နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Showing posts with label ဆောင်းပါး. Show all posts
Showing posts with label ဆောင်းပါး. Show all posts

Thursday, September 21, 2017

ဒုက္ခသည်တွေ ပြန်လက်ခံရေးနဲ့ မြန်မာ-ဘင်္ဂလားဒေ့ရှ် ၁၉၉၃ သဘောတူညီချက်




နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်က စက်တင်ဘာ ၁၉ ရက်နေ့က ပြောသွားတဲ့ နိုင်ငံတော် အခြေပြ မိန့်ခွန်းမှာ ဘင်္ဂလားဒေ့ရှ် ဘက်ကို ထွက်ပြေးတဲ့ ဒုက္ခသည် တွေနဲ့ ပတ်သက်လို့ စိစစ်မှု လုပ်ငန်းစဉ်ကို အချိန်မရွေး စတင်မယ်၊ မြန်မာနဲ့ ဘင်္ဂလားဒေ့ရှ် အကြား ရရှိထားတဲ့ ၁၉၉၃ သဘော တူညီ ချက်တွေကို တိကျစွာ လိုက်နာပြီး လက်ခံမယ်လို့ ပြောသွား ပါတယ်။

ဒေါ်အောင်ဆန်းစုကြည် ပြောသွားတာက “မြန်မာဘက်ကနေ ဘင်္ဂလားဒေ့ရ်ှဘက် ထွက်ပြေးသွားတဲ့ ဒုက္ခသည်တွေကို ပြန်လည် လက်ခံဖို့ တိုက်တွန်း ပြောကြားထားတာ ရှိပါတယ်။

ပြန်လည် လက်ခံနိုင်ရေးအတွက် မြန်မာနိုင်ငံမှာ အမှန်တကယ် နေထိုင်ခဲ့ကြောင်း စိစစ်မှုလုပ်ငန်းစဉ် (Verification Process) ကို အချိန်မရွေး စတင်နိုင်ဖို့အတွက် ကျွန်မတို့ ပြင်ဆင်ထားပါတယ်။

နှစ်နိုင်ငံအကြားမှာ ရရှိခဲ့တဲ့ သဘောတူညီချက်တွေကို မူတည်ပြီး ၁၉၉၃ ခုနှစ်ကတည်းက နိုင်ငံသားစိစစ်ရေး လုပ်ငန်းစဉ်တစ်ခု ထူထောင်ထားပြီး ဖြစ်ပါတယ်။

အဲဒီအပေါ်မူတည်ပြီး မြန်မာနိုင်ငံကို ပြန်လာချင်တဲ့ ဒုက္ခသည်တွေကို လက်ခံဖို့ ကျွန်မတို့ အဆင်သင့်ရှိပါတယ်။ အဲဒီအချိန်က သဘောတူညီထားတဲ့ သတ်မှတ်ချက်များကို တိကျစွာ လိုက်နာမှာ ဖြစ်ပါတယ်” ဆိုတာပါ။

ဆက်လက်ပြီး “အမျိုးသားလုံခြုံရေးဆိုင်ရာ အကြံပေးပုဂ္ဂိုလ် (ဦးသောင်းထွန်း) ပြောကြားထားတဲ့အတိုင်း ကျွန်မတို့အနေနဲ့ အဆိုပါ အချက်အလက်တွေနဲ့ ကိုက်ညီတဲ့ မြန်မာနိုင်ငံမှ ဒုက္ခသည်လို့ ဆန်းစစ် အတည်ပြုနိုင်တဲ့သူတွေ အားလုံးကို ပြန်လည်လက်ခံဖို့ အသင့်ရှိပါတယ်။ လုံခြုံရေး နဲ့ လူသားချင်း စာနာမှု ဆိုင်ရာ အထောက်အပံ့တွေ လက်ခံရရှိနိုင်ရေး အတွက်လည်း အာမခံပါတယ်” လို့ ပြောသွားပါတယ်။

ရခိုင်ပြည်နယ်မှာ ARSA အကြမ်းဖက် တိုက်ခိုက်မှုဖြစ်တဲ့ သြဂုတ် ၂၅ ရက်နေ့က စပြီး ဘင်္ဂလားဒေ့ရ်ှဘက် ထွက်ပြေးတဲ့ မွတ်စလင် ဒုက္ခသည် ၄ သိန်း ၁ သောင်းရှိတယ်လို့ ကုလသမဂ္ဂက ပြောထားပါတယ်။ ရိုဟင်ဂျာလို့ အမည်ခံထားတဲ့ အဲဒီ မွတ်စလင်တွေကို ပြန်လက်ခံရေး ဘင်္ဂလားဒေ့ရ်ှနဲ့ နိုင်ငံတကာက ဖိအားပေးနေချိန်မှာ ဒေါ်အောင်ဆန်းစုကြည်က ၁၉၉၃ သဘောတူညီချက်နဲ့ စိစစ်လက်ခံမယ်လို့ ပြောဆိုလိုက်တာ ဖြစ်ပါတယ်။



မြန်မာနိုင်ငံခြားရေး ဝန်ကြီး ဦးအုန်းဂျော်နဲ့အဖွဲ့ ၁၉၉၂ ခုနှစ် ဧပြီလ ၂၃ ရက်ကနေ ၂၈ ရက်အထိ ဘင်္ဂလားဒေ့ရှ် နိုင်ငံခြားရေးဝန်ကြီး မစ္စတာ မိုစတာဖီဇာ ရာမန်နဲ့ သွားရောက်တွေ့ဆုံပြီး ဘင်္ဂလားဒေ့ရ်ှမှာ ဒုက္ခသည်ခံနေသူတွေအရေး၊ အဲဒီ ဒုက္ခသည်တွေကို ပြန်ပို့ရေး စတာတွေ ဆွေးနွေးတာမှာ သဘောတူ မူကြမ်းတစ်ခု ထွက်လာပါတယ်။ ၁၉၉၃ သဘောတူညီချက်က အဲဒီဆွေးနွေးပွဲ ထုတ်ပြန်ချက်အပေါ် အခြေခံပါတယ်။

၁၉၉၂ ဆွေးနွေးချက်တွေထဲမှာ ဒုက္ခသည်တွေ ကိုယ့်ဆန္ဒနဲ့ ကိုယ်ပြန်ဖို့ (return voluntary)၊ ဒုက္ခသည်တွေကို စိစစ်မှုတွေ လုပ်ပြီးရင် ပြန်လက်ခံရေး မြန်မာက သဘောတူဖို့ (agreed to accept after scrutiny)၊ မြန်မာမှာ နေထိုင်ကြောင်း အထောက်အထား ပြနိုင်သူတွေ ဖြစ်ဖို့ (evidence of their residence in Myanmar)၊ သူတို့ နေခဲ့တဲ့အိမ်ယာ၊ မူလ နေရာတွေမှာ ပြန်လည် နေရာချထားဖို့ (should be settled in their own households and original places of residence)၊ ကိုယ်ဆန္ဒနဲ့ကိုယ် လုံခြုံစွာ ပြန်နိုင်ရေး ကုလသမဂ္ဂ ဒုက္ခသည်များဆိုင်ရာ မဟာမင်းကြီး (UNHCR) ရုံးက အကူအညီပေးဖို့နဲ့ UNHCR အခန်းကဏ္ဍကို မြန်မာအစိုးရက သဘောတူဖို့ ဆိုတဲ့ အချက်တွေကို ဖော်ပြထားပါတယ်။

ရေတပ်ကာကွယ်ရေး ဦးစီးချုပ် ဗိုလ်ချုပ်ကြီး သူရသက်ဆွေ (ငြိမ်း) က သူ့ရဲ့ဖေ့စ်ဘုတ် လူမှုကွန်ရက်မှာ ရေးသားထားတဲ့ ‘နိုင်ငံ့တာဝန်းနဲ့ ဘဝပေးအတွေ့အကြုံ (၁)’ ထဲမှာ ၁၉၉၃ ခုနှစ် မြန်မာ-ဘင်္ဂလားဒေ့ရှ် သဘောတူညီချက် အခြေခံ ၄ ချက်ကို ဖော်ပြထားပါတယ်။

တိတိကျကျ မဟုတ်ပေမယ့် ယေဘုယျအားဖြင့် မြန်မာပြည်ကို ပြန်လာလိုတဲ့ ဒုက္ခသည်တွေဟာ –

  • -မြန်မာပြည်မှာနေခဲ့တဲ့ အထောက်အထား ခိုင်ခိုင်မာမာ တင်ပြနိုင်ရမယ်
  • -မြန်မာပြည်မှာ မွေးတဲ့ လူတွေဖြစ်ရမယ်၊ အထောက်အထား ပြနိုင်ရမယ်
  • -မြန်မာနိုင်ငံကို ဆန့်ကျင်တိုက်ခိုက်နေတဲ့ လူတွေမဖြစ်ရဘူး
  • -သူတို့ကိုယ်တိုင် မြန်မာပြည်ကို ပြန်လာချင်တဲ့ လူတွေဖြစ်ရမယ် လို့ ဖော်ပြထားပါတယ်။

အဲဒီ ၁၉၉၃ သဘောတူညီချက်နဲ့ စိစစ်ပြီး ၁၉၉၃ ကနေ ၁၉၉၇ ခုနှစ်အတွင်း ဘင်္ဂလားဒေ့ရ်ှဘက်ရောက် မွတ်စလင် ဒုက္ခသည် ၂ သိန်းခွဲအနက် ၂ သိန်း ၃ သောင်း ရခိုင်ပြည်နယ်ကို ပြန်ဝင်ခဲ့ကြပါတယ်။

သမိုင်းပညာရှင် ဒေါက်တာ သန့်မြင့်ဦးကတော့ “တကယ့်တကယ်မှာ အဲဒီမူဘောင်ကို ဘယ်လို အဓိပ္ပာယ်ဖွင့်ပြီး ဘယ်လို အကောင်အထည် ဖော်သွားမလဲကတော့ ဆက်စောင့်ကြည့်ရပါမယ်။ ကျနော် ထင်တာတော့ နိုင်ငံတကာက အစိုးရကို အပြင်းအထန် ဝေဖန်သူတွေကတော့ ကျေနပ်ကြမှာ မဟုတ်ပါဘူး။ မြန်မာနိုင်ငံသား အများစုနဲ့ အနည်းဆုံး နိုင်ငံတကာ အစိုးရအချို့ကတော့ သူမ အနေနဲ့ ဒီလိုရှုပ်ထွေးတဲ့ အခြေအနေအောက်မှာ အတတ်နိုင်ဆုံး လက်တွေ့ကျကျ ပြောသွားတယ်လို့ တွေးမယ်ထင်ပါတယ်” ဆိုပြီး ဧရာဝတီသတင်းဌာနရဲ့ မေးမြန်းချက်ကို ဖြေသွားပါတယ်။



ဘင်္ဂလားဒေ့ရ်ှဘက်ရောက် မွတ်စလင်တွေ ရခိုင်ပြည်နယ်ကို ပြန်ဝင်မယ့် ကိစ္စမှာ လက်တွေ့ကျသည့်တိုင် ရေရှည်အားဖြင့် ဖြေရှင်းရမယ့် ကိစ္စအဆင့်ဆင့် အများကြီး ဖြစ်ပေါ်နိုင်ပါတယ်။

-ရွာလုံးကျွတ် မီးရှို့ထွက်ပြေးမှုတွေ ရှိတဲ့အတွက် နေရပ်လိပ်စာ၊ မူလ အိမ်နေရာတွေ ဘယ်လို ပြန်ဖော်ပြမလဲ။ အထောက်အထားအဖြစ် ဘယ်လို စိစစ်သတ်မှတ် လက်ခံမှာလဲ။

-မြန်မာပြည်မှာ မွေးဖွားကြောင်း အထောက်အထားတွေ ထွက်ပြေးသွားတဲ့ သိန်းချီတဲ့လူတွေမှာ လက်ဝယ်ရှိနေနိုင်ကြသလား။

-ရခိုင်ပြည်နယ်မှာ နောက်ဆုံးဖြစ်ပေါ်ခဲ့တဲ့ ARSA အဖွဲ့ တိုက်ခိုက်မှုတွေကို ‘အကြမ်းဖက်မှု’ လို့ သတ်မှတ်တဲ့အတွက် ပြန်ဝင်လာမယ့် သူတွေကို လုံခြုံရေးအရ ဘယ်လို ခွဲခြားစိစစ်မလဲ။

-ကိုယ့်ဆန္ဒနဲ့ ကိုယ်ပြန်လာရမယ် ဆိုတဲ့အပေါ် မွတ်စလင်တွေကရော ဘယ်လိုတုံ့ပြန်ကြမလဲ။

-မြန်မာနိုင်ငံက လက်မခံနိုင်တဲ့ ‘ရိုဟင်ဂျာ’ ဆိုတဲ့ အမည်သုံးစွဲခွင့်ကို တောင်းနေတဲ့ မွတ်စလင်တွေ ရှိနေချိန် နိုင်ငံသားစိစစ်မှု လုပ်ငန်းစဉ်မှာ ဘယ်လောက် ခရီးရောက်နိုင်မလဲ။

-အိန္ဒိယနိုင်ငံက ပြန်ပို့ချင်နေတဲ့ ရိုဟင်ဂျာ အမည်ခံ မွတ်စလင်တွေကို ၁၉၉၃ သဘောတူညီချက်နဲ့ ပြန်လက်ခံခိုင်းဖို့ အိန္ဒိယ မီဒီယာတချို့က ရေးသားတိုက်တွန်းမှုတွေ အပေါ်ရော ဘယ်လို တုံ့ပြန်မလဲ။

-၁၉၉၀ ကျော်တုန်းက အခြေအနေနဲ့ မတူကွဲပြားနေတဲ့ လက်ရှိ ရခိုင်ပြည်နယ် အကျပ်အတည်းကို ၁၉၉၃ သဘောတူညီချက် စွဲကိုင်ပြီး ဘယ်လို အဓိပ္ပာယ်ဖွင့်ဆိုကာ ဘယ်လို အကောင်အထည်ဖော် ဆောင်ရွက်နိုင်မလဲ။

-၁၉၉၃ သဘောတူညီချက်ကို ဘင်္ဂလားဒေ့ရ်ှနိုင်ငံဘက်က ဆက်လက် သဘောတူနိုင်မလား၊ တခြားတောင်းဆိုမှုတွေ ထပ်ရှိနိုင်သလား။

-ကြားဝင်ဆောင်ရွက်ပေးဖွယ် ရှိတဲ့ UNHCR ရဲ့ အခန်းကဏ္ဍကိုရော နှစ်ဖက်အစိုးရတွေက အသိအမှတ်ပြု လက်ခံနိုင်တဲ့ အနေအထား ဖြစ်လာနိုင်ပါ့မလား။

-အကြမ်းဖက်ဝါဒကို တိုက်ဖျက်ရေး၊ အကြမ်းဖက်သမားနဲ့ အရပ်သား ခွဲခြားရေးနဲ့ တပ်မတော်၊ လုံခြုံရေးတပ်ဖွဲ့တွေက ပါဝင်ရမယ့် အခန်းကဏ္ဍတွေကရော ဘယ်လို ဖြစ်လာမလဲ။

-ရခိုင်ပြည်နယ် အကျပ်အတည်းမှာ နိုင်ငံတကာ လူ့အခွင့်အရေးအဖွဲ့တွေ၊ နိုင်ငံတကာ မီဒီယာတွေရဲ့ ပုံဖော်မှုတွေကြားမှာ ၁၉၉၃ သဘောတူညီချက်က ဘယ်အတိုင်းအတာအထိ ကျော်လွှားနိုင်မှာလဲ။

သိန်းနဲ့ချီတဲ့ မွတ်စလင် ဒုက္ခသည်တွေအရေး၊ ရခိုင်ပြည်နယ် ပြန်လည် တည်ငြိမ် အေးချမ်းရေး၊ နိုင်ငံတော် လုံခြုံရေးနဲ့ အကြမ်းဖက်ဝါဒ၊ နိုင်ငံတကာဖိအားတွေကြားမှာ အမျိုးသားဒီမိုကရေစီ အဖွဲ့ချုပ် (NLD) အစိုးရအနေနဲ့ ဆက်ပြီး ရင်ဆိုင်ရမယ့် စိန်ခေါ်မှုတွေကို ဒီမေးခွန်းတွေက မီးမောင်းထိုးပြနေပါတယ်။

(သင်ကာ)

From : Myanmar Cable News by MCN Newsroom

Originally published at - http://www.mcntv.biz/news

Read More »

Tuesday, August 08, 2017

၈၈၈၈ လည်ပြန်



ရှစ်လေးလုံး အရေးတော် ပုံကြီးကား ၂၉ နှစ် တိုင် ခဲ့လေပြီ။ မြန်မာ့ သမိုင်း၏ အချိုး အကွေ့ များစွာ ထဲမှ အထင်ကရ အဖြစ်ဆုံး အရေးတော် ပုံကြီးဟု ရည် ညွှန်း နိုင်သည့် အနှီ အရေးတော် ပုံကြီး၏ အကျိုး ရလဒ်များကား အဘယ်နည်း၊ အ ရေးတော် ပုံကြီး အတွင်း ပေးဆပ် ခဲ့ရသော ကျောင်းသား၊ ရဟန်း၊ ပြည်သူ တို့၏ အသက်၊ သွေး၊ ချွေး တို့နှင့် ထိုက်တန်သည့် အကျိုးရ လဒ်ကို အမှန် တကယ် ခံစားနိုင်ခဲ့ ပါပြီလား၊

ဆယ်စုနှစ် သုံးခု နီးပါး အတွင်း ထိုအရေးတော် ပုံကြီးထံမှ သင်ခန်းစာများ ရယူခဲ့ ပါသလား၊ ရှစ်လေးလုံး အရေးတော် ပုံ၏ ကောင်းကျိုး၊ ဆိုးပြစ် များကို ပြန် လည် စိစစ်ဝေဖန်၍ ပိုမိုကောင်း မွန်အောင် ဘာတွေပြင်ဆင် ခဲ့ပါ သလဲ၊ ရှေ့ဆက်ပြီး ရှစ်လေးလုံး အရေးတော် ပုံကိုမည်သို့ သယ် ဆောင် ကြမည်နည်း စသည် တို့ကို အတွေးပွားမိပါသည်။

ပထမဆုံးစဉ်းစားမိသည်က ရှစ်လေးလုံး အရေးတော်ပုံကြီး ပေါ်ပေါက်လာပုံဖြစ်သည်။ တစ် ပါတီအာဏာရှင်စနစ်၏ ဖိနှိပ်မှု ကို နှစ်ပေါင်းများစွာခံခဲ့ရသည့် ပြည်သူလူထုအနေဖြင့် မကျေနပ် မှုတွေ တအုံနွေးနွေးရှိနေခဲ့သည် မှန်သော်လည်း ထိုမကျေနပ်မှုများကို ဖွင့်ဖောက်ထုတ်မည့် အချိန် ကိုကား ၈-၈-၁၉၈၈ ဟူ၍ သတ်မှတ်ခဲ့ကြသည်တော့ မ ဟုတ်။

ကျောင်းသား လူငယ်များ၏ ပြဿနာအသေးအဖွဲနှင့် အုပ်ချုပ်သူတို့၏ အစီအမံညံ့ဖျင်းမှုပေါင်းဆုံကြပုံက မီးခြစ်ကျောက်နှင့်မီးခြစ်ဘီး ပွတ်တိုက် မိခဲ့ခြင်းပင် ဖြစ်သည်။

ထိုမီးခြစ်ကျောက်နှင့် မီးခြစ်ပွတ်တိုက်မိရာမှ ထွက်ပေါ်လာသော မီးပွားလေးတွေက ပြည်သူတို့ရင်ထဲ နှစ်ကာလ ကြာရှည်စွာသိုသိပ် သိမ်းဆည်းထားရသည့် မကျေနပ်မှု ယမ်းပုံကြီးအပေါ် လွင့်စဉ်ကျရောက်ရာမှ ရှစ်လေးလုံး အရေးတော်ပုံကြီးပေါ်ပေါက်လာရခြင်း ဖြစ်သည်။

အချိန်တစ်ချိန်သတ်မှတ်၍ ရှစ်လေးလုံးအရေးတော်ပုံကဲ့သို့သော နောက်ထပ် အရေးတော်ပုံတစ်ခုကို ဖန်တီးမည်ဆိုပါက မည်သို့မှ မဖြစ်နိုင်ပေ။

ပြည်သူလူထုတစ်ရပ်လုံး၏ အုံကြွမှုဖြစ်ပေါ်ရန်မှာ အချက်အလက် အားလုံးပြည့်စုံမှ ဖြစ်နိုင်ပါသည်။ ထိုလိုအပ်သော အချက်အလက်များဆိုရာတွင်လည်း မည်သည့် အချက်များဖြစ်ပါသည်ဟူ၍ အတိအကျထောက်ပြနိုင်ရန် ခက်ခဲပေလိမ့်မည်။

တစ်ဆက်တည်း ပေါ်လာ သည့် အတွေးက သမိုင်း၏အ ဆက်အစပ်ဖြစ်သည်။ ရှစ်လေး လုံးအရေးတော်ပုံကြီးသည်လည်း ရှေးက ရဟန်းရှင်လူပြည်သူများ ၏ လွတ်မြောက်ရေးတိုက်ပွဲ အ ဆက်တစ်ခုလည်း ဖြစ်သည်ဟု ဆိုရမည်ဖြစ်သည်။ ကိုအောင် ဆန်း၊ ကိုနု၊ ကိုဗဟိန်းတို့ မရှိဘဲ ကိုမင်းကိုနိုင် မဖြစ်လာနိုင်။ သမိုင်းသည်အဆက်မပြတ် ဆက်စပ်ဖြစ် ပေါ်နေသည်မဟုတ်လား။

ဒုတိယစဉ်းစားမိသည့် အ ချက်မှာ ခေါင်းဆောင်မှုအပိုင်း ဖြစ်သည်။ ရှစ်လေးလုံးအရေး တော်ပုံကို မည်သူတွေ ခေါင်း ဆောင်ခဲ့ပါသနည်း၊ မည်သူက မည်သည့်အခန်းကဏ္ဍမှ ဦး ဆောင်ပါဝင်ခဲ့ပါသနည်း၊

မည်သူ များကို ထိပ်တန်းခေါင်းဆောင်များ ဟု သတ်မှတ်မည်လဲ၊ မည်သူများက ဒုတိယခေါင်းဆောင်များ ဖြစ်ပါသလဲ။ ယခုအချိန်တွင်တော့ သမိုင်း အချက်အလက်များကို ပြန်လည်စေ့ငုကာ မည်သူက အ ဓိကခေါင်းဆောင်၊ မည်သူက ဒုတိယတန်း ခေါင်းဆောင်စသည် ဖြင့် တံဆိပ်ကပ်နိုင်ကောင်းကပ် နိုင်ပေလိမ့်မည်။

သို့သော် ‘ခေါင်း ဆောင်ဟာ အခက်အခဲကြားမှာ ပေါ်လာတယ်’ဟု ဆိုသော စကားအတိုင်း အရေးတော်ပုံကြီးအတွင်းကျမှ မည်သူကခေါင်းဆောင်နိုင် သလဲ ဆိုသည်ကို ရှာဖွေကာ ခေါင်းဆောင်တင်ခဲ့ကြခြင်း ဖြစ်သည်။ သို့ရာတွင် ခေါင်းဆောင်များ အတွက် တိတိကျကျသတ်မှတ်ထားသော ခေါင်းဆောင် မှု(Leader-ship)တော့ မရှိခဲ့ဟုသာ ဆိုရပေမည်။

ရှစ်လေးလုံးအရေးတော်ပုံကြီးမှ ပေါက်ဖွားလာခဲ့သော ယနေ့နိုင်ငံတော်၏ အတိုင်ပင်ခံ ပုဂ္ဂိုလ်သည်ပင်လျှင် တိုက်ပွဲကြားမှ ပေါ်ပေါက်လာသော ခေါင်းဆောင် တစ်ဦးဖြစ်သည် မဟုတ်ပါလား။

တတိယစဉ်းစားမိသည့် အ ချက်မှာ ရှစ်လေးလုံးအရေးတော် ပုံအား မည်သည့်အတွေးအခေါ် ဖြင့် ဆင်နွှဲခဲ့ကြပါသနည်းဆိုသော အချက်ပင်ဖြစ်ပါသည်။

မကျေနပ်မှုကို အခြေတည်ကာ ဖြစ်ပေါ်လာသော အရေးတော်ပုံ ဖြစ်သည့်အတွက် ဦးတည်ချက်မှာ ဖိနှိပ်သောအစိုးရကို ဖြုတ်ချရန်သာ ဖြစ်ခဲ့သည်။

ဒီမိုကရေစီစံနှုန်း ပြည့်ဝဖို့ဆိုသည်ကို သိပ်စိတ်မ၀င်စားခဲ့။ တိုင်းရင်းသားညီအစ်ကိုမောင်နှမချင်း တန်းတူအခွင့်အရေးရှိမည့် ဖက်ဒရယ်စနစ်ဆိုသည်ကိုလည်း ပြောသံပင် သိပ်မကြားရ။

အာဏာရှင်စနစ်ဆိုသည်မှာ လူကိုလူချင်း နိုင်ထက်ကလူပြုသော စနစ်ဖြစ်သဖြင့် အာဏာရှင်စနစ်ကျဆုံးအောင် ငါတို့တိုက်ပွဲဝင်ကြရမည်ဟူသော အတွေးအခေါ်၊ ဒီမိုကရေစီဆိုသည်မှာ ပြည်သူကအာဏာကိုအမှန်တကယ် ပိုင်ဆိုင်ပြီး အစိုးရဆိုသည်မှာ ပြည်သူ့ကိုယ်စားတိုင်းပြည်ကိုစီမံခန့်ခွဲရုံသာ ဖြစ်သည်ဆိုသည့် အတွေးအခေါ်တို့ထက် ငါတို့ကို နိုင်ထက်ကလူပြုခဲ့သူများကို ဆွဲချရမည်ဟူသည့် စိတ်ခံစားမှုက ရှေ့ကို နည်းနည်းပို ရောက်ခဲ့ကြပုံပေါ်သည်။

အချိန်ကာလ မသတ်မှတ် ခဲ့ဘဲ အခြေအနေများ ရုတ်တရက် ပြည့်စုံကာပေါ်ပေါက်လာခဲ့ခြင်း၊ တိုက်ပွဲကြားတွင်မှ ခေါင်းဆောင် ကို ရှာဖွေနေရခြင်းနှင့် ခေါင်း ဆောင်မှုအခန်းကဏ္ဍများကို တိတိကျကျ မသတ်မှတ်နိုင်ခဲ့ခြင်း၊ အရေးတော်ပုံကို ဆင်နွှဲရသည့် နောက်ခံအတွေးအခေါ်တို့က ရှစ် လေးလုံးအရေးတော်ပုံ၏ အဆုံး သတ်ကိုများစွာ သက်ရောက်မှုရှိ ခဲ့သည်။

တပ်မတော်မှ အာဏာ သိမ်းခဲ့ခြင်းကြောင့် အရေးတော် ပုံပြီးဆုံးသွားခဲ့ရသည်မှာ မှန်ပါ သည်။ သို့သော် အပြီးသတ် အောင်ပွဲ မဆင်နွှဲနိုင်ရခြင်း အကြောင်း
ရင်းမှာမူ အရေးတော်ပုံကိုယ်တိုင်ပေါ်တွင် များစွာတည်မှီခဲ့သည်ဟု ဆိုရပေမည်။ မဆလတစ်ပါတီ အစိုးရကို ဖြုတ်ချနိုင်ခဲ့သော်လည်း အာဏာပြန်၍ အသိမ်းခံရခြင်း အကြောင်းရင်းကို ပြန်လည်စေ့ငုလျှင်မိမိတို့ကြားတွင် ခေါင်းဆောင်မှုအခန်းကဏ္ဍ ရှုပ်ထွေးများပြားလှခြင်းကတစ်ခု အပါအ၀င် ဖြစ်ခဲ့သည်။

ယင်းအရှုပ်အထွေးကြောင့် အခွင့်အလမ်းတွေကို အကင်းပါးပါး မရယူနိုင်ခဲ့ဘဲ လက်လွှတ် လိုက်ရသည်များလည်း ရှိသည်။

တစ်ပြိုင်နက်တည်းတွင် အာဏာရှင်စနစ်ကို အတွေးအခေါ် အရ တော်လှန်ခြင်းထက်အာဏာရှင်အစိုးရကို မကျေနပ်မှုအရ တော်လှန်ခဲ့ကြခြင်းဖြစ်သဖြင့် ထိုအာဏာရှင် အစိုးရပြုတ်ကျသွားချိန်တွင် ရှေ့ဆက်ဘာလုပ်ရမည်ဟူသော ပြင်ဆင်မှုပိုင်း အားနည်းခဲ့သည်ဟု ယူဆနိုင်သည်။ အားနည်းသည်ဟု ဆိုရခြင်းက အပြစ်တင်ခြင်းမဟုတ်။ လူထုလှုပ်ရှားမှုများ၏ သဘောသဘာဝကိုစစ်ထုတ်ကြည့်မိခြင်းသာ ဖြစ်၏။

နောက်ထပ် တွေးထောင့် တစ်ခုမှ ဆင်ခြင်မိသည်မှာ ရှစ် လေးလုံးအရေးတော်ပုံ၏ အကျိုး ဆက်များဖြစ်သည်။ အပြီးသတ် အောင်ပွဲကို မဆင်နွှဲနိုင်ခဲ့သည် မှန်သော်ငြား ယနေ့အချိန်အထိ မြန်မာနိုင်ငံ၏ ဖြစ်ပေါ်တိုးတက်မှု များအားလုံး၏ သန္ဓေသည် ရှစ် လေးလုံးအရေးတော်ပုံကြီးပင် ဖြစ်သည်။ ရှစ်လေးလုံးမရှိဘဲ ရွှေ ၀ါရောင်တော်လှန်ရေး မရှိနိုင်။ ရှစ်လေးလုံးမရှိဘဲ ရွေးကောက်ပွဲ မရှိနိုင်။ ရှစ်လေးလုံးမရှိဘဲ NLD မရှိနိုင်။

ရှစ်လေးလုံးမရှိဘဲ ယနေ့ ခေတ် အနေအထားမျိုးမည်သို့မှ မရောက်ရှိနိုင်ပေ။ ရှစ်လေးလုံး အရေးတော်ပုံကြီးက သည်ဘက် ခေတ် ဒီမိုကရေစီရေးလှုပ်ရှားမှု များအားလုံးကို မျိုးစေ့ချပေးခဲ့ ခြင်း ဖြစ်သည်။ ယင်းသည်ပင် ရှစ်လေးလုံးအရေးတော်ပုံကြီးမှ ရရှိခဲ့သော အမြတ်ဖြစ်သည်။

