နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Showing posts with label ပြည်တွင်းသတင်း. Show all posts
Showing posts with label ပြည်တွင်းသတင်း. Show all posts

Friday, October 20, 2017

ရန်ကုန်တွင် (၂၂) ကြိမ်မြောက် World Police Band Concert အခမ်းနား ပြုလုပ်မည်




ရန်ကုန်၊ အောက်တိုဘာ ၁၉ ရက်

ရန်ကုန်မြို့တွင် (၂၂) ကြိမ်မြောက် World Police Band Concert (ကမ္ဘာ့ ရဲတပ်ဖွဲ့ တေးဂီတ ဖျော်ဖြေပွဲ) အခမ်း အနားကို ၂၈.၁၀.၂၀၁၇ ရက်နေ့တွင် စုပေါင်း လမ်းလျှောက် တီးခတ် ဖျော်ဖြေခြင်းများ ပြုလုပ်မည် ဖြစ်ပြီး၊ ၂၉.၁၀.၂၀၁၇ နေ့တွင် ရန်ကုန်မြို့၊ MCC ( Myanmar Convention Centre ) တွင် တီးခတ် ဖျော်ဖြေရေး ကျင်းပ ပြုလုပ်မည် ဖြစ်ကြောင်း ရန်ကုန်တိုင်း ဒေသကြီး ရဲတပ်ဖွဲ့မှ ယနေ့ သတင်း ထုတ်ပြန်သည်။

World Police Band Concert အခမ်းအနားများကို ကမ္ဘာ့နိုင်ငံအသီးသီးတွင် ၁၉၉၆ ခုနှစ်မှ စတင်၍ နှစ်စဉ် ကျင်းပပြုလုပ်ခဲ့ရာ ယခုနှစ်တွင် (၂၂) ကြိမ်မြောက်အဖြစ် မြန်မာနိုင်ငံတွင် ကျင်းပပြုလုပ်မည်ဖြစ်သည်။

ပြင်သစ်၊ တောင်ကိုရီးယား၊ ဂျာမနီ ၊ အမေရိကန်၊ အီတလီ၊ စင်္ကာပူ၊ တရုတ်၊ ဗီယက်နမ်၊ အင်ဒိုနီရှား နှင့် ဂျပန်နိုင်ငံများတွင် ကျင်းပပြုလုပ်ခဲ့ပြီးဖြစ်ကြောင်း၊ မြန်မာနိုင်ငံအနေဖြင့် ယခု ကျင်းပပြုလုပ်မည့် (၂၂) ကြိမ်မြောက် World Police Band Concert ကို အခြားနိုင်ငံများနည်းတူ ကျင်းပပြုလုပ် သွားမည် ဖြစ်ကြောင်း သိရသည်။

အခမ်းအနား ကျင်းပပြုလုပ်မည့် အစီအစဉ်အနေဖြင့် အစမ်းလေ့ကျင့်ခြင်းပြုလုပ်မည့် ၂၁.၁၀.၂၀၁၇ ရက်နေ့နှင့် ဖွင့်ပွဲအခမ်းအနားပြုလုပ်မည့် ၂၈.၁၀.၂၀၁၇ ရက်နေ့တို့တွင် နံနက် ၀၈း၃၀ နာရီ မှ ၁၀း၀၀နာရီ အချိန်အထိ

ကမ်းနားလမ်းနှင့် ဆူးလေဘုရားလမ်းဆုံမှ ဆူးလေဘုရားလမ်းအတိုင်း ဆူးလေဘုရားအား အရှေ့ဘက် ပတ်လမ်းမှပတ်၍ ဆူးလေဘုရားလမ်းနှင့် ဗိုလ်ချုပ် အောင်ဆန်းလမ်းအထိ စုပေါင်းလမ်းလျှောက် တီးခတ်ဖျော်ဖြေခြင်းများပြုလုပ်ပြီး ၂၉.၁၀.၂၀၁၇ ရက်နေ့ ၁၈း၀၀ နာရီ အချိန်တွင် မရမ်းကုန်းမြို့နယ် ၊
မင်းဓမ္မလမ်းရှိ MCC ( Myanmar Convention Centre ) ခန်းမ၌ တီးခတ်ဖျော်ဖြေမည်ဖြစ်ကြောင်း သိရသည်။

အဆိုပါ အခမ်းအနားများ ကျင်းပပြုလုပ်စဉ် အစမ်းလေ့ကျင့်မည့်နေ့ ၂၁.၁၀.၂၀၁၇ ရက်နေ့နှင့် ဖွင့်ပွဲအခမ်းအနားပြုလုပ်မည့်နေ့ ၂၈.၁၀.၂၀၁၇ ရက်နေ့တို့တွင် နံနက် ၀၆:၀၀ အချိန်မှ ၁၀:၀၀ နာရီ အချိန်ထိ အောက်ပါလမ်းများကို အလှည့်ကျလမ်းပိတ်လမ်းလွှဲ ဆောင်ရွက်သွားမည် ဖြစ်ကြောင်း ရန်ကုန်တိုင်း ဒေသကြီး ရဲတပ်ဖွဲ့ ၏ သတင်းထုတ်ပြန်ချက်ထဲတွင် ပါရှိသည်။

From : Xinhua-Myanmar

Originally published at - xinhuamyanmar.com

Read More »

အခမဲ့ ကုသပေးမည့် ၂၀၁၇ မျက်စိ အလင်းပြ ခရီးစဉ် ရှမ်း တောင်ပိုင်း၌ ပထမဆုံး အကောင်ထည်ဖော်




တောင်ကြီး ၊ အောက်တိုဘာ ၁၉ ရက်(ဆင်ဟွာ)

တရုတ် နိုင်ငံ မျက်စိ အထူးကု ဆရာဝန် အဖွဲ့ မှ မြန်မာနိုင်ငံရှိ မျက်စိ အတွင်းတိမ် လူနာများအား အခမဲ့ ကုသပေးမည့် ၂၀၁၇ မျက်စိ အလင်းပြ ခရီးစဉ်အား ရှမ်းပြည်နယ် တောင်ပိုင်း၌ ပထမဆုံး အကြိမ် အဖြစ် ယနေ့ အောက်တိုဘာ ၁၉ ရက်တွင် စတင် အကောင် အထည်ဖော် ဆောင်ရွက် ခဲ့သည်။

၂၀၁၇ မျက်စိ အလင်းပြ ခရီးစဉ် ဖွင့်ပွဲ အခမ်းအနားအား တောင်ကြီးမြို့ ရှိ စ၀်စံထွန်း ဆေးရုံကြီး၌ ကျင်းပပြုလုပ်ခဲ့ရာ ရှမ်းပြည်နယ် အစိုးရ အဖွဲ့ လူမှုရေး ၀န်ကြီး ဒေါက်တာ မျိုးထွန်းက အဖွင့် အမှာစကား ပြောကြားရာတွင် မျက်စိ ဝေဒနာရှင် စုစုပေါင်း ၃၀၀ ဦးခန့် တို့ ကို ကုသမှု ပြုလုပ်ပေးသွားမည် ဖြစ်သည့် အတွက် ဒေသခံ ပြည်သူလူထု ကိုယ်စား ၀မ်းမြောက်မိပါကြောင်း ကျေးဇူးတင်စကား ထည့်သွင်း ပြောကြားခဲ့သည်။

မြန်မာနိုင်ငံ ဆိုင်ရာ တရုတ်ပြည်သူ့ သမ္မတ နိုင်ငံ သံအမတ်ကြီး မစ္စတာ ဟုန်လျန်က ယခု ခရီးစဉ်၏ ရည်ရွယ်ချက်မှာ မြန်မာနိုင်ငံရှိ အမြင်အာရုံ ဆုံးရှုံးသွားသည့် အတွင်းတိမ် ရောဂါ ဝေဒနာရှင်များ အတွက် အမှောင်ခွင်း အလင်းဆောင် ပေးပြီး ကမ္ဘာကြီး နှင့် တခြားသူများ နှင့် အဆက်အသွယ် ပြုလုပ်ပေးသော ပေါင်းကူးတံတားကို ပြန်လည် ပြုပြင် ပေးခြင်း ဖြစ်ကြောင်း ၊ ၄င်းတို့ ၏ ပရဟိတ လုပ်ဆောင်ချက်များက တရုတ်-မြန်မာ ချစ်ကြည်ရေး မြှင့်တင်ရေး ၊ နှစ်နိုင်ငံ ဆွေမျိုးပေါက်ဖော် ချစ်ကြည်ရေး ပိုမို နက်ရှိုင်းစေရေး အတွက် များစွာ အထောက်အကူ ပြုမည် ဖြစ်ကြောင်း ထည့်သွင်း ပြောကြားခဲ့သည်။

တရုတ်နိုင်ငံမှ မျက်စိ အထူးကု ဆရာဝန်များက မြန်မာနိုင်ငံမှ မျက်စိ ဝေဒနာရှင်များအား ခွဲစိတ် ကုသမှုများ ပြုလုပ်ပေးနေစဉ်(ဆင်ဟွာ)


၂၀၁၅-၂၀၁၇ ခုနှစ် ၂ နှစ်တာ ကာလ အတွင်း တရုတ် ဆေးကုသရေး နှင့် ပရဟိတ အဖွဲ့ အစည်းပေါင်း ၁၀ ခုခန့် မြန်မာနိုင်ငံသို့ လာရောက်၍ အလင်းရောင် ခရီးစဉ် ပရဟိတ လှုပ်ရှားမှု ၂၈ ကြိမ် လုပ်ဆောင်ခဲ့ပြီး မြန်မာနိုင်ငံမှ အတွင်းတိမ် ဝေဒနာရှင်ပေါင်း ၆၀၀၀ နီးပါး အတွက် လာရောက် ခွဲစိတ် ကုသပေးခဲ့ကာ မြန်မာ နိုင်ငံရှိ မိသားစုပေါင်း ထောင်နှင့်ချီ အတွက် ဘ၀ အလင်းရောင် မျှော်လင့်ချက်များ ထွန်းလင်းစေခဲ့ကြောင်း သိရသည်။

၂၀၁၇ မျက်စိ အလင်းပြ ခရီးစဉ်အား တောင်ကြီးမြို့ ၊ စ၀်စံထွန်း ဆေးရုံကြီး၌ အောက်တိုဘာ ၁၉ ရက်မှ ၂၄ ရက်အထိ ဒေသခံ မျက်စိ အထူးကု ဆရာဝန်ကြီးများ နှင့် အတူ မျက်စိ ဝေဒနာ အတွင်းတိမ် ခံစားနေရသည့် တိုင်းရင်းသား ပြည်သူများအား မျက်စိ အခမဲ့ စစ်ဆေးပေးခြင်း ၊ နောက်ဆုံးပေါ် နည်းစနစ်များဖြင့် မျက်စိ အတွင်းတိမ် အခမဲ့ ခွဲစိတ် ကုသပေးခြင်းများကို ဒေသခံ အဖွဲ့ အစည်းများနှင့် ပူးပေါင်းကာ အကောင်အထည် ဖော် ဆောင်ရွက်သွားမည် ဖြစ်ကြောင်း သိရသည်။

ထိုမျက်စိ အလင်းပြ ခရီးစဉ်အား တောင်ကြီးမြို့ ၌ အကောင်အထည်ဖော် ဆောင်ရွက်ပြီးနောက် နေပြည်တော်သို့ သွားရောက်၍ မျက်စိ အတွင်းတိမ် ဝေဒနာရှင် ၂၀၀ ဦးအား ခွဲစိတ် ကုသမှုများ ဆက်လက် ပြုလုပ်ပေးသွားမည် ဖြစ်ကြောင်း သိရသည်။

၂၀၁၇ မျက်စိ အလင်းပြ ခရီးစဉ်အား မြန်မာနိုင်ငံ ကျန်းမာရေး နှင့် အားကစား ၀န်ကြီးဌာန ၊ ရှမ်းပြည်နယ် အစိုးရ အဖွဲ့ နှင့် မြန်မာနိုင်ငံ ဆိုင်ရာ တရုတ်ပြည်သူ သမ္မတ နိုင်ငံ သံရုံး၏ အစီအစဉ်ဖြင့် တရုတ် နိုင်ငံခြားရေး ၀န်ကြီးဌာန ၊ အမျိုးသား ကျန်းမာရေး နှင့် မိသားစု စီမံကိန်း ကော်မတီ ၊ တရုတ် နိုင်ငံ ဟောင်ကောင် အထူး အုပ်ချုပ်ခွင့်ရ ဒေသရှိ LIFELINE EXPRESS FOUNDATION(CHINA) ၊ လေးကျွန်းသူ ဖောင်ဒေးရှင်း(မြန်မာ) အသင်း နှင့် အတူ နမ့်ခုံး ရှမ်းများ ပရဟိတ အသင်း ၊ ပအိုဝ် လူငယ်များ အသင်း ၊ ဓနု လူငယ်များ အသင်း နှင့် ကြက်ခြေနီ အသင်းတို့ ပူးပေါင်း ပါဝင် ကူညီလျက် တရုတ်နိုင်ငံ HENAN PROVINCIAL PEOPLE’S HOSPITAL မှ မျက်စိ အထူးကု ဆရာဝန် အဖွဲ့ မှ မြန်မာနိုင်ငံသို့ လာရောက်ကာ မျက်စိ အတွင်းတိမ် အခမဲ့ ခွဲစိတ် ကုသပေးခြင်း ဖြစ်သည်။

