့်ရှိသူ ဦးညဏ်ဝင်းက အခုလို တုံ့ပြန်ပါတယ်။

“နိုင်ငံရေးမှာ သာနေတဲ့ အချိန်လည်း ရှိမယ်၊ နောက်တခါ မသာတဲ့ အခြေအနေ အခြေ အနေ မကောင်း တာတွေလည်း ရှိမယ် ဒါကတော့ သဘော သဘာဝပဲ ခင်ဗျ။ အခု ရွေးကောက်ပွဲကို ပြောရင် အသာရဖို့ ကြိုးစား ပါတယ်၊ ကြိုးစားပေမယ့် ကြိုးစား သလောက် အကောင် အထည် မပေါ်ခဲ့ဘူး ကျနော်တို့ ဒီကိစ္စတွေကို သုံးသပ်ချက် တွေတောင်းနေ ပါတယ်။ ပါတီ အနေနဲ့ သုံးသပ်ချက် ကိုတော့ ကျနော် အခုမပေးနိုင်ဘူး ကျနော် အားလုံးစုံမှ ပေးနိုင်မယ်။”

နိုင်ငံရေးလေ့လာသုံးသပ်သူ ဒေါက်တာရန်မျိုးသိမ်းရဲ့ အမြင်ကတော့ -

“၂၀၁၅ မှာ တိုင်းရင်းသား ပြည်သူလူထု အများစုက အပြောင်း အလဲကို ရည်ရွယ် ပြီးတော့ ပြတ်ပြတ် သားသား မဲထည့် လိုက်တယ်။ ဒါပေမယ့် ရွေးကောက်ပွဲ အလွန် ၁ နှစ် သက်တမ်း အတွင်း မှာပေါ့နော် မဲပေး လိုက်တဲ့ ပြည်သူက အနည်းဆုံး မျှော်လင့် ထားတဲ့ မျှော်မှန်းချက် တွေကိုတောင်မှ အမျိုးသား ဒီမိုကရေစီ အဖွဲ့ချုပ် အစိုးရ၊ လွှတ်တော်တို့ အနေနဲ့ ဒီဖော်ဆောင်နိုင်တဲ့ အပိုင်းမှာ အားနည်း ချက်တွေ ရှိနေတာက အဓိက အကြောင်း တခုလို့ ကျနော်က မြင်တယ်။”

နိုင်ငံရေး ကလောင်ရှင် ကိုဝကလည်း ဒီအချက် အပေါ် သဘောတူပြီး လူထု အနေနဲ့ အားမလို အားမရ ဖြစ်မှုတွေက အကြောင်း အချက် တခု အဖြစ် သုံးသပ်ပါတယ်။ ဒါအပြင် မူဝါဒပိုင်း ဆိုင်ရာအားနည်း ချက်တွေလည်း ရှိနိုင်ကြောင်း နိုင်ငံရေး ကလောင်ရှင် ကိုဝက ပြောပါတယ်။

“နောက်တကြောင်းက မူဝါဒပိုင်း ဆိုင်ရာ အားနည်းချက် ပေါ့ဗျာ။ ဥပမာ ချောင်းဆုံ တံတားလို ကိစ္စမျိုးပေါ့ ဒါက အစိုးရရဲ့ ရည်ရွယ်ချက်က ဘယ်လိုပဲ ရှိရှိ တိုင်းရင်းသား လူမျိုးစုတွေ ဘက်က အမြင် ကတော့ သူတို့ဘက်က အတွေး အမြင်၊ သူတို့ ခံစားချက် ကို ဂရုမစိုက်ဘူး၊ အလေး မယူဘူးဆိုတဲ့ အဓိပ္ပါယ်မျိုး သက်ရောက် သွားတယ်လို့ ကျနော် ယူဆတယ်။”

ဒီအချက်အပေါ်မှာ ဒေါက်တာရန်မျိုးသိမ်းကလည်း အခုလို ဖြည့်စွက် ပြောဆိုထားပါတယ်။

“ဒေသခံ တိုင်းရင်းသား တွေကိုလည်း တိုင်ပင်တာ မရှိ၊ ဆွေးနွေးတာ မရှိ ညှိနှိုင်းတာ မရှိဘူး အမည် ပြောင်းလဲဖို့ ကြိုးစားတဲ့ ကိစ္စဟာ မွန်ပြည်နယ် တခုတည်း၊ မွန်တိုင်းရင်းသား တခုတည်းနဲ့ သက်ဆိုင်တဲ့ ကိစ္စလို့ ကျနော် ကတော့ မမြင်ပါဘူး။ ဒီကိစ္စဟာ အခြား တိုင်းရင်းသား လူမျိုးစုတွေ အတွက်လည်း အချက်ပေး ခေါင်းလောင်း သံလို ဖြစ်သွား ပါတယ်။”

ကျန်ရှိနေတဲ့ အစိုးရ သက်တမ်း ကာလမှာ တိုင်းရင်းသား ပါတီတွေနဲ့ ဆက်ဆံရေးကို အထူး အလေးထား ဆောင်ရွက်ဖုိ့ လိုအပ်ကြောင်းလည်း ပြောပါတယ်။

လူထု မျှော်လင့်ချက်တွေကို ဖြည့်ဆည်း နိုင်မှုနဲ့ မူဝါဒပိုင်း ဆိုင်ရာ အားနည်း တာတွေကြောင့် ၂၀၁၇ ကြားဖြတ် ရွေးကောက်ပွဲမှာ လူထု ပါဝင်မှု ကျဆင်း နေကြောင်းကို ဒေါက်တာ ရန်မျိုးသိမ်းရော၊ ကိုဝကပါ ထောက်ပြ ပါတယ်။

လူထုပါဝင်မှု လျော့ကျလာတဲ့ အပေါ် အရေးတကြီး အဖြေရှာဖို့ လိုအပ်ကြောင်းလည်း နိုင်ငံရေး ဆောင်းပါးရှင် ကိုဝက ပြောပါတယ်။

“ကျနော်တို့ တိုင်းပြည်က ဒီမိုကရေစီ အုတ်မြစ်ခိုင်မာအောင် တည်ဆောက်နေတဲ့ ကာလ အဲဒီ အချိန်မှာ တနိုင်ငံလုံး ပြည်သူလူထုရဲ့ထောက်ခံမှုနဲ့ လူထု အစိုးရ ကနေ ပြီးတော့ တိုင်းပြည်ကို ဒီမိုကရေစီ နိုင်ငံဖြစ်အောင် အားကြိုး မန်တက် ကြိုးပမ်းနေတဲ့ အချိန်မှာ လူထုက ရွေးကောက်ပွဲမှာ စိတ်ဝင်စားမှု နည်းတယ်၊ စိတ်ဝင်စားမှု ကျတယ် ဆိုတာက ကျနော်တို့ အရေးတကြီး လေ့လာ သုံးသပ် အဖြေရှာသင့်တဲ့ ကိစ္စလို့ ကျနော် ယူဆပါတယ်။”

