နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Showing posts with label မော်တော်ကားအကြောင်း. Show all posts
Showing posts with label မော်တော်ကားအကြောင်း. Show all posts

Saturday, June 24, 2017

တန်ဖိုးမြင့် SUV လိုချင်သူတွေ အတွက် 2017 Ford Edge


2017 ထုတ် Ford Edge မော်ဒယ် Sport အမျိုး အစားကား


မော်ဒယ် ကတော့ ပြည်တွင်း ဈေးကွက် မှာပါ ရနိုင်နေတဲ့ မော်ဒယ်ပါ။ မိသားစု ၅ ယောက် ထိအောင် ကျယ်ကျယ် ဝန်းဝန်း လိုက်ပါ စီးနင်းနိုင် စေမယ့် အတွင်းခန်း အားကောင်းတဲ့ မော်ဒယ်ပါ။

အကူစနစ်တွေမှာ နောက်ဆုံးပေါ်နည်းပညာတွေ ထည့်ထားတာကြောင့် လိုက်ပါ စီးနင်းရမှု အကောင်းဆုံး အနေအထား ဖြစ်လာပါတယ်။ ဒါပေမယ့် အဆိုပါ နည်းပညာပိုင်း အနည်းငယ် အဆင့်မြှင့်တင်မှုကလွဲရင် အခြား ကြီးမားတဲ့ ပြင်ဆင်မှု တွေ လုပ်ထားတာမျိုးတော့ မတွေ့ရပါဘူး။

မော်ဒယ်ခွဲအနေနဲ့ကတော့ အခုနှစ် မော်ဒယ်မှာ ၄မျိုး ထိအောင် ရနိုင်ပါတယ်။ SE, SL, Titaniumနဲ့ Sport တွေ ဖြစ် ပါတယ်။ ၁၈ လက်မအရွယ် ဘီးတွေကို တပ်ဆင်ထားပါတယ်။ ရှေ့မီးကြီးတွေက အလိုအလျောက်စနစ်နဲ့ ဖြစ်လာပါတယ်။ အောက်ဘက် အိတ်ဇောက ပိုက်နှစ်ချောင်းပုံစံနဲ့ ဖြစ်ပါတယ်။

ရှေ့ဘက် လေဝင်ပေါက်တွေက Auto နဲ့ ဖြစ်လာပါတယ်။ နောက်ဘက်မှန်သားက Private ပုံစံနဲ့ပါ။ နောက်ဘက်ဆုံး မီး သီးတွေကိုပါ LEDနဲ့ ဖန်တီးလာပါတယ်။ နောက်ဘက်ထိုင်ခုံတန်းက ခေါက်သိမ်းနိုင်အောင် ဖန်တီးထားပါတယ်။

2017 ထုတ် Ford Edge မော်ဒယ် Sport အမျိုး အစား ကား


လက်ကိုင်ဘီးစနစ်က ချိန်ညှိနိုင်သလို Sport ဆန်တဲ့ ဒီဇိုင်းနဲ့ပါ။ အလယ်မှာ ၄.၂ လက်မ အရွယ်ရှိ ပြသမျက်နှာပြင်စနစ် ထည့်ထားတာ တွေ့ရပါတယ်။

နောက်ဘက် ရိုက်ကူး ကင်မရာနဲ့ ချိတ်ဆက်ထားတာပါ။ ယာဉ်မောင်းရဲ့ထိုင်ခုံက စိတ်ကြိုက် အနိမ့်၊ အမြင့်ချိန်နိုင်ပါတယ်။ CDစက် ထည့်ထားပြီး အသံပိုင်းအတွက် စပီကာ ၆လုံး ပါရှိပါတယ်။ USB နဲ့လည်း ချိတ်ဆက်နိုင်အောင် ဖန်တီးထားတာပါ။

နောက်ဘက် ပါကင်ထိုးချိန်အတွက် အကူပေးမယ့် ပါကင်အာရုံခံ စနစ်ကိုလည်း ထည့်သွင်းထားတာ တွေ့ရပါတယ်။ Keyless အနေနဲ့ သုံးနိုင်မှာပါ။

သားရေသား ဖန်တီးမှုတွေနဲ့ အပြင်အဆင်မျိုးလည်း မော်ဒယ်ခွဲ အပေါ်ကို မူတည်ပြီး ရနိုင်ပါတယ်။ တကယ်လို့ ပြသမျက် နှာပြင် အရွယ်ကြီးကြီးနဲ့ လိုချင်တယ် ဆိုရင်လည်း ရနိုင်ပါတယ်။

အင်ဂျင်စနစ်မှာတော့ ရွေးချယ်နိုင်စရာ ၃ မျိုး ရှိပါတယ်။ ၆ ချက်သုံး Auto နဲ့ ဖြစ်ပါတယ်။ ၂.၀ လီတာသုံး လေးလုံးထိုး အင်ဂျင်က ရုန်းအား ၂၇၅ ပေါင်-ပေရှိပြီး မြင်းကောင်ရေ ၂၄၅ ကောင်အား ထွက်ရှိတာပါ။

ရှေ့ဘီးယက်စနစ်နဲ့ရော ဘီးစုံယက်စနစ်နဲ့ပါ ရနိုင်ပါတယ်။ အခြား အင်ဂျင်တွေကတော့ ၃.၅လီတာသုံး V6 အင်ဂျင်နဲ့ ၂.၇ လီတာသုံး V6 တွေ ဖြစ်ပြီး စွမ်းဆောင်ရည် ဦးစားပေး ဖန်တီးထားတာပါ။

ဆီတဂါလံကို ပျမ်းမျှ မိုင် ၂၀ ကျော်အောင် မောင်းနှင်နိုင်ပါတယ်။ ပြည်တွင်း ဈေးကွက်မှာတော့ Fordက SUV အနေနဲ့ ဆိုရင် Everestလို မော်ဒယ်ကို ဈေးကွက်တင် ရောင်းချနေတာ တွေ့နိုင်ပြီး အခု ပြောတဲ့ Edge ကိုလည်း စုံစမ်းလို့ ရနိုင် မယ့်အနေအထားမှာပါ။

ပြည်တွင်းမှာ SKD နဲ့ ထုတ်လုပ်လာတဲ့ Ranger လို မော်ဒယ်တွေ ရန်ကုန်လိုင်စင်နဲ့ ရနိုင်လာလို့ Fordရဲ့ မော်ဒယ်တွေ အဝယ်ပြန်လိုက်နေပြီး Edge လည်း မှာရင် ရနိုင်မယ့် အနေအထားပါ။

နိုင်ငံတကာဈေးကွက်မှာတော့ ၂၀၁၇ ခုနှစ်အတွက် Edge ကို ဒေါ်လာ ၃၀၀၀၀ ကနေ စပြီး မော်ဒယ်ခွဲအပေါ်ကို မူတည်ပြီး တော့ ၄၁၃၀၀ ထိအောင် ကွာခြားချက်နဲ့ ရောင်းချနေတာ တွေ့ရပါတယ်။

Ref: www.edmunds.com

From : ဧရာဝတီ by လင်းထက်(IA) 24 June 2017

Originally published at - =source=

Read More »

Saturday, June 17, 2017

၂၀၁၇ အတွက် စိတ်အချရဆုံး ကား ၁၀ စီး




အခုနှစ် အတွက် စိတ်ချ ရမှု အကောင်းဆုံး ကားတွေကို အင်္ဂလန် အခြေစိုက် Auto Express ကနေ ဖော်ပြ ထားတာ ဖြစ်ပါတယ်။ ပြည်တွင်း ဈေးကွက် မှာလည်း ရနိုင်နေတဲ့ မော်ဒယ်တွေ ပါရှိ တာကြောင့် အကောင်းဆုံးကို ရွေးချယ် နိုင်အောင် ပြောပြ ချင်ပါတယ်။

(၁) Toyota RAV-4 (96.21%)

ရာခိုင်နှုန်း ၉၆ ကျော် ရခဲ့တဲ့ ဂျပန်အခြေစိုက် မော်ဒယ်က ရမှတ်အမြင့်ဆုံး ဖြစ်လာပါတယ်။ ဒီဇိုင်းဆန်းတယ်၊ ကိုယ်ထည် မာတယ်၊ အင်ဂျင်ပိုင်း စွမ်းဆောင် ရည် ကောင်းလို့ လူကြိုက် များပါတယ်။ အင်ဂျင်ပိုင်းမှာ အခုထက် ပိုမို ကောင်းမွန်လာဖို့ ဈေးကွက် က လိုချင်နေကြတာလည်း တွေ့ရပါတယ်။

(၂) Skoda Yeti (95.71%)

ပြည်တွင်းမှာတော့ Skoda ဈေးကွက် မရှိပါဘူး။ ဒီဇိုင်းဆန်းတယ်၊ အင်ဂျင် စွမ်းဆောင်ရည် ကောင်းတယ်၊ လမ်းကြမ်းပိုင်း စွမ်းဆောင်ရည်ကောင်းတဲ့မော်ဒယ်ပါ။ တံခါးရွက်ပိုင်းတပ်ဆင်မှု အားနည်းချက်ရှိတာကလွဲရင် အားလုံးက ကြိုက်ကြပါ တယ်။



(၃) Audi Q3 (95.71%)

ရမှတ်တူပေမယ့် တစီးလုံးအပိုင်းမှာ Yeti က အသာရသွားပါတယ်။ ၂၀၁၅ ခုနှစ်နောက်ပိုင်းကနေ စပြီး ထုတ်လုပ်မှုပုံစံ အကောင်းဆုံး ဖြစ်လာတဲ့မော်ဒယ်ပါ။ ကိုယ်ထည်ပိုင်းအရည်အသွေးကို လူကြိုက်များပါတယ်။ အားနည်းချက် အသေး လေးတွေပဲ တွေ့ရတယ်လို့ သိရပါတယ်။

(၄) SEAT Leon (95.57%)

ပြည်တွင်းမှာ SEATရဲ့ဈေးကွက် မရှိပါဘူး။ ၂၀၁၃ ခုနှစ်ရဲ့Car of the Year ဆု ရထားတဲ့မော်ဒယ်ပါ။ လျှပ်စစ်ပိုင်းမှာ အား နည်းချက် ရှိတယ်လို့ ဈေးကွက်က ဆိုပေမယ့် တစီးလုံး အတိုင်းအတာမှာတော့ ရလဒ်ကောင်းနေပါတယ်။

(၅) Lexus RX (95.37%)

ထိပ်ဆုံးတန်းဝင်မော်ဒယ်တွေထဲမှာ ကိုယ်ထည် အကြီးဆုံးမော်ဒယ်ပါ။ စွမ်းဆောင်ရည် အထူးကောင်းမွန်လာပါတယ်။ ကိုယ်ထည်ပိုင်း မာကျောတယ်၊ နည်းပညာပိုင်းမှာထက် ကိုယ်ထည်သားကို အခုထက် ပိုမာဖို့ ဈေးကွက်က လိုချင်နေပါ တယ်။

(၆) Kia Ceed/Pro-cee’d (95.32%)

တောင်ကိုရီးယားအခြေစိုက် ကုမ္ပဏီအတွက် အားရစရာ ရလဒ်ပါ။ Hatchback မော်ဒယ်အနေနဲ့ အမြင့်ဆုံး အဆင့်ရလာ တာပါ။ တပ်ဆင် နည်းပညာအားကောင်းတယ်၊ အင်ဂျင်ပိုင်း သင့်တယ်၊ ဆီစားနှုန်း ချိုတယ်၊ အတွင်းခန်း ကျယ်ဝန်းလို့ လူ ကြိုက်များကြပါတယ်။



(၇) Lexus CT (95.29%)

Hybrid စနစ်နဲ့ မော်ဒယ်ထဲက အမြင့်ဆုံး အောင်မြင်မှု ဖြစ်လာပါတယ်။ ဆီစားနှုန်း အထူးပဲ ချိုသာပါတယ်။ Prius မော်ဒယ် က အင်ဂျင်နဲ့ ဖန်တီးပုံချင်း တူပါတယ်။ ကိုယ်ထည်မာကျောမှု အားကောင်းပြီး အားနည်းချက် သိပ်မတွေ့ရဘူးလို့ ဈေး ကွက်က ဆိုပါတယ်။

(၈) Suzuki Vitara (94.95%)

အင်ဂျင်စနစ် ကောင်းမွန်တယ်၊ ဈေးနှုန်း ချိုသာတယ်၊ ကိုယ်ထည်ပိုင်း အရည်အသွေး ကောင်းမွန်လာလို့ လူကြိုက်များလာ ပါတယ်။ လျှပ်စစ်စနစ်အပိုင်းမှာ အားနည်းချက်တချို့ ရှိတယ်လို့ ဈေးကွက်က သိရတာကလွဲရင် အားလုံး စိတ်ကြိုက်ပါပဲ။

(၉) Lexus NX (94.92%)

၂၀၁၄ ခုနှစ်ကနေ မိတ်ဆက်ရောင်းချကတည်းက လူကြိုက်များလာခဲ့တာပါ။ ဆီအင်ဂျင်ရော Hybrid အနေနဲ့ပါ ရနိုင်ပါ တယ်။ စွမ်းဆောင်ရည်လည်း ကောင်းပါတယ်။ ဘရိတ်ပိုင်းမှာ အခုထက် ပိုပြီး ကောင်းမွန်ဖို့ ဈေးကွက်က လိုချင်နေတာ ဖြစ်ပါတယ်။

(၁၀) Volvo XC60 (94.86%)

အခုနှစ် မော်ဒယ်က အားလုံးအသစ်အနေနဲ့ ဖန်တီးထုတ်လုပ်လာတဲ့ မော်ဒယ်ပါ။ ကိုယ်ထည်ပိုင်း မာကျောမှုကို လူကြိုက် များတာ တွေ့ရပါတယ်။ လျှပ်စစ်စနစ်အပိုင်းမှာ အားနည်းချက် အနည်းငယ် တွေ့ရတယ်လို့ ဈေးကွက်ကနေ သိရပါတယ်။

Ref: www.autoexpress.co.uk

ဓါတ်ပုံ ဒီဇိုင်း - ကျော်မျိုးထိုက်/ ဧရာဝတီ

From : ဧရာဝတီ by လင်းထက်(IA) 17 June 2017

Originally published at - burma.irrawaddy.com

Read More »

Monday, June 12, 2017

ဇိမ်ခံအနေနဲ့ ဈေးကွက်ထဲ ရောက်လာတဲ့ 2018 Volkswagen Atlas


2018 ထုတ် Volkswagen Atlas


အခုနှစ် မှာမှ စတင် ထုတ်လုပ် လာတဲ့ မော်ဒယ် သစ်ပါ။ ၂၀၁၈ ခုနှစ် မော်ဒယ် အနေနဲ့ ဈေးကွက်ထဲ ရောက်လာ တာ တွေ့ရ ပါတယ်။ Tiguan မော်ဒယ်နဲ့ Touraeg မော်ဒယ် အကြား အရည် အသွေးရော ဈေးနှုန်းပါ စိတ်ကြိုက် ရွေးချယ်နိုင် အောင် ဖန်တီး လာတဲ့ မော်ဒယ်ပါ။

ကိုယ်ထည် ပိုင်းမှာတော့ Touraeg ထက် ကြီးပါတယ်။ ဒါပေမယ့် နည်းပညာပိုင်းနဲ့ မော်ဒယ်ခွဲ ရွေးချယ်နိုင်မှုမှာတော့ ဒီ လောက် အားမကောင်းပါဘူး။ တန်ဖိုးသင့် ဇိမ်ခံ မော်ဒယ် အဖြစ် ထုတ်လုပ်ထာပေမယ့် ဇိမ်ခံစစ်စစ် အနေအထားတော့ ရှိပါတယ်။

တတိယထိုင်ခုံတန်း ထည့်သွင်း ဖန်တီးထားမှုက သဘောကျစရာပါ။ မိသားစုလိုက် ခရီးထွက်တတ်သူတွေအတွက် အ ဆင် ပြေပါလိမ့်မယ်။ အတွင်းခန်း အထူးပဲ ကျယ်ဝန်းပါတယ်။ နောက်ဆုံး တတိယ ထိုင်ခုံတန်းက အရွယ်ရောက် ခရီးသည် တွေ ထိအောင် လိုက်ပါနိုင်ပြီး ၇ ယောက်ဆံ့မော်ဒယ် ဖြစ်လာပါတယ်။

လက်ကိုင်ပိုင်း ပေါ့ပါးသွက်လက်သလို တည်ငြိမ်မှု အားကောင်းပြီး ဈေးကွက်ထဲက ပြိုင်ဖက်မော်ဒယ်တွေထက် ပိုမို သာ လွန်ကောင်းမွန်တယ်လို့ ခံစားရပါတယ်။ ကိုယ်ထည်ပိုင်း အချိုးအဆစ်က ပြေပြစ်ပြီး ပေါ်လွင်တယ်။

အတွင်းခန်းကျယ်ဝန်းသလို ဝန်များများနဲ့ တင်ဆောင် ရုန်းကန်နိုင်တယ်၊ ခရီးဝေးရော လမ်းကြမ်းပိုင်း စွမ်းဆောင်ရည်ပါ ကောင်းမွန်အောင် ဖန်တီးထားတာ တွေ့ရပါတယ်။

အင်ဂျင်စနစ် ရွေးချယ်နိုင်စရာတွေ ထုတ်လုပ်မှု ရှိပေမယ့် စွမ်းဆောင်ရည်မြင့် V6 အင်ဂျင်တပ် မော်ဒယ်တွေထိအောင် အ မြန်နှုန်း မြှင့်တင်နိုင်မှုလို စွမ်းဆောင်ရည်ကောင်းကောင်း မတွေ့ရဘဲ ပြိုင်ဖက်မော်ဒယ်တွေထက် နှေးချင်နေပါတယ်။ Sport ဆန်အောင် ကိုယ်ထည်ကို ချိုးဆစ်ထားမှုက အမိုးပိုင်းမှာ နိမ့်နေစေပြီး အရပ်ရှည်သူတွေအတွက် စိတ်ကြိုက် မဖြစ်စေချင် ပါဘူး။

မော်ဒယ်ခွဲအနေနဲ့ကတော့ ၅မျိုး ရနိုင်ပါတယ်။ S, SE, SE w/technology, SELနဲ့ SEL Premiumတွေ ဖြစ်ပါတယ်။ ပ ထမ မော်ဒယ်ခွဲ ၄ မျိုးမှာ ပုံမှန် လေးလုံးထိုး အင်ဂျင်ကိုပဲ တပ်ဆင်ထားတာ တွေ့ရပြီး သူက ရုန်းအား ၂၅၈ပေါင်-ပေမှာ မြင်း ကောင်ရေ ၂၃၅ကောင်အား ထွက်ရှိပါတယ်။

နောက်ဆုံး Premium မော်ဒယ်ခွဲမှာတော့ အင်ဂျင်က V6နဲ့ ဖြစ်လာပြီး သူက ရုန်းအား ၂၅၈ပေါင်-ပေမှာပဲ စွမ်းအင် မြင်း ကောင်ရေ ၂၇၆ကောင်အား ဖြစ်လာပါတယ်။ ပုံမှန်ဆိုရင်တော့ ဆီစားနည်းတဲ့ ရှေ့ဘီးယက်စနစ်နဲ့ပဲ ရနိုင်ပြီး V6 အင်ဂျင် တပ်မော်ဒယ်မှာတော့ ဘီးစုံယက်စနစ်နဲ့ လိုချင်ရင်လည်း ရမှာပါ။

မော်ဒယ် အားလုံးက ၈ချက်သုံး Autoနဲ့ပဲ သွားပါတယ်။ အမြန်နှုန်း မြှင့်တင်မောင်းနှင်မှုမှာတော့ ဘီးစုံယက်နဲ့ V6 မော်ဒယ် ကိုပဲ တနာရီ မိုင် ၆၀နှုန်းအတွက် အချိန် ၇စက္ကန့်ဝန်းကျင်လောက်ထိအောင် ယူပြီး Sport ဆန်ဆန် SUV အဖြစ်တော့ စိတ် ကြိုက် မဖြစ်ချင်ပါဘူး။ ဒါပေမယ့် ဝန်တင်ဆောင်ရုန်းကန်နိုင်မှု အားကောင်းတာကတော့ သဘောကျစရာပါ။

ပြည်တွင်းမှာတော့ VWရဲ့ SUV မော်ဒယ်အဖြစ် Touraeg မော်ဒယ်တွေ အစီးများပြီးတော့ ၂၀၀၅ခုနှစ် ဝန်းကျင်ထုတ်တွေ ဆိုရင် သိန်း ၄၇၀ခန့် ရှိပြီး မော်ဒယ်နှစ်အပေါ် မူတည်ပြီး ဈေးနှုန်း ကွာခြားချက် ရှိနိုင်ပါတယ်။

