နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Showing posts with label မြန်မာ့ပုံရိပ်များ. Show all posts
Showing posts with label မြန်မာ့ပုံရိပ်များ. Show all posts

Sunday, March 05, 2017

မုံရွာတစ်ခွင် ခရီးနှင်ခြင်း (မုံရွာဒေသ အကြောင်း)


ကမ္ဘာ့အမြင့်ဆုံး ရပ်တော်မူ ဘုရားကြီး


TASTY TRIP: Around Monywa

မုံရွာကို ရောက်ခဲ့ရင် ဘယ်နေရာတွေကို အလည်သွား ကြမလဲ ??

မုံရွာဒေသ အနီး ပတ်ဝန်ကျင်မှ မြန်မာ့ရှေးဟောင်း အနုပညာလက်ရာများနှင့် ဘုရား စေတီ ပုထိုးများနှင့် ရင်သပ်ရှုမောစရာ သဘာဝ အလှများကို Mizzima TV မှ
ရိုက်ကူး တင်ဆက် ထားပါတယ်။



From : Mizzima TV By: TASTY TRIP

Originally published at - https://youtu.be/bFma_StnQP8

Read More »

Monday, December 05, 2016

ခမီ တိုင်းရင်းသားများ နှစ်သစ်ကူး ပွဲတော်




ရခိုင်ပြည်နယ် အတွင်းက ခမီ တိုင်းရင်းသား တို့ရဲ့ နှစ်သစ်ကူး ပွဲတော်ကို နှစ်စဉ် နတ်တော် လဆန်း ၁ ရက်နေ့မှာ ကျင်းပ ခဲ့ပါတယ်။



တောင်ယာ လုပ်ငန်းခွင် သိမ်းပြီးလို့ နေရပ် aကျးရွာကို မိသားစု အားလုံး ပြန်လည် aရာက်ရှိတဲ့ အလုပ်အကိုင် အားလပ်ချိန်မှာ နှစ်သစ်ကူး ပွဲတော်ကို ကျင်းပကြတာပါ။

ဘူးသီးတောင်မြို့နယ်မှာတော့ ခမောင်းချောင်းအုပ်စု လောင်းချောင်းရွာမှာ ကျင်းပခဲ့ပါတယ်။



အဝေးရောက်နေတဲ့ မိသားစု ဆွေမျိုး သားချင်းတွေ ပြန်လည် ဆုံဆည်းဖို့၊ နှစ်သစ်မှာ ပျော်ရွှင်ကြစေဖို့၊ ဖူးစာဘက် ချစ်သူ အချင်းချင်း တွေ့ဆုံပြီး တိုင်ပင်နိုင်ကြဖို့၊ သက်ကြီး ဘိုးဘွားတွေ ဆီက ဆုတောင်းမေတ္တာနဲ့ သြ၀ါဒ စကားတွေ နာခံကြဖို့ အတွက် ရိုးရာဓလေ့ အတိုင်း ပြုလုပ်တာပါ။

ဒီအုပ်စုထဲမှာ အသက်အကြီးဆုံး အဘိုး၊ အဘွားတွေက ဦးဆောင်ရတယ်၊ သူတို့မှာတဲ့အတိုင်း လိုက်နာကြရတယ်လို့ လောင်းချောင်းရွာက ခမီတိုင်းရင်းသား ကိုမောင်ကျော်ခိုင်က ပြောပါတယ်။



ဒီပွဲတော်မှာ တောင်တန်းနေ ခမီတိုင်းရင်းသားတွေရဲ့ ရိုးရာ တူရိယာတွေကို တီးခတ်ပြီး ကခုန်တာ၊ လှူဒါန်းတာ၊ သက်ကြီးပူဇော်တာ၊ ဧည့်ခံကျွေးမွေးတာ စတာတွေကို လုပ်ကြပါတယ်။



ခမီတိုင်းရင်းသား aတွဟာ ရခိုင်ပြည်နယ်ထဲက ဘူးသီးတောင်၊ ပုဏ္ဏားကျွန်း၊ ကျောက်တော်နဲ့ မြောက်ဦးမြို့နယ်တွေ ထဲက တောင်တန်းတွေမှာ နေထိုင် ကြပြီး တောင်ယာ လုပ်ငန်းကို လုပ်ကိုင် ကြသူတွေ ဖြစ်ပါတယ်။

သတင်း၊ ဓာတ်ပုံ – ကိုအောင်

From : ဒီဗွီဘီ

Originally published at - http://burmese.dvb.no/archives/178573

Read More »

Thursday, July 21, 2016

ဂေးလ်အလှမယ် မျိုးကိုကိုစန်းရဲ့ ငယ်ဘ၀


လူတိုင်းမှာ ငယ်ဘ၀ ရှိကြ ပါတယ်။ ငယ်ငယ် တုန်းက ကလေး ဘ၀ကို အရွယ် ရောက်တဲ့ အခါ ပြန်တွေး ကြည့်ရင် လူတိုင်း အမှတ်ရ စရာတွေ ကိုယ်စီဘဲ ရှိကြတာပါ။ ငယ်ငယ် တုန်းက ရှင်သန် နေထိုင် ကြီးပြင်း ခဲ့ပုံတွေဟာ လူကြီး ဖြစ်လာတဲ့ အခါ မတူညီပဲ ခြားနား သွားပါတယ်။ တချို့က နေထိုင်ပုံ အကျင့် စရိုက်တွေ ပြောင်းလဲ သွားပြီး တချို့က ရုပ်ရည် အသွင် အပြင်တွေ ပြောင်းလဲ သွားတတ် ကြပါတယ်။

တချို့က အသက်ကြီး လာတဲ့ အထိ ငယ်ရုပ် မပြောင်းတဲ့ သူတွေ ရှိသလို၊ ငယ်ငယ် တုန်းက ပုံနဲ့ လက်ရှိပုံ မမှတ်မိ လောက်အောင် ပြောင်းလဲ သွားတဲ့ သူတွေလည်း ရှိပါတယ်။ လူတိုင်း ကိုယ်စီမှာ ရှိခဲ့တဲ့ ငယ်ဘ၀ တွေဟာ တယောက်နဲ့ တယောက် မတူညီဘဲ စိတ်ဝင်စားဖို့ ကောင်းလှ ပါတယ်။ အဲဒီထဲမှာမှ LGBT လို့ခေါ်တဲ့ (Lesbian, Gay, Bisexual, Transgender) တို့ရဲ့ ဘ၀က ပိုပြီး စိတ်ဝင်စားဖို့ ကောင်းပါတယ်။

အလယ်တန်းကျောင်းသား မျိုးကိုကိုစန်း(ဓာတ်ပုံ – မျိုးကိုကိုစန်း facebook)


ယောက်ျားလေး တယောက် ဖြစ်ပေမယ့် ငယ်ငယ် ကတည်းက မိန်းကလေး ဖြစ်ချင်စိတ် ရှိခဲ့ပြီး ယခု အသက် ၂၂ နှစ် အရွယ်မှာ မိန်းကလေး တယောက်လို ပြင်ဆင်
ပြုမူ နေထိုင်နေတဲ့ Miss International Queen Myanmar 2015 ဂေးလ် အလှမယ် မျိုးကိုကိုစန်းရဲ့ ငယ်ဘ၀ ကလည်း စိတ်ဝင်စား စရာပါ။

မိသားစုနှင့်အတူ ၀ဲဘက်အစွန်တွင် ရပ်နေသူ မျိုးကိုကိုစန်း


ဖခင် ဦးစန်းငွေ၊ မိခင် ဒေါ်သန်းသန်းရီ တို့မှ မွေးဖွားပြီး မွေချင်း အစ်ကို အကြီးဆုံး ကိုအောင်ဆန်းဦး၊ အငယ်ဆုံးညီ ကိုကျော်ဇင်ကိုနဲ့ မိသားစု ၅ ယောက်မှာ သူက အလတ် ဖြစ်ပါတယ်။

သူငယ်တန်းကနေ ၄ တန်း အထိ မန္တလေး အ.မ.က (၈) မှာ ကျောင်းတက် ခဲ့ပြီး ၅ တန်း ကနေ ၁၀ တန်းအထိက မန္တလေး အ.ထ.က (၁၂) ကျောင်းမှာ ပညာသင်ခဲ့တယ်လို့ သိရပါတယ်။ လက်ရှိ မှာတော့ မန္တလေး နည်းပညာတက္ကသိုလ်မှာ ပညာသင်ကြားနေပါတယ်။

“ငယ်ငယ်တုန်းက စကားပြောရင် “ဘာဖြစ်တာတော့” ဆိုပြီး စကားပြောရင် ‘တော့’လို့ ပြောတာ ညီမ အဖိုးက မကြိုက်ဘူး။ အဲဒီလို ပြောတဲ့အခါမျိုး နည်းနည်း မိန်းကလေး ဆန်သွားတဲ့ အခါမျိုးဆို အဖိုးက ညီမ ဗိုက်ခေါက်ကို ဆွဲလိမ်တယ်။ ညီမအဖိုးကတော့ ညီမ ၂ တန်းလောက်ကတည်းက ဆုံးသွားတယ်။ အဖိုိးသာရှိရင် ညီမ ဒီလိုမျိုး ဖြစ်လာမယ် မထင်ဘူး။ ငယ်ငယ်တုန်းက အဖိုးကို ကြောက်ရတယ်” လို့ မျိုးကိုကိုစန်းက သူ့ငယ်ဘ၀ကို ပြောပါတယ်။

“ငယ်ငယ်တုန်းကတည်းက တယောက်တည်းပဲ နေခဲ့တယ်။ အပေါင်း အသင်းလည်း သိပ်မရှိဘူး။ ယောက်ျားလေး သူငယ်ချင်း တွေလည်း မရှိဘူး။ ယောက်ျားလေး ကစားနည်း တွေလည်း မကစားခဲ့ဘူး။ ကိုယ့်ဘာသာကိုယ် အေးအေးဆေးဆေး နေတယ်။ စာလုပ်တယ်၊ တခါတလေ မိန်းကလေး တွေနဲ့ ကစားတယ်” လို့ သူက ဆက်ပြော ပါတယ်။

ပထမ စစချင်းတော့ မိသားစုမှာ အစ်ကိုနဲ့ ညီက ညီအစ်ကို ၃ ယောက်မှာ မတူညီ ကွဲပြားနေတဲ့ မျိုးကိုကိုစန်းကို လက်မခံ နိုင်ပေမယ့် အမေဖြစ်သူရဲ့ စကားကြောင့် အခုတော့ တဖြည်းဖြည်း လက်ခံ လာပြီလို့ သူက ဆိုပါတယ်။

Miss International Queen Myanmar 2015 အလှမယ် မျိုးကိုကိုစန်း


မိန်းကလေး တယောက်လို ပြောင်းလဲ ၀တ်ဆင် ပြုမူ နေထိုင်ဖြစ် လာတာ ကတော့ Miss International Queen Myanmar 2015 ပြိုင်ပွဲမှာ သရဖူ ရရှိပြီးနောက်မှာ စတင် ခဲ့တယ်လို့ သိရပါတယ်။ ဒီပြိုင်ပွဲကို ကျောင်းတက်နေရင်း အိမ်က မသိအောင် ၀င်ပြိုင် ခဲ့တဲ့ အတွက် သရဖူ ရရှိပြီးနောက် နိုင်ငံခြားမှာ သွားရောက် ယှဉ်ပြိုင် ရမယ့် အကြောင်း အိမ်ကို ပွင့်ပွင့် လင်းလင်း ပြောဆိုပြီး နေထိုင် လာခဲ့တာ ဖြစ်တယ်လို့ ဆိုပါတယ်။

“ပထမတော့ အဖေက လုံးဝ လက်မခံဘူး။ ညီမကို စကားလည်း မပြောဘူး။ အမေ ကတော့ ညီမ စိတ်ကို နဂိုကတည်းက ရိပ်မိသိနေလို့လားမသိဘူး။ ညီမသေချာပြောပြ ရှင်းပြတော့ လက်ခံတယ်။ အဖေက စစချင်းမှာ ညီမကို စကား တခွန်းမှ လုံးဝမပြောဘဲ အခုတော့ အဖေက ညီမကို နားလည် လက်ခံ လာပါပြီ” လို့ ဆိုပါတယ်။

LGBT တယောက်ဖြစ်နေလို့ ငယ်ငယ် တုန်းက စနောက် ခံခဲ့ရတာတွေ ရှိပေမယ့် အေးဆေး နေတတ်တဲ့ သူ့ပုံစံကြောင့် ရွယ်တူ သူငယ်ချင်းတွေ ကြားမှာ အနိုင်ကျင့် ခံရတာမျိုး မရှိခဲ့ ဘူးလို့ သူက ဆိုပါတယ်။

“ငယ်ငယ်က ဖြစ်ချင် ခဲ့တာက အနုပညာ တက္ကသိုလ် တက်ပြီး မြန်မာ့ သဘင်ပညာကို သင်ယူ ချင်တယ်။ ပြီးတော့ နိုင်ငံကျော် Professional သဘင် ပညာရှင် တယောက် ဖြစ်ချင် ခဲ့တာပါ”လို့ မျိုးကိုကိုစန်းက သူ့ရဲ့ ငယ်ဘ၀ စိတ်ကူး အိပ်မက်ကို ပြောပြ ပါတယ်။



လက်ရှိမှာတော့ သူဟာ ၂၀၁၅ ခုနှစ်၊ Miss International Queen Myanmar 2015 ပြိုင်ပွဲမှာ သရဖူ ရရှိခဲ့တဲ့ အလှမယ် တဦးဖြစ်ပြီး ထိုင်းနိုင်ငံမှာ ပြုလုပ်ခဲ့တဲ့ Miss International Queen 2015 ကို သွားရောက် ယှဉ်ပြိုင် ခဲ့တာပါ။ ပွဲမှာ သရဖူနဲ့ လွှဲခဲ့ ရပေမယ့် မျိုးကိုကိုစန်းကို ခေါင်းဆောင် မင်းသမီး အဖြစ် ရုပ်ရှင်ရိုက်ဖို့ အထိ ကမ်းလှမ်း ခံခဲ့ရ ဖူးပါတယ်။

အကြောင်းကြောင်းတွေကြောင့် မရိုက်ဖြစ် တော့တဲ့ ရုပ်ရှင်ဇာတ်ကား အကြောင်း ကိုတော့ “မရိုက်ဖြစ်ဘူး ဆိုတာက ပထမအချက်က ညီမ အသံပိုင်းပေါ့။ ညီမအသံကို မိန်းကလေး တယောက် အသံနဲ့ အစားထိုးပြီး ရိုက်မယ် ဆိုတော့ ပထမ တခါ မရိုက်တော့ဘူးလို့ လုပ်လိုက်သေးတယ်။ သူငယ်ချင်းတွေနဲ့ Organization က ညီမကို ရိုက်ပါ။ ဒါကိုယ့်ရဲ့ အခွင့်အရေး တခုပဲ၊ အသံ အစား ထိုးလည်း ကိစ္စ မရှိဘူးဆိုပြီး ဖျောင်းဖျ ကြတယ်။

ဒါပေမဲ့ ရိုက်ဖြစ်တဲ့အချိန်မှာ နည်းနည်း ကတောက်ကဆ ဖြစ်သွားတယ်။ အဲ့ဒီလို ကတောက်ကဆ လေးတွေကြောင့် ဒီကိစ္စကိုလည်း မရိုက်တော့ဘူး ဆိုပြီး ညီမဘက်က စငြင်း လိုက်တယ်” လို့ ဆိုပါတယ်။



နောက်ပိုင်းမှာ မျိုးကိုကိုစန်းအနေနဲ့ လိင်ပြောင်းဖို့ အစီအစဉ် ရှိတယ်လို့လည်း သိရပါတယ်။ ဒီလို လိင်ပြောင်းလဲမှု လုပ်ရခြင်းဟာလည်း မိန်းမ စစ်စစ် မဟုတ်ဘူး ဆိုရင်တောင် မိန်းမ တယောက်နဲ့ အနီးစပ်ဆုံး တူတဲ့ မိန်းမအဖြစ် ယုံကြည်မှု ရှိချင်တာကြောင့်လို့ သူ့ရဲ့ခံယူချက်ကို ပြောပြပါတယ်။ တကယ်လို့များ လုပ်ဖြစ်မယ် ဆိုရင်တော့ ရင်သား ခွဲစိတ်မှုကို အရင်ပြုလုပ် ဖြစ်လိမ့်မယ်လို့လည်း ဆိုပါတယ်။

LGBT တွေရဲ့ အချစ်ရေးကလည်း စိတ်ဝင်စားဖို့ ကောင်းတော့ သူ့အချစ်ရေးကို အနည်းငယ် မေးမြန်းကြည့်တဲ့အခါ “အမှန်အတိုင်းဝန်ခံရရင်တော့ ချစ်သူရည်းစား ရှိပါတယ်။ ကိုယ်အနေနဲ့ ဒီတယောက်နဲ့ အသက်ထက်ဆုံး တွဲချင်တယ်ပေါ့။ ဒါပေမယ့် သူ့ဘက်က ဘယ်လိုလဲ ဆိုတာ သေချာ မသိဘူး။ သူ့ဘက်က ဒီလိုမျိုး လူတယောက်နဲ့ သေသေချာချာ လက်တွဲနိုင် ပါ့မလား။ သူ့ကိုယ်သူ ယုံကြည်မှု ရှိလား၊ သူ့ကိုယ်သူ သတ္တိရှိလား၊ နောက်ဆုံး သူ့အသိုင်း အ၀န်းက သိသွားရင် သူသတ္တိ ရှိလား။ နှစ်ဖက်မိဘ အဲ့ဒါလေးတွေ ရှိတော့ သူ့အပေါ်မှာလည်း အများကြီး မူတည်ပါတယ်” လို့ သူက ဆိုပါတယ်။

ဆက်လက်ပြီး “LGBT ဖြစ်တာ ရှက်စရာ မဟုတ်ဘူး။ ရှက်စရာဖြစ်နေရင်တောင် အများက အထင်သေး မခံရအောင် အပြုအမူ၊ အပြော အဆို အနေ အထိုင်တွေ ဆင်ခြင်ပြီး ပြောင်းလဲ မယ်ဆိုရင် LGBT အပေါ် အထင်မြင် သေးနေတဲ့ အမြင်တွေလည်း ပြောင်းလဲ သွားမှာပါ” လို့ မျိုးကိုကိုစန်းက သူ့သဘောထားကို ပြောဆိုပါတယ်။

From : ဧရာဝတီ by htet htet

Originally published at - http://burma.irrawaddy.com/lifestyle/2016/07/21/118769.html

Read More »

Monday, July 18, 2016

ညို့မှိုင်းတဲ့ တောင်တန်းတွေကြားက ဇလုံတောင်


၉ခန်းဇရပ် နံ့ တည်ပင်စခန်း


စစ်ကိုင်းတိုင်း ဒေသကြီး ဗန်းမောက် မြို့နယ် အတွင်းမှာ ရှိတဲ့ ဇလုံတောင်က စိမ်းလန်းတဲ့ တောအုပ် ညှို့မှိုင်းတဲ့ တောင်တန်း တွေရဲ့ အလယ်မှာ ရှိနေတာပါ။ ဗန်းမောက်မြို့ရဲ့ မြောက်ဘက် ၁၄ မိုင် ၆ ဖာလုံ အကွာမှာ ရှိပြီး ဗန်းမောက် မြို့နယ် ထဲက အနီးဆုံး (ခမိုးကျေးရွာ) နဲ့ ၁၀ မိုင်ကျော် ကွာဝေး ပါတယ်။