ဒီအချက်အပေါ်မှာ ဒေါက်တာရန်မျိုးသိမ်းကလည်း အခုလို သုံးသပ်ပြောဆိုပါတယ်။

“မဲလာပေးတဲ့ ရာခိုင်နှုန်းသိသိသာသာ လျော့ကျနေတာဟာ မြန်မာနိုင်ငံရဲ့ ဒီမိုကရေစီအပြောင်းအလဲအပေါ်မှာ ပြည်သူလူထုရဲ့ စိတ်ဝင်စားမှုလျော့ကျနေတာလို့ အလေးအနက် မှတ်ယူပြီးတော့ ဒီကိစ္စကို အစိုးရကော လွှတ်တော်ရော အာဏာရပါတီအပါအ၀င် အမြန်ဆုံး ပြုပြင်ပြောင်းလဲ ဖော်ဆောင်နိုင်ဖို့ လိုအပ်တယ်လို့ ကျနော်ကတော့ အဲလိုသုံးသပ်ပါတယ်။”

၂၀၁၇ကြားဖြတ်ရွေးကောက်ပွဲကို ကယား၊ ချင်း၊ ရခိုင်၊ ရှမ်း၊ မွန် ပြည်နယ်တွေနဲ့ စစ်ကိုင်း၊ ပဲခူး၊ ရန်ကုန်တိုင်းဒေသကြီးတွေက မဲဆန္ဒနယ် ၁၉နေရာမှာ ကျင်းပခဲ့ပြီး မဲဆန္ဒနယ် အများစုမှာ လာရောက် မဲပေးသူဟာ မဲပေးခွင့်ရှိသူရဲ့ ၅၀ရာခိုင်နှုန်းအောက်ထိ နိမ့်ကျခဲ့ပါတယ်။ အထူးသဖြင့် ရန်ကုန်တိုင်းဒေသကြီး လှိုင်သာယာမြို့နယ်မှာ ဆိုရင် မဲပေး ပိုင်ခွင့်ရှိသူရဲ့ ၁၂ ရာခိုင်နှုန်းလောက်သာ လာရောက် မဲပေးခဲ့ပါတယ်။



From : ဗွီအိုအေမြန်မာသတင်းဋ္ဌာန by - (ကိုမိုးဇော်)

Originally published at - http://burmese.voanews.com

Read More »

Monday, April 03, 2017

ရွေးကောက်ပွဲ ကော်မရှင် လူထု ယုံကြည်မှု ပိုရလာ


မဲရလဒ်တွေ ရေတွက်နေစဉ်


ဧပြီ ၁ ရက်နေ့ မနေ့က ကျင်းပ ခဲ့တဲ့၂၀၁၇ ကြားဖြတ် ရွေးကောက် ပွဲဟာ ပွင့်လင်း မြင်သာမှု ရှိပြီး မဲပေးတာ မဲစာရင်း ရေတွက်တာ မဲရလဒ် ထုတ်ပြန်တာ မျိုးတွေမှာ ပြည်ထောင်စု ရွေးကောက်ပွဲ ကော်မရှင် အပေါ်မှာ အရင်ကထက် စာရင် လူထုရဲ့ယုံကြည်မှု ပိုပြီး ကောင်းလာတဲ့ အနေ အထား ရှိတယ်လို့ ကြားဖြတ် ရွေးကောက်ပွဲ ဖြစ်စဉ် တခုလုံးကို စောင့်ကြည့် လေ့လာ ခဲ့တဲ့ အဖွဲ့ (PACE) People’s Alliance for Credible Elections က ပြောဆို လိုက်ပါတယ်။

လစ်လပ်နေရာတွေမှာ ကျင်းပတဲ့ ရွေးကောက်ပွဲတွေဟာ အေးအေးချမ်းချမ်းပြီးဆုံးခဲ့ပြီး မဲရုံတွေမှာ အနှောင့်အယှက် တစုံတရာကြီးကြီးမားမားမရှိခဲ့ဘူးလို့ဆိုပါတယ်။

ဒါပေမဲ့လို့ တနိုင်ငံလုံးအတိုင်းအတာနဲ့ မဲဆန္ဒရှင်ပြည်သူစာရင်း ထုတ်ပြန်တာနဲ့ မဲပေးနည်းစနစ်နဲ့ ပညာပေးမှု အားနည်းတာတွေရှိခဲ့သလို မဲရလဒ် ထုတ်ပြန်မှုတွေ မှာတော့ နှောင့်နှေး ကြန့်ကြာမှုတွေ ရှိနေတယ်လို့ ဝေဖန် ပါတယ်။

ပြည်ထောင်စုရွေးကောက်ပွဲကော်မရှင်အနေနဲ့၂၀၁၇ ကြားဖြတ်ရွေးကောက်ပွဲရဲ့ အတွေ့အကြုံတွေကို နမူနာယူပြီး ၂၀၂၀ ရွေးကောက်ပွဲကို ဒီမိုကရေစီစံချိန်စံညွှန်းအမှီ ကျင်းပနိုင်ဖို့ အခုကတည်း စတင်ပြင်ဆင်ထားသင့်ပြီလို့လည်း အကြံပြုပါတယ်။

ဒီကနေ့မှာပဲ ပြည်သူလူထုကို ၂၀၁၇ခုနှစ် ကြားဖြတ်ရွေးကောက်ပွဲ ကနဦးအစီရင်ခံစာထုတ်ပြန်ခဲ့တဲ့ People’s Alliance for Credible Elections(PACE) ရဲ့ အမှုဆောင် ဒါရိုက်တာ ကိုစိုင်းရဲကျော်စွာမြင့်ကို ဗွီအိုအေမြန်မာပိုင်းက မဆုမွန်က ဆက်သွယ်မေးမြန်းတဲ့အခါ သူက ၂၀၁၇ ကြားဖြတ်ရွေးကောက်ပွဲနဲ့ပတ်သက်လို့ PACE ရဲ့ တွေ့ရှိ ချက်တွေကို အခုလိုစဖြေပါတယ်။

ကိုစိုင်းရဲကျော်စွာမြင့်။ ။ကျနော်တို့ရွေးကောက်ပွဲဖြစ်စဉ်ဟာ ငြိမ်ငြိမ်သက်သက်နဲ့ပြီးတယ်။ ပွင့်လင်းမြင်သာမှုအရင်ကထက်စာရင်ကောင်းလာတယ်လို့ အကြမ်းဖျင်း ပြောလို့ရတယ်။ နောက်ပြီးတော့မှ ကျနော်တို့ ချည်းကပ်မှုတွေ၊ မဲမသာမှုလုပ်တာတွေ၊ နောက်ရွေးကောက်ပွဲဖြစ်စဉ်တခုလုံးကို ထိခိုက်ရလောက်တဲ့ ဖြစ်စဉ်ကြီးကြီးမားမား ကျနော်တို့မတွေ့ရဘူး။ ဒီဖြစ်စဉ်ဟာ ကျနော်တို့ပြောမယ်ဆိုရင်တော့ ကောင်းမွန်တဲ့ ရွေးကောက်ပွဲဖြစ်စဉ် လို့ ကျနော်တို့ သုံးသပ်လို့ရပါတယ်။

မဆုမွန်။ ။ဟုတ်ကဲ့ပါရှင့် ပြည်သူလူထုရဲ့ ပူးပေါင်းပါဝင်မှုနဲ့ စိတ်ပါဝင်စားမှုပေါ့နော် ကြားဖြတ်ရွေးကောက်ပွဲ ပြန်ပြီးတော့ လစ်လပ်တဲ့နေရာမှာ ၀င်ပြီးတော့ ရွေးမယ့် ကိုယ်စားလှယ်လောင်း တွေအပေါ်မှာ စိတ်ဝင်စားမှု ဒီမဲသွားပေးရမယ့်နေ့မှာ ပြည်သူလူထုရဲ့ စိတ်ဝင်စားမှုနဲ့ ပတ်သက်ပြီးတော့ ဘယ်လိုများ လေ့လာတွေ့ရှိပါသလဲရှင့်။