ထိုသို့ဆိုလျှင် ရှစ်လေးလုံး အရေးတော်ပုံကြီးသည် အမှန်တ ကယ်ပြီးဆုံးသွားခဲ့ပြီလား။ ပြော ခဲ့သလို ယနေ့မြန်မာနိုင်ငံ၏ ဒီမို ကရေစီရေးခြေလှမ်းတိုင်းသည် ရှစ်လေးလုံးအရေးတော်ပုံကြီး၏ အဆက်ဖြစ်သည်။ ရှစ်လေးလုံး ကမပြီးပြတ်ခဲ့သည် အာဏာရှင် စနစ်ကို အမြစ်ဖြတ်ရေးကို ဆက် လက် ဆောင်ရွက်ရ ဦးမည်ဖြစ် သည်။

ရှစ်လေးလုံးအရေးတော်ပုံ ကြီးက အမှန်တကယ် မပြီးဆုံး သေး။ ထိုသို့ဆိုလျှင် မည်သို့ဆက် လက်တိုက်ပွဲဝင်ကြမည်နည်း။ ရှစ်လေးလုံး အရေးတော်ပုံကြီးကို မည်သို့ ဆက်လက်သယ်ဆောင် ကြမည်လဲ။

မည်သည့်နည်းစနစ်ကို သုံး သည်ဖြစ်စေ၊ မည်သည့်လမ်း ကြောင်းက ချီတက်သည်ဖြစ်စေ၊ ပြည်သူသာ အဓိကအကျဆုံး အင်အားဖြစ်သည်ဆိုသည့် အချက်မှာ အငြင်းပွားစရာ မလိုသော ရှစ်လေးလုံးအရေးတော်ပုံ၏ သင်ခန်းစာဖြစ်သည်။

လတ်တလောတွင် အမျိုးသားဒီမိုကရေစီ အဖွဲ့ချုပ် အစိုးရအနေဖြင့် စစ်မှန်သည့် ဒီမိုကရေစီဖက်ဒရယ်နိုင်ငံ ထူထောင်ရေးအတွက် အခြေအနေ ကောင်း များကို ၂၁ ရာ စုပင်လုံညီလာခံနှင့် ပြည်ထောင်စု သဘောတူညီချက်တို့ကတစ်ဆင့် ကြိုးစားဖန်တီးနေသည်။

သို့သော် တစ်ဆက်တည်းတွင် စစ်မှန်သော ဒီမိုကရေစီနိုင်ငံ ထူထောင်ရေးတွင်ကြုံတွေ့လာနိုင်မည့် အခြေအနေတိုင်း အတွက် ခေါင်းဆောင်မှုကို တွေးဆပြင်ဆင်သင့်သည်ဟု ယူဆမိပါ သည်။

ထို့ပြင် လက်ရှိအစိုးရ အဖွဲ့၊ လွှတ်တော်နှင့် ပြည်သူလူထုအား ဒီမိုကရေစီအတွေးအခေါ် လက်နက်များ တပ်ဆင်ပေးထားဖို့ လိုအပ်မည် ဖြစ်ပါသည်။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)

From : 7 day daily news - By: ခိုင်ကြည်သစ်

Originally published at - http://www.7daydaily.com/story/103955

Read More »

ဒေါင်းအလံကို ပန်းလိုပန်လို့လှလို့



၈.၈.၂၀၁၇ နေ့သည် ရှစ် လေးလုံး ဒီမိုကရေစီ အရေးတော် ပုံကြီး၏ (၂၉) နှစ်မြောက် နေ့ ဖြစ်သည်။ လွန်ခဲ့သော ၂၉ နှစ်က ဒီမိုကရေစီ ရရှိရေး အတွက် တိုက် ပွဲဝင်ရင်း ကျဆုံး ခဲ့ရသော ရဟန်း ရှင်လူ ပြည်သူ များနှင့် ကျောင်းသား များကို ဦးစွာ အလေးပြု လိုက် ပါသည်။

ထို့အပြင် ထိုတော်လှန်ရေး တွင် ပါဝင် လှုပ်ရှား ခဲ့ကြပြီး ဒီမို ကရေစီ ရရှိရေး အတွက် မမှိတ် မသုန်သော စိတ်ဓာတ်ဖြင့် ယနေ့ ထက်တိုင် မျက်ခြည် မပြတ်ရှိသူ များကိုလည်း ဂုဏ်ပြု လိုက်ပါသည်။

ကျွန်တော်တို့ မြန်မာနိုင်ငံ၏ ဒီမိုကရေစီရရှိရေး တော်လှန်ရေး ခရီးကြမ်းမှာ အတော်ပင်ကြမ်း တမ်းခဲ့ပါသည်။ တောက်ခေါက် အံကြိတ်သံများ၊ တိတ်တဆိတ်ငို ကြွေးသံများ၊ အမှောင်ခန်းထဲမှ ညည်းညူသံများ၊ သွေးစက်များ ကို အလွယ်တကူ မေ့လျော့၍ မရနိုင်ပါ။

မုန်တိုင်းထန်ပြီးနောက် လေပြည်လေညင်းများ ရောက်ရှိ လာသည် ဆိုသော်ငြား မုန်တိုင်း အငွေ့အသက်က လေပြည်ထဲ တွင် ရှိနေဆဲဖြစ်ပါသည်။

ယခုလို အရေးတော်ပုံနှစ် ပတ်လည် ကာလများတွင် သတိ တရဖြစ်မိသည်က ဒီမိုကရေစီ စနစ်တစ်ရပ် ပေါ်ပေါက်လာရေး အတွက် ကိုယ်ကျိုးစွန့်လွှတ် အနစ်နာခံခဲ့ရသူများ၏ ပုံရိပ်များ သာဖြစ်သည်။ တချို့ ကွယ်လွန် သွားကြပြီဖြစ်၏။ တချို့ကတော့ ဒီမိုကရေစီစနစ် အကောင်အထည် ဖော်ဆောင်ရေး လုပ်ငန်းစဉ်တစ် ခုခုတွင် နိုင်ငံရေးသမားများ အ ဖြစ် ရပ်တည်နေကြသည်။ တချို့ ကတော့ နိုင်ငံရေးသမားများ အဖြစ် မရပ်တည်သည့်တိုင် တိုင်း ပြည်၏ ဒီမိုကရေစီရှေ့ခရီး အတွက် ခိုင်မာသော သန္နိဋ္ဌာန်၊ မပျက်ယွင်းသောသစ္စာဖြင့် ရပ်တည်လျက်ရှိကြသည်။

ဒီမိုကရေစီရရှိရေး ရှစ်လေး လုံး အရေးတော်ပုံထဲမှ လူတစ် ယောက်ကို ယခုရက်အတွင်း ကျွန်တော် သတိတရဖြစ်မိသည်။ ရှစ်လေးလုံး အရေးတော်ပုံအပြီး တွင် ကျွန်တော်တို့ သူငယ်ချင်း သုံးယောက် စာအုပ်အငှားဆိုင် လေးတစ်ဆိုင် ဖွင့်ဖြစ်သည်။ သုံး ယောက်စလုံး တက္ကသိုလ်၊ ကော လိပ်တက်နေသည့် ကျောင်းသား များဖြစ်၏။ ဟင်္သာတမြို့ ပန်းပဲ တန်းရပ်ကွက်တွင် ‘ရွှေဒေါင်း တောင်’ဟူသည့် စာအုပ်ဆိုင်လေး ကိုဖွင့်ရန် သုံးဦး သဘောတူကြပြီး စာအုပ်ဝယ်ရန်အတွက် ကျွန် တော် တစ်ဦးတည်း ရန်ကုန်တက် ခဲ့သည်။

အချိန်ကား ၁၉၈၉ ခုနှစ်ဖြစ် ပြီး စစ်အုပ်ချုပ်ရေးကာလဖြစ် သည်။ ရန်ကုန်-ဟင်္သာတ ကား လမ်း မပေါက်သေးသဖြင့် ဧရာ ဝတီမြစ်အရှေ့ဘက်ကမ်းသို့ကူး ကာ သာရဝေါမှ ကြည့်မြင်တိုင် အထိ ရထားစီးသွားရသည့် လမ်း ဖြင့်သာ ရန်ကုန်ရောက်ခဲ့သည်။ ရန်ကုန်က မိတ်ဆွေကိုတင်မောင် ဝင်း (ယခုစာရေးဆရာလေးကို တင်)နေထိုင်သည့် လမ်းမတော် က တိုက်ခန်းနံပါတ် (၁၆၁)မှာ တည်းသည်။ ကိုတင်မောင်ဝင်းက မဆလလက်ထက် အတိုက်အခံ နိုင်ငံရေးသမားတစ်ဦး ဖြစ်ပြီး ထောင်မှထွက်ကာ စာအုပ် အဟောင်းရောင်းခဲ့သူဖြစ်၍ စာ အုပ်ဆိုင်တွေနှင့် ရင်းနှီးသူဖြစ် သည်။ သူနှင့်အတူလည်း စာအုပ် အငှားဆိုင်အတွက် စာအုပ်များ လိုက်ဝယ်ဖြစ်သည်။ နေ့ခင်းပိုင်း စာအုပ်ဝယ် ညပိုင်းလက်ဖက်ရည် ဆိုင်ထိုင်ကာ နိုင်ငံရေးအကြောင်း၊ စာအုပ်စာပေအကြောင်း ပြော ဖြစ်သောနေ့ရက်များဖြစ်သည်။

တစ်ည ည ၉ နာရီအချိန် လောက်တွင် လူတစ်ယောက် သည် ကျွန်တော်တည်းနေသည့် တိုက်ခန်းနံပါတ် (၁၆၁)၏တံခါး ကို လာခေါက်သည်။ စစ်အုပ်ချုပ် ရေးကာလဖြစ်သဖြင့် ည ၈ နာရီ ကျော်သည်နှင့် ရန်ကုန်မြို့၏လမ်း များပေါ်တွင် လူသူမရှိတော့။ ထို သူ ဒီအချိန်ရောက်မှ ဘာများဖြစ် လာပါလိမ့်ဟု တွေးမိသည်။ အခန်းထဲရောက်တော့ အိမ်ရှင် ကိုတင်မောင်ဝင်းနှင့် စကားတီး တိုးပြောနေကြပြီး ထိုသူမှာ ကျွန် တော်အိပ်သည့် ခြင်ထောင်ထဲသို့အတင်း ဝင်အိပ်တော့သည်။ အပြင်မှ လမ်းမီးရောင်ဖြင့် ခြင် ထောင်ထဲ မသဲမကွဲမြင်ရသည်အရ ထိုသူမှာ ကျွန်တော်နှင့်သက်တူရွယ်တူလောက်ရှိမည် ထင်သည်။

သူလည်း ကိုယ့်ကို စကား တစ်ခွန်းမှမပြောသဖြင့် ကိုယ် လည်း နှုတ်ဆိတ်လိုက်ကာ ထိုသူ စိမ်းကို ကျောခိုင်းအိပ်လိုက်သည်။ မှေးခနဲ အိပ်ပျော်သွားပြီး သူစိမ်း ၏ လှုပ်ရှားမှုကြောင့် အိပ်ရာမှ နိုး လာရသည်။ သူစိမ်းက လမ်းပေါ် တွင် ကားတစ်စီးဖြတ်မောင်းလာ တိုင်း အိပ်ရာထဲမှ ငုတ်တုတ်ထ ကာ ခြင်ထောင်လှပ်ပြီး လမ်းပေါ် သို့ကြည့်သည်။ အခါခါဖြစ်လာ တော့ ခြင်ထောင်ထဲ ခြင်တွေဝင် လာပြီး အိပ်မရတော့။ ဘယ်လိုလူ မျိုးနဲ့ ရေစက်ဆုံရသလဲဟုသာ ကိုယ့်ဘာသာ တွေးတောမိသည်။ မနက်မိုးလင်းတော့ သူစိမ်းမရှိ တော့...။ ဘယ်အချိန် ထပြန်သွား သည်မသိ။ ကိုတင်မောင်ဝင်းက သူစိမ်းမရှိမှ သူစိမ်းနှင့် မိတ်ဆက် ပေးသည်။ ‘‘အဲဒါ ရွှေဘုန်းလူလေ ...ညက တောင်ဥက္ကလာက သူ့အိမ်ကို တပ်ကလာရှာလို့ ဒီကိုလာရှောင်တာ’’ဟူ၏။

ရွှေဘုန်းလူဆိုသည့် နာမည် ကို ရင်းရင်းနှီးနှီး မှတ်မိနေသည် က ရှစ်လေးလုံးအရေးတော်ပုံ ကာလအတွင်း သူရေးခဲ့သည့် ‘ကျောင်းသားအတ္ထုပ္ပတ္တိ’ဆိုသော ကဗျာကြောင့်ဖြစ်သည်။ ကဗျာ က ကဗျာရှည်ကြီးဖြစ်ပြီး ကြေကွဲ ဖွယ်ကောင်းသည်။ ပထမဆုံး အပိုဒ်ကလေးကို ဖတ်ကြည့်စေ ချင်သည်။

(၁)

မင်းရဲ့ရုပ်အလောင်းဟာ

ခြင်္သေ့ဂူထဲမှာရှိလိမ့်မယ်

အမှောင်စုံးစုံးမှာ

အရာအားလုံးမေ့ဖျောက်ပစ်

နောက်တစ်ခေတ်

မင်းအောင်မြင်စေကွယ်

အက်ကွဲနေသောလက်များနဲ့

ဘုရားသခင်ထံ ငါတို့ဆုတောင်း

မင်း ...

ကောင်းရာသုဂတိလားပါစေလို့

ငါတို့ရဲ့

သွေးတစ်စက်ကိုထက်ဝက်ခွဲ

မင်းခံတွင်းထဲ

တဲတဲလေးလျှောချကြည့်ရင်

နှုတ်ခမ်းသေများက

ဖွဖွတိုးတိုးလေး လှုပ်ရှားအော်မြည်

ဒီ..မို..က..ရေ..စီ

ဒီမိုကရေစီလို့ဆိုလိမ့်မယ်

ညီလေးရယ် ရနိုင်မယ်ဆိုရင်

မင်းရဲ့အရိုးတစ်မှုန်ကို

နိဗ္ဗာန်ဘုံအထိယူပြီး

ဘုရားရှင်ကိုပြကြည့်ချင်တယ်

မင်းဟာ

သူရဲကောင်းလေးဖြစ်တယ်

မင်းဟာ

အာဇာနည်လေးဖြစ်တယ်

မင်းဟာ

ဗမာကျောင်းသားလေး

ဖြစ်တယ်လေ ...။

နောင်မှသိရသည်မှာ ရွှေ ဘုန်းလူ (ခေါ်)ချစ်ညီညီသည် ၁၉၈၉ ခုနှစ် ဗကသများအဖွဲ့ချုပ် ဗဟိုကော်မတီဝင်ဖြစ်ပြီး ထိုအဖွဲ့ ၏ ဒုဥက္ကဋ္ဌကိုအောင်ဒင်၏ ညီ အရင်းလည်းဖြစ်သည်။ ၁၉၉၀ မေလတွင် အထိန်းသိမ်းခံရပြီး အင်းစိန်၊ သရက်၊ သာယာဝတီ ထောင်များတွင် ၁၉၉၄ ခုနှစ်အထိ နေထိုင်ခဲ့ရသည်။ ရွှေဘုန်းလူ အမည်ဖြင့် ‘ကျောင်းသား အတ္ထုပ္ပတ္တိ’၊ ‘ကျောင်းဖွင့်ချိန်’၊ ‘ဥဒါန်း’၊ ‘မျှော်’ ဟူသော ကဗျာ များရေးသားခဲ့သည်။ ၁၉၉၄ ခုနှစ် အကျဉ်းထောင်မှလွတ်မြောက်ပြီး နောက် တာရာမင်းဝေဟူသော ကလောင်အမည်ဖြင့် စာပေလော ကသို့ ဝင်ရောက်ခဲ့ရာ နာမည် ကျော် စာရေးဆရာတစ်ဦးအဖြစ် ရပ်တည်နိုင်ခဲ့သည်။ မြန်မာနိုင်ငံ တွင် လူငယ်ပရိသတ်အများဆုံး ရရှိခဲ့သူလည်းဖြစ်၏။ ၂၀၀၇ ခုနှစ် သြဂုတ်လ ၅ ရက်နေ့ အသက် (၄၁)အရွယ်တွင် ကွယ် လွန်ခဲ့သည်။

ရေဝေးသုသာန်တွင် ကျင်းပ သော သူ၏အသုဘအခမ်းအနား သို့ ၈၈ မျိုးဆက်ကျောင်းသား ခေါင်းဆောင်များဖြစ်သည့် ကို မင်းကိုနိုင်၊ ကိုကိုကြီး၊ ကိုဌေး ကြွယ်၊ ကိုဂျင်မီတို့ တက်ရောက် ခဲ့ကြပြီး ကိုမင်းကိုနိုင်က ‘ကြယ် ကြွေသတို့သား’ဟူသည့် ကဗျာကို ရွတ်ဆိုဂုဏ်ပြုခဲ့သည်။ ဘာလို လိုနှင့် ဒီမိုကရေစီ ငတ်မွတ်သော ကျောင်းသားတစ်ယောက် ကွယ် လွန်ခဲ့သည်မှာ ၁၀ နှစ်တင်းတင်း ပြည့်ခဲ့ပြီဖြစ်သည်။

ထို့အတူ ရှစ်လေးလုံး ဒီမို ကရေစီ အရေးတော်ပုံကြီးမှာ လည်း ၂၉ နှစ်တိုင်ခဲ့ပြီဖြစ်၏။ ထို ၂၉ နှစ်အတွင်း ကိုယ်ကျိုးစွန့် အနစ်နာခံခဲ့သူများ၏ ရည်မှန်း ချက်က မည်မျှအထိ ခရီးပေါက် ရောက်နေပြီလဲ ဆိုသည်ကို သမိုင်းဖြတ်သန်းနေသူများကသာ မှတ်ချက်ပေးနိုင်လိမ့်မည်ဖြစ် သည်။

ကျွန်တော်ကတော့ ရွှေ ဘုန်းလူခေါ် တာရာမင်းဝေ၏ ကျောင်းသားအတ္ထုပ္ပတ္တိကဗျာ နောက်ဆုံးပိုဒ်ကိုသာ သတိတရ ပြန်လည် ရေရွတ်နေမိသည်။

(၅)

ညီလေးရေ

ရာဇဝင်ရေးရာစာအုပ်ပိတ်

တော်လှန်ရေးမှာ‘အိပ်’တော့နော်

စိတ်ချသွားပါ

အရာအားလုံးကို မေ့ဖျောက်

သွေးနဲ့တည်ဆောက်တဲ့

အုတ်ဂူတစ်လုံး

တလောကလုံးလင်းစေအားကွယ်

တိမ်သားရိုးရီ

ဒီမိုကရေစီတောင်တက်လမ်းက

ခပ်ကြမ်းကြမ်း

ကျောက်လေးတွေအဖြစ်

စွဲနစ်ကျန်တင်လို့အောင်မြင်မှာပါ

ဗမာပြည်အတွက် လိုအပ်တဲ့

‘လူ့အခွင့်အရေးနဲ့ ဒီမိုကရေစီ’

အရှေ့ဘက်အရပ်မှာ

ခြင်္သေ့တွေချီလာပြီ

စစ်မြင်းတွေပြိုင်လာပြီ

ခွပ်ဒေါင်းတွေ ပျံလာနေပြီ

ညီလေးရယ်

ငြိမ်းချမ်းစွာ အေးမြစွာ ရှင်းသန့်စွာ

နောက်ဘဝမှာ

မြင်ယောင်ကြည့်စမ်းကွယ်

ဘာပဲဖြစ်ဖြစ်

ယမ်းငွေ့တလူလူကြားထဲမှာ

မင်းချစ်တဲ့ ဗမာပြည်ကြီးဟာ

ဒေါင်းအလံကို ပန်းလိုပန်လို့လှလို့

သြော်...

ဒေါင်းအလံကို ပန်းလို ပန်လို့

လှလို့ပါပဲ ညီလေးရယ်...။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)

From : 7 day daily news - By: ဗညားလှိုင်ဦး

Originally published at - http://www.7daydaily.com/story/103954

Read More »

ပြောင်းလဲမည်ဆိုလျှင် မြန်မြန်ပြောင်းလော့



အချိန်နှင့် ဒီရေသည် လူကို မစောင့် ဆိုသည့် စကားပုံကို သတိရ မိသည်။ ပြောင်းသင့်ရင်၊ ပြင်သင့်ရင် မြန်မြန် သွက်သွက် ပြောင်းရ၊ ပြင်ရမည် ဖြစ်ပါသည်။

ရက်ရာ ဇာ၊ ပြဿဒါး ရွေးနေ၍ မဖြစ်နိုင်ပါ။ အပြောင်း အလဲ နောက်ကျမည် ဆိုပါက တစ်ရက် ဆိုလျှင် ဆို သလောက် နိုင်ငံတော်နှင့် နိုင်ငံ သားတို့ကို နစ်နာ စေမည် ဖြစ်သည်။

ငကန်းသေလျှင် ငစွေပေါ် သည်ဆိုသော ရာစုနှစ်ဝက် လောက် ကတည်းက ဖြစ်မြဲ ဓမ္မတာ ကိုလည်း ပြောင်းပြန် လှန်ပစ်နိုင်ဖို့ သော့ချက် ကျမည် ဖြစ်သည်။

သောင်မတင်ရေမကျ၊ ငေးမော တွေဝေ ချီတုံ ချတုံဖြစ်နေမည် ဆိုလျှင် အစိုးရ အဖွဲ့သည် ပြည်သူ လူထုနှင့် ဒီမိုကရေစီ ခရီးရှည် အတွက် ဝန်ထုပ် ဝန်ပိုး ဖြစ်နေ တတ်သည်ကို ဆင်ခြင်သင့်သည်။

၂၀၁၇ ခုနှစ် သြဂုတ် ၁ ရက်နေ့တွင် လျှပ်စစ်နှင့် စွမ်းအင်ဝန် ကြီးဌာန ပြည်ထောင်စုဝန်ကြီး ဦးဖေဇင်ထွန်းကို သဘောဆန္ဒအ လျောက် ရာထူးက နုတ်ထွက် ခွင့် ပြုလိုက်ကြောင်း ပြည်ထောင်စု သမ္မတမြန်မာနိုင်ငံတော် နိုင်ငံ တော်သမ္မတရုံးက ထုတ်ပြန်ခဲ့ သည်။

၂၀၁၅ အထွေထွေရွေး ကောက်ပွဲအလွန် ပြည်ထောင်စု အစိုးရသက်တမ်း တစ်နှစ် လေး လကာလတွင် ပထမဆုံးအကြိမ် ပြည်ထောင်စုဝန်ကြီးတစ်ဦးနုတ် ထွက်ခြင်းဖြစ်သည်။ အစိုးရအဖွဲ့ ဝင် ဝန်ကြီးများအပေါ် စိတ်တိုင်း မကျသံများ၊ အားမရသံများမြင့် မားနေသည့်အခါသမယတွင် ဝန်ကြီး အဖွဲ့ အပြောင်း အလဲ၏ ကနဦး ခြေလှမ်း ဖြစ်လာ လိမ့်မည်ဟု မျှော်လင့် သုံးသပ်သံများလည်း ဆူညံ ပွက်လော ရိုက်လျက် ရှိသည်။

အစိုးရအဖွဲ့တွင်း အပြောင်းအလဲ အလားအလာများ နှင့် စပ်လျဉ်း၍ ကောလာဟလ အဖြစ်သာ သတင်းကြီး နေဆဲဖြစ်သည်။

လက်ငင်းမြန်မာ့နိုင်ငံရေးအ ခင်းအကျင်းတွင် ပြည်ထောင်စု အစိုးရအဖွဲ့သည် ဗဟိုချုပ်ကိုင်မှုမြင့်မားပြီး ကြိုးနီစနစ်အား ကောင်းကာ ဗျူရိုကရေစီနွံထဲ နစ်နာ သည်ဟု ကောက်ချက်ပြုကြ သည်။

ဈေးကွက်သဘောအရ ပြောလျှင် ပြည်သူသည် စားသုံးသူ(သို့မဟုတ်)ဝယ်သူဖြစ်ပြီး အစိုးရ သည် ဝန်ဆောင်မှုပေးသူ(သို့မ ဟုတ်)ရောင်းသူပင်ဖြစ်သည်။ စား သုံးသူ(သို့မဟုတ်)ဝယ်သူကို အမြဲတမ်းဦးစားပေးရမည်ဖြစ်ပြီး ဈေး ကွက်စီးပွားရေးတွင် စားသုံးသူ သည် အမြဲတမ်းမှန်ကန်သည်။ နိုင်ငံရေးတွင် စားသုံးသူ (သို့မ ဟုတ်)ဝယ်သူဖြစ်သော ပြည်သူ လူထုသည် အချုပ်အခြာအာဏာ ၏မူလပိုင်ရှင်ဖြစ်သည်ကို မမေ့ လျော့အပ်ပေ။ ကြိုးနီစနစ်(သို့မ ဟုတ်)ဗဟိုချုပ်ကိုင်မှု အား ကောင်းနေသရွေ့ ဒီမိုကရေစီဖက်ဒရယ် ပြည်ထောင်စုတည် ဆောက်ရေးသည် သဲနှင့်ဆောက် သောအိမ်နှင့်တူနေတတ်သည်ကို မမေ့မလျော့အပ်ပေ။

ဖွဲ့စည်းပုံအခြေခံဥပဒေ၊ စီး ပွားရေးဖွံ့ဖြိုးတိုးတက်မှု၊ ပြည် တွင်းငြိမ်းချမ်းရေး စသည့်အကျပ် အတည်းများနှင့် ပိတ်မိနေသော ခေတ်ပြိုင်မြန်မာ့နိုင်ငံရေးတွင် အစိုးရများနှင့် လွှတ်တော်များ သည် အားကောင်းပြီး အပြန်အ လှန်ဟန်ချက်ညီညီထိန်းကျောင်း နိုင်ရေး ရှေးရှုသင့်သည်။ ပြည် ထောင်စုဝန်ကြီးများ၊ တိုင်းဒေသ ကြီးနှင့် ပြည်နယ်ဝန်ကြီးချုပ်များ၊ ဒုတိယဝန်ကြီးများ၊ တိုင်းဒေသ ကြီးနှင့် ပြည်နယ်ဝန်ကြီးများအပါ အဝင် အစိုးရယန္တရားတစ်ခုလုံး၏ စွမ်းဆောင်ရည်ကို စနစ်တကျ စောင့်ကြည့်လေ့လာသင့်သည်။ ဝန်ကြီးဌာန၏စွမ်းဆောင်ရည်ကို သက်ဆိုင်ရာ ဝန်ကြီးဌာနက စောင့်ကြည့်အကဲဖြတ်၍ ပြည်သူကို အ သိပေးခြင်းထက် ပိုမိုလျော်ကန် သည့် နည်းနာကို ပြောင်းလဲကျင့် သုံးသင့်သည်။ ကိုယ့်ငါးချဉ်ကိုယ်ချဉ်တတ်သည့်လမ်းရိုးလမ်း ဟောင်းကို ဆောလျင်စွာ ဖောက် ထွက်သင့်သည်။

ပြည်ထောင်စုဝန်ကြီးများ၊ တိုင်းဒေသကြီးနှင့်ပြည်နယ်ဝန် ကြီးချုပ်များ၊ ဒုတိယဝန်ကြီးများ၊ တိုင်းဒေသကြီးနှင့် ပြည်နယ်ဝန် ကြီးများ၊ ပြည်ထောင်စုဝန်ကြီး ဌာနများ၊ တိုင်းဒေသကြီးနှင့်ပြည် နယ်အစိုးရများတို့၏စွမ်းဆောင် ရည်နှင့်ပတ်သက်၍ စဉ်ဆက်မ ပြတ်စောင့်ကြည့်လေ့လာအကဲ ဖြတ်ကြရမည်ဖြစ်သည်။ အစိုးရ မဟုတ်သော၊ လွတ်လပ်သော၊ ကြားနေအရပ်ဘက်အဖွဲ့အစည်း တစ်ခု(သို့မဟုတ်)အစုအဖွဲ့တစ် ခုက အစိုးရအဖွဲ့၏စွမ်းဆောင် ရည်ကို ဆန်းစစ် အကဲဖြတ်ပြီး စစ်တမ်းများ၊ သုတေသနများ ကျယ်ကျယ်ပြန့်ပြန့် ပြုလုပ်ကာ အများပြည်သူ သိရှိနိုင်အောင် ထုတ်ပြန်နိုင်မည်ဆိုလျှင် ပိုမို ကြောင်းကျိုးဆီလျော်မည်ဖြစ် သည်။ အစိုးရအဖွဲ့၏စွမ်းဆောင် ရည်ကို ကျောသားရင်သားမခွဲမ ခြား အကောင်းအဆိုး၊ အကြောင်း အကျိုးညီညီ ထုတ်ပြန်နိုင်မည်ဆို လျှင် တည့်မတ်စွာ ထိန်းကျောင်း ရာရောက်မည်ဖြစ်သည်။

အစိုးရအဖွဲ့၏မူဝါဒ၊ နည်း နာ၊ လုပ်ဟန်နှင့်လုပ်ငန်းစဉ်ပြု ပြင်ပြောင်းလဲပြီး ကြိုးနီစနစ်၊ ဗဟိုချုပ်ကိုင်မှုတို့ကို လျှော့ချနိုင်မည့် အခင်းအကျင်းကို တည်ဆောက် လာနိုင်ရေးက လူပုဂ္ဂိုလ်အပြောင်းအလဲထက် ပိုမိုအရေးကြီးသည်။ လူပြောင်းပြီး မူဝါဒလုပ်ဟန်မ ပြောင်းလဲပါက အချည်းနှီးပင်ဖြစ် သည်။ ထို့အပြင် အစိုးရသည် ဒီမို ကရေစီအပြောင်းအလဲတွင် ပြည် သူလူထု ထိထိရောက်ရောက်ပါ ဝင်နိုင်မည့်ပတ်ဝန်းကျင်ကို ပုံဖော်ပေးသင့်သည်။ အချုပ်အခြာအာ ဏာ၏ပိုင်ရှင်စစ်စစ်ဖြစ်သော ပြည်သူလူထုကို အလေးအနက် အသိအမှတ်ပြုပြီး သူတို့ပါဝင်နိုင် မည့်အခင်းအကျင်းကို တည် ဆောက်ပေးရမည်မှာ ပြည်သူအ သံ၊ ပြည်သူ့ဆန္ဒနှင့်အညီ ရပ်တည်မည့်အစိုးရတိုင်း၏တာဝန်ပင်ဖြစ် သည်။ နိုင်ငံ့ဝန်ထမ်းများ၏စား ဝတ်နေရေး၊ ဘဝအာမခံချက်ရှိ ရေးနှင့် သက်သာချောင်ချိရေးတို့ ကိုလည်း မဖြစ်မနေထည့်သွင်း စဉ်းစား၊ ဖောက်ထွက်ဖော်ဆောင် နိုင်ရန် ရှေးရှုသင့်သည်။