အခု မော်ဒယ်သစ် Atlas ကတော့ နိုင်ငံတကာဈေးကွက်မှာ ဒေါ်လာ ၃၁၄၂၅နဲ့ မော်ဒယ်ခွဲအပေါ်ကို မူတည်ပြီး ဈေးနှုန်း ကွာခြားချက်နဲ့ ရောင်းချနေတာ တွေ့ရပါတယ်။

Ref: www.edmunds.com

From : ဧရာဝတီ by လင်းထက် (IA) 12 June 2017

Originally published at - burma.irrawaddy.com

Read More »

Monday, May 29, 2017

ပြည်တွင်းမှာပါ လူကြိုက်များတဲ့ 2017 Lexus GX 460




2017 ထုတ် Lexus GX 460 မော်ဒယ် ကတော့ ပြည်တွင်း မှာပါ လူကြိုက် များနေတဲ့ Toyota ရဲ့ ဇိမ်ခံ အမှတ် တံဆိပ် Lexus ရဲ့ SUV မော်ဒယ် တခုပါ။

Toyota Land Cruiser ကနေ အဆင့်မြင့် မော်ဒယ် အဖြစ် ဖန်တီး ထုတ်လုပ် ထားတာ ဖြစ်ပြီး အတွင်းခန်း ကျယ်ဝန်းမှု၊ နည်း ပညာ အဆင့်မြင့်မားမှု၊ ကိုယ်ထည်ပိုင်း မာကျောပြီး စိတ်ချ ယုံကြည်ရမှု၊ ဆီစားနှုန်း သင့်တင့်ခြင်း တွေကြောင့် လူကြိုက်များ ပါတယ်။

အခုနှစ် မော်ဒယ်မှာတော့ လမ်းကြမ်းပိုင်း စွမ်းဆောင်ရည်ပါ အထူးကောင်းမွန်လာတာ တွေ့ရပြီး အထူးသဖြင့်တော့ လက် ကိုင်ပိုင်း စွမ်းဆောင်ရည် တည် ငြိမ်မှု အားကောင်းလာသလို ပေါ့ပါးသွက်လက်မှုတွေက လမ်းကြမ်းပိုင်းမှာ စမ်းသပ်မောင်း နှင်မှုမှာ ယာဉ်မောင်းနှင်သူအနေနဲ့ အားစိုက်မောင်းနှင်ရမှု အနည်းငယ်ပဲ လုပ်ဆောင်ရတာ တွေ့ရပါတယ်။

ပြီးတော့ နည်းပညာပိုင်း အဆင့်မြင့်မားကောင်းမွန်ပြီး တန်းတူ ပြိုင်ဘက် မော်ဒယ်တွေကို ကောင်းကောင်း နောက်ကောက် ချထားနိုင်တာ တွေ့ရပါတယ်။

ဒါပေမယ့် V8 အင်ဂျင်တပ် မော်ဒယ်တွေမှာ အမြန်နှုန်း မြှင့်တင်မောင်းနှင်နိုင်မှု အပိုင်းမှာ အားနည်းချက် တွေ့ချင်နေပြီး တန်းတူ မော်ဒယ်တွေနဲ့စာရင် အထနှေးချင်နေပါတယ်။

ပြီးတော့ အဆိုပါ အင်ဂျင်တပ်မော်ဒယ်တွေမှာ ဆီစားနှုန်းလည်း နည်းချင်ပါတယ်။ နောက်ဘက် ထိုင်ခုံတန်းအနေနဲ့ ပိုမို ကောင်းမွန်တဲ့ အရသာနဲ့ သက်တောင့်သက်သာ ဖြစ်မှုကို ပေးစွမ်းနိုင်ရမှာ ဖြစ်ပေမယ့် အကောင်းဆုံးအနေအထား မဟုတ် တာလည်း တွေ့ရပါတယ်။

နောက်ဖုံး တံခါး အဖွင့်၊ အပိတ် လုပ်ဆောင် အသုံးပြုရမှုလည်း အဆင်မပြေချင်ပါဘူး။ လက်ကိုင်ပိုင်း တည်ငြိမ်လာပေမယ့် ကိုယ်ထည် အရွယ်အစားကြောင့် ကွေ့လမ်းကြောင်း မောင်းနှင်မှုမှာ အကောင်းဆုံး ကွေ့ချိုးနိုင်မှု မရတာလည်း တွေ့ရပါ တယ်။

အခုနှစ် မော်ဒယ်မှာတော့ Sport Design ဆိုတဲ့ ပုံစံသစ် ရနိုင်လာပါတယ်။ ပုံမှန် မော်ဒယ်တွေနဲ့ မတူညီတဲ့ ဘီးအရွယ် အစား တပ်ဆင်မှု၊ လေဝင်ပေါက် ပုံစံ မတူညီမှု၊ စွမ်းဆောင်ရည် ပိုမို ကောင်းမွန်အောင် ထောက်ပံ့မှုစနစ်တွေ ပါရှိလာ ပါတယ်။

ဒုတိယ ထိုင်ခုံတန်းကို ပုံစံသစ်နဲ့ ဖန်တီးထားပြီး ဇိမ်ခံပုံစံထက် Sport ဆန်တဲ့ ဒီဇိုင်းနဲ့ တွေ့ရပါတယ်။ မော်ဒယ်ခွဲအနေနဲ့ ကတော့ ၂ မျိုးပဲ ရနိုင်ပါတယ်။ Base နဲ့ Luxury တွေ ဖြစ်ပါတယ်။

နည်းပညာ ထည့်သွင်းဖန်တီးမှု အပေါ်ကို မူတည်ပြီး မော်ဒယ်ခွဲ ကွဲပြားသွားတာ ဖြစ်ပေမယ့် အင်ဂျင်ပိုင်းမှာတော့ ၄.၆ လီတာသုံး V8 အင်ဂျင်နဲ့ပဲ ရနိုင်ပါတယ်။ ရုန်းအား ၃၂၉ပေါင်-ပေမှာ မြင်းကောင်ရေ ၃၀၁ ကောင်အား ထွက်ရှိမယ့်အင် ဂျင်ပါ။

လေးဘီးယက်စနစ်နဲ့ လာပါတယ်။ ၆ ချက်သုံး Auto နဲ့ သွားပါတယ်။ Tow ပမာဏ ပေါင် ၆၅၀၀ ထိအောင် ရနိုင်လာပါ တယ်။

ဒါပေမယ့် Land Rover LR4 လို ပေါင် ၇၇၀၀ ဆွဲနိုင်မှုလောက်တော့ မကောင်းသေးပါဘူး။ အမြန်နှုန်း မြှင့်တင်မောင်း နှင် နိုင်မှု အပိုင်းမှာတော့ တနာရီ မိုင် ၆၀နှုန်းကို အချိန် ၇.၂စက္ကန့်နဲ့ ရောက်ရှိမှာ ဖြစ်ပြီး ပုံမှန်နှုန်းထက်တော့ နည်းနည်းနှေး ချင်နေပါတယ်။

ဆီစားနှုန်း အပိုင်းမှာတော့ ပျမ်းမျှ တဂါလံကို ၁၆မိုင် စီးနင်းနိုင်မှာ ဖြစ်ပြီး သင့်ရုံပဲ ရှိပါတယ်။ ဘရိတ်ပိုင်းမှာ မိုင် ၆၀နှုန်း ကနေ ရပ်တန့်မယ် ဆိုရင် အကွာအဝေး ၁၂၇ ပေမှာ ရပ်တန့်ပြီး အားနည်းနေချင်ပါတယ်။

ပြည်တွင်းမှာတော့ မော်ဒယ်ကို ဇိမ်ခံအဖြစ် အသုံးများပြီး ၂၀၁၄ ခုနှစ်ထုတ် မော်ဒယ်ဆိုရင် အရောင်မရွေး ဈေးနှုန်းကျပ် သိန်း ၂၃၀၀လောက် ရှိပါတယ်။

အခု ၂၀၁၇ ခုနှစ် အတွက် မော်ဒယ်ကိုတော့ နိုင်ငံတကာဈေးကွက်မှာ Base မော်ဒယ်ကို ဒေါ်လာ ၅၂၆၆၅ နဲ့ ရောင်းချနေပြီး Luxury ကိုတော့ ၆၄၃၃၅ ဒေါ်လာနဲ့ ရနိုင်နေတာ တွေ့ရပါတယ်။

From : ဧရာဝတီ by လင်းထက် (IA) 29 May 2017

Originally published at - https://burma.irrawaddy.com

Read More »

Saturday, May 27, 2017

ကမ္ဘာ့အမြန်ဆုံး SUV ကားဖြစ်လာတဲ့ Toyota Land Cruiser




ဂျပန် အခြေ စိုက်လည်း ဖြစ်ပြီး ပြည်တွင်း မှာလည်း လူကြိုက် အများဆုံး အမှတ် တံဆိပ် အဖြစ် ရပ်တည် နိုင်နေ တဲ့ Toyotaရဲ့ Land Cruiser ကတော့ ပြီးခဲ့တဲ့ ရက်ပိုင်းလေး ကပဲ ကမ္ဘာ့ အမြန်ဆုံး SUV ကားအဖြစ် မှတ်တမ်း တင်နိုင်မှု တရပ် လုပ်ဆောင် မောင်းနှင်နိုင် ခဲ့ပြီ ဖြစ်တယ်လို့ CNNရဲ့ သတင်းဖော်ပြချက် အရ သိရပါတယ်။

ဒါပေမယ့် အဆိုပါနှုန်းကို စွမ်းဆောင်ရည်ပိုင်း မှတ်တမ်းတင်ဖို့အတွက်သာ မောင်းနှင်ခဲ့တာ ဖြစ်ပြီး ပုံမှန်အိမ်စီး ဇိမ်ခံအဖြစ် အသုံးပြုမှု အနေအထားမှာတော့ အမြန်နှုန်း မြင့်မားစွာ မောင်းနှင်မှု မလုပ်ဖို့ ဆိုထားပါတယ်။

စံချိန်အရတော့ Land Cruiser အနေနဲ့ တနာရီ မိုင် ၂၃၀ ထိအောင် မောင်းနှင်နိုင်လာတာ ဖြစ်ပြီး ကမ္ဘာ့အမြန်ဆုံး SUV ကားအဖြစ်နဲ့ရော လက်ရှိ ကားမျိုးစုံ ထဲကနေ ကမ္ဘာ့အမြန်ဆုံးအဖြစ် မောင်းနှင်နိုင်ထားတဲ့ တနာရီ ၂၆၅ မိုင်နှုန်းနဲ့လည်း နီး ကပ်အောင်မြင်မှု ရရှိလာတာ ဖြစ်ပါတယ်။

မော်ဒယ်မှာ ၅.၇ လီတာသုံး V8 အင်ဂျင်ကို တပ်ဆင်ထားတာ တွေ့ရပြီး သူက မြင်းကောင်ရေ ၃၈၁ကောင်အား ထုတ် လုပ် ပေးနိုင်တာ တွေ့ရပါတယ်။

ဒါပေမယ့် အင်ဂျင်စနစ်ကို စွမ်းအင် ထုတ်လုပ်မှု အားကောင်းဖို့အတွက် ပုံမှန် Turbo တွေ ထက် အရွယ်အစား ကြီးမားတဲ့ Turbo ၂ လုံး ထည့်လိုက်ပြီး စမ်းသပ် မောင်းနှင်ခဲ့တာ ဖြစ်ကာ အဆိုပါ အနေအထားမှာတော့ ပုံမှန်ထက်ကိုပဲ လေးဆမက စွမ်းအင်ထွက်နှုန်း ပိုကောင်းလာပြီး အင်ဂျင်က မြင်းကောင်ရေ ၂၀၀၀ အား ဝန်းကျင်ထိအောင် စွမ်းအင်ထုတ်လုပ်မှု ပိုကောင်းလာတယ်လို့ ဆိုပါတယ်။

ကနဦး ရည်မှန်းချက်မှာတော့ မော်ဒယ်ကို တနာရီ မိုင် ၂၀၀ နှုန်းလောက် ရအောင် မောင်းနှင်ဖို့ ဖြစ်ပေမယ့် Suspension စနစ်ကိုလည်း ပုံမှန် ဈေးကွက်ထဲက Land Cruiser တွေထက် နည်းနည်း ပြင်ဆင်ပြီး စမ်းသပ်မောင်းနှင်ခဲ့တာ ဖြစ်တယ်လို့ ဆိုပါတယ်။

စမ်းသပ်မောင်းနှင်သူအဖြစ်နဲ့တော့ NASCAR ကားမောင်းပြိုင်ပွဲဝင်ဟောင်း Carl Edwards က တာဝန်ယူခဲ့ပြီး အမေရိကန်နိုင်ငံ၊ ကယ်လီဖိုးနီးယားက Mojave Air and Space Portမှာ မောင်းခဲ့တာ ဖြစ်ပါတယ်။

အမြန်နှုန်း ဘယ်လောက်ထိ အောင် အမြင့်ဆုံး ရနိုင်မလဲဆိုတာ စမ်းသပ်မောင်းနှင်ခဲ့တာဖြစ်ပြီး အခု စမ်းသပ်မောင်းနှင် ခဲ့တဲ့ကွင်းကတော့ ၂.၅ မိုင်ပဲ အကွာအဝေးရှိတာ ဖြစ်တယ်လို့ သိရပါတယ်။

၂ ရက်တာ စမ်းသပ်မောင်းနှင်မှု ပြုလုပ်ခဲ့ပြီး ပထမနေ့ မောင်းနှင်မှုမှာတော့ Edwards အနေနဲ့ တနာရီ ၂၁၁ မိုင်နှုန်းထိ အောင်ပဲ မောင်းနိုင်ခဲ့ပြီး ဒုတိယနေ့မောင်းနှင်မှုအတွက် အင်ဂျင်နီယာတွေက အင်ဂျင်ပိုင်းမှာ စွမ်းအင်ထုတ်လုပ်မှု တိုးမြှင့် ဖန်တီးလိုက်နိုင်တာကြောင့် တနာရီ မိုင် ၂၃၀ ထိအောင် မောင်းနှင်နိုင်ခဲ့တာပါ။

ယခင်ကတော့ ကမ္ဘာ့အမြန်ဆုံး SUV အဖြစ်နဲ့က Bentley ရဲ့ဈေးကွက်အတွင်း ရောင်းချမှု မရှိဘဲ ကုမ္ပဏီစမ်းသပ်မှုအတွက် ထုတ်လုပ်ထားတဲ့ Bentayga မော်ဒယ်က တနာရီ ၁၈၇ မိုင်နှုန်းနဲ့ အမြန်ဆုံးနှုန်း ရရှိထားတာလည်း ဖြစ်ပါတယ်။

ဈေးကွက်ဝင် မော်ဒယ်တွေထဲက အမြန်ဆုံးအနေနဲ့တော့ VW ရဲ့ နာမည်ကျော် Beetle မော်ဒယ်က ၂၀၁၄ခုနှစ်အတွင်း မြင်း ကောင်ရေ ၅၄၃ ကောင် အားထွက် Beetle Turbo R-Line မော်ဒယ်ခွဲနဲ့ တနာရီ ၂၀၅ မိုင်ထိအောင် အမြန်ဆုံး မောင်းထား တာလည်း တွေ့ရပါတယ်။

Ref: www.cnn.com

From : ဧရာဝတီ by လင်းထက် (IA)

Originally published at - https://burma.irrawaddy.com

Read More »

Monday, May 22, 2017

ပြင်ပ ဈေးကွက်မှာလည်း ရနိုင်တဲ့ BMW X6




လက်ရှိ ကမ္ဘာ့ အကောင်းဆုံး ဇိမ်ခံကား ထုတ်လုပ် သူတွေထဲက တခုဖြစ်တဲ့ ဂျာမနီ အခြေစိုက် BMWရဲ့ အရောင်း ပြခန်း ပြည်တွင်းမှာ ရှိနေ သလို နောက်ဆုံးထုတ် မော်ဒယ်မြင့် တွေရော အသစ် စက်စက် BMW မော်ဒယ်စုံ ကိုပါ တင်သွင်း ရောင်းချ နေတာ တွေ့ရပါတယ်။

ဒါပေမယ့် သိတဲ့ အတိုင်း BMW ကတော့ ဇိမ်ခံ စစ်စစ်ဖြစ်တဲ့ အပြင် အရည် အသွေးရော စွမ်းဆောင် ရည်ပါ ထိပ်တန်း အဆင့် ရှိလို့ ဈေးနှုန်းလည်း မြင့်ပါတယ်။

တကယ်လို့ အဲဒီလို ဈေးနှုန်းမြင့်မြင့် BMW အသစ်နဲ့စာရင် ဈေးချိုချိုနဲ့ ရနိုင်မယ့် BMW လိုချင်သူတွေအတွက် အခု X6 လို လူကြိုက်များ မော်ဒယ်ကို ပြင်ပဈေးကွက်မှာလည်း လွယ်လွယ် ရနိုင်လာပါတယ်။ မော်ဒယ်တော့ နည်းနည်းနိမ့်မယ်၊ မောင်းနှင်ပြီး ကီလိုတော့ နည်းနည်း ပါမှာပါ။

ဒါပေမယ့် အားသာချက်က ရန်ကုန်လိုင်စင်အနေနဲ့ အရင်က နံပါတ်ရပြီးသား မော်ဒယ်တွေ ဈေးကွက်ထဲ ဝင်လာတာဖြစ် လို့ အားသာချက် ရှိတယ်။

အခုရက်ပိုင်း ရန်ကုန်လိုင်စင်တွေ ပြန်ချပေးမယ်လို့လည်း သတင်းတွေ ကြားရပေမယ့် အတည်ပြုသတင်းရယ် မဟုတ် သေးတော့ အခုလို ရန်ကုန်လိုင်စင်အနေနဲ့ ရပြီးသား မော်ဒယ်ကတော့ စိတ်ချစရာပါ။

အင်ဂျင်က ၄.၄လီတာသုံး အင်ဂျင်၊ ပြည်တွင်း အနေအထားမှာ အခု အင်ဂျင်အရွယ်က နည်းနည်းကြီးတယ်ဆိုပေမယ့် ဇိမ်ခံစစ်စစ်၊ ခရီးဝေး စိတ်ကြိုက်မောင်းမယ်၊ ဖျော်ဖြေရေးစနစ် အပါအဝင် လေအေးပေးစနစ်တွေနဲ့ စိတ်ကြိုက်သုံးမယ့် အနေအထားမှာတော့ အခု အင်ဂျင်က အဆင်ပြေပါတယ်။

ဒါအပြင် အင်ဂျင်က Twin-turbo စနစ် ပါသေးတယ်။ စွမ်းဆောင်ရည် အမြင့်ဆုံး SUVတန်းဝင် မော်ဒယ်ာတွေထဲက အကောင်းဆုံး မော်ဒယ် တခုပါ။

Push Start နဲ့ သုံးနိုင်မယ်၊ Smart Keyနဲ့ လာတယ်၊ Remote တွေက Oriတွေ အတိုင်း ရမယ်၊ TV ထည့်ပြီးသားဖြစ်သလို နောက်ဘက် ရိုက်ကူးကင်မရာနဲ့ ချိတ်ပြီးသား၊ အချက်ပြလိုင်းတွေ၊ အာရုံခံ ဆင်ဆာတွေ အပြည့်ပါတယ်။

Power Steering စနစ်နဲ့လာတယ်၊ လက်ကိုင်ဘီးမှာ အသံ အတိုးအချဲ့ အပါအဝင် အခြား မောင်းနှင်ရင်း အသုံးပြုရာမှာ လိုအပ်တဲ့စနစ်တွေ ထည့်ထားတယ်၊ Cruise Control ပါရှိတယ်၊ Stability Control လည်း ပါမယ်။ Voice Recognition စနစ်လည်း သုံးနိုင်မယ်။

ဘီးတွေက Alloyနဲ့ ဖြစ်လို့ စိတ်ကြိုက်ပါပဲ။ Run Flat တာယာတွေ ထည့်ထားတယ်။ တချို့က သီရိမင်္ဂလာကားအရောင်း ဝယ် စခန်းဘက်မှာ တွေ့ရပြီး သူတို့ကတော့ အာမခံ မပေးပေမယ့် ဈေးပိုချိုပါတယ်၊ ကားအရောင်းပြခန်းတွေကနေ တင် သွင်းရောင်းချတဲ့ X6 တွေကတော့ ၁နှစ်လောက် အာမခံပေးကြတာ တွေ့ရပါတယ်။

မောင်းနှင်ပြီး ကီလို ၂သောင်းဝန်းကျင်တွေ များပါတယ်။ မော်ဒယ်က ၂၀၁၀ခုနှစ်နဲ့ ဝန်းကျင်ထုတ်တွေပါ။ သက်တမ်း ၇နှစ်လောက် ခိုင်းထားတယ်လို့ ဆိုရပေမယ့် ကားတစီးရဲ့ သက်တမ်း ကီလို ၂သိန်းမှာ အခု ကီလို ၂သောင်းလောက်ပဲ သုံးထားလို့ အများကြီး သုံးနိုင်ပါသေးတယ်။