မျက်စိ အလင်းပြ ခရီးစဉ် ဖြင့် စ၀်စံထွန်း ဆေးရုံ၌ လာရောက် ကုသမှု ခံယူသည့် ဆရာတော် အရှင် ကုမာရ က မျက်စိ တစ်ဘက်မှာ အတွင်းတိမ် ဖြစ်နေ၍ ယခုကဲ့သို့ လာရောက် ကုသမှု ခံယူခြင်း ဖြစ်ကြောင်း ၊ တရုတ် နိုင်ငံမှ နောက်ဆုံးပေါ် စက်များဖြင့် အခမဲ့ ကုသပေးသည်ကို တွေ့ ရပြီး ယခုကဲ့သို့ ကုသပေးမှု အပေါ် များစွာ ကျေးဇူး တင်ပါကြောင်း ပြောကြားခဲ့သည်။

လင်းခေးမြို့ နေ ဦးစိုင်းထွန်းမတ်က “မျက်စိက တိမ်ဖုံးတယ်ပဲ ပြောရမှာပေါ့။အခုကတော့ လုံးလုံး မမြင်ရဘူး။ဓာတ်မီးနဲ့ ထိုးမှပဲ မြင်တယ်။တရုတ်နိုင်ငံက ဆရာဝန်တွေ လာကုမယ် ဆိုတာ ကျွန်တော်တို့ သတင်းကြားပြီးတော့ စာရင်း သွားပေးဖြစ်ပါတယ်။အခုလို လုပ်ပေးတာ အရမ်း အကျိုးရှိပါတယ်။ကျွန်တော် ကိုယ်တိုင်လဲ မျက်စိ ပြန်မြင်ပြီးတော့ အများအကျိုးတွေ လုပ်နိုင်မယ်။တရုတ်က လာကုပေးတာ အများကြီး ကျေးဇူးတင်ပါတယ်။နောက်ဆုံးပေါ် စက်ကရိယာနဲ့ ခွဲစိတ်ပေးမယ် ဆိုတော့ အများကြီး ကျေးဇူးတင်ပါတယ်။တရုတ်-မြန်မာ ချစ်ကြည်ရေးကို ပိုကောင်းစေတယ်လို့ လဲ ယုံကြည်ပါတယ်ဗျာ။”ဟု ဆင်ဟွာသတင်းဌာန၏ မေးမြန်းမှုအား ဖြေကြားခဲ့သည်။

ထိုဖွင့်ပွဲ အခမ်းအနားတွင် ရှမ်းပြည်နယ် အစိုးရ အဖွဲ့ လူမှုရေး ၀န်ကြီးက ခရီးစဉ် ဖြစ်မြောက်ရေး အဓိက ကူညီ ပံ့ပိုးပေးသော LIFELINE EXPRESS FOUNDATION နှင့် အစီအစဉ်အား အဓိက ကူညီ အကောင်အထည်ဖော် ဆောင်ရွက်ပေးသော လေးကျွန်းသူ ဖောင်ဒေးရှင်း တို့ အား ဂုဏ်ပြု မှတ်တမ်းလွှာများ အသီးသီး ပေးအပ်ခဲ့သည်။

၂၀၁၇ ခုနှစ် မျက်စိ အလင်းပြ ခရီးစဉ် အတွက် မြန်မာ နိုင်ငံ ဆိုင်ရာ တရုတ် သံရုံး သံအမတ်ကြီး မစ္စတာ ဟုန်လျန်က လေးကျွန်းသူ ဖောင်ဒေးရှင်းသို့ ငွေကျပ် သိန်း ၂၀၀ အား အောက်တိုဘာ ၁၈ ရက်တွင် လှူဒါန်း ပေးအပ်ခဲ့သည်။

၂၀၁၇ မျက်စိ အလင်းပြ ခရီးစဉ် ဖွင့်ပွဲ အခမ်းအနားသို့ ရှမ်းပြည်နယ် အစိုးရ အဖွဲ့  ပြည်နယ် ၀န်ကြီးချုပ်၏ ဇနီးဖြစ်သူ ဒေါက်တာ နန်းရွှေမြင့် နှင့် အစိုးရ အဖွဲ့ ဝင် ၀န်ကြီးများ ၊ မြန်မာ နိုင်ငံ ဆိုင်ရာ တရုတ် သံရုံးမှ သံအမတ်ကြီး နှင့် တာဝန်ရှိသူများ ၊ လေးကျွန်းသူ ဖောင်ဒေးရှင်း အဖွဲ့ ဝင်များ ၊ တရုတ်နိုင်ငံ HENAN PROVINCIAL PEOPLE’S HOSPITAL မှ မျက်စိ အထူးကု ဆရာဝန်/ဆရာမ များနှင့် အဖွဲ့ ဝင်များ ၊ ဌာနဆိုင်ရာ အကြီးအကဲများ နှင့် တာဝန်ရှိသူများ ၊ ကျန်းမာရေး ဌာနမှ တာဝန်ရှိသူများ နှင့် ဖိတ်ကြားထားသူများ တက်ရောက်ခဲ့သည်။

From : Xinhua-Myanmar

Originally published at - xinhuamyanmar.com

Read More »

ကန်တော်ကြီး ပဲလေ့စ်ဟိုတယ် ၃ နာရီကျော် မီးလောင် သေဆုံးသူနှင့် ဒဏ်ရာရသူ ရှိ




ရန်ကုန်။ အောက်တိုဘာ ၁၉ ရက် (ဆင်ဟွာ)

ရန်ကုန်မြို့၊ မင်္ဂလာတောင်ညွန့် မြို့နယ်၊ ကန်တော်ကြီး ပဲလေ့စ် ဟိုတယ်တွင် ယနေ့ အောက်တိုဘာ ၁၉ ရက် နံနက် ၃ နာရီ ၃၀ မိနစ် အချိန်ခန့်မှ စတင်ကာ အချိန် ၃နာရီ ကျော်ကြာ မီးလောင်ကျွမ်းမှု ဖြစ်ပွားပြီး သေဆုံးသူနှင့် ထိခိုက် ဒဏ်ရာရရှိသူ အချို့ ရှိကြောင်း မီးလောင်မှုတွင် ငြိမ်းသတ်နေသော မီးသတ် တပ်ဖွဲ့မှ အရာရှိ တစ်ဦးက ပြောကြားသည်။

မီးလောင်ကျွမ်းနေသည့် ဟိုတယ်အတွင်းမှ အမျိုးသားအလောင်းတစ်လောင်း တွေ့ရှိထားကြောင်း။ အသေးစိတ်ကို ဆက်လက်ရှာဖွေစစ်ဆေးနေကြောင်း ၎င်းက ဆိုသည်။



မီးလောင်နေစဉ် သုံးထပ်မှ ခုန်ချရာ ခါးတွင် ထိခိုက်ဒဏ်ရာရရှိခဲ့သူ နိုင်ငံခြားသားဧည့်သည် အမျိုးသမီးတစ်ဦးနှင့် မီးသတ်တပ်ဖွဲ့တစ်ဦး ထိခိုက်ဒဏ်ရာရရှိသဖြင့် ရန်ကုန်ဆေးရုံကြီးသို့ ပို့ဆောင်ထားကြောင်း။ အခြားဧည့်သည်များသည် အနည်းငယ် ဒဏ်ရာများသာ ရရှိကြောင်း ၎င်းကပြောသည်။

အဆိုပါ ဟိုတယ်မီးလောင်မှုသည် မီးအားအပြင်းဆုံးမီးလောင်မှုဖြစ်ပြီး မီးသတ်တပ်ဖွဲ့ဝင် သုံးရာကျော် ရဲတပ်ဖွဲ့ဝင်များနှင့် တပ်မတော်မှ ကူညီမီးငြိမ်းသတ် ကယ်ဆယ်ရေးများ လုပ်ဆောင်ပေးလျက်ရှိကြောင်း သိရသည်။

ကန်တော်ကြီးပဲလေ့ဟိုတယ်တွင် တည်းခိုနေသူ ၉၀ခန့်ရှိပြီး အဆိုပါ နိုင်ငံခြားသားဧည့်သည်များကို ချက်ထရီယမ်ဟိုတယ်သို့ ပြောင်းရွှေ့ထားကြောင်း သိရသည်။

ယင်းမီးလောင်မှုနှင့် ပတ်သက်ပြီး ကနဦးသတင်းအရ ဟိုတယ်၏ ငါးထပ်မှမီးစတင်လောင်ကျွမ်းကြောင်း သိရသည်

From : Xinhua-Myanmar

Originally published at - xinhuamyanmar.com

Read More »

သဲကုန်းမြို့နယ် စည်ပင်သာယာကို ကျေနပ်မှု မရှိ၍ လူ ၁၀၀ကျော် ဆန္ဒဖော်ထုတ်


သဲကုန်း စည်ပင်အား မကျေနပ်၍ ဆန္ဒ ဖော်ထုတ် နေသူများ / ကောင်းမြတ်မင်း


ပဲခူးတိုင်း အနောက်ပိုင်း သဲကုန်း မြို့နယ် စည်ပင် သာယာရေး အဖွဲ့၏ လုပ်ငန်း အကောင် အထည် ဖော်နေမှု များအား ကျေနပ်မှု မရှိသည့် အတွက် ယနေ့ နံနက်ပိုင်းက သဲကုန်း မြို့နယ်အပိုင် ပုတီးကုန်းမြို့၌ ဒေသခံ လူ ၁၀၀ ကျော် ဆန္ဒ ဖော်ထုတ်သည်။

ဆန္ဒပြပွဲကို ပုတီးကုန်းမြို့ ဘူတာလမ်းဆုံမှ စတင်ကာ ဘူတာလမ်းဆုံ၊ ဈေးမြောက်ဘက်လမ်း၊ ဘုရားကြီးလမ်းနှင့် ပြည်တော်သာရပ်ကွက်၊ ဈေးတောင်ဘက် လမ်း စသည့် လူစည်ကားရာ နေရာများတွင် လှည့်လည် ဆန္ဒပြခဲ့ခြင်းဖြစ်သည်။

“ကျနော်တို့ မြို့ဖွံ့ဖြိုးတိုးတက်ရေး လမ်းစီမံကိန်းတွေမှာ မသမာမှုတွေရှိနေတဲ့အပေါ်မှာ တိုင်ကြား ခဲ့ပါတယ်။ အဲ့ဒါ အရေး ယူဆောင်ရွက်မှု အားနည်းတဲ့ အတွက် အခုလိုဆန္ဒပြရခြင်း ဖြစ်ပါတယ်။ မြို့နယ်စည်ပင်ကနေပြီး လမ်းပရောဂျက် အနေနဲ့ ချထားတဲ့ အသစ်ခင်းရမယ့် လမ်း ၆ လမ်းကို ပယ်ပြီး သူတို့ ခင်းချင်တဲ့ လမ်းကို ရွေးခင်းဖို့လုပ်တယ်” ဆန္ဒပြပွဲကို ဦးဆောင်သူ ဦးကျော်စိုးမိုးက ပြောသည်။

ပြုပြင်ဆဲလမ်းများနှင့် ရပ်ကွက်တခုနှင်တခု ဆက်သွယ်ထားသည့် လမ်းတချို့မှာ ရှည်လျားနေသည့် အတွက် ၃ နှစ် စီမံကိန်းဖြင့် ပြုပြင်ပေးမည်ဟု ပြောဆိုထားသော်လည်း တဝက်တပျက်သာ ခင်းပေး ထားကြောင်း ဦးကျော်စိုးမိုး ကဆက်ပြောသည်။

“ရွာမလမ်းဆိုရင် ပေ ၂၁၃၀ ရှိတာကို ပေ ၇၀၀ ပဲခင်းထားပြီး အခုဆက်လက်ဆောင်ရွက်မှုမရှိပါဘူး။ အဲ့ဒီလမ်းတွေကို ချန်လှပ်ထားခဲ့တယ် ပြည်သူတွေ သိထားတာက ပြီးခဲ့တဲ့ ဘတ်ဂျက်က မလုံလောက် တဲ့အတွက် ဒီနှစ်ဘတ်ဂျက်မှာ ဆက် လက်ဆောင်ရွက်မယ်လို့ ပြောထားတယ် တကယ်ဆောင်ရွက်တဲ့ အခါမှာ မပါပါဘူး။ အဓိကကျတဲ့ လမ်းမတွေ မြို့မ ၈ လမ်းဆိုရင် ပျက်စီးနေတယ် ဒီလမ်းမျိုးတွေ ကို မပြင်ပဲနဲ့ သူတို့နဲ့ ပတ်သက်ရာ ပတ်သက်ကြောင်း တွေကို ပူးပေါင်ပြင်နေတဲ့ အတွက် အခုလိုဆန္ဒ ထုတ် ဖော်ရခြင်း ဖြစ်ပါတယ်” ဟု ၎င်းကဆက်ပြောသည်။

ဆန္ဒထုတ်ဖော်ရာတွင် ပြည်သူကို လိမ်လည်သူများအား ရှုတ်ချကြ၊ အပြစ်ပြုသူနှင့် အရေးယူရန် ပျက်ကွက်သူ ထပ်တူ အပြစ်ရှိပါသည်၊ ဒီမိုကရေစီ နည်းကျ ဆုံးဖြတ်မှု ဖျက်ဆီးသူမှန်သမျှ ဆန့်ကျင် ကြ စသည့် စာသားပါ ပိုစတာဆိုင်းဘုတ်များ ကိုင်ဆောင်ကာ မသမာမှုပြုသူများ ဖော် ထုတ် အရေးယူပေး ရေး ဒို့အရေး၊ ဘက်လိုက်ဆောင်ရွက်မှုမှန်သမျှ ရှုတ်ကြချ၊ မြို့နယ် စည်ပင် သာယာရေး မှန်မှန် ကန်ကန်ဆောင်ရွက်ပေး အစရှိသည့် ကြွေးကြော်သံများကို ကြွေးကြော် ဆန္ဒပြခဲ့ကြသည်။