ကိုစိုင်းရဲကျော်စွာမြင့်။ ။ဒီ ကြားဖြတ်ရွေးကောက်ပွဲရှိတာကို သိသလားလို့မေးတဲ့အခါမှာ သိတဲ့ ရာခိုင်နှုန်းနည်းတာကို တွေ့တယ်။ နည်းတယ်ဆိုပေမယ့် တ၀က်ကျော် ကျော်လောက်ကို သိတာ ရှိတာပေါ့။ မဲလာထည့် မလားလို့ မေးတဲ့ အခါမှာ မဲထည့်မယ်လို့ပြောတာ ၅၇ ရာခိုင်နှုန်းပဲရှိတယ် အဲဒီတုန်းက မဲတကယ်လာထည့်တဲ့ ရာ ခိုင်နှုန်းက မဲထည့်မယ်လို့ပြောတဲ့ ရာခိုင်နှုန်းထက် နည်းတဲ့သဘောတွေ့ရတယ်။

ပြည်သူလူထုက ရွေးကောက်ပွဲနဲ့ ပတ်သက်ရင် ၂၀၁၅ ထက်စာရင် ၂၀၁၇ က နည်းတယ်ဆိုတာ ငြင်းစရာမရှိပါဘူး။ ကျနော်ရွေးကောက်ပွဲနေ့ကို စောင့်ကြည့်တယ် လူ ၆၀၀ နဲ့မဲရုံ ၃၀၀ ပေါ့နော်။ မဲရုံ ၃၀၀ကို ကျနော်တို့ ကျပန်းနည်းနဲ့ ရွေးပြီးတော့မှ ကျနော်တို့ စောင့်ကြည့်တယ်။ အဲဒါပြီးတော့ ခုနထိတော့ မဲရလဒ်ပြုစုတဲ့ဖြစ်စဉ်ကို မြို့နယ်
ကော်မရှင်အဖွဲ့ခွဲ ရုံးတွေမှာ ကျနော်တို့ စောင့်ကြည့်နေတယ်။

အဲဒါကတော့ ကြားဖြတ်မှာ ကျနော်တို့ စောင့်ကြည့်တဲ့ဖြစ်စဉ် တွေပေါ့လေ။ ဆိုတော့ ထူးထူးခြားခြားကတော့ ကျနော်တို့ အသေးအမွားတွေတော့ရှိပါတယ် ဥပမာ - မဲလာထည့်ဖို့ လာတဲ့အခါမှာ မဲစာရင်းမှာ နာမည် မပါတဲ့အတွက်ကြောင့်မို့လို့ ၁ ယောက်ကနေ ၁၀ ယောက်ကြားလောက်ရှိတယ်ဆိုတဲ့ဟာက မဲရုံတွေရဲ့ ၂၅ ရာခိုင် နှုန်းလောက်မှာ ရှိတယ်ဆိုတာ ကျနော်တို့ တွေ့တယ်။

မဆုမွန်။ ။ဟုတ်ကဲ့ အခုဒီကြားဖြတ်ရွေးကောက်ပွဲက အရင် ၂၀၁၅ရွေးကောက်ပွဲတုန်းကဆိုရင် မဲမသမာမှုတွေဖြစ်မှာမျိုး ၊ မဲလိမ်မှာမျိုးကို မဲဆန္ဒရှင်ပြည်သူတွေက တော်တော်များများ စိုးရိမ်မှုတွေရှိခဲ့တယ်ပေါ့နော် အဲဒီတော့ နောက်ဆုံးမဲစာရင်း ရလဒ်ထွက်တဲ့အထိကို သေချာအောင် တိကျအောင် နောက်ဆုံး ပြည်ထောင်စု ရွေးကောက်ပွဲကော်မရှင်ကနေ အတိအကျ ထုတ်ပြန်တော့မှပဲ ဒီရလဒ်က အတည်ပြုတဲ့ဟာမျိုးရှိတော့ ဒီကြားဖြတ်ရွေးကောက်ပွဲမှာရော အဲဒီလိုမျိုး စိုးရိမ်မှုရှိတာ ကြားမိပါသလား။ နောက်ပြီးအဲဒီလို စိုးရိမ်မှုရှိလောက်အောင်ဒီလို မဲရုံတွေမှာ မသမာမှုတွေလုပ်တာမျိုးရော လေ့လာတွေ့ရှိတာမျိုးရှိပါသလားရှင့်။

ကိုစိုင်းရဲကျော်စွာမြင့်။ ။အဲ့တာမျိုးတော့ မရှိဘူးဗျ။ ကြားဖြတ်ရွေးကောက်ပွဲမှာ ကျနော်တို့ စစ်တမ်းကောက်တာ မြို့နယ် ၂၂မြို့နယ်မှာ မဲဆန္ဒရှင်တွေကို မေးတဲ့မေး ခွန်းက ဘာလဲဆ်ိုတော့ ကြားဖြတ်ရွေးကောက်ပွဲနဲ့ပတ်သက်လို့ စိုးရိမ်ပူပင်တာတွေ ရှိသလားလို့ မေးတဲ့အခါမှာ လူအများစု ၇၀ ရာခိုင်နှုန်း ၈၀ ရာခိုင်နှုန်းကျော်ကျော် နီးပါးက ကြားဖြတ်ရွေးကောက်ပွဲနဲ့ပတ်သက်လို့ စိုးရိမ်ပူပင်စရာမရှိဘူးလို့ ဖြေတာရှိပါတယ်။

အခုရွေးကောက်ပွဲကော်မရှင်ကို ကြည့်မယ်ဆိုရင် အရင်ရွေးကောက်ပွဲရဲ့ စိန်ခေါ်မှုကကျတော့ ပြည်သူလူထုက ရွေးကောက်ပွဲကော်မရှင်နဲ့ ရွေးကောက်ပွဲဖြစ်စဉ်အပေါ် ယုံကြည်မှုမရှိတာ ဒါရွေးကောက်ပွဲကော်မရှင်ရဲ့စိန်ခေါ်မှုပဲ။ သူတို့ အဲ့တာကို အကြီးအကျယ်တည်ဆောက်ခဲ့ရတယ်။

ဆိုတော့ ဒီကော်မရှင်ရဲ့အားသာချက်က ပြည်သူလူထုက သူတို့အပေါ်မှာ ဝေဖန်မှု၊ မယုံကြည်မှုကို ၂၀၁၅ ကလောက် ပြတာတွေ ကျနော်တို့ မတွေ့ရဘူး။ ဒီအပေါ်မှာ ဘာကိုတွေ့ရသလဲဆိုတော့ သူတို့အတွက်က စိန်ခေါ်မှုက ဘာလဲဆိုတော့ ၂၀၂၀ ရွေးကောက်ပွဲမှာ ဒီကော်မရှင်အနေနဲ့ ရွေးကောက်ပွဲကို ဒီ့ထက်ပိုပြီး ဘယ်လောက် ကောင်းအောင် လုပ်နိုင်မလဲ။ ဒီမိုကရေစီစံနှုန်းတွေနဲ့ ဘယ်လောက်ပြည့်အောင် လုပ်နိုင်မလဲဆိုတာက သူတို့အတွက် စိန်ခေါ်မှုပဲ။