အရောင်အပိုင်းမှာတော့ အနက်ရောင်တွေပဲ အများဆုံး ဈေးကွက်မှာ ဝင်နေပါတယ်။ အခြား အရောင်ကတော့ အဝင် နည်းသလို ဈေးလည်း သိပ်မကွာပါဘူး။

ဈေးနှုန်းမှာတော့ သိန်း ၁၃၅၀ ဝန်းကျင် အခေါ်ရှိနေပြီး ဒီနှစ်ထဲမှာ အထူးကုန်စည်ခွန်နှုန်းထား ကောက်ခံမှုတွေနဲ့ အတူ အင်ဂျင်အကြီးစားတပ် မော်ဒယ်တွေ အဝယ်နည်းလာတာကြောင့် ဈေးနှုန်း အကျဘက်မှာ ရှိနိုင်ပါတယ်။ အသစ်စက်စက် BMW တွေနဲ့ ယှဉ်ပြီး လေ့လာ ဝယ်ယူချင်သူတွေအတွက် အဆင်ပြေ စရာပါ။

From : ဧရာဝတီ by လင်းထက် (IA)

Originally published at - https://burma.irrawaddy.com

Read More »

Saturday, May 20, 2017

ဒေါ်လာ ၄ သိန်းခွဲနဲ့ ဝယ်ယူနိုင်မယ့် Ford ရဲ့ နောက်ဆုံးထုတ် GT မော်ဒယ် ကားသစ်




ကမ္ဘာကျော် မော်တော်ကား ကုမ္ပဏီတခု ဖြစ်တဲ့ Ford ရဲ့ နောက်ဆုံးထုတ် GT မော်ဒယ်ကတော့ ၂၀၀၅ ခုနှစ်နဲ့ ၂၀၀၆ ခုနှစ်တွေမှာ ရောင်းချ ထားခဲ့တဲ့ မော်ဒယ်တွေထက် သာလွန်ကောင်းမွန်တဲ့ အားသာချက် စွမ်းဆောင်ရည်တွေနဲ့ ဈေးကွက်ထဲကို ဝင်ရောက်လာပါတော့မယ်။

Ford ရဲ့ တည်ဆောက်ရေး စက်ရုံ တခုဖြစ်တဲ့ မက်ဟက်တန်နယ်မှာ အခု မော်ဒယ်ကို လျှို့ဝှက် စမ်းသပ်ပြီး ဖန်တီးခဲ့တာပါ။ အခု မော်ဒယ်ကို ဈေးကွက် အတွင်း မရောင်ခင် LeMans ပြိုင်ပွဲမှာ ပြန်လည် ထည့်သွင်း ယှဉ်ပြိုင် စမ်းသပ်ပြီးမှ ဈေးကွက် အတွက် ရနိုင်လာဖို့ ရှိနေတာပါ။

ဒီပြိုင်ပွဲမှာ GT40 အနေနဲ့ နှစ် ၅၀ အတွင်း ၄ ကြိမ်ထိအောင် အနိုင်ရထားတာလည်း ဖြစ်ပါတယ်။ အရင်နှစ်တွေက LeMans တွေမှာတော့ GTက တန်းတူ ပြိုင်ဖက်မော်ဒယ်တွေ အကြားမှာ ပထမ၊ တတိယနဲ့ စတုတ္ထနေရာတွေ ရထားတာလည်း တွေ့ရပါတယ်။

ဒါ့အပြင် ပြိုင်ပွဲဝင်ဖို့ အတွက်တင် မဟုတ်ပဲ ဈေးကွက် အတွက် မိတ်ဆက် မော်ဒယ်ကိုတော့ ၂၀၁၅ ခုနှစ် အတွင်းက မြောက်အမေရိကရှိ နိုင်ငံတကာ ဒက်ထရွိုက် ကားပြပွဲမှာ ထည့်သွင်း မိတ်ဆက် ခဲ့တာလည်း တွေ့ရပါတယ်။

လက်ရှိမှာတော့ အဆိုပါ Ford ရဲ့ GT မော်ဒယ်ကို ပြိုင်ပွဲ မဟုတ်တဲ့ အပြင်မှာ စီးနင်းမော်ဒယ် အဖြစ် ၇ စီးပဲ ထုတ်လုပ် ထားတာ တွေ့ရပါတယ်။

အများစုကတော့ အလှစီး အနေနဲ့ သိမ်းထားကြသလို ပိုင်ဆိုင်မှုကို ထုတ် မပြကြဘဲ ဒီထဲက ပိုင်ရှင် အနေနဲ့ ဖော်ပြ သိထားတာကတော့ ၂ စီးပဲ ရှိပါတယ်။

တယောက်က Bill Ford Jr ဖြစ်ပြီး နောက် တယောက်က Mark Fields တို့ပဲ ဖြစ်ပါတယ်။ နှစ်ဦးစလုံးကတော့ Ford နဲ့ နီးစပ်သူတွေပဲ ဖြစ်ပါတယ်။



မော်ဒယ်သစ်မှာ သိရသလောက်ကတော့ တန်းတူ တချို့ပြိုင်ဖက် မော်ဒယ်တွေထက် အမြန်နှုန်း မြှင့်တင် မောင်းနှင်မှု အပိုင်းတွေမှာ အနည်းငယ် နောက်ကျ သလို ဖြစ်နေသေးပေမယ့် မောင်းနှင်ရမှု အရသာရော တည်ငြိမ်မှုနဲ့ စိတ်ကြိုက် တွေ့မှုတွေမှာတော့ အကောင်းဆုံး မော်ဒယ် တခုလို့ အားလုံးက သတ်မှတ် ကြပါတယ်။

မော်ဒယ်မှာ EcoBoost စနစ်သုံး ၃ ဒသမ ၅ လီတာသုံး V6 အင်ဂျင်ကို တပ်ဆင်ထားပြီး သူက ရုန်းအား ၅၅၀ ပေါင်/ပေပဲ ရှိပေမယ့် မြင်းကောင်ရေ ၆၄၇ ကောင်အားထိအောင် ထုတ်လုပ်ပေးနိုင်တာပါ။

အင်ဂျင်က အလယ်ထိုင် ပုံစံ ဖြစ်ပြီး တနာရီ မိုင် ၆၀ နှုန်းကို အချိန် ၃ စက္ကန့်အတွင်း ရောက်ရှိမှာလည်း ဖြစ်ပါတယ်။ ၇ ချက်သုံး Dual-Clutch စနစ်ကို ထည့် ထားတာ တွေ့ရပြီး ဆီ တဂါလံကို မြို့တွင်းမှာ ၁၁ မိုင်နှုန်းနဲ့ အဝေးပြေး လမ်းတွေပေါ်မှာ ၁၈ မိုင် စီးနင်းနိုင်မယ် လို့ ဆိုပါတယ်။

အခု နောက်ဆုံးထုတ် မော်ဒယ်မှာ လေခွင်းစနစ် အပိုင်းမှာ F117 ပုံစံ လေခွင်း စနစ်တွေကို ထည့်သွင်း ဖန်တီးလာတာ တွေ့ရပြီး အရင်ကထက် ပိုမို မြန်ဆန်တဲ့ နှုန်းထားရဖို့ အတွက် အခုလို လေခွင်းစနစ် ကနေလည်း အကောင်းဆုံး အထောက်အပံ့ ရအောင် ဖန်တီးထားတာ တွေ့ရပါတယ်။

ဥပမာ အနေနဲ့ နောက်ဖက် လေထုတ်ပေါက်တွေဟာ တနာရီ မိုင် ၇၀ နှုန်းနဲ့ အထက် မောင်းနှင်နေချိန်တွေမှာ မော်ဒယ်ကို အောက်ဘက် မြေဆွဲအား ကောင်းပြီး လမ်းကြောင်းပေါ်မှာ ပိုမို တည်ငြိမ်မှု ရှိအောင် အကူအညီပေး ထောက်ပံ့ပေးလာတဲ့ ဖန်တီးမှုမျိုး တွေ့လာရပါတယ်။

ကိုယ်ထည်ပိုင်းမှာလည်း ပေါ့ပါးအောင် ကာဗွန်သားကို ဦးစားပေး ဖန်တီးထားပါတယ်။ ကာဗွန်သားကိုယ်ထည်၊ ကာဗွန်သား အလယ်ဘောင်၊ ကာဗွန် ဘရိတ်အုံလို ထည့်သွင်းထားတာတွေ တွေ့ရပါတယ်။



တောင်ပံပုံစံ တံခါးတွေ၊ ပါးလွှာ နိမ့်ပါးတဲ့ ကိုယ်ထည် ဖန်တီးမှုတွေ၊ ကာဗွန်ဖိုက်ဘာသား ထိုင်ခုံတွေ၊ သက်သောင့် သက်သာ ရှိစေမှုတွေ၊ လက်ကိုင်ဘီးနဲ့ အတူ တွဲဖက် တပ်ဆင်ထားတဲ့ ခလုတ်အထိုင်တွေ၊ အသံပိုင်း ကောင်းမွန်မှု တွေ၊ Ford ရဲ့ Sync 3 အမည်ရှိ နောက်ဆုံးထုတ် သတင်းအချက်အလက်ပြ စနစ်တွေ၊ ဂြိုလ်တု အခြေပြု မြေပုံတွေ၊ ရုပ်ထွက် ကောင်းကောင်းနဲ့ ပြသမျက်နှာပြင် စနစ်တွေက သဘောကျစရာပါ။

လက်ကိုင်စနစ်မှာလည်း ဘယ်ဘက် အဆုံးကနေ ညာအဆုံး အထိ၊ ဒါမှ မဟုတ် ညာဘက် အဆုံးကနေ ဘယ်ဘက် အဆုံးထိအောင် ၁ ဒသမ ၇ စက္ကန့် အတွင်းမှာပဲ အမြန်လှည့်ပြီး သုံးနိုင်လောက်အောင် သွက်ပါတယ်။ ပြိုင်ပွဲသုံး မော်ဒယ်နဲ့ စာရင်တော့ အတွင်းခန်း ပိုမို ကျယ်ဝန်းအောင် ဖန်တီး ထုတ်လုပ် လာဖို့ ရှိနေပြီး စွမ်းဆောင်ရည်ပိုင်းလည်း နည်းနည်း ထိန်းလာဖို့ ရှိနေပါတယ်။

ပြီးခဲ့တဲ့ ရက်ကတော့ မော်ဒယ်ကို ခရီးမိုင် ၃၅ မိုင် စမ်းသပ်မောင်းနှင်မှု လုပ်ခဲ့ကြပြီး Utah Motorsports Campus မှာ မီဒီယာတွေ စမ်းမောင်းခဲ့ကြတာပါ။ အားလုံးကတော့ စိတ်ကြိုက် မော်ဒယ် အဖြစ် သတ်မှတ်ခဲ့ပါတယ်။ ရောင်းဈေး ကတော့ တစီးကို ဒေါ်လာ ၄ သိန်းခွဲနဲ့ ရောင်းချတော့မှာ ဖြစ်ပြီး သယ်ဆောင် စရိတ် ဒေါ်လာ ၂၅၀၀ နဲ့ပါ ပူးတွဲ ကုန်ကျမှာပါ။

မော်ဒယ်ခွဲ ရွေးချယ်နိုင်မှုမှာတော့ 66 Heritage Edition နဲ့ Competition Series တွေ အဖြစ် ၂မျိုး ရနိုင်မှာပါ။ Ford အနေနဲ့ ကတော့ အမေရိကန် ပြင်ပ ဈေးကွက် ၁၀ နိုင်ငံမှာပဲ ရောင်းချသူ ၆၅၀၀ ထံကနေ အစီးရေ ၇၅၀ ပဲ ထုတ်လုပ် ရောင်းချလာဖို့ ရှိတယ် လို့ ဆိုပါတယ်။ ဈေးကွက် သုံးသပ်သူတွေကတော့ အခု မော်ဒယ် အနေနဲ့ အောင်မြင်မှု ကောင်းကောင်း ရနိုင်မယ်လို့ မျှော့်လင့်ထားကြောင်းနဲ့ မော်ဒယ်ကို အလှစီးနဲ့ စုဆောင်းသူတွေ အနေနဲ့ စိတ်ကြိုက် ဖြစ်ကြလိမ့်မယ် လို့ သုံးသပ်နေကြပါတယ်။

From : ဧရာဝတီ by လင်းထက် (IA)

Originally published at - https://burma.irrawaddy.com

Read More »

ကားမှာပါတဲ့ အသက်ကယ် လေအိတ်စနစ် အကြောင်း သိကောင်းစရာ




ဒီတပတ်မှာ မော်တော်ကား တွေမှာ တပ်ဆင် ပါရှိတဲ့ စနစ်တခု ဖြစ်တဲ့ Airbag လို့ ခေါ်တဲ့ အသက်ကယ် လေအိတ်စနစ် အကြောင်းကို ကျနော်က ပြန်ပြီး ဝေမျှ ပေးချင် ပါတယ်။

ဒီစနစ်ကို အင်္ဂလိပ် ဘာသာနဲ့ အဓိပ္ပာယ် ဖွင့်ဆို ထားတာက စက်ပစ္စည်းဆိုင်ရာ ဘေးကင်း လုံခြုံရေး စနစ်ရယ်လို့ ဖြစ်ပြီး သူက သတ်မှတ် ထားတဲ့ အရှိန်နဲ့ အထက် ရွေ့လျားနေတဲ့ စက်၊ ယာဉ်တခုကို ရုတ်တရက် ရပ်တန့် လိုက်တာမျိုး ဒါမှမဟုတ် ရပ် တန့်စေနိုင် လောက်အောင် တစုံတရာနဲ့ ဆောင့်မိ တိုက်မိ တာမျိုး ဖြစ်ပေါ်တဲ့ အခါတွေမှာ အလို အလျောက် စနစ်က စတင် အသက်ဝင် လှုပ်ရှား တော့မှာ ဖြစ်ပါတယ်။

သူ့ရဲ့စနစ်မှာ အလျော့ အတင်း၊ အကွေး အဆန့် လုပ်နိုင်တဲ့ လေအိတ်တွေကို အဓိက အခြေခံထားပြီး ထုတ်လုပ် ဖန်တီး ထားတာ ဖြစ်ပါတယ်။

တကယ်လို့ အထက်မှာ ကျနော်ပြောခဲ့သလို စနစ်မှာ သတ်မှတ်ထားတဲ့အရှိန်နဲ့အထက် သွားလာမောင်းနှင်နေတဲ့ ကား တစီးဟာ ရုတ်တရက် ရပ်တန့် လိုက် ရပြီဆိုရင် အလိုအလျောက် လေအိတ်တွေ ပွင့်လာမှာ ဖြစ်သလို အဲဒီလေအိတ်တွေ ထဲကို ပြင်ပက လေတွေ ချက်ချင်း ဝင်ရောက် ပြည့်ဝ သွားစေအောင် ဖန်တီး ထားတာ ဖြစ်ပါတယ်။

သတ်မှတ်ထားတဲ့ အရှိန်ဆိုတာကလည်း စက် ဒါမှမဟုတ် မော်တော်ကားကို မောင်းနှင်နေသူအပါအဝင် လိုက်ပါနေသူတွေ အားလုံးအတွက် ရုတ်တရက် ရပ်တန့်လိုက်မှုကြောင့် ယာဉ်အတွင်းပိုင်းတစုံတရာနဲ့ ခိုက်မိ ဒဏ်ရာရစေနိုင်လောက်တဲ့ အရှိန် ဒါမှမဟုတ် ပြင်ပကို လွင့်စင်ခိုက်မိစေနိုင်လောက်တဲ့ ပျမ်းမျှအရှိန်ကို ဆိုလိုတာ ဖြစ်ပါတယ်။

ကနဦး အသက်ကယ်လေအိတ်စနစ်တွေက ယာဉ်မောင်းသူအတွက်လောက်သာ ထည့်သွင်းတည်ဆောက်ခဲ့ကြတာတွေ့ ရ ပေမယ့် နောက်ပိုင်းမှာတော့ ယာဉ်ပေါ်မှာပါရှိတဲ့ ခရီးသည်အကုန်လုံးအတွက် အသက်ကယ်လေအိတ်တလုံးစီ ဖြစ်စေ၊ စု ပေါင်းအသက်ကယ်လေအိတ်စနစ်တွေ ဖြစ်စေ သီးသန့်စီ တပ်ဆင်ထည့်သွင်းလာကြပါတယ်။

အဲဒီလို ယာဉ်တစီးမှာ အသက်ကယ်လေအိတ်စနစ်တွေ အများအပြား တပ်ဆင်လာကြတဲ့အခါ ပုံသေပုံစံ တပ်ဆင်တာမျိုး တွေဘဲ ကုမ္ပဏီ ကွဲပြားရင် ကွဲပြားသလို တပ်ဆင်တဲ့စနစ်၊ တပ်ဆင်တဲ့နေရာ အပါအဝင် အာရုံခံစနစ် အလုပ်လုပ်ပုံတွေ တောင်မှ ကွဲပြားတာ တွေ့ရတတ်ပါတယ်။

ဒါပေမယ့် တူညီစွာ လုပ်ဆောင်တတ်တဲ့အချက်တချက်တော့ ရှိပါတယ်။ အဲဒါကတော့ အသက်ကယ်လေအိတ်စနစ်တိုင်း ဟာ ရှေ့ဘက်တိုက်ခိုက် ရပ်တန့်မှုတွေအတွက်ပဲ ထုတ်လုပ်ထားတာ တွေ့ရခြင်း ဖြစ်ပါတယ်။

ခြွင်းချက်အနေနဲ့တော့ အချို့သောကားတွေမှာ ဘေးဘက် တိုက်ခိုက်ပျက်စီးမှုတွေအတွက်ပါ အသက်ကယ်လေအိတ်စ နစ်ကို တပ်ဆင်ထည့်သွင်းထားတာ တွေ့ရပါတယ်။

သူ့ရဲ့သမိုင်းကြောင်းကို ပြောပါဆိုရင်တော့ ၁၉၇၀ ပြည့်လွန်နှစ်တွေလောက်ကစပြီး ခရီးသည်တင်မော်တော်ယာဉ်တွေမှာ ဒီစနစ်ကို စတင် စမ်းသပ်တပ်ဆင် ထုတ်လုပ်ခဲ့တာ ဖြစ်ပြီးတော့ ပြီးပြည့်စုံတဲ့စနစ်အဖြစ်တော့ အသက်မဝင်ခဲ့ပါဘူး။

နောက်ပိုင်း ၁၉၈၀နဲ့ ၁၉၉၀ ပြည့်လွန်နှစ်တွေ ရောက်မှ အသက်ကယ်လေအိတ်စနစ်တွေကားတွေမှာ တပ်ဆင်တာ ခေတ် စားလာပြီး အရင်ဆုံး တပ်ဆင် မှုတွေမှာ ပြောခဲ့ပြီးသလို ယာဉ်မောင်းတယောက်တည်းအတွက် အသက်ကယ်လေအိတ် စနစ် တပ်ဆင်ရာကနေ နောက်ပိုင်း ရှေ့ဘက်ထိုင်ခုံတတန်းစာ အသက်ကယ်လေအိတ်စနစ်တွေ တပ်ဆင်လာခဲ့ပါတယ်။

လက်ရှိ အချိန်ထိတော့ မော်ဒယ်မြင့်ကားတစီးအတွက် အသက်ကယ်လေအိတ်စနစ် တပ်ဆင်မှုတွေက အနည်းဆုံး လေ အိတ်လေးလုံးကနေ ပိုမို များပြားတဲ့ ပမာဏလောက်ထိအောင် မော်ဒယ်အပေါ်လိုက်ပြီး တပ်ဆင်လာတာ တွေ့ရပါတယ်။

အသက်ကယ် လေအိတ်စနစ် Airbag ရယ်လို့ သတ်သတ်မှတ်မှတ် မခေါ်သေးချိန်က ဒီစနစ်ကို အမည်နာမတွေ တော် တော်များများ ပေးပြီး ခေါ်ခဲ့ ပါသေးတယ်။ အလွယ်ပြောရရင် General Motors က ၁၉၇၀ ပြည့်နှစ်မှာ ဖန်တီး ထုတ်လုပ်ခဲ့ တဲ့ သူ့ရဲ့ပထမဆုံး အသက်ကယ်လေအိတ်စနစ်ကို Air Cushion Restraint System (ACRS)လို့ ခေါ်ခဲ့သေးတာကိုပဲ ကြည့်ရင် သိနိုင်ပါတယ်။

