နိုင်ငံတကာနှင့် ပြည်တွင်းသတင်း၊ နည်းပညာ၊ ဆော့ဝဲလ်နှင့် ဗဟုသုတများ

အားပေးကြတဲ့မိတ်ဆွေများ

Showing posts with label နိုင်ငံသမိုင်း. Show all posts
Showing posts with label နိုင်ငံသမိုင်း. Show all posts

Tuesday, August 08, 2017

သမိုင်းဝင် ဓာတ်ပုံထဲက ဒေါ်ခင်သီတာထွန်းနှင့် တွေ့ဆုံခြင်း


ရန်ကုန် ပြည်သူ့ ဆေးရုံကြီးတွင် ပထမဆုံး မိန့်ခွန်း ပြောကြား နေသော ဒေါ်အောင်ဆန်း စုကြည်ကို ခြံရံ၍ တွေ့ရသော စာရေးဆရာ မောင်သော်က၊ ရုပ်ရှင် မင်းသမီး ခင်သီတာထွန်း ဓာတ်ပုံ − ဆန်နီညိမ်း


ရှစ်လေးလုံး အရေးတော်ပုံ ကာလ သမိုင်း မှတ်တမ်း များတွင် ထင်ရှားသော ဓာတ်ပုံ မှတ်တမ်းများ အနက် ရန်ကုန် ဆေးရုံကြီး ရှေ့တွင် ဒေါ်အောင်ဆန်း စုကြည်နှင့် အတူ စာရေးဆရာ မောင်သော်က၊ သရုပ်ဆောင် ခင်သီတာထွန်း တို့နှင့် အတူ မတ်တတ်ရပ်၍ တစ်နေရာ သို့ လှမ်းမျှော်ကြည့်နေသည့် အဖြူ အမည်း ဓာတ်ပုံလည်း ပါဝင်သည်။

အဆိုပါဓာတ်ပုံတွင် ပါဝင်သူ သုံးဦးအနက် ဆရာမောင်သော်က သည် ကွယ်လွန် ခဲ့ပြီဖြစ်ပြီး ဒေါ်အောင်ဆန်း စုကြည်သည် လက်ရှိတွင် နိုင်ငံတော်၏ အတိုင်ပင်ခံ ပုဂ္ဂိုလ် အဖြစ် တိုင်းပြည်ကို ဦးဆောင်နေသည်။ ရုပ်ရှင်မရိုက် ကူးတော့သော သရုပ်ဆောင် ခင်သီတာထွန်းအား ရှစ်လေးလုံး အရေးတော်ပုံ ကာလ အမှတ်တရ များကို 7Day Daily က မေးမြန်း ခဲ့သည်များမှ ပြန်လည်ဖော်ပြ အပ်ပါသည်။

ရှစ်လေးလုံးအရေးတော်ပုံကာလ သမိုင်းဝင် ဓာတ်ပုံတစ်ပုံဖြစ်တဲ့ ဒေါ်အောင်ဆန်းစုကြည်၊ စာရေးဆရာ မောင်သော်ကတို့နဲ့အတူ တွဲရပ်နေတဲ့ အန်တီရဲ့ ဓာတ်ပုံနဲ့ ပတ်သက်လို့ ဒီနေ့အရေးတော် ပုံကာလ ၂၉ နှစ်ပြည့်ချိန်မှာ အမှတ်တရတစ်ခုခုလောက် ပြောကြားပေးပါလား။

၂၄.၈.၈၈။ အဲဒီနေ့က ကျွန်မအသက်(၃၂)နှစ်ပြည့်တဲ့နေ့ပေါ့။ တိုက်တိုက်ဆိုင်ဆိုင် အန်တီစုနဲ့အ တူတူ တွဲပြီးတော့ မှတ်တမ်းအ ဖြစ်နဲ့ တိုင်းပြည်ရဲ့တစ်ထောင့် တစ်နေရာကနေ အရေးကြီးတဲ့အ ချိန်မှာ ပါဝင်ခွင့်ရခဲ့တာ အထူးပဲ ဝမ်းသာပါတယ်။ ကျွန်မ ၂၄.၈.၅၆မှာ မွေးတာ။ အဲဒီနေ့က (၃၂)နှစ် ပြည့်တဲ့နေ့မှာ၊ တိုက် တိုက်ဆိုင် ဆိုင် အရေးကြီးတဲ့နေ့မှာ အန်တီ စုနဲ့ ပါဝင်ဆင်နွှဲခွင့်ရခဲ့တယ်။ အဲဒါ ကို အထူးပဲ ဝမ်းသာဂုဏ်ယူမိပါ တယ်။

အဲဒီတုန်းက ဒေါ်အောင်ဆန်းစု ကြည်ကို ဘယ်လိုဝန်းရံဖြစ်ခဲ့တာ ပါလဲ။

အဲဒါက ကျွန်မတို့ရုပ်ရှင်အ ဖွဲ့တွေက ဘားလမ်းမှာ လက်မှတ် ထိုးကြမယ်။ သီဟတင်စိုးတို့မိသားစုရဲ့ထုတ်လုပ်ရေး၊ စံပယ်ဦးတို့၊ ဘားလမ်းထဲက နှစ်နေရာမှာ လက်မှတ်ထိုးကြမယ်ပေါ့။ နောက် တော့ ကျွန်မက မသွားဖြစ်ဘူး။ လက်မှတ်ကလည်း ထိုးချင်တော့ တစ်လမ်းတည်းနေတဲ့ မင်းသား ကြီး လေးလေး ဦးထွန်းဝေနဲ့က ရုပ်ရှင်က သုံးလေးငါးကားရိုက် နေပြီ။ ခင်နေတော့ လေးလေး သမီးလက်မှတ်ထိုးဖို့ရှိတယ်လို့ ပြောတော့ အဲဒီနေ့ကို သူလာခေါ် မယ်ပေါ့။ မြန်မာပီပီသသလေး ဝတ်စားပြီး စောင့်နေတဲ့။ တစ်ဖက် က သူတို့က စီစဉ်ထားတာပေါ့။

အန်တီစုအတွက်လည်း အဆင် ပြေအောင် သူတို့က တစ်ဖက်က အန်တီစုနဲ့ အစည်းအဝေးတွေ လုပ်ကြပြီးတော့ စီစဉ်ပေးတာပေါ့ လေ။ မနက်ကျတော့ လေးလေး ဦးထွန်းဝေခေါ်တော့ ဘားလမ်းအ ရင်မရောက်ဘဲနဲ့ အန်တီစုနဲ့ ရန် ကုန်ဆေးရုံကြီးကို ရောက်သွား တယ်။ အဲဒါပြီးတော့မှ အန်တီစု အိမ်ကို ပြန်ရောက်သွားကြပြန် ရော။

အဲဒါပြီးမှ ကျွန်မက ဘား လမ်း(လက်မှတ်ထိုးမယ့်နေရာ)ကို ပြန်ရောက်သွားတာ။ ဘား လမ်းမှာ ကိုဇာဂနာနဲ့တွေ့လို့ တောင် စကားပြောဖြစ်သေး တယ်။ သူ့ကိုတောင် နောက်လိုက်သေးတယ်။ အသံကြီးက အရမ်း ကျယ်တာပဲနော်လို့။ အဲဒါဆိုရင် တော့ မလွယ်ဘူးထင်တယ်။ နည်း နည်းတိုးလိုက်မှ ရမယ်ဆိုပြီး နောက်လိုက်သေးတယ်။

အဲဒါနဲ့ ဘားလမ်းမှာ စင်ရှိတော့ စင်ပေါ် တက်ပြီးတော့ စည်းကမ်းရှိမှပဲ ကိုယ်လိုချင်တဲ့ တိုင်းပြည်ဖြစ် မယ်။ စည်းကမ်းမရှိလို့ကတော့ မဖြစ်ဘူး။ အဲဒီစကားကို ကျွန်မ လည်း သဘောကျတယ်။ ဦးဝင်း ငြိမ်းက နောက်သေးတယ်။ အမေစုသမ္မတဖြစ်ရင် ပြန်ကြားရေးဝန် ကြီးခန့်မယ်တဲ့။ ပြီးတော့ ကျွန်မ က ဘားလမ်းကနေ တစ်လမ်း ကျော်ကို သွားပြီး စင်ပေါ်တက် လိုက်သေးတယ်။

အဲဒီနေ့က အဲဒါပြီးတော့ ပြန်လာတယ်။ ၂၆ မနက်မှာ ရွှေတိဂုံကို ထပ်ခေါ်တော့ ဦး ဝင်းငြိမ်းနောက်ထားတာရှိတော့ ဘာရာထူးမှ မလိုချင်ဘူး။ ဘာမှ လည်း နားမလည်ပါဘူး။ အောက် ကနေပဲ အားပေးမယ်ဆိုပြီး ပြော လိုက်တယ်။ ကျွန်မက မြို့နယ် ခန်းမရှေ့ကနေ လမ်းလျှောက် မယ်ဆိုတော့ အရင်လိုပဲ သူ့ဘေး ကနေ ဝန်းရံဖို့ခေါ်တာပေါ့။ ဝန်းမ ရံတော့ လေးလေးဦးထွန်းဝေပဲ ရပ်ဖြစ်လိုက်တယ်။ ကျွန်မက အောက်ကရွှံ့တောထဲမှာ ထိုင်ပြီး အားပေးခဲ့ကြတယ်။ မှတ်မိသ လောက် ပါတဲ့ အနုပညာရှင်တွေ က မိတ်ကပ်စိုးစိုးတို့၊ အန်တီပွင့် လည်း ပါတယ်။ ကျန်တဲ့သူတွေ လည်း ပါမယ်။ သိပ်မမှတ်မိတော့ ဘူး။ ၂၄ ရက်နေ့ကလည်း အရေး ပါတဲ့နေ့၊ ၂၆ ရက်နေ့ကတော့ လူ အုပ်အများကြီးနဲ့ပွဲကြီးပေါ့။ အဲဒါ က ဒုတိယအကြိမ်မြောက် အကြီး ကျယ်ဆုံး စပြီး ဟောပြောတဲ့ပွဲ ပေါ့။

ဒေါ်အောင်ဆန်းစုကြည်နဲ့ အဲဒီ နောက်ပိုင်းမှာကော အဆက်အ သွယ်ရှိခဲ့သေးလား။

မရှိခဲ့ဘူး။ မရှိခဲ့ဘဲနဲ့ ၂၀၁၃ ဆီးဂိမ်းပွဲတော်မှာ ကျွန်မတို့က မြန်မာနိုင်ငံ မြင်းစီးအားကစားအ ဖွဲ့ချုပ် မြင်းစီး အားကစား ပြိုင်ပွဲကို အန်တီစုက လာပြီး အားပေး တယ်။ အဲဒီကျမှ ဒုတိယ အကြိမ် ပြန်တွေ့ ဖြစ်တယ်။ အဲဒါပြီးတော့ မတွေ့ ဖြစ်သေးဘူး။

လက်ရှိ ဒေါ်အောင်ဆန်းစုကြည် ဦးဆောင်နေတဲ့ မြန်မာ့နိုင်ငံရေး အပေါ်မှာ အန်တီဘယ်လိုသုံးသပ် ထင်မြင်ပါသလဲ။

နိုင်ငံရေးက တိုင်းရင်းသား အားလုံးကလည်း ကိုယ့်လူမျိုး ကိုယ်စွဲလမ်းနေကြတယ်။ အဲဒီ တော့ ညှိလို့က သိပ်မရဘူးဖြစ်နေ တာပေါ့။ မလွယ်တာကိုလည်း တတ်နိုင်သလောက် ထိန်းနေ တယ်။ လူတွေကလည်း စည်း ကမ်းက မရှိဘူး။ သည်းခံနိုင်တဲ့သူ က သည်းခံနိုင်တယ်။ သည်းမခံ နိုင်တဲ့သူက သည်းမခံနိုင်ဘူး။ မငြိမ်းချမ်းဘူးဖြစ်နေတာပေါ့နော်။

သူ (ဒေါ်အောင်ဆန်းစုကြည်) လည်း ငြိမ်းချမ်းစေချင်တယ်။ ကျွန်မတို့အားလုံးလည်း လွတ်မြောက် စေချင်တယ်။ ဒါပေမဲ့ အဖြစ်ဆိုး တွေက များနေသလားလို့။ ဒါပေ မဲ့ တဖြည်းဖြည်းနဲ့ ကြိုးစားရင်း ကြိုးစားရင်းနဲ့ ပြေလည်သွားမယ် လို့ ထင်ပါတယ်။ မကြိုးစားရင် တော့ မပြေလည်ဘူးပေါ့။

တကယ်လို့ ဒေါ်အောင်ဆန်းစု ကြည်ကိုသာ ပြန်လည်ဝန်းရံကူညီ ခွင့်ရမယ်ဆိုရင် ဘယ်နေရာ၊ ဘယ်ကဏ္ဍကနေ ကူညီချင်ပါသ လဲ။

အမေစုက ကျွန်မကို အိမ် ထောင်ရှင်၊ နောက်ပြီးတော့ အိမ် မှာ သားသမီးရော၊ မြေးရောရှိ တယ်ဆိုတော့ ပြန်တွေ့တုန်းက ဘာမှ မပြောပါဘူး။ ကျန်းမာရေး ကောင်းအောင်နေတဲ့။ အဲဒါပဲ ပြောသွားတယ်။ သူက ကျေနပ် သွားပြီလေ။ အခု ဒီမိုကရေစီရုပ် ရှင်ပွဲတော်လုပ်ကြမယ်လို့ ကြား တယ်။ အန်တီတို့ အနုပညာ သမား ကတော့ ပွဲတော်မှာ ပါဝင်ဖို့ လောက်ပဲ တာဝန်ရှိတယ်ပေါ့။ အဲဒီမှာ အခွင့်ရမယ်ဆိုရင် နိုင်တဲ့ ဘက်က တာဝန်ထမ်းချင်ပါ တယ်။

ရှစ်လေးလုံးအရေးတော်ပုံကြီး အ ခုလို (၂၉)နှစ်ပြည့်မြောက်လာတဲ့ အပေါ်မှာ အန်တီရဲ့အမှတ်တရ ခံစားချက်ရှိရင် သိလိုပါတယ်။

ကျွန်မရဲ့ အရေးကြီးတဲ့ ပုဂ္ဂိုလ်(ဒေါ်အောင်ဆန်းစုကြည်) နဲ့ တွဲဖြစ်တဲ့ အချိန်လေးမှာ ပုံလေးက အမှတ်တရအမြဲရှိနေတော့ လည်း ဒါလေးကိုတော့ ဂုဏ်ယူမိ ပါတယ်။ အတိတ်ဟောင်းတွေက အတိတ်ကိုပဲ နာကြည်းဖော်ထုတ် နေမှာမဟုတ်ဘူး။ အကုန်လုံးက ခံစားမှုစိတ်ဒုက္ခတွေပဲ ရောက်နေ လိမ့်မယ်။ အရှေ့ကို လန်းလန်း ဆန်းဆန်းနဲ့ ညီညီညွတ်ညွတ်အား လုံးပညာရှင်အချင်းချင်း လက်တွဲ ကြ၊ တစ်ယောက်နဲ့ တစ်ယောက် မုဒိတာပွားဖို့က အရေးကြီးပါ တယ်။ တိုင်းရင်းသားအချင်းချင်း၊ လူအချင်းချင်း၊ မြန်မာအချင်းချင်း ရောပေါ့။ အဲဒီဟာ ငြိမ်းချမ်းရေးကို ပဲ ဖြစ်စေချင်တာပါ။ ကျန်တာ အတိတ်တွေလည်း သိပ်သဘော မကျဘူး။ ကောင်းတဲ့ အတိတ် ဆိုရင်တော့ သဘောကျတယ်။ မကောင်းတာကျတော့ ဂရုမစိုက်တော့ဘူး။

ကျေးဇူးတင်ပါတယ်။


From : 7 day daily news - By: ခင်ဆွေသက်

Originally published at - http://www.7daydaily.com/story/104011


Read More »

Tuesday, June 20, 2017

နှင်းဆီနီ တော်လှန်ရေး (ရုပ်သံ မှတ်တမ်း)




၁၉၈၈ ခုနှစ် ဒီမိုကရေစီ အရေး တော်ပုံဟာ မြန်မာပြည်ရဲ့ ဒုတိယမြောက် လွတ်လပ်ရေး တိုက်ပွဲကြီးလို့ ကြွေးကြော် ခဲ့တဲ့ လူထု ခေါင်းဆောင် ဒေါ်အောင်ဆန်း စုကြည်ဟာ နှလုံးရည်နဲ့ ရေရှည် တိုက်ပွဲကို မလျှော့တဲ့ ဇွဲနဲ့ ရုန်းကန်နေသူ တစ်ယောက်ပါ။

နှင်းဆီကို ဘယ်လိုနာမည်နဲ့ ခေါ်ခေါ် နှင်းဆီဟာ သူ့ရဲ့ကိုယ်ပိုင်ရနံ့နဲ့ မွှေးမြနေမှာပါ။

ယ္ခု လူထု ခေါင်းဆောင် ဒေါ်အောင်ဆန်း စုကြည်ရဲ့ နှလုံးရည်နဲ့ တိုက်ခဲ့ရတဲ့ တိုက်ပွဲ ဗွီဒီယို မှတ်တမ်းလေးကို ကမာရွတ် မီဒီယာမှ ဖန်တီး တင်ဆက် ပေးထား ပါတယ်။

နှင်းဆီနီ တော်လှန်ရေး (အပိုင်း ၁)







နှင်းဆီနီ တော်လှန်ရေး (အပိုင်း ၂)







နှင်းဆီနီ တော်လှန်ရေး (အပိုင်း ၃)