အစိုးရအဖွဲ့နှင့် ဝန်ကြီးအဖွဲ့ အပြောင်းအလဲများနှင့်ဆက်စပ် လျှင် ၂၀၁၅ ရွေးကောက်ပွဲအလွန်အစိုးရသည် ၁၉၆၂ ခုနှစ်နောက် ပိုင်းအာဏာရှင်အစိုးရအဆက် ဆက်၏လုပ်ပုံကိုင်ပုံ၊ နည်းနာများ နှင့် ထူးမခြားနားသတင်းထုတ်ပြန် နေဆဲဖြစ်သည်မှာ အားမရစရာ ဖြစ်ပါသည်။ တာဝန်ယူမှု၊ တာဝန်ခံမှု၊ ပွင့်လင်းမြင်သာမှုတို့သည် အားနည်း လျော့ရဲနေဆဲ ဖြစ်ပါ သည်။ ပြည်သူအများစုနှင့်တစ် သားတည်းရပ်တည်ပြီး တာဝန်ယူ မှု၊ တာဝန်ခံမှုရှိသော၊ ပွင့်လင်းမြင်သာသော ပြည်သူ့အစိုးရကောင်း တစ်ရပ်တည်ဆောက်နိုင်ရေးကို ရှေးရှုမည်ဆိုလျှင် နှစ်ပေါင်းငါး ဆယ်ကျော် အမြစ်တွယ်နေဆဲ လုပ်ဟန်များ၊ နည်းနာများနှင့် အလေ့အထများကို ဆောလျင်စွာ ဖောက်ထွက် ပြုပြင်နိုင်ရမည်ဖြစ် သည်။

အောက်ခြေပြည်သူလူထုအ များစုကို နီးနီးကပ်ကပ်ထိတွေ့ လျက် ဝန်ဆောင်မှုပေးနေသော ဝန်ကြီးဌာနများ၊ စီးပွားရေး၊ ဆင်း ရဲမွဲတေမှုလျှော့ချရေးတို့နှင့်ဆက် စပ်နေသော ဝန်ကြီးဌာနများသည် ပိုမိုသွက်လက် ထက်မြက်စွာ ဖောက်ထွက် ပြုပြင်နိုင်ရေးစိုင်း ပြင်းကြရမည်ဖြစ်သည်။ ခေတ်အ ဆက်ဆက် ပြည်သူလူထု၏ပခုံး ထက်၌ ထမ်းပိုးထားခဲ့ရသော ဝန်ထုပ်ဝန်ပိုးများကို သွက်သွက် လက်လက်လျှော့ချနိုင်ရမည်ဖြစ် သည်။ ပြည်သူအများစုအနေဖြင့် အစိုးရနှင့်ဝန်ကြီးဌာနများ၏စွမ်း ဆောင်မှုကို ကွင်းကွင်းကွက်ကွက် သိမြင်နိုင်ရမည်ဖြစ်သည်။ ယခင်အစိုးရအဆက်ဆက်နှင့် နှိုင်းယှဉ် မည်ဆိုလျှင် ဂငယ်ကွေ့အပြောင်း အလဲများကို သိသာမြင်သာဖော် ဆောင်နိုင်ရန် လိုအပ်နေဆဲပင် ဖြစ်သည်။

မြန်မာ့နိုင်ငံရေးလက်ငင်းအ ခြေအနေအရ ပြောင်းချင်တိုင်း ပြောင်းမရနိုင်သည့် အကျပ်အ တည်းများရှိနေသည်ဟု သုံးသပ် သံများလည်း ကြားနေရသည်။ နိုင်ငံတော်သမ္မတသည် ဝန်ကြီး သုံးနေရာမှလွဲ၍ ကျန်ဝန်ကြီးများ ကို ပြည်ထောင်စုလွှတ်တော်၏အ တည်ပြုချက်နှင့်အညီ ခန့်အပ် သည်။ ၁၉၆၂ ခုနှစ်နောက်ပိုင်း အရပ်သားအများစုပါဝင်သည့် ပထမဆုံးအစိုးရအဖွဲ့လည်းဖြစ် သည်။ အရပ်သားဝန်ကြီးများ သည် ယခင်ခေတ်အဆက်ဆက် ဝန်ကြီးများထက် အစစ အရာ ရာ နှာတစ်ဖျား သာလွန်ကြောင်း ပြည်သူအများစုက ထင်းခနဲရှင်း ခနဲ မြင်သိနေရမည် ဖြစ်သည်။ သို့မှသာ ပြည်သူအများစု၏အရပ် သားအစိုးရ၊ အရပ်သားလွှတ် တော်များအပေါ် ထောက်ခံမှု၊ ယုံ ကြည်အားကိုးမှု၊ အလေးထားမှု နှင့် တန်ဖိုးထားမှုတို့သည် မြင့် သည်ထက်မြင့်တက်လာမည်ဖြစ် သည်။ သို့မှသာ ဒီမိုကရေစီအ ပြောင်းအလဲသည်လည်း အား ကောင်းသည်ထက် အားကောင်း လာမည်ဖြစ်သည်။

၂၀၁၅ ပါတီစုံဒီမိုကရေစီအ ထွေထွေရွေးကောက်ပွဲအလွန် ပြည်သူအများစု၏ဆန္ဒမဲနှင့်အညီ ဖြစ်ပေါ်လာသော လွှတ်တော်များ က အတည်ပြုဖွဲ့စည်းသည့်အစိုး ရအဖွဲ့အနေဖြင့် ဝန်ကြီးများအပါ အဝင် အစိုးရအဖွဲ့ဝင်များတာဝန် မှ အနားပေးခြင်း၊ တာဝန်မှ နုတ် ထွက်ခြင်း၊ တာဝန်မှ ရပ်စဲခြင်း တို့နှင့် စပ်လျဉ်း၍ နောက်ခံအ ကြောင်းရင်းမှန်များကို အများပြည်သူသိရှိနိုင်အောင် တရားဝင် သတင်းထုတ်ပြန်နိုင်မည်ဆိုလျှင် ပိုမိုလျော်ကန်သင့်မြတ်မည်ဖြစ် သည်။ ပွင့်လင်းမြင်သာသော တာဝန်ယူမှု၊ တာဝန်ခံမှုရှိသော အစိုးရကောင်း၏ကြန်အင်လက္ခ ဏာနှင့်လည်း ပြည့်စုံလာမည်ဖြစ် သည်။

အချုပ်အားဖြင့်ဆိုသော် လွတ်လပ်ပြီး ဘက်မလိုက်သော၊ အများယုံကြည်မှုရှိသော အရပ် ဘက်အဖွဲ့အစည်း(သို့မဟုတ်)အ ဖွဲ့အစည်းအစုအဖွဲ့က အစိုးရနှင့် အစိုးရအဖွဲ့ဝင်များ၏စွမ်းဆောင် ရည်ကို ခရေစေ့တွင်းကျ ဆန်းစစ် သုံးသပ်ပြီး အများပြည်သူသိရှိနိုင် အောင် ကျယ်ကျယ်ပြန့်ပြန့်ထုတ် ပြန်နိုင်ရန် လိုအပ်မည်ဖြစ်သည်။ ၂၀၁၅ ရွေးကောက်ပွဲအလွန် အရပ်သားအများစုပါသော အစိုး ရသည် လွန်လေပြီးသော အာဏာ ရှင်အစိုးရအဆက်ဆက်နှင့်နှိုင်း ယှဉ်လျှင် ပွင့်လင်းမြင်သာပြီး စွမ်း ဆောင်ရည်မြင့်မားကာ အစိုးရ ကောင်းတစ်ရပ်အဖြစ် ပြည်သူလူ ထုအများစု ထမ်းပိုးထားရသော ဆင်းရဲမွဲတေမှုအပါအဝင် ဝန်ထုပ်ဝန်ပိုးအရပ်ရပ်ကို ဖြေလျှော့နိုင် ရေး ဦးစားပေး ဆောင်ရွက်နိုင်ရ မည်ဖြစ်သည်။ အစိုးရအဖွဲ့တွင်း ပြောင်းလဲမည်ဆိုလျှင် ချီတုံချတုံ မဖြစ်၊ တုဏှီဘာဝေမဖြစ် ဆော လျင်စွာ ပြောင်းသင့်သည်ဟု သုံး သပ် ကောက်ချက်ပြုမိပါသည်။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)

From : 7 day daily news - By: ဒေါက်တာရန်မျိုးသိမ်း

Originally published at - http://www.7daydaily.com/story/103947

Read More »

Thursday, July 13, 2017

ထိုင်း-မြန်မာ နယ်စပ် ဒုက္ခသည် အမျိုးသမီးတွေ သေကြောင်းကြံမှု နောက်ကွယ်




“ကူးစက် ရောဂါ” ဟုဆိုလျှင် ကာလ ဝမ်းရောဂါ၊ ငှက်ဖျား ရောဂါနှင့် ပလိပ် ရောဂါ တို့ကိုသာ ပြေးမြင် ကြမည် ဖြစ်သည်။

မိမိကိုယ် မိမိ သေကြောင်း ကြံစည်ခြင်း ကို ထည့်သွင်း စဉ်းစား မိမည် မဟုတ်ပေ။

သို့သော် ထိုင်း-မြန်မာ နယ်စပ်မှ နှစ်ပေါင်း ၃၀ သက်တမ်းရှိ မယ်လ ဒုက္ခသည် စခန်းတွင် မိမိကိုယ် မိမိ သေကြောင်း ကြံစည် ခြင်းမှာ ကူးစက် ရောဂါ သဖွယ် ဖြစ်လာ နေသည် ဟု ရှော့ကလို ငှက်ဖျား သုတေသန ဌာန (SMRU) ၏ အပူပိုင်း ဒေသ မိခင်နှင့် ကလေး ကျန်းမာရေး ပါမောက္ခ Rose McGready က ပြော သည်။

လွန်ခဲ့သော နှစ်က မယ်လ စခန်းတွင် မိမိကိုယ် မိမိ စေကြောင်း ကြံစည်မှု ၅၇ မှု ဖြစ်ပွား ခဲ့သည်။ အကြောင်းရင်းမှာ လူမှု ဝန်းကျင်တွင် ဝင်ဆံ့မှု မရှိဘဲ အရေး အရာ မရောက် ဟု (ကိုယ့်ကိုယ်ကို) အထင် ရှိနေခြင်း၊ လူမှု စီးပွားရေး အကျပ် အတည်း ဖိအားနှင့် မရေရာသော အနာဂတ် စသည် တို့က လူအများ စုအား ၎င်းတို့၏ ထိန်းချုပ် နိုင်စွမ်းကို ကင်းမဲ့ စေခြင်းတို့ ဖြစ်သည်မှာ ထင်ရှားသည် ဟု Rose McGready က ပြောသည်။

မယ်လတွင် နေထိုင်သူ ၄၀၀၀၀ တို့သည် နိုင်ငံသား အဆင့်အတန်း မရကြသကဲ့သို့ လူမှုဖူလုံရေး စောင့်ရှောက်မှုလည်း မရကြသည့် အပြင် အစား အသောက် မှာ လည်း မသေရုံ တမည် စားသောက် ရှင်သန်နေ ကြသည်။

ပညာရေးနှင့် အလုပ်အကိုင် အခွင့်အလမ်း ရရန်မှာလည်း အကန့်အသတ်များ ရှိသောကြောင့် အကူအညီ အထောက်အပံ့များကိုသာ မှီခိုနေကြရသည်။

လူသားရင်းမြစ်နှင့် ငွေကြေးရင်းမြစ် နည်းပါးရှားပါးသည့် ဒုက္ခသည် စခန်းတွင် နယ်စပ်ဒေသမှ အကူအညီပေးရေး အဖွဲ့များ အတွက် အထက်ပါ အခြေ အနေမှာ စိတ်ပျက် စရာ ဖြစ်နေသည်။

ထို အခက်အခဲကို ပိုမိုဆိုးရွားစေသော အချက်များမှာ စိတ်ကျန်းမာရေးသည် ပြည်သူ့ကျန်းမာရေး ကဏ္ဍ၏ နယ်ပယ်တရပ် ဖြစ်ကြောင်း ရပ်ရွာက နားမလည် ကြခြင်း နှင့် မူဝါဒ ချမှတ်သူများက ဦးစားပေးမှုအဆင့် နိမ့်ခြင်း တို့ ဖြစ်သည်။

ပြဿနာ၏ အဖြေမှာ ထိုပြဿနာကို ထုတ်ဖော် ဆွေးနွေးရန် ဖြစ်သည် ဟု Rose McGready က ပြောသည်။ “မိမိကိုယ်မိမိ သေကြောင်း ကြံစည်ခြင်းကို ထုတ်ဖော် ဆွေးနွေးတဲ့ ယဉ်ကျေးမှုတခုကို ကျမတို့ ဖော်ထုတ် ရမယ်။ ဒါပေမယ့် လောလော ဆယ်တော့ ရွေးချယ် ဆွေးနွေးရမယ့် လူငယ် ပရိသတ်ကို ရှာတွေ့ နိုင်ဖို့ ကိုတောင် တော်တော် ကြိုးစားနေ ရတယ်” ဟု သူက ဆက်ပြောသည်။

“မိမိကိုယ်မိမိ သေကြောင်းကြံစည်တဲ့ ကူးစက်ရောဂါဟာ ဘာကြောင့် ဒီစခန်းမှာ အရမ်း ဖြစ်နေတယ် လို့ထင်လဲ၊ တားဆီးကာကွယ်ရေး အစီအစဉ်တွေ ဘာကြောင့် မထိရောက်တာလဲ ဆိုတာကို ထိုင်း-မြန်မာနယ်စပ် မဲဆောက်မြို့က ရွှေ့ပြောင်းလုပ်သား ကျောင်းက ကျောင်းသားတွေနဲ့ ကျမ ဆွေးနွေးခဲ့တယ်။ မြန်မာနိုင်ငံ အရှေ့တောင်ပိုင်း ပဋိပက္ခ ဒေသ ကရင်ပြည်နယ်က ကရင်ဒုက္ခသည် ၄ ယောက်က မယ်လဒုက္ခသည် စခန်း အတွင်းက ကိုယ့်ကိုယ်ကို သေကြောင်းကြံစည်သူ၊ ကြံစည်ဖို့ ကြိုးစားသူ တဦး ဒါမှ မဟုတ် တဦးမကကို သိကြောင်း ဝန်ခံကြတယ်”

ကရင်ပြည်နယ်သည် မြန်မာနိုင်ငံတွင် အကြီးမားဆုံး တိုင်းရင်းသား လူမျိုးစုနေထိုင်ရာဒေသ ဖြစ်သလို အစိုးရနှင့် တိုင်းရင်းသား လက်နက်ကိုင်များ အကြေား နှစ်ပေါင်း ၅၀ ကြာ တိုက်ပွဲများ၏ စစ်မြေပြင်ဖြစ်သည်။

“သူက ပထမဆုံး အကြိမ် သေကြောင်းကြံစည်ဖို့ ကြိုးစားပြီး နောက်ပိုင်းမှာ ကျမ တယောက်တည်းကိုပဲ အဲဒီ အကြောင်း သူ ပြန်ပြောတယ်။ သူက ပိုးသတ်ဆေးတွေ သောက်လိုက်တာ။ ဘာလို့ ဒီလိုလုပ်ရတာလဲ လို့ မေးတော့ သူ့ကောင်လေးက နောက်တယောက်နဲ့ ကြိုက်နေလို့ လို့ ဖြေတယ်” ဟု အသသက် ၂၀ အရွယ် လင်နန်နာ က ပြောပြသည်။

အသက် ၂၁ နှစ်အရွယ် လော်ရာက နေ့မြင် ညပျောက် ဖြစ်ခဲ့ရသော သူငယ်ချင်း တယောက်အကြောင်း ပြောပြသည်။ “ကျောင်းက အဆောင်မှာ သူ ဘာလို့ မရှိတော့တာလဲ ဆိုတာကို ကျမက သိချင်နေတာ။ ဘယ်သူကမှ ဘာအကြောင်းမှ မပြောကြဘူး။ သင်္ဂြိုဟ်တဲ့နေ့ ရောက်မှ သူ သူ့ကိုယ်သူ သတ်သေသွားတာလို့ အမေက ကျမကို ပြောပြတယ်။ ဒါပဲ သိရတာ။ အမေက ဘာမှ ဆက်မပြောဘူး။ ကျောင်းမှာလည်း ဘာဖြစ်လို့ ဘာမှ မပြောကြတာလဲ။ ကိုယ့်ကိုယ်ကို သတ်သေဖို့ စိတ်ကူးနေတဲ့ တခြားလူငယ်တွေကို အကူအညီပေးနိုင်ဖို့ အခွင့်အလမ်းက ဘယ်မှာလဲ” ဟု လော်ရာ ပြောသည်။

အသက် ၂၃ နှစ် အရွယ် ဗမာတဦး ဖြစ်တဲ့ မင်းမင်းက ဖြစ်နိုင်ခြေရှိသော အကြောင်းရင်းတခုကို ထုတ်ပြောသည်။

“ကျနော်တို့ ဘိုးဘွားတွေ သေကြောင်းကြံစည်တာကို ရှက်စရာလို့ ထင်ကြတော့ ကျနော်တို့ကလည်း အဲဒီလိုဘဲ ထင်နေတာ။ ပြီးတော့ မြန်မာတွေက အရှက်အကြောက် ကြီးတယ်။ ကိုယ့်ပြဿနာကို သူများကို ထုတ်ဖော်ပြောလေ့ မရှိဘူး။ အထူးသဖြင့် အမှားတွေ ကျူးလွန်မိရင်ပေါ့” ဟု သူက ပြောသည်။

မြန်မာနိုင်ငံ၏ စီးပွားရေးမြို့တော် ရန်ကုန်မှ ရွှေ့ပြောင်းအခြေချလာသူ စန်းသီတာ၏ အမြင်မှာ သူနှင့် မတူပေ။

“လူတွေ ကိုယ့်ကိုယ်ကို သတ်သေလောက်အောင် ဖြစ်စေတဲ့ စည်းကမ်းချက် ကန့်သတ်ချက်တွေ၊ ရောဂါသည်တွေကို ခွဲခြား ဆက်ဆံမှု တွေက ကျမတို့ရဲ့ ဘာသာတရားနဲ့ လူ့အဖွဲ့အစည်းမှာ အရမ်းများတယ်။ အထူးသဖြင့် ကျမတို့ မိန်းကလေးတွေ သိမ်ငယ် ကြရတယ်။ ဥပမာ အိမ်ထောင်မပြုဘဲ ကိုယ်ဝန်ဆောင်ရင် ကျမတို့ ယဉ်ကျေးမှုက ချမှတ်ထားတဲ့ အရှက်ကွဲမှုကို ရင်ဆိုင်ဖို့သာ စဉ်းစားပေတော့” ဟု သူက ပြောသည်။

လူမှုစီးပွားရေး ဖိအား၊ ရောဂါသည်များကို ခွဲခြားဆက်ဆံခြင်း၊ စိတ်ပိုင်းဆိုင်ရာ ပြင်းထန်သော ထိခိုက်မှုများ (လူရာမဝင် သိမ်ငယ်စိတ်) နှင့် အနာဂတ် မရေရာမှု အခြေခံများ ပေါ်တွင် နက်ရှိုင်းစွာ အမြစ်တွယ်နေသော ယဉ်ကျေးမှု အစဉ်အလာများသည် မယ်လစခန်းမှ ထိခိုက်လွယ်သူများ အကြား တားဆီးကာကွယ်ရေး လုပ်ငန်းများနှင့် စိတ်ကျန်းမာရေး အထောက်အကူ ပေးသည့် လုပ်ငန်းများ ဆောင်ရွက်ရာတွင် ထိရောက်မှု ကင်းမဲ့စေသည်ဟု ထို လူငယ်များက ဖော်ပြခဲ့ကြသည်။

ခင်ပွန်းသည်နှင့်သာ လိင်ဆက်ဆံရန် နှင့် မိသားစု ဘဝတွင် မြှုပ်နှံရန် ကဲ့သို့သော အမျိုးသမီးများအပေါ် ယဉ်ကျေးမှု အရ တားမြစ် ပိတ်ပင်ထားခြင်းနှင့် ထို တားမြစ်ချက်အတိုင်း နေထိုင်ခြင်း မရှိပါက အရှက်ရခြင်း၊ ကိုယ်စွမ်းကိုယ်စ ဆုံးရှုံး သကဲ့သို့ ခံစားရခြင်းများကိုလည်း ပြောဆို ဆွေးနွေးခဲ့ကြသည်။ ထိုအခြေအနေသည် ဟိုမုန်း အပြောင်းအလဲနှင့် ကိုယ်ဝန် ဆောင်ရခြင်း၏ စိတ်ပိုင်းဆိုင်ရာ ဖိအားတို့နှင့် ပေါင်းစပ်မိသော အခါ မယ်လတွင် ကလေးမမွေးဖွားမီနှင့် မွေးဖွားပြီး နောက်ပိုင်း မိခင်များ မိမိကိုယ်မိမိ သေကြောင်းကြံစည်ခြင်းကို ဖြစ်သည်။ လွန်ခဲ့သော နှစ်က ကိုယ်ဝန်ဆောင်နှင့် မွေးဖွားပြီးစ မိခင်များအကြား သေဆုံးမှု အကြောင်းရင်းများတွင် မိမိကိုယ်မိမိ သေကြောင်းကြံစည်ခြင်းသည် ထက်ဝက် ပါဝင်သည်။

“ကိုယ်ဝန်ဆောင်စဉ်နဲ့ မီးဖွားပြီးစ ကာလတွေမှာ အမျိုးသမီးတွေဟာ ခန္ဓာကိုယ်အတွင်း ဇီဝအပြောင်းအလဲတွေကို ရင်ဆိုင် ရပြီး အဲဒီ အပြောင်းအလဲတွေကြောင့် သူတို့တွေဟာ သောကတွေ၊ စိတ်ဖိစီးမှုတွေ ပိုမို ခံစားရနိုင်တယ်” ဟု အောက်စဖို့ တက္ကသိုလ်မှ နပ်ဖီးလ် ကျန်းမာရေးဌာနမှ ပါရဂူကျောင်းသူ Gracia Fellmeth က ပြောသည်။

သူမသည် ၂၀၁၅ ခုနှစ်မှ စတင်ကာ မယ်လစခန်းတွင် မမွေးဖွားမီနှင့် မီးဖွားပြီးစ ကာလ စိတ်ပိုင်းကျန်းမာရေးကို သုတေသနပြု လေ့လာနေသူ ဖြစ်သည်။

သူမ၏ စစ်တမ်းအရ မယ်လစခန်းမှ မမွေးဖွားမီနှင့် မီးဖွားပြီးစကာလ အမျိုးသမီးများ၏ ၁၇ ရာခိုင်နှုန်းသည် တချိန်ချိန်တွင် စိတ် ကမောက်ကမ ဝေဒနာကို ခံစားကြရသည် ဟု ဆိုသည်။ အင်္ဂလန်နိုင်ငံ၏ နှုန်းဖြစ်သော ၁၅ မှ ၂၀ ရာခိုင်နှုန်းနှင့် အလားတူသော်လည်း အဓိက ကွဲလွဲချက်မှာ ထိုဝေဒနာ၏ သက်ရောက်မှုဖြစ်သည် ဟု ဆိုသည်။

အင်္ဂလန်နိုင်ငံတွင် မွေးဖွားမှု ၁ သိန်းတွင် သုည ဒသမ ၈၀ သာ ရှိပြီး မယ်လတွင်မူ အဆ ၂၀ ပိုမို မြင့်မားပြီး ၁၆ ဒသမ ၄ ရာခိုင်နှုန်း ရှိနေသည် ဟု ဆိုသည်။

ထိုအချက်ကြောင့်ပင် SMRU သည် နယ်စပ်ဒေသတွင် မိမိကိုယ်မိမိ သေကြောင်းကြံစည်မှု တားဆီးရေး အားထုတ်မှုများ တွင် မိခင်နှင့် မိခင်လောင်းများ အရေးကို အဓိက ထားသည်။

၂၀၀၉ ခုနှစ် ကမ္ဘာ့ကျန်းမာရေးအဖွဲ့ WHO အစီရင်ခံစာ အရ အမျိုးသမီးငယ်များ အကြား မိမိကိုယ်မိမိ သေကြောင်းကြံစည်နှုန်းသည် အမျိုးသားငယ်များ၏ နှုန်းထက် ၂၅ ရာခိုင်နှုန်း ပိုမိုမြင့်မားသည်။ ထိုသို့ ဖြစ်ရခြင်းသည် ပညာရေး အခွင့်အလမ်း အကန့်အသတ် ရှိခြင်း၊ ဘဏ္ဍာရေး ရင်းမြစ်များ အသုံးပြုခွင့် နည်းခြင်း၊ ကိုယ်ပိုင်ဆုံးဖြတ်ပိုင်ခွင့် အကန့်အသတ် ရှိခြင်းနှင့် အကြမ်းဖက် ခံရနိုင်ခြေ ပိုမိုများပြားခြင်း စသည့် နောက်ခံအခြေအနေများနှင့် နက်ရှိုင်းစွာ ဆက်စပ်နေသည်။

ကိုယ်ဝန်ဆောင်ကာလအတွင်း မိမိကိုယ်မိမိ သေကြောင်းကြံစည်ခြင်းနှင့် ပတ်သက်၍ ထိုအစီရင်ခံစာက တောင်နှင့် အရှေ့အာရှမှ အမျိုးသမီးများနှင့် အနောက်တိုင်းမှ အမျိုးသမီးများအကြား မျိုးဆက်ခြား ကျန်းမာရေး ရွေးချယ်မှုများကို နှိုင်းယှဉ်ခဲ့သည်။

အနောက်တိုင်းတွင် ကိုယ်ဝန်ဆောင်စဉ် မိမိကိုယ်မိမိ သေကြောင်း ကြံစည်ခြင်းသည် လွန်ခဲ့သော နှစ် ၅၀ အတွင်း သိသိသာသာ ကျဆင်းသွားသည်။ ထိုသို့ ပြောင်းလဲလာရခြင်းမှာ သန္ဓေတားဆေး လွယ်ကူစွာ ရရှိလာခြင်း၊ ကိုယ်ဝန် ဖျက်ချခြင်း၊ ဝန်ဆောင်မှုကို အကုန်အကျ သက်သာစွာ ရရှိခြင်း၊ လက်မထပ်ဘဲ မီးဖွားသော အမျိုးသမီးများကို ခွဲခြားဆက်ဆံမှု နည်းပါးခြင်းတို့ကြောင့် ဖြစ်သည်ဟုဆိုသည်။

အကူအညီရရန် မျှော်လင့်ချက် မရှိဘဲ မိခင်များသည် စိတ်ခံစားမှုပိုင်း၊ စိတ်ပိုင်း အန္တရာယ် ကျရောက်နေရပါက ပျော်ရွှင်ကျန်းမာသော လူ့အဖွဲ့အစည်း တခုကိုလည်း တည်ဆောက်နိုင်မည် မဟုတ်ပေ။ ထို့အပြင် နောက်မျိုးဆက် အတွက် မိမိတို့၏ ခံစားမှုများကို ထုတ်ဖော် ပြောဆိုတတ်ရန် အကောင်းဆုံးနည်းကို စိတ်ကျန်းမာရေး၏ အရေးပါမှုကို တန်ဖိုးထားသော မိခင်များက မြေတောင်မြှောက်ပေးရပါမည်။

“မိခင်တွေရဲ့ စိတ်ကျန်းမာရေးဟာ တဦးချင်း စိတ်ဖိစီးမှု သာမက ကျယ်ပြန့်တဲ့ အကျိုးဆက်တွေလည်း ရှိတယ်။ ကလေးတွေ အပေါ် ထိခိုက်မှုတွေမှာ အရွယ်ရောက်ချိန် အထိ ဆက်ဖြစ်တတ်တဲ့ အပြုအမူ ဆိုင်ရာ ပုံပန်းမကျတာ၊ မူမမှန်တာတွေလည်း ပါတယ်” ဟု Gracia Fellmeth က ပြောသည်။ ထို နောက်ဆက်တွဲ သက်ရောက်မှုများကို မယ်လတွင် တွေ့နေရပြီး မယ်လ အတွက် အလွန်အရေးပါသော မေးခွန်းမှာ ကိုယ့်ကိုယ်ကို သေကြောင်း ကြံစည်မှုများကို မည်သို့ တားဆီးမည်နည်း ဟူသော မေးခွန်းပင် ဖြစ်သည်။

တားဆီးကာကွယ်ရေး အကူအညီပေးရန် အတွက် ကုသမှုများကြောင့် အရှက်ရခြင်း မဖြစ်စေနိုင်သော၊ ဝေဖန်ပြစ်တင်မှု မရှိသော၊ လုံလောက်သော ဆေးဝါးရင်းမြစ်များ ရှိသည့် စိတ်ကျန်းမာရေး ဆေးခန်း သို့မဟုတ် ပတ်ဝန်းကျင်တခု လိုအပ်သည်။

ထိုဒေသမှ အမျိုးသမီး ထောင်ပေါင်းများစွာ အတွက် ဝန်ဆောင်မှုပေးနေသော SMRU မိခင်နှင့် မိခင်လောင်း ဆေးခန်း ၂ ခုသာ ရှိသည်။ အမျိုးသမီးများသည် နယ်စပ်ဖြတ်ကျော်မှု ဗီဇာပြရန် မလိုသော ထိုဆေးခန်းများသို့ စက်ဘီးဆိုင်ကယ်များ၊ ထရပ်ကားများ၊ လှေများဖြင့် ရောက်လာကြသည်။ လူနာစောင့်ခန်း၏ နောက်ဘက်တွင် လူနာဆောင်များကို ကန့်လန့်ကာများဖြင့် အခန်း ဖွဲ့ထားပြီး သစ်သားကုတင်များ၊ မြန်မာနှင့် ထိုင်းနိုင်ငံ နေရာတိုင်းတွင် တွေ့ရသော ပုဆိုးကြမ်းအခင်းများသာ ရှိနေသည်။