သဲကုန်းမြို့ နယ်စည်ပင်သာယာရေးအဖွဲ့ အမှုဆောင်အရာရှိ လက်ထောက်ညွှန်ကြားရေးမှူးဦးသန့်နိုင် ကမူ “ဘတ်ဂျက်တခုဆွဲရင် ကျနော် တဦးတည်း လုပ်လို့ မရပါဘူး စည်ပင်သာယာကော်မတီရော မြို့နယ်အုပ်ချုပ်ရေးမှူး ပြည်သူ့လွှတ်တော် ကိုယ်စားလှယ်တွေက ဆွေးနွေးညှိနှိုင်းပြီးတော့ ဘာကို ရွေးမယ် ဘတ်ဂျက်အရ ရွေးတဲ့လုပ်ငန်းတွေကို တိုင်းရုံးတင်ပြပြီးတော့ ရေးဆွဲဆောင်ရွက်ရတာ ဖြစ်ပါ တယ်၊ ကျနော်တို့သဘောနဲ့ လုပ်လို့မရပါဘူး” ဟု ပြောသည်။

သဲကုန်းမြို့နယ်အတွင်း သဲကုန်း၊ အင်းမ၊ ဝက်ပုတ်၊ ပုတီးကုန်း၊ ဆင်မြီးဆွဲ နယ်မြေများရှိပြီး ဘတ်ဂျက် ရရှိမှုပေါ် မူတည်၍ မျှတအောင် လုပ်ငန်းများ လုပ်ဆောင်နေရကြောင်း ရှင်းပြသည်။

From : ဧရာဝတီ By ကောင်းမြတ်မင်း 19 October 2017

Originally published at - burma.irrawaddy.com

Read More »

မီးရထားပေါ်မှ လူတဦးပြုတ်​ကျ သေဆုံး




မကွေးတိုင်း ဒေသကြီး၊ မြို့သစ် မြို့နယ်၊ တလုပ်ပင် ကျေးရွာအုပ်စု၊ ကံကြီး ကျေးရွာ အနီးမှာ အောက်တိုဘာ ၁၈ ရက်က မီးရထား ပေါ်က လူတဦး ပြုတ်ကျ သေဆုံး ခဲ့တယ်လို့ မြို့သစ် မြို့မ ရဲစခန်း တာဝန်မှူး ဒုရဲအုပ် ဝင်းကျော်က ပြောပါတယ်။

ဖြစ်စဉ်မှာ နေပြည်တော်ကနေ ချောက်ကို မောင်းနှင်လာတဲ့ မီးရထား စက်ခေါင်းအမှတ် DF-1239 စက်ခေါင်းမောင်း စက်ဗိုလ် ထွန်းထွန်းဝင်း မောင်းနှင်လာတဲ့ စာပို့ရထားဟာ မြို့သစ်ဘူတာက ထွက်လာခဲ့ မိုင်တိုင် အမှတ် (၃၁၀)-(၁၀/၁၁) ကြား အရောက်မှာ ဦးတင်မောင်ဦးဟာ မီးရထား စက်ခေါင်းတွဲ ကနေ အထူးတန်း ခရီးသည်တင် တွဲပေါ်ကို ဖြတ်ကူးစဉ် ခြေချော်ကာ ပြုတ်ကျ ခဲ့ပြီး ရရှိတဲ့ ဒဏ်ရာတွေနဲ့ အခင်းဖြစ်နေရာမှာ သေဆုံး သွားခဲ့တာပါ။

မြို့သစ်ရဲစခန်းက ဒုရဲအုပ်ဝင်းကျော်နဲ့အတူ တလုပ်ပင်ကျေးရွာအုပ်ချုပ်ရေးမှူး ဦးခင်မောင်သက်၊ ဆယ်အိမ်မှူး ဦးခင်မောင်ရွှေတို့နဲ့ သတင်းအရ သွားရောက် စစ်ဆေးပြီး အခင်းဖြစ်ရထားပေါ်ပါ မီးရထားရဲတပ်ဖွဲ့က သန်းထိုက် ပါ (၂) ဦးတို့နဲ့အတူ သေဆုံးသူ ဦးတင်မောင်ဦးရဲ့ အလောင်းကို မြို့သစ်ပြည်သူဆေးရုံကို ပို့ဆောင်ခဲ့တယ်လို့ ဆိုပါတယ်။

မြို့သစ်မြို့မရဲစခန်းက ဦးတင်မောင်ဦး သေဆုံးမှုနဲ့ပတ်သက်ပြီး ဓမ္မတာအတိုင်းသေဆုံးခြင်း ဟုတ်/မဟုတ် စစ်ဆေးဖို့ သေမှုသေခင်းအမှတ်စဉ် (၁၀/၂၀၁၇) နဲ့ အမှုဖွင့်ထားတယ်လို့ သိရပါတယ်။

သားကြီး (တောင်တွင်းကြီး)

From : ဒီဗွီဘီ

Originally published at - http://burmese.dvb.no/archives/234467

Read More »

မသန်စွမ်းသူများအား အလုပ်ကိုင် အခွင့်လမ်း ဖန်တီးပေးရေး မဲခွဲဆုံးဖြတ်




မသန်စွမ်း သူတွေ အလုပ် အကိုင် အခွင့် အလမ်း ရရှိစေဖို့ တိုင်း ဒေသကြီး အစိုးရ အဖွဲ့က စီစဉ်ပေးဖို့ တိုက်တွန်းကြောင်း အဆိုနဲ့ ပတ်သက်ပြီး စစ်ကိုင်းတိုင်း ဒေသကြီး လွှတ်တော်မှာ ဒီနေ့ မဲခွဲ ဆုံးဖြတ် ခဲ့ပါတယ်။

အဆိုကို ကန့်ဘလူမြို့နယ် မဲဆန္ဒနယ်အမှတ် ၂ မှ ဒေါက်တာကျော်သူဟန်ထွန်းက တင်သွင်းခဲ့တာဖြစ်ပြီး လွှတ်တော်ကိုယ်စားလှယ် ၆ ဦးက အကြံပြု ထောက်ခံဆွေးနွေး ခဲ့ကြပါတယ်။

အဆိုနဲ့ပတ်သက်ပြီး တိုင်းဒေသကြီးအစိုးရအဖွဲ့ဝင် လူမှုရေးဝန်ကြီး ဒေါက်တာဇော်ဝင်းက မသန်စွမ်းတွေနဲ့ပတ်သက်ပြီး ကော်မတီတွေလည်း ဖွဲ့ဖို့ရှိတာကြောင့် အဆိုကို မှတ်တမ်းတင်ထား ဖို့သာ တိုက်တွန်းခဲ့တာပါ။

ဒါကြောင့် လွှတ်တော်ဥက္ကဋ္ဌက အဆိုရှင်ရဲ့သဘောဆန္ဒကို မေးမြန်းရာမှာ လွှတ်တော်အဆုံးအဖြတ်ကို ခံယူမယ်ဆိုတာကြောင့် လွှတ်တော်ရဲ့ လုပ်ထုံး လုပ်နည်းနဲ့အညီ လျှို့ဝှက်မဲပေးစနစ်နဲ့ ဆုံးဖြတ်ခဲ့ပါတယ်။ ဒီလိုလျှို့ဝှက်မဲပေးစနစ်ကို စစ်ကိုင်းတိုင်းဒေသကြီး လွှတ်တော်မှာ ပထမဆုံးအကြိမ် စတင်အသုံးပြုတာလည်းဖြစ်ပါတယ်။

ဒီအဆိုနဲ့ပတ်သက်ပြီး မဲခွဲဆုံးဖြတ်ရာမှာ မဲပေးသူ ၈၃ ဦးရှိတဲ့အထဲက ထောက်ခံသူ ၄၈ ဦး၊ ကန့်ကွက်သူ ၂၂ ဦး၊ ကြားနေ ၉ ဦးနှင့် ပယ်မဲ ၄ ဦးရှိခဲ့တဲ့အတွက် အဆိုအောင်မြင်ခဲ့ပါတယ်။

အဆိုတင်သွင်းခဲ့တဲ့ ဒေါက်တာကျော်သူဟန်ထွန်းက “ဒီအဆိုက ဒီလောက်ထိဖြစ်စရာ အကြောင်းမရှိဘူးလို့ မျှော်မှန်းထားတာပေါ့။ လူ့အသိုင်းအဝိုင်း တခုရဲ့ ဂုဏ်သိက္ခာ၊ နိုင်ငံတခုရဲ့ ဂုဏ်သိက္ခာ၊ ထပ်ပြောရရင် လွှတ်တော် အမတ်ရဲ့ ဂုဏ်သိက္ခာတွေက ဒီမိုကရေစီနိုင်ငံတွေမှာ မသန်စွမ်းသူတွေကို ဘယ်လောက်ထိ စဉ်းစားဆုံးဖြတ်ပြီး လုပ်ကိုင်ပေးနေကြလဲဆိုတဲ့အပေါ်မှာ စံနှုန်းတခုနဲ့ တိုင်းတာနေကြတယ်။

ကျနော်ကိုယ်တိုင်လည်း မသန်စွမ်းတယောက်ပါ။

ပြည်သူတွေကိုပေးခဲ့တဲ့ ရွေးကောက်ပွဲဆိုင်ရာ ကတိကဝတ်တွေမှာ မသန်စွမ်းသူများအတွက် ဆောင်ရွက်ပေးမယ်ဆိုတဲ့အချက်လည်း ပါပါတယ်။ အခုလည်း ကျနော်တို့မလုပ်နိုင်တဲ့ အလုပ်တွေကို ခန့်ထားပေးဖို့တောင်းဆိုနေတာ မဟုတ်ပါဘူး။ လုပ်နိုင်တဲ့ သင့်လျော်တဲ့ အလုပ်အကိုင်အခွင့်အလမ်းတွေကို ခန့်ထားပေးဖို့ ပြောတာပါ။ ၏]

မသန်စွမ်းသူတွေ ခွဲခြားဆက်ဆံ ခံနေရတဲ့အတွက် တိုင်းဒေသကြီးအစိုးရအနေနဲ့ ကူညီဖြေရှင်းဆောင်ရွက်ပေးဖို့ တိုက်တွန်းတဲ့ အနေနဲ့ အဆိုတင်ရတာပါ” လို့ ပြောပါတယ်။

ဒီနေ့ ကျင်းပတဲ့လွှတ်တော်ကို ချပ်သင်း၊ မုံရွာရောင်ခြည်သစ်၊ ပြင်ဦးလွင်မျက်မမြင် ကျောင်း ဆရာတော်ဥူးညေယျစတဲ့ မသန်စွမ်းပုဂ္ဂိုလ်တွေလည်း လာရောက်လေ့လာခဲ့ကြပါတယ်။ အခုလို အဆိုအောင်မြင်သွားတဲ့အတွက် လာရောက်လေ့လာကြတဲ့ မသန်စွမ်းတွေကတော့ အရင်က ထက် ပိုမိုကောင်းမွန်လာဖို့ကိုလည်း မျှော်လင့်နေကြပါတယ်။

“အလုပ်တွေခေါ်ပြီဆိုရင် ကျန်းမာသန်စွမ်းသူဖြစ်ရမယ်ဆိုတဲ့ စကားစုလေးက ကျနော်တို့ အတွက် အတားအဆီးဖြစ်နေတယ်။ နောက်တချက်က အဆောက်အဦတွေပေါ့။ မသန်စွမ်းဥပဒေ ထွက်လာပြီးနောက်ပိုင်းတော့ ရန်ကုန်မှာဆို ၁၀ တန်းအောင်၊ အလယ်တန်းဆင့်ဆို ကောစင်တာ တွေ၊ ဘဏ်တွေမှာ အလုပ်ရတဲ့သူတွေရှိနေပြီ။

စက်ချုပ်တတ်သူတွေကိုလည်း အထည်ချုပ် စက်ရုံတွေမှာ အလုပ်လာလုပ်ဖို့ ကမ်းလှမ်းတာတွေရှိနေပြီ။ ဆံသထူးချွန်သူတွေ ဆိုရင်လည်း ဗျူတီပါလာတွေမှာ လခနဲ့နေပေးဖို့ကမ်းလှမ်းတာတွေ ရှိနေတဲ့အတွက် ကျနော်တို့တိုင်းမှာလည်း အဲလိုအခြေအနေတွေဖော်ဆောင်ပေးနိုင်မယ်လို့ ထင်ပါတယ်။

နောက်ပြီး ပညာရေးနဲ့ လုပ်နိုင်တဲ့ အလုပ်တွေအားလုံးတိုင်းမှာ လျှောက်ထားခွင့်ပေါ့လေ။ သူတို့အနေနဲ့ ကျန်းမာသန်စွမ်းသူ ဖြစ်ရမယ် ဆိုတာလေးကို အဖက်ဖက်က ပူးပေါင်းလုပ်ပေးမယ်ဆိုရင် အဲဒီအတားအဆီးလေး ကိုလည်း ကျော်နိုင်မယ်ထင်ပါတယ်။