From : Kamayut Online TV - YouTube

Originally published at - https://www.youtube.com/channel/UC54srUSa4PlMKozEyzLDX3Q


Read More »

Monday, August 08, 2016

မမေ့နိုင်သော ထိုတစ်နေ့


(ရှစ်လေးလုံး ဒီမိုကရေစီ အရေးတော်ပုံ အမှတ်တရ)

ရှစ်လေးလုံး လူထု အုံကြွမှုကြီး မပေါ်ပေါက်မှီ သီတင်း တစ်ပတ်ခန့် အလိုတွင် ချယ်ရီ မဂ္ဂဇင်း၌ ကြိုတင်ဖော်ပြ ခဲ့သည့် ကာတွန်း ဦးဖေသိန်း၏ ပုံ


(၁)

လွန်ခဲ့သော (၂၈) နှစ် ၇-၈-၈၈ (တနင်္ဂနွေ)

ကျွန်တော် စီးလာသော အင်းစိန် - ဗိုလ်တထောင် နံပါတ် (၈) ဟီးနိုးကားသည် ပြည်လမ်း ပေါ်၌ တဂျိန်းဂျိန်း တဂျောင်း ဂျောင်းပြေးနေ၏။ ပုံမှန် အိမ်စီး ကားငယ် ဆိုပါက တငြိမ့်ငြိမ့် ပြေး နေမည် ဖြစ်သော်လည်း ချုံးချုံးကျ နေသော ခရီးသည်တင် ဟီးနိုးဖြစ် ၍ ဆူညံသည့် ကားစက်သံနှင့် အတူ မှန်တံခါး ရိုက်သံများ အော် မြည် နေခြင်း
ဖြစ်သည်။

ဟီးနိုး ကားပေါ်တွင် ခရီးသည် ခုနစ် ယောက်၊ ရှစ်ယောက် မျှသာ ပါ သဖြင့် ယာဉ်မောင်းက ဖိမောင်း နေဟန်ရှိ၏။ ခရီးသည်ဆင်းမည့် မှတ်တိုင် ကြိုမေး ထားပြီးဖြစ်၍ ဒုန်းပြေးမောင်းနေပုံလည်းရ၏။

အကြောင်းအရာ တစ်ခု ကလည်း ရှိသေးသည်။ အခြားမဟုတ်။ ရန်ကုန်တစ်မြို့လုံး တိတ်ဆိတ် ခြောက်ကပ်နေ၍ ဖြစ်မည် ထင်ပါ သည်။ ကားကို မြန်မြန်သိမ်းပြီး အိမ်ပြန် ချင်ပုံ ရသော ယာဉ်မောင်း နှင့် စပယ်ယာ တို့သည် ဗိုလ်တ ထောင်ရောက်အောင်သာ စိတ် ထက်သန် နေပုံ ရလေသည်။

ကျန် သည့်လူများကော၊ ကားပေါ်ပါ ခရီးသည်အချို့ကို ဝေ့၀ဲကြည့် လိုက်တော့ အားလုံးမျက်လုံးမှာ တစ်စုံတစ်ရာကို စိုးရိမ်ပူပန်နေ သည့်အလား သောကငွေ့ကလာ ရိုက်၏။ ကျွန်တော်လည်း အိမ် အမြန်ပြန်ရောက် ချင်ပါပြီ။ မိုး တဖွဲဖွဲရွာနေသော ပြည်လမ်းမထက် ကားများက သိသိသာသာ ရှင်းလွန်းနေ၏။

လူစည်ကားရာ ဘုန်းကြီးလမ်းအတွင်း ၀င်ရောက် လာသော်လည်း စားသောက်ဆိုင် များ၊ ဈေးဆိုင်များ အတော်လေး ရှင်းနေကြောင်း သတိထားမိပြန် သည်။

တနင်္ဂနွေရုံးပိတ်ရက်ဖြစ် ၍ လူရှင်း၊ကားရှင်းသည့် ကြားထဲ လူအများသည် စိုးရိမ်ပူပန်စိတ် အချို့ကြောင့် အိမ်ထဲမှ အိမ်ပြင် သို့ သိပ်မထွက်ကြ။

အိမ်တွင်း အောင်းနေကြဟန်ရှိပါသည်။ ရုတ်တရက် ကျွန်တော်သည်ကား ပေါ်မတက်မှီ ကမာရွတ် ဘူတာရုံ လမ်း၌ ဆုံခဲ့သော ကျောင်းက သူငယ်ချင်း တစ်စုကို သတိရ သွားသည်။

ဘာပဲဖြစ်ဖြစ်၊ ဘယ် လိုအတား အဆီးပဲရှိရှိ မနက်ဖြန် သပိတ်မှောက် ကြမည်ဟု တက် တက်ကြွကြွ ပြောနေသော သူငယ်ချင်း တစ်ယောက်၏ စကားသံကို ကြားယောင် လာပြန်သည်။

လူ ချင်းဆုံ ဆွေးနွေးပြီး လမ်းခွဲပြန် လာသော အခါ ကမာရွတ် စံရိပ် ငြိမ် ထိပ်ကစ၍ ဖြန့်ကြက်ချထား သော စစ်သံချပ်ကား (ဘရင်း ကယ်ရီယာ)နှင့် စစ်သားများ အ ပြည့် တင်ဆောင် ထားသော တီအီးကား အစိမ်းရောင် များကို မြင် ခဲ့ရ၏။

လှည်းတန်း မီးပွိုင့်က အ ဖြတ် တက္ကသိုလ် ဓမ္မာရုံ ထဲကနေ ရန်ကုန် တက္ကသိုလ်ဘက် ဆီသို့ ချိန်ရွယ်ထားသော တင့်ကားကြီး များကို မြင်လိုက် ချိန်မှာတော့ သွေးတို့ ပွက်ပွက် ဆူလာသည်။

ထိုမြင်ကွင်းသည် ယနေ့တိုင် စွဲ ထင်နေသော မြင်ကွင်း တစ်ခု လည်းဖြစ်ခဲ့သည်။ ဓမ္မာရုံတည်း ဟူသော မြင့်မြတ်သည့် ပရ၀ဏ် ထဲမှ လက်နက်ဟူ၍ တုတ်တစ် ချောင်း၊ ဓားတစ်လက်မျှ မပါသော မိမိတို့ ကျောင်းသားများဆီသို့ ပစ် မလွဲ ချိန်ထားသည့် အမြောက်ကြီး များကိုကြည့်ရင်း အသည်းက နာ လာသည်။

ကျွန်တော်သည် ရစ်ဝဲ လာသော မျက်ရည်စတို့ကို လက် မောင်းဖြင့် အသာပွတ်ရင်း အဆို ပါ ဟီးနိုးပေါ်၌ ဗလောင်ဆူဝေကာ လိုက်ပါခဲ့ရ၏။ အိမ်ပြန်ရောက် တော့ စိတ်ပူနေသော အမေနှင့် အစ်မများကို တွေ့ရသည်။

ထိုနေ့က တစ်မြို့လုံးခြောက် ကပ်နေပါသည်။

(၂)
၈.၈.၈၈(တနင်္လာ)

ထိုမနက်က မိုး သဲသဲမဲမဲ မရွာ၊ တဖွဲဖွဲသာ ရွာလျက် ရှိသော် လည်း ကောင်းကင် တစ်ခုလုံး အုံ့ ဆိုင်းညို့မှိုင်း နေပါသည်။ ရုံးပြန် ဖွင့်သည့် ရက်ဖြစ်၍ ရန်ကုန်မြို့ ထဲ ၌ ပုံမှန် အတိုင်း ပြန်လည် စည်ကားစ ပြုလာသည်။

သို့သော် လူ တို့သည် တစ်နေရာရာ၌ တစ်ခုခု ဖြစ်လိမ့်နိုး၊ ဘယ်နေရာမှ ဘာပေါ် ထွက်လာ လိမ့်နိုးဖြင့် ကျီးကြည့် ကြောင်ကြည့် ကြည့်ကြ၏။

တစ် ယောက်နှင့်တစ်ယောက် စကား တီးတိုးပြောကြ၏။ ရန်ကုန်လမ်းမ များပေါ်တွင်မူ တူညီသော မြင် ကွင်းတစ်ခုမှာ စစ်အစိမ်းရောင် များ ပြည့်နေခြင်းဖြစ်သည်။ သံ ချပ်ကာ ကားအချို့ ဘီးလှိမ့်သံနှင့် အတူ တ၀ူးဝူးမောင်းလာသော တီအီးကားတန်းများကို မပြတ် တွေ့ရသော်လည်း သည့်ထက်ပို သည့် မြင်ကွင်းတစ်ခုကိုလူအများ က ငံ့မျှော်နေကြဟန် ရှိပါသည်။

ကျွန်တော်သည် မနေ့က သူငယ်ချင်းများနှင့် တိုင်ပင်ထား သည့်နေရာသို့ မယောင်မလည် အိမ်မှ လစ်ထွက်ခဲ့သည်။ ထိုနေ ရာသည် သိမ်ဖြူလမ်းနှင့် ဗိုလ်ချုပ် လမ်းထောင့် ကျန်းမာရေးဦးစီးရုံး ရှေ့ဖြစ်သည်။

အမှန်မှာ ထိုအချိန် က ကျွန်တော်တို့လို တက္ကသိုလ် ကျောင်းသား အများ အပြားသည် တစုတဝေးတည်း စုစည်းမှု မရှိ သေး။ တစုတဝေးတည်း စုစည်းရ လောက်အောင် လည်း အခြေအ နေမပေးသေးပါ။

ကျောင်းသား အခွင့်အရေး တောင်းဆိုသော၊ ဒီမိုကရေစီရေး တောင်းဆိုသော၊ အစိုးရကို ဆန့်ကျင်သည့် တက္က သိုလ်ကျောင်းသူ၊ ကျောင်းသား အများစုသည် ဆိုင်ရာ အဖွဲ့ငယ် များဖြင့်သာ လှုပ်ရှားနေတုန်းဖြစ် ပါသည်။

မတ်လ ၁၃ ရက်ဖုန်းမော် အရေးအခင်း၊ မတ်လ ၁၅ ရက် နှင့် ၁၆ ရက်တို့တွင် ဖြစ်ပေါ်ခဲ့ သော အင်းလျားကန်ပေါင်နှင့် ကျောင်းဝင်းအတွင်း ရိုက်နှက်ဖမ်း ဆီးမှုများ၊ ဇွန်လ၌ ဖြစ်ပွားခဲ့သော မြေနီကုန်း မဟာမြိုင် အရေးအ ခင်းများကြောင့် လက်ရှိတစ်ပါတီ အစိုးရအပေါ် နာကြည်းနေသည့် ကျောင်းသူ၊ ကျောင်းသားများ သည် ဆိုင်ရာ ဆိုင်ရာ အစုအဝေး အဖွဲ့ကလေးများဖြင့် အစိုးရကို အန်တုဖက်ပြိုင်နေဆဲကာလဖြစ် သည်။

စက်မှုတက္ကသိုလ်ကျောင်း သားများ၊ ရန်ကုန်နှင့် ဗိုလ်တ ထောင်၊ ကြည့်မြင်တိုင်၊ လှိုင် တက္ကသိုလ်နယ်မြေများမှကျောင်း သားများ၊ အင်းစိန်ဂျီတီအိုင်နှင့် လမ်းမတော်
ဆေးတက္ကသိုလ်တို့ မှ ကျောင်းသူ၊ ကျောင်းသားများ သည် ကိုယ့်သက်ဆိုင်ရာ သူငယ် ချင်းအစုအဝေးလေးများဖြင့် အစိုးရကို တတ်စွမ်းသမျှ အန်တုဖက် ပြိုင်နေခြင်း
ဖြစ်သည်။

ထို့ကြောင့် ကျွန်တော်သည်လည်း တက္ကသိုလ် ကျောင်းသားတစ်ဦးပီပီ ထိုလှုပ် ရှားမှုကြီးထဲ မလွဲမသွေ ပါဝင်လာ ခြင်းဖြစ်ပါသည်။ တက္ကသိုလ် ကျောင်းများ ပိတ်လိုက် ပြီဖြစ်၍ ၈ ရက်နေ့မတိုင်မှီ နေ့များကမူ ကျောင်းသား အစုအဖွဲ့များသည် ရွှေတိဂုံ စေတီတော်ရင်ပြင်၌ စု ဝေးကာ အစိုးရ ဆန့်ကျင် လှုပ်ရှား မှုများ ကိုယ်စီဆောင်ရွက် ခဲ့ပြီးဖြစ် သည်။

ထိုကာလက ထောက်လှမ်း ရေးကို အလွန်သတိထားရသဖြင့် အဖမ်းမခံရလေအောင် မျက်နှာ ၌ အ၀တ်စည်း၊ နဖူး၌ ခွပ်ဒေါင်းပုံ ပါ အနီရောင်အ၀တ်စကို စည်း နှောင် ကြသည်။

ကျောင်းသားဆို ပါက အင်္ကျီအိတ်ကပ်ထဲ၊ ပုဆိုး ခါးပုံစထဲ ခွေလိပ်ထည့်ထားသော ခေါင်းစည်းအနီပါသည်။ လက် ကိုင်ပ၀ါကြီးကြီးတစ်ခုပါသည်။ အဓိက ဦးဆောင် လှုပ်ရှားသူ၊ တ စိုက်မတ်မတ် ခေါင်းဆောင်နေသူ အချို့ရှိသော်လည်း အားလုံး မ ချိတ်ဆက်မိသေး။ အများစုမှာ ကိုယ့်နည်းကိုယ့်ဟန်ဖြင့်သာ လှုပ် ရှားနေကြသည်။

ဤသည်မှာ ရှစ် လေးလုံး အရေးတော်ပုံကြီးမတိုင်မှီက အခင်းအကျင်းဖြစ်ပါသည်။

ထိုရက်ပိုင်းအတွင်း ထွက် လာသော ချယ်ရီ မဂ္ဂဇင်းပါ ကာ တွန်း ဦးဖေသိန်း၏ ကာတွန်းပုံက လည်း လူပြော များလျက်ရှိသည်။ သန်မာ၊သန်စွမ်းသော ယောက်ျား ကြီး တစ်ဦး ရုပ်တုက ရှစ်ဂဏန်းများ ဖြင့် တုပ်နှောင် ထားသည့် သံကြိုး ကို အားမာန် ပါပါ ဖြတ်တောက် နေသည့်ဟန်၊ အစိုးရ၏တင်းကျပ် သော စာပေစိစစ်မှုအောက်မှ လူ ထုလက်ထဲ ရောက်လာသည့် ထို ကာတွန်းအကြောင်း ပြော၍မဆုံး ကြ။

ရှေ့ပြေးနိမိတ်အဖြစ်လည်း လူတွေကယူဆနေကြသည်။ (ထို ကာတွန်းပုံကို ယခုပြန်လည်ဖော် ပြလိုက်ပါသည်။) ထိုနေ့ ထိုမနက် ကမူ လူအများသည် ဘယ်နေရာ တွင်ဘာဖြစ်လာလိမ့်နိုးဖြင့် စောင့် မျှော်နေသော်လည်း လှုပ်ရှားမှု သိသိသာသာ မတွေ့ရ၍ အချို့ စိတ်ပျက် အားလျော့လာကြသည်။

စစ်တပ်က လူမဆန်အောင် ပစ် သတ်ပြထား၍ ကြောက်သွားကြ ပြီလောဟု သို့လော သို့လော ယူဆကြသည်။ မနက်လင်းချိန်မှ နေ့မွန်းလွဲအထိ မည်သည့်အဖြစ် အပျက်မျှ ပေါ်မလာသောအခါ အေးအေးဆေးဆေး ဖြစ်သွားပြီ ဟု ယူဆသူလည်းမနည်း၊ ဘာမျှ မဖြစ်နိုင်တော့ဟု တွက်ဆကာ စိတ်ဝင်စားမှု လျော့ကျလာပြီး ဆိုင်ရာ ကိစ္စများဘက်သို့သာ အာရုံလှည့်သွားကြသည်။

(၃)

လူအများနည်းတူ ကျွန်တော် တို့လည်း ဘာလုပ်ရမှန်း မသိ။ စု ရပ်သို့သာ မနေ့က တိုင်ပင်ထား သည့် အတိုင်း ကျောင်းသားဆယ့် လေးငါးယောက် ရောက်လာကြ သည်။

နှစ်ယောက်တွဲ၊ သုံး ယောက်တွဲ မသိမသာ ဖြန့်ကြက် နေရာယူ ထားကြသည်။ အချို့ ပလက်ဖောင်းပေါ်ထိုင်လျက်၊ အချို့ကားမှတ်တိုင်မှာ၊ မည်သူမျှ မစလျှင် ကျွန်တော်တို့ အထဲက တစ်ယောက်က စမည် ဟူ၍ကား သဘောတူ ထားကြသည်။

ကျွန် တော်တို့စုရပ်သည် မြို့ထဲဒက်ထိ မကျသော်လည်း နေရာကောင်း ဖြစ်၏။ သာကေတ၊ ဒေါပုံ၊ ပုဇွန် တောင်ဘက်က လာရာလမ်းဖြစ် သလို တာမွေ၊ ကျောက်မြောင်း၊ သင်္ဃန်းကျွန်းဘက်က လူတွေ အတွက်လည်း လမ်းကျ၏။ တစ်ဖက်တွင် စည်းလုံးညီညွတ်မှု အားကောင်းသော ရေကျော်ရပ်ကွက်ရှိသည်။

တစ်ခုခုဖြစ်လျှင် ရေကျော်လမ်းတွေသည် ရှောင်၍ တိမ်း၍ အကောင်းဆုံး။ ကျန်းမာ ရေးရုံး နောက်ဘက် လမ်းသွယ်ထဲ ၀င်လိုက်ရုံဖြင့် ရေကျော် ရပ်ကွက် ထဲရောက် သွားမည်။