အမျိုးသမီး ကြီးငယ်များသည် ခုံတန်းရှည်များတွင် ရှိနေကြပြီး အချို့မှာ အရောင်စုံ အနှီးထုတ်လေးများကို စောင့်ရှောက် နေကြသည်။ အချို့မှာ ဝမ်းဗိုက်ပူပူကလေးများကို တပွတ်ပွတ်လုပ်နေကြသည်။ မိသားစု အပြင်ထွက် လည်သည့် ပုံမျိုး ဖြစ်နေပြီး အစားအစာ ဗူးများကို ဖွင့်ကာဝေမျှ စားသောက်ကြ၊ ရောက်တတ်ရာရာ ပြောဆိုနေကြသည်။

စိတ်ကျန်းမာရေး အတိုင်ပင်ခံ ဒေါ်အေးမိ၊ အသက် ၁၉ နှစ်အရွယ် မိခင်ငယ်နှင့် သူမ၏ မွေးကင်းစ ကလေးတို့ ထိုင်နေသော တံခါးပိတ်ထားသည့် အခန်းတွင်းသို့ ဝင်ရောက်ခွင့်ရခဲ့သည်။ ဒေါ်အေးမိက Gracia Fellmeth ပေးထားသည့် စိတ်ပညာ မေးခွန်းများကို ဘာသာပြန် မေးမြန်းနေပြီး ၁၉ နှစ်အရွယ် မိခင်က အစအဆုံး နှောင့်နှေးခြင်း မရှိဘဲ ပြန်လည် ဖြေကြားနေသည်။ “ကိုယ့်ကိုယ်ကို သတ်သေဖို့ အတွေးပေါ်ဖူးလား” စသည့် မေးခွန်းလည်း ပါဝင်သည်။ မေးမြန်း ဆွေးနွေးမှု ပြီးသော အခါ ထိုမိခင်ငယ်သည် ပြုံးပြုံးရွှင်ရွှင်ဖြင့် ပြန်လည် ထွက်ခွာသွားသည်။

“လာတဲ့အမျိုးသမီး စကားပြောရတာ တော်တော် ပွင့်လင်းကြတယ်” ဟု ဒေါ်အေးမိက ရှင်းပြသည်။ ကိုယ်တိုင်လည်း ရွှေ့ပြောင်း အခြေချတဦး ဖြစ်ပြီး သူသည် ထိုဆေးခန်းတွင် လုပ်ကိုင်နေသည်မှာ ၃ နှစ်ခန့်ရှိပြီ ဖြစ်သည်။ မူလက တီဘီရောဂါ အတွက် နှစ်သိမ့်ဆွေးနွေး အကြံပေး လုပ်ခဲ့ပြီး လွန်ခဲ့သော နှစ်ကမှ Gracia Fellmeth ၏ အစီအစဉ်အရ စိတ်ကျန်းမာရေးပိုင်းသို့ ကူးပြောင်းလာခဲ့သည်။ “ဒီ အလုပ်မှာ ပျော်တယ်၊ ဒါပေမယ့် ခက်တော့ ခက်ခဲပြီး အားလုံး ပြီးပြည့်စုံအောင်တော့ မလုပ်နိုင်သေးဘူး။ ရောဂါ ရှာဖွေရေး အတွက် ကျမ လေ့ကျင့်သင်ကြားဖို့ လိုနေသေးတယ်” ဟု သူက ပြောသည်။

အထက်ပါ မိခင်နှင့် မိခင်လောင်း စိတ်ပိုင်း ကျန်းမာရေး နှစ်သိမ့်ဆွေးနွေး ပညာပေးသူများထံမှ ထောက်ကူပံ့ပိုးမှု ကင်းမဲ့သည် ဆိုသည့် စကားကို ကြားသိခဲ့ရသည်။ ကရင် ဒုက္ခသည် တဦးဖြစ်သူ အသက် ၃၀ အရွယ် မဌေးဌေး သည် မယ်လတွင် နေထိုင်သည်မှာ ၁၀ နှစ်ခန့် ရှိပြီ ဖြစ်ပြီး မိခင်နှင့် မိခင်လောင်း အာဟာရ ပညာရှင် အဖြစ် စတင် လုပ်ကိုင်ခဲ့ပြီး မယ်လ စခန်းတွင် မိခင်နှင့် မိခင်လောင်း စိတ်ပိုင်းကျန်းမာရေး နှစ်သိမ့်ဆွေးနွေး ပညာပေးသူ ဖြစ်သည်။ နေ့စဉ် အမျိုးသမီး ၁၂ ဦး အထိ တွေ့ဆုံရလေ့ရှိပြီး တခါတွေ့လျှင် အနည်းဆုံး ၁ နာရီကြာသည်။

“နှစ်သိမ့်ဆွေးနွေး ပညာပေးမှု ကောင်းကောင်းလုပ်နိုင်ဖို့ အချိန် ယူရတယ်။ လူတိုင်းအတွက် လုပ်ပေးနိုင်ပါစေ လို့ ကျမ ဆုတောင်းတယ်။ ပါဝင်ကူညီလိုသူတွေကို ကျမ လေ့ကျင့်ပေးနိုင်ရင် လေ့ကျင့်ပေးချင်ပါတယ်။ ဒါပေမယ့် လောလောဆယ်တော့ ကျမ ကိုယ့်ကိုယ်ကို အဲဒီလောက်အထိ ယုံကြည်မှု မရှိသေးဘူး” ဟု သူက ပြောပြသည်။

ကြီးကြပ်သင်ကြား ပေးနိုင်မှု ချို့တဲ့ နေသည်မှာ ထင်ရှားသည်။ ယခင်က အဖွဲ့အစည်းပေါင်း များစွာ မယ်တော် ဆေးခန်း အပါအဝင် တခြား အဖွဲ့အစည်း များက နယ်စပ်ဒေသ အတွက် စိတ်ကျန်းမာရေး အစီအစဉ်များကို ထောက်ပံ့ ပေးခဲ့ကြ သော်လည်း ယဉ်ကျေးမှု အတားအဆီးများနှင့် ရန်ပုံငွေ မရှိခြင်းကြောင့် ထိုအစီအစဉ်များကို သိသိသာသာ လျှော့ချ ဖြတ်တောက်ခဲ့ကြသည်။

လွန်ခဲ့သော ဆယ်စုနှစ်အတွင်း ကမ္ဘာ့ လူသားချင်း စာနာမှု ရန်ပုံငွေမှာ လျော့ကျသွားသဖြင့် သင်တန်းပေးခြင်း အပါအဝင် စိတ်ကျန်းမာရေး ဆေးခန်း အစီအစဉ်များကို ငွေကြေး ထောက်ပံ့ရန် ခက်ခဲလာသည်။ Gracia Fellmeth ၏ အစီအစဉ်မှာ အများအားဖြင့် ထောက်ပံ့ငွေ မရပေ။ ထို့ကြောင့် ဒေသခံ နှစ်သိမ့်ဆွေးနွေး ပညာပေးသူများမှာ လစာ နိမ့်ကြပြီး လုပ်ငန်း ကျွမ်းကျင်မှု မြှင့်တင်ရေး အခွင့်အလမ်းလည်း အကန့်အသတ် ရှိနေသည်။

သူ့ကိုယ်သူ သံသယ ရှိနေသော်လည်း ဒေသအသိုင်းအဝန်း အတွက် မဌေးဌေး၏ လုပ်ငန်းကြောင့် အကျိုးခံစားရမှု ရှိနေ သည်မှာ ထင်ရှားသည်။ Gracia Fellmeth ၏ သင်တန်းအပြီး ၆ လ အကြာတွင် သူသည် သူ၏ လုပ်ငန်းဆောင်ရွက်မှု နယ်ပယ်ကို ဖဲလ်မက်သ်၏ အစီစဉ်တွင်ပါဝင်သူ ၂၅၀ အပြင် အခြားအမျိုးသမီးများနှင့် ဆန္ဒရှိပါက သူတို့၏ ခင်ပွန်းသည် များ ပါဝင်နိုင်အောင် အထိပင် တိုးချဲ့နိုင်ခဲ့သည်။ အကဲဖြတ်ချက် မပေးဘဲ နားထောင်၊ နားလည် ပေးနိုင်မည့်သူ တဦးရှိသည် ဟူသော သတင်းစကားများ ပျံ့နှံ့လာခဲ့သည်။

Gracia Fellmeth ၏ မိခင်နှင့် မိခင်လောင်း စိတ်ကျန်းမာရေး အစီအစဉ်၏ ခွန်အားသည် မယ်လတွင် ရှိနေသည်။ ထို အစီအစဉ်သည် စိတ်ပိုင်းစစ်ဆေး ရောဂါရှာဖွေ ပေးရုံမျှသာမက ဒေသခံများက ဒေသခံများ အတွက် စိတ်ကျန်းမာရေး ဝန်ဆောင်မှုပေးခြင်းလည်း ပါဝင်သည်။ ယင်းသို့ လုပ်ဆောင်ခြင်းဖြင့် အဟန့်အတား ဖြစ်နေသည့် ဘာသာစကား အခုအခံကို ကျော်လွှားနိုင်ပြီး၊ မယ်လ ဒုက္ခစခန်းသာမက အခြား နယ်စပ်ဒေသရှိ ပြည်သူများကိုလည်း စိတ်ပိုင်းဆိုင်ရာ အားပေး မြှင့်တင်နိုင်မည် ဖြစ်သည်။

ထို့ထက်ပို၍ ပြောရပါမူ ထိုသို့သော မိခင်နှင့် မိခင်လောင်း စိတ်ပိုင်း ကျန်းမာရေး နှစ်သိမ့်ဆွေးနွေး ပညာပေးခြင်းသည် လူ့ အဖွဲ့အစည်းတခုလုံး အတွက်လည်း အရေးပါသော လမ်းညွှန်သင်ခန်းစာ တခုပေးခြင်း ဖြစ်သလို မိခင်ငယ်များ၏ စိတ်ပိုင်း ကျန်းမာခြင်းသည် အနာဂတ် မျိုးဆက်များ၏ ဘ၀ အဆင်ပြေသာယာရေး ဦးတည်နေသည်မှာ အထင်ရှားဆုံး အချက် ဖြစ်ပေသည်။

(www.refinery29.uk တွင် ဖော်ပြထားသည့် Ali McAllister ၏ Why Refugee Mothers Are Committing Suicide On The Thai-Myanmar Border ကို ဘာသာပြန်သည်။)

ဓါတ်ပုံ - Reuters

From : ဧရာဝတီ by Ali McAllister 13 July 2017

Originally published at - burma.irrawaddy.com

Read More »

Sunday, July 02, 2017

လူလည်ကြီးတို့ တုိုင်းပြည်




သည်အဘိုးတို့ ငယ်ငယ်က စစ်ကြီး ပြီးခါစက လွတ်လပ်စ ပြည်ထောင်စု သမ္မတ မြန်မာ နိုင်ငံမှာ လက်ဝဲ လက်ယာ ယိမ်းကြတဲ့ သူတွေ ရှိတယ် (ကိုယ့် နိုင်ငံကြီး ဘယ်လို ပုံစံနဲ့ ထူထောင် မယ်လို့ စိတ်ကူး ကြတာပါ။ အပြစ်တင် မစောပါနဲ့)။

လက်ဝဲယိမ်း သူတွေက လက်ယာ တိုင်းပြည်ကြီး တွေက သူတို့ ဘက်လိုက်ဖို့ အေ့ဒ် (aids) တွေနဲ့ နိုင်ငံငယ် တွေကို သိမ်းသွင်း နေတယ်။ ထောက်ပံ့ မှုတွေ သဲထဲ ရေသွန် ဖြစ်ကုန်တယ်။

နိုင်ငံငယ် တွေရဲ့ပြဿနာ ဘာဆိုတာ မကြည့်ဘူးလို့ စွပ်စွဲ ပါတယ်။ ဒါဖြေရှင်းတဲ့ နည်းမှန် မဟုတ်လို့ နိုင်ငံငယ်တွေ (ပြည်မြန်မာ အပါ အဝင်ပေါ့) နိုင်ငံ ကြီးရဲ့ ထောက်ပံ့မှု မျက်နှာကို မကြည့်သင့် ဘူးလို့ ဆိုပါတယ်။

သိပ်ကြိုက်စရာကောင်းတာပါ (သည်အဘိုးတို့ကြိုက်ခဲ့ပါတယ်)။ သည်လက်ယာ အေ့ဒ်ပေး တိုင်းပြည်(အယ်လက်ဝဲတိုင်းပြည်ကလည်း အေ့ဒ်မပေးနိုင်ပါ ဘူး။ ပေးလည်းချွေချွေတာတာပဲ ပေးနိုင်ပါတယ်) ကလူတွေစဉ်းစား တွေးခေါ်တဲ့ဘောင် သိပ်ကျဉ်းတယ်။ ဒဿနိကမပိုင်ဘူး(ဘယ်လို လုပ်ပြီးဆိုင်တယ် ပြောတတ်ပါဘူး)။

သည်လူတွေက ပိုက်ဆံနဲ့လုပ် ဘာမဆိုဖြစ်စဉ်းစားသူတွေပဲ။ ဦးနှောက်မရှိတဲ့နလပိန်းတုံးတွေ။ နလပိန်းတုံးတိုင်းပြည်ရယ်လို့ ပုတ်ခတ်ပါတယ်(သည်အဘိုးတို့ သိပ်သဘောကျခဲ့တာပါ)။

မောင်ပိုင်

သည်အဘိုး ရန်ကုန် ဘိုင်စကုပ်ရုံက ပြန်လာတော ဖေဖေက ထူးထူး ဆန်းဆန်း အိမ်တံခါး လာဖွင့် ပေးတယ်။ သူတို့က ကောင်စီဖွဲ့ပြီး လုပ်လိုက် ပြီကွတဲ့။

ဖေဖေသဘောကျနေတယ်။ ကျမယ်ဆိုလည်း ကျနိုင်ပါတယ်။ ကြားဖြတ် အစိုးရ လက်ထက်မှာ မြို့တော်ဝန်ကြီး လုပ်ပြသွားတာတွေရှိပါတယ်။ အထူးကတော့ ဖေဖေတို့ အလွန်လို ချင်တဲ့ စက်မှု ရပ်ကွက် တည်ထောင်ပေးတယ်။ ဖေဖေ့ လုပ်သားတွေ ကျူးကနေ ကိုယ်ပိုင် အိမ်ရာနဲ့နေဖို့ (နောင်ကြက်ပျံမကျ စည်မယ့်) ရပ်ကွက်ကြီးတွေ ဖော်ပေး ခဲ့တာတွေပါပဲ။ ဒါပေမဲ့ ဖေဖေ (နဲ့ အတူနေမို့) မျက်နှာပေါ်မှာ စိတ်ပူနေတာပေါ်နေတာကိုတွေ့နေရပါတယ်။

နောင် စီးပွားရေးလုပ်ငန်းတွေကို ပြည်သူပိုင်သိမ်းတော့ ဖေဖေ သဘောကျပြန်တယ်။ ခုမှမြန်မာ့စီးပွားရေးမြန်မာ့လက်ထဲပြန်ရမှာ ကွတဲ့။ သိပ်မကြာပါဘူး။ ဘာအလုပ်မှမရှိတော့ ဖေဖေကငါတရား သွားထိုင်ဦးမယ်(အမရပူရ မိုးကုတ်ဆရာတော်ထံမှာ)တဲ့။

စီးပွားရေးလုပ်ငန်းကို ရုံးလုပ်ငန်းလိုလုပ်မိတဲ့ စီမံကိန်းယန္တရား ကြောင့် မြန်မာ့စီးပွားရေး တဖြည်းဖြည်းချင်းချုံးချုံးကျပါတယ်။ နောက်တော့ လုပ်ငန်းခွင် ရုံးခန်းတွေ၊ ဆိုင်ခန်းတွေတစ်ဆိုင်ပြီး တစ်ဆိုင် တစ်ခန်းပြီးတစ်ခန်းပိတ် ရပါတယ်။ သည်အဘိုး ဦးလေး တော် ပွဲရုံပိုင်ရှင်ကြီးကတော့ သူ့ပွဲရုံပြန်ရလို့ သိထားပါတယ်(ပွဲရုံ အပေါ်ထပ်မှာနေလို့ပြန်ရတာပါ)။

ဒါပေမဲ့ ဒါပေမဲ့ အပြီးပြန်သွားကြ တဲ့ နိုင်ငံခြားသားပိုင် ပြည်သူပိုင်သိမ်းအခန်းတွေ၊ ဆိုင်တွေ၊ ဆိုင် သီးသန့်၊ ရုံးခန်းသီးသန့်တွေဘယ်သူတွေရ။ သိပါဘူး။ ကြားရတာကတော့ လူလည်ကြီးတွေရလို့ပါ။

သည်အဘိုးသည်နေရာကိုကောင်းကောင်းမှတ်မိတာပေါ့။ သည်အဘိုးရယ် ကနေဒါကိုသွားရမယ်တဲ့။ ဆောင်းတွင်းကြီး။ ဟိုက သူငယ်ချင်းဆီက စာပြန် လာတယ်။ ဟေ့အကောင် နင်လာရင် သားရေအစစ်ဖိနပ်နဲ့လာ၊ နင်တို့ဆီကကောင်တွေဟောင်ကောင်မိတ် ကက်ဂလုပ်ရှူး(cat globe shoe)နဲ့လာတယ်၊ သည်က ရေခဲအောက် အအေးနဲ့လည်းတွေ့ရော သားရေတုဖိနပ်မို့ ဂွပ်ခနဲကျိုးရောတဲ့။

သည်မှာတင် သားရေအစစ် ဖိနပ်ရမယ့်နေရာရှာပါတယ်။ ဗိုလ်ချုပ် လမ်းပေါ်မှာ ဆိုင်တစ်ဆိုင်တွေ့တယ်။ စိတ်မချရဘူးဖြစ်နေတယ်။ သည်မှာတင် စီနီယာ တစ်ယောက်က လာဆိုခေါ်သွားတယ်။ စက်မှု (၁) ရဲ့ သားရေဖိနပ်စက်ရုံ ဆီကိုပါ။ ကဲမင်းလိုချင်တာပြော။ ဖိနပ်အတိုင်းယူတဲ့ သူက စီနီယာမျက်နှာအပြင် တမင်ရှာလာတာ ဆိုလို့ သူ့စေတနာအကုန်ထည့်ပေးပါတယ်။

သူ့အတွေ့အကြုံအရ၊ တကယ်က သူ့ပညာအရလိုတာကို ဖြည့်ပေးပါတယ်။ ကောင်းလိုက်တဲ့ဖိနပ်။ အိပ်နေပါ ကနေဒါဆောင်းရေလို့ပြောနိုင်ပါ တယ်။

ဟိုကလူတွေက ကောင်းလှချေလားဆိုတော့ ဒါတို့များစက်မှု ဖိနပ်သားရေအစစ်၊ ခြေတိုင်းအတိုင်း ချုပ်လာတာလည်း ဆိုရော ဝိုင်းစုတ်သပ်ကြရတာပေါ့။

အယ်အယ် အဲသည်စက်ရုံဝင်း ဒါ ဒါ မဟုတ်ဘူးလား။ စက်ရုံကတော့ မရှိတော့ဘူး။ ဝင်းကြီးက ခတ်ထားလိုက်တာခံ့လိုက်လုံလိုက်တာ၊ စေ့စေ့တောင် မကြည့်ရဲ ပါဘူး။ (စေ့စေ့စပ်စပ် ဘယ်မှာမေးရဲမှာလဲ)။

အယ်နေပါဦး။ သည်ရပ်ကွက်က တစ်ချိန်က သည်အဘိုးကောင်း ကောင်းမီလိုက်ပါတယ်။ စက်မှုရပ်ကွက်ကြီးဟုတ်ဘူးလား။ သားရေစက်ရုံတွေ၊ ဂျုံစက် ရုံတွေ၊ စွပ်ကျယ် စက်ရုံတွေ၊ ဆပ်ပြာ စက်ရုံတွေ၊ ချည်စက်ရုံတွေပွနေတာပါ။

ခုတော့ ကွန်ဒိုတွေ ကွန်ဒိုတွေဖြစ်ကုန်ပါပေါ့လား။ စက်မှုလုပ်ငန်းတွေ မကိုက်လို့ ပိတ်ရတယ်လို့ နားလည်ထားရပါလား။ အိုး ကွန်ဒိုလုပ်ငန်းက ကိုက်တယ် တဲ့လား။ သိပ်ကိုက်တယ်တဲ့လား။ ကွန်ဒိုတွေကွန်ဒိုတွေ လုပ်နိုင်သူတွေက ဘယ်သူတွေပါလိမ့်။ တော်တော်လုပ်တတ် ကိုင်တတ် လည်ဝယ်သူတွေ ဖြစ်မှာပေါ့။

သည်အဘိုးတို့ ဆိုရှယ်လစ်ခေတ်တုန်းက တကယ့်ကေဒါတွေကို အစ္စရေးကိုလွှတ်ပါတယ်။ ပြန်လာတော့ မြေနဲ့လယ်ထွန်စက် တစ်လုံးပေးသတဲ့။ လုပ်ပြစမ်းပေါ့။ သူတို့လည်း လုပ်ကြတယ်လို့ သည်အဘိုးနားလည်တယ်။

နောက်ကေဒါ စုပုံကတော့ ပျားမွေးမြူရေးပဲ။ နာမည်ကြီးပေါ့။ နောက်တော့ ဘက်စုံမွေးမြူရေး ခြံတွေရှိတယ်။ သင်တန်းကျောင်းတွေရှိတယ်။ သည်အဘိုးက သူတို့အပေါ်သံယောဇဉ်ရှိတယ်။ ဘာလို့လဲ။

ပြည်နယ်မှာတုန်းက သူတို့လေးတွေရဲ့ မက်ဒီကယ်ကာဗာကို သည်အဘိုးတာဝန် ယူရတယ်။ သူတို့ လက်တွေ့ကွင်းဆင်းရင်သည်အဘိုးအမ်အိုအဖြစ် လိုက်လေ့လိုက်ထရှိတယ်။ နယ်စုံရောက်ဖူးတာပေါ့။

သည့်ပြင် ဟာတွေတော့ မသိပါဘူး။ မေးမိပါဘူး။ ဟဲ့ခြံတစ်ရာ ကန်တစ်ရာ မွေးမြူရေးသင်တန်းကျောင်း ဘာဖြစ်။ ပိုင်ရှင်နှစ်ရာဖြစ်တဲ့။

ဟိုတလောက သုတေသနစိုက်ပျိုးရေးလုပ်ငန်းလေးအကြောင်း တီဗီမှာလာတယ်။ သည်အဘိုး သိပ်သဘောကျသွားတယ်။ ငါလည်း လုပ်ချင်တယ်။

ငါသွားလေ့လာချင်တယ်။ ဟာဟ အဘိုး သည်ကောင်တွေက လူလည်ဗျ။ လုပ်ပြလိုက်တယ်။ အဘိုးလိုပဲ အက်မိုင်းယားဖြစ်တဲ့ လူကြီးတွေက မြေနေရာတွေ ချပေးတယ်။ လုပ်ပြစမ်းပါ။ လုပ်ကြစမ်းပါပေါ့။ ငါးနှစ်လောက်လုပ်တယ်။ မဆိုးပါဘူး။ ဒါပေမဲ့ ခုတော့ပိုကိုက်တဲ့မြေကွက် အကွက်ရိုက်ပြီး ရောင်းစား လိုက် တယ်။ ကဲ ဘာတတ်နိုင်ပါသေးလဲ။ သည်အဘိုး နှမြောတာက သူတို့ရဲ့အိုင်ဒီယာပါ။

ကွာ ငါတို့အေဒီအက်ဖ်အယ်လ် အင်တာနက်ကို လက်လျှော့ ရတော့မယ်ထင်တယ်။ ဘာလို့လဲ အဘိုးရဲ့။ ပြောပြရမလား။ အဘိုးကလည်း အိုက်ယူနေပြန် ပါပြီ။ ဖုန်းကတယ်ပျက်တာပဲ။ ကလေးရေ (လိုင်းဆရာလေးကိုပါ။ ချော့ချော့မော့မော့ပါနော်) အဘိုးဖုန်း အင်တာနက်လိုင်းလေးနဲ့ကွယ်ပျက်လို့မဖြစ်ဘူး။

ရတယ်လေ အဘိုး။ တစ်ပတ်တစ်ခါ နှစ်ခါလာပြင်ပေးတယ်။ ခေါ်တိုင်းလည်း ပြင်ပေးပါတယ်။ တယ်ပြင်ရတာပဲ။ ခုတော့ပိုဆိုးလာ တယ်။ အင်တာနက်က (တယ်လီဖုန်းကောင်းနေလည်း) တစ်ရက်ခြား နှစ်ရက်ခြားတစ်ခါ ကွန်နက်ရှင်မကောင်းဘူး။ (ဟိုဟို အဝိုင်းလေး လည်နေတယ်လေ)

ပြောပြန်ရင်လည်း(ရီပို့တက်ပြန်ရင် လည်း)ခဏပဲကောင်းပါတယ်။ သည်တော့ သည်အဘိုးဘာလုပ်။ အင်တာနက်ကို ဂျီနဲ့ သုံးပစ်ရတော့တာပေါ့။

သုံးလိုက်တာပေါ့ (ဟုတ်တယ်လေ ဘယ်စိတ်ရှည်တော့မှာလဲ။ သည်တော့ အေဒီအက်စ် အယ်လ်ဖိုးရယ်၊ ဂျီဖိုးရယ်၊ မှတ်မိစရာ နှစ်ထပ်ပါ တော့တာပေါ့။

အဘိုး။ ဆို။ သည်လိုဖြစ်မယ်၊ သူတို့ ဂျီတွေရောင်းရအောင် တမင် ပျက်ပေးနေသလားမှ မသိတာ။ ဟာကွာမဟုတ်လောက်ပါဘူး။

ပါးစပ်ကသာဟုတ်လောက်ပါဘူးပြောတာပါ။ စိတ်ထဲမှာတော့ တကယ်ယုံချင်လာတယ်။ ဟုတ်တယ်။ တကယ်များ တမင်များ ဖျက်ဖျက်နေတာလားနော်။

မဟုတ်လောက်ပါဘူး။ မဟုတ်လောက် ပါဘူး။ စိတ်ထဲမှာ ဂါထာရွတ်လိုက်တယ်။ စိတ်ထဲဖုသွားတဲ့ သည် အဘိုးဟုတ်လောက်ပါဘူး ဟုတ်လောက်ပါဘူး ဂါထာ နှုတ်က အသံထွက်ရွတ်မိတယ်။

တော်ပါပြီ တော်ပါပြီ။ စိတ်မချမ်းသာစရာတွေ သည်မှာရပ်တာ အလွန်ကောင်းပါမယ်။ သည်ထက်ထူးလည်း ပိုထူးမှာမှမဟုတ်တာ။ ဒါပေမဲ့ သည်အဘိုးက စဉ်းစားရင်း ပြုံးမိတယ်။

သည်လိုလေသည် လို တစ်ချိန်မှာ သည်အဘိုးတို့များ ချမ်းသာလာလို့ (မချမ်းသာလာပါ ဘူးလို့ ဘယ်သူပြောရဲလဲ။ ခုတောင် ပြည်မြန်မာမှာ လူတစ် သိန်းလောက်ကငွေကိုရေလိုသုံး နိုင်သတဲ့။ ၁၀,ဝ၀ဝ လောက်က ငွေကိုလေလိုသုံးနိုင်ဆိုပဲ။

ဟုတ်တယ်လေ ရေကမှသုံးဖို့ ရှာရသေး တယ်။ လေက ရှူတိုင်းရနေတဲ့ဟာ)သည့်ပြင် ဆင်းရဲသား နိုင်ငံတွေ ကို အေ့ဒ်တွေနဲ့ ကူညီထောက်ပံ့ရရင် ဘယ်သူက သည်အဘိုးတို့ တိုင်းပြည်ကို နလပိန်းတုံးတို့ တိုင်းပြည်လို့ ပုတ်ခတ်ရဲမှာလဲ။ သည်အဘိုးတို့ တိုင်းပြည်က……..။

ဒေါက်တာဝင်းသိန်း
(၁၁- ၆ – ၂၀၁၇)

From : ကုမုဒြာဂျာနယ်

Originally published at - http://www.kumudranews.com

Read More »

Wednesday, June 28, 2017

မြန်မာ့ သစ်တော ပြုန်းတီးမှု




မြန်မာ နိုင်ငံရဲ့ စတုရန်း မိုင်ပေါင်း ၁ သိန်း ၉ ထောင် ကျော်ဟာ သစ်တောတွေ ဖြစ်တယ်လို့ ပညာရှင် တွေက ပြောပါတယ်။

ဒါပေမယ့် နှစ်စဉ် အကြောင်း အမျိုးမျိုးကြောင့် ရှိရင်းစွဲ သစ်တော ပမာဏရဲ့ ၁ ရာခိုင်နှုန်း ကျော်ဟာ ပြုန်းတီး နေတယ်လို့ လေ့လာသူ တွေက ခန့်မှန်း ထားကြ ပါတယ်။

ဘယ်လို အကြောင်းရင်း တွေကြောင့် နှစ်စဉ် သစ်တော ပြုန်းတီးနေ ရပါသလဲ။ မကွေးတိုင်း အတွင်းက သစ်တော ပြုန်းတီးနေတဲ့ အကြောင်းရင်း တွေကို RFA သတင်းထောက် မဝေမာထွန်း က စုစည်း တင်ပြ ထားပါတယ်။

မြန်မာ့ သစ်တော ပြုန်းတီးမှု- အပိုင်း ၁







မြန်မာ့ သစ်တော ပြုန်းတီးမှု- အပိုင်း ၂




From: RFA Burmese Video Channel - YouTube

Originally published at - https://www.youtube.com/channel/UCE75dgnEYPacknHHg3a3sJg


Read More »

Sunday, June 25, 2017

မြန်မာ့ အင်တာနက်နဲ့ ပြောင်းလဲ လာတဲ့ လူမှုဘဝ




၂၀၀၀ ခုနှစ် အလွန်နှစ် များတွင်း မြန်မာ့ မြို့ပြနေ လူငယ် တို့ထံ အင်တာနက် ဟူသည့် ဝေါဟာရ ကျယ်ကျယ် ပြန့်ပြန့် ရောက်ရှိ လာခဲ့ ပါတယ်။