မဆုမွန်။ ။ အခုကြားဖြတ်ရွေးကောက်ပွဲမှာ ကိုစိုင်းရဲကျော်စွာမြင့်တို့ လေ့လာတွေ့ရှိခဲ့တဲ့ စောင့်ကြည့်ခဲ့တဲ့ အတွေ့အကြုံတွေအရ လာမယ့် ၂၀၂၀ ရွေးကောက်ပွဲကြီး အတွက်ရော သက်ဆိုင်တဲ့ ပြည်ထောင်စုရွေးကောက်ပွဲကော်မရှင်ရော၊ မဲဆန္ဒနယ်တွေမှာ ဝင်ပြီးပြိုင်မယ့် ကိုယ်စားလှယ်တွေအတွက် ဘယ်လိုများ အကြံပေးချင် တာရှိပါလဲရှင်။

ကိုစိုင်းရဲကျော်စွာမြင့် ။ ။ အဓိက ကတော့ဗျာ ဒီကော်မရှင်က ၂၀၁၅ ရွေးကောက်ပွဲအပြီးမှာ တက်လာတဲ့အစိုးရက ခန့်အပ်ထားတဲ့ ကော်မရှင်ပေါ့လေ ဒီကော်မရှင် ကိုယ်တိုင်ကလည်း အသုံးပြုနေတဲ့ ဥပဒေတွေကိုယ်တိုင်ကလည်း အရင်ဥပဒေတွေပဲလေ ၂၀၀၈ အခြေခံဥပဒေအတိုင်း ပေါ်လာတဲ့ ဥပဒေတွေ။ ဆိုတော့ ဒီဥပဒေ မူဘောင်တွေကို ကျိန်းသေ ၂၀၂၀ မတိုင်ခင်မှာ အကုန်လုံးမဟုတ်တောင်မှ ရွေးကောက်ပွဲကို ပိုပြီးတော့မှ ပွင့်လင်းလာအောင် ပိုပြီးတော့ ကောင်းလာအောင် လုပ်ဖို့ အတွက် အရေးကြီးတဲ့ ဥပဒေတွေ ပြင်ဆင်ဖို့အတွက် ဥပဒေမူဘောင်တွေ ပြန်လည်သုံးသပ်တာတွေ ကျိန်းသေလုပ်ရမယ်။ သာမာန်လူလည်း နားလည်မယ်။ ကော်မရှင်အဖွဲ့ခွဲတွေအကုန်လုံးနားလည်မယ် အဲ့လိုဟာမျိုးဖြစ်အောင် ကျနော်တို့ ပြန်လည်သုံးသပ်ဖို့လိုမယ်။

မဆုမွန်။ ။ တချို့နေရာတွေမှာ ပြည်ထောင်စုရွေးကောက်ပွဲကော်မရှင်ဘက်က ပညာပေးမှု အားနည်းခဲ့တယ်လို့ပြောတယ်။ အထူးသဖြင့် ကြားဖြတ်ရွေးကောက်ပွဲ နဲ့ပတ်သက်ပြီးတော့နော် အဲ့တာကို ဘယ်လိုများသုံးသပ်မိပါလဲရှင့်။

ကိုစိုင်းရဲကျော်စွာမြင့်။ ။ တွေ့ရှိချက်အရတော့ မဲဆန္ဒရှင်ပညာပေးမှု လုပ်တာ နည်းတာတော့ အမှန်ပဲ။ ကော်မရှင်ကိုယ်တိုင်လည်း လုပ်တဲ့ရာခိုင်နှုန်းတွေ သူတို့ လုပ်တော့လုပ်ပါတယ်။

ဒါပေမဲ့ တချို့ဝေးလံတဲ့နေရာမျိုးတွေလုပ်တာနည်းတယ် နောက်ပြီးတော့ မဲဆန္ဒရှင်အသိပညာပေးလုပ်ငန်းရဲ့ လုပ်ပုံကိုင်ပုံတွေကလည်း နည်းနည်းရိုးတာလည်း ပါတာပေါ့လေ။

အထူးသဖြင့် လူတွေကလည်း စိတ်မဝင်စားဘူး။ အထူးသဖြင့် ကြားဖြတ်ရွေးကောက်ပွဲလိုမျိုးကို လူတွေက စိတ်ဝင်စားမှုနည်းတယ်။ နောက်ပြီးတော့ နိုင်ငံရေး ပါတီတွေလည်း ထိုနည်းလည်းကောင်းပဲ။ နိုင်ငံရေးပါတီတွေက ကိုယ့်ကို မဲလာထည့်မယ့်သူကို မဲလာထည့်ချင်အောင် ဝိုင်းပြီးတော့မှ မဲဆန္ဒရှင်ကို တိုက်တွန်းတာမျိုး ထိထိရောက်ရောက် မလုပ်နိုင်ခဲ့ဘူးလို့ အကြမ်းဖျင်းပြောလို့ရပါတယ်။

မဆုမွန်။ ။ ကိုစိုင်းရဲကျော်စွာမြင့် အခုလိုဖြေပေးတာ ကျေးဇူးတင်ပါတယ်ရှင်။

ကိုစိုင်းရဲကျော်စွာမြင့်။ ။ ဟုတ်ကဲ့ပါခင်ဗျာ။

ဒါကတော့ People’s Alliance for Credible Elections (PACE) အမှုဆောင်ဒါရိုက်တာ ကိုစိုင်းရဲကျော်စွာမြင့် ကို ဗွီအိုအေမြန်မာပိုင်းက မဆုမွန်က ဆက်သွယ်မေးမြန်းခဲ့တာဖြစ်ပါတယ်။



From : ဗွီအိုအေမြန်မာသတင်းဋ္ဌာန by - (မဆုမွန်)

Originally published at - http://burmese.voanews.com

Read More »

Sunday, April 02, 2017

ရှမ်း၊ ရခိုင် ပြည်နယ်တွေက ကြားဖြတ် ရွေးကောက်ပွဲ


၂၀၁၇ ကြားဖြတ် ရွေးကောက်ပွဲ


ရှမ်းပြည်နယ် ရခိုင် ပြည်နယ် အပါ အဝင် ပြည်နယ် တိုင်း ဒေသကြီး တွေက မဲဆန္ဒ နယ်တွေထဲ အကျိတ် အနယ် ဖြစ်နိုင် တယ်လို့ ခန့်မှန်း ထားတဲ့ မဲဆန္ဒနယ်တွေရဲ့ အခြေ အနေ ကိုတော့ ရန်ကုန်ရုံး ကနေ မပြတ် စောင့်ကြည့် နေတဲ့ ဗွီအိုအေ သတင်းထောက် ကိုမိုးဇော်က ဆက်ပြောပြ ပါမယ်။

ရှမ်းပြည်နယ် မိုင်းရှုးမြို့နယ် အတွင်းက ကျေးရွာအုပ်စု ၃ စုကို ကြားဖြတ်ရွေးကောက်ပွဲ မစတင်မှီ တပတ်လောက် အလိုမှာ လုံခြုံရေး အရ ပိတ်သိမ်းဖို့ အမျိုးသား ဒီမိုကရေစီ အဖွဲ့ချုပ် NLD က တောင်းဆို ခဲ့ပါတယ်။