သို့သော် အချိန်က လင့်လာ သည်။ မနက်လင်းကတည်းက ထီးတစ်ချောင်းဖြင့် မတ်တတ် မတ်တတ် ဖြစ်နေသော လူကြီးပိုင်းများ အိမ်သို့ အလျှိုလျှိုပြန် သွားကြပြီ။

ရုံးဝန်ထမ်းအချို့၏ ‘တဟေးဟေး တဟားဟား’ နောက်ပြောင်သံ ကပင် ဗိုလ်ချုပ်လမ်းမပေါ် လျှံကျ လာ၏။ ညနေဈေးသည် အချို့ ခင်းကျင်းရောင်းချရန် လှုပ်ရှား လာ ကြသည်။

ကျွန်တော်တို့အုပ်စု ထဲက တစ်ယောက်က စတင်ဖို့ရာ မျက်ရိပ်ပြနေသည်။သို့သော်မည် သူက စ၍ ဖောက်ခွဲ ရမှန်းမသိ။ ထို စဉ် သိမ်ဖြူကုန်းပေါ်မှ ကားတွေ သူ့ထက်ငါ အလုအယက် မောင်း ဆင်းလာကြသည်။ သေချာပြီ။ တစ်ခုခုဖြစ်နေပြီ။ အပြင်းမောင်း သွားသော ဘတ်စ်ကားတစ်စီးပေါ် က စပယ်ယာက နောက်ကိုလက် ညှိုး ထိုးပြကာ ‘‘ကျောင်းသားတွေ ... ကျောင်းသားတွေ’’ဟုအော်သွား သည်။

ကျွန်တော်တို့အားလုံး မ တိုင်ပင်ရဘဲ ပလက်ဖောင်းပေါ်မှ ထကာ ပုဆိုးပြင် ၀တ်သူဝတ်၊ အိတ်ကပ်ထဲရှိ ခေါင်းစည်း နီကို ထုတ်သူကထုတ်၊ သိမ်ဖြူကုန်း ပေါ်သို့ အလျင်စလို သွားလိုသူ တစ်ဦးက ဟန်ပြင်နေ၍ အချင်း ချင်း လူစု မကွဲအောင် တစ်ယောက် နှင့်တစ်ယောက် သတိပေးရ သည်။

ထိုသို့ သတိပေးနေသည့် ကြားထဲ သူငယ်ချင်းတစ်ယောက် က ‘‘မင်းတို့ဘာလုပ်နေကြတုံး’’ ဟုပြောကာ ရုန်းထွက်ပြီး ၀ှက်ယူ လာသော ခွပ်ဒေါင်းအလံကို လွှင့် ထူလေသည်။

ဝန်းကျင်တစ်ခုလုံး ရုတ်ရုတ်သဲသဲ၊ လူသံတွေ ဝေါခနဲ ညံလာသည်။ တစ်ယောက်က ခပ်လှမ်းလှမ်းတွင် ရှိသော လှံစွပ် တပ် ဂျီ-သရီး သေနတ်ကိုင်ထား သည့် စစ်သား တစ်ဦးကို လှမ်း ကြည့်ကာ ‘‘ဒီမိုကရေစီ ရရှိရေး’’ဟု ကျယ်လောင်စွာ အော်ဟစ်လိုက် သောအခါ ကျွန်တော်တို့အားလုံး ‘‘ဒို့အရေး’’ဟု သံပြိုင် ပွင့်ထွက် သွားသည်။

တိုက်ပွဲကား စချေပြီ။

တိုက်ခန်းများဆီမှ လက်ခုပ် သံ‘တဖြောင်းဖြောင်း’ ထွက်ပေါ် လာသော အခါ ကျွန်တော်တို့ အစု အဖွဲ့လေးသည် အစိုးရ ဆန့်ကျင် ရေး ကြွေးကြော် သံများကို ညီညီ
ညွတ်ညွတ် သံပြိုင် ဟစ်ကြွေးနေ ကြပြီဖြစ်သည်။

ထိုစဉ်မှာပင် သိမ်ဖြူကုန်းဘက်၌ ကားများရှင်း သွားပြီး ခွပ်ဒေါင်း အလံများ တ လူလူ လွှင့်ထူတက် လာသော လူစု လူဝေးကြီး ဘွားခနဲ ပေါ်လာ၏။

ကျောင်းသားများ ခေါင်းဆောင် သော ထိုလူစု လူဝေးကြီးထဲ ရဟန်း သံဃာများ ပါ၏။ ရပ်ကွက်နေ ပြည်သူများ ပါ၏။ အမျိုးသမီးကြီး များ ပါလာ၏။

လက်လုပ် လက်စား များပါ၏။ လူမျိုးကွဲ တရုတ်၊ အိန္ဒိယ သားများပါ ပါလာကြ သည်။

၎င်းတို့သည် ကျယ်လောင် သောကြွေးကြော်သံများကို လက် သီးလက်မောင်းတန်းကာ အော် ဟစ်လာကြသည်။ သိမ်ဖြူကုန်း ပေါ်မှ အလုံးအရင်းဖြင့် ဆင်းလာ သော လူထုသည် ကျွန်တော်တို့ စုရပ် အနီးရှိလူများနှင့် ရောထွေး သွားကြပြီး ကြီးမားသော အင်အား စုကြီး ဖြစ်လာသည်။

မိုးကား စဲ သွားလေပြီ။ နေကလေးမပြူတပြူ လင်းလာချိန် အလွန်ကောင်းမွန် သော အခါသမယတွင် လူထု အုံ ကြွမှုကြီး ပေါ်ထွက် လာပါသည်။

ဒီမိုကရေစီ ရရှိရေး... ဒို့အရေး။
တစ်ပါတီစနစ် ဖျက်သိမ်းရေး... ဒို့အရေး။
အာဏာရှင်စနစ် ... အလိုမရှိ။
ဖက်ဆစ်ဝါဒ ... ကျဆုံးပါစေ။

ဘ၀ဂ် ညံအောင် ထွက်ပေါ် လာသော အသံတို့သည် ဗိုလ်ချုပ် အောင်ဆန်း လမ်းထိပ်၌ ခြိမ့်ခြိမ့် တုန် မြည်ဟည်းလျက် ရှိသည်။ နေအိမ် တိုက်ခန်းများဆီမှ လူအ များသည် အလျင် အမြန် လမ်းမ ပေါ် ရောက်လာကြသည်။

ရုံးဝန် ထမ်းများက အခြေအနေ အရ ပါ ၀င်ခွင့် မရသေးသော်လည်း ရုံး လုံးကျွတ် နီးပါး ထွက်လာကာ လမ်းလုံးညွှတ်မျှ လက်ခုပ်လက် ၀ါးတီး၍ ကျောင်းသားများ ဦး ဆောင်သော လူထုကြီးကို အား ပေးလေသည်။

ဝန်းကျင် တစ်ခုလုံး ဖွေးဖွေး လှုပ်လှုပ်၊ ရုတ်ရုတ် သဲသဲ၊ အသော မသတ်နိုင်သော လူအုပ် ကြီးကိုကြည့်၍ စစ်သား အချို့ ကြက်သေ သေနေကြသည်။ မနက် ပိုင်း ကတည်းက စောင့်မျှော်နေသူ များ ဘာမျှ မဖြစ်တော့ဟု ထင်နေ ချိန်မှ အံ့မခန်းဖြစ်လာ၍ တစ် ယောက်နှင့် တစ်ယောက် ဘာ ပြောရမှန်း မသိ။

အငေးသားကြည့် နေကြသည်။ ကျွန်တော်တို့သည် ဦးဆောင် ကျောင်းသား အချို့နှင့် ရင်းနှီးပြီးဖြစ်၍ အတူ ချီတက်လာ ကြသည်။ လမ်းတစ်လျှောက် စစ် သားများနှင့် စစ်ကား များကို မြင်ရ သော်လည်း ၎င်းတို့ကို မည်သို့ အ မိန့်ပေး ထားသည်မသိ၊ ပစ်လား ခတ်လား မလုပ်၍ လူစုလူဝေးကြီး မှာ အလွန် ကြီးထွား လာပါသည်။

ဒီမိုကရေစီ အရေးတော်ပုံကြီး အမှန်တကယ်ဖြစ်လာပြီဟူသော ၀မ်းသာပီတိဖြင့်အားလုံး တက် ကြွနေကြသည်။ ရင်တို့ လှိုက်ဖို နေကြသည်။

အသံများတုန်ယင် နေကြကာ အချို့ဟစ်ကြွေးရင်း မျက်ရည်ဖြိုင်ဖြိုင်ကျသည် အထိ အမြင့်မားဆုံးသော စိတ်လှုပ်ရှား မျိုးကြုံ ရပါသည်။ (၂၆)နှစ် လုံးလုံး နှိပ်စက်သတ်ဖြတ် ချုပ်ချယ် ဖိနှိပ် မှုများကို လူထုက မကြောက်မရွံ့ တော်လှန် လိုက်ခြင်း ဖြစ်ပေ သည်။

တစ်စတစ်စ များပြားလာ သော လူအုပ်ကြီးသည် ဗိုလ်ချုပ် လမ်း၊အောက်ပုဇွန်တောင်လမ်း၊ ကမ်းနားလမ်း၊ ဗိုလ်တထောင် ဘုရားလမ်း၊ ထိုမှ အနော်ရထာ (ဖရေဇာ) အတိုင်း ပြန်တက်ကာ ရန်ကုန်မြို့လယ် မြို့တော် ခန်းမ ဆီ စည်းကမ်းတကျ ချီတက်လာ ကြသည်။

စစ်သားများသည် ဤ မျှ များပြားသည့် လူထုကို မတား ဆီးကြဘဲ အငေးသားကြည့်နေကြ သည်။ နောက်မှ ပြန်သိ ရသည်မှာ ထိုသို့သော လူစု လူဝေးကြီးမျိုး သည် ရန်ကုန်မြို့တွင် တစ်နေရာ တည်း ပေါ်ထွက် လာခြင်းမဟုတ်။ မြို့အနှံ့ အလျှို အလျှို ပေါ်ထွက် လာရာ အာဏာပိုင်များ ချက်ချင်း မည်သို့ နှိမ်နင်း ရမည် မသိ ဖြစ် သွားပုံ ရသည်။

ကျွန်တော်တို့ ပူး ပေါင်းမိသော အစုအ ဖွဲ့ကြီးသည် တောင်ဥက္ကလာပ မြို့နယ်က စခဲ့ ကြောင်း နောင်မှ သိရပါသည်။ အရပ်လေးမျက်နှာမှ ချီတက်လာ သော ဒီမိုကရေစီ အရေး တောင်း ဆိုသည့် လူစု လူဝေး ကြီးများ ရန်ကုန်မြို့လယ်၌ ဆုံကြသည့် အခါ လူပင်လယ်ကြီးဖြစ်သွား သည်။

လူလှိုင်းလုံးကြီးများသည် မြို့တော်ခန်းမဆီသို့ တစ်လုံးပြီး တစ်လုံး ၀င်ရောက်ဆောင့်ပစ်ကြ သည်။ မြို့တော်ခန်းမရှေ့ ကျယ် ပြန့်သော နေရာကြီးသည် ဆန္ဒပြ တောင်း ဆိုသည့် လူလှိုင်းလုံးကြီး များဖြင့် တဒင်္ဂအတွင်း ပြည့်လျှံ သွားသည်။ နောက်ထပ်လည်း တဖွဲဖွဲရောက်လာတုန်း။

မြို့တော် ခန်းမ၀န်းကျင် လမ်းများတွင်မူ စစ်တပ်က လုံခြုံရေး အပြည့်ချ ထားသည်။ သံဆူးကြိုး အကာ များဖြင့် အထပ်ထပ်ပိတ်ဆို့ထား သလို လည်စည်းနီစစ်သားတွေက လည်း အပြည့်။ အရာရှိတွေက ဝေါ်ကီတော်ကီခေါ် စကားပြော စက်များဖြင့် သတင်းတွေ ပို့နေကြ သည်။

အဓိကမြင်တွေ့ရသည်မှာ တပ်မ(၂၂) တံဆိပ်တပ် စစ်သား ရဲဘော်များ ဖြစ်သည်။ တပ်မ (၂၂) သည် နာမည်ကြီး ဖြစ်ပြီး ကရင်ပြည်နယ်တွင် တိုက်ပွဲများ ဆင်နွှဲနေသည့် တပ်ဖြစ်၏။ယခုမူ မြို့ကြီးပေါ်ရောက်လာပြီ။ တွေ့ရ သည့် စစ်သားအများအပြားမှာ အသက်ပြည့်ပုံမရ၊ ဆယ့်လေး၊ ငါးနှစ်မျှရှိကြဦးမည်။

စစ်သား အ တော်များများသည်၎င်းတို့ ထက် ရှည်လျားသော လှံစွပ်တပ် ဂျီ-သရီး၊ ဂျီ-ဖိုးသေနတ်များကိုလွယ် ပြီး အသင့်အနေအထားဖြင့်နေရာ ယူထားကြသည်။ သို့သော် လူထု ကြီးကား ထိုစစ်သားများကို မမှု တော့ပြီ။

အရပ်ရှစ်မျက်နှာမှ ဒီမို ကရေစီအရေး တောင်းဆိုသည့် အော်သံများက သောသောညံနေ ၏။ ထိုအခိုက် တမင်းထုပ်တွေ ကားပေါ်တင်ကာ ရောက်လာကြ သည်။

တစ်စီးပြီးတစ်စီး...၊ ဆန္ဒ ပြတောင်းဆိုနေသူများကို လက် ဆင့်ကမ်းဝေငှကြသည်။ ကျောက် တံတားမြို့နယ် အတွင်းရှိ တိုက် ခန်းများ ထက်ကလည်း ထမင်း ထုပ်တွေ မပြတ်ရောက်လာသည်။ ညနေ နေရောင်သည် ဘယ်ဆီ မသိ၊ အမှောင်ထုက ချင်းနင်းဝင် ရောက်လာပါသည်။

ကျွန်တော်တို့ကျောင်းသား တစ်စုသည် သပိတ် တပ်ကြီးနှင့် တကယ်တမ်း နဖူးတွေ့ ဒူးတွေ့ ကြုံရပြီးနောက် လူစုမကွဲအောင် သတိထားနေသည့် ကြားကပင်
နှစ်ယောက်တွဲ၊ သုံးယောက်တွဲ ကွဲထွက် သွားကြသည်။

များပြား လှသော လူတွေကြားထဲ တစ် ယောက်နှင့်တစ်ယောက်ပြန်တွေ့ ဖို့ရာ မလွယ်၊အချိန်က ည ၈ နာရီ နီးလာသည်။ မြို့တော်ခန်းမထဲက လည်း တုံ့ပြန်မှု တစ်စုံ တစ်ရာ မ ထွက်ပေါ်သေး။ ဆန္ဒပြ လူအုပ်ကြီး ကား ဇွဲကောင်းကောင်းဖြင့် စခန်း ချကောင်းနေတုန်း။ ကျွန်တော်နှင့် တစ်မြို့နယ် တည်းနေ သူငယ်ချင်း တို့သည် အိမ်ပြန်ပြီး မနက်ဖြန်မှ သပိတ်ကို ဆက်လက် ဆင်နွှဲရန် ဆုံးဖြတ်လိုက်ကြသည်။

(၄)

ညက မောမောဖြင့်အိပ်ပျော် သွားသော ကျွန်တော်သည် ထို သူငယ်ချင်း ခေါင်းလောင်းကြိုး လာဆွဲမှ နိုးလေ၏။ အိမ်ပေါ်သို့အ မောတကော တက်လာသော သူ ငယ်ချင်းက ညက မိမိတို့ပြန်သွား ပြီး ညဥ့်နက်ခါမှ ဆန္ဒပြ လူအုပ် ကြီးကို မီးမောင်းထိုးကာ သေနတ် များဖြင့် ပစ်ခတ်သည့်အကြောင်း ပြောသည်။

တစ်နေ့လုံးသွေးထွက် သံယိုတစ်ခုမျှ မဖြစ်ပွားခဲ့ဘဲ ညဥ့် သန်းခေါင် လူခြေတိတ်ချိန်မှ ရက် ရက်စက်စက် ပစ်သတ်သည့် လုပ် ရပ်ကို ကြားသော အခါ ဒေါသ အ လိပ်လိပ် ထွက်ကာ သွေးများပွက် ပွက်ဆူသွားသည်။ ချက်ချင်းပင် ကျွန်တော်တို့နှစ်ယောက်ဆုံးဖြတ် လိုက်ကြသည်။ ပြီးတော့ ... လမ်း ပေါ် ထွက်လိုက်ကြသည်။

တိုက်ပွဲက ရှေ့မှာစောင့်ကြိုနေလေသည်။

From : By : ချမ်းငြိမ်း

Originally published at - http://www.7daydaily.com/story/72249

Read More »

Tuesday, July 19, 2016

ကျွန်တော်မမေ့နိုင်သော ဆယ့်ကိုးဇူလိုင်




‘ပျောက်သောသူ ရှာလျှင်တွေ့

သေသောသူ ကြာလျှင်မေ့’

ဤကား ဗမာလူမျိုးတို့ ပြောနေကျ ဆိုရိုးစကားပင် ဖြစ်သည်။

ယေဘုယျအားဖြင့် မှန်ကန်သော ဆိုရိုးစကားလည်း ဖြစ်ပါ၏။

အထူးသဖြင့် အချိန်ကာလ ကြာမြင့်လာသော် သေသောသူအား တဖြည်းဖြည်း မေ့လျော့ကာ နောက်ဆုံး လုံးလုံး သတိမရတော့သော အခြေအနေ ဖြစ်လာတတ်သည်။