နောက်ပြီး အဆောက်အဦတွေဆောက်တိုင်း မသန်စွမ်းတွေ အတွက် ထည့်ပြီးစဉ်းစားပေးလာနိုင်မယ်လို့ ထင်ပါတယ်”လို့ လွှတ်တော်လေ့လာရေး လာရောက်ခဲ့တဲ့ မသန်စွမ်းသူတဦးက ဒီဗွီဘီကိုပြောပါတယ်။

မြန်မာနိုင်ငံမှာ မသန်စွမ်းသူ ၄.၆ ရာခိုင်နှုန်းရှိပြီး အမြင်အာရုံချို့တဲ့သူ ၂.၅ ရာခိုင်နှုန်း၊ အကြားအာရုံချို့တဲ့သူ ၁.၃ ရာခိုင်နှုန်း၊ ကိုယ်လက်အင်္ဂါမသန်စွမ်းသူ ၁.၉ ရာခိုင်နှုန်းနှင့် ဉာဏ်ရည်ချို့တဲ့သူ ၁.၇ ရာခိုင်နှုန်းရှိတယ်လို့ ၂၀၁၄ ခုနှစ်သန်ခေါင်စာရင်းမှာဖော်ပြထားပါတယ်။ တနိုင်ငံလုံးအတိုင်းအတာအရ မသန်စွမ်းသူ ၂.၃ သန်းကျော်ရှိတဲ့အထဲက ၈၅ ရာခိုင်နှုန်းမှာ အလုပ်လက်မဲ့တွေလို့လည်း ဖော်ပြထားပါတယ်။

From : ဒီဗွီဘီ by အောင်ကိုလတ်

Originally published at - http://burmese.dvb.no/archives/234454

Read More »

ဖားကန့်ရှိ ခရစ္စယာန် ဘုရားကျောင်းမှ ကချင် အမျိုးသား ၄ ဦးကို တပ်က ဖမ်းဆီး ရိုက်နှက်မှု ဖြစ်ပွား


ဖားကန့်မြို့နယ် လုံးခင်း ကျေးရွာ ဆိုင်းဘုတ် / ဧရာဝတီ


ကချင် ပြည်နယ် ဖားကန့်မြို့နယ် လုံးခင်း ရပ်ကွက်ရှိ ကုဋေ ကချင် နှစ်ခြင်း ခရစ္စယာန် ဘုရားကျောင်းဝင်း အတွင်းသို့ တပ်မတော်သားများ ဝင်ရောက်လာကာ ကချင် အမျိုးသား ၄ဦးကို ဖမ်းဆီး ခေါ်ဆောင် သွားပြီး ရိုက်နှက်၍ ပြန်လွှတ် လိုက်သည်ဟု သတင်း ရရှိသည်။

ကချင် နှစ်ခြင်းခရစ္စယာန် ဘုရားကျောင်းမှ လူငယ်တာဝန်ခံ ဦးမရန်တူးလွန်က အောက်တိုဘာလ ၁၈ ရက် ည ၉ နာရီ ၅၀ ခန့်၌ ဘုရားကျောင်းဝင်းအတွင်း ထမင်းဟင်း ချက်နေကြသည့် ကချင်အမျိုးသား ၄ ဦးကို တပ်မတော်သားများက ဝင်ရောက် ဖမ်းဆီးသွားကာ ရိုက်နှက်ပြီး ည ၁၁ နာရီကျော်တွင် ပြန်လွှတ်ပေး လိုက်ခြင်းဖြစ်သည်ဟု ပြောသည်။

ဖမ်းဆီးခံရသူများမှာ ဦးလဂွေလရိန်း၊ ဦးတူးလွန်၊ ဦးမရစ်ဂွန်းမိုင် နှင့် ဦးဂန်မော်တို့ ဖြစ်သည်ဟု ဆိုသည်။

ဘုရားကျောင်းဝင်း အတွင်း အသင်းတော်သူ အသင်းတော်သားများက အိမ်သစ်တက် အလှူပွဲအတွက် ထမင်းဟင်း များ ချက်ပြုတ်နေကြစဉ် ညမိုးချုပ် လာသဖြင့် ဘုရားကျောင်းဝင်း ခြံတံခါးများကို တဦးက လိုက်လံပိတ်ကြောင်း၊ ခြံ တံခါး များ လိုက်ပိတ်စဉ် မီးပြတ်နေသဖြင့် ဓာတ်မီးဖြင့်သွားရာ ခြံဝင်းအနီး ရှိနေသည့် တပ်မတော်သားများကို ဓာတ်မီး ဖြင့် ထိုးမိသဖြင့် ခြံဝင်းအတွင်းသို့ ဝင်လာကာ ကချင်အမျိုးသား ၄ဦးကို ဖမ်းဆီးသွားခြင်း ဖြစ်သည်ဟု သိရသည်။

ဦးမရန်တူးလွန်က “ဓာတ်မီးနဲ့ထိုးမိတော့ ဟိုဘက်က ခင်ဗျားဘယ်သူလဲ ဘာလို့ မီးထိုးတာလဲ ဆိုတော့ ကျနော်တို့ လူ လည်း ကြောက်ပြီး ပြေးတာ၊ ပြေးရင် ပစ်မယ်ပြောတယ်။ သူက ထမင်းချက်နေကြတဲ့နား ပြေးပြီး ပုန်းနေတာ။ သူ့ကို မတွေ့ဘဲ ထမင်းချက်နေတဲ့ သူတွေကို တွေ့ပြီး ဘာမှ မဆီမဆိုင် အပြစ်မရှိတဲ့ ၄ယောက်ကို ရိုက်ပြီး ဖမ်းခေါ်သွားတာ” ဟု ပြောသည်။

ဓာတ်မီးဖြင့် ထိုးသည့်သူမှာ ပုန်းနေသဖြင့် အဖမ်းမခံရဘဲ လွတ်သွားသည်ဟု သိရသည်။

ဘုရားကျောင်း ခြံဝင်းအနီး ရောက်နေသည့် တပ်မတော်သားများသည် ယခင်က မရှိဘဲ ဘုရားကျောင်းဝင်း အနီး နေထိုင် သူ တဦးကို ဖမ်းဆီးရန် အောက်တိုဘာ ၁၈ ရက် ညပိုင်းကမှ လာရောက် ကင်းစောင့်နေခြင်း ဖြစ်သည်ဟု လည်း ဦးမရန်တူးလွန် က ဆိုသည်။

ဦးမရန်တူးလွန်က “သူတို့က ထမင်းချက်နေတဲ့ အမျိုးသားတွေရော အမျိုးသမီးတွေရောကို သတ်ပစ်မယ် ပြောပြီး သေနတ် တွေနဲ့ ချိန်ထားတယ်။ ဘာမှအပြစ်မရှိ မသိနားမလည်တဲ့ သူတွေကို ဘုရားကျောင်းထဲထိ ဝင်ပြီး အဲ့ဒီလို လုပ် သွားတာ။ ဖမ်းသွားတဲ့ ၄ယောက်ကိုတော့ ၁၁နာရီ ၄၅လောက်မှာ ရိုက်ပြီး ပြန်လွှတ် ပေးလိုက်တယ်” ဟုလည်း ပြောဆို သည်။

ပြန်လွှတ်ပေးလိုက်ရာတွင် ၄ဦးအနက် အသက် ၄၀ ကျော်အရွယ်ရှိ ဦးလဂွေလရိန်း နှင့် အသက်၂၉ နှစ်ရှိ ဦးမရစ်ဂွန်းမိုင် တို့သည် ကိုယ်ခန္ဓာတွင် ရိုက်နှက်ခံထားရသည့် ဒဏ်ရာများ ရရှိလာပြီး မျက်နှာများတွင်လည်း ညိုမည်း၍ ဖူးယောင်နေ သည် ဟု သိရသည်။

ပြန်လွတ်လာသူများကို ဘုရားကျောင်း တာဝန်ခံများက မေးမြန်းရာ ဖမ်းဆီးသွားစဉ် သေနတ်များဖြင့် ထုရိုက်ပြီး ခြေထောက် များနှင့် မျက်နှာကို ကန်ကြောင်း၊ ကိုယ်ခန္ဓာကိုလည်း တက်နင်းကြကြောင်း ပြန်လည် ပြောပြသည်ဟု သိရ သည်။

ဒေသခံများနှင့် ကုဋေ နှစ်ခြင်းခရစ္စယာန် ဘုရားကျောင်းမှ တာဝန်ခံက ဘုရားကျောင်း အတွင်းသို့ လက်နက်များ ကိုင် ပြီး ဝင်လာသည့်အပြင် အပြစ်မလုပ်ထားသည့် အသင်းတော်သားများကို ဖမ်းဆီး ရိုက်နှက်သဖြင့် မကျေနပ်ကြောင်း၊ အမှုဖွင့် သွားမည် ဖြစ်ကြောင်း ဧရာဝတီကို ပြောသည်။

ဖားကန့်မြို့နယ် အခြေစိုက် ကချင်အမျိုးသား လူမှုဖွံ့ဖြိုးရေးအသင်း ဥက္ကဌ ဦးလမောင်လတောင် ကလည်း “ကျနော်တို့ ဒေသမှာ ထင်တိုင်းကြဲသလို ဖြစ်နေတယ်။ ဘုရားကျောင်းထဲ တပ်မတော်သားတွေ ဝင်ပြီးလုပ်တာ အခုနဲ့ဆို ၂ခါရှိပြီ။ ၂၀၁၆ တုန်းကလည်း တပ်မ ၁၀၁ က မရှီကထောင် ဘုရားကျောင်းကို သေနတ်တွေနဲ့ ဝင်ပြီး ရမ်းကားတယ်။ အခု ကိစ္စ မှာတော့ ကျနော်တို့ တရားဥပဒေနဲ့ ရင်ဆိုင်ဖို့ လုပ်မှာပါ”ဟု ပြောဆိုသည်။

ဧရာဝတီက ဖားကန့်မြို့နယ် ရဲတပ်ဖွဲ့ကို မေးမြန်းရာ တာဝန်ရှိသူတဦးက ထိုဖမ်းဆီး ရိုက်နှက်ခံရခြင်းနှင့် ပတ်သက်၍ တစုံတရာ လာရောက်တိုင်တန်းခြင်း မရှိသေးပါဟု ပြောသည်။

၂၀၁၆ ခုနှစ်ကလည်း ဖားကန့်မြို့နယ် မရှီကထောင် ဘုရားကျောင်းအတွင်း ပြည်ထောင်စု ငြိမ်းချမ်းရေး ညီလာခံ -၂၁ရာစု ပင်လုံ နှင့် ပတ်သက်၍ အရပ်သားများ စုဝေးပြီး ဆွေးနွေးနေကြရာ တပ်မတော်သားများ ဝင်ရောက်လာပြီး တားမြစ်မှုလည်း ဖြစ်ပွားထားသည်။

From : ဧရာဝတီ By နန်းလွင်နှင်းပွင့် 19 October 2017

Originally published at - burma.irrawaddy.com

Read More »

ဖားကန့် ရုန်းရင်းဆန်ခတ်မှု ရေမဆေးသမား ၅ ဦး သေနတ်မှန် သေဆုံး




ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စုက တစ်သုံးလုံး ကုမ္ပဏီလုပ်ကွက်မှာ မနေ့ညပိုင်းက ရေမဆေးသမားတွေနဲ့ လုံခြုံရေး တပ်ဖွဲ့ဝင် တွေကြား ရုန်းရင်း ဆန်ခတ် ဖြစ်ပြီး ရေမဆေး သမား ၅ ဦး သေနတ်မှန်ပြီး သေဆုံး သွားတယ်လို့ ဖားကန့်မြို့နယ် အုပ်ချုပ်ရေးမှူး ဦးကျော်စွာအောင်က ပြောပါတယ်။

မနေ့ညက အဖြစ်အပျက်မှာ ပျက်စီးဆုံးရှုံ၊ ထိခိုက်သေဆုံးခဲ့တဲ့ အခြေအနေတွေကို ဦးကျော်စွာအောင်က ဒီကနေ့ နေ့လည်ပိုင်းမှာ အခုလိုပြောပြပါတယ်။

"ဖြစ်တာက ၁၀ နာရီခွဲလောက်မှာ။ ရေမဆေးအဖွဲ့တွေကနေပြီးတော့ လုံခြုံရေးတာဝန်ရှိတဲ့ ရဲတပ်ဖွဲ့ဝင်တွေကို ဓါးနဲ့ဝင်ခုတ်တာတို့။ မြေသယ်ယာဉ် တစ်စီး ကိုတော့ မီးရှို့တယ်။ နောက် ဘက်ဟိုး ၃ စီးကိုလည်း ခဲတွေနဲ့ပေါက် ပြီးတော့ မှန်တွေခွဲပစ်တယ်။ မလိုလားတဲ့ဟာတွေ ဆက်မဖြစ်ဖို့အတွက် ခြောက်လှန့် ပစ်ခတ် ခဲ့တာပေါ့နော်။ အသေးစိတ်ဖြစ်ပျက်တဲ့ မြေပြင်အခြေအနေကိုတော့ ကျနော်တို့က မမြင်ရပေမယ့် ဖြစ်စဉ်ကိုချုပ်လိုက်တဲ့ အခါမှာတော့ ဖြစ်စဉ် မှာတော့ လုံခြုံရေးရဲတပ်ဖွဲ့ဝင်တွေမှာတော့ လေး ငါးဦးလောက်တော့ သာမန်ထိခိုက် ဒဏ်ရာလေးတွေ ရတာပေါ့။ ကျောက်ခဲမှန်တာတို့။ ဘာတို့။ ရေမဆေး ရှာဖွေသူတွေထဲမှာတော့ ငါးယောက်ကတော့ ပစ်ခတ်တဲ့ဒဏ်ရာကြောင့် ဆုံးသွားတာပေါ့။ နှစ်ဆယ်လောက်ကတော့ ဒဏ်ရာရတယ်"

