နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Showing posts with label အာဘော်များ. Show all posts
Showing posts with label အာဘော်များ. Show all posts

Friday, June 23, 2017

မြန်မာနိုင်ငံက မအောင်မြင်သော ကုလသမဂ္ဂ၏ လုပ်ငန်းတာဝန်များ


နှုတ်ထွက် သွားသော ကုသမဂ္ဂ ဌာနေ လူသားချင်း စာနာမှု ညှိနှိုင်းရေးမှူး ရီနာတာ လော့ခ် ဒက်ဆယ်လီယန်ကို ၂၀၁၆ က သတင်းစာ ရှင်းလင်းပွဲ တခုတွင် မြင်ရစဉ် / ဧရာဝတီ


မြန်မာ နိုင်ငံတွင် မအောင်မြင် သည့် ကုလသမဂ္ဂ ရုံးနှင့် ပတ်သက်သော သတင်း ခေါင်းစဉ်နှစ်ခုကို မကြာ သေးမှီက ကျနော်တို့ မြင်တွေ့ခဲ့ ရသည်။

ပထမ ခေါင်းစဉ်မှာ ကုသမဂ္ဂ ဌာနေ လူသားချင်းစာနာမှု ဆိုင် ရာ ညှိနှိုင်းရေးမှူး ရီနာတာ လော့ခ် ဒက်ဆယ်လီယန် သည် ပုံမှန် ၅ နှစ်သက် တမ်းမကုန်ဆုံးမီ မြန်မာ နိုင်ငံမှ ပြန်လည်ထွက်ခွာသွား မည့် သတင်းဖြစ်သည်။

ကုလသမဂ္ဂ၏ အဖွဲ့အစည်းအတွင်း ကွဲပြားသော အစိတ်အပိုင်း အမျိုးမျိုးတို့နှင့် UN ရုံးများ အကြား တင်းမာမှုများရှိနေပြီး ဆက်သွယ်ရေးများမရှိခြင်းကြောင့် မြန်မာနိုင်ငံဆိုင်ရာ ကုလသမဂ္ဂရုံးသည် သိသိသာသာ အလုပ်မဖြစ်ကြောင်း ကုလသမဂ္ဂ အထွေထွေ အတွင်းရေးမှူးထံ တင်သွင်းရန် ပြင်ဆင် ထားသည့် ရုံးတွင်း စာတွင် ဖေါ်ပြထားသည်ဟု ဘီဘီစီ သတင်းဌာန က ပြီးခဲ့သောအပတ် အစောပိုင်း၌ ဖော်ပြသည်။

ဒက်ဆယ်လီယန်သည် မြန်မာနိုင်ငံ လူ့အခွင့်အရေးချိုးဖောက်မှုများနှင့်ပတ်သက်ပြီး လုံလောက်စွာ ဆောင်ရွက်နိုင်ခြင်း မရှိဟု ဝေဖန်ခံနေခဲ့ရပြီး၊ တကယ်တော့ လူအခွင့်အရေး ချိုးဖောက်မှု ကိစ္စသည် အဓိကပြဿနာမဟုတ် အဖျားအနားမျှသာ ဖြစ်သည်။

မြန်မာနိုင်ငံရှိ ကုလသမဂ္ဂမှာ အလုပ်မဖြစ်ရုံမျှသာမက ဖွဲ့စည်းတည်ဆောက်ပုံ ဆိုင်ရာပြဿနာများ၊ ပင်မဖော်ဆောင်မည့် ဗျူဟာကင်းမဲ့ခြင်း သို့မဟုတ် မြန်မာနိုင်ငံ ရင်ဆိုင်နေရသော စိန်ခေါ်မှုများကို မည်သို့တုံ့ပြန်မည်ဆိုခြင်းနှင့် ပတ်သက်၍ ကြောင်းကျိုး ညီညွတ်သော မူဝါဒ မရှိခြင် စသည့် အခြေ အနေများနှင့် ရင်ဆိုင်နေရသည်။

မြန်မာနိုင်ငံရှိ ကုလသမဂ္ဂရုံးနှင့် နယူးယောက်မြို့ရှိ ကုလသမဂ္ဂဌာနချုပ် အကြား တဖက်နှင့်တဖက် အပြန်အလှန် ဆက်သွယ်စီမံဆောင်ရွက်ခြင်းနှင့်ပတ်သက်၍ မည်သူက ဆုံးဖြတ်သည်ကိုလည်း မရှင်းမလင်း ဖြစ်နေသည်ဟု ရန်ကုန်အခြေစိုက် သံတမန် သတင်းရင်းမြစ်များက ပြောသည်။

ကုလသမဂ္ဂအနေဖြင့် ထိုပြဿနာများကို မဖြေရှင်းနိုင်ဘဲ မြန်မာနိုင်ငံနှင့် ထိတွေ့ဆက်ဆံမှုတွင် ၎င်း ကိုယ်တိုင် ပြန်လည်ပြင်ဆင် စုစည်းနိုင်ခြင်း မရှိပါက ကုလသမဂ္ဂသည် ပြင်ပအကူအညီလိုနေသော မြန်မာနိုင်ငံနှင့် ပိုမို ကင်းကွာလာမည် ဖြစ်သည်။

ထိုစိန်ခေါ်မှုနှင့် အခက်အခဲများကို ကြည့်ရင်း တချို့က ယခုအချိန်သည် အခြေအနေ အရပ်ရပ်ကို ပိုမို ကောင်းမွန်အောင် လုပ်ရမည့် အချိန်ဖြစ်သည်ဟု ပြောကြသည်။

နောက်သတင်း တပုဒ်

ကုလသမဂ္ဂရုံးနှင့် ဆိုင်သော အခြားသတင်း တပုဒ်မှာ ဒေါ်အောင်ဆန်းစုကြည်၏ ဆွီဒင်ခရီးစဉ်နှင့် ဆိုင်သည်။ လွန်ခဲ့သော နှစ်က ရိုဟင်ဂျာများအား စစ်တပ်က လူ့အခွင့်အရေး ချိုးဖောက်သည် ဟူ သော စွပ်စွဲချက်များကို ကုလသမဂ္ဂ၏ စုံစမ်းစစ်ဆေးခြင်းသည် လူမျိုးရေး တင်းမာမှုများကို မီးထိုး ပေးလိမ့်မည်ဟု ဒေါ်အောင်ဆန်းစုကြည်က ပြောဆိုသည်။

ထို့အပြင် ဒေါ်အောင်ဆန်းစုကြည်က ကုလသမဂ္ဂ အထွေထွေ အတွင်းရေးမှူးဟောင်း ကိုဖီအာနန် ဦးဆောင် သော အကြံပေးအဖွဲ့၏ ထောက်ခံတင်ပြချက်များကိုသာ လက်ခံမည်ဟုလည်း ပြောဆိုခဲ့ သည်။

လူ့အခွင့်အရေး ချိုးဖောက်မှုများကို စုံစမ်းစစ်ဆေးလိုပါက မြန်မာနိုင်ငံ မြောက်ပိုင်းရှိ ပဋိပက္ခဒေသများ သို့ အချက်အလက် ရှာဖွေရေးအဖွဲ့ မည်သည့်အတွက် စေလွှတ်ရန် မရှိပါသနည်း။ ကုလသမဂ္ဂ၏ လုပ်ငန်းများ ထိထိရောက်ရောက် လုပ်နိုင်ရန် ပြည်တွင်း ပြဿနာများကို ခြုံငုံ သိမြင် ထည့်သွင်းစဉ်း စားဖို လိုပေလိမ့်မည်။

ကုလသမဂ္ဂနှင့် မြန်မာနိုင်ငံ အကြား စိတ်မသက်သာစရာ ဆက်ဆံရေး ကြုံတွေ့ရသည်မျာ ယခုမှ မဟုတ်ပေ။ ယခင် ဖိနှိပ်သော စစ်အစိုးရလက်ထက် ကုလသမဂ္ဂနှင့် ပြဿနာများစွာ ရှိခဲ့သည်။ ယခင်က မြန်မာနိုင်ငံဆိုင်ရာ လူ့အခွင့်အရေး ဆိုင်ရာ အထူးအစီရင်ခံစာ တင်သွင်းသူ အများအပြားကို ခန့်အပ်ခဲ့ကြသော်လည်း မြန်မာနိုင်ငံသို့ ဝင်ရောက်ရန် ပြည်ဝင်ခွင့်ဗီဇာ ပယ်ချခံခဲ့ရသည်။

ရာဇာလီ အစ္စမေးလ်နှင့် အီဗရာဟင် ဂမ်ဘာရီ (Razali Ismail နှင့် Ibrahim Gambari) တို့ကဲ့သော အထူးသံတမန်များသည် အာဏာရှိ ဗိုလ်ချုပ်ကြီးများနှင့် ထိုစဉ်က အတိုက်အခံ ခေါင်းဆောင် ဒေါ်အောင်ဆန်းစုကြည် တို့အကြား ရင်ကြားစေ့ရေးအတွက် အပေးအယူများကို နှစ်ဘက်အကြား ဆွေးနွေးမှုများ ပြုလုပ်ပေးနေစဉ် ကုလသမဂ္ဂ ကိုယ်စားလှယ်များအကြား ဘက်လိုက်ခြင်းများ၊ စီးပွားရေး အရ ပတ်သက်မှုများဖြင့် စွပ်စွဲခံရပြီး အကြီးအကျယ် ဝေဖန်ခံကြရသည်။

ဥပမာဆိုရပါက ရာဇာလီအစ္စမေးလ်သည် အီလက်ထရွန်နစ် ပတ်စ်ပို့များ ပြုလုပ်ရန် စစ်အစိုးရက ကန်ထရိုက်ချထားပေးသော မလေးရှား လုပ်ငန်းတခုတွင် ရှယ်ယာ ၃၀ ရာခိုင်နှုန်း ပါဝင်သောကြောင့် အငြင်းပွားစရာ ဖြစ်ခဲ့ရသည်။ လုပ်ငန်း မပြီစီးဘဲ အလုပ်မှ ထွက်သွားခဲ့သောကြောင့် ဂမ်ဘာရီက ၎င်းနေရာ ဆက်ခံခဲ့သည်။

နိုင်ဂျီးရီးယား သံတမန်ဟောင်း ဂမ်ဘာရီက အထူးသံတမန် အဖြစ် ဆက်ခံသော်လည်း ယခင် အထူး သံတမန်ထက် ပိုမို အောင်မြင်အောင် လုပ်ဆောင်နိုင်ခြင်း မရှိပေ။ သူသည် အစိုးရက ဦးစီးသော လူထုထောက်ခံပွဲတွင် ပါဝင်ခဲ့သောကြောင့် လှောင်ပြောင်ခံရပြီး တက်ကြွလှုပ်ရှားသူများနှင့် အတိုက် အခံများက သူသည် ဗိုလ်ချုပ်ကြီးများထံမှ ရက်ရက်ရောရော လက်ဆောင်များ လက်ခံသည်ဟု စွပ်စွဲခဲ့ကြသည်။ ထိုစွပ်စွဲချက်ကို အတည်မပြုနိုင်သော်လည်း သူ့အပေါ် ယုံကြည်မှုမှာ စောစောစီးစီး ပျက်စီးခဲ့ရသည်။

ကုလသမဂ္ဂ၏ ဘက်မလိုက်သော အကြံပေးအဖြစ် တာဝန်ထမ်းဆောင်ရသော အခန်းကဏ္ဍကို ပြည်တွင်းပြည်ပ မြန်မာပြည်သူ ပြည်သားများက မေးခွန်းထုတ်ခဲ့ကြသည်။

ထိုအချိန်က မြန်မာပြည် အပြောင်းအလဲအတွက် အနောက်တိုင်း သြဇာက ပိုမို အားကောင်း နေခဲ့ သည်။ အတိအကျဆိုရလျှင် အမေရိကန် ပြည်ထောင်စုသည် ထိုအချိန်က ကုလသမဂ္ဂထက် ပိုမို အရေးပါသည်။ ဝါရှင်တန်က အတိုက်အခံများကို ပုံအော ထောက်ခံပြီး စစ်အစိုးရအား ဖိအားပေးကာ နိုင်ငံကို တံခါးဖွင့်ရန် တောင်းဆိုသည်။

မြန်မာ့အရေး ကုလသမဂ္ဂ၏ ပါဝင်ဆောင်ရွက်မှုများ အောင်မြင်မှုကင်းမဲ့ခဲ့သည်ကို ထိုစဉ်က ၎င်းတို့ ထုတ်ပြန်သော “ဤခရီးစဉ်များသည် ခိုင်မာသော ရလဒ်များ မရရှိသောကြောင့် စိတ်ပျက်စရာ ဖြစ်နေသည်” ဟူသော အပ်ကြောင်း ထပ်နေသည့် ကြေညာချက်များက သက်သေပင်။

ဘန်ကီမွန်းလက်ထက်တွင် ကုလသမဂ္ဂ အထူးသံတမန် အဖြစ် ခန့်အပ်ခံရသူ ဗီဂျေး နမ်ဘီယာ သည်လည်း အလားတူ ဝေဖန်ခံရသည်။

သမ္မတဟောင်း ဦးသိန်းစိန်နှင့် သူ၏ ငြိမ်းချမ်းရေး အဖွဲ့သားများ ဝန်းရံလျှက် ဗီဂျေးနမ်ဘီယာကို ငြိမ်းချမ်းရေး ညီလာခံများတွင် တွေ့ရသော်လည်း မည်သည့်အတွက် ထိုနေရာများသို့ သူရောက်နေ သည်ကို အများအပြားက မေးခွန်းထုတ်ကြသည်။ သူ၏ လုပ်ကိုင်ခွင့်နှင့် ကုလသမဂ္ဂ၏ တာဝန်ကို လည်း သိလိုကြသည်။

နမ်ဘီယာ နောက်ဆုံး ပြန်လည် ထွက်ခွာသွားခြင်းသည် ကောင်းသော ထွက်ခွာသွားခြင်း မဟုတ် သည်မှာ အံ့သြစရာတော့ မဟုတ်ပေ။

လွန်ခဲ့သော ဒီဇင်ဘာလတွင် နမ်ဘီယာက နိုင်ငံတော် အတိုင်ပင်ခံ ဒေါ်အောင်ဆန်းစုကြည် အနေဖြင့် သူ၏ အတွင်းအဇ္ဈတ္တကို နားထောင်ကာ မြန်မာပြည်သူများအား လူမျိုးရေး၊ ဘာသာရေးနှင့် အခြား သော ကွဲလွဲချက်များမှ ရုန်းထကြပြီး လူ့ ဂုဏ်သိက္ခာနှင့် အပြန်အလှန် ပူးပေါင်းဆောင်ရွက်မှုတို့ကို ရှေ့တန်းတင်ရေး တိုက်တွန်းရန် ပြောသည်။

၂၀၁၆ ခုနှစ် အောက်တိုဘာလ ၉ ရက်နေ့တွင် လုံခြုံရေး တပ်ဖွဲ့များအား စနစ်တကျ အကွက်ချ တိုက်ခိုက်မှုများ ပေါ်ပေါက်လာအပြီး ရိုဟင်ဂျာ မွတ်ဆလင်အများစု နေထိုင်ရာ မောင်တောနှင့် ဘူးသီးတောင်သို့ သွားရောက်ရန်လည်း နမ်ဘီယာက ဒေါ်အောင်ဆန်းစုကြည်အား ပြောသည်။

မြန်မာသမ္မတ၏ ပြောခွင့်ရသူက ထိုပြောဆိုချက်သည် မြေပြင်တွင် ဖြစ်ပေါ်နေသော အခြေအနေ (ရဲတပ်ဖွဲ့ဝင် ၉ ဦး အသတ်ခံရပြီး လက်နက်ခဲယမ်းများ လုယက်ခံရခြင်း) ကို လျစ်လျူရှုသည်ဟု ပြောပြီး ပြန်လည်တုံ့ပြန်သည်။

နိုင်ငံ့ခေါင်းဆောင် တဦးကို ထိုကဲ့သို့ လုပ်ရန် တိုက်တွန်းခြင်းသည် ဝင်ရောက်စွက်ဖက်မှု ဖြစ်သည် ဟုလည်း ပြောခွင့်ရသူက ပြောသည်။ နမ်ဘီယာ ပြန်လည် ထွက်ခွာသွားရသည်။ လျှော့လျှော့ပေါ့ပေါ့ ပြောရလျှင်တော့ နမ်ဘီယာကို ခန့်အပ်ခြင်းနှင့် သူ၏ မြန်မာနိုင်ငံတွင် ဆောင်ရွက်ချက်များသည် “ကပ်ဘေး သဖွယ်” ဆိုးရွားလှသည် ဟု သံတမန် သတင်းရင်းမြစ်များက ဆိုကြသည်။

ပဋိပက္ခဒေသသို့ ဒေါ်အောင်ဆန်းစုကြည်အား သွားရောက်ကြည့်ရှု့ရန် ပြောဆိုခြင်းသည် အသိဉာဏ် ကင်းမဲ့ရာ ရောက်ပြီး သူသည် မြန်မာနိုင်ငံတွင်းသို့ လာလိုက် ပြန်လိုက် ၅ နှစ်ကြာ အချိန်ကုန်ခဲ့သော် လည်း မည်မျှအထိ လက်တွေ့နိုင်ငံရေးနှင့် ကင်းကွာနေကြောင်း အိမ်စာမလုပ်ကြောင်း ပြသနေခြင်း ဖြစ်သည်။

ဦးသန့်

၁၉၆၀ ခုနှစ်များနှင့် ၇၀ ခုနှစ်များက မြန်မာနိုင်ငံသည် ကုလသမဂ္ဂ ထိပ်တန်းသံတမန် တဦးကို မွေးထုတ်ပေးခဲ့သည် ဟူသော အချက်သည် ကုလသမဂ္ဂနှင့် မြန်မာ ယခုရင်ဆိုင်နေရသော ခက်ခဲသော ဆက်ဆံရေးကို သရော်လှောင်ပြောင်နေသကဲ့သို့ ဖြစ်နေသည်။ ထိုစဉ်က ဦးသန့်သည် ဥရောပသား မဟုတ်သော ပထမဆုံး အတွင်းရေးမှူးချုပ် ဖြစ်သည်။ သူသည် ကျူးဘားဒုံးကျည် အကျပ်အတည်းနှင့် ကွန်ဂိုပြည်တွင်းစစ် အပါအဝင် နိုင်ငံတကာ အကျပ်အတည်း အများအပြားကို ကူညီဖြေရှင်းပေးခဲ့ သည်။

မြန်မာနိုင်ငံသည် ထိခိုက်လွယ်သော နိုင်ငံရေး အကူးအပြောင်းကို ဖြတ်သန်းနေရချိန် ဖြစ်သည်။ သို့သော် စွမ်းဆောင်ရည် ရှိပြီး မြန်မာပြည်သူ လူမျိုးစုများနှင့် ပတ်သက်၍ ဗဟုသုတ ပြည့်စုံကာ မြန်မာအခြေစိုက် ကုလ အဖွဲ့အစည်းရုံးများကို ဦးဆောင်၍ ပြုလွယ် ပြောင်းလွယ် ဆောင်ရွက်နိုင်သူ တဦးအား ခန့်အပ်ခြင်း မရှိသေးပေ။

မြန်မာနိုင်ငံသည် နိုင်ငံရေး ပြဿနာများနှင့် အကျပ်အတည်းများကို သာမက ကုလသမဂ္ဂ၏မအောင် မမြင် ဖြစ်နေသည့် လူသားချင်း စာနာမှု အကျပ်အတည်းများကိုလည်း ရင်ဆိုင်နေရသည်။ ယနေ့ မြန်မာပြည်သူ အများအပြားက ကုလသမဂ္ဂသည် ကင်းကွာနေပြီး နိုင်ငံ၏ လက်ရှိ ပြဿနာများကို ဖြေရှင်းရန် စွမ်းရည်မရှိသလောက် ဖြစ်နေသည်ဟု မြင်ကြသည်။

အိုဘားမား အစိုးရ၏ မူဝါဒရေးရာ အောင်မြင်မှု ဖြစ်သော အာရှနှင့် မြန်မာကို လက်ရှိ အမေရိကန် သမ္မတ ထရမ့်အစိုးရက အာရုံစိုက်မှု ကင်းမဲ့ နေချိန်တွင် ကုလသမဂ္ဂ အနေဖြင့် မြန်မာ့ နိုင်ငံရေးနှင့် မြန်မာလူမျိုးတို့ စိတ်အခံကို လေ့လာပြီး မိမိကိုယ်မိမိ ပြန်လည် စစ်ဆေးကာ မြန်မာနိုင်ငံကို အမြင်သစ် ခွန်အားသစ်ဖြင့် ရှုမြင် လုပ်ဆောင်သွားရန် လိုနေပြီ ဖြစ်သည်။

မြန်မာနိုင်ငံသည် အလားအလာ ကောင်းများကို သာမက စိန်ခေါ်မှုများနှင့်ပါ ရင်ဆိုင်နေရသည့် အနေ အထားတွင် ကုလသမဂ္ဂက ပိုမိုကျယ်ပြန့်သော မြန်မာ့ရေးရာ မူဝါဒဖြင့် ထိတွေ့ဆက်ဆံရန် လိုအပ်နေ သည်မှာ မေးခွန်းထုတ်ရန်ပင် မလိုပေ။

စီးပွားရေး၊ လူမှုရေး၊ ယဉ်ကျေးမှု၊ လူ့အခွင့်အရေး စံနှုန်းများ သာမက ကျန်းမာရေး စောင့်ရှောက်မှု၊ ပညာရေး၊ နိုင်ငံရေး ရပိုင်ခွင့်များ ရရှိရေး အပါအဝင် ကုလသမဂ္ဂ အနေဖြင့် မြန်မာနိုင်ငံကို ကူညီနိုင် သည့် နယ်ပယ်ကဏ္ဍ အမျာအပြား ရှိသည်။ ထို့အပြင် ကုလသမဂ္ဂသည် ရာသီဥတု ပြောင်းလဲမှု၊ ငြိမ်းချမ်းရေး တည်ဆောက်ခြင်းနှင့် ရေရှည်တည်တံ့သော ဖွံ့ဖြိုးတိုးတက်မှုများတွင်လည်း အကူအညီပေးနိုင်သည်။

ဝါရင့်ညှိနှိုင်းရေးမှူး တဦး လိုအပ်

ကုလသမဂ္ဂသည် မြန်မာနိုင်ငံ အတွက် မြန်မာနိုင်ငံနှင့် လူမျိုးများ အကြောင်း ကျယ်ကျယ်ပြန့်ပြန့် သိမြင်ပြီး သြဇာကြီး သော မြန်မာ့တပ်မတော်၊ လူမျိုးစု ခေါင်းဆောင်များ၊ အစိုးရ အရာရှိများ နှင့် ဒေါ်အောင်ဆန်းစုကြည် တို့အပြင် ကွဲပြား ရှုပ်ထွေးသော မြေပြင် အခြေအနေတို့ကို ပေါင်းစည်း ဆက်ဆံကိုင်တွယ်ရာတွင် အတွေ့အကြုံရင့် ညှိုနှိုင်းရေးမှူး တဦးသာ ရှာဖွေ ခန့်အပ်နိုင်ပါက မြန်မာနိုင်ငံသည် ကုလသမဂ္ဂ အတွက် အောင်မြင်သော ဖော်ဆောင်မှု ဖြစ်လာနိုင်သည်။

ယခုအချိန်သည် ကုလသမဂ္ဂအတွက် အခြေအနေ အရပ်ရပ်ကို ပိုမိုကောင်းမွန်အောင် လုပ်ရမည့် ကာလ ဖြစ်ပေသည်။

(ဧရာဝတီ အင်္ဂလိပ်ပိုင်းတွင် ဖော်ပြထားသည့် The Failed UN Mission in Myanmar ကို ဘာသာပြန်သည်။)

From : ဧရာဝတီ

Originally published at - burma.irrawaddy.com

Read More »

Thursday, June 08, 2017

နိုင်ငံတော် အတိုင်ပင်ခံသို့ အိတ်ဖွင့်ပေးစာ




လေးစား အပ်ပါသော နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည် ခင်ဗျား။

နိုင်ငံတော် အတိုင်ပင်ခံ ပုဂ္ဂိုလ်၏ ကနေဒါနှင့် ဆွီဒင် ခရီးစဉ်များ အဆင်ပြေ မည်ဟု ကျနော် မျှော်လင့် ပါသည်။ အဆိုပါ နိုင်ငံ များက ခေါင်းဆောင် များနှင့် တွေ့ဆုံ၍ သူတို့၏ ဖက်ဒရယ် ဒီမိုကရေစီ သို့ အသွင် ကူးပြောင်းမှု များ အကြောင်းနှင့် ကျနော်တို့ နိုင်ငံ၏ အသွင် ကူးပြောင်းမှု အတွက် သူတို့ မည်ကဲ့သို့ သတင်း စကား ပေးလိုသည် များကို ရှင်းလင်း ဆွေးနွေးရန် အရေးကြီး သော အစည်း အဝေးများ ရှိနေမည်ကို သိသောကြောင့် ကျနော့် အနေဖြင့် နိုင်ငံတော် အတိုင်ပင်ခံ ပုဂ္ဂိုလ်ကို စိတ် အနှောင့် အယှက် ဖြစ်စေရန် ရည်ရွယ်ချက် လုံးဝ မရှိပါ။

အခြားသော ပြည်သူ အများ အပြား ကဲ့သို့ပင် ယင်းသည် နိုင်ငံတော် အတိုင်ပင်ခံ ပုဂ္ဂိုလ်၏ အစိုးရ အဖွဲ့ နှင့် ကျနော်တို့ တနိုင်ငံလုံး အတွက် အရေး အကြီးဆုံး ကိစ္စ ဆိုသည်ကို နားလည် ပါသည်။

သို့သော်လည်း ကံမကောင်း စွာဖြင့် အရေးတကြီး ဆောင်ရွက် သင့်သော ကိစ္စတရပ်ကို တင်ပြ ချင်ပါသည်။ အစိုးရ အဖွဲ့၏ ဂုဏ်သိက္ခာကို ထိခိုက်စေနိုင်သည့် ဆက်ခံ ခဲ့ရသော အမွေဆိုး တခု အကြောင်း ဖြစ်ပါသည်။

ယခုကိစ္စက နိုင်ငံတော် အတိုင်ပင်ခံ ပုဂ္ဂိုလ် မြန်မာနိုင်ငံ၏ ခေါင်းဆောင် အဖြစ် တာဝန်ယူ ခဲ့သည့် အချိန်မှ စ၍ ဦးစားပေးများ ဖြစ်ခဲ့သည့် ငြိမ်းချမ်းရေး လုပ်ငန်းစဉ် ပြန်လည် ဖော်ဆောင်ရေး သို့မဟုတ် ဖက်ဒရယ် နိုင်ငံတခု တည်ဆောက်ရေး တို့ကဲ့သို့ အရေးကြီးသော ကိစ္စ ဖြစ်ချင်မှ ဖြစ်ပါလိမ့်မည်။

သို့သော်လည်း နိုင်ငံတော် အတိုင်ပင်ခံပုဂ္ဂိုလ်၏ အစိုးရအဖွဲ့ နှင့် လွှတ်တော် တို့က အချိန်မဆိုင်းဘဲ အလေးအနက်ထား၍ စဉ်းစားသုံးသပ်သင့်သည့် ကိစ္စတခု ဖြစ်ပါသည်။

အခြားသော ပြည်သူများ ကဲ့သို့ပင် မဖြစ်သင့်သော ကိစ္စ တခုဟု ကျနော် ယုံကြည်သော အကျည်းတန်သည့် အဖြစ်တချို့ ရှိနေပါသည်။ ဆက်သွယ်ရေး ဥပဒေ ပုဒ်မ ၆၆(ဃ) နှင့် သက်ဆိုင်သော ကိစ္စ ဖြစ်ပါသည်။

နိုင်ငံတော် အတိုင်ပင်ခံပုဂ္ဂိုလ်၏ အစိုးရအဖွဲ့ အုပ်ချုပ် ခဲ့သည့် ပြီးခဲ့သည့် ၁၄ လတာ ကာလ အတွင်း ပုဒ်မ ၆၆(ဃ) ဖြင့် အမှုဖွင့် တရား စွဲဆို ခဲ့သော အသရေ ဖျက်မှု ၆၁ မှု ရှိခဲ့သည်ကို သတိထား မိပါ လိမ့်မည်။ အဆိုပါ ၆၁ မှုထဲတွင် တဒါဇင်ခန့် ရှိသော စာနယ်ဇင်း သမားများ တရားစွဲ ခံခဲ့ရပြီး သူတို့ထဲမှ အများစုမှာ တရား ရင်ဆိုင် နေကြရဆဲ ဖြစ်ပါသည်။

ပုဒ်မ ၆၆(ဃ)နှင့် နောက်ဆုံး ပစ်မှတ်ထားခံ ခဲ့ရသူများမှာ The Voice Daily သတင်းစာ၏ အယ်ဒီတာချုပ် ဦးကျော်မင်းဆွေ နှင့် ကလောင် အမည် ဗြိတိသျှ ကိုကိုမောင် ဟုသိကြသော အဆိုပါ သတင်းစာ၏ ပင်တိုင်ဆောင်းပါးရှင် ကိုကျော်စွာနိုင်တို့ ဖြစ်ကြပါသည်။

သူတို့ကို ဇွန်လ ၂ ရက်နေ့က ဖမ်းဆီးခဲ့ပါသည်။ မြန်မာနိုင်ငံ၏ လက်နက်ကိုင် ပဋိပက္ခနှင့် ငြိမ်းချမ်းရေး လုပ်ငန်းစဉ်အပေါ် မေးခွန်းထုတ်ခဲ့သည့် သရော်စာ ဆောင်းပါး တပုဒ်ကို အကြောင်းပြု၍ ရန်ကုန်တိုင်း စစ်ဌာနချုပ်မှ ဒုတိယ ဗိုလ်မှူးကြီး လင်းထွန်းက တရားလိုပြု လုပ်၍ အမှုဖွင့် တိုင်ကြား ခဲ့ခြင်း ဖြစ်ပါသည်။

ဆက်သွယ်ရေးဥပဒေပုဒ်မ ၆၆(ဃ) ကို နိုင်ငံတော် အတိုင်ပင်ခံပုဂ္ဂိုလ်၏ အစိုးရအဖွဲ့က ဖန်တီးခဲ့ခြင်း မဟုတ်ကြောင်း ကျနော် သိပါသည်။ အဆိုပါ ဥပဒေကို ၂၀၁၃ ခုနှစ်တွင် ယခင်သမ္မတ ဦးသိန်းစိန်၏ အရပ်သား အမည်ခံ အစိုးရက ပြဌာန်းခဲ့ခြင်း ဖြစ်ပါသည်။