ဤသို့လျှင် ယေဘုယျအားဖြင့် မှန်ကန်သော ဆိုရိုးစကားနှင့်ပတ်သက်၍ ခြွင်းချက်တော့ ရှိနေပါသည်။

ယင်းခြွင်းချက်ကား လွန်ခဲ့သော ၄၈ နှစ် ၁၉၄၇ ခုနှစ်၊ ဇူလိုင်လ ၁၉ ရက် စနေနေ့က ဖြစ်ပွားခဲ့သော ဗမာ့သမိုင်းတွင် အလွန်အရုပ်ဆိုး အကျည်းတန်ပြီး မည်သို့မှ
ဖျောက်ဖျက်ပစ်၍ မရနိုင်သည့် အစွန်းအထင်း၊ အမည်းကွက်ကြီး (သို့မဟုတ်) နိုင်ငံတော်လုပ်ကြံမှုကြီးဖြစ်ရာမှ အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် တကွ အပေါင်းပါ အာဇာနည် ခေါင်းဆောင်ကြီးများ အတုံးအရုံးနှင့် ရေတိမ်နစ် ကျဆုံးခဲ့ခြင်းသည် အချိန်ကာလ မည်မျှပင် ကြာမြင့်စေကာမူ မေ့ပျောက်၍ မရနိုင်သည့် ခြွင်းချက်ဖြစ်သည်ဟု ဆိုချင်ပါသတည်း။

အထူးသဖြင့် ၁၉-၇-၁၉၄၇ နေ့က ဖြစ်ရပ်နှင့်တကွ ယင်းဖြစ်ရပ်မတိုင်မီ တစ်လအတွင်းက ဖြစ်ရပ်များကို အနီးကပ်သိရှိခဲ့ရသူ ကျွန်တော့်အဖို့ မမေ့နိုင်ရုံမက ပြင်းစွာ နာကြည်း ကြေကွဲခြင်း၊ ယူကျုံးမရဖြစ်ခြင်း၊ ဖြေမဆည်နိုင်အောင် ပူဆွေးဝမ်းနည်းခြင်း စသော စိတ်လှုပ်ရှားမှုဒဏ်ကို နှစ်စဉ် ဇူလိုင်လ နီးကပ်လာတိုင်း အလူးအလဲ ခံစားရတတ်ပါသည်။

ဘာကြောင့် ဤသို့ဆိုရကြောင်းကိုလည်း ယခု ဆက်လက်ဖော်ပြလတ္တံ့သော အကြောင်းပြချက်များက အဖြေပေးနိုင်လိမ့်မည် ထင်ပါသည်။

၁၉၄၇ ခုနှစ် ဇူလိုင်လဆန်းတွင် ‘ဘီအိုအေ’ ခေါ် ဗြိတိသျှ စစ်တပ်ပင်မ လက်နက် ခဲယမ်း သိုလှောင်ရေး တပ်မှ ဘရင်းဂန်း၊ တော်မီဂန်း၊ စတင်းဂန်း စသော မောင်းပြန် လက်နက် များနှင့်တကွ ခဲယမ်းကျည်ဆန် အမြောက် အမြားကို ပစ္စည်းထုတ် ပုံစံတု များဖြင့် မသမာသူ တစ်စုက ထုတ်ယူ သွားကြောင်းကို Special Branch ခေါ် ရဲတပ်ဖွဲ့ ဌာနချုပ်၏ ‘သတင်း တပ်ဖွဲ့’ က သတင်းရ သဖြင့် ပြည်ထဲရေး ဝန်ကြီးမှ တစ်ဆင့် အစိုးရ အဖွဲ့ထံ သတင်းပို့ အစီရင် ခံခဲ့ပါသည်။

ထိုအချိန်က ပြည်ထဲရေးဝန်ကြီး ဦးကျော်ငြိမ်းသည် နိုင်ငံခြားခရီး ထွက်နေ၍ လယ်ယာစိုက်ပျိုးရေးဝန်ကြီး ပျော်ဘွယ် ဦးမြက ခေတ္တပြည်ထဲရေးဝန်ကြီးအဖြစ် တာဝန် ယူနေပါသည်။

ဖော်ပြပါ လက်နက်ခဲယမ်းများ လိမ်လည်ထုတ်သွားခြင်းနှင့် ပတ်သက်၍ အစိုးရအဖွဲ့က လိုအပ်သလို ဆောင်ရွက်ရန် ခေတ္တပြည်ထဲရေးဝန်ကြီးအား တာဝန်ပေး လိုက်ပါသည်။

ဝန်ကြီးဦးမြလည်း ပြည်ထဲရေးဝန်ကြီးဌာနက တိုက်ရိုက်ကွပ်ကဲသော (နောက်ပိုင်း ပြည်ထောင်စု စစ်ရဲတပ် UMP ဖြစ်လာသည်။) သောင်းကျန်းမှု နှိမ်နင်းရေးတပ်မှ တပ်စိတ် တစ်စိတ်ကို လက်နက် ခဲယမ်း အပြည့်အစုံ (မောင်းပြန်သေနတ်များ အပါအဝင်) နှင့် ဗိုလ်ချုပ်အောင်ဆန်း၏ ရုံးခန်း အပြင်ဘက်တွင် လုံခြုံရေး တာဝန်များ ချထား လိုက်သည်။

ဗိုလ်ချုပ်အောင်ဆန်း၏ သဘောထားကို သိထားသူ ဝန်ကြီးဦးမြသည် လက်နက်ကိုင်တပ်စိတ် လုံခြုံရေးအစောင့် ချထားခြင်းကို ဗိုလ်ချုပ်အား လုံးဝ အသိမပေးခဲ့ချေ။ ထို့ပြင် ကျွန်တော့်ကိုလည်း နှစ်ယောက်ချင်းတွေ့၍ ရုံးခန်းအပြင်ဘက်၌ လုံခြုံရေးတပ်စိတ် ချထားကြောင်းကို ဗိုလ်ချုပ်အား မပြောရန် မေတ္တာရပ်ခံခဲ့ပါသည်။

ကျွန်တော်ကလည်း အလိုက်သိစွာနှင့်ပင် ဦးမြအား ကတိပေးပြီး ဗိုလ်ချုပ်အား မပြောဘဲ နေလိုက်ပါသည်။

သို့ရာတွင် ကံဆိုးချင်တော့ တစ်နေ့ ဗိုလ်ချုပ်နှင့် ကျွန်တော်တို့ ရုံးဘက်လာပြီး ဗိုလ်အောင်ကျော်လမ်းဘက် တံခါးပေါက်မှ ရုံးခန်းသို့အဝင်တွင် မလှမ်းမကမ်းရှိ ဘဏ္ဍာရေးဝန်ကြီးဌာနဘက်သို့ ချိုးကွေ့သည့် ထောင့်နား၌ မောင်းပြန်သေနတ်ကိုင် ရဲဘော်သုံးလေးဦးကို ဗိုလ်ချုပ်က လှမ်းမြင်သွားပါသည်။

ချက်ချင်း ဘာမှမပြောဘဲ ဗိုလ်ချုပ်သည် ရုံးခန်းတွင်းသို့ ရောက်တော့မှ ကျွန်တော့်အား နှစ်ယောက်ချင်း ခေါ်မေးပါသည်။

‘ဟေ့ကောင်၊ ငါ့ရုံးခန်းရှေ့က လက်နက်ကိုင်ရဲဘော်တွေက ဘာလုပ်တာလဲ’

‘ပြည်ထဲရေးဝန်ကြီးက လိုအပ်တယ်ထင်လို့ လုံခြုံရေး အစောင့်ချထားတာပါ’

ကျွန်တော်က ရှင်းပြသည်ကို ဗိုလ်ချုပ်သည် သဘောကျဟန်မတူပါ။

‘မလိုပါဘူးကွာ။ ငါ့ကို ဘယ်သူကမှလည်း လုပ်ကြံမှာ မဟုတ်ပါဘူး။ ငါကလည်း မစိုးရိမ်ပါဘူး။ ငါ့ရုံးခန်းရှေ့မှာ လက်နက်ကိုင်ရဲဘော်တွေ ချထားတာကို ငါမမြင် ချင်ဘူး။ ဒီတော့ မင်းကိုယ်တိုင် ခုချက်ချင်း ပြည်ထဲရေးဝန်ကြီး ဦးမြဆီ သွားပြီး ငါက ညွှန်ကြားတယ်လို့ပြော။ ငါ့ရုံးခန်းရှေ့က လက်နက်ကိုင် ရဲဘော်တွေကို ချက်ချင်းပြန်ရုပ်ခိုင်းလိုက်။ ကဲ မင်း အခုပဲ သွားပြောပေတော့’

ဗိုလ်ချုပ်က တိကျပြတ်သားစွာ ပြောသဖြင့် ကျွန်တော်လည်း ပြည်ထဲရေးဝန်ကြီးဌာနသို့ အမြန်သွားရောက်၍ ဝန်ကြီး ပျော်ဘွယ်ဦးမြအား ဗိုလ်ချုပ်က အမိန့်ပေး လိုက်ပုံကို ပြောပြ လိုက်ပါသည်။

ဝန်ကြီးဦးမြသည် အလွန်စိတ်မကောင်းဖြစ်သွားပုံ ရပါသည်။

‘ခက်တော့တာပဲကွာ၊ ငါတို့က လုံခြုံရေးအတွက် လိုအပ်တယ်ထင်လို့ လက်နက်ကိုင်တပ်စိတ် ချပေးတာကို ဗိုလ်ချုပ်က မြင်သွားတာ ဆိုးတာပဲ၊ ဒါပေမယ့် ဘယ်တတ်နိုင် ပါ့မလဲ၊ သူ့အမိန့်ကိုလည်း တို့က မနာခံလို့ မဖြစ်ဘူး၊ ငါတော့ စိတ်မကောင်းပါဘူးကွာ’

ဤသို့ ညည်းညူရင်းနှင့်ပင် ဝန်ကြီးဦးမြသည် သက်ဆိုင်ရာသို့ တယ်လီဖုန်းဆက်၍ ဗိုလ်ချုပ်ရုံးခန်းအရှေ့မှ လက်နက်ကိုင် လုံခြုံရေးတပ်စိတ်ကို ချက်ချင်းရုပ်သိမ်းရန် အမိန့်ပေးလိုက်ရပါတော့သည်။

ထိုနေ့ညနေဘက် ရုံးမှ အိမ်သို့အပြန်တွင် ဗိုလ်ချုပ်သည် စကားများများမပြောဘဲ တစ်စုံတစ်ခုကို စဉ်းစားနေဟန်ဖြင့် ငြိမ်နေရင်းမှ ရုတ်တရက် ကောက်ကာငင်ကာ ကျွန်တော့်အား မေးခွန်းထုတ်ပါသည်။

‘ဟေ့ တို့အိမ်မှာနေတဲ့ ရဲဘော်တွေမှာ လက်နက်ရှိသလား’

‘မရှိပါဘူး။ ဗိုလ်ချုပ် သူတို့က ပြည်သူ့ရဲဘော်တွေဆိုတော့ တရားဝင် လက်နက်ကိုင်တပ်ဖွဲ့ဝင် မဟုတ်တဲ့အတွက် လက်နက်မရှိကြပါဘူး’

ကျွန်တော်က အမှန်အတိုင်း ပြောလိုက်ပါသည်။ သည်တော့မှ ဗိုလ်ချုပ်သည် သူ၏စိတ်ထဲ ဖြစ်ပေါ်ခံစားမိပုံကို ပြောပါသည်။

‘ငါကိုယ်တိုင်ကတော့ သေရမှာလည်း မကြောက်ဘူး။ ဘယ်သူကမှလည်း ငါ့ကို လုပ်ကြံမယ်မထင်ဘူး။ ဒါပေမယ့်ကွာ အိမ်မှာရှိတဲ့ ကလေးတွေအတွက်တော့ ငါစိုးရိမ် သလို ဖြစ်မိတယ်။ ဒီတော့ လိုလို မည်မည်ပေါ့ကွာ။ သက်ဆိုင်ရာကို ဒီနေ့ပဲ မင်းကိုယ်တိုင် သွားပြီး ငါကခိုင်းတယ်လို့ပြော။ သင့်တော်မယ့် လက်နက် နည်းနည်းပါးပါး ထုတ်ယူပြီး အိမ်ကရဲဘော်တွေကို ပေးထားလိုက် ဒါပဲ’

ဤသို့ အမိန့်ပေးသဖြင့် ကျွန်တော်လည်း အိမ်ပြန်ရောက်သော အခါ သက်ဆိုင်ရာနှင့် ဆက်သွယ် အစီအစဉ်လုပ်ပြီး တော်မီဂန်းတစ်လက်၊ စတင်းဂန်းတစ်လက်၊
ခြောက်လုံးပြူး နှစ်လက် တို့ကို ကျည်ဆန်များနှင့် တကွ ထုတ်ယူကာ တာဝါလိန်းလမ်း ဗိုလ်ချုပ်အိမ်တွင်နေသော ရဲဘော်များအား ပေးထား လိုက်ပါသည်။

နိုင်ငံတော်လုပ်ကြံမှုကြီး ဖြစ်ပွားခဲ့သည်မှာ ၁၉၄၇ ခုနှစ်၊ ဇူလိုင်လ ၁၉ ရက် စနေနေ့ ဖြစ်ပါသည်။

ဗိုလ်ချုပ်အောင်ဆန်း ဦးဆောင်သော အစိုးရအဖွဲ့ ဝန်ကြီးများ (ကက်ဘိနက်) အစည်းအဝေးပွဲ ကျင်းပနေခိုက် မသမာသူ လူသတ်သမား အဖွဲ့က ဝင်ရောက်လုပ်ကြံ ပစ်ခတ်ခြင်း ဖြစ်သည်။

အမှန်တော့ ယင်းဝန်ကြီးအစည်းအဝေးသည် ဇူလိုင် ၁၉ ရက် စနေနေ့တွင် ကျင်းပရန်မဟုတ်ဘဲ ‘ဇူလိုင် ၁၆ ရက် ဗုဒ္ဓဟူးနေ့’ တွင် လုပ်ရမည်ဖြစ်သည်။

ဤနေရာတွင် အစိုးရအဖွဲ့ဝင် ၀န်ကြီးများ အစည်းအဝေးအကြောင်း အနည်းငယ်ရှင်းရန် လိုပေလိမ့်မည်။

၁၉၄၆ ခု၊ စက်တင်ဘာလ ၂၆ ရက်နေ့က ဗိုလ်ချုပ်အောင်ဆန်း အစိုးရအဖွဲ့အာဏာကို လက်ခံရယူပြီးချိန်မှစ၍ ဝန်ကြီးအဖွဲ့ အစည်းအဝေးကို အပတ်စဉ် စနေနေ့ နံနက် ၁ဝ နာရီ ကျင်းပနေကျဖြစ်သည်။

ထိုအချိန်က ဂဠုန်ဦးစောသည် ဘုရင်ခံက တိုက်ရိုက်ခန့်အပ်ထားသော ဝန်ကြီးတစ်ဦးဖြစ်နေရာ သူသည်လည်း အပတ်စဉ် စနေနေ့တိုင်း ကျင်းပသော ဝန်ကြီးအဖွဲ့ အစည်းအဝေးသို့ တက်ရသည်။

သို့ရာတွင် ၁၉၄၇ ခုနှစ် ဇန်နဝါရီလ ၂၇ ရက်နေ့တွင် ဗိုလ်ချုပ်အောင်ဆန်းနှင့် ဗြိတိသျှအစိုးရတို့ သဘောတူချုပ်ဆိုသော ‘အောင်ဆန်း-အက်တလီစာချုပ်’ကို ဂဠုန်ဦးစောနှင့် သခင်ဗစိန်တို့က သဘောမတူဘဲ ကန့်ကွက် ကြသဖြင့် ဗမာပြည် ပြန်ရောက် လာသောအခါ ဦးစောနှင့် သခင်ဗစိန်တို့သည် အစိုးရအဖွဲ့ဝင် ဝန်ကြီး အဖြစ်မှ နုတ်ထွက် သွားကြရသည်။

ထို့ကြောင့် သူတို့နှစ်ဦးသည် နောက်ပိုင်း ဗိုလ်ချုပ် ဦးဆောင်သော အစိုးရအဖွဲ့ အစည်းအဝေးများသို့ မတက်ကြတော့ချေ။

ဗြိတိန်နိုင်ငံမှ ပြန်လာပြီးနောက် ဗိုလ်ချုပ်အောင်ဆန်း အပတ်စဉ်ဝန်ကြီးအဖွဲ့ (ကက်ဘိနက်) အစည်းအဝေးကို စနေနေ့ မလုပ်တော့ဘဲ ဗုဒ္ဓဟူးနေ့ ကျင်းပရန် ပြောင်းရွှေ့ သတ်မှတ်လိုက်သည်။

ယင်းအကြောင်းကို ဂဠုန်ဦးစောက မသိ။ ဝန်ကြီးအဖွဲ့ အစည်းအဝေးသည် စနေနေ့ ၁ဝ နာရီ ကျင်းပမြဲ ကျင်းပနေသည်ဟု ထင်မှတ်နေသည်။

၁၉၄၇ ခုနှစ် ဇူလိုင်လ၏ တတိယမြောက် အစည်းအဝေးကို ဇူလိုင်လ ၁၆ ရက် ဗုဒ္ဓဟူးနေ့တွင် ကျင်းပရန် သတ်မှတ်ထားပြီး ဖြစ်ရုံမက အစည်းအဝေး ဖိတ်စာများကို ဝန်ကြီးအသီးသီးထံ ဖြန့်ဝေထားပြီး ဖြစ်သည်။