ခမိုးရွာလွန်တာနဲ့ သစ်ကြီးဝါးကြီး လျှိုမြောင် ချိုင့်ဝှမ်းတွေနဲ့ တောညို့ညို့တောင်စိမ်းစိမ်းတွေက မြို့ပြ ခရီးသွားတွေကို ဖမ်းစားနိုင်ပါလိမ့်မယ်။ ဇလုံတောင်ဟာ ပင်လယ်ရေ မျက်နှာပြင် အထက် (၃၀၉၀) ပေ မြင့်မားပြီး ပြည်တွင်း ခရီးသွားတွေ အရောက် အပေါက် နည်းနေသေးတဲ့ ဒေသတစ်ခုဖြစ်ပါတယ်။

မူလက သလွန်တောင်လို့ ခေါ်တွင်ခဲ့ပေမယ့်ဇလုံတလုံး မှောက်ထားသလို ဖြစ်နေတာကြောင့် အခုအခါ ဇလုံတောင်လို့ အမည်တွင် လာတာပါ။

တပို့တွဲ၊ တပေါင်း၊ တန်ခူး စတဲ့ ပွင့်လင်းရာသီ ကာလတွေမှာ တောင်ပေါ် အထိ ကားတွေနဲ့ တက်ရောက်နိုင် ပေမယ့် အခုလို မိုးတွင်း ကာလမှာတော့ (မိုးမရွာတဲ့
နေ့တွေမှာ) ဆိုင်ကယ် တမျိုးတည်း ကိုသာ သုံးပြီး တက်ရောက် နိုင်ပါတယ်။ မိုးရွာရင် တောင်ပေါ်လမ်းဖြစ်လို့ (လမ်းလည်း သိပ်မကောင်းလို့) မသွားသင့် ပါဘူး။
ခြေကျင်းဝတ်လောက် အထိ မြုပ်တဲ့ တောင်ကျချောင်းတွေကို ဖြတ်ကျော် ရမှာမို့ မိုးသည်းရင် ဖြတ်ဖို့ မလွယ်လှပါဘူး။ တောင်တက်လမ်းက မြေသား လမ်းသာဖြစ်ပြီး သဲဆန် တဲ့မြေ၊ ဂ၀ံဆန် တဲ့မြေ၊ ရွှံ့စေး ဆန်တဲ့ မြေတွေ မျိုးစုံ တွေ့ရ ပါတယ်။ တချို့နေရာတွေရဲ့ ဖို့မြေတွေက အသား မသေသေးဘူး။

လမ်းခုလတ်က ဆင်စခန်း


ဒါ့ထက် လမ်းခရီးတလျှောက် လူနေထိုင်တဲ့ ကျေးရွာရယ်လို့ မရှိတဲ့အတွက် သွားလာတဲ့အခါမှာ မိမိ ဆိုင်ကယ် ကောင်းဖို့လိုသလို စားသောက်စရာတွေပါ ကိုယ်နဲ့ တပါတည်း ယူဆောင်သွားဖို့ လိုပါလိမ့်မယ်။

စမ်းရေစီးသံ၊ ကျေးငှက်သာရကာတွေရဲ့တေးသီသံတွေက စိတ်ကြည်နူးစရာကောင်းလှတဲ့အပြင် အောက်ချင်း ငှက်၊ ဒေါင်းငှက်၊ စွန် တို့ ပျံသန်းနေကြတာဟာလည်း စိတ်ကြည်နူးစရာ မြင်ကွင်းတခုလို ဖြစ်လို့နေပါတယ်။

ဒါ့အပြင် တောပန်း၊ တောင်ပန်းရနံ့တွေကလည်း သင်းပျံ့လို့ပါ။ တောဝက်၊ ချေ၊ ဆတ်၊ ၀က်ဝံ၊ မျောက်၊ တောင်ဆိတ် စတဲ့ တောရိုင်းတိရစ္ဆာန်တွေ တောတွင်းမှာ ကျက်စားကြတာပါ။ ၀က်ဝံနဲ့ တောဝက်တွေက မျှစ်ပေါတဲ့ မိုးဦးကာလမှာ ကားလမ်းအနီးထိ ရောက်လာလေ့ ရှိပါတယ်။ မျောက်တွေဆိုရင် ကားလမ်းအနီးက သစ်ပင်တွေပေါ်မှာတင် အလွယ်တကူ မြင်တွေ့ရနိုင်ပါတယ်။

ဗန်းမောက်မြို့နယ် အုပ်ချုပ်ရေးမှူး ဦးပြည့်ဖြိုးငြိမ်းက “ဇလုံတောင်ဒေသကို သဘာဝအခြေခံ ခရီးသွားလုပ်ငန်း ဖွံ့ဖြိုးစေချင်တယ်။ ဇလုံတောင်ရှိရာနေရာကိုလည်း နန့်ခေါင်ဟူး ကြိုးဝိုင်းအဖြစ် သတ်မှတ်ထားတယ်။ ဧက ၅၃၀၀၀ ကျော်တယ်။ ဒီဒေသက ဆန်ရယ်၊သစ်ရယ်၊ ရွှေရယ် ထွက်တာ။ သဘာဝ အခြေခံ ခရီးသွားဖွံ့ဖြိုးရင် မြို့လူထုအတွက်လည်း အဆင်ပြေနိုင်တယ်” လို့ဆိုပါတယ်။

ဇလုံတောင်ကို သွားရာလမ်း


အခုလို မိုးတွင်းကာလမှာတော့ ဇလုံတောင်ကို သွားတဲ့သူ နည်းပါးပါတယ်။ ဇလုံတောင်က နန့်ခေါင်ဟူး သစ်တောကြိုးဝိုင်းအတွင်းမှာ သီးသန့်တည်ရှိနေတာမဟုတ်ပဲ ကန့်လန့်တောင်၊ လေသာတောင်တို့နဲ့ ဆက်စပ်တည်ရှိနေတာပါ။

တောင်တက်တောင်ဆင်းတွေက အင်္ဂလိပ် အက္ခရာ “ဗီ” ပုံသဏ္ဌန်ဖြစ်ပြီး ဆင်ခြေလျှောတွေနဲ့ မက်စောက်ပါတယ်။ မိုးတွင်းကာလတွေမှာ တောင်ပြို၊ မြေပြို အန္တရာယ်
ကြုံတွေ့ ရနိုင်ပါ တယ်။ လမ်းခရီးမှာ ရေတံခွန်လေးတွေလည်း တွေ့ရနိုင် ပါတယ်။ ဗန်းမောက်မြို့တွင်းက ဆိုင်ကယ် တက္ကစီတွေနဲ့ သွားလို့ရပြီး ငှားရမ်းခက အသွား အပြန် ခရီးအတွက် ကျပ်၂၀၀၀၀ (နှစ်သောင်း) ၀န်းကျင် ကုန်ကျနိုင်တယ်။ ပွင့်လင်းရာသီမှာတော့ ဗန်းမောက်မြို့တွင်းကနေ ဇလုံတောင် အထိ လိုင်းကား နေ့စဉ်
ပြေးဆွဲပါတယ်။

ပွင့်လင်းရာသီတွေမှာတော့ တောလမ်းခရီးကို ခြေလျင်လျှောက်လိုသူတွေ အကြိုက်တွေ့နိုင်တယ်။ လျှိုမြောင် စိမ့်စမ်းတွေကို ဖြတ်သန်းသွားရတဲ့ ခရီးက ဘ၀အမောတွေ အထိုက် အလျှောက် ပြေလျော့စေမှာ ဖြစ်ပါတယ်။ တောပန်းတောင်ပန်းတွေက စိတ်ကို လန်းဆန်း စေပါတယ်။ မိုးထိမြင့်မားတဲ့ သစ်ပင် မြင့်မြင့် ကြီးတွေနဲ့ အတူ
ထောက်ကြံ့၊ အင်ကြင်း၊ ပိတောက်၊ တမလန်း၊ သစ်ရာ၊ ကညင်၊ အင်၊ သစ်မင်းနဲ့ ၀ါးအမျိုးမျိုးတို့ ပေါက်ရောက်ပါတယ်။

ဇလုံတောင်ဒေသကို သွားတဲ့အခါ အနက်ရောင် အ၀တ်အထည်နဲ့ အသုံးအဆောင်တွေ ယူသွားရင် အန္တရာယ်နဲ့ ကြုံတွေ့လေ့ ရှိတယ်လို့ ဒေသ ခံတွေက ယုံကြည် ကြပါတယ်။

ဇလုံတောင်


ခြေကျင်းဝတ်လောက်မြုပ်တဲ့ တောင်ကျချောင်းလေးတွေ အများ အပြားကို လမ်းခရီးမှာ ကျော်ဖြတ် ရပါတယ်။ လမ်းခုလတ် စမ်းချောင်း အနီးမှာ ရေကစားနေတဲ့ သစ် ထုတ်လုပ်ရေး ဆင်စခန်းက ဆင်မိသားစုကို ကြည့်ရင်း တောတွင်း သဘာဝ ဆင်တွေ နေထိုင်ပုံကို ခရီးသွား ဟန်လွှဲ လေ့လာ မိလိုက် ပါသေးတယ်။

မိုင်တိုင် အမှတ် ၁၄ ရောက်တဲ့ အခါ ပြန့်ပြူးတဲ့မြေပြင်နဲ့ တယ်ပင်မြင့်မြင့်တွေက ဆီးကြိုနေ မှာပါ။ အဲဒီ တယ်ပင် စခန်းမှာ ၀ါးတိုင်တွေကို တိုင်ထူ ထားပြီး သက်ကယ် မိုးထားတဲ့ တဲတန်းရှည်ဆိုင်ခန်းတွေရှိပေမယ့် ပွင့်လင်းရာသီ မဟုတ်လို့ ဆိုင်တွေ အားလုံးပိတ်ထား တာပါ။

တယ်ပင်စခန်းရောက်ရင် ကိုးခန်းဇရပ်မှာ ခေတ္တခဏ နားနေနိုင်ပါတယ်။ အဲဒီစခန်းက သွပ်မိုး ပျဉ်ကာ တထပ် အဆောက်အဦးဖြစ်ပြီး သံဃာတော် အနည်းငယ်လည်း သီတင်း သုံးပါတယ်။

ယခုလက်ရှိ ဆရာတော် ဦးဒေ၀ိန္ဒတပါးသာ သီတင်းသုံးနေထိုင်တယ်။ ဆရာတော် ဦးဒေဝေဒ က “ကျုပ်လည်း တောင်ပေါ်(ဇလုံတောင်ပေါ်) နဲ့ တောင်အောက် (တည်ပင်စခန်း) သွားနေ ရတာပဲ။ တယ်နှစ်တွေ လာပြီး ဖောက်ကြတဲ့ သူတွေက ရှိတယ်။ အခုလို မိုးတွင်းဆိုရင် အလှူရှင်တွေ လှူ ထားတာလေး တွေ ခြိုးခြံ စားနေရတာပဲ” လို့ မိန့်ပါတယ်။

စွယ်စုံဆင်ကြီး


တယ်ပင် စခန်းက လှမ်းမျှော်ကြည့် လိုက်ရင် ဇလုံတောင် ထိပ်မှာ ရွှေရောင် ၀င်းဝင်း စေတီတော်ကို ဖူးတွေ့ ရနိုင် ပါတယ်။

ဇလုံတောင် စေတီအနီးမှာ တောင်ပေါ်ဘုန်းတော်ကြီးကျောင်းရှိပြီး သံဃာတော် အနည်းငယ် သီတင်းသုံး နေထိုင် ကြတာပါ။ နှစ်စဉ် နှစ်ဆန်း (၁) ရက်နေ့တိုင်း ဒုလ္လဘပွဲ ရှိပြီး ဒေသခံတွေ သာမက အခြားမြို့ရွာတွေ ကပါ ဒုလ္လဘ လာဝတ် ကြသူတွေ ရှိပါတယ်။

မနှစ်က ဒုလ္လဘ သံဃာ အပါး ၅၀ နဲ့ သီလရှင် ၁၅ ပါး လာရောက် ၀တ်ခဲ့ ကြပါတယ်။ စေတီတော်ရဲ့ တောင်ဘက် ၂ မိုင် အကွာမှာ တောင်ထိပ် ကျောက်ဖျာကြီးပေါ်မှာ တည်ထား ကိုးကွယ်တဲ့ ကျောက်မဏ္ဍပ် ဘုရား တည်ရှိတယ်။ ကျောက်မဏ္ဍပ် ဘုရားကိုလည်း ဆိုင်ကယ်နဲ့ သွားရောက် ဖူးမြော်နိုင် ပါသေးတယ်။



မိုးတွင်း ကာလ ဆိုပေမယ့် ရာသီဥတု ကြည်ကြည် လင်လင် ရှိတဲ့ နေ့တွေမှာ ဘုရားဖူးရင်း အပန်းဖြေ ခရီး အဖြစ် လည်း သွားချင် ကြတယ် ဆိုရင် ဗန်းမောက်မြို့က ဇလုံတောင်ကို သွားရောက် လည်ပတ်ဖို့ ညွှန်းဆို ချင်ပါတယ်။

သဘာဝ အရိုင်းဆန်ဆန် လှနေတဲ့ ဇလုံတောင်ကို ခရီးသွားတွေ အသွားအလာ ကျဲနေသေးလို့ သဘာဝ ပတ်ဝန်းကျင် မပျက်စီးသေးဘူးလို့ ဆိုရပါမယ်။ မြို့ပြရဲ့ မွန်းကျပ် မှုတွေ အောက်က ဖြေဖျောက် ဖို့ရာ တောတွင်း ခရီးတစ်ခုလို့ ဆိုချင်ပါတယ်။

From : ဧရာဝတီ by Hsu Wai Linn

Originally published at - http://burma.irrawaddy.com/lifestyle/2016/07/18/118510.html

Read More »

Sunday, June 26, 2016

မြန်မာ့ ပန်းတမော့တွေ ခေတ်ဆန်းချိန်


ကျောက်ဆစ် လုပ်ငန်းခွင် မြင်ကွင်း (ဓာတ်ပုံ – သန်းနိုင်ဦး)


အီတလီ နိုင်ငံသား ပန်းပု ပညာရှင် မိုက်ကယ် အိန်ဂျယ်လိုရဲ့ နာမည်ကျော် အဆို အမိန့် တခုက “ကျောက်တုံးထဲမှာ အရုပ်က ရှိပြီးသား။ ကျနော်က မလိုတာတွေ ခွာချ ပေးလိုက်ရုံပဲ” တဲ့။ အီတလီနိုင်ငံ၊ ရောမမြို့က ထင်ရှားတဲ့ ကျောက်တုံး ပန်းပုပေါင်း များစွာကို မိုက်ကယ် အိန်ဂျလိုက အနုပညာ လက်ရာ မြောက်စွာ ထုဆစ် ခဲ့တာပါ။

မန္တလေး ကျောက်ဆစ် တန်းမှာလည်း ခေတ်သစ် မိုက်ကယ် အိန်ဂျလိုတွေ ရှိနေတယ်။ မန္တလေးမြို့ ၊ မဟာမြတ်မုနိ ဘုရားကြီး တောင်ဘက် စစ်ကိုင်း-မန္တလေး လမ်း တလျှောက်မှာ ကျောက်ဆစ် လုပ်ငန်း လုပ်ကိုင်ကြ သူတွေရဲ့ ကျောက်ဆစ်တန်း ရပ်ကွက် တည်ရှိတယ်။ အဲဒီမှာ ကျောက်တုံး အရွယ် အစားစုံကို ဖြတ်တောက်၊ ထုဆစ်၊ ပုံဖော် နေတာကို တွေ့နိုင်တယ်။

ဆောက်ဖြတ်သံ၊ တူထုသံ၊ ကော်ပတ်စားသံ၊ ကျောက်စက်တိုက်သံတွေ တဒီဒီကြားနေရတဲ့ နေရာလည်းဖြစ်တယ်။ ဘုရား ဆင်းတုတော် အရွယ်အစားအမျိုးမျိုး၊ မုဒြာ အမျိုးမျိုး၊ ကွမ်ရင်မယ်တော် စတဲ့ ကိုးကွယ်ယုံကြည်မှုနဲ့ ဆိုင်တာတွေလည်း ထုဆစ်ကြတယ်။

ကျောက်ဆစ် လုပ်ငန်းခွင် မြင်ကွင်း (ဓာတ်ပုံ – သန်းနိုင်ဦး)


ကျောက်စာအရွယ်စုံ၊ မြင်းစီးကျောက်ရုပ်၊ ခြင်္သေ့ရုပ်နဲ့ ခြူးရုပ် စတဲ့ ကျောက်ပန်းပုမျိုးစုံကို ကျောက်ဆစ် လုပ်သားတွေက ကျွမ်းကျင်ရာအလိုက် ထုဆစ်နေတာ ဖြစ်တယ်။ ကျောက်ဆစ် လုပ်ငန်း လုပ်ကိုင်ကြသူတွေထဲ အမျိုးသမီး၊ အမျိုးသား အသက်အရွယ် စုံလင်တယ်။

ကျောက်ဆစ် လုပ်ငန်းမှာသုံးတဲ့ ကျောက်တုံးတွေက မန္တလေးမြို့ရဲ့ မြောက်ဘက် မိုင် ၃၀ ကျော်အကွာမှာရှိတဲ့ မတ္တရာမြို့နယ်၊ စကျင်တောင်က ထွက်ရှိတဲ့ စကျင်ကျောက်တွေကို ထုဆစ်နေကြတာ ဖြစ်ပါတယ်။ စကျင်ကျောက်နဲ့ ထုဆစ်ထားတဲ့ ပန်းပုရုပ် အမျိုးမျိုးက ပြည်တွင်းနေရာ အနှံ့သာမက ပြည်ပနိုင်ငံတချို့အထိ ရောက်ရှိနေပါတယ်။ အထူးသဖြင့် တရုတ်နိုင်ငံနဲ့ ထိုင်ဝမ်အထိ ရောက်ရှိပါတယ်။

ကျောက်ဆစ်လုပ်ငန်းက မြန်မာ့ရိုးရာ ပန်း ၁၀ မျိုးမှာ ပန်းတမော့ လုပ်ငန်းအဖြစ် ထင်ရှားတယ်။ ရှေးနှစ်ပေါင်း များစွာကတည်းက ပန်းတမော့ လုပ်ငန်းဆိုတာ မြန်မာနိုင်ငံမှာ ထွန်းကားခဲ့တယ်။ ပုဂံခေတ်က ရာဇကုမာရ ကျောက်စာနဲ့ ပုဂံစေတီတွေမှာ ထည့်သွင်းခဲ့ကြတဲ့ ကျောက်ထွင်းပန်းပု (ပန်းတမော့) တွေက ထင်ရှားတဲ့ သာဓက ဖြစ်ပါတယ်။ (ပုဂံခေတ် ကျောက်ထွင်းပန်းပုတွေက သဲကျောက်တွေကို ထုဆစ်ထားတာ ဖြစ်ပါတယ်။)

ကျောက်ဆစ်တန်းမှာ ရှိတဲ့ မုဒိတာ ပန်းတမော့ လုပ်ငန်းမှာ ပုဂံခေတ် နံရံဆေးပန်းချီထဲက ပုံစံအတိုင်း မြတ်စွာဘုရားရဲ့ ဖွား၊ ပွင့်၊ ဟော၊ စံ တွေကို ထုဆစ်နေကြပါတယ်။