အဲဒီ ရုန်းရင်းဆန်ခတ်ဖြစ်မှုကြောင့် ရေမဆေးသမား ၂၀ ဒဏ်ရာရခဲ့သလို ရဲတပ်ဖွဲ့ဝင် ၅ ယောက်လည်း သာမာန်ထိခိုက်ဒဏ်ရာ ရခဲ့တယ်လို့ ပြောပါတယ်။

ဒဏ်ရာရသူတွေထဲက ၁၁ ယောက်ကို လုံးခင်းဆေးရုံကနေ မြစ်ကြီးနားဆေးရုံကို ပို့ဆောင်ကုသနေတယ်လို့ သိရပါတယ်။

နယ်မြေတည်ငြိမ်မှုတွေမရှိတဲ့ ဖားကန့်ဒေသမှာ အခုလိုအဖြစ်အပျက်တွေ မကြာခဏဖြစ်လို့ တနိုင်တပိုင် ရေမဆေးကျောက်ရှာသူတွေ ထိခိုက်သေဆုံးမှုတွေနဲ့အတူ လုံခြုံရေးတပ်ဖွဲ့ဝင်တွေလည်း ဒဏ်ရာအနာတရတွေ ရရှိနေတာပါ။

မနေ့ညကအဖြစ်အပျက်မှာ ပါဝင်ခဲ့တဲ့ ရေမဆေးသမားတွေကိုတော့ RFA က ဆက်သွယ်မေးမြန်းလို့ မရပါဘူး။

ဖားကန့်မြို့နယ် ပြည်နယ်လွှတ်တော်ကိုယ်စားလှယ် ဦးဒါရှီလဆိုင်းကတော့ ရေမဆေးသမားတွေက သတ်မှတ်ထားတဲ့ စည်းကမ်းတွေနဲ့အညီ လုပ်ကိုင်ရမှာဖြစ်သလို လုံခြုံရေးတပ်ဖွဲ့တွေကလည်း ရေမဆေးသမားတွေဟာ ကိုယ့်နိုင်ငံသားတွေဖြစ်တဲ့ဆိုတဲ့ အမြင်နဲ့ နှစ်ဘက်လုံးက ထိန်းသိမ်းဆောင်ရွက်သင့်တယ်လို့ ပြောပါ တယ်။

ဖားကန့်ကျောက်စိမ်းတွင်းဒေသမှာ ရေမဆေးသမားတွေအပါအဝင် တစ်နိုင်ငံလုံးက လာရောက်လုပ်ကိုင်နေကြတဲ့ ရွှေ့ပြောင်းလုပ်သား ခန့်မှန်းနှစ်သိန်းဝန်းကျင်ရှိပါတယ်။

From : အာအက်ဖ်အေမြန်မာသတင်းဋ္ဌာန

Originally published at - http://www.rfa.org/burmese

Read More »

ဒေါ်အောင်ဆန်းစုကြည် လုံခြုံရေး စိုးရိမ်တယ်လို့ သူရဦးအောင်ကို ပြော




နေပြည်တော် လေဆိပ်နဲ့ ACE ကုမ္ပဏီပိုင် ဟိုတယ် တွေမှာ လက်နက်တွေ တွေ့ရှိတဲ့ အတွက် နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်ရဲ့ လုံခြုံရေးကို စိုးရိမ် တယ်လို့ သာသနာရေးနဲ့ ယဉ်ကျေးမှု ၀န်ကြီး သူရ ဦးအောင်ကိုက ပြောပါတယ်။

ဒေါ်အောင်ဆန်းစုကြည်ဟာ တစ်ခေတ်မှာတစ်ယောက် ပေါ်ပေါက်တဲ့ ခေါင်းဆောင်ဖြစ်တာကြောင့် သူ့ရဲ့လုံခြုံရေးကို စိုးရိမ်တယ်လို့ နေပြည်တော်မှာ ကျင်းပနေတဲ့ ပြည်သူ့လွှတ်တော် အစည်းအဝေးအပြီးမှာ သူရဦးအောင်ကိုက သတင်းထောက်တွေကို ပြောပါတယ်။

ဒါ့အပြင် အဲဒီလိုနေပြည်တော်လေဆိပ် X ray ဖြတ်တဲ့အချိန် လက်နက်နဲ့ မူးယစ်ဆေးဝါးတွေဖမ်းမိတဲ့ ကိစ္စဟာ သိမ်မွေ့တယ်လို့လည်း ပြောပါတယ်။

အရင် အစိုးရလက်ထက် ၀န်ကြီးဟောင်း ဦးတင့်ဆန်းရဲ့ သားဖြစ်သူ ဦးဖြိုးကိုကိုတင့်ဆန်း အပါအ၀င် ၃ ဦးကို အောက်တိုဘာလ ၁၅ ရက်နေ့ညက နေပြည်တော်လေဆိပ်မှာ သေနတ်၊ မူးယစ်ဆေးတွေနဲ့ ဖမ်းမိခဲ့တာပါ။

အဲဒီ အမှုနဲ့ဆက်စပ်ပြီး ဦးဖြိုးကိုကိုတင့်ဆန်းပိုင် နေအိမ်၊ ဟိုတယ်နဲ့ ရုံးခန်းတွေကို ရှာဖွေရာမှာ အခြားသေနတ်တွေနဲ့ စကားပြောစက်တွေကိုပါ ဆက်ပြီးဖမ်းဆီးရမိခဲ့ပါတယ်။

အဲဒီအမှုနဲ့ပတ်သက်ပြီး လူပုဂ္ဂိုလ် ၁၂ ဦးနဲ့ သေနတ် ၂၁ လက်ကို ဖမ်းဆီးရမိထားတယ်လို့ သိရပါတယ်။

အဲဒီလိုလက်နက်တွေနဲ့ မိတဲ့အချိန်ဟာ NCA စာချုပ်လက်မှတ်ထိုးမှု ၂ နှစ်ပြည့် အခမ်းအနား ကျင်းပတဲ့နေ့နဲ့ တိုက်ဆိုင်နေတဲ့အတွက် နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ လုံခြုံရေးကို စိုးရိမ်ကြောင်း လူမှုကွန်ရက် (Facebook) မှာ ရေးသားကြတာတွေလည်းရှိပါတယ်။

From : အာအက်ဖ်အေမြန်မာသတင်းဋ္ဌာန

Originally published at - http://www.rfa.org/burmese

Read More »

ဦးဖြိုးကိုကိုတင့်ဆန်းကို အမှု ၃ ခုနဲ့ထပ်ပြီး အမှုဖွင့်




နေပြည်တော် လေဆိပ်မှာ လက်နက်၊ မူးယစ် ဆေးဝါးတွေနဲ့ အတူ ဖမ်းဆီး ထားတဲ့ ဦးဖြိုးကိုကို တင့်ဆန်း ကို မြန်မာနိုင်ငံ အစိုးရ လျှို့ဝှက်ချက်များ ဥပဒေ ပုဒ်မ ၆၁၊ (က)၊(င) အပါအ၀င် ပုဒ်မသုံးခုနဲ့ ထပ်ပြီး အမှုဖွင့် လိုက်တယ်လို့ နေပြည်တော်၊ ဒက္ခိဏမြို့မ ရဲစခန်းမှူး ဒုရဲမှူး မြင့်စိုးက ပြောပါတယ်။

တပ်မတော်နဲ့ ရဲဝတ်စုံတွေကို ထင်ယောင်ထင်မှားဖြစ်မယ့် ဝတ်စုံ၊ အမှတ်တံဆိပ်တွေ လက်ဝယ်ထားရှိတာ၊ တရားမဝင် ဆက်သွယ်ရေးစက် အသုံးပြုတာနဲ့ တရားမဝင်ကုန်ပစ္စည်း တင်သွင်းတာတွေကြောင့် အခုလို အမှု (၃) ခု ထပ်တိုးပြီးဖွင့်တာ ဖြစ်တယ်လို့ ဒုရဲမှူးမြင့်စိုးက ပြောပါတယ်။

လက်ရှိအချိန်မှာ ဦးဖြိုးကိုကိုတင့်ဆန်း တစ်ဦးတည်းကို ထပ်တိုးအမှုဖွင့်ထားတာဖြစ်ပြီး တခြားသူတွေကိုတော့ စစ်ဆေးပြီးမှ အမှုထပ်ဖွင့်မယ်လို့ ဒက္ခိဏမြို့မ စခန်းမှူး ဒုရဲမှူးမြင့်စိုးက ပြောပါတယ်။

ပြီးခဲ့တဲ့ အောက်တိုဘာ ၁၅ ရက်နေ့က နေပြည်တော်လေဆိပ်မှာ လက်နက်နဲ့ မူးယစ်ဆေးဝါးတွေ ဖမ်းမိခဲ့တဲ့ အတွက် ဦးဖြိုးကိုကိုတင့်ဆန်း အပါအဝင် ၃ ဦးကို မူးယစ်မှု၊ လက်နက်ဥပဒေတွေနဲ့ အမှုဖွင့် အရေးယူထားတာ ဖြစ်ပါတယ်။

အဲဒီနောက် နေပြည်တော်နဲ့ ရန်ကုန်မြို့တွေမှာရှိတဲ့ ဦးဖြိုးကိုကိုတင့်ဆန်းရဲ့ နေအိမ်၊ ရုံးခန်းနဲ့ ဟိုတယ်တွေကို ရှာဖွေရာမှာ သုံးရက်အတွင်း ပစ္စတိုနဲ့ မောင်းပြန် ရိုင်ဖယ်စတဲ့ သေနတ်စုစုပေါင်း ၂၁ လက်၊ ကျည်ဆန်ပေါင်း ၁,၀၀၀ နီးပါး ရှာဖွေတွေ့ရှိထားပြီး ဖြစ်ပါတယ်။

အမှုနဲ့ ပတ်သက်ပြီး ရဲတပ်ဖွဲ့က ရှာဖွေစစ်ဆေးမှုတွေ ဆက်လက်လုပ်ဆောင်နေတယ်လို့ သိရပါတယ်။

From : အာအက်ဖ်အေမြန်မာသတင်းဋ္ဌာန

Originally published at - http://www.rfa.org/burmese

Read More »

ကန်တော်ကြီး ပဲလေ့စ်ဟိုတယ်မီးလောင်မှု ၁ ဦး သေဆုံး




ရန်ကုန်မြို့၊ မင်္ဂလာ တောင်ညွန့် မြို့နယ်က ကန်တော်ကြီး ပဲလေ့စ် ဟိုတယ်မှာ ဒီကနေ့ မနက် ၃ နာရီ ခွဲ အချိန်လောက် က မီးလောင်မှု ဖြစ်ပွား ခဲ့ပါတယ်။

အဲဒီ မီးလောင်မှုကြောင့် ကန်တော်ကြီးပဲလေ့စ်ဟိုတယ် ပင်မအဆောက်အအုံမှာရှိတဲ့ အခန်းပေါင်း ၁၈၅ ခန်းထဲက အများစု မီးလောင်ပျက်စီးသွားတယ်လို့ သိရပါတယ်။

မီးလောင်မှုဖြစ်ပွားရတဲ့ အကြောင်းအရင်းကိုတော့ စုံစမ်းဆဲဖြစ်တယ်လို့ ဟိုတယ် တာဝန်ရှိသူတွေက ပြောပါတယ်။

မီးလောင်မှုကြောင့် အဲဒီဟိုတယ်မှာ တည်းခိုနေတဲ့ ဧည့်သည်တစ်ယောက် သေဆုံးခဲ့ပါတယ်။

ဒါ့အပြင် မီးလောင်မှုကို ကြောက်လန့်ပြီး ဟိုတယ်(၄)လွှာကနေ ခုန်ချခဲ့တာကြောင့် ခါးဒဏ်ရာရသွားတဲ့ မကာအို နိုင်ငံသား ဧည့်သည် တစ်ယောက်နဲ့ မီးငြှိမ်း သတ်ရင်း မီးခိုးမွှန်ပြီး သတိလစ်သွားတဲ့ ရွှေပြည်သာမီးသတ်စခန်းက ဦးစီးအရာရှိ တစ်ဦးတို့ကိုတော့ ရန်ကုန်ပြည်သူ့ဆေးရုံကြီးကို ပို့ဆောင်ထားပြီး ဆေးကုသမှု ခံယူနေရတယ်လို့ သိရပါတယ်။

From : အာအက်ဖ်အေမြန်မာသတင်းဋ္ဌာန

Originally published at - http://www.rfa.org/burmese

Read More »

အစိုးရနဲ့ UNFC တွေ့ဆုံဆွေးနွေးမည်




လာမယ့် အောက်တိုဘာလ ၂၃ ရက်နေ့နဲ့ ၂၄ ရက် နေ့တွေမှာ ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ UNFC က ကိုယ်စားလှယ် အဖွဲ့နဲ့ အစိုးရ ငြိမ်းချမ်းရေး ကော်မရှင်တို့ ၇ ကြိမ်မြောက် တွေ့ဆုံပြီး NCA စာချုပ်မှာ လက်မှတ် ရေးထိုးနိုင်ရေး အတွက် ဆက်လက် ဆွေးနွေး သွားမှာ ဖြစ်တယ်လို့ UNFC ရဲ့ ဗဟို အလုပ်မှုဆောင် ကော်မတီဝင် ဦးထွန်းဇော်က ပြောပါတယ်။