သို့သော် ဇူလိုင် ၁၆ ရက် ဗုဒ္ဓဟူးနေ့တွင် တိုင်းပြုပြည်ပြုလွှတ်တော်၏ ဆပ်ကော်မတီတစ်ခုဖြစ်သော ဖွဲ့စည်းအုပ်ချုပ်ပုံ အခြေခံဥပဒေ ရေးဆွဲရေးကော်မတီ အစည်း အဝေးကျင်းပရန် ကြိုတင်သတ်မှတ်ထားပြီး ဖြစ်နေသည်။

အစည်းအဝေး နှစ်ခု တိုက်နေကြောင်းကို ကျွန်တော်က ဗိုလ်ချုပ်ထံ သတင်းပို့ တင်ပြသော အခါ ဗိုလ်ချုပ်က-

‘လွှတ်တော်ကော်မတီ အစည်းအဝေးက အရေးကြီးတယ်၊ လူကြီးတွေလည်း ပါနေတယ်၊ ဒါကြောင့် အဲဒီအစည်းအဝေးကို ဒီတိုင်းပဲထား၊ ကက်ဘိနက် အစည်း အဝေးကိုတော့ စနေနေ့ ပြောင်းလုပ်လိုက်၊ ဝန်ကြီးတွေ ဆီလည်း ဖိတ်စာသစ် ရိုက်ပြီးပေးလိုက်’ ဟု အမိန့်ပေး လိုက်ရာ ‘မမေ့နိုင်သော ဇူလိုင် ၁၉ ရက်နေ့’ တွင် အစိုးရအဖွဲ့ အစည်းအဝေး ကျင်းပဖြစ်သွားကာ နိုင်ငံတော် လုပ်ကြံမှုကြီးလည်း ဖြစ်ပွားခဲ့ရ ပါတော့သည်။

ဤသည်တို့ကား ၁၉၄၇ ခုနှစ် ဇူလိုင်လဆန်းက အမှန်တကယ်ဖြစ်ခဲ့သော ဖြစ်ရပ်များဖြစ်ရာ နောက်ပိုင်း ပြန်လည်သုံးသပ်ကြည့်သောအခါ အလွန်ဝမ်းနည်း ယူကျုံးမရ ဖြစ်စရာ ကောင်းလောက်အောင် ကံကြမ္မာ၏လှည့်စားမှု သို့မဟုတ် အလှည့်အပြောင်းများကို တွေ့ရပါသည်။

ပထမအချက်အနေဖြင့် အကယ်၍သာ ဗိုလ်ချုပ်အောင်ဆန်းက သူ၏ရုံးခန်းရှေ့မှ လက်နက်ကိုင် လုံခြုံရေးတပ်စိတ်ကို ရုပ်သိမ်းရန် အမိန့်မပေးခဲ့လျှင်။

ဇူလိုင် ၁၉ ရက်နေ့ကျတော့ လူသတ်သမားအဖွဲ့ ဗိုလ်ချုပ်တို့အား လုပ်ကြံရန် လာသောအခါ လုံခြုံရေးတပ်စိတ်နှင့် တိုက်ပွဲဖြစ်ရုံသာ ရှိမည်။ လုပ်ကြံမှုကြီးတော့ မဖြစ်နိုင်။

တိုက်ပွဲဖြစ်လျှင် လုံခြုံရေးတပ်စိတ်က လူအင်အား၊ လက်နက်အင်အား ပိုကောင်းသဖြင့် လူသတ်သမားအဖွဲ့အား တစ်ယောက်မကျန် သုတ်သင်ချေမှုန်းပစ်နိုင်မည်မှာ သေချာသည်။

အကယ်၍သာ တိုင်းပြုပြည်ပြု လွှတ်တော်ဖွဲ့စည်းပုံ အခြေခံဥပဒေရေးဆွဲရေး ကော်မတီက ဇူလိုင် ၁၆ ရက်နေ့တွင် အစည်းအဝေးကျင်းပရန် ချိန်းမထားခဲ့လျှင် ဝန်ကြီးအဖွဲ့ (ကက်ဘိနက်) အစည်းအဝေးကို ခါတိုင်း အပတ်စဉ် ကျင်းပနေကျ ဗုဒ္ဓဟူးနေ့ (ဇူလိုင် ၁၆) တွင် ကျင်းပဖြစ်မည်။

ဗုဒ္ဓဟူးနေ့တိုင်း ကျင်းပသော ဝန်ကြီးအဖွဲ့ အစည်းအဝေးအကြောင်း မသိသူ ဂဠုန်ဦးစောသည် သူ၏ လူသတ် သမား အဖွဲ့အား ဇူလိုင်လ ၁၉ ရက် စနေနေ့တွင် လွှတ်မည်ဖြစ်သည်။ သို့ဖြစ်လျှင် ဝန်ကြီးအဖွဲ့ အစည်းအဝေးမရှိ၍ လုပ်ကြံမှုကြီး ဖြစ်ပွားမည် မဟုတ်ချေ။

အကယ်၍သာ လူသတ်သမားအဖွဲ့သည် ဗိုလ်ချုပ်အား အတွင်းဝန်ရုံးတွင် မလုပ်ကြံဘဲ ဗိုလ်ချုပ်၏နေအိမ် (ဗဟန်း တာဝါလိန်း ယခု ဗိုလ်ချုပ်ပြတိုက်တည်ရှိရာ) တွင် လာရောက်လုပ်ကြံပါက သူတို့သည် ဗိုလ်ချုပ်ရှိရာ အိမ်အပေါ်ထပ်သို့ပင် တက်နိုင်မည်မဟုတ်။

ဗိုလ်ချုပ်၏အမိန့်ဖြင့် ကျွန်တော် ကိုယ်တိုင် လက်နက် တပ်ဆင်ပေးထားသော အိမ်ရှိ ရဲဘော်များနှင့် ရင်ဆိုင် တိုက်ပွဲဖြစ်မည်။ ယင်းသို့ တိုက်ပွဲဖြစ်လျှင် အိမ်မှ ပြည်သူ့ ရဲဘော်များသည် ဘီဒီအေ တပ်မတော်နှင့် ဖက်ဆစ်တော်လှန်ရေး တပ်သား ရဲဘော်များဖြစ်၍ လက်နက် ကိုင်တွယ်မှု ကျွမ်းကျင်သည့် အပြင် တိုက်ပွဲ အတွေ့အကြုံလည်း ရှိသောကြောင့် လူသတ် အဖွဲ့အား အလွယ်တကူပင် တွန်းလှန် တိုက်ခိုက် ပစ်နိုင်မည် ဖြစ်သည်။

သို့ရာတွင် လူသတ်အဖွဲ့သည် ဗိုလ်ချုပ်အိမ်သို့မလာဘဲ လက်နက်ကိုင်အစောင့်မရှိသော အတွင်းဝန်ရုံးသို့ သွားရောက် လုပ်ကြံခဲ့သည်။

ထို့ကြောင့်လည်း လုပ်ကြံမှုကြီး ဖြစ်မြောက်ခဲ့ရသည်။

ဗိုလ်ချုပ်ခမျာ ဖခင်တို့၏ ကြီးမားသော မေတ္တာ အဟုန်ကြောင့် လူမမည် ရင်သွေးငယ်များ အတွက် စိုးရိမ် မကင်းဖြစ်ကာ ‘လိုလို မည်မည်ပေါ့ကွာ’ ဆိုပြီး ကျွန်တော့်အား အိမ်မှ ရဲဘော်များအား လက်နက် တပ်ဆင်ခိုင်းခဲ့သည်။ သူ့ကိုယ်သူ အတွက်တော့ လုံးဝ မစိုးရိမ်ဘဲ ‘ငါက သေရမှာလည်း မကြောက်ဘူး၊ ဘယ်သူမှလည်း ငါ့ကို လုပ်ကြံမှာ မဟုတ်ပါဘူး’ ဟု ပြောခဲ့ ရှာသည်။

သို့သော် တကယ်ကျတော့ သူထင်သလို မဖြစ်ခဲ့။ သူချစ်မြတ်နိုးသော ရင်သွေးငယ်များ ဘာမှ မဖြစ်ဘဲ သူကိုယ်တိုင်သာ (၁၉-၇-၁၉၄၇) နေ့က မရှုမလှ ‘ရေတိမ်နစ်’ ကျဆုံးခဲ့ ရရှာသည်။

ကံတရားက ဗိုလ်ချုပ်နှင့်တကွ ကျွန်တော်တို့ နိုင်ငံသားအားလုံးကို ဒဏ်ခတ်လိုက်သလို ပြက်ရယ်ပြု လှည့်စားလိုက်ခြင်းပေလား။

ဗုဒ္ဓရှင်တော်မြတ်ဘုရား၏ အဆုံးအမအရ ကံ၊ ကံ၏အကျိုးကို ယုံကြည်ရမည်ဟု ပြန်ပြထားပါသည်။ ထို့ကြောင့် မည်သို့မှ မမေ့နိုင်သော ဇူလိုင် ၁၉ ရက် စနေနေ့က ဖြစ်ရပ်အကြောင်း ပြန်ပြောသတိရမိတိုင်း-

‘သတ္တဝါမှန်သမျှ ကံစီမံ ဖန်တီးရာသာ လိုက်နာ နာခံနေကြရသည်ပါကလား’ ဟူသော အင်္ဂုတ္တရနိကယ် အဘိဏှသုတ်တော်လာ တရားတော်သဘောအတိုင်း ဆင်ခြင်နှလုံးသွင်း၍ သံဝေဂဉာဏ် ပွားများကြရန်သာ ရှိပါတော့သတည်း။

တက္ကသိုလ်နေဝင်း

MOI ၀က်ဘ်ဆိုက်မှ ကူးယူဖော်ပြသည်။

From : ဒီဗွီဘီ

Originally published at - http://burmese.dvb.no/archives/159856

Read More »

Monday, July 18, 2016

ထာဝရ ရှင်သန်နေသော အာဇာနည် ပုဂ္ဂိုလ်များ




ဇူလိုင် မိုးသည် တဖွဲဖွဲဖြင့် စွေလျက် ရှိသည်။ လွန်ခဲ့သော ၆၉ နှစ် ဇူလိုင်လ ၁၉ ရက်နေ့ တွင်လည်း ထိုကဲ့သို့မိုး တဖွဲဖွဲ ရွာသွန်း ခဲ့သည်။ ထိုနေ့ ၁၀ နာရီ ၃၇ မိနစ် ခန့်တွင် နယ်ချဲ့ လက်ပါးစေ အကြံ ပက်စက်သူ လူတစ်စု၏ လက်ချက်ကြောင့် မြန်မာနိုင်ငံ၏အာဇာနည် ကြယ်ပွင့်များ ကြွေလွင့် ခဲ့ရသည်။

လွတ်လပ်ရေး ဗိသုကာကြီး ဗိုလ်ချုပ် အောင်ဆန်းနှင့် အတူ တိုင်းပြည် လွတ်လပ်ရေး အတွက် တိုက်ပွဲ ဝင်နေသူ အာဇာနည် ခေါင်းဆောင် ကြီးများလည်း ကျဆုံးခဲ့ ရသဖြင့် တိုင်းပြည် တစ်ခုလုံး အုတ်အုတ် ကျက်ကျက် ဖြစ်ခဲ့ ရသည်။ ပြည်သူတို့၏ မျှော်လင့်ချက် မှေးမှိန် ခဲ့ရသည်။ သို့သော် ထိုအာဇာနည် ခေါင်းဆောင်ကြီး များ၏ လမ်းစဉ် အတိုင်း ဆက်လက် အကောင် အထည် ဖော်ခဲ့သဖြင့် ၁၉၄၈ ခုနှစ် ဇန်နဝါရီလ ၄ ရက်နေ့တွင် လွတ် လပ် ရေး ရရှိ ခဲ့ပါသည်။

ငယ်စဉ် ကလေး ဘ၀က ဇူလိုင်လ ၁၉ ရက်နေ့ နံနက် ၁၀ နာရီ ၃၇ မိနစ်တွင် ရေဒီယိုမှ ဥဩဆွဲသည့် အခါ စာရေးသူတို့ မျက်ရည်ဝဲ ခဲ့ရသည်။ ဗိုလ်ချုပ်နှင့် အာဇာနည် ပုဂ္ဂိုလ်များ ကျဆုံး ခဲ့ရမှု အပေါ် မချိတင်ကဲ ဖြစ်ခဲ့ ရပါသည်။ ဗိုလ်ချုပ်သာ လုပ်ကြံ မခံရလျှင် ပြည်ထောင်စု မြန်မာနိုင်ငံ အတွင်းရှိ တိုင်းရင်းသား ပြည်သူများ အကြား စည်းလုံး ညီညွတ်မှုကို ယခုထက် ပိုမို ကျစ်လျစ်အောင် တည်ဆောက် နိုင်မည် ဖြစ်သည်။

စည်းလုံး ညီညွတ်သော တိုင်းပြည်သည် ဖွံ့ဖြိုးတိုးတက်မှု အသီးအပွင့်များ ယခုထက် ခံစားရမည် ဖြစ်သည်။ ဗိုလ်ချုပ် ကျဆုံးသွား သည်မှာ ၆၉ နှစ်ပြည့်ပြီ ဖြစ်သော်လည်း တိုင်းပြည် အတွင်း ငြိမ်းချမ်းရေး မတည်ဆောက်နိုင် သေးသည်မှာ ဝမ်းနည်းဖွယ်ရာပင် ဖြစ်သည်။

ဗိုလ်ချုပ်သည် တိုင်းရင်းသားစည်းလုံးညီညွတ်ရေးကို တဖွဖွပြောဆိုခဲ့သည်။ ထိုအာဇာနည် ပုဂ္ဂိုလ်ကြီးများ၏ စိတ်နေ စိတ်ထားနှင့် သဘောသဘာဝ၊ မျိုးချစ် စိတ်ဓာတ်နှင့် စွန့်လွှတ် စွန့်စား အနစ်နာ ခံမှုများကို မျိုးဆက် သစ်လူငယ်များ အားကျ အတုယူနိုင်ရန် ဗိုလ်ချုပ် အောင်ဆန်းအပါအဝင် အာဇာနည် ပုဂ္ဂိုလ်များ၏ ကိုယ်ရေး အတ္ထုပ္ပတ္တိများ အား အာဇာနည်နေ့ကို ဂုဏ်ပြုသော အားဖြင့် အကျဉ်းမျှ တင်ပြ သွားလို ပါသည်။

ထိုသို့တင်ပြ ရာတွင် လက်လှမ်းမှီသမျှ လေ့လာတင်ပြခြင်းဖြစ်သဖြင့် လိုအပ် ချက်ရှိနေလျှင် စာရေးသူ၏ လေ့လာအား ထုတ်မှု အားနည်းသောကြောင့်သာ ဖြစ်ပါသည်။

အာဇာနည်ခေါင်းဆောင် ဗိုလ်ချုပ်အောင်ဆန်း (၁၉၁၅-၁၉၄၇)

ဗိုလ်ချုပ်အောင်ဆန်းအား ၁၉၁၅ ခုနှစ် ဖေဖော်ဝါရီလ ၁၃ ရက်နေ့တွင် နတ်မောက်မြို့ ၌ အဘ ရှေ့နေဦးဖာနှင့် အမိ ဒေါ်စုတို့မှ မွေးဖွားခဲ့သည်။ အငယ်ဆုံးသား ဖြစ်သည်။ အစ်ကိုဖြစ်သူ “အောင်သန်း” အမည်နှင့် လိုက်ဖက်စေရန် “အောင်ဆန်း” ဟု အမည် ပေးခဲ့သည်။ ၁၉၂၂ ခုနှစ် အသက် ၇ နှစ် အရွယ်တွင် နတ်မောက်မြို့ရှိ ဆရာတော် ဦးသောဘိတ ကျောင်း၌ စတင် ပညာ ဆည်းပူး ခဲ့သည်။

၁၉၂၈ ခုနှစ် အသက် ၁၃ နှစ် အရွယ်တွင် ရေနံချောင်းမြို့ အမျိုးသား အထက်တန်း ကျောင်းသို့ ပြောင်း၍ ဆက်လက် ပညာ သင်ယူ ခဲ့သည်။ ၁၉၃၂ ခုနှစ်တွင် ထိုကျောင်း မှပင် ၁၀ တန်း စာမေးပွဲ အောင်မြင်ခဲ့ပြီး ရန်ကုန် တက္ကသိုလ်၌ ဆက်လက် ပညာ သင်ယူ ခဲ့သည်။ ၁၉၃၅-၃၆ ခုနှစ်တွင် ရန်ကုန် တက္ကသိုလ် သမဂ္ဂ အမှုဆောင် အဖွဲ့ဝင်နှင့် အိုးဝေမဂ္ဂဇင်း အယ်ဒီတာ အဖြစ် ဆောင်ရွက်ခဲ့သည်။

၁၉၃၇ ခုနှစ်တွင် ဝိဇ္ဇာတန်း အောင်မြင်ခဲ့သည်။ ရန်ကုန် တက္ကသိုလ် ပဲခူးဆောင် သဟာယနှင့် စာဖတ် အသင်း ဥက္ကဋ္ဌ အဖြစ် ဆောင်ရွက် ခဲ့သည်။ ၁၉၃၇-၃၈ ခုနှစ်တွင် တက္ကသိုလ် သမဂ္ဂ ဒုတိယ ဥက္ကဋ္ဌ အဖြစ် ဆောင်ရွက် ခဲ့သည်။ ထို့နောက် တက္ကသိုလ် သမဂ္ဂ ဥက္ကဋ္ဌနှင့် ဗမာနိုင်ငံလုံး ဆိုင်ရာ ကျောင်းသားများ သမဂ္ဂဥက္ကဋ္ဌ အဖြစ် ဆောင်
ရွက်ခဲ့ ပါသည်။