“ဒီပုံတွေ ထုဆစ်နိုင်ဖို့ ပုံထုတ်တာ ၃ လကြာတယ်။ တမ္ပဝတီဆရာ ဦးဝင်းမောင် ထုတ်ပေးထားတာ။ ပုံတွေ မထုဆစ်ခင် မိုလ် အရင်လောင်းပြီး စိတ်တိုင်းကျမှ ထုဆစ်ကြရတာ” လို့ ကိုမင်းသူက ပြောတယ်။ ဒီကျောက်ဆစ် ပန်းပုတွေကို စစ်ကိုင်းတောင်ရိုးအနီးက သီတဂူဆရာတော်ကြီးရဲ့ ဝိပဿနာ အကယ်ဒမီမှာ ထားရှိ အပူဇော်ခံသွားမှာဖြစ်တယ်လို့ သိရပါတယ်။

ကိုမင်းသူက မန္တလေး ပန်းချီပန်းပု ကျောင်းဆင်းတယောက်ဖြစ်ပြီး ကျောင်းပြီးတဲ့နောက် မိဘလက်ငုတ်လက်ရင်း ကျောက်ဆစ် လုပ်ငန်းထဲ ဝင်ရောက် လုပ်ကိုင်နေတာ ဖြစ်ပါတယ်။ ကိုမင်းသူ အနေနဲ့ ကျောက်ဆစ်လုပ်ငန်း လုပ်ကိုင်လာတာ ဆယ်စုနှစ်တိုင်ခဲ့ပါပြီ။

ကျောက်ဆစ်လုပ်ငန်းမှာ ယခင်က လက်နဲ့သာ ထုဆစ်မှုများခဲ့ပေမယ့် ၂၀၀၀ ပြည့်နှစ် နောက်ပိုင်းမှာ တရုတ်နိုင်ငံက လာတဲ့ စက်ကိရိယာတွေနဲ့ တွင်တွင်ကျယ်ကျယ် ထုဆစ်လာကြပါတယ်။

အမရပူရ တောင်လေးလုံး ကျောင်းတိုက်အတွင်းက သူဌေးဘုရားရင်ပြင်မှာ ဟံသာဝတီ ဦးဝင်းတင်၊ ဆရာ မြသန်းတင့်၊ ဆရာ တင်မိုး၊ ဆရာ ကြည်အောင် စတဲ့ ထင်ရှားတဲ့ စာရေးဆရာ၊ ကဗျာဆရာတွေရဲ့ အမှတ်တရ ကျောက်တိုင်တွေ စိုက်ထူထားပါတယ်။

ဟံသာဝတီ ဦးဝင်းတင်ရဲ့ ကျောက်ထွင်းပန်းပုရုပ်ကို ဆရာဝတ်နေကျ ရှပ်အင်္ကျီအပြာရောင်နဲ့ မျက်မှန်တပ်ထားတဲ့ ကိုယ် တပိုင်းပုံ ထုဆစ်ထားပါတယ်။ စကျင်ကျောက်သား အဖြူရောင်ပေါ်မှာ အပြာရောင် ပါလာအောင် ဘယ်လို ထုဆစ်ထားသလဲလို့ ကိုယ်တိုင်ထုဆစ်ခဲ့တဲ့ ကိုမင်းသူကို မေးခွန်းထုတ်မိတယ်။

“ကျောက်ထွင်းပန်းပုမှာ ပြာချင်လို့ ဆေးအပြာသုတ်လို့ မရဘူး။ ဆေးအပြာသုတ်ခဲ့ရင် တနှစ်လောက်ပဲ ခံမယ်။ တာရာဇို အပြာရောင် သေချာထည့်ပြီး လုပ်ခဲ့တာကြောင့် မပဲ့ မချင်း ခံသွားပြီ” လို့ သူက ပြောပါတယ်။

ကျောက်ဆစ်လုပ်ငန်းမှာ ပန်းပုထုဆစ်တဲ့အခါ မပဲ့မရွဲ့အောင် သတိကြီးကြီးထားပြီး လုပ်ကိုင်ကြရကြောင်း၊ ဆင်းတုတော်တွေ အများစုကို စကျင်တောင်မှာ ပုံကြမ်းအဆင့် ထုဆစ်ခဲ့ပြီး ကျောက်ဆစ်တန်း ရောက်မှသာ အချောကိုင်ကြကြောင်း သိရပါတယ်။

လမ်းခရီး ကွာဝေးတာကြောင့် မတော်တဆ ပဲ့မှာစိုးတဲ့အတွက် အချောသပ်လုပ်ငန်းကို ကျောက်ဆစ်တန်းရောက်မှ လုပ်ကြတာဖြစ်ပါတယ်။ ပဲ့ရင် ကော်နဲ့ကပ်ဖို့ မလွယ်ကူပါဘူး။ အခုနောက်ပိုင်း အဆင့်မြင့်တဲ့ ကော်တွေ တရုတ်နိုင်ငံက ဝင်လာတာရှိပေမယ့် ၄၊ ၅ နှစ်သာခံပြီး ပြန်ပြီး ကွာကျတာတွေ ရှိပါတယ်။

ပြည်မကြီးက တရုတ်ကုန်သည်တချို့ စိတ်ကြိုက် အရုပ်ပြပြီး အော်ဒါမှာတာ ရှိပေမယ့် ပညာရှင်ကြေး ထိုက်ထိုက်တန်တန် မရတာလည်း ရှိကြောင်း သိရတယ်။ ၂ ပေလောက်အမြင့်ရှိတဲ့ ရုပ်တုတခုအတွက် ပြည်တွင်းက ပန်းတမော့ ပညာရှင်က (သယ်ယူစရိတ် + ပစ္စည်းဖိုး+ လက်ခ) ကျပ် ၂ သိန်းလောက်သာ ရရှိကြတယ်။

အချောသပ် လက်ရာကိုတော့ ပြည်မကြီးရောက်မှ အဲဒီမှာရှိတဲ့ ကျွမ်းကျင်ပညာရှင်နဲ့ အချောကိုင်ကြတာ ဖြစ်ပါတယ်။ အချောကိုင်ပြီးရင်၂ သိန်းတန် ပန်းပုက ကျပ်သိန်း ၂၀ လောက်အထိ ဈေးမြင့်သွားကြောင်း သိရပါတယ်။

ကျောက်ဆစ် ပညာရှင်တဦးက “အခုတော့ ပြည်မကြီးက ကုန်သည်တွေက ရုပ်လုံးပေါ်ရုံလောက်ပဲ အကြမ်းထည် အပ်ကြတော့တယ်။ ဟိုရောက်မှ သူတို့ ပညာရှင်နဲ့ အချောကိုင်ကြတယ်။ ဒီမှာက ဈေးမပေးတော့ လက်ရာ မကောင်း၊ လက်ရာ မသေသပ်တော့ ဈေးမရ ဖြစ်ပြီး သံသရာ လည်နေကြတာ။ သူတို့ဆီမှာတော့ စက်ကိရိယာပိုင်းရော လက်ရာ အသေးစိတ်တာရော၊ ဈေးရော ပြည်တွင်းမှာထက် အများကြီးသာတယ်” လို့ လက်ရှိ ကျောက်ဆစ်လုပ်ငန်း အခြေအနေကို တွက်ဆပြပါတယ်။

ကျောက်ဆစ် လုပ်ငန်းအတွက် လုပ်ငန်းစဉ်တိုင်းမှာ သူ့နေရာနဲ့သူ အရေးပါတယ်။ စကျင်တောင်က ကျောက်ထုတ်ပါပြီ ဆိုကတည်းက ကျောက်ထုတ် ပညာရှင်က တောင်ပေါ် တက်ကြည့်ရတယ်။ ဘယ်အရွယ်အစား ထုတ်မယ်။ ဘယ်နေရာက ဖဲ့ချမယ်ဆိုတာ တွက်ရတယ်။ တောင်ပေါ်က ဖဲ့လာတဲ့ ကျောက်ကို ကျောက်ထုတ် ပညာရှင်တွေက ‘လေးဘက် ကျ’ ထုဆစ်ရပြန်တယ်။ (လေးဘက်ကျ ဆိုတာ ဈေးကွက်လိုအပ်ချက်ရှိတဲ့ လေးထောင့် ကုဗတုံးအရွယ်ဖြစ်အောင် ထုဆစ်တာကို ခေါ်တာပါ)

ကျောက်ဆစ် လုပ်ငန်းခွင် မြင်ကွင်း (ဓာတ်ပုံ – သန်းနိုင်ဦး)

စကျင်တောင်ခြေမှာ အကြမ်းထည် ထုဆစ်တဲ့အခါရှိသလို ကျောက်ဆစ်တန်းရောက်မှ ထုဆစ်ကြတာလည်း ရှိပါတယ်။ တရုတ်ကုန်သည်တချို့ စကျင်တောင်အထိ သွားပြီး စကျင်ကျောက်တုံးတွေ အရိုင်းတုံးအတိုင်း ဝယ်ယူနေကြတာလည်း ရှိပါတယ်။ ၂၀၁၂ ခုနှစ်ဝန်းကျင်မှာ ဘာမျှ မထုဆစ်ရသေးတဲ့ စကျင်ကျောက်တုံး အရိုင်းတွေ ကားကြီးကားငယ်နဲ့ အဝယ်များခဲ့ပြီး အခုနောက်ပိုင်းမှာ အဝယ် အနည်းငယ် အေးသွားကြောင်း သိရပါတယ်။

စကျင်တောင်က ထွက်တဲ့ စကျင်ကျောက်နဲ့ ထုလုပ်ပူဇော်ထားတဲ့ ကျောက်ဆင်းတုတွေ မြန်မာနိုင်ငံ အနှံ့အပြားမှာ ရှိပါတယ်။ ပြင်ဦးလွင်က ပြည်ချစ်ဘုရား (တရုတ်ပြည် တင်ပို့ဖို့ သွားစဉ် ပွဲကောက် ရေတံခွန်အနီးမှာ ကားပေါ်က ပြုတ်ကျလို့ ကရိန်းနဲ့ ပင့်ပြီး အပူဇော်ခံထားတဲ့ဘုရား)၊ မန္တလေး ဧရာဝတီမြစ်ကမ်းအနီး ချော်ဆိပ် ရပ်ကွက်မှာ မြစ်အတွင်းက ဆယ်ယူရရှိခဲ့တဲ့ ပေါ်တော်မူဘုရား ငါးဆူ၊ မန္တလေး တောင်ခြေမှာရှိတဲ့ မန္တလေးမြို့တည် နန်းတည် မဟာလောက မာရဇိန် ကျောက်တော်ကြီးဘုရား၊ ရန်ကုန်မြို့ မင်းဓမ္မကုန်းတော်မှာရှိတဲ့ ကျောက်တော်ကြီးဘုရား (နဝတခေတ်မှာ စကျင်တောင်ကနေ ဧရာဝတီမြစ်ကြောင်းအတိုင်း ဒေသစာရီကြွ ချီခဲ့တဲ့ဘုရား) စတဲ့ ဆင်းတုတော်ကြီးတွေက စကျင်ကျောက်နဲ့ ထုဆစ်ထားတာဖြစ်ပါတယ်။

စကျင်ကျောက် ဆင်းတုတော်တွေကို ဥာဏ်တော် တထွာ တမိုက်အမြင့်ကနေ ၁၈ ပေနီးပါး ဥာဏ်တော်အမြင့် အထိရှိတဲ့ ရုပ်ပွားတော်တွေကို မုဒြာအမျိုးမျိုးနဲ့ ကျောက်ဆစ် ပညာရှင်တွေ ထုဆစ်နေကြတာ ဖြစ်တယ်။

ပန်းတမော့ လုပ်ငန်းတွေဆိုတာ အရင်က မန္တလေးမြို့မှာသာ အများဆုံး လုပ်ကိုင်ခဲ့ပေမယ့် အခုနောက်ပိုင်းမှာ မြို့ကြီးတချို့မှာ လုပ်ကိုင်လာကြတာတွေ ရှိပါတယ်။ ကျောက်ဆစ် ပညာရှင်တွေရဲ့ ပန်းတမော့ လုပ်ငန်းတွေက ဆက်လက် ဦးမော့နေဦးမှာ ဖြစ်ပါတယ်။

ဧရာဝတီ by htet htet

Originally published at - http://burma.irrawaddy.com/article/2016/06/25/117011.html

Read More »

Tuesday, June 14, 2016

ဂိုးဂိုးဂေါက်ဂေါက် ခုံဖိနပ်တို့ရဲ့ အနာဂတ်


ခုံဖိနပ်ပြုလုပ်နေသည့် မြင်ကွင်းများ (ဓာတ်ပုံ- အေးမွန်ရာပြည့်)

‘ မိုးစိုစီး’လို့ နာမည်ပြောင် ပေးထားတဲ့ ဖိနပ်ကို သိကြ ပါသလား။ ခုခေတ်ပေါ် ရာဘာ ဖိနပ်တွေလို မပူဘူး။ မချော် ဘူး။ ရိုးရှင်းတယ်။ ခိုင်ခံ့တယ်။ တခြား ဖိနပ်တွေနဲ့ လုံးဝ မတူတဲ့ ထူးခြားချက် တချက် ဒီဖိနပ်မှာ ရှိတယ်။

သူ့ရဲ့ ထူးခြားချက်ကြောင့် ဒီဖိနပ် စီးထားသူဟာ အခြား သာမန် ဖိနပ်စီးထားသူတွေနဲ့ ယှဉ်ရင် လူတွေကြားမှာ ပိုပြီး ထူးထူး ခြားခြား ပေါ်လွင် နေလေ့ ရှိတယ်။ လူတွေရဲ့ အထူး တလည် စိတ်ဝင်စားခြင်း ကိုလည်း ခံရ တတ်တယ်။

ဘာကြောင့်လည်းဆိုတော့ ဒီဖိနပ် စီးထားပြီး လမ်းလျှောက် လိုက်ရင် ဂိုးဂိုးဂေါက်ဂေါက်နဲ့ အသံ စွာကျယ် စွာကျယ် ထွက်နေ တတ်လို့ပါပဲ။ ဒီလို အသံထွက်နေလို့ ဆရာတင်မိုးက ‘ခုံဖိနပ်ကြီး ဂိုးဂိုးဂေါက်ဂေါက်’ ဆိုတဲ့ ခေါင်းစဉ်နဲ့ ကဗျာစပ် ခဲ့တာပါ။ ဖိနပ်က ထွက်လာတဲ့ တဂေါက်ဂေါက် အသံကိုက ဒီဖိနပ်ရဲ့ ဆွဲဆောင်မှု တခု၊ သင်္ကေတခုလို ဖြစ်နေတယ်။ လူကြီး၊ လူ လတ်ပိုင်း အရွယ်တွေ ကတော့ ဂိုးဂိုးဂေါက်ဂေါက် ဆိုတာနဲ့ အသား ခုံဖိနပ်လေးတွေကို မျက်လုံးထဲ ပြေးမြင်ကြတယ်။

လွန်ခဲ့တဲ့ ဆယ်စုနှစ်နှစ်စုကျော်ကာလတွေတုန်းကတော့ အမျိုးသား၊ အမျိုးသမီး၊ ကြီးကြီးငယ်ငယ် အရွယ်ပေါင်းစုံဟာ ခုံဖိ နပ်တွေနဲ့ တရင်းတနှီးကြီးပြင်းခဲ့ကြရတယ်။ အိမ်တိုင်းမှာ အိမ်နေရင်းစီး ခုံဖိနပ်မရှိတဲ့အိမ်ဆိုတာ မရှိသလောက်ဘဲ။ တအိမ် လုံး၊ မိသားစုလိုက် ညီညီညွတ်ညွတ် ဂေါက်ဂေါက်ဂွပ်ဂွပ်နဲ့ စီးခဲ့ကြတာပေါ့။

အိမ်တိုင်းမှာ မရှိမဖြစ် နေရာယူခဲ့တဲ့ ဒီအသားခုံဖိနပ်လေးတွေဟာ ဒီနေ့အချိန်မှာတော့ လူတွေရဲ့ မေ့လျော့လျစ်လျူရှုခြင်း ကို ခံခဲ့ရတယ်။ ခုံဖိနပ်လေးတွေနေရာမှာ ခေတ်မီမီ ဖိနပ်လှလှပေါ့ပေ့ါပါးပါးလေးတွေကို အစားထိုးပစ်လိုက်ကြတာကြောင့် ခုံဖိနပ်စီးသူတွေ မရှိလောက် ရှားသွားသလို ခုံဖိနပ်လုပ်ငန်းတွေလည်း တော်တော်လျော့ကျသွားခဲ့ပြီ။



အရင်ကဆိုရင် ရပ်ကွက်တွေထဲက အိမ်ဆိုင်လေးတွေမှာတင် အလွယ်တကူဝယ်လို့ရတတ်တဲ့ ခုံဖိနပ်လေးတွေဟာ အခု အချိန်မှာတော့ စီးချင်ရင်တောင် ဘယ်မှာရှာဝယ်လို့ ရှာဝယ်ရမှန်း မသိတော့ပါဘူး။ မန္တလေးနဲ့ နီးနီးနားနားမှာ ဒီခုံဖိနပ်လေး တွေ မှတ်မှတ်ရရ၀ယ်လို့ရတဲ့ နေရာတနေရာ ရှိနေပါသေးတယ်။ မင်းကွန်းပုထိုးတော်ကြီးဝန်းကျင်က လက်ဆောင်ပစ္စည်း ရောင်းတဲ့ဆိုင်ငယ်လေးတွေမှာပဲဖြစ်ပါတယ်။

ခုံဖိနပ်လေးတွေကို ဒီနေ့အချိန်ထိ မင်းကွန်းရွာအတွင်းမှာ တနိုင်တပိုင်ထုတ်လုပ်နေကြသေးလို့ မင်းကွန်းပုထိုးတော်ကြီး ၀န်းကျင်မှာ ခုံဖိနပ်တွေကို ယနေ့အထိ မြင်နေရတာပဲဖြစ်ပါတယ်။ လွန်ခဲ့တဲ့ ဆယ့်ငါးနှစ်၊ အနှစ်နှစ်ဆယ်လောက်အချိန် ကာလတွေမှာတော့ မင်းကွန်းရွာထဲက အိမ်အများစုဟာ ခုံဖိနပ်လုပ်ငန်းလုပ်ကိုင်သူတွေချည်းပါတဲ့။ ဒီနေ့အချိန်မှာတော့ တရွာလုံးမှာမှ ခုံဖိနပ်လုပ်ငန်းလုပ်တဲ့ မိသားစုတခုစ၊ နှစ်ခုစသာ ကျန်ရှိပါတော့တယ်။

သိပ်မကြာခင်အချိန်အတွင်းမှာ ဒီခုံဖိနပ်လုပ်ငန်းဟာ တိမ်ကောကွယ်ပျောက်ဖို့ အလားအလာတွေ တွေ့မြင်နေရတာကြောင့် လုံးဝမတိမ်ကောသေးခင် အချိန်လေးအတွင်းမှာ သွားရောက်လေ့လာပြီး မှတ်တမ်းတင်ဖြစ်ခဲ့ပါတယ်။ စာဖတ်သူတွေ အ တွက် တဆင့်ပြန်လည်မျှဝေလိုက်ရပါတယ်။