ဒါပေမဲ့ ရွေးကောက်ပွဲကော်မရှင်က မဲရုံတွေကို မဖျက်သိမ်းဘဲ မူလနေရာနဲ့ ၃ မိုင်ကနေ ၁၈မိုင်လောက်ထိ အကွာအဝေးကိုပြောင်းရွှေ့ခဲ့ပါတယ်။ ဒီလို ပြောင်းရွှေ့တဲ့ အတွက် ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီက ရွေးကောက်ပွဲကော်မရှင်ကို မဲဆန္ဒရှင်တွေ သွားလာရေး အဆင်ပြေစေ ရေးအတွက် စီစဉ်ပေးဖို့ တောင်းဆိုခဲ့ပါတယ်။

ဒီကိစ္စကို အဆင်ပြေအောင် ဘယ်လိုစီစဉ်ပေးခဲ့တယ်ဆိုတာ မိုင်းရှုးမြို့နယ် ရွေးကောက်ပွဲကော်မရှင် ဥက္ကဋ္ဌ ဦးသိန်းဝင်းက ဗွီအိုအေကို အခုလို ပြောပြပါတယ်။

" ကျနော်တို့ မော်မိတ်ကျေးရွာအုပ်စု ကွမ်ချောင်းကျေးရွာအုပ်စု အန့်ကျေးရွာအုပ်စု နဂိုအစကတည်းက ရွှေ့ထားတာ ဝါလင်ကျေးရွာအုပ်စု တစု လေးစုရှိပါတယ်။

အဲ့ဒီ့အတွက် ကိုယ်ကိုယ်တိုင်ပဲ ကားတွေ ပို့နိုင်၊ မပို့နိုင် ကျနော်တို့သွားစစ်ဆေးပါတယ်။ အဆင်ပြေပါတယ်။ အခုအချိန်အထိကို ကားအခေါက် ၄၀ ကျနော်တို့ ရနေပါပြီ။

အားလုံး ဒါတွေကို ကော်မရှင်ကပဲ စီစဉ်ပေးတာပါခင်ဗျ။ ကျနော်တို့ကတော့ ကုန်ကျတဲ့ ဆီဖိုး နေ့တွက်တွေ ပေးခြေမှာပါ။ ကျနော် အခုသတင်းရသလောက် ကျနော် ရုံးကနေ သတင်းယူနေသလောက်တော့ ကိုယ်ကိုတိုင်လည်း မျက်မြင်တွေ့သလောက် ကြီးမားတဲ့ ပြသနာ မရှိပါဘူး။ ပြည်သူတွေ အေးအေးချမ်းချမ်းနဲ့ မဲပေးနေ ကြ ပါတယ်။

ကျေးသီးမြို့နယ်တွင်းက အခြေအနေကိုတော့ ကျေးသီးမြို့နယ် ရွေးကောက်ပွဲ ကော်မရှင်ဥက္ကဋ္ဌ ဦးစောရွှေက အခုလို ပြောပါတယ်။

" ၁၀ နာရီအထိကတော့ တမြို့နယ်လုံးအနေနဲ့ ၁၈ ရာခိုင်နှုန်းလောက်ပဲ လာပေးပါသေးတယ်။ နောက်ပိုင်းတော့ မရသေးဘူး အခုအချိန်အထိတော့ နည်းတယ်လို့ပဲ ပြောရမယ်။ အခက်အခဲကတော့ အဆက် အသွယ် တခုပဲ ကျနော်တို့ ကျေးရွာအုပ်စု တိုင်းကို ဖုန်း လွယ်လွယ်နဲ့ မရဘူး။ တချို့မဲရုံဆို ဖုန်းဆက်လို့မရဘူး။ ဖုန်းခေါ်လို့ မရဘူး။

မိုင်းရှုးနဲ့ကျေးသီးမြို့နယ်က မဲရုံတချို့ဟာ ရှမ်းပြည်တပ်မတေ်ာ-မြောက်ပိုင်းတပ်ဖွဲ့ဌာနချုပ်နဲ့ နီးကပ်တာကြောင့် လုံခြုံရေး အခြေ အနေအပေါ် စိုးရိမ်တာတွေရှိခဲ့ပေမဲ့ အခြေအနေဟာ အေးအေးချမ်းချမ်းရှိကြောင်း ပြောပါတယ်။

ရခိုင်ပြည်နယ်တွင်းက အကျိတ်အနယ်ယှဉ်ပြိုင်ရမယ့် အမ်းမြို့နယ် မဲဆန္ဒနယ် အခြေအနေကိုတော့ အမ်းမြို့နယ် ရွေးကောက်ပွဲ ကော်မရှင်အတွင်းရေးမှုး ဦးခိုင်မျိုးလင်းက အခုလို ပြောပါတယ်။

" လူတွေက ပုံမှန်လောက် ပါပဲ အခုဆိုရင် တဝက် ကျော်ကျော်လောက် ပြီးနေပြီလို့ သိရပါတယ်။ မဲရုံတွေမှာ ကြိတ်ကြိတ်တိုးတဲ့ ပုံစံမျိုးတော့ မဟုတ်ဘူးပေါ့နော်။

တချို့ကလည်း မနှစ်တုန်းကဆိုရင် မနက်မိုးလင်းတာနဲ့ အများကြီး ကြိတ်ကြိတ်တိုးပြီးတော့ စောင့်ရတာတွေရှိတယ် သူတို့ အခုကျတော့ အခြေအနေလေးတွေကို စောင့်ကြည့်တယ်။ လူပါးရင် ပါးသလို ဝင်တယ် အဲ့လိုပုံစံမျိုးတွေဖြစ်လို့။ ပြီးတော့ ကျနော်တို့အမ်းမှာက လွှတ်တော်တရပ်တည်းမို့လို့ မြန်တယ်လေ။ အဲ့တော့ တဖြေးဖြေးချင်း တဖြေးဖြေးချင်း လာကြတယ်ဟုတ်ကဲ့ အေးအေးဆေးဆေးပါပဲခင်ဗျာ။"

ဒီကနေ့ ကြားဖြတ်ရွေးကောက်ပွဲကို ကယား၊ ချင်း၊ ရခိုင်၊ ရှမ်း၊ မွန် ပြည်နယ်တွေနဲ့ စစ်ကိုင်း၊ ပဲခူး၊ ရန်ကုန်တိုင်းဒေသကြီးတွေမှာ အများအားဖြင့် အေးအေးချမ်းချမ်းနဲ့ ကျင်းပနိုင်ပါတယ်။

ရှမ်းပြည်နယ် မိုင်းရှုးမြို့နယ် မဲရုံအမှတ် ၄ မှာ မဲဆန္ဒပေးရာနေရာ ချထားမှု နဲ့ပတ်သက်ပြီး စောဒကတက်တာရှိခဲ့သလို ပဲခူးတိုင်းဒေသကြီး ကျောက်တံခါးမှာ ၂ ခါပြန်မဲပေးခဲ့တာလို ပြဿနာတချို့တော့ ရှိခဲ့ကြောင်းနဲ့ စစ်ကိုင်းတိုင်းမုံရွာမြို့မှာတော့ မဲပေးသူအရေအတွက် မဲပေးခွင့်ရှိသူရဲ့ တ၀က်ကျော်လောက်သာရှိခဲ့ကြောင်း ကော်မရှင်အဖွဲ့ဝင်တွေ က ပြောပါတယ်။