၁၉၃၈ ခုနှစ်တွင် တက္ကသိုလ် ကောင်စီဝင်အဖြစ် ရွေးချယ်ခံခဲ့ရသည့်အပြင် ဒို့ဗမာ အစည်းအရုံး အထွေထွေအတွင်းရေးမှူးအဖြစ်လည်း ဆောင်ရွက်ခဲ့ပြီး ၁၃၀၀ ပြည့် အရေးတော်ပုံကို အားပေး ကူညီခဲ့သည်။ ၁၉၄၀ ပြည့်နှစ်တွင် ဟင်္သာတခရိုင်ဝန်က ဆုတော်ငွေ ၅ ကျပ်ဖြင့် သခင်အောင် ဆန်းအား ဖမ်းဝရမ်းထုတ်ခဲ့သည်။

ဗမာ့လွတ်လပ် ရေးအတွက် ပြည်ပအကူညီရှာရန် သခင်မြတို့နှင့်အတူ ပြည်သူ့ အရေးတော်ပုံပါတီကို ဖွဲ့စည်းခဲ့သည်။ ပြည်ပတော်လှန်ရေးခေါင်းဆောင်အဖြစ် သခင်အောင်ဆန်းက တာဝန် ယူပြီး ပြည်တွင်းတော်လှန်ရေးခေါင်းဆောင်အဖြစ် သခင်မြက တာဝန်ယူခဲ့သည်။ ထိုနှစ် ဩဂုတ်လ ၈ ရက်နေ့တွင် ဟိုင်လီသင်္ဘောဖြင့် ဂျပန်နိုင်ငံသို့ လျှို့ဝှက်စွာ ထွက်ခွာခဲ့သည်။

၁၉၄၁ ခုနှစ်တွင် မြန်မာ့လွတ်လပ်ရေးအတွက် စီမံကိန်းကို ဗိုလ်ချုပ်အောင်ဆန်း ကိုယ်တိုင်ရေးဆွဲခဲ့ပြီး ထိုနှစ် မတ်လ ၃ ရက်နေ့တွင် ရုပ်ဖျက်ကာ မြန်မာနိုင်ငံသို့
ခေတ္တ ပြန်ခဲ့သည်။ မျိုးချစ် လူငယ်များကို စည်းရုံး စုဆောင်းပြီး ဂျပန်သို့ခေါ်ဆောင်ခဲ့သည်။

ထိုလူငယ်များသည် နောင်တွင် ရဲဘော် သုံးကျိပ် ဝင်များ ဖြစ်လာ ကြသည်။ ဟိုင်နန်ကျွန်းတွင် ပင်ပန်းကြီးစွာဖြင့် စစ်ပညာ သင်ယူခဲ့ကြသည်။ သခင်အောင်ဆန်း ဦးဆောင်သော ရဲဘော် သုံးကျိပ်သည် ၁၉၄၁ ခုနှစ် ဒီဇင်ဘာလ ၂၆ ရက်နေ့တွင် ထိုင်းနိုင်ငံ ဗန်ကောက် မြို့ရှိ ဦးလွန်းဖေနေအိမ်၌ လက်မောင်းသွေးဖောက် သစ္စာဆို
သောက်ပြီး ဗမာ့လွတ် လပ်ရေး တပ်မတော် (Burma Independence Army-BIA) ကို ဖွဲ့စည်း ခဲ့သည်။

၁၉၄၂ ခုနှစ်တွင် မြန်မာနိုင်ငံသို့ချီတက်ခဲ့ပြီး ထိုနှစ်မတ်လ ၈ ရက်နေ့ တွင် ရန်ကုန်ကို သိမ်းပိုက် ခဲ့သည်။ ထိုနှစ် ဇူလိုင်လတွင် ဗိုလ်မှူးကြီး ရာထူးဖြင့် ဗမာ့ တပ်မတော် စစ်သေနာပတိ အဖြစ် ဆောင်ရွက် ခဲ့သည်။ စက်တင်ဘာလ ၆ ရက်နေ့တွင် ဒေါ်ခင်ကြည် နှင့် လက်ထပ် ထိမ်းမြား ခဲ့ပါသည်။

၁၉၄၃ ခုနှစ် ဩဂုတ်လ ၁ ရက်နေ့တွင် ဒေါက်တာဘမော်အစိုးရအဖွဲ့တွင် ကာကွယ်ရေးဝန်ကြီးအဖြစ် တာဝန် ထမ်းဆောင်ခဲ့သည်။ ၁၉၄၄ ခုနှစ်တွင် ဖက်ဆစ် တိုက် ဖျက်ရေး ပြည်သူ့လွတ်လပ်ရေး အဖွဲ့ချုပ်ကြီး (ဖဆပလ)ကို လျှို့ဝှက်စွာ ဖွဲ့စည်းခဲ့သည်။

၁၉၄၅ ခုနှစ် မတ်လ ၁၇ ရက်နေ့တွင် ရန်သူကို တိုက်ခိုက်ရန် အတွက် တပ်မတော်ကို ဦးဆောင်၍ စစ်မြေပြင်သို့ ထွက်ခွာခဲ့သည်။ ထိုနှစ် မတ်လ ၂၇ ရက်နေ့တွင် ဖက်ဆစ်ဂျပန်ကို တရားဝင်စစ်ကြေညာကာ တော်လှန်တိုက်ခိုက်ခဲ့သည်။

ထို့နောက် ဩဂုတ်လ ၁၉ ရက်နေ့တွင်ပြုလုပ်သော နေသူရိန်အစည်းအဝေးကြီး၌ သဘာပတိအဖြစ် ဆောင် ရွက်၍ ဗမာ့လွတ်လပ်ရေးကို တောင်းဆိုခဲ့သည်။ ၁၉၄၆ ခုနှစ် ဇန်နဝါရီလတွင် ရွှေတိဂုံဘုရား အလယ် ပစ္စယံ၌ ကျင်းပသော ပြည်လုံးကျွတ် (ဖဆပလ)ညီလာခံက အဖွဲ့ချုပ် ဥက္ကဋ္ဌအဖြစ် တင်မြှောက်ခဲ့သည်။

ထိုနှစ် စက်တင်ဘာလ ၂၆ ရက်နေ့တွင် ဗြိတိန်ဘုရင်ခံ၏ အမှုဆောင်ကောင်စီ၌ ဒုတိယသဘာပတိအဖြစ် ဆောင်ရွက်ခဲ့သည်။ ၁၉၄၇ ခုနှစ် ဇန်နဝါရီလတွင် အင်္ဂလန် လန်ဒန်မြို့ ၌ အောင်ဆန်း- အက်တလီ စာချုပ် ချုပ်ဆိုခဲ့သည်။

ထို့နောက် ဖေဖော်ဝါရီလ ၁၂ ရက်နေ့တွင် ပင်လုံ စာချုပ် ချုပ်ဆိုနိုင်ခဲ့သည်။ ဇွန်လ ၁၆ ရက်နေ့တွင် ပြုလုပ်သော ပထမဆုံးအကြိမ် တိုင်းပြု ပြည်ပြု လွှတ်တော်၌ အချုပ် အခြာ အာဏာပိုင် သမ္မတမြန်မာ နိုင်ငံတော် ဖွဲ့စည်းရန် အဆို တင်ခဲ့သည်။

ဇူလိုင်လ ၁၃ ရက်နေ့တွင် မြို့တော်ခန်းမ၌ တိုင်းပြည်အတွက် အရေးကြီးဆုံးသောမိန့်ခွန်း မြွက်ကြား ခဲ့သည်။ ထိုမိန့်ခွန်းသည် ဗိုလ်ချုပ် အောင်ဆန်း၏ နောက်ဆုံး မိန့်ခွန်း ဖြစ်သည်။

၁၉၄၇ ခုနှစ် ဇူလိုင် ၁၉ ရက် (စနေနေ့) ၁၀ နာရီ ၃၇ မိနစ်အချိန်တွင် နယ်ချဲ့ လက်ပါးစေများ၏လက်ချက်ဖြင့် ကျဆုံးခဲ့ရပါသည်။

ဗိုလ်ချုပ် ကျဆုံးစဉ်က ဇနီးဒေါ်ခင်ကြည်နှင့် အတူ သား ဦးအောင်ဆန်းဦး၊ ဦးအောင်ဆန်းလင်း (ကွယ်လွန်)နှင့် သမီး ဒေါ်အောင်ဆန်းစုကြည်တို့ ကျန်ရစ် ခဲ့ပါသည်။

သခင်မြ (၁၈၉၇-၁၉၄၇)

သခင်မြအား ၁၈၉၇ ခုနှစ် အောက်တိုဘာလ ၇ ရက်နေ့တွင် ထုံးဘိုမြို့ ပြည် ခရိုင်၌ အဘ ဦးဘိုးချွန်နှင့် အမိ ဒေါ်သက်လယ် တို့မှ မွေးဖွား ခဲ့ပါသည်။ ငယ်စဉ်က သာယာဝတီ အေဘီအမ် ကျောင်း၌ ပညာ ဆည်းပူးခဲ့သည်။ ၁၉၁၈ ခုနှစ်တွင် ရန်ကုန် ကောလိပ်နှင့် ကာလကတ္တား တက္ကသိုလ်တို့မှ အိုင်အက်(စ်)စီ (ဓာတုဗေဒ) ဂုဏ်ထူးဖြင့် အောင်မြင် ခဲ့သည်။

၁၉၂၄ ခုနှစ်တွင် ဘီအက်(စ်)စီ (ဓာတုဗေဒ)ဂုဏ်ထူးဖြင့် အောင်မြင်ခဲ့သည်။ ၁၉၂၆ ခုနှစ်တွင် ဒေါ်ခင်ညွန့်နှင့် လက်ထပ်ခဲ့သည်။ ၁၉၃၆ ခုနှစ်တွင် သခင် တစ်ယောက်
ဖြစ်လာပြီး ၁၉၃၇ ခုနှစ်တွင် ဒို့ဗမာအစည်းအရုံးအဖွဲ့ဝင်တစ်ဦး ဖြစ်လာခဲ့သည်။

၁၉၃၉ ခုနှစ်တွင် ဖွဲ့စည်းခဲ့သော ဗမာနိုင်ငံလုံးဆိုင်ရာ တောင်သူလယ်သမား အစည်းအရုံးကြီးတွင် ဥက္ကဋ္ဌအဖြစ် တင်မြှောက်ခြင်းခံခဲ့ရသည်။ ဂျပန် ကို တော်လှန် ခဲ့ရာတွင် ပြည်သူ့ အရေးတော်ပုံ ပါတီမှ သခင်မြ ဦးဆောင် ပါဝင်ခဲ့သည်။ ၁၉၄၆ ခုနှစ် အောက်တိုဘာလတွင် ဗိုလ်ချုပ်အောင်ဆန်းခေါင်းဆောင်သော အစိုးရအဖွဲ့ ၌ ပြည်ထဲရေး ဝန်ကြီး တာဝန်ထမ်း ဆောင်ခဲ့သည်။ ၁၉၄၇ ခုနှစ် ဇူလိုင်လ ၁၉ ရက်နေ့တွင် အခြား အာဇာနည် ခေါင်းဆောင် ကြီးများနှင့် အတူ ကျဆုံး ခဲ့ပါသည်။

ဦးဘချို (၁၈၉၃-၁၉၄၇)

ဦးဘချိုအား ၁၈၉၃ ခုနှစ် ဧပြီလ ၂၃ ရက်နေ့တွင် မြောင်းမြမြို့ ၌ ဖခင် ဆေးဆရာ ကြီး ဦးဘိုးစာနှင့် မိခင်ဒေါ် မြစ်တို့မှ မွေးဖွားခဲ့ပါသည်။ ရန်ကုန် စိန်ပေါကျောင်းမှ ၁၀ တန်းအောင်မြင်ခဲ့သည်။ တက္ကသိုလ်ပညာ ဆက်လက်သင်ယူနေစဉ် မျက်စိရောဂါကြောင့် ကျောင်းမှထွက်ခဲ့ပါသည်။

၁၉၂၀ ပြည့်နှစ်တွင် ဒေါ်လှမေနှင့် လက်ထပ် ခဲ့သည်။ ၁၉၂၅ ခုနှစ်တွင် ဒီးဒုတ်ဂျာနယ် ထုတ်ဝေခဲ့သည်။ ဂျပန်ခေတ် အစိုးရ လက်ထက်တွင် အတိုင် ပင်ခံ လွှတ်တော် အမတ်အဖြစ် တာဝန် ထမ်းဆောင်ခဲ့သည်။ တိုင်းပြုပြည်ပြု လွှတ်တော်တွင် မြန်မာနိုင်ငံဖွဲ့စည်းပုံ အခြေခံဥပဒေ ရေးဆွဲရေးကော်မတီအဖွဲ့ဝင်အဖြစ် ဆောင်ရွက် ခဲ့သည်။

ဗိုလ်ချုပ်အောင်ဆန်းခေါင်းဆောင် သော လွတ်လပ်ရေးအကြိုခေတ် အစိုးရအဖွဲ့တွင် ပြန်ကြားရေးဝန်ကြီး တာဝန်ထမ်းဆောင်ခဲ့သည်။ ၁၉၄၇ ခုနှစ် ဇူလိုင်လ ၁၉ ရက် နေ့တွင် အာဇာနည်ခေါင်းဆောင်ကြီးများနှင့် အတူ ကျဆုံးခဲ့ပါသည်။ ကွယ်လွန်ချိန်တွင် ဇနီးဒေါ်လှမေနှင့် သမီးများဖြစ်ကြသည့် မခင်နု၊ မခင်ပု၊ မမေမေခင်၊ မခင်ခင်ဦး တို့ ကျန်ရစ် ခဲ့ပါသည်။

ဦးရာဇတ် (၁၈၉၈-၁၉၄၇)

ဦးရာဇတ်အား ၁၈၉၈ ခုနှစ် ဇန်နဝါရီလ ၂၀ ရက်နေ့တွင် မိတ္ထီလာမြို့ ၌ ဖခင် အငြိမ်းစား တိုက်ပိုင် အင်စပက်တော် မစ္စတာအေရာမန်နှင့် မိခင်ဒေါ် ငြိမ်းလှတို့မှ မွေးဖွား ခဲ့ပါသည်။

၁၉၁၂ ခုနှစ်တွင် မ္တလေးမြို့ ဝှက်စလီ ယောက်ျားကလေး ကျောင်းမှ တက္ကသိုလ် ဝင်တန်း အောင်မြင် ခဲ့သည်။ ၁၉၂၂ မှ ၁၉၄၁ ခုနှစ် အထိ ဗဟိုအမျိုးသား အထက်တန်း
ကျောင်းတွင် ဆရာကြီး အဖြစ် တာဝန် ထမ်းဆောင်ခဲ့သည်။

၁၉၃၈ ခုနှစ် တွင် ဒေါ်ခင်ခင်နှင့် လက်ထပ်ခဲ့သည်။ ၁၉၄၅ ခုနှစ်တွင် စစ်အတွင်းက ပိတ်ထားခဲ့ရသော အမျိုးသားကျောင်းကို ပြန်လည်ဖွင့်လှစ်ခဲ့သည်။ မြန်မာနိုင်ငံ ဖွဲ့စည်းပုံအခြေခံဥပဒေ ရေးဆွဲရေးကော်မတီအဖွဲ့ဝင်တစ်ဦးလည်း ဖြစ်သည်။ ဗိုလ်ချုပ်အောင်ဆန်း၏အစိုးရအဖွဲ့တွင် ပညာရေးနှင့် အမျိုးသားစီမံကိန်းဝန်ကြီးအဖြစ် တာဝန်ထမ်း ဆောင်ခဲ့သည်။

၁၉၄၇ ခုနှစ် ဇူလိုင်လ ၁၉ ရက်နေ့တွင် အာဇာနည်ခေါင်းဆောင်ကြီးများနှင့်အတူ ကျဆုံးခဲ့သည်။ ကွယ်လွန်ချိန်တွင် ဇနီး ဒေါ်ခင်ခင်၊ သား မောင်တင်မြင့်၊ သမီး မခင်ခင်စိန်၊ သား မောင်လှကြည်တို့ ကျန်ခဲ့သည်။

ဦးဘဝင်း (၁၉၀၁-၁၉၄၇)

ဦးဘဝင်းအား ၁၉၀၁ ခုနှစ် ဇွန်လ ၁၁ ရက်နေ့တွင် နတ်မောက်မြို့ ၌ အဘ ရှေ့နေ ဦးဖာနှင့် အမိ ဒေါ်စုတို့မှ မွေးဖွားခဲ့သည်။ သား၊ သမီး ၉ ယောက်အနက် အကြီးဆုံးသား ဖြစ်ပြီး ဗိုလ်ချုပ် အောင်ဆန်း၏အစ်ကိုကြီး ဖြစ်သည်။

၁၉၂၉ ခုနှစ်တွင် ဘီအက်(စ်)စီ (သင်္ချာ)ဂုဏ်ထူးဖြင့် အောင်မြင်ခဲ့သည်။ ရေနံချောင်းမြို့ အမျိုးသားအထက်တန်းကျောင်း တွင် ကျောင်းဆရာကြီးအဖြစ် တာဝန်ထမ်းဆောင် ခဲ့သည်။ ရေနံချောင်းမြို့ ဖဆပလ ဥက္ကဋ္ဌ အဖြစ်လည်း ဆောင်ရွက်ခဲ့သည်။