ဒါပေမယ့် အင်တာနက် ဆိုတဲ့ စကားလုံးဟာ မြို့ပြနေ ငွေကြေး တတ်နိုင်သူ တစ်ချို့သာ ဒီစကား လုံးရဲ့ အနှစ်သာရကို သိနိုင်ခဲ့တဲ့ အခြေအနေ ဖြစ်ခဲ့ပါတယ်။

အင်တာနက် သုံးနိုင်ဖို့ အလွန် ခက်ခဲတဲ့ အခြေ အနေလို့ ပြောရင် ရနိုင် ပါတယ်။ အဲ့ဒီ နှစ်များ တွေကတော့ သတင်းရှာ ဖတ်တာ လောက်ကိုပဲ အင်တာနက် ဆိုင်မှာ တစ်နာရီကို ငွေ ၁၀၀၀ အကုန် အကျခံပြီး အင်တာနက် သုံးတတ်တယ်၊ သုံးနိုင်တယ် ဆိုတဲ့ ဂုဏ်ကို လဲခဲ့ကြ ရတဲ့ လူငယ်တွေ ဒုနဲ့ဒေးပါ။

ဒါ့အပြင် ဖုန်းဆိုရင်လည်း ၃၅ သိန်းကနေ သိန်း ၅၀ အထိ ဈေးပေါက်ခဲ့တာကြောင့် “လက်ကိုင်ဖုန်း ကိုင်နိုင်ရင် အကောင်ပဲ” ဆိုတဲ့ ခေတ်တစ်ခေတ်လည်း ရှိခဲ့ပါတယ်။ ဖုန်းတွေဟာ တစ်ဦးနဲ့ တစ်ဦး ဆက်သွယ် စကား ပြောဖို့လောက်သာ အသုံးဝင်ခဲ့တဲ့ ဖုန်းတွေ ဖြစ်ခဲ့ပေမယ့် နိုင်ငံတကာ ဈေးနှုန်းနဲ့ နှိုင်းယှဉ်ရင် အဆပေါင်းများစွာ ဈေးများခဲ့တဲ့ ခေတ်တစ်ခေတ်ပါပဲ။

၂၀၁၀ ခုနှစ်အတွင်မှာ ဖုန်းကဒ်တွေ ၂၅၀၀ ကျပ်တည်းနဲ့ ရောင်းချနိုင်အောင် လုပ်ပေးမယ်ဆိုတဲ့ ကုမ္ပဏီ တစ်ခုရဲ့ ကြေငြာချက်ဟာ လူတွေ စိတ်ဝင်စားမှု အများဆုံး သတင်း တစ်ခုဖြစ်ခဲ့ပြီး အိမ်မက်လား တစ်ကယ်လား ဆိုပြီး မေးခွန်းထုတ် ခဲ့ကြရတဲ့ အထိ မြန်မာ့ မိုဘိုင်းဖုန်းနဲ့ အင်တာနက် သမိုင်းစာ မလှပ ခဲ့ပါဘူး။



၂၀၁၀ ခုနှစ် အလွန်မှာတော့ မြန်မာ့ အင်တာနက်နဲ့ မိုဘိုင်းဖုန်း ခေတ်ဟာ သမိုင်း စာမျက်နှာသစ် အဖြစ် ပေါ်ပေါက် လာခဲ့ပါတယ်။

မြန်မာ့ ဆက်သွယ်ရေးလုပ်ငန်း MPT ကနေ ဖုန်းကဒ်တစ်ခုကို ကျပ်နှစ်သိန်းနဲ့ ရောင်းချနေရာကနေ ကျပ် ၁၅၀၀ နဲ့ ဖုန်းကဒ် တစ်ကဒ် ဝယ်သုံးနိုင်တဲ့ အထိ ဈေးလျော့ချ လိုက်ရာက အင်တာနက်နဲ့ မိုဘိုင်းဖုန်းတို့ရဲ့ ခေတ်တစ်ခေတ် ဆန်းသစ် လာခဲ့တာပါ။

ဖုန်းဘိုင်းဖုန်းခေတ် ဆန်းသစ်တယ် ဆိုသော်ငြား အင်တာနက် သုံးဖို့ မဖြစ်နိုင် သေးဘဲ ဖုန်းပြောဖို့ သည်ပင် လိုင်းမမိတဲ့ အခြေ အနေတွေ ပေါ်ပေါက် ခဲ့ပြန် ပါတယ်။

နောက်ပိုင်းမှာတော့ ပြည်ပ ဆက်သွယ်ရေးအော်ပရေတာတွေ မြန်မာနိုင်ငံမှာ လာရောက်ရင်းနှီးမြုပ်နှံဖို့ အစိုးရက တင်ဒါခေါ်ခဲ့ပြီး Ooredoo နဲ့ Telenor တို့ မြန်မာနိုင်ငံမှာ ရင်းနှီးမြုပ်နှံခွင့် ရရှိခဲ့ပါတယ်။

နည်းပညာအတွေ့အကြုံရှိတဲ့ ကုမ္ပဏီတွေ ဖြစ်တာနဲ့အညီ ဆက်သွယ်ရေးကွန်ယက်ကို ကျယ်ကျယ်ပြန့်ပြန့် ဖြန့်ကျက်နိုင်ခဲ့ပြီး မြန်မာ့လူဦးရေရဲ့ ၈၀ ရာခိုင်နှုန်းနီးပါးကို ဖုန်းကိုယ်စီကိုင်နိုင်တဲ့ အခြေအနေအထိ တွန်းပို့နိုင်ခဲ့ပါတယ်။ မိုဘိုင်းဖုန်းနဲ့ တစ်ပါတည်းတွဲလျက် ပါလာခဲ့တာကတော့ အင်တာနက် ဝန်ဆောင်မှုပါ။ လူတစ်ဦးဟာ သိန်းကျော်တန် မိုဘိုင်းဖုန်းတစ်လုံး ကိုင်မယ်ဆိုရင် ဖုန်းပြောနိုင်ရုံမက ကမ္ဘာပတ်လေ့လာ၊ ဖတ်ရှုနိုင်တဲ့ အင်တာနက်လည်း သုံးလာနိုင်ပြီဖြစ်ပါတယ်။



ဒီမှာတင် လူတွေရဲ့ လူနေမှုဘဝ စတင်ပြောင်းလဲလာပါတယ်။ ပုံမှန် သတင်းစာဖတ်သူဟာ အင်တာနက်က တစ်ဆင့် ယုံကြည်ရတဲ့ သတင်းဌာနတွေဆီက သတင်းတွေ ဖတ်နိုင်ပြီး ဗဟုသုတ ရှာမှီးလိုသူက Google ကို တစ်ချက်နှိပ်လိုက်တာနဲ့ သိချင်တာ၊ ရှာချင်တာတွေ့နိုင်ပြီး Facebook အစရှိတဲ့ လူမှု ကွန်ယက် တွေ ကလည်း အတော် ရေပန်းစား လာခဲ့ ပါတယ်။

ဒါပေမယ့် မိုဘိုင်းဖုန်းတွေကနေ ထောက်ပံ့ပေးနိုင်တဲ့ အင်တာနက် မြန်နှုန်းကတော့ ပုံမှန်နဲ့ 3G မြန်နှုန်းလောက်ပဲ ရှိခဲ့တာပါ။

အခုတော့ Ooredoo ကုမ္ပဏီရဲ့ မြန်နှုန်းအလွန်မြင့်တဲ့ 4G အင်တာနက် ကွန်ယက်စနစ်ကိုပင် မြန်မာနိုင်ငံသားများ သုံးနိုင်ကြပါပြီ။ Ooredoo ရဲ့ 4G အင်တာ နက် ကွန်ယက် စနစ်ဟာ အင်တာနက်က ရုပ်သံတွဲတွေ ကိုပင် ပြတ်တောက် သွားခြင်းမရှိ၊ ရုပ်သံ ကြည်ကြည်လင်လင်နဲ့ ကြည့်နိုင်တဲ့ အထိ အထောက် အပံ့ပေး ပါတယ်။



ဒါ့အပြင် Ooredoo ဟာ အင်တာနက် သုံးသူတွေ အတွက် ပေါင်းကူး ဒေတာ အစီအစဉ်နဲ့ မိတ်ဆက်ပေး ထားပြီး ကျပ် ၅၀၀၀ ကို အင်တာနက် အသုံးပြုခွင့် 2G သုံးနိုင် ပါမယ်။ ကျပ် ၄၀၀၀ ဆိုရင် 3.5G သုံးလို့ ရနိုင်ပြီး ကျပ် ၃၀၀၀၀ ဖိုးဆိုရင် 25G သုံးနိုင် ပါတယ်။

တစ်လအတွင်း ဒီ ဒေတာတွေ သုံးမကုန်ဘူးဆိုရင်လည်း ရှေ့လအထိ ဆက်ပြီးသယ်သွား နိုင်တာမို့ ပေါင်းကူး ဒေတာလို့ ခေါ်ခြင်းပါပဲ။

မြန်မာ နိုင်ငံက ဆက်သွယ်ရေး အော်ပရေတာ သုံးခု အနက် Ooredoo ရဲ့ ပေါင်းကူး ဒေတာဟာ သုံးရ အတန်ဆုံးလို့ ပြောရင်လည်း မမှားပါဘူး။ ဒါ့အပြင် အင်တာနက် နှေးလို့ စိတ်ညစ် နေသူတွေ အတွက် Ooredoo ရဲ့ 4G အင်တာနက် ကွန်ယက်စနစ်က ဖြေရှင်း နိုင်ပါတယ်။

ဒါ့ကြောင့် ယခင်က သတင်းစာ ဝယ်ဖတ် တတ်သူဟာ မိုဘိုင်းဖုန်း တစ်လုံးရှိရင် ဘယ်နေရာ ဘယ်ဒေသမှာ မဆို ဘာဖြစ်နေတယ် ဆိုတာ မိုဘိုင်းဖုန်းနဲ့ အင်တာနက် သုံးရုံနဲ့ သိနိုင်ပြီး ယခင်က TV ရှေ့ ငုတ်တုတ် ထိုင်ပြီး ရုပ်သံ ဇာတ်လမ်းတွဲတွေ ကြည့်တတ် သူတွေဟာလည်း မိုဘိုင်းဖုန်း တစ်လုံးနဲ့ ကိုယ်ကြိုက် တတ်တဲ့ ရုပ်သံ တွဲတွေကို အိတ်ကပ် ထဲထည့် သယ်သွားနိုင်တဲ့ အထိ လူမှုဘဝတွေ ပြောင်းလဲ လာခဲ့ပြီ ဆိုတာကတော့ သေချာခဲ့ပါပြီ။

From : မဇ္ဈိမ မီဒီယာ

Originally published at - http://www.mizzimaburmese.com/article/28564

Read More »

Friday, June 23, 2017

စောင့်လေမျိုးနွယ်




မိဘရယ်လို့ ဖြစ်လာရင် သားသမီး အတွက် ဂုဏ်ယူချင် ကြသလို သားသမီးတွေ ကလည်း မိဘတွေ ကျေနပ်အောင် လုပ်ပြ ချင်တဲ့ စိတ်တွေ ရှိကြ ပါတယ်။

မိမိတို့ အောင်မြင်သလို သားသမီးတွေ ကိုလည်း အောင်မြင် aစချင်ကြတာ မိဘတိုင်းရဲ့ဆန္ဒပါပဲ။ မိမိတို့ရဲ့ ကြီးမြတ်တဲ့ ဂုဏ်သိက္ခာနဲ့ မျိုးရိုးကို ဆက်လက် ထိန်းသိမ်း စေချင်ကြ ပါတယ်။ သားသမီး တွေကို မိဘရဲ့ အမွေခံထိုက် သူတွေ အဖြစ် အမြဲမြင်ချင် ကြပါတယ်။

ကျွန်မသား မူလတန်းတက်တော့ ငါးနှစ်ကျော်ပါပြီ။ သူက တခြားကလေးတွေထက် ခြောက်လလောက် ပိုကြီးနေတော့ အသိဥာဏ်က လူရည်လည်ပါတယ်။

အတန်းထဲမှာ သူငယ်ချင်းတွေနဲ့ စကားနိုင်လုကြရင်း ဆရာမက သူတို့ကို ဖျန်ဖြေတဲ့ အခါမှာ သားအမေက ဆရာဝန်လို့ ပြောတတ် ပါတယ်။

သူ့ဆရာမနဲ့ စကားစပ်မိရင်း ကျွန်မကို ပြောပြတော့ ဆရာမ ကိုလည်း တောင်းပန် ခိုင်းလိုက် ပါတယ်။ သူ့ကိုလည်း နောင်အခါ ဘယ်တော့မှ အမေအကြောင်း မပြောရဘူး။ အမေနဲ့ပြောပြီး အနိုင်မပိုင်းရဘူးလို့ ပိတ်ပင်လိုက်ပါတယ်။ သူက ဘာရယ်မဟုတ်ဘဲ ပြောလိုက်ပေမယ့် ကြီးလာတဲ့အခါမှာ အမေကို အားကိုးတဲ့ အကျင့်ပါသွားမှာစိုးလို့ တားမြစ်လိုက်တာပါပဲ။

ကျွန်မတက္ကသိုလ်တက်တုန်းကလည်း ရန်ကုန်မှာ ဆွေမျိုးတစ်ဦးမှမရှိ အသိမိတ်ဆွေလည်းမရှိဘဲ ကိုယ့်အားကိုယ်ကိုးပြီး တစ်ယောက်တည်း တက်ခဲ့ရ ပါ တယ်။ ရန်ကုန်ကနေ နယ်ပြန်ရင်လည်း ကိုယ့်ဘာသာ လက်မှတ် ၀ယ်ပြီး ပြန်ပါတယ်။ နယ်ကနေ ရန်ကုန်ပြန်ရင် အဖေက ကားလက်မှတ်ကို နေရာကောင်း ရအောင် ကြိုဖြတ်ခိုင်းပါတယ်။

ရုံးက လူကြီးတွေအတွက် ‘မ၀တ’ ခုံဆိုတာ ရှေ့ဆုံးမှာ အမြဲချန်ထားလေ့ရှိတော့ အဖေက သူ့နာမည်ပြောခိုင်းပြီး လက်မှတ်ဖြတ်ခိုင်းရင် နေရာကောင်း ရပါတယ်။ အဖေမသိအောင် ကားလက်မှတ်ကို ကိုယ့်ဘာသာ ဖြတ်လာရင် ခုံနံပါတ်က အမြဲတမ်းနောက်ဘက် ရောက်တတ်ပါတယ်။

ကျွန်မကတော့ အဖေ့နာမည်ပြောပြီး လက်မှတ်ဖြတ်ရတာကို လုံးဝမကြိုက်တော့ ကိုယ့်ဘာသာပဲဖြတ်ပြီး နောက်ဘက်ကခုံမှာပဲ ကျေကျေနပ်နပ် ထိုင်တာပါပဲ။

အဖေ့အရှိန်အ၀ါကိုသုံးပြီး ဘယ်နေရာမှာမှ အကျိုးအမြတ် မယူခဲ့တဲ့အတွက်လည်း ဘ၀မှာ သိက္ခာရှိရှိ ကျေနပ်ခဲ့ပါတယ်။

မိဘရဲ့အရှိန်အ၀ါကို လုံးဝအားမကိုးဘဲ ဆင်းရဲဒုက္ခခံပြီး မျိုးရိုး သိက္ခာကို စောင့်ရှောက်သူ သားကောင်း တစ်ဦးအကြောင်း ပါဝင်တဲ့ ဇာတ်ကားလေးကို ကြည့် မိတော့ လေးစား အားကျ မိပါတယ်။

Faith of My Fathers ဆိုတဲ့ ဇာတ်ကား လေးက ဗီယက်နမ်စစ်မှာ တိုက်ပွဲဝင်ခဲ့တဲ့ လေယာဉ်သူရဲကောင်းလေး ဂျွန်မက်ကိန်းရဲ့ အောက်မေ့ တမ်းတ စရာ အဖြစ် အပျက်ကို ရိုက်ကူး ထားပါတယ်။ ကောလိပ် တက်နေသူ ဂျွန်မက်ကိန်းဟာ အရာရာမှာ လျော့ရဲတယ်။ ရည်မှန်းချက် ရေရာမှု မရှိ ဘူးဆိုပြီး ဖခင် ရေတပ် ဗိုလ်ချုပ်ကြီးက ရေတပ် လေ့ကျင့်ရေး သင်တန်းကျောင်းကို ပို့လိုက် ပါတယ်။



အဘိုးရော အဖေပါ ဒီကျောင်းမှာပဲ တက်ခဲ့ ကြတာမို့ သားကိုလည်း တက်စေချင်ကြောင်း ပြောဆိုပြီး ဖခင်က လိုက်ပို့ပါတယ်။ ကျောင်းရှေ့မှာ ကားရပ်တော့ ရေတပ် ဗိုလ်ချုပ်ကြီးဖြစ်လို့ အရေးတယူ လုပ်ပေမယ့် သားကို နှုတ်ဆက်ပြီး အပေါက်ဝက လှည့်ပြန် သွားပါတယ်။

ကျောင်းမှာ နေရမယ့် အခန်းက စုတ်ပြတ်နေလို့ စောဒက တက်မိသူ မက်ကိန်းဟာ အပြစ်ပေး ခံရ ပါတော့တယ်။ အဓိက ငါ့အတွက်နဲ့ အဖေ အရှက်ရအောင် မလုပ်ဘူးဆိုတဲ့ စိတ်နဲ့ ပြင်းထန်တဲ့ သင်တန်း ပြီးခဲ့ ပါတယ်။

ဗီယက်နမ် စစ်ဖြစ်တော့ ၁၉၆၇ မှာ မက်ကိန်းတို့ လေယာဉ်အုပ်စုက ဟနွိုင်းကို ဗုံးကြဲဖို့ တာဝန်ကျ ပါတယ်။ မက်ကိန်းရဲ့လေယာဉ် ပစ်ချခံ ရပြီး ရန်သူ အဖမ်းခံ လိုက်ရပါတယ်။ အသက် မသေပေမယ့် ခြေထောက်နဲ့ လက်ကျိုး သွားသူ မက်ကိန်းကို ရေတပ် ဗိုလ်ချုပ်ကြီးရဲ့ သားမှန်း သိတော့ စုံစမ်း စစ်ဆေးကြ ပါတယ်။ မက်ကိန်းနဲ့ အတူနေ အကျဉ်းသားနှစ်ဦးမှာ တစ်ဦးက လွတ်ငြိမ်း ပါသွား ပါတယ်။

နောက်တစ်ဦးကတော့ ပြန်ဖို့ အညံ့မခံနိုင်တော့ ထုပ်တန်းမှာ တွဲလောင်းဆွဲထားတာ ရိုက်နှက်နှိပ်စက်တာ တွေ့ခဲ့ ရပါတယ်။ ဖခင်ကြီးက အကျဉ်းသားတွေ လွတ်လာတိုင်း သား မပါရင် အဖမ်းခံ ရတဲ့ နယ်မြေ အထိသွားကြည့်ပြီး မျှော်တတ် ပါတယ်။

တစ်နှစ်ခွဲကြာတော့ မက်ကိန်းကို ပြန်လွှတ်မယ်လို့ ညှိနှိုင်း ပါတယ်။ စဉ်းစား ဦးမယ် လို့ပြောတဲ့ သူ့ကိုနှိပ်စက် ကြပါတယ်။ သူတို့ ရေးထားတဲ့ စာကို မိုက်ခွက် နားမှာ ကပ်ပြီး ဖတ်ခိုင်း ပါတယ်။

အညံ့ခံကြောင်းနဲ့ ဗီယက်နမ် ပြည်သူတွေကို ကျေးဇူးတင်ကြောင်း ပြောရမယ့် စာရွက်ကို လက်မှတ် မထိုးလို့ နှိပ်စက် ကြပြန် ပါတယ်။ သူ အရင်မြင် ခဲ့သလို လက်နောက်ပြန် ကြိုးချည်ပြီး ထုပ်တန်းပေါ် မှာဆွဲ ထားကြ ပါတယ်။ အညံ့ခံတဲ့ စာဖတ်ပြီး လက်မှတ်ထိုးသူတွေဟာ ပြန်သွားရကြောင်းနဲ့ အညံ့မခံသူတွေဟာ နှိပ်စက် ခံနေရတာကို သိသွား ပါတယ်။

မက်ကိန်းဟာ အဘိုးဖြစ်သူရဲ့ သတ္တိလည်းရှိ၊ ဂုဏ်သိက္ခာလည်း ရှိခဲ့တဲ့ လုပ်ရပ်တွေကို ပြန်တွေးပါတယ်။

အဖေဖြစ်သူ ပြောထားတဲ့ သိက္ခာမရှိရင် ဘာမှ မရှိဘူးဆိုတဲ့ စကားလေး ကိုလည်း နှလုံးသွင်း ပါတယ်။ ဒီလိုနဲ့ မက်ကိန်းကို သုံးကြိမ် တိတိ လွှတ်ပေးဖို့ ညှိပေမယ့် မက်ကိန်းရဲ့ ခေါင်းမာ မှုကြောင့် မပြန်ရပါဘူး။ သေမယ့်ရက်ကို မျှော်ရင်း ထောင်ထဲမှာပဲ နေတော့ မယ်လို့ ဆိုပါတယ်။

၁၉၇၃ မှာတော့ အမေရိကန် ကြားဝင် စေ့စပ်ရေးအဖွဲ့တွေကြောင့် အကျဉ်းသား အားလုံး လွတ်လာ ခဲ့ပါတယ်။ ပြန်ရောက် လာသူ မက်ကိန်းဟာ ဖခင်ကြီးကို တောင်းပန် ပါတယ်။ ကြေညာချက် စာရွက်ကြောင့်သူ ၀မ်းနည်း ရကြောင်း ပြောဆိုပါတယ်။

လွတ်ပြီးပြန်လာသူ အကျဉ်းသားများရဲ့ ပြန်လည်ပြောဆိုတာတွေကြောင့် သားရဲ့စိတ်ဓာတ်ကိုသိနေသူ ဖခင်ကြီးကတော့ မက်ကိန်းကို သားအတွက် အဖေ ဂုဏ်ယူ ပါတယ်လို့ သားအဖနှစ်ဦးပြောရင်း ဇာတ်လမ်း သိမ်းထား ပါတယ်။

ကျွန်မတို့နိုင်ငံမှာတော့ မိဘရဲ့ အရှိန်အ၀ါကို အသုံးချပြီး ကိုယ်ကောင်းစားဖို့ လုပ်နေကြသူတွေကို တွေ့နေ ရပါတယ်။

မိဘရဲ့လုပ်ပိုင်ခွင့်တွေ ရာထူးအာဏာတွေကို မှီခိုပြီး ကိုယ်ကျိုးရှာနေသူ သားသမီးတွေ မိဘရဲ့ ကြွယ်ဝချမ်းသာမှုတွေပေါ်မှာ သာယာနေသူတွေလည်း များလာ ပါတယ်။

မိဘတွေကလည်း သားသမီးတွေကို ကိုယ့်အားကိုယ်ကိုးတတ်တဲ့ မိဘကို အမှီခိုကင်းတဲ့ သားသမီးတွေဖြစ်အောင် ပျိုးထောင်ပေးဖို့ အရေးကြီးပါတယ်။

ဘယ်သူမဆို မိမိကိုယ်ပိုင်အရည်အချင်း အစစ်အမှန်မဟုတ်ခဲ့ရင် ရေရှည်တည်တံ့ဖို့ ခက်ခဲပါလိမ့်မယ်။ ကိုယ်ပိုင်အရည်အချင်းနဲ့ တည်ဆောက်ထားတဲ့ ကိုယ်ပိုင်ဘ၀တွေသည်သာ စိတ်အချရဆုံးနဲ့ လူသားအားလုံးအတွက် သိက္ခာလည်းရှိ၊ ဂုဏ်လည်းရှိတဲ့ဘ၀တွေသာ ဖြစ်ပါတော့တယ်။

Writer: ဒေါက်တာ မိုးမိုးသီ

From : Eleven news

Originally published at - http://news-eleven.com/opinions/38482

Read More »

ရော့စ်ထို၏ မော်ဒယ်နှင့် မြန်မာ့ စီးပွားရေး ပျံတက်ချိန်




ဇွန်လ ၆ ရက် နေ့က နေပြည်တော်တွင် ကျင်းပ ခဲ့သည့် Myanmar Investment Forum 2017 ၌ စီမံကိန်းနှင့် ဘဏ္ဍာရေး ဝန်ကြီးဌာန၊ ပြည်ထောင်စု ဝန်ကြီး က ယခု ၂၀၁၇ ခုနှစ်သည် နိုင်ငံ့ စီးပွားရေး ထောင်တက် နိုင်မည့်၊ ဦးမော့နိုင်မည့် အခြေ အနေမျိုး ပြောသွား သည်ဟု သတင်းများ တွင် ဖတ်ရှု ရသည်။

ဝန်ကြီးက ‘‘ပြီးခဲ့တဲ့၊ ကုန်ဆုံး ခဲ့တဲ့ တစ်နှစ်တာ ကာလက Runway (လေ ယာဉ်ပြေးလမ်း) မှာ ပြေးတဲ့ အချိန် ကာလ သတ်မှတ်တယ်။ ဒီနှစ်၊ ဒီ ကာလ ကတော့ Runway ကနေ ကမ္ဘာမြေကြီးရဲ့ Gravity (ကမ္ဘာ့ ဆွဲငင်အား)ကို ဆန့်ကျင် ပြီးတော့၊ တွန်းကန် ပြီးတော့ Jetpower နဲ့ လေထဲကို Take off လုပ်တဲ့နှစ်ပဲ’’ ဟု ပြောကြား ခဲ့သည်ဟု ဆိုသည်။

မြန်မာနိုင်ငံတွင် နိုင်ငံတော် သမ္မတ၊ နိုင်ငံတော်၏ အတိုင်ပင် ခံ ပုဂ္ဂိုလ်တို့၏ မိန့်ခွန်းများ၊ မှာ ကြားချက်များပြီးလျှင် စီးပွားရေး၊ ကုန်သွယ်ရေး၊ ရင်းနှီးမြှုပ်နှံမှုတို့ သည့် သက်ဆိုင်သည့် ဌာနများမှ ထိပ်တန်းတာဝန်ရှိသူတို့၏ နှုတ် ထွက်စကားများသည် ပြည်သူလူ ထု စိတ်ဝင်စားမှု အရှိဆုံးဖြစ် သည်။

အထူးသဖြင့် နိုင်ငံ့စီးပွား ရေးဆိုင်ရာ သတင်းစကားဖြစ် သည်။ အစိုးရကဏ္ဍများမှ ပြည် သူ့ဝန်ထမ်း၊ ပုဂ္ဂလိကကဏ္ဍမှ ဝန်ထမ်း၊ ပျံကျအလုပ်သမားများ မှစ၍ ကိုယ်ပိုင်လုပ်ငန်းငယ်များ၊ အသေးစားလုပ်ငန်းများနှင့် ကုမ္ပ ဏီကြီး ပိုင်ရှင်များအဆုံး နိုင်ငံ သားအားလုံးသည် သူ့အခြေ အနေ၊ သူ့အဆင့်ကိုလိုက်၍ နိုင်ငံ့ စီးပွားရေးအခြေအနေကို စိတ်ဝင် စားလျက်ရှိသည်။

အိမ်တစ်အိမ်၊ မိသားစုတစ်စု အခြေအနေကဲ့သို့ ပင်ဖြစ်၏။ တစ်မိသားစုတစ်ခုလုံး စီးပွားရေးအခြေအနေကောင်းပါ မှ မိသားစုဝင်များအားလုံး အစစ အရာရာ ပြေပြေလည်လည်ရှိ မည်။ အခြားသော အရေးအရာ များတွင်လည်း သာသာယာယာရှိ နိုင်မည်။

ထို့ကြောင့် နိုင်ငံ့စီးပွား ရေးကို ကောင်းမွန်လာစေလိုခြင်း ဖြစ်သည်။ နိုင်ငံ့စီးပွားရေးအတွက် အဓိကကျသည့် ဝန်ကြီးဌာန၏ ထိပ်တန်းပုဂ္ဂိုလ်ဖြစ်သူ ဝန်ကြီး တစ်ဦးမှ မြန်မာ့စီးပွားရေးအလား အလာကို ယခုကဲ့သို့ ရည်ညွှန်း ပြောဆိုမှုသည် ၎င်းတို့၏ အား ထုတ်လုပ်ကိုင်နေမှုကို ဖော်ပြ သည့် သဘောဖြစ် သော ကြောင့် မြန်မာ့စီးပွားရေး အတွက် အားရ စရာဖြစ်သည်။

သို့သော် ထိုပြော ဆိုခန့်မှန်းချက်သည် လက်တွေ့ ဖြစ်ပေါ်နေသော အခြေအနေနှင့် ထင်ဟပ်ခြင်း ရှိ၊ မရှိဆိုသည်နှင့် ပတ်သက်၍ အားလုံးအတွက် စဉ်းစား စရာဖြစ်လာလေသည်။

လူတိုင်းသည် ၎င်းတို့ကျင် လည်ရာနယ်ပယ်အခြေအနေကို အခြားအရာထက်ပိုသိ၊ ပို၍ကျွမ်း ဝင်မှုရှိသည်။ အကောင်အဆိုး၊ ရှေ့အလားအလာစသဖြင့် အခြေအနေအရပ်ရပ်အတွက် သုံးသပ်နိုင်စွမ်းလည်း ရှိနိုင်ကြ၏။

ဥပမာ ပေါ်လစီဆိုင်ရာ အကျပ်အတည်းကို အခြားသူများထက် ပေါ်လစီရေးဆွဲသူများ ပိုသိသကဲ့သို့ လုပ်ငန်းပိုင်းဆိုင်ရာ အခက်အခဲများကို ပေါ်လစီကို အကောင် အထည်ဖော်နေသူများ ပိုသိ သည်။

စီးပွားရေးလုပ်ငန်းများ လုပ်ကိုင်ရာတွင် ကြုံတွေ့နေရ သော အခက်အခဲများကိုလည်း စီးပွားရေးသမားများ၊ လုပ်ငန်းရှင် များကသာ ပိုသိလိမ့်မည်။လက် လုပ်လက်စားများအပါအဝင် ဝင် ငွေနည်း လူတန်းစားတို့၏ နေ့စဉ် စားဝတ်နေရေး အကျပ်အတည်း အတွင်းရေးကိုမူ ကာယကံရှင်တို့ က လက်တွေ့ကျကျ ခံစားသိရှိ နေမည်မှာ သေချာသည်။