ဒီစနစ်ဟာ ကိုယ်သိုင်းခါးပတ်ကြိုးစနစ်ရဲ့ နောက်မှ ပေါ်ထွက်လာတဲ့စနစ် ဖြစ်ပြီးတော့ ကြီးမားတဲ့ ယာဉ်မတော်တဆမှု ဖြစ်ပေါ်တဲ့ အခါတွေမှာ ကိုယ်သိုင်းခါးပတ်တွေရဲ့အထိန်းအသိမ်းလောက်နဲ့ မလုံလောက်တော့ဘူးဆိုတာကို သိလာတဲ့ နောက်ပိုင်း အာရုံခံစနစ်တခုနဲ့ ချိတ်ဆက် လုပ်ဆောင်နိုင်မယ့်စနစ်တခုကို ဖန်တီးရင်းကနေ ပေါ်ပေါက်လာတာ ဖြစ်ပါ တယ်။

နောက်ထပ် ဒီစနစ်ကို ဖန်တီးရခြင်းရဲ့နောက်ထက် ရည်ရွယ်ချက်တခုက ကိုယ်သိုင်းခါးပတ်ကြိုးတွေကို အစားထိုး တပ် ဆင်ဖို့ ဖြစ်ပြီး မော်တော်ယာဉ် မောင်းသူတိုင်းဟာ ကိုယ်သိုင်းခါးပတ်ပတ်ဖို့ မေ့လျော့ကြတာကြောင့်နဲ့ မပတ်ချင်ကြတာ တွေကြောင့် ဒီစနစ်နဲ့ အစားထိုးပြီး ကိုယ်သိုင်းခါးပတ်စနစ်ကို ဖယ်ထုတ်ဖို့ ရည်ရွယ်ထားခဲ့တာ ဖြစ်ပါတယ်။

ဒါပေမယ့် တကယ်တမ်း စမ်းသပ်လုပ်ဆောင်မှုတွေမှာ အသက်ကယ်လေအိတ်စနစ်ကလည်း ရာနှုန်းပြည့် ကောင်းမွန် အောင် ကာကွယ်နိုင်တဲ့ စနစ်တခု ဖြစ်မလာသေးသလို ကိုယ်သိုင်း ခါးပတ်စနစ်ကလည်း သူလိုလိုပါပဲ။ ဒါကြောင့် လက်ရှိ အချိန်အထိ အသက်ကယ်လေအိတ်စနစ်နဲ့ ကိုယ်သိုင်း ခါးပတ်စနစ်တွေက ကျွန်းကိုင်းမီ၊ ကိုင်းကျွန်းမီ ဖြစ်နေရသေးတာ ပါ။

နောက်ပိုင်းမှာ တပ်ဆင်လာတဲ့ အသက်ကယ်လေအိတ်စနစ်တွေက ဘယ်လောက်ထိအောင် များပြား စေ့စပ်လာလဲဆိုရင် မော်တော်ယာဉ်အတွင်းမှာ ထိုင်နေတဲ့ ခရီးသည် တယောက်အတွက် သွေးထွက်ဒဏ်ရာ တခုခုရစေနိုင်လောက်အောင် မာကျောတဲ့အရာတွေမှန်သျှကို ဖုံးလွှမ်းပေး ထားနိုင် လောက်အောင်၊ ဒါမှမဟုတ် အဲဒီလို မာကျောတဲ့နေရာတွေဆီကို ခရီး သည် လွင့်စင်ရောက်ရှိ မသွားအောင် ထိန်းချုပ် ထားနိုင်လောက်အောင်ပါပဲ။

နောက်ဆုံး ကျနော် ပြောပြချင်တာကတော့ အဓိက အသက်ကယ်လေအိတ်စနစ်နှစ်မျိုး အကြောင်းပဲ ဖြစ်ပါတယ်။ သူတို့ ကတော့ Side Torso စနစ်နဲ့ Side Curtain စနစ်တွေ ဖြစ်ပါတယ်။ ပထမစနစ်ကို ပြောရရင် တင်ပါးဆုံရိုးနဲ့ ဝမ်းဗိုက် အောက်ပိုင်းလို နေရာတွေကို ထိခိုက်ဒဏ်ရာရခြင်းက ကာကွယ်ပေးနိုင်အောင် တပ်ဆင်တာ ဖြစ်ပြီးတော့ ဒီစနစ်မှာလေ အိတ်ခန်းနှစ်ခန်း ပါဝင်တာ တွေ့ရပါတယ်။

အောက်ဘက်လေအိတ်ခန်းကတော့ အနည်းငယ် မာကျောတင်းမာမှာ ဖြစ်ပြီး တင်ပါးဆုံရိုးကို ဖိညှပ်ထိန်းချုပ်ထားနိုင် အောင် ရည်ရွယ်တာကြောင့်ဖြစ်ပြီး အပေါ်ဘက်လေအိတ်ကတော့ ဝမ်းဗိုက်ပိုင်းကို ညှပ်ထားမှာ ဖြစ်တာကြောင့် နူးညံ့ ပျော့ပျောင်းပါလိမ့်မယ်။

ဒုတိယစနစ်ကတော့ ဦးခေါင်းပိုင်းဆိုင်ရာ အသက်ကယ်လေအိတ်စနစ်ဖြစ်ပြီးတော့ Head Protection System(HPS)ရဲ့ ပြီးပြည့်စုံတဲ့စနစ်ပါ။ ဒီစနစ်ရဲ့ ပုံစံက ပြွန်ပုံစံတည်ဆောက်ပုံ ရှိပြီးတော့ ဘေးဘက်ထိန်းချုပ်မှုပုံစံနဲ့လည်း တပ်ဆင်ထုတ်လုပ် တတ်တာ တွေ့ရပါတယ်။

နောက်ထပ် ထည့်သွင်းတပ်ဆင်တတ်သေးတဲ့ အသက်ကယ်လေအိတ်စနစ်တွေက Knee Airbag နဲ့ Rear Curtain Airbag တွေ ဖြစ်ပါတယ်။

From : ဧရာဝတီ by လင်းထက် (IA)

Originally published at - https://burma.irrawaddy.com/business/2017/05/20/135093.html

Read More »

Friday, May 12, 2017

ရွေးချယ်နိုင်စရာ မော်ဒယ် အများအပြား ရှိလာတဲ့ Audi A4




ဂျာမနီ အခြေစိုက် ကား ကုမ္ပဏီတွေ ကတော့ ၂၀၂၀ ခုနှစ် နောက်ပိုင်းမှာ ကား လောကရဲ့ဘုရင်တွေ ဖြစ်လာ တော့မလား ဆိုတာ စောင့်ကြည့် ချင်စရာပါ။ Audi, BMW နဲ့ Mercedes တွေရဲ့ ဈေးကွက် ပိုင်ဆိုင်လာမှုက နိုင်ငံတကာမှာ နှစ်စဉ် မြင့်တက် လာနေ တာပါ။

ဂျပန် အခြေစိုက် Toyota လို အမှတ် တံဆိပ်ရဲ့ ကမ္ဘာ့ ကားအစီးရေ အများဆုံး ရောင်းချ ရသူ နေရာကိုတောင် ဂျာမနီ အခြေ စိုက် VW Groupက အနီးကပ်ဆုံး ယှဉ်ပြိုင် လာနိုင်မှုက စိတ်ဝင်စားဖို့ ကောင်းလာ ပါတယ်။

အခုလည်း ပြည်တွင်းမှာ BMW နဲ့ Mercedes တွေ တရားဝင် ရောင်းနေကြသလို လူကြိုက်လည်း များပြီး နာမည်ကျော် Audi ကတော့ မလာသေးပေမယ့် သူ့ရဲ့ မော်ဒယ်တွေ Used အဖြစ်နဲ့ နောက်ပိုင်းမှာ ဈေးကွက်ဝင်မှု ပိုပြီး များလာတာ တွေ့ရပါတယ်။

အခု သူ့ရဲ့မော်ဒယ်တွေထဲကတခု ဖြစ်တဲ့ A4 နဲ့ မိတ်ဆက်ပေးချင်ပါတယ်။ အရင်ကတော့ A4 တစီးဝင်လာရင် အဆိုပါ တ စီးပဲ ရနိုင်ပါတယ်။ အခုတော့ A4 ကို ထုတ်လုပ်နှစ် အစုံ၊ အရောင်စုံ၊ မော်ဒယ်ခွဲအစုံ ပုံစံနဲ့ အများအပြား ရနိုင်လာတာ တွေ့ ရပါတယ်။ တပိုင်တနိုင် ကားပွဲစားတန်းမှာရော ကားအရောင်းပြခန်းနဲ့ စင်တာတွေမှာပါ A4တွေ မြင်လာရပါတယ်။

အင်ဂျင်စနစ်က ၁.၈လီတာသုံးပါ။ ဇိမ်ခံ မော်ဒယ်တခုအတွက် အသေးဆုံး အင်ဂျင် အရွယ်ပါ။ ဒီအင်ဂျင်က မြို့တွင်း သုံး အတွက်လည်း ဆီစား မများစေဘူး။ ခရီးဝေးလည်း စိတ်ကြိုက် မောင်းနှင်နိုင်မယ်၊ လူငယ်တယောက်ရဲ့လက်ထဲရောက် သွားရင်လည်း Sport ပုံစံ ဆီဒင် ဖြစ်လို့ နောက်ဘက် Wing တွေ တပ်၊ Sticker တွေ ကပ်လိုက်ရင် ပြိုင်ကားတစီးအသွင် ရနိုင်သေးတယ်။

အင်ဂျင်စနစ်က စွမ်းဆောင်ရည် ကောင်းမွန်လို့ Subaruနဲ့ Mazdaတွေရဲ့ ပြိုင်ကား မော်ဒယ်တွေကို ကောင်းကောင်း ယှဉ် မောင်းနိုင်မယ်။ Audi ရဲ့ အမှတ်တံဆိပ်က ဂုဏ်ပုဒ်တခုကို ကောင်းကောင်း ပြသနိုင်လို့ ပွဲတက်မော်ဒယ်အဖြစ်ဆိုရင် လည်း အံဝင်မှာပါ။ အဖက်ဖက်ကနေ ပြည့်စုံ ကောင်းမွန်တဲ့မော်ဒယ်လို့ ဆိုရပါလိမ့်မယ်။

ခရီးသည် ၅ယောက်ထိအောင် လိုက်ပါ စီးနင်းနိုင်တယ်။ ထိုင်ခုံနဲ့ အတွင်းခန်းကို သားရေသား ဖန်တီးမှုနဲ့ လာတယ်။ မူလ TV၊ နည်းပညာ အသုံးပြုနိုင်မှု လွယ်တယ်၊ ကောင်းမွန်တယ်၊ ခလုတ်ထည့်သွင်းထားမှု ရိုးရှင်းလို့ အလွယ်တကူ အသားကျ မြန်စေမယ်။

နောက်ဘက် ရိုက်ကူး ကင်မရာစနစ်ပါရှိတယ်၊ ပြီးတော့ ပတ်လည် အာရုံခံစနစ်၊ သူက တခြားကားတစီး အနီးရောက်လာ ရင် ဖြစ်စေ၊ မိမိကား အခြား ကား၊ အရာတခုခုနဲ့ နီးကပ်လာရင် ဖြစ်စေ သတိပေးမယ်။ LED Day Light က မော်ဒယ်မြင့် ဆိုတာ သိသာစေတယ်။ Power Steering စနစ်ပါမယ်။ Stability Control လည်းပါမယ်။

ဘီးတွေက Alloy သားတွေ၊ DVD ပါမယ်။ အချို့ မော်ဒယ်တွေမှာ Sunroof ပါရှိပြီး မြင်ကွင်းကျယ်ပုံစံ ထည့်ထားတယ်။ ရန်ကုန်လိုင်စင်အနေနဲ့ ရနိုင်တာများပြီး နယ်လိုင်စင်ဆိုရင်လည်း ဈေးနည်းနည်း အလျော့ဘက်မှာ ရှိချင်တယ်။

ပြည်တွင်းမှာ အနိမ့်ဆုံး ၂၀၀၇ခုနှစ်ထုတ် A4လောက်ကနေ ၂၀၁၂ခုနှစ်ထုတ် မော်ဒယ်တွေထိအောင် အများအပြား တွေ့ လာ၊ ရနိုင်လာပါတယ်။ အရောင်ကတော့ အရင် အဖြူပဲ အဝင်များပေမယ့် အခုတော့ အနက်နဲ့ ပုလဲနှစ်ရောင်တွေပါ ရနိုင် လာပါတယ်။

ဈေးနှုန်းပိုင်းမှာက ၂၀၁၀ခုနှစ်နဲ့ အောက်ဘက်ဆိုရင်တော့ အဖြူ၊ အနက်၊ ရန်ကုန်လိုင်စင်ကို သိန်း ၆၅၀ အခေါ်ရှိပြီး နယ် လိုင်စင်က ဈေးနည်းနည်း လျော့ပါတယ်။

၂၀၁၁ ခုနှစ်နဲ့ နောက်ပိုင်းထုတ်ဆိုရင်တော့ အရောင်ထက် မောင်းနှင်ပြီး ကီလိုနဲ့ လိုင်စင်အပေါ်ကို မူတည်ပြီး သိန်း ၈၀၀ ကနေ အထက် ရှိနိုင်ပါတယ်။ ပျမ်းမျှ A4 တွေက မော်ဒယ်နိမ့်သည် ဖြစ်စေ မြင့်သည် ဖြစ်စေ ကီလို ၅ သောင်းဝန်းကျင်မှာ ဈေးမာပေမယ့် အဆိုပါကီလိုထက် များရင်တော့ ဈေးက အလျော့ဘက် ရှိချင်ပါတယ်။

From : ဧရာဝတီ by လင်းထက် (IA)

Originally published at - https://burma.irrawaddy.com

Read More »

Monday, May 08, 2017

လျှပ်စစ်ကား ဈေးကွက်ထဲ ဝင်ရောက်လာတဲ့ 2017 Honda Clarity




ပြည်တွင်း အနေ အထား မှာတော့ လျှပ်စစ်ကား အသုံးပြုမှုက တော်တော်လေး နည်းပါး သေးတယ်။ Used တွေ အဖြစ်နဲ့ ဝင်လာကြပြီး မြို့တွင်းသုံး သီးသန့် အနေနဲ့ သုံးချင် သူတွေပဲ လျှပ်စစ်ကား ဝယ်ကြပြီး အများစု ကတော့ ဆီစားနှုန်း သက်သာ ချင်ရင်တောင် Hybrid မော်ဒယ်ကိုပဲ ရွေးချယ် ကြပါတယ်။

အကြောင်းရင်းကတော့ ခရီးဝေး စိတ်ကြိုက် မောင်းနှင်နိုင်မှု မရှိလို့ပါ။ ဒါပေမယ့် တဖြည်းဖြည်း တွင်ကျယ်လာနေတဲ့ အနေ အထား မှာတော့ အရင်က ပုံမှန် အင်ဂျင်တပ် မော်ဒယ်တွေ လူစီးများ နေရာ ကနေ အခုဆို Hybird တွေကို နှစ်သက် လာကြ ပါပြီ။

မကြာခင်မှာလည်း လျှပ်စစ်ကားတွေကို ရွေးချယ်လာကြဖို့ ရှိနေတာပါ။ အခုတော့ နိုင်ငံတကာဈေးကွက်မှာ Hondaရဲ့ လျှပ်စစ်ကားဈေးကွက်နေရာ ပိုင်ဆိုင်မှု အတွက် ထုတ်လုပ်ရောင်းချလာတဲ့ မော်ဒယ် Clarity အကြောင်း နည်းနည်းပြော ပြချင်ပါတယ်။

စိတ်ကြိုက်ဖြစ်မိတာကတော့ စွမ်းအင်အတွက် အဓိက လိုအပ်တဲ့ ရေကို ၃ မိနစ်ကနေ ၅ မိနစ်အတွင်း ပြန်ဖြည့်နိုင်မယ်။ အားသွင်း လျှပ်စစ်ကားတွေမှာတော့ အားပြန်သွင်းဖို့ အနည်းဆုံး အချိန် နာရီနဲ့ ချီပြီး ကြာနိုင်ပါတယ်။

အားသွင်းကားတွေထက် ခရီးမိုင် ၃၅၀ကျော် တဆက်တည်း ရောက်နိုင်ပါတယ်။ ဆီဖိုးကုန်ကျမှု လုံးဝ မရှိတော့ပါဘူး။ ဒါ ပေမယ့် ဟိုက်ဒရိုဂျင် စွမ်းအင်ထုတ်ပေးမှုစနစ်က အကောင်းဆုံး မဟုတ်သေးပါဘူး။ ပြီးတော့ ကားအတွင်းခန်း သတင်း အချက်အလက်ပြစနစ်မှာလည်း လိုအပ်ချက် ရှိနေသေးလို့ပါ။

ဒီမော်ဒယ်က ရှေ့ဘီးယက်စနစ်နဲ့ပါ၊ လေထဲက အောက်ဆီဂျင်နဲ့ လျှပ်စစ်နဲ့ ပေါင်းပြီး လိုအပ်တဲ့စွမ်းအင်ကို ထုတ်လုပ်ပေး မယ့် လျှပ်စစ်အင်ဂျင်ကို တပ်ဆင်ထားတာပါ။ ရေကိုလည်း စွမ်းအင်ထုတ်လုပ်မှုအတွက် အကူအဖြစ် ရယူသုံးပါတယ်။

မော်ဒယ်ခွဲအနေနဲ့ ရွေးချယ်နိုင်စရာ မရှိပါဘူး။ လျှပ်စစ်အင်ဂျင်က ရုန်းအား ၂၂၁ ပေါင်-ပေ ထိအောင် ရှိပြီး စွမ်းအင်အနေ နဲ့တော့ မြင်းကောင်ရေ ၁၇၄ ကောင်အား ထုတ်လုပ်ပေးနိုင်မှာပါ။ ဂီယာပိုင်းမှာ CVT ပုံစံပါ။ Hydrogen ကို အဓိကထည့် သွင်းရေကနေ ရယူပြီး အဓိက အသုံးပြုလည်ပတ်မှာပါ။

ရေတိုင်ကီထဲကို ရေ မပြည့်ဘဲ ထည့်သွင်းစီးနင်းမယ်ဆိုရင် ခရီးမိုင် ၃၆၆ မိုင်အတွက် လုံလောက်မယ့် ဟိုက်ဒရိုဂျင် ထုတ် ပေးနိုင်မှာလည်း ဖြစ်ပါတယ်။ ကာဗွန်ဒိုင်အောက်ဆိုဒ်ထုတ်လွှတ်မှု လုံးဝ မရှိပါဘူး။

ကိုယ်ထည်ပိုင်း ပေါ့ပါးအောင် ဖန်တီးထားပြီး သူလည်း မြို့တွင်းသုံးမော်ဒယ်အနေနဲ့ ထွက်ရှိလာတာပဲ ဖြစ်ပါတယ်။ အခြား လျှပ်စစ်ကားတွေနဲ့ မတူတာက ပုံမှန် လျှပ်စစ်ကားတွေက ဘက်ထရီကို အားဖြည့်၊ အဆိုပါ ဘက်ထရီနဲ့ မောင်းနှင်ပြီး အား ကုန်ရင် ပြန်သွင်းဖို့ လိုအပ်တာ ဖြစ်ပေမယ့် အခု မော်ဒယ်ကတော့ စွမ်းအင် ထုတ်ပေးဖို့ လျှပ်စစ်အင်ဂျင်ပါတယ်။

အဆိုပါလျှပ်စစ်အင်ဂျင်ကနေ လိုအပ်တဲ့လျှပ်စစ်ကို ထုတ်ပေးဖို့ ရေတိုင်ကီထဲက ရေကို သုံးပြီး ဟိုက်ဒရိုဂျင်စွမ်းအင်က နေ လျှပ်စစ်ပုံစံ ပြောင်းလဲ ရယူခြင်းဖြစ်ပါတယ်။ ထွက်ရှိ လျှပ်စစ်အားကို သိမ်းဆည်းဖို့ Lit-ion ဘက်ထရီကိုလည်း ထည့်ထား ပါတယ်။ ကိုယ်ထည်ကို ပေါ့ပါးအောင် အမိုးသားမှာ အလူမီနီယမ်နဲ့ ဖန်တီးထားတာပါ။

စွမ်းဆောင်ရည် ဦးစားပေးမော်ဒယ်မဟုတ်ပေမယ့် အမြန်နှုန်း မြှင့်တင်မောင်းနှင်နိုင်မှုက တနာရီ မိုင် ၆၀နှုန်းကို ၈.၄ စက္ကန့် ပဲ ယူပါတယ်။ အဆိုပါ အမြန်နှုန်းကနေ ရပ်တန့်မယ်ဆိုရင်တော့ အကွာအဝေး ၁၂၉ ပေမှာ ရပ်တန့်မှာပါ။ အမြန်ဆုံး မောင်း နှင်နိုင်မှုကတော့ တနာရီ ၁၀၅ မိုင်ပါ။