ပုဒ်မ ၆၆ တွင် ဆက်သွယ်ရေး ကွန်ရက်တခုခုကို အသုံးပြု၍ “ပုဂ္ဂိုလ်တဦးဦးအား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရား တားဆီး ကန့်ကွက်ခြင်း၊ အသရေဖျက်ခြင်း၊ နှောင့်ယှက်ခြင်း၊ မလျော်သြဇာသုံးခြင်း သို့မဟုတ် ခြိမ်းခြောက်ခြင်း” တို့ မပြုလုပ်ရန် တားမြစ်ထားပါသည်။

ဗိုလ်ချုပ်ကြီးဟောင်းများက ဦးဆောင်သော ယခင်အစိုးရက သူတို့၏ အုပ်ချုပ်ရေးကို ဆန့်ကျင်သူများကို တရားစွဲဆိုနိုင်ရန် အတွက် ထိုကဲ့သို့သော ဥပဒေ တခုကို ဖန်တီးခဲ့ခြင်း ဖြစ်သည်ဟု ပြည်သူ အများစုက ယုံကြည်ထားပါသည်။

ယခင်အစိုးရ အဖွဲ့ လက်ထက်တွင် ပုဒ်မ ၆၆ (ဃ) အရ အမှုဖွင့် တရားစွဲဆိုသော အမှု ၇ မှု ရှိခဲ့ပြီး ၅ မှုကို ထောင်ဒဏ်ချမှတ်ခဲ့ပါသည်။ ၃ မှုမှာ တပ်မတော် ကာကွယ်ရေး ဦးစီးချုပ်ကို အသရေ ဖျက်မှုဖြင့် အမှုဖွင့်ခဲ့ခြင်း ဖြစ်ပြီး ထိုစဉ်က သမ္မတ ဦးသိန်းစိန်ကို အသရေဖျက်မှု ဖြင့် တရားစွဲဆိုခံရသည့် အမှု ၁ ခုရှိ ပါသည်။

နိုင်ငံတော် အတိုင်ပင်ခံပုဂ္ဂိုလ် (ထိုစဉ်က လွှတ်တော်ကိုယ်စားလှယ်) အပေါ် အသရေပျက်စေမှုဖြင့် တရားစွဲခဲ့သည်က ၁ မှု သာရှိပါသည်။

နိုင်ငံတော် အတိုင်ပင်ခံပုဂ္ဂိုလ်၊ ယခု အစိုးရ အဖွဲ့ နှင့် လွှတ်တော်က ယခင် အစိုးရ၏ ရည်ရွယ်ချက် များကို အတော်လေး သတိထား မိကြမည်မှာ သေချာ ပါသည်။

သို့ပါသော်လည်း အမျိုးသား ဒီမိုကရေစီ အဖွဲ့ချုပ် အစိုးရ လက်ထက်တွင် ယနေ့ အထိ ပုဒ်မ ၆၆(ဃ) ဖြင့် တရား စွဲဆိုသည့် အမှုပေါင်းက ၆၁ မှု ရှိခဲ့ပြီ ဖြစ်ပါသည်။

အံ့သြစရာတခု ဖြစ်သလို NLD အစိုးရလက်ထက်တွင် တစုံတရာ မှားယွင်းမှု ရှိနေပြီ ဖြစ်ကြောင်းကို ပြသနေပါသည်။ အမှုအားလုံး အတွက် နိုင်ငံတော် အတိုင်ပင်ခံ ပုဂ္ဂိုလ် ၏ အစိုးရ အဖွဲ့တွင်သာ တာဝန် ရှိသည်ဟု ကျနော် ဆိုလိုခြင်း မဟုတ်ပါ။

၂၀၁၆ ခုနှစ် အတွင်းက ပုဒ်မ ၆၆(ဃ)ဖြင့် အရေးယူ ထောင်ချခြင်း ခံခဲ့ရသော ကဗျာဆရာနှင့် တက်ကြွ လှုပ်ရှားသူ တဦး ဖြစ်သည့် မောင်ဆောင်းခ ဦးဆောင် သော ဆက်သွယ်ရေး ဥပဒေဆိုင်ရာ သုတေသန အဖွဲ့၏ အဆိုအရ ထိုအမှုများထဲတွင် တပ်မတော်က ပုဒ်မ ၆၆(ဃ)ကို အသုံးပြု၍ တရားစွဲဆိုသော အမှု ၇ မှု ရှိ၍ NLD ပါတီဝင်များက ပုဒ်မ ၆၆(ဃ) ကို အသုံးပြု၍ တရားစွဲ ဆိုသော အမှု ၆ ခုရှိကြောင်း သိရပါသည်။

ထိုအချိန်တွင် NLD ပါတီကို ထောက်ခံသူဟု သိကြသူများက အဆိုပါ ပုဒ်မ ကို အသုံးပြု၍ တရားစွဲသော အမှု ၈ ခုရှိပါသည်။ အခြားသူများက နိုင်ငံတော် အတိုင်ပင်ခံပုဂ္ဂိုလ်ကို အသရေဖျက်သည်ဟု သူတို့က ယုံကြည်သောကြောင့် ဖြစ်ပါသည်။

ထို့ကြောင့် အမှု ၆၁ ခုတွင် ၂၁ မှုက နိုင်ငံရေးအရ စေ့ဆော်မှုကြောင့် ဖြစ်သည်ဟု ယူဆလို့ရပါသည်။

ယနေ့အချိန်တွင် NLD အစိုးရနှင့် လွှတ်တော်က မည်သည့်အတွက်ကြောင့် ၎င်းတို့၏ ပါတီဝင်များနှင့် ထောက်ခံသူများက ယခင်အစိုးရရေးဆွဲခဲ့သော အငြင်းပွားဖွယ်ရာ ဥပဒေကို အသုံးပြုခွင့် ပေးခဲ့သနည်း ဆိုသည်ကို ကျနော် အံ့အားသင့် ရပါသည်။

NLD အစိုးရအဖွဲ့မှ ထိပ်တန်းပုဂ္ဂိုလ်များနှင့် ပါတီကပင် ပြစ်မှုဆိုင်ရာ ဥပဒေ(ရာဇသတ်ကြီး)တွင် ပြဌာန်းထားပြီး ဖြစ်သော ပိုမို စည်းစနစ်ကျသည့် အသရေ ဖျက်မှုဆိုင်ရာ ပုဒ်မများအစား ဆက်သွယ်ရေး ဥပဒေ မှ ပုဒ်မ ၆၆(ဃ) ကို အသုံးပြုနေကြသည်။ အသရေဖျက်မှုနှင့် ပတ်သက်၍ ပြစ်မှုဆိုင်ရာ ဥပဒေ ပုဒ် ၅၀၀ တွင် ပါရှိပြီး ဖြစ်ပါသည်။

ဆိုရှယ်မီဒီယာများကို အသုံးပြု၍ အင်တာနက်မှ တဆင့် အသေရေဖျက်ခြင်းက ပုံနိုပ်နှင့် ရေဒီယိုတို့ကဲ့သို့ သမားရိုးကျ မီဒီယာ သို့မဟုတ် အခြားနည်းလမ်း များနှင့် ပြုလုပ်ခြင်းထက် ပိုမိုထိခိုက်နစ်နာစေသည်ဟု ယခင်အစိုးရနှင့် ထိုစဉ်က အာဏာရပါတီ ဖြစ်သည့် စစ်တပ်က ကျောထောက် နောက်ခံ ပေးထားသော ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီမှ ယခင်လွှတ် တော်ကိုယ်စားလှယ်များက ယူဆကောင်း ယူဆခဲ့နိုင်ပါသည်။

ထိုသို့ဆိုလျှင် NLD အစိုးရအဖွဲ့ဝင် အချို့နှင့် လက်ရှိ လွှတ်တော်မှ အရေးပါသော ကိုယ်စားလှယ်များက ၂၀၁၃ ခုနှစ်တွင် ပုဒ်မ ၆၆(ဃ) ကို ရေးဆွဲ ခဲ့သူများနှင့် အမြင်တူကြ၍ ဖြစ်မည်ဟုသာ ကျနော် အနေဖြင့် သုံးသပ် ရတော့မည် ဖြစ်သည်။

ထိုအချက်က အငြင်းပွားဖွယ်ရာ ဥပဒေကို ပြန်လည်သုံးသပ်ရန် အတွက် အချိန်ကြာမြင့်ခဲ့ရသည့် အကြောင်းရင်းတခု ဖြစ် ကောင်း ဖြစ်နေနိုင်ပါသည်။

သြဇာရှိသူများ သို့မဟုတ် အဖွဲ့အစည်းများက ဥပဒေကို အလွဲသုံးစား မလုပ်နိုင်ရန် တက်ကြွလှုပ်ရှားသူ အများအပြားက ထိုဥပဒေကို ပယ်ဖျက်ရန် သို့မဟုတ် ပြင်ဆင်ရန် လွှတ်တော်ကို တောင်းဆိုနေခဲ့ကြပါသည်။

သို့သော်လည်း လက်ရှိ ဒီမိုကရေစီ အစိုးရက ထို အငြင်းပွားဖွယ်ရာ ဥပဒေကို မည်သူကမဆို တလွဲအသုံးချရန် ခွင့်ပြုထားသလို ဖြစ်နေခြင်းကြောင့် တက်ကြွ လှုပ်ရှား သူများ စိတ်ပျက်နေပါသည်။

နိုင်ငံတော် အတိုင်ပင်ခံ ပုဂ္ဂိုလ်ခင်ဗျား။

ယခု အချိန်သည် သက်ဆိုင်ရာ လွှတ်တော်ကော်မတီများတွင် ပုဒ်မ ၆၆(ဃ) ကို ပြန်လည် သုံးသပ်ရန် အဖြစ်သင့်ဆုံး အချိန်ဖြစ်ပါသည်။

ဤ အငြင်းပွားဖွယ်ရာ ဥပဒေကို မဖြေရှင်းနိုင်သေးသရွေ့ စာနယ်ဇင်းသမားများ အပါအဝင် လူအများအပြား အသရေဖျက်မှုနှင့် ထောင်ချခံရသည်ကို ကျနော်တို့ ထပ်၍ မြင်တွေ့နေရဦးမည် ဖြစ်ပါသည်။

ကျနော်တို့ တိုင်းပြည်အတွက်ရော နိုင်ငံတော် အတိုင်ပင်ခံ ပုဂ္ဂိုလ်၏ အစိုးရ အတွက်ပါ အကျည်းတန်သော ကိစ္စတခု ဖြစ်ပါသည်။

(ကျော်စွာမိုးသည် ဧရာဝတီ English Edition မှ အယ်ဒီတာ ဖြစ်သည်။)

ဓါတ်ပုံ : မျိုးမင်းစိုး / ဧရာဝတီ

From : ဧရာဝတီ by ကျော်စွာမိုး

Originally published at - =source=

Read More »

Tuesday, January 31, 2017

လုပ်ကြံ သတ်ဖြတ် မှုများ၏ နောက်ကွယ်တွင်




မနေ့က ၂၀၁၇ ခု၊ ဇန်န၀ါရီလ ၃၀ ရက်နေ့သည် အိန္ဒိယနိုင်ငံ လူထု ခေါင်းဆောင်လည်းဖြစ်၊ လွတ်လပ်ရေး တိုက်ပွဲ ခေါင်းဆောင်လည်း ဖြစ်သည့် “မဟတ္တမ ဂန္ဒီ” လုပ်ကြံ သတ်ဖြတ် ခဲ့ရသည့် ၅၉ နှစ်မြောက်နေ့ ဖြစ်သည်။

မဟတ္တမ ဂန္ဒီကို ဟိန္ဒူလက်ရာ အစွန်းရောက် လူငယ် တစ်ဦးက လူပုံ အလယ်တွင်ပင် သေနတ်နှင့် ပစ်ခတ် လုပ်ကြံ သတ်ဖြတ် ခဲ့သည်။

ထိုနည်း တူစွာ လွန်ခဲ့သည့် ၂ ရက်၊ ဇန်န၀ါရီလ ၂၉ ရက်နေ့ ကလည်း အမျိုးသား ဒီမိုကရေစီ အဖွဲ့ချုပ် ဗဟိုဥပဒေ အကြံပေး အဖွဲ့ဝင် ဦးကိုနီသည် ရန်ကုန် လေဆိပ် လူမြင်ကွင်း တွင်ပင် သေနတ် သမား တစ်ဦး၏ လုပ်ကြံ သတ်ဖြတ် ခြင်းကို ခံခဲ့ရသည်။

လုပ်ကြံ သတ်ဖြတ်မှု သတင်းများကို ဆက်စပ် စဉ်းစားသည့်အခါ နိုင်ငံ တကာက လုပ်ကြံ သတ်ဖြတ်မှု သတင်း တချို့က မိမိတို့ စိတ်ထဲ တချို့ တ၀က် ပြန်ပေါ် လာခဲ့သည်။

ဥပမာ ဖိလစ်ပိုင်နိုင်ငံ စစ်အာဏာရှင် အစိုးရ ဆန့်ကျင်ရေး သမား အတိုက်အခံ ခေါင်းဆောင် “ဘီနစ်နီ အကွီနို” နှင့် ထိုင်းနိုင်ငံ ရှပ်ဝါ ခေါင်းဆောင် တစ်ဦး ဖြစ်သည့် “စမ်သီ လစ်သောင်ကူး” တို့သည် လည်းပဲ ယခုလိုပင် သေနတ်နှင့် ပစ်ခတ် လုပ်ကြံခံ ခဲ့ကြရတဲ့ သတင်းတွေက စိတ်ထဲ ပြန်ပေါ် လာကြ ရပါသည်။

ဖိလစ်ပိုင်ငံ အတိုက် အခံ ခေါင်းဆောင် ဒီမိုကရေစီရေး သမား “ဘီနစ်နို အကွီနို” သည် ၁၉၈၃ ခု၊ သြဂုတ်လ ၂၁ ရက်နေ့တွင် ပြည်ပမှ တဆင့် တိုင်းပြည် ပြန်လာစဉ် လေဆိပ်မှာပဲ လုပ်ကြံ သတ်ဖြတ် ခံရသည့် အတွက် ကွယ်လွန် ခဲ့ဖူးသည်။

နေရာမှာတွင်ပင် လဲကျ ကွယ်လွန် ခဲ့ပါသည်။ ထို့နောက် မိမိတို့ရဲ့ အိမ်နီး နားချင်း ထိုင်းနိုင်ငံက အတိုက် အခံ ခေါင်းဆောင် တစ်ဦးဖြစ်သူ “စမ်သီ လစ်သောင်ကူး” သည်လည်း ၂၀၀၉ ခု၊ ဧပြီလ ၁၇ ရက်နေ့၊ သူစီး လာသည့်ကားကို သေနတ်ဖြင့် အချက်ပေါင်း များစွာ ပစ်ခတ် လုပ်ကြံ ခံခဲ့ရ၏။

သို့သော် သူကတော့ ကံအားလျော်စွာ ဒဏ်ရာ အကြီး အကျယ် ရရှိခဲ့သော်လည်း အချိန်မှီ ကုသပြီး အသက် ကယ်နိုင် ခဲ့၏။

ယင်း နိုင်ငံရေး ခေါင်းဆောင် များရဲ့ လုပ်ကြံ သတ်ဖြတ် ခံရမှု များတွင် သတ်ဖြတ်သူ လက်သည် တရားခံများ ကိုမူ ဖမ်းဆီး အရေးယူ နိုင်ခြင်း၊ ဖော် ထုတ် နိုင်ခြင်း မရှိခဲ့ ပါချေ။

ယခုလည်း ရှေ့နေကြီး ဦးကိုနီသည် ရှေ့နေ တစ်ဦး ဖြစ်သည့် အပြင် အမျိုးသား ဒီမိုကရေစီ အဖွဲ့ချုပ်၏ အားအကိုး ရဆုံး ဥပဒေ ပညာရှင် တစ်ဦး ဖြစ်သည်။

ထို့ပြင် မိမိတို့ တိုင်းပြည် ဒီမိုကရေစီ ပြုပြင် ပြောင်းလဲရေး အတွက် အထူး စိတ်အား ထက်သန်သူ တစ်ဦးလည်း ဖြစ်သည်။ ထို့ကြောင့် ဦးကိုနီအား လုပ်ကြံ သတ်ဖြတ် ခြင်းသည် သာမာန် စိတ်လိုက် မာန်ပါ ပြုလုပ် မိသည့် ရာဇ၀တ်မှု မဖြစ်နိုင်ဘဲ လုပ်ကြံမှု၏ နောက်ကွယ်တွင် ပုန်းကွယ် ဖုံးကွယ် ထားသော အကြောင်း အရာများ ရှိကောင်း ရှိနေနိုင် သည်ဟု လူအများက ယူဆ ကြပါသည်။

လုပ်ကြံပုံ လုပ်ကြံနည်းနှင့် လုပ်ကြံခံရသည့် လူပုဂ္ဂိုလ်များအကြောင်း ဆက်စပ်စဉ်းစားသည့်အခါ ဖိလစ်ပိုင်နိုင်ငံက “ဘီနစ်နီ အကွီနို”နှင့် ထိုင်းနိုင်ငံက “စမ်သီ လစ်သောင်ကူး” တို့လို နိုင်ငံရေးအရ လုပ်ကြံသတ်ဖြတ်ခံရခြင်း ဖြစ်သလောဟု ထင်ကြေးပေးသူတွေကလည်း ပေးကြပါသည်။

မည်သို့ပင်ဖြစ်စေ မည်သည့်ရည်ရွယ်ချက်ကြောင့်ပင်ဖြစ်စေ၊ အကြမ်းဖက် လုပ်ကြံ သတ်ဖြတ်ခြင်း နည်းကို အသုံးပြုသည့် အတွက်ကိုမူ မိမိတို့ အနေနှင့် သဘော မတူနိုင်ပါ။ ကန့်ကွက်ကြရမည်သာဖြစ်သည်။

ပုဂ္ဂိုလ်ရေးအရဖြစ်စေ၊ နိုင်ငံရေးအရဖြစ်စေ မကြေနပ်မှုကို အကြမ်းဖက် ဖြေရှင်းခြင်း ဖြင့်လည်း ပြဿနာများ ပြေလည် အောင်မြင် သွားသည် ဟူ၍ မည်သည့် အခါတုန်း ကမျှလည်း မရှိခဲ့ဘူး သလို နောင်တွင်လည်း ရှိလိမ့်မည် မဟုတ်ချေ။

သည်လို ပြုမှုလိုက်ခြင်းကြောင့် ပြဿနာများ ပိုမိုရှုပ်ထွေးလာစေပြီး လုပ်ကြံသူများအနေနှင့်လည်း ယင်းတို့၏ ရည်ရွယ်ချက် အောင်မြင်မှုဖြင့် နိဂုံးချုပ် စရာ အကြောင်း မရှိချေ။

အချိန်တန်သောအခါ အကြမ်းဖက်သမားများနှင့် အကြမ်းဖက်ဝါဒမှာ အောင်ပွဲမခံကြရဘဲ ကျဆုံးသွားကြရသည်သာ ဖြစ်သည်။

ထို့ကြောင့် ရန်ကုန်လေဆိပ် အတွင်းတွင် ဖြစ်ပွား ခဲ့သည့် လုပ်ကြံ သတ်ဖြတ်မှုကို မိမိတို့ အနေဖြင့် ကန့်ကွက် ရှုတ်ချပါသည်။

မိမိတို့နိုင်ငံအတွင်း မည်သို့သော ပြဿနာများပင်ဖြစ်ပစေ “လက်နက်ဖြင့် အကြမ်းဖက် ဖြေရှင်းသော အပြုအမူ အယူအဆ ယဉ်ကျေးမှုများ” အမြန်ဆုံး နည်းပါး ပပျောက် ပါစေကြောင်း ကိုလည်း တိုက်တွန်းနှိုးဆော် လိုက်ပါသည်။

(ဓာတ်ပုံ သက်ကို/မဇ္ဈိမ)

From : မဇ္ဈိမ မီဒီယာ

Originally published at - http://mizzimaburmese.com


Read More »

Saturday, January 28, 2017

မင်းဘေးမှ ကင်းဝေး နိုင်ကြပါစေ




ယခု ရက်များ အတွင်း YBS ကားလိုင်း သစ်များ အကြောင်း ကြားခဲ့ ကြရ ဖတ်ခဲ့ ကြရသည်။ ကောင်းတာလည်း ရှိ မကောင်း တာလည်း ရှိသည်။

ယေဘုယျ အားဖြင့်တော့ ကောင်းတဲ့ ဘက်က ရှုမြင် လက်ခံ ကြသည်ကို တွေ့ရတော့ ပြောင်းလဲ လာနေသည့် မိမိတို့ ပြည်သူ များရဲ့ နှလုံးသား ဓါတ်ခံ အတွက် ၀မ်းသာ ရပါသည်။

သည်လို အခြေအနေ အတွင်း မိမိတို့ စိတ်ကြည်နူးမှု အဖြစ်ဆုံး မြင်ကွင်း တချို့ သတင်းတချို့ကို ထပ်မံပြီး မြင်နေကြားနေခဲ့ရပြန်သည့် အတွက် ပိုပြီး စိတ်ချမ်းမြေ့ ရသည်ဟု ပြောရဖွယ် ရှိပါသည်။

ယင်းသတင်းမှာ နိုင်ငံတော်သမ္မတကြီး၏ ခရီးစဉ်တချို့သတင်းများကို မြင်ကြရ ဖတ်ကြရသောကြောင့်ဖြစ်သည်။

ယခုရက်ပိုင်းအတွင်း နိုင်ငံတော်သမ္မတကြီး ဦးထင်ကျော်၏ ခရီးစဉ်များကို သတင်းစာတိုင်းက တလေးတစားဖေါ်ပြပေးနေကြသည်ကို အားလုံး အသိပင်ဖြစ်သည်။

သမ္မတဟူသည်မှာ နိုင်ငံတစ်ခု၏ ဥသျှောင်ဖြစ်သည်။ နိုင်ငံသူနိုင်ငံသားတို့၏ ဖခင်သဖွယ်ဖြစ်သည်။ ထို့ကြောင့် သမ္မတကြီး၏ ခရီးစဉ်များကို သတင်းစာများက ဖေါ်ပြပေးနေကြသည်မှာ တကယ်တော့ မဆန်းကြယ်လှပါ။

လက်ရှိသမ္မတကြီးရယ်လို့မဟုတ်၊ မည်သည့်သမ္မတပဲ ဖြစ်ပါစေ သမ္မတတစ်ဦး၏ ခရီးစဉ်ကို သတင်းစာတိုင်းက သတင်းအဖြစ် ဖေါ်ပြပေးကြမည်မှာ မလွဲပါ။

သို့သော် သည်တခါတော့ မိမိတို့ပြည်သူများအနေဖြင့် သမ္မတကြီးဦးထင်ကျော်၏ ခရီးစဉ်သတင်းများကို ဖတ်ရှုသိမြင်ရသည်မှာ ယခင့် ယခင်
ခေတ်များနှင့် မတူ တမူထူးခြားနေသည်ဟု ဆိုရမလိုဖြစ်နေသည်။ လက်ရှိ နိုင်ငံတော်သမ္မတကြီး၏ ခရီးစဉ်သတင်းများမှာ ထူးခြားချက်များ ရှိနေသောကြောင့်ဖြစ်သည်။

ယင်း ထူးခြားချက်များ၌ အသိသာအထင်ရှားဆုံးအချက်မှာ အဆောင်အယောင်အခမ်းအနား ကြီးကြီးမားမားမရှိပဲ ပကတိ ရိုးရှင်းလှသည့် သာမာန်နိုင်ငံသားတစ်ဦး၏ အသွင်သဏ္ဍာန်မျိုးဖြင့် ခရီးထွက်လေ့ရှိသည်ဆိုသည့်အချက် ဖြစ်သည်။ ပညာကြီးခြင်း၊ ရိုးသား ပွင့်လင်း
ခြင်းနှင့် ပြည်သူတို့နှင့် မကင်း မကွာ ငြိမ်းချမ်းစွာ၊ ကြမ်းတပြေးထဲ နေထိုင်လိုခြင်း အစရှိသည့် အဓိပ္ပါယ်များ သက်ဝင်နေသည့် မြင်ကွင်း များပင်ဖြစ်သည်။

မည်သည့်အခမ်းအနားပင်ဖြစ်စေ၊ မည်သည့်ခရီးပင်ဖြစ်စေ သမ္မတကြီးသည် မာန်မာနကင်းစင်စွာ ပကာသနမဖက် ရိုးသားအေးချမ်းစွာ သွားလာနေထိုင်လိုသူဖြစ်သည်ဆိုသည့်အချက်မှာ မည်သူမျှ မငြင်းနိုင်အောင် သိသာထင်ပေါ်လွန်းသည့်အချက် ဖြစ်နေသည်။

ထို့ပြင် သမ္မတကြီး ဦးထင်ကျော်သည် ဧည့်သည်တော်မှတ်တမ်းတစ်ခုတွင် ထူးခြားလေးနက်လှသည့် စာကြောင်းတစ်ကြောင်း ထည့်ရေးခဲ့ သည်ကိုလည်း မိမိတို့ သတိပြုမိခဲ့ပါသည်။

ထိုစာကြောင်းမှာ “ မင်းဘေးအန္တရယ် ကင်းဝေးတဲ့ပုဂ္ဂိုလ် ဖြစ်ရပါလို၏ ” ဟူသည့် စာကြောင်းလေးပင်ဖြစ်သည်။ ယင်းစာကြောင်းလေးကို သတင်းဌာနအတော်များများကလည်း ထင်ရှားစိမ့်သောငှာ အထူးအသားပေး ဖေါ်ပြပေးခဲ့ကြသည်ကိုလည်း တွေ့ခဲ့ကြရပါသည်။

မြန်မာ့ရိုးရာ စကားပုံတစ်ခုတွင် “မီး၊ ရေ၊ ၊ မင်းဆိုး၊ ခိုးသူ၊ မချစ်မနှစ်သက်သောသူ ” ဟူ၍ ရန်သူမျိုး ၅ ပါး ရှိသည်ဟူ၍ မှတ်သားဖူးပါသည်။ ယင်း စကားပုံထဲမှ လူတို့အတွက် အန္တရယ်ဖြစ်စေသည့် “မင်းဆိုး” ဆိုသည်ကို မလိုလားမနှစ်သက်သူဖြစ်သည်ဆိုသည်ကို တွက်ဆလို့ရပါသည်။

သမ္မတကြီး ဦးထင်ကျော်သည် ယင်းစာကြောင်းလေးရေးသားဖေါ်ပြ လိုက်သည့် အတွက် ပြည်သူတို့နှင့် စိတ်ဓါတ်အားဖြင့် တသားတည်း ရှိသူ၊ ဆိုးသွမ်း ဖိနှိပ်ရက်စက်သည့် “မင်း” သို့မဟုတ် “အုပ်စိုးသူ” တို့ကို မလိုလား မနှစ်သက်သူ၊ ပြည်သူ တို့အား ယင်းကဲ့ သို့သော ဆိုးသွမ်း ဖိနှိပ်သူ မင်းဆိုးမင်းညစ်တို့ရန်မှ ကင်းဝေးစေလိုသူ ဖြစ်သည်ဆိုသည့်အချက်မှာ ယင်း မှတ်တမ်းစာကြောင်းကလေးကိုကြည့်ခြင်းအားဖြင့် သိသာ ထင်ရှားစေ ခဲ့ပါသည်။

ယင်းအချက်မှာ မိမိတို့ မြန်မာ့လူ့အဖွဲ့အစည်းသမိုင်းတွင် မကြုံစဖူး ထူးကဲလှသည့် အဖြစ်အပျက်ဖြစ်သည် ဟူ၍ပင် ဆိုရပါမည်။ ပြည်သူတို့အပေါ်၊ လူသားအချင်းချင်းအပေါ် နူးညံ့သိမ်မွေ့သည့် အကြင်နာစိတ်ရှိသူ တစ်ဦးဖြစ်သည်ဟူသည့် အချက်ကို အထင်အရှားဖေါ်ပြသည့် မှတ်တမ်းစာကြောင်းကလေး ဖြစ်လာခဲ့ပါသည်။

မဇ္ဈိမအနေဖြင့် အခြားအခြားသော အဖြစ်အပျက်များ၊ သတင်းများကို လေးစားစွာ စောင့်ကြည့်နေပါသည်။ အထူးသဖြင့် သည်ရက်ပိုင်းအတွင်း အခြားအခြားသော ထူးခြားလေးနက်သည့် သတင်းများ နည်းတူ နိုင်ငံတော် သမ္မတကြီး၏ ခရီစဉ် သတင်းများ ကိုလည်း စောင့်ကြည့် လေ့လာလျက် ရှိပါသည်။

တချိန်တည်းမှာပင် မိမိတို့နိုင်ငံ၏ ဥသျှောင်၊ နိုင်ငံသူနိုင်ငံသားတို့၏ ဖခင်သဖွယ် ဖြစ်သည့် နိုင်ငံတော် သမ္မတကြီး ဦးထင်ကျော်ကြီး တခုတ်တရ
ရေးသားခဲ့သည့် မှတ်တမ်း ဆုတောင်း အတိုင်း သမ္မတကြီး ဦးထင်ကျော် အပါအ၀င် မိမိတို့ ပြည်သူများ အားလုံး မင်းဘေးမှ ကင်းဝေး ပါစေကြောင်း မဇ္ဈိမ အနေဖြင့် ထပ်လောင်းဆုတောင်း ပေးလိုက်ရပါသည်။

From : မဇ္ဈိမ မီဒီယာ

Originally published at - http://mizzimaburmese.com/article/22842

Read More »

Sunday, November 27, 2016

လှပသော အောင်ပွဲ




မလေးရှား လက်ရွေးစင် ဘက်သို့ ဒေးဗစ်ထန်း၏ သွင်းဂိုးက အနိုင်ဂိုး တစ်ဂိုးထက် ပို၍ပင် တန်ဖိုးရှိ ခဲ့ပါသည်။

ပွဲစဉ် တစ်လျှောက်လုံး ရဲရဲဝံ့ဝံ့၊ အားကြိုး မာန်တက်ဖြင့် ခြေစွမ်း အသာစီးဖြင့် ကစား ခဲ့သော မြန်မာ့ လက်ရွေးစင် ဘောလုံး အသင်းသား များသည် သရေ ကျရုံဖြင့် အကြို ဗိုလ်လုပွဲ တက်သော်လည်း မြန်မာ ပရိသတ်များ၏ ရှေ့တွင် အနိုင် ရရှိအောင် စွမ်းဆောင် ခဲ့ပြီး မြန်မာ ပြည်သူများကို ပျော်ရွှင် ကြည်နူးစေ ခဲ့ပါသည်။