မင်းကွန်းတောင်ရွာထဲက ကိုမောင်နိုင်တို့အိမ်ဟာ ခုံဖိနပ်လုပ်ငန်းကို လုပ်ကိုင်ကြတာ ဆယ်စုနှစ်တခုကျော်ကြာပါပြီ။ ခုံဖိနပ် လုပ်ငန်းကို မိဘ၊ ဘိုးဘွားတွေလက်ထက်ကတည်းက မျိုးရိုးစဉ်ဆက် လုပ်ကိုင်လာခဲ့ကြတာဖြစ်လို့ ကိုမောင်နိုင်ဟာ ခုံဖိနပ် လုပ်ငန်းရဲ့မျိုးဆက်သုံးဆက်မြောက်မှာ ဆက်လက်လုပ်ကိုင်နေသူလို့ဆိုရမှာပါ။ သူ့ရဲ့ခုံဖိနပ်လုပ်ငန်းလေးကို စုစုပေါင်း လုပ်သားငါးဦးနဲ့ လည်ပတ်နေတယ်။



အရင်ကဆိုရင် ရပ်ကွက်တွေထဲက အိမ်ဆိုင်လေးတွေမှာတင် အလွယ်တကူဝယ်လို့ရတတ်တဲ့ ခုံဖိနပ်လေးတွေဟာ အခု အချိန်မှာတော့ စီးချင်ရင်တောင် ဘယ်မှာရှာဝယ်လို့ ရှာဝယ်ရမှန်း မသိတော့ပါဘူး။ မန္တလေးနဲ့ နီးနီးနားနားမှာ ဒီခုံဖိနပ်လေး တွေ မှတ်မှတ်ရရ၀ယ်လို့ရတဲ့ နေရာတနေရာ ရှိနေပါသေးတယ်။ မင်းကွန်းပုထိုးတော်ကြီးဝန်းကျင်က လက်ဆောင်ပစ္စည်း ရောင်းတဲ့ဆိုင်ငယ်လေးတွေမှာပဲဖြစ်ပါတယ်။

ခုံဖိနပ်လေးတွေကို ဒီနေ့အချိန်ထိ မင်းကွန်းရွာအတွင်းမှာ တနိုင်တပိုင်ထုတ်လုပ်နေကြသေးလို့ မင်းကွန်းပုထိုးတော်ကြီး ၀န်းကျင်မှာ ခုံဖိနပ်တွေကို ယနေ့အထိ မြင်နေရတာပဲဖြစ်ပါတယ်။ လွန်ခဲ့တဲ့ ဆယ့်ငါးနှစ်၊ အနှစ်နှစ်ဆယ်လောက်အချိန် ကာလတွေမှာတော့ မင်းကွန်းရွာထဲက အိမ်အများစုဟာ ခုံဖိနပ်လုပ်ငန်းလုပ်ကိုင်သူတွေချည်းပါတဲ့။ ဒီနေ့အချိန်မှာတော့ တရွာလုံးမှာမှ ခုံဖိနပ်လုပ်ငန်းလုပ်တဲ့ မိသားစုတခုစ၊ နှစ်ခုစသာ ကျန်ရှိပါတော့တယ်။

သိပ်မကြာခင်အချိန်အတွင်းမှာ ဒီခုံဖိနပ်လုပ်ငန်းဟာ တိမ်ကောကွယ်ပျောက်ဖို့ အလားအလာတွေ တွေ့မြင်နေရတာကြောင့် လုံးဝမတိမ်ကောသေးခင် အချိန်လေးအတွင်းမှာ သွားရောက်လေ့လာပြီး မှတ်တမ်းတင်ဖြစ်ခဲ့ပါတယ်။ စာဖတ်သူတွေ အ တွက် တဆင့်ပြန်လည်မျှဝေလိုက်ရပါတယ်။

မင်းကွန်းတောင်ရွာထဲက ကိုမောင်နိုင်တို့အိမ်ဟာ ခုံဖိနပ်လုပ်ငန်းကို လုပ်ကိုင်ကြတာ ဆယ်စုနှစ်တခုကျော်ကြာပါပြီ။ ခုံဖိနပ် လုပ်ငန်းကို မိဘ၊ ဘိုးဘွားတွေလက်ထက်ကတည်းက မျိုးရိုးစဉ်ဆက် လုပ်ကိုင်လာခဲ့ကြတာဖြစ်လို့ ကိုမောင်နိုင်ဟာ ခုံဖိနပ် လုပ်ငန်းရဲ့မျိုးဆက်သုံးဆက်မြောက်မှာ ဆက်လက်လုပ်ကိုင်နေသူလို့ဆိုရမှာပါ။ သူ့ရဲ့ခုံဖိနပ်လုပ်ငန်းလေးကို စုစုပေါင်း လုပ်သားငါးဦးနဲ့ လည်ပတ်နေတယ်။



လက်ကားဈေးနှုန်းနဲ့ဆိုရင် ဖိနပ်တရံကို ငွေကျပ်၆၀၀နဲ့ လက်လီရောင်းဆိုင်တွေကို ဖြန့်တယ်။ လက်လီဆိုင်လေးတွေမှာ တော့ ဖိနပ်တရံကို ငွေကျပ် ၁၀၀၀လောက် အထိ ဖြစ်သွား တတ်တယ်။

တကယ်တော့ ခုံဖိနပ်လုပ်ငန်းရှင်တွေရော၊ လုပ်သားတွေပါ အားလုံးနီးပါးဟာ ရင်းနှီးရတဲ့ငွေ၊ လုပ်ရတဲ့အလုပ်တွေနဲ့ ပြန် ရတဲ့ဝင်ငွေ မကာမိကြဘူး။ မကိုက်ကြပါဘူး။ အမြတ်မကျန်ကြပါဘူး။ ခေတ်ပေါ်ဖိနပ်တွေကလည်း ဈေးအရမ်းချိုနေတာ ကြောင့် ပုံရိုးရိုးခုံဖိနပ်တွေအနေနဲ့ ဒီထက်ဈေးကြီးရင် ၀ယ်မယ့်သူရှိမှာ မဟုတ်တော့ဘူးလေ။ ဒါကြောင့် ခုံဖိနပ်ဈေးတွေ ကိုမကိုက်လည်း လုပ်နေကြရတယ်။ ခုံဖိနပ်စီးတဲ့သူတွေ ဆက်ရှိပြီး သူတို့ခုံဖိနပ်အလုပ် ဆက်တည်မြဲနေရင်ကို ကျေနပ် နေရတဲ့ ဘ၀ဖြစ်နေတယ်။

ကိုမောင်နိုင်လို ခုံဖိနပ်လုပ်ငန်းလုပ်ပြီး လက်ကားပေးနေသူထက် လက်လီရောင်းတဲ့ဆိုင်တွေကတောင် သူတို့ ထက်ပိုပြီး အမြတ်ပိုကျန်နေပါသေးတယ်။ ဒီလိုပဲရတဲ့ငွေနဲ့ ပြန်ရတဲ့ငွေပမာဏမကိုက်လို့ ရပ်နားလိုက်ကြရတဲ့ ခုံဖိနပ်လုပ်ငန်းရှင် ဟောင်းတွေ မင်းကွန်းတောင်ရွာထဲမှာ တပုံတပင်ပါပဲ။

ခုံဖိနပ်တွေကွယ်ပျောက်ဖို့ တွန်းအားပေးနေတဲ့ တခြား ဆက်စပ်နေတဲ့အချက်တွေလည်း ရှိနေပါသေးတယ်။ ပထမ အ ချက်ကတော့ ကုန်ကြမ်းသစ်တွေ လိုသလိုဝယ်လို့ မရတော့တာ။ ဖိနပ်လုပ်ဖို့ ဒီးဒူးလက်ပံသား၊ တမာသား၊ မအူသား အစ ရှိတဲ့အသားမျိုးစုံကို သုံးပါတယ်။ ဖိနပ်လုပ်ဖို့အတွက် မပါမဖြစ် အဓိကအခြေခံလိုအပ်တဲ့ ဒီအသားတွေကို ဧရာဝတီမြစ် အထက်ပိုင်းဒေသတွေဖြစ်တဲ့ ဗန်းမော်၊ ကသာမြို့တွေကနေ ၀ယ်ကြရတာပါ။

နောက်တချက်ကတော့ ရွာမှာ ဖိနပ်လုပ်တတ်သူမရှိသလောက် နည်းပါးလာတာ။ အခုဆိုရင် မင်းကွန်းရွာမှာ ခုံဖိနပ် လုပ် တတ်တဲ့ မျိုးဆက်သစ်လူငယ်တွေမရှိတော့ဘူးလို့ ကိုမောင်နိုင်က အခုလိုညည်းတယ်။ “လက်ရှိလုပ်နေတဲ့ ဖိနပ်လုပ်တဲ့ လူကြီးတွေ မရှိတော့ရင် ဖိနပ်လုပ်ငန်းက ပျောက်ပြီ။”

ဖိနပ်တွေကို အချောကိုင်ပြီးရင် မန္တလေးမြို့က ပုံမှန်ဖောက်သည်ယူနေကျ ဖိနပ်ဆိုင်ကို သဘောင်္နဲ့တဆင့် ပို့ပေးရတယ်။ မန္တလေးမြို့က တဆင့် တခြားနယ်တွေကို ရောင်းပေးတယ်။



ဒီဘက်ခေတ်မှာတော့ ခုံဖိနပ်စီးသူတွေ မရှိသလောက် ရှားသွားပြီဖြစ်ပေမယ့်လည်း မိုးများပြီး ဗွက်များတဲ့၊ သဲများတဲ့အရပ် ဒေသက တောသူတောင်သူတွေဟာ မိုးစိုစီးလို့လည်းခေါ်ကြတဲ့ ခုံဖိနပ်တွေကို စွဲစွဲမက်မက် စီးနေကြသေးတယ်။

လူကြီးပိုင်းအရွယ်တွေတချို့ကတော့ ခြေထောက်အေးပြီး အပူလည်း စုပ်တယ်၊ ကျန်းမာရေးနဲ့လည်း ညီတယ် ဆိုပြီး ခုံဖိ နပ်တွေကို တခုတ်တရ စီးနေကြတာရှိသေးတယ်။ သူတို့တွေကတော့ ခုံဖိနပ်တွေကိုတွေ့ပြီဆိုရင် မမေ့မလျော့ ၀ယ်တတ် ကြတယ်။ ဒါပေမယ့် ဒါဟာ တော်တော့ကို နည်းတဲ့လူနည်းစုလောက်သာ ဖြစ်ပါတယ်။

ကိုမောင်နိုင်ကတော့ မြန်မာ့ရိုးရာလက်မှုခုံဖိနပ်လေးတွေကို ခေတ်နဲ့လိုက်လျောညီထွေဖြစ်အောင် ပြန်လည်ဆန်းသစ်ပြီး အသက်သွင်းဦးမယ်ဆိုရင် လူတွေရဲ့စိတ်ဝင်စားမှုကို ပြန်ရယူနိုင်လိမ့်ဦးမယ်။ တဆက်တည်းအနေနဲ့ သူတို့လိုလုပ်ငန်း လုပ် သူတွေအတွက်လည်း ပြန်အဆင်ပြေလာမယ်။

ကိုယ့်ရိုးရာလုပ်ငန်းကိုလည်း ထိန်းသိမ်းပြီးသား ဖြစ်သွားမယ်။ ဒေသအပေါ်လည်း ပြန်ပြီး အကျိုးပြုနိုင်မယ်လို့ စိတ်ထဲ ယုံကြည်နေသေးတဲ့အကြောင်း သူ့အိမ်ဝင်းထဲက ခုံဖိနပ်လုပ်တဲ့ အသားတုံး (သစ်တုံး) ကုန်ကြမ်းတွေကို တချက်ဝေ့ကြည့် ရင်း ပြောပါတယ်။

ဧရာဝတီ by Hsu Wai Linn

Originally published at - http://mobile.irrawaddy.com/lifestyle/2016/06/14/116251.html

Read More »

Sunday, May 01, 2016

အုတ် ကျစ် ကျော် ဧ မန္တလေး




ရှေးမြန်မာ ပညာ ရှိတွေဟာ သမိုင်းမှာ အထင်ကရ မှတ်သား ရမယ့် အရာတွေ ကိန်းဂဏန်း အရေ အတွက်နဲ့ တွဲဖက် ဖော်ပြပြီး နှောင်းလူတွေ မှတ်သားလို့ လွယ်အောင် စာချိုးခဲ့ကြ မှတ်သားပေး ခဲ့ကြ တတ်ပါတယ်။ ဒီိလို ကိန်းဂဏန်းနဲ့ စာချိုး ဖေါ်ပြခြင်း ခံရတဲ့ ရှေးဟောင်း အမွေအနှစ်တွေ အများအပြား ရှိပါတယ်။

ဒီလို ကိန်းဂဏန်းနဲ့ စာချိုးပြီး ဖေါ်ပြ ခံရတဲ့ မြို့တွေထဲမှာ ကျမတို့ရဲ့ ရှေးဟောင်း မြို့တော် တစ်ခုဖြစ်တဲ့ မန္တလေးလည်း တစ်ခု အပါအ၀င် ဖြစ်ပါတယ်။ မန္တလေးကိုကြတော့ “အုတ်ကျစ်ကျော်ဧ” မန္တလေး ဆိုပြီး မှတ်သားစေ ခဲ့ပါတယ်။ မန္တလေး မြို့တည် နန်းတည် နှစ် ဖြစ်ပါတယ်။

“လှည်းဝန်ရိုးသံ တညံညံ” ဘုရာဘုရားပေါင်း၊ “သဇင်ပန်းခိုင် တမြိုင်မြိုင်” ရခိုင်ဘုရားပေါင်း စတဲ့ ရွတ်ဆိုရလွယ်ကူတဲ့ စာချိုးလေးတွေနဲ့ အဲဒီဒေသတွေမှာ ရှိကြတဲ့ ဘုရားစေတီအရေအတွက်ကို မှတ်သားစေတဲ့ ဒီစာချိုးလေးတွေကြောင့်လည်း ကျမတို့ဟာ အလွယ်တကူ မှတ်သားလို့ လွယ်ကူစေခဲ့ပါတယ်။ ဘိုးတော်ဘုရားလက်ထက်မှာ သွန်းလုပ်ပူဇော်ခဲ့တဲ့ လက်ရှိကမ္ဘာ့တတိယအကြီးဆုံး မင်းကွန်းခေါင်းလောင်းကြီးဆိုရင်လည်း “မင်းဖြူမှန်မှန်ပြော” ဆိုတဲ့ စာချိုးလေးနဲ့ သွန်းလုပ်ထားတဲ့ ကြေးပိသာအလေးချိန်အရေအတွက်ကို မှတ်သားထားကြရပါတယ်။

ဒီိလိုမှတ်သားတဲ့နည်းဟာ မြန်မာ့ နက္ခတဗေဒ အက္ခရာ နေ့နံနည်းနဲ့ မှတ်သားတယ်လို့ပဲ အလွယ်ပြောရမှာပါ။

မြန်မာ့နေ့နံတွေဖြစ်တဲ့ တနင်္ဂနွေကအစ စနေအဆုံး နေ့နံအလိုက် မြန်မာအက္ခရာတွေကို အတွဲလိုက်သတ်မှတ်ပေးထားပြီး။ အဲဒီလိုပဲ ကိန်းဂဏန်းတွေကိုလည်း သတ်မှတ်ပေးထားပါတယ်။ ဒါကြောင့်လည်း စာချိုးလေးတွေမှာ ထည့်သုံးထားတဲ့ အက္ခရာတွေကို ကိန်းဂဏန်းတွေနဲ့ ဖလှယ်ယူနိုင်အောင် ဆန်းသစ်တီထွင်ခဲ့ကြတာဖြစ်ပါတယ်။

ရန်ကုန်မြို့ရဲ့ မြောက်ဘက် မြန်မာနိုင်ငံ အလယ်ပိုင်းဒေသကို မိုင်ပေါင်း ၄၀၀ လောက် ခရီးနှင်လာပြီးတဲ့နောက်မှာတော့ မြန်မာ့ယဉ်ကျေးမှုတွေ ထွန်းကားရာ၊ ကုန်ဘောင်မင်းဆက် နောက်ဆုံး မင်းနေပြည်တော် ရတနာပုံ မန္တလေးမြို့တော်ကို ရောက်လာပါပြီ။

ရန်ကုန် မန္တလေး အဝေးပြေးဘတ်စ်ကားကြီးတွေက အများအားဖြင့် ညပိုင်းမှာပဲ မောင်းနှင်ကြပါတယ်။ ဒါပေမယ့် ကျမကတော့ လမ်းဘေးဝဲယာ ဒေသရှုခင်းတွေကို မြင်တွေ့ခွင့်ရဖို့ နေ့ခင်းပိုင်း ပြေးဆွဲတဲ့ကားကို ရွေးပြီး စီးခဲ့ပါတယ်။ အခု မန္တလေးကို ရောက်ပြီဆိုတော့ ဘတ်စ်ကားစီးချိန်က ၈ နာရီလောက် ကြာခဲ့ပါပြီ။

ကားဂိတ်ကိုရောက်တာနဲ့ တခြားမြို့တွေနဲ့ မခြား မြင်တွေ့မယ့် မြင်ကွင်းတခုပါပဲ။ ခရီးသည်ရဖို့ ပြေးပြီး စောင့်ကြိုနေကြတဲ့ အငှားယဉ်မောင်းသမားတွေပဲဖြစ်ပါတယ်။

မန္တလေးမြေမှာ ကျမ ခြေချမိပါပြီ။ ရှေးပဝေသဏီကတည်းက မြန်မာ့ရှေးဘုရင်တွေ အခြေချရာ နေရာ၊ ရတနာပုံ ရေနန်းတော်ကြီးရှိရာနေရာ .. သီပေါဘုရင် ပါတော်မူရာ နေရာ … ဒီဒေသမှာ ကျမအတွက် လေ့လာစရာတွေ ကုန်ဆုံးနိုင်လိမ့်မယ်တောင် မထင်မိခဲ့ပါဘူး။

မန္တလေးတောင်ပေါ်ကိုရောက်ပြီဆိုရင်တော့ အရောင်တလက်လက် တောက်ပနေတဲ့ မှန်စီရွှေချလေးဒေါင့်တိုင်ကြီးတွေနဲ့ တည်ဆောက်ထားတဲ့ ဘုရားတန်ဆောင်း ကျောင်းဆောင်ကြီးတွေကို တွေ့ကြရမှာပါ။

မြန်မာမှု အနုပညာလက်ရာ မှန်စီရွှေချ ပန်းကွက်ကြားတွေနဲ့ ခမ်းနားထည်ဝါမှုတွေ၊ ဘာသာတရားနဲ့ ငြိမ်းချမ်းမှုကိုလည်း ကျမ ခံစားမိပါတယ်။

ဘုရားဖူးလာသူတွေ ကုသိုလ်ယူသူတွေကလည်း နေ့စဉ်နဲ့ အမျှ စည်ကားနေပြီး တည်ငြိမ်အေးချမ်းတဲ့ နေရာတခုရဲ့ ပုံသဏ္ဍာန် ပေါ်လွင်နေပါတယ်။

ယုံကြည်ကိုးကွယ်သူတွေရဲ့ သဒ္ဒါထက်သက်မှုနဲ့အတူ အလှူအတန်းပေးထားကြတဲ့ ကမ္ဗည်းမှတ်တမ်းတွေကလည်း အများအပြားတွေ့ရပါလိမ့်မယ်။