ပြည်တွင်းမှာတော့ အားသွင်းမှုပုံစံနဲ့ လျှပ်စစ်ကားတွေပဲ ရှိနေသေးပြီး Mitsubishi i-MiEV ဆိုရင် ၂၀၁၀ ခုနှစ်ထုတ် မော် ဒယ်လောက်ကို ဈေးနှုန်းသိန်း ၉၀ ဝန်းကျင်၊ Nissan Leaf ဆိုရင် ၂၀၁၁-၁၂ခုနှစ် ဝန်းကျင်ထုတ်မော်ဒယ်တွေကို သိန်း ၁၂၀ ကနေ ၁၅၅ သိန်းအတွင်းနဲ့ ကားအရောင်းပြခန်းနဲ့ စင်တာတွေမှာ ရနိုင်ပါတယ်။

တပိုင်တနိုင် ကားပွဲစားတန်းတွေမှာ လျှပ်စစ်မော်ဒယ်တွေ ရနိုင်ပေမယ့် နောက်ပိုင်းအပိုပစ္စည်းနဲ့ ဝန်ဆောင်မှု အားနည်းလို့ သိပ်အားမပေးချင်ပါဘူး။

Honda အနေနဲ့ကတော့ ဈေးကွက်မှာ နေရာရဖို့ အခုမှ ကြိုးစားလာတာဖြစ်သလို Brand New အနေနဲ့ မတွင်ကျယ်သေး တဲ့ ပြည်တွင်းဈေးကွက်အနေအထားမှာ Clarity တွေ ရောက်လာဖို့ မလွယ်သေးပေမယ့် နိုင်ငံတကာဈေးကွက်မှာတော့ ၂၀၁၇ခုနှစ်ထုတ်မော်ဒယ်ကို ဒေါ်လာ ၅၉၃၆၅ နဲ့ ရောင်းချနေတာ တွေ့ရပါတယ်။

Ref: www.edmunds.com

From : ဧရာဝတီ by လင်းထက် (IA)

Originally published at - https://burma.irrawaddy.com/business/2017/05/08/134421.html

Read More »

Friday, May 05, 2017

2017ထုတ် အဆင့်မြင့် ဇိမ်ခံပြိုင်ကား McLaren 570S




အခု ပြောပြမယ့် မော်ဒယ် ကတော့ နိုင်ငံ တကာ အဆင့်မြင့် ဇိမ်ခံ ပြိုင်ကား ဈေးကွက်မှာရော နာမည်ကြီး ကားပြိုင်ပွဲတွေ မှာပါ အောင်မြင်မှု ရနေတဲ့ မော်ဒယ် McLaren 570S အကြောင်းပဲ ဖြစ်ပါတယ်။

ပြည်တွင်း မှာတော့ McLaren အစီးရေ အနည်းငယ် လောက်ပဲ ရှိမှာ ဖြစ်ပြီး အိမ်စီး မော်ဒယ်လည်း မဟုတ်၊ လက်ရှိ ပြည် တွင်းမှာလည်း ဈေးကွက် ဝင်နေတဲ့ မော်ဒယ် မဟုတ်လို့ စိတ်တော့ မခုကြပါနဲ့။

ကျနော်က အခု မော်ဒယ် အကြောင်းကို ပြောရင်း နာမည်ကြီး ပြိုင်ကားတွေ အကြောင်း သိထားရအောင် ဗဟုသုတပေးဖို့ ရေးပေး လိုက်တာပါ။

တံခါးနှစ်ပေါက်စနစ်နဲ့ မော်ဒယ်၊ Supercar တန်းဝင်အဖြစ် သတ်မှတ်နိုင်တယ်၊ ဒီနေ့ ဈေးကွက်ဝင် ပြိုင်ကားတွေထဲမှာ က မ္ဘာ့အမြန်ဆုံး စာရင်းဝင် မော်ဒယ် တခု၊ ကိုယ်ထည်သေးငယ် ကျစ်လစ်တယ်၊ တပ်ဆင်ထားတဲ့ Twin-Turbo စနစ်နဲ့ V8 အင်ဂျင်က စွမ်းအင်ထုတ်လုပ်ပေးနိုင်မှုထက် ပိုမို ကောင်းမွန်တဲ့ စွမ်းဆောင်ရည်ကို ပြသနိုင်တယ်။

Dual-Clutch စနစ်နဲ့ ဖန်တီးထားပြီး ဂီယာချက် ၇ ချက်ထိအောင် သုံးနိုင်မယ်၊ တချို့က ဇိမ်ခံမော်ဒယ်ဆိုရင် Auto မှ သ ဘောကျတယ်၊ အကြောင်းက မောင်းနှင်ရလွယ်ပြီး clutch စနစ် သုံးစရာ မလိုအပ်လို့၊ တချို့က ကားမောင်းတဲ့ အရသာ စစ်စစ် လိုချင်လို့ Manual စနစ်နဲ့ မော်ဒယ်ကိုမှ သဘောကျတယ်။

အခု Dual-clutch စနစ်ကတော့ အလယ်အလတ်ကျကျ နှစ်မျိုးသုံးစနစ် ဖြစ်လို့ အကောင်းဆုံးပါပဲ။ လက်ကိုင်ပိုင်း အထူး ပေါ့ပါးတယ်။ တည်ငြိမ်မှု အပြည့်ရှိတယ်၊ ပြီးတော့ မောင်းနှင်ရမှု အပိုင်းမှာ အများစုသော Supercar တွေက ချက်ချင်း အသားကျဖို့ ခက်ကြတယ်။

အကြောင်းကတော့ နည်းပညာ ထည့်သွင်းပါရှိမှု၊ မော်ဒယ်ရဲ့စွမ်းဆောင်ရည်နဲ့ မောင်းနှင်သူနဲ့ အသားကျမှုတွေကြောင့်ပါ။ အခုတော့ မော်ဒယ်က မောင်းနှင်ရလွယ်၊ နည်းပညာတွေ သုံးရလွယ်ပြီး ချက်ချင်း အသားကျ မောင်းနှင်လို့ ကောင်းစေ မယ့်မော်ဒယ်ပါ။

Touch စနစ်နဲ့ သွားတဲ့ ထိန်းချုပ်မျက်နှာပြင်စနစ်က နည်းနည်း သေးချင်နေပါတယ်။ ကံကောင်းတာ တခုက အဆိုပါစနစ် ကို လဲလှယ်နိုင်ပါတယ်။ Dashboard ပိုင်း ပြန်ထွင်ထည့်ရမှာ ဖြစ်လို့ နဂိုစနစ်လောက် ကြည့်မကောင်းပေမယ့် သင့်စိတ် ကြိုက်ပြင်လို့ရမယ့် အနေအထားပါ။

မော်ဒယ်မှာ သဘောမကျချင်တာ တခုတော့ ရှိပါတယ်။ ဆူညံသံပေးခြင်းပါပဲ၊ လမ်းကြောင့်ရော တာယာက တုန်ခါမှု ကြောင့်ရော ထွက်လာတဲ့ ဆူညံသံပေးမှုက ပြိုင်ဘက် မော်ဒယ်တွေထက် ပိုချင်နေပါတယ်။ အခုနှစ် မော်ဒယ်က ၂၀၁၆ မော်ဒယ်အတိုင်းနီးပါး ထုတ်လုပ်လာတာ ဖြစ်ပြီး ကြီးမားတဲ့ ပြင်ဆင်ဖန်တီးလာမှု မတွေ့ရပါဘူး။

အင်ဂျင်စနစ်က ၃.၈ လီတာသုံး Twin-Turbo စနစ်နဲ့ V8 အင်ဂျင် ဖြစ်ပြီးတော့ သူက ရုန်းအား ၄၄၃ပေါင်-ပေမှာ မြင်း ကောင်ရေ ၅၆၂ ကောင်အားထိအောင် ထွက်ရှိမှာပါ။

ရှေ့ဘီးတွေက ၁၉လက်မ၊ နောက်ဘီးတွေက ၂၀ လက်မရှိမယ်၊ အပေါ့စား ကာဗွန်ဖိုက်ဘာ ဦးစားပေး ကိုယ်ထည် ဖန်တီး မှုမျိုးနဲ့ လာတယ်၊ McLaren Brake Steer စနစ်ထည့်ထားပြီး ဒီစနစ်က လက်ကိုင်နဲ့ ဘရိတ်ကို တွဲဖက်ထားပြီး လားရာ ပြောင်းလဲမှု အရ ဘရိတ်က လိုအပ်သလို အလိုအလျောက် ဝင်ထိန်းပေးမှာ ဖြစ်ပါတယ်။
Stop-Start စနစ်ပါမယ်၊ ဂြိုလ်တု အခြေပြု မြေပုံစနစ်ရမယ်၊ Keyless စနစ် သုံးနိုင်မယ်၊ Bluetooth နဲ့ ချိတ်နိုင်မယ်၊ USB ပေါက်ထည့်ထားတယ်၊ HD Radio စနစ် သုံးနိုင်မယ်၊ Wi-Fi လည်း လွှင့်နိုင်သေးတယ်၊ Speaker ၁၂လုံး ထည့်ထားတယ်၊ နောက်ဘက် ရိုက်ကူးကင်မရာ ပါရှိတယ်။

အမြန်နှုန်း မြှင့်တင်မောင်းနှင်နိုင်မှုက တနာရီ မိုင် ၆၀နှုန်းကို အချိန် ၂.၉ စက္ကန့်တည်းနဲ့ ရောက်နိုင်ပြီး အမြန်ဆုံးနှုန်းတခု ပါပဲ။

ဘရိတ်ပိုင်းကလည်း အဆိုပါ အမြန်နှုန်းကနေ ရပ်တန့်မယ်ဆိုရင် ၉၅ပဲ ယူမှာ ဖြစ်ပြီး လက်ရှိဈေးကွက်ဝင်မော်ဒယ်တွေထဲ မှာ အကောင်းဆုံး ဘရိတ်စွမ်းဆောင်ရည်စနစ်ပါ။ တနာရီ အမြန်ဆုံးနှုန်းအနေနဲ့ ၂၀၂ မိုင်ထိအောင် မောင်းနိုင်ပါတယ်။

တန်ဖိုးအနေနဲ့ ဒေါ်လာ ၄၃၀၀၀၀ ရှိပြီး McLaren ကနေ ထုတ်လုပ်ခဲ့သမျှ မော်ဒယ်တွေထဲမှာ ၃၁ စီးမြောက် ဈေးအကြီး ဆုံးမော်ဒယ်အဖြစ် ရပ်တည်နေတာပါ။

From : ဧရာဝတီ by လင်းထက် (IA)

Originally published at - https://burma.irrawaddy.com/business/2017/05/05/134306.html


Read More »

Monday, May 01, 2017

ပြိုင်ကားစစ်စစ် စီးချင်သူတွေ အတွက် Porsche Panamera Turbo




ပြည်တွင်း ဈေးကွက်မှာ အရောင်း ပြခန်း မရှိ သေးတဲ့ Porscheရဲ့ မော်ဒယ် ကောင်းကောင်းကို စီးချင် သူတွေ အတွက် စိတ်ကြိုက် ဖြစ်မယ့် Sport မော်ဒယ် တခုနဲ့ မိတ်ဆက် ပေးချင် ပါတယ်။ သူကတော့ Panamera ဆိုတဲ့ မော်ဒယ်ပါ ပဲ။

ကီလိုသုည အနေနဲ့ အသစ် စက်စက် ရနိုင်မှာပါ။ ဒါပေမယ့် နောက်ဆုံးထုတ် မော်ဒယ်တော့ မဟုတ်ဘူးပေါ့။ ဘယ်လိုပဲ ဖြစ်ဖြစ် အသစ် အနေ အထားဖြစ်လို့ သဘောကျ စရာပါ။

မော်ဒယ်က နှစ်ယောက်စီး ကိုယ်ထည်နဲ့ ဖြစ်မယ်၊ တံခါးနှစ်ပေါက် စနစ် ဖြစ်ပေမယ့် နောက်ဘက် ထိုင်ခုံတန်း ပါရှိတယ်၊ နိုင် ငံတကာ မှာတော့ 2+2 လို့ ဒီလို ထိုင်ခုံတန်း ပုံစံကို သတ်မှတ် ပါတယ်။ ဥရောပ တန်ကြေးမြင့် Sport ဈေးကွက်မှာ လူကြိုက် များတဲ့ မော်ဒယ် တခုပါ။

တချို့ကတော့ နောက်ဘက်ခရီးသည်ခန်း နည်းနည်းကျဉ်းချင်တယ်ဆိုပေမယ့် ပြည်တွင်းအနေအထားမှာတော့ နောက်ဘက် ခရီးသည်ခန်းက မကျဉ်းပါဘူး။

မော်ဒယ်က အင်ဂျင်ပိုင်းမှာ ၄.၈လီတာသုံး အင်ဂျင်ကို တပ်ဆင်ထားတယ်၊ သူက အမြန်နှုန်း မြှင့်တင်မောင်းနှင်နိုင်မှု အပိုင်း မှာ တနာရီ မိုင် ၆၀ နှုန်းကို အချိန် ၅စက္ကန့်ထက် မပိုတဲ့ အချိန်အတွင်း ရောက်အောင် မောင်းနှင်နိုင်မှာလည်း ဖြစ် ပါတယ်။

Auto စနစ်နဲ့ သွားတယ်၊ ဘယ်မောင်း အထိုင်ပုံစံနဲ့ ဖြစ်ပြီး Gasoline အင်ဂျင်နဲ့ ဖြစ်ပါတယ်။ Smart Key ကို သုံးနိုင်မှာ ဖြစ်ပြီး မောင်းနှင်ပြီး ကီလို လုံးဝ သုည၊ အသစ်ကို အတွင်းခန်း မူလတပ်ဆင်ပစ္စည်းတွေအတိုင်း အားလုံး Ori အနေနဲ့ ရနိုင်ပါတယ်။

စိတ်ကြိုက်ဖြစ်စရာ အကောင်းဆုံးအချက်တွေက လက်ကိုင်ပိုင်း ပေါ့ပါးကောင်းမွန်ခြင်း၊ အမြန်နှုန်းမြင့် မောင်းနှင်နေချိန် မှာကိုပဲ တည်ငြိမ်မှု ရှိခြင်း၊ ဇိမ်ခံ Sport ဆိုပေမယ့် လမ်းကြောင်းစုံ မောင်းနှင်နိုင်ခြင်း၊ ခရီးဝေးမောင်းနှင်မှုတွေမှာ ဆူညံသံ မရှိခြင်းတွေပဲ ဖြစ်ပါတယ်။

အသက်ကယ်လေအိတ်အစုံ ပါရှိပြီး ရှေ့ဘက်ခန်း တခန်းတည်းမှာတင် အသက်ကယ်လေအိတ်ထည့်သွင်းထားရှိမှု ၄ နေရာ ထိအောင်ပါရှိပြီး ကားတစီးလုံးမှာတော့ ၆နေရာမှာ အသက်ကယ်လေအိတ်တွေ ပါရှိမှာ ဖြစ်ပါတယ်။ ဘေးဘက်၊ ဒူးဘက်၊ ရှေ့ဘက်စတဲ့ နေရာစုံကနေ အသက်ကယ်လေအိတ်စနစ်က အလုပ်လုပ်ပါလိမ့်မယ်။

ABS ဘရိတ်စနစ်က လက်ရှိ တန်းတူ Sport မော်ဒယ်တွေထဲမှာ အကောင်းဆုံး ဘရိတ်စနစ်တွေထဲက တခုဖြစ်ပြီး တနာရီ မိုင် ၆၀နှုန်းကနေ ရပ်တန့်ဖို့အတွက် အကွာအဝေး ပေ ၁၀၀ကျော်ပဲ ယူတာ တွေ့ရပါတယ်။

Power Steering စနစ်က ပေါ့ပါးပြီး တည်ငြိမ်မှု အပြည့်ရှိသလို အဆိုပါ လက်ကိုင်စနစ်အတွင်းအကူ ထိန်းချုပ်ထောက် ပံ့စနစ်ပါရှိလို့ အားနဲ့ဆွဲကွေ့ မယ့်နေရာတွေမှာ အလိုလို ပေါ့ပါးနေစေသလို အမြန်နှုန်းများလို့ ကိုယ်ထည် ခါရမ်းမှုရှိလာ ချိန်မှာလည်း လက်ကိုင်ကို အလိုလို ထိန်းချုပ်တည်ငြိမ်မှုရှိအောင် ဆောင်ရွက်ပေးတာ တွေ့ရပါတယ်။

အတွင်းခန်း ဖျော်ဖြေရေးအပိုင်းမှာ စပီကာတွေ ထပ်ထည့်ဖို့ မလိုလောက်အောင် ကောင်းပေမယ့် TVနဲ့ CDပဲ ပါလို့ DVD တခုတော့ ပြန်ထည့်ဖို့ လိုမယ်ထင်ပါတယ်။ နောက်ဘက် ရိုက်ကူးကင်မရာနဲ့ အချက်ပြစနစ်လည်း အဆင့်မြင့်မားတာတွေ့ ရသလို နောက်ကြည့်မှန်တွေကလည်း အထုတ်၊ အသိမ်းပုံစံ ညင်သာပြီး Auto နဲ့ သွားပါတယ်။

အရောင်ပိုင်းရွေးချယ်နိုင်မှုမှာတော့ တန်ဖိုးမြင့် မော်ဒယ်ဖြစ်လို့ အစီးရေများစွာ တင်သွင်းရောင်းချတာ မတွေ့ရသလို အရောင်လည်း များများစားစား မဝင်ပါဘူး။

အရောင်အနေနဲ့ အဖြူရောင် ရနိုင်ပြီး Sport တစီးအတွက်ကတော့ အနီ၊ အပြာနဲ့ ပုလဲပြာရောင်လေးတွေနဲ့ဆို ပိုလှမယ် ထင်မိပါတယ်။

ဈေးနှုန်းကတော့ ၂၀၁၄ထုတ် Panameraအသစ် စက်စက် သုည ကီလိုကို ခေါ်ဈေး သိန်း ၃၈၀၀ နဲ့ ကားအရောင်းပြခန်း တချို့ကနေ တင်သွင်းရောင်းချနေတာ တွေ့ရပြီး ရန်ကုန်နယ်တွင်း တနိုင်တပိုင်နဲ့ ကားရောင်းဝယ်ရေးစခန်းတွေဘက်မှာ တော့ ရနိုင်မယ် မထင်ပါဘူး။

တန်ဖိုးမြင့် မော်ဒယ်လည်းဖြစ်၊ အခွန်လည်းများလာတဲ့ အနေအထားမှာ စိတ်ဝင်စားတယ်ဆိုရင်တော့ ဈေးက အကျဘက်မှာ ရှိနိုင်ပါတယ်။

From : ဧရာဝတီ by လင်းထက် (IA)

Originally published at - https://burma.irrawaddy.com/business/2017/05/01/134089.html

Read More »

Saturday, April 22, 2017

Chevrolet Corvette 2017 ကို ပြည်တွင်းမှာ ဝယ်ယူနိုင်ပြီ




ကားဈေးတွေ တက်တယ် ဆိုပေမယ့် တခု ကောင်းတာ ကတော့ ကားကုမ္ပဏီ အများစုရဲ့ အရောင်း ပြခန်းတွေ ပြည်တွင်းမှာ ရှိလာနေပြီ ဖြစ်ပါတယ်။ အခုပြောမယ့် Chevrolet Corvette 2017 မော်ဒယ် ဆိုရင်လည်း အရောင်း ပြခန်းမှာ သွားပြီး စိတ်ကြိုက် ရွေးချယ် ဝယ်ယူနိုင်ပြီ မဟုတ်လား။

ဈေးပေးရတာထက် ပိုမို သာလွန်ကောင်းမွန်တဲ့ အရည်အသွေး၊ နည်းပညာ၊ တည်ငြိမ်ကောင်းမွန်တဲ့ လက်ကိုင်စနစ် ပါတဲ့ မော်ဒယ်ပါ။ အထူးသဖြင့် 2017 မော်ဒယ်မှာ စွမ်းဆောင်ရည် ပိုင်း အထူး သိသာ ကောင်းမွန်အောင် ဖန်တီးလာမှုကလည်း အားရစရာပါ။

သက်တောင့်သက်သာ ရှိတယ်၊ ဇိမ်ခံ စစ်စစ် အတွင်းခန်း၊ အပြင်အဆင်နဲ့ ဒီဇိုင်းတွေကို တွေ့ရပါတယ်။ ကား အများစုမှာ ပစ္စည်းတင်ခန်းဆိုတာ ပါတယ် ဆိုရုံပဲ ဖြစ်ပေမယ့် အခု Corvette မှာတော့ ပစ္စည်းတင်ခန်းကို ကျယ်ဝန်းအောင် ဖန်တီးထားတာ တွေ့ရပါတယ်။