ယခုလပိုင်းအတွင်း ကိုယ်စိတ်နှလုံးညှိုးနွမ်းအားငယ်နေသောပြည်သူများကို ပျော်ရွှင်အားတက်စေခဲ့၍ လက်ရွေးစင်အသင်းနှင့် နည်းပြဂတ်ကို အထူးကျေးဇူး တင်ပါသည်။

ယခုနိုင်ပွဲက တစ်နိုင်ငံလုံး၏ အောင်ပွဲလည်းဖြစ်သည်။ ကွင်းအတွင်း ခြေစွမ်းပြခဲ့သည့် ကစားသမားများသာမက စည်းကမ်းရှိစွာဖြင့် အဆင့်အတန်းမြင့်မြင့် အားပေး ခဲ့သော ပရိသတ်များကြောင့်လည်း မြန်မာ့ဂုဏ်ကို တက်စေ ခဲ့ပါသည်။

ထို့ကြောင့် ယခုလပိုင်းအတွင်း ရခိုင်ပြည်နယ်မှ ပဋိပက္ခများ၊ ရှမ်းပြည်နယ်မြောက်ပိုင်းမှ တိုက်ပွဲများ၊ စီးပွားရေးကျဆင်းနေမှု၊ ရန်ကုန်မြို့အတွင်း ဆက်တိုက်ပေါက်ကွဲမှု များ စသော မကောင်းသတင်းများကြောင့် ကိုယ်စိတ်နှလုံးညှိုးနွမ်း အားငယ်နေသော ပြည်သူများအတွက် ယမန်နေ့ အယ်ဒီတာ့ အာဘော်တွင် ပြောထား သကဲ့သို့
နိုဝင်ဘာ ၂၆ ရက် နိုင်ပွဲက မြန်မာပြည်သူများ အားလုံးကို ပျော်ရွှင်ကြည်နူး ကျေနပ်စေ ခဲ့ကာ အားသစ်များ မွေးဖွားပေး ခဲ့ပါသည်။

အမျိုးသားအားကစားဖြစ်သည့်အပြင် ဘောလုံးအားကစားအ ပေါ် အရူးအမူးအားပေးသော မြန်မာပြည်သူများက အဆင့်အတန်း မြင့်မားကြောင်း သုဝဏ္ဏဘောလုံး ကွင်းတွင် အကောင်းဆုံးသက်သေပြနိုင်ခဲ့ပါသည်။

ရခိုင်ပြည်နယ်မှ ဘင်္ဂါလီအရေးကြောင့် ပြိုင်ပွဲမှ နုတ်ထွက်ရန်ပင် မလေးရှားဝန်ကြီးတစ်ဦးက ကြိုးပမ်းခဲ့သော်လည်း၊ ဘင်္ဂါလီအရေးအတွက် မလေးရှားနိုင်ငံသား အချို့က မြန်မာ သံရုံးရှေ့တွင် ဆန္ဒ ပြ ခဲ့သော်လည်း မြန်မာဘောလုံး ပရိသတ်များကမူ အကောင်းဆုံး တုံ့ပြန်ခဲ့ပါသည်။

ယင်းမှာ ‘ဘောလုံးကွင်းထဲကို ပဋိပက္ခများ သယ်မလာပါနှင့် ငြိမ်းချမ်း ရေးအတွက် ကစားခွင့်ပေးလိုက်ပါ’ ‘ဘောလုံးအားကစားသည် ငြိမ်းချမ်းရေးဖြစ်သည်’ အဓိပ္ပာယ်ရသော အင်္ဂလိပ်ဘာသာဖြင့် ရေးသားထားသည့် ဗီနိုင်းများကို မြန်မာပရိသတ်များက ကိုင်ဆောင်၍ အားပေးခဲ့သော ကြောင့်ဖြစ်ပါသည်။

ထို့အတူ တိုင်းရင်းသားလူမျိုး ၁၃၅ မျိုးရှိသော နိုင်ငံမှ လက်ရွေး စင်အသင်းဖြစ်၍ မြန်မာအသင်းတွင် ရှမ်း၊ ဗမာ၊ ချင်း၊ ကချင် စသောတိုင်းရင်းသားညီအစ်ကိုများလည်း ပါဝင်ပြီး မှော်ဆန်သော သွင်းဂိုးဖြင့် မြန်မာပြည်သူများကို ပျော်ရွှင်စေခဲ့သည့် အနိုင်ဂိုး သွင်းပေးခဲ့သည့် ဒေးဗစ်ထန်းကလည်း ချင်း - ရ၀မ်စပ် တိုင်းရင်းသား တစ်ဦးဖြစ်နေ ပါသည်။

ထို့ကြောင့် မြန်မာ အသင်းက အသင်းဝင် တိုင်းရင်းသား ညီအစ်ကို အားလုံး စုစည်း ညီညွတ်စွာ ကြိုးပမ်းပါက အောင်ပွဲများ မလွဲမသွေ ရမည်ဆိုသည်ကို သက်သေပြနေပါသည်။

ငြိမ်းချမ်းရေးလိုလားသည်ဆိုသော အစိုးရ၊ တပ်မတော်၊ တိုင်းရင်းသားလက်နက်ကိုင်အဖွဲ့များအားလုံးအတွက် မြန်မာအသင်းကပေးသော တန်ဖိုးရှိလှသည့် သတင်းစကားတစ်ခုလည်း ဖြစ်ပါသည်။

(အယ်ဒီတာ အာဘော်)

From : 7 day daily

Originally published at - http://www.7daydaily.com/story/81983

Read More »

Sunday, November 20, 2016

မြန်မာစာ၊ မြန်မာစကား အသုံးအနှုန်းမှန် ယဉ်ကျေးကြ စေချင်




အခု နောက်ပိုင်း ကျွန်တော်တို့ မြန်မာ မီဒီယာ အများစုမှာ မြင်၊ ကြား၊ တွေ့၊ သိနေရတဲ့ မြန်မာစာ၊ မြန်မာ စကားကို အကဲခတ် ရသလောက်တော့ အတော်ကြီး ချည့်နဲ့ ယိမ်းယိုင် နေတာ သတိထား မိတယ်။

မီဒီယာဆိုတဲ့ အထဲမှာ ပုံနှိပ် မီဒီယာ အပြင် အရုပ်၊ အသံလွှင့် မီဒီယာ၊ အွန်လိုင်း မီဒီယာနဲ့ ဂီတ၊ ရုပ်ရှင် တွေနဲ့ အဲဒီ မီဒီယာ မျိုးစုံမှာ ထည့်ထားတဲ့ ကြော်ငြာတွေလည်း ပါတယ်။

မီဒီယာ မျိုးစုံမှာ မြန်မာစာ ရေးထုံး၊ မြန်မာ စကားလုံး အသုံး အနှုန်း၊ သတ်ပုံ သတ်ညွှန်း တွေက အတော်ကြီးကို ချွတ်ချော် လွဲမှားနေတယ်။

လျှာခင်တွဲတာ၊ ကွာတာအပေါ် မူတည်ပြီး စလုံးနဲ့ ဆလိမ် အသံထွက် မကွဲတာနဲ့ လေယူလေသိမ်း အဆင်မချောတာလောက်က နားလည်ပေးလို့ရပေမယ့် မြန်မာ စကားလုံး၊ ဝေါဟာရတွေကို သူ့နေရာနဲ့သူ မသုံးဘဲ အရပ်ထဲမှာ၊ လမ်းဘေးမှာ၊ ပေါက်ပန်းဈေး ပြောတဲ့ စကားလုံးတွေ တွင်တွင်ကြီး ထည့်သုံး နေတာကတော့ အရုပ်ဆိုးလှတယ်။

အခုနောက်ပိုင်း လူငယ်တေးရေး ဆရာလေးတွေ၊ တေးသံရှင်တွေရဲ့ အနုပညာ ဗီဇနဲ့ ဖန်တီး တီထွင်မှုတွေကို အားပေး အသိအမှတ် ပြုပေမယ့် သူတို့ သီချင်း စာသားတွေက အမြင်မတော် ဆင်တော်နဲ့ ခလောက် ဖြစ်နေတာကတော့ နားထောင်ရတာ အဆင် မပြေလှဘူး။

အထူးသဖြင့် ဆယ်ကျော်သက် လူငယ်တွေ သည်းသည်းလှုပ် ဖြစ်နေပြီး ခပ်နွဲ့နွဲ့ ပုံစံဆိုတတ်တဲ့ လူငယ် တေးသံရှင်လေးရဲ့ သီချင်းစာသား တချို့ဆိုရင် ကျွန်တော်တို့ သာမန်စကား ပြောတဲ့ အခါတောင် နှုတ်က ထွက်ဖို့ မလွယ်တာကြောင့် နာမ်စား သုံး ပြောလေ့ရှိတဲ့ အရာမျိုးကိုတောင် တစ်တစ်ခွခွ သုံးပြီး ထည့်ဆိုထားတယ်။

အခု ရက်ပိုင်းအတွင်း ရုပ်/သံမှာ ထပ်ချည်း တလဲလဲ လွှင့်နေတဲ့ ကြော်ငြာစာသား တစ်ခုဆိုရင် မြန်မာစာ၊ မြန်မာ စကားလုံး ဝေါဟာရတွေရဲ့ အနက် အဓိပ္ပာယ်ကို သေချာ နားမလည်တာလား ဒါမှမဟုတ် အရပ်ထဲက ပြောစကားကို အလွယ် ယူသုံးလိုက်တာလား မသိဘူး။ သူ့ကြော်ငြာရဲ့ ဆိုလိုရင်း အဓိပ္ပာယ်က အနုတ်လက္ခဏာ ဆောင်သွားတယ်။

အရင်က တေးရေးဆရာတွေဆိုတာ သီချင်း စာသား၊ စကားလုံးတိုင်းကို အလေးအနက်ထားပြီး ရက်ပေါင်း များစွာ စိတ်ကူး လွင့်မျောပြီး သီကုံး ဖန်တီးခဲ့ကြတာ။ ယုတ်စွအဆုံး ကော်ပီ တေးသီချင်းတွေကို စာသား ထည့်တာတောင် ပေါ့ပေါ့တန်တန် မလုပ်ခဲ့ကြဘူး။

ဒီနေ့ခေတ်မှာတော့ ကွန်ပျူတာ တစ်လုံးရှိရင် စီးရီး ထုတ်လို့ရတဲ့ ခေတ် ဖြစ်လာတော့ အနုပညာ စံနှုန်းတွေနဲ့ အနုပညာအပေါ် တန်ဖိုးထားမှုကလည်း အရင်ခေတ်နဲ့ ယှဉ်ရင် တဖြည်းဖြည်း ကွာဟချက် ကြီးလာသလားလို့။

ပြန်ဆိုတေးတွေဆိုရင်လည်း ပြီးစလွယ် လုပ်ပြီး ဆိုနေကြတာ ကြားရတဲ့အခါ ကျွန်တော်တို့လို ဂီတ အနုပညာကို ခံစားနားဆင်တဲ့သူတွေတောင် ဒီလောက် စိတ်ထဲမှာ ခိုးလိုးခုလု ဖြစ်နေတာ မူလ ဖန်တီးထားတဲ့သူတွေဆို ဘယ်လိုနေမလဲ ကိုယ်ချင်းစာ တွေး တွေးမိတယ်။

တစ်လောက လွှမ်းမိုးရဲ့ အင်မတန် ကျော်ကြားခဲ့တဲ့ သီချင်း တချို့ကို နာမည်ကျော် လူငယ်တေးသံရှင် တစ်ယောက်က ခပ်နွဲ့နွဲ့ လေသံနဲ့ အရှိုက် အဟိုက်၊ အထစ်ကလေးတွေ ထည့်ပြီး ဆိုထားတာ ကြားလိုက်တော့ ကျန်တဲ့ သူတွေတော့ မသိဘူး ကျွန်တော်တော့ ကျွန်တော့်နားကိုတောင် ပြန်ရှက်မိသလို ဖြစ်သွားလောက်တဲ့အထိ အံ့သြ ထိတ်လန့်သွားမိတယ်။

ပြောရမယ်ဆိုရင် ဒီဘက်ခေတ် နောက်ပိုင်း မြန်မာစာ အဆင့်အတန်းနဲ့ ဂီတအနုပညာ ဖန်တီးမှု၊ ရသခံစားမှုတွေ ကျဆင်းသွားတယ်လို့ ကောက်ချက်ချ နိုင်တယ်။ အဲလို ဖန်တီးမှုအပိုင်းမှာ ကျဆင်းသွားတဲ့အတွက် အဆင့်အတန်း သိပ်မမြင့်တဲ့ ဂီတအနုပညာ တချို့ကို သည်းသည်းလှုပ် အားပေးနေသလိုမျိုး ခံစားမှု အပိုင်းမှာလည်း ကျွဲကူးရေပါ နိမ့်ဆင်းလာတာလို့ ပြောနိုင်တယ်။

ဒီပြဿနာကို ဖြေရှင်းဖို့ဆိုရင် မြန်မာစာနဲ့ မြန်မာစကားအတွက် မူလတန်းကနေ တက္ကသိုလ်အဆင့်အထိ မြန်မာစာ ပြဋ္ဌာန်းချက် စာအုပ်တွေရဲ့ အဆင့်အတန်း၊ မြန်မာစာသင်တဲ့ ဆရာတွေရဲ့ မြန်မာစာ အရည်အချင်းကို ပြန်ဆန်းစစ် မြှင့်တင်ပေးဖို့လိုမယ်။

ဂီတအနုပညာ အတွက်ကတော့ မူလတန်းကနေ တက္ကသိုလ်အဆင့်အထိ ရိုးရာဂီတ၊ နိုင်ငံတကာ ဂီတ၊ တူရိယာ ပစ္စည်းတွေနဲ့ အခြေခံကျကျ ထိတွေ့ မိတ်ဆက်ပေး၊ အနုပညာ မျိုးဆက် ပြန့်ပွားရေးအတွက် ပညာရှင်ဆန်ဆန် လက်ဆင့်ကမ်း သင်ကြားပေးနိုင်တဲ့ ဂီတ အကယ်ဒမီလိုမျိုး သီးသန့် ထူထောင် ပေးဖို့လိုမယ်။

အချိန် ကြာလာတာနဲ့အမျှ အမှားကြာ အမှန်ဖြစ်ဆိုသလို မြန်မာစာ၊ မြန်မာစကားနဲ့ မြန်မာ့ဂီတ အနုပညာလောက တဖြည်းဖြည်း အနုတ် လက္ခဏာ ပြရာကနေ နောက်ဆုံး အခြေအနေ သိပ်ဆိုးသွားနိုင်တဲ့အတွက် အချိန် မနှောင်းခင် ခပ်မြန်မြန်လေး ပြုပြင်ကြဖို့ တိုက်တွန်းလိုက်ပါရစေ။

အယ်ဒီတာ(၁၉-၁၁-၂ဝ၁၆)
.........................
Editorial, The Voice Daily, Vol-4/ No-191

From : The Voice

Originally published at - https://www.facebook.com/thevoicemyanmar.mm

Read More »

Thursday, September 08, 2016

၂၁ ရာစု ပင်လုံ ညီလာခံက ဘာမျှော်လင့်လို့ ရမလဲ – အယ်ဒီတာ စကားဝိုင်း




ဒီတပတ် ဆွေးနွေးမယ့် အကြောင်း အရာ ကတော့ သြဂုတ်လ ၃၁ ရက်နေ့က ၂၁ ရာစု ပင်လုံ ပြည်ထောင်စု ငြိမ်းချမ်းရေး ညီလာခံကို နေပြည်တော်မှာ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်က ဦးဆောင် ကျင်းပနေ ပါတယ်။

ဒီညီလာခံမှာတော့ အစိုးရ၊ လွှတ်တော်၊ တပ်မတော်၊ တိုင်းရင်းသားအဖွဲ့အစည်း အသီးသီးနဲ့ နိုင်ငံရေးပါတီ အဖွဲ့အစည်းတွေလည်း ပါဝင်ပါတယ်။ အရင်လုပ်ခဲ့တဲ့ အန်စီအေလို့ခေါ်တဲ့ တနိုင်ငံလုံး အပစ် အခတ် တိုက်ခိုက်မှု ရပ်စဲရေး ညီလာခံတွေနဲ့ ကွာတာကတော့ အရင်တုန်းက လက်မှတ် မထိုးတဲ့ တိုင်းရင်းသား အချို့ ပါဝင် တက်ရောက် ခဲ့တာ တွေ့ရ ပါတယ်။

အဲလိုပဲ နိုင်ငံတကာမှာ ဆိုရင်လည်း ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်း ကိုယ်တိုင် လာရောက်တာ တွေ့ရှိရ ပါတယ်။ အဲဒါနဲ့ ပတ်သက်လို့ ကျနော်တို့ ဒီညီလာခံကနေ ဘာတွေများ ထူးခြားချက်တွေရှိလဲ၊ မျှော်လင့်ချက်တွေရှိလဲဆိုတာ ဆွေးနွေးမှာ ဖြစ်ပါတယ်။

ဦးတိုးဇော်လတ်(ဒီဗွီဘီ)

“အဲဒီတော့ ဆရာအေးမောင်ကျော်ကို စမေးချင်ပါတယ်။ ဒီညီလာခံရဲ့ ထူးခြားချက်လေးတွေ ပေါ့နော်။ ဘာတွေများရှိလဲ၊ အရင်လုပ်လာတဲ့ ငြိမ်းချမ်းရေးညီလာခံတွေနဲ့ ဒီညီလာခံက လက်တွေ့ကျကျ ဘာမျှော်လင့်လို့ရလဲ။ အဲဒါကို ပထမဆုံး ပြောပေးပါခင်ဗျ။”

ဦးအေးမောင်ကျော် (နိုင်ငံရေးဆောင်းပါးရှင်)

“ဒီညီလာခံကတော့ ကျနော်တို့ ဒီအစိုးရသစ်လက်ထက်မှာ တိုင်းရင်းသား စည်းလုံးညီညွတ်ရေးနဲ့ အနာဂတ် ဖက်ဒရယ်ပြည်ထောင်စု တည်ထောင်ရေးအတွက် အရေး ပါတဲ့ ခြေလှမ်းတရပ် အနေနဲ့ ကျင်းပတာပေါ့လေ။

အဲဒီတော့ ခေါ်တာကိုက ၂၁ ရာစု ပင်လုံလို့ ခေါ်တဲ့ အဓိပ္ပာယ်ကလည်း ကျနော်တို့ ၂၀ ရာစု ပင်လုံတုန်းက တိုင်းရင်းသားတွေ တစုတစည်းတည်း အင်အားနဲ့ လွတ်လပ်ရေး ရယူခဲ့တယ်ဆိုတဲ့ စည်းလုံးညီညွတ်မှုဆိုတဲ့ စိတ်ဓာတ်ပေါ့နော်။

ဒါကို ဆက်ခံပြီးတော့ ကျနော်တို့ နိုင်ငံတည်ဆောက်ဖို့ လိုတယ်ဆိုတာကို အလေးအနက်ထားတဲ့အနေနဲ့ ၂၁ ရာစု ပင်လုံလို့ ခေါ်တဲ့ သဘောပေါ့လေ။ အဲဒီတော့ ဒီညီလာခံမှာတော့ ဘာပဲဖြစ်ဖြစ် ကျနော်တို့ သမိုင်းဝင်ညီလာခံ တခုပါပဲ။

ပြောမယ်ဆိုရင်တော့ အရင် သမ္မတဦးသိန်းစိန် လက်ထက်က ညီလာခံထက်စာရင်တော့ လူစုံတက်စုံ ပိုပြီးတော့ ပါတယ်လို့ ပြောနိုင်တာပေါ့။ တချို့ အခု ပြောနေတဲ့ အဖွဲ့ ၃ ဖွဲ့ကတော့ မပါဘူးပေါ့လေ။

ဒါကတော့ ကျနော်တို့ သီးခြားဖြစ်စဉ်အနေနဲ့ စဉ်းစားလို့ရပါတယ်။ အဲဒီတော့ ဘာပဲဖြစ်ဖြစ် ကျနော်မြင်တာတော့ အများစုကြီးပါတယ်။ ဒီမှာလည်း ကျနော်တို့ အမြင်တွေ စုံစုံ ဆွေးနွေးကြလိမ့်မယ်ပေါ့နော်။ ဆွေးနွေးချက်တွေထဲမှာ အမြင်တွေကွဲတာတွေ အများကြီးရှိပါတယ်။

ဘာပဲဖြစ်ဖြစ် ဒါတွေဟာ ကျနော်တို့ စားပွဲဝိုင်းပေါ် ရောက်လာပြီဆိုရင် ကျနော်တို့ ဒါကို အခုနကပြောတဲ့ ပင်လုံစိတ်ဓာတ်နဲ့ ဆက်ပြီးညှိသွားကြမယ်ဆိုတဲ့ သဘောပါပဲ။ ဒါ အလားအလာ အများကြီးကောင်းတယ်လို့ ကျနော်ကတော့ မြင်ပါတယ်။”

ဦးတိုးဇော်လတ်(ဒီဗွီဘီ)

“ဟုတ်ကဲ့ခင်ဗျ။ ကိုအေးမောင်ကျော်တို့ အမြင်ကွဲပြားမှုတွေတော့ ရှိတယ်။ ဒါပေမယ့် ဒီချုပ် ဦးဆောင်တဲ့ အစိုးရသစ်မှာ ငြိမ်းချမ်းရေး သူတို့ ဖော်ဆောင်ပေးမယ်၊ အမျိုးသားရင်ကြားစေ့ရေး လုပ်ပေးမယ်ဆိုတဲ့ ခြေလှမ်းသစ်ပေါ့။ အဲဒါနဲ့ပတ်သက်လို့ ဆရာဇေယျာသူ ဒီဟာရဲ့ ဘာထူးခြားချက်တွေ ရှိလဲ၊ နောက်တခုက ကျနော်တို့ လက်တွေ့ကျကျ ဘာတွေ မျှော်လင့်ရလဲ။ အဲဒါလေး ဆွေးနွေးပါဦးခင်ဗျ။”

ဦးဇေယျာသူ (တာဝန်ခံအယ်ဒီတာ၊ The Voice ဂျာနယ်)

“အဓိကကတော့ ပြည်သူတွေ ကလည်း စိတ်ဝင်စား ကြတယ်။ ဘာလို့လဲ ဆိုတော့ မီဒီယာကလည်း အရင်ကထက် စာရင် ပိုလွတ်လပ်တယ်။ ပြီးအခါ ကျတော့ တိုက်ရိုက် လွှင့်ခွင့်တွေ ပေးတဲ့ အခါကျတော့၊ တိုက်ရိုက် ကြည့်ရတဲ့ အခါကျတော့ ပြည်သူတွေ ပါ ၀င်ပြီး စဉ်းစားလို့ ရတာပေါ့နော်။

တွေ့ရတာကတော့ ပွင့်ပွင့်လင်းလင်း ပြောသွားတာ တွေ့ရတယ်။ ခေါင်းဆောင်တွေပေါ့နော်။ တပ်မတော်ကာကွယ်ရေးဦးစီးချုပ်တို့၊ UNFC ခေါင်းဆောင်တို့၊ ပြီးရင် ဒေါ်အောင်ဆန်းစုကြည် အကုန်လုံးက ပွင့်ပွင့်လင်းလင်း ပြောသွားကြတယ်။

အဲဒီမှာ ဘာလေးတွေလည်း သွားတွေ့ရလဲဆိုတော့ ပြည်ထောင်စုကနေ ခွဲမထွက်ဘူးဆိုတဲ့ ဟာတွေလည်း တွေ့ရတယ်။ နောက်ပြီးတော့ အရင်ခံစားချက်တွေပေါ့လေ။
အဲဒါတွေလည်း ပြောသွားတာ တွေ့ရတယ်။

အဲဒီအခါကျတော့ အရင်တုန်းက ဒီလို ငြိမ်းချမ်းရေးဖြစ်စဉ်နဲ့ တိုက်ရိုက်ထိတွေ့ရတဲ့ ပြည်သူတွေကနေပြီးတော့ ပိုပြီးတော့ စိတ်ဝင်စားလာပြီးတော့ ဒီပေါ်မှာ ဝေဖန်
ကြတာတွေ ရှိတယ်။

တချို့ဝေဖန်ချက်တွေက ဆိုးတယ် ပြောလို့ရသလို၊ တချို့ကလည်း ကောင်းတဲ့ဟာတွေ ရှိတယ်။ အဲဒီတော့ ဒါကတော့ ဘာလဲဆိုတော့ ငြိမ်းချမ်းရေးဖြစ်စဉ်မှာ ပြောနေ ကြတဲ့ all inclusive ပေါ့နော်။ All Inclusive ဆိုတာက ပြည်သူတွေပါ ပါရမယ်။ အဖွဲ့တွေအကုန်လုံးတင် မဟုတ်ဘူး။ ပြည်သူတွေပါ ပါရမယ်ဆိုရင် ပိုကျယ်ပြန့်တဲ့ သဘောထားနဲ့ စဉ်းစားကြည့်ရင် ဒီလို သဘောရတယ်ပေါ့။

အဲဒီအခါကျတော့ အခု ကျနော့်အမြင်မှာ ထူးခြားတာကတော့ ပြည်သူတွေ ပိုပြီးတော့ စိတ်ဝင်တစားနဲ့ ဒါကို စောင့်ကြည့်ကြတာဟာ။ ဒါကတော့ ထူးခြားတဲ့
ဖြစ်စဉ်ပေါ့လေ။”


ဦးတိုးဇော်လတ်(ဒီဗွီဘီ)


“ဟုတ်ကဲ့ခင်ဗျ။ အရင်ကထက် ပိုပြီးတော့ ပါလာတဲ့ ထူးခြားတဲ့ all inclusive ပေါ့နော်။ အရင် လက်မှတ်မထိုးတဲ့ UNFC ပေါ့။ ညီညွတ်သော တိုင်းရင်းသားများအဖွဲ့ကို ထည့်လာတယ်ပေါ့နော်။ ၈ ဖွဲ့အပြင် ကျန်တဲ့သူတွေ။ အဲလိုပဲ ‘၀’ တို့၊ မိုင်းလားတို့ ထည့်လာတယ်။

နောက်တခုကလည်း စကားလုံးနဲ့ပြောမယ်ဆိုရင်တော့ ဒီမိုကရေစီ ဖက်ဒရယ်ပြည်ထောင်စုကို ဒေါ်အောင်ဆန်းစုကြည်က မိန့်ခွန်းထဲမှာ ထည့်ပြောသွားတယ်။

ဒါ အမျိုးသားဒီမိုကရေစီအဖွဲ့ချုပ်ရဲ့ လုပ်ငန်းစဉ်လည်း ဖြစ်တယ်ပေါ့။ နောက်ထပ် ထူးခြားတာကတော့ ဗိုလ်ချုပ်မှူးကြီး မင်းအောင်လှိုင်က ဖက်ဒရယ်ဆိုတဲ့စကားကို လုံးဝရှောင်ပြောသွားတာ တွေ့ရပါတယ်။

အဲဒီလိုပဲ တိုင်းရင်းသားတွေဘက်က ဗိုလ်ချုပ်မူတူးဆေးဖိုးကတော့ သူ ပြောတယ်၊ ၄၇ ပင်လုံသည် လွတ်လပ်ရေးကို ယူတယ်၊ ၂၁ ပင်လုံသည် ဖက်ဒရယ်စနစ်ကို တည်ထောင်မယ်ဆိုတဲ့ အတွက် သူထောက်ခံ ပါတယ်လို့ သူပြောတယ်ပေါ့။

အဲဒီတော့ တပ်မတော်အနေနဲ့ကရော ဖက်ဒရယ် ဆိုတဲ့အပေါ်မှာ တမင် ရှောင်နေတာလား၊ ဒါမှမဟုတ် လောလောဆယ် အစိုးရရဲ့ တိုင်းရင်းသားတွေ ပြောနေတဲ့ ဖက်ဒရယ်တည်ဆောက်ရေးဆိုတဲ့ လုပ်ငန်းစဉ်ထဲမှာ မပါသေးတာလား။ အဲဒါလည်း နည်းနည်းသုံးသပ်ဆွေးနွေးပေးပါဦးခင်ဗျ။”

ဦးအေးမောင်ကျော် (နိုင်ငံရေးဆောင်းပါးရှင်)

“တပ်မတော်အနေနဲ့ကတော့ သူက ဖွဲ့စည်းပုံအခြေခံဥပဒေပေါ့နော်၊ ၂၀၀၈ ကို ကာကွယ်စောင့်ရှောက်ရမယ်ဆိုတဲ့ တာဝန်တခု သူ့မှာ ရှိတယ်ပေါ့လေ။ အဲဒီတော့ ဗိုလ်ချုပ် မှူးကြီး ပြောတဲ့ အထဲမှာ သူက တပ်မတော်ရဲ့ မူ ၆ ချက် ဆိုတာလည်း သူ ထည့်ပြော သွားတယ်။

အဲဒီမူ ၆ ချက်မှာလည်း ပထမ ၄ ချက်လောက်က ပြဿနာမရှိဘူး။ နောက်ဆုံး ၂ ချက်ကတော့ ခုနက ဖွဲ့စည်းပုံအခြေခံဥပဒေ ၂၀၀၈ အောက်ကနေပဲ ဆက်လက်လုပ်ဆောင် ရမယ်ဆိုတဲ့ အချက်မျိုးတွေကျတော့ အရင်တုန်းကလည်းပဲ တိုင်းရင်းသားအဖွဲ့တွေရော အကုန်လုံးက ဒါကို လက်ခံဖို့ အရမ်းခက်ခဲတယ်ဆိုတာ ပြောပြီးသား ရှိတယ်ပေါ့နော်။

ဒါပေမယ်လို့ တပ်ဘက်ကလည်း ဒီ ၆ ချက် ဆိုတာကတော့ လုံးဝကြီး လိုက်နာရမယ် ဆိုတာမျိုးလည်း မဟုတ်ပါဘူး ဘာညာနဲ့လည်း ပြောဖူးတယ်။

ဆိုတော့ နောက်တခုက ပြောမယ်ဆိုရင်တော့ သမ္မတဦးသိန်းစိန် လက်ထက်က ဖက်ဒရယ်ဆိုတာကို အကြမ်းဖျင်း လက်ခံပြီးသားလို့ ကျနော်တို့ နားလည်လို့ရတယ်လေ။