ကျမ မန်းတလေးတောင်ပေါ်မှာ လျှောက်သွားရင်းနဲ့ တွေ့တာက ၁၉၄၅ ခုနှစ် မတ်လက ဗြိတိသျှဝေလမင်းသားရဲ့ ဂေါ်ရခါးတပ်ကနေပြီးတော့ ဖက်ဆစ်ဂျပန်တွေကို စစ်အောင်တဲ့အနေနဲ့ ရူပီး ၂၅၀၀ လှူဒါန်းခဲ့တဲ့ ကမ္ဗည်းဆိုင်းဘုတ်လေးကို တွေ့ရပါတယ်။ တဖက်မျက်နှာမှာ ဗမာလို ရေးထိုးထားတာဖြစ်ပြီးတော့ ဟိုဘက်မှာဆိုရင်တော့ သူတို့ ဂေါ်ရခါးတပ်ရဲ့ တံဆိပ်ရယ် ကမ္ဗည်းရေးထိုးထားတာကိုလည်း တွေ့ရပါမယ်။

မန္တလေးတောင်ဆိုတာ မြေပြင်အထက် ပေပေါင်း ၅၀၀ ကျော်သာရှိနေပေမယ့် အရှေ့ဘက် ရှမ်းရိုးမတောင်ကြီးကိုလည်း ရှုမျှော်မဆုံး တွေ့ရမှာဖြစ်ပါတယ်။ အနောက်ဘက်မှာတော့ ဧရာဝတီမြစ်ကြောင်းကြီးနဲ့ တောင်ဘက်မှာတော့ မန္တလေးမြို့တော်ကြီးကို အပေါ်စီးကနေ အုပ်မိုးကြည့်ရှုနိုင်မှာဖြစ်ပါတယ်။

ခေတ်နဲ့အတူ ပြောင်းလဲလာတဲ့ မန္တလေးမြို့ရဲ့ လူနေအိမ်တွေ၊ နန်းတော်မြို့ရိုးကြီးကိုလည်း တွေ့ကြရမှာပါ။

ဘုရားစေတီပုထိုးတွေ ပေါများလှတဲ့ မန္တလေးတောင်ဟာ မြို့တော်ကြီးရဲ့ ဂုဏ်ကျက်သရေနဲ့အတူ ရှေးဟောင်း ရာဇ၀င်တွေ၊ ဇာတ်လမ်းတွေနဲ့ ပြည့်စုံရာ ဌာနေတခုလည်း ဖြစ်လို့နေပါတယ်။

မန်းတလေးတောင်သမိုင်းရဲ့ ၇ ဦးမြောက် ဘုရားဒါယကာလို့ ဆိုကြတဲ့ ရသေ့ကြီး ဦးခန္တီဟာ မန်းတလေးတောင်အကြောင်း ပြောရင်တော့ မပါမဖြစ်တဲ့ ပုဂ္ဂိုလ်ကြီးလို့ ပြောရမှာပါ။

ရသေ့ကြီးဦးခန္တီဟာ မြန်မာပြည်အနှံ့ သာသနာရေးဆိုင်ရာ အဆောက်အအုံတွေအများအပြားကို ဦးဆောင်တည်ဆောက်ပေးခဲ့သူဖြစ်ပါတယ်။

ကောဇာသက္ကရာဇ် ၁၂၆၉ ခုနှစ်ကစလို့ မန္တလေးတောင်ကို ရောက်လာပြီး ဘုရားစေတီ အဆောက်အအုံတွေကို ပြုပြင်ခဲ့တဲ့ ပုဂ္ဂိုလ်ကြီးဖြစ်တာကြောင့် မန္တလေးတောင် ရသေ့ကြီးလို့တောင် ပြောနေကြပါတယ်။

ဒါ့အပြင် မန္တလေးတောင်ပေါ်မှာ လာရောက်သူတိုင်း သွားကြည့်လေ့ရှိတဲ့ မွေကြီးနှစ်ကောင် ရုပ်ထုတွေကိုလည်း တွေ့နိုင်မှာပါ။

ဒီ မန္တလေးတောင်ပေါ်ကို လာရောက်ကြတဲ့ ဘုရားဖူးခရီးသွားတွေဟာဆိုလို့ရှိရင် မြွေကြီးနှစ်ကောင်ဆီကိုလာပြီးတော့ အလှူဒါန ကုသိုလ်ပြုကြတာကိုလည်း တွေ့ရတယ်။ ဒီ မြွေကြီးရဲ့ ပါးစပ်အတွင်းမှာ ဒီမြွေကြီးရဲ့ ဦးခေါင်းကိုသပ်ပြီးတော့မှ အဓိဌာန်ပြုဆုတောင်းတာကိုလည်း တွေ့ရတယ်။

ရှေးအခါက မန္တလေးတောင်ပေါ်မှာ ထူးထူးခြားခြားရှိခဲ့ဖူးတဲ့ မြွေကြီး ၂ ကောင်ရဲ့ အကြောင်းကတော့ ကြာခဲ့ပါပြီ။ ထင်ကြေးဇာတ်လမ်းအမျိုးမျိုးနဲ့ နာမည်ကျော်ခဲ့တဲ့ မြွေကြီး ၂ ကောင်ကြောင့် မန္တလေးတောင်မှာ ခရီးသွားဧည့်သည်တွေနဲ့ စည်ကားစေခဲ့ပါတယ်။ မြွေကြီးတွေမရှိတော့တဲ့နောက် ရသေ့ကြီးဦးခန္တီကပဲ မြွေကြီးတွေရဲ့ ရုပ်ပုံကို သံနဲ့သွန်းလုပ်ပေးခဲ့တာကြောင့် ဒီနေ့အချိန်အထိ လေ့လာကြည့်ရှုစရာအဖြစ် ကျန်ရှိနေခဲ့တာဖြစ်ပါတယ်။

ရှေးခေတ်ရာဇ၀င်တွေထဲက သမိုင်းကြောင်းတွေနဲ့အတူ မန္တလေးတောင်ပေါ်မှာ လေ့လာစရာအများအပြား ကိုလည်း တွေ့နိုင်မှာဖြစ်ပါတယ်။

ရတနာပုံနေပြည်တော်ကြီးဖြစ်လာမယ့် ဗုဒ္ဓဘုရားဗျာဒိတ်တော်အကြောင်းနဲ့ သမိုင်းကြောင်းကို ထုလုပ်ပုံဖေါ်ခဲ့ကြတဲ့ စန္ဒမုခီ ဘီလူးမရုပ်တုကြီးလည်း ရှိနေပါတယ်။

သာသနာနှစ် ၂၄၀၀ အကျော်မှာ သာသနာပြု မင်းတပါး ထွန်းကားလာမယ့် ဗျာဒိတ်တော်နဲ့အတူ ရတနာပုံနေပြည်တော်ကြီးဟာ မင်းတုန်းမင်းကြီးလက်ထက်မှာ ပေါ်ပေါက်ခဲ့ပြီလည်းဖြစ်ပါတယ်။

မန္တလေးတည်နေရာနဲ့ မြို့သစ်တည်ရတဲ့ အကြောင်းအရင်းကို စာရေးဆရာ ဆူးငှက်က အခုလို ရှင်းပြပါတယ်။

“အပူပိုင်းတကယ့်ကို ဖုံထူ နေပူတဲ့နေရာကြီးမှာ ဘာကြောင့် မြို့သစ်တည်တာလဲပေါ့။ ဒီမြို့သစ်တည်တဲ့ ကာလ ရွေးချယ်မှုက သူထီးနန်းက အမရပူရမှာ ထီးနန်းစံခဲ့တယ်။

အောက်မြန်မာပြည်ကို အင်္ဂလိပ်က သိမ်းထားတယ်။ သူပိုင်တာ အထက်မြန်မာပြည်ပဲ ပိုင်တယ်။ အဲတော့ အထက်မြန်မာပြည်မှာ ထီးနန်းအသစ် ပြန်တည်မယ်ဆိုရင် ဒီနေရာက လွဲလို့ ဘယ်နေရာမှာမှ မတည်နိုင်ဘူး။ ရွေးချယ်ဖို့က ဒါပဲ အဲတော့ ဒီနေရာက လွဲလို့ အရှေ့ဘက်ကြည့်လိုက်တော့ သူမြို့တည်မယ့်နေရာ ပေါ့ဗျာ

ကြည့်လိုက်တော့ အောင်ပင်လယ်ကန် ရှိတယ်။ အောင်ပင်လယ်ကန်ဆိုတာက အခုသာ သာမန် လယ်ကွင်းတွေပဲ ရှိခဲ့တာကိုး အဲဒီ ကာလတုန်းက အောင်ပင်လယ်ကန်ဟာ အလျား ၇မိုင်နဲ့ အနံ ၃မိုင်လောက် ရှိတဲ့ကန် ပုဂံခေတ် ကတည်းက ဆယ်ခဲ့တဲ့ ကန်ကြီး တကယ့်ကို ရေတွေ အပြည့်နဲ့ ကန်ကြီး တစ်ခါ မန္တလေးတောင်ရဲ့ မြောက်ဘက်မှာ နန္ဒာကန် သူကလည်း အောင်ပင်လယ်ကန်နဲ့ အလားတူ ဆယ်ခဲ့တဲ့ ကန် ဒီနှစ်ကန် ကလည်း ဘယ်လောက် နာမည်ကြီးလည်း ဆိုရင် ရှေ့တုန်းက မန္တလေး သီချင်းတွေထဲမှာကို စပ်ခဲ့တဲ့ဟာ တစ်ခါ တောင်ဘက် ကြည့်လိုက်တော့ ရှိပြီးသား တောင်သမန်အင်း ရှိတယ်။

နောက်တစ်ခါ ဇောင်းကလောကန်ဆိုတာ ရှိတယ်။ အခု တစ်သိန်းအင်းဆိုတာ ရှိတယ်။ နောက် အနောက်ဘက်က ဧရာဝတီမြစ် ရေပတ်လည်ဝိုင်းနေတဲ့ နေရာမှာ တည်ခဲ့တာ တည်ပြီးတော့ သူ့ နည်းသူဟန်နဲ့ မြောင်းတွေ ပြန်ဖောက်ပြန်ရော တောင်မြောက် မြောင်းတွေ ဖောက်တယ်။ အရှေ့မြောက် မြောင်းတွေ ဖောက်တယ်။

သူရဲ့ မြို့တော်ကြီးကိုလည်း ပတ်ပတ်လည်မှာ ကျုံးနဲ့ ပတ်လိုက်ပြန်တယ်။ ဒီလိုတည်ခဲ့တဲ့ သဘာဝ ပတ်ဝန်းကျင်နဲ့ လူနေမှု စရိုက်နဲ့ အသွားအလာ ကျွန်တော်တို့ ရိုးရာ ဓလေ့နဲ့ အကုန်လုံးကို ဆက်စပ်ပြီးတော့ ရှိနေခဲ့တာကိုး”

မြန်မာသက္ကရာဇ် ၁၂၂၁ ခုနှစ်ကစလို့ မင်းတုန်းမင်းကြီး တည်ထောင်ခဲ့တဲ့ ရတနာပုံမြို့သစ်ကြီးဟာ လေးဘက်လေးတန် တမိုင်ကျော်ရှည်တဲ့ အုတ်ရိုးကြီးတွေနဲ့ ဒီနေ့ အထင်အရှား တွေ့မြင်နေရပြီဖြစ်ပါတယ်။

စတုရန်းပုံမြိုရိုးကြီးနဲ့ နန်းတော်ကြီးအပါအ၀င် လူနေရပ်ကွက်တွေဟာလည်း စတုရန်းပုံ အကွက်ချပေးထားပုံတွေဟာလည်း မြို့ရဲ့ အပေါ်စီးကနေကြည့်ရင် အထင်အရှား တွေ့ရမှာဖြစ်ပါတယ်။

မန္တလေးမြို့ဟာ နေရာဒေသ အချက်အခြာကျသလို ဒီနေ့အချိန်ထိ ထင်ရှားနေဆဲဖြစ်တဲ့ ဈေးချိုတော်ကြီးဟာလည်း ထူးထူးခြားခြား ရှိနေပါတယ်။

ဒီဈေးချိုတော်ကြီးဟာ မင်းတုန်းမင်းလက်ထက်ကတည်းက ရှိခဲ့တဲ့ ဈေးချိုတော်ကြီး ဖြစ်ပါတယ်။

ခေတ်ကာလကြာညောင်းလာတာနဲ့အမျှ ပြုပြင်ပြောင်းလဲထားတဲ့ ခေတ်သစ်ဒီဇိုင်းအမြင်နဲ့ မြင်တွေ့ရမယ့် ဈေးချိုတော်ကြီးဖြစ်ပါတယ်။ ဒီဈေးချိုတော်ကြီးအတွင်းမှာတော့ ငပိ ငါးခြောက် ကုန်မျိုးစုံ ပိုးထည်ချည်ထည် အစရှိသဖြင့် ရောင်းချတယ်ပေါ့နော် ဒါပေမယ့် ဒါပေမယ့် အရင်ခေတ်ကနဲ့ မတူတော့ပဲ … ဒါကတော့မန္တလေးဆေးချိုတော်ရဲ့ မနက်ခင်းမြင်ကွင်းလေးပါ။

မင်းတုန်းမင်းလက်ထက်ကတည်းက တည်ဆောက်ခဲ့တဲ့ ဈေးချိုတော်ကြီးဟာ မကြာခဏဆိုသလို မီးလောင်ခံခဲ့ရတာကြောင့် အင်္ဂလိပ်လက်ထပ်မှာ ပြန်လည် တည်ဆောက်ခဲ့ရပါတယ်။

မြန်မာ့ နေ့နံမှတ်သားနည်းနဲ့ပဲ အုတ်ကာသွပ်မိုးဆိုပြီး ၁၂၆၅ ခုနှစ်မှာ ပြုပြင်တည်ဆောက်ခဲ့တာဖြစ်ပါတယ်။ ဒီဈေးချိုတော်ကြီးကို အီတလီ ဗိသုကာဆရာကြီးက ပုံစံဆွဲတည်ဆောက်ခဲ့တာဖြစ်ပြီး အီတလီနိုင်ငံ မီလန်မြို့က ဈေးကြီးတခုရဲ့ ပုံစံလို့လည်း မှတ်တမ်းတွေမှာ တွေ့ရပါတယ်။

အခုတော့ ခေတ်ကာလအလိုက် ပြုပြင်မှုတွေနဲ့အတူ ဈေးချိုတော်ကြီးဟာ အပြောင်းလဲကြီး ပြောင်းလဲသွားပြီလို့တောင် ပြောနေကြပါပြီ။

ခေတ်ဟောင်း ရောင်းဝယ်မှု ဓလေ့တွေကလည်း ကာလရွေ့လျားမှုနဲ့အတူ ပြောင်းလဲသွားခဲ့ပါပြီ။ ဒီအကြောင်းတွေကိုလည်း စာရေးဆရာဆူးငှက်က ဆက်ပြီးရှင်းပြပါတယ်။

“မင်းတုန်းမင်း မန္တလေးမြို့ ပန္နက်တည်ကတည်းက ဈေးချိုတော်ဆိုတဲ့ နေရာတဲ့ သေချာ ပန္နက်ရိုက်ပေးခဲ့တာ။ ဒီမှာ ဈေးလာရောင်းချကြတယ်။ ဈေးရောင်းချတဲ့အခါ တူရာအစုကိုပဲ ရောင်းတာ။ ဒီနေရာ ငါးပိ ငါးခြောက်တန်း ဒီနေရာ ဆန်ရောင်းတာ။ ဒီနေရာ သစ်သီးရောင်းတာ ဒီနေရာ ရွှေရောင်းတာ အစရှိသဖြင့် ဒီလိုတွေ သွားတာကိုး။

သူက ကျေးလက်နဲ့လည်း တလျှောက် ဆက်သွယ်တဲ့ ပုံစံဖြစ်တော့ ဈေးချိုတည်တာတောင်မှ ဘယ်နေရာ တည်လည်းဆိုတော့ ဘိုးတော်ဘုရာ ခေတ်ကတည်းက ရှိခဲ့တဲ့ ရွှေတစ်ချောင်းမြောင်း ရဲ့ အရှေ့ဘက်မှာ တည်ခဲ့တာ။ ဘာလို့လဲဆိုတော့ ဒီမြောင်းက အရင်တုန်းက လှေတွေ သမ္မန်တွေ သွားလို့ရတဲ့မြောင်း ဒါလူလုပ်တဲ့မြောင်း အဲဒီလှေတွေ သမ္မန်တွေက ဘယ်သွားလည်း ဟိုမြောက်ဘက်က မတ္တရာ နယ်တကြောသွားတာ။ အဲဒီနယ်က ဘာလဲ။ ဟင်းသီးဟင်းရွက် စတဲ့ သစ်သီး တော်တော်များများ ထွက်တဲ့နယ်။ နောက် ဆန်းစပါးထွက်တယ်။ အဲတော့ မြို့ရဲ့ ရိက္ခာ ထောက်ပံ့ရေး အတွက် အသုံးတည့်သော လမ်းပန်း ရေလမ်းကြောင်းပေါ်မှာ ဈေးကိုတည်ပေးတာ။ ဒါမျိုးတွေ သူတုိ့ခေတ်ရဲ့ စဉ်းစားဥာဏ်နဲ့ တည်ခဲ့တာဟာ”

မန္တလေးမြို့ရဲ့ ဈေးချိုတော်အကြောင်းကို ပြောလို့ ရှိရင် ဈေးချိုနာရီစင်ကြီးကိုတော့ ထားခဲ့လို့ မရပါဘူးရှင်။ ဒီဈေးချိုနာရီစင်ကြီးဟာ ဆိုလို့ရှိရင် ဒီဈေးချိုတော်နဲ့ အတူတွဲပြီးတော့ ဆောက် ခဲ့တယ်လို့ ထင်ခဲ့ကြတယ်။

ဒါပေမယ့် တကယ်တော့ မဟုတ်ပါဘူး။ ဈေးချိုတော်ကြီး အရင်ဆောက်ပြီးမှ ဈေးချိုနာရီကို ဆောက်တာ ဖြစ်ပါတယ်။ ဈေးချိုနာရီစင်ကြီးကို ဘာဖြစ်လို့ ဆောက်ခဲ့တာလဲ ဆိုလို့ ရှိရင် ဒီဝီတိုရီယ ဘုရင်မရဲ့ နန်းသက် နှစ်၆၀ ပြည့် အထိမ်းအမှတ်အနေနဲ့ ဒီအင်္ဂလိပ်တွေက ဆောက်ခဲ့တဲ့ ဈေးချို နာရီစင်ကြီး ဖြစ်တယ်။ အရင်ခေတ်က ဆိုလို့ ရှိရင် လူတိုင်း လူတိုင်းဆီမှာ နာရီ မဆောင်နိုင်တဲ့အတွက် ဈေးချိုနာရီစင်ကြီးဟာ အရမ်းကို အသုံးဝင်တယ်လို့ သိရတယ်ရှင့်။

မန္တလေးဈေးချိုတော်နဲ့ နာရီစင်ကြီးဟာ နန်းမြို့ရိုးရဲ့ အနောက်တောင်ဒေါင့် ဘယ်မှာ တည်ထားတာဖြစ်ပြီး မြို့တော်ရဲ့ ဗဟိုအချက်အခြာနေရာ လို့လည်း ပြောနိုင်ပါတယ်။

ရှေးခေတ် ရတနာပူရ အင်းဝဘုရင်မင်းဆက်ကနေ ဒေသရွေ့လျားပြီး ဘိုးတော်ဘုရားလက်ထက် အမရပူရမြို့သစ်တည်ပြီးနောက် မင်းတုန်းမင်းကြီး လက်ထက်မှာတော့ ရတနာပုံ မန္တလေးမြို့သစ်ကြီးအဖြစ် ဆင့်ကဲ ပေါ်ပေါက်လာခဲ့တာဖြစ်ပါတယ်။