ပြီးတော့ ထိုင်ခုံသားတွေရဲ့ သားရေသား ကောင်းမွန်မှု၊ ဆက်စပ် တပ်ဆင် ပစ္စည်းတွေရဲ့ ရေရှည်စိတ်ချရမှုနဲ့ အရည်အသွေး မြင့်မားမှုတွေက ကျေနပ် စရာပါ။

နိုင်ငံတကာ ဈေးကွက်မှာ ရှိနေတဲ့ ပြိုင်ဖက် တခြား မော်ဒယ်တွေနဲ့ ယှဉ်ကြည့်ရင်တော့ တစီးလုံး ခြုံကြည့်ရင် စိတ်ချယုံကြည်ရမှု အပိုင်းမှာ လိုအပ်ချက် အနည်းငယ် ရှိနေသေးသလိုပါ။ ဒါကလည်း ထိပ်တန်း အကောင်းဆုံး အနေအထား ဖြစ်ဖို့ လိုအပ်နေသေးတယ်လို့ မြင်မိတာပါ။

နောက်တချက်က သတင်းအချက်အလက်ပြ စနစ်မှာ ပါရှိတဲ့ Chevy ရဲ့ MyLink က ပြိုင်ဖက် မော်ဒယ်တွေမှာ ထည့်ထားတဲ့ စနစ်တွေထက် တုံ့ပြန်မှု နှေးနေသလို ခံစားရတာပဲ ဖြစ်ပါတယ်။

Stingray နဲ့ Z06 အဖြစ် အဓိက မော်ဒယ်ခွဲ ၂ မျိုး ထုတ်လုပ်နေရာကနေ အခုနှစ် မော်ဒယ်မှာ Z51 မော်ဒယ်ခွဲအသစ် ထုတ်လုပ်လာတာ တွေ့ရပါတယ်။

စွမ်းဆောင်ရည် မြှင့်ထားပြီး လက်ကိုင်ပိုင်း ပိုကောင်းအောင် ဖန်တီးထားတာတွေက လွဲရင် အရင်နှစ် မော်ဒယ်နဲ့တော့ သိပ်မကွာလှပါဘူး။

နှစ်ယောက်စီး Coupe အဖြစ်နဲ့ရော အမိုးဖွင့် မော်ဒယ် Convertible အဖြစ်နဲ့ပါ ရနိုင်ပါတယ်။ Base မော်ဒယ်ခွဲ အဖြစ် ထုတ်လုပ်ထားတဲ့ Stingray ရမယ်၊ Z51 ဒါမှမဟုတ် Z06 အနေနဲ့ ရမယ်၊ Grand Sport အနေနဲ့ ရမယ် ပေါ့။ ဒါက အဓိက ကိုယ်ထည်အပေါ်မှာ မူတည်ပြီး ခွဲခြားသွားတဲ့ မော်ဒယ်ခွဲပါ။

အမိုးဖွင့် မော်ဒယ်မှာ အမိုး အဖွင့်၊ အပိတ်ကို မိုင် ၃၀ နှုန်းနဲ့ မောင်းနှင်နေသည့်တိုင်အောင် သုံးစွဲနိုင်ပါလိမ့်မယ်။ Stingray, Z51 နဲ့ Grand Sport တွေကနေ 1LT, 2LT, 3LT တွေ အဖြစ် Grade တွေ ထပ်ခွဲပါတယ်။

Z06 ကနေတော့ 1LZ, 2LZ နဲ့ 3LZ တွေ အဖြစ် ထပ်ပြီး ခွဲခြား ထုတ်လုပ်တာ တွေ့ရပါတယ်။ အင်ဂျင်စနစ်နဲ့ စွမ်းဆောင်ရည်ပိုင်းထက် နည်းပညာ ထည့်သွင်းဖန်တီးမှု အပိုင်းမှာပဲ ကွဲပြားမှုတွေ ရှိတာ တွေ့ရပါတယ်။

အင်ဂျင်ပိုင်းမှာတော့ ၆ ဒသမ ၂ လီတာသုံး V8 အင်ဂျင်ကို တပ်ဆင်ထားတာ တွေ့ရပြီး ဒီအင်ဂျင်စနစ်က ရုန်းအား ၄၆၀ ပေါင်-ပေမှာ စွမ်းအင် မြင်းကောင်ရေ ၄၅၅ ကောင်အား ထိအောင် ထုတ်လုပ်ပေးနိုင်မှာပါ။

စွမ်းဆောင်ရည် ဦးစားပေး မော်ဒယ်တွေ အဖြစ် ထုတ်လုပ်ထားတဲ့ Stingray, Z51 နဲ့ Grand Sport တွေမှာ မြင်းကောင်ရေ ၄၆၀ အားထိအောင် ရှိမှာပါ။ Manual နဲ့ ဆိုရင် ၇ ချက်သုံး ပုံစံနဲ့ ရနိုင်ပြီး Auto နဲ့ ဆိုရင်တော့ ၈ ချက်နဲ့ လာပါတယ်။ Auto စနစ်ကတော့ ဥရောပထုတ် မော်ဒယ်တွေကို ကောင်းကောင်း ယှဉ်နိုင်တာ တွေ့ရပါတယ်။

Z06 မော်ဒယ်ခွဲမှာတော့ အင်ဂျင်က Supercharger စနစ် ထည့်ထားလို့ ရုန်းအား ၆၅၀ ပေါင်-ပေနဲ့ မြင်းကောင်ရေ ၆၅၀ အားစီ ထွက်ရှိမှာပါ။ နောက်ဘီးယက် စနစ်နဲ့ ရနိုင်မှာ ဖြစ်ပါတယ်။

Z51 မော်ဒယ်ကို Manual နဲ့ဆိုရင် တနာရီ မိုင် ၆၀ နှုန်းကို အချိန် ၄ ဒသမ ၁ စက္ကန့်နဲ့ ရောက်တာ တွေ့ရပြီး Auto နဲ့ ဆိုရင်တော့ ၄ စက္ကန့်ပဲ ကြာပါတယ်။

Z06 လို အဆင့်မြင့် စွမ်းဆောင်ရည် ရှိအောင် ထုတ်လုပ်ထားတဲ့ မော်ဒယ်က တော့ Manual စနစ်နဲ့ ဆိုရင်တောင်မှ ၃ ဒသမ ၅ စက္ကန့်ပဲ ကြာတာ တွေ့ရ
ပါတယ်။

ဆီစားနှုန်း အပိုင်းမှာတော့ ပျမ်းမျှ တဂါလံကို ၁၉ မိုင် ထိအောင် စီးနင်းနိုင်မှာပါ။ မော်ဒယ်က မိုင် ၆၀ နှုန်းကနေ ရပ်တန့်မယ် ဆိုရင် အကွာအဝေး ၉၄ ပေမှာပဲ ရပ်တန့်မှာ ဖြစ်ပြီး စိတ်ကြိုက် ဘရိတ်စနစ် ပါပဲ။

ပြည်တွင်း ဈေးကွက်မှာတော့ Corvette ကို Chevy အရောင်းပြခန်းမှာ စုံစမ်း ဝယ်ယူနိုင်မှာ ဖြစ်ပြီး နိုင်ငံတာ ဈေးကွက် မှာတော့ Stingray 3LT မော်ဒယ်ခွဲကို ၇၁၁၉၀ ဒေါ်လာ၊ Grand Sport 3LT ဆိုရင် ဒေါ်လာ ၇၆၁၉၀ ၊ Coupe Z06 2LZ ဆိုရင် ဒေါ်လာ ၈၄၀၁၀ ဈေး ရှိနေပါတယ်။

Ref: www.edmunds.com

From : ဧရာဝတီ By လင်းထက် (IA)

Originally published at - https://burma.irrawaddy.com/business/2017/04/22/133680.html

Read More »

Thursday, April 20, 2017

ကမ္ဘာ့ ကားထုတ်လုပ်မှု အများဆုံး နိုင်ငံ




ကမ္ဘာပေါ်ရှိ ကား ထုတ်လုပ်တဲ့ ကုမ္ပဏီ တွေဟာ အခြေစိုက် နိုင်ငံမှာ တင် မဟုတ်ဘဲ အခြေခံ ကုန်ကြမ်း ရရှိနိုင်မှု၊ ဈေးကွက် ဖြန့်ချိ တင်ပို့နိုင်မှု လွယ်ကူခြင်း အပါ အဝင် ဒေသခံ ကားဈေးကွက် အနေ အထားတွေ အရ နီးစပ်ရာ နိုင်ငံတွေမှာ စက်ရုံ ခွဲတွေ ထားရှိ ထုတ်လုပ် ရောင်းချနေတာ တွေ့ရပါတယ်။

ဂျပန် အခြေစိုက် Toyota အနေနဲ့ မိခင် ကုမ္ပဏီ အခြေစိုက်ရာ ဂျပန်မှာလည်း ကားထုတ်လုပ်မှု စက်ရုံရှိသလို အခြား ကားဈေးကွက်ကြီးတွေ ဖြစ်တဲ့ တရုတ်နဲ့ အမေရိကန်လို နိုင်ငံတွေမှာလည်း ထုတ်လုပ်မှု စက်ရုံခွဲတွေ ထားရှိ ထုတ်လုပ်ရောင်းချနေတာပါ။ ကမ္ဘာ့ ကားထုတ်လုပ်မှု အများဆုံး နိုင်ငံများနဲ့ ကုမ္ပဏီများ အကြောင်း တင်ပြလိုက်ပါတယ်။

ကားထုတ်လုပ်မှုက ၂၀၀၀ ခုနှစ် နောက်ပိုင်း နှစ်စဉ် ကားအစီးရေ စုစုပေါင်း သန်း ၅၀ ကျော် ထုတ်လုပ်ခဲ့ပြီး ၂၀၁၀ ခုနှစ် နောက်ပိုင်းမှာတော့ နှစ်စဉ် အစီးရေ သန်း ၇၀နဲ့ အထက် ထုတ်လုပ်နေကြတာပါ။ ပြီးခဲ့တဲ့ ၂၀၁၅ ခုနှစ်မှာ အစီးရေ သန်း ၉၀ ကျော်နဲ့ ၂၀၁၆ ခုနှစ် အတွင်းမှာတော့ ၉၄ သန်းလောက် ထုတ်လုပ်တယ်လို့ အကြမ်းဖျင်း သိရပါတယ်။

ကမ္ဘာပေါ်မှာ ဘယ်နိုင်ငံမှာ ကားထုတ်လုပ်မှု အများဆုံးလဲ ဆိုတာ ကြည့်ရအောင်ပါ။ နောက်ဆုံး အတည်ပြု ထားတဲ့ ၂၀၁၅ ခုနှစ် စာရင်းများ အရတော့ ကမ္ဘာပေါ်မှာ တရုတ်နိုင်ငံဟာ ကားဈေးကွက် အကြီးဆုံး နေရာကို အမေရိကန် ဆီက ရယူခဲ့ပြီး နောက်ပိုင်း မော်တော်ကား ဝယ်လိုအား နှစ်စဉ် တိုးတက်နေ သလို ကားကုမ္ပဏီ အများအပြား ကလည်း တရုတ်မှာ အခြေစိုက် စက်ရုံတွေ ဖွင့်လှစ်ပြီး ကားတွေ ထုတ်လုပ် ရောင်းချနေကြတဲ့ အတွက် လက်ရှိ ကားထုတ် လုပ်မှု အများဆုံး နိုင်ငံ အဖြစ် တရုတ်က ၁ နှစ်ကို အစီးရေ ၂၄ သန်း ဝန်းကျင်ထုတ်လုပ်နေတာ တွေ့ရပါတယ်။

သူ့နောက်မှာတော့ အမေရိကန်က ၁ နှစ်ကို အစီးရေ ၁၂ သန်းကျော် ထုတ်လုပ်နေပြီး တတိယနေရာမှာတော့ ဂျပန်က ၁၀ သန်းနီးပါး ထုတ်လုပ်နေပါတယ်။

ဇိမ်ခံကားကောင်း အများစု ထုတ်လုပ်တဲ့ ဂျာမနီက အစီးရေ ၆ သန်းကျော်၊ နောက်ပိုင်း ကားဈေးကွက်မှာ နေရာကောင်း ရလာတဲ့ တောင်ကိုရီးယားက အစီးရေ ၄ ဒသမ ၅ သန်းကျော်၊ ကမ္ဘာ့ လူဦးရေ အများဆုံး နိုင်ငံ တခု ဖြစ်တဲ့ အိန္ဒိယက အစီးရေ ၄ ဒသမ ၁ သန်းကျော်၊ တောင်အမေရိကတိုက်ရဲ့ အကြီးဆုံး ကားဈေးကွက် တည်ရှိရာ မက္ကဆီကိုက အစီးရေ ၃ ဒသမ ၄ သန်းကျော်၊ စပိန်က အစီးရေ ၂ ဒသမ ၇ သန်းကျော်၊ ဘရာဇီးက အစီးရေ ၂ ဒသမ ၄ သန်းကျော်နဲ့ အသီးသီး မော်တော်ကား အများဆုံး ထုတ်လုပ်နိုင်နေတာ တွေ့ရပါတယ်။

ဒါက နိုင်ငံအလိုက် မော်တော်ကား ထုတ်လုပ်မှု အများဆုံး စာရင်းဖြစ်ပြီး ကုမ္ပဏီတွေ အနေနဲ့ ဘယ်ကုမ္ပဏီက ကားအများဆုံး ရောင်းချနိုင်၊ ထုတ်လုပ်နေ ပါသလဲ။

၂၀၁၆ ခုနှစ်မှာတော့ အချို့သော သတင်းတွေအရလည်း Toyota ကပဲ အများဆုံး ရောင်းချထားနိုင်တယ် လို့ သိရသလို အချို့ကလည်း VW Group က Toyota ထက် ကားပိုရောင်း ချနိုင်ခဲ့တယ် လို့ ဖော်ပြတာ တွေ့ရပါတယ်။ ကုမ္ပဏီတွေရဲ့ တရားဝင် ထုတ်ပြန်ချက်ကို စောင့်ကြည့်ရဦးမှာပါ။

နောက်ဆုံး ၂၀၁၅ ခုနှစ် စာရင်းများ အရတော့ တနှစ်အတွင်း ကားအများဆုံး ရောင်းချထားနိုင်တဲ့ Toyota က ကားအစီးရေ ၁၀ ဒသမ ၀၈၃ သန်း ထုတ်လုပ် ခဲ့တာပါ။

ဒုတိယနေရာက VW ရဲ့ ထုတ်လုပ်မှုက အစီးရေ ၉ ဒသမ ၈၇၂ သန်း ဖြစ်ပါတယ်။ တတိယနေရာမှာ တောင်ကိုရီးယား အခြေစိုက် Hyundai က တနှစ် အတွင်း အစီးရေ ၇ဒသမ ၉၈၈ သန်း၊ အမေရိကန် အခြေစိုက် General Motors က အစီးရေ ၇ ဒသမ ၄၈၅ သန်း၊ အမေရိကန် အခြေစိုက် Ford က ၆ ဒသမ ၃၉၆ သန်း၊ ဂျပန် အခြေစိုက် Nissan က အစီးရေ ၅ ဒသမ ၁၇၀ သန်း၊ အီတလီနဲ့ အမေရိကန် ဖက်စပ် Fiat-Chrysler က အစီးရေ ၄ ဒသမ ၈၆၅ သန်း၊ ဂျပန် အခြေစိုက် Honda က အစီးရေ ၄ ဒသမ ၅၄၃ သန်း၊ ဂျပန် အခြေစိုက်ပဲ ဖြစ်တဲ့ Suzuki က အစီးရေ ၃ ဒသမ ၀၃၄ သန်း၊ ပြင်သစ် အခြေစိုက် Renault က အစီးရေ ၃ ဒသမ ၀၃၂ သန်း အသီးသီး အများဆုံး ထုတ်လုပ်ခဲ့ကြပါတယ်။ အခြား နာမည်ကျော် BMW က အစီးရေ ၂ ဒသမ ၂၇၉ သန်း၊ ဂျာမနီ အခြေစိုက် Mercedes ရဲ့ ကုမ္ပဏီ Daimler က အစီးရေ ၂ ဒသမ ၁၃၄သန်း၊ ဂျပန် အခြေစိုက် Mazda က အစီးရေ ၁ ဒသမ ၅၄၀ သန်း ထုတ်လုပ်ခဲ့ကြတာလည်း တွေ့ရပါတယ်။

Ref: www.wonderlists.com www.wikipedia.com www.autoexpress.com

From : ဧရာဝတီ by လင်းထက် (IA)

Originally published at - https://burma.irrawaddy.com/business/2017/04/20/133632.html

Read More »

Sunday, April 16, 2017

ဈေးကွက်ထဲက ဇိမ်ခံအနေနဲ့ Toyota Camry




ပြည်တွင်းမှာ ရှိနေတဲ့ Toyota Showroom ကနေ Brand New အနေနဲ့ ရောင်းချ နေတဲ့ Camry ကို သ ဘော ကျသူတွေ၊ ဒါပေမယ့် Brand New က ဈေးမြင့်လို့ စဉ်းစားနေ ရသူတွေ အတွက် မော်ဒယ်နိမ့် Camry တွေလည်း Used အနေနဲ့ ပြင်ပဈေးကွက်မှာ ရနိုင်နေ တယ်လို့ ပြောချင် ပါတယ်။

ဇိမ်ခံမော်ဒယ်အဖြစ် ထုတ်လုပ်ထားတဲ့ အခု မော်ဒယ်က နိုင်ငံတကာ ဈေးကွက်မှာလည်း တန်ကြေးသင့် မော်ဒယ် အဖြစ် အောင်မြင် လူကြိုက်များနေသလို Toyota အမှတ်တံဆိပ်ကို အကြိုက်ဆုံး ပြည်တွင်း ဈေးကွက်မှာလည်း လူတိုင်းနှစ် သက်မှာ အမှန်ပါ။

Crown နဲ့ Mark X လို မော်ဒယ်တွေကို ပိုပြီး စီးနင်းမှုများသလို Camry ကိုယ်တိုင်ကလည်း အာရှထက် ဥရောပနဲ့ အမေရိ က ဈေးကွက်တွေမှာ ပိုမို အောင်မြင်နေတာက အခုလို ကားလောက ကျယ်ပြန့်လာချိန်မှ ဈေးကွက်ထဲ ဝင်လာစေသလို ဖြစ် နေခဲ့တာပါ။

မော်ဒယ်က ၂.၄ လီတာသုံး အင်ဂျင်ကို တပ်ဆင်ထားတယ်၊ Limited Edition လို မော်ဒယ်မျိုးကိုပါ ရွေးချယ်နိုင်အောင် လောက်အောင် မော်ဒယ်ခွဲ စုံစုံလင်လင် ဈေးကွက်မှာ ရနိုင်လာတာပါ။ ပြီးတော့ လူကြိုက် အများဆုံး အရောင်တွေ ဖြစ်တဲ့ အဖြူနဲ့ အနက်တွေလည်း ရနိုင်ပါတယ်။

Auto စနစ်နဲ့ မော်ဒယ် ဖြစ်ပြီး မောင်းနှင်ကြည့်မိသလောက် Mark X လိုမျိုး သွက်လက် တည်ငြိမ်တဲ့ လက်ကိုင်ပိုင်း အထိ အတွေ့ကို ရပါတယ်။ မြို့တွင်းအသုံးအတွက် ပိုပြီး အဆင်ပြေမယ့် လက်ကိုင်မျိုးပါ။

အမြန်နှုန်း နည်းနည်းနဲ့ မောင်းနှင်ချိန် တွေမှာပါ လက်ကိုင်ကို သဘောကျမိပါတယ်၊ လေးချင်တာ၊ စေးချင်တာမျိုး မတွေ့ရ ပါဘူး။ ညာမောင်း အထိုင်နဲ့ မော်ဒယ်တွေ ဝင်ပါတယ်၊ Gasoline အင်ဂျင်စနစ် ဖြစ်ပြီး လက်ရှိ လူကြိုက်များ အင်ဂျင် အ ရွယ်ဖြစ်တဲ့ ၁၈၀၀ စီစီနဲ့ အောက်ဘက် အရွယ် မဟုတ်ပေမယ့် ဆီစားနှုန်း မဆိုးပါဘူး။ အင်ဂျင်သံလည်း ငြိမ်တယ်၊ တုန် ခါမှု မရှိသလောက်ပါဘဲ။

မော်ဒယ်နိမ့်အနေအထား ဈေးကွက် ဝင်နေတယ် ဆိုပေမယ့် အတွင်းခန်း အပြင်အဆင်နဲ့ တပ်ဆင် ပစ္စည်း အစုံပါပဲ။ ကား အရောင်းစင်တာနဲ့ ပြခန်းတွေကနေ လေ့လာမယ်၊ ဝယ်မယ်ဆိုရင်တော့ အကောင်းဆုံး ဖြစ်အောင် ပြန်လည် ပြင်ဆင်ထား ပြီးသား မော်ဒယ်ကို လက်တင် စီးနိုင်မှာပါ။