အဲဒီတော့ တပ်မတော်အနေနဲ့လည်း သူ လေ့လာထားပြီးသားတွေ အများကြီး ရှိပါတယ်။ နောက် လွှတ်တော်ထဲမှာလည်း ဟိုတနေ့က တပ်မတော်သားတယောက်က ဒီမိုကရေစီ ဖက်ဒရယ်ပြည်ထောင်စု ဆိုတဲ့ဟာ စကားရပ်ဟာ ဖွဲ့စည်းပုံ အခြေခံဥပဒေနဲ့ မကိုက်ညီလို့ ကန့်ကွက်ပါတယ်။

အဲဒီ ကြေညာချက်ကို ကန့်ကွက်တာ မဟုတ်ဘူး။ အဲဒီ စကားလုံးကိုပဲ သူက ပြင်ချင်တာပေါ့လေ။ သူတို့ပြောတာကတော့။ လွှတ်တော်ရဲ့ ကြေညာချက်ကို သူတို့ ထောက် ခံတယ်။ သို့သော် အဲဒီစကားလုံးကတော့ ၂၀၀၈ နဲ့ မကိုက်ဘူးဆိုတဲ့သဘော ပြောချင်တာပေါ့။

ဒါပေမယ်လို့ ဘယ်လိုပဲဖြစ်ဖြစ် ကျနော်မြင်တာကတော့ ကျနော်တို့ သွားမယ့်လမ်းကြောင်းက အားလုံးက ဒီမိုကရေစီ ဖက်ဒရယ်ပြည်ထောင်စု ဆိုတာတော့ ရှင်းပြီး
သားလို့ ထင်ပါတယ်။ ဒါပေမယ့်လို့ လောလောဆယ် ၂၀၀၈ ဖွဲ့စည်းပုံနဲ့တော့ မကိုက်ဘူး။ သို့သော်လည်း အဲဒီဟာကို ကျနော်တို့ ပြောလို့တော့ ရတယ်လို့ ထင်တယ်။

ဒါ ကြိုပြောတာတော့ မဟုတ်ဘူး။ ဒီလမ်းကြောင်းကို ကျနော်တို့ သွားမယ်လေ။ အခုလုပ်နေတဲ့ ညီလာခံဆိုတာလည်း ဒါပဲလေ။ အဲတော့ ဆိုလိုတာက နည်းနည်းလေး
ကပ်ပြီးတော့ မကွဲလွဲ သင့်ဘဲနဲ့ ကွဲလွဲနေတယ်လို့ ထင်တယ်။

အဲတော့ သူတို့က ဒါကို ကန့်ကွက်တာလည်း မဟုတ်ဘူး တပ်မတော်အနေနဲ့က။ ဒါပေမယ့် စကားလုံးအရ လောလောဆယ်မှာ မကိုက်ဘူးလို့ ပြောတယ်။ ဒါပေမယ့် အဲဒါက ပြောရင်လည်း ကျနော်တို့ မြင်တာက ပြောရတော့မှာပဲလေ။ အခု ညီလာခံမှာ ဟုတ်တယ် မဟုတ်လား။ အခုလည်း ပြောနေကြပြီပဲ၊ ဟုတ်လား။ အဲဒီလို ထင်တယ် ကျနော်ကတော့။”

ဦးတိုးဇော်လတ်(ဒီဗွီဘီ)

“ဟုတ်ကဲ့။ ကိုဇေယျာသူလည်း ကျနော် ဒီနေရာကပဲ မေးပါမယ်။ တပ်မတော်ရဲ့ အခန်းကဏ္ဍပေါ့။ အထူးသဖြင့် တပ်မတော်ရဲ့ အဓိကက ဒို့တာဝန်အရေးသုံးပါးရယ်၊ တပ်မတော်ရဲ့ ငြိမ်းချမ်းရေးမူ ၆ ချက်ရယ်ပဲ အဓိကထားပြီး ဆွေးနွေးသွားတယ်။

ဖက်ဒရယ်ဆိုတဲ့ စကားလုံးကို အတတ်နိုင်ဆုံး ရှောင်သွားတယ်ပေါ့။ ဒါပေမယ့် ကျနော်တို့ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသားတွေကတော့ ဖက်ဒရယ်
ဒီမိုကရေစီ ပြည်ထောင်စုဆိုတာကို တော်တော်အရေးပေးပြီး ပြောတယ်။ ဘန်ကီမွန်းတောင် ပြောတယ် နိုင်ငံတကာက။ အဲဒီတော့ တပ်မတော်အနေနဲ့ ငြိမ်းချမ်းရေး
လုပ်ငန်းစဉ်တွေကို တလျှောက်လုံးပါပေမယ့် ဖက်ဒရယ်ကိစ္စမှာတော့ ဘယ်လိုသဘောထားပြီး ဘယ်လိုမျိုး ကိုင်တွယ်နေတယ် ဆိုတာလေး ဖြည့်စွက်ဆွေးနွေးပေးပါဦး။”

ဦးဇေယျာသူ (တာဝန်ခံအယ်ဒီတာ၊ The Voice ဂျာနယ်)

“တပ်မတော်ကတော့ ကျနော့်အမြင်ကတော့ ဒီငြိမ်းချမ်းရေးဆွေးနွေးပွဲတွေကနေပြီးတော့ ငြိမ်းချမ်းရေးရမယ်လို့ သူက ယုံကြည်ထားပုံရတယ်။ ဘာလို့လဲဆိုတော့ သူတို့ရဲ့ ပြင်ဆင်မှုကို ကြည့်ရင်ပေါ့လေ။

အရင် ဦးသိန်းစိန်လက်ထက်က လုပ်တုန်းက ငြိမ်းချမ်းရေးညီလာခံလည်း တက်ဖြစ်တော့ အဲဒီမှာလည်း တပ်မတော်က ကိုယ်စားလှယ်တွေ ဆွေးနွေးကြတာက သူတို့တွေက ဖက်ဒရယ်စနစ်တွေ ဘာတွေက အစ ချပြပြီး ဆွေးနွေးနေတာတွေ ရှိတယ်။ ရှိတဲ့အခါကျတော့ သူတို့က ဖက်ဒရယ်စနစ်ကိုတော့ နောက်သွားရမယ့်ဟာလို့ ကျနော့်စိတ်ထဲမှာ လက်ခံထားပုံရတယ်။

သို့သော်လည်း စကားလုံးပေါ့လေ။ ဒီမိုကရေစီ ဖက်ဒရယ်ပြည်ထောင်စု ဆိုတာက ၂၀၀၈ ထဲမှာပါတဲ့ ပြည်ထောင်စုနဲ့ တကယ်တမ်းတော့ ကျနော့်စိတ်ထင် သဘော တရားက အတူတူပဲ။ စကားလုံး အရသာ သူက ၂၀၀၈ အခြေခံ ဥပဒေကို ကာကွယ်ချင်တဲ့ သဘောနဲ့ ပြောနေတာပေါ့နော်။

အဲဒီတော့ စကားလုံးသဘောပဲ ကျနော့်စိတ်ထင် ရှိလိမ့်မယ်ပေါ့။ အဲတော့ တပ်မတော်ကလူတွေ အများကြီးတက်တယ်။ တက်ပြီးတော့ အဲဒီထဲမှာ အသက်ငယ်ငယ် ရွယ်ရွယ်တွေလည်း ပါတဲ့ အခါကျတော့ သူတို့က ဒီငြိမ်းချမ်းရေး ညီလာခံ အပါအ၀င် ငြိမ်းချမ်းရေး ဆွေးနွေးပွဲတွေ ကနေပြီးတော့ ပြည်ထောင်စုပဲ ခေါ်ခေါ်၊ ဒီမိုကရက်တစ် ဖက်ဒရယ် ပြည်ထောင်စုပဲ ခေါ်ခေါ် အဲဒီကိုတော့ ဒီကနေပဲတဆင့် သွားရမယ်လို့ သေချာပေါက် သူက ပြင်ဆင်ထားပုံရတယ်။

ပြီးတော့ ဖက်ဒရယ်နဲ့ပတ်သက်ရင် ကျွမ်းကျင်သူတွေတောင်မှ သူတို့ထဲမှာ တော်တော်လေးရှိနေပြီလို့ ကျနော်တို့က တင်တဲ့ စာတမ်းသဘောတရားတို့ ဘာတို့အရ မှာတော့ ယူဆလို့ ရနေတယ်ပေါ့။ အဲတော့ ပြဿနာကတော့ တစုံတရာ ကျနော့်အထင်တော့ ရှိမယ်မထင်ဘူး။ အဓိကကတော့ ယုံကြည်မှုပဲ။ ယုံကြည်မှု ရလာတာနဲ့အမျှ ဒီစကားလုံးပြဿနာကတော့ ပြေလည်သွားမယ်ပေါ့လေ။”

ဦးတိုးဇော်လတ်(ဒီဗွီဘီ)

“ပင်လုံနဲ့ပတ်သက်လို့ နိုင်ငံတကာ သတင်းစာတွေကရော၊ ပြည်တွင်း သတင်းစာတွေ ကရော တော်တော်များများ အကောင်းဘက်ကို ရေးတာ များပါတယ်။

မျှော်လင့်ချက်လည်း ရှိတယ်လို့ ပြောကြပါတယ်။ ဒါပေမယ့် တချို့ ထောက်ပြမှုလေးတွေလည်း ရှိပါတယ်။

ဒါကတော့ ဥပမာ- နိုင်ငံတော်သမ္မတက မိန့်ခွန်းမပြောတဲ့ ကိစ္စပေါ့နော်။ နောက်တခုက တိုင်းရင်းသားခေါင်းဆောင်တွေကို သူတို့ရဲ့ စစ်ရေး ရာထူးတွေ ခေါ်ခွင့် မပေးတာရယ်၊ နောက်တခုက ‘၀’ပြည် သွေးစည်းညီညွတ်ရေး ပါတီပေါ့နော်၊ ‘၀’အဖွဲ့က နားလည်မှု လွဲတယ်လို့လည်း ပြောတယ်။

တချို့ကတော့ သူတို့ကိုယ်တိုင်က တန်းတူမှု မရှိလို့ဆိုပြီးတော့ ညီလာခံ တက်ရောက်မှုကနေ ထွက်ခွာ သွားတယ်လို့ ပြောတယ်။ အဲဒီအပေါ်မှာရော ဒီဟာက စီစဉ်တဲ့ လူတွေရဲ့ အတွေ့ အကြုံအရ လွဲတာလား၊ ဒါမှမဟုတ် ‘၀’တွေ ပြောတဲ့ တကယ်တမ်း တန်းမတူဘူး၊ သူတို့ကို အရေး မထားဘူး ဆိုတဲ့ အပေါ်မှာ ရှိလား။ အဲဒါနဲ့ ပတ်သက်ပြီး ဆရာအေးမောင်ကျော် ဖြည့်စွက်ပြီးတော့ ဆွေးနွေးပေးပါဦး ခင်ဗျ။”

ဦးအေးမောင်ကျော် (နိုင်ငံရေးဆောင်ပါးရှင်)

“အဲဒါကတော့လေ တကယ်ကျတော့ စီစဉ်တဲ့နေရာမှာလည်း လိုတော့ လိုနိုင်တာပေါ့လေ။ ဒါပေမယ့်လည်း ခုနကပြောတဲ့ ‘၀’အဖွဲ့ တက်လာတာကလည်း ‘၀’အဖွဲ့က တကယ့် မြောက်ပိုင်းမှာရှိတဲ့ ခေါင်းဆောင်အဆင့်တွေ မဟုတ်ဘဲနဲ့ တောင်ပိုင်းမှာရှိတဲ့ ဆက်ဆံရေးရုံး အဆင့်လောက်ပဲ လွှတ်လိုက်တာကိုး။

ဆိုတဲ့အခါကျတော့ အဲဒီပုဂ္ဂိုလ်တွေကလည်း ဒီလို ရုံးလုပ်ထုံးလုပ်နည်းတွေနဲ့ ဘယ်လိုလုပ်ရမယ် ဆိုတာတွေ သိပ်ကြေညက်ပုံမရဘူး။ သူတို့ ကိုယ်ကြိုက်တဲ့နေရာမှာ သွားတည်းတယ်။ အကြောင်းမကြားဘူးပေါ့နော်။

ဟိုကလည်း ဆက်သွယ်လို့ မရဘူးပေါ့လေ။ အဲတော့ တိုင်းရင်းသား လက်နက်ကိုင်တွေကို ပေးဖို့ လက်မှတ် အစောင် ၂၀၀ က သပ်သပ်ပေးထားတယ်ပေါ့နော်။

တိုင်းရင်းသားနဲ့သက်ဆိုင်တဲ့ ကိုယ်စားလှယ်ကို ပေးထားတယ်ပေါ့။ အဲဒီပုဂ္ဂိုလ်တွေက ရှာလို့မတွေ့တဲ့ အခါကျတော့ ဟိုပုဂ္ဂိုလ်တွေ ရောက်လာတဲ့ အချိန်မှာ ဒါ သူတို့ ရှင်းပြတာတွေ ကတော့ ယာယီကတ်၊ အရန်ထားတဲ့ လေ့လာသူ ကတ်တွေကို ပေးလိုက်ရတော့ ညနေကျရင် ပြန်လဲပေးပါမယ် ဆိုတာမျိုးပေါ့လေ။

ညနေ သွားလဲတဲ့ အချိန်မှာတော့ မလဲတော့ပါဘူး၊ ပြန်ယူထားပါ ဆိုပြီးတော့ သူတို့ မယူတော့ဘူးပေါ့နော်။ နောက်တရက်ကျတော့ ပြန်သွားတယ်ပေါ့။ အဲတော့ ဆိုလိုတာကတော့ တကယ်တမ်းကတော့ ‘၀’အဖွဲ့ကလည်း ဒါ ပွင့်ပွင့်လင်းလင်း ပြောရမယ်ဆိုရင် သူက အေအေရယ်၊ ကိုးကန့်ရယ်၊ ပလောင်ရယ် မပါဘူးဆိုရင် သူ မတက်ဘူးလို့ အစောကတည်းက ပြောထားတာရှိတယ်။

ပြောမယ်ဆိုရင်တော့ သူကလည်း တကယ်တမ်း သိပ်တက်ချင်ပုံမရဘူး။ ဒါပေမယ့်လို့ တဘက်က ဖိအားတွေကြောင့် သူကလည်း တက်လာပုံရတယ်။

တက်လာတဲ့အခါမှာလည်း သူက တဆင့်နိမ့်တဲ့ ကိုယ်စားလှယ်တွေ လွှတ်တယ်ပေါ့လေ။ ဆိုတဲ့အခါကျတော့ အခုလို နားလည်မှု လွဲသွားတယ်ဆိုတဲ့အခါကျတော့ သူကလည်း ငိုချင်ရက်လက်တို့ ဖြစ်သွားတဲ့ သဘောပဲ။ ကျနော် ထင်တာပေါ့လေနော်။ ဘာပဲဖြစ်ဖြစ် ဒါက နိုင်ငံတော်အတိုင်ပင်ခံ ပုဂ္ဂိုလ်ကလည်း ပြောတယ်လေ။

ဘယ်သူ့ကိုမှ အပြစ်မဆိုကြပါနဲ့ ဆိုပြီးတော့ပေါ့နော်။ အဲဒီတော့ ကျနော်တို့လည်း အပြစ်မဆိုပါဘူး။ ဘာပဲဖြစ်ဖြစ် လွဲသွားပြီပေါ့လေ။ လွဲသွားတဲ့အခါကျတော့ ဒါ ဖြေရှင်းကြရမှာပေါ့။

သဘောကတော့ ပြန်ပြီးတော့ သူတို့လည်း ကြေညာချက်ထုတ်မယ်လို့ ပြောတယ်။ ဘယ်လိုပဲဖြစ်စေပေါ့လေ၊ သိပ်တော့မကောင်းဘူးပေါ့လေနော်။

အဲလို မြင်ပါတယ်။ နောက်တခုကတော့ တိုင်းရင်းသားတွေရဲ့ အဆင့်နေရာပေါ့လေ။ ကိုယ့်ဘာသာ သတ်မှတ်ထားတဲ့ အမျိုးမျိုး ရှိပါတယ်။ ဗိုလ်ချုပ်ကြီးတွေလည်း ရှိတယ်၊ ဗိုလ်ချုပ်တွေလည်း ရှိတယ်ပေါ့လေ။

ဟိုတုန်းကဆိုရင် ကျနော်တို့ ဟိုတုန်းက ကြာပြီပေါ့လေ၊ ဟိုတုန်းက ဗိုလ်မှူးလို့ခေါ်တဲ့ ပုဂ္ဂိုလ်တွေက ခုဆို ဗိုလ်ချုပ်တွေ ဖြစ်နေပြီပေါ့လေ။ ဒါပေမယ့်လို့ ဒါ တပ်မတော် အနေနဲ့ကျတော့ နိုင်ငံတော်ရဲ့ status တခုအနေနဲ့ သူက ဒီလိုပွဲတွေမှာ တရားဝင်ဖြစ်ဖို့ သူ့အနေနဲ့ အဆင်မပြေဘူး ထင်တယ်။

နောက်တခုက ‘ဦး’ တို့ ဘာတို့ တပ်မယ်ဆိုရင်လည်း တိုင်းရင်းသားဘက်က လက်မခံဘူးပေါ့နော်။ ရှေ့မှာ ‘ဦး’ တပ်တယ်ဆိုရင်လည်း ဒါက ဗမာ၊ ဘားမားနိုက်စ်
ဖြစ်တယ်လို့ သဘောမျိုးရှိတယ်။ ဆိုတဲ့အခါကျတော့ ဘယ်လိုမှ တပ်လို့မရဘူးပေါ့လေ။ တပ်လို့မရလို့ အဲဒီနာမည်ကိုပဲ ဒီအတိုင်း ရေးထားတာ တွေ့ရတယ်။

ဒါတွေက ကျနော်တို့တိုင်းပြည်ရဲ့ ပကတိ အရှိတရားတွေပေါ့လေ။ ဒါတွေကို ကျနော်တို့ ရင်ဆိုင်ရမှာပဲ။ ဘယ်လို ဖြေရှင်းကြမလဲဆိုတာ။ အဲလို အသေးအမွှားလို့ ထင်ရသော ကိစ္စအသေးလေးတွေကစပြီး အကြီးကြီးထိ ကျနော်တို့က အများကြီး လုပ်စရာတွေ ရှိတယ်။

အဲဒီတော့ အဲအပေါ်မှာ တတ်နိုင်သမျှ ကျနော်တို့က သဘောထားကြီးကြီးနဲ့ နားလည်ပြီးတော့ လုပ်ကြရင်တော့ အကောင်းဆုံးလို့ ထင်ပါတယ်။”

ဦးတိုးဇော်လတ်(ဒီဗွီဘီ)

“ဟုတ်ကဲ့။ ဆရာအေးမောင်ကျော်ကတော့ တချို့ဟာတွေ၊ တိုင်းရင်းသားတွေ စစ်ရာထူးနဲ့ မခေါ်တာ။ ဒါပေမယ့် ကျနော်တို့ သမိုင်းထဲမှာလည်း ဗိုလ်ချုပ်အောင်ဆန်းကို အင်္ဂလိပ်တွေက မေဂျာ ဂျင်နရယ် အောင်ဆန်း self style ပေါ့။

ကိုယ့်ကိုယ်ကိုယ် ပေးထားတယ်လို့ တချိန်တုန်းက ဆွေးနွေးပွဲတခုမှာ အဲလို လုပ်ခဲ့ဖူးတယ်။ အဲတော့ ဒီဟာတွေကလည်း ရေရှည်တော့ စဉ်းစားရမှာပေါ့နော်။

အဲဒီတော့ ကိုဇေယျာသူလည်း ကျနော် တခုလောက် မေးချင်တာက အခုလိုမျိုး all inclusive ထဲမှာ နဂိုကတည်းက ညှိမရတဲ့ ၃ ဖွဲ့ကတော့ ကျန်ခဲ့သေးတယ်။ အခု ‘၀’ ဆိုရင်လည်း နည်းနည်းနားလည်မှု လွဲပြီးတော့ သွားကြတယ်ပေါ့နော်။

အဲဒီတော့ တကယ်တမ်း အကုန်ပါလာအောင် နောက်တခုကလည်း ပြောနေတဲ့ အခြေခံတန်းတူရေးဆိုတဲ့ အခြေအနေပါ ဖြစ်လာအောင် ဘာတွေများ ဆက်ပြီးတော့ လုပ်ဖို့၊ ညှိနှိုင်းဖို့လိုတယ် ဆိုတာလေး ဖြည့်စွက်ပြီးတော့ ဆွေးနွေးပေးပါဦး ခင်ဗျ။”

ဦးဇေယျာသူ (တာဝန်ခံအယ်ဒီတာ၊ The Voice ဂျာနယ်)

“အဓိကကတော့ ကွာခြားချက်တွေ ရှိတာပေါ့။ ကွာခြားချက်တွေ ရှိတာက တကယ်တမ်းတော့ ဒါ ပုံမှန်ပဲ။ အဲဒါကြောင့်မို့လည်း ဒီဆွေးနွေးပွဲတွေ ဖြစ်တာပေါ့။ ကျနော့် အမြင်ကတော့ ဆွေးနွေးပွဲမှာ ကမောက်ကမတွေ ဘာပဲဖြစ်ဖြစ် ဆက်ဆွေးနွေးရမယ်၊ ဆွေးနွေးရင်းနဲ့လည်း ခုနကလိုမျိုး အပြိုင်သွားနေတဲ့ဟာတွေ ရှိတယ်လေ။

ကျနော်တို့ အပစ်အခတ်ရပ်စဲရေးအတွက် ညှိနေတာတွေ ဘာတွေလည်း ရှိတော့၊ အဲဒါတွေမှာလည်း တောက်လျှောက် သွားနေရင်းနဲ့၊ အလုပ်အတူ တွဲလုပ်ရင်းနဲ့ ဒါက တယောက်နဲ့တယောက် ယုံကြည်မှုပိုရလာမယ်။ လွန်ခဲ့တဲ့ ၂၀၁၁ လောက်က စခဲ့တဲ့ဟာက အဲဒီစတုန်းကဆို အခြေအနေ တော်တော်ဆိုးတယ်လို့ ပြောတယ်။

တယောက်နဲ့တယောက်က မျက်နှာချင်းဆိုင်ဖို့တောင် မဖြစ်နိုင်ဘူး။ ဥပမာ- ထိုင်းမှာပဲလုပ်မှ၊ တရုတ်မှာပဲ လုပ်မှ ဆွေးနွေးပွဲတွေ လုပ်မှရတဲ့ သဘော ရှိတယ်ပေါ့နော်။

ရန်ကုန်တို့၊ နေပြည်တော်တို့မှာ လုပ်ဖို့မလွယ်ဘူး။ အခုကျတော့ အဲဒါတွေကနေပြီးမှ ယုံကြည်မှုက တည်ဆောက်လာတဲ့အခါကျတော့၊ ခေါင်းဆောင်အချင်းချင်း နားလည်မှု ရလာတဲ့အခါကျတော့ နေပြည်တော်ဆိုလည်း လုပ်မယ်။ ရန်ကုန်မှာဆိုလည်း လုပ်မယ် ဆိုတဲ့ဟာ ဖြစ်လာတယ်။

အဲဒီတော့ ခုဟာက ကျနော်တို့ ၂၁ ရာစု ပင်လုံဆိုတာက နောက်ထပ် ဒီညီလာခံ ပြီးရင် ထပ်ခေါ်ဖို့ မရှိတော့ဘူး။ ဘာလို့လဲဆိုတော့ ၂၁ ရာစုပင်လုံ ၂ တို့၊ ၃ တို့ ဆိုရင် ရယ်စရာ ဖြစ်နေမှာဆိုတော့။

ဒီဟာကြီးက အဖွင့်ဟာကြီးပဲ။ ဆိုတော့ အဲဒီအဖွင့်ဟာကြီးကမှ ကျနော်တို့ ဘယ်လို ဆက်သွားမလဲ။ ခုဟာက ပြောတဲ့အခါမှာတော့ စိုးရိမ်စရာလို့ ထင်ရတာတွေလည်း ရှိတယ်ပေါ့နော်။ ပြည်နယ်တွေက တယောက်ပြီးတယောက် တောင်းနေကြတော့ ဒီအတိုင်းသာ အမွေခွဲလိုက်ရင်တော့ အချင်းချင်းချကြဖို့ပဲ ရှိတယ်ဆိုတဲ့ သဘောပဲ။

ကျနော့်အမြင်ကတော့ ငြိမ်းချမ်းရေးဆွေးနွေးပွဲတွေမှာ ဒါကစပြီးတော့ တင်တဲ့ဈေးပေါ့နော်။ ကြမ်းခင်းဈေးသဘောမျိုး ဖြစ်တော့ ကြမ်းခင်းဈေးချင်းမတူရင် သူက ညှိရတာပဲ။ ညှိဖို့ကတော့ ဘာလဲဆိုတော့ ဆွေးနွေးပွဲလိုတယ်၊ ဆွေးနွေးရင်းနဲ့ ကျနော်တို့က ယုံကြည်မှုရမယ်ပေါ့လေ။ ဒီနည်းကလွဲရင် တခြားနည်း ကျနော်တို့က မရှိဘူး။ အဲဒါလေး ပြောချင်ပါတယ်။”

ဦးတိုးဇော်လတ်(ဒီဗွီဘီ)

“ဟုတ်ကဲ့။ ကိုဇေယျာသူ ပြောတာက ယုံကြည်မှု တည်ဆောက်ဖို့ ပြောပါတယ်။ ဆရာအေးမောင်ကျော်လည်း နောက်ဆုံးအနေနဲ့ မေးချင်တာက ဒေါ်အောင်ဆန်း စုကြည်ကလည်း ပြောပါတယ်။ ပြည်သူတွေရဲ့ မျှော်လင့်ချက်အိပ်မက်ကို အကောင် အထည်ဖော်ပေးဖို့ ဆိုတာ ကြီးမားတဲ့ တာဝန်ဖြစ်တယ်ပေါ့နော်။

ကြီးလေးတယ်လို့တော့ မဆိုလိုဘူးလို့ ပြောတယ်။ နောက်တခုက ဒီဟာတွေကလည်း အချိန်ယူပြီး ဆက်လက်ဆွေးနွေးညှိနှိုင်းရမယ့် အစပဲ ရှိသေးတယ်။ Process တခုကို ဖွင့်လိုက်တဲ့ သဘောပေါ့။

အဲဒီတော့ တကယ်တမ်း ငြိမ်းချမ်းရေးနဲ့ ရင်ကြားစေ့ရေးကို မျှော်လင့်နေတဲ့၊ ပြည်သူတွေ တကယ်မျှော်လင့်တဲ့ ငြိမ်းချမ်းမှုရအောင် အဓိက ဘယ်လိုအခြေခံတွေနဲ့ လုပ်ရမယ်ဆိုတာ ဆရာအေးမောင်ကျော်က နောက်ဆုံးအနေနဲ့ သုံးသပ်ပေးပါဦး ခင်ဗျ။”

ဦးအေးမောင်ကျော် (နိုင်ငံရေးဆောင်းပါးရှင်)

“အဓိကကတော့ ကျနော်မြင်တာက ပြည်သူလူထုကို မျက်နှာမူဖို့ လိုတယ်ပေါ့ဗျာနော်။ ဒါကတော့လည်း အမြဲတမ်း ပြောနေကျ စကား ဖြစ်တယ်။ ဒါပေမယ်လို့ ဒါ အရမ်းအရေးကြီးပါတယ်။ လူထုကို စိတ်ပျက် မသွားစေဖို့ပေါ့ဗျာနော်။

ဘာလို့လဲဆိုတော့ လူထုက အရမ်းမျှော်လင့်ချက် ထားတာကိုး။ အခု ကျနော်တို့ တွေ့နေရတဲ့ ပင်လုံညီလာခံ ထောက်ခံပွဲတွေ ဘာတွေဆိုတာက အများစုက ကိုယ့် တက်ကြွမှုနဲ့ ကိုယ် တနိုင်ငံလုံးက ပါလာကြတာလေ။

အရင်တုန်းကလို အတင်း တအိမ်တယောက် မလာမနေရ ဆိုတာမျိုး မဟုတ်ဘူးဗျ။ ဆိုတဲ့အခါကျတော့ လူထုရဲ့ မျှော်လင့်ချက်က အရမ်းကြီးမားပါတယ်။

အဲဒါကို တိုင်းရင်းသားလက်နက်ကိုင်တွေလည်း လေးနက်ဖို့လိုတယ်လို့ ထင်တယ်။ နောက်တခုက ကျန်တဲ့ နယ်ပယ်အသီးသီးပေါ့နော်။ တပ်မတော်ရော၊ အစိုးရ ဘက်ကရော အားလုံး လေးနက်ဖို့တော့ လိုတယ်လို့ ထင်တယ်။

ပြောနေတာတွေ သိပ်များနေပြီပေါ့ဗျာ။ လူထုက အရမ်းခံစားရတယ်။ တကယ်တမ်းတော့ အခံစားရဆုံးက လူထုပဲ။ တပ် ၂ တပ် တိုက်ကြတယ်ဆိုရင် တပ်၂ တပ်က အင်အားမှာ လေးငါးထောင်စီ ရှိတယ် ဆိုပါတော့။ အနှစ် သုံးလေးဆယ် တိုက်လည်း အဲဒီ လေးငါးထောင်က လျော့သွားတာ မဟုတ်ဘူး။ ကြားမှာ လူထုက သေ သွားတာ ငါးထောင်လောက် ရှိလိမ့်မယ်။ တသောင်းလောက်လည်း ရှိနိုင်တယ်။

ဘ၀ပျက်သွားတာက သိန်းနဲ့ ချီ ရှိနိုင်တယ်။ ဆိုတဲ့အခါကျတော့ အဲဒါကို တကယ်တမ်း လေးနက်ဖို့ဆိုတာ ကျနော်တို့က ပါးစပ်နဲ့ပဲ ပြောနိုင်တယ်ပေါ့ဗျာ။

တကယ်တမ်း လေးနက်ဖို့ ဆိုတာက သူတို့ကိုယ်တိုင် စဉ်းစားရမှာ ဖြစ်တယ်။ အဲဒီတော့ ဒီအခြေခံပေါ်ကနေ ကျနော်တို့က ဆက်လက်ပြီးတော့ ညှိနှိုင်းကြမယ်ဆိုရင် ကျနော် ထင်တာက ပိုပြီးတော့ ပြေလည်စရာရှိမယ်လို့ ကျနော်ထင်တယ်။”

From : ဒီဗွီဘီ

Originally published at - http://burmese.dvb.no/archives/167533

Read More »