ဗိုလ်ချုပ်အောင်ဆန်း၏ လွတ်လပ်ရေးကြိုးပမ်း မှုများတွင်လည်း များစွာပါဝင်ပံ့ပိုး ကူညီဆောင်ရွက်ခဲ့သည်။ ဖွဲ့စည်းပုံအခြေခံဥပဒေ ရေးဆွဲရေးကော်မတီဝင် ဖြစ်သည်။

ဗိုလ်ချုပ်အောင်ဆန်း၏ အစိုးရအဖွဲ့တွင် ထောက်ပံ့ ရေးနှင့် ကူးသန်းရောင်းဝယ်ရေး ဝန်ကြီး တာဝန်ထမ်းဆောင်ခဲ့သည်။ ၁၉၄၇ ခုနှစ် ဇူလိုင်လ ၁၉ ရက်နေ့တွင် အာဇာနည်ခေါင်းဆောင်ကြီးများနှင့်အတူ ကျဆုံးခဲ့ပါသည်။

ကွယ်လွန်ချိန်တွင် ဇနီး ဒေါ်ခင်စော၊ သမီး မတင်လှဝင်း၊ သား မောင်စောဝင်း၊ မောင်အေး ဝင်း၊ သမီး မခင်မြဝင်း၊ သား မောင်စိန်ဝင်းနှင့် မောင်ထွေးဝင်းတို့ ကျန်ရစ် ခဲ့သည်။

မန်းဘခိုင် (၁၉၀၃-၁၉၄၇)

မန်းဘခိုင်အား ၁၉၀၃ ခုနှစ် အောက်တိုဘာလ ၂၆ ရက်နေ့တွင် ယုန်တလင်းရွာ၊ ဟင်္သာတခရိုင်၌ အဘ ယုန်တလင်းရွာသူကြီး မန်းပေကုန်းနှင့် အမိ ဒေါ်ပုတို့မှ မွေးဖွား ခဲ့သည်။ ငယ်စဉ်က ဟင်္သာတမြို့ အေဘီအမ်ကျောင်းတွင် ပညာသင်ကြားခဲ့ပါသည်။

၁၉၃၇ ခုနှစ်တွင် ပုသိမ်မြောက်ပိုင်းမှ အမတ်အဖြစ် အရွေးခံခဲ့ရသည်။ ကရင်-ဗမာ ချစ်ကြည်ရေးကို အထူးကြိုးပမ်းတည်ဆောက်ခဲ့သည်။ ဖဆပလအဖွဲ့ ကြီး၏ ဗဟိုအမှု ဆောင်အဖြစ် ဆောင်ရွက်ခဲ့သည်။

ကရင်လူငယ်များအစည်းအရုံးဥက္ကဋ္ဌအဖြစ် တင်မြှောက်ခြင်း ခံခဲ့ရသည်။ ဗိုလ်ချုပ်အောင်ဆန်းခေါင်းဆောင်သော အစိုးရအဖွဲ့တွင် စက်မှုလက်မှုနှင့် အလုပ်သမား ဝန်ကြီးတာ ဝန်ထမ်းဆောင်ခဲ့သည်။ ၁၉၄၇ ခုနှစ် ဇူလိုင်လ ၁၉ ရက်နေ့တွင် အခြားအာဇာနည် ခေါင်းဆောင်ကြီးများနှင့်အတူ ကျဆုံးခဲ့ ရသည်။

မိုင်းပွန်စော်ဘွား စဝ်စံထွန်း (၁၉၀၇-၁၉၄၇)

မိုင်းပွန်စော်ဘွား စဝ်စံထွန်းအား ၁၉၀၇ ခုနှစ် မေလ ၃၁ ရက်နေ့တွင် အဘ မိုင်းပွန်စော်ဘွားကြီး စဝ်ခွန်ထီးနှင့် မြောက်နန်းဆောင် မဟာဒေဝီ နန်းစိန်ဥ တို့မှ မွေးဖွား ခဲ့သည်။ တောင်ကြီးမြို့ရှိ ရှမ်းစော်ဘွား သားများ အထက်တန်းကျောင်းမှ ၁၀ တန်းအောင်မြင်သည်။

၁၉၂၈ ခုနှစ်တွင် စော်ဘွားအဖြစ် ဆက်ခံခဲ့သည်။ ၁၉၃၂ ခုနှစ်တွင် မိုးမိတ်စော်ဘွားကြီး၏သမီး စဝ်ခင်သောင်းနှင့် လက်ထပ်ခဲ့သည်။ ဗိုလ်ချုပ် အောင်ဆန်း၏ တိုင်းရင်း သားအားလုံးစည်းလုံးညီညွတ်မှု ကြိုးပမ်းမှုတွင် တောင်တန်း- မြန်မာ ပူးပေါင်းရေး အောင်မြင်စေရန် အတွက် စွမ်းစွမ်းတမံ ကူညီဆောင်ရွက်ခဲ့သည်။

တိုင်းပြုပြည်ပြုလွှတ်တော်တွင် ပြည်ထောင်စုနှင့် ပြည်နယ်များဆိုင်ရာ ဆပ်ကော်မတီ၊ လူနည်းစုဆိုင်ရာဆပ်ကော်မတီနှင့် ဖွဲ့စည်းပုံအခြေခံဥပဒေ ရေးဆွဲရေးကော်မတီ တို့တွင် အဖွဲ့ဝင်အဖြစ် ပါဝင်ဆောင်ရွက်ခဲ့သည်။ ဗိုလ်ချုပ်အောင်ဆန်း ဦးဆောင်သော အစိုးရအဖွဲ့တွင် အတိုင်ပင်ခံ တောင်တန်းဒေသရေးရာဝန်ကြီးအဖြစ် ခန့်အပ်ခြင်း ခံခဲ့ရ သည်။

၁၉၄၇ ခုနှစ် ဇူလိုင်လ ၁၉ ရက်နေ့ နံနက် ၁၀ နာရီ ၃၇ မိနစ်တွင် လုပ်ကြံခံရသည့် အာဇာနည်ခေါင်းဆောင်ကြီးများထဲတွင် ပါဝင်ခဲ့ပြီး ဇူလိုင်လ ၂၀ ရက်နေ့ မွန်းတည့် ၁၂ နာရီတွင် ကျဆုံးသွားခဲ့သည်။ ကွယ်လွန်ချိန်တွင် သမီး စဝ်သုနန္ဒာ၊ သား စဝ်ဆေ ဟုန်၊ စဝ်ကိုင်ဖနှင့် သမီး စဝ်မြင့်ကြည်တို့ ကျန်ရစ်ခဲ့သည်။

ဦးအုန်းမောင် (၁၉၁၃-၁၉၄၇)

ဦးအုန်းမောင်အား ၁၉၁၃ ခုနှစ် ဖေဖော်ဝါရီလ ၂ ရက်နေ့တွင် မင်းဘူးမြို့ ၌ အဘ မစ္စတာ အိပ်ခ်ျဒဗလျူတရပ်(တ်)ဝိန်းနှင့် အမိ ဒေါ်ရွှေမြင့်တို့မှ မွေးဖွားခဲ့သည်။ ၁၉၃၄ ခုနှစ်တွင် ဝိဇ္ဇာတန်းအောင်မြင် ခဲ့သည်။

၁၉၃၉ ခုနှစ်တွင် မ္တလေးမြို့ အရှေ့နယ် ပိုင်ဝန်ထောက်အဖြစ် ဆောင်ရွက်ခဲ့သည်။ ၁၉၄၇ ခုနှစ်တွင် မြစ်ကြီးနားအရေးပိုင်အဖြစ် ခန့်အပ်ခြင်းခံခဲ့ရသည်။

ဗိုလ်ချုပ်အောင်ဆန်း ဦးဆောင်သော အစိုးရအဖွဲ့တွင် လမ်းပန်းဆက်သွယ်ရေးအတွင်းဝန်အဖြစ် ခန့်အပ်ခြင်းခံခဲ့ရသည်။ ၁၉၄၇ ခုနှစ် ဇူလိုင်လ ၁၉ ရက်နေ့တွင် အာဇာနည်ခေါင်းဆောင်ကြီးများနှင့်အတူ ကျဆုံးခဲ့သည်။

ကွယ်လွန်ချိန်တွင် ဇနီးဒေါ်သိန်းကြွယ်နှင့် သား ကိုတင်မောင်သိန်း၊ ကိုကိုလှ၊ မောင်မင်းမြင့်တို့ ကျန်ရစ်ခဲ့သည်။

ရဲဘော်ကိုထွေး (၁၉၂၉-၁၉၄၇)

ရဲဘော်ကိုထွေးအား အဘ ပင်စင်စား လယ်ယာ စိုက်ပျိုးရေး ဝန်ထောက် ဦးကိုကို လေးနှင့် ဒေါ်မင်းရီတို့မှ မ္တလေးမြို့၊ တောင်မြ င့်သိပ္ပံရပ်၌ မွေးဖွား ခဲ့သည်။ န၀မတန်း အထိ ပညာ သင်ကြားခဲ့သည်။ အသက် ၁၈ နှစ် အရွယ်တွင် ပညာရေး ဝန်ကြီးဦးရာဇတ်၏ သက်တော်စောင့် အဖြစ် ခန့်အပ်ခြင်း ခံခဲ့ရသည်။ ၁၉၄၇ ခုနှစ် ဇူလိုင်လ ၁၉ ရက်နေ့ နံနက် ၁၀ နာရီ ၄၅ မိနစ်တွင် အာဇာနည်ခေါင်းဆောင်ကြီးများကို လုပ်ကြံသော မသမာသူတို့၏လက်ချက်ဖြင့်ပင် ကျဆုံးခဲ့ရပါသည်။

အာဇာနည်ခေါင်းဆောင်ကြီးများသည် တိုတောင်းလှသော သက်တမ်းကာလ အတွင်း တိုင်းပြည်နှင့် လူမျိုး အတွက် မတူညီသောတာဝန်အမျိုးမျိုးကို အသက်ပေး ထမ်း
ဆော င်ခဲ့ကြသည်။

မျိုးဆက်သစ်တို့သည် နှစ်စဉ် အာဇာနည်နေ့ရောက်ရှိမှသာ အာဇာနည်ပုဂ္ဂိုလ်ကြီးများကို သတိရတမ်းတနေခြင်းမျိုး လုပ်မနေဘဲ ထိုပုဂ္ဂိုလ် ကြီး များ၏ မျှော်မှန်းချက်များကို ရုပ်လုံးပေါ်အောင် လိုက်ပါ အကောင် အထည်ဖော် ဆောင်ရွက် ခြင်းဖြင့် အာဇာ နည်ပုဂ္ဂိုလ်ကြီးများကို ထာဝရ သတိရ နေသည့် သဘောဆောင် နေမည် ဖြစ်သည်။

လွတ်လပ်ရေးဗိသုကာ အာဇာနည် ခေါင်းဆောင်ကြီး ဗိုလ်ချုပ် အောင်ဆန်း၏ စိတ်ကူး အိပ်မက်သည် တိုင်းပြည် အတွင်း တိုင်းရင်းသား စည်းလုံး ညီညွတ်ရေး တည်ဆောက် သွားရန် ဖြစ်သည်။

ထိုစိတ်ကူး အိပ်မက်ကို လက်ရှိ အချိန်တွင် ဗိုလ်ချုပ်၏ သမီးဖြစ်သူ ဒေါ်အောင်ဆန်း စုကြည်က ဆက်လက် အကောင် အထည် ဖော်လျက် ရှိသည်။ ပြည်သူ အားလုံး သည် ပြည်ထောင်စု ငြိမ်းချမ်းရေး ညီလာခံ (၂၁) ရာစု ပင်လုံ ညီလာခံကြီး အောင်မြင်စွာ ကျင်းပ နိုင်ရေးနှင့် တိုင်းပြည် အတွင်း ထာဝရ ငြိမ်းချမ်းရေး ရရှိစေမည့် လုပ်ငန်း များတွင် ကျရာ အခန်းကဏ္ဍမှ တတ်အားသရွေ့ ပါဝင်ဆောင်ရွက်သွားသင့်ပေသည်။

အာဇာနည် ခေါင်းဆောင် ကြီးများအကြောင်းကို အာပေါင်အာရင်းသန်သန်ဖြင့် ပြောဆိုနေသည်ထက် အလုပ်နှင့် သက်သေပြ သွားရန်လည်း လိုအပ်ပါသည်။

လွတ်လပ်ရေးရရှိခဲ့သည်မှာ နှစ်ပေါင်း ၇၀ နီးပါးရှိနေပြီ ဖြစ်သော်လည်း တိုင်းရင်းသားစည်းလုံးညီညွတ်မှု မရရှိသေး သဖြင့် တိုင်းပြည်သည် တိုးတက်သင့်သလောက် မတိုးတက်ဘဲ ဖွံ့ ဖြိုးတိုးတက်မှု နောက်ကျကျန်နေရပါသည်။

ထို့ကြောင့် အာဇာနည်ခေါင်းဆောင်ကြီးများကဲ့သို့ စွမ်းဆောင်နိုင် စွမ်း မရှိသည့်တိုင်အောင် တိုင်းပြည်ဖွံ့ ဖြိုးတိုးတက်ရေးလုပ်ငန်းများ နှင့် ငြိမ်းချမ်းရေး လုပ်ငန်း စဉ်များတွင် အုတ်တစ်ချပ်သဲတစ်ပွင့်မျှ ပါဝင်ဆောင်ရွက် သွားမည်ဆိုလျှင် နိုင်ငံသားတစ်ဦး၏ တာဝန်ကျေပွန် သည်ဟု ယူဆနိုင်မည်ဖြစ်ပါသည်။

ခြုံ၍တင်ပြရလျှင် ဇူလိုင်လ ၁၉ ရက်နေ့တွင် (၆၉)နှစ်မြောက်အာဇာနည်နေ့သို့ ရောက်ရှိတော့မည် ဖြစ်သည်။ အာဇာနည်ခေါင်းဆောင်ကြီးများသည် တိုင်းပြည်နှင့် လူမျိုးအတွက် အသက်စွန့်လျက် တာဝန်ထမ်းဆောင် သွားကြသည်။

နှစ်ကာလ မည်မျှပင် ကြာညောင်းသော်လည်း ဗိုလ်ချုပ်အောင်ဆန်းနှင့်တကွ အာဇာနည်ပုဂ္ဂိုလ် ကြီးများသည် မြန်မာပြည်သူအားလုံး၏ ရင်ထဲအသည်းထဲတွင် ထာဝရ
အောက်မေ့ သတိရရှင်သန်နေဆဲပင် ဖြစ်သည်။ ထို့ကြောင့် မျိုးဆက်သစ်လူငယ်များသည် အာဇာနည်ပုဂ္ဂိုလ်ကြီးများ၏ စိတ်နေသဘောထားနှင့် စွန့်လွှတ် အနစ်နာ ခံမှု များကို အတုယူကာ တိုင်းပြည် ငြိမ်းချမ်းရေးနှင့် ဖွံ့ ဖြိုး တိုးတက်ရေး လုပ်ငန်းစဉ် များတွင် အုတ်တစ်ချပ် သဲတစ်ပွင့်မျှ ပါဝင် ထမ်းဆောင်နိုင်ကြ ပါစေဟု ဆန္ဒပြု အပ်ပါသည်။

မောင်သောင်းဝင်း (တမန်ဟောင်း)

မြန်မာနိုင်ငံပြန်ကြားရေးဝန်ကြီးဋ္ဌာန by moi

Originally published at - http://moigovnews.blogspot.com/2016/07/blog-post_27.html

Read More »

Sunday, June 05, 2016

အာဏာရှင်ကို ဖြုတ်ချရန် ကြံစည်ခဲ့သော ဗိုလ်ကြီး အုန်းကျော်မြင့်




မ-ဆ-လ ဦးနေ၀င်း အစိုးရကို တပ်မတော် လူငယ် အရာရှိများ စုစည်း ပူးပေါင်းကာ ဖြုတ်ချရန် ကြံစည်ခဲ့သော ဗိုလ်ကြီး အုန်းကျော်မြင့် ကွယ်လွန် ခဲ့သည်မှာ ယခု အခါတွင် နှစ်ပေါင်း ၃၈နှစ်ခန့် ရှိပြီ ဖြစ်ပါသည်။

ယခုခေတ် လူငယ်များသည် ဗိုလ်ကြီး အုန်းကျော်မြင့်အား သိရှိသူ နည်းပါးမည် ဖြစ်ပါသည်။ ယနေ့ လူငယ်များ သိရှိရန် အတွက် ဗိုလ်ကြီးအုန်းကျော်မြင့်၏ အာဏာရှင် စနစ်ပေါ်တွင် ဖြုတ်ချရန် အားထုတ် မှုကို ရေးထား ဖော်ပြ လိုက်ရ ပါသည်။

ကျွန်တော်သည် ကာကွယ်ရေး ဦးစီးချုပ် ဗိုလ်ချုပ်ကြီး သူရကျော်ထင် ကိုယ်ရေးအရာရှိ တာဝန်ထမ်းဆောင်စဉ် ကာလက ခင်မင်ရင်းနှီးခွင့် ရရှိခဲ့ပါသည်။

ပထမအကြိမ် ပြည်သူ့လွှတ်တော်ကို တော်လှန်ရေးကောင်စီ တစ်ဖြစ်လဲ မြန်မာ့ ဆိုရှယ်လစ်လမ်းစဉ် ပါတီ၏ ဦးဆောင်မှုဖြင့် ဖွဲ့စည်းခဲ့သော ပြည်သူ့လွှတ်တော်ကို ၁၉၇၄ ခုနှစ် မတ်လ ၂ရက်နေ့မှာ စတင်ကျင်းပခဲ့ပါသည်။