တစ်နိုင်ငံလုံးအပစ်ခတ်ရပ်စဲရေး သဘောတူစာချုပ် NCA ကိုလက်မှတ်မရေးထိုးသေးတာဟာ မျက်ကွယ်ပြု ငြင်းပယ်နေတာမဟုတ်ဘဲ စာချုပ်ပါ အားနည်းချက် တွေကို ခိုင်မာအောင် ဆောင်ရွက်နေတာဖြစ်တဲ့အတွက် တပ်မတော်ဘက်က လမ်းဖွင့်ပေးဖို့နဲ့ တရားသေဝါဒ မဆုတ်ကိုင်ထားဖို့ လိုတယ် လို့လည်း ဦးထွန်းဇော်က ပြောပါတယ်။

"လာမယ့် ၂၃ ၊ ၂၄ မှာ ကျနော်တို့ဆွေးနွေးမယ်။ ဆွေးနွေးတဲ့အခါမှာ တပ်မတော်ဘက်က တရားသေဝါဒ ဆုပ်ကိုင်ထားမှုတော့ ဖြေလျော့ဖို့လိုတယ်လို့ မြင်တယ်။ NCA ဘောင်ထက် ဘယ်ဟာမှ ကျော်လွန်လို့ မရဘူးလို့ ပြောနေတယ်။ NCA ဟာ ဖွဲ့စည်းပုံအခြေခံဥပဒေကဲ့သို့ လုံးဝပြင်လို့မရ ပြုလို့မရ အနေအထားကို ကျနော်တို့က လုပ်လို့မရဘူးလို့ ပြောချင်ပါတယ်။ ဖွဲ့စည်းပုံအခြေခံဥပဒေတောင် သူ့ကာလရွေ့လျားလာတာနဲ့ အမျှအခြေနေ အချိန်အခါပေါ်မူတည်ပြီးမှ ပြုပြင်သင့်တာကို ပြုပြင်ရတာပဲ။ ပြုပြင်ဖို့လည်း ပြောနေကြတာပဲ။ မပြုပြင်ရင်တော့ ကျနော်တို့ အဖြေရလာဒ်ထွက်ဖို့အတွက် အခက်အခဲရှိဦးမယ်လို့ ကျနော်မြင်ပါတယ်"

လက်ရှိ ငြိမ်းချမ်းရေးကော်မရှင်နဲ့ UNFC ကိုယ်စားလှယ်အဖွဲ့ DPN တို့ကြား ဆက်လက်ဆွေးနွေးမယ့် ကိစ္စတွေဟာ မူဝါဒပိုင်းဆိုင်ရာတွေဖြစ်တာကြောင့် တိုက်ရိုက်ဆွေးနွေးနိုင်ရေးအတွက် နိုင်ငံတော် အတိုင်ပင်ခံပုဂ္ဂိုလ်၊ တပ်မတော်ကာကွယ်ရေးဦးစီးချုပ်တို့နဲ့ UNFC ခေါင်းဆောင်တွေ ထိပ်တိုက်တွေ့ဆုံဆွေးနွေးနိုင်ရေးအတွက်လည်း UNFC ဘက်က တောင်းဆိုထားတယ်လို့ ပြောပါတယ်။

အစိုးရနဲ့ တပ်မတော်ဘက်ကစပြီး အပစ်အခတ်ရပ်စဲရေး ကြေညာဖို့၊ ၂၁ ရာစု ပင်လုံညီလာခံ ဆုံးဖြတ်ချက်တွေ အပေါ် မူတည်ပြီး ဖွဲ့စည်းပုံအခြေခံဥပဒေ အပါအ၀င် ဥပဒေတွေကို ရေးဆွဲပြဌာန်းဖို့ စတဲ့ အဆိုပြုချက် ၈ ချက်ကို တောင်းဆိုထားပြီး အဲဒီအထဲက အချက် ၄ ချက်ကို အစိုးရနဲ့ မူအားဖြင့် သဘောတူညီမှု ရရှိထားပါတယ်။

ညီညွတ်သော တိုင်းရင်းသား လူမျိုးများ ဖက်ဒရယ်ကောင်းစီမှာ မွန်ပြည်သစ်ပါတီ (MNSP)၊ ကရင်နီ အမျိုးသား တိုးတက်ရေးပါတီ (KNPP)၊ ရခိုင်အမျိုးသား ကောင်စီ (ANC) နဲ့ လားဟူ ဒီမိုကရက်တစ် အစည်းအရုံး (LDU) စတဲ့အဖွဲ့တွေ ပါဝင်ပါတယ်။

From : အာအက်ဖ်အေမြန်မာသတင်းဋ္ဌာန

Originally published at - http://www.rfa.org/burmese

Read More »

တရားမ၀င် လက်နက်တွေ အပ်နှံဖို့ ပြည်ထဲရေး ကြေညာ




တရားမဝင် လက်ဝယ် ထားရှိတဲ့ လက်နက် / ခဲယမ်းတွေ၊ ဆက်သွယ်ရေး စက်တွေ၊ လိုင်စင်မဲ့ ယာဉ်တွေကို နီးစပ်ရာ တပ်၊ ရဲစခန်းတွေ၊ ရဲတပ်ဖွဲ့မှူး ရုံးတွေကို အမြန်ဆုံး လာရောက် အပ်နှံကြဖို့နဲ့ လာရောက် မအပ်နှံဘဲ လက်ဝယ်ထား ရှိကြောင်း စုံစမ်းဖော်ထုတ် ရရှိရင် တရားဥပဒေ အရ အရေးယူသွားမှာဖြစ်တယ်လို့ ပြည်ထဲရေး ၀န်ကြီးဌာနက ထုတ်ပြန်ကြေညာလိုက်ပါတယ်။

ကြေညာချက်အရ လာရောက် အပ်နှံသူတွေကို အရေးယူမှာ မဟုတ်ဘဲ သတ်မှတ်ချိန်ကျော်လွန်ရင်တော့ ဥပဒေနဲ့အညီ ဆောင်ရွက်သွားမှာဖြစ်တယ်လို့ နေပြည်တော်တိုင်း ရဲတပ်ဖွဲ့မှူး ရဲမှူးကြီး ဇော်ခင်အောင်က ပြောပါတယ်။

"သူတို့ကို အရေးမယူဘူး။ ကျနော်တို့က လောလောဆယ် လာအပ်ရတယ်။ အရေးမယူဘူး။ အဲဒီ သတ်မှတ် ကာလထက် ကျော်သွားရင်တော့ တစ်ပိုင်းပေါ့ဗျာ။ ဥပဒေနဲ့အညီ ဆောင်ရွက်မှာပေါ့။ ဟုတ်တယ်။ ဘာမှ အရေးယူစရာအကြောင်း မရှိဘူး။ နီးစပ်တဲ့ သက်ဆိုရာစခန်းတို့ ဘာတို့၊ ညာတို့ ကြိုက်တဲ့နေရာ သွားအပ်။ ရတယ်"

မြန်မာနိုင်ငံမှာ ကျင့်သုံးနေတဲ့ လက်နက်ကိုင်ဆောင်ရေးမူအရ လေသေနတ်၊ လုပ်သေနတ်အပါအဝင် လက်နက်အားလုံးကို လိုင်စင်နဲ့သာ ကိုင်ဆောင်ခွင့်ပြုထားတဲ့အတွက် လိုင်စင်နဲ့ ကိုင်ဆောင်ခွင့်ရရှိဖို့ ဥပဒေ လုပ်ထုံးလုပ်နည်းတွေနဲ့အညီ ပြည်ထဲရေးဝန်ကြီးဌာန(လက်နက်ကိုင်ဆောင်ခွင့် လိုင်စင်/ပါမစ်စိစစ်ရေးအဖွဲ့)ကို တင်ပြလျှောက်ထားမှုအပေါ် စိစစ်ခွင့်ပြုချက်ရမှသာ ကိုင်ဆောင်ခွင့်ရှိကြောင်းလည်း ပြည်ထဲရေး ၀န်ကြီးဌာနရဲ့ ထုတ်ပြန်ချက်မှာ ပါရှိပါတယ်။

အလားတူပဲ ဆက်သွယ်ရေးစက်တွေကိုလည်း မြန်မာ့ဆက်သွယ်ရေးလုပ်ငန်းကို ကိုင်ဆောင်ခွင့်လိုင်စင် လျှောက်ထားပြီး လိုင်စင်ရရှိမှသာ ကိုင်ဆောင်ခွင့်ရှိကြောင်းလည်း ပါရှိပါတယ်။

အောက်တိုဘာ ၁၅ ရက်နေ့က နေပြည်တော်ကနေ ရန်ကုန်ကို MNA လေကြောင်းလိုင်းနဲ့ လိုက်ပါမယ့် ခရီးသည် ၃ ဦးရဲ့ ခရီးဆောင်အိတ်တွေအတွင်းက ပစ္စတိုနှစ်လက်၊ ခဲယမ်းတွေ၊ ဆက်သွယ်ရေးစက် ၃ လုံးနဲ့ ဆက်စပ် ပစ္စည်းတွေကို စစ်ဆေးတွေ့ရှိခဲ့တာ ဖြစ်ပါတယ်။

အဲဒါကြောင့် နေပြည်တော်နဲ့ ရန်ကုန်တွေက သူတို့နေတဲ့နေရာတွေကို သွားရောက်စစ်ဆေးခဲ့ရာ နေပြည်တော် လေဆိပ်မှာ ဖမ်းဆီးရမိခဲ့တဲ့ အရေအတွက်အပါအဝင် ပစ္စတိုနဲ့ ရိုင်ဖယ်သေနတ် စုစုပေါင်း အလက် ၂၀ ကျော် ဆက်သွယ်ရေးစက် ၃၄ လုံး၊ ခဲယမ်းတွေနဲ့ လိုင်စင်မဲ့ယာဉ်တစ်စီးကို သိမ်းဆည်းရမိခဲ့တာကြောင့် ဥပဒေနဲ့အညီ အရေးယူဆောင်ရွက်နေပြီး ဆက်စပ်တရားခံတွေကိုလည်း ဆက်လက်ဖော်ထုတ် ဖမ်းဆီးအရေးယူနေပါတယ်။

တရားမဝင် လက်နက်ကိုင်ဆောင်မှုတွေနဲ့ ပတ်သက်ပြီး ၁၈၇၈ ခုနှစ် လက်နက်များ အက်ဥပဒေပုဒ်မ ၁၉ နဲ့ ၁၉၅၁ ခုနှစ် လက်နက်များ (ယာယီ) ပြင်ဆင်ချက်အက်ဥပဒေ ပုဒ်မ ၁၉-က တို့ အရ အလုပ်ကြမ်းနဲ့ ထောင်ဒဏ် (၃) နှစ်ထက်မနည်း (၇)နှစ်ထက်မပိုသော ထောင်ဒဏ်ချမှတ်နိုင်ကြောင်း ပြဋ္ဌာန်းထားပါတယ်။

၂၀၁၃ ခုနှစ် ဆက်သွယ်ရေးဥပဒေပုဒ်မ ၆၇ အရ ဆက်သွယ်ရေးစက်တွေကို လိုင်စင်မရှိဘဲ တရားမဝင် ကိုင်ဆောင် လက်ဝယ်ထားရှိတာ (ဒါမှမဟုတ်) အသုံးပြုပါက ၁ နှစ်ထက် မပိုတဲ့ ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ် လုံးဖြစ်စေ ချမှတ်နိုင်ကြောင်း ပြဋ္ဌာန်းထားတယ်လို့လည်း ကြေညာချက်မှာ ပါရှိပါတယ်။

ဒါ့အပြင် ၂၀၁၂ ခုနှစ် ပို့ကုန်သွင်းကုန်ဥပဒေပုဒ်မ ၈ အရ မော်တော်ယာဉ်တွေကို လိုင်စင်မရှိဘဲ တရားမဝင် လက်ဝယ်ထားရှိတာ (ဒါမှမဟုတ်) အသုံးပြုပါက (၃)နှစ်ထိ ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံး ဖြစ်စေ ချမှတ်နိုင်ကြောင်း ပြဋ္ဌာန်းထားပါတယ်။

From : အာအက်ဖ်အေမြန်မာသတင်းဋ္ဌာန

Originally published at - http://www.rfa.org/burmese

Read More »

Tuesday, October 17, 2017

အမေရိကန်နှင့် တောင်ကိုရီးယား ပူးတွဲရေတပ် စစ်ရေး လေ့ကျင့်




မြောက် ကိုရီးယားရဲ့ ခြိမ်းခြောက်မှုတွေ မြင့်မားလာတာကြောင့် အမေရိကန်နဲ့ တောင် ကိုရီးယားတို့ ပူးပေါင်းပြီး ပူးတွဲ ရေတပ် စစ်ရေးလေ့ကျင့်မှု လုပ်ခဲ့ပါတယ်။

အမေရိကန်နိုင်ငံနဲ့ တောင်ကိုရီးယားနိုင်ငံတို့ဟာ ကိုရီးယားကျွန်းဆွယ်တဝိုက် တပတ်ကြာပြုလုပ်မယ့် ရေတပ် စစ်ရေးလေ့ကျင့်ခန်းတွေကို အောက်တိုဘာ ၁၆ ရက်နေ့မှာ စတင်ခဲ့ကြတာပါ။