Friday, August 26, 2016

သဘာဝဘေးအတွက် ကြိုတင်ပြင်ဆင်ပါ




USGS ခေါ် အမေရိကန် ဘူမိဗေဒ အဖွဲ့ကြီး၏ တိုင်းတာ ချက်များ အရ ယမန်နေ့က မြန်မာနိုင်ငံ အလယ်ပိုင်း မကွေးတိုင်း ဒေသကြီး၊ ချောက်မြို့နှင့် ၂၅ ကီလိုမီတာ (၁၂ မိုင်ခန့်) အကွာကို ဗဟိုပြုကာ ပြင်းအား ၆.၈ ရစ်ခ်တာ စကေးဖြင့် လှုပ်ခတ် သွားခဲ့သော ငလျင်က မြန်မာနိုင်ငံကို နောက်ထပ် သတိပေး ခေါင်းလောင်း ထိုးလိုက်သော သဘာဝဘေး အန္တရာယ် တစ်ခု ဖြစ်သည်။

အဆိုပါ ငလျင် ဒဏ်ကြောင့် ပုဂံ၊ ညောင်ဦးဒေသမှ စေတီပုထိုး အဆူ ရာကျော် ပျက်စီးခဲ့ပြီး ချောက်၊ ရေနံချောင်း၊ တောင်တွင်းကြီး၊ နတ်မောက်နှင့် ပခုက္ကူ မြို့နယ်တို့တွင် ထိခိုက် ပျက်စီး ခဲ့သည့်အပြင် လူသုံးဦး သေဆုံး ခဲ့ကြောင်း သက်ဆိုင်ရာ ဌာနများက အတည်ပြု ထုတ်ပြန်ခဲ့သည်။

မြန်မာနိုင်ငံတွင် ဆယ်စုနှစ်များစွာ ကြီးမားသည့် ငလျင်လှုပ်ခတ်မှု မရှိခဲ့ရာမှ ၂၀၁၂ ခုနှစ်က ရွှေဘိုမြို့တွင် ပြင်းအား ၆.၈ ရစ်ခ်တာစကေး လှုပ်ခတ်မှု၊ ယခုနှစ် ဧပြီလက
မော်လိုက်မြို့တွင် ပြင်းအား ၆.၉ ရစ်ခ်တာစကေး လှုပ်ခတ်မှုနှင့် ယမန်နေ့က ချောက်မြို့အနီး ပြင်းအား ၆.၈ ရစ်ချက်တာစကေး လှုပ်ခတ်မှုတို့မှာ ငလျင်လှုပ်ခတ်မှု စိပ် လာသည့် သဘောဟု ယူဆဖွယ်ရာ ရှိသည်။

ထို့အပြင် မြန်မာနိုင်ငံတွင် တည်ရှိနေသော နာမည်ကျော် စစ်ကိုင်းပြတ်ရွေ့ကြော အပါအဝင် စုစုပေါင်း ပြတ်ရွေ့ကြော ငါးခုတို့၏ သဘောသဘာဝအရ အင်အားပြင်း ငလျင်များ မလှုပ်ခဲ့သည်မှာ နှစ်ပေါင်း ၈၀ ခန့် ကြာမြင့်ခဲ့ပြီ ဖြစ်သောကြောင့် ကြီးမားသည့် ငလျင် တစ်ဖန် ပြန်လှုပ်ခတ်နိုင်ကြောင်း ငလျင်ကျွမ်းကျင်သူ ပညာရှင်များက သတိပေးထားသည်။

အထူးသဖြင့် စစ်ကိုင်းပြတ်ရွေ့ကြောကြောင့် နေပြည်တော်၊ စစ်ကိုင်း၊ မန္တလေး၊ မိတ္ထီလာ၊ ဝန်းသို၊ ဖြူး၊ ဆွာ၊ ပဲခူး အပါအဝင် မြို့ကြီးအချို့မှာ အင်အားပြင်း မြေငလျင်
ပြန်လည်လှုပ်ခတ်နိုင်သည့် အန္တရာယ် ရှိနေသည်ဟု အဆိုပါ ပညာရှင် များက ခန့်မှန်းထားသည်။

ချောက်ငလျင်နှင့် မတိမ်းမယိမ်း အချိန်အတွင်း အီတလီနိုင်ငံတွင် လှုပ်ခတ်သွားခဲ့သော ငလျင်သည် ပြင်းအား ၆.၂ ရစ်ခ်တာစကေးသာ ရှိသော်လည်း ပျက်စီးဆုံးရှုံးမှု များပြားခဲ့ပြီး လူသုံးရာနီးပါး သေဆုံးဖွယ်ရှိရာ အီတလီနှင့် နှိုင်းယှဉ်ပါက ချောက်ငလျင်မှာ များစွာသက်သာသည်ဟု ဆိုနိုင်သည်။

သို့သော် ချောက်ငလျင်သည် မြို့ ပြအဆောက်အအုံများနှင့် ၁၅ မိုင်ခန့် အကွာကို ဗဟိုပြုခဲ့သောကြောင့် ဤမျှသက်သာခြင်းဖြစ်ပြီး မန္တလေးနှင့် ပဲခူးကဲ့သို့ အထပ်မြင့် အဆောက်အအုံများစွာ တည်ရှိသော မြို့များကို ဗဟိုပြု လှုပ်ခတ်ခဲ့ပါက ကြီးမားသည့် ပျက်စီးဆုံးရှုံးမှုများနှင့် ကြုံရနိုင်ပေသည်။

မြန်မာနိုင်ငံသည် ၂၀၀၈ ခုနှစ်မှ စတင်ကာ လူပေါင်း သိန်းဂဏန်း သေဆုံးခဲ့သော ကြီးမားသည့် ရေဘေးနှင့် ကြုံတွေ့ခဲ့ရသော်လည်း ယနေ့အချိန်အထိ သဘာဝဘေး အန္တရာယ်များ ကြုံလာပါက မည်သို့ စနစ်တကျ ကယ်ဆယ်၊ ထောက်ပံ့မည်၊ မည်သို့ ကြိုတင်ပြင်ဆင်မည်၊ မည်သို့ ကူညီစောင့်ရှောက်မည်၊ မည်သို့ စီမံခန့်ခွဲမည် ဆိုခြင်း တို့ကို သီးသန့် ပြင်ဆင်ဖွဲ့စည်း၊ လေ့ကျင့်ထားခြင်း မရှိသေးပေ။

ဘေးအန္တရာယ် ကြုံသည့်အခါတွင်လည်း လူမှုရေးစိတ်ရှိသူ ပြည်သူ့အခြေပြု အဖွဲ့အစည်းများ၊ အစိုးရ မဟုတ်သော အဖွဲ့အစည်းများနှင့် ဒေသ၊ ရပ်ရွာလူထု ကိုယ်တိုင် တို့က ကိုယ်ထူကိုယ်ထ ကယ်ဆယ်ထောက်ပံ့ရေး လုပ်ငန်းများဖြင့် စတင်ခဲ့ရပြီး သက်ဆိုင်ရာ အစိုးရ တာဝန်ရှိသူ အဖွဲ့အစည်းများက အမြဲလိုလို နောက်ကျနေ သည်ကို တွေ့နိုင်သည်။

စစ်ကိုင်းပြတ်ရွေ့ကြောသည် နှစ်ပေါင်း ၇၀ ကျော် ၈၀ ခန့် အကြာတွင် အင်အားကြီးမားသော မြေငလျင်များ လှုပ်ခတ်လေ့ ရှိသောကြောင့် ယခုနှစ်ပိုင်းများအတွင်း ငလျင်အန္တရာယ်နှင့် ပတ်သက်သော ကြိုတင်ပြင်ဆင်မှုများ၊ ကယ်ဆယ်ရေး လုပ်ငန်းများကို စနစ်တကျ စီမံခန့်ခွဲနိုင်ရေးအတွက် ယခုကပင် စီစဉ်ဆောင်ရွက်ထားရန် လိုအပ်ကြောင်း သတိပေးအပ်ပေသည်။

အယ်ဒီတာ (၂၅-၈-၂၀၁၆)

From : The voice Myanmar

Originally published at - https://www.facebook.com/thevoicemyanmar.mm

Read More »

Wednesday, July 20, 2016

ဇူလိုင် ၁၉ အလွန် အရပ်ဘက် - စစ်ဘက် ဆက်ဆံရေး




ဇူလိုင် ၁၉ ရက် အာဇာနည် နေ့သည် လွတ်လပ်ရေး ရခါနီး မြန်မာ့ နိုင်ငံရေး၏ အမည်း စက်ကြီး ဖြစ်ခဲ့ရသည့် အပြင် အရပ်ဘက် - စစ်ဘက် ဆက်ဆံရေး အပါ အဝင် လွတ်လပ် ပြီးခေတ် မြန်မာ့ နိုင်ငံရေး ကိုလည်း ကျွမ်းထိုး မှောက်ခုံ ဖြစ်စေ ခဲ့သည်။အမျိုးသား ခေါင်းဆောင်ကြီး ဗိုလ်ချုပ် အောင်ဆန်းကို ဆုံးရှုံး ခဲ့ရခြင်းနှင့် အတူ
မြန်မာ ပြည်သူ လူထုသည် ကြီးမားသော ဘေးထွက် ဆိုးကျိုးများကို ယနေ့တိုင် ခါးစည်း ခံနေရဆဲ ဖြစ်သည်။

ကမောက်ကမ များစွာထဲ တဝဲ လည်လည် ဖြစ်နေဆဲ အရပ်ဘက် - စစ်ဘက် ဆက်ဆံရေး အပါအဝင် မြန်မာ့ နိုင်ငံရေးသည် စိန်ခေါ်မှု မြင့်မား နေဆဲ ဖြစ်သည်။

အရပ်ဘက်-စစ်ဘက် ဆက်ဆံရေးနှင့် ဆက်စပ်သော စိန်ခေါ်မှုများ မြင့်မားနေဆဲ ကာလတွင် နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်၊ တပ်မတော် ကာကွယ်ရေး ဦးစီးချုပ် ဗိုလ်ချုပ် မှူးကြီး မင်းအောင်လှိုင် တို့နှင့် ပတ်သက်သော သတင်း ဓာတ်ပုံများသည် စိတ်လှုပ်ရှား ဖွယ်ရာ ဖြစ်လျက် ရှိသည်။

ဒေါ် အောင်ဆန်းစုကြည်နှင့် ဗိုလ်ချုပ် မှူးကြီး မင်းအောင်လှိုင် အပါအဝင် တပ်မတော် အကြီးအကဲများ အကြား ဆက်ဆံရေးသည် ပိုမိုနီးကပ် ကောင်းမွန် လာနေသည့် သဘော သဘာဝများ ကလည်း အားကောင်းလျက် ရှိနေသည်။

သို့သော်နိုင်ငံတော်အတိုင်ပင်ခံပုဂ္ဂိုလ်နှင့်တပ်မတော်ကာကွယ်ရေးဦးစီးချုပ်အကြား ဆုပ်ဆုပ်ကိုင်ကိုင် ပြနိုင်မည့် သဘောတူညီချက်များက ဝေဝါးနေဆဲဟု ကောက်ချက်ပြု ရမည်ဖြစ်သည်။

တပ်မတော်ကာကွယ်ရေးဦး စီးချုပ် ဗိုလ်ချုပ်မှူးကြီးမင်းအောင် လှိုင်သည် ၂၀၁၆ ဇူလိုင် ၁၉ ရက် တွင် ရန်ကုန်မြို့ ဗဟန်းမြို့နယ် အာဇာနည်ဗိမာန်၌ ကျင်းပမည့် (၆၉)ကြိမ်မြောက် အာဇာနည်နေ့ အခမ်းအနားသို့ တက်ရောက်ပြီး ကျဆုံးလေပြီးသော ဗိုလ်ချုပ် အောင်ဆန်းနှင့် ခေါင်းဆောင်ကြီး များအား လွမ်းသူ့ပန်းခွေချ အလေးပြုမည်ဖြစ်ကြောင်း တရားဝင် လူမှုကွန်ရက်စာမျက်နှာများ က ဖော်ပြကြသည်။

၂၀၁၅ အထွေထွေရွေးကောက်ပွဲအလွန် နိုင်ငံတော်သမ္မတ ဦးထင်ကျော်နှင့် အမျိုးသားခေါင်းဆောင်ကြီးနှင့် တပ်မတော်ဖခင်ကြီး ဗိုလ်ချုပ်အောင်ဆန်း၏ သမီး၊
နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်တို့ ဦးဆောင်သည့် အစိုးရသစ်လက်ထက် ပထမဆုံးအကြိမ် ကျင်းပသည့် အာဇာနည်နေ့အခမ်းအနားကို တပ်မတော် ကာကွယ်ရေးဦးစီးချုပ် ဗိုလ်ချုပ် မှူးကြီး မင်းအောင်လှိုင် ကိုယ်တိုင် တက်ရောက် ဂါရဝပြုမည့် အစီအစဉ်သည် ထူးခြားမှု တစ်ခုပင်ဖြစ်သည်။

၁၉၆၃ နောက်ပိုင်း နှစ် ပေါင်းငါးဆယ်ကျော် ကာလတွင် တပ်မတော်ကာကွယ်ရေးဦးစီး ချုပ်အနေဖြင့် အာဇာနည်နေ့အခမ်းအနားကို တက်ရောက်အလေးပြု လွမ်းသူ့ ပန်းခွေ ချခဲ့သည့် အထောက်အထား မတွေ့ရှိရပေ။ အမျိုးသား ခေါင်းဆောင်ကြီး ဗိုလ်ချုပ် အောင်ဆန်းသည် တပ်မတော်ကို တည်ထောင်သူ၊ တပ်မတော်၏ ဖခင်ကြီး
ဖြစ်လင့် ကစား ခေတ် အဆက်ဆက် အာဇာနည်နေ့ အခမ်းအနားများကို တပ်မတော် အကြီးအကဲများ တက်ရောက် ခဲ့ခြင်းမရှိသည့် အားလျော်စွာ တပ်မတော် ကာ ကွယ်ရေး ဦးစီးချုပ် ဗိုလ်ချုပ် မှူးကြီး မင်းအောင်လှိုင် အနေဖြင့် (၆၉) ကြိမ်မြောက် အာဇာနည်နေ့ အခမ်းအနားကို တက်ရောက်မည့် သတင်းသည် အလေးထား စောင့် ကြည့် ရမည့် ခြေလှမ်း အဖြစ် သုံးသပ်သံများ ဆူညံလျက် ရှိ သည်။ နိုင်ငံရေးသဘောသဘာဝ များ ကဲလွန်းသော ခြေလှမ်းလည်း ဖြစ်ကောင်းဖြစ်နိုင်သည်။

အာဇာနည်နေ့မတိုင်မှီ ဇူလိုင် ၁၅ ရက်တွင် နိုင်ငံတော် ၏ အတိုင်ပင်ခံ ပုဂ္ဂိုလ် ဒေါ်အောင် ဆန်း စုကြည်သည် တပ်မတော် စစ်သမိုင်း ပြတိုက်သို့ သွားရောက် လေ့လာ ခဲ့ပြီး ဒေါ်အောင်ဆန်းစု ကြည်နှင့် ဗိုလ်ချုပ်မှူးကြီးမင်း အောင်လှိုင် အပါအဝင် တပ်မတော် ထိပ်တန်းခေါင်းဆောင်များ၏ ဓာတ်ပုံများသည် လူမှုကွန် ရက်စာမျက်နှာ၌ ပလူပျံခဲ့သည်။

လေ့လာမိသရွေ့ တပ်မတော် အကြီးအကဲများ အနေဖြင့် နိုင်ငံ တော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နှင့် ဆက် ဆံရေးကို ဗျူဟာမြောက် စနစ်တကျ တည်ဆောက် နေသည်ဟု သုံးသပ်နိုင်သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင် ဆန်းစုကြည်အနေဖြင့် တပ်မတော် အကြီးအကဲများနှင့် ဆက်ဆံရေး ကို မည်သို့မည်ပုံ ဖော်ဆောင်နေ သည်နှင့်ပတ်သက်၍ ရှင်းရှင်း လင်းလင်း မမြင်တွေ့ရပေ။

မြန်မာ့ဒီမိုကရေစီ ပြုပြင် ပြောင်းလဲရေးနှင့် ပြည်တွင်းငြိမ်း ချမ်းရေးလုပ်ငန်းစဉ်တွင် အရပ်ဘက်-စစ်ဘက်ဆက်ဆံရေးသည် ဗျူဟာမြောက် အရေးပါသော ညွှန်ကိန်း တစ်ခုပင်ဖြစ်သည်။

နိုင်ငံတော်အတိုင်ပင်ခံပုဂ္ဂိုလ်နှင့် တပ်မတော်ကာကွယ်ရေးဦးစီးချုပ်အကြား အလွတ်သဘော တွေ့ဆုံဆွေးနွေးမှုများသည် အရပ်ဘက်-စစ်ဘက် ဆက်ဆံရေးကို ပိုမိုအားကောင်းမောင်းသန်ရေးကို အထောက်အကူပြုနိုင်ဖွယ်ရှိသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်သည့် အရပ်ဘက်ခေါင်းဆောင် များအနေဖြင့် တပ်မတော်ကာ ကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် စစ်ဘက် ခေါင်းဆောင်များနှင့် အလုပ်သဘော တွေ့ဆုံဆွေးနွေးမှုများကို ဆောလျင်စွာ စတင်နိုင်ရေး ပြင်ဆင်ဆောင် ရွက်နိုင်လေလေ၊
မြန်မာ့နိုင်ငံရေးရှေ့ခရီးတွင် ဖြေရှင်းရမည့်ပြဿနာများ၊ စိန်ခေါ်မှုများ လျော့ပါးလေလေဖြစ်နိုင်သည်။

၂၀၁၆ အာဇာနည်နေ့ အခမ်းအနားကို တပ်မတော်ကာ ကွယ်ရေးဦးစီးချုပ် ဗိုလ်ချုပ်မှူး ကြီးမင်းအောင်လှိုင် တက်ရောက် မည်ဖြစ်သဖြင့် ဒေါ်အောင်ဆန်းစု ကြည်နှင့် ဗိုလ်ချုပ်မှူးကြီးမင်း အောင်လှိုင်အကြား ဆက်ဆံရေး သည် သာလွန်ကောင်းမွန်နေပြီ၊ အရပ်ဘက် - စစ်ဘက်ဆက်ဆံ ရေးသည် ပိုမိုအားကောင်းမောင်း သန်နေပြီဟု သုံးသပ်နိုင်ရန် စော လွန်းဦးမည်ဖြစ်သည်။

နိုင်ငံတော် အတိုင်ပင်ခံပုဂ္ဂိုလ်နှင့် တပ်မတော်ကာကွယ်ရေး ဦးစီးချုပ်တို့ အကြား ဆက်ဆံရေးသည် ဓာတ် ပုံနိုင်ငံရေးတွင် အလွန်အမင်း ကောင်းမွန်နေ သည်မှာ ငြင်း ဆန် မရသော်လည်း နိုင်ငံရေးအနှစ် သာရမြင့်မားသော၊ မူဝါဒနှင့် လမ်းစဉ်တို့အပေါ် အခြေပြုသော ခြေလှမ်းများ၌ နှစ်ဦးနှစ်ဖက်အကြား ပိုမို အားကောင်းမောင်း သန်ရန် အရေးကြီးမည်ဖြစ်သည်။

ဓာတ်ပုံနိုင်ငံရေးတွင် မည်သို့ပင် သာလွန်ကောင်းမွန်နေစေကာမူ အနှစ်သာရ နိုင်ငံရေး၌ အားနည်းနေမည်ဆို လျှင် အချည်းနှီးပင်ဖြစ်သည်။

လက်ငင်း မြန်မာ့အခင်းအကျင်း တွင် အနှစ်သာရမြင့်မားသည့် နိုင်ငံရေးအခင်းအကျင်းသည် ပိုနေမြဲ ကျားနေမြဲခပ်တန်းတန်း ဖြစ်နေသည်မှာ အားမလို အားမရ စရာပင် ဖြစ်သည်။

စစ်တုရင်ပွဲတစ်ပွဲကို ဘေး ကထိုင်ကြည့်နေရသည့်အလား ရံဖန်ရံခါ ခံစားမိသည်။ တပ်မ တော်နှင့် တပ်မတော်အကြီး အကဲများအနေဖြင့် ဆွေးနွေးညှိနှိုင်း သဘောတူ ညီမှုများအပေါ် အခြေပြုလျက် မူဝါဒများကို ပြောင်းလဲ ဖြေလျှော့ကာ နိုင်ငံတော်၏အတိုင်ပင်ခံပုဂ္ဂိုလ်ဘက်ကို ယိမ်းလာမည်လား၊ တပ်မတော်၏ ဗျူဟာမြောက် ထိတွေ့ ဆက်ဆံမှုများ၊ နည်းနာများနှင့်အတူ နိုင်ငံတော် အတိုင်ပင်ခံပုဂ္ဂိုလ်သည် တပ်မတော်၏ ရှိရင်းစွဲဝါဒများ၊ လုပ်ငန်းစဉ်များအပေါ် သာသာထိုးထိုး ရပ်တည် လာမည် လား စောင့်ကြည့်လေ့လာရဦးမည်ဖြစ်သည်။

နိုင်ငံတော် အတိုင်ပင်ခံပုဂ္ဂိုလ်အနေဖြင့် တပ်မတော်ကို နိုင်ငံရေးအရနားချနိုင်ရန် ကျပ်တည်းခဲယဉ်းနေပြီလား၊ အရပ်ဘက်နှင့် စစ်ဘက်အကြား ရှဥ့်လည်းလျှောက်သာ၊ ပျားလည်းစွဲသာထုံးကို ကျင့်သုံးနိုင်ရန် ကျပ်တည်းခဲယဉ်းနေပြီလား မေးခွန်းထုတ်ရမည်ဖြစ်သည်။

တစ်ဖက်တွင် တပ်မတော်သည် ဒေါ်အောင်ဆန်းစုကြည်ကို ထိထိရောက်ရောက်ရှင်းလင်း၊ နားချနိုင်နေပြီလားဆိုသည့် မေးခွန်းကလည်း စိတ်ဝင်စားဖွယ်ရာ ပင်ဖြစ်သည်။ မြန်မာနိုင်ငံ၏ ဒီမိုကရေစီပြုပြင်ပြောင်းလဲရေးတွင်အရပ်ဘက် - စစ်ဘက်ဆက်ဆံရေးသည် သော့ချက်ကျအရေးပါသည့်အပြင် နှစ်ပေါင်းငါးဆယ်ကျော် အရပ်ဘက်အပေါ် လွှမ်းမိုးခြယ်လှယ်လာသည့် စစ်ဘက်ကိုထိန်းညှိနိုင်ရေးသည်လည်း သော့ချက်ကျသော စိန်ခေါ်မှုကြီးပင် ဖြစ်နေသည်။

အချုပ်အားဖြင့်ဆိုသော် မြန်မာ့လူ့အဖွဲ့အစည်းတွင် အရပ်ဘက်-စစ်ဘက်ဆက်ဆံရေးသည် ဒီမိုကရေစီအသွင်ကူးပြောင်းရေး၊ငြိမ်းချမ်းရေး၊ အမျိုးသားရင်ကြားစေ့ရေး၊ ယုံကြည်မှုတည်ဆောက်ရေး၊ တရားဥပဒေစိုးမိုးရေး၊ ဖွံ့ဖြိုးတိုးတက်ရေးတို့နှင့် တိုက်ရိုက်ဆက်စပ်နေသည့် အားလျော်စွာ ဇူလိုင်၁၉ ရက်အလွန် နိုင်ငံရေး အခင်း အကျင်းတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေဖြင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် အပါအဝင် တပ်မတော်အကြီးအကဲများနှင့် အလွတ်သဘော တွေ့ဆုံဆွေးနွေးပွဲများ၊ အလုပ်သဘောတွေ့ ဆုံဆွေးနွေးပွဲများတို့ကို အရှိန်အဟုန်မြှင့်တင် ဖော်ဆောင်သင့်ပါကြောင်း မီးမောင်းထိုး တိုက်တွန်းဆော်သြလိုက်ရပါသည်။

From : 7Day News Journal - By : ဒေါက်တာ ရန်မျိုးသိမ်း

Originally published at - http://www.7daydaily.com/story/70524

Read More »

Wednesday, July 13, 2016

ဝန်ကြီးချုပ် ဦးဖြိုးမင်းသိန်းစကား၊ စောမနေဘူးလား




အခု ရက်ပိုင်း အတွင်း စိတ်ဝင် စားဖို့ အကောင်းဆုံး သတင်း တစ်ပုဒ် ကတော့ ရန်ကုန်တိုင်း ၀န်ကြီးချုပ် ဦးဖြိုးမင်းသိန်းရဲ့ စင်ကာပူနိုင်ငံ ခရီးစဉ် အတွင်း အမျိုးဘာသာ သာသနာ စောင့်ရှောက်ရေး မဘသ အဖွဲ့၊ မလိုအပ် တော့ဘူးလို့ ပြောလိုက်တဲ့ မှတ်ချက် စကားနဲ့ အဲဒီ စကားကို အခြေပြုပြီး ထွက်ပေါ်လာတဲ့ နောက်ဆက်တွဲ ဂယက်တွေ အကြောင်းပါပဲ။

အခုဆိုရင် မဘသ အဖွဲ့ကြီးက အစည်းအဝေး တစ်ခု ကျင်းပပြီး ဦးဖြိုးမင်းသိန်းရဲ့ အဲဒီ ပြောစကားနဲ့ ပတ်သက်ပြီး (၇) ရက်အတွင်း ပြန်ဖြေရှင်းပေးဖို့၊ တကယ်လို့ ပြန်ဖြေရှင်းပေး တာမျိုး မလုပ်ရင် ဆန္ဒပြတာ၊ လက်မှတ်တွေ စုဆောင်းကောက်ခံပြီး တင်ပြတာ စတဲ့ လှုံ့ဆော်မှုတွေ လုပ်မယ်လို့ ကြေငြာချက် ထုတ်ပြန် ထားပြီလည်း ဖြစ်ပါတယ်။

မဘသ အဖွဲ့ကြီးဟာ ဘယ်လို အဖွဲ့မျိုးလဲ၊ ဒီအဖွဲ့ကြီး ဘယ်လို ကြီးထွားလာသလဲ၊ ပေါ်ပေါက်ခဲ့တဲ့ သုံးနှစ်တာကာလ ဘာတွေ လုပ်ခဲ့သလဲ၊ ၀န်ကြီးချုပ် ဦးဖြိုးမင်းသိန်းရဲ့ ပြောစကား မှတ်ချက် အချိန်ကိုက် ဖြစ်ရဲ့လား ဆိုတာ လေ့လာသုံးသပ်ကြည့်ကြရအောင်ပါ။

မဘသ အဖွဲ့ဆိုတာ အမျိုးဘာသာ သာသနာ စောင့်ရှောက်ရေး ဆိုတဲ့ ခေါင်းစဉ်နဲ့ ဖွဲ့စည်းထားတာ ဖြစ်ပြီး ဗုဒ္ဓဘာသာကို ကာကွယ်စောင့်ရှောက်ရေး လုပ်မယ်ဆိုတဲ့ သဘောမျိုး သက်ရောက်ပါတယ်။ မြန်မာနိုင်ငံမှာ အစဉ်အဆက် ရှိခဲ့တဲ့ သံဃာ့အဖွဲ့အစည်း စည်းမျဉ်းတွေအရ မဟန လို့ခေါ်တဲ့ မြန်မာနိုင်ငံ ဂိုဏ်းပေါင်းစုံ သံဃာ့မဟာနာယက အဖွဲ့ကြီးဟာ တစ်ခုတည်းသော သံဃာ့ အဖွဲ့အစည်းကြီး ဖြစ်ပြီး မဟန ကလွဲရင် အခြား သံဃာ့အဖွဲ့အစည်းတွေ ဖွဲ့စည်း တည်ထောင်ခွင့် မရှိပါဘူး။

ဒါပေမယ့် မဘသ အဖွဲ့တည်ထောင်သူတွေက သူတို့ရဲ့ အဖွဲ့အစည်းကို သံဃာ့အဖွဲ့အစည်း အနေနဲ့ တည်ထောင်ထားတာ မဟုတ်ဘူး၊ မဟန ဆရာတော်ကြီးတွေရဲ့ ခွင့်ပြုချက်နဲ့ အတူ ၂၀၀၈ ဖွဲ့စည်းပုံ အခြေခံ ဥပဒေ အရ သံဃာနဲ့ လူတွေ ပေါင်းစပ် ဖွဲ့စည်းတည်ထောင်ထားတဲ့ အသင်းအပင်း အဖွဲ့အစည်းမျိုး ဖြစ်တယ်လို့ ဆိုကြပါတယ်။

တည်ထောင်ခဲ့ပြီးတဲ့ ကာလ တွေကို ပြန်ကြည့်ရင် မဘသ အဖွဲ့ကြီးထဲမှာ တကယ့်ကိုပဲ ဗုဒ္ဓဘာသာ အမျိုးဘာသာ သာသနာ စောင့်ရှောက်လိုသူ သံဃာနဲ့ လူပုဂ္ဂိုလ်တွေ ပါဝင်ကြသလို၊ တစ်ချို့ ဘာသာမတူသူတွေကို ခွဲခြား ဆက်ဆံလိုတဲ့၊ အမုန်းပွားလိုတဲ့၊ ရန်ပြုတိုက်ခိုက်လိုတဲ့ သံဃာနဲ့ လူပုဂ္ဂိုလ်တွေလည်း ပါဝင်တာ တွေ့နိုင်ပါတယ်။

တစ်ချို့သံဃာနဲ့ လူပုဂ္ဂိုလ်တွေကတော့ နောက်ကွယ်မှာ နိုင်ငံရေး ရည်ရွယ်ချက် ရှိသလားလို့ သံသယ ပွားရလောက်အောင် အရင် သမ္မတ ဦးသိန်းစိန်ရဲ့ တည်ဆဲအစိုးရ၊ တည်ဆဲအာဏရ ပါတီကို ထောက်ခံတဲ့ လှုပ်ရှားမှုတွေ၊ ဒေါ်အောင်ဆန်းစုကြည်နဲ့ အင်န်အယ်လ်ဒီ အမျိုးသားဒီမိုကရေစီ အဖွဲ့ချုပ်ကို ဆန့်ကျင်တဲ့ လှုပ်ရှား ပြောဆိုမှုတွေ လုပ်ကြတာကိုလည်း တွေ့မြင်ခဲ့ကြရပါတယ်။