အခုဒီမှာမြင်တွေ့ရတာကတော့ သုဓမ္မာဇရပ်ရဲ့ ဇရပ်အဆောင်၁၁ ဖြစ်ပါတယ်။ ဒီသုဓမ္မာဇရပ် ဆိုတာကတော့ ရတနာပုံခေတ် မန္တလေးမြို့ကိုတည်ခဲ့တဲ့ မင်းတုန်းမင်းကြီးရဲ့ ကုသိုလ်ကောင်းမှု ဖြစ်ပါတယ်။ မင်းးတုန်းမင်းက ဒီသုဓမ္မာဇရပ် တွေကို ဆောက်လုပ်လှုဒါန်းခဲ့တာ ဆိုလို့ ရှိရင် နယုန်လမှာ သံဃာတော်တွေ စာပြန်ပွဲတော် လုပ်ဖို့အတွက် သုဓမ္မာဇရပ် အဆောင်တွေကို ဆောက်လုပ် လှုဒါန်းခဲ့တာ ဖြစ်တယ်။ အဓိက ကတော့ စာပြန်ပွဲတော် လုပ်ဖို့အတွက် မြန်မာတစ်နိုင်ငံလုံးမှာ ရှိတဲ့ သံဃာတော်တွေက နယုန်လမှာဆိုလို့ ရှိရင် ဒီသုဓမ္မာဇရပ်ကို လာပြီးတော့ စုဝေးတယ်ပေါ့နော်။ အဲလိုစုဝေးတဲ့ သံဃာတော်တွေနောက်ကို လိုက်လာတဲ့ လူပုဂ္ဂိုလ်တွေ တဲဖို့အတွက်ဆိုပြီးတော့ ဒီသုဓမ္မာဇရပ် တွေကိုလည်း ဆောက်လုပ်တာဖြစ်တယ်။ စပြီးဆောက်တုန်းက ဒီသုဓမ္မာဇရပ် အဆောင် ၃၃ ဆောင်ရှိတယ်ပေါ့နော်။ ခေတ်ကာလ ကြာညောင်းလာတဲ့နဲ့ အမျှ သဘာဝ ဘေးအန္တရာယ်တွေရယ် မီးဒဏ်ခံရတာတွေကြောင့် အခုဆိုရင် ၁၃ ဆောင်ပဲ ရှိပါတော့တယ်။ ပျက်စီးယိုယွင်းသွားတဲ့ ဇရပ်တွေ ရှေ့မူလတိုင်း မပျက်စီးဘဲ ရတနာပုံခေတ်က လက်ရာအတိုင်း ပြန်လည်ပြုပြင်ထားတာကို တွေ့ရမှာ ဖြစ်ပါတယ်။ ဒီဇရပ်ကို ဆောက်ထားတာဆိုလို့ ရှိရင် အင်မတန်ထူးခြားတယ်ပေါ့နော်။ သံအကူကရိယာ မပါဘဲနဲ့ သစ်သားအချင်းချင်း ဖောက် ထွင်းပြီးတော့မှ ချိတ်ဆက် ဆောက်လုပ်ထားတာကို တွေ့ရမှာ ဖြစ်ပါတယ်။

ခေတ်အဆက်ဖြတ်လာခဲ့ပြီးသည့်တိုင် မပျောက်မပျက် တည်ရှိနေခဲ့တဲ့ မန္တလေးမြ်ို့အကြောင်းကို ဆရာဆူးငှက်ကပဲ အခုလို ရှင်းပြပါတယ်။

“မြန်မာပြည်မှာ ရှိတဲ့ ရှေ့ဟောင်း မြို့တော်ကြီးတွေထဲမှာ အကောင်းပတိ နီးနီး ကျန်ရစ်တာ မန္တလေး တစ်မြို့တော်ပဲ ကျန်ရစ်တာပေါ့နော်။ မြို့တည်ပြီးတော့ မြို့ကြီး လုံးဝ ပျက်သုဉ်းသွားတယ်ဆိုတာ မရှိခဲ့ဘူး။ ဒုတိယ ကမ္ဘာစစ်ဒဏ် ခံလိုက်ရလို့ မြို့ရဲ့ အပျက်စီးဆိုတာပဲ ရှိခဲ့တယ်။

အရင်ရှိခဲ့တဲ့ လူနေမှု စရိုက် အရင်ရှိခဲ့တဲ့ လူနေမှု ပုံစံနဲ့ အရင်ရှိခဲ့တဲ့ မင်းခန်းမင်းနားတွေ အကုန်လုံးက မပျောက်ပျက်ခဲ့ဘူး။ ဒါစစ်ကြောင့်မုိ့တော်တော်များများ ပျက်ခဲ့ပေမယ့်လည်း လူနေမှု စရိုက်က အဲကာလ မပျက်ခဲ့ဘူးပေါ့နော်။

အဲတော့ ကျွန်တော်တို့ မြန်မာ့ရှေ့ဟောင်း မြို့တော်ကြီးတွေရဲ့ ဗိသုကာ ပုံစံကို လေ့လာမလား လေ့လာမယ်ဆိုရင် မန္တလေးက အထင်ရှားဆုံးပဲ။ ရပ်ကွက်တွေ ဖွဲ့စည်းပုံတွေကြည့်ရင် တကယ့်ကို ဗိသုကာ ပုံစံစစ်စစ် မန္တလေးက လေးထောင်ပုံစံနဲ့ ဖွဲ့ခဲ့တာ။ ဒီဝန်းကြီးတွေက အရင်က ဘယ်လိုပုံစံ နေခဲ့ကြလဲ အခုဘယ်လို ဖြစ်သွားပြီလဲ ဒီအပြောင်းလဲ အရင်က နေခဲ့ကြတာ ကျေးလက်ပုံစံကို နေခဲ့ကြတာ။

ပြောကြစို့ဆိုရင် စည်းရိုးမရှိဘူး တစ်အိမ်နဲ့ တစ်အိမ် ဝန်းမရှိဘူး။ ကျေးလက်ပုံစံ အလယ်ခေါင်မှာ ဝန်းရဲ့ ပိုင်ရှင်ဖြစ်တဲ့ အရှင်သခင် ရဲ့ ဘုရင်ရဲ့ ပေးသနားခြင်း ခံရတဲ့ မင်းညီမင်းသား ဖြစ်လိမ့်မယ်။ ဝန်ကြီး ဖြစ်လိမ့်မယ်။ နောက်စော်ဖွား ဖြစ်လိမ့်မယ်။ သူက နေပြီးတော့ ဘေးပတ်ပတ်လည်မှာက သူရဲ့ အချွေရံတွေ ဒီလိုနေကြတာ။

အဲဒီကနေမှ ပြောင်းသွားတာ ဘယ်လိုပြောင်းသွားလဲဆိုတော့ လက်ရှိမြို့ပြပုံစံ ဖြစ်သွားတဲ့ အခါမှာကြတော့ ဒီဝန်ကြီးထဲမှာ ပတ်ပတ်လည်မှာ မျက်နှာစာတွေမှာ အိမ်တွေ တိုက်တွေက နေရာယူတော့ အတွင်းမှာ ပြွတ်သိပ်ညှပ်နေတဲ့ အစုအဖွဲ့တွေ အကုန် ဖြစ်ကုန်တယ်။ ဖြစ်ကုန်တော့ ဘယ်လိုဖြစ်သွားလဲဆိုတော့ သဘာဝ ပတ်ဝန်းကျင် ပုံစံအရလည်း မသန့်ရှင်းဘူး။ နောက်တစ်ခုက မီးရေးထင်းရေးအရလည်း စိုးရိမ်စရာ ဖြစ်သွားတယ်။

မြို့ပြပုံစံ ပျက်သွားတယ်။ ရုပ်ဝတ္ထုပိုင်းမှာ စပျက်တယ်။ ပျက်သွားတာနဲ့ တစ်ပြိုင်တည်း ဘာဖြစ်သွားလည်း ဆိုတော့ အရင်လူမှု ဆက်ဆံရေး ပုံစံတွေပါ အကုန်ပြောင်းလဲသွားတယ်။ ”

ဒါကြောင့်လည်း မန္တလေးမြို့တော်တည်ရှိရာ မြန်မာနိုင်ငံ အလယ်ပိုင်းဒေသဟာ ရှေးခေတ် မင်းဧကရာဇ်တွေ အုပ်စိုးရာ ရာဇဌာနီဖြစ်လို့ နေပါတယ်။

ဒုတိယ ကမ္ဘာစစ်ကာလ စစ်ဘေးဒဏ်တွေ၊ မီးလောင်ကျွမ်းမှုဒဏ်တွေ အလူးအလဲခံခဲ့ရဖူးတဲ့ ရတနာပုံ မန်းတလေးမြို့တော်ဟာ လဲရာကနေ ရုံးထခဲ့ရပါပြီ။

ဒါပေမယ့် ရှေးဟောင်းယဉ်ကျေးမှုနဲ့ လူမှုစီးပွားပုံစံတွေကလည်း အပြောင်းအလဲတွေနဲ့အတူ ခြားနားလာခဲ့ပါပြီ။

မန္တလေးမြို့တော်ဟာ မြန်မာ့ ပန်းဆယ်မျိုးလက်ရာ၊ ယဉ်ကျေးမှု အနုပညာများစွာ ထွန်းကားရာဒေသကြီးလည်းဖြစ်ပါတယ်။

အုတ်ကျစ်ကျော်ဧ မန္တလေး၊ အင်ကြင်းကြာအုံ ရတနာပုံ ဆိုတဲ့ ဂုဏ်ပုဒ်တွေနဲ့ အခုဆိုရင် နှစ်ပေါင်း တစ်ရာ့ငါးဆယ်တောင် ကျော်လာခဲ့ပါပြီ။

မဇ္ဈိမသတင်း by mizzima

Originally published at - http://mizzimaburmese.com/article/13696

Read More »

Sunday, December 06, 2015

ပျော်ရွှင် ချမ်းမြေ့ဖွယ် ကျိုက်ထီးရိုး ဘုရားဖူး ခရီး




မြန်မာနိုင်ငံရဲ့ ခရီးသွား အစီစဉ်တွေ ထဲမှာ ဘုရားဖူး ခရီးသွား အစီစဉ်ဟာ တခြား ထူးခြား ဆန်းသစ် လှပတဲ့ သဘာဝဒေသ ခရီးစဉ်တွေ နည်းတူ အရေးပါတဲ့ ခရီးစဉ် အမျိုးအစား ဖြစ်ပါတယ်။ ဒီအထဲက ကျိုက်ထီးရိုး ဘုရားဖူးခရီးစဉ် အကြောင်း မိတ်ဆက် ပေးလိုပါတယ်။

ကျိုက်ထီးရိုးဘုရားဟာ မွန်ပြည်နယ် ကျိုက်ထိုမြို့နယ်ထဲက ပေါင်းလောင်းတောင်ကြောပေါ်မှာ ရှိပါတယ်။ ခရီးစဉ်အစကိုပြောပါဆိုရင် ကျိုက်ထိုမြို့ တောင်ပေါ်ခရီး မော်တော်ယာဉ်စခန်းက စရပါလိမ့်မယ်။ ဒီနေရာက ကင်ပွန်းစခန်းလို့လည်း ခေါ်ပါတယ်။ ကားမောင်း ကျွမ်းကျင်တဲ့သူတွေ မောင်းပြီး အင်မတန် ကောင်းတဲ့ စက်အင်ဂျင်တပ် မော်တော်ယာဉ် များနဲ့ တောင်ပေါ် တက်ကြရမှာပါ။

ဒီနေရာကနေ ခရီးသည်လိုင်းကားနဲ့ တက်မယ်ဆိုရင် ကျိုက်ထီးရိုးဘုရားရင်ပြင်အနားကို ၄၅ မိနစ်ခန့်နဲ့ ရောက်တယ်လို့ သိရပါတယ်။ တောင်ပေါ်တက်မယ်ဆိုရင် ဘုရားကိုရောက်ဖို့ လမ်း နှစ်သွယ်ရှိပါတယ်။ တစ်လမ်းက ကားနဲ့တက်တဲ့ လမ်းဖြစ်ပြီး နောက်တစ်လမ်းကတော့ ခြေလျင်လမ်းခရီး ဖြစ်ပါတယ်။ ခရီးသည်တချို့က ကားနဲ့တက်ကြပြီး တချို့ကတော့ ခြေလျင်တက်ကြတာကို တွေ့ရပါတယ်။

မိုးအကုန်ဆောင်းဝင်စ ဖြစ်တာကတကြောင်း တောင်ခြေမြို့ကလေးတမြို့ ဖြစ်တာမို့လည်း ကျိုက်ထိုမြို့ ကလေးက အနည်းငယ်တော့ ချမ်းအေးစ ပြုနေတာတွေ့ရပါတယ်။ မြို့လည်တ၀ိုက်နဲ့ ကားဆိပ်မှာ ဘုရားဖူး ခရီးသည်တွေ စည်ကား နေတာကိုလည်း တွေ့ရပါတယ်။

တောင်ပေါ်တက်မယ့် ခရီးသည်တင်ကားပေါ်ကိုတက်တော့ အလုအယက်တက်ကြ နေရာဦးကြရပါတယ်။ ချော်မလဲ ချော်မကျအောင်လည်း ဂရုစိုက်ရပါတယ်။ ခရီးသည်အကန့်အသတ်နဲ့ စီးရတာဖြစ်လို့ နေရာရဖို့ အရေးကြီးပါတယ်။

ဒီလိုမှ အလုအယက် နေရာမဦးလို့ နောက်ကျနေမယ်ဆိုရင် နောက်ကားကို စောင့်စီးကြရမယ့် သဘောဖြစ်ပါတယ်။ ကျွန်တော်တို့စီးမယ့်ကားပေါ်မှာ ခုံတန်းတစ်တန်းကို လူခုနှစ်ယောက်စီးလို့ရပါတယ်။ ကားနောက်ခန်းက အမိုးအကာတော့မပါပါဘူး။

ကားခက ခရီးသည်တစ်ယောက် ၂၅၀၀ ကျပ်ပေးရပါတယ်။ ကားခေါင်းထဲမှာ စီးမယ်ဆိုရင်လည်း ရပါတယ်။ ကားခေါင်းကစီးမယ်ဆိုရင်တော့ ၃၀၀၀ ကျပ်ပေးစီးရပါတယ်။ ချက်ချင်းဆိုသလိုပဲ ခရီးသည် ၅၀ ကျော်ခန့်နဲ့ လူပြည့်သွားတာကိုကြည့်ပြီး ဒီမော်တော်ယာဉ်စီးပွားရေးဟာ တော်တော်လေးအကျိုးရှိတဲ့ စီးပွားရေးလို့ ပြောနိုင်မယ် ထင်ပါတယ်။

ကျိုက်ထီးရိုးဘုရား တောင်ပေါ်လမ်းခရီးဟာ ဟိုယခင် နှစ်နှစ်ဆယ်လောက်တုန်းက ဆိုရင် ခြေလျင် ခရီးသာဖြစ်ပြီး လမ်းမှာတစ်ညအိပ်ရတဲ့ ခရီးဖြစ်ပါတယ်။ အခုတော့ ကားလမ်းခရီးဖြစ်လာပြီဖြစ်တဲ့အပြင် လမ်းကလည်းကောင်းတော့ တစ်နာရီနဲ့တောင်ပေါ်ရောက်အောင်သွားနိုင်တဲ့ ခရီးဖြစ်လို့ တော်တော်လေးကို အဆင်ပြေလှပါတယ်။

ကင်ပွန်းစခန်းကနေပြီး ဘုရားခြေရင်းအရောက် ခုနှစ်မိုင်ခွဲခန့်ခရီးဖြစ်တယ်လို့လည်း သိရပါတယ်။ တောင်ပေါ်ဘုရားရဲ့အမြင့်ဟာ ပင်လယ်ရေပြင်အထက် ပေပေါင်း ၃၆၀၀ လောက်မြင့်ပါတယ်။

ကင်ပွန်းစခန်းက ကျွန်တော်တို့ကားထွက်လာ ပြီးပြီးချင်း သိပ်မကြာခင်မှာပဲ အရင်ဆုံး လူအရေအတွက် စစ်ဆေးတဲ့ ဂိတ်တစ်ခုကို ရောက်ပါတယ်။

ဒီဂိတ်က သတ်မှတ်ထားတဲ့လူဦးရေအရ ခရီးသည်အရေအတွက် စစ်ဆေးတဲ့ဂိတ်ဖြစ်ပါတယ်။ တောင်တက်လမ်းဖြစ်လို့ လမ်းခရီးအန္တရာယ် လုံခြုံရေးအတွက် တိတိကျကျ လိုက်နာကြတာကို တွေ့ရပါတယ်။ အဲဒီ ဂိတ်လွန်တော့ တောင်ပေါ်စတက်ပါတယ်။

လမ်းမှာ ရေမြောင်လေးစခန်းဆိုတဲ့နေရာမှာ ကျွန်တော်တို့ကား ခဏရပ်ပါတယ်။ တောင်ပေါ်က ဆင်းချလာနေတဲ့ကားကို စောင့်ပြီး လမ်းဖယ်ပေးတဲ့ သဘောပါပဲ။ ကားရပ်ထားတုန်း လမ်းခရီးပြုပြင်ရန် ဆိုပြီး ဖလားကိုင်ပြီးတက်လာတဲ့ လူတစ်ယောက်က အလှူခံပါသေးတယ်။

တောင်အထပ်ထပ်ကို ကျော်ဖြတ်လာပြီး သိပ်မကြာခင်မှာပဲ ဘုရားအနီးမှာ ရှိတဲ့ စခန်းကို ကျွန်တော်တို့ ကားက ရောက်လာပါတယ်။ ဘုရားကို ရောက်ပြီလို့ ပြောလို့ရပြီ။ ဒါပေမယ့်လည်း ဘုရားကုန်းတော်က နည်းနည်းလေး မြင့်တာမို့ အထမ်းသမားငှားဖို့ဖြစ်လာပါတယ်။ ကျွန်တော်တို့အဖွဲ့ပါလာတဲ့ပစ္စည်းတွေက ခြင်းတစ်ခြင်းထဲနဲ့ လုံလောက်ပါတယ်။ ရင်ပြင်တော်ပေါ်အရောက် ထမ်းခ ၄၅၀၀ ပေးရပါတယ်။

အထမ်းသမားတွေရဲ့ အခြေအနေကိုလည်း တီးခေါက်ကြည့်ပါသေးတယ်။ ဒီနှစ်က အထမ်းသမား အရေအတွက် များလွန်းလာတယ်လို့ သိရပါတယ်။ အထမ်းသမားအဖွဲ့ ၂ ဖွဲ့ရှိတာရယ် တစ်ဖွဲ့မှာ အထမ်းသမား ၃၀၀ ရှိလို့ စုစုပေါင်းအထမ်းသမား ၆၀၀ ရှိတယ်လို့ဆိုရမှာပါ။ ဒါကြောင့်မို့လည်း အထမ်း လုပ်ငန်းက ယခင်နှစ်တွေလောက်တော့ မကိုက်တော့ဘူးလို့သိရပါတယ်။



ရင်ပြင်တော်တ၀ိုက်မှာ ဘုရားဖူးခရီးသည်တွေ တော်တော်များပါတယ်။ ဒေသအသုံးအနှုန်း အရပြောရရင် ဆောင်းဝင်စ တောင်ဖွင့်စ ဖြစ်တာမို့ လူတွေ ပိုပြီးစည်ကားနေသလားလို့ တွေးမိပါသေးတယ်။ ခရီးသည် အသီးသီး ယုံကြည်ကိုးကွယ်မှုအဖုံဖုံနဲ့ ရောက်လာကြတာပါ။ ဥပမာ ကျိုက်ထီးရိုးကို သုံးခေါက်အထိ ဘုရားဖူးလာပြီးရင် ချမ်းသာကြွယ်ဝသူ ဖြစ်လာနိုင်တယ်ဆိုတာမျိုး ယုံကြည်ကြတာလည်း ရှိပါတယ်။