အသက်ကယ် လေအိတ် အစုံပါမယ်၊ TVနဲ့ CD-DVD ထိအောင် ဖျော်ဖြေ ရေး အပိုင်းတွေရယ်။ အသံစနစ်အတွက် Surround ပုံစံ Speaker အထိုင်တွေက နောက်ထပ် ထည့်ဖို့ မလိုတော့ပါဘူး။

တခု သတိမူစရာ ရှိတာက ဆေးသား အပိုင်းပါ၊ တချို့ မော်ဒယ်တွေမှာ ဆေးသား ပြန်ထပ်တာမျိုး၊ ကျချင်နေတာမျိုး၊ အ ရောင်တင်ထားတာမျိုး တွေ့ရတတ်ပါတယ်။ ဒါက မော်ဒယ်ကြောင့် မဟုတ်ဘဲ အရင်က သုံးသူရဲ့ ပြင်ဆင်မှု၊ ထားရှိမှု ပုံစံ မှားယွင်းခြင်း၊ အားနည်းချက် တခုခုကြောင့် ဖြစ်ပါလိမ့်မယ်။ ဘာပဲ ဖြစ်ဖြစ် ကိုယ့်လက်ထဲကိုတော့ ပစ္စည်းကောင်းရောက် လာဖို့ ဒီတချက်ကို သတိပြုပါ။

ဈေးကွက်ထဲမှာတော့ ၂၀၀၆ခုနှစ် ဝန်းကျင်ထုတ် Camry တွေ အများဆုံး ဈေးကွက်ဝင်နေတာ တွေ့ရပြီး လှိုင်မော်တော် ယာဉ်ရောင်းဝယ်ရေး စခန်းမှာလည်း တွေ့ရတယ်၊ ကားအရောင်စင်တာနဲ့ ပြခန်းတွေမှာ အများဆုံး တွေ့ရသလို တပိုင် တနိုင် ကားတင်သွင်းသူတွေလည်း ကိုင်ထားတတ်ပါတယ်။

ဈေးနှုန်းကတော့ အနက်ရောင် Camry ကို သိန်း ၄၄၀ ခေါ်ပြီး Mark X ထက် မော်ဒယ်ချင်း အတူတူမှာ ဈေးနည်းနည်း မြင့်ချင်နေတာ မှန်ပေမယ့် အထူးကုန်စည်ခွန် နည်းနည်းများလို့ ဈေးက အကျဘက်မှာ ရှိနိုင်ပါတယ်။

အဖြူရောင်ဆိုရင်တော့ ဈေးနည်းနည်း မာတတ်ပြီး နယ်လိုင်စင်နဲ့ ရန်ကုန်လိုင်စင်ရရှိမှု အပေါ်မှာလည်း ကျပ်သိန်း ၃၀ လောက်ထိအောင် ဈေးကွာခြားချက် ရှိနိုင်ပါတယ်။

From : ဧရာဝတီ by လင်းထက် (IA)

Originally published at - https://burma.irrawaddy.com/business/2017/04/16/133372.html

Read More »

Saturday, April 15, 2017

ဈေးချိုပြီး နည်းပညာမြင့် 2017 Hyundai Sonata




ဂျပန် ကားကုမဏီ ထုတ် မော်ဒယ်တွေကို ဈေးကွက် အကောင်းဆုံး ပြိုင်ဆိုင် နိုင်အောင် ထုတ်လုပ် လာတဲ့ တောင် ကိုရီးယား အခြေစိုက် Hyundai ရဲ့ ထုတ်လုပ် မှုပါ။

နိုင်ငံတကာ ဈေးကွက်ကို အခုနှစ် မော်ဒယ်အတွက် ရောင်းချမှု နည်းနည်း နောက်ကျချင်ပေမယ့် မော်ဒယ်သစ်မှာ အား ကောင်းတဲ့ နည်းပညာထည့်သွင်း ဖန်တီးလာမှုတွေအရ အားရစရာပါ။

အတွင်းခန်း အပြင်အဆင်၊ အကျယ်အဝန်း၊ ဒီဇိုင်း၊ ထိုင်ခုံပုံစံတွေကအစ အားလုံးက စိတ်ကြိုက် ဖြစ်စရာပါ။ ခရီးဝေး မောင်းနှင်မှုအတွက်ရော လိုက်ပါစီးနင်းမှုအတွက်ပါ အဆင်ပြေစေမယ်၊ နောက်ပြီး မော်ဒယ်တခုကို ရေရှည်ထားရှိ စီး နင်းချင်သူတွေပါ စိတ်ကြိုက်ဖြစ်မယ့် မော်ဒယ်ပါ။ နောက်ပြီး တာယာနဲ့ အင်ဂျင်တွေကနေ ခရီးဝေးမောင်းနှင်မှုအတွက် ဆူညံသံပေးမှု တော်တော်းလေ နည်းပါးကောင်းမွန်တာလည်း တွေ့ရပါတယ်။

တန်ကြေးသင့်မော်ဒယ် အများစုမှာ အခုလို ဆူညံသံပေးတဲ့အားနည်းချက် အများဆုံး တွေ့ရတတ်ပေမယ့် အခုတော့ Sonata က ဒီအားနည်းချက်ကို ပြင်ဆင်ဖန်တီးထားနိုင်တာ တွေ့ရပါတယ်။ ဂြိုလ်တု အခြေပြု မြေပုံစနစ်မှာရော ဖျော်ဖြေ ရေးပိုင်းတွေမှာပါ ထည့်သွင်း နည်းပညာ မြင့်မားပြီး ခလုတ်အသုံးတွေကတော့ အားလုံးနဲ့ ရင်းနှီးပြီးသား ပုံစံတွေအတိုင်း ထည့်သွင်း ဖန်တီးထားတာ တွေ့ရပါတယ်။

အသုံးပြုရ အထူးပဲ လွယ်ကူကောင်းမွန်တာလည်း တွေ့ရပါတယ်။ ကိုယ်ထည်ပိုင်းမှာလည်း ဥရောပနဲ့ အမေရိက ဈေး ကွက်တွေမှာပါ အောင်မြင်မှု ရရှိအောင် ဖန်တီးလာမှုရဲ့ နောက်ဆက်တွဲ ဖြစ်တဲ့ အကြမ်းခံနိုင်မှု အထူးအားကောင်းတာ လည်း တွေ့ရပါတယ်။

အင်ဂျင်ပိုင်းမှာလည်း ထူးခြားတဲ့ အာမခံမှုနဲ့ ဈေးကွက်ထဲရောက်လာတာ တွေ့ရပြီး အင်ဂျင်ကို ၁၀နှစ် အာမခံ ပေးထားတာ တစ်ချက်က စိတ်ကြိုက် ဖြစ်စေမှာပါ။

အင်ဂျင်စနစ် ရွေးချယ်နိုင်စရာ အများအပြားနဲ့ ထွက်ရှိလာပေမယ့် Tutbochargedစနစ်နဲ့ စွမ်းဆောင်ရည် ဦးစားပေး အင် ဂျင်အဖြစ် ရနိုင်တဲ့စနစ်က အခြားပြိုင်ဘက်မော်ဒယ်တွေရဲ့ အင်ဂျင်တွေလောက် စွမ်းဆောင်ရည် မကောင်းတာ တခုက အားနည်းချင်နေပါတယ်။ ပြီးတော့ နောက်ဘက်ခရီးသည်ခန်းကလည်း ပြိုင်ဘက်မော်ဒယ်တွေထက် နည်းနည်းလေး ပို ကျဉ်းချင်နေတာ တွေ့ရပါတယ်။

မော်ဒယ်ခွဲအနေနဲ့ကတော့ Base, SE, Sport, Eco, Limited, Sport 2.0Tနဲ့ Limited 2.0Tတွေ အပြင် Hybrid အင်ဂျင် စနစ်နဲ့လည်း ရနိုင်ပါတယ်။ အင်ဂျင်ပိုင်းမှာတော့ ၂.၄လီတာသုံး ပုံမှန် လေးလုံးထိုး အင်ဂျင်ဆိုရင် ရုန်းအား ၁၇၈ပေါင်-ပေ ရှိပြီး မြင်းကောင်ရေ ၁၈၅ကောင်အား ထွက်ရှိတာ တွေ့ရပြီး သူက ဆီတဂါလံကို ပျမ်းမျှ ၂၉မိုင်လောက်ထိအောင် စီးနင်း နိုင်တာပါ။

စွမ်းဆောင်ရည်ပိုင်းမှာတော့ တနာရီ မိုင် ၆၀နှုန်းကို ၈.၂ စက္ကန့် ယူမှာပါ။ စွမ်းဆောင်ရည်မြင့် Turbocharged စနစ်နဲ့ ၂.၀ လီတာသုံး အင်ဂျင်ကတော့ ရုန်းအား ၂၆၀ပေါင်-ပေ ရှိပြီး မြင်းကောင်ရေ ၂၄၅ ကောင်အား ထွက်ရှိပါတယ်။ သူက ဆီ စားနှုန်း ၂၆မိုင်လောက် ရှိပြီး မိုင် ၆၀နှုန်းကို အချိန် ၈.၃စက္ကန့်ထိအောင် ယူနေတာ တွေ့ရပါတယ်။

Eco အနေနဲ့ဆိုရင်တော့ အသေးစား ၁.၆လီတာသုံး အင်ဂျင်ကို တပ်ဆင်ထားပြီး သူက ရုန်းအား ၁၉၅ပေါင်-ပေမှာ မြင်း ကောင်ရေ ၁၇၈ကောင်အား ထွက်ပြီး ဆီတဂါလံကို ၃၁မိုင်လောက်ထိအောင် စီးနင်းနိုင်မှာ ဖြစ်သလို မိုင် ၆၀နှုန်းကို အချိန် ၇.၅ စက္ကန့်နဲ့ ရောက်နိုင်ပါတယ်။

ပြည်တွင်း ဈေးကွက်မှာတော့ Sonataကို Used အနေနဲ့ တင်သွင်းရောင်းချမှု တချို့လည်း ရှိပေမယ့် ဂျပန်မော်ဒယ်တွေ လောက်တော့ မများပါဘူး။

သမိုင်းလမ်းဆုံက Hyundai Showroomမှာလည်း မော်ဒယ်သစ်ကို စုံစမ်း ဝယ်ယူနိုင်မှာပါ။ နိုင်ငံတကာ ဈေးကွက်မှာက အခုနှစ် မော်ဒယ်ကို ၂.၄လီတာသုံး အင်ဂျင်ဆိုရင် ဒေါ်လာ ၂၂၇၈၅၊ Eco ဆိုရင် ၂၃၉၆၀၊ Sport 2.0Tဆိုရင်တော့ ၂၇၄၃၅ ဈေးနဲ့ ရောင်းချနေတာ တွေ့ရပါတယ်။

Ref: www.edmunds.com

From : ဧရာဝတီ by လင်းထက် (IA)

Originally published at - https://burma.irrawaddy.com/business/2017/04/15/133360.html

Read More »

Monday, April 10, 2017

စွမ်းဆောင်ရည် ကောင်းကောင်းနဲ့ Mitsubishi Strada




ပြည်တွင်း မှာတော့ Pick-up မော်ဒယ် ဆိုရင် Vigo ကိုပဲ လူကြိုက် အများဆုံး ဖြစ်ပေမယ့် နောက်ပိုင်း တံဆိပ် အစုံ၊ မော်ဒယ် အစုံ ဈေးကွက် ဝင်လာ သလို Vigo တွေက ဈေးလည်း မြင့်တာကြောင့် အခြား မော်ဒယ်တွေ စီးနင်းသူ များလာ ပါတယ်။

ဒါအပြင် နာမည်ကျော် Ford Rangerလို မော်ဒယ်တွေလည်း ဈေးကွက်မှာ ရလာနိုင်တာကြောင့် Pick-up ဈေးကွက်ဟာ ကြီးမားလာခဲ့တာပါ။ အခုတော့ ကျနော်က Ford Ranger, Vigo, Nissan Navara အပြင် နောက်ထပ်အမှတ်တံဆိပ် Mitsubishi ရဲ့ မော်ဒယ် Strada အကြောင်း နည်းနည်းလောက် ပြောပြချင်ပါတယ်။

အခု မော်ဒယ်နဲ့ပတ်သက်ပြီး သဘောကျမိတဲ့ အချက်ကတော့ ဝန်တင်ဆောင်နိုင်မှု စွမ်းရည်ကောင်း ပြသနိုင်ခြင်းပဲ ဖြစ် ပါတယ်။

ပြည်တွင်းမှာ Mitsubishi အရောင်းပြခန်း ရှိပေမယ့် အခုမော်ဒယ်ကိုတော့ တင်သွင်းရောင်းချတာ မတွေ့ရပါဘူး။ ပြင်ပ Used ကား ဈေးကွက်မှာ အခုမော်ဒယ် ဈေးကွက်ဝင်နေတာ ဖြစ်ပါတယ်။

အထက်မှာပြောခဲ့သလို အင်ဂျင်က စွမ်းဆောင်ရည် အထူးကောင်းမွန်တယ်၊ ဝန်တင်ဆောင်နိုင်မှု အားကောင်းတယ်၊ ဆီ စားလည်း သင့်တင့်တယ်၊ ဈေးလည် ချိုသာတယ်၊ နောက်တချက်က ရန်ကုန်လိုင်စင်နဲ့ ရနိုင်တယ်၊ အင်ဂျင်အရွယ် သေး ငယ်တာကြောင့် မြို့တွင်းသုံးအတွက်လည်း အဆင်ပြေတယ်။

ဒါတွေက မော်ဒယ်နဲ့ပတ်သက်လို့ သဘောကျမိတဲ့ အချက်တွေပါ။ ဒါပေမယ့် သူက လက်ရှိ ဈေးကွက်မှာ မော်ဒယ်နိမ့် အ နေနဲ့ပဲ ရနိုင်သလို အရောင်ရွေးချယ်နိုင်မှုမှာ များများစားစား မရှိသလို Vigo နဲ့ Ranger တွေလို ရုပ်ထွက်ကလည်း ဆွဲ ဆောင်မှု ဒီလောက် မကောင်းချင်ပါဘူး။

ဒီတော့ အလှစီးပုံစံမဟုတ်ဘဲ စွမ်းဆောင်ရည်ဦးစားပေးပုံစံနဲ့ လိုချင်ရင်တော့ အကောင်းဆုံး ဖြစ်မယ့်မော်ဒယ်ပါ။

Manual စနစ်နဲ့ လာတယ်၊ မြို့တွင်းသုံးအတွက် ဒီစနစ်က စိတ်ကြိုက်မဖြစ်နိုင်ပေမယ့် ခရီးဝေးမောင်းနှင်တတ်သူတွေနဲ့ လမ်းကြမ်းပိုင်းသုံးမယ့်သူတွေအတွက်ကတော့ နောက်ဆုံးတွန်းနှိုးရမယ့် အနေအထားမှာကိုပဲ အဆင်ပြေမှာမို့ သဘော ကျစရာပါ။ ညာမောင်းအထိုင်နဲ့ ဖြစ်ပါတယ်။

ဒီဇယ်အင်ဂျင်စနစ် ဖြစ်ပြီး အင်ဂျင်သံ နည်းနည်း ဆူချင်ပေမယ့် တုန်ခါမှုတော့ နည်းပါတယ်။

လေးဘီးယက်စနစ်နဲ့ လာပါတယ်၊ အပိုခန်းဖွဲ့နဲ့ နှစ်ခန်းဖွဲ့ ပုံစံတွေ ဈေးကွက်မှာ အများဆုံးတွေ့ရပြီး အတွင်းခန်း ဖျော်ဖြေ ရေးစနစ်နဲ့ အခြားဆက်စပ်ပစ္စည်းအပိုင်းတွေက ပြန်ထည့်ထားတာ ဖြစ်ပေမယ့် အစုံပါရှိသလို အသုံးပြုရ အဆင်ပြေပါ တယ်။

အသက်ကယ်လေအိတ်စနစ်က ရှေ့ဘက်ခရီးသည်ခန်းအတွက် အစုံပါတယ်။ Power Steering စနစ် အသုံးပြုနိုင်မယ်။ TV-DVDလို အပိုင်းတွေ ထည့်ပြီးသားဖြစ်ပြီး တကယ်လို့ အသံထွက်စနစ် စိတ်ကြိုက်မဖြစ်ရင်သာ ပြန်ထည့်ရမယ့်သ ဘောရှိပါတယ်။

နောက်ဘက် ရိုက်ကူးကင်မရာစနစ် ပါရှိပြီး ဖြစ်တဲ့ မော်ဒယ်ပါ။ ဈေးကွက်မှာတော့ အနက်ရောင်နဲ့ အပြာတွေ အများဆုံး ဈေးကွက်ဝင်ပြီး ကားအရောင်းပြခန်းတွေမှာပဲ တင်သွင်းရောင်းချမှုများတာ တွေ့ရပါတယ်။

မောင်းနှင်ပြီး ကီလိုနည်းနည်း များနေတတ်ပေမယ့် ဈေးနှုန်းကတော့ ပြိုင်ဘက် Ranger, Vigo နဲ့ Navara တွေထက် ချိုသာပြီး ၂၀၀၀ခုနှစ် ဝန်းကျင်ထုတ် မော်ဒယ်ဆိုရင် သိန်း ၁၉၀ လောက်ပဲ အခေါ်ရှိပြီး အကြမ်းသုံးအတွက် အဆင် ပြေမယ့် မော်ဒယ်ကောင်းတခုပါ။

From : ဧရာဝတီ by လင်းထက် (IA)

Originally published at - https://burma.irrawaddy.com

Read More »

Sunday, March 26, 2017

စွမ်းဆောင်ရည် အမိုက်စားတွေနဲ့ Jaguar F-Type Coupe




အင်္ဂလန် အခြေစိုက် Jagaur ရဲ့ သက်တမ်းရင့် မော်ဒယ် ဖြစ်ပြီး လက်ရှိ ပြည်တွင်း မှာလည်း Showroom ဖွင့်လှစ် ရောင်းချ နေတဲ့ အမှတ် တံဆိပ်ဖြစ်လို့ မော်ဒယ်ကို စိတ်ဝင် စားတယ် ဆိုရင် သွားရောက် လေ့လာ စုံစမ်းနိုင်မယ့် အားသာ ချက်လည်း ရှိမယ့် မော်ဒယ်ကောင်း တခုနဲ့ မိတ်ဆက်ပေး ချင်ပါတယ်။

၂၀၁၇ ထုတ် Jaguar F-Type Coupeမှာ စွမ်းဆောင်ရည် ဦးစားပေး ပုံစံ ဖန်တီး ထားပြီး အခုနှစ် မော်ဒယ်ဟာ Supercar တွေရဲ့ အမြန်နှုန်း မြှင့်တင် မောင်းနှင်နိုင်မှု ကိုတောင် အမှီ လိုက်နိုင် လောက်အောင် စွမ်းဆောင်ရည် အထူး ကောင်းမွန် လာတာ လည်း တွေ့ နိုင်ပါတယ်။

V8 အင်ဂျင်စနစ်နဲ့လည်း ရနိုင်ပြီး စွမ်းဆောင်ရည်ပိုင်း အကောင်းဆုံး ထုတ်လုပ်ပေးနိုင်တာ တွေ့ရပြီး စွမ်းဆောင်ရည် ဦးစား ပေးပုံစံနဲ့ လိုချင်သူတွေအတွက် စိတ်ကြိုက်ဖြစ်စေနိုင်ပါတယ်။

ပြီးတော့ ဒီလို အင်ဂျင်အကြီးစားစနစ်မှာ အဖြစ်များတဲ့ အားနည်းချက်တခုဖြစ်တဲ့ အိတ်ဇောကနေ ဆူညံသံပေးမှုကိုလည်း ပျောက်အောင် အကောင်းဆုံး ဖန်တီးထားနိုင်တာ တွေ့ရပါတယ်။

မြန်နှုန်းမြင့်မောင်းနှင်ချိန်တွေမှာတောင် တာယာနဲ့ လမ်းကြောင်းကြောင့် ဆူညံသံပေးမှု အားနည်းတာ တွေ့ရပါတယ်။ လက် ကိုင်ပိုင်း အထူးတည်ငြိမ်သလို ကွေ့လမ်းပိုင်း မောင်းနှင်မှု အားကောင်းပြီး သဘောအကျဆုံးအချက် တခုက လက် ကိုင်နဲ့ ဘရိတ်စနစ် ဟန်ချက်ညီကောင်းမွန်ခြင်းဖြစ်ကာ ထိန်းချုပ်မောင်းနှင်လို့ အကောင်းဆုံးပုံစံ ဖြစ်လာစေပါတယ်။

အတွင်းပိုင်းရော အပြင်ပိုင်း ရုပ်ထွက်ပါ ဆန်းသစ်ပြီး တည်ငြိမ်မှုထက် လူငယ်ဆန်ဆန် ဆွဲဆောင်မှု အားကောင်းတဲ့ ရုပ် ထွက်နဲ့ အပြင်အဆင်ကို တွေ့ရပါတယ်။