အဓိက ပြသနာ တစ်ခုကတော့ မဘသ ဗဟို အဖွဲ့ကြီးဟာ အောက်ခြေ အဖွဲ့အစည်း အသီးသီးရဲ့ လုပ်ရပ်တွေကို တာဝန်ယူမှု မရှိတာပါပဲ။ အောက်ခြေ မြို့နယ်၊ ပြည်နယ် အဖွဲ့အစည်းတွေကနေ အခြား ဘာသာဝင်တွေ အပေါ် အမုန်းတရားပွားစေတဲ့ ကြေငြာချက်မျိုးထုတ်တာ၊ အမုန်းတရား ပွားစေတဲ့ လှုပ်ရှားမှုမျိုး လုပ်ကိုင်တာတွေနဲ့ ပါတ်သက်ပြီး မဘသ ဗဟိုက သူတို့နဲ့ မသက်ဆိုင်တဲ့ အကြောင်း၊ အောက်ခြေ မဘသ အဖွဲ့တွေရဲ့ သူတို့သဘော သူတို့ဆောင်တဲ့ လုပ်ရှားမှုတွေသာ ဖြစ်ကြောင်း ငြင်းချက်ထုတ်လေ့ရှိပါတယ်။

မဘသ အဖွဲ့ကြီးရဲ့ အဓိက လုပ်ဆောင်ခဲ့ချက်ကို ပြပါ ဆိုရင် မျိုးစောင့်ဥပဒေ (၄) ခု ပြဌာန်းနိုင်ရေး ကြိုးပမ်း အားထုတ်ခဲ့တာပါ။ လွတ်လပ်စွာ ယုံကြည် ကိုးကွယ်ခွင့်နဲ့ လူ့အခွင့် အရေး ဆိုင်ရာ ကိစ္စတွေနဲ့ ပတ်သက်လို့ ပြည်တွင်းမှာရော နိုင်ငံတကာမှာပါ အငြင်းပွားစရာ ဖြစ်တဲ့ အဲဒီ မျိုးစောင့်ဥပဒေတွေ ပြဌာန်းပေးဖို့ ပြည်သူလူထုဆီကနေ လက်မှတ်တွေ စုဆောင်းကောက်ခံပြီး အစိုးရဆီ တင်ပြတောင်းဆိုတဲ့ လှုပ်ရှားမှု လုပ်ခဲ့ပါတယ်။

မျိုးစောင့်ဥပဒေ လေးခု အတည်ပြုနိုင်ခဲ့တဲ့ ဖြစ်စဉ်ကို ပြန်ကြည့်ရင် ဥပဒေတွေ အတည်ပြုပေးဖို့ မဘသ အဖွဲ့ကြီးက သမ္မတ ဦးသိန်းစိန်ဆီ စာရေး တင်ပြ တောင်းဆိုပါတယ်။ သမ္မတ ဦးသိန်းစိန် က ဒါဟာ ဥပဒေ ပြုရေး ကိစ္စ ဖြစ်တယ် ဆိုပြီး လွှတ်တော် နာယက သူရဦးရွှေမန်းဆီ ဆက် ပေးပို့ပါတယ်။

သူရဦးရွှေမန်းအနေနဲ့ ဒီ ဥပဒေမျိုး ပြဌာန်းဖို့ လိုသလား၊ မလိုဘူးလား၊ လိုတယ်ဆိုရင် ဥပဒေ ဘယ်နှစ်ခု ပြဌာန်းမလဲ၊ ဘယ်သူ့ကို ရေးဆွဲခိုင်းမလဲ စတာတွေကို လွှတ်တော်တွင်း ဆွေးနွေးတာမျိုး လုံးဝ မလုပ်ပဲ သူ့တစ်ဦးတည်း သဘောနဲ့ ဥပဒေ လေးခု ရေးဆွဲပေးဖို့ အစိုးရအဖွဲ့ဘက် တိုက်ရိုက် တာဝန် ပြန်ပေးခဲ့ပါတယ်။

အစိုးရဘက်က ရေးဆွဲပေးတဲ့ အဲဒီ ဥပဒေ လေးခုကို ပြည်ခိုင်ဖြိုးနဲ့ တပ်မတော်သား အမတ်တွေ ကြီးစိုးတဲ့ လွှတ်တော်က နည်းနည်းပါးပါး ပြင်ဆင်တာလောက် လုပ်ပြီး အတည်ပြုပေးခဲ့တာ တွေ့နိုင်ပါတယ်။

လွန်ခဲ့တဲ့ ၃-၄ နှစ်တာကာလ သမ္မတ ဦးသိန်းစိန် အစိုးရ လက်ထက်ကို ပြန်ကြည့်ရင် မြန်မာနိုင်ငံထဲမှာ ဘာသာခြားတွေ အပေါ် အမုန်းတရားထားတဲ့ ပြောဆို ပြုမူ လှုပ်ရှားမှုတွေ များပြားလာတာ၊ ဘာသာခြားတွေ အပေါ် အကြမ်းဖက်ဖို့ လှုံ့ဆော်မှုတွေ ပေါ်ပေါက်လာတာ၊ အကြမ်းဖက်မှုတွေ ဖြစ်ပွားခဲ့တာ စတာတွေ တွေ့နိုင်ပါတယ်။ ဒါတွေနဲ့ ပတ်သက်ပြီး မဘသ အဖွဲ့ကြီးမှာ တာဝန်ရှိတယ်လို့ တိုက်ရိုက် မပြောဆိုနိုင်ပေမယ့် မဘသ အဖွဲ့ကြီး ပေါ်ပေါက်လာပြီးမှ ဖြစ်ပေါ်လာတဲ့ ပြသနာတွေလို့ ပြောဆိုမယ် ဆိုရင်တော့ ရနိုင်ပါတယ်။

နောက်ပြသနာ တစ်ခုကတော့ မဘသ ဦးဆောင်ဆရာတော် တစ်ပါး ဖြစ်တဲ့ အရှင်ဝီရသူရဲ့ ပြောဆို ပြုမူပုံတွေပါ။ အရှင်ဝီရသူရဲ့ တရားပွဲတွေမှာ ဟောပြောမှု၊ အင်တာနက် လူမှုကွန်ယက် စာမျက်နှာတွေမှာ ရေးသားမှုတွေကို ကြည့်ရင် ဘာသာခြားတွေအပေါ် အမုန်းတရား ပွားစေတဲ့ ဟောပြောရေးသားမှုတွေ ဖြစ်နေတာ တွေ့ရမယ် ဖြစ်ပါတယ်။

အရှင်ဝီရသူရဲ့ မြန်မာနိုင်ငံဆိုင်ရာ လူ့အခွင့်အရေး အစီရင်ခံစာ တင်သွင်းသူ မစ္စ ယန်ဟီလီ ကို ပြည့်တန်ဆာနဲ့ ခိုင်းနှိုင်း ခေါ်ဝေါ်ခဲ့တဲ့ လုပ်ရပ်ကတော့ ဟိုးလေး တစ်ကြော်ပါပဲ။

ပြောရရင် မဘသ အဖွဲ့အစည်း ပေါ်ပေါက်လာပြီး နောက်ပိုင်း ကမ္ဘာမှာ မြန်မာနိုင်ငံရဲ့ ဗုဒ္ဓဘာသာ ပုံရိပ် ကျဆင်းလာတာကတော့ ငြင်းလို့ မရတဲ့ အချက်ပဲ ဖြစ်ပါတယ်။

ဒါပေမယ့် ဘယ်လိုပဲဖြစ်ဖြစ် ရန်ကုန်တိုင်း ၀န်ကြီးချုပ် ဦးဖြိုးမင်းသိန်း အနေနဲ့ သံဃာနဲ့ လူတွေ အများကြီး ပါဝင်ဖွဲ့စည်းထားတဲ့ မဘသ အဖွဲ့ကြီး မလိုအပ်တော့ဘူး ဆိုတဲ့ စကားမျိုး ပြောဆိုတာကတော့ အချိန်စောလွန်းနေပါသေးတယ်။ မြန်မာနိုင်ငံမှာ အဓိက လိုအပ်နေတာက အမုန်းတရား ဖြန့်ဖြူးနေတာတွေ ရပ်တန့်သွားဖို့၊ အကြမ်းဖက်ဖို့ လှုံ့ဆော်တာတွေ၊ အကြမ်းဖက်တာတွေကို ဥပဒေနဲ့အညီ ထိထိရောက်ရောက် အရေးယူနိုင်ဖို့ လိုအပ်ပါတယ်။

ဒါမှသာ အင်န်အယ်လ်ဒီ အစိုးရအနေနဲ့ တိုင်းပြည်ကို တည်တည်ငြိမ်ငြိမ် စီမံခန့်ခွဲ အုပ်ချုပ်နိုင်မှာဖြစ်ပြီး တိုင်းပြည် စီးပွားဖွံ့ဖြိုးတိုးတက်ရေးကို ကောင်းကောင်းမွန်မွန် အကောင်အထည် ဖော်နိုင်မှာ ဖြစ်ပါတယ်။

တိုင်းပြည်မှာ အမုန်းတရား ဖြန့်ဖြူးနေတာတွေ ရပ်တန့်သွားဖို့၊ ဗုဒ္ဓဘာသာရဲ့ စစ်မှန်တဲ့ တရားတော်တွေ ပျံ့နှံ့ဖို့၊ မတူညီတဲ့ ဘာသာဝင်တွေ တစ်ယောက်နဲ့ တစ်ယောက်ကြား
ငြိမ်းချမ်းတဲ့ ဆက်ဆံရေးတွေ တည်ရှိဖို့ ကိစ္စတွေကို ဗုဒ္ဓဘာသာ ဆရာတော် သံဃာတော်တွေ ဦးဆောင် လှုပ်ရှားပါမှ အောင်မြင်မှု ရနိုင်မှာပါ။

အလားတူ မြန်မာနိုင်ငံ ဗုဒ္ဓဘာသာ ပုံရိပ် မြင့်တက်လာအောင်လည်း ဆရာတော် သံဃာတော်တွေကပဲ ပြန် ဆောင်ကျဉ်းပေးနိုင်ပါတယ်။ ဒီအတွက် ရန်ကုန်တိုင်း ၀န်ကြီးချုပ် ဦးဖြိုးမင်းသိန်းနဲ့ အစိုးရ တာဝန်ရှိသူတွေ လုပ်ကိုင်ဆောင်ရွက်သင့်တာက အဖွဲ့အစည်း တစ်ခုခုကို ထိပ်တိုက် ရင်ဆိုင်ရေး ဆိုတာထက် လုပ်ရပ်တစ်ခုချင်းအပေါ်၊ သံဃာနဲ့ လူပုဂ္ဂိုလ် တစ်ဦးချင်းရဲ့ ပြုမူဆောင်ရွက်ချက်တွေအပေါ် အရေးယူဆောင်ရွက်တာမျိုးက ပိုပြီး သင့်တော်မှာ ဖြစ်ပါကြောင်း သုံးသပ်တင်ပြလိုက်ရပါတယ်။



VOA-Myanmar by - (ဦးစည်သူအောင်မြင့်)

Originally published at - http://burmese.voanews.com/a/news-analysis-sithu-aungmyint-mabatha/3415289.html

Read More »

Thursday, June 30, 2016

မှန်ကန်တဲ့ ဥပဒေတွေ ပြဌာန်းလို့ အကျင့်ဆိုးတွေကို ပြောင်းလဲ ပစ်နိုင်တယ်




မြန်မာစကားမှာ သုံးကြတဲ့ အကျင့် ပါတယ်၊ အထုံ ပါတယ် ဆိုတာ အတွေး အကြံ၊ အပြော အဆို၊ အပြုအမူ တရပ်ကို ထပ်ဖန် တလဲလဲ ပြုပါ ကျူးလွန်ပါ များတဲ့ အခါ မသိစိတ် ထဲအထိ စွဲငြိသွားတဲ့ အဆင့်ကို ရောက်ပြီး အလို အလျောက် တွေးကြံ၊ ပြောဆို၊ ပြုမူနေတော့ တာကို ဆိုလိုကြတာ မဟုတ်လား။ အဲဒါကို အင်္ဂလိပ် စကားမှာတော့ Habit လို့ သုံးနှုန်း ကြပါတယ်။

Have a bit , have a bit and become habit လို့လည်း တချို့က ဆိုကြပါတယ်။ နည်းနည်း နည်းနည်းချင်း လိုက်စားရင်း အကျင့်ဝသီ စရိုက်အဖြစ် ရောက်ရှိ သွားတာပါဘဲ။

စစ်အာဏာရှင်တွေ နှစ်ပေါင်း ၅၀ ကျော် စိတ်တိုင်းကျ ဗိုလ်ကျဖျက်ဆီးခဲ့တဲ့ aခတ်ဆိုး ခေတ်ပျက်ကြီး အောက်မှာ ရှင်သန် ရုန်းကန် ခဲ့ရတဲ့ မြန်မာပြည်သူပြည်သား တွေမှာလည်း အဲဒီ ခေတ်ပျက်ကြီးက ပြဌာန်းလိုက်တဲ့ အကျင့်ဆိုး၊ အထုံစရိုက်ဆိုးများစွာ ကပ်ငြိလို့ မကောင်းတဲ့ အလေ့အထ အထောင်အသောင်းတွေထဲမှာ နစ်မွန်းနေခဲ့ကြရတာ မဟုတ်လား။

အမှိုက်ဆိုလည်း ကြုံရာဖြစ်သလို ပစ်ကြရတယ်။ အမှိုက်ပုံးဆိုတာ နေရာတိုင်းမှာ မရှိ၊ အမှိုက်ကို စည်းမဲ့ကမ်းမဲ့ပစ်ရင် အရေးယူအပြစ်ပေးပြီး ထိန်းကြောင်းပေးမဲ့ ဥပဒေကလည်း
ကောင်းကောင်း မရှိဆိုတော့ လမ်းဘေးဖြစ်ဖြစ်၊ ရေးမြောင်းထဲဖြစ်ဖြစ် ပစ်ကြတာ မဆန်းတော့ဘူး ပေါ့။ ကွမ်းသွေးဆိုလည်း ကြုံသလို ထွေးကျ၊ အိမ်ခွန်လည်း မဆောင်၊ ၀င်ငွေခွန်လည်း မဆောင်၊ မီးရထားတန်ဆာခွန်တောင် မဆောင်ကြတော့ဘူး။ ရှောင်လို့ ရအောင်လည်းခေတ်က ခွင့်ပြုထား တာကိုး။ လာဘ်ပေး လာဘ်ယူတဲ့ နည်းမျိုးစုံနဲ့ မပေးရအောင် လုပ်နိုင်တယ်လေ။ တရားဥပဒေ စိုးမိုးမှု မရှိဘူး မဟုတ်လား။

လမ်းကူးရင်လည်း ဖြစ်သလို ကူးကြရတယ်။ လူကူးတံတား၊ မျဉ်းကျားတွေက လုံလုံ လောက်လောက် မရှိ၊ လူမကူးသင့်တဲ့နေရာတွေမှာ အကာအရံတွေ လုံလုံလောက်လောက် တတ်မထားဘူးဆိုတော့ မီးပွိုင့်မီးနီလည်း ကူး၊ ကိုယ့်အသက်ကို ပဓာနမထားဘဲ ကားတွေကြား စွန့်စွန့်စားစား ကူးကြရတာ မဟုတ်လား။ တခြားသူတွေ တန်းစီနေတာသိလည်း ကြားဖြတ်ဝင်၊ အပင်ပန်းမခံဘဲ လူလည်လုပ်၊ ကလိမ်ကကျစ်နည်းတွေနဲ့ လူပေါ်လူဇော်လုပ်အနိုင်ကျင့်ဗိုလ်ကျ အရှက်မဲ့ မျက်နှာပြောင်တိုက်နည်းတွေ သုံးတဲ့အကျင့်တွေ နေ့တဓူဝ လုပ်လာခဲ့ကြတော့ သမရိုးကျ ကိစ္စတွေလို ဖြစ်လာပြီး အဲဒီအကျင့်ဆိုးတွေ အသွေးထဲအသားထဲ ထိရောက်ပြီး အလင်းတည် လာခဲ့တော့တာပေါ့။

အလုပ်ချိန်ဆိုလည်း နောက်ကျသွားမယ်၊ ပြည်သူပိုင်ပစ္စည်းဆို ရသလောက်ခိုးကြတော့တာ မဟုတ်လား။ အမှုအခင်း ရင်ဆိုင်ရရင်လည်း ဥပဒေကြောင်းအရ မရင်ဆိုင်ကြတော့ဘူး၊
ငွေနဲ့ လိုက်မယ်၊ အဆက်အသွယ်နဲ့ လိုက်မယ်၊ ဒါတွေဟာ အုပ်ချုပ်ပုံစနစ် မမှန်၊ အုပ်ချုပ်သူ မမှန်ခဲ့တော့ ဥပဒေတွေက လျော့ရဲပြီး လူ့အဖွဲ့အစည်းကြီးတရပ်လုံး ယိုယွင်းခြ စားအောင် ခေတ်ဆိုးကြီးက ခွင့်ပြုခဲ့တာကိုး။ တချို့ကတော့ တွေးကောင်းတွေးကြမယ်။ ဒီလောက်တောင် တနိုင်ငံလုံးအတိုင်းအတာနဲ့ စည်းပျက်ကမ်းပျက် ယိုယွင်းပျက်စီးခဲ့တာ
နှစ်ပရိစ္ဆေဒ ကြာညောင်း ခဲ့မှတော့ အဲ့ဒီ ဂျွတ်တက်နေတဲ့အကျင့်ဆိုးတွေ ပြင်လို့ မရနိုင်တော့ဘူးလို့ စိတ်ပျက်ကောင်း ပျက်ကြမယ်။ စိတ်မပျက်ပါနဲ့၊ ပျက်အစဉ် ပြင်ခဏဆိုတဲ့စကား ရှိပါတယ်။

ဒီနေရာမှာ ကြားဖြတ်ပြီး စင်ကာပူနိုင်ငံဟာ ကမ္ဘာ့ထိပ်တန်း အသန့်ရှင်းဆုံး တိုင်းပြည်တွေ ထဲ ပါဝင်လာဖြစ်လာအောင် ဘယ်လို လုပ်ဆောင်ခဲ့သလဲ ဆိုတာ အကျဉ်းချုံး ပြောချင် ပါတယ်။ ၁၉၆၅ ခုနှစ်မှာ မလေးရှားနိုင်ငံက ခွဲထွက်ခဲ့စမှာ သယံဇာတဆိုတာ ဘာမှ မယ်မယ်ရရမရှိတဲ့ ရွှံ့တောညွှံတောသာသာရှိတဲ့နိုင်ငံသာဖြစ်တယ်။

နေထိုင်သူအများစုကလည်း တရုတ်ပြည်၊ အိန္ဒိယ ပြည်ကနေ ရေခြားမြေခြားကို စွန့်စားထွက်ခွာလာကြတဲ့ ရွှေ့ပြောင်းလုပ်သားတွေနဲ့ ဒေသခံ မလေးရှားလူမျိုးတွေဆိုတော့ ပညာတတ်သူ အလွန်နည်းပါးပြီး ဆင်းရဲကြတယ်။ လူမျိုးရေး ပဋိပက္ခတွေ ဖြစ်၊ ရာဇ၀တ်သားလူဆိုးဂိုဏ်းတွေ အလွန်ပေါပြီး ရိုက်ကျနှက်ကျ၊ သတ်ကျဖြတ်ကျနဲ့ တရားဥပဒေစိုးမိုးမှု မရှိဘူး။ ဥပဒေတွေက လျော့ရဲတော့ လူတွေကလည်း စည်းကမ်းမရှိဘူး။ လက်ရှိ မြန်မာနိုင်ငံ ရောက်ရှိနေတဲ့အခြေအနေနဲ့ တချို့အပိုင်းတွေမှာ တော်တော်ဆင်တူတယ်။

အဲဒီမှာ စင်ကာပူကံကောင်းတာက လီကွမ်ယုဆိုတဲ့ခေါင်းဆောင်ကို ရလိုက်တာပါ။ အမျှော်အမြင်ရှိပြီး အရည်အချင်းပါရှိတဲ့လီကွမ်ယုဟာ မနီးမဝေးက အောင်မြင်စပြုနေတဲ့ အိမ်နီးချင်းနိုင်ငံတွေကို လေ့လာရင်း မြန်မာနိုင်ငံကို အားကျခဲ့သတဲ့။ အဲဒီအချိန်တုန်းက ရန်ကုန်မြို့တော်ဟာ အတော်သန့်ရှင်းတယ်ဆိုဘဲ။ ကမ်းနားလမ်းတို့၊ ဆူးလေဘုရားလမ်းတို့ ဗိုလ်ချုပ်အောင်ဆန်းလမ်းဆိုတာတွေဟာ ကောင်းမွန်တဲ့ အမှိုက်သိမ်းတဲ့စနစ်တွေ၊ ရေဖျန်းတဲ့ စနစ်တွေနဲ့ အခုခေတ် စင်ကာပူက Orchard အော့ချာဒ်လမ်းမကြီးလို နေမှာပေါ့၊ အလွန် သန့်ရှင်းလှပတယ်လို့ ဖတ်ခဲ့ဖူးတယ်။

ဒီတော့ လီကွမ်ယုက ၁၉၆၈ ခုနှစ် အောက်တိုဘာလ ၁ ရက်နေ့ မှာ ပထမဆုံး “Keep Singapore Clean” စင်ကာပူကို သန့်ရှင်းစို့ဆိုတဲ့ စီမံချက်နဲ့ လူထုကို ပညာပေးရေး အစီအမံနဲ့ တကွ အမှိုက်ပုံးတွေ နေရာချ၊ အမှိုက်သိမ်းစနစ်တွေ ထူထောင်ပြီး အင်တိုက်အားတိုက် စတင်ဆောင်ရွက်ခဲ့သတဲ့။ ၁၉၆၉ ခုနှစ် ဇန်န၀ါရီ ၂ ရက်နေ့မှာ ပတ်ဝန်းကျင်ဆိုင်ရာ ပြည်သူ့ကျန်းမာရေးဥပဒေ (Environmental Public Health Act) ကိုပြဌာန်းခဲ့တယ်။

အဲဒီဥပဒေထဲမှာ စည်းမဲ့ကမ်းမဲ့ အမှိုက်ပစ်တာကို ငွေဒဏ်ချမှတ်ပြီး အပြစ်ပေးတဲ့ ဥပဒေတရပ်လည်း ပါဝင်တယ်။ အများပိုင်နေရာတွေမှာ စည်းကမ်းမဲ့ အမှိုက်စွန့်ပစ်တဲ့သူတွေကို ပထမအကြိမ်ဆိုရင်ဒေါ်လာ ၅၀၀ နဲ့ ထပ်ကျူးလွန်ရင် ဒေါ်လာ ၂၀၀၀ ထိ ငွေဒဏ်ချနိုင်တယ်။

ဒါပေမဲ့ အကျင့်မဖျောက်နိုင်သူတချို့က ဆောင်ရမဲ့ဒဏ်ကြေးကနည်းတာကြောင့် ဥပဒေကို မထေမဲ့မြင်ပြုပြီး အမှိုက်ဆက်ပစ်နေတာတွေ တွေ့လာရတော့ လူရှေ့သူရှေ့ အမှိုက်ကောက်ရတဲ့ အပြစ်ဒဏ် Corrective Work Order နဲ့ ပိုမိုပြင်းထန်တဲ့ငွေဒဏ်တွေ ထပ်ဖြည့်ခဲ့ရတယ်။ အခု နောက်ဆုံး အမှိုက်ပစ်ငွေဒဏ်က ပေါ့တော့တော့ မဟုတ်ပါဘူး ပထမအကြိမ်ပစ်သူကို စင်ကာပူ ဒေါ်လာ ၂၀၀၀၊ ဒုတိယအကြိမ်ပစ်သူကိုဒေါ်လာ ၄၀၀၀၊ တတိယအကြိမ်နဲ့အထက်ဆိုရင် ဒေါ်လာ ၁၀,၀၀၀ ထိ ချမှတ်နိုင်ပါတယ်။

စင်ကာပူမှာ စံချိန်တင်ခဲ့တဲ့ အမှိုက်ပစ်ငွေဒဏ်ကတော့ ပြီးခဲ့တဲ့နှစ် ဇန်န၀ါရီလတုန်းက ဖြစ်ပွားခဲ့ပါတယ်။ အမျိုးသားတယောက်ဟာ သူနေထိုင်တဲ့ တိုက်အပေါ်ထပ်ကနေ အောက်ကို သောက်ပြီးသား စီးကရက်အတိုတွေအကြိမ် ၃၀ ကျော် တောက်ထုတ်လွှင့်ပစ်ခဲ့တာကို စောင့်ကြည့် ကင်မရာမှာ လက်ပူးလက်ကြပ်မိတာမို့ ဒဏ်ကြေးငွေ စင်ကာပူဒေါ်လာ ၁၉,၈၀၀ တိတိပေးဆောင် ခဲ့ရပါတယ်။

စင်ကာပူမှာ တံတွေးကို တွေ့ကရာထွေးရင်လည်း ဒဏ်ငွေ ဒေါ်လာ ၁၀၀၀၊ ခိုစာကျွေးရင် ဒေါ်လာ ၅၀၀၊ အများပိုင်လမ်းကို ပိတ်ဆို့ အောင် လေတံခွန်လွှတ်တမ်းကစားရင် ဒေါ်လာ ၅၀၀၀၊ စည်းကမ်းမဲ့ လမ်းဖြတ်ကူးရင်လည်း ဒေါ်လာ ၁၀၀၀ အပြင် ထောင်ဒဏ် ၃ လထိ ကျခံရ နိုင်ပါတယ်။ ကျွန်းနိုင်ငံလေးဆိုတော့ စည်းကမ်းဥပဒေတွေ ပိုတင်းကျပ်ရာပေါ့။ မဟုတ်ရင် ချက်ချင်း ညစ်ပတ်နံစော်သွားမှာ မဟုတ်လား။

ကဲအခု မြန်မာနိုင်ငံဖက် ပြန်ကြည့်လိုက်ရအောင်။ ပြောင်းလဲချိန်တန်ပြီဆိုတဲ့ ဆောင်ပုဒ်နဲ့ အတူ ပြည်သူ အများစုမဲဆန္ဒတွေနဲ့ ရွေးကောက်ခံခဲ့ရလို့ ပြီးခဲ့တဲ့ဧပြီလက နိုင်ငံတော်အာဏာ လွှဲပြောင်းယူခဲ့တဲ့ အမျိုးသားဒီမိုကရေစီအဖွဲ့ချုပ်အစိုးရကတော့ အစိုးရဖြစ်ဖြစ်ခြင်း ဒေါ်အောင်ဆန်းစုကြည် ရဲ့ ဦးဆောင်မှုနဲ့ လွှတ်တော်အမတ်တွေနဲ့ ပါတီဝင်တွေကို အမှိုက်ကောက်ခိုင်းခြင်းနဲ့ ညစ်ပတ်နေတဲ့နိုင်ငံတော်ကြီး သန့်ရှင်းရေးစီမံချက်ကို စတင်ခဲ့တာ လူတိုင်းသိပြီးသားပါ။

ပြီးခဲ့တဲ့လတုန်းကလည်း စည်းမဲ့ကမ်းမဲ့ အမှိုက်မပစ်ဖို့၊ ကွမ်းတံတွေး မထွေးဖို့၊ လမ်းပိတ် မကစားဖို့နဲ့ ဈေးမရောင်းဖို့ စတဲ့တားမြစ်ချက်တွေ၊ ဥပဒေတွေကို ပြစ်ဒဏ်တွေနဲ့ အစိုးရသစ်က ထုတ်ပြန်ခဲ့ပါတယ်။

ပြည်သူတချို့ကလည်း ၀င်ရောက်ပူးပေါင်းလာကြပြီး ကွမ်းတံတွေး စနစ်တကျထွေးဖို့ ပညာပေးလုပ်ငန်းတွေ တနိုင်တပိုင်လုပ်ဆောင်လာကြတာဟာ ၀မ်းမြောက်စရာ ကောင်း ပါတယ်။ ဥပဒေ၊ တားမြစ်ချက်တွေ တဖက်ကထုတ်ပြန်ရင်း အခြားတဖက်မှာ ပြည်သူလူထု လိုက်နာနိုင်အောင်၊ စည်းကမ်းတကျနေနိုင်အောင် လိုအပ်တဲ့အခြေခံ လိုအပ်ချက်
တွေဖြစ်တဲ့ အမှိုက်ပုံးတွေ လိုအပ်တဲ့နေရာမှာ လုံလုံလောက်လောက် ရှိနေဖို့၊ အမှိုက်ပုံးတွေကိုလည်း ပုံမှန် သိမ်းတဲ့စနစ်တွေ၊ မှန်ကန်တဲ့ အမှိုက်စွန့်ပစ်တဲ့စနစ်တွေ၊ ဒီအတွက် လိုအပ်တဲ့စက်ပစ္စည်းကရိယာ၊ အခြေခံ အဆောက်အအုံတွေ တည်ဆောက်ရမှာပါ။

နိုင်ငံတနိုင်ငံဖြစ်ဖြစ်၊ ပါတီတရပ် အဖွဲ့အစည်းတရပ်ဖြစ်ဖြစ်၊ လူပုဂ္ဂိုလ်တဦးချင်းစီအတွက် ဖြစ်ဖြစ် မှန်ကန်တဲ့ တရားဥပဒေ၊ စည်းမျဉ်းစည်းကမ်းတွေဆိုတာ မရှိမဖြစ် အလွန်အရေးကြီး ပါတယ်။ အထူးသဖြင့် မြန်မာနိုင်ငံလို ရုပ်ပိုင်းစိတ်ပိုင်း အဖက်ဖက်က ချွတ်ခြုံကျနေတဲ့ တိုင်းပြည် အတွက်ဆို ပိုလို့ အရေးကြီးပါတယ်။ တရားဥပဒေဟာ လူတွေရဲ့ အသိတရားနဲ့
နှလုံးသားကို ပြောင်းလဲမပေးနိုင်ပေမယ့် အကျင့်ဆိုး၊ စရိုက်ဆိုး၊ အလေ့အထဆိုးတွေကို ဖျောက်ဖျက်ပြုပြင် ပေးနိုင်စွမ်းရှိပါတယ်။

ဥပဒေပြဌာန်းတယ်ဆိုတာ ပြောင်းလဲနေတဲ့ အခြေအနေတွေနဲ့အညီ အတင်းအလျှော့ လုပ်သင့်ရင် လုပ်၊ ပြင်ဆင်သင့်ရင် ပြင်ဆင်ဖို့လည်း လိုတယ်။ ချမ်းသာကြွယ်ဝပေမဲ့ စည်းပျက် ကမ်းပျက် နေလိုသူတွေ ငွေဒဏ်ဆောင်နိုင်လို့ အမှိုက်ပစ်ချင်သလို မပစ်နိုင်အောင် ထောင်ဒဏ် ထည့်သင့်ရင်ထည့်ဖို့ လိုတယ်။