အမေရိကန်ရဲ့ နျူကလီးယားစွမ်းအင်သုံး USS Ronald Reagan လေယာဉ်တင်သင်္ဘောနဲ့ အမေရိကန်ရေငုပ်သင်္ဘော မီချီဂန်တို့ အပါအဝင် ၂ နိုင်ငံ စုစုပေါင်း ရေတပ်သင်္ဘော ၄၀ လောက် ပါဝင်လေ့ကျင့်ကြမှာ ဖြစ်ပါတယ်။

တောင်ကိုရီးယား ရေတပ်ရဲ့ ပြောရေးဆိုခွင့်ရှိသူက “ဒီနေ့ပဲ စစ်ရေးလေ့ကျင့်တာ စခဲ့ပါတယ်။ လေယာဉ်တင်သင်္ဘောနဲ့ တိုက်စစ်လေ့ကျင့်ရေးနဲ့ ပူးတွဲအထူးတပ်ဖွဲ့ တန်ပြန်တိုက်ခိုက်ရေးတွေအပြင် မြောက်ကိုရီးယားရဲ့ ပင်လယ်ပြင်အတွင်း ကျူးကျော်ရန်စမှုတွေကို တုံ့ပြန်ကာကွယ်နိုင်မယ့် ၂ နိုင်ငံ ပူးတွဲစစ်ရေး တိုးတက်စေမယ့် လေ့ကျင့်ခန်းတွေ ပါဝင်ပါတယ်။ ရေပိုင်နက် နယ်နိမိတ်ရဲ့ တောင်ဘက်ခြမ်းမှာလည်း အခု စစ်ရေးလေ့ကျင့်မှုတွေကို ဆောင်ရွက်သွားမှာ ဖြစ်ပါတယ်” လို့ ပြောပါတယ်။

မြောက်ကိုရီးယားကတော့ အမေရိကန်နဲ့ တောင်ကိုရီးယားတို့ရဲ့ ပူးတွဲစစ်ရေးလေ့ကျင့်မှုကို စစ်ပွဲအကြို လေ့ကျင့်နေတာပဲလို့ ပြောလိုက်ပါတယ်။

မြောက်ကိုရီးယားရဲ့ အဆက်မပြတ် လက်နက်စမ်းသပ်မှုတွေကြောင့် ကိုရီးယားကျွန်းဆွယ်ပေါ်က တင်းမာမှုတွေဟာ အခုသီတင်းပတ်တွေအတွင်းမှာပဲ ပိုမိုပြင်းထန်လာခဲ့ပါတယ်။

မြောက်ကိုရီးယားက သူတို့ရဲ့ ၆ ကြိမ်မြောက်နဲ့ အင်အားအပြင်းဆုံး နျူကလီးယား စမ်းသပ်မှုကို စက်တင်ဘာ ၃ ရက်နေ့မှာ ပြုလုပ်ခဲ့သလို ဂျပန်နိုင်ငံပေါ်ကို ဖြတ်ကျော်ပြီး ဒုံးကျည် ၂ လုံး ပစ်လွှတ်ခဲ့တဲ့အပြင် အမေရိကန်ကိုလည်း စစ်မက်ရေးရာ စိန်ခေါ်မှုတွေ လုပ်ခဲ့ပါတယ်။

ဓာတ်ပုံ - ရိုက်တာ

From : ဒီဗွီဘီ

Originally published at -http://burmese.dvb.no/archives/234016

Read More »

ရခိုင်မြောက်ပိုင်းကိစ္စ ဖြေရှင်းရာတွင် အကြမ်းမဖက်ရန် ကေအန်ယူ တိုက်တွန်း




ရခိုင် မြောက်ပိုင်းမှာ ဖြစ်နေတဲ့ ပြဿနာတွေ ဖြေရှင်း ရာမှာ နိုင်ငံရေး အရ ဂုဏ်သိက္ခာ ရှိပြီး အကြမ်း မဖက်တဲ့ နည်းလမ်းကို သုံးဖို့ အစိုးရနဲ့ တပ်မတော်ကို ကရင် အမျိုးသား အစည်း အရုံး (ကေအန်ယူ) က တိုက်တွန်းလိုက်ပါတယ်။

ပဋိပက္ခကို ကိုင်တွယ်တဲ့ အစိုးရနဲ့ တပ်မတော်တို့ရဲ့ နည်းနာတွေဟာ ပဏာမ အပစ်ရပ် လက်မှတ် မထိုးခင်အထိ ကေအန်ယူကြုံတွေ့ခဲ့ရတဲ့ ဖြတ်လေးဖြတ် စီမံချက် စစ်ဆင်ရေးတွေ ကြောင့် နေရပ်စွန့်ခွာ ထွက်ပြေးခဲ့ရသူတွေကို ပြန်အမှတ်ရစေတယ်လို့ ထုတ်ပြန်ချက်မှာ ဖော်ပြထားပါတယ်။

ဒီလိုဆောင်ရွက်ခဲ့တာတွေကြောင့် ထိုင်းနယ်စပ်နဲ့ ပြည်တွင်းမှာ နေရပ်စွန့်ခွာသူ ၃ သိန်းခွဲကျော် ရှိတယ်လို့လည်း ဆိုပါတယ်။

တနိုင်ငံလုံးအပစ်ရပ် သဘောတူစာချုပ် လက်မှတ်ရေးထိုးတဲ့ ၂ နှစ်ပြည့်အဖြစ် ထုတ်ပြန်တာဖြစ်ပြီး အခုလို ကြုံတွေ့ရတဲ့အတွက် ငြိမ်းချမ်းရေး လုပ်ငန်းစဉ် အတွက် စိုးရိမ်တယ် လို့လည်း ဖော်ပြထားပါတယ်။

၂၀၀၈ ဖွဲ့စည်းပုံဥပဒေနဲ့သာဆိုရင် ပြည်တွင်းငြိမ်းချမ်းရေးနဲ့ ရခိုင်မြောက်ပိုင်းပြဿနာကို အဖြေရှာနိုင်မှာ မဟုတ်တဲ့အတွက် ငြိမ်းချမ်းရေးလုပ်ငန်းစဉ်ကို အောင်မြင်အောင်လုပ်ပြီး အခြေခံဥပဒေ ပြင်ဆင်ဖို့ကိုလည်း တိုက်တွန်းထားပါတယ်။

ဒါ့အပြင် အမျိုးသားတန်းတူရေးနဲ့ ကိုယ်ပိုင်ပြဋ္ဌာန်းခွင့်တွေအတွက် အစိုးရနဲ့ တပ်မတော်တို့က ဖြေလျှော့ပေးဖို့လိုတယ်လို့လည်း ဆိုပါတယ်။

ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီကလည်း အန်စီအေကို ဖြေလျှော့ မပေးဘူးဆိုရင် လက်မှတ်ထိုးဖို့ ကြန့်ကြာနိုင်တဲ့အပြင် သဘောတူပြီးသားတွေ နောက်ကြောင်း ပြန်လှည့်သွားနိုင်တယ်လို့ ပြောဆိုထားပါတယ်။

From : ဒီဗွီဘီ by ပိုင်စိုး

Originally published at - http://burmese.dvb.no/archives/234017

Read More »

ရှေးဟောင်းရွှေပြားများအတွက် ဂုဏ်ပြုငွေ ဖြည့်စွက် ဘတ်ဂျက်ရမှ ပေးနိုင်မည်




မွန်ပြည်နယ်၊ ကျိုက်ထို မြို့နယ် ထဲက ရရှိ အပ်နှံ ထားတဲ့ ရှေးဟောင်း ရွှေပြား၊ ရွှေခွက်တွေ အတွက် ပေးရမယ့် ငွေကြေး ပမာဏ များနေလို့ ဖြည့်စွက် ဘတ်ဂျက် ရမှ ပေးနိုင်မှာကြောင့် ကြန့်ကြာ နေတာလို့ တာဝန်ရှိသူ တယောက်က ပြောပါတယ်။

ပြီးခဲ့တဲ့ မတ်လက ကျိုက်ထိုမြို့နယ်၊ ကျိုက္ကသာရွာမှာ ရှေးဟောင်းရွှေပြားတွေရခဲ့ပြီး အစိုးရကို အပ်နှံခဲ့ပေမယ့် ဂုဏ်ပြုငွေတွေ မရသေးတဲ့အပေါ် ဝေဖန်တာတွေ ရှိနေတာပါ။

သာသနာရေးနဲ့ ယဉ်ကျေးမှုဝန်ကြီးဌာန တူးဖော်၊ ရှေးပစ္စည်း ကမ္ဗည်း ကျောက်စာဌာနခွဲက ဒုတိယ ညွှန်ကြားရေးမှူး ဦးဇော်မျိုးကျော်က “သိန်း ၁၀၀၊ ၂၀၀ ဆိုရင် တခါတည်းပေးလိုက်လို့ ရတယ်။ အခုက ပမာဏ များနေလို့ ဖြည့်စွက်ရန်ပုံငွေ ရမှပေးနိုင်မှာပါ။ ဒီနှစ်ထဲမှာပဲ ရမှာပါ။ လာအပ်သူတွေကိုလည်း ပြောထားပြီးပါပြီ” လို့ ဒီဗွီဘီကို ပြောပါတယ်။

အပ်နှံထားတဲ့ ပစ္စည်းတွေက ရွှေခွက်ငယ်၊ ရွှေခွက်အပဲ့၊ ရွှေအပိုင်းအစတွေဖြစ်ပြီး စုစုပေါင်း အခုရေ ၄၄၀ ကျော်၊ အလေးချိန် တပိဿာကျော်ရှိပါတယ်။ ရွာလမ်းဖောက်ဖို့ လှူထားတဲ့ မြေကို သယ်ယူရင်း အိုးနဲ့ထည့်ထားတဲ့ ရွှေခွက်တွေကို တွေ့ရှိခဲ့တာပါ။

ဒီရွှေတွေကို မြို့နယ် ထွေအုပ်၊ မော်လမြိုင် ယဉ်ကျေးမှုပြတိုက်ကတဆင့် နေပြည်တော်ကို သွားရောက် အပ်နှံခဲ့ကြတာပါ။

“မြေလှူတဲ့သူတွေက အများကြီးရတယ်။ လမ်းပေါ်ကို ပုံလိုက်တဲ့ မြေမှာပါလာတာက ၈၂ ခုပါ။ လွန်ခဲ့တဲ့ တလလောက်က ဖုန်းဆက်မေးကြညာ့်တော့ လာမယ့်နှစ်ဘတ်ဂျက်မှ ရမယ်လို့ ပြောတယ်” လို့ ကိုယ်ထူကိုယ်ထ လမ်းကော်မတီက ဆရာတော် ဦးသာသနက ပြောပါတယ်။

ဒီလို ပစ္စည်းတွေလာအပ်တဲ့အတွက် ကျေးဇူးတင်ကြောင်းနဲ့ ပစ္စည်းတန်ဖိုး၊ ခေတ်ကာလ တန်ဖိုး၊ လက်ရာကြေးတွေအားလုံးပေါင်းရင် သိန်းတထောင်ကျော်လောက်ရှိတယ်လို့ ကျောက်စာဌာနခွဲက ဒုတိယ ညွှန်ကြားရေးမှူး ဦးဇော်မျိုးကျော်က ပြောပါတယ်။

ပညာရှင်တွေရဲ့ လတ်တလောသုံးသပ်ချက်အရတော့ ဒီပစ္စည်းတွေဟာ ပုဂံခေတ်ထက်စောပြီး အေဒီ ၉ ရာစုနဲ့ ၁၀ ရာစုဝန်းကျင်ဖြစ်တယ်လို့လည်း သူက ပြောပါတယ်။

From : ဒီဗွီဘီ by ပိုင်စိုး

Originally published at - http://burmese.dvb.no/archives/234009

Read More »

အိုင်ယာလန်တွင် နှစ် ၅၀ အတွင်း အဆိုးဆုံးမုန်တိုင်း တိုက်ခတ်၊ လူ ၃ ဦး သေ




အိုင်ယာလန် သမိုင်းမှာ နှစ်ပေါင်း ၅၀ အတွင်း အဆိုးဆုံးလို့ သတ်မှတ် ခဲ့တဲ့ အော်ဖီလီယာ မုန်တိုင်း အောက်တိုဘာ ၁၆ ရက်က အိုင်ယာလန် နိုင်ငံ တောင်ပိုင်း ကမ်းရိုးတန်းတွေကို ဝင်ရောက် တိုက်ခတ်ခဲ့ပြီး လူ ၃ ဦး သေဆုံး ခဲ့ပါတယ်။

မုန်တိုင်းရဲ့အရှိန်ကြောင့် ပင်လယ်ရေလှိုင်း အမြင့်ပေ ၃၀ အထိ ဖြစ်ခဲ့သလို သစ်ပင်တွေလဲပြိုပြီး လျှပ်စစ်မီးတွေလည်း ပြတ်တောက်ခဲ့ပါတယ်။

မုန်တိုင်းကြောင့် အိမ်ခြေနဲ့ စီးပွားရေးလုပ်ငန်း ၃ သိန်း ၆ သောင်းကျော် လျှပ်စစ်မီးပြတ်တောက်သွားခဲ့ပြီး နောက်ထပ် အိမ်ခြေ ၁ သိန်းလောက်လည်း လျှပ်စစ်မီး ပြတ်တောက်ဖွယ်ရှိတယ်လို့ အိုင်ယာလန် လျှပ်စစ်ဓာတ်အားဖြန့်ဝေရေး ဘုတ်အဖွဲ့က ပြောပါတယ်။