Base မော်ဒယ် အဖြစ် ထုတ်လုပ်ထားတဲ့ မော်ဒယ်ခွဲမှာ တပ်ဆင်ထားတဲ့ V6အင်ဂျင်က စွမ်းဆောင်ရည်ပိုင်းမှာ အားနည်း ချင်ပြီး စိတ်ကြိုက်မောင်းနှင်မှု အရသာ မပေးနိုင်တာ တွေ့ရပါတယ်။ ပြီးတော့ နည်းပညာ ထည့်သွင်းဖန်တီးမှု အပိုင်းမှာ ပြိုင်ဖက်မော်ဒယ်တွေလောက် နည်းပညာမြင့်မားမှု အားနည်းချင်တာလည်း တွေ့ရပါသေးတယ်။ အတွင်းခန်းနဲ့ ထိုင်ခုံပိုင်း အပြင်အဆင်ကိုလည်း စိတ်ကြိုက် မဖြစ်မိပါဘူး။

အတွင်းခန်း နည်းနည်းကျဉ်းချင်သလို ခံစားမိသလို နောက်ဘက် အခန်းလည်း ကျဉ်းချင်နေပါတယ်။ စွမ်းဆောင်ရည်ဦး စားပေး မော်ဒယ်အဖြစ် ဖန်တီးထားပြီး သက်တောင့်သက်သာရှိမှုက မော်ဒယ်ရဲ့နာမည်၊ တန်ဖိုးနဲ့စာရင် လိုအပ်ချက် နည်း နည်းရှိနေတယ်လို့ မြင်မိပါတယ်။

ဒီနှစ်မော်ဒယ်မှာ ပြင်ဆင်ဖန်တီးမှု အနည်းငယ် ပြုလုပ်ပြီး ထွက်ရှိလာတာ ဖြစ်သလို ရွေးချယ်နိုင်စရာ မော်ဒယ်ခွဲ အသစ် တခု ထပ်ထွက်လာပါတယ်။

စွမ်းဆောင်ရည် ဦးစားပေး ပုံစံ SVR မော်ဒယ်ခွဲ ဖြစ်ပြီး ပတ်လမ်းမောင်း ပုံစံ လိုချင်သူတွေ အတွက်ပါ အဆင်ပြေမယ့် မော်ဒယ်တစ်ခုပါ။ နှစ်ယောက်စီး ပုံစံနဲ့ရော အမိုးဖွင့် ပုံစံနဲ့ပါ ကိုယ်ထည် နှစ်ခု ရွေးချယ်နိုင်ပါတယ်။

မော်ဒယ်ခွဲအနေနဲ့ကတော့ Base မော်ဒယ်ခွဲအပြင် F-Type S, F-Type Rနဲ့ SVRတွေ ရနိုင်ပါတယ်။ ၃.ဝလီတာသုံး V6 အင်ဂျင်ကတော့ ရုန်းအား ၃၃၂ပေါင်-ပေမှာ မြင်းကောင်ရေ ၃၄၀အား ထွက်ရှိပြီး နောက်ဘီးယက်စနစ်နဲ့ ဖန်တီးထားသလို ၆ချက် Manualနဲ့ ဖြစ်စေ ၈ချက် Autoနဲ့ ဖြစ်စေ ရနိုင်ပါတယ်။

သဘောကျမိတဲ့ V8 အင်ဂျင်ကတော့ ၅.ဝလီတာသုံး အရွယ် ဖြစ်ပြီး ရုန်းအား ၅၀၂ပေါင်-ပေမှာ မြင်းကောင်ရေ ၅၅၀အား ထွက်ရှိပါတယ်။ အခုနှစ်မှာ ထွက်ရှိလာတဲ့ မော်ဒယ်သစ် SVRကတော့ ရုန်းအား ၅၁၆ပေါင်-ပေမှာ မြင်းကောင်ရေ ၅၇၅ ကောင်အား ထွက်ရှိမှာပါ။

V8 အင်ဂျင်တပ် မော်ဒယ်တွေက ဘီးစုံယက်စနစ်နဲ့ ရနိုင်ပြီး ၈ချက် Autoနဲ့ ဖြစ်ပါတယ်။ နောက်ဘီးယက်စနစ်နဲ့ မော် ဒယ် က တနာရီ မိုင် ၆၀နှုန်းကိုအချိန် ၅.၂စက္ကန့်ယူပြီး Auto နဲ့ဆိုရင် ၅စက္ကန့်တည်းနဲ့ ရောက်သလို Jaguar ကားတွေထဲမှာ အကောင်းဆုံး စွမ်းဆောင်ရည်တန်းဝင် မော်ဒယ်တခု ဖြစ်လာစေပါတယ်။

V8 အင်ဂျင်တွေနဲ့ဆိုရင်တော့ အချိန် ၃.၅စက္ကန့်ပဲ ယူမှာ ဖြစ်လို့ Supercarတွေနဲ့ တန်းတူ မြန်ဆန်အောင် မောင်းနှင်နိုင် မှာလည်း ဖြစ်ပါတယ်။

စွမ်းဆောင်ရည် ဦးစားပေး SVR မော်ဒယ်ကတော့ အခုနှုန်းထက် အနည်းငယ် ပိုမြန်ဖို့တောင် ရှိနေပါသေးတယ်။ ဆီစား နှုန်းအနေနဲ့ကတော့ ပျမ်းမျှ ၂၃မိုင်လောက် စီးနင်းနိုင်မှာပါ။

ဈေးကွက်မှာက နာမည်ကျော် Chevy Corvette, Audi TT RS မော်ဒယ်တွေနဲ့ အပြိုင် ရှိနေပြီး မော်ဒယ်ခွဲ အပေါ်ကို မူ တည်ပြီးတော့ နိုင်ငံတကာ ဈေးကွက်မှာ ဈေးနှုန်းက ဒေါ်လာ ၆၂၃၉၅ ကနေ ၁၀၂၁၉၅ ဒေါ်လာအတွင်း ရှိနေတာလည်း ဖြစ်ပါတယ်။

From : ဧရာဝတီ - by: လင်းထက် (IA)

Originally published at - https://burma.irrawaddy.com

Read More »

Saturday, March 18, 2017

တိုယိုတာဘယ်လ်တာမှာ ဖြစ်တတ်တဲ့ ပြဿနာ ခုနစ်ချက်




ရန်ကုန်၊ မတ် ၁၅ - တိုယိုတာ ဘယ်လ်တာ (Toyota Belta) ကား အမျိုး အစားဟာ ပြည်တွင်းမှာ ဈေးနှုန်း သင့်တင့်တဲ့ အတွက် သုံးစွဲတဲ့သူ များပါတယ်။  ဘယ်လ်တာ သုံးစွဲ သူတွေရဲ့တွေ့ကြုံရ တတ်တဲ့ ပြဿနာ ခုနစ်ချက်ကို ဖော်ပြလိုက် ပါတယ်။

(၁) စတင်စက်နှိုးရတာကြန့်ကြာတာ

၂၀ဝ၈ မော်ဒယ်တိုယိုတာ ဘယ်လ်တာမှာ ဖြစ်တာများပါတယ်။ တစ်ကြိမ်တည်းနဲ့ သော့ လှည့်ပြီး စက်နှိုလို့မရတဲ့ပြဿနာ ပါ။ အဲဒါကြောင့် နှစ်ကြိမ်၊ သုံးကြိမ်လှည့်ပြီး စက်နှိုးရပါတယ်။ စက်နှိုးလို့ကြန့်ကြာတဲ့ပြဿနာက မနက်ပိုင်းအေးတဲ့အချိန်တွေမှာ ပိုအဖြစ်များပါတယ်။ အဲဒါက စတတ်တာမှာ ပြဿနာရှိ နိုင်သလို ဘက်ထရီနဲ့ ပတ်သက်တဲ့ အစိတ် အ ပိုင်းတေမှာ အားနည်းချက်ရှိနေတာပါ။

(၂) အရှိန်နဲ့မောင်းနှင်တဲ့အခါ အသံမြည်တာ

၂၀၁၀ မော်ဒယ်မှာ အဖြစ်များ ပါတယ်။ ပုံမှန်မောင်းနှင်နေတဲ့ အခါ မသိသာပေမဲ့ မြန်နှုန်းမြှင့် တင်ပြီး အရှိန်နဲ့မောင်းတဲ့အခါ လိုက်ပါစီးနင်းတဲ့ခရီးသည်ခြေ ထောက် အောက်ဘက်ဆီက ဆူညံသံတွေ ထွက်လာတတ်တာပါ။ များသောအားဖြင့်  တောင်တက် ခရီးတွေမှာ ပိုသိသာစေပါတယ်။ အဲဒါဟာ ကားအောက်ပိုင်း ဆပ်ဆပိုင်းရှင်းစနစ်က အားနည်းချက် ရှိတာဖြစ်တယ်။

(၃) တစ်ဖက်ဆွဲသွားတာ

၂၀ဝ၉ မော်ဒယ်မှာဖြစ်တာပါ။ တစ်နာရီ ၄၀ မိုင်နှုန်းအထက် မောင်းနှင်တာနဲ့ ယာဉ်က အသံ မြည်လာပြီး တစ်ဖက်ဆွဲသွားတဲ့ ပြဿနာပါ။ အဲဒါကလည်း စတီ ယာရင်နဲ့ကားအောက်ပိုင်းမှာ ချို့ယွင်းချက်ရှိတာဖြစ်နိုင်ပါတယ်။

ကားတာယာတွေ ဘက်မညီတာ၊ ဘီးတစ်ခုချင်းစီက အလေးချိန် မညီမျှ တာတွေ ဖြစ်နိုင် ပါတယ်။ တူညီတဲ့တာယာတွေ လဲလှယ်ဖို့ လို အပ်သလို wheel balance ချိန်ဖို့၊ အလိုင်းမန့်ချိန်ဖို့တွေ လိုအပ်နေတာပါ။

(၄) ခေါက်သံ ထွက်လာတာ

၂၀ဝ၉ မော်ဒယ်မှာဖြစ်တာပါ။ မနက်ပိုင်းမှာ ယာဉ်ကို စတင် စက်နှိုးလိုက်စဉ်ကစပြီး အင်ဂျင်က ခေါက်သံ ဖြည်းဖြည်းချင်း ထွက်လာတတ်တာပါ။ မြန်နှုန်းမြင့် မောင်းနှင်လေ ခေါက်သံ ပိုကျယ်လာလေဖြစ်ပါတယ်။

ခေါက်သံ (knocking sound) ကို ပင့်သံ (ping sound) လို့ လည်း ခေါ်ပါတယ်။ မီးတိုင်ပင် စောခြင်း (early timing) ကြောင့် ဖြစ်တတ်ပါတယ်။ မီးပေးမှုစော ခြင်း (preignition) ကြောင့်လည်း ဖြစ်တတ်ပါတယ်။ မီးတိုင် ပင်စောခြင်းကြောင့်ဖြစ်ပေါ်တဲ့ ခေါက်သံဟာ ကားကို အရှိန်မြှင့် တင်လိုက်တဲ့အခါတိုင်း ဆက်တိုက်ပေါ်ထွက်လာတတ်ပါတယ်။ မီးတိုင်ပင်စောရတဲ့အကြောင်းအရင်းတွေကတော့ မီးပွားစောတာ၊ အသုံးပြုတဲ့လောင်စာညံ့ပြီး အောက်တိန်းနံပါတ်နိမ့်တွေ အသုံးပြုတာ၊ မီးပွားရှေ့ပြေးကိရိယာ လုပ်ဆောင်မှုမြန်လွန်းတာ၊ ဖိအား အချိုးမြင့်လွန်းနေတာတွေကြောင့် ဖြစ်ပါတယ်။

(၅) ဘရိတ်နင်းရင် အသံမြည်တာ

၂၀ဝ၇ မော်ဒယ်မှာဖြစ်တာပါ။ ဘယ်လ်တာကို မောင်းနှင်စဉ်မှာ ဘရိတ်ဖိနင်းလိုက်တဲ့အခါ တဝီဝီ အသံမြည်လာတတ်တာပါ။ ဘရိတ်ဆီအပါအဝင် ဘရိတ်စနစ် ကို စစ်ဆေးပြုပြင်ဖို့ လိုအပ်နေ တာဖြစ်တယ်။ အေဘီအက်စ် ဘရိတ်စနစ်က ပြဿနာရှိရင် တော့ အေဘီအက်စ်မီးလင်းလာမှာဖြစ်တယ်။

(၆) ဂျီပီအက်စ်ပြဿနာ

၂၀ဝ၆ မော်ဒယ် ဘယ်လ်တာကို ဂျပန်က မှာယူတင်သွင်းတာ ဖြစ်လို့ ဂျီပီအက်စ်မြေပုံတွေနဲ့စာတွေက ဂျပန်ဘာသာနဲ့သာ ညွှန်ပြနေတာဖြစ်တယ်။ အဲဒါကို ဆော့ဖ်ဝဲအသစ်ရေးဆွဲလို့မရတဲ့ပြဿနာ ပါ။ ဒီဗီဒီနဲ့ တီဗီတွေကလည်း ကုတ်နံပါတ်နဲ့ လော့ခ်ချထားတဲ့အတွက် အသုံးပြုလို့မရပါဘူး။ အဲ သည်အတွက် အကောင်းဆုံးအဖြေကတော့ ပြည်တွင်းက ဂျီပီအက်စ် စက်အသစ်နဲ့ ဖျော်ဖြေရေး ကိရိယာအသစ်တွေနဲ့ လဲလှယ်တပ်ဆင်ရတော့မှာဖြစ်ပါတယ်။

(၇) အဆွဲအရုန်း ကျဆင်းတာ

၂၀ဝ၆ မော်ဒယ်ဘယ်လ်တာမှာ အင်ဂျင်က ကောင်းမွန်နေပေမဲ့ တစ်ခါတစ်ရံမှာ အဆွဲအရုန်းကျဆင်းတဲ့ပြဿနာပါ။ ပုံမှန်မောင်း နှင်နေရင်းနဲ့ ကားက မရုန်းတော့ဘဲ ဖြစ်သွားတတ်တာပါ။ အဲဒါက ဆီပေးတဲ့စနစ်မှာ ချို့ယွင်းချက်ရှိ နိုင်ပြီး ဆီစစ် (Fuel  filter) သက် တမ်းကြာနေရင် အသစ်လဲလှယ်သင့်တာဖြစ်ပါတယ်။

From : ကုမုဒြာဂျာနယ် - by: အောင်ထွန်းဦး

Originally published at - http://www.kumudranews.com

Read More »

Saturday, January 28, 2017

လုပ်ငန်းသုံးရော အိမ်စီးပါ အဆင်ပြေတဲ့ ဟိုင်းလပ် ရီဗိုဒယ် ဘယ်ကပ်




ရန်ကုန်၊ ဇန်နဝါရီ ၂၄ – ဂျပန် အခြေ စိုက် တိုယိုတာ ကုမ္ပဏီက ထုတ် လုပ်တဲ့ ဟိုင်းလပ် ရီဗိုဒယ်ဘယ် ကပ် (Toyota Hilux Revo Double Cab) ကားအမျိုး အစားဟာ ကုန်း အမြင့် တက်ချိန်မှာ မတော်တဆ ဘရိတ်လွှတ် မိရင်တောင် Hill Start Assist Control System က သုံးစက္ကန့် ထိန်းပေး ထား မှာဖြစ်လို့ အန္တရာယ် ကင်းရှင်း အောင် မောင်းနှင် နိုင်ပါတယ်။

၂၀၁၆ မော်ဒယ် ဟိုင်းလပ်ရီဗို ဒယ်ဘယ်ကပ်ကို ဂရိတ်နှစ်မျိုး ထုတ်လုပ်ထားပြီး မန်နျူရယ်ရဲ့ ဈေးနှုန်းက အမေရိကန်ဒေါ်လာ ၄၄,၁၀ဝ နဲ့ အော်တိုက အမေရိ ကန်ဒေါ်လာ ၄၆,၃၀ဝ ရှိပါတယ်။

၂၃၆၊ အလုံလမ်း၊ အလုံမြို့နယ် မှာ ဖွင့်လှစ်ထားတဲ့ တိုယိုတာ မင်္ဂလာဆားဗစ်စင်တာ ဖုန်း – ဝ၁ ၂၂၁၂၂၄ နဲ့ ဝ၁ ၂၃၀၂၁၂၂ တို့ ကို ဆက်သွယ် စုံစမ်းနိုင်ပါတယ်။

အင်ဂျင်

• 1 KD – FTV 3.0 L VN တာ ဘို ဒီဇယ်အင်ဂျင်ဖြစ်ပြီး အင်တာ ကူလာပါရှိတဲ့အတွက် ခရီးဝေးသွားတဲ့အခါ အင်ဂျင်ပူမှာကို စိုး ရိမ်စရာ မလိုပါဘူး။ အော်တို ဂီယာ ဖြစ်ပါတယ်။

• မန်နျူရယ်နှစ်သက်သူတွေအတွက် 2KD – FTV 2.5 L တာဘို ဒီဇယ် အင်ဂျင်ကိုလည်း ရွေးချယ်နိုင်ပါတယ်။

အတွင်းပိုင်း/အပြင်ပိုင်း

• ရှေ့ရှဲလ် နှစ်တန်းရဲ့ အလယ်မှာ တိုယိုတာရဲ့ အမှတ်တံဆိပ်လိုဂို တပ်ဆင်ထားပြီး ရှေ့မီးလုံးတွေက ရှဲလ်နဲ့ လိုက်ဖက်အောင်တပ်ဆင် ထားတယ်။

• LED Projector Headlights တွေ ဖြစ်လို့ ညပုံရိပ်တွေကို ပြတ်သားထင်ရှားစေပြီး တစ်ဖက်ယာဉ်မောင်းကို စူးရှနှောက်ယှက်မှု မဖြစ် အောင် ချိန်ညှိပေးပါတယ်။

• Daytime runing Lamp ပါရှိတယ်။ မြူနှင်းထူထပ်ရင် အသုံးပြုနိုင်တဲ့ Fog Lamp နှင်းခွဲမီးလုံးတွေ ပါရှိတယ်။

• Multi – Information Dis-play ပါရှိတဲ့အတွက် သတင်းအချက်အလက်တွေကို ရယူနိုင်ပါ တယ်။

• Power windows Lock switch with Jam protection ပါဝါဝင်းဒိုး စနစ်ဖြစ်လို့ အလိုအလျောက်ဖွင့်ပိတ်နိုင်ပါတယ်။

• အဝေးပြေးလမ်းနဲ့ လမ်းကြမ်း ခရီးတွေမှာ 2WD နှစ်ဘီးယက် စနစ်ကနေ 4WD လေးဘီးယက်စနစ်ကို ပြောင်းလဲမောင်းနှင်နိုင် တဲ့ ခလုတ်ပါရှိတယ်။

• မြန်နှုန်းမြင့်မောင်းနှင်တဲ့အခါ သတ်မှတ်အမြန်နှုန်းအတိုင်း အ လိုအလျောက်မောင်းနှင်တဲ့ cruise control စနစ် ပါဝင်တယ်။

• အဝေးထိန်းစနစ်နဲ့ ကားလော့ခ် အဖွင့်အပိတ်ပြုလုပ်နိုင်တဲ့ smart entry စနစ် ပါရှိတယ်။

• ဘီးတစ်ဘီးစီနဲ့ လည်ပတ်နှုန်းကို စောင့်ကြည့်ထိန်းချုပ်ပေးနိုင်တဲ့ Anti – Lock Braking System (ABS) စနစ်ပါရှိတယ်။

• ဝန်အပြည့်တင်ထားချိန်မှာ ကား အရှေ့ဘီးနဲ့ အနောက်ဘီးရဲ့ အရှိန်ကို ကူညီထိန်းပေးတဲ့ EBD systems, ဘရိတ်စနစ်ကို ထောက်ပံ့ပေးတဲ့ brake assist system နဲ့ တောင်စောင်း၊ အကွေ့ အဝိုက်တွေမှာ တည်ငြိမ်စေတဲ့ system တို့ ပါရှိတယ်။

လမ်းကြမ်း ခရီးတွေမှာ အန္တရာယ်ကင်း စေတဲ့ diff lock စနစ်ပါရှိတယ်။ ယာဉ်ရဲ့ ရှေ့ခန်းက ဇိမ်ခံစီးနင်းနိုင်အောင် အဆင့်မြှင့်တင်ထားပြီး ယာဉ်နောက်ပိုင်းက ကုန်တင် ထရပ်ကားတစ်စီးလို အသုံးပြုနိုင် တာ ဖြစ်ပါတယ်။



From : ကုမုဒြာဂျာနယ် by အောင်ထွန်းဦး

Originally published at - http://www.kumudranews.com

Read More »