အချုပ်အားဖြင့်ဆိုရရင်တော့ ဆောင်းပါးအထက်ပိုင်းမှာ ရေးပြခဲ့တဲ့ အတိုင်း စင်ကာပူနိုင်ငံ တည်ထောင်စကလို သူ့နိုင်ငံသားတွေကို စည်းကမ်းရှိရှိ နိုင်ငံကြီးသားတွေ လို နေတတ်လာအောင် အလေ့အထကောင်းတွေ ထူထောင်ပေးရာမှာ သင့်တော်တဲ့ ဥပဒေတွေ ပြဌာန်းလို့ ဆောင်ရွက်ခဲ့အတိုင်း မြန်မာနိုင်ငံတော်သစ် တည်ထောင်ခန်းမှာ လိုအပ်တဲ့ဥပဒေတွေ ပြဌာန်းလို့ စစ်အာဏာရှင်စနစ်ဆိုးက စွဲကပ်လာတဲ့ အကျင့်ဆိုးတွေ ဖျောက်ဖျက်ချိန် ရောက်လာပြီ မို့ အပြောင်းအလဲနဲ့အတူ လိုက်ပါကြဖို့ လေးလေးနက်နက် တိုက်တွန်းလိုက်ပါတယ်။

မင်းကောင်းချစ်

ဇွန်လ ၂ ရက်နေ့ ၂၀၁၆ ခုနှစ်

Originally published at - =source=

Read More »

Wednesday, June 29, 2016

အစိုးရနှင့် ရက်ပေါင်း ၁ဝဝ




အန်အယ်လ်ဒီ အစိုးရ ဖွဲပြီး သည်နှင့် နိုင်ငံတော်၏ အတိုင်ပင်ခံ ပုဂ္ဂိုလ် အဖြစ် လွှတ်တော်က မဲအများ စုဖြင့် အတည်ပြု လိုက်သော ဒေါ်အောင်ဆန်း စုကြည်သည် အန်အယ်လ်ဒီ အစိုးရ ရက်ပေါင်း ၁ဝဝ စီမံကိန်းကို ကြေညာ ခဲ့လေတော့သည်။

ဒေါ်အောင်ဆန်းစုကြည်သည် ယခင် စစ်တစ်ပိုင်း အစိုးရနှင့် စစ်တပ် တို့က ၅၉(စ) ကို ပြင်ဆင် မပေးသောကြောင့် သမ္မတ မဖြစ်ခဲ့ ရရှာပေ။ သို့သော် သမ္မတ မဖြစ်လည်း သမ္မတ အထက်တွင် ရှိသော ရာထူးကို ယူမည်ဆိုကာ ယခုလို နိုင်ငံတော်၏ အတိုင်ပင်ခံ ပုဂ္ဂိုလ် တာဝန်ကို ယူလိုက်ခြင်း ဖြစ်သည်။

စစ်တပ် ကိုယ်စားလှယ်နှင့် ပြည်ခိုင်ဖြိုး ပါတီက ထိုလုပ်ရပ် အပေါ် သဘော မတွေ့ကြပေ။ စစ်တပ် ကိုယ်စားလှယ် ၂၅ ရာခိုင်နှုန်းကလည်း အပြင်း အထန် ကန့်ကွက် ကြသည်။

သို့သော် ပြည်ခိုင်ဖြိုး လွှမ်းမိုးစဉ် ကလည်း သူတုိ့ တင်သမျှ သူတို့သာ ထောက်ခံ သလို ယခုလည်း လူထုက လွှတ်တော် ကိုယ်စားလှယ် အများ တကာ့ အများစု တင်မြှောက်ပေး လိုက်သောကြောင့် လွှတ်တော် ထဲတွင် အန်အယ်လ်ဒီ ကလည်း အကျိုးရှိ သည်ဟု ထင်သမျှကို ထောက်ခံမဲ အသာဖြင့် လုပ်ဆောင် ကြပေတော့သည်။

၂ဝဝ၈ ဖွဲ့စည်းပုံပြင်ဆင်ရေးကို စစ်တပ်က လက်မခံသောကြောင့် အန်အယ်လ်ဒီ အဖို့ ကြံတိုင်းမမြောက် ဆောင်တိုင်းမရောက်ခဲ့တော့ပေ။ ဒေါ်အောင်ဆန်းစုကြည်အနေဖြင့် အစိုးရအဖွဲ့ စဖွဲ့စဉ်က ဝန်ကြီးဌာန ၄ ခုကို တစ်ယောက်တည်း ယူခဲ့သော်လည်း နိုင်ငံတော် အတိုင်ပင်ခံပုဂ္ဂိုလ် ရာထူးကို တာဝန်ယူပြီး သည့်နောက် ဝန်ကြီးဌာန ၂ခုကို လက်လွှတ်ကာ နိုင်ငံခြားရေး ဝန်ကြီးနှင့် သမ္မတအကြံပေး ဝန်ကြီး ၂ နေရာကိုသာ တာဝန်ယူ ခဲ့လေတော့သည်။

အန်အယ်လ်ဒီ အစိုးရ ဖြစ်လာပြီး ပထမဆုံးစမ်းသပ်ချက်အဖြစ် ရက် ၁ဝဝ စီ မံကိန်းကို အစပျိုးခဲ့၏။ ပြည်ထောင်စုအစိုးရ ရော ပြည်နယ်အစိုးရပါ ရက် ၁ဝဝ အတွင်း တိုင်းပြည်အတွက် ဘယ်ရွေ့ဘယ်မျှ လုပ်ဆောင်နိုင် မည်။ မိမိတို့၏ ပြည်နယ်တိုင်းဒေသကြီးအတွက် ဘယ်ရွေ့ဘယ်မျှ လုပ်ဆောင်နိုင်မည်ကို မိမိတို့ဘာသာ သုံးသပ်ပြီး ရက် ၁ဝဝ စီမံကိန်းချမှတ်လိုက်ခြင်းဖြစ်၏။

အမျိုးသားရင်ကြား စေ့ရေး ကြွေးကြော်သံဖြင့် အန်အယ်လ်ဒီ သည် ဘယ်လောက်ရင်ကြားစေ့နိုင်မလဲဆိုသည်ကို သူ့ရက် ၁ဝဝ ကာလအတွင်း စောင့်ကြည့်ကြရပေလိမ့်မည်။

ငြိမ်းချမ်းရေး၊ ဖက်ဒရယ်ပြည်ထောင်စု တည်ဆောက်ရေး စသည် တို့မှာလည်း အန်အယ်လ်ဒီ ၏ ရည်မှန်းချက်အဖြစ်သတ်မှတ်ခဲ့သလို ဦးစားပေးလုပ်ငန်းများလည်း ဖြစ်နေပေမည်။

ထို့အတူ ရွေးကောက်ပွဲတွင် ဒီမိုကရေစီရေးအလံကို ထူခဲ့သောကြောင့်လည်း ဒီမိုကရေစီရည်မှန်းချက် မည်မျှ ဆောင်ရွက်နိုင်မလဲဆိုသည်မှာလည်း ပထမရက် ၁ဝဝ ကာလကို
စောင့်ကြည့်ရပေလိမ့်မည်။

ယခုလော လောလောဆယ်ရှေ့တန်း အရောက်ဆုံးလုပ်ငန်းမှာ ၂၁ရာစု ပင်လုံပင်ဖြစ်ပေသည်။ ဇူလိုင်လတွင် ၂၁ ရာစုပင် လုံညီလာခံကို ခေါ်မည်ဆိုသောကြောင့် ယခုကတည်းက အပစ်အခတ်ရပ်စဲရေးစာချုပ် လက်မှတ်ရေးထိုးထား သည့် တိုင်းရင်းသားလက်နက်ကိုင်အဖွဲ့ ၈ ဖွဲ့နှင့်ဆွေးနွေးသည့် ကော်မတီကတခု အပစ်အခတ် မရပ်စဲသော တိုင်းရင်းသား လက်နက်ကိုင်အဖွဲ့ UNFC တွင် ပါဝင်သော လက်နက်ကိုင်အဖွဲ့နှင့် ဆွေးနွေးသည့် ကော်မတီကတစ်ဖွဲ့ဖြင့် တက်တက်ကြွကြွ ဆောင်ရွက်နေကြပေသည်။

သို့သော် ငြိမ်းချမ်းရေးညီလာခံကြီး တခုခေါ်ဆိုဖို့ ခေါ်ကတည်းက စနစ်ကျသော အစီအစဉ်များ၊ စီမံကိန်းများ ရှိဖို့လို၏။ ရင်ဆိုင်နိုင်လောက်သော ပြဿနာများကို ဖြေရှင်းဖို့ အဖြေကို တခါတည်း အဖြေပေးဖို့ လိုပါသည်။ ဥပမာ အပစ်အခတ်မရပ်စဲ သော အဖွဲ့များတွင်ရှိသည့် တအာန်းအဖွဲ့၊ ကိုးကန့်အဖွဲ့နှင့် AA ရခိုင်အဖွဲ့တို့ကို သွားရောက်ဆွေးနွေးသည့် ဒေါက်တာ တင်မျိုးအေး ဦးဆောင်သည့်အဖွဲ့က သူတို့ တင်လာသည့် ပြဿနာ မေးခွန်းများကို အဖြေပေးနိုင်ရမည်။

ဆိုပါစို့ တပ်မတော်က ဗိုလ်ချုပ်မှူးကြီးမင်းအောင်လှိုင်ကိုယ်တိုင် ထိုအဖွဲ့ ၃ ဖွဲ့နှင့် အပစ်အခတ်မရပ် စဲနိုင်။ သူတို့ လက်နက်ကို စွန့်မှသာလျှင် အပစ်အခတ်ရပ်စဲရေးကို လုပ်မည်ဟုဆိုထားသောကြောင့် ထိုအဖွဲ့ များနှင့် ယခုတိုင် တိုက်ပွဲများ ဖြစ်ပွားနေစဲကာလဖြစ်သောကြောင့် သူတို့ကလည်း ၂၁ရာစုပင်လုံထဲ ပါဝင်ဖို့ တင်ပြလာမည်ဖြစ်သလို သူတို့ကို ပါဝင်ရေး မပါဝင်ရေးအတွက် ကော်မတီက တပ်မတော်၏ သဘောထားကို ဘယ်ရွေ့ဘယ်မျှ ရယူနိုင်သလဲဆိုသည်မှာ အရေးကြီးပါသည်။

တပ်မတော်က လက်မခံဘဲ အပစ်အခတ်ရပ်စဲရေးကို မည်သို့မျှ ဖန်တီးနိုင်မည်မဟုတ်ပေ။ အပစ်အခတ်ရပ်စဲရေးတွင် တပ်မတော်သည် အခရာအကျဆုံး ဖြစ်၏။ ယခု ချင်းမိုင်တွင် NCA စာချုပ်ထဲမပါသော တိုင်းရင်းသားလက်နက်ကိုင်အဖွဲ့များ နှင့် သွားရောက်ဆွေးနွေးသောအခါတွင် ထိုပြဿနာဖြစ်လာသည်။

ဆွေးနွေးရာတွင် ကော်မတီက အထက် ကို တင်ပြပါမည်ဟူ၍ တပ်ခေါက်လာရပုံရပါသည်။ ထိုကဲ့သို့ ဆွေးနွေးတိုင်း တိကျခိုင်မာသည့် အဖြေများ မပေးနိုင်ဘဲ အထက်ကို မေးမြန်း ပါရစေ။ အထက်ကို တင်ပြပါရစေဆိုသည်လောက်နှင့် ဘယ်လိုမျှ ပြီး မြောက်နိုင်မည် မဟုတ်ပေ။

အစိုးရအဖွဲ့သစ်၏ ထူးခြားသော အပြောင်းအလဲဆိုလျှင် အစပိုင်းက နိုင်ငံရေးအကျဉ်းသား အားလုံး ကို မဟုတ်ပဲ ကျောင်းသားများနှင့် တချို့နိုင်ငံရေးအကျဉ်းသားများကို လွှတ်ပေးခြင်းသာ ပြောစရာ ရှိသော်လည်း နောက်ထပ်နိုင်ငံရေးအကျဉ်းသား လွှတ်ပေးခြင်းများ ရပ်တန့်လျှက်ရှိသည်မှာ မေးစရာမေးခွန်းများဖြစ်လာ၏။

ဒီမိုကရေစီအစိုးရအဖွဲ့တွင် နိုင်ငံရေးအကျဉ်းသားရှိနေခြင်းကပင် ရှက်စရာဖြစ်နေ၏။ ဒီမိုကရေစီ အစိုးရအနေဖြင့် နိုင်ငံရေးအကျဉ်းသားဆိုသော ဝေါဟာရကို အသုံးပြုမလား မပြုဘူးလား။ နိုင်ငံရေးအကျဉ်းသား ရှိသလား မရှိဘူးလား ဆိုသည်ကို ယခု ထက်တိုင် အဖြေမပေးနိုင်ခြင်းကလည်း ပြည်တွင်းရော ပြည်ပကပါ မေးစရာမေးခွန်း ဖြစ်လာပါ သည်။

ယခုလည်း ထပ်မေးရမည်ဆိုလျှင်…
(၁) ဆယ်စုနှစ်ပေါင်း ၃စုနီးပါး ဒီမိုကရေစီ ရရှိရေးအတွက် အဖမ်းခံထောင်ချခံ၊ အသက်ခံကာ ယခုတက် လာသည့် အန်အယ်လ်ဒီ အစိုးရအနေဖြင့် ထောင်ထဲတွင် ယခင်စစ်တပိုင်းအစိုးရ ဖမ်းဆီးထားခဲ့သော ဒီမိုကရေစီရေး လှုပ်ရှားတက်ကြွသူ နိုင်ငံရေးအကျဉ်းသားအားလုံးကို ဘာကြောင့် လွှတ်မပေးနိုင်ရသလဲ။

(၂) ဒီမိုကရေစီအစိုးရဟု အမှန်တကယ်လည်း လှုပ်ရှားခဲ့ ကြွေးကြော်ခဲ့သော အန်အယ်လ်ဒီ အစိုးရအနေဖြင့် နိုင်ငံရေးအကျဉ်းသားဆိုသည့် Political Prisoner ဘဲဖြစ်ဖြစ်၊ Prisoner of Conscience ဘဲဖြစ်ဖြစ် ထိုဝေါ ဟာရ ထိုအသုံးအနှုန်းကို လက်ခံပါသလား ငြင်းပယ်ပါသလား။

(၃) ဒီမိုကရေစီအစိုးရစစ်စစ် အနေဖြင့် စာနယ်ဇင်းလွတ်လပ်ခွင့်၊ စာပေလွတ်လပ်ခွင့်ကို ချွင်းချက်မဲ့ လက်ခံသည် ကျင့်သုံးသည်ဆိုလျှင် မန္တလေးတွင်ဖြစ်ပွားသော အမှုအတွက် BBC သတင်းထောက် ကို ဘာကြောင့် ထောင်ဒဏ် ၃ လ ချမှတ်လိုက်ရသလဲ။ စသည့်မေးခွန်းများကို ရိုးရိုးသားသား ဖြေဖို့ လိုပေလိမ့်မည်။

အမျိုးသားရင်ကြားစေ့ရေးသည် အရေးကြီးသည်မှာ မှန်၏။ သို့သော် အမျိုးသားရင်ကြား စေ့ရေးကို ဆောင်ရွက်ရာတွင် တစ်နိ်ုင်ငံလုံးနှင့် ရင်ကြားစေ့နိုင်ဖို့ လိုပါသည်။

တိုင်းရင်းသားလက်နက်ကိုင် များနှင့်ရော လက်နက်မကိုင်သော နိုင်ငံရေးပါတီ အဖွဲ့အစည်းများနှင့်ရော ရင်ကြားစေ့နိုင်ဖို့လို၏။ ထိုသို့ ရင်ကြားစေ့ရာတွင် စစ်တပ်နှင့်သာ မဟုတ် ပြည်ခိုင်ဖြိုး ပါတီ တစ်ပါတီ တည်းနှင့်သာ မဟုတ် နိုင်ငံရေး ပါတီအားလုံး မိမိ အစိုးရကို ဆန့်ကျင်သော မည့်သည့်ပါတီ၊ အဖွဲ့အစည်းနှင့်မဆို တွေ့ဆုံ နိုင်ဖို့ ရင်ကြားစေ့နိုင်ဖို့ လို၏။

ယခု ၂၁ရာစု ပင်လုံညီလာခံတွင် ဒီမိုကရေစီတိုက်ပွဲကြီးတွင် ဦးစီး ဦးဆောင်ခဲ့သော အစွန့်လွှတ်ဆုံး အနစ်နာခံဆုံးဖြစ်သော ၈၈ မျိုးဆက်၊ ငြိမ်းချမ်းရေးနှင့် ပွင့်လင်း အဖွဲ့အစည်းကို ချန်လှပ်ထားခဲ့ခြင်း၊ အမတ်တစ်နေရာမှ မရသော နိုင်ငံရေး ပါတီအားလုံးကို ချန်လှပ် ထားခဲ့ခြင်းတို့မှာ အမြင်ကျဉ်းရာလည်းဖြစ် အားလုံးနှင့် ရင်ကြားစေ့ရေးကို ဆန့်ကျင်ရာ လည်း ဖြစ်နေပေသည်။

ထို့ကြောင့် အန်အယ်လ်ဒီအစိုးရ၏ အစပိုင်းလှုပ်ရှား ဆောင်ရွက်မှုများ သည် ဒီမိုကရေစီလမ်းကြောင်းပေါ် ဘယ်ရွေ့ဘယ်မျှ လျှောက်လှမ်းနေသည် ဘယ်အခြေ အနေကို ရောက်နေ သည်ဆိုသည်မှာ မိမိတို့သာ အသိဆုံးဖြစ်၍ အခြေအနေမှန်ကို မညှာမတာ ဝေဖန်သုံး သပ်ပြီး လမ်းမှားနေပါက လမ်းမှန်ရောက်အောင် နောက်ကျနေက ရှေ့တန်းကို ရောက်အောင်
ဆောင်ရွက်သင့် ပါတော့သည်။

ထက်မြက်

by ဒီဗွီဘီ

Originally published at - http://burmese.dvb.no/archives/156872

Read More »

Tuesday, June 14, 2016

မြစ်ဆုံဆည် ပြန်စခြင်းက ဒေါ်အောင်ဆန်းစုကြည်ကို ကျရှုံးစေလိမ့်မည်


မြစ်ဆုံဆည် စီမံကိန်း အပေါ် ကာတွန်း ဆရာ၏ သရုပ်ဖော်ချက် (သရုပ်ဖော် – ဆွေသား)

ဇွန်လ ၄ ရက်နေ့က ကချင် ပြည်နယ်၏ မြို့တော် မြစ်ကြီးနားတွင် ဒေသခံ ၄၀ ခန့်က Palm Spring Resort ၏ ရှေ့တွင် ဆန္ဒပြပွဲ တခု ပြုလုပ် ခဲ့ကြသည်။ သူတို့က ကချင် ပြည်နယ်တွင် တရုတ်နိုင်ငံ၏ ငွေကြေးဖြင့် တည်ဆောက် နေသော မြစ်ဆုံ ဆည်နှင့် ရေအား လျှပ်စစ် စီမံကိန်းကို ရပ်ဆိုင်း ပေးရန် တောင်းဆို ခဲ့ကြသည်။

ဟိုတယ်တွင် မြန်မာနိုင်ငံဆိုင်ရာ တရုတ်သံအမတ် Hong Liang၊ မြစ်ဆုံ စီမံကိန်းတွင် တရုတ်ဘက်မှ ရင်းနှီးမြှုပ်နှံသူဖြစ်သည့် China Power Investment (CPI) နှင့် ကချင်ပြည်နယ် ဒီမိုကရေစီ ပါတီ (KSDP) ဥက္ကဌ ဒေါက်တာတူးဂျာတို့ အစည်းအဝေးတခု ပြုလုပ်နေသည်။

သူတို့က လျှပ်စစ်ဓာတ်အား ၆၀၀၀ မီဂါဝပ် ထုတ်လုပ်ပေးမည့် အမေရိကန်ဒေါ်လာ ၃.၆ ဘီလီယံတန် မြစ်ဆုံဆည် စီမံကိန်းကို ပြန်လည် စတင်ရန် ဆွေးနွေး ခဲ့ကြသည်။
ပြန်လည် စတင်နိုင်ရေး အတွက်လည်း တရုတ်နိုင်ငံက အထူး ကြိုးစားနေသည်။

ဆန္ဒပြပွဲက တိုတောင်းပြီး သေးငယ်သော်လည်း မြန်မာပြည်သူတို့၏ အမြင်သဘောထားကို ရောင်ပြန်ဟပ် ဖော်ပြနေသည်။ နိုဝင်ဘာလရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ် (NLD) မဲအပြတ် အသတ်ဖြင့် အနိုင်ရရှိ ခဲ့ပြီးနောက် အာဏာ ရရှိလာ ခဲ့သော လက်ရှိ အစိုးရက စီမံကိန်းကို ပြန်လည်စတင်လိမ့်မည် မဟုတ်ဟု အများက ယူဆထားကြ
သော်လည်း အဆိုပါ စီမံကိန်းသည် မြန်မာနိုင်ငံတွင်းမှ အခြားသော အငြင်း ပွားဖွယ်ရာ စီမံကိန်းများ နည်းတူ ပြန်လည် သုံးသပ်နေဆဲ အဆင့်တွင်သာ ရှိနေသေးသည်။

သုံးသပ်ခြင်းမှာ လွန်ခဲ့သည့် နှစ်ပေါင်းများစွာ ကတည်းက လုပ်ရမည့် ကိစ္စလည်း ဖြစ်သည်။

ကချင်ပြည်နယ်တွင်ရော မြန်မာတနိုင်ငံလုံးတွင်ပါ ဆန်ကျင်ကန့်ကွက်ခဲ့ကြသည့်အတွက် သမ္မတဟောင်း ဦးသိန်းစိန်က သူ၏ ရာထူးသက်တမ်း ပထမဆုံးနှစ် ဖြစ်သည့် ၂၀၁၁ ခုနှစ် မှာပင် မြစ်ဆုံဆည် စီမံကိန်းကို ရွှေ့ဆိုင်းခဲ့သည်။ သဘာဝ ပတ်ဝန်းကျင် ထိခိုက်ပျက်စီးရမည့် အန္တရာယ်ရှိနေခြင်းက ဆန့်ကျင်ကန့်ကွက်ခဲ့ရသည့် အဓိက အကြောင်းရင်း ဖြစ်သည်။

ဦးသိန်းစိန်၏ ဆုံးဖြတ်ချက်က ပြည်သူလူထု၏ ဆန္ဒသဘောထားကို လိုက်လျောခဲ့သည်သာမက မြန်မာနိုင်ငံသည် တရုတ်၏ လက်ခုပ်ထဲတွင် မရှိတော့ကြောင်း အနောက်နိုင်ငံ များသို့ အရိပ် အယောင်ပြခြင်း တခုလည်း ဖြစ်သည်။ အနောက် နိုင်ငံများကလည်း အဆိုပါ ဆုံးဖြတ်ချက်ကို ကြိုဆိုခဲ့ကြသည်။

သို့သော်လည်း တရုတ်၏ ရင်းနှီးမြှုပ်နှံမည့် စီမံကိန်းပေါင်း များစွာက အကောင် အထည်ဖော်ရန် တန်းစီစောင့်ဆိုင်း နေကြသည်။ အများစုမှာ ဦးသိန်းစိန် အစိုးရ လက်ထက်တွင်
ဆောင်ရွက် ခွင့်ပြု ခဲ့ခြင်း ဖြစ်ပြီး ၎င်းတို့သည် ပြည်သူလူထု၏ သဘောထား၊ ပွင့်လင်းမြင်သာမှု သို့မဟုတ် တာဝန်ယူမှုတို့ကို ဖော်ပြနိုင်ခဲ့ခြင်း မရှိပါ။ မြန်မာပြည်သူလူထုကလည်း စစ်ဗိုလ်ချုပ်ကြီးများ နှင့် စစ်ဗိုလ်ချုပ်များက တိုင်းပြည်၏ သယံဇာတများကို တရုတ်နိုင်ငံသို့ ရောင်းစား ခဲ့သူများဟု မြင်ခဲ့ကြသည်။

ယခုအခါတွင် အရာအားလုံးက အစိုးရသစ်၏ ပုခုံးပေါ်သို့ ရောက်ရှိလာပြီ ဖြစ်သည်။ အကယ်၍ NLD အစိုးရက မြစ်ဆုံ ဆည် စီမံကိန်းကို ပြန်လည်စတင်ရန် ဆုံးဖြတ်ခဲ့မည် ဆိုလျှင် မြန်မာပြည်သူများက အစိုးရနုတ်ထွက်ပေးရန် တောင်းဆိုကြ လိမ့်မည် ဖြစ်သည်။ တရုတ်နိုင်ငံ အနေဖြင့် ထိုအချက်ကို နားလည်သင့်သည်။

NLD ပါတီတွင်းမှ (နိုဝင်ဘာလ ရွေးကောက်ပွဲတွင် လွှတ်တော်ကိုယ်စားလှယ်အဖြစ် ရွေးချယ်ခံထားရသူများ အပါအ၀င်) လူများစုက မြစ်ဆုံဆည် သို့မဟုတ် အခြားသော အငြင်းပွား ဖွယ်ရာ စီမံကိန်း အများအပြားကို ဆက်လက်ဆောင်ရွက်ရန် ဆန္ဒမရှိသူများ ဖြစ်ကြသည်။ အများစုမှာ မြန်မာနိုင်ငံတွင်းတွင် တရုတ်ကျောထောက်နောက်ခံဖြင့် ဆောင်ရွက်နေသော စီမံကိန်းကြီးများ၏ သဘာဝပတ်ဝန်းကျင်၊ စီးပွားရေးနှင့် လူမှုရေး သက်ရောက်မှုများ အပေါ် စိုးရိမ်ခဲ့ကြသည့် ၀ါရင့် နိုင်ငံရေး တက်ကြွလှုပ်ရှားသူများ ဖြစ်ကြသည်။

သို့သော်လည်း ဆုံးဖြတ်ချက်ကို ခေါင်းဆောင်ပိုင်းက ချမှတ်ရမည် ဖြစ်သည်။ အထူးသဖြင့် အာဏာရ NLD ပါတီ ဥက္ကဌ၊ နိုင်ငံခြားရေး ၀န်ကြီးနှင့် နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ဖြစ်သည်။ သို့သော်လည်း သူ မည်ကဲ့သို့ ဆက်လက်ဆောင်ရွက်မည်ကို သူ၏ ပါတီဝင်များပင် မသိကြပါ။

မြစ်ဆုံဆည်က မြန်မာနိုင်ငံတွင် လုပ်ဆောင်ရန် စီစဉ်ထားသည့် တရုတ်နိုင်ငံ၏ စီမံကိန်းများထဲတွင် အကြီးဆုံး မဟုတ်ပါ။ အရွယ်အစားအရဆိုလျှင် တရုတ်နိုင်ငံ တောင်ပိုင်း ယူနန်ပြည်နယ်မှ မြန်မာနိုင်ငံ ရခိုင်ပြည်နယ်ကမ်းခြေတွင် တည်ဆောက်မည့် ရေနက်ဆိပ်ကမ်းနှင့် ဆက်သွယ်တည်ဆောက်ရန် ရှိနေသည့် အမေရိကန် ဒေါ်လာ ၂၀ ဘီလီယံ တန်ဖိုးရှိ ကျောက်ဖြူ-ကူမင်း ရထားလမ်း စီမံကိန်းထက် စာလျှင် သေးငယ်ပါသည်။ အဆိုပါ ရထားလမ်းက တရုတ်နိုင်ငံကို ဘင်္ဂလားပင်လယ်အော်သို့ တိုက်ရိုက် ရောက်ရှိစေနိုင် မည်ဖြစ်သဖြင့် တရုတ်နိုင်ငံ၏ အရေးပါသည့် ဗျူဟာမြောက်ရည်မှန်းချက်တခု ဖြစ်သည်။

မြန်မာအစိုးရသစ်က နောက်ဆုံးတွင် ဒေါ်လာ ဘီလီယံချီ၍ တန်ဘိုးရှိသည့် မြစ်ဆုံ စီမံကိန်းကို ပြန်လည်ဆောင်ရွက် ခွင့်ပြုလိမ့်မည်ဟု တရုတ်အစိုးရက မျှော်လင့်နေသည်။

နိုဝင်ဘာလရွေးကောက်ပွဲ မတိုင်မှီ လအနည်းငယ် အလို ဒေါ်အောင်ဆန်းစုကြည်ကို ဘေဂျင်းမြို့သို့ ဖိတ်ခေါ်၍ တရုတ်သမ္မတ Xi Jinping နှင့် တွေ့ဆုံခြင်းအားဖြင့် တရုတ်နိုင်ငံက ဒေါ်အောင်ဆန်း စုကြည်ဘက်မှ လောင်းကြေး တင်ခဲ့သည်။

မတ်လကုန်ပိုင်းတွင် ဒေါ်အောင်ဆန်းစုကြည် ဦးဆောင်သည့် NLD အစိုးရ အာဏာရရှိလာပြီး တပတ်ခန့် အကြာတွင် တရုတ်နိုင်ငံခြားရေးဝန်ကြီး Wang Yi က ဒေါ်အောင်ဆန်း စုကြည်ကို ရုတ်တရက် လာရောက်တွေ့ဆုံခဲ့သည်။ ထို့နောက် ဒေါ်အောင်ဆန်းစုကြည်က သတင်းထောက်များနှင့် တွေ့ဆုံရာတွင် “မြစ်ဆုံဆည် စီမံကိန်းနဲ့ ပတ်သက်လို့ တရုတ် နိုင်ငံခြားရေး ၀န်ကြီးနဲ့ မဆွေးနွေးခဲ့ပါဘူး။ ဘာကြောင့်လဲဆိုတော့ ကန်ထရိုက်စာချုပ် အသေးစိတ် အကြောင်းအရာတွေနဲ့ ပတ်သက်လို့ ကျမ ကောင်းကောင်း မသိသေးလို့ ဖြစ်ပါတယ်” ဟုပြောကြားခဲ့သည်။