ရင်ပြင်တော်ပေါ်မှာ ရွှေသင်္ကန်းကပ်သူတွေ၊ သစ်သီး၊ ဆွမ်း၊ ပန်းကပ်သူတွေ ဥဒဟိုသွားလာနေကြပါတယ်။ ဒီအထဲက စိတ်ဝင်စားဖို့ကောင်းတဲ့ အလှူဒါနတစ်ခုက ခေါင်းလောင်းလေးတွေမှာ ကိုယ့်နာမည်ရေးထွင်းပြီး ကပ်လှူလို့ရတဲ့ ဒါနမျိုးဖြစ်ပါတယ်။ ခေါင်းလောင်းအမျိုးအစား အကြီးအသေးအပေါ်မူတည်ပြီး ဈေးအမျိုး မျိုးနဲ့ ၀ယ်ယူလှူဒါန်းကြရပါတယ်။

အခုတော့ ကျိုက်ထီးရိုးရင်ပြင်တော်နဲ့ တောင်ပေါ်ဒေသက အရင်နှစ်တွေကနဲ့ မတူပဲ ခေတ်စနစ်ရဲ့ တောင်းဆို မှုအရ အပြောင်းအလဲတွေတော့ ဖြစ်လာနေပါတယ်။ ပြောရရင်တော့ ဒီဘက်ခေတ် ကျိုက်ထီးရိုးက အပြောင်းအလဲတွေ များစွာနဲ့ ရုပ်ပိုင်းဆိုင်ရာ တိုးတက်မှုတွေကို မြင်တွေ့နေရပါတယ်။ အဆောက်အဦးပိုင်း ဆိုင်ရာ ဖွံ့ဖြိုးမှုတွေကတော့ ကျိုက်ထီးရိုးရဲ့ ထင်သာမြင်သာအရှိဆုံး တိုးတက်မှုတွေတော့ ဖြစ်လာနေ ပါတယ်။

တစ်ဖက်မှာတော့ အခြေခံ အဆောက်အဦး တိုးတက်မှု အပိုင်း၊ လမ်းပန်းဆက်သွယ်ရေး အပိုင်းတွေ ဖွံ့ဖြိုး တိုးတက်လာသလိုပဲ အထွေထွေကုန်ကျစရိတ် ကြီးမြင့်မှုတွေကလည်း ကျိုက်ထီးရိုး ဘုရားဖူးတွေ အတွက် ကြုံတွေ့နေရတဲ့ အခက်အခဲလေးတွေလည်း ဖြစ်နေပါတယ်။ တည်းခိုနေထိုင်ရေး အခက်အခ၊ဲ ရေအခက်အခဲ တွေက လက်ရှိအချိန်ထိ အဓိက အခက်အခဲတွေ ဖြစ်နေပါတယ်။

မနှစ်ကဆိုရင် ရေလုံးဝ မလောက်ဘူးလို့သိရတယ်။ ခုလည်း ဒီလလောက်အထိတော့ အဆင်ပြေ နေသေးတယ်။ ဒီ ဒီဇင်ဘာနောက်ပိုင်းဆိုရင် ရေဟာ အဆင်မပြေချင်တော့ဘူး။ အဓိက ကတော့ ရေပြဿနာ ပါပဲ။ ဒါကလည်း ဘုရားဖူး ဧည့်သည် အရေအတွက် တော်တော်များတာရယ်၊ တောင်ပေါ်ဒေသ ဖြစ်တာကြောင့် အခုလို ရေ ပြတ်လပ်တာပါပဲ။

ကျိုက်ထီးရိုးဘုရားပွဲကို အမှီပြုပြီးတော့ အရောင်းအ၀ယ်လုပ်ငန်းတွေ တိုးလာတာနဲ့ စီးပွားရေး ဆန်မှုတွေကိုလည်း ပိုပြီးတွေ့လာရပါတယ်။ ကျိုက်ထီးရိုးရဲ့ ဘုရားဖူးရာသီက သီတင်းကျွတ် လပြည့်နေ့ကနေ ကဆုန်လပြည့်နေ့ အထိ ၇ လရှိပါတယ်။ အခုလိုအချိန် ရာသီ အဖွင့်မှာတောင်မှ တည်းခိုခန်း စရိတ်တေ၊ွ စားသောက်စရိတ်တွေဟာ ပိုပြီးတော့ ကြီးမြင့်လာတာ တွေ့ရပါတယ်။ ကျွန်တော်တို့ တည်းတဲ့ တည်းခိုခန်းမှာဆိုရင် နှစ်ယောက်ခန်း တစ်ခန်းကို တစ်သိန်းနှစ်သောင်း ပေးရပါတယ်။ ရေဆိုရင်လည်း ၀ယ်သုံးရတဲ့ အခြေအနေမှာ ရှိတယ်။ အဲဒါတွေက ကျိုက်ထီးရိုးရဲ့ တဖြည်းဖြည်း စီးပွားရေး ဆန်လာတဲ့ အပိုင်းတွေ၊ ဈေးနှုန်းကြီးမြင့်လာတာတွေပါပဲ။

ဘုရားစောင်းတန်းပေါ်မှာ ထမင်းဆိုင် ၁၈ ဆိုင် ရှိပါတယ် ။ ဒီဆိုင်တန်းတွေ မီးမလောင်ခင်တုန်းကဆိုရင် ၀ါးတဲလေးတွေ ဖြစ်ပါတယ်။ မီးလောင်ပြီးချိန်မှာတော့ တာဝန်ရှိသူတွေက ဒီလိုမျိုး ကွန်ကရစ် အဆောက် အဦးတွေ အဖြစ် တည်ဆောက်ပေးခဲ့ပါတယ်။ ဒါပေမယ့် ထမင်းဆိုင် လေလံဈေးတွေက တစ်နှစ်ထက် တစ်နှစ် ကြီးမြင့်လာတယ်လို့ ထမင်းဆိုင်ပိုင်ရှင် အမျိုးသမီးတစ်ဦးက ပြောပြပါတယ်။

လေလံဈေးက တစ်နှစ်ကို တစ်ဆယ်ရာခိုင်နှုန်းဆိုတော့ နည်းတာမဟုတ်ဘူး၊ တက်လာတာလည်း တော်တော် များနေပြီ ဆိုတော့လေ အခန်းဈေးကလည်း ဒီပိတ်ရက်လေးတွေပဲ ရှာရတယ်။ ကြားရက်ဆိုရင်တော့ အလကားပဲ။ တနင်္လာကနေ သောကြာ ရက်အထိဆိုရင်တော့ ထမင်းစားအားပေး အလကားတည်းပေ့ါနော်။ ဒီရက်ကတော့ ညီမတို့ ရှာရတာပေါ့။ အဲဒီလေလံစရိတ် သိန်း ၈၀ ကို ဒီရက်မှာ ရှာရတယ်လို့ ရှင်းပြပါတယ်။

ဒီမှာက ဘုရားဘက်နဲ့ နီးလေလေ ဆိုင်ခန်းစရိတ်က ပိုကြီးမြင့်လေလေပါပဲ။ ခုဆိုရင် လက်ရှိဖြစ်နေတဲ့ လေလံဈေးက သိန်း ၁၀၀ ကျော်ရှိပါတယ်။ ဒီအတိုင်းဆိုရင် နောက်နှစ်တွေမှာလည်း ဈေးနှုန်းက ဆက်တက် နေဦးမှာပါပဲ။

ဆက်သွယ်ရေးတွေ တိုးတက်လာတော့ လူတိုင်းလိုလို မိုဘိုင်းဖုန်း တစ်လုံးကိုင်နိုင်မယ်လို့ မြင်ပါတယ်။ ဒီ ကျိုက်ထီးရိုး စေတီမှာတော့ အနယ်နယ်အရပ်ရပ်က ဘုရားဖူးလာတဲ့ လူတိုင်းမှာ တစ်ဦးကိုတော့ ဖုန်း တစ်လုံးစီ ပါလာမယ်လို့ မြင်ပါတယ်။ တစ်ခုရှိတာက ဖုန်းအားသွင်းဖို့တော့ သူတို့မှာ အခက်အခဲ ရှိမယ်လို့ မြင်ပါတယ်။ အတော်များများက ရင်ပြင်မှာပဲ သူတို့တွေ တည်းခိုပြီးအိပ်စက်ကြတယ်။ တည်းခိုဖို့ စရိတ်ကြီးမြင့်တာကြောင့်လည်း တည်းခိုဆောင်တွေမှာ တည်းခိုမှာလည်း မဟုတ်ကြပါဘူး။

ပြီးတော့ တည်းခိုဆောင် အရေအတွက်ကလည်း ဘုရားဖူးအရေအတွက်နဲ့ စာရင် အရမ်းကို နည်းပါးတဲ့ အတွက်ကြောင့် အဆင်ပြေမှာ မဟုတ်ဘူး။ ဒါကြောင့်မို့ ဖုန်းအားသွင်းတဲ့ အချိန်ကျရင် အခက်အခဲ ဖြစ်လာမယ်။ ထမင်းဆိုင်တွေနဲ့ စားသောက်ဆိုင်တွေမှာ ဖုန်းအားသွင်းဖို့ ကျတော့လည်း ထမင်းဆိုင်တွေက ခွင့်မပြုထားဘူးလို့ သိရတယ်။

ဘာဖြစ်လို့လဲ ဆိုတော့ လူအရမ်းများတဲ့ အတွက်ကြောင့်မို့ ဖုန်းတွေအများကြီးသွင်းမယ်ဆိုရင် ဆိုင်တိုင်း ဆိုင်တိုင်းမှာ မီတာ ကုန်ကျစရိတ်တွေက ရှိလာမယ်ဆိုပြီးတော့ ပြောကြပါတယ် ။

အဲဒီတော့ ဒီဘက်ခေတ် နောက်ပိုင်းမှာက ဖုန်းအားသွင်းဖို့အတွက် ဖုန်းအားသွင်းတဲ့ ဆိုင်တွေကလည်း ကျိုက်ထီးရိုးမှာ ဈေးကွက် တစ်ခု အနေနဲ့ ပီပြင်လာတာကို တွေ့ရပါတယ်။ ဖုန်းတစ်လုံးကို အားပြည့်အောင်သွင်းမယ်ဆိုရင် ဘယ်ဖုန်းအမျိုးအစားကိုမဆို ငွေ ၅၀၀ ကျပ်ပေးရပါတယ်။ ကျိုက်ထီးရိုး ရင်ပြင်တော်ပေါ်မှာက ဘက်ထရီ အားသွင်းတဲ့ ဆိုင်ပေါင်း ၁၆ ဆိုင်လောက် ရှိပါတယ်။

ဆံတော်ရှင် ကျိုက်ထီးရိုး ဘုရားကို လာရောက်ကြသူတိုင်းလိုလို သွားရောက်ကြလေ့ရှိတဲ့နေရာကတော့ ကျီးပါးစပ်လှိုဏ်ဂူဖြစ်ပါတယ်။ ကျီးပါးစပ်ကို သွားဖို့ဆိုရင် မုဆိုးတောင် ဘုရားလမ်းကနေ ဆင်းပြီးတော့ သွားရမှာပါ။ အဆင်းလမ်းတစ်လျောက်မှာတော့ အမှတ်တရ ပစ္စည်း အရောင်းဆိုင်တွေ ရှိနေပါတယ်။

လာတဲ့လမ်းမှာဆိုရင် အမှတ်တရ ပစ္စည်းဆိုင်ပေါင်း ၄၀ လောက်ကို ဖြတ်သန်းပြီး လာခဲ့ရတာပါ။ ကျိုက်ထီးရိုးစေတီကနေ ကျီးပါးစပ် လှိုဏ်ဂူကို မိနစ် ၂၀ ကျော်လောက် အချိန်ယူပြီးတော့ လျှောက်ရမှာ ဖြစ်ပါတယ်။

ကျီးပါးစပ် လှိုဏ်ဂူရှိရာမှာ ပရ်ိသတ်တွေ အများကြီး တွေ့ရတယ်။ အားလုံးက ကျီးပါးစပ်ထဲကို အကြွေစေ့တွေ ပစ်ထည့်ပြီး ဆုတောင်းတဲ့ အဓိဋ္ဌာန်တွေ အောင်မြင်ဖို့ဆိုပြီး ဆုတောင်းတာကို တွေ့ရပါတယ် ။

ဒီမှာက အကြွေစေ့ ငါးစေ့ကိုငွေကျပ် ငါးရာနဲ့ ရောင်းပါတယ်။ ဒါကတော့ ယုံကြည်မှုနဲ့ ဆက်နွယ်ပြီးတော့ ဖြစ်ပေါ်လာတဲ့ အလေ့အထ တစ်ခုလို့လည်း မြင်ပါတယ်။ ဘုရားဖူးတွေကို မေးကြည့်တဲ့ အချိန်မှာလည်း အဓိဋ္ဌာန်အောင်ဖို့ ဒီကျီးပါးစပ်ထဲကို အကြွေစေ့တွေ ပစ်တာလို့ ကျွန်တော့်ကို ပြောကြပါတယ်။

ကျီးပါးစပ်လှိုဏ်ဂူတော်ကိုလာတဲ့မုဆိုးတောင် ဘုရားလမ်းမှာ နောက်ထပ် ထူးထူးခြားခြားတွေ့ရတာကတော့ အမှတ်တရ ပစ္စည်းဆိုင်တွေ အပြင် ဒီဒေသမှာထွက်တဲ့ သစ်မြစ် သစ်ဥတွေကနေ ရရှိတဲ့ ဆေးမြစ်တွေ ရောင်းချတဲ့ ဈေးဆိုင်တွေပါပဲ။

ကျိုက်ထီးရိုး ရဲ့ မနက်ခင်းအချိန်ကို ကျော်လွန်လာပြီး ညဘက် အချိန်ရောက်လာတော့ တောင်ပေါ်လေတွေ တိုက်ခိုက်နေတဲ့ အထဲမှာပဲ ဘုရားဖူးဧည့်သည်တွေက ရင်ပြင် အပြည့်မှာ နားနေအိပ်စက်ဖို့ နေရာထိုင်ခင်း ပြင်နေကြပါပြီ။

ဒီနေ့မနက်ခင်း အချိန်ကနေ ညပိုင်းအထိ တောင်တက် ကားလမ်းတွေကနေ ရောက်လာကြတဲ့ ဘုရားဖူးဧည့်သည်တွေ အနေနဲ့ကတော့ ကျိုက်ထီးရိုး ရဲ့ညက လှပလို့ နေပါတယ်။

အကြိမ်ကြိမ် ကျိုက်ထီးရိုး စေတီတော်ကိုလာရောက်ဖူးမျှော်ဖူးတဲ့ ဘုရားဖူးတွေကို တွေ့ဆုံမေးမြန်းတဲ့ အခါမှာ ခုခေတ်မှာ ကျိုက်ထီးရိုး စေတီတော်ရဲ့ အဆောက်အဦး ဖွံ့ဖြိုးမှု အပိုင်းက တိုးတက် ဖွံ့ဖြိုးမှုတွေ ရှိတယ်လို့ ပြောကြပါတယ်။

ဒါပေမယ့် တစ်ချို့ဘုရားဖူးတွေကတော့ လူတန်းစားအားလုံးကို အခြေခံပြီးတော့ ဖွံ့ဖြိုးတိုးတက်တဲ့ အပိုင်းမှာ အားနည်း ချက်တွေ ရှိနေသေးတယ်လို့လည်း ပြောပါတယ်။

ကျိုက်ထီးရိုးဘုရားဆိုတာ ကျောက်စွန်းတစ်ခုပေါ်မှာ အလွန်ကြီးမားတဲ့ ကျောက်တုံးကြီးတစ်ခု ဆန်းကျယ် အံ့သြဖွယ်တင်နေပြီး အဲဒီ တင်နေတဲ့ ကျောက်တုံးကြီးပေါ်မှာမှ စေတီတစ်ဆူ တည်ထား ကိုးကွယ်ထားတဲ့ နေရာဖြစ်ပါတယ်။ ပေါင်းလောင်း တောင်ကြောပေါ်မှာရှိပြီး လှပပြန့်ပြောတဲ့ အပေါ်စီးမြင်ကွင်းတွေ၊ လှည့်ပတ် သွားလာ ကြည့်ရှုဖူးမျှော်စရာ ဘုရားစေတီတွေ၊ ဈေးဆိုင်တွေ၊ တည်းခိုခန်းတွေနဲ့ စည်ကား သိုက်မြိုက်လွန်းလို့ မည်သူမဆို နှစ်စဉ်သွားရောက် ကုသိုလ်ယူသင့်ပါတယ်။

မဇ္ဈိမ မာလ်တီမီဒီယာ by mizzima

Original link - http://mizzimaburmese.com/article/8156

ဒီပို့စ်လေးကို သဘောကျရင်
လုပ်ပေးခဲ့နော်။

Read More »

Monday, September 28, 2015

ပန်းရွှေရင်းမာ လှိုင်စွာပျံ့သင်း တော်သလင်း




”တော်သလင်းဆီ၊ ကန်ရာသီ၊ ထွန်းချီဘဒြ၊ ရင်းမာလှိုင်မြဲ၊ ခိုင်လုံးဆွဲ၊ လှေပွဲသဘင်က။ ” (ကင်းဝန်မင်းကြီး)

မြန်မာ့ တဆယ့်နှစ်လမှာ ၆ လမြောက်က တော်သလင်းလ ဖြစ်ပါတယ်။ တော်သလင်း မြစ်တွင်း သင်ဖြူးခင်း ဆိုသလို မိုးလေ၀သ ကင်းစင် နေတဲ့လ ဖြစ်ပါတယ်။

ဒါကြောင့်လည်း လှေပြိုင်ပွဲတွေ ကျင်းပကြတာပါ။ ၀ါတွင်းကာလထဲမှာ ပါဝင်တဲ့လလည်း ဖြစ်သလို တော်သလင်းလပြည့်ဟာ ငါးပါးသီလ အခါတော်နေ့ (ဂရုဓမ္မ အခါတော်နေ့) ဖြစ်ပါတယ်။ တတိယမြန်မာနိုင်ငံ (ကုန်းဘောင်မင်းဆက်)တည်ထောင်ခဲ့သူ အလောင်းဘုရား ဦးအောင်ဇေယျကို မွေးဖွားခဲ့တဲ့လ ဖြစ်သလို ခေတ်ဟောင်းကို တော်လှန်သော မြန်မာ မင်းသားကြီးတပါး ဖွားမြင်ခဲ့တဲ့ လလည်း ဖြစ်ပါတယ်။