ယင်းလွှတ်တော်ကြီးတွင် နိုင်ငံတော်သမ္မတ အနေဖြင့် ဦးနေ၀င်း နိုင်ငံတော်ကောင်စီ အတွင်းရေးမှူး ဦးစန်းယု ၀န်ကြီးချုပ်အဖြစ် ဦးစိန်ဝင်း၊ ပြည်နယ်နှင့် တိုင်းမှ နိုင်ငံတော်
ကောင်စီဝင် ၁၄ဦး လွှတ်တော်အတွင်းမှ နိုင်ငံတော် ကောင်စီ ၁၄ ဦး၊ ၀န်ကြီးအဖွဲ့ဝင် ၀န်ကြီးများ၊ တရားသူကြီးအဖွဲ့၊ ပြည်သူ့ဥပဒေ အကျိုးဆောင် အဖွဲ့၊ လုပ်ငန်းစီစစ်ရေး အဖွဲ့ အစရှိသည်တို့ကို ၁၉၇၄ ဖွဲ့စည်းပုံ အခြေခံ ဥပဒေအတိုင်း ဖွဲ့စည်းခဲ့ပါသည်။

တစ်ပါတီ အာဏာရှင်စနစ် ဖြစ်သောကြောင့် ယင်းတာဝန်ပေးမှုများ အားလုံးသည် ဗဟိုဦးစီးမှု စနစ်ဖြင့် ခန့်ထားပြီး လွှတ်တော် ကိုယ်စားလှယ်များမှ ထောက်ခံခဲ့ကြပါသည်။ အရှေ့တောင်အာရှတွင် အဖွံ့ဖြိုးဆုံး နိုင်ငံမှ အဆင်းရဲဆုံး နိုင်ငံဘ၀သို့ ရောက်ရှိသွားရန် အတွက် ပထမဆုံးစခဲ့သော ခြေလှမ်းကြီး ဖြစ်သည်။

ကာကွယ်ရေး ဦးစီးချုပ်ဖြစ်သော ဗိုလ်ချုပ်ကြီး သူရတင်ဦးသည် အသက်အရွယ် အားဖြင့် ငယ်ရွယ်ပြီး ထာဝစဉ် တက်ကြွကာ တပ်မတော် တစ်ခုလုံး၏ လေးစားကြည်ညိုမှုခံရသော ပုဂ္ဂိုလ်တစ်ဦး ဖြစ်ပါသည်။

၁၉၇၄ခု နောက်ပိုင်း ဖြစ်ပေါ်ခဲ့သော အလုပ်သမား အရေးအခင်းတွင် ဆန္ဒပြရာတွင် ၀န်ကြီးချုပ် ဦးစိန်ဝင်း ကျန်းမာပါစေ။ ဗိုလ်ချုပ်ကြီး တင်းဦး ကျန်းမာပါစေ အစရှိသော ပြည်သူတို့
ကြွေးကြော်မှုသည် ဦးနေ၀င်း အတွက် ထိုပုဂ္ဂိုလ်နှစ်ဦးအား ၄င်းထက်ကျော်သွားမည်ကို စိုးရိမ်ပြီး အခွင့်အရေး ပေါ်လာသောအခါတွင် ဦးစိန်ဝင်းအား ၀န်ကြီးချုပ် ဘ၀မှ လုပ်ပိုင်ခွင့် မရှိသော နိုင်ငံတော် ကောင်စီဝင် အဖြစ်သို့၎င်း ဗိုလ်ချုပ်ကြီး သူရတင်ဦးအား အင်္ဂလန်တွင် ဆေးဝါးသွားကုသော သားနှင့် ပတ်သက်ပြီး စစ်ရုံးမှ ထောက်လှမ်းရေး အစီရင် ခံစာဖြင့်၎င်း ကာကွယ်ရေး ဦးစီးချုပ် တာဝန်မှ ရပ်စဲ ခဲ့ပါသည်။

ဆရာသမားများ၏ ပြောပြချက် အဆိုအရ ဗိုလ်ချုပ်ကြီး တစ်ဦး၏ ဇနီးသည် ၄င်းတို့ ဆောက်လုပ်သော အိမ်အတွက် နံရံကပ် မီးသီးများ မီးလုံးများ အစ ရှိသည်တို့ကို ၀ယ်ယူခြင်း သာဖြစ်ကြောင်း သိရှိရပါသည်။ သို့သော် သိုးငယ်နှင့် ၀ံပုလွေ ပုံပြင်ကဲ့သို့ ဖြစ်နေသောကြောင့် ဗိုလ်ချုပ်ကြီး တင်ဦးမှာ နုတ်ထွက်ခဲ့ရပါသည်။ အခြားအကြောင်းအရာ တစ်ခုမှာ က.က.လှမ်းညွှန်မှူးဖြစ်သော မျက်မှန်ကြီးသည် ဗိုလ်ချုပ်ကြီး တင်ဦး အပေါ်တွင် အမြင်မကြည်လင်မှုများ ရှိပါသည်။ ပြောရလျှင် အဆင်းတွင် ဘီးတပ်ပေးလိုက်ခြင်း ဖြစ်ပါသည်။

ထိုစဉ်ကာလက နိုင်ငံတော် အကြီးအကဲများ၏ ညစာစားပွဲများကို နိုင်ငံတော်အဆင့် မဟုတ်လျှင် ၁၄ အင်လျားတွင် ကျင်းပလေ့ရှိပါသည်။ ၄င်း ၁၄ အင်းယားမှာ က.က.လှမ်း၏ ပိုင်ဆိုင်မှု အောက်တွင် ရှိပါသည်။

တစ်ခုသော ညစာစားပွဲတွင် လူကြီးများ ၀ိုင်းဖွဲ့ပြီး ပြောဆိုနေသော အချိန်တွင် ဗိုလ်ကြီး အုန်းကျော်မြင့်မှ ကျွန်တော်တို့၏ ကိုယ်ရေး အရာရှိများအား အစားအသောက်များကို စားသောက်စေခဲ့ပါသည်။ ထိုသို့ စားသောက်နေသော အချိန်တွင် မျက်မှန်ကြီးသည် ၀င်ရောက်လာပြီး လူကြီးများ မစားမှီ စားသောက်သည့် အတွက် ကြိမ်းမောင်းပါတော့သည်။

သူ၏ ကြိမ်းမောင်းမှုမှာ “မင်းတို့အိတ်ဆွဲ တံခါးဖွင့်တွေ ဘာလူပါးဝတာလဲ” အစရှိသဖြင့် ကြိမ်းမောင်းခြင်း ဖြစ်ပါသည်။ တော်တော်များများမှာ ယင်းအဖြစ် အပျက်အား မေ့မေ့
ပျောက် ပျောက်ဖြစ်သော်လည်း ဗိုလ်ကြီး အုန်းကျော်မြင့်မှာ ဤကိစ္စကို အထူးပင် နာကျည်းနေကြောင်း ပြောဆိုပါသည်။

ထိုစဉ်က ဗိုလ်ချုပ်ကြီး တင်ဦးမှာ ကာကွယ်ရေး ဦးစီးချုပ်တာဝန် ထမ်းဆောင်လျက် ရှိပါသေးသည်။ ဗိုလ်ချုပ်ကြီး တင်ဦး တာဝန်မှ ရပ်စဲခံရပြီး နောက်ပိုင်းတွင် ဗိုလ်ချုပ်ကြီး သူရကျော် ထင်သည် ကာကွယ်ရေး ဦးစီးချုပ် ဖြစ်လာပါသည်။ ဗိုလ်ကြီး အုန်းကျော်မြင့်သည် တိုင်းပြည်တွင် ဖြစ်ပေါ်နေသော အခြေအနေ အရပ်ရပ်သည် တစ်ပါတီ အာဏာရှင် စနစ်ကြောင့် ကျဆုံးနေသည်ကို ထောက်ပြပြီး၊ ဗိုလ်ကြီး အုန်းကျော်မြင့်သည် ၄င်းနှင့်နီးစပ်သော တိုင်းမှူးများ၏ ကိုယ်ရေးအရာရှိများ၊ စစ်ရုံးမှ ၄င်းနှင့် ရင်းနှီးသော ဦးစီးအရာရှိများကို ရင်ဖွင့်ပါတော့သည်။

ဗိုလ်ကြီး အုန်းကျော်မြင့်၏ ကြံစည်မှုများသည် လက်တွေ့မပါသော သဘောတရား များသာ ဖြစ်ပါသည်။ ၄င်း၏ စွန့်လွှတ်မှု၊ အနစ်နာခံမှုတို့သည် နောက်ဆုံးတွင် ကြိုးစင်ပေါ်တွင် နိဂုံး ချုပ်သွား ရသည်မှာ အလွန်ကြေကွဲစရာ ကောင်းလှပါသည်။

ဗိုလ်ကြီး အုန်းကျော်မြင့်သည် ဦးနေ၀င်းအား ဖြုတ်ချရန် ကြံစည်ခြင်းသည် ၄င်း၏ကိုယ်ကျိုးအတွက် မဟုတ်ပါ။ နိုင်ငံရေး နယ်ပယ်တွင် ဗိုလ်ချုပ် တင်ဦ်း (မျက်မှန်ကြီး) အပေါ်တွင်လည်း အမြင်ကြည်လင် ရှင်းလင်းခြင်း မရှိပါ။ ထိုစဉ်ကာလက မျက်မှန်ကြီးအား ၁၁/၂ဟုခေါ်ကြပါသည်။

ပြောရလျှင် ဦးနေ၀င်း ပြီးလျှင် အာဏာအရှိဆုံး ပုဂ္ဂိုလ် အဖြစ် သတ်မှတ်ထားကြပါသည်။ အရာရာ အားလုံးသည် ၁၉၇၆ တပ်မတော်နေ့ ညစာစားပွဲတွင် ၄င်းစီစဉ် သလို ဖြစ် မလာသောအခါ ဗိုလ်ကြီးအုန်းကျော်မြင့်သည် ထိုစဉ်က လေတပ်ဦးစီးချုပ် ဗိုလ်ချုပ် စောဖြူးအား သွားရောက် တွေ့ဆုံပြီးနောက် အမေရိကန် သံအမတ် အိမ်တွင် နိုင်ငံရေး ခိုလှုံရန် ကြိုးစား ခဲ့သော်လည်း မအောင်မြင့်ခဲ့ပါ။

နောက်ဆုံးတွင် သက်ဆိုင်ရာသို့ လွှဲပြောင်းပေးခြင်း ခံလိုက်ရပါသည်။ ၁၉၆၂ မတ်လ ၂ရက် အာဏာသိမ်းပြီးသော ကာလမှစ၍ ပထမဦးဆုံးအကြိမ် ဦးနေ၀င်းအား တပ်မတော် အရာရှိငယ်များမှ အာဏာသိမ်းရန် ကြံစည်သော အမှုကြီးသည် ပထမဆုံး ပေါ်ပေါက်ခြင်း ဖြစ်ပါသည်။ ဗိုလ်ချုပ်မှူးကြီး စောမောင်ထံမှ ဗိုလ်ချုပ်ကြီး သန်းရွှေ အာဏာသိမ်းခြင်းမှာ ဒုတိယမြောက် ဖြစ်ပါသည်။

ဗိုလ်ကြီး အုန်းကျော်မြင့်နှင့် ပါဝင်ခဲ့သော အရာရှိငယ်များမှာ ဗိုလ်ကြီးဝင်းသိန်း၊ အနောက်ပိုင်းတိုင်းမှူး (ဗိုလ်ချုပ် မင်းဂေါင်၏ ကိုယ်ရေးအရာရှိ)၊ ဗိုလ်ကြီးဟန်ဇော် (မြောက်ပိုင်းတိုင်းမှူး ဗိုလ်မှူးကြီးလှဖေ၏ ကိုယ်ရေးအရာရှိ)၊ ဗိုလ်ကြီးဝင်းမောင် (အရှေ့တောင်တိုင်းမှူး ဗိုလ်မှူးကြီး ထွန်းကြည်၏ ကိုယ်ရေးအရာရှိ)၊ ဗိုလ်ကြီးဘချစ် (ဗိုလ်ချုပ်သန်းတင်၏ ကိုယ်ရေး အရာရှိ)၊ ဗိုလ်ကြီး ၀င်းထိန် (က.က.ကြည်း) ယခု NLD ပါတီ မိတ္ထီလာ လွှတ်တော် ကိုယ်စားလှယ် ဗိုလ်ကြီးစိန်သောင်း (ဗိုလ်မှူးကြီး မျိုးအောင်၏ ကိုယ်ရေးအရာရှိ)၊ ဗိုလ်ကြီးမြင့်သိန်း (ဗိုလ်ချုပ် ချစ်လှိုင်၏ ကိုယ်ရေးအရာရှိ)၊ ၄င်းဗိုလ်ကြီး မြင့်သိန်းမှ ဗိုလ်ကြီး အုန်းကျော်မြင့်၏ အကြံအစည်ကို လုံးဝ မသိဘဲ။ မေမြို့ရှိ ဗိုလ်ချုပ်ကြီး တင်ဦး၏ ကိုယ်ရေး အရာရှိဟောင်း ဗိုလ်ကြီးစံကြည်ထံသို့ OK ဆိုသော စကားကိုပြောမိ၍ တပ်မှ ထုတ်ပယ်ခံရခြင်း ဖြစ်ပါသည်။

၎င်းအပြင် စခန်းရုံးမှ ဗိုလ်မှူးစိန်မြင့် Colonel GS ဗိုလ်မှူးကြီး မောင်မောင် အစရှိသည်ဖြင့် အရာရှိများ နှင့်တကွ ဗိုလ်ချုပ်ကြီး သူရတင်ဦးတို့သည် ပြစ်မှုစီရင်ခြင်း ခံရပါသည်။

ဗိုလ်ကြီး အုန်းကျော်မြင့် နှင့် တကွ ဤအမှုကြီးတွင် ပါဝင်ခဲ့သော အရာရှိများသည် အနာဂတ် အတွက် ရာထူးတက်လမ်းများ မျှော်လင့်ချက်များစွာရှိသော ပုဂ္ဂိုလ်များ ဖြစ်ပါသည်။

သို့သော် ၄င်းတို့သည် အာဏာရှင် စနစ်ကို ဖြတ်သိမ်းရန် ကြံရွယ်ပြီး၊ ၄င်းတို့ ကိုယ်ကျိုးအတွက် မည်သည့် မျှော်လင့်ချက်မျှ မထားခဲ့ဘဲ လုပ်ဆောင်ခဲ့ကြသူများ ဖြစ်ပါသည်။

ဗိုလ်ကြီး အုန်းကျော်မြင့်နှင့်တကွ ပါဝင်ခဲ့သော အရာရှိများသည် ဗိုလ်သင်တန်း အပတ်စဉ် ၂၉၊ ၃၀၊ ၃၁ တို့မှဖြစ်၍ ၄င်းအမှတ်စဉ်မှ အရာရှိများသည် တပ်မတော် အစိုးရ လက်ထက်တွင် ၀န်ကြီးများ၊ ဗိုလ်ချုပ်များ ဒုဗိုလ်ချုပ်ကြီး အဆင့်သို့တိုင် ရောက်ခဲ့သူများ ဖြစ်ကြပါသည်။

နိုင်ငံတော်ဘက်မှကြည့်လျှင် ဥပဒေချိုးဖောက်သူများ ဖြစ်ပြီး တပ်မေတော်၏ အစဉ်အလာကိုလည်း ချိုးဖောက်သူများဟု ယူဆနိုင်ပါသည်။ မိမိအမြင်ဖြင့် မိမိ၏ လိုရာသို့ ဆွဲယူမြင်နိုင်ကြပါသည်။

ဗိုလ်ကြီး အုန်းကျော်မြင့်အား သေဒဏ်ကို အတည်ပြုသောအခါတွင် ဦးနေ၀င်မှ မှတ်တမ်းတင်ထိုက်သော စကားတစ်ခွန်းကို နိုင်ငံတော် ကောင်စီဝင်များအား ပြောကြားခဲ့ပါသည်။

၎င်းမှာ “ငါ့အနေနဲ့ ဒီကလေးကို သေဒဏ်မပေးချင်ဘူး။ ဒါပေမယ့်လည်း တပ်မတော်က ဖြစ်နေတော့ ဒါမျိုးကို ခွင့်လွှတ် လိုက်လျှင် နောင်တပ်မတော်ကို ထိန်းရခက်သွားမည်။

ငါဝမ်းနည်းစွာနဲ့ပဲ ဒီအပြစ်ဒဏ်ကို အတည်ပြုလိုက်ရတယ်” ပို၍၀မ်းနည်းဖွယ် ကောင်းသည်မှာ ဗိုလ်ကြီးအုန်းကျော်မြင့်အား ကြိုးပေးခြင်းကို သူ၏ဇနီးအား အသိမပေး ခဲ့ပါ။

ထောင်ဝင်စာ သွားတွေ့သောအခါတွင်လည်း မတွေ့ရသဖြင့် ဗိုလ်ချုပ်ကြီး ကျော်ထင်အိမ်သို့ သွားမေးရာမှ သူ၏ခင်ပွန်းကို ကြိုးပေးကွပ်မျက် သေဆုံး သွားကြောင်း သိခဲ့ရပါသည်။

အာဏာရှင် စနစ်ကို တွန်းလှန်ရဲခဲ့သော ဗိုလ်ကြီးအုန်းကျော်မြင့် ကောင်းရာသုဂတိလားပါစေ။ မြန်မာနိုင်ငံတွင် အာဏာရှင်စနစ် ချုပ်ငြိမ်းနိုင်ပါစေ။

ကိုရင်မောင်

(Tomorrow မှကူးယူဖော်ပြပါသည်။)

Originally published at - https://www.facebook.com/tomorrow.com.mm

Read More »