From : ဗွီအိုအေမြန်မာသတင်းဋ္ဌာန by - (မိုးဇော်)

Originally published at - http://burmese.voanews.com

Read More »

Thursday, March 30, 2017

ကြားဖြတ် ရွေးကောက်ပွဲ နေရာအားလုံး နီးပါးနိုင်ဖို့ အာဏာရ ပါတီ မျှော်လင့်




လာမယ့် ၂ ရက် အတွင်း ကျင်းပ တော့မယ့် ၂၀၁၇ ကြားဖြတ် ရွေးကောက်ပွဲမှာ လက်ရှိ အာဏာရ အမျိုးသား ဒီမိုကရေစီ အဖွဲ့ချုပ် အနေနဲ့ ဝင်ရောက် ယှဉ်ပြိုင်မယ့် ၁၈ နေရာလုံး နိုင်မယ့် အလားအလာ ရှိတယ်လို့ ပါတီ ထိပ်ပိုင်း ခေါင်းဆောင် တဦးက ပြောဆို လိုက်ပါတယ်။

ကြားဖြတ် ရွေးကောက်ပွဲ ကျင်းပမယ့် လစ်လပ် မဲဆန္ဒနယ် ၁၉ နေရာ ထဲက တိုင်းရင်းသား နယ်မြေ တချို့မှာ NLD ပါတီ အနေနဲ့ နိုင်ဖို့ အလားအလာ နည်းတယ်ဆိုတဲ့ သုံးသပ် ချက်တွေ ထွက်နေ ချိန်မှာ အခုလိုပြောလိုက်တာပါ။

အင်အားကြီး ပါတီတွေနဲ့ ဒေသခံ တိုင်းရင်းသား ပါတီတွေ အပြင် အခြားနိုင်ငံရေး ပါတီတွေ အားလုံး ရွေးကောက်ပွဲ မဲဆွယ် စည်းရုံးရေး တွေကို အရှိန် အဟုန်နဲ့ ဆောင်ရွက်နေ ကြပါတယ်။ ဒီအခြေအနေတွေနဲ့ ပတ်သက်လို့ ဗွီအိုအေ သတင်းထောက် မမြင့်မြင့်ခိုင်က တင်ပြပေးထားပါတယ်။

လက်ရှိအာဏာရ အမျိုးသားဒီမိုကရေစီအဖွဲ့ချုပ်အနေနဲ့ ဧပြီလ ၁ ရက်နေ့မှာ ကျင်းပတော့မယ့် ကြားဖြတ်ရွေးကောက်ပွဲမှာ ဝင်ရောက်ယှဉ်ပြိုင်မယ့် နေရာ ၁၈ နေရာစလုံးလုံးမှာ နိုင်မယ့်အလားအလာရှိတယ်လို့ NLD ပါတီရဲ့ဗဟိုအလုပ်အမှုဆောင်အဖွဲ့ဝင် ဦးဥာဏ်ဝင်းက ဗွီအိုအေကို ပြောပါတယ်။

“ကျနော်တို့ ၁၈ နေရာလုံး မရနိုင်ဘူးဆိုတဲ့အနေအထားကို ကျနော်တို့သိတယ်။ အဲဒါကြောင့် ၁၈ နေရာလုံးရဖို့ ကျနော်တို့ကြိုးစားနေတယ်။ ပထမအားနည်းတာတွေ ကျနော်တို့ရှိတယ်။ ကျနော်တို့ဘက်မှာ မိုင်းရှူး ဒီနေရာတွေအားနည်းတယ်။ နောက်ရခိုင်မှာ အားနည်းတယ်။ သို့သော် ကျနော်တို့ ကြိုးစားလာတဲ့အခြေအနေပေါ်မှာ မူတည်ပြီး ပြောရရင် ၁၈ နေရာလုံးကို မျှော်လင့်လို့ရတဲ့အခြေအနေ ရောက်လာနေပြီလို့ ကျနော်တို့ ယူဆတယ်။”

အစိုးရသစ်သက်တမ်း တနှစ်ပြည့်တဲ့အချိန်မှာကျင်းပတဲ့ ကြားဖြတ်ရွေးကောက်ပွဲဟာ အာဏာရ NLD ပါတီအပေါ် လူထုစစ်တမ်းကောက်ယူတဲ့ ရွေးကောက်ပွဲလိုမျိုး ရှုမြင်နိုင်သလို အစိုးရသစ်လက်ထက် ပထမဆုံးကျင်းပတဲ့ ဒီရွေးကောက်ပွဲဟာ တရားမျှတမှုရှိမယ်လို့လဲ ယုံကြည်ကြောင်း ဦးဥာဏ်ဝင်းက ဆိုပါတယ်။ ­

ဒီကြားဖြတ်ရွေးကောက်ပွဲအပေါ် လူစိတ်ဝင်စားမှု နည်းတယ်ဆိုပေမယ့် ရခိုင်ပြည်နယ်က အမ်း မဲဆန္ဒနယ်နဲ့ ရှမ်းပြည်နယ် မိုင်းရှူးနဲ့ ကျေးသီး မဲဆန္ဒနယ်တွေမှာတော့ နိုင်ငံရေးပါတီတွေအကြား အကျိတ်အနယ် ယှဉ်ပြိုင်ရဖွယ်ရှိနေပြီး တိုင်းရင်းသားဒေသတွေမှာတော့ အင်အားကြီးပါတီ နှစ်ခုဖြစ်တဲ့ အမျိုးသားဒီမိုကရေစီအဖွဲ့ချုပ်နဲ့ ပြည်ခိုင်ဖြိုးပါတီတို့ နိုင်မယ့်အလားအလာနည်းတယ်လို့ သုံးသပ်မှုတွေလဲရှိနေတာပါ။

မဲဆန္ဒနယ် ၇ ခုမှာ ဝင်ရောက်ယှဉ်ပြိုင်မယ့် ရှမ်းတိုင်းရင်းသားများ ဒီမိုကရေစီအဖွဲ့ချုပ်အနေနဲ့လည်း မြေပြင်အခြေအနေအရ နိုင်ဖို့ အလားအလာ ရှိတယ်လို့ ပါတီရဲ့ အထွေထွေအတွင်းရေးမှူး ဦးစိုင်းညွန့်လွင်က ပြောပါတယ်။

“မနေ့က ၂၈ ရက်နေ့အထိဆိုရင်တော့ ၇ နေရာစလုံးအတွက်အခြေအနေကောင်းနေပါပြီလို့ပြောလို့ရပါတယ်။ ဒါက Focus လုပ်တယ်ဆိုတာကတော့ ခန့်မှန်းပြီး လုပ်လို့ မရဘူး။ တကယ့်မြေပြင်သတင်းတွေ နောက်တကယ်ဖြစ်နိုင်တဲ့ အပေါ်မှာ မူတည်ပြီးတော့ တွက်တာပါ။”

ရှမ်းတိုင်းရင်းသားဒီမိုကရေစီအဖွဲ့ချုပ်အနေနဲ့ ကြားဖြတ်ရွေးကောက်ပွဲမှာနိုင်ရုံနဲ့ လွှတ်တော်တွင်း ဘာတွေပြောင်းလဲမှု လုပ်နိုင်မလဲဆိုတာနဲ့ ပတ်သက်လို့ ဦးစိုင်းညွန့်လွင်က အခုလို ရှင်းပြပါတယ်။