တစ် နှစ်ကျော်ကျော် ဖြတ်သန်းခဲ့ပြီး သည့် မြန်မာ့စီးပွားရေးအခြေ အနေမှာ အားလုံးသိပြီးဖြစ်၏။ နိုင်ငံ၏ မက်ခရို စီးပွားရေးအခြေ အနေကိုပြသော ကိန်းဂဏန်း အတော်များများက ပြသနေသည်။

ပြည်တွင်းထုတ်လုပ်မှု (ဂျီဒီပီ)နှင့်အခွန်ကောက်ခံရရှိမှု အခြေအနေများ တဖြည်းဖြည်းမြင့်မားမှု ရှိလာနေသည့်တိုင် နိုင်ငံ့စီးပွားရေးကို ဖော်မယ်ကဏ္ဍထက် အင်ဖော်မယ်ကဏ္ဍက ပို၍ ကျယ်ကျယ်ပြန့်ပြန့် လွှမ်းမိုးနေဆဲဖြစ်သည်။

ငွေကြေးလဲလှယ်မှုနှုန်း၊ ငွေတန်ဖိုး အတက်အကျအခြေအနေ၊ ကုန်သွယ်မှုလိုငွေ နှင့် ဘတ်ဂျက်လိုငွေအခြေအနေတို့ကိုလည်း ကြည့်နိုင်သည်။

စီးပွားရေးလုပ်ငန်းရှင် အကြီးအငယ်တို့ကို မေးမြန်းနိုင်သည်။ စားသုံးသူလူတန်းစား အလွှာလွှာ အသီးသီးဝင်ငွေအခြေအနေ၊ အလုပ်အကိုင် အခြေ အနေ ဖွံ့ဖြိုးမှု၊ ကုန်ဈေးနှုန်း အခြေအနေ၊ ကျန်းမာရေး၊ ပညာရေးကုန်ကျ စရိတ် စသဖြင့် လက်ရှိ ရင်ဆိုင်နေရသော အခြေအနေကိုကြည့်၍ အနာဂတ် (အနီးဆုံး ကာလ) အခြေအနေကို စိတ်ကူးဖြင့် မှန်းဆမှု အမျိုးမျိုးရှိနေကြလိမ့်မည်။

ယခုမြန်မာ့စီးပွားရေး တိတ်ခ်အော့ဖ် (Take off) ဖြစ်တော့မည်ဟု စကားသံကြားရသည်မှာ အားတက်စရာ အလွန်ကောင်း၏။ လက်တွေ့ရင် ဆိုင်နေရသော အခြေအနေများနှင့် ခံစားကြည့်သောအခါတွင်မူ မျက်ကလဲဆန်ပျာ ဖြစ်ကုန်သည်။

ယခု ရည်ညွှန်းပြောဆိုသော တိတ်ခ်အော့ဖ် (Take off)ဆို သည့် စီးပွားရေးအခြေအနေသည် အမေရိကန် စီးပွားရေးပညာရှင် ရော့စ်ထို (Rostow)၏ အဆင့်ငါး ဆင့်ပါ စီးပွားရေးဖွံ့ဖြိုးမှု မော် ဒယ်တွင် ဖော်ပြထားသော တတိ ယမြောက်အဆင့်၊ အချိန်ကာလ ကို ဆိုလိုခြင်းဖြစ်မည်ဟု ထင် သည်။

အခြေအနေအရပ်ရပ် ပြင် ဆင် ဖြည့်ဆည်းပြီးမှုနှင့်အတူ မြေ ပြင်ပြေးလမ်းကျယ်တွင် တဖြည်း ဖြည်း အရှိန်တိုးမြှင့် မောင်းနှင်ပြီး နောက် မြေပြင်နှင့် ဆန့်ကျင် ဘက် ဝေဟင်သို့ ပျံတက်သည့် လေ ယာဉ်တစ်စီး အခြေအနေမျိုးဖြစ် မည့် နိုင်ငံ့စီးပွားရေး အားကောင်း လာမှုကို ဆိုခြင်းဖြစ်သည်။

စီးပွား ရေး တက္ကသိုလ်ကျောင်းသားဘဝ ဖွံ့ဖြိုးမှု ဘောဂဗေဒ သင်ခန်းစာ များထဲတွင် ရော့စ်ထို၏ စီးပွား ရေးဖွံ့ဖြိုးမှု အိုင်ဒီယာတို့ကို သင် ယူဖတ်ရှုခဲ့ဖူးသည်။

ရော့စ်ထို၏ မော်ဒယ်သည် ၁၉၆၀ ပြည့်နှစ် အစောပိုင်းကာလများက ထင် ရှားခဲ့သော စီးပွားရေးဖွံ့ဖြိုးမှု သီ အိုရီများထဲက တစ်ခုဖြစ်သည်။ ထိုအချိန် ထို ကာလသည် ဒုတိယ ကမ္ဘာစစ်ကြီး ပြီးစီးခဲ့သည့် ဆယ် စုနှစ်ကာလ အနည်းငယ်ကျော် လာပြီး စစ်အေးကာလ အထွတ် အထိပ် ရောက်ရှိနေသည့် အချိန် ကာလဖြစ်သည်။

စစ်ဒဏ်သင့်နိုင် ငံများ၊ ကိုလိုနီပြုခံရသည့်ဘဝမှ လွတ်မြောက်လာသည့် နိုင်ငံများ အတွက် ပြန်လည်ထူထောင်ရေး အတွက် ရုန်းကန်နေရချိန်ဖြစ်ခဲ့ပြီး ထိုအချိန်က ရော့စ်ထို၏သီအိုရီ မှာ ဝေဖန်မှုများ ရှိနေသည့်ကြား ကပင် နိုင်ငံအတော်များများက မျက်စိကျခဲ့ကြသည့် အခြေအနေ တွင် ရှိခဲ့သည်။

ရော့စ်ထို၏အဆိုအရ စီးပွား ရေးအဆောက်အအုံများသည် ပိုမိုအားကောင်းသည့် စီးပွားရေး ဖွံ့ဖြိုးမှုဆီသို့ ဦးတည်သွားရာတွင် အဆင့်များစွာကို ဖြတ်သန်းရန် ရှိသည်ဟု ဆိုထား၏။ အဆင့် တစ်ဆင့် ပြီးစီးမှ အခြားအဆင့် တစ်ခုဆီသို့ ရောက်ရှိနိုင်မည်ဖြစ် ပြီး အဆင့်များသည် အကျိုး အကြောင်း ဆက်စပ်မှုဖြင့် သဘာ ဝကျကျ တစ်ဆင့်ပြီးတစ်ဆင့် တက်သွားခြင်းဖြစ်သည်ဟုလည်း ယူဆသည်။

ထိုအဆင့်ငါးဆင့်မှာ ပထမဆုံး ကနဦးအဆင့်ဖြစ်သည့် သမားရိုးကျ လူ့အဖွဲ့အစည်း အဆင့် (Traditional Society)၊ ဒုတိယအဆင့်ဖြစ်သည့် ပျံတက် နိုင်သည့် ကာလမတိုင်ခင် အဆင့် (Pre-Condition to Take-off)၊ တတိယအဆင့်ဖြစ်သည့် ပျံတက် သည့်အဆင့် (Take-off)၊ စတုတ္ထအဆင့်ဖြစ်သည့် တည်ငြိမ် ရင့်ကျက် မှုဆီသို့ ဦးတည်သည့် အဆင့် (Drive to Maturity)နှင့် နောက်ဆုံးအဆင့်ဖြစ်သည့် ပဉ္စမ အဆင့်မှာ တစ်နိုင်ငံလုံးအားဖြင့် စားသုံးမှုပမာဏ မြင့်မား၍ အား ကောင်းလာသောအဆင့်(Age of High Mass Consumption) ဖြစ် သည်။



ပထမဆုံးအဆင့်တွင် လူ့ အဖွဲ့အစည်းတစ်ရပ်သည် ရိုးရာ ဓလေ့ ထုံးစံများ၊ သမားရိုးကျ နည်းလမ်းများဖြင့် အသက်မွေး ဝမ်းကျောင်းပြု ရပ်တည် ကြသည့် အခြေအနေတွင် ရှိသည်။

လယ် ယာစိုက်ပျိုးရေးကို အခြေခံသည့် စီးပွားရေးအဆောက်အအုံဖြစ်ပြီး ဝမ်းစာရေးကို အခြေပြု စိုက်ပျိုး ထုတ်လုပ်သောကြောင့် ရောင်း ဝယ်ဖောက်ကားမှု အနည်းငယ် သာ ဖြစ်ထွန်းမှုရှိသည်။ ခေတ်မှီ နည်းပညာမရှိ၊ ဘဏ္ဍာရေးအဖွဲ့ အစည်းများ မထွန်းကားသေးဘဲ စုဆောင်းမှုမှာလည်း သိသိသာ သာ မရှိပေ။

အရင်းအနှီးပမာဏ နှင့် လုပ်သားထုတ်လုပ်မှုစွမ်းရည် မှာလည်း နိမ့်ကျလျက်ရှိသည်။ ဒုတိယအဆင့်တွင် စိုက်ပျိုးရေး ကဏ္ဍ ထုတ်လုပ်မှု၌ စက်ကိရိ ယာ အသုံးပြုမှုများပြားလာပြီး ထုတ်လုပ်မှု ပိုလျှံမှုရှိလာသည်။ ကုန်သွယ်မှုလည်း ပိုမိုဖြစ်ပေါ်လာ သည်။

ဘဏ်လုပ်ငန်းများ ထွန်း ကားမှုများ အပါအဝင် စီးပွားရေး ဆိုင်ရာ အင်စတီကျူးရှင်းများ ထွန်းကားလာပြီး စုဆောင်းမှုနှင့် ရင်းနှီးမြှုပ်နှံမှု ပမာဏမှာလည်း မြင့်မားမှုရှိလာသည်။ အခြေခံ အဆောက်အအုံများ ဖွံ့ဖြိုးမှုများ နှင့်အတူ နိုင်ငံရပ်ခြားအကူအညီ များ၊ သိပ္ပံနှင့်နည်းပညာများ ဖြစ် ထွန်းမှုလည်း ရှိလာသည်။

တတိယအဆင့်မှာမူ ယခု ကြားရသည့် လေယာဉ်ပျံကဲ့သို့ အထက်သို့ပျံတက်မည့် တိတ်ခ် အော့ဖ် (Take off) စီးပွားရေး အခြေအနေဖြစ်ထွန်းမည့် အဆင့် ဖြစ်သည်။ စီးပွားရေးအဆောက် အအုံတစ်ခု၏ မူလအခြေအနေ တစ်ခုမှ ပို၍မြင့်မားသောအဆင့် တစ်ခုသို့ ပြောင်းလဲရန် စတင် သည့်အချိန်ဖြစ်သည်။

စီးပွားရေး လုပ်ဆောင်ချက်များတွင် သမား ရိုးကျ နည်းလမ်းများ၊ သတ်မှတ် ချက်များနေရာတွင် နိုင်ငံတကာ စံသတ်မှတ်ချက်များ အစားထိုး ကျင့်သုံးနိုင် သည့် အဆင့်ဖြစ်ပြီး လယ်ယာ ကဏ္ဍထက် စက်မှု ကဏ္ဍနှင့် ဝန်ဆောင်မှုကဏ္ဍများ အပေါ် မှီခိုမှုများလာသည်။ စက် မှုလက်မှု ထုတ်ကုန်များ အများ အပြား ရှိလာသည်။

နိုင်ငံ၏ ဥစ္စာ ဓန ကြွယ်ဝမှုမြင့်တက်လာကာ နိုင်ငံ၏ စီးပွားရေးအခြေအနေ သည် စုစုပေါင်းဝင်ငွေ၏ ၅ ရာ ခိုင်နှုန်းခန့်ရှိသည်။ ဘဏ်စနစ် လည်း အားကောင်း လာသည်။ နိုင်ငံအတွင်းရှိ စီးပွားရေးကဏ္ဍ အလိုက် ဖွံ့ဖြိုးတိုးတက်မှုသည် အပေါင်းလက္ခဏာ ဆောင်လာ ပြီး စီးပွားရေးကဏ္ဍများသည် မှန်မှန် လည်ပတ် လျက်ရှိသည့် အဆင့် ဖြစ်လာသည်။

စတုတ္ထအဆင့်တွင် စီးပွား ရေး အဆောက်အအုံအတွင်း၌ တီထွင် ကြံဆမှုများ ဖြစ်ထွန်းနေ ပြီး ထုတ်လုပ်မှုနည်းပညာအမျိုး အစား စုံလင်စွာ တိုးတက်ထွန်း ကားလာသည်။ နည်းပညာအ သစ်များဖြင့် ကုန်စည်သစ်များ ထုတ်လုပ်နိုင်စွမ်းလည်း ရှိလာပြီး စက်မှုကဏ္ဍ ဖွံ့ဖြိုးမှု အလွန် အမင်း အားကောင်းနေချိန်ဖြစ် သည်။

ကဏ္ဍအလိုက် ဖွံ့ဖြိုးတိုး တက်မှုများနှင့်အတူ စီးပွားရေး ဖွံ့ဖြိုးမှု အခြေအနေသည်လည်း စီးပွားရေးအဆောက်အအုံ တစ်ခု လုံးပေါ်တွင် အကျိုးသက်ရောက် မှု ရှိနေသည်။

နိုင်ငံသားတစ်ဦး ချင်း၏ အမှန်ဝင်ငွေ မြင့်မားလာ ပြီး စုဆောင်းမှုနှင့် ရင်းနှီးမြှုပ်နှံမှု ပမာဏသည်လည်း နိုင်ငံ့ဝင်ငွေ ၏ ၁၀ ရာခိုင်နှုန်းမှ ၂၀ ရာခိုင်နှုန်း အထိ တိုးမြင့်လာသည့် အခြေ အနေဖြစ်သည်။ ပဉ္စအဆင့်သည် စီးပွားရေးအဆောက်အအုံ တစ် ခုလုံးရှိ စားသုံးသူများ၏ အသုံး စရိတ် သုံးစွဲမှု မြင့်မားနေပြီး စား သုံးမှုပမာဏ အားကောင်းနေ သည့်အချိန် ဖြစ်သည်။

နိုင်ငံ၏ ကျန်းမာရေး၊ ပညာရေး၊ လူမှုဖူ လုံရေးကဏ္ဍ ဝန်ဆောင်မှုအတွက် အသုံးစရိတ် ပိုမိုသုံးစွဲမှုများရှိလာ ပြီး ဝန်ဆောင်မှုကဏ္ဍ ဖွံ့ဖြိုးမှု အလွန်အမင်း ဖြစ်နေခြင်းဖြစ် သည်။

အလယ်အလတ်တန်းစား ဝင်ငွေရှိ လူတန်းစားဦးရေ တိုး တက်များပြားလာပြီး နိုင်ငံတွင်း၌ ကုန်ပစ္စည်း အမျိုးအစားမျိုးစုံကို ဝယ်ယူစားသုံးမှုပမာဏမှာလည်း မြင့်မားလျက်ရှိသည်။

ရော့စ်ထိုမော်ဒယ်၏ ကန့် သတ်ချက်များ၊ အားနည်းချက် များနှင့်ပတ်သက်၍ ဝေဖန်မှုများ ရှိခဲ့ဖူးသည်။ ရော့စ်ထိုသည် အမေရိကန်နှင့် ဥရောပတို့တွင် ပြောင်းလဲဖြစ်ပေါ်နေသော နိုင်ငံ များ၏ အခြေအနေကိုသာ အခြေ ခံလေ့လာခဲ့ခြင်းဖြစ်ပြီး ကိုလိုနီ အပြုခံခဲ့ရသည့် ဖွံ့ဖြိုးဆဲနိုင်ငံများ နှင့်ပတ်သက်၍ ထည့်သွင်းစဉ်း စားထားမှု မရှိခဲ့ပေ။ ကမ္ဘာပေါ်ရှိ သယံဇာတပိုင်ဆိုင်မှု၊ ရာသီဥတု၊ လူဦးရေ၊ ဖွဲ့စည်းတည်ဆောက်ပုံ စသဖြင့် မတူညီသည့် အခြေခံ များရှိသည့် နိုင်ငံများ အနေဖြင့် ရော့စ်ထို၏ အိုင်ဒီယာအတိုင်း ပုံ မှန်ဖြစ်စဉ်နှင့် တူညီစွာ ဖွံ့ဖြိုးတိုး တက်ရန်မှာ မဖြစ်နိုင်ကြောင်း သုံး သပ်သူများလည်း ရှိသည်။

ကွဲ ပြားခြားနားသော အခြေအနေ အရပ်ရပ် ပေါင်းစပ်ဖွဲ့စည်းထား သော လူ့အဖွဲ့အစည်းတစ်ရပ်၏ စီးပွားရေး ဖွံ့ဖြိုးတိုးတက်ရန်မှာ နည်းပညာ၊ နိုင်ငံသား များ၏ အယူအဆ သဘောထား၊ ပေါ် လစီ၊ အစိုးရလုပ်ထုံးလုပ်နည်း စည်းမျဉ်းစည်းကမ်းများ အရေး ကြီးသော အခန်းကဏ္ဍတွင်ရှိနေ သည်၊ ထောက်ပြထားသည်ဟု လည်း သုတေသီအချို့ကလည်း ထောက်ပြကြသည်။

သို့သော် ရော့စ်ထို၏ ဖွံ့ဖြိုးမှုမော်ဒယ်ရှိ ဒုတိယအဆင့် ယူဆချက်ဖြစ် သည့် လေယာဉ်ပျံတစ်စီး မြေပြင် မှကြွတက်၍ လေထဲသို့မပျံတက် ခင် ပြေး လမ်းကြောင်း တစ် လျှောက်တွင် အရှိန်ဖြင့်ပြေးနေရ မည်ဆိုသည့် အချက်မှာမူ ယနေ့ တိုင် လက်ခံသင့်သည်ဟုယူဆ သည်။

ဆိုလိုသည်မှာ ထိုစီးပွား ရေးအဆောက်အအုံအတွင်း၌ လို အပ်သည့် အခြေအနေအရပ်ရပ် ကို ဖြည့်ဆည်းထားပြီး စီးပွားရေး ကဏ္ဍ အသီးသီးသည် တစ်ဆင့် ပြီးတစ်ဆင့် မြင့်တက်လာသော နှုန်းများဖြင့် တိုးတက်မှုရလဒ်များ ရနေမည်ကို ဆိုလိုခြင်းဖြစ်သည်။

မြန်မာနိုင်ငံသူ နိုင်ငံသား များအနေဖြင့် နိုင်ငံ့စီးပွားရေး ဖွံ့ ဖြိုးတိုးတက်မှုကို မျှော်လင့်ကြ သည်။ နှစ်ပေါင်းများစွာ ပုံ သဏ္ဌာန်မမှန် လည်ပတ်ခဲ့သော စီးပွားရေး တစ်ရပ်ကို ငါးနှစ်တာ ကာလ အချိန်တိုအတွင်း မြင့်မား သော ဖွံ့ဖြိုးတိုးတက်မှု ရရှိလာနိုင် ရေးမှာ ဖြစ်နိုင်စွမ်းမရှိသည်ကို လူအများစု သဘောပေါက်ပေ မည်။

လုပ်ငန်းရှင်များ လုပ်သာ ကိုင်သာရှိရေး၊ အလုပ်အကိုင် အခွင့်အလမ်းများ ပိုမိုဖြစ်ထွန်း လာရေးနှင့် တရိပ်ရိပ် မြင့်တက် နေသည့် ကုန်ဈေးနှုန်းကို ကဏ္ဍ အလိုက် ထုတ်လုပ်မှု၊ တင်သွင်း မှုများဖြင့် ချိန်ဆထိန်းကျောင်းပေး နိုင်ခဲ့လျင်ပင် စိတ်ကျေနပ်မှုရကြ လိမ့်မည်ဟု ထင်သည်။

ပြည်သူ လူထုသည် မျှော်လင့်ချက်၊ စိတ် ကူး အမျိုးမျိုးရှိနိုင်သည်။ ပြည်သူ တစ်ဦးတစ်ယောက် ၎င်း၏ စိတ် ကူး၊ ဆန္ဒများကို အလွယ်တကူ ထုတ်ဖော်ပြော ဆိုနိုင်သော်လည်း တာဝန်ရှိပုဂ္ဂိုလ်တစ်ယောက်ဖြစ် ပါက သာမန်ပြည်သူတစ်ယောက် ကဲ့သို့ အလွယ်တကူပြောဆိုရန် မဖြစ်နိုင်ပေ။ ထိုပုဂ္ဂိုလ်၏ နှုတ် ထွက် စကားသည် နိုင်ငံ့အရေး အရာ၊ နိုင်ငံသူနိုင်ငံသားများ ခံ စားမှုများပေါ်တွင် သက်ရောက်မှုရှိနိုင်သောကြောင့်ဖြစ်သည်။

အထူးသဖြင့် နိုင်ငံရေး၊ စီးပွားရေး၊ ကုန်သွယ်ရေးကိစ္စများသည် အကဲဆတ်လွန်းသော အခြေအနေရှိသောကြောင့် သတိကြီးကြီးထားနိုင်ခဲ့လျှင် ကောင်း၏။

နိုင်ငံ့ စီးပွားရေးအခြေအနေနှင့် ပတ်သက်ပါက ပြည်တွင်းအခြေအနေ အရပ်ရပ်၊ အပြောင်းအလဲမြန်နေသောဒေသတွင်း၊ နိုင်ငံတကာအခြေအနေများ၊ သီအိုရီများ၊ပေါ်လစီများ၊ သုတေသနတွေ့ရှိချက်များ စသဖြင့် အခြေအနေအရပ်ရပ်ကို ကိုးကားချင့်ချိန်၍ ပကတိအခြေအနေနှင့် အနီးကပ်ဆုံး အလား အလာကို ခန့်မှန်းမျှော်လင့် ပြောဆိုခြင်းသည်သာ အယုံကြည်ရဆုံးရလဒ်ဖြစ်နိုင်ပြီး နိုင်ငံသားလုပ်ငန်းရှင်များနှင့် ပြည်သူများအတွက် အမှန် တကယ် ဝမ်းသာစရာကောင်း သည့် သတင်းဖြစ်ပေမည်။

နိုင်ငံသားများအားလုံး မျှော် လင့်ချက်ဖြင့် အသက်ရှင်ကြ၏။ အခြေအနေအားလုံးကို လွတ် လပ်စွာ စိတ်ကူးယဉ်နိုင်သည်။ မြန်မာ့စီးပွားရေး လေယာဉ်ကြီး ကိုလည်း ကောင်းကင်ပြာပြာထဲ သို့ ပျံတက်သွားစေချင်သည်မှာ နိုင်ငံသားအားလုံး၏ စိတ်ကူးဆန္ဒ ဖြစ်မည်။ မည်သည့်အချိန် ပျံ တက်နိုင်မည်နည်း။

လွန်ခဲ့သည့် ၂၀၁၆ ခုနှစ်က စီးပွားရေးပေါ်လစီ ၁၂ ချက် ချမှတ်ထားခဲ့ပြီးဖြစ် သည်။ ထိုပေါ်လစီများအောက် တွင် မည်သည့်ကုန်စည်နှင့်ဝန် ဆောင်မှုကို မည်ကဲ့သို့ ထုတ်လုပ် မည်၊ မည်သူတို့ (မည်သည့်ဈေး ကွက်)အတွက် ထုတ်လုပ်မည်ဆို သော အခြေခံမေးခွန်းများကို လေးလေးနက်နက် စဉ်းစားထား ပြီး ဖြစ်သင့်သည်။

မည်သည့် ကဏ္ဍများကို ဦးစားပေးထုတ်လုပ် မည်တို့ကို သတ်မှတ်ပြီးသားဖြစ် မည်၊ ဦးစားပေးကဏ္ဍများကို ဆက်စပ်၍ အခြားကဏ္ဍများ တစ် နွယ်ငင် တစ်စင်ပါ မည်သို့တိုး တက်လာစေရန် စီစဉ်ထားပြီးဖြစ် မည်။

ဦးစားပေးကဏ္ဍများ အား လုံးကို ပေါ်လစီများ၊ အသေးစိတ်လုပ်ငန်း စီမံချက်များနှင့် အကောင်အထည်ဖော် လုပ်ဆောင်နေရမည်။ နိုင်ငံတကာဈေးကွက်၊ ထုတ်လုပ်မှုနည်းပညာ၊ ရင်းနှီးမြှုပ်နှံမှုတို့ကို အကောင်အထည်ဖော် ဆောင် ရွက်နေသည့် အခြေအနေဖြစ်မည်။

ပြည်တွင်းလူ့စွမ်းအား အရင်းအမြစ် ပျိုးထောင်ရေးကို စနစ်တကျ အကောင်အထည် ဖော်နေပြီး ပြည်တွင်း၌ အတိုင်း အတာတစ်ခုအထိ အသုံးချနိုင် သည့် အခြေအနေ ရနေမည်။ အင် စတီကျူးရှင်းများ အားကောင်း လာပြီး ဥပဒေစိုးမိုးမှု ဒီဂရီမှာ လည်း မြင့်မားနေမည်။ ယုံကြည် စိတ်ချရသည့် မက်ခရို စီးပွားရေး အခြေအနေပြ ကိန်းဂဏန်းများ မှာလည်း တစ်နှစ်ပြီးတစ်နှစ် အပေါင်းလက္ခဏာပြလျက် မြင့် တက်မှုရှိနေမည်။

ထိုအခြေအနေ များ ဖြစ်နေခဲ့ပါလျှင် မြန်မာ့ စီး ပွားရေး လေယာဉ်ကြီးသည် မြေ ပြင်ပြေးလမ်းတွင် အရှိန်နှင့်ပြေး လျက်ရှိနေသည်ဟု ယူဆနိုင် သည်။

မကြာမီနှစ်များအတွင်း၌ ထပ်ဆင့် မြင့်မားသောအခြေအနေ များကို ရောက်ရှိတော့မည်ဟု ဆို ရမည်။ မြန်မာ့စီးပွားရေး လေ ယာဉ်ကြီးပျံတက် (Take off) တော့မည်ဟု အားရဝမ်းသာဖြစ် ကြမည်။

လေယာဉ်ကြီး အထက် ကောင်းကင်သို့ ပျံတက်သွားသကဲ့ သို့ပင် စီးပွားရေးအဆောက်အအုံတစ်ရပ် ဖွံ့ဖြိုးမှု မြင့်မားလာရန် အချိန်ကာလများဖြင့် နှစ်ပေါင်း နှစ်ဆယ်၊ သုံးဆယ်ဖြင့် ကြာမြင့် တတ်သည်ဟု ဆိုသဖြင့် ပြည်သူ လူထုမှာ အချိန်ကာလတစ်ခုအထိ အသည်းတထိတ်ထိတ် ရင်တဖိုဖို ဖြင့် ပျော်ရွှင်စွာ စီးနင်းခံစားကြရ ပေမည်။

လွန်ခဲ့သောနှစ်ပေါင်း ၆၀ ဝန်းကျင်က စီးပွားရေးပညာရှင်ရော့စ်ထို၏ ပုံဖော်ခဲ့သည့်အတိုင်း စိတ်ကူးယဉ်နိုင်ကြပေလိမ့်မည်။

မြန်မာ့စီးပွားရေးအဆောက် အအုံအတွင်း စုဆောင်းမှု၊ ရင်းနှီး မြှုပ်နှံမှု၊ နည်းပညာ၊ စီးပွားရေး အင်စတီကျူးရှင်းများ ပြည့်စုံလုံ လောက်မှု အခြေခံအဆောက် အအံများနှင့် လျှပ်စစ်ဓာတ်အား ထုတ်လုပ်မှု၊ သုံးစွဲမှု၊ ဦးစားပေး ကဏ္ဍများ သတ်မှတ်အကောင် အထည်ဖော်မှု၊ အက်စ်အမ်အီး များ ရပ်တည်နိုင်မှု၊ တရားမဝင် ကုန်သွယ်နေမှုများ ကာကွယ်မှု နှင့် စားသုံးသူကို ကာကွယ်ပေးမှု စသည့် မြန်မာ့စီးပွားရေးလေ ယာဉ်ကြီး မိုးကောင်းကင်ထဲ အမှန်တကယ် ပျံတက်နိုင်ရေး အတွက် အားဖြည့်ပေးနိုင်သည့် အခြေအနေများ မည်သို့ရှိနေ သနည်း။

ထိုအခြေအနေများ အပြင် ဒေသတွင်းနှင့် နိုင်ငံတကာ စီးပွားရေးဝန်းကျင် အခြေအနေ များကိုပါ မေ့လျော့မထားရန်လို သည်။ အကယ်၍ အခြေအနေ အရပ်ရပ်ကို ကောင်းစွာပြင်ဆင် ထားပြီးဖြစ်ပါက ပြေးလမ်းတစ် လျှောက် အရှိန်နှင့်ပြေးနေသည့် မြန်မာ့စီးပွားရေး လေယာဉ်ကြီး သည် မကြာမှီ အချိန် အတွင်း၌ ကောင်းကင်ထဲသို့ သေချာပေါက် စတင် ပျံတက်နိုင်လိမ့်မည်ဟု မျှော်လင့်နိုင်ပါသည်။

(ဖော်ပြပါဆောင်းပါးသည် စာရေးသူ၏ အာဘော်သာဖြစ်ပါသည်)

From : 7 Day daily news by: စောနိုင်(အသုံးချဘောဂဗေဒ)

Originally published at - http://www.7daydaily.com/story/99708

Read More »

ဆရာဇော်ဂျီနှင့် ထုံးသုတ်တတ်ရင် ဘုရင်ဖြစ်ရောလား




(တစ်)

ဆရာ ဇော်ဂျီရဲ့ စာတွေထဲ မှာ ဟိုးခပ် ငယ်ငယ် တော်တော် စောစော ကတည်းက စွဲခဲ့တဲ့စာ တစ်ပုဒ် ရှိပါတယ်။ ‘သူတို့ ညီနောင်နှင့် ကျွန်တော်’ ဆိုတဲ့ စာ တမ်းငယ် (Eassy) ကလေးပါ။ အလယ်တန်း ကျောင်းသား ဘ၀ လောက်မှာ ဖတ်ခဲ့ရ တာဖြစ်ပြီး ကျောင်းသင်ခန်း စာထဲမှာ ဖတ်ခဲ့ ရတာလား၊ အပြင် စာအုပ်စာ တမ်း တစ်ခုခုထဲမှာ ဖတ်ဖြစ်ခဲ့တာ လား ဆိုတာ ကိုတောင် သဲသဲကွဲကွဲ မမှတ်မိ တော့ပါဘူး။ ကံရာဇာ ငယ်က ကံရာဇာကြီးကို ဖျံကျကာ အနိုင်ယူ သွားတယ် ဆိုတဲ့ အချက် ကလေးကိုပဲ ၀ိုးတ၀ါး မှတ်မိနေ ခဲ့တဲ့ အဖြစ်ပါ။