တရုတ်နိုင်ငံခြားရေးဝန်ကြီး နှင့် အတူပြုလုပ်သည့် သတင်းစာ ရှင်းလင်းပွဲတွင် ဒေါ်အောင်ဆန်းစုကြည်က မြန်မာနိုင်ငံ ၏ နိုင်ငံခြားရေး ၀န်ကြီး အနေဖြင့် “ကျမတို့ အစိုးရရဲ့ မူဝါဒက တကမ္ဘာလုံးနဲ့ ချစ်ကြည်ရင်းနှီးစွာ ပူးပေါင်းဆောင်ရွက်ဖို့ ဖြစ်ပါတယ်။ ငြိမ်းချမ်းရေးနဲ့ ဖွံ့ဖြိုးတိုး တက်ရေးအတွက် အိမ်နီးချင်းနိုင်ငံတွေက ကျမတို့နဲ့ လက်တွဲဆောင်ရွက်မယ်လို့ ကျမ မျှော်လင့်ပါတယ်” ဟု ဆိုသည်။

ဒေါ်အောင်ဆန်းစုကြည် မှန်ပါသည်။ ကျနော်တို့ အနေဖြင့် တရုတ်နိုင်ငံနှင့် မိတ်ဆွေ ဆက်ဆံရေးကို ထိန်းသိမ်းထားရန် လိုပါသည်။ အခြားသော အိမ်နီးချင်းနိုင်ငံများနှင့်လည်း ထိုနည်းအတိုင်းပင် ဖြစ်သည်။ တချိန်ထဲမှာပင် မြန်မာနိုင်ငံအတွက် အပြုသဘောဆောင်ပြီး တာဝန်သိတတ်သော အိမ်နီးချင်းများ၊ ရင်းနှီးမြှုပ်နှံသူများ လိုအပ်ပါသည်။

မြစ်ဆုံဆည်တွင် ရင်းနှီးမြှုပ်နှံမည့် CPI နှင့် သံအမတ် Hong Liang တို့ အပါအ၀င် တရုတ်နိုင်ငံသားများအနေဖြင့် အဆိုပါ စီမံကိန်းကို ပြန်လည် စတင်ခြင်းသည် မြန်မာနိုင်ငံတွင်
ဒေါ်အောင်ဆန်း စုကြည်၏ သိက္ခာနှင့် နိုင်ငံရေး ဦးဆောင်မှုကို မှိန်ဖျော့သွားစေနိုင်ကြောင်းနှင့် သူ၏ NLD ပါတီဝင်များကပင် ဆန့်ကျင်မှု ဖြစ်လာနိုင်ကြောင်း အလေးအနက် သိထားသင့်ပါသည်။

ယခုအချိန်သည် မြန်မာအစိုးရက မြစ်ဆုံဆည် အပါအ၀င် သဘာဝပတ်ဝန်းကျင်နှင့် ပြည်သူလူထုကို နောက်မျိုးဆက်များအထိ ထိခိုက်စေနိုင်သည့် အခြားသော တရုတ်နိုင်ငံ
ကျောထောက် နောက်ခံပြု စီမံကိန်း အများအပြားကို ပြန်လည်သုံးသပ်ရမည့် အချိန် ဖြစ်ပါသည်။

ဧရာဝတီ by Hsu Wai Linn

Originally published at - http://burma.irrawaddy.com/opinion/editorial/2016/06/13/116300.html

Read More »

Friday, June 10, 2016

ခရိုနီတွေ ဖျက်ဆီးထားတဲ့ တိုင်းပြည်




မြန်မာ နိုင်ငံတွင် စစ်အာဏာရှင် ဗိုလ်ချုပ် ကြီးဟောင်း နေ၀င်းမှ စတင်ကာ ဗိုလ်ချုပ် မှူးကြီးဟောင်း (အငြိမ်းစား) သန်းရွှေ အထိ နှစ်ပေါင်း ၅၀ ခန့် စိုးမိုး ခဲ့သည်။ တိုင်းပြည်ကို အာဏာရှင်တွေ ဖျက်ခဲ့ တာဟု အားလုံးက လွယ်လွယ် ပြောခဲ့ကြသည်။ ဒီစကားက ယေဘုယျ အားဖြင့်တော့ မှန်သည်။

သဘာဝ အားဖြင့် စစ်ဗိုလ် များသည် တိုင်းပြည်ကို အုပ်ချုပ်ရန်၊ အများပြည်သူကို စီမံခန့်ခွဲရန် မဟုတ်ပါ။ တိုင်းပြည်ကို ပြည်ပရန်မှ ကာကွယ် စောင့်ရှောက်ရန်နှင့် သဘာဝဘေး အန္တရာယ် ကျရောက်သော အခါ အရေးပေါ် ကူညီ ကယ်ဆယ် စောင့်ရှောက်ရန် ဖြစ်ပါသည်။

အာဏာသိမ်း စစ်ခေါင်းဆောင်များသည် တိုင်းပြည်၏ နိုင်ငံရေး၊ စီးပွားရေး၊ ပညာရေး၊ လူမှုရေး၊ ကျန်းမာရေး၊ သံတမန်ရေး စသည်တို့ကို စီမံအုပ်ချုပ်ရာတွင် အရည်အချင်း လုံးဝ မရှိသူ များသာ ဖြစ်သည့် အတွက် တိုင်းပြည်သည် ကမောက်ကမ ဖြစ်ကာ လမ်းမှား ရောက်ခဲ့သည်။

ထို့ထက် ပိုဆိုးသည်မှာ အာဏာရှင်ဟောင်း ဦးသန်းရွှေသည် တိုင်းရင်းသားသူဌေးများကို မွေးရမည်ဆိုသည့် ပေါ်လစီတခုကို ချမှတ် အကောင်အထည် ဖော်ခဲ့ခြင်းပင်။ ထိုပေါ်လစီ အတိုင်း မွေးထုတ်ခဲ့သည့် ခေတ်ပျက်သူဌေးများကို ယခုခေတ်တွင် အများက ခရိုနီတွေဟု ခေါ်ကြသည်။ ထိုသူတို့သည် စစ်အစိုးရလက်ထက် အစိုးရ၀န်ကြီးဌာနများကို ဘတ်ဂျက် တင်ပြီး နိုင်ငံတော်၏ ဘဏ္ဍာနှင့် အများစုမှာ ကြီးပွား လာကာ တချို့မှာ ဘီလီယံနှင့် ချီ ချမ်းသာ သွားပြီး ဘီလီယံနာများ အထိ ဖြစ်သွား ကြသည်။

၎င်းတို့သည် သမာအာဇီဝ စီးပွားရေး လုပ်ငန်းတခု သို့မဟုတ် စွန့်ဦးတီထွင်သော စီးပွားရေးလုပ်ငန်းများနှင့် ကြွယ်ဝချမ်းသာလာသူများ မဟုတ်ကြပါ။ အငှားချစနစ်ဖြင့် ချပေးသော စီမံကိန်းများ၊ နိုင်ငံတော်စီမံကိန်းများတွင် လုပ်ကိုင်ပြီး တိုင်းပြည်က ပိုင်ဆိုင်သော မြေနှင့် ဘဏ္ဍာကို အရင်းအနှီးပြုကာ ကိုယ်ကျိုးရှာ ချမ်းသာလာသူများက အများစုဖြစ်သည်။

ထို့အပြင် တိုင်းပြည်၏ သယံဇာတ သဘာဝအရင်းအမြစ်နှင့် သစ်များကိုပါ အဆင်ခြင်မဲ့ ရောင်းစားခဲ့သောကြောင့် တိုင်းပြည်နှင့် လူမျိုး နစ်နာခဲ့ရသည်။

ထို ခရိုနီသူဌေးများက ဗိုလ်ချုပ်ကြီးများနှင့် သူ၏ မိသားစုဝင်များကိုပါ ပူးပေါင်းစီးပွားရှာစေသောအခါ အားလုံး ပုလင်းတူ ဘူးဆို့ စီးပွားရေးပါတနာများ ဖြစ်သွားကြပြီး တိုင်းပြည် စီးပွားရေးကို လက်ဝါးကြီး အုပ်ကာ ဖျက်စီးကြတော့သည်။ ထို့သို့ ဆယ်စုနှစ် ၂ ခုကျော် ဖြတ်သန်းကြုံတွေ့ပြီးနောက် တိုင်းပြည်စီးပွားရေး ချွတ်ခြုံကျသွားပြီး ၎င်းတို့သာ သားစဉ်မြေးဆက်ထိ ချမ်းသာကြွယ်ဝ သွားခဲ့တော့သည်။

၁၉၆၀ ခုနှစ်ဝန်းကျင်က အရှေ့တောင်အာရှမှာ ပညာရေး၊ စီးပွားရေး ရှေ့အလားအလာ အလွန်ကောင်းသည့် အာရှရဲ့ ကျားတကောင်ဖြစ်လာမည်ဟု ဟောကိန်းထုတ် အထင်ကြီး မော့ကြည့်ရသည့် မြန်မာသည် ယခုအခါ မီးမရှိသော တဲကုတ်အဆင့်မှ မတက်နိုင်ခဲ့ရသည့် နောက်ခံသမိုင်းကို မေ့မပစ်ရန် လိုသည်။ ယနေ့တိုင်းပြည်ကို ဦးဆောင်နေသော NLD အစိုးရ၏ စီးပွားရေး ပေါ်လစီ ဘာလဲဆိုတာကို မေးခွန်းထုတ်ဖို့ လိုသလို အရင် အစဉ်အဆက် တိုင်းပြည်ဘဏ္ဍာ ကိုယ့်ဟာမှတ်ပြီး အလွဲသုံးစားခဲ့သူများ၊ မောင်ပိုင်စီးခဲ့သူများကို မမေ့ဖို့တော့ လိုသည်။

တိုင်းပြည်ကို မွဲပြာကျအောင် ဖျက်ခဲ့သူတွေထဲတွင် ရှေ့ဆုံးတန်းက ထိုင်နေသူများမှာ ခရိုနီ သူဌေးများလည်း ပါသည်ဟု ပြောလျင် မြေကြီးလက်ခတ် မလွဲပေ။

ဧရာဝတီ by Hsu Wai Linn

Originally published at - http://burma.irrawaddy.com/opinion/2016/06/09/116033.html

Read More »

Wednesday, June 01, 2016

အကြမ်းဖက်မှု သံသရာ




ဒီကနေ့ထုတ် သတင်းစာ တချို့မှာ ဒီပဲယင်း အကြမ်းဖက်မှု ကိစ္စနှင့် ပတ်သက်ပြီး ဆောင်းပါးများ ဖတ်ရ ပါတယ်။ ဆောင်းပါး များရဲ့ ရည်ရွယ်ချက် aတွထဲမှာ ဒီပဲယင်းလို အကြမ်းဖက် မှုမျိုး နောက်ထပ် မပေါ်ပေါက် စေရေးနဲ့ အဲဒီ အကြမ်းဖက် မှုရဲ့ လက်သည် တရားခံများကို ဖေါ်ထုတ် အရေးယူ သင့်တယ် ဆိုတဲ့ အမြင်နဲ့ ရေးသား ကြတာကို တွေ့ရ ပါတယ်။

မြန်မာနိုင်ငံအတွင်း အကြမ်းဖက်မှု မျိုးစုံထဲက အဲဒီ ဒီပဲယင်း အကြမ်းဖက် မှုဟာ လူရာထောင် ချီရှိတဲ့ လူအုပ်ကြီးက ဒေါ်အောင်ဆန်း စုကြည် စီးလာတဲ့ ကားနဲ့ နောက်က လိုက်ပါသူ ကားတန်းကို ည အချိန် မတော် ၀ိုင်းဝန်း ရိုက်နှက် တိုက်ခိုက် ခဲ့ကြတာ ဖြစ်ပေမယ့် အဲဒီ အကြမ်းဖက်မှုရဲ့ လက်သယ် တရာခံဟာ ဘယ်သူတွေလဲ ဆိုတာ အခုထက်ထိ ဖေါ် ထုတ်ခြင်း လည်းမရှိ ဖေါ်ထုတ် အရေးယူ ဆောင်ရွက်နိုင် ခြင်းလည်း မရှိတဲ့ အချက်ဟာ တကယ့်ကို ပြောင်ပြောင် တင်းတင်း ထူးခြားတဲ့ အချက်လို့ ဆိုရမှာပါ။

အကြမ်းဖက်မှုအကြောင်းတွေ မကြာခဏဆိုသလို ကြားကြရပါတယ်။ ရပ်ကွက်အုပ်ချုပ်ရေးမှူး တစ်ဦးကို လူနှစ်ယောက်က ဓါးနဲ့လိုက်ခုတ်လို့ သေဆုံးရတဲ့အဖြစ်နဲ့ အမျိုးသမီး ရပ်ကျေးအုပ်ချုပ်ရေး မှူး တစ်ဦးကို အမည်မသိ လက်နက်ကိုင်များက မသေမချင်း သေနတ်နဲ့ ပစ်ခတ်သတ်ဖြတ်သွားတဲ့ အဖြစ်ဟာ အကြမ်းဖက်မှုတွေပါပဲ။

အကြမ်းဖက်မှုတွေဟာ စီးပွားရေး ကြပ်တည်းမှုကြောင့်ပဲဖြစ်ဖြစ်၊ နိုင်ငံရေးအရပဲဖြစ်ဖြစ်၊ ဒေါသ အလျောက်ပဲဖြစ်ဖြစ်၊ အစွန်းရောက် ယုံကြည်ကိုးကွယ်မှုအရပဲဖြစ်ဖြစ်၊ ခိုက်ရန်ဒေါသအလျောက်ပဲ ဖြစ်ဖြစ် ဖြစ်ပွားကြလေ့ရှိပြီး အုပ်စုလိုက်ဖြစ်စေ တစ်ဦးချင်းဖြစ်စေ ဖြစ်ပွားပုံအမျိုးမျိုး ရှိပါတယ်။

အကြမ်းဖက်သူများကို ပွင့်လင်းမြင်သာစွာ ဥပဒေအရ ဖေါ်ထုတ်အရေးယူနိုင်ကြတာရှိသလို အမှုအခင်းအနေဖြင့်ပင်လျင် မှတ်တမ်းမ၀င်ပဲ တရားခံမရှိ အလိုလို အချိန်ကြာမြင့် လာတာနဲ့အမျှ မှေးမှိန်ပျောက်ကွယ်သွားတဲ့ အကြမ်းဖက်မှုများလည်း ရှိတတ်ပါတယ်။ ဘယ်လိုပဲဖြစ်စေ ဘယ်အ ကြမ်းဖက်မှုမဆို လက်ခံနိုင်ဖွယ်မရှိဘဲ တရားအရပြောရရင်တော့ ဘယ်အကြမ်းဖက်မှုမဆို ဥပဒေ အရသာ ဖေါ်ထုတ်နိုင်ခြင်းမရှိပေမယ့် လူတွေကြား မေ့ပျောက်သွားတယ်ရယ်လို့တော့ ဘယ်ရှိနိုင်ပါ့မ လည်း။ လူ့ကျင့်ဝတ်ရားအရ လူ့သိက္ခာ တရားအရ ကြည့်မယ်ဆိုရင်လည်း တည်ဆဲဥပဒေဘောင် အပြင်ဖက် ထုတ်ထားရမယ့် ကိစ္စတွေ မဟုတ်ပါဘူး။

ယခုရက်ပိုင်းအတွင်းမှာပဲ ဗင်နီဇွဲလားနိုင်ငံမှာ လူ ၁၁ ဦး သေနတ်နဲ့ပစ်သတ်ခံရတဲ့သတင်းနဲ့ ဘရာဇီးနိုင်ငံမှာ အသက် ၁၆ နှစ်အရွယ် မိန်းမငယ်တစ်ဦးကို အမျိုးသား ၃၀ ခန့်က အဓမ္မပြုကျင့် ခဲ့ကြတယ်ဆိုတဲ့ သတင်းဟာ လူအများစိတ်ဝင်းစားစေတဲ့ သတင်းတွေ ဖြစ်ပါတယ်။ ဘရာဇီးရဲတွေက သင်္ကာမကင်းရှိတဲ့ ရပ်ကွက်တွေထဲ စစ်ဆင်ရေးသဘော ၀င်ရောက်ရှာဖွေတဲ့အခါမှာလည်း အဓမ္မပြု ကျင့်သူလို့ ယူဆရသူ တစ်ဦးမှ ဖမ်းဆီးနိုင်ခဲ့ခြင်း မရှိခဲ့ဘူးလို့လည်း သိရပါတယ်။ ဒါကြောင့်မို့လည်း ဘရာဇီးပြည်သူတချို့က လမ်းပေါ်ထွက်ပြီး အကြမ်းဖက်သူတွေကို ထိရောက်စွာ ဖေါ်ထုတ်အရေးယူဖို့ အစိုးရကို တောင်းဆိုခဲ့ကြပါတယ်။

ကျနော်တို့နိုင်ငံမှာလည်း ရက် ၁၀၀ စီမံချက်အရပဲဖြစ်ဖြစ် အခြေအနေအရပဲဖြစ်ဖြစ် ကျေးရွာနဲ့ ရပ်ကွက်တွေအတွင်း ရပ်ကွက်သူ ရပ်ကွက်သားတွေအပေါ် အကြမ်းဖက် ခြိမ်းခြောက် အနိုင်ကျင့်တဲ့ လူအုပ်စုတွေကို ရှာဖွေဖေါ်ထုတ်ဖမ်းဆီး အရေးယူနေတာမျိုးတွေ ကြားလာရပါတယ်။

တကယ်တော့လည်း အကြမ်းဖက်မှုဆိုရင် ဘယ်လိုအကြမ်းဖက်မှုမျိုးပဲဖြစ်ဖြစ် ကျနော်တို့ ပြည်သူများအနေနဲ့ လက်ခံနိုင်ဖွယ်ရှိတဲ့ကိစ္စ မဟုတ်ပါဘူး။

တရားခံဖေါ်ထုတ် အရေးယူနိုင်ခြင်း မရှိတဲ့ အကြမ်းဖက်မှုတွေ ရာဇ၀တ်မှုတွေနဲ့ ပတ်သက်ပြီး ဦးစွာပထမ တာဝန်ရှိသူဟာ သက်ဆိုင်ရာ တိုင်းပြည် တာဝန်ရှိ သူများ ဖြစ်ကြတယ် ဆိုတာလည်း မငြင်း နိုင်ပါဘူး။ ဒီလို အဖြစ်မှန်နဲ့ တရားခံ ဖေါ်ထုတ် အရေးယူနိုင်ခြင်း မရှိနိုင်ခြင်းဟာ နိုင်ငံတစ်ခုရဲ့ ပုံရိပ်ကို ကျဆင်းစေပြီး သက်ဆိုင်ရာနိုင်ငံရဲ့ တရားဥပဒေစိုးမိုးမှု အားနည်းနေတယ်ဆိုတဲ့ အချက်ကိုလည်း ပြဆိုရာ ရောက်ပါတယ်။

အကြမ်းဖက်မှုတွေ ဘာ့ကြောင့်ဖြစ်နေရတာလဲ။ ဘာ့ကြောင့် အကြမ်းဖက်မှုတွေကို တရားခံ ဖေါ်ထုတ်ဖို့ အချိန်ကြာမြင့်နေရတာလဲ။ ဘာ့ကြောင့် အကြမ်းဖက်မှုတွေရဲ့ တရားခံ အစစ်အမှန်ကို မြန်မြန်နဲ့ မှန်မှန်ကန်ကန် ဖေါ်ထုတ် အရေးမယူနိုင်ကြရတာလဲ။ ဒီမေးခွန်းတွေရဲ့ အဖြေအမှန်ကို သက်ဆိုင်ရာ တာဝန်ရှိသူများက ဦးစွာပထမ တာဝန်ယူ ဖြေ ဆိုကြရမှာဖြစ်ပြီး ပြည်သူများအနေနဲ့ လည်း ၀ိုင်းဝန်း အဖြေရှာကြရမှာဖြစ်ကြောင်း မဇ္ဈိမက တိုက်တွန်းလိုက်ပါတယ်။

မဇ္ဈိမသတင်း by mizzima

Originally published at - http://mizzimaburmese.com/article/14742

Read More »

Tuesday, May 31, 2016

ဒေါသထွက်နေသော ကားဆရာများ




ရန်ကုန်မြို့က ဘတ်စ်ကား မောင်းကြတဲ့ ကားဆရာတွေ အကြောင်း ပြောကြ အကြံပြု ကြတာ နှစ်ပေါင်း များစွာတော့ ကြာခဲ့ပါပြီ။ အထူးသဖြင့် တစုံတရာ လွတ်လပ်စွာ ပြောဆိုခွင့် ရလာခဲ့တဲ့ လွန်ခဲ့ သည့် လေးငါးနှစ်က စပြီး ပိုပြီးပြောကြ ပိုပြီး အကြံပြု ခဲ့ကြပါတယ်။ ၀မ်းနည်းဖွယ် ကောင်းသည်မှာ ဘာမှ သိသာစွာ ထူးခြားစွာ ပြောင်းလဲ လာသည်ဟူ၍ မရှိသည့် အချက်ပင်ဖြစ်ပါတယ်။

အတိုချုပ်ပြီး ပြောရလျင်တော့ ကားဆရာများ အားလုံး ဒေါသ အထွက်မြန်လွန်းကြ တယ်လို့ပဲ ဆိုရ ပါလိမ့်မယ်။

ကားမောင်းလာစဉ် ရှေ့က ကားကိုလည်းကောင်း ဘေးက ကားကို လည်းကောင်း နောက်က ကားကိုလည်းကောင်း သူတို့ အမြဲဒေါသ ထွက်နေတတ် ကြပါတယ်။ ကားပေါ်က ခရီးသည် တွေကိုလည်း ဒေါသ ထွက်နေ ကြပါတယ်။ ကားစီးဖို့စောင့်နေတဲ့ မှတ်တိုင်က ခရီးသည်တွေ ကိုလည်း ဒေါသထွက် ပါတယ်။

ဥပမာ ကားတစ်စင်းနဲ့ တစ်စင်း လမ်းယူကြတဲ့ အခါ ယှဉ်ပြီး လမ်းယူတဲ့ တခြား ကားဆရာတွေကို ကားပေါ်က တဆင့် မကြာခဏ ဆိုသလို မကြား တကြားပဲ ဖြစ်ဖြစ် ကြားအောင်ပဲ
ဖြစ်ဖြစ် ပြစ်ပြစ်နှစ်နှစ် ဆဲကြ ပါတယ်။ လမ်းလုရင်း အငြင်းပွားစရာဖြစ်တဲ့ အခါ ပြေလည်ဖို့ကို ဦးမတည်ပဲ ကိုယ်ထိလက် ရောက်ပြုလုပ်ဖို့ ကိုပဲ ဟန်ပြင်နေ တတ်ပြီး ကြိမ်းမောင်းပြောဆို တာမျိုးလုပ်ဖို့လည်း ၀န်မလေး တတ် ကြပါဘူး။

ကားဂိတ်တချို့မှာ ဒါမှမဟုတ် လမ်းဆုံတချို့မှာ ကားကို အချိန်ပေးပြီးရပ်ထားလို့ အရေးကြီးတဲ့ ခရီးသည်က ဘာပြုလို့ ကားကို အကြာကြီးရပ်ရတာလဲလို့မေးရင် ရန်လိုတဲ့စကားနဲ့ဖြေပါတယ်။ အဲဒီ ခရီးသည်ဆင်းသွားတဲ့အခါ နောက်ကနေ မကြားဝံ့မနာသာစကားနဲ့ ဆဲပါတယ်။ ကားပေါ်က ကျန်ခ ရီးသည်တွေကို အဲဒီနည်းနဲ့ ခြိမ်းခြောက်အသိပေးချင်တဲ့သဘောလည်း ပါတဲ့သဘောပါပဲ။

ဒီလိုရေးတော့ ကားတိုင်း ကားဆရာတိုင်းဟာ ဒီလိုချည်းပဲတော့ မဟုတ်ပါဘူး။ အများစုကို ရည်ညွှန်းခြင်းဖြစ်ပါတယ်။ အနည်းစုကတော့ ကားပေါ်မှာ ခရီးသည်တွေကို အပျော်အပျက်စကားနဲ့ ခင်မင်စွာ နောက်ပြောင်ရင်း အကူအညီပေးတာမျိုးလည်း ရှိတတ်ပါတယ်။ ကျကျန်ခဲ့တဲ့ပစ္စည်းကို အမြန်ဆုံးနဲ့ မှန်မှန်ကန်ကန်ပြန်ပေးတဲ့အထိ သိတတ်ကြသူများလည်း ရှိပါတယ်။ ကားအချင်းချင်း သီးခံဖို့ လမ်းပေးဖို့နဲ့ ကူညီဖို့အဆင်သင့်ဖြစ်တဲ့ကားဆရာတွေလည်း ရှိပါတယ်။ ဒါပေမယ့် ဒါကတော့ တကယ့်ကို အနည်းစုပါပဲ။

ဒေါသထွက်နေကြတဲ့ ကားဆရာတွေဟာ ကားမောင်းရင်း ဆေးလိပ်တစ်လိပ်ပြီးတစ်လိပ် သောက်ဖို့လည်း ၀န်မလေးတတ်ကြပါဘူး။ ဆေးလိပ်မီးခိုးငွေ့တွေကို စိတ်ရှိတိုင်းဖွာထုတ်ရင်း ကားမောင်းရင်း ၀န်မလေးတတ်ကြပါဘူး။ ကားမောင်းရင်းဆေးလိပ်သောက်တာဟာ အန္တရယ်ရှိ တယ်ဆိုတာ ခရီးသည်တွေကို လူမှုရေးကျင့်ဝတ်အရ ထိခိုက်စေတယ်ဆိုတာ ကျန်းမာရေးထိခိုက်စေ တယ်ဆိုတာ သူတို့ မသိမဟုတ်ပါဘူး။ သူတို့သိပါတယ်။ ဒါပေမယ့် သူတို့ မဆင်ခြင်နိုင်ကြပါဘူး။ ဆင်ခြင်ဖို့ကိုလည်း မစဉ်းတတ်ကြတော့ပါဘူး။

ဒါကြောင့်မို့လည်း ကားသမားအချင်းချင်း မကြာခဏ ရိုက်ကြနှက်ကြတာမျိုးတွေနဲ့ ခရီးသည် နဲ့ကားဆရာ ခိုက်ရန်ဖြစ်ရတာမျိုးတွေ ကျနော်တို့ကြားနေကြရတာပါ။ မကြာခဏ ရာဇ၀တ်ပြစ်မှု ကျူးလွန်မိတဲ့အထိ ခြေလွန်လက်လွန် ဖြစ်ကြရ သွေးထွက်သံလွန်ဖြစ်ကြရ သေဆုံးကြရတာ ဖြစ်ပါ တယ်။ ကြာလာတော့ ရန်ကုန်မြို့က ကားနေ့တိုင်းစီးကြရတဲ့ ခရီးသွားပြည်သူတွေဟာ ကားပေါ်တက် တာနဲ့တပြိုင်နက် ကားဆရာတွေကို သတိထားဆက်ဆံကြရ၊ သီးခံကြရနဲ့ စိတ်ဆင်းရဲကြပ်တည်းစွာ ကားပေါ်လိုက်လာခဲ့ကြရတာချည်းပါပဲ။

ကားဆရာတွေ ဘာ့ကြောင့် ဒီလို ဒေါသတွေ ထွက်နေတတ်ကြတာလဲ။ ကားဆရာတွေ ဘာ့ကြောင့် ဒီလို လူမှုရေးပျက်ကွက်မှုတွေကို အတင့်ရဲစွာ လုပ်လာနေကြတာလဲ။

နှစ်ပေါင်းမြောက်များစွာ ဖြစ်တည်လာခဲ့တဲ့ အထွေထွေ ပျက်စီးပြိုလဲခြင်းများစွာထဲမှာ လူတွေ အခုလို အလိုလို သီးမခံနိုင်လောက်အောင် ကြပ်တီးကျဉ်းမြောင်းလာနေတဲ့ စီးပွားရေး လူမှုရေး ပညာရေးအခြေအနေအရပ်ရပ်ဟာ တရားခံပါပဲ။ နှစ်ပေါင်းမြောက်များစွာ စိုက်ထူထားခဲ့တဲ့ လူအချင်း ချင်း လှည့်ပတ်ခြင်း၊ ဖိနှိပ်ရက်စက်ခြင်း၊ ခေါင်းပုံဖြတ်ခြင်း၊ မတရားအခွင့်အရေးယူခြင်း အစရှိတဲ့ မှားယွင်း ရှုပ်ထွေးလှတဲ့ အာဏာရှင်စနစ်ကြီးက လူတွေကို စိတ်ဓါတ်အထားအသိုတွေ နိမ့်ဆင်းသွား စေခဲ့တာ၊ ယိုင်နဲ့သွားစေခဲ့တာ၊ ပြိုကွဲပျက်စီးသွားစေခဲ့တာ ဖြစ်ပါတယ်။

ဒေါသထွက်နေတဲ့ ကားဆရာတွေကို ဒေါသမထွက်အောင် ခရီးသည်တွေကို လေးစားအောင် အလေးအနက်ထားအောင် စိတ်ဓါတ်တွေ ပြန်လည်ကောင်းမွန်လာစေဖို့ဆိုတာကတော့ ရက် ၁၀၀ စီမံကိန်းတစ်ခုတည်းနဲ့တော့ စိတ်ကူးယဉ်လို့ မရနိုင်ပါဘူး။

တိုင်းပြည် မှန်ကန်တဲ့ပညာရေးစနစ်၊ ကောင်းမွန်မှန်ကန်တဲ့ စီးပွားရေးစနစ်အစရှိတဲ့ လူ့စိတ် ဆန္ဒနဲ့ တိုက်ရိုက်အချိုးကျနေတဲ့ အခြား နယ်ပယ်သီးသီးကို အချိန်ယူဖြေရှင်းသွားကြမှသာ အနှေးနှင့် အမြန် အောင်မြင်သွားမှာ ဖြစ်ပါတယ်။

နိဂုံးချုပ်ပြောရရင်တော့ ကျနော်တို့တိုင်းပြည်လို ကားဆရာတွေ ဒေါသထွက်တတ်တဲ့ ဘ၀အ ခြေအနေကနေ ချစ်ခင်လေးစားဖွယ်ကားဆရာခေတ် ထူထောင်လို့ရတဲ့နိုင်ငံတွေ ကမ္ဘာပေါ်မှာ အထင် အရှားရှိနေတဲ့အပြင် ကျနော်တို့အနေနဲ့လည်း မှန်ကန်တဲ့ဒီိမိုကရေစီစနစ်ကိုသာ အကောင်အထည်ဖေါ် မယ်ဆိုရင် ကားဆရာတွေ ဒေါသငြိမ်းတဲ့ခေတ် ထူထောင်လို့ မရနိုင်စရာအကြောင်း မမြင်တဲ့အ ကြောင်း တင်ပြလိုက်ရပါတယ်။

မဇ္ဈိမသတင်း by mizzima

Originally published at - http://mizzimaburmese.com/article/14711

Read More »