“ပြည်နယ်လွှတ်တော်မှာကတော့ ၅ မဲပိုလာမယ်။ ပြီးတော့ ပြည်သူ့လွှတ်တော်မှာ ၂ မဲပိုလာမယ်။ သို့သော်လည်း ဒီမဲတွေက အဲဒီဆိုင်ရာ လွှတ်တော်တွေကို ပြောင်းလဲအောင် မလုပ်နိုင်ပါဘူး။ ကျနော်တို့ စည်းရုံးရေးနယ်မြေတွေမှာတင် ရှုံးနေတယ်ဆိုရင်တော့ ကျနော်တို့ ပါတီရဲ့မူဝါဒတွေ လုပ်ပုံလုပ်နည်းတွေ စည်းရုံးရေးတွေကို သေချာပြန်သုံးသပ်ရမှာဖြစ်တယ်။”

လက်ရှိမှာတော့ အတိုက်အခံ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီအနေနဲ့လဲ ရွေးကောက်ပွဲ မဲဆွယ်စည်းရုံးရေးတွေကို ပါတီဥက္ကဌ ဦးသန်းဌေး ကိုယ်တိုင် အင်တိုက်အားတိုက်လုပ်ဆောင်နေတာပါ။ ပြည်ခိုင်ဖြိုးပါတီအနေနဲ့ ကြားဖြတ်ရွေးကောက်ပွဲရလဒ်ကို ကျေကျေနပ်နပ်လက်ခံဖို့ရှိပေမယ့် သူ့စကားအရ လိမ်ညာ မဲဆွယ်စည်းရုံးမှုတွေကို သတိထားဖို့လိုတယ်ဆိုတာကို USDP ပါတီဥက္ကဌ ဦးသန်းဌေးက မတ်လ ၂၉ ရက်နေ့ကလုပ်တဲ့ ကော့မှူးမြို့နယ် မဲဆွယ်စည်းရုံးပွဲမှာ ပြောသွားပါတယ်။

“လာမယ့် ဧပြီ ၁ ရက်ပေးမယ့် ခင်ဗျားတို့ရဲ့မဲတွေကို ဘယ်သူမှ ဓါးပြတိုက်ယူလို့မရပါဘူး ။ အမိန့်ပေးလို့မရဘူး အကြပ်ကိုင်လို့မရဘူး။ ဒါပေမယ့် သတိပေးချင်တယ် လိမ်လို့ရတယ်။ အဲဒါကြောင့် လူလိမ်တွေကို သတိထားပါ။”

မကြာခင်ကျင်းပမယ့် ကြားဖြတ်ရွေးကောက်ပွဲမှာ ပြည်ခိုင်ဖြိုးပါတီက ၁၉ နေရာလုံး ဝင်ရောက်ယှဉ်ပြိုင်မှာပါ။ ပြီးခဲ့တဲ့ရက်ပိုင်းအတွင်း လုံခြုံရေး စိုးရိမ်ချက်တွေကြောင့် ရှမ်းပြည်နယ် မိုင်းရှူးက ကျေးရွာကြီး ၃ ခုမှာ ရွေးကောက်ပွဲမကျင်းပဖို့ NLD ပါတီရဲ့ ကိုယ်စားလှယ်လောင်းတွေ ကန့်ကွက်ခဲ့တဲ့ အပေါ် ရွေးကောက်ပွဲ ကော်မရှင် ဘက်က မဲရုံတွေ ပြောင်းရွေ့ပေးဖို့ ဆုံးဖြတ်ပေးထားပါတယ်။

ဒီလို မဲရုံတွေ ပြောင်းရွေ့လိုက်တာကြောင့် မဲဆန္ဒရှင်တွေ မဲပေးချင်စိတ်ကုန်အောင် သွယ်ဝိုက် ကန့်သတ်တယ်လို့ ယူဆတာကြောင့် ရှမ်းတိုင်းရင်းသားများ ဒီမိုကရေစီ အဖွဲ့ချုပ်ဘက်က မဲဆန္ဒရှင်တွေ မဲပေး ပိုင်ခွင့်မဆုံးရှူံးအောင် ကော်မရှင်အနေနဲ့ ဆောင်ရွက်ပေးဖို့ တင်ပြထားတာလည်းရှိပါတယ်။


From : ဗွီအိုအေမြန်မာသတင်းဋ္ဌာန by - (မြင့်မြင့်ခိုင်)

Originally published at - http://www.rfa.org/burmese


Read More »

Wednesday, March 22, 2017

ကိုးကန့်ဒေသ ပြန်လည်ထူထောင်ရေး ကျပ်သန်းငါးထောင်ကျော် လိုအပ်


ကိုးကန့်ဒေသ တိုက်ပွဲ ဓါတ်ပုံ (March, 2017) ဓါတ်ပုံ ကကကြည်း


ကိုးကန့် ကိုယ်ပိုင် အုပ်ချုပ် ခွင့်ရ ဒေသ လောက်ကိုင်မှာ တိုက်ပွဲတွေ ဖြစ်တာကြောင့် ပျက်ဆီး ဆုံးရှုံး သွားတာ တွေကို ပြန်လည် ထူထောင်မယ် ဆိုရင် အနည်းဆုံး ကျပ်ငွေ သန်း ၅ထောင် ကျော်လောက် လိုအပ် မယ်လို့ လောက်ကိုင် မြို့နယ်က ပြည်သူ့ လွှတ်တော် ကိုယ်စားလှယ်က ပြောပါတယ်။

ဖြစ်ထားတဲ့ တိုက်ပွဲတွေကြောင့် ဒေသထွက်ကြံ တန်ချိန် ၂သိန်းကျော်လောက် ပျက်ဆီးကြောင်းလဲ ပြောပါတယ်။ ဒီနေ့ထိလဲ တိုက်ပွဲတွေ ကြိုကြားဖြစ်နေတုန်းပါပဲ။ လောက်ကိုင်ဒေသရဲ့ နောက်ဆုံးအခြေအနေကို ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ဒီလ ၆ရက်နေ့ စတင်ပြီး ထပ်မံဖြစ်ပွားခဲ့တဲ့ လောက်ကိုင်ဒေသတိုက်ပွဲကြောင့် လူ ၃သောင်းကျော် လောက် နေရပ်စွန်ခွာ တိမ်းရှောင်နေရသလို ဒေသတွင်း မှာ နေအိမ်အဆောက်အဦးတွေ နဲ့ အဓိက စိုက်ပျိုးတဲ့ ကြံခင်းတွေလည်း ပျက်ဆီးဆုံးရှုံးတာတွေရှိနေပါတယ်။

၂၀၁၅ ခုနှစ်ကလည်း တကြိမ်တိုက်ပွဲတွေ ပြင်းထန်ခဲ့တဲ့ လောက်ကိုင်မြို့မှာ ဒီတကြိမ် ပြန်လည်ထူထောင်ရေးလုပ်ငန်းတွေ လုပ်ကိုင်မယ်ဆိုရင် ကျပ်ငွေ သန်း ၅ထောင်ကျော်လောက် လိုအပ်နိုင်ကြောင်း လောက်ကိုင်မြို့နယ် က ပြည်သူ့လွှတ်တော်ကိုယ်စားလှယ် ဦးကျော်နီနိုင်က ပြောပါတယ်။