အော်ဖီလီယာမုန်တိုင်းဟာ အိုင်ယာလန်တောင်ပိုင်းကို ဒေသစံတော်ချိန် မနက် ၁၁ နာရီလောက်မှာ ဝင်ရောက်ခဲ့ပြီး လေတိုက်နှုန်း တနာရီ မိုင် ၁၁၀ ထိရှိတယ်လို့ အိုင်ယာလန် မိုးလေဝသဌာနက ပြောကြားပါတယ်။

ဓာတ်ပုံ - euro news

From : ဒီဗွီဘီ

Originally published at - http://burmese.dvb.no/archives/233989

Read More »

နိုင်ငံတော် အတိုင်ပင်ခံနှင့် အပစ်ရပ် အဖွဲ့များ အန်စီအေစာချုပ် ပြန်သုံးသပ်ရန် သဘောတူ




နိုင်ငံတော် အတိုင်ပင်ခံ ပုဂ္ဂိုလ်နဲ့ အပစ်ရပ် လက်နက်ကိုင် အဖွဲ့တွေ မနေ့က တွေ့ဆုံပြီး အန်စီအေ စာချုပ် ပြန်သုံးသပ်ဖို့ သဘောတူ ခဲ့ကြ ပါတယ်။

ဒီကနေ့ နေ့လယ်ပိုင်းက နေပြည်တော်မှာ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နဲ့ တနိုင်ငံလုံးပစ်ခတ်တိုက်ခိုက်မှုရပ်စဲရေး (အန်စီအေ) စာချုပ် လက်မှတ် ထိုးထားတဲ့ တိုင်းရင်းသား လက်နက်ကိုင် အဖွဲ့ ၈ ဖွဲ့တို့ တွေ့ဆုံခဲ့ပြီး သဘောတူ ခဲ့ကြတာလို့ ရခိုင် လွတ်မြောက်ရေး ပါတီ ဒုတိယ ဥက္ကဋ္ဌ ဦးခိုင်စိုးနိုင်အောင်က ပြောပါတယ်။

ဒါ့အပြင် ပစ်ခတ်တိုက်ခိုက်မှုရပ်စဲရေးစာချုပ် အကောင်အထည်ဖော်မှုဆိုင်ရာ ညှိနှိုင်းအစည်းအဝေး (ဂျေအိုင်စီအမ်) ပုံမှန်ခေါ်ယူဖို့ကိုလည်း သဘောတူခဲ့တယ်လို့ ဆိုပါတယ်။

အန်စီအေစာချုပ်ကို အခြေခံပြီး ငြိမ်းချမ်းရေးလုပ်ငန်းစဉ်တွေကို အကောင်အထည်ဖော်တဲ့နေရာမှာ ဂျေအိုင်စီအမ် အစည်းအဝေး ပုံမှန်ခေါ်ယူနိုင်မှု မရှိတာဟာ အဓိက အားနည်းချက်တခုဖြစ်တယ်လို့လည်း အောက်တိုဘာ ၁၅ ရက်နေ့က နေပြည်တော်မှာ ပြုလုပ်တဲ့ အန်စီအေ လက်မှတ်ရေးထိုးခြင်း ၂ နှစ်မြောက် နှစ်ပတ်လည်နေ့ အထိမ်းအမှတ်အခမ်း အနားမှာ ကရင်အမျိုးသားအစည်းအရုံး ဥက္ကဋ္ဌလည်းဖြစ်၊ အပစ်ရပ်လက်နက်ကိုင် ၈ ဖွဲ့ရဲ့ ငြိမ်းချမ်းရေး လုပ်ငန်းစဉ် ဦးဆောင် အဖွဲ့ ခေါင်းဆောင်လည်းဖြစ်တဲ့ ဗိုလ်ချုပ်ကြီး စောမူတူးစေးဖိုးက ပြောဆိုခဲ့ပါတယ်။

From : ဒီဗွီဘီ by နေဖြိုးဝင်း

Originally published at - http://burmese.dvb.no/archives/233990

Read More »

ဦးဖြိုးကိုကို တင့်ဆန်းပိုင် နေအိမ်များကို ရှာဖွေ စစ်ဆေးနေဟု နေပြည်တော် ရဲမှူးကြီးပြော




နေပြည်တော် လေဆိပ်မှာ လက်နက်နဲ့ မူးယစ်ဆေးဝါး အမှု နောက်ဆက်တွဲ အနေနဲ့ ဦးဖြိုးကိုကို တင့်ဆန်းပိုင် နေအိမ် ၄ လုံးကိုပါ ရှာဖွေ မှုတွေ ပြုလုပ် နေတယ်လို့ နေပြည်တော် ကောင်စီ နယ်မြေ ရဲတပ်ဖွဲ့မှူး ရဲမှူးကြီး ဇော်ခင်အောင်က ဒီဗွီဘီကို အတည်ပြု ပြောဆို လိုက်ပါတယ်။

အောက်တိုဘာ ၁၅ ရက်ညက နေပြည်တော်လေဆိပ်မှာ အားကစားဝန်ကြီးဟောင်းရဲ့ သားဖြစ်သူ ACE ကုမ္ပဏီဥက္ကဋ္ဌ ဦးဖြိုးကိုကိုတင့်ဆန်းနဲ့ အဖော် ၂ ယောက်ထံကနေ သြစတြေးလျနိုင်ငံထုတ် ၉ မမ ပစ္စတို ၂ လက်နဲ့ ကျည် ၇၂ တောင့်၊ WY စိတ်ကြွဆေးပြား ၁၂ ပြား၊ ICE မူးယစ်ဆေး ၁ ဒသမ ၅ ဂရမ်၊ ဆက်သွယ်ရေးစက် ၃ လုံး စတာတွေ ဖမ်းမိ ခဲ့ပါတယ်။

အဲဒီဖြစ်စဉ်ရဲ့ နောက်ဆက်တွဲအနေနဲ့ ဦးဖြိုးကိုကိုတင့်ဆန်းပိုင် ACE ဟိုတယ်ကို ရှာဖွေစစ်ဆေးရာမှာတော့ ပစ္စတို ၉ လက်၊ ကျည် ၈၉၂ တောင့်၊ ကျည်အိမ် ၁၆ ခု၊ အမ် ၁၆ လက်ကိုင်ကွင်း ၁ ခု၊ ပစ္စတိုအိတ်အနက်ရောင် ၇ လုံး၊ ကျည်ကာအင်္ကျီ ၁ ထည်၊ စနိုက်ပါ မှန်ပြောင်း ၁ လက်တို့ကို ရှာဖွေတွေ့ရှိခဲ့တယ်လို့ နေပြည်တော်ကောင်စီ ရဲတပ်ဖွဲ့မှူး ရဲမှူးကြီးဇော်ခင်အောင်က ပြောပါတယ်။

အဲဒီအတွက် ဦးဖြိုးကိုကိုတင့်ဆန်းနဲ့ အပေါင်းပါတွေကို မူးယစ်ဆေးဝါးဥပဒေ၊ လက်နက်ဥပဒေတို့နဲ့ အမှုဖွင့်အရေးယူပြီး စစ်ဆေးရေးအဖွဲ့ဖွဲ့ကာ စစ်ဆေးမှုတွေ ပြုလုပ်နေတယ်လို့လည်း ဆိုပါတယ်။

လက်ရှိအချိန်မှာတော့ နေပြည်တော်မှာရှိတဲ့ ဦးဖြိုးကိုကိုတင့်ဆန်းပိုင် နေအိမ် ၄ လုံးကိုလည်း မြန်မာနိုင်ငံရဲတပ်ဖွဲ့အနေနဲ့ ရှာဖွေစစ်ဆေးမှုတွေ ပြုလုပ်နေတယ်လို့ ရဲမှူးကြီးဇော်ခင်အောင်က ပြောပါတယ်။

ဖြစ်စဉ်နဲ့ပတ်သက်ပြီး နေပြည်တော်မှာရှိတဲ့ ဦးဖြိုးကိုကိုတင့်ဆန်းပိုင် ဟိုတယ်တွေနဲ့ နေအိမ်တွေကို စစ်ဆေးမှုတွေ ပြုလုပ်နေသလို ရန်ကုန်မှာလည်း ဦးဖြိုးကိုကိုတင့်ဆန်းပိုင် ကုမ္ပဏီမှာ ရဲတပ်ဖွဲ့ကနေ ရှာဖွေစစ်ဆေးမှုတွေ ပြုလုပ်နေပါတယ်။

အမှုနဲ့ဆက်စပ်နေတဲ့ နောက်ထပ်လူ ၅ ယောက်ကို ထပ်မံဖမ်းဆီးထားတဲ့အတွက် အမှုနဲ့ ဆက်စပ်လို့ ဖမ်းဆီးခံရသူဟာ ၈ ယောက် ရှိသွားပြီ ဖြစ်ပါတယ်။

ဝန်ကြီးဟောင်း ဦးတင့်ဆန်းရဲ့ သားဖြစ်သူ ဦးဖြိုးကိုကိုတင့်ဆန်း အပါအဝင် ၃ ယောက်ကို နေပြည်တော်လေဆိပ်မှာ လက်နက်နဲ့ မူးယစ်ဆေးဝါးတွေနဲ့အတူ ဖမ်းမိခဲ့ပြီး နောက်ထပ် ဖမ်းဆီးရမိသူ ၅ ဦးကတော့ ဦးဖြိုးကိုကိုတင့်ဆန်းရဲ့ ဇနီး၊ ACE ဟိုတယ် မန်နေဂျာနဲ့ ကုမ္ပဏီဝန်ထမ်းတွေ ဖြစ်တယ်လို့ နေပြည်တော်ရဲတပ်ဖွဲ့က ရဲမှူးကြီး ဇော်ခင်အောင်က ပြောပါတယ်။

အများပြည်သူကြား စိတ်ဝင်စားမှု မြင့်တက်နေတဲ့ NATIONAL SECURITY COUNCIL တံဆိပ်ကပ်ထားတဲ့ ကားတွေနဲ့ပတ်သက်ပြီး ဒီဗွီဘီသတင်းဌာနက မေးမြန်းရာမှာ ကားတွေဟာ တရားဝင်လိုင်စင်ရရှိထားတဲ့ လုပ်ငန်းသုံးကားတွေဖြစ်တဲ့အတွက် အရေးယူဖို့ မရှိကြောင်းနဲ့ NATIONAL SECURITY COUNCIL တံဆိပ်နဲ့ပတ်သက်လို့ တရားဝင်ဖွဲ့စည်းထားတာမရှိဘဲ စိတ်ကူးနဲ့ လျှောက်တပ်ထားတဲ့ အနေအထားသာဖြစ်တယ်လို့ ရဲမှူးကြီးဦးဇော်ခင်အောင်က ဒီဗွီဘီကို ပြောပါတယ်။

ဓာတ်ပုံ - ကျော်ဇေယျ

From : ဒီဗွီဘီ

Originally published at - http://burmese.dvb.no/archives/233987

Read More »

ဗိုလ်တထောင် ကမ်းနားတွင် အရက်သေစာ သောက်စားပါက အရေးယူမည်




ဗိုလ်တထောင် ကမ်းနားနဲ့ တခြား အများ ပြည်သူနဲ့ သက်ဆိုင်တဲ့ နေရာတွေမှာ အရက်သေစာ သောက်စား တာတွေ၊ မူးယစ်ဆေးဝါး သုံးစွဲ တာတွေ လုပ်ရင် ထိရောက်စွာ အရေးယူ ဆောင်ရွက် မှုတွေ လုပ်ဆောင် သွားတော့မယ်လို့ ရန်ကုန်တိုင်း ဒေသကြီး ရဲတပ်ဖွဲ့က ပြောပါတယ်။

အခုလို လုပ်ဆောင်ရတာဟာ အများပြည်သူ အနားယူ အပန်းဖြေတဲ့နေရာမှာ အနှောင့်အယှက် မဖြစ်စေဖို့အတွက်နဲ့ မန္တလေးတိုင်းဒေသကြီးလိုမျိုး အပန်းဖြေ နေရာ အနေနဲ့ပဲ အနားယူနိုင်ဖို့ အတွက် ဖြစ်တယ်လို့ သိရပါတယ်။

ခုလို လူငယ်တွေ ဝိုင်းဖွဲ့ပြီး အရက်သေစာ သောက်စားတာတွေ၊ မူးယစ်ဆေးဝါး သုံးစွဲတာတွေ မလုပ်ဖို့အတွက် အောက်တိုဘာ ၁၅ ရက်နေ့က သက်ဆိုင်ရာ နယ်မြေအလိုက် ရဲတပ်ဖွဲ့တွေနဲ့ ရပ်ကွက်တာဝန်ရှိသူတွေက လိုက်လံပြီး နှိုးဆော်မှုတွေ ပြုလုပ်ခဲ့တယ်လို့ သိရပါတယ်။

အခုလို လိုက်လံနှိုးဆော်ထားပေမယ့်လည်း ကမ်းနားနဲ့ အများပြည်သူပိုင် နေရာတွေမှာ အရက်သေစာ သောက်သုံးခွင့် မရှိတဲ့အကြောင်းကို သိရှိမှု အားနည်းနေ သေးတယ်လို့ ပြည်သူတွေက ပြောပါတယ်။

From : ဒီဗွီဘီ

Originally published at - http://burmese.dvb.no/archives/233978

Read More »