နောက်တော့ မမစမ်းလို့ ကျွန်တော်တို့ အခေါ်အပြောများ တဲ့ဆရာမစမ်းစမ်းနွဲ့(သာယာဝ တီ)က အဲသည့်တကောင်းခေတ် နောက်ခံအဖြစ်အပျက်ကလေး ကို သာဓကဆောင်ကာ ‘ကိုကို ကံရာဇာ’ ဆိုတဲ့နာမည်နဲ့ဝတ္ထု ရှည်တစ်ပုဒ်ရေးခဲ့ပါသေးတယ်။

ဘ၀ကို ဆူလွယ်နပ်လွယ်တည် ဆောက်ခဲ့တဲ့ ညီမိသားစုကို ကံ ရာဇာငယ်နဲ့ နှိုင်းကာ ရိုးရိုးဖြောင့် ဖြောင့် နှေးနှေးမှန်မှန်တည် ဆောက်သွားခဲ့တဲ့ အစ်ကို မိသားစု ကို ကံရာဇာကြီးနှင့် နှိုင်းပြီး ဖန် တီးသွားခဲ့တဲ့ဝတ္ထုပါ။

အခုနောက်ပိုင်းမှာ ဆရာ ဇော်ဂျီရဲ့စာတွေကို ပြန်ပြန်ပြီး စု ပေါင်းထုတ်ဝေကြတဲ့အခါ စိတ် ကူးချိုချိုကနေ ဇော်ဂျီ၏ စာရှုခင်း ဆိုပြီး အမှတ်စဉ်တစ်၊ နှစ်၊ သုံး၊ လေးတပ်လို့ ထုတ်ဝေခဲ့တဲ့အခါ အမှတ်စဉ်လေးမှာ ကျွန်တော်တို့ ငယ်ငယ်က စွဲခဲ့ဖူးတဲ့ စာတမ်းငယ် ကလေးပြန်ပါလာပါတယ်။

အခုစာရဲ့ ရှေ့ပိုင်းနားမှာ ဖော်ပြထားခဲ့တဲ့ ‘သူတို့ညီနောင် နှင့်ကျွန်တော်’ စာတမ်းငယ်က လေးပါ။ ပြန်ဖတ်တော့လည်း ကြိုက်တုန်းပါပဲ။

(နှစ်)

ဇာတ်လမ်းက ဒဏ္ဍာရီတွေ၊ ပုံပြင်တွေနဲ့ မွမ်းထုံနေတဲ့ တ ကောင်းခေတ် နောက်ခံဇာတ် လမ်းပါ။

တကောင်းဘုရင်အဘိရာ ဇာမှာ သားတော်နှစ်ပါးရှိလေသ တဲ့။ အကြီးက ကံရာဇာကြီး၊ အ ငယ်က ကံရာဇာငယ်။

ခမည်းတော် အဘိရာဇာ နတ်ရွာစံတဲ့အခါ ညီနောင်နှစ်ပါး က စစ်ခင်းပြီး ဘယ်သူဘုရင်လုပ် မလဲဆိုတာကို ရွေးချယ်ဖို့ပြင်ဆင် ပါတယ်။ မှူးမတ်ပညာရှိတို့က စစ်ရဲ့ အနိဋ္ဌာရုံတွေကို စိုးထိတ် ကာ အလှူမဏ္ဍပ်အပြိုင်ဆောက် ကြဖို့ ဆုံးဖြတ်ပါတယ်။ ညီနောင် နှစ်ပါး အလှူမဏ္ဍပ်ကို အပြိုင် ဆောက်ကြဖို့ပါ။ ညတွင်းချင်းအ ပြီးဆောက်ကြဖို့ဖြစ်ပြီး မဏ္ဍပ်ပြီး တဲ့သူက ဘုရင်လုပ်စေဆိုတဲ့ သ ဘောတူညီချက်နဲ့ပါ။

အားလုံးသိပြီးဖြစ်တဲ့အတိုင်း ကံရာဇာကြီးရှုံးပါတယ်။ သူက သစ်ကြီး၊ ၀ါးကြီးတွေနဲ့အခိုင်အ မာဆောက်နေခဲ့တာကိုး။ ကံရာ ဇာငယ်ကတော့ ဆူလွယ် နပ် လွယ်သမား၊ ဖြတ်စားလျှပ်စား သမားဖြစ်တော့ကာ သစ်ငယ်၊ ၀ါးငယ်ကလေးတွေနဲ့ဆောက် လေသတဲ့။ အဲသည့် သစ်ငယ်၊ ၀ါးငယ်ကလေးတွေကို ဖျင်ပိတ် အဖြူနဲ့ပတ်လေသတဲ့။ ထုံးတွေ ကို ရေဖျော်ကာ သုတ်လေသတဲ့။ အလှူမဏ္ဍပ်ဖွေးဖွေးကြီးက ပြီး တော့ပြီးသွားလေသတဲ့။

ဘယ်လိုပဲဆောက်ဆောက် ပြီးတဲ့သူ ဘုရင်ဖြစ်စေဆိုတဲ့ စည်း ကမ်းနဲ့အညီ ကံရာဇာငယ် တ ကောင်းမှာ ဘုရင်ဖြစ်ပါတယ်။

အဲဒါ ကျွန်တော်တို့အားလုံး သိထားကြပြီးဖြစ်တဲ့ တကောင်း ခေတ် ဒဏ္ဍာရီပါ။ ဒါကိုအခြေခံ ကာ ဆရာဇော်ဂျီက စာတမ်းရေး တာပါ။ စာတမ်းရှင်ရဲ့ အတွေး တွေ၊ အရေးတွေနဲ့ မွမ်းထုံထား တာပါ။ တကောင်းမိုး၊ တကောင်း လေနဲ့ သုံးလေးလသာ ခံမယ့် မဏ္ဍပ်တဲ့။ အဲဒါကို ပြီးအောင် ဆောက်လိုက်ရုံနဲ့ ဘုရင်ဖြစ်စ တမ်းလားတဲ့။ ထုံးသုတ်လိုက်ရုံနဲ့ ရာဇ ပလ္လင်ပေါ်တက်ခွင့်ရစတမ်း လားတဲ့။ ကံရာဇာကြီးတို့၊ မှူး မတ်ပညာရှိတို့ကို အားမလို၊ အား မရ ဖြစ်နေတဲ့ စာတမ်းရှင် ဆရာ ဇော်ဂျီရဲ့ အသံတွေက စာတမ်းထဲ မှာ ညံလို့။

တိုင်းပြည်နိုင်ငံတစ်ခုတည် ဆောက်တဲ့အခါမှာ ထားရှိအပ်တဲ့ စိတ်ဓာတ်တွေကို ထောက်ပြထား တဲ့ အသံတွေပါ။

(သုံး)

ကျွန်တော်တို့ရဲ့ လူမှုဘ၀ ရှု မျှော်ခင်းတွေထဲမှာ ကံရာဇာငယ် ရဲ့ ထုံးသုတ်ထားတဲ့ မဏ္ဍပ်တွေ လို တစ်ခဏနဲ့ ပြိုကျနေတဲ့ အရာ တွေက ရှုမဆုံးအောင်ပါ။

ပေါက်ပြဲနေတဲ့ ကားလမ်း တွေပေါ်မှာ ရွှံ့ခဲကလေးတွေ၊ မြေ ကြီးခဲကလေးတွေနဲ့ ဖုံးဖိလို့ ဆို့ သိပ်နေတဲ့ မြင်ကွင်းကို ကျွန်တော် တို့ တွေ့ နိုင်ပါတယ်။ အမိုး ကနေ ရေတွေ တပေါက်ပေါက်နဲ့ စိမ့် ယိုကျနေတဲ့ တက္ကသိုလ် အဆောက် အအုံကြီး တစ်ခုရဲ့ မျက်နှာကြက် ကို ကျွန်တော်တို့တွေ့ နိုင်ပါတယ်။

ချဉ်းကပ်လမ်းကြီးတွေက တောင် စဉ်တောင်တန်းတွေလို နိမ့်ချည် မြင့်ချည်နဲ့လှိုင်းထနေတာကြောင့် မော်တော်ကားတွေ ချောင်းကူး မြစ်ကူးတံတားပေါ်ကို ကုန်းရုန်း တက်နေကြရတဲ့ မြင်ကွင်းကို ကျွန်တော်တို့တွေ့နိုင်ပါတယ်။

အောက်ခံ ကွန်ကရစ်ကြမ်းပြင် ကြီး နိမ့်ကျွံကျသွားလို့ ဘာလုပ်ရ မှန်းမသိဖြစ်နေတဲ့ ဧရာမအ ဆောက်အအုံကြီးတစ်ခုကို ကျွန် တော်တို့တွေ့နိုင်ပါတယ်။

တံခါး ချက်နဲ့ ချက်အပေါက်လွဲနေလို့ ပိတ်မရတဲ့ တံခါးပေါက်တွေကို ကျွန်တော်တို့တွေ့နိုင်ပါတယ်။ နေရာတိုင်းမှာ အက်ရာကွဲရာကြီး တွေ ဗရပွနဲ့ ဌာန ဆိုင်ရာ အ ဆောက်အအုံကြီးတွေကို ကျွန် တော်တို့ တွေ့နိုင်ပါတယ်။ အောက်ခံမြေသားတွေ နိမ့်ကျ သွားတာကြောင့် ရထားလမ်းက သူ့ချည်းသက် သက်ကျန်ရစ်ခဲ့ ကာ ဘယ်ရထားတစ်စီးတလေမှ မသွားတော့တဲ့ အလဟဿ ရ ထားလမ်းကြီးကို ကျွန်တော်တို့ တွေ့နိုင်ပါတယ်။

ရေဆင်းမြောင်း က တိမ်တိမ်၊ ပလက်ဖောင်းတွေ က ဦးနင်းပဲ့ထောင်၊ ရေကပိုက် လုံးက ကျလာတဲ့အခါ ၀ါတာတာ ညစ်တစ်တစ်နဲ့မို့ သောက်ဖို့နေနေ သာ သုံးလို့တောင်မရနိုင်တဲ့ စီမံ ကိန်းမြို့ပြအိမ်ရာတွေကို ကျွန် တော်တို့တွေ့နိုင်ပါတယ်။

ရုတ် တရက်ပြိုကျလာတဲ့ တက္ကသိုလ် မျက်နှာကြက်ကြီးတစ်ခုကို ကျွန် တော်တို့တွေ့နိုင်ပါတယ်။ ကွန် ကရစ်ကြမ်းပြင်ကို ဖောက်ကာ မြက်ပင်တွေ ထွက် လာတဲ့ တက္က သိုလ်ဆရာ၊ဆရာမတွေရဲ့ အိမ် ကလေးတွေကို ကျွန်တော်တို့ တွေ့နိုင်ပါတယ်။

တွေ့ရာ စာ အုပ်စာတမ်းတွေထဲကနေ ဟို ဖြတ်၊ သည်ဖြတ်၊ တောင်ကူး မြောက်ကူးနဲ့ ပေါင်းစပ်ထားတဲ့ ဘာမှ လုပ်မရတဲ့သုတေသနစာ တမ်းတွေကို ကျွန်တော်တို့တွေ့ နိုင်ပါတယ်။ မိတ်ကပ်တွေ အ ဖွေးသားနဲ့ လိုတိုးပိုလျှော့ ကြည့် ပျော်၊ ရှုပျော်ဇာတ်ညွှန်းဆရာရဲ့ အစီရင်ခံစာတွေကို ကျွန်တော်တို့ တွေ့နိုင်ပါတယ်။

ပြီးပြီးရော ခေတ်ကြီး။ ပြီး ပြီးရော လူတွေနေရာရ။ ပြီးဖို့သာ အဓိက။ ထုံးသုတ်သုတ်၊ သဲဖြူး ဖြူး။ နောင်ခါလာ နောင်ခါဈေး။

ကံရာဇာငယ်တို့ ခေတ် ကောင်းခဲ့ပါရဲ့။ မဏ္ဍပ်ကတော့ ပြိုနှင့်ပြီ။ တကယ့်သစ်ကြီးဝါး ကြီးနဲ့ မဏ္ဍပ်ဆောက်မယ့် ကံရာ ဇာကြီးတို့က ပလ္လင်အဝေးမှာ။

ရေရှည်တည်တံ့မယ့် လူ့အ ဖွဲ့အစည်း၊ တိုင်းပြည်နိုင်ငံတစ်ခု တည်ဆောက်ဖို့ဆိုတာ ကံရာဇာ ကြီးလို လူတွေနဲ့မှ ဖြစ်မှာပါ။

ဧရာဝတီကို ဆန်လို့ ဗန်း မော်ဘက်ကို တက်တဲ့အခါ တ ကောင်းမြို့ကလေးကို ဖြတ်သွား တိုင်း ဆရာဇော်ဂျီနဲ့အတူ တ ကောင်းရာဇ၀င်ကို သတိရလိုက် တာ။ ။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)

From : 7 Day daily news by: မောင်သာချို

Originally published at - http://www.7daydaily.com/story/99697

Read More »

ရွေးကောက်ခံ အုပ်ချုပ်ရေး အဖွဲ့စည်းတွေ ကိုသာ အလိုရှိ ပါသည်




ဥပဒေ ရေးရာနှင့် အထူး ကိစ္စ ရပ်များ လေ့လာ ဆန်းစစ် သုံးသပ်ရေး ကော်မရှင်က မူကြမ်း အဖြစ် ရေးဆွဲ ထားတယ် လို့ဆိုတဲ့ မြို့နယ် အုပ်ချုပ်ရေး ဥပဒေ (မူကြမ်း) တစ်ခုကို သတင်း မီဒီယာ စာမျက်နှာ တွေ၊ အွန်လိုင်း စာမျက်နှာ တွေမှာ ပြီးခဲ့တဲ့ လပိုင်းတွေက ဖော်ပြ ပါရှိခဲ့ ပါတယ်။

လွှတ်တော် ကိုယ်စားလှယ်တွေ ကတော့ အဲဒီ ဥပဒေ မူကြမ်းဟာ ယနေ့အထိလွှတ်တော်ထဲကို မရောက်ရှိလာသေးဘူးလို့ဆိုပေမယ့် မကြာမတင် လွှတ်တော် အစည်းအဝေးတွေမှာ ရောက်ရှိတင်သွင်း လာဖွယ်ရှိနေပါတယ်။

မြို့နယ်အုပ်ချုပ်ရေးဥပဒေ (မူကြမ်း)မှာ အခန်း ၁၀ ခန်းပါရှိပြီး ပုဒ်မ ၂၆ ခုပါဝင်ပါတယ်။ မူကြမ်း ဖြစ်နေတာကြောင့် လွှတ် တော်ထဲ ရောက်ရှိဆွေးနွေးဖြစ်ရင် တော့ အပြောင်းအလဲတွေရှိလာ နိုင်ပါတယ်။

မြို့နယ်အုပ်ချုပ်ရေးဥပဒေ (မူကြမ်း)ကို လေ့လာကြည့်ရင် စိတ်ဝင်စားစရာတွေပါနေပြီး ဝေ ဖန်စရာတွေလည်း ရှိနေပါတယ်။

မြို့နယ်အုပ်ချုပ်ရေးအဖွဲ့ကို နိုင်ငံ့ဝန်ထမ်း ခြောက်ဦးနဲ့ ဖွဲ့စည်း ဖို့ ဥပဒေမူကြမ်းမှာ ရေးဆွဲထားပါ တယ်။ မြို့နယ်အုပ်ချုပ်ရေးမှူး၊ အထွေထွေ အုပ်ချုပ်ရေး ဦးစီး ဌာန က ဥက္ကဋ္ဌ၊ မြို့နယ်ရဲတပ်ဖွဲ့မှူး၊ မြို့နယ်ဥပဒေအရာရှိ၊ မြို့နယ်စီမံ ကိန်းရေးဆွဲရေးဦးစီးမှူး၊ မြို့နယ် လူဝင်မှုကြီးကြပ်ရေးနှင့် ပြည်သူ့ အင်အား ဦးစီးဌာနဦးစီးမှူးတို့အဖွဲ့ဝင်တွေနဲ့ ဒုတိယမြို့နယ်အုပ်ချုပ်ရေးမှူး၊ အထွေထွေအုပ်ချုပ်ရေးဦးစီးဌာနက အတွင်းရေးမှူးအဖြစ် တာဝန်ယူကြမှာ ဖြစ်ပါတယ်။

အထက်ပါ ခြောက်ဦးထဲမှာ သုံးဦးဟာ ပြည်ထဲရေးဝန်ကြီးဌာနအောက်က ဖြစ်နေတာကိုလည်း တွေ့ရမှာ ဖြစ်ပါတယ်။

ဒီဖွဲ့စည်းပုံအရဆို ဒေသန္တရ အုပ်ချုပ်ရေးနဲ့ အဓိကကျတဲ့ မြို့ နယ်အုပ်ချုပ်ရေးအဖွဲ့မှာ ဒီမိုက ရေစီရဲ့ အနှစ်သာရဖြစ်တဲ့ ပြည်သူက ရွေးချယ်တင်မြှောက်တဲ့ အုပ် ချုပ်ရေးအဖွဲ့ပုံစံလုံးဝမရှိနေတာ ကို တွေ့ရှိရပါတယ်။ ဥပဒေမူ ကြမ်းပါ မြို့နယ်အုပ်ချုပ်ရေးအဖွဲ့ ဟာ ဒီမိုကရေစီမဆန်ပါဘူး။ ဒီမို ကရေစီစနစ်ကို အမှန် တကယ် လက်ခံကျင့်သုံးမယ်ဆိုရင် ယခု ဥပဒေမူကြမ်းမှာထည့်သွင်းရေး ဆွဲထားသလို နိုင်ငံ့ဝန်ထမ်းတွေ ကိုချည်း ထည့်သွင်းဖွဲ့စည်းမယ် ဆိုတာမျိုး လုံးဝ မဖြစ်သင့်ပါဘူး။

အမှန်တကယ်တော့ ဒေသန္တ ရအုပ်ချုပ်ရေးဖြစ်တဲ့ ခရိုင်အဆင့် နဲ့ မြို့နယ်အဆင့်အုပ်ချုပ်ရေးတွေ ကို နိုင်ငံ့ဝန်ထမ်းတွေကို တာဝန် ပေးရမယ်လို့ အခြေခံ ဥပဒေပုဒ်မ ၂၈၈ မှာ ထည့်သွင်းပြဋ္ဌာန်းထား တာကြောင့် မြို့နယ်အုပ်ချုပ်ရေး အဖွဲ့ကို နိုင်ငံ့ဝန်ထမ်းတွေနဲ့ ဖွဲ့ စည်းမယ်ဆိုတာဟာ အခြေခံဥပ ဒေနဲ့ ညီတယ် လို့ ပြောလို့ ရပေမယ့် အခြေခံ ဥပဒေ ပုဒ်မ ၄ မှာပဲ နိုင်ငံ တော်၏ အချုပ် အခြာအာဏာ သည် နိုင်ငံသားများ ထံမှ ဆင်း သက်ပြီး နိုင်ငံ တစ်ဝန်းလုံး၌ တည် သည်ဟု ပါရှိနေ တာကြောင့် အခြေခံ ဥပဒေပါ ပုဒ်မ အချင်းချင်းကို အချိတ် အဆက် လွဲနေသလို ဖြစ် နေပါတယ်။ တိကျေ ချောတဲ့ ပြဋ္ဌာန်းချက် ရှိလာစေဖို့ အခြေခံ ဥပဒေ ကိုလည်း ပြန်လည် ပြင်ဆင် သင့်ပါတယ်။

ဒီမိုကရေစီဆန်တဲ့၊ ပြည်သူ ကိုကိုယ်စားပြုတဲ့ ဒေသန္တရအုပ် ချုပ်ရေးအဖွဲ့အစည်းတွေရှိလာဖို့ ဆိုရင် ခန့်အပ်တာဝန်ပေးတဲ့စနစ် ထက် ရွေးကောက် တင် မြှောက် ရတဲ့ စနစ် ကျင့်သုံး ရပါမယ်။ တ ကယ်လို့များ မြို့နယ်အုပ်ချုပ်ရေး ဥပဒေ (မူကြမ်း)လွှတ်တော်တွင်း ရောက်ရှိတင်သွင်းလာခဲ့ရင် လွှတ် တော် ကိုယ် စားလှယ်တွေအနေနဲ့ သေချာစိစစ်ပြီး ဆွေးနွေးပြင်ဆင် သင့်ပါတယ်။ မြို့နယ်အုပ်ချုပ်ရေး အဖွဲ့ ယန္တရားတစ်ခုလုံးကို ရွေး ချယ်တင်မြှောက် တဲ့ သူတွေနဲ့ ချည်းမဖွဲ့နိုင်တောင် အနည်းဆုံး အနေနဲ့တော့ ပြည်သူကိုယ်စားပြု သူ ရွေးကောက်ခံတွေနဲ့ ခန့်အပ် တာဝန်ပေးသူတွေ အချိုးကျပါဝင် နိုင်ရေး မဖြစ် မနေ ကြိုးစားဖို့ လွှတ် တော်ကိုယ်စားလှယ်တွေကို တိုက်တွန်းပါတယ်။

မြို့နယ်အုပ်ချုပ်ရေးအဖွဲ့ (မူကြမ်း) နောက်ထပ်ထူးခြားချက် ကတော့ မြို့နယ်ဖွံ့ဖြိုးတိုးတက် ရေးကော်မတီကိုပါ အဖွဲ့ဝင် ငါး ဦးနဲ့ ဖွဲ့စည်းဖို့ ဥပဒေမှာ ထည့်သွင်းရေးဆွဲ ထားတာပါ။ ပြီးခဲ့တဲ့ အစိုးရလက်ထက်တုန်းက မြို့နယ်အ ထောက်အကူပြုအဖွဲ့တွေရှိခဲ့ဖူး ပါတယ်။ ယခုဥပဒေမူကြမ်းအရ ဆိုရင် မြို့နယ်ဖွံ့ဖြိုးတိုးတက်ရေး ကော်မတီကို ဥပဒေအရ တရားဝင်ဖွဲ့နိုင်တော့မှာ ဖြစ်ပါတယ်။

မြို့နယ်အထောက်အကူပြု အဖွဲ့နဲ့ မြို့နယ်ဖွံ့ဖြိုးတိုးတက်ရေး ကော်မတီတို့ ကွာခြားချက်က အရင်က အာဏာပိုင်တွေနဲ့ နီးစပ် သူတွေကိုသာ ထည့် သွင်းဖွဲ့စည်း ခဲ့တာပါ။ မြို့နယ်ဖွံ့ဖြိုးတိုးတက် ရေးကော်မတီမှာ မြို့မိမြို့ဖကိုယ် စားလှယ်၊ နယ်မြေကိုယ်စား လှယ်၊ တောင်သူလယ်သမား ကိုယ်စားလှယ်၊ အလုပ်သမား ကိုယ်စားလှယ်၊ စက်မှုလက်မှု လုပ်ငန်းရှင်ကိုယ်စားလှယ်၊ လူမှု ရေးအသင်းအဖွဲ့ကိုယ်စားလှယ် တစ်ဦးစီပါဝင်ခွင့်ရှိမှာပါ။

မြို့နယ်ဖွံ့ဖြိုးတိုးတက်ရေး ကော်မတီပါအဖွဲ့ဝင်တွေအဖြစ် တာဝန်ပေးအပ်ခံရသူတွေဟာ ယခုဥပဒေမူကြမ်းအရဆိုရင် ပြည်သူ့ဝန်ထမ်းအဖြစ် မှတ်ယူရမယ် လို့ ထည့်သွင်းရေးဆွဲထားပါ တယ်။ ပြည်သူ့ဝန်ထမ်းအဖြစ် မှတ်ယူရမယ်လို့ ထည့်သွင်းရေး ဆွဲထားတာကြောင့် အဲဒီကော်မ တီဟာ ပြည်သူ့ဘဏ္ဍာကို လိုအပ် ရင် သုံးစွဲခွင့်ရရှိနိုင်မှာ ဖြစ်ပါ တယ်။

ပြည်သူ့ဘဏ္ဍာကို အသုံး ပြုမှာဖြစ်တာကြောင့် ကော်မတီ မှာပါဝင်မယ့် အဖွဲ့ဝင်ကိုယ်စား လှယ်တွေဟာ တကယ်ပါသင့် ပါထိုက်သူ၊ ကိုယ်စားပြုသူဖြစ်ဖို့ လည်း လိုအပ်ပါတယ်။

ဒါကြောင့်ဘယ်လိုအလွှာ ဘယ်လိုအဖွဲ့အ စည်းတွေက ကိုယ်စားလှယ်တွေ ဒီကော်မတီမှာ ပါဝင်သင့်သလဲဆို တာကို လွှတ်တော်ကိုယ်စားလှယ်တွေ သေချာစွာလေ့လာသုံးသပ် သင့်ပါတယ်။

နောက်ဆုံးဒီကော်မတီဟာရှိဖို့ကော အမှန်တကယ်လိုအပ်သ လားဆိုတာကလည်း စဉ်းစားရ မယ့် အချက်ပါ။ မြန်မာ့စကားပုံ အတိုင်း လူများပြီးပွဲမစည် ဖြစ်မှာကိုလည်း သတိပြုရမှာ ဖြစ်ပါ တယ်။

ဒီဥပဒေမူကြမ်းအရဆိုရင် လွှတ်တော်ကိုယ်စားလှယ်တွေရဲ့ အခန်းကဏ္ဍကို ပိုမိုတိုးမြှင့်ပေး ထားတာကိုလည်း မြင်တွေ့ရပါ တယ်။

ဥပဒေမူကြမ်းအခန်း (၃) ပုဒ်မ (၄) (စ)မှာ ‘ပြည်သူကရွေး ချယ်ပေးထားသော လွှတ်တော် ကိုယ်စားလှယ်များသည် မိမိအား ရွေးချယ်ပေးသည့် မဲဆန္ဒနယ်ကို ကိုယ်စားပြုသည့်အပြင် ဂုဏ်ထူး ၀ိသေသနှင့် ပြည့်စုံသော အများက လေးစားထိုက်သည့် ပုဂ္ဂိုလ် များဖြစ်သည့်အလျောက် သက် ဆိုင်ရာမဲဆန္ဒနယ်၌ ဒေသ ဖွံ့ဖြိုးရေး စီမံကိန်းများ ရေးဆွဲရာ၌ လည်းကောင်း ၊အုပ်ချုပ်ရေး၊ လူမှု စီးပွားရေးကဏ္ဍတို့နှင့် စပ်လျဉ်း၍ ပြည်သူများ၏ သဘောထားဆန္ဒဖော်ဆောင်ရာတွင် လည်းကောင်း အလေးထားတိုင်ပင်အပ်သော ပုဂ္ဂိုလ်များဖြစ်သည်ဟု မှတ်ယူဆောင်ရွက်ခြင်း’၊ ပုဒ်မ (၁၁) (ခ) မှာ ‘မြို့နယ်အုပ်ချုပ် ရေးအဖွဲ့ အစည်း အဝေး သို့ သက်ဆိုင်ရာလွှတ်တော်ကိုယ်စားလှယ်များအား မပျက်မကွက်ဖိတ်ကြားရမည်’စသဖြင့် ထည့်သွင်းရေးဆွဲထားတာကို တွေ့ရပါ တယ်။

ဒါတွေကိုကြည့်ရင် မြို့နယ် အုပ်ချုပ်ရေးမှာ ဥပဒေအရကို လွှတ်တော်ကိုယ်စားလှယ်တွေက နီးကပ်စွာ ထိန်းကျောင်းကြပ်မတ် ပေးနိုင်ဖို့ ရည်ရွယ်ထား တာကို သိသာစေပါတယ်။

အကောင်းဘက်က ကြည့်ရင် ပြည်သူတွေရဲ့ မဲတွေနဲ့ ရွေးချယ်ထားတဲ့ လွှတ်တော်ကိုယ်စားလှယ်တွေဟာ မိမိမြို့နယ်အခြေနေတွေကို ဥပဒေပြဋ္ဌာန်းချက်အရ ထိန်းကျောင်းခွင့်ပါဝင်ခွင့်ရတဲ့ သဘောဖြစ်ပါတယ်။

ဒါပေမဲ့ ဥပဒေပြုမဏ္ဍိုင်က လွှတ်တော်ကိုယ်စားလှယ်ဟာ အုပ်ချုပ်ရေးမဏ္ဍိုင်က မြို့နယ်အုပ်ချုပ်ရေးအဖွဲ့ကို တစ်ခါတစ်ရံ ၀င်ရောက် စွက်ဖက်မှု မျိုးတွေ ရှိလာနိုင် ပါတယ်။ အဲဒီလိုရှိလာရင် မဏ္ဍိုင်အချင်းချင်းစိစစ်ထိန်းကျောင်းတယ်ဆိုတဲ့ အခြေအနေတွေပျက်သွားနိုင်တာကို သတိမူရမှာ ဖြစ်ပါတယ်။

ယခုတင်ပြခဲ့တဲ့ မြို့နယ်အုပ် ချုပ်ရေးဥပဒေဟာ လွှတ်တော်ထဲ ရောက်မလာသေးတဲ့ မူကြမ်းအ ဆင့်သာရှိပါသေးတယ်။ ဒါပေမဲ့ မကြာခင်ရောက် လာတော့ မှာပါ။ လွှတ်တော်ထဲရောက်လာမှ ကပျာ ကယာ စဉ်းစားဆွေးနွေးတာထက် ကြိုတင်ပြီး မူကြမ်း အဆင့်ကတည်းက ဖြည့်သင့်တာ၊ ဖြုတ်သင့်တာ၊ ပယ်ဖျက် သင့်တာတွေကို လေ့လာ ထားဖို့ အရေးကြီးပါတယ်။ ဒါမှသာ ပြည်သူ့ဆန္ဒနဲ့ ညီတဲ့ ဒီမိုကရေစီကို မသွေဖည်တဲ့၊ ပြည့်စုံတဲ့ ဥပဒေအဖြစ် ထွက်ရှိလာနိုင်မှာ ဖြစ်ပြီး ပြည်သူကို အမှန်တကယ် ကိုယ်စားပြုတဲ့ အုပ်ချုပ်ရေး အဖွဲ့အစည်းတွေလည်း ရှိလာမှာ ဖြစ်ပါတယ်။