“အရင်တုန်းကတော့ ကျနော်တို့ ၃ ဘီလီယံလောက်ရအောင် နိုင်ငံတော်သမ္မတရဲ့ သီးသန့်ရန်ပုံငွေလို ကျနော်တို့ တင်ဖို့ရှိတာပေါ့နော် ။ အခုဆိုရင်တော့ ၃ ဘီလီယံနဲ့တော့ မရနိုင်တော့ဘူးပေါ့ ကျနော်တို့က အနည်းဆုံး ကို ၅ဘီလီယံ- ၁၀ ဘီလီယံလောက်ရမှပဲ ကျနော်တို့ ဒေသပြန်လည်ထူထောင်ရေးဆိုတာကို ပြန်ပြီးလုပ်နိုင်မှာပါ။”

၂၀၁၅ခုနှစ် တိုက်ပွဲတွေအပြီးမှာ နေရပ်ပြန်မရ သူတွေနဲ့ နေအိမ်ပျက်ဆီးဆုံးရှုံးခဲ့သူတွေ အတွက် အိမ်အလုံး ၁၄၀၀ကျော် တည်ဆောက်ဖို့ လျာထားခဲ့ပြီး အိမ်အလုံး ၄၀၀ကျော် တည်ဆောက်ပြီးဖြစ်ပါတယ်။ ဒီအတွက် နိုင်ငံတော်သမ္မတ ရဲ့ သီးသန့်ရံပုံငွေကနေ သန်း၃ထောင် ရရှိဖို့ လွှတ်တော်မှာ တင်ပြထားသလို ဒေသဦးစီးအဖွဲ့က စာတင်ဖို့ ပြင်ဆင်နေချိန်မှာ တိုက်ပွဲတွေ ထပ်မံဖြစ်ပွားလာခဲ့တာဖြစ်ပါတယ်။

လက်ရှိ တိုက်ပွဲကြောင့် ခုတ်ပြီးသား ကြံ တန်ချိန် ၂သိန်းလောက်ဆုံးရှုံးကြောင်း ဦးကျော်နီနိုင်က အခုလို ဆက်ပြောပါတယ်။

“ကျနော်တို့ တနေ့ကို ကြံတန်ချိန် ၄ သိန်းကျော်ရှိတာကို အခုတော့ ၅ ပုံ ၃ ပုံလောက် ကျနော်တို့ ထုတ်ဖို့ကျန်တယ်၊ သယ်ဖို့ကျန်တယ် ။ ကြံခုတ်ပြီးသားဆိုရင် ၁၀ ရက်လောက်ဆိုရင် အကုန်လုံးက ခြောက်ပြီးမှ အရည်လုံးဝမရှိတော့ဘူး။ တန်ချိန်နဲ့ပြောရင်တော့ တန်ချိန် ၂ သိန်းလောက် ထုတ်ဖို့ကျန်တယ် သယ်ဖို့ကျန်တယ်။ အိမ်ဖောက်ထွင်း ခိုးယူမှုကတော့ ဒီတခေါက်တော့နည်းတာပေါ့ ။ တခုတလေတော့ ရှိကြတာပေါ့။ လောက်ကိုင်ကနေ မြောက်ဘက်မှာတော့ ရွာတွေအများကြီးရှိတယ်လေ။ တချို့ရွာတွေထဲမှာတော့ တချို့ဆိုးဆိုးဝါးဝါးကို ဖြစ်သွားတယ် လို့ကြားတယ်။ တချို့တွေကတော့ မီးလောင်တယ်။”

လောက်ကိုင်ဒေသက ပြည်သူတွေကို ကူညီကယ်ဆယ်ရေး လုပ်ငန်းတွေ ဆောင်ရွက်နေတဲ့ လောက်ကိုင်ဆေးရုံအုပ် ဒေါက်တာ အောင်မြင့်ထွန်းကတော့ လောက်ကိုင်မြို့က တိုက်ပွဲအခြေအနေကို အခုလို ပြောပါတယ်။

“လောက်ကိုင်ကတော့ မနေ့ညကတော့ ၁၀၇ နဲ့ မြို့ထဲမှာတော့ ပစ်ခတ်မှုတွေရှိတယ်။ အခုဒီမနက်တော့ တိုက်ပွဲတော့ ပြန်ဖြစ်နေပြီ။ ပစ်ခတ်မှုတွေတော့ ရှိတယ်။ လောလောဆယ်တော့ ကျနော်တို့ ရန်နောင်ကျိုင်းဘက်မှာတော့ ပစ်ခတ် မှုတွေတော့ ဖြစ်နေတယ်။ မနေ့ကတော့ သူတို့ ဟိုဘက်ကနေမှ ၁၀၇ နဲ့ ကျနော်တို့မြို့ထဲဘက်ကို ပစ်တယ်ခင်ဗျ။”

လောက်ကိုင်မြို့မှာ ကူညီကယ်ဆယ်ရေးဆောင်ရွက်နေတဲ့အခြေအနေကိုလည်း အခုလို ဆက်ပြောပါတယ်။

“မနေ့ကအထိတော့ ကျနော်တို့တွေ အကူအညီလိုနေတဲ့လူတွေကို အာဏာပိုင်အဖွဲ့အစည်းအနေနဲ့ ပူးပေါင်းပြီးတော့ ကိုးကန့်ပရဟိတဖောင်ဒေးရှင်းတို့ ၊ ကျနော်တို့ မြန်မာနိုင်ငံ ကြက်ခြေနီအသင်းတို့ နောက်လူမှုရေးအသင်းအဖွဲ့တွေ ၊ စေတနာရှင်ပြည်သူတွေနဲ့ ပူးပေါင်းပြီးတော့ ဆောင်ရွက်နေပါတယ်ခင်ဗျ။ ကျနော်တို့ဆီအဓိကရောက်လာတာက မြေပေါ်မှာအိပ်ခဲ့ရတဲ့ လူတွေဖြစ်တယ်၊ များသောအားဖြင့်နေမကောင်းတာတွေဖြစ်တယ်။ အဲဒါတွေကို စောင့်ရှောက်မှုပေးပါတယ် အစားအစာတွေကို သူတို့အတွက်ပေးတယ်။ နောက်ကျနော်တို့ ချင်းရွှေဟော် ပို့တယ်။”

လောလောဆည် လူ ၅ထောင်လောက်ကို ချင်းရွှေဟော်ဘက် ပို့ဆောင်ပေးထားကြောင်း ပြောပါတယ်။

ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး UNOCHA ကတော့ လောက်ကိုင်တိုက်ပွဲကြောင့် လူ ၃သောင်းလောက် နေရပ်စွန့်ခွာ တိမ်းရှောင်နေကြကြောင်းနဲ့ ၂သောင်းလောက်ဟာ နယ်စပ်ဖြတ်ကျော်ပြီး တရုတ်နိုင်ငံဖက် တိမ်းရှောင်ခဲ့ကြောင်း ထုတ်ပြန်ထားပါတယ်။



From : ဗွီအိုအေမြန်မာသတင်းဋ္ဌာန by - (ကိုမိုးဇော်)

Originally published at - http://burmese.voanews.com

Read More »