တော်သလင်းလ

သစ်ဆင်းရယ်တဲ့ လမာသာ။

မြစ်လုံးငယ် ဆူညံလို့

လှော်တက်သံ လှေပြိုင်ပွဲငယ်

နွှဲပျော်ကြရှာ။

ယုန်ရထား အိမ် သီတလမှာတဲ့

ပုဏ္ဏဒိန် ကြည်ကြည်ပပါလို့

မည်ဘဒ္ဒ ကြယ်ပြုဗ္ဗာ

ယှဉ်လာ၍ ပြည့်ဝန်း။

ဒွာဒရာ

ငှက်ဗျိုင်းတာရာနှင့်

ရွှေရင်းမာ ငုံပွင့်ကင်းကြတယ်

သင်းတဲ့သည်ပန်း။ ။

မြန်မာ့ရုပ်စုံ စွယ်စုံကျမ်းအတွင်းမှာ တော်သလင်းလသည် မြန်မာလများတွင် ဆဋ္ဌမမြောက်လဟု ဖေါ်ပြထားသည်။ မိုးဥတုတွင် ပါဝင်သည်။ တော်သလင်းလကို ရှေးအခါက သစ် ဆင်း လ ဟုလည်း ခေါ်ကြသည်ဆို၏။ သစ်ဆင်းလ ခေါ်ပုံ အကြောင်းကို ဝေါဟာရလိနတ္ထဒီပနီတွင် “ရေစီးအဟုန် မညံ့မဖျင်း မြစ်တွင်း သာသောကြောင့် သစ်ဖေါင်ဝါးဖေါင်အများ စုန်ဆင်းသည်။ တော်သလင်းကို မြစ်တွင်း သင်ဖြူးခင်းဟု ရှေးသူဟောင်းတို့ ဆိုရိုးရှိသည်နှင့် ထောက်ချင့်၍ ဆင်ခြင်” ဟူ၍ ဖော်ပြထားလေသည်။

ပုဂံကျောက်စာများတွင်မူ တော်သလင်းလကို င်္တသ္လင်ဟူ၍၄င်း၊ တာင်္သ္လင်ဟူ၍၄င်း ရေးသားထားသည်ကို တွေ့ရ၏။ ဗေဒင် အခေါ်အားဖြင့် တော်သလင်းလကို ကန်ရာသီဟုခေါ်သည်။ ထိုရာသီတွင် ဘဒြနက္ခတ်နှင့်လမင်း ယှဉ်ပြိုင်ကာ မွန်းတည့်၏။ ဘရဂုဏ္ဏီနက္ခတ်နှင့် နေမင်းယှဉ်သည်။ ရာသီရုပ်မှာ မိန်းမရုပ် နှစ်ရုပ်ဖြစ်၏။ ရာသီပန်းမှာ ရင်းမာပန်းတည်း။ ထိုလတွင် ထန်းများလည်းမှည့်သည်။

တော်သလင်းလတွင် လှိုင်းလေများ ငြိမ်သက်၍ မြစ်တွင်း ပျံ့ပျူးသောကြောင့် ရှေးမြန်မာမင်းများရှိစဉ်က လှေပြိုင်ပွဲများ ဆင်ယင်ကျင်းပလေ့ရှိသည်။ ဤသည်ကိုရည်၍ ဦးအောင်ကြီး၏ အင်းဝမြို့ဘွဲ့ ၁၂ ရာသီလူးတား တော်သလင်းလဘွဲ့တွင်၊ “သာစွလေ၊ မြစ်ရေကမ်းပြည့်၊ ထန်းလည်းမှည့်၍၊ စည့်စည့်မိုဃ်းလ၊ ဗဒ္ဒရနှင့်၊ ပြည့်ဝအညီ၊ ကန်ရာသီဟု၊ အာနီမြခိုင်၊ ရင်းမာလှိုင်က၊ မွှေးကြိုင်ပျံ့သင်း၊ တော်သလင်းဝယ်၊ မြစ်တွင်းရတု၊ ပန်းလုသဘင်၊ သစ်ဆင်းယင်လျှက်၊ လက်သင်လှော်ကား၊ ရွှေသားစက်ကွင်း၊ လှေချင်းလှော်ပြိုင်၊ ခွင့်ရေးကိုင်၍” ဟူ၍ စပ်ဆိုထား၏။

ရွှေဗျိုင်းတာရာ ထွန်းပသော တော်သလင်းသမယတွင် နံနက်စက်နာရီ ၅ နာရီ မိနစ် ၅၀ ၌ နေထွက်၍၊ ညနေ စက်နာရီ ၆ နာရီ ၁၀ မိနစ်၌ နေ၀င်သည်။ မြန်မာနာရီိအားဖြင့် နေ့ ၃၂ နာရီ၊ ည ၂၈ နာရီ ရှိသည်။ ဤကိုရည်၍ ဦးယာ၏ ၁၂ ရာသီလူးတား တော်သလင်းလဘွဲ့၌၊ “တာရာရွှေဗျိုင်း၊ ဆီးတံ့ဆိုင်းသား၊ မရိုင်းနောက်က၊ အလျံပြ၍၊ ထွန်းပရောင်လူ၊ ရွှေဇမ္ဗူရာဇ်၊ ပုံမှန်စစ်လျက်၊ တက်သစ်စံရွှင်၊ ပင်္ဘဂရ၊ တောက်ပ၀င်းဝါ၊ နေစကြ်ာနှင့်၊ ဥတ္တရာမှီ၊ ဘရဂုဏ္ဏီဟု၊ ပြည့်ညီနက္ခတ်၊ လှည့်ပတ်အတူ၊ ဇမ္ဗူမဇ္စျေ၊ လယ်ဗွေရောက်ငြား၊ ဘ၀ါးဗီသ၊ တွက်ရမှန်ညီ၊ နာရီနေ့တွင်၊ သုံးဆယ်မြင်၍၊ နှစ်လျှင်စွန်းပါ၊ ညဥ့်ခါအဋ္ဌ၊ စမ္မသို့နေ ” ဟူ၍ စပ်ဆိုထား၏။

တော်သလင်းလတွင် ဗုဒ္ဓဟူးနှင့် သောကြာနေ့တို့မှာ ပြဿဒါးနေ့များ ဖြစ်ကြ၍၊ ကြာသပတေးနှင့် စနေနေ့များမှာ ရက်ရာဇာများ ဖြစ်ကြသည်။ တော်သလင်းလမှာ ရက်စုံကွယ်သောကြောင့် ရက်ပေါင်း ၃၀ ရှိသည်။

တော်သလင်းလရဲ့ ထူးခြားချက်တခုမှာ တော်သလင်းနေ ပုဇွန်သေ၊ တော်သလင်းမိုး ကန်သင်းကျိုး ဆိုသလို မိုးလေငြိမ်သော အရပ်တွေမှာ ပူလိုက်သမှ ပုဇွန်ငါးတွေတောင်
သေတတ်ကြပါတယ်။ မိုးကောင်းတဲ့ အခါတွေကြပြန်တော့လည်း လယ်ကန်သင်းဘောင်ရိုးတွေတောင် ကျိုးပေါက်တတ်ကြတာ ဖြစ်ပါတယ်။ တော်သလင်းလမှာ လှေပွဲသဘင်၊ ပန်းလုပွဲသဘင်၊ သစ်ဆင်းပွဲသဘင်နဲ့ မြစ်ယံပွဲသဘင်တွေကိုလဲ ကျင်းပကြကြောင်း မှတ်သားရပါတယ်။

တော်သလင်းလမှာ မွေးဖွားသူများ

တတိယမြန်မာနိုင်ငံတော် (ကုန်းဘောင်မင်းဆက်) တည်ထောင်ခဲ့သူ အလောင်းဘုရား ဦးအောင်ဇေယျကို တော်သလင်းလမှာ မွေးဖွားခဲ့ပါတယ်။

ဦးအောင်ဇေယျကို မြန်မာသက္ကရာဇ် ၁၀၇၆ ခုနှစ် တော်သလင်း လပြည့်ကျော် ၁ ရက်၊ သောကြာနေ့ (၂၄၊ ၈ ၁၇၁၄) မှာ မွေးဖွားခဲ့ပါတယ်။ သူဟာ မုဆိုးဘို ရွာကလေးကနေ ကုန်းဘောင်မင်းဆက်ကို တည်ထောင်ခဲ့သူပါ။ မြန်မာ့သမိုင်းမှာ မုဆိုးဘို၊ ရတနာသိင်္ခ၊ ရန်ကြီးအောင်၊ ကုန်းဘောင်ခ ငါးမည်ရ ပြည်ရွှေဘိုရယ်လို့ ထင်ရှားခဲ့တာ အလောင်းမင်းတရားရဲ့ စွမ်းဆောင်ရည်ကြောင့် ဖြစ်ပါတယ်။

သူဟာ ၁၁၂၂ ခုနှစ်၊ ကဆုန်လပြည့်ကျော် ၁၂ ရက်မှာ ယိုးဒယားကို စစ်ချီရင်း မုတ္တမနယ်၊ ကင်းရွာမှာ နတ်ရွာစံခဲ့ပါတယ်။ သမိုင်းကြောင်းအရ ၁၁၁၃ ခု၊ တန်ခူးလဆန်း ၆ ရက်မှာ ဟံသာဝတီ(မွန်) ဘုရင် သိမ်းခဲ့လို့ အင်းဝ ပျက်သွားပါတယ်။ ဟံသာဝတီပါမင်း (မဟာဓမ္မရာဇာဓိပတိ)ကို ဟံသာဝတီအရောက် ဖမ်းခေါ်သွားခဲ့တယ်။

ဒီအချိန်မှာ အလောင်းဘုရားဟာ မုဆိုးဘို ထန်းလုံးတပ်ကာပြီး ပုန်ကန်လိုက်တယ်။ ၁၁၁၄ ခု ကဆုန်လဆန်း ၁၂ ရက် (၁၇၅၂ ခုနှစ် ဧပြီ ၂၄ ရက် တနင်္လာနေ့)ကစပြီး ဟံသာဝတီ ဘုရင်ဟာ အင်အားအလုံးအရင်းနဲ့ အလောင်းဘုရားရဲ့ မုဆိုးဘို ထန်းလုံးတပ်ကို ထိုးစစ်ဆင်ခဲ့ပါတယ်။

အလောင်းဘုရား ဖက်က ၁၂ ရက်ကြာအောင် ခုခံထားပြီး ရန်သူတွေကို ထန်းလုံးတပ်ထဲက တန်ပြန်ထိုးစစ် ထွက်တိုက်ခဲ့လို့ အနိုင်ရလိုက်ပါတယ်။ ဒီလို ထွက်တိုက်တဲ့နေ့ဟာ ၁၁၁၄ ခုနှစ် ကဆုန်လဆုတ် ၈ ရက် (၁၇၅၂ ခုနှစ် မေလ ၅ ရက် သောကြာနေ့)။

ခေတ်ဟောင်းတော်လှန်ခဲ့တဲ့ မြန်မာမင်းသားကြီးမွေးဖွားလ

ကုန်းဘောင်ခေတ် အမရပူရ ဒုတိယမြို့တည် သာယာဝတီမင်း (၁၈၃၇-၁၈၄၆) နဲ့ သီရိသုစန္ဒာမိဘုရားတို့ကနေ သတိုးမင်းရဲကျော်ထင် ဘွဲ့ခံ ကနောင်မင်းသားကို မြန်မာသက္ကရာဇ် ၁၁၁၈ ခုနှစ်၊ တော်သလင်း လပြည့်ကျော် ၂ ရက် တနင်္ဂနွေမှာ မွေးဖွားခဲ့ပါတယ်။ အကိုတော် ဖြစ်သူမှာ ပဉ္စမသင်္ဂါယနာတင် မင်းတုန်းမင်းဖြစ်ပါတယ်။

မင်းတုန်း ကနောင် ညီအကိုပေါင်းပြီး ပုန်ကန်ကြရာ ၁၈၅၃ ခုနှစ် ဖေဖေါ်ဝါရီလ ၁၈ ရက်မှာ ပုဂံမင်းကို အောင်ပွဲရခဲ့တယ်။ အဲ့ဒီကစ အိမ်ရှေ့စံ ကနောင်မင်း ဖြစ်လာတာပါ။ အိမ်ရှေ့စံ ဆိုပေမဲ့ သူဟာ သြဇာတိက္ကမ ကြီးမားပြီး တန်ခိုးအာဏာလည်း ထက်လှပေတယ်။ ပြည့်အရေးအရာ စီမံခန့်ခွဲရာမှာလည်း ကျွမ်းကျင်ပိုင်နိုင်တယ်။

ဒါကြောင့် ကနောင်မင်းသား ဘုရင်ဖြစ်လာမှာ မလိုလားကြတဲ့ မြင်ကွန်း မြင်းခုံတိုင် မင်းသားတို့က လုပ်ကြံတာကြောင့် မြန်မာသက္ကရာဇ် ၁၂၁၈ ခု၊ ဒုတိယ ၀ါဆိုလပြည့်ကျော် ၇ ရက် (၁၈၊ ၆၊ ၁၈၆၆) မှာ တိမ်းပါးခဲ့ရပါတယ်။

ကနောင်ဟာ သံတမန်ဆက်ဆံရေးလဲ ကျွမ်းကျင်တယ်။ အနောက်နိုင်ငံတွေဆီ ပညာတော်သင်တွေလည်း လွှတ်သလို လက်နက်စက်ရုံကြီး ၂ ရုံကိုလည်း တည်ဆောက်ခဲ့တယ်။ မဲနယ်စက်၊ စပါးစက်၊ လွှစက် စသဖြင့် စက်ရုံတွေ တည်ဆောက်ခဲ့ပြီး မြန်မာပြည်ကို စက်မှုနိုင်ငံတည်ထောင်လိုတယ်။ ဒီလို ခေတ်မီဖို့ ကြိုးစားနေတုန်း သူ ကွယ်လွန်ခဲ့တာဟာ လှေလှော်ရင်း တက်ကျိုး ဆိုသလို မြန်မာပြည် နစ်နာဆုံးရှုံးခဲ့တာပါပဲ။

တော်သလင်းလပြည့် ငါးပါးသီလနေ့ (ဂရုဓမ္မ အခါတော်နေ့)


တော်သလင်းလပြည့်နေ့ဟာ ငါးပါးသီလ အခါတော်နေ့ (ဂရုဓမ္မ အခါတော်နေ့)ပါ။ မြတ်စွာဘုရားရှင်က (ဂရုဓမ္မဇတ်တော်ကြီး) ကို တော်သလင်းလပြည့်နေ့မှာ ဟောခဲ့တာမို့ တော်သလင်းလပြည့်နေ့ဟာ ဂရုဓမ္မ အခါတော်နေ့ ဖြစ်လာရတယ်လို့ ဆိုပါတယ်။

ဂရုဓမ္မ ဆိုတာကတော့ ငါးပါးသီလကို စောင့်ထိန်းတာ ဖြစ်ပါတယ်။ သတ်တာ၊ ခိုးတာ၊ ကာမေသု၊ မုသာဝါဒနဲ့ သေရည် အရက် ၅ မျိုးရှောင်တာဟာ ငါးပါးသီလထိန်းတာပါပဲ။

ငါးပါးသီလဟာ ဗုဒ္ဓဘာသာဝင်တိုင်း စောင့်ထိန်း ရမဲ့ အခြေခံတရား ဓမ္ဓဖြစ်လို့ ဂရုဓမ္ဓ သီလလို့လည်းခေါ်တာပါ။ ငါးပါးသီလ ပျက်ယွင်းသူဟာ ခြေပြတ်သူနဲ့ တူပြီး ခြေမရှိသူဟာ လိုရာကို မသွားနိုင်ပါ။ ငါးပါးသီလ မရှိသူဟာ ခေါင်းမပါသူ၊ မျက်မမြင် နားမကြားသူနဲ့တူပြီး ရှင်လျှက် သေသူနှင့် မခြားပါ။ ငါးပါးသီလ မလုံလျှင် သေတဲ့အခါ အပ္ပါယ်ငရဲကို ကျပါမယ်။

ငါးပါးသီလ လုံသူဟာ သေပြီးတဲ့အခါ ကောင်းရာသုဂတိ နိဗ္ဗာန်တိုင် ရောက်မယ်လို့ ရှင်တော်ဘုရားက ဟောခဲ့ပါတယ်။ ဂရုဓမ္မဇတ်တော်အတွင်း ဗုဒ္ဓက ငါးပါးသီလကို မင်း (အစိုးရ)က အစ ပြည့်တန်ဆာအထိ စောင့်ထိန်းမယ်ဆိုရင် တိုင်းပြည် နိုင်ငံတွေဟာ ကပ်ကြီး ၃ ပါးက လွတ်ကင်းပြီး မိုးလေ၀သ မှန်ကန်မယ်လို့ ဟောထားခဲ့ပါတယ်။

ဒီကနေ့ ကမ္ဘာတ၀ှန်း( မြန်မာပြည်အပါအ၀င်)မှာ ရေကြီး တောင်ပြို မိုးခေါင် ရေရှား စတဲ့ ရာသီဥတုတွေ ဖောက်ပြန် ငတ်မွတ်ခေါင်းပါး ကပ်ဘေးတွေ၊ ရောဂါပေါင်းစုံ
ကပ်ဘေးတွေအပြင် ဖမ်းဆီး သတ်ဖြတ် ညှဉ်းဆဲ စစ်ပွဲစတဲ့ သတ်ဖြတ်နှိပ်စက်မှု ကပ်ဘေးမျိုးစုံ ကြုံနေရချိန် ဖြစ်နေပါတယ်။

ဒီလို ဆိုးဝါးတဲ့ ကပ်ဘေးကြီးတွေက လွတ်မြောက်ရေး၊ ဥတုရာသီတွေ သဘာဝကျကျ ဖြစ်စေရေးအတွက် တော်သလင်းလပြည့် (ဂရုဓမ္မ အခါတော်နေ့) မှာ ဂရုဓမ္မ သီလ (ခေါ်) ငါးပါးသီလမြတ်တွေကို အောက်ခြေ ပြည်သူကအစ အစိုးရမင်းတွေအထိ အားလုံးက စောင့်ထိန်းနိုင်ကြစေရေး နှိုးဆော်လိုက်ရပါတယ်။ ။

မောင်တူး

ကိုးကား

၁။ မြန်မာ့ဆယ့်နှစ်လအကြောင်း (မောင်ထင်)

၂။ ဆယ့်နှစ်လရာသီ ပန်းများနှင့်ပွဲတော်များ (ခင်မျိုးချစ်၊ ဂျူနီယာဝင်း)

၃။ ၂၀၁၄ ခုနှစ် စက်တင်ဘာလ ၈ ရက်၊ မြန်မာသက္ကရာဇ် ၁၃၇၆ ခုနှစ်၊ တော်သလင်းလပြည့်နေ့ထုတ် စံတော်ချိန် သတင်းစာပါ တော်သလင်း လပြည့် သို့မဟုတ် ဂရုဓမ္မအခါတော်နေ့ ဆောင်းပါး (ဦးကြိုင်မြင့်-ဆူးလေ)

၎။ မြန်မာ့စွယ်စုံကျမ်း (စာပေဗိမာန်)

၅။ တတိယမြန်မာနိူင်ငံကိုတည်ထောင်ခဲ့သူ အလောင်းမင်းတရားဦးအောင်ဇေယျ (တင်ထွေး)

by DVB

Original link - http://burmese.dvb.no/archives/113839

Read More »

Friday, June 19, 2015

ရှမ်းပြည် တောင်ပိုင်းက သဘာဝ အလှတရား (ဓာတ်ပုံ)




ရှမ်းပြည် တောင်ပိုင်း ပင်လောင်း မြို့အနီး နေပြည်တော်-ပင်လောင်း - တောင်ကြီး လမ်းမှ ၄ မိုင် အကွာ စင်ဆင့်ရွာ အနီးရှိ မဖျက်ဆီး ခံရသေးတဲ့ စင်ဆင့် ရေထွက် ၇ ဆင့် ရေတံခွန်ရဲ့ သဘာဝ အလှတရား။

ဓာတ်ပုံ – အာကာမင်း
















DVB by ဒီဗွီဘီ

Original link - http://burmese.dvb.no/archives/98480

Read More »