ဒေသန္တရအုပ်ချုပ်ရေးအ ဆင့်ဖြစ်တဲ့ ခရိုင်နဲ့ မြို့နယ်အုပ် ချုပ်ရေးအဖွဲ့အစည်းတွေမှာ အ ရွေးကောက်ခံ ပြည်သူကိုယ်စား ပြုသူတွေ ပါဝင်လာစေဖို့ လွှတ် တော်မှာ အဓိကတာဝန်ရှိနေပြီ ဖြစ်ပါတယ်။။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)

From : 7 Day daily news by: မောင်ဥာဏ

Originally published at - http://www.7daydaily.com/story/99616

Read More »

Thursday, June 22, 2017

အကျဉ်းထောင်တွင်းက မူးယစ်သံသရာ


အင်းစိန် အကျဉ်းထောင် / ahrcburmese.blogspot.com


ထောင် အတွင်း မူးယစ်ဆေး ပျံ့နေသည့် သတင်းက ထောင်းမှူးကြီး ဖြစ်သည့် သူ့အပေါ် ခေါင်းစိုက် လာတော့သည်။

ယခု တကြိမ် တွင်လည်း ပုံမှန် မဟုတ်သည့် အဘယ် သို့သော နည်းလမ်းဖြင့် သွင်းနေ ကြသည်ကို နည်းမျိုးစုံ စုံစမ်း ရတော့မည် ဖြစ်လေသည်။

မူးယစ် ဇာတ်လမ်း မျိုးစုံကို ဖြေရှင်းရင်း နှစ်ပေါင်း ၃၀ ခန့် အကျဉ်းထောင်နှင့် ရဲဘက် စခန်း များမှာ တာဝန် ထမ်းခဲ့သည့် ထောင်မှူးကြီးဟောင်း ဦးခင်မောင်မြင့်၏ မူးယစ်ဆေး အကျဉ်း သားများ အပေါ် မှတ်ချက် ကတော့ ရိုးရှင်းနေသည်။

“ထောင်ထဲကို မူးယစ်ဆေး ဘယ်လိုသွင်းလဲ ဆိုတဲ့နေရာမှာ အကျဉ်းသားတွေက ကျနော်တို့ဆရာဗျ၊ သူတို့ ဆီက ပြန်သင်ယူရတာပါ”ဟု သူက ဆိုလေသည်။

ဤသို့ မှတ်ချက်ပြုရ လောက်အောင်လည်း ထောင်တွင်းကို မူးယစ်ဆေး သွင်းယူကြပုံ နည်းလမ်းများနှင့် အစားထိုး သုံးစွဲပုံ နည်းလမ်းများက မရိုးနိုင်သည့် ဇာတ်လမ်းများသဖွယ် ရှိနေလေသည်။

၁၉၉၅ ခုနှစ်ဝန်းကျင် မန္တလေး အိုဘိုထောင်ကြီးတွင်ဖြစ်သည်။ မှန်းဆမထားသည့် ဘိန်းကဲ့သို့ မူးယစ်ဆေး အစားထိုး ရယူပုံ နည်းလမ်းတခုကို ထောင်ဝန်ထမ်းအရာရှိများ တွေ့ကြုံရလေသည်။

တိရစ္ဆာန်တကောင်၏ အစေးကို မူးယစ်ဆေးသဖွယ် သုံးစွဲကြခြင်းအတွက် ၎င်းတို့ကိုယ်တိုင် ထောင်ဆေးခန်း အတွင်း လက်တွေ့ စမ်းသပ်မှုများပင် ပြုလုပ်ခဲ့ရသည်ဟု ဦးခင်မောင်မြင့်က ဆိုသည်။

ဖားပြုပ်၏ အစေးကို ဆေးလိပ်တွင်သုတ်ကာ သုံးစွဲနေခြင်းဖြစ်သည်။ သုံးစွဲသူအနေနှင့် ဖမ်းထားသည့် ဖားပြုပ်အား စိတ်တိုပြီး ဖောင်းတက်လာအောင် တုတ်နှင့်တို့ရင်း စရလေသည်။

ဖားပြုပ်တကောင် စိတ်တို၍ ဖောင်းကားနေသည့်အခါ ကျောပေါ်ရှိ အဖုလေးများကလည်း စူထွက် နေတတ်သည်။ ထိုအဖုလေးများက ကြံဖန်သူတို့ လိုအပ်နေသည့် အစေးကို ထုတ်ပေးနေခြင်း ဖြစ်သည်။

ထွက်လာသည့်အစေးများအား ဆေးလိပ်ဖြင့်တို့ကာ သုတ်လိမ်းရပြီး ပြန်လည် အခြောက်ခံရလေသည်။ ထို ဆေးလိပ် ကို သောက်သူအနေနှင့် ဘိန်းဖြူနီးပါး အာနိသင်ကို ရရှိနိုင်သည်ဟု ဦးခင်မောင်မြင့်က ရှင်းပြသည်။

“အဲ့ဒီတုန်းက တပည့်တယောက်ကို စမ်းသောက်ခိုင်းပြီး လက်တွေ့စမ်းခဲ့ရတာ၊ သောက်ပြီးဖြစ်လာတဲ့ လက္ခဏာ တွေ ကလည်း ဘိန်းသုံးသူ တယောက်လို ပါပဲ” ဟု ဦးခင်မောင်မြင့်က ပြောသည်။

ထိုနည်းဖြင့် မူးယစ်ဆေးသုံးစွဲကြသည်ကို သိရှိချိန်တွင်ပင် ထောင်အတွင်း အစေးသုတ်ထားသည့် ဈေးကွက်က အတော်ပင် ကောင်းနေလေပြီဖြစ်သည်။

ရှာဖွေစစ်ဆေးမှုများ ပြုလုပ်ရာတွင်လည်း ဆေးလိပ်များဖမ်းမိခဲ့သလို အကျဉ်းသားတချို့က အပင်များ၊ ကျောက်တုန်း များကြားတွင် မွေးမြူထားသည့် ဖားပြုပ်များကိုလည်း တွေ့လိုက်ရလေသည်။

မူးယစ်ဆေး အစားထိုးအနေနှင့် သုံးစွဲသူတို့အဖို့ ထိုနည်းလမ်းထက် ပိုမိုသည့် ဇာတ်လမ်းများလည်း ရှိနေ သေးသည်။ ထောင်တွင်းရနိုင်သည့် ဆေးဝါးနှင့် အရည်မျိုးစုံကို နည်းလမ်းအမျိုးမျိုး ပြောင်းလဲကာ အချဉ်ဖောက်၍ သောက်ကြသူ များလည်း ရှိခဲ့သည်။

မူးယစ်ဆေးမှုဖြင့် ထောင်ဒဏ် ၈ နှစ်ကျခံခဲ့ရပြီး ထောင်နှင့် ရဲဘက်စခန်းတချို့တွင် နေထိုင်ခဲ့ဖူးသည့် ဦးဝင်းမင်းက ကြုံတွေ့ဖူးသည့် အဖြစ်အပျက်တချို့ကို ပြန်ပြောပြသည်။

“ချောင်းဆိုးပျောက် ဆေးလို တက်ပလက် ဆေးပြားတွေကို သုံးကြတာပေါ့၊ အဲ့ဒီအချိန်မှာ တရားဝင်ဆေးကိုတောင် တရားမဝင်နည်းနဲ့ ပြန်လုပ်ယူကြရတယ်၊ ယင်းထရင် နည်းမျိုးစုံ ကြံဖန်ကြတော့တာပါပဲ” ဟု ဦးဝင်းမင်းက ဆိုသည်။

ယခုနောက်ပိုင်းတွင်လည်း ထောင်အတွင်းမူးယစ်ဆေး ဖမ်းမိမှုများက ခပ်စိပ်စိပ်ဖြစ်လာနေပြီး မူးယစ်ဆေး အကျဉ်း သား အများစုဖြစ်နေသည့် ထောင်တိုင်းက မူးယစ်ဆေး ကင်းလွတ်ရန် မလွယ်ကူလှပေ။

အမြစ်ပြတ်ဖို့ခက်သည့် မူးယစ်ဆေးကြောင့် ထောင်ကျမူးယစ်ဆေး အကျဉ်းသား၏ တောင်းတမှု နောက်တွင် ဘဝ ပျက်ကြရသည့် မိသားစုများလည်း ရှိနေသည်။

ဆေးယစ်ဆေးသုံးမှုနှင့် အကျဉ်းကျနေသူထံ ထောင်ဝင်စာထုပ်အတွင်း မူးယစ်ဆေး ပို့ဆောင်သူတို့အဖို့ လွန်စွာ အန္တရာယ်ကြီးသည်။ စစ်ဆေး၍မိပါက ပို့ဆောင်သူပါ အရေးယူခံရသည်။

ထောင်ဝင်စာမှတဆင့် မူးယစ်ဆေး သွင်းယူပုံများလည်း နည်းလမ်းမျိုးစုံပင်။ ဥပမာတခုအနေဖြင့် ဘားအံ အကျဉ်း ထောင်တွင် မူးယစ်ဆေးမှုနှင့် ထောင်ဒဏ် ၁၅ နှစ်ကျခံနေရသည့် ခင်ပွန်းဖြစ်သူထံပို့မည့် ထောင်ဝင်စာ သီးစုံ ပဲကုလား ဟင်း ထဲမှ မူးယစ်ဆေးပြားများ ဖမ်းမိခဲ့ခြင်းဖြစ်သည်။

ဇနီးဖြစ်သူက ခရမ်းသီးအတွင်းသားများ ဖယ်ထုတ်ကာ ယင်းနေရာတွင် မူယစ်ဆေးပြားများအား ပလတ်စတစ်ဖြင့် ထည့်၍ ချက်ထားသည့် သီးစုံဟင်းအတွင်း ရောနှောလာခြင်းဖြစ်သည်။ ထို့အတွက်ပင် ၎င်းကိုယ်တိုင် မူးယစ်မှုဖြင့် အရေးယူခံရသလို အကျဉ်းသားသည်လည်း နောက်မှု ထပ်တိုးလေတော့သည်။

ထိုနည်းလမ်းများမှာ နယ်ဘက် ထောင်များတွင်သာမက အင်းစိန်ထောင်ကြီး၌ပင် ထောင်ဝင်စာထုပ်များမှ စိတ်ကြွ ရူးသွပ်ဆေး သယ်ဆောင်မှုများမှာ ရှိနေဆဲဖြစ်သည်ဟု အကျဉ်ထောင်များကို စစ်ဆေးနေသည့် မြန်မာနိုင်ငံ အမျိုးသား လူ့အခွင့်အရေး ကော်မရှင် (MNHRC) အဖွဲ့ဝင် ဦးယုလွင်အောင်က မတ်လ ၁၄ ရက်နေ့က ပြောဆိုထားသည်။

အကျဉ်းသား၊ အချုပ်သားများက သယ်ဆောင်ရာတွင်လည်း မဖွယ်မရာနည်းလမ်းများပင် ရှိနေလေသည်။ ၎င်းတို့သည် ခန္ဓာကိုယ်(စအို)တွင်း ထည့်သွင်းခြင်းနှင့် ပါးစပ်မှမြိုချခြင်း စသည့် အန္တရာယ်ရှိသော နည်းလမ်းများကိုပင် အသုံးပြုကြ သည်။

ထိုနည်းများသည် အသက်အန္တရာယ်ကို ထိခိုက်စေနိုင်သလို တခါတရံ ကိုယ်အတွင်းနှိုက်ကာ ရှာဖွေမှုခံရမည့်အပြင် မသက်ဆိုင်သည့် သာမန်အကျဉ်းသားများပါ ထိုသို့ရှာဖွေ ခံရနိုင်သည်။

ခန္ဓာကိုယ်တွင်း ထည့်သွင်းကာ လွတ်မြောက်ပါကလည်း မူးယစ်ဆေးကို မိလ္လာတွင်းက ပြန်ယူကြရပြီး ကျွမ်းကျင်သူ များကတော့ မြိုချမည့်အိတ်ကို အပ်ချည်ကြိုးနှင့်ချည်ကာ သွားတွင်ချိတ်ထားပြီး အထဲရောက်မှ ပြန် ဆွဲထုတ်ယူကြ သည်။

ထိုသို့ ခန္ဓာကိုယ်(စအို)တွင်း ထည့်သွင်းယူဆောင်မှုမှာ ယနေ့တိုင်ရှိနေရာ ပြီးခဲ့သည့် ဧပြီ ၁၁ ရက်နေ့က တောင်ငူ အကျဉ်းထောင်၌ မူးယစ်ဆေးပြားများအား အတောင့်ပုံစံ တိတ်ဖြင့်ပတ်ကာ စအိုအတွင်း ထည့်သွင်းလာသည့် အချုပ်သား တဦးကို ဖမ်းမိခဲ့သေးသည်။

ထိုနည်းလမ်းများအနက် ပမာဏအများဆုံးနှင့် အဆိုးရွားဆုံးမှာ အကျင့်ပျက်ဝန်ထမ်း တချို့က ကိုယ်တိုင်ပါဝင် လုပ်ဆောင်ခြင်း ဖြစ်သည်ဟု ဦးခင်မောင်မြင့်က ပြောသည်။

“ဝန်ထမ်းကိုယ်တိုင် သယ်တော့ များများပါတာပေါ့၊ အစစ်ဆေးလည်း နည်းတယ်၊ ဒါက ဝန်ထမ်းအချို့ပါ၊ တခု ရှိတာ ကလည်း ထောင်ဝန်ထမ်းအများစုက ချို့တဲ့ကြတယ်၊ ဒီအချိန်မှာ မူးယစ်ဆေးသမားတွေရဲ့ သားကောင်ဖြစ်ပြီး ဒုက္ခ ရောက်သွားသူတွေလည်း ရှိကြပါတယ်” ဟု ၎င်းက ပြောပြသည်။

ပြီးခဲ့သည့် မတ်လ ၅ ရက်နေ့ကပင် စစ်ကိုင်းတိုင်ဒေသကြီး မော်လိုက် ကလေး အကျဉ်းထောင်တွင် ဘိန်းဖြူ ခိုးဝှက် သယ်ဆောင်ကာ အကျဉ်းသားထံ ရောင်းချပေးသည့် ထောင်ဝန်ထမ်းနှင့် သုံးစွဲသည့် အကျဉ်းသား တို့ကို ဖမ်းဆီးရမိမှု ဖြစ်ခဲ့သည်။

ယခုလို မူးယစ်ဆေးမှုများတွင် ထောင်ဝန်ထမ်းအချို့ ကိုယ်တိုင်ပတ်သက်နေခြင်းအား နေပြည်တော် အကျဉ်းဦးစီး ဌာန ပြောရေးဆိုခွင့် ရှိသူ ဦးမင်းထွန်းစိုး ကလည်း ပြောဆိုရှင်းပြသည်။

“မူးယစ်ဆေးကို တရားရုံးကပြန်ဝင်လာတဲ့ အချုပ်သားတွေဆီက မိတာများပါတယ်၊ တခါတရံ ဝန်ထမ်းတွေ ကိုယ်တိုင် ပါဝင်နေတာရှိတယ်၊ တချို့ကျတော့ အကျဉ်းသားရဲ့မိသားစု အကူအညီတောင်းလို့ ပစ္စည်းသွားယူပေးရင်း မူးယစ်ဆေး ပါလာလို့ အရေးယူခံရတာတွေရှိတယ်၊ အရေးယူခံရတဲ့အခါကျတော့ နစ်နာသွားရတဲ့ ဝန်ထမ်းတွေလည်းရှိပါတယ်”ဟု ဦးမင်းထွန်းစိုးက ပြောပြသည်။

ထောင်တွင်းမူးယစ်ဆေး သယ်ဆောင်မှုများတွင် ငွေကြေးလာဘ်ထိုးမှုများလည်း ရှိနေတတ်လေသည်။ ထိုသို့ လာဘ် ထိုးမှုနှင့်ပတ်သက်ပြီး ထုတ်ဖော်တိုင်ကြားမှုများ မရရှိသည့်အတွက် မည်သည့်မှတ်ချက်မှ ပေးရန်မရှိဘဲ တိုင်ကြားသူ ရှိပါက စစ်ဆေးအရေးယူမည်ဟု ဦးမင်းထွန်းစိုးက ဆိုသည်။

ဝန်ထမ်းတချို့ မူးယစ်ဆေးမှုတွင် ပါဝင်ခြင်းနှင့်ပတ်သက်ပြီး ထောင်များအတွင်း လေထီးဟုခေါ်သည့် စကား တရပ်ပင် ထွက်ပေါ် လာလေသည်။ ထိုနည်းသည် ဝန်ထမ်းဖြစ်သူက ထောင်အုတ်ရိုး တံတိုင်းကိုကျော်ကာ မူးယစ်ဆေးထုပ်ကို လိုချင်သည့်နေရာသို့ ညအချိန်များတွင် ပစ်ထည့်ထားခြင်း ဖြစ်သည်။

ထိုအထုပ်ကို အထဲရောက်သည့်အခါမှ ပြန်လည်ရယူကာ ဖြန့်ဖြူးခြင်း ဖြစ်သည်။

အကျဉ်းဦးစီးက အရေးယူဆောင်ရွက်ရာ၌ မူးယစ်ဆေးများကို ကိုယ်တိုင်ပါဝင် လုပ်ဆောင်မှုကြောင့် ထောင်ကျသူများ၊ မယူမနေရ ပင်စင်ပေးခံရသူများတွင် ထောင်အရာရှိများပင် ပါဝင်ခဲ့ကြောင်း ဦးခင်မောင်မြင့်က ရှင်းပြသည်။

ယခုလို လုံခြုံရေးတင်းကြပ်သည့် ထောင်များအတွင်း မူးယစ်ဆေးတွေ ဖမ်းမိနေခြင်းကလည်း ထူးဆန်းသည့် သတင်း မဟုတ်တော့ပေ။ တနိုင်ငံလုံးရှိ အကျဉ်းထောင်များအတွင်း မူးယစ်ဆေးမှုနှင့်ကျသည့် အကျဉ်းသား အရေအတွက် ထက်ဝက်မက ရှိနေခြင်းကလည်း သက်သေပင် ဖြစ်သည်။

MNHCR အဖွဲ့ဝင် ဦးယုလွင်အောင်ကလည်း မူးယစ်ဆေးမှုနှင့် ထောင်ကျသည့် အကျဉ်းသား အရေအတွက်က တနိုင်ငံ လုံးရှိ အကျဉ်းသား အရေအတွက်၏ ၇၀ ရာခိုင်နှုန်းခန့်ပင် ရှိသည်ဟု ပြောဆိုသည်။

အမှန်ပင်ပြောင်းလဲရန် လိုအပ်နေသည့် ထိုအခြေအနေအတွက် ပြည်ထဲရေးဝန်ကြီးဌာန အနေနှင့် လက်ရှိ မူးယစ်ဆေး ဝါး ဥပဒေအရ အပြစ်ပေးခြင်းအစား လူမှုရေးလုပ်ငန်းများ လုပ်ဆောင်စေခြင်းဖြင့် အစားထိုးရန် ထုတ်ပြောလာပြီဖြစ် သည်။

လတ်တလောတွင် ယင်းအစီအစဉ်မှာ အကောင်အထည် မပေါ်သေးသလို ထပ်မံဖြစ်ပေါ်မည့် မူးယစ်ဆေး သုံးစွဲ၍ အရေးယူ ခံရသူများအတွက်သာ အကျုံးဝင်နေပြီး လက်ရှိ မူးယစ်ဆေး အနည်းအကျဉ်းမိ၍ ထောင်ကျ နေသူများ အတွက် မည်သို့ သက်ရောက်မှုရှိမည် ဆိုသည်မှာ မရှင်းလင်းသေးပေ။

မည်သို့ဆိုစေ ပြုပြင်ပြောင်းလဲမည့် အစီအစဉ်သစ်အတွက် တက်ကြွလှုပ်ရှားသူများက ထောက်ခံကြိုဆိုကြ လေသည်။ သို့ရာတွင် ထောင်ဒဏ် မဟုတ်တော့သည့် လူမှုရေးပြစ်ဒဏ်အတွက် လူငယ်များအနေဖြင့် ကြောက်ရွံ့မှုမရှိဘဲ အတင့် ရဲ ကာ မူးယစ်ဆေး ပိုမိုသုံးစွဲလာမည်ကို မိဘတချို့က စိုးရိမ်နေလေသည်။

လက်ရှိဥပဒေအရ မူးယစ်ဆေးအနည်းအကျဉ်းသုံးစွဲသူများအပေါ် ချမှတ်နေသည့် ပြစ်ဒဏ်များမှာ မျှတသည်ဟု မဆို နိုင်ပေ။ လူငယ်အများစုဖြစ်နေသည့် အနည်းအကျဉ်း သုံးစွဲသူများမှာ သတင်းပေးများ၏ ခြိမ်းခြောက်မှုနှင့် တခါတရံ အကွက်ဆင် ဖမ်းဆီးခြင်းများကို ကြုံတွေ့ရတတ်သည်များ ရှိကြောင်း သိရသည်။

လူငယ်တဦးအနေဖြင့် မူးယစ်ဆေး တပြားနှစ်ပြား လက်ဝယ်တွေ့ရုံနှင့်ပင် သုံးနှစ်အထက် ထောင်ဒဏ်ချမှတ်ခြင်း ခံရ နိုင်ပေသည်။ ထိုပြစ်ဒဏ်က လူငယ်တယောက်အဖို့ ဘဝတဆစ်ချိုး ပြောင်းလဲသွားစေနိုင်သည်။

အနီးဆုံးဆိုရလျှင် ယခုနှစ် တက္ကသိုလ်ဝင်တန်း စာမေးပွဲကို မန္တလေး အိုးဘိုထောင်မှ ဖြေဆိုရင်း ဂုဏ်ထူး သုံးဘာသာ နှင့် အောင်မြင်ခဲ့သည့် မရွှန်းလဲ့ဝေကျော်မှာ ဘဝရည်မှန်းချက်ကို အကောင်းအထည်ဖော်ဖို့ ထောင်အတွင်း မည်မျှ အခွင့် အရေး ရှိမည် ဆိုသည်မှာ မသေချာလှပေ။

မရွှန်းလဲ့ဝေကျော် အနေဖြင့် ဈေးဆိုင်အကူအဖြစ် အလုပ်ဝင်ရောက်သည့် ငါးရက်မြောက်နေ့တွင်ပင် ဆိုင်အတွင်း မူးယစ် ဆေးပြား ၁၅ ပြားတွေ့ရှိ၍ လက်ဝယ်ရှိမှုဖြင့် ထောင်ဒဏ် ၁၀ နှစ်ကို ချမှတ်ခံရခြင်းဖြစ်လေသည်။

ထို့သို့သော လူငယ်များအပေါ် ထောင်ဒဏ်ချမှတ်ခြင်းနည်းလမ်းထက် ပြန်လည်ကုစားနိုင်ဖို့ ထူထောင်ရေး လုပ်ငန်း များဖြင့် ပညာပေးခြင်းကသာ ပို၍သင့်တော်သည်ဟု MNHCR အဖွဲ့ဝင် ဦးယုလွင်အောင်က အကြံပြု တိုက်တွန်းသည်။

ကုလသမဂ္ဂကွန်ဗင်းရှင်းများကလည်း မူးယစ်းဆေးဝါးသုံးစွဲမှုကို မဖြစ်မနေအပြစ်ဒဏ်ပေးခြင်း(ပြစ်မှုဆိုင်ရာ သို့မဟုတ် အုပ်ချုပ်ရေးဆိုင်ရာ) လုပ်ဆောင်ရန် မလိုအပ်ကြောင်းကို ၁၉၈၈ ခုနှစ် ကွန်ဗင်းရှင်း၏ ကောက်နုတ်ချက်တွင် ရှင်းလင်း စွာ ဖော်ပြထားလေသည်။

၂၀၁၇ ခုနှစ် ဧပြီလက ထုတ်ပြန်သည့် “အမှောင်ရိပ်တွင် တွေ့ရှိခြင်း” အစီအရင်ခံစာ၌ Transnational Institute (TNI) ၏ စစ်တမ်းကောက်ယူမှုကို ဖြေဆိုခဲ့သည့် မူးယစ်ဆေးမှုဖြင့် ထောင်ကျဖူးသူ ထက်ဝက်ခန့်က ထောင်အတွင်း မူးယစ်ဆေး ဆက်လက် သုံးစွဲခဲ့ကြသည်ဟု ထုတ်ဖော် ပြောဆိုခဲ့သည်။

ထို့အတွက် မူးယစ်ဆေး အနည်းအကျဉ်း သုံးစွဲသူများအား အပြစ်ပေးခြင်းသည် ထိရောက်မှုရှိ မရှိ ပြန်လည် သုံးသပ် သင့်ပြီး အမှန်တကယ် ရောင်းဝယ်သူများကိုသာ ထိထိရောက်ရောက် နှိမ်နင်းရန် ပို၍ ဦးစားပေးသင့်ပါသည်။

အဘယ့်ကြောင့်ဆိုသော် ပိုင်ရှင်မဲ့ဖမ်းမိနေသည့် မူးယစ်ဆေး ပမာဏများစွာက လူအများကြား ဝေဖန်စရာ ဖြစ်နေ သည်။

လက်ရှိ မူးယစ်ဆေးမှုနှင့် ထောင်များအတွင်း လူဦးရေကြပ်တည်းနေခြင်းအတွက် အချို့ပြစ်မှုများအား ပြန်လည် စိစစ် ကာ အာမခံပေးခြင်း၊ လူမှုရေးပြစ်ဒဏ် အစားထိုးခြင်း နည်းလမ်းများဖြင့် လျော့ကျစေနိုင်ပြီး ပညာပေးခြင်းနှင့် ပြန်လည် ပျိုးထောင်နိုင်ရေးကိုလည်း ကျယ်ကျယ်ပြန့်ပြန့် လုပ်ဆောင်သင့်ကြောင်း နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (AAPP)မှ ကိုအောင်မျိုးကျော်က သုံးသပ် တိုက်တွန်း ထားသည်။

လက်တွေ့တွင် မူးယစ်ဆေးမူဝါဒ ပြောင်းလဲရေးကပင် အခက်အခဲများစွာ ရှိနေသည်။ လက်ရှိ အခြေအနေအရ မူးယစ် ဆေး အစားထိုး ဆေးဝါးများ လုံလောက်စွာ ပေးနိုင်ရန်နှင့် ပြန်လည်ထူထောင်ရေး စင်တာများ တည်ဆောက်ရန် များစွာ လိုအပ်လျက်ရှိနေသည်။

လက်ရှိဥပဒေအရ မူးယစ်ဆေး သုံးသူတယောက်အနေဖြင့် မူးယစ်ပုဒ်မ ၁၅ အရ တရားဝင် မှတ်ပုံတင်ကာ ပြန်လည် ထူထောင်ရေး စခန်းနှင့် သတ်မှတ်ထားသည့် ဆေးရုံတချို့တွင် ဆေးဝါးရရှိနိုင်သော်လည်း လုံခြုံမှု အတွက် အာမခံမှု မရှိပေ။

ဦးဝင်းမင်း ကိုယ်တိုင်ပင် တရားဝင်မှတ်ပုံတင်ကာ ပြန်လည်ထူထောင်ရေး စခန်း သွားရောက်သူ ဖြစ်သော်လည်း ဖမ်းဆီးခံရကာ ထောင်ဒဏ် ၈ နှစ် ချမှတ်ခံရခြင်းဖြစ်သည်။

မည်သို့ပင်ဆိုစေ အပြင်လောကထက် အကျဉ်းထောင်အတွင်း ရောက်လာသည့် ငွေကြေးမတတ်နိုင်သော မူးယစ်ဆေး သုံးစွဲသူ တယောက်အနေဖြင့် ပို၍ အခက်အခဲများ ရင်ဆိုင်ရမည် ဖြစ်ပေသည်။

ရဲဘက်စခန်းတခုတွင် နောက်တန်းဆေးမှူးအဖြစ် ၄ နှစ်နီးပါး လုပ်ကိုင်ခဲ့ဖူးသည့် ဦးဝင်းမင်းက “မူးယစ် သမားတွေကို ဆေးစစ်ပြီး HIV ရှိရင် ကျောက်စခန်းပို့တယ်၊ မရှိရင် ဝက်ထီးကန်စခန်း ပို့တယ်၊ ဒါတွေက နှုတ်မိန့်လုပ်ခဲ့တာတွေ၊ ဘာ လူ့အခွင့်အရေးမှ မရှိဘူး၊ ရဲဘက်မှာ နေ့စဉ် လူတွေ သေနေတာကိုလည်း တွေ့ခဲ့ရတယ်”ဟု ပြောပြသည်။

ဦးဝင်းမင်းအနေဖြင့် လက်ရှိတွင် မူးယစ်ဆေးသုံးစွဲသူများ ကုသမှုကို လွယ်ကူစွာ ရယူနိုင်ရေးအတွက် ဘားနက် အင်စတီကျု တွင် ပညာပေးစည်းရုံးမှုများကို လုပ်ဆောင်လျက် ရှိနေသည်။

၁၉၇၄ ခုနှစ်နောက်ပိုင်း ဘိန်းတိုက်ဖျက်ရေးများ ပြင်းပြင်းထန်ထန် လုပ်ဆောင်ခဲ့ရာမှ ထောင်များအတွင်း မူယစ်ဆေး သမားများ အလုံအရင်းဖြင့် ရောက်ရှိလာပြီး ထောင်အတွင်း မူးယစ်ဆေး သံသရာမှာလည်း စတင်လာတော့သည်။

အရေးယူမှုပြင်းထန်သည့် မူးယစ်ဥပဒေကြောင့် ထောင်များအတွင်း မူးယစ်ဆေးအမှု အကျဉ်းသားများဖြင့် ပြည့်လာ ခြင်း ကို မှန်ကန်တိကျသည့် မူဝါဒတခုဖြင့် ဖြေရှင်း ဆောင်ရွက်ရန် လိုအပ်နေခြင်းကို ဦးခင်မောင်မြင့်က ရှင်းပြသည်။

“အပြင်က မူးယစ်ဆေးနဲ့ပတ်သက်သူတွေက ထောင်ထဲကို အစုအပုံကြီးလို လာဖြစ်နေတယ်၊ ဒါ ဆက်ကြီးထွား လာ ရင် ထောင်တွင်း မူးယစ်ဆေး သံသရာကလည်း ဆက်လည်နေဦးမှာပါပဲ” ဟု ဦးခင်မောင်မြင့်က ပြောဆိုပါသည်။

Ref: www.edgadget.com

From : ဧရာဝတီ by ထွန်းထွန်း 22 June 2017

Originally published at - burma.irrawaddy.